قصتي مع الطبيبة الجزء السادس

من تأليف مجهول
2017

محتوى القصة


قلت ليه اه بغيت نخرج اخويا قاليا صافي سني على ديك لورقة لي غيعطيك خونا ودخل لحبس شويا بلاما نساك مولشي وغادي نخرجوك قلت ليه صافي سنيت بزربا قاليا ودبا شنو غنقولك دخل لحبس أحبيبي وقطع حسيت براسي تخورت فهاد لقادية بقيت انا ولبوليسي لي تيجيبلي تيلي ديما قرب حدايا وقاليا نقولك واحد لحاجة داخل داخل لحبس تعرف شكون سبابك قلت ليه شكون قاليا داك لولد لي ضربتي ولد سي بنكيران وظفاك من نيتك بن كيران لي تنعرف قاليا اه قلت ليه لا هو عندو غير بنت شادا لخزينة د المغرب قاليا حتى هدا ولدو مي ماشي شرعي صافي بقيت مصدوم أصلا بن كيران باينا شرير غادي يغبرني لمهم خرجوني انا وشي محابسيا من صبيطار وهزونا فواحد لكار وكين زوج بوليس معانا بشيفور غادين حتال واحد لقنطرة وحنا نسمعو رويضا طرطقات نزلو بقاو تيركبو سوكور وخلاونا صهد صهد ديال بصح ويلاه خرجنا من صبيطار ومرااض بدينا تنغوتو حتى نزلونا بالمينوط فيديا مع نازل مع لباب ديال لكار قلت علاش منهربش ؟ اصلا غندخل لحبس وغنشرف تما وكيف والو نموت تما للهم نحاول تيبان ليا غير نقز من لفوق تما خليتهم حتى بداو تيركبو رويضة وانا نمشي تنجري جيهت صور وهوما يشوفوني ولكين معامن فيه كيف نقزت بقيت تنتشقلب فسمى بحال شي سردينة حتى طحت على ضهري فلمى حسيت بالعضوما تهرسو ولمينوط باقين فيديا بديت تنعوم تحت لقنطرة حتى خرجت من لجهة لأخرى طلعت شديتها جريا وحدا فواحد لغابة ديريكة تنجري ومع لخلعة معقلتش فين غادي ولا واش تابعني شي واحد حتى بعدة مزيااان غنكون مشيت شي 5 Km شديت حجرة بقيت تنضرب فسنسلة ديال لمينوط والو مبغاتش تهرس ولابس حوايج بيضين باينين ديال لحبس غنخرج من لغابة مغاديش يعطلوني لمينوض كبار شويا تنحس بيهم غادي يخرجو خاصهم غير شويا وصافي بقيت مع يدي حتى سمعت لعضم تهرس ولكين خرجات من لمينوط بزربا دبا وبقاو واحلين فيد وحدا مشيت تنجري تاني وشاد يدي باليد لأخرى حتى وصلت لواحد دار بوحدها تما دقيت محل ليا حتى واحد هرست واحد شرجم ودخلت بزز مع يدي دخلت تنقلب لقيت حوايج لبستهم وخا كبار عليا شويا بقيت تما شويا ربطت يدي بواحد لفاصمة لقيتها تما وخبيت لمينوط لي فليد لأخرى وخرجت بقيت غادي حتى وصلت لشانطي بقيت واقف حتى واحد مبغى يوقف حتى عاملني واحد مول سي 90 طلعت معاه وصلني حتال واحد درب نزلت قلت ليه لله يرحم ليك لواليدين مشى دبا معندي فين نمشي ومعارف حنى واحد يقدر يعاوني ويد مهرسة يمكن و ليد لأخرى مزال فيها لمينوط ؟ (يتبع)

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.