قصتي مع الطبيبة الجزء الثاني

قلت ليها وضفاك مبيناش علك تتخصري لهظرة قالت ليا هههه تيحسابليك شي مكلمنة وراه كلشي تيمشي غالط قلبناها ضحك بقينا داوين حتال ديك 3:30 قالت ليا نمشي نعس حتال غدا ونكملو صافي ختنا طاحت يمكن داني نعاس شاد تيلي صباح فقت معطل وانا نلقاها مصيفطالي مساج فيه صباح الخير قلت ليها صباح نور سفا شنو تتعاودي قالت ليا تندوي معاك من لخدمة صافي ختنا ملي تتدوي معايا من الخدمة يعني تتحس بشي حاجة من جيهتي ولا تنعجبها قلت ليها ممكن نتلاقاو فلبلاصة قالت ليا اه ولكين انا تنخرج حتال 11 ديال ليل قلت ليها عادي حتال 11:30 ونجي نهزك من قدام صبيطار قالت ليا صافي قطعات وانا نمشي عند الواليد بست ليه راسو وقلت ليه لله يخليك لينا قاليا غير قول شباغي بلا سباغة قلت ليه ولدك انا خليلي طوموبيل فليل قاليا شباغيها جيتو لصراحة قلت ليه غادي نتلاقا مع ديك طبيبة لي شفتي فصبيطار قاليا ااه صافي انا نوصلكم تيضحك عليا مالنا قاصرين مبغاش يعطيني سوارت قالت يدك مضروبة متقدرش تسوق قلت ليه صافي بلاش غنمشيو غير على رجلينا وخرجت مشيت عند واحد عشيري عندو واحد T-MAX طلبتو عرفني محتاجو قاليا اه مرحبا عطيني 1000 درهم ودير لموطور لبلان عشران د طلاوي خديت لموكور وقلت ليه لفلوس حتى نرجع ديت لموطور لافاج يتغسل وحلقو عليه مزياان و مشيت لدار لبست ديك لحطة لي معمري لبستها محطوطة غير لبحال هاد لمناسبة وبقيت حتال ديك 22:00 عاد خرجت من دار مشيت قدام صبيطار وبقيت تنتسنى فيها مخرجاتش حتال 23:30 خرجات جات عندي ديريكة قالت ليا لحيوان سايق لموتور بيدك لي يلاه مخيطة واش بغيتيها تعفن فاك ها باش خيبة تعاشر طبيبة قالت ليا نزل نزل نوريك نزلت من نيتي وهيا تحيد صاك وقالت ليا شد انا تنتسنى شنو غدير وهيا تطلع فوق لموطور وشدات لغيدون وقالت ليا طلع شنو تتسنى وظفااك كتعرفي تسوقي قالت ليا طلع من لفهامات راه طيارة ونسوقها ليك ماشي حيت بنت و طبيبة تحكرني هههه ملقيت منقول طلعت وراها وشاد صاك قدامي شوهة شوهة لحمد لله بليل حتى واحد مشافنا وشعرها خنقني دخلي من نيفي و فمي يخ ثف ثف أعنديلمي أنا لي مرندف معاها قلت ليها فين غنمشيو قالت ليا لي بغيتي نتا هو راجل قلت ليها لا سمحي ليا خليتي شي راجل بدات تتضحك و وقفات حدا واحد لكورنيش ف طماريس نزلنا دنيا لكااالم تنسمعو غير لبحر عطيتها صاكها وبدينا تنتمشاو تما و الغابة قريبة وليييل مي لكالم بدات ختنى تتعاود ليا على راسها و بلي هيا من عائلة فيها 6 لخوت وهيا لي بنت وسطهم هادشي علاش تربات بحالهم مرجلة شويا وخا هكداك ختنى علااام بقينا داوين وتنتسناها غير تسكت باش نقولها عجبتيني وكدا والو مسكتاتش وقفنا عند الرملة حدا لبحر وانا نقوليها بغيت نقولك شي حاجة قالت ليا عارفة ؟ شنو كيفاش عارفة قالت ليا عجبتك وبغيتي تولي بيناتنا شي حاجة وكدا قلت ليها بغيت نقولك ممكن تعطيني سوارت ديال لموطور حيت غيطيحو من جيبك وانا غير مسلفو ولكين عجبني تفكير ديالك بدات تتضحك بجهد قالت ليا حيوان تتعاير بزاف ديلمها قلت ليها لا بصح عجبتيني و مبغيتش نزرب ونقولك شي حاجة وتندمي ولا قالت ليا لا حتى نتا فشكل وتنلقا معاك راحتي تعنبة عليها مزيان حتى وافقات يلاه بغيت نعنقها وندير شي نهاية سعيدة وهوما يوقفو علينا واحد زوج كيف شفت فيهم عرفتهم هوما لي كانو دخلو عليا انا و الواليد فالمحال ؟ (يتبع)