قصتي مع جارتنا الجزء الثاني

من تأليف مجهول
2017

محتوى القصة

قصتي مع جارتنا [المجلد الثاني]


فالليل وهي تعيط ليا..ألو..وي مالك..والو غير جاني الملل قلت نعيط لك ندويو شوية..واخا..اه تفكرت بغيت نقولك واحد الحاجة..وي شنو..كبيلة سانديك كان داوي معايا وقال ليا شي هضرة..شنو قالك..شي هضرة عليك..اش قال..قال ليا حظي راسك من داك البرهوش راه داصر وشفار وقالي بلي ضربتي شي مرا فالعمارة شي نهار..اه ضربت واحد المرا حيت كانت ضربات الواليدة ولكن انا مادصرتش علك وماشي شفار..ماقلتش لك نت شفار غير قلت لك اش قالي..اه موهيم انا قلت لك لي كاين..حسيت بك تقلقتي..لا عادي..واخا تقدر طلع عندي؟..لاش..كيفاش لاش..والو خلي تال مرة خرى دابا عيان شوية..واخا على خاطرك..راجلك ايمتى غايجي..عيط ليا كبيلة قال ليا غايجي السبت ولا الحد وغايعاود يرجع..اه..علاش كتسول..والو غير سولت موهيم انا غادي نعس، الغد ليه عيط ليا واحد العشير ديجا مزوج وتلاقينا فواحد الكافي شوية جبدت معاه الهضرة عاودت ليه البلان قلت ليه هاشنو كاين هاشنو كاين قال ليا جريتي على راسك أولدي..كيفاش..اخويا مابان لك غا مرت الراجل على قلة الدريات..تعميت اخويا..واش عرفتي اش درتي رارتاكبتي أكبر دنب فحياتك واش عارف راسك بلي هادي فيها جنابة ديال 40 عام أمحمد..اودي لي وقع وقع..اجي بعدا درتي بروطيكس؟..لا..مالك مكلخ اصاحبي تال هاد درجة..علاش ويلا قدر الله لحتي فيها وحملات اش غادي دير لمن غاتعطي وجهك؟..

..وحملات اش غادي دير لمن غاتعطي وجهك ؟..اودي..كيفاش اودي كولشي عندك عادي اصاحبي ناعس مع مرت راجل ومدايرش بروطكس من الفوق وعادي عندك؟..وماشي هكاك..ايوا شرح ليا اسي..هي بغاتني ندير ليها هكاك بخاطرها مابززتش عليها وزايدون هي لي باغة..أسي ماقلتش لك بززتي عليها مرا راجلها بعيد عليها را غادير كثر من هكا وماشي هدا هو المشكل..وشنو..قول ليا بعدا شحال من مرة نعستي معاها..ماعقلتش..كثر من جوج مرات؟..اه..ومادرتيش بروطكس؟..لا..مسخوط الواليدين نت..صافي أخويا دابا لي وقع وقع..ايوا وشنو غادير؟..ماعرفتش..شوف انا باغي غير مصلاحتك هادشي ماكيغفرش عليه الله اخويا باش نكونو واضحين هادي من جهة ومن جهة تانية نت مادرتيش بروطكس وماعرفتي راسك لا لحتي فيها ولا لا وايلا جينا للعلم غاتكون لحتي فيها بواحد نسبة ديال 80% وايلا قدر الله وحملات واحد نهار وصدقات مطلقة وشتتي ليها الأصل باشمن وجه غاتقابل بيه الله ؟..دابا شنو؟..خويا النصيحة ديالي ليك فوت عليك الزبل وسير توب للي خلقك هادي راها زنا ودنوبها لا تغفر..واخا نخليك هاد ساعة انا مشيت، مشيت فحالاتي وباغي نتفركع وصلت للدار جالس كنفكر فهاد الحريرة وصل الليل وهي تصوني ليا..ألو..وي..صافا؟..حمدلله..إيوا..والو..مالك كتهضر معايا هكا..وراه قلت لك والو..مالك كتغوت. قطعت عليها..
... .مالك كتغوت. قطعت عليها. شوية عاودات عيطات جاوبتها..ألو مالك قطعتي عليا؟..والو..شنو درت لك تعامل معايا بهاد الطريقة..والو مادرتي والو انا لي درت..شنو واقع ؟ مالك وليتي هكا..والو غير مامرتاحش..نت مخبي شي حاجة وجااس كتمرض فيا..مامخبي والو تصبحي على خير..كيفاش تصبحي على خير والبلان لي درتي معايا؟..اشمن بلان؟..درتي معايا غاتجي عندي الليل..ماعنديش الگانة والله معندي الخاطر لشي حاجة..اه حيت قضيتي حاجتك..شنو ؟..والو سير تنعس..كيفاش قضيت حاجتي..صافي ماقلت ليك والو سير تنعس..أوك. قطعت ونعست قلت صافي هادي اخر مرة غانضور بساعتها الغد ليه جات عندي واحد الحاجة جارتنا طلبات مني نطلع سطح نشوف بارابول ديالها مالو محرك جالس مضارب معاه دازت شي نص ساعة وهي طلع ختنا كتنشر شي لعيبات وكانت ضاربة واحد سورفيط فالگري وتيشورت بيض داكشي مزير :( دخلني الشيطان ولد الحرام بقيت غير كنشوف صافي ساليت وهبطت كنت غاندوي معاها شوية قلت بلاش بان ليا سانديك ماعرت اش كيقوليها هبطت فحالاتي مريح كنتفرج كنقول ندوي معاها ولا بلاش بقيت كنتجلوق فدار مكاين مايدار وصل الليل عيطت ليها..ألو..شنو باغي..جا معاك الگري..ميغسي..موهيم سمحي ليا على البارح..ماعليش هانية..نشوفك؟..فين؟..الدار..بصح ولا كتفلا عليا؟..لا معاك بصح..أوكي طلع عندي ولا نهبط؟..لي بغيتي..

..لي بغيتي..أنا نطلع عندك لايصدق شايفك شي حد..واخا مع الوقت ديال ديما؟..أه..أوكي أنا غادة نتسناك. وصل الوقت طلعت كي العادة وسديت الباب دخلت لقيتها بنفس الحطة لي كانت ضاربة جالسين كنهضرو شوية قلبناها بوسان دازت 5 دقايق وانا نسمع صونيط شي حد كيدق فالباب قلت صافي قودتها قلت ليها ياكما راجلك؟..قال موحال..كيفاش موحال..هو مايمكنش يجي دابا قال ليا تال سبت..ايوا شنو ماغديش تحلي الباب؟..لا خلي يبقى يصوني حتى يعيا وغيمشي فحالاتو. بقينا جالسين كنتسناو هاد خونا يحبس من الدقان ساعة والو قلت صافي راجلها هداك جا على غفلة قلت ليها حلي أنا غانبقى فالبيت لاخر. مشات حلات وهي تلقى سانديك راس الحمار كانت وصاتو يجيب ليها الضوبل ديال سوارت ديال باب العمارة. سدات الباب وخعيطات ليل رجعنا فين كنا شوية قالت ليا بدى كيشوف ليا فصدري بقينا داوين شوية شديتها وركت عليها ضربات ديك 2:30 هبطت فحالاتي دوشت ونعست وانا ناعس حلمت بيها حاملة وداكشي فكرشها كيعيط ليا بابا بابا ضرباتني الفيقة مع 6 ووليت كنحلم نفس الحلمة يوميا. الغد ليه كنت خرجت لواحد سناك جبت القس وانا راجع فالعشية تلاقيت مع سانديك..واش أسمحمد..هاديك المگانة ديالكم ديال الماء راها كتقطر خصكم تبدلو ليها داك الفران..حتى يجي الواليج ونشوف معاه..جيت عندك لبارح فالليل كنت باغي طورنوفيس ومالقيتكش فين كنتي..

..ومالقيتكش فين كنتي..كنت ناعس..ناعس وماسمعتيش صونيط؟..لا..علامن كتكدب عليا ولا على راسك..كيفاش اسمحمد..شوف نت..مافهمتكش اش باغي تقصد..صافي حتى يجي الواليد وغاتفهم..وصافي اصاحبي ديها فكرك شوية هاديك مصاحب معاها ونت دخل سوق راسك بلا مانرجعو براهش..ومنين كتفهم اولدي را هاديك مرت الراجل..ياك بعدا ماشي مرتك ولا بنتك؟..لا..ايوا مالك اصاحبي كادخل شبوقات؟ ولا حيت عينك فيها ؟..أولدي الله يهديك دير عقلك نت راك معارفش ربي باش غيجازيك على هادشي..أنا باغي نمشي لجهنم وعارف راسي اش كندير واش عمرك سمعتي مني كلمة العيب؟..لا حاشى..ايوا قلب عليا اصاحبي شوف غيرها. خليتو ومشيت فحالاتي وصل السبت كنت مقصر ماتش مع شي دراري فالبحر رجعت مع ديك 4 عشية تلاقيت مع ختنا قدام باب العمارة هي وراجلها قلت ليهم السلام وختنا كتحمر فيا طلعت دوشت الغد ليه كنت فسطح شوية وهوما يطلعو كيجمعو النشير شوية ختنا هبطات وبقى راجلها كيتكيف حدا واحد البارة شوية وهو يطلع السانديك دار فيا واحد التخنزيرة ومشى عند خونا نيشان ماعرت اش كيقوليه حسيت بالقضية بحالا غاتحماض هبطت فحالاتي جالس مكونكتي وهي تسيفط ليا ختنا ميصاج..سلام فينك باغة ندوي معاك..شنو مالك..شوف عنداك تعيط ولا شي حاجة تجبد ليا صداع..لا..موهيم ملي نقدر ندوي معاك راه غانعيط ليك..مكاين لاش..مالك تاني..

مالك تاني..والو..هادشي كامل والو..وي..لهضرة ماشي دابا موهيم انا غنقطع وعنداك تعيط ولا شي حاجة قطعت معها اطلهضرة الغد فديك ليلة حلمت بيها تاني حاملة وداكشي كيعيط ليا بابا مبقاش كيجيني نعاس الغد ليه جالس كنتغدا حتى كنسمع صونيط نضت حليت الباب لقيت خونا ومرتو قدام الباب..سلام..هاك اولدي هاد لخضرة وهاد 2 دجاجات غير غادي يخسرو ايلا خليناهم فتلاجة..واخا الله يخلف. شديت داكشي وسديت الباب قصدت شرجم ديريكت بانو ليا ركبو فواحد حديدة ومشاو دازت شي 3 ايام تقريبا دخلني الشك كنقول هاد ختنا كيفاش بلانها كنقول نعيط ولا بلاش قلت خلي حتى تعيط هي وفعلا داكشي لي كان هي عيطات ليا. ألو..أش خبارك فين هاد الغبور..غير هنا ونتي..أنا فدار الواليدة جينا نشوفوها..أه..ماتوحشتينيش؟..شوية..ايمتى غاترجعي..قريب هاد ليامات..غايرجع معاك هو؟..علاش كتسول؟..غير سولت..فهمتك فهمتك موهيم هو غادي يعاود يرجع هاد ليامات نيت ونبقى مع الواليدة شي يومين عاد نجي للدار..أه واخا..كنت باغة نقوليك. تقطع الخط كنت باغي نعيط قلت لا غنصدق جابد ليها صداع دازت شي قسمين وهي تعاود تعيط كنتسناها تهضر ساعة والو الخط دايز وساكتة وانا نقطع بانت ليا القضية حماضت بالبيان واقيلة خونا حصلها فليل وهي تصوني ليا واحد نمرة بريفي مجاوبتش شوية طلعات نمرة بقات كتصوني وانا نجاوب وبقيت ساكت شوية وهو يجاوب واحد خونا قال ألو..

..قال ألو..وانا نقطع عليه كنت شاك فيه راجلها. دازت شي ساعة تقريبا كنت مكونكطي حتى جاني واحد ميصاج من واتساب فديك نمرة قال ليا ديك السلام طلعت ليه vu وخليتو دازت واحد المدة وهو يجيني ميصاج اخر من نمرة وحدة خرى..السلام..شكون معايا..أويلي معرفتينيش..وكون عرفتك مانسولكش.. أنا فدوى..شكون فدوى..لي وقفتي عليا ديك المرة فالبلاصة فلانية وطلبتي مني نمرة وبلامارة قلت لك عطيني نمرتك انا نعيط لك..أنا درية..هههه كتسطى عليا ؟..لا أنا درية وغير تغالطات لك نمرة..لا لا مغالطة والو..غاشوفي وكان..دوي أوديو ..(عيطت لواحد ختنا طلبت منها تسجل ليا واحد أوديو بصوتها وسيفطتو ليها باش تيق بلي انا درية)..صافي تيقتي دابا؟..أه ديزولي ختي سمحي ليا. صافي من ورا داك نهار مابقات صونات حتى نمرة دازت شي 3 ايام تقرييا وهي ترجع للدار تصادفت معاها فدروج لا سلام لاكلام راجلها مبانش ليا الغد ليه كنت جاي وانا نلقاه قدام العمارة كيتكيف قلت ليه ديك السلام بقى كيطلع ويهبط فيا بعينيه شوية وهي تهبط ختنا تلاقيت معاها فدروج قلت ليها سلام ماشافتش فيا بمرة طلعت فحالاتس جالس كنفكر فهاد لبلان شوية طلعت لسطح لقيت سانديك كيصايب شي لعيبات تما مشيت عندو..واش اسمحمد..فين اش حب الخاطر..اودي فيناهو الخاطر..علاش مالك..سمحمد قلتي لداك خونا شي حاجة؟..شكون..راجل ختنا..لا مالي قواد علاش سولتيني..

...لا مالي قواد علاش سولتيني..والو غير شفت خونا كيدير فيا شي شوفات ماشي تال لهيه..ماعرفتش اولدي داكشي بيناتكم..وقلت زعما لاتكون قلتي ليه شي حاجة حيت انا عارفك فمك كبير خصك غير تهضر..لا لا والله مادويت معاه ربي شاهد عليا..والموهيم طهلا. هبطت فحالاتي وصل ليل طلعت واتساب ديالها لقيتها مبلوكياني تلاحيت نعس حلمت تاني بنفس الحلمة الغد ليه كنت جاي تصادفت معاها فدروج هازة واحد كروصة ديال لخضرة فدروج بقات كتسناني باش نقوليها نعاونك ساعة دزت من جنب وطلعت فحالاتي، من ورا داك نهار مابقيتش دويت معاها بمرة قلت صافي نقلب عليها قبل مانولي فشي مشكل دازت شي 4 ايام تقريبا ماعقلتش بالضبط كنت جاي راجع مع العشية كيف العادة وانا نتصادف معاها فدروج قالت ليا سلام شفت فيها وطلعت. دازت شي ساعة وهي تسيفط ليا ميصاج فواتساب: سلام طلعت ليها vu شوية تاني قالت ليا مالك قالب وجهك..شكولي قالب وجهو انا ولا نتي؟..نت لي قالب..اوك سالينا دابا..وصافي قول قضيتي حاجتك حتى شبعتي وقلبتي وجهك..سيمانة وصرف ونتي قالبة وجهك دابا رديتيني انا لي مامزيانش؟..نت مافاهم والو غير داوي..أه غير داوي ..را تجبد ليا صداع بسبابك ودابا قالب وجهك بلا ماتخليني نبدا نتعصب..كيفاش بسبابي..أه بسبابك نت كون ماتعرفتش عليك مايوقعش ليا هادشي كامل..أش درت ليك أنا؟..انت كنتي عارفني مزوجة لاش بغيتي نمرتي..

..انت كنتي عارفني مزوجة لاش بغيتي نمرتي..واش بززت عليك؟ ياك عطيتيها ليا بخاطرك وياك نتي لي طلبتي مني نطلع عندك..أه حيت كنت نصحبك راجل كون قمعتك مانوصلش لهادشي..دابا لاش هاد الهضرة؟ واش ديت لك شي حاجة؟ راك باقة مع راجلك انا نمسح نمرتك بحالا عمرك عرفتيني..جاتك ساهلة ولا كنبان ليك جفاف؟ قضيتي حاجتك ودابا كتقول ليا تمسح نمرتي..شنو بغيتي كثر من هادشي اش بغيتيني ندير ليك والنعاس دينمو هو اللخر مابقيتش كنشوفو لادنيا لا آخرة..علاش اش واقع..والو غير مبقيتش قادر على صداع..اه فهمتك واخا صافي سمح ليا انا غادة نمسح نمرتك باش منبقاش نصدعك..الله يعاونك. قطعت معاها الهضرة من داك النهار مابقيتش ضرت بساعتها تال واحد نهار كنت جايب معايا واحد درية وانا نتلاقى معاها قدام الباب دارت فيا واحد الشوفة وهبطات وصل الليل وهي تسيفط ليا ميصاج: وانا نفهم..شنو..صاحبتك..ماشي صاحبتي..موهيم جات معاك الله يخليها ليك..ماشي صاحبتي..مكيهمنيش غير بغيت نفكرك وصافي..واخا. الغد ليه عيطات ليا..ألو..شنو..كيفاش شنو..زعما شنو باغة..مالي جاية عند باك..مالك كتفرگعي..ياكما تصحابني شايطة شفتك وليتي حاس براسك..فلانة ياك سالينا لاش مبرزطة ليا كري أنا..فلان ماموحشاش فك جي فك معايا هاد لحريرة لي وحلتيني فيها..اشمن حريرة..جي وغاتعرف..فين غانجي..عندي أعراض الحمل..شنو..حاملة منك..كتسطاي عليا؟..

..كتسطاي عليا؟..علاش هادشي فيه الضحك؟..وماعرت لاتكوني درتي هادشي بلعاني والله أعلم..شوف أفلان كولشي عندي موثق وماقلت لك هاد الهضرة حتى تأكدت منها ويلا بغيتي نمشيو انا وياك عند طبيب نمشيو وزايدون علاش غنديرها بلعاني راني براجلي أولد الناس ومكاين لاش نطمع فيك غا حيد داكشي من راسك..واخا شنو دابا..نت لي راجل ماشي أنا ومتسنانيش نوريك أش غادير ويلا مادرتيش راك عارف اش غادي يوقع وشنو غادي يخصك وشنو يقدر يطرا ليك. قطعات عليا جالس كنفكر فهاد البلان واحد الراس كيقول ليا غير كديرها بلعاني وواحد راس كيقول ليا داكشي لي كتحلم فيه فنعاس صدق بصح، تخربقت ماعرفت مندير عيطت لداك عشيري لي ديجا مزوج تلاقيت معاه وعاودت ليه البلان. دابا شنو بان ليك..وهادشي مناش كنت خايف هانت ضبرتي عليها..دابا شنو غاندير..واخويا اش غادي نقولك تأكد بعدا واش هادشي بصح ديك ساعة نشوفو اش غانديرو..كون مكانش هادشي بصح مانعيطش لك..ايوا شنو المعمول..معرفتش تخربقت..شوف الحل لي غادي نقولك ونصيحة ديالي ليك هو تمشي نت وياها لشي سبيطار وشوف كيف دير يعطيوك شي برا ولا شي فانيد. مشيت لدار عيطت لختنا..ألو..وي..صافا؟..شنو باغي؟..معيط ليك على ود داك المشكل..ايوا..كيفاش ايوا..عندك شي حل..غايخصك تمشي معايا لسبيطار ضروري..لاش..كيفاش لاش باش نحلو المشكل..مامسالياش..

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.