صورة مصغرة لـ قصتي مع جارتنا الثالث و الأخير

قصتي مع جارتنا الثالث و الأخير

9isti m3a jartna talt l2akhir wa w m3a ma3a 
 قصتي مع جارتنا [المجلد الثالث]


..مامسالياش..ممسالياش ولا مباغاش..ماشي شغلك حياتي هادي ونت مبقيتيش فيها ومعندكش الحق دخل فيا..أنا مادخلتش فيك نتي قلتي ليا نحل معاك المشكل وهادشي لاش عيطت لك ماشي باش نبقى نتناگر معاك..ممسالياش..يعني؟..ضبر راسك ياك سالينا ايوا فوت عليك هاد نمرة ولا راك عارف معامن غادي تولي فمشكل..شي مشكل كبر من هدا؟..ماكيهمنيش. قطعات عليا عيطت لخونا عاودت ليه الفيلم: ختنا راه دويت معاها ومبغاتش أخويا مرضاتني غانزيد شوية غانولي مصرفق زامل بوها..هادي باغة تلصقك..وشنو غادي ندير؟..شوف لهضرة ديال تلفون ماواكلاش دخلها بحلاوة لسان باش دخلتيها نهار اللول را كولشي بالخاطر أخويا ومكاين لاش تعصب ولا ضربها غتزيد غير تشعلها وداكشي لي باغة هي نت برد الطرح سير معاها على قد عقلها وراه كولشي غادي يتحل ان شاء الله..واخا. قطعت معاه الغد ليه كنت فسطح كنتمزك شوية طلعات شافتني وضورات وجهها بقيت جاري معاها من بعيد شوية مشيت قاصدها فواحد لقنت شافتني جاي وهي تجبد تلفون دايرة راسها كتهضر جيت وقفت قدامها كنتسناها تسالي هضرتها هي كتهضر وعينيها فيا شوية قطعات وخشات تلفونها فجيب يالاه بغات تمشي وانا نشدها: طلق مني شنو باغي..باغيك نتي..طلق مني راجلي فدار غيصدق طالع وتولي فمشاكيل..خليه يطلع انا باغي المشاكل..دابا شنو باغي من لخر..قلت لك شنو باغي..راني براجلي..
.. راني براجلي..راجلك كون كان راجل ماتشوفيش فيا نهار اللول..شوف الله يرحم ليك الوالدين ايلا ماطلقني خليني نهبط قبل ميلقانا شي حد وتولي جابد ليا صداع..نتي لي باغة صداع فاش دويت معاك نخلتيني خلي دينمو هاد صداع يتجبد..مانخلتكش نت عصبتيني..حتى انا دابا معصب..دابا اش باغي..نتي عارفاني اش باغي..خليني نفكر ونرد عليك يالاه طلق يدي بلا مانكبرو الموضوع..فكري وردي عليا دابا..وصافي طلق..لا.. وصافي واخا. هبطات وبقيت شوية طلع سانديك سولني: اش كادير هنا مزال مابغى يهديك الله..كانبول..كيفاش كاتبول..ودخول الصحة هدا..وقول تابعها وصافي..مالك بغيتيني نتبعك نت. خليتو وهبطت فحالاتي فالعشية شارجيت وعيطت ليها بقات كتقطع عليا المرة التالثة جاوبات: ألو..شنو باغي..علاش قطعتي..مافيا لي يهضر..أهاه..سربي دوي اش باغي..غنبقاو نعاودو فالهضرة..ونت لي مصدع ليا مخي من صباح..دابا كل واحد يدير لعبو ياك؟..ونت لي بغيتي..ياك أنا لي بغيت..أه..راجلك نمرتو فيها 84 فلخر ؟..أه علاش؟..صافي. قطعت عليها شوية بدات كتصوني مجاوبتهاش بقات كتصوني شي 10 ديال ليزابيل شوية سيفطات ليا ميصاج فيه جاوبني باغة نهضر معاك ضروري، عرفتها غايضرها راسها بقات كتعيط شوية جاوبتها: ألو..علاش طفيتي عليا تلفون..شنو باغة..علاش سولتيني على نمرة راجلي ومنين جاتك..غير سولتك..

..غير سولتك..كيفاش غير سولتيني ونمرة منين جاتك..قلتي ليا باغة تهضري معايا ضروري شنو باغة..جاوبني بعدامنين جاتك نمرتو ولاش باغيها..ماكيهمش..عرفتي وتجبد ليا صداع والله مانسمح ليك بالله..نتي لي باغة صداع..شنو درت ليك أنا درت معاك داكشي لي ماغديروش معاك وحدة خرى وقضيتي حاجتك ودابا كتهددني بنمرة راجلي والله مانسمح ليك..أوكي..شوف مسح غير نمرة وخلي المشكل بيني وبينك وأي حاجة بغيتيها أنا باقة عند كلمتي..مابغيت والو بسلامة..تسنى. قطعت عليها شوية بدات كتعيط تاني مجاوبتهاش بقات كتصوني جاوبتها ولكن ماكتهضرش الخط دايز وكنسمع صوتها كتبكي:..ألو، مالك معيطة وساكتة؟..والو غير تخنقت. بقى الخط دايز والصوت والو مكتهضرش شوية تقطع الخط..بقيت نصوني ليها والو مكتجاوبش دازت واحد روبوع ساعة عيطات ليا: ألو..عفااك طلع عندي الله يرحم لك الوالدين..لاش..غير طلع. طلعت لقيتها كتماوت بحال المومياء هبطت جبت ليها واحد رابوس من فرمسيان وعطيتو ليها حتى رجعات فيها روح شوية، بقيت معاها شوية هبطت فحالاتي تعشيت وتلاحيت كنتفرج ضربات ديك 10:30 عيطات ليا تاني ألو..مالك ياكما خاصك شي حاجة..أه كنحس بالخنقة واش تقدر طلع عندي غير 5 دقايق ورجع..واخا. طبعت عندها عطيتها شي دوا نعتاتو ليا وبقيت معاها شي نص ساعة حتى بانت ليا سيدة ناضت لطواليط بسورفيط ورجعات عندي بشورط وبيل سماطي بيض..
..ورجعات عندي بشورط وبيل سماطي بيض بقيت غير كنشوف جات جلسات حدايا فواحد فوطوي شوية سولتها: كي بقيتي دابا شوية..أه صافا..ماخاصك والو؟..لا صافي شكرا..يالاه أنا غنمشي. يالاه بغيت نوض شدات ليا يدي قالت ليا بقى معايا شوية وسير واخا انا كنت طالب عليها نيت قلت ليها واخا. ريحت بقينا داوين وتصالحنا شوية شديتها كربلتها وهبطت فحالاتي. الغد ليه صبحت مريض بقيت غا فدار شوية تزيرت نضت لطواليط نبول (حاشاكوم) حتى لقيت سبي تنفخ ومحرود كنحاول نبول والو ماقدرتش لدرجة دمعو عينيا بقيت واقف شي 2 دقايق والو مشيت رجعت بلاصتي شوية عيطات ليا: ألو..صافا كي صبحتي..مريض شوية..أواه مالك..غير سخانة..أه دابا يفوتك لحال ليوم طيبت الغدا معطلة عيطت ليك ايلا بغيتي طلع تغدا معايا..ماعنديش منين يدوز ليا غير بصحتك..واخا مايكون عندك باس ايلا حتاجيتي شي حاجة صوني ليا نهبط عندك. قطعت معاها شوية كنحس براسي غانتفركع والحريق شادني ف"سبي" نضت كنجري لطواليط بقيت تاني واقف شي 2 دقايق حتى لقيت راسي كنبول الدم. أواه اشهادشي تخلعت قلت غير يمكن حيت مريض ساعة والو من ديك المرة وليت كنبول الدم عيطت لداك عشيري قلت لايكون عارف شي حاجة وعاودت ليه البلان قال ليا خصك تشوف طبيب ضروري هو لي غادي يقولك شنو داكشي وفعلا داكشي لي درت قصدت واحد طبيب قريب لسيكتور فين ساكن دخلت عندو..

..دخلت عندو سولني عاودت ليه البلان سولني واش نعست مع شي وحدة فلول قلت ليه لا حيت كيعرف الواليد شوية قال ليا: شوف أولدي ايلا كدبتي راك كدبتي غير على راسك وهادشي راه باين حنا علاش قارين وانا غير سولتك باش نعرف اش كاندير ودابا قول ليا إيمتى آخر مرة نعستي مع شي وحدة..البارح..قحبة؟..لا..وشنو؟ شريفة؟..هههه صاحبتي..كاضحك، درتي بروطكس؟..لا..إيوا شتي ولا قدر الله ولات فيك سيدة اش غادي دير؟..الله يحفظ..ايوا راه غير من هادشي كاتنوض..دابا شنو عندي..متخافش عندك التهاب انا غنعطيك شي دوا خودو تبعو وان شاء الله يكون خير وماتبقى تنعس مع حتى وحدة حتى تشوف واش تحيد منك هادشي. مشيت فحالاتي تبعت داك الدواا الغد ليه عيطات ليا ختنا: كيف بقيتي..حمدلله شوية..نتشاوفو فليل؟..لا غير عفيني هاد ليامات منقدرش..علاش..مارشقاش ليا..أه واخا..موهيم اش درنا فداكشي..اينا شي..المشكل..اه صافي لي درتيها انا معاك موهيم ماغيتبدل والو؟..بحالاش..زعما ماغديش تقلب عليا وجهك بحال ديك المرة..لا..أوكي صافي ايمتا نمشيو؟..انا نمشي غدا نسول ونقولك..واخا صافي. الغد ليه قصدت واحد سبيطار بقيت حتى خوات الدنيا مشيت عند ديك الدرية لي كاتعطي وراقي ديال النوبة عاودت ليها البلان قالت ليا خاصك فانيد منع الحمل..هو علاش جيت..خصك تجي نت والمادام وتجيب عقد ازدياد.. 

.. ..خصك تجي نت والمادام وتجيب عقد ازدياد..واش ضروري عقد ازدياد..أه اخويا بلا بيه مانقدر ندير معاك والو القانون اخويا وعاد تشوف مع طبيبة. مشيت فحالاتي قلت لختنا باش تجيب العقد وتجي عندها وجابتو جيت معاها تال قدام سبيطار هي دخلات انا بقيت براا حيت سمية لي فالعقد ديال راجلها قلت زعما يقدرو يتعاملو معاها وقلت ليها تقوليهم بلي راجلها مكاينش هنا وبلي هو طلب منها باش تجي تاخدو ساعة مبغاوش يعطيوها قالو ليها خصو يحضر باش تحضرو بجوج مع طبيب حيت كيسولوك علاش بغيتيه ...الخ، رجعت فحالاتي كنفكر فهاد البلان باش غنفاسرها شوية طاح فبالي داك خونا لي مزوج عيطت ليه وعاودت ليه الفيلم: اشنو قالو لك..والو مبغاوش قالك خص راجلها يحضر وتجيبو العقد عاد يمكن ليكم تاخدوه..واش غادير دابا..والله ماعرفت صافي تقادى جهدي..اودي كون فكرتي نهار لول ماتوصلش لهاد الوحلة..لي وقع وقع ونت عارفني علاش عيطت ليك..علاش؟..قلت زعما ايلا قدرتي تاخدو بسميتك وتجيبو ليا نحل بيه المشكل..كتسطى عليا؟ اش غانقول للمادام جاتك ساهلة اجي هز العقد وسير خود فانيد..صافي نسى..خدم عقلك شوية قطعت عليه ومشيت لداك سبيطار قصدت واحد العساس تما طلبتو على نمرة ديال ديك درية لي مكلفة فالليل عيطت ليها معرفاتنيش قلت ليها انا فلان لي جيت عندك على ود داك المشكل: أه عرفتك ومن بعد هادشي لي عاودتي ليا اشنو مطلوب مني انا..

.. اشنو مطلوب مني انا..اختي الدرية حياتها غاضيع عارف هادشي ماشي قانوني ولكن عقد الزواج ماعنديش منين نجيبو حيت انا مامزوجش بيها كيف قلت لك..مصاحب معاها؟..بحال هكاك..وراجلها؟..بلا منبقاو نعاودو فالهضرة راني عاودت لك شنو كاين وهادشي ايلا بغيتي تعاملي معانا را غير على وجه ديك درية مبغيتش نضيع ليها حياتها..خويا هادشي مخربق عندك..دابا شنو؟..سمح ليا مكرهتش نعاونك ولكن شي حاجة فوق من طاقتي منقدرش والله وزايدون انا مكلفة غير بسيرفيس داكشي بعيد عليا..داكشي علاش جيت عندك نتي بالضبط..اه ولكن والله مانقدر ندير معاك شي حاجة كون كانت شي حاجة خرى والله مانردها فوجهك ولكن هادشي فوق طاقتي..صافي ماشي مشكل. قطعت معاها الغد ليه قصدت واحد سبيطار اخر لقيت واحد درية تما تكون عندها ديك 21 عام جيت بقيت طالقها عليها بلي مريض...الخ بانت ليا مطلوقة بقيت شاد معاها الهضرة شوية خديت نمرتها قالت ليا انا خدامة دابا فليل نهضرو وفعلا داكشي لي كان فالليل هضرت معاها وتعرفت عليها مزيان شوية قلت ليها باش نديرو شي قهوة قالت ليا واخا الغد ليه ريحت معاها وقريتها مزيان وبقيت كنفرش ليها فالهضرة شوية دخلتها نيشان قلت ليها بلي كتعجبني وبلي باغي نطيح معاها ...الخ (انا هادشي غا باش نستغلها باش تجيب ليا فانيد ونحل المشكل) قالت ليا انا دابا مكنفكرش فداكشي ولكن خليني نفكر فليل نرد عليك..واخا..

.. خليني نفكر فليل نرد عليك..واخا. مشيت فحالاتي فليل ماعيطتش ليها قلت نخليها ايلا بغاتني راها غتعيط وفعلا داكشي لي كان صونات ليا مع ديك 11: ألو..مالك غبرتي ملي تفارقنا من لقهوة غبر لك الآثر..كنت ناعس..اه ياكما فيقتك..لا لا..ياك مرتاح بعدا..بيخير..ايوا مزيان يالاه نخليك..فكرتي فداكشي،..اه فكرت..ايوا؟..ايوا ماعيطتش ليك غير هكاك فهم لراسك..لا باغي نسمع منك..اه قابلة..واخا عندك شي وقت نتشاوفو غدا؟..أه وقتما بغيتي من ورا 4 لعشية مزيانة؟..صافي واخا..فنفس القهوة؟..انا غندوز عندك ونمشيو من تما..صافي واخا. قطعت معاها الغد ليه تلاقيت معاها وديتها لواحد الكافي جالسين كنهضرو شوية جبدت معاها الهضرة وعاودت ليها البلان من لول تال لخر: شنو دابا مصاحب معايا باش تستغلني وتقضي غرضك؟..لا ماشي هكاك..وشنو لي هكاك..وغير فهميني المشكل لاعلاقة ليه بيك..ولاش جابد ليا هاد لموضوع انا؟ نت مع وحدة خرى وكتفلا عليا واش انا درية صغيرة..الله يهديك انا جبدت معاك هاد الهضرة ايلا بغيتي توقفي معايا نحل المشكل سي نو ماشي مشكل ماغيتبدل والو انا باغي غير نحل هاد المشكل باش نبقى معاك وبالي مرتاح..واخا ولكن خصك تعرف هادشي كيتخاد بعقد زواج وضروري..مكاينش شي حل اخر؟..غدا جيب ليا عقد زواج ديال راجلها وجيبها معاك وانا غشوف كيندير باش نعاونك.. . عيطت لختنا لخرا وجابت ليا عقد زواج ومشينا..

.. ومشينا قالت لينا تسناو نهضر ليكم مع طبيب ونشوف معاه بقينا كنتسناو شوية عيطات لينا ودخلنا عندو انا وختنا لخرا: سولني: مرتك هادي..لا..أرى داك العقد وأرى كارط ناسيونال..(اعطيتهم ليه)..هادشي ماشي قانوني..علاش..حيت ماشي مرتك وهادشي كيعاقب عليه القانون والبوليس وحنا مقادين على مشاكيل هاك وراقك وسدو معاكم لباب وكون مجاتني حشومة كون سيفطتك فين تربى..را حياة الدرية غاضيع اسمحمد..نت لي ضيعتيها ماعندي مندير ليكم القانون هو القانون ولكن كاين حل..لي هو..خليها طلق راجلها وتزوج بيها..جينا عندك باش توقف معانا ماشي باش تلعب فيها الشيخ حسان وراه كون ماعلى وجه الدرية كون دفلت لك على وجهك..واش عارف راسك معامن كتهضر..مع حمار لابس طابلية بيضا. جمعت وراقي وخرجت خليتو كينبح تما. مشيت فحالاتي فالليل عيطات ليا ختنا: أمدرا اش قاليك طبيب..والو مبغاش..ايوا اش غادي دير..معرفتش انا صافي تقادى جهدي..دابا المشكل الدواء انا بعيد عليا مكنحطش فيه يدي راك عارف انا مكلفة غير بسيرفيس..اه ماشي مشكل..انا نشوف لك واحد صاحبتي خدامة فواحد سبيطار (هداك لي مشيت ليه نهار لول)..واش سبيطار فلاني؟..اه..را ديجا مشيت ليه ودويت مع ديك درية ومبغاتش..انا غاندوي ليك معاها ونشوفو عالله..واخا. الغد ليه عيطات ليا باش نتلاقاو معاها فلقهوة فلانية ونهضرو معاها على المشكل..

..ونهضرو معاها على المشكل، وصل الوقت مشيت ريحنا مع ديك الدرية قالت ليا مكرهتش نعاونك ولكن حتى هي مكلفة غير بسيرفيس وبلي داكشي كيتخاد من بعد واحد لونكيط مع طبيبة + عقد زواج ومعندهاش كيف دير. قلت لديك درية لي معايا تمشي تخلص خونا باش نمشيو غير باش تخليني مع لخرا ناضت جبدت 700 درهم عطيتها لختنا..قالت ليا: لاش هادو..ختي متعاونينيش و ماديريش راسك بلاصتي ولكن ديري راسك بلاصة ديك الدرية لي غاضيع ليها حياتها ايلا ماحسيتي بوالو ومبقاتش فيك خلي عندك ديك 700 درهم بحالا لقيتيها. نضت مشيت فحالاتي انا وختنا. الغد ليه مع ديك 4 عيطات ليا ودارت معايا ورا سبيطار فين خدامة مشيت تلاقيت معاها جابت ليا داك فانيد مشيت عيطت لختنا وعطيتو ليها ومسحت نمرتها ديك ساعة وعيطت لديك فرملية لي طايح معاها جبتها لدار دوزت معاها ديك العشية كاملة قلت ليها بلاتي ندخل طواليط ونرجع مشيت لطواليط جبدت واحد نمرة قديمة صونيط عليها بيها شي 5 مرات وقطعت رديت نمرتي وخرجت عندها شوية قلت ليها نشوف تلفونك جبدت ليها ديك نمرة: معامن كنتي داوية..معرفتش شكون مصوني عليا انا مكنعرفش هاد نمرة..اه معرفتيش وبلاتي نصونيو ليها نشوفو. صونيت عليها وديجا داير واحد ميصاج فوكال ايلا شداتك بواط فوكال. سولتها شكون هاد خونا فين كتعرفيه..والله مكنعرفو ومكنعرفش ديك نمرة..ختي ماتليقيش ليا..والله راك ظلمتيني والله مكنعرفو..بدينا بالكدوب..واش مكتيقش فيا؟..صافي سالينا. مشيت معاها حتى قربات لدارهم ورجعت فحالاتي بلوكيت نمرتها دازت سيمانة رجعو الدار والقواد ديال سانديك وصلها لراجل ختنا حيت جا عند الواليد قاليه را ولدك كيضور ليا بمرتي وتصاضعت مع الواليد داك نهار وبرأت راسي بشوية ديال الكدوب وهنا سالا الفيلم...والسلام عليكم