ليس ما تريد هو ما تحصل عليه , وليس ما تتمناه وتحلم به يكون حقيقة , وليست كل حقيقة جميلة , ليس كل ما تملك يدوم , فلا تدوم الفرحة طويلاً , ولن تستطيع الصمود كثيراً , سرعان ما ستسقط , وسوف تحزن , وستجري انهار دموعك , سوف تتألم , وسيزهق الألم قلبك , سوف لن تجدي صرخاتك , ولن يسمعك أحد , ستكون وحيداً , ويبتلعك بحر الألم , ستغرق ببطيء , وتنقطع أنفاسك من شدة الألم , لن تفيدك الدموع التي تغمر عينيك , ولن ترى إلا الظلام , ستحيط بك أشباح الوحدة من كل الجهات , ولن تستطيع الفرار , ستتمنى لو يعود الزمن للوراء , وستتمنى لو لم توجد يوماً , ولن تنفعك الأماني , سوف تبكي وأنت تموت , وستسمر أيامك السوداء , سوف تتجرع مرارة الألم مراراً وتكراراً , لن تجد من يشفق عليك , ولن يلتفت إليك أحد , ستحزن في صمت إلى آخر أيام حياتك , إلا... إن كان لديك من يضيء سمائك , و تحيا به ولأجله , عندها , سوف تحيا كما لم تحيا من قبل , ستزوغ حلاوة الدنيا , وستسعد فيها , وتحس بها كما لم تحس من قبل , سوف تكون السعادة حياتك , وسيكون هو روحك وقلبك ودنياك , وعندها فقط ستدوم الفرحة , ويبزغ القمر , ليمحو ظلام الليل الدامس , وستجف الدموع من عينيك , وسترحل أشباح الوحدة ولن تعود , ستعود إليك الحياة , وهو سيكون الروح لحياتك . الحب أجمل مافي الحياة , وقد يكون الحياة لبعضنا , لن يعرف معنى الحب , إلا من زاغ طعمه , ولن يزوغ طعم الحياة إلا من زاغ طعم الحب , فالحب يمنح الحياة إحساس يغمر القلب بفرحة لا توصف , وسعادة لا تنتهي , فالحب هو قلب الحياة . والحب هوا اللي دخل حياة غيثة في فثرة كانت محتاجة فيها للي يوقف معاها ويخرجها من المعانات اللي كانت عايشة فيهم وبسببهم ودعات الدنيا وفكرات تنتاحر، ولاكن هاد الحب غرجها من باب ودخلها فباب اسود مضلم كثر من الباب اللي خرجات منو وبسبب حبها مشات فطريق اللي وصلها لما لا تحمد عقباه و تكرفسات جوج مرات فدقة وحدة و حطها فنار تحرقات فيها بوحدها فسن صغير ودفعات الثمن غالي جدا وسمحات لقلبها يتعلق ويحب حب من طرف واحد و تعرضات لأزمة نفسية الاولى بسبب الاغتصاب والثانية بسبب الحب . انفطر القلب دغيثة و اهتز و نشق وجميع تعاريف الحزن والالم تجمعو فقلبها.
خرجات غيثة كتجري ماغاديش نقول عاد المرة حمقاء ، ولاكن كي الحمقة وعينيها كيشوفو فدامها وكتجري وتبكي حتى تقطع فيها النفس و وعد موراها كتعيط وتابعاها بالجرى ، حتى لحق عليها نور وشدها جرها من يدها وهي دور عندو كتبكي
نور بقا ساكت وغيثة بغات تخرج من الفيرمة وماخلاهاش وهوا فكل مرة كيكون قريب منها كيزيد يأزمها حيت ماغارفش الاحساس الاليم باش كتحس وهوا قدامها وكتشوف فيه ، بقا كيتجاحد معاها وهي كتسرط الريق بزز حلقها نشف
غيثة: نور ...الله يرحم باباك ...مش وخليني بواحدي الله يرحم والديك ، انا فشلت وهصني نبقى بوحدي ضاروري 😢
مشا نور وغيثة جلسات جلسات فوق واحد الحجرة شادة راسها كتقية ووجها حمر وعينيها خارجين والتقيا كتخرج من فمها ومن نيفها و وعد واقفة حداها الدموع نازلين ليها من الحالة اللي وصلات ليها غيثة ، وكتشد فيها والفلاحة جابو ليها الماء كيشروها وهي كتنخصص وتمايل كتبكي ماققدراتش تحرك يديها ، كتافها طايحين وفمها كيترعد ووجها فازك وعينيها منفوخين و كتنفس بزربة شهيق زفير، حطو ليها يديها فالماء بارد وبغاو ينوضوها مابغاتش تنوض من بلاصتها ورافضة تشوف شي واحد من صحاب الفيلا من غير وعد اللي واقفة حداها تالفة وغيثة دايرة بيها الدنيا ماعرفاش شكون واقف وشكون جالس و مشايفاش وعد اللي جالسة حداها بثاتا تحت اعين عهد اللي كيشوف من بعيييد واقف فالبالكون وغيثة قادوها رجليها حتى لقدام البالكون و جلسات كتعذب ، شافها كتموت وشاف نور فاش هضر معاها و داز كلشي قدامو وهوا عينيه مفيكسيين فيها عاض سنانو وكل شوية يدوز يدو على الرقبة ديالو بعصبية و يمسح على لحيتو بحجبانو عاقدهم ، بقات غيثة فبلاصتها ماسكتاتش وكل شوية تعبط راسها كتقيا غير المشكوشة وتعصر وتقج حتى دخلات الطونوبيل دمروى بالشيفور مع الباب ونزلات عندها مروى كتجري وقفاتها شادة فيها وغيثة كتنهج وصوت ها كيتسمع ، ركبوها وجلسو معاها اللور شاديين فيها ورجعو مشاو ومروى كتشوف فيها وكتهضر مع وعد بعينيها كتسولها و وعد كتقوليها من بعد مابغاتش تهضر باش متكملش على غيثة، الطريق كاملة وغيثة كتمايل وتبكي وتغوت وتهبط راسها حتى لرجليها وتخليها حتى كيجروها لور وكتبكي وتنحط ، وصلو للقصر ودخلوها هاكاك فديك الحالة بغاو يطلعوها مابغاتش وجلسات وسط القصر مابقا مايبان ليها لاقصر ولا شكون فيه ، ضلامت ليها الدنيا وبقات عاطياها لبكى و تقيا بالغدايد حتى سخفات
سخفات ولاكن بعينيها محلولين تقال تقلبو لفوق وكتحلهم بزز وكتصدر انين كيوحي للالم اللي بداخل ديالها وكتنخصص ماتو فيها كاع الاعضاء دارو بيها كاع اهل القصر وحتى نضال شد ليها فيدها وكيسول مالها وكيقلب ليها دقات القلب اللي فيدها حتى دخل نور لقى الخدامات كيجريو هازين الريحة والماء بارد والفوطات كيجريو جيهتها ، يالاه وقف قدامها وميساء حداه يدات غيتة كتقلب لؤاسها وتلوى مكتحركش اعضاءها وكتزيد فصوت الانين وهوا يبعد غبر وتبعاتو ميساء ، اما عهد مابانش ومجاش نهاءيا وحتى نانسي بقات معاه فالفيرمة ،دخلو عندها اطباء القصر كيجريو يالاه حط واحد منهم يدو على راسها تخلعالطبيب: درجة الحرارة مرتفعة تعدات الربعين خصنا ندخلوها للحمام ضاروري
هزها واحد من الاطباء كيجري بيها ونضال سخط تبع نور يعرف شنو وقع ، دخلوها الاطباء حطوها كيجريو ومروى شادة فمها مخلوعة ، حطوها فالبانيو وحلو عليها الماء وبداو كيطلبو التلج بكميات كثيرة وكخويوه فالبانيو وغيثة كتصدر صوت الانين وعينيها مقلوبين مخشية وسط الثلج كتقطر بالعرق من راسها ، ضربو ليها ابرة وهي فوسط البانيو والثلج ومكتحركش ودارو ليها الاكسيجين فمها وعلقو ليها السيروم فالبلاصة وبقاو كيدورو بيها وكيخويو فالثلج حتى بدات كتهبط درجة الحرارة تدريجيا وهزوها فوق البياص بعينيها مقلوبين مكتحركش هبطوها كيجريو للكلينيك مغطية بمانطة خفيفة وخرجوها ومروى تابعاها هي و وعد فالطوموبيل، اما نضال مشا عند نور معصب سولو عاد فسر ليه نور شنو كاين وشنو وقع وتبعوها للكلينيك ونضال غادي وكيعيط على عهد فالتيلي تا عيا وداز للفيكس دلفيرما دوزو ليه نانسي
نضال: فين عهد؟
نانسي: ماعرفتش؟ خرج ماعرفتش فين مشا ماقالش لي؟
نانسي: ماعرفتش؟ خرج ماعرفتش فين مشا ماقالش ليا فين غادي؟قطع عليها نضال وكمل طريقو معصب حتى وصلو للكلينيك ودخلو غيثة للانعاش نيشان ودخلوها وبقا نضال غادي جاي محطش تيلي كيقلب على عهد ونور جالس كينهج وميساء كتبكي ومروى و وعد سخفو بالبكا
بقات غيثة فالانعاش والاطباء معاها لمدة 6 دسوايع ومها وصلات للقصر غالطونوبيل اللي داتها لرباط وجابت خوها معاها داخل حشمان للقصر كيسرح عينيه بنص عين فالمكان اللي كلو موضفين وكل واحد والمهام ديالو وهوا اللي عمرو دخل فيلا ضخمة دخل نييشان دابا لقصر كانل محاط بالرجال وحراس من الخراج ومن الداخل منين ما داز كيتصدم حتى دخلو وبدات ملاك كتصرف قدامو فالقصر بكل طلاقة فرحانة حيت خوها مشا معاها فالخط ، وشكون اللي كره بنتو تعيش ملكة وتعيش اسرتها فعيشة اللي كيتمناها اي واحد وكيحلم بيها اي واحد وحلم صعيبة يتحقق لكلشي ومستحيل يتحقق للبعض وملاك عمرها حلمات بهاد النيفو كاامل لاهيا لا اسرتها ولا بنتها ، كان عندهم تفكير محدود وماعالمينش على الحياة ديال ليزاغشي ميلياردير وماشي غير اغشي ميلياردير واحد و انما 4 هما وكل واحد عندو ثروة ديالو لا تتصور والرابعة هي مروى اللي ديجا ورتات ثروة ديال الاب دنضال كاملة ونضال اللي شق طريقو فحياتو و من اغنى اغنياء الاعالم هوا ولادو للي محتلين المرتبة الولى ونور اللي طور حيتو وشق طريقو حتى هوا وستقر فلندن وعهد اللي ملقبينو بملك كولومبيا لانه عايش فيه واللي غتعرفو علاش عطاوه عاد اللقب من بعد ، الفرحة دملاك ماكملاتش ملي وقفات عندها وحدة من النوضفين اللي فالقصر وخبرتها بما جرى ، ناضت هي وخوها داهم الشفور حتى للكلينيك ومشات ملاك كتجري وخواها موراها مخلوع حتى وصلو للقاعة اللي جالسين فيها الاسرة الكريمة وبقا يونس خو ملاك كيشوف فيهم كيف الاب كي ولدو الى ضارو متفرقش بيناتهم لشكل الجسماني ديالهم و جات عينو على وعد شافتو كيشوف لجمال عينوها وبياض وجها وشعرها الاسود اللامع فيها وهي تقلب عينيها ، مبقاتش فرصة للتعارف بين اخ ملاك والاسرة لان مل واحد فين سارح ويونس شاد ملاك بغات تسخف بالبكى وماعارفاش اشنو السبب حتى خرجو الاطباء كيهضرو الانجليزية وبحكم يونس قاري وعندو الدكتورة وماحالفوش الحظ يخدم فهاد البلاد السعيدة لان الوضاءف كتمشي للعقول الفارغة صحاب الحبة وباك صاحبي هما اللي مسيرين لينا البلاد وغاديين منضمين تبارك الله علينا والله يحجبنا من العين فينا كترت الهضرة والراس خاوي ، خدم كأي موضف فقطاع خاص لأن قرايتو والمستوى ديالو اللي وصل ليه فالدراسة معندوش منصب ومنصب ديالو وديال اللي بحالو هوا يقبل بأي وضيفة ومايبقاش بلاش و الكوسالا شادين المناصب الكبار كيحرثو على يونس واللي بحالو ...
الطبيب: عتقناها وكن ماعتقناهاش فالوقت المناسب كانت تقدر تموت او تشلل ، وقع ليها نهيار عصبي حاد وعطيناها مسكينات ، يمكن ليكم تشوفوها واخا ناعسة دابا تحت تأثير المخضر
نور: امم...يمكن ليك تمشي
مشا الطبيب ودخل نور وملاك قاطعة البكية وبقا نضال كيدوز يدو على شعر مروى كيسكتها و يونس واقف فالطرف باغي يدخل يشوف غيثة وفنس الوقت كيخطف شوفة من وعد اللي جالسة دور فعينيها وكتمشي عينها جيهت يونس وترجع تقلبها وتعوج
دخل نور وملاك كتشوف وكتقطع على بنتها اللي مجبدة فوق البياص و وجها اللي كان بحال الوردة ولا صفر وعينين دابلين مغمضين واكسيجين على نيفها وصدرها كيتهز وصوت القلب كيتسمع فغرفة الانعاش دقات غير متوازنة ، بقا نور واقف وميحرك راسو يمين يسار، بقات فيه الصورة دغيثة فاش كانت كضحك وكضحكهم معاها وكيشوف فيها دابا وهي ضعييفة، مشات البشرة النضرة و الوجه المشرق اللي كانو كيشوفوه بيها وتقلبات فضرف 10 دقاءق من اللحضة اللي رجع ليها عقلها و نزلو عليها الاحداث وحدة تلوى الاخرى، تأثر نور وجلس حاط يدو على فمو وكيشوف فغيثة وهي حالة فمها وسط انبوب الاكسيجين وعينيها تعبو من البكاء وتفخو وناعسة تحت تأثير المخضر، شاف فيها نور حتى مقدرش ورجع غمض عينيه وخرج وبقات مها متبوس ليها يدها وراسها وكتبكي فصمتملاك: عمرك يابنيتي فرحتي ...من نهار تزاديتي ونتي كتعدبي😢 شنو ندير انا فهاد الدنيا الى مشيتي وخليتيني 😢 كن بقيتي حمقة حسن ...كنتي فرحانة اما دابا تفكرتي كلشي😢 ماكرهتش نهز عليك غير شوية من هاد الهم اللي جامعة 😢 سمخي ليا ابنتي الى معرفتش نحافظ عليك، اللي مقدرتش نحميك 😢 (باست ليها يدها) تمنيت نشوفك عروسة بحال اي أم اهىءاهىءاهىء 😢 هادا المكتاب ماعندنا مانديرو 😢 غير رجعي بصحيحتك وكنواعدك نفديك بحياتي غير رجعي وقفي على رجليك 😔
بكات ملاك حتى طابت و غيثة مكتسمع ما والو ، خرجات من الغرفة دغيثة الباردة والمضلمة وكلها آلات بحال شي قبر فوق الارض ، دخل نضال ومروى وهي كتبكي وكتشوف فيها، عنقها نضال كيسكتها
مروى: اهىءاهىءاهىء 😢 فاش كتغكرك عاد البنت انضال 😢
نضال: شووو ...صافي احبيبتي، اللي وقع وقع ...دابا خاصنا نشوفو شنو جاي وشنو اللي مخبي لينا من هنا لقدام، غير تصح الحل اللي بغاتو نديروه معاها
مروى: اهىءاهىءاهىء 😢😢 انا اللي حاسة بيها 😢 انا عارفاها دابا باش كتحس 😢 فكراتني براسي ، ولاكن هي عذابها كبير مغيحس بيه غير المجرب 😢 فكراتني فراسي 😢 المشكل هو انها باقة صغيرة داقت المرار نضال: شوو عاارف .. (عنقها) صافي دابا راه البكى ماعند باش ينفع
مروى: كينفع ...كينفع انضال اهىءاهىءاهىء 😭 كيبرد القلب ...كينقص من الوجع 😢
نضال: اجي معايا ...خليها ترتاح
جر نضال مروى خرجها كتبكي على غيثة وعلى المعانات اللي عاشتهم وذكريات اللي تفكراتهم وكاع الاحاسيس ناضو عليها رغم هاد السينين كااملة اللي دازت الاحاسيس مكتموتش وانما كتخبى حتى كيجي شي واحد اللي كيفكرك فيهم ، و غيثة هي اللي فكرات مروى فاللذي مضى.
دخل يونس شاف غيثة بقا غير كيشوف مابيدو مايدير وهي دخل وعد موراه كتشوف متأثرة من الوضع حتى هيا ، بقاو واقفين وعينيهم مليءين بالحزن حتى واحد مهضر مع الثاني وخرجو غادين ويونس حادر راسو ، من طبعو كيحشم خصوصا كيحس براسو براني وسط هاد العاءلة وتغرف عليهم فضروف خايبة ، بقاو غاديين ختى هضرات وعد
زاد بونس وخلا وعد واقفة مصدومة من تصرف ديالو مارضاتش ، يونس حدودي وبعقلو فعمرو 32 سنة وهو الاخ الاكبر فالذكور وعليه كيعولو خواتاتو الكبار ومنهم ملاك وحتى خوتو الصغار و واليديه، طويل وجسمو رياضي وشعر اسود فاتح مايل للبني ولحية كثيرة وعينين قهوينين وبشرتو مايلة للسمورية، كيهتم بالمضهر ديالو وداءما انيق وقليل الكلام ورجل جدي كيلبس قدو ماشي من النوع اللي كيشوف الفوق داكشي علاش مكملش الهضرة مع وعد وخلاها حيت عارفها ماشي من المستوى ديالو زيادة على الجمال ديالها اللي عمرو ماشافو فشي وحدة ، هادشي خلاه يلزم حدودو معاها لان الطبقة الاجتماعية بينها وبينو بعيدة بزاف و كيتفادى يتقرب من هاد النوع ديال البنات من ديما ، خرج لقى نور واقف برى كيمي ومشا عند ملاك يونس: ملاك يالاه نمشيو
ملاك: فين غنمشيو؟
يونس : نباتو فشي اوتيل حتى تفيق غيثة عاد نهضرو فهادشي، انا ماغنمشيش معاك عندهم
ملاك: راه ماجاتش ايونس ... (قاطعها)
يونس:شوفي ...هادوك نسابك نتي اللي كتعرفيهم ، انا مكنعرف ختى واحد وماعندي ماندير عندهم ، انا غنمشي لوتيل ونتي سيري معاهم، راجلها مامساليش هاد ساعة وكل واحد فين ماين عقلو واصلا ماشي وقت تعارف هادا
ملاك: فين هوا هاد راجلها ؟ قين شفتيه،؟؟
يونس: وداك السيد اللي دخل معاك عنده شكون؟
ملاك: ماشي راجلها هاداك! راه لوسها..خو راجلها، اما راجلها كاع مابان، كن تشوفو كي داير كيعصب ، ماعمرني هضرت معاه ولا جا لساني على لسانو
يونس: غير سمح لي اسي نور غادي نرجع عندي شي خدمة حتى لغدا ونجي
ملاك: ياك كنتي غادي لوتيل؟
يونس خزر فملاك فضحاتو وهي على نيتها قالتها ، عاق بيه نور و داه معاه للقصر بزز منو ومشاو كاملين.
بقات غيثة بوحدها فالانعاش حتى لمنتصف الليل والحراس فالباب وقفين حتى ضربو التحية وحلو الباب ودخل خيال اسود وقف فالباب وسدها موراه
دخل عهد مثمل وعينيه حومر كالعادة شرب حتى تقل ليه الراس وماقضاش فيه ، عينيه تقال ولاكن كيتمشى عادي، وقف فطرف البياص وحط يديه على رجل غيثة لتحت وبقا غادي وكيطلع يدو وكيشوف فغيثة حتى وقف حدى راسها وبقا واقف كيشوف وعينيه تقال، جر كرسي برجلو وجلس حداها كيشوف فيها ويرجع يغمض عينيه ، شوية شد ليها يدها الصغييورة بقا كيشوف فيها ويحرك ليها صبعانها ، هزها باسها وغمض عينيه وطوول البوسة فيدها عاد شاف فيها كيهضر ويسكت شحااال ويكمل الهضروعهد: علاش بضبط نتي اغيثة علااش !؟ وانا معاك ...مرتاح وفرحان ونتي حدايا ...علااش كنرتاح فاش كنكون معاك؟ علاش كنحس بقلبي كيتهز فاش كنشوفك؟ شكون نتي ؟ كل نهار كنموت ونعيش ونتي معايا(عينيه تقال) كرهت ومليت ...مابقيتش عارف شنو ندير؟ شنو نتي بالنسبة ليا؟ (تنهد) جيت نقوليك سمحي ليا ...سمحي ليا على داكشي داكشي اللي درت ليك، عارفك كتكرهيني وماعندكش علاش تبغيني اصلا ، انا ماصالحش ليك، ماشفتي من مورايا غير الويل ...انا كنواعد اغيثة غادي نأدي الثمن ديال هادشي اللي داز عليك مضوبل بلا ماتختاجي تنتاقمي مني واخا ماعندكش الجهد كيما قلتي ، ولاكن راني غنخلص على هادشي اللي درت ليك بلا ماتحتاجي تنتاقمي .
طلق ليها من يديها وناض بقا كيشوف فيها شحااال وكلمس ملامحها حاجة بحاجة وكيحقق النضر فيهم مزيااان وكيرجع لشعرها ويديها وحيد ليها الاكسجين باسها من فمها ورجعو ليها و وقف كيشوف تا عيا و دار بغا يخرج ورجع تقلب كيشوف فيها وحل لباب وخرج ، خرج لقا نضال جالس قدامو كيتسناه يخرج
نضال: اجي معايا بغيت نهضر معاك
عهد: مافيا اللي يهضر (لسانو تقيل)
نضال: (كيجرو) لا غتمشي معايا بزز منك ، شوف حالتك كي دايرة ، شوف عينيك كي ولاو ، واش باغي تموووت
عهد: واااغا خليني
نضال: راه مغنقتلكش غير غنهضر معاك
عهد: وا صااف اصاحبي ماباغي نهضر مع تا واحد ...باغي تقتلني قتلني وفكني
نضال: مامفاكش معاك حتى نفكو هاد الحريرة اللي غرقتي فيها راسك
جرو نضال غادي وكيدفع فيه وعهد قدامو عينيه معصرين مكيقشع تا حاجة وكيتمشى عادي من غير لسانو اللي تقيل وعينيه اللي كيخلعو غادي قدام نضال وكيسب فنفسو تا داز قدامو واحد داخل وهوا يشدو عهد شنق عليه
بعدو نضال على الناس اللي فلكلينيك وجرو جيهت الطوموبيل وليكارد كور موراه وعهد غادي وكيدفل كيسيفط الدفلة بسرعة بلسانو تا طلعو نضال فالطوموبيل كيساوي معاه وحط عهد راسو مور الكوسان مغمض عينيه وداوه
مشا نضال خدا معاه عهد وداه بعدو بقاو غادين تقريبا ساعة ونص بسرعة حتى وصلو لجديدة وقفو حدا البحر والبرد البحر هايج ونزل عهد شم ريحت البحر وحيد حوايجو ومشا تلاح وصط الامواج وبقا نضال واقف متبع ليه العين ويديه على خصرو كيهضرو بوحدونضال: سير دابا طفي الغضب ديالك واجي نهضرو ديك الساعة ومنها نيت تسحى شوية (هضر مع ليكارد كورد) بلونش ديال سورف
دخل عهد مابقاش كيبان وسط الامواج ونضال متكي على الطوموبيل،رماو ليه لوحة التزلج وخرج هزها ورجع كيمشي ويجي فوق الامواج وسط سواد الليل وحتى واحد ماكيعوم فالبحر من غير بعض الطوموبيلات مبلاصيين فيهم بنات ودراري كيسكرو وكيتمعشقو ، بقا نضال كيتفرج فعهد لمدة طويلة عاد خرج عندو هاز لوحة التزلج وشعرو فازك وجسم مثير وعاقد حجبانو ، خرجو ليه الفوطة دارها على ضهرو و جلس على واحد الحجرة كيكمي ونضال كيتفرج فيه ، خلاه تا برد عاد هضر معاه
نضال: كتبغيها؟
عهد: ماكنبغيهاش
نضال: كتبغيها
عهد: مانبغيهاش
نضال: كتبغيها(كيعصب عهد)
عهد: ماااكنبغيهااش
نضال: ماكتبغيهاش
عهد: كنبغيها
نضال: قولها من صباح
عهد: شنو؟؟
نضال: هه والله تا نتا علاام ، هانتا gريتي دابا وقلتي كتبغيها
عهد: قبل مانجي للمغرب سيفطات ليا مسج غلط فالفايسبوك وبلوكيتها ومن بعد شفتها مع نور فالحفلة ديبلوكيتها باش نتأكد هي ولا ماشي هي وطلعات هي وبقينا مني منك فالفايس
عهد: راه غير طريقة باش جبداتني فشكل ، سيفطات ليا ورقة فيها متحان وهضرات العربية مافهمتش اش قالت ؛ دخلني الفضول وسولت الواليدة من بعد قالت ليا بلي هي وسط القسم وخاصها اللي يخرج ليها داكشي و اول مرة نشوف شي بنت كتنقل بهاد الطريقة وسيفطت ليها الاجوبة
نضال: ايوا من بعد؟
عهد: صافي من بعد ماهضرتش معاها وسيفطات ليا مسج مافهمتوش وعاودات سيفطات واحد اخر حتى هوا مافهمتوش وبلوكيتها عرفتها غتبقى فارعة ليا راسي وباقا برهوشة من الفوق. ..حتى لنهار لانيف شفتها ديبلوكيتها وشرحات ليا الواليدة داكشي اللي كتبات بللي عتاذرات وسيفطات المسج غالط وبغيت نشد فيها شوية
نضال: وعلاش بغيتي تشد فيها ونتا عارفها مع نور
عهد: حيت جالسة و وجها صحيح وكتشوف فيا بحال الى ماوقع والو وبحال الى عمرها سيفطات ليا شي حاجة ، بان ليا فيها البلان بغيت نعصبها وبديت كنهضر معاها وسط الحفلة
نضال: ونتا عجبك اللعب معاها وجلستي تعاطا نتا وياها ياك؟
عهد: لا ماشي هاكاك، حيت بانت ليا كتجاوبني وماكتشوفش كاع جيهتي بحال الى ماشي انا للي كنهضر معاها وكنشوف فيها كتعصب و كتجاوبني وفاللخر عصباتني وخديت ليها الفايس وشفتها ضارت عند نور رجعو ليها وحطات سطاتي عليا و ما عرفاتش شكون خداه ليها مي قصدات بيه اللي داه ليها
نضال: نتا باش فهمتيها اش كتبات؟
عهد: اححم...الواليدة كانت كتشرح ليا
نضال: اييه ...اوا زيد
عهد: هادشي اللي كاين
نضال: زيد زيد كمل زيد ...مزاال ماساليتي
عهد: جاوبتها فبريفي وسباتني و ديزاكتيفيت ليها الكونت من تما ماشفتها تا لنهار الكنازة
نضال: واهضر ... (دور وجهو جيهت ليكارد كورد) عطيه عطيه شي شيgار عهد غادي جاي فالرملة حفيان حتى دخلان ليه زاجة خضراء فرجلو من وعوج سيفتو صعر وجلس فوق الحجرة اللي كان جالس عليها وهز رجلو على ركبتو جبد الزاجة والدم كيقطر ونضال متكي فبلاصتو كيشوف فيه ، ناض عهد كينقز على رجل وحدة مشا خشا رجلو فالماء دالبحر مالح كيتسنى شللها وشرك الفوطة اللي على كتفو لوا طرف منها على الجرح ورجع كينقز جلس حاط رجلو على ركبتو وكيمي
أنا أحترق الجزء 11 (الفصل الثاني)
محتوى القصة
التنقل بين الأجزاء