...كانت السآعة 8 مشيت للدار عند الواليدة قلت نشوفهآ ونرجع للدار لخرى، مشيت شفتهآ وتعشيت مع الدار قالت ليآ الواليدة را من داك النهآر وانا كنحلم حلمات خآيبين يآ إما نحلم بيك ميت ولآ مقتول واش درتي شي حاجة ؟ قلت ليهآ الواليدة راك كتعرفيني كون كانت شي حاجة كون قلتهآ لك تعشيت فطريقي وانا غآدي للدار لخرى طاحت عليآ فكرة دابا أنا عندي الكتاب وعندي كولشي قلت مع راسي داك الرعب كنشوفو حيت أنا سآحي قلت مع راسي نتبوق ونعس فعلآ داكشي لي كان طلعت تقديت من عند واحد العشير طلعت للدار أول حاجة درتهآ هي شراجم سديتهوم وسديت الباب بالقفولآ ب3 وحيدت سآروت حطيتو بعيد موهيم قبل مانتبوق قلت نقلب داك الكتاب ونعآود نجرب داك السخط جبت شمع رسمت دائرة درت ديآل طواليط قلعتهآ وحطيتهآ الوسط ودرت وسطهآ شمعة كحلة والخرين كلهم حمرين وجبت داك الحجر والكتاب الحجر حطيتو فوق المرايآ حليت الكتاب عييت مانبقشش مفهمت والو الكتاب غآمض عآمر رموز إلآ بعض الكلمات لي قدرت نقراهم (راخيتس..ساخما..خريطناس..براخيسراس) بقيت كنعآود غير هآد الكلمات لي قدرت نفهمهوم مدة 10 دقآئق والو ماوقع والو زدت عمقت كتبتهوم فيدي بقيت كنقرى والو موقع والو نضت خدمت واحد المزيكة ديآل Abigor (صحاب الميطال كيعرفوهآ) وجهدت ليهآ شوية بآش نقدر نرفع صوتي وميسمعونيش جيران يصحبوني مسطي موهيم بقيت كنرفع صوتي وكنقرا دوك الكلمات وغمضت عيني وبقيت كنقرا وكنقرا شوية تبورش لحمي غير بوحدو حسيت بشي حاجة دازت من حدايآ ودوك الكلمات لي كانطق بيهم كيتعإودو فراسي بواحد صوت غريب وانا مغمض عيني بديت كنقرا شعري تشوك (هآد لعيبة كتوقف بمجرد ماكتكون قريب من شي جن شعرك كيتشوك) موهيم بقيت كنعآود مزيكة وقفآت حليت عيني لقيت الضو ديآل شمع طفى مديت يدي للكتاب مع قستو تخنقت بحالآ شانقني شي حد شوية طلق مني داكشي لحمي كامل ضرني نضت شعلت الضو طاحت ليآ فبآلي نقرا شوية ديآل القرآن طاحت ليآ الفكرة ديآل خونا ملي قآل ليآ ماتقربش للقرآن مشيت بغيت نحلو باش نقرا تعميت مكيبان ليآ والو مشيت خديت ديك البربوقة ضربتهآ فدانون تبوقت وريحت نعس مع التأثير ديآل البربوقة والخلعة واحد العآلم بزاف ديآال بزاف كانت أحسن ليلة ليآ كنت ناعس شوية بديت كنحس بشي حاجة مع البربوقة كتسآعد على الخيآال هي راه مكتبآنش ولكن أنا مع التأثير كنشوف درية جاية كتبآن ليآ وكنقيسهآ...
فشعرهآ ووجهآ كأنهآ وآقعية هآد المرة بجودة عآلية بفعل التأثير ديال المخذر موهيم مبقيتش مخلوع منهآ هي كتقرب مني وانا كنستقبلهآ بكل عفوية نعسآت حدآيآ و (مشهد +18) الغد ليه فقت دوشت وتغديت نيشان لبست ومشيت عند سانديك باش نمشيو نشوفو ختنا فلوبيطال وفعلآ داكشي لي كان مشينا لقيناهآ بيخير رجع فيهآ الضو شوية جبناهآ للدار.. قآل ليآ سانديك بقى معآهآ عندي شي شغل خصني نقضيه...تم غآدي نضت تبعتو طلبت منو بلآ مايعيط لواليديهآ قلت ليه خلي القضية تبرد شوية...قآل ليآ خص لي يقآبلهآ بليل شكون غيرد ليهآ البآل وهي فهآد الحالة قلت ليه انا غنولي نبآت معآهآ ونوقف معآهآ قآل ليآ وتنكحهآ يآك قلت ليه الله يهديك واش بآقي شآك فيآ قآل ليآ حتى نتشآور معآهآ إلى بغآت قلت ليه صآفي قآل ليآ حتى نرجع...صآفي مشى بقيت مع ختنآ...اول حاجة سولآتني عليهآ هي الكتاب قلت ليهآ هآهوا موجود اعطيتو ليهآ سولآتني واش دخل شي واحد لبيتهآ قلت ليهآ لآ حتى واحد..قلت ليهآ كيفآش وقع لك داك نهآر قآالت ليآ تضربت بجن مسخر كنت كنقآد شي حاجة حتى تصرفقت بوحدي..موهيم بقآت كتعآود ليآ بقينا تال لعشية رجع سانديك جاب معآه شي قس (ماشي لي فالكنيسة القس الماكلة) وقآليهآ واش يبآت معآك زعما واش كتيقي فيه قآلت ليه آه غيبآت معآيآ...السآنديك مارتاحش واخآ هكاك موهيم مشى بقيت كنسولهآ على الكتاب منين جاهآ وداك تخربيق قآلت ليآ بلي صآحبتهآ لي اعطاتو ليهآ كانت مسكونة هي الأخرى وداك الكتاب كان ديآل واحد سحار لي هو جد ديك البنت المسكونة وعطاتو ليهآ وبالنسبة لداكشي لي مكتوب فيه هو تعآويد ورموز السحر شوية سولآتني على الحجر لي صورت ليكم كبيلة قآلت ليآ فينآهوا قلت ليهآ اشمن حجر نكرتهآ قلت ليهآ لآش كيصلآح قآلت ليآ راه مع الكتاب وبلي كيلمع ملي كتكون شي منطقة مسكونة نظرا لتأثير بالضوء أو الاشعة أو الذبدبات الناتجة عن تحرك شي خفي جن مثلآ..موهيم بقينا داوين تعشينآ وجآ وقت نعآس..نعسنا فبلآصة وحدة..ناعسين حتى كنسمع التقرقيب فالكوزينة وصوت بكاء شي واحد كيدوي وكيبكي منكدبش عليكم تخلعت شوية فآقت ختنا قالت ليآ مالك قلت ليهآ سمعتي شي حاجة فآلت ليآ متخآفش را ميقيسوكش ناري ملي قآلت ليإ هآد الهضرة والله بغيت نهرب قلت ليهآ واش هآدشي عآيش معآك قآلت ليآ صحابي ماصحابي كنت كنستحضرهوم ..
قآلت ليآ واش خايف قلت ليهآ لآ..نعسآت شوية كنسمع عوتاني التقرقيب والهضرة فالكوزينة كنسمع البكا ديآل شي مشة فالطواليط كنصرفق فراسي زعما يكما كنتخيل ولكن والو داكشي كيتسمع بجهد بقى داكشي كيتعآود واحد شوية وقف دازت واحد قسمين تزيرت ولكن من قوة الخلعة قلت بلآش شوية كنسمع الما مطلوق قلت لآ غير كنتخيل دازت مدة والما باقي مطلوق نضت لطواليط...دخلت شعلت الضو لقيت روبيني محلول هنا تأكدت بلي مكنتخيلش بقيت كنشوف هنا ولهيه يكما كاينة شي حاجة نسيت أصلآ علآش دخلت شوية كنشوف وجهي فالمرايآ..شوية غآدي وكنقرب للمرايآ بوجهي حتى ولآ بيني وبين المرايآ شبر بقيت كنشوف وكنشوف حسيت بشي حاجة كتجرني لديك المرايآ ونصيحة مني توصل ديك 1 ديال ليل بلآ متبقى حاضي المرايا وخإصة ديآل طواليط موهيم شي حاجة كتجرني كنبغي نحيد منبقآش نشوف فالمرايا ولكن مكنقدرش الدماغ تكوانسى شوية بديت كنشوف ديك جنية لي كتوقف عليآ فالنعآس كنشوفهآ عريانة ورايآ كنضور مكنلقآهإش كنعآود نشوف فالمرايآ كتبآن ليآ كتقيسني فوجهي كنضور مكنلقى والو ولكن داك الجسد وداك الجمال وداكشي حكمني بقيت كنشوف سهيت حتى بديت كنحل سمطة ديآل سروالي شوية تلفون كيصوني قفزت من بلآصتي مبقيتش منتابه لداكشي ومبقى كيبآن ليآ والو فالمرايا خرجت قصدت تلفون مشيت لبيت خر لقيت الواليدة كتعيط جاوبتهآ قآالت ليآ را ماقدرتش نعس وعآوتاني نفس الحلمة آولدي من نهآر مبقيتيش كتبآت معآنا قلت ليهآ مالك الواليدة قآلت ليآ جي فحالآتك راك مخبي عليآ شي حآجة قلت ليهآ الواليدة رآه ماكين والو بآيت هنا بحالآ بت معآك...قآلت ليآ قلت لك اجي هي جي متعآودش معآيآ الهضرة قلت ليهآ صبآح ونجي قآلت ليآ لآ جي دابا بآغآك دابا انا غنتسناك حتى تجي و قطعات عليا..
وقطعآت عليآ...ماعرفت ماندير واش نمشي الواليدة مانقدرش نخسر ليهآ وفنفس الوقت الدرية درت مع لآخر بلي غنرد ليهآ البال ماعرفت ماندير قلت نفيقهآ ندوي معآهآ ونقوليهآ بلي غآدي نمشي نشوف الواليدة...فعلآ داكشي لي درت مشيت فيقتهآ قلت ليهآ بلي الواليدة عيآنة خصني نمشي نشوفهآ قآلت ليآ ماشي مشكل يمكن لك تمشي قلت ليهإ انا غآندي معآيآ سوارت لآنجي نلقآك بحال داك نهآر قآلت واخآ هآنية تميت غآدي كانت الوحدة وشي صريفة خرجت سديت الباب شآد الطريق الزنقة كاتصفر...وانا فطريقي حاس بشي حاجة تابعآني وقلبي كيضرب لآ إراديآ وخصكوم تعرفو واحد القضية بلي الخوف كيستوعبو القلب قبل من الدماغ حيت كيلعب على العآطفة والقلب الضعيف لي مولف العطف...موهيم قلبي بدا يضرب وانا خايف من خيالي كنضور مكنلقى والو بديت كنزرب فالمشية شوية كنسمع صوت ديآل شي واحد كيجري ضربتهآ بدرديGة وصلت واحد البلآصة رتاحيت شوية داك الخوف تحيد تميت غآدي حتى وقفو عليآ واحد جوج شدني واحد من القبية بغى يدي ليآ تلفون بديت كندوي معآه خونا لآخر جبد مضآية (27) والغريب فالأمر ماتزريتش منو بقيت سآكت واحد شوية واحد الحجرة تخبطات حدى رجل داك خونا بحالآ شير عليه شي واحد جالس كيضور يقلب شوية بدينا كنسمعو صوت شي واحد كيجري شوية واحد الحديدة بدات كتصوني بوحدهآ وانا ساكت كنشوف فيه خونا شآف فيآ قآال ليآ معآك شي واحد قلت ليه آه قآال ليآ شكون قلت ليه حتى واحد شوية بان ليآ واحد الخيال جاي خوتنا ضربو عليه وهوما يعلقو انا مبغيتش ندير الفرطة تميت غآدي ورآهم درت راسي كندوي فتلفون وصلت واحد الضورة وانا نعلق 180 كيلومتر فالسآعة...
...وصلت واحد ضورة وانا نعلق حيت كانت زنقة وحدة طويلة جبدت عليهآ بدرديGة لقيت دوك جوج دراري كيبانو ليا ولكن مشآفونيش جاي وراهم وليت غآدي ومخبي لآيشوفوني تخبيت ورا واحد الحديدة حيت زنقة بحال باركينغ كنشوف فيهم واقفين كيهضرو كيتلفتو هنا ولهيه شوية كنسمع صوت شي واحد جاي تخبيت كنشوف ورا زاجة ديال طوموبيل بان ليآ واحد خونا طويل طالق شعرو لآبس قبية كحلة وغآدي جاي جيهة دوك خوتنا هوما مشآفوهش شوية قرب عندهوم وقفو عليه بغآو يGريسيوه وانا جاري معآهم داك خونا جبد مضاية حطهآ ليه فعنقو قآليه جبد داكشي لي عندك والو خونا سآكت مكيدويش خونا لآخر خشى يدو فجيب بغى ياخد تلفون خونا مول الشعر ضربو بواحد تصرفيقة تهز وتخبط فلآرض حق الرب الصدمة لآخر مافهم والو كيفآش هذآ مسلوت مايهز حتى كيلو بتصرفيقة.وحدة نشرو خونا لآخر مفهم والو يله بغى يعلق وهو يشدو طراكاه على الحيط قآليه شنو ندير لك دابا خونا بدا كيبرد الله يحفظك سمح ليآ ووو...قآليه أرى ديك مضآية اعطاها ليه قآليه أرى يدك مبغآش بدى يبكي ملي مبغآش يعطيه إيدو شرطو من حنكو شد ليه يدو حكمو مزيان وبدى كيشرط فيه خونا غيب لآخر علق...بقى هآداك مليوح فلآرض بان ليآ بحالآ كيجمع الدم فشي كلينيكس ولآ شي قرعة معقلتش بالضبط وبدى كيهضر بوحدو...صآفي سالآ تم غآدي راجع من نفس الطريق لي جا منهآ بقيت جاري معآه حتى ضربت عليه فوجهو هو داك خونا لي وقع ليآ معآه المشكل تصدمت تما عرفت بلي كاع داكشي لي قالو عليه صحيح حيت حGرتو فلول بقيت مخبي حتى مشى كرمت بالخلعة...دازت واحد 15 دقيقة وانا مكوانسي ماعرفت ماندير ولآخر مليوح قدامي ماعرفتو حي ولآ ميت خفت يجي شي واحد ويلصقو ليآ مونتيف وخفت نعيط لبوليس ونولي فمشاكيل شوية تلفون كيصوني وانا باقي مكوانسي بالخلعة...
...شوية تلفون كيصوني تكوانسيت جبدت تلفون قطعت كانت الواليدة هي لي كتعيط..قطعت عليهآ تميت غآدي خفت لآ يلقآني شي واحد يلصق ليآ مونتيف ديال داك خونا لي منشور فلآرض تميت غآدي رجعت من نفس طريق لي مشى منهآ خونا غآدي وكنشوف ورايآ وصلت راس بان ليا داك خونا عشير داك لي منشور فلآرض بان ليآ جايب واحد الكليكة شي 5 تقريبآ واحد فيهم ضآرب سيف فيدو ولآخر هآز جعبة تخبيت حتى دازو شوية الواليدة كتصوني خونا عرفتو غيسمع صوت تلفون عرفت راسي غيغلطو فيآ ونولي واكلالعصى جبدت عليهآ بدرديGة شافني واحد خونا قآليهم راهوآ راهوا تبعوني وانا نعلق لحسن الحظ كنت بعيد عليهم شوية دخلت من لوطوروت وانا نجبد عليهآ (خوكم عداء سريع) موهيم بعدت بزاف كلآكصونا ليآ واحد رموG أوطو سطوب ركبت معآه حتى قربني شوية الواليدة كتعيط جاوبتهآ...مخلوعة ألو فينك خلعتيني علك ...أنا قربت آلواليدة...وصلت طلعت للدار لقيت الواليدة مخلوعة قآلت ليآ مالك عرقان قلت ليهآ جيت كنجري قالت جلس قول ليا شنو مخبي عليآ را مبقاش كيجيني نعآس وكنحلم بيك واقعة لك شي حاجة يوميآ..قلت ليهآ الواليدة ماكين والو غير عيآن شوية وشي مشاكل ديال القراية هذا ماكان...شوية قآلت ليآ غدا غنمشيو عند واحد الفقيه يشوف معآك يقرى علك القرآن يكما ساحر لك شي حد ولآ شي حاجة..بقآت كادخل وكتخرج فالهضرة...انا إلى وصلت عند الفقيه نقدر منبقآش ندوق نعمة قلت ليهآ واخآ صبآح نمشيو...سلمت عليهآ ونعست..الغد ليه فقت مع ديك 6:30 تقريبآ خرجت من دار هارب..خليتهآ باقة ناعسة مشيت للدار لخرى كملت نعآسي تال ديك 2..فقت لقيت 20 appel ديال الواليدة...عيطت ليهآ قلت ليهآ عندي شي غرض من بعد ونمشيو فين بغيتي...بقآت كتغوت موهيم قطعت معآهآ الهضرة دوشت تغديت ومشيت عند ختنا الGاورية خرجنا ورجعنا بقيت معآهآ تال ديك 8.قآلت ليآ نعلمك كيفآش تستحضر شي جن قلت ليهآ واخا رسمات لعيبات كيف العآدة بالشمع طفات الضو قآلت ليآ جلس على شكل وضعية اليوغآ وغمض عينيك فعلآ داكشي لي درت بدات كتقرى من الكتاب واحد مدة 15 دقيقة شوية سكتات وبدات كتغوت منشورة فلآرض بحالآ تصرفقآت كيفما كان كيوقع ليآ بقآت كتركل بحالآ شآدهآ الضو وعينيهآ تقلبو والكشكوشة بحر من فمهآ والكتاب مليوح بعيد كتركل وكتهضر بواحد لغة غريبة وقفت شعلت الضو معرفت ماندير أول ماطاح ليآ فدماغي هو واحد خالتي كانت مسكونة..
وكنت حاضر ليهآ ملي كان الفقيه كيصرعهآ هو كيقرى قرآن بلغة وهي كتهضر بلغة وكان جابد واحد العصى (كابل ديال الضو) بدى ينزل عليهآ وكيقول لداك الجن خرج واش غتخرج ولآ نشحطك ..إلخ موهيم تفكرت داك البلآن وديك ختنا كتمرمد قدامي حيدت السمطة بديت كنشحط فيهآ بشوية مبغيتش نورك عليهآ شوية بديت كنعطيهآ بجهدي كامل بدات كتجهد وكتغوت خفت بنادم يسمع الغوت طلقت مزيكة على حدهآ وبديت كنشحط وكنشحط واحد لحظة بردات سكتات عينيهآ طافين كنحرك فيهآ والو سيدة مغيبة كنصرفق فيهآ عآد فآقت نوضتهآ لبلآصتهآ...جبت ليهآ واحد دوا شوية قلت ليهآ اشنو داكشي لي وقع لك بقآت مصدومة عمرهآ مكانت كتخاف من جنون تال داك نهآر قآلت ليآ عمرني وقع ليآ هكا، وهدشي سبابو هو المرض لي فيهآ والجسد ديالهآ مورا صدمة اللولة ضعآف فكيف سيستحمل قوة خفية (جن) موهيم بقيت معآهآ تال ليل عيطات ليآ نمرة بريفي جاوبت لقيتو هو داك خونا سحار لي كنت تصآدفت معآه ديك ليلة ألو..جاوبني قآال ليآ بغيت نشوفك ضروري...قلت ليه لآش قآل ليآ غير نتشآوفو ماكين والو...قلت ليه واخآ فين ومعآش دار معآيآ 10 ديآل ليل فواحد سيكتور...خليت ختنآ ومشيت قلت ليهآ غنشوف واحد خونا ونرجع...مشيت لقستو جالس كيتسنآني سلمت عليه...جالسين كنهضرو شوية قآل ليآ فين داكشي لي قلت لك قلت ليه الله يهديك منقدرش نقتل روح...قآال ليآ صآفي راه كنت غير بغيت نجربك...شوية قآال ليآ سمح ليآ على داكشي لي طرى لصآحبتك أنا ماكنتش قآصد ولكن نت حGرتيني وقلت نبين لك..قلت ليه صآفي نسى ماوقع والو..شوية قآال ليآ جيت على واحد البلآن نكونو خوت وراه أي حاجة خصآتك را نعآونك قلت ليه واخآ مرحبآ...قآال ليآ صآفي يآلآه تحرك معآيآ نوريك شي لعيبآت..مشيت معآه دخلنا لواحد الدار..جبدت واحد طريفة تكيفناهآ شوية ضربت على داك الكتاب قلت ليه نشوف قآال ليآ خود راحتك لقيتو نفس الكتاب لي عند ختنا نفس النسخة صآفي حطيتو بقيت معآه وانا جاري معآه العشرة لآ يغدرني ديجا عندي واحد الموس ضآربو تحت سروال بقينآ تال ديك 12 وشي صريفة قلت ليه غنتحرك ضروري قآل ليآ صآفي نتقآشعو غدا را غآدي نحضر تيتيز عندي فالدار وجي باش تزهى قلت ليه صآفي واخا صآفي مشيت خرجت...ضآرب مزيكة وغآدي وزنقة كتصفر حتى تهزيت بواحد النص تخبطت فلآرض ضربني واحد الغليظ..
ضوروني واحد خونا جابد مضآية سولو قآليه واش هو هذا شآف فيآ دتك خونا لي ديجا وقف عليآ ديك المرة قآليهم طلقوه ماشي هو صإفي شوية سولني قال ليا واش عقلتي على خونا لي كان جاي جيهتنآ قلت ليه راه كاين غير هنآ فسيكتور كيبان ليا مرة مرة قآل ليآ نعطيوك نمرة يبان لك صوني علينا قلت ليه صآفي نيت حتى انا حالف عليه...عنقني داك الغليظ قال ليآ سمح ليا غلطت فيك..قلت ليه هانية خديت نمرتو ومشيت فحالاتي رجعت عند ختنا الGاورية مع طلعة ديال دروج طفى الضو تخلعت خصني نهبط تال لتحت باش نشعل الضو تميت غآدي راجع كنحس بشي حاجة كتقيسني جريت نشعل الضو تحيدات ديك الخلعة..شعلت الضو وطلعت جبدت ساروت باش نحل الباب شوية كنسمع الهضرة وانا باقي مادخلتش تخلعت ماعرفت ماندير بديت كندق فالباب وكنصوني باش داكشي زعما يتحيد ويحس بيا جاي شوية حبس داك الصوت وديك الهضرة ضورت ساروت حليت الباب دخلت لقيتهآ منشورة فلآرض تاني ووجهآ حمر بحالآ شبع فيهآ شي واحد تصرفيق مع دوك الGور عندهوم البشرة شوية كتشد لآطراس ماشي بحال المغربية وجهآ صحيح تقدر ضربهآ وتعواج يدك ولآ تهرس موهيم هزيتهآ لبلآصتهآ فيقتهآ قلت ليهآ هآني رجعت اعطيتهآ واحد الدوا ديال نعآس صآفي نعسآت ريحت باش نعس مدانيش نعآس قلت نتمزك شوية...وانا كنتمزك حتى كتوقف مزيكة بوحدهإ وكتخربق بحال شي كاسيطة مسروطة بدلت ديسك والو نفس المشكل عرفت الوقت وصل للرعب تاني ناعس حتى كنسمع صوت رقيق ديإل درية كتغني ليآ والصوت غآدي وكيغلآض وقفت مزيكة وتحولت من ديك البلآصة قلت زعما يكما حيت ناعس حدا ديك ختنا..مشيت لصآلون داني نعآس..شوية شي حاجة كتقرب مني وكتقيسني وانا كنحلم كنشوف درية وحدة خرا على خلآف الدرية لي كانت كتوقف عليآ..هآدي زايدة عليهآ بزاف لاطاي وزين إلخ كنشوفهآ جاية عندي وكتحيد حوايجهآ انا بغيت نوقف مخلآتنيش نوقف (مشهد +18) الغد ليه فقت لقيت لخرى الGاورية ناعسة حدايا وانا نآعس بشورط تخلعت كنقول كيفآش هي كانت فالبيت لآخر وانا تحولت هنا بوحدي كيفآش البلآن مافهمت...
وهي شبه عآرية..نضت وهي باقة ناعسة مشيت ندوش وكنتعجب انا كنت فبيت وهي فبيت وفصبآح لقيتهآ حدايا وكيفآش البلآن كل الطرق كتقول أنني نعست معآهآ..لآ مايمكنش موهيم دوشت وانا منكري من راسي مشيت لبست وفيقتهآ خرجت جبت الفطور ورجعت فطرنا مادويتش معآهآ ولكن بدات كدير فيآ شي شوفآت..دخلات ليا الشك قلت ليهآ مالك قآلت ليآ والو..صآفي بقيت سأكت..قلت ليهآ يكما خصاتك شي حاجة نجيبهآ لك قبل مانخرج قالت ليآ معآش غآدي ترجع قلت ليهآ غنمشي نشوف الواليدة ونشوف واحد الصديق ونقدر نجي فليل..قآلت ليآ صآفي متعطلش عليآ..صآفي خرجت وانا باقي كنفكر فالبلآن والو مقدرت نتفكر والو طلعت عند الواليدة بقيت عندهآ حتى وصلات ديك 7 ديال العشية.وخرجت عيط ليآ خونا داك السحار..ألو السآعر فينك..انا مع الواليدة..جي سربي را تيتيز والزهو حاضر..صآفي انا جاي... موهيم مشيت ومن عند الله مارتاحيتش حيت بحال داك النوع صعيب تيق فيه واخا هكاك ماتقتش فيه كنت ديما داير اطونصيون معآه..موهيم مشيت دخلت لقيتو محضر شي قراعي ديال الفودكا وواحد طريفة ديال البربوق ضربت عليهآ بانت ليآ مزيتة يعني يالآه مصإوبة وغيكون هو لي صآوبهآ شميت فيهآ ريحة الغدر..عيط لدوك دريات كانو 3 جوج مكنعرفهومش حتى هوما من صحاب الهيت وتالتة هي هآديك لي لآقآتني بيه نهآر لول..ملي شفتهآ عرفت البلآن مخدوم الشيء لي خلآني نحضي ديال بصح..موهيم ضورو دوك القراعي ضور ليآ وحدة قلت ليه مازال الحال عليهآ ويالآه مكيف..شوية واحد ختنا بدات كتجبد معآيآ الهضرة حتى انا مبينتش ليهم بقيت شاد معآهآ الهضرة قلت لخونا طلق شي مزيكة باش ميسمعش هضرتي شوية بدات كتلوح عليآ يديهآ وكتشد ليآ فيدي حتى انا بينت ليهآ بلي غآدي معآهآ فالخط..وخوتنا باقين كيشربو شوية نقز خونا قآليهآ مزال الحال را يله ريحنا صآفي بداو داوين شادين نميمة فبنادم وانا غير كنضحك ليهم موهيم شوية ديك ختنا لي كانت لاقآتني بيه قالت لينا غآدي نمشي عندي واحد الغرض غنقضيه ومن بعد نرجع وبان ليآ غمزهآ وحتى واحد ماقآل ليهآ بقآي معآنا او شيء من هذا القبيل هنا زدت تأكدت بلي البلآن مخدوم شوية قلت ليه غندخل لطوليط نغسل ونجي قال ليآ سير دخلت جالس كنفكر فشي بلان وكنتصنت عليهم اش كيقولو وكل ماسمعتو هو انه قال لديك ختنا باراكة من زملة خلينا نقضيو الغرض نمشيو فحالنا صآفي...
..جبدت واحد الموس هآد المرة موس كبير ضآربو تحت سروال خرجت درت راسي ماسمعت والو خرجت دخلت عليهم بقآو كيشوفو فيا ريحت معآهم جبدت واحد وينسطون تكيفت شوية بان ليآ شآد لخرى (مشهد +18) ختنا دوات معآيآ قآلت ليآ غنبقآو نتفرجو فبعضياتنآ ؟ ..بقيت كنشوف شوية جريتهآ عندي عنقآتني شوية قلت ليهآ نمشيو لبيت لآخر..نقز خونا قآل ليآ مالك قلت ليه غنتحولو لبيت لآخر قآال ليآ سير..صآفي جريت ختنا لبيت لآخر سديت الباب بدات كتنصل حوايجهآ حيدات سروال هو لول هزيت عيني بانت ليا واحد سنسلة وقفل..شديت ختنا حكمتهآ مع الحيط جبدت الموس...قلت ليهآ شناهوا البلآن قالت ليآ اشمن بلآن ومزرية من الموس قلت ليهآ والله حتى غنخسرك بقآت ساكتة شوية جبدت عليهآ بتصرفيقة بالموس..قالت ليا راه كنت بغيت نقولهإ لك ولكن زربتي عليآ وو قلت ليهآ اشناهو البلآن قآلت ليآ مغنقولك والو ولكن غنقولك حضي راسك قالت ليا نخرجو ونقولك كولشي قلت ليهآ واخا..قلت ليهآ انا غندير راسي غنمشي ندير راسي نقضي شي غرض وخرجي عندي غتلقآيني فالبلآصة فلآنية قالت ليآ صآفي..داكشي لي كان فعلآ خرجت قلت لخونا عندي واحد الغرض غآدي نقضيه 10 دقآي ونرجع..فلول مبغآش قآال حشومة هدشي لي كادير ووو..قلت ليه مزال ليل طويل..قال ليآ سير ومتعطلش..خرجت كانت ساعة 9:30 مشيت للبلآصة لي درت فيهآ مع ختنآ جالس كنتسنى حتى جات قلت ليهآ شناهوا البلآن قآلت ليآ خونا بغى يدبحك حيت شحال وهو كيقلب على شي وحدة مسكون بالجن العآشق وبان ليه فك البلآن وعيط لينآ باش نلهيوك ويضرب الضربة وبلي راه ديجا قاتل روح داك خونا حيت باش يستحضر شياطين خصو راس ديال بنادم (على ماقالت) قالت ليآ شنو غآدير دابا خديت نمرتهآ قلت ليهآ سيري تلفون بيناتنا وبدات كطلب مني سماحة وو قلت ليهآ سيري رجعي داكشي لي غيقوليكم غنعيط لك من بعد وقول ليآ كولشي قالت صآفي والله منخبي علك شي حاجة.صآفي مشات جبدت تلفون عيطت ليه قلت ليه الواليدة مريضة خصني نمشي نشوفهآ منقدرش نرجع بدى يتفركع شوية قإال ليآ ماشي مشكل حتى نعآودوهآ قلت ليه واخا وانا فطريقي عيطات ليآ الGاورية ألو فينك انا كنتسناك قلت ليهآ انا جاي غآدي حتى تصآدفت مع دوك دراري سلمت عليهم لقيت معآهم داك خونا الضحية كاع مخيط وجهو سولوني على السحار قلت ليه حتى انا كنقلب عليه قال ليا تلفون بيناتنا صآفي مشيت..
قصتي مع الاسقاط النجمي الجزء الثالث
محتوى القصة
يتبع
التنقل بين الأجزاء