المدللة و المتوحش الجزء الرابع

من تأليف مجهول
2017

محتوى القصة

رواية المدللة والمتوحش

رجع مراد للدار طل على الين لقاها ف سابع نومة دخل لبيتو و نعس و بما انه الغد ليه راحة صبح خامر
اما الين فاقت مع 9 غسلات وجهها و غير هزاتو تشوفو فالمراية لقاتو كاع جنابها زراقو و كبدا كيحرقها شدات فوطة كدوزها عليه بشوية نزلات للتحت ما بان ليها حد فالكوزينة هزات ما بارد رقدات فيه الفوطة و بدات كتمسح بيها وجهها و كتبكي عينيها ولاو حالتهم حمرين و منفوخين و وجهها كيخلع بقات كدور و تولول و مخلات ما دارت ل وجهها باش ينقص ولكن والو .
وصلات 11 فاق مراد غسل وجهو و سنانو و نزل لابس غير شورط بوحدو بانت ليه البن شادة قنت فالكوزينة و كدهن وجهها بالزيت بدا كيضحك و متسوقش ليها وجد البيض و ساندويشات حطهم فالطبلة عاد عيط عليها
الين:(مجاوباتوش)
مراد:كتقلبي عليا واقيلا مع الصباح نوضي تفطري
الين:(هزات وجهها كتشوف فيه)مفياش الجوع
مراد:(واش حماقيتي ا مراد اش هادشي درتي شوهتي ليها معالم و جهها مشا مراد جاب واحد البوماد و قرب لجيهتها علا ليها وجهها ب صبعو و بقا كيمسح ليها ديك الزيت )معرفتك باغا داوي وجهك ولا باغا تنصبي
الين:مشي
مراد:نوضي غسلي وجهك و رجعي قبل منوريك ديك مشي بشحال كطيح
الين:مبغيتش (نطرات ليه البوماد من يديه و زفات بيها)و مبغيتش داويني عطيني هي التيساع

مراد:واخا على خاطرك ... نوضي تفطري
الين:مفياش الجوع
مراد:دابا علاش كتقلبي تاني راه غنفرشخ مك تاني
الين:لا رد
مراد:(بالغوات)نووووضي غسلي كمارتك و نتي دايراها قد راسك و باقي باغا نحزرك
الين:شنو درت اهى اهى اهى جاوبني حيت مراجعتش ياك واش هدا سبب لي ضربني عليه كنت نقبل نبقى بجوع او نبات معلقة كي قلتي اهى و..ولك..ن كل..شي تال الضرب لا بابا و ماما عمرهم مدو عليا يديهم و نتا اش يسحاب ليك راسك شكون نتا ف ملك الله باش ضربني معندكش الحق تمد عليا يديك
مراد:الضرب تالبارح جمعت ليك فيه كلشي الشراب و ضسارتك دابا ما حدي كندوي معاك مبرد نوضي للدوش غسلي وجهك و جيبي داك الدا باش زفيتي هضرتي بربي و نعاودها مرة خرا تا تشوفي كثر من هكا نووووضي
الين:(ناضت ب زعفا للدوش غسلات يديها و وجهها مزيان عاد نزلات هزات البوماد من الجيهة فاش لاحتها و رجعات عندو)هاهيا
مراد:كلسي
الين:(كلسات و بدا كيدير ليها البومادة و مع كضرها بدات كتوحوح)اااه.... بشوية ضريتيني.... اححح تما لا
مراد:(ناري هادي باتني نغتاصبها )ساليت الجهة لي بقات كمليها ل راسك
الين:و علاش
مراد:هاكاك فيا الجوع و سربي قبل ميبرد الفطور
الين:اوكي
ناضت الين كملات الحنك اللي بقا و رجعات لطبلة فطرات بلا مدوي معاه و بقات فالصالة كتفرج و هو قدامها حاط بيسي و كيخدم فيه
ناضت الين للتلاجة لقات عصير و كولا هزاتهم و طلعات لبيتها نزلات الشكلاط اللي كان جاب ليها رجعات حلات الثلاجة هزات النوتيلا و الشيبس مع البيسكوي و الفريز
بقات كتمشي و تجي حداه و كتحط فالارض جابت طاس كبيرة خوات فيها النوتيلا و بدات كتقطع الفريز طريفات فوسط النوتيلا هزات مخدة من الفوتوي لاحتها فالارض و بقات كتفرج و تاكل تا طبات ف كلشي و عمرات وجهها فحال الدراري الصغار عاد ناضت لبيتها يالاه حطات رجلها فالدروج و عيط عليها مراد
اليين:شنو تاني
مراد:رجعي جمعي هادشي لي خليتي و غسلي المواعن تالفطور اللي كيتحطو فالغسالة حطيهوم فيها و لي لا غسليهوم ب يديك اه و وجدي لينا الغدا قربات وقيتو
الين:شنوووو
مراد:اشنو قلت ليك على هضرتي راه والله و نعاودها مرة خرا تا غتباتي ناعسة فالجردة و مربوطة هاني قلتها ليك و لدابا عمري قلت ليك شي حاجة و مدرتهاش
الين:نزلات معصبة للكوزينة حطات المواعن فالغسالة و بدات كتجمع الروينة لي دارت
مراد:جيبي ليا معاك قهوة
الين:(اوووووف)كي بغيتيها
مراد:قاسحة
الين:فحال قلبك
مراد:😑تماما
رجعات الين للكوزينة لقات القهوة موجودة سخناتها و حطاتها ليه و جمعات المواعن لبلاصتهم مسحات البوطاجي و بدات كتفكر ف شنو طيب لاحضات ان البيتزا هي اسهل حاجة
قلبات الكوزينة كاملة على عجينة جاهزة ملقاتهاش طلعات لبيتها نزلات الايباد و قلبات على المقادير بقات مركزة مع الايباد و كتخربق العجينة و اياد مهزش عينو فيها تا سمعها كتبكي
الين:اهى اهى اهى 😢😢😢😰😰 شنو هادشي
مراد:(كيجري ل جهتها) مالك واش تحرقتي
الين:لا اهى اهى😭😭😭😭
مراد:هضري مالك
الين :العجينة مبغاتش تجمع
مراد:هادشي علاش كتبكي
الين:اه اصلا تا حاجة مكتصدق ليا اهى اهى
مراد:(عنقها لعندو بحال معنق شي بيبي)صافي شششش انا غنعاونك اوكي و غنعلمك كلشي تولي احسن طباخة و احسن بنت فالعالم كلو (واخا نتي اصلا هكا)
الين:حللللف
مراد:والله

 الين:(بفرح)واخا و كنواعدك غنتعلم كلشي بزربة
مراد:يا ريت كون كنتي هكا تا فقرايتك
الين:مراد نقدر نكون كنبان ليك غير برهوشة ولكن هاد البرهوشة حاجة وحدة لي عارفاها و متيقنة منها هي ان القراية متخلقاتش ليا او دماغي متخلقش باش يقرا كنحلف ليك بلي غير كنحل شي كتاب كيطيحو عليا الطلامس مكنفهم تا وزة
مراد:هي باغا تكوني امية
الين:لا انا ماشي امية عندي 4 تاللغات كنهدر بيهم ب طلاقة واش مكافيينش
مراد:و شنو هوما هاد اللغات
الين:الفرونسي و لونجلي و العربية و الاسبانية و شوووية تالشلحة حيت ماما كانت كتعلمها ليا منين كنت صغيرة .
مراد:غنلقاو حل ل هادشي واخا .
يالاه دابا نبداو فالطياب ولكن قبل نحيدو هاد الروينة لي درتي
الين:اوكي
مراد :حيدي الايباد راه كين كتاب هنا ديال الطبخ فيه كلشي مبسط
الين:اوكي حسن نيت
بقات الين كتعاون مراد و تا وجدو 2 بيتزا ب فواكه البحر و بقاو مدابزين على ديالمن لي صدقات حسن كلاو و رجع مراد داوا لالين وجهها يالاه بغا يتكا ينعس تا بداو المخاد كينزلو عليه
الين:(شادة زوج مخاد بيديها و كضرب فيه و تغوت)يا الحمار شوف شنو درتي لوجهي .... علاش ضربتيني علاش
مراد:كيغوت )عاد كنتي مزيانة مالك ...الين ...حبسي راه غنوض لمك
الين:(لاحت المخاد و كلسات حداه)ب اينا وجه غنمشي للمدرسة بغيتيهوم يضحكو عليا
مراد:صافي بردتي يالاه غير كلسي رتاحي باش ندويو اووف منين جبتي هاد الجهد
الين:(ناري اش هادشي باش كنحس قلبي غيسكت فاش كيهضر معايا الين وكضي حشومة السيد فحال خوك و اصلا عاد خلا ضار بوك ) اهى اهى وجهي ولا حالتو حرام عليك
مراد:نعسي غدا وجهك غيبرى و ايلى مبراش متمشيش
الين:و ايلى ممشيتش نبقا النهار كامل فالدار لا مبغيتش نبقا هنا
مراد:نن انا نخرجك غير سكتيني و خليني ننعس شويا
الين:نعس نتا لي جات معاك
مراد:(حط ليها مخدة حدا راسو و نعسها و بدا كيلعب ف شعرها تا نعسات و نعس تا هو )

فاقت الين و مشات دوشات و بدلات عليها خلات مراد مازال خامر ف بلاصتو و نزلات كتقلب على ما تاكل تاني حيت كان الضلام بدا يطيح و البيتزا مشبعاتهاش . هزات لي فخوي لي فالتلاجة و بدات كتنقي و تاكل تا فاق مراد
الين:كان كيسحاب ليا ميت ماشي ناعس
مراد:انا غنطلع ندوش و نتي سيري راجعي شويا
الين:(غنخرا لاواه)امم واخا
مراد:شكون سترة
الين:علاش كتسول مالها
مراد: حيت راها فالطيارة دابا و قريب تجي لعندك
الين:كيفاااش ولكن علاش تا غتجي لعندي
مراد:معرفتش هي مصرة تجي لهنا حيت صاحبتك زعما
الين:اويلي متقولهاش و ايلى شافت هاد الوجه شنو غندير اش غنقول ليها
مراد:الحقيقة
الين:تسطيتي لا ميمكنش عرفتي شنو انا غنرجع لعند جويرية و ايلى جات قول ليها انا مسافرة
مراد:غتكلسي اللرض .... و ايلى جات مرحبا بيها و داك الوجه غطيه ب المكياج اصلا مبقاش باين بزاف اه و عنداك تجي و تبداي طيري و تنزلي نتي وياها نعرفك عتبتي معاها الباب غنتفاهم معاك ايلى جاية باش تقرا مرحبا التزنديق معندي مندير بيه و انا اصلا عاد ما مكافي معاك ...
الين:(تفكرات ان سترة جايبها غير مراد ) اه فهمت ... ايمتا غتجي
مراد من هنا لساعة تقريبا و غنمشيو للمطار وجدي راسك
الين:اوكي
طلعات الين للبيت لبسات ودارت مكياج تقيل باش يغطي الاثار اللي فالوجه و خرجات
لقات مراد لابس و كيتسناها و الطبلة قدامو محطوطة فيها الماكلة
الين:هاني واجدة
مراد:باقي الحال شويا اجي تاكلي
الين:شنو هادا
مراد:السوشي كيعجبك
الين:انا اي حاجة نتشرط فيها الا الماكلة هههه
مراد:مزيان جيبي 2 طباسل و اجي
الين:واخا
مراد:وليتي كتباني كي الطعريجة ب داك الزواق لي فوجهك
الين:نتا اصلا اش فهمك ف هاد الشي
مراد:نقصيه شويا خصوصا فمك ما فيه والو و محمراه تقول شاربة الدوا الحمر
الين: راه زرق من الجناب
مراد:(كيحط الماكلة فالطباسل) كولي و نوضي مسحيه
الين:اووف واخا غير سربي مبغيتش نتعطل على سترة .
في المطار
سترة:(كتعنق ف الين و تبوس )الين حبيبتي توحشتك
الين:حتى انا توحشتك بزاف عمركي باقي دويتي معايا
سترة:كنت باغا نديرها ليك مفاجأة (طلقات من الين و عنقات مراد) شكرا حيت غتخليني نكون معا صاحبتي
مراد:(اش هاد الخفة)

مراد:العفو (و بعدها عليه )
الين:(ويلي على القحبة كي طارت عليه باينة عاق بيها) يالاه مشينا
مراد:يالاه
مشاو الين و مراد و سترة للوطو و نقزات سترة ركبات فالقدام الين بقات غير كتشوف و رجعات كلسات اللور و كضحك على صاحبتها اما مراد معجبوش التصرف لي دارت سترة ولكن سكت و مبغاش يحرجها.
بقاو الطريق كاملة سترة و الين مسكتوش اما مراد غير فاش كتهضر معاه سترة كيجاوبها ب اه او لا وصلهم مراد للدار و صونا ليه التيلي بعد من حداهم و جاوب
مراد:الو العشير
مجد:اش خبارك اصاحبي
مراد:بيخير لا قضيتي داك الغرض
مجد:واش كتعرف عليا
مراد:مزال موصلني والو
مجد:هاهيا دابا تكون عندك ولكن ماشي هادشي علاش تاصلت
مراد:خبار الخير
مجد:مرتي نجلاء حاملة
مراد:ههههههههه العود مالك زربان 5 شهور و حملتيها
مجد:و راه جا بالزربة اصاحبي ههههه اش بغيتي ندير مقضاش فيه الدوا
مراد:مبروك عليكوم اصاحبي ... نتا غتولي اب
مجد:نسيتي راك وليتي اب قبل من الوقت نتا نيت
مراد:هههههه الله ينجيني اصاحبي اش من اب هاديك راه بغيتها تولي مرتي
مجد:ديك البرهوشة
مراد:واش كاين شي برهوش قدك تلاح اصاحبي و نتا فيك الهضرة كثر من العيالات .و مبروك عليكم مرة خرا
مجد:الله يبارك فيك
فاللحضة لي مراد كيدوي فالتيلي جرات الين سترة للصالون
الين:اش هاد الفعايل اصاحبتي
سترة:شنو
الين:مبقا ليك والو و تبوسي السيد تبتي شويا و نتي غطيري
سترة:ما درت والو غي نتي كيجيب ليك الله
الين:واخا زيدي نوريك البيت و نقادو حوايجك
سترة:صبري يدخل
الين:ها لي قالت الشوافة واش حماقيتي ولا باغا شكون تحمقي
سترة:ربي لما قيسي قلبي كيضرب بجهد
الين:زيدي الله يعفو عليك
طلعات الين سترة للبيت و وراتها الدوش باش دوش
بدلات عليها الصالوبيط لي لابسة و لبسات تيشورت كحل و مرسومة فيه ضحيكة فالغوز مع سروال كحل و خف فنفس لون الضحيكة بقات كالسة فالسرير و كتفكر
الين:(شنو هادشي لي كتفكري فيه ا الين اففف سترة كتبقا صاحبتك و نتي من اللول عارفاه كيعجبها . و دابا شنو غيطرا ايلى ولات كتعجبو تا هيا و انا كيفاش و نتي ..... نتي اصلا شنو بالنسبة ليه غير برهوشة .... نتي مخصكش تغدري ب صاحبتك هيا كيعجبها .... و نتي خاصك تحيديه من بالك صافي من اليوم متسوقيش ليه اففففف استرة علاش جيتي علاش رونتي ليا دماغي )
سترة:الين...... الين .....هيهو
الين:هاء .... مالك
سترة:من الصباح و انا كنعيط ليك واش واخا تسرحي ليا شعري و ديري ليا مكياج خفيف
الين:ولكن راه الليل هادا اشمن مكياج باغا ديري
سترة:و هانتي دايراه
الين:انا غندخل نغسل دابا وجهي و نطرف حالتي نتي صاوبي لراسك
سترة:واخا متعطليش
الين:اوكي
دخلات الين للدوش مسحات وجهها من المكياج و غسلاتو غسلات رجليها و يديها مزيان جمعات شعرها للفوق ف قلم و خرجات
سترة:(شهقات)الين مالك فوجهك اشنو هادشي
الين:والو غير طحت من الدروج
سترة:ولكن هادا راه اثر صباع قولي ليا واش شي قحبة ضرباتك هنا ويلي ويلي و نتي مالكي مدافعتي على راسك اصاحبتي
الين:اوووف صافي سكتي مطرا والو قلت ليك غير طحت يالاه نزلو للتحت
سترة:واخا ننزلو ولكن قبل قولي ليا كي كنبان (لابسة شورط توب لاصق مع تيشورت طالع فوق الكرش وطايح من الكتف مع مكياج و صندالة بلا راقية و صباغة الضفار حمرا فرجليها و يديها)
الين:راك ديما زوينة غير زيدي هههه
سترة:حلفي بالله

الين:مالي مولفة نكدب عليك زيدي نزلو خلاص تعطلنا
سترة:بلاتي بلاتي (رشات مع البارفان ديالها كوكو شانيل )دابا يالاه
الين:على سلامتنا
سترة:فين غيكون هادا
الين:و انا باش غنعرف اجي نكلسو حدى لابيسين شوية
سترة:ولكن راه البرد و انا ما لابساش مزيان
الين:اوكي عالاقل زيدي غير نتفرجو
سترة:بشااااخ على دار فين يبانو ديورنا
الين:و علاه مالهوم ديورنا اختي معجبوكش
سترة:مابيهومش ولكن مقارنة معا هادي راه ميبانوش قدامها شوفي غير الضواو كي شاعلين ف كل قنت و كي نقية و كلها كتشعل
الين:الله يستر
سترة:دابا لتزوجة بيه غنسكنو هنا
الين:كنقول ليك عودي شربي دواك و مكتسمعيش .
سترة:سكتي سكتي هاهو جاي
الين:هاهيا ساكتة
سترة:ياختي على المشية و دوك العضلات و الطولة اححححح اقلبي
مراد:البنات العشا قريب يوصل تعشاو و نعسو واخا
سترة:نتا مغتبقاش معانا
مراد:(مداهاش فيها )الين متنسايش تراجعي دروسك قبل متنعسي انا خارج نجيب ليك دوا لوجهك حاولي تبقاي سهرانة تا نجي باش نداويه ليك
الين:بلاش راه مبقاش كيدرني و الاثر غنخبيه بالمكياج بلا متعدب راسك
مراد: لي بغيتي انا غنخرج ردي البال لراسك و تا نتي ا سترة
سترة:تا نتا بسلامة و رد البال فالطريق
.........
الين:باز لبرودية قلبك اختي
سترة:ناري سميتي كي خارجة من فمو عسل دابا عاودي ليا مالك فوجهك
الين:راه قلت ليك والو
سترة:معا من ضاربتي يا هاد الموصيبة
الين:(بدات كتعاود ليها كلشي )
سترة:فالصراحة غزا فيك نتي عارفاه مو ميتة و كالسة كتعايريها
الين:ياك دابا كتجي من جيهتو
سترة:احححح كي كيبان لا كان معصب تيتيز كثر ياك
الين:سترة قاودي عليا من هنا قبل منصدق ناتفاك

سترة:(سمعات صوت الباب)يمكن هادا العشا لي وصل
الين:انا غنحل
حلات الين لقات واحد من لي كارد هو لي جايب ليهوم الماكلة شكراتو و تعشاو
الين:هيهو فين غادة
سترة:ننعس راني مهلوكة
الين:و ايسحابليك خدامة عند باك انا اجي جمعي الروينة لي درتي عاد طلعي
سترة:خلي تال غدا و نجمعها بونوي بب
الين:اووووووف بونوي
طلعات سترة تنعس و البن بقات تا جمعات الروينة لي دارو و نقات البلاصة فاش كلاو غشلات المواعن و عاد طلعات تنعس لقات سترة مجبدة فااسرير غطاتها و هزات اللعبة ديالها ماشي دبدوب ههه شي حاجة فحال الجرانة عنقاتها و نعسات
اما مراد خرج عند صحابو سهر معاهم شويا و رجع لقا الحس مقطوع فالدار طل على البيت بانت ليه الين معنقة لعبتها و ناعسة اما سترة ما بقا ليها والو و طيح من فوق السرير قادها ف بلاصتها و بغا يحيد لالين اللعبة ساع مبغاتش تفاك معاها خلاها على راحتها باس حنيكاتها و هو كيضحك عاد رجع لبيتو دوش و نعس
/اصبحنا و اصبح الملك لله/
فاق مراد على صوت تيليفونو و جاوب
مراد:الو
....:سي مراد الهاشمي
مراد:هو هادا
....:بغيت غير نقول ليك راه الوراق لي وصيتيني عليهوم وجدتهوم ليك خاص غير ديك البنت تجي لعندنا نديرو معاها اجراءات عادية و نسيفطوها
مراد:واخا شوية و تكون عندك
قطع معاه مراد و تاصل ب آلما
مراد:ألما
الما:صباح النور حبيبي
مراد:وراقك واجدين السيد لي وصيتو عليك سيري عندو و قبل متركبي علميني باش نتكلف بالباقي
الما:اوكي حياتي ..متصورش شحال توحشتك من ديك الليلة مبقا حلا ليا تا واحد
مراد:(قطع عليها و ناض غسل وجهو و سنانو لبس سيرفيت كحلة و خرج كيجري شي ساعة ونص ولا كلو عرقان رجع للدار دوش و بدل عليه عاد نزل )
مراد:عفة صباح النور
عفة:صباح الورد اولدي كيف راك لباس
مراد:الحمد لله و نتي
عفة:لاباس
مراد:ممم بغيت نقول ليك صاحبت الين راها هنا و غتبقا معانا
عفة:مرحبا بيها اولدي .... الفطور راه واجد كنتسناكم غير نتوما تنزلو و نحطو
مراد:انا غنفيقهم غير بداي تحطيه

#ف بيت الين
مراد:(كيدق فالباب تا عيا و حلو لقاهم مازالين خامرين)الين ... الين نوضي باراكا من النعاس
الين:ممممم
مراد:الييييييين .... نوضي ولا غتبقاي بلا ماكلة النهار كامل
الين:(كتحل عينيها بشوية)لا عافاك هاني فايقة
مراد:هي دابا و فيقي صاحبتك عندك 10 الدقايق تزيدي دقيقة مغدوقيهش
الين:اففف صافي ولكن بلاتي واش غنمشي للمدرسة

مراد:اه تا صاحبتك غتمشي لبستها ها هي حداك دغيا
الين:واخا
.....
فاقت الين و فيقات معاها سترة دوشو بالزربة و لبسو سترة دارت مكياج خفيف اما الين بقات كدير و تعاود باش يزيد يغطي ليها الزروقة لي فوجهها سبقاتها سترة و هي بقات مضاربة معا المكياج تا صرعاتو عاد نزلات لقاتهم كيفطرو
الين:بديتو بلا متسناوني
مراد:مغتفطريش
الين:و علاش تاني
مراد:حيت قلت 10 الدقائق ماشي 25 سيري نزلي كتوبك باش نمشيو
الين:(تغرغرو عينيها بالدموع خصوصا منين شافت سترة كتاكل و ضحك ممسوقاش) واخا
مراد:هي دابا
طلعات الين جمعات كتبها ف صاك مع التيلي و اللي غتحتاجو عاد نزلات لقاتهم سالاو
مراد:اري صاكك
الين:انا
مراد:اه نتي اري داك الصاك
الين:علاش
مراد:(نطرو ليها من بين يديها و كيقلب فيه لقا البزطام هزو ليها عاد ردو)باش نتأكد بلي مغتفطريش
الين:بلاش
مراد:حتى نتي اري بزطامك
سترة:(جبداتو من صاكها)هاهوا
الين:ممكن دابا نمشيو
مراد:زيدي قدامي الشيفور غيوصلكم ... حيت انا تعطلت
الين:لا رد
سترة:اوكي بسلامة ا مراد
..........
ركبو الين و سترة فاللوطو و وصلو للمدرسة
الين:فيا جوع مصارني كيغوتو
سترة:وا راه تسنيناك تا عيينا اصاحبتي
الين:اوووف فين هي الاء
سترة:شكون الاء
الين:بنت صاحبت ماما عرفتي ضريفة بزاف خاصك تعرفي عليها اجي نقلبو
اه هاهيا آلاااااااء
الاء:الحبيبة ديالي نتي هنا من قبيلة و انا كنقلب عليك
الين:عاد وصلنا نعرفك هادي سترة صاحبتي من المغرب سترة هادي الاء
الاء:متشرفين يالاه الكافي ناخدو شي حاجة
سترة:لا احبيبة بغينا ندخلو غير سيري نتي
الاء:الين
الين:من بعد و نعاود ليك شنو طرا يالاه تهلاي ليا فراسك منين نخرج نلقاك تما
الاء:اوكي العمر اه جاك المكياج كيحمق
الين:صباغة
الاء:سيري تقراي سيري
الين:بعد ساعة فالكافي متنسايش
سترة:يالاه ندخلو خلاص
الين:يالاه
نخليو الين تمشي تقرا و نتوما اجي نديكوم فين مشا مراد .
عند مراد فالدار لخرا
مراد:على السلامة وصلتي دغيا
الما:(كتعنق فيه)توحشتك بزاف..اااه
مراد:مزيان المهم هاد الدار فاش غتبقاي لا خصاتك شي حاجة تاصلي بيا .... الخروج مكينش .... و منين نجي بالليل كوني واجدة
الما:منقدروش نديرو دابا و نعاودو بالليل
مراد:ههههههههه ممساليش ليك دابا لاهما تال الليل باش نفضا ليك مزيان
الما:و شنو غنبقى ندير انا تال الليل بوحدي
مراد:شغلك هاداك
................
فالكافي
الاء:تعطلتو يا بنات
الين:عتقي سيري شري ليا باش نفطر راني كنتقطع بالجوع
الصوة ل ألما

الاء:و علاش انا
الين:حيت ما عندي فلوس
الاء:صافي احبيبة فهمت هههه انا نجيب ليك تفطري دابا
الين:وا طيري راه تقهرت اختي
الاء:هاهوا كولي بصحتك
الين:اوووف شكراااا العمر نتي لي كاينة والله
سترة:😒😒
بدات الين كتفطر و دوز بالعاصير تا وقف عليهوم واحد
.....:سلام بنات
الاء:سلام جون (الحوار بالانجليزية طبعا)
جون:ممكن نكلس معاكم
الاء:اكيد متحتاجش تشاور نعرفك هادو صحاباتي هادي الين و سترة لبنات هادا جون صديق صديقي (صاحبها زعما)
جون:فين كنتي مخبية علينا هاد الزين كلو
الاء: تا تكون كتجي بعدا نتا و داك الغبي ت صاحبك
جون:صاحبي راه ف المانيا
الاء:شنو
جون:كيف سمعتي
الاء:و..مقال ليا والو
جون:انا يسحابلي فراسك
الاء:😢 ماشي مشكل
الين:حبيبة نتي بيخير
جون:الاء ميبقاش فيك الحال ف كاع الحالات نتوما اصلا ممفاهمينش
الاء:انا محاساش براسي بيخير بغيت نمشي للدار بسلامة البنات
الين:(تبعاتها كتجري)الاااء ..... الاااء حبيبة وقفي شويا
الاء:(وقفات و كتمسح دموعها ب كمامها)علاش تبعتيني عافاك سيري بغيت نبقى بوحدي
الين:حماقيتي (عنقاتها)اجي نهدرو شويا عافاك
الاء:من بعد اهى الله يخليك خليني بغيت نمشي فحالي
الين:على خاطرك ردي البال لراسك احبيبة مديريش ف بالك
الاء مشات بلا متجاوبها
اما الين رجعات لعند جون و سترة كلسو شويا تبادلو نوامرهم و كل واحد دخل للقسم ديالو .
هاكا داز الصباح عند الين لي بالها ما فارقاتوش الاء و بقات فيها بزاف بغات تشوفها ولكن ملقاتش كي دير خرجو لقاو مراد حدا الباب ركبو معاه و سترة مسكتاتش كتعاود ليه على المدرسة و شنو دوزو و هو بالو مع الين لي كانت باينة عليها مشوشة و عقلها ممعاهاش
مراد:الين فيك الجوع
الين:لا
مراد:و مالكي قلقاتك شي حاجة
الين:لا
مراد:سترة (sotra) اش وقع ليها
سترة:معرفتش يمكن بقات فيها الاء
مراد:شكون هاد الاء
الين:سترة سكتي
مراد:(وقف اللوطو و كيشوف ف سترة ب معنى دوي )
سترة:(شوفاتو وتروها مكرهاتش طير عليه و فنفس الوقت معرفات متكول)ممم الاء هي لي فطرات الين
الين:(ضربات جبهتها بيديها)
مراد:وضحي كثر
الين:انا غنعاود ليك ولكن ماشي دابا
مراد:سترة هضري خلاص
سترة:هي بنت صاحبة خالتي نهيلة يمكن سميتها جويرية ياك ا الين
الين:(قودتها سيري يا سترة بيت ليك الحلاقم و قلت الدوا بغيت ليك اللقوة)
مراد:اهاه ..... و مالها
الين:مامالهاش
سترة:تخلى عليها صاحبها مسيكينة ...مشا لالمانيا و بقا فيها الحال حيت
الين:(غوتات)سترة ديها ف مك و سكتينا باراكا متندمينيش تاني
سترة:😲 و انا اش قلت
مراد:الين شنو قلنا على هاديك البنت
الين:الصمت
مراد:(ديمارا اللوطو و بقا الصمت تا وصلو للدار تغداو و غير سترة مرة مرة لي كتهدر و كتجاوبها غير عفة )
مرراد:الين تبعيني
الين:واخا
مراد غادي و هي تابعاه من اللور تا وصل للمكتب ديالو كانت اول مرة كتشوفو . غالب عليه طابع تقليدي كلو من الخشب و فيه بلاكارات كبار عامرين كتب و الخشب كيلمع .
و فالوسط كاينين 2 فوتويات مقابلين و وسطهم طبلة و زربية .
مراد:اجي كلسي حدايا
الين:(كلسات حداه) شنو
مراد:غتبقاي النهار كامل هاكا
الين:علاش مالي
مراد:شنو مقلقك
الين:(بدات كدمع)اولا حيت الصباح خليتيني نخرج بلا فطور و ضرني الجوع و زيد عليها انا... انا
مراد:و شنو مازال
الين:صافي غير هادشي
مراد:و ياك فيقتك الصباح نتي اللولة شنو طرا تا سبقاتك صاحبتك و وجدات و نتي لا
الين:حيت صاحبتي معندهاش خريطة فوجهها لي تبغي تغطيها
مراد:ديك الخريطة راه مارسمات فوجهك تا درتي علاش
الين:ايلى ساليتي نمشي
مراد:(قرصها ف حنكها)مزال مدويناش على ديك الاء منبغيش نسمع انك كدوي معاها مازال و الا راك عارفة اشنو غيوقع
الين:شنو لا راني كاع ما عارفة
مراد:(دوز يديه على وجهها) نرسمو خريطة ف بلاصة خرا .
الين:واخا نمشي دابا
مراد:اوكي سيري .
رجعات الين للطبلة و لقات سترة عاد كتاكل ف الديسير لي كان عبارة على طارط تالحامض .
الين:ساليتي
سترة:اه اشنو كنتو كتقولو
الين:

سترة:شنو كنتو كاتقولو
الين:سترة عافاك يا ريت المرة الجاية تجمعي فمك قدامو و خصوصا الاء مباقيش تجبديها واخا
سترة:فهميني اش واقع
الين:اصلا بنادم يفهمك و تندميه اللهم خليك هكا اي حاجة كنديرها برا الدار خليها تم نسايها و عمرك تجبديني على لسانك ل مراد
سترة: الين مالكي كتغوتي عليا راه هو لي سولني و انا معرفت منقول
الين:هانتي عرفتي دابا صافي المرة الجاية الله يرحم باك جمعي فمك
سترة واخا احبيبة صافي انا معرفتش بلي غتقلقي
الين:غنطلع ندوش و نبدل عليا . و نتي اش غديري
سترة:غادي غير نبدل و صاف
الين :اوكي
طلعات الين ل بيتها حيدات حوايجها مسحات مكياج وجهها و دخلات دوشات و رخات عضامها مزيان حاولات تحيد كاع الافكار السلبية لي فدماغها و خرجات نشفات شعرها بالفوطة و خلاتو مطلوق و فازك شوية . لبسات سروال جينز بيج مع تريكو سخون حيت الجو كيبرد شويا لبسات الخف ديالها و نزلات كتقلب على سترة
الين:خالتي عفة مشفتيش سترة
عفة:لا ابنتي مشفتهاش
الين:افف فين غتكون هادي
عفة:مالك ابنتي فوجهك
الين:والو اخالتي غير تخاصمت فالمدرسة (بان ليها مراد نازل مع الدروج) مراد خارج
مراد:مجاوبهاش خرج و ردخ الباب عاد تبعاتو سترة من اللور كلها كترعد شافت الين و هربات و الخرا ماشي من العاكزين تبعاتها
الين:وقفي(شداتها من دراعها)مالكوم اش واقع
سترة:وووالو على من كدوي
الين:نتي و مراد اش جرى تا هو خارج معصب و نتي صفرة بالخلعة
سترة :والو انا اصلا مشفتوش غير كنت كندور فالدار .
الين:اوكي (ممتيقاهاش*)
هزات الين الشيبس و البيسكوي و مكسرات مع الشكلاط طبعا حطاتهوم حدا رجليها هي و سترة و بقاو كيلعبو ف البلي
الين:اووووف ا سترة فين دماغك اصاحبتي لعبي مقادة
سترة:الين انا غنمشي للحديقة شويا تخنقت هنا
الين:(كتاكل و تهدر )صافي سيري انا نكمل هادشي و غنعس
بقات الين كتاكل و تفكر فشنو غتكون سترة دارتو ل مراد تا خرج معصب ضرها راسها و بغات ترتاح جمعات الروينة لقات عفة كطيب كيك عاوناتها تا كملوه و دات منو لسترة لي لقاتها كالسة فوسط الورد و كتبكي .
الين:سترررة شوفي شنو قاديت
اويلي مالك كتبكي .....
سترة:ماماليش عافاك راه غير موحشة دارنا .... داكشي باش
الين:فكرتيني فيهوم كاع مدويت معاهم .
سترة:شنو صاوبتي
الين:كيك مي طيحتي عليا الضيم و تسدات ليا الشهية المهم هاكي هادا كوليه و مراد ديالو راه بقا فالتلاجة لا جاني الجوع ناكل منو شوية .
سترة :ممممم بنين بزاف
الين:انا غنمشي نعس
سترة:و انا غنسالي و نطلع نراجع شويا اصلا فاتوني الدروس بزاف
الين:اوكي .
❤❤❤❤❤

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.