قصتي مع آية الجزء الخامس

مهم نعست داك نهار بكري فقت لغد ليه فطرت هزيت شكارتي مشيت بكري وتلهفت نشوف اية مهم وصلت لليسي لقيت راسي بوحدي لتم فديك الوقت مهم كلست بوحدي وتسنيتها تجي ماعليناش دازت واحد 7 دقائق وكنسمع دراري ودريات جايين وكلشي جاي وكنقلب على اية بينهم مي ملقيت والو تعجبت فواحد لحظة وقفو عليا شي دراري قالو ليا يالاه ندخلو قلت لهم غا سيرو ادراري انا تابعكم مهم دازت 5 دقائق خرا سمعتها صونات وناس كيدخلو مي اية باقي مجاتش حرت واش نمشي ندخل ولا نبقا حتى تجي را بنت قسمي انشوفها من بعد هكا قال ليا عقلي... هذا هو الحب احسين تسنا اية حتى تجي ومنها نيت هضر معها شويا هكا قال ليا قلبي وانا من ناس لكيتصرفو بقلبهم مهم تسنيتها وانا حادر راسي وكنتمزك فواحد البلاصة حدا ليسي وفواحد لحظة هزيت عينيا وشفتها جاية كتجري وصلات لعندي موقفاتش غا سلمات عليا ومشات هانية انا عيطت عليها اية مالك علاش تعطلتي ؟ وقفات وشافت فيا وحدرات عينيها والو احسين غا مفقتش بكري دبا يالاه يلا غدخل تانتا را تأخرنا .. شوفي اية بلاا متعدبي را سدو الباب قلتها وانا واثق فراسي وخا معرفتش واش سدوه ولا لا انا درت هاد الخطوة باش ندوز مع اية ساعة خرا ونتمتع بالحوار ديالها (حيت الرسائل نصية ماشي بحال الواقع) ونحاول نتعرف عليها كثر ونحيدها من العزلة ديالها وخا غي لساعة وحدا ماعليناش تيقاتني ومشينا كلسنا فواحد البلاصة وتبادلنا اطراف الحديث وقلت مع راسي نزعم ونسولها على داك الموضوع : علاش هي وحدانية وديما خايفة مهم تشجعت وسولتها .. اية بغيت نهضر معاك فداك الموضوع لقلت لك البارح ولكن خفتك تقلقي .. لا غا هضر احسين قالتها وعينيها فالأرض عمرها ماشافت فيا شي شوفة مقادة ماعليش .. اية علاش نتي ديما خايفة ومنعزلة علاش مكتخلطيش بدريات لخرين وبدراري را هادي مدة وانا كنحاول نتقرب منك ونتحاك معاك بدون فائدة وتيقي بيا انا را بغيتك ودخلتي ليا لقلبي (منعرف منين خرجات مني هاد الهضرة مهم يمكن هاد سؤال ايكون هو منعرج القصة كلها غيقلب الأمور رأسا على عقب ). اية ترددات وسكتات مجاوباتنيش وانا ضغطت عليها باش تجاوبني وطلبت منها تيق بيا وتعاود ليا كلشي على حياتها وفكرتها بلي ديجا البارح وافقت تهضر معيا فالموضوع وخا معارفاش تفاصيلو .. فواحد اللحظة اية بانت ليا كتبكي ودموعها سالو وجاوباتني وهي بقا كتبكي حسين خوتي هما سباب فكلشي