مشا نضال شاد الطريق تا وصل لدار مصنوعة من الحجر والشكل ديالها رائع وكبيرة وحداها هيليكوبتر بيضاء و وداير بها الربيع والخضورية والجبال ، وقف السيارة ودخل كيقلب عليه بعينيه فالدار تا خرج من الباب الخلفي لقاه بوحدو داير كاسكيطة كحلة وتيشورط كحل مزير وسروال فالخزي وبروطكان كحل وليكات فيديه و واقف هاز الفاس وكيقطع الخشب فوق جدع شجرة مهرس وحاط الخشب وكيقطع ويهرس بوحدو باحترافية وكيشد الخشب كيقسو بالجهد على فخدو و الجاكوار كيمشي ويجي حداه لونو اسود ومزوق بحال النمر وجالس مونسو ومن جهة اخرى متكي سبع اخر كيتشمس وناعس وحداه الاشبال كينقزو ، وقف نضال كيشوف فيه كيفرغ الغضب ديالو فتقطيع الخشب ، شافو الجاكوار وبدا كيصدر صوت الهرير بالجهد بغا ينقز على نضال ، عهد سمعو كيدير هاكاك ودار لقا نضال موراه واقف وبدا كيهضر مع الجاكاوار باشارات باش يبعد
عهد: الا كان هادشي اللي كندير معاكم لحد الان ماشي احترام غنبدلو ونولي نزطم فهدرتكم باش نتسمى بصح مكنحتارمش...انا لحد لان كنحاول نرضي الاطراف كاملين وماباغيش نخرج على الاحترام كيما كتقول نتا ، وكيبان ليا بصح خاصني نبدا نتعامل مع كلشي كيما كيستحق حيت ماحدي كنساوي وبنادم كيطلع للسما ويلى شفتوني ساكت ، راه غير كنميك ومابغيتش نقلب وجهي كيما قلبتوش نتوما
نضال: اييه وجهك قصاح
عهد: وجهي قاصح من شحال هادي مع الناس ولاكن مع واليديا لا ...حيت كانو كيحتارمو الرأي ديالي ودابا لا ولاو باغيين غير يريحهم هما وحتا واحد مكيحتارم الاراء ديالي ومابقا والو غادي ندير بناقص وغادي نصدمكم كاملين
نضال: مزيااان تقادو الكتاف وليتي معايا كلمة بكلمة
عهد: حاشا ...واش يتقادو الكتاف ولاكن الحق تل واحد مكيبغيه وانا اللي مزال مصبرني حاجة وحدة ومابقا ليا والو وغنتفركع
نضال كيشوووف فيه كيهرس فالخشب بعصبية ويرمي حداه تاسالا ولاح الليكات و بغا يدخل
عهد: هه الواليد ..برامة من الطنز اللع يحفضك ما عنديش ليه الخاطر
دخل عهد ونضال موراه كيشوف فالدار للي اول مرة يجي ليها وعهد طلع كيحيد حوايجو فالدورج ونضال كيشوف فالشكل ديال الدار من لداخل ومعلقين فيها ريوس تماثيل دال الحيوانات وزربية فالارض من جلد النمر والكنابي من جلد الحمار الوحشي فالابيض ولاسود و شوميني فالقنت كبير مصايب من الحجر و فيه الحطب والدار كبيرة وديكور ديالها راءع ، بقا مسرح عينيه ويديه فالجياب تا بان ليه واحد واحد السبع مكسل على الاريكة فواحد القنت ورجلو مدلية وكيشوف فيه
نضال: كيفاش هاد الولد كيقدر يبات مع هادو !!! شكون عرف دابا راه معاه شي لبوءة مكسلة فوق الناموسية لفوق تاهيا!!!!
بقا كيهضر بوحدو تا نزل عندو عهد بسروال سورفيط رهيف وبانطوفة ديال الدار والفوطة على كتافو وسدرو عريان
رجع عهد بدل حوايجو ولبس سروال بحال ديال العسكر وفيه الجيابماكي شفالجناب وتيشورط اخرى كحلة ديال القطن وبروطكان اسود طالع فوق السروال وكسكيطة فلون السروال ونضارات الرايبن ، جاتو اللبسة بحال شي بوليسي مع الطول و الفورمة ديالو وضهرو وسدرو الواسع وكتافو العراض، ركب فالهامر ومشا كيطير ونضال حداه داير كاسكيطة على الشمس وسروال دجين وكاط فالموطارد وتيشورط بيضاء وراكب كيتهز فبلاصتو بالسرعة باش غادي عهد والارض محفرة والغبابر موراهم تا وصلو ، لقاو الرجال بزاااف وبكثرة معمرين المكان فالبلاصة الي خرج منها عهد ، عراوها وزبرو الربيع والشجر وبان الباب صغيور وفركعوع بالمين باش زادو وسعوه كثر، دخل نضال وعهد ومنين ما دازو كاينين الرجال وفريق كبير متكون من حفارين وميكانيسيانيين ومهندسين ومنقبين منتاشرين فالمغارة كاملة ، وصلو للوسط المغارة لقاو الات ومولدات كهرباءية دخلوها رجال الاعمال لداخل باش تعطي الطاقة للحفارة الكهرباءية للحفر السريع والبحت فالمغارة ، نضال مبهور فلمعان المغارة والكريسطال المضوي فيها والاحجار اللامعة . عهد وقف داير يدو على جنابو كيشوف و واقف معاه واحد من الخبراء فالبحث والتنقيب كيشرح عهد: حتا لفين واصل العمق ديالها
الخبير: المغارة كبيرة و مالا نهاية تقريبا شادة الجزيرة كاملة من لتحت وغارقة تحت الارض يتلف فيها الانسان وماعمرو يخرج منها ويبقا تالف تا يموت ، واعماق ديالها فيهم الماء وغارقة تحت البحر بحال شي كهف ثاني كبير تحت الماء وهبطو شافو وكتاشفو ان بين الاحجار كاينة احجار كريمة بحال الياقوت الارجواني وذهب خالص بين الاحجار ، وحفرو وجبدو واحد العينة منها ونجرنا الحجر وغسلناه (جبد بواطة ) هادو انواع الاحجار الكريمة اللي لقاو فيها
عهد شد حجرة صغيرة من الياقوت الارجواني لونها زهري فاتح وبقا كيشوف فيها
نضال: انشوف؟؟
عهد: هاد الياقوت الارجواني كيدير 12000 دولار(12 مليون) للقراط و واحد القراط=200 ميليكرام يعني 20% من واحد كرام يعني هاد الطرف الصغيييرو كيساوي مليار ديال الدرهم على حسب الوزن ديالو ههه
نضال: بففف هادشي بزاااف غير حبة بحال الروز كتساوي 12000 دولار ! انا ماعنديش مع هادشي وكيفاش كتحسبوه ولاكن هاد الطرف كيبان ليا غيخرج ليك الملاير ديال الدولارات
الخبير: كاين حتى هاد حجر الاوبال حتا هوا (جبدو من البواطة)
عهد: (شدو فيدو ) هاد الاوبال هوا فالاصل ماء كيتسرب وسط الحجر لداخل فاش كتفزك الحجرة وكينشف داك الماء على حسب درجة الحرارة ديال المكان فين كاين الحجر وكيبس الماء وكيبقا بحال هاد الشكل (كيوريه) بحال الى جمدتي الماء غير هاد الماء ماجامدش يابس وعطا هاد اللمعان وهاد البريق وتكون حجر متلائلئ كيعطي بزاف ديال الالوان مختالفة ومتسلسلة يعني نوع من السيليكا غير الماءي وكيختالف الالوان ديالو من شفاف وحتى الابيض وزيد وزيد فيه بزاف ديال الالوان
نضال: فشكل هادشي !! كيفاش الماء كيتحول للحجر!
عهد: اه كيجف وكيتحول لحجر اوبال مغطي بشقوق صغيييرة بحال هاكا والحجر اللي مزيان هوا اللي عندو لون موحد ماشي شفاف بحال الزاج واحسن حجر هوا الحجر اللي لونو كحل (حط الحجر) مهم هاد المغارة باين فيها بزاف ديال الحجر والالماس والذهب
الخبير: فيها بزاف وغيستغرف استخراج ديالو صعوبة حيت نصف المغارة السفلي غارق تحت الماء والخدمة فالماء صعيبة
عهد: مازربانينش ويخدمو لفوق بلا ميهبطو لتحت الماء اصلا المغارة كبيرة ماعمرهم يساليو ويجبدو الحجر دقة دقة بلا ميفرتتوه وخصوصا الاوبال طرف صغير راه كيساوي ميلون ديال الدولار (10 مليار دالسنتيم)
نضال: هه المغارة مgرعة ملاير هادا غير حجر الاوبال؟
عهد: وي وعاد الياقوت الارجواني اللي حبة كتساوي شحاال وحجر الفلورايت وبزااف ديال هادشي، كاملين تقريبا انواع ديال الديامند والديامند راه كيتباع مكيبقاش والمغارة مطرطقة ديامند بشتى انواعه
الخبير: اه وحتا القاع اللي فالماء فيه
عهد: مابغيتش شي انفجار لداخل اللي يخسر الدريكور ديالها ، داكشي ديال المين اللي كيفجر الحجر بلاش منو يحفرو بالحفارة ويخليو منضر ديالها كيما هوا ، كيقول ليا واحد الراس غنعزل شي بلاصة فهاد المغارة و نصنعو منها شي بلاصة للسكن وسط هاد الالوان البراقة
نضال: غتجي زوينة دار وسط هاد الكريسطال يدخل ليها الماء والضور وتبنا وتقاد وتفرش...غيجي داكشي خيالي
عهد: خصها الخدمااا ..مهم حنا مازربانينش تا تكمل على خاطرها
نضال: هنا تلفتي؟
عهد: لا ماشي هنا ، يمكن من شي جهة اخرى ماعرفتش دابا انا اتجاه جات ...ديك البلاصة من الاحسن ماتوصلوهاش خليوها نساوها
الخبير: ؟؟
عهد: البلاصة اللي جيهت الجرف بلا ميقلبو فيها خليوها اصلا بعييييدة خليوها لماليها .
عهد خرج وخلا الاحجار الكريمة للخبير حيت المغارة كبيرة بزاف وماليهاش الحد وفيها انواع الالماس اللي غدخل لعهد ثروة اخرى هاءلة ليس لها مثيل واخا هوا عندو اللي يتحرق مايتم زادتو هاد المغارة الضوبل ديال داكشي اللي عندو
غيثة نعسات بنتها ومشات كتسلت تا لشومبر دمروى لقاتها ناعسة على ضهرها والاكسيجين على نيفها ، دخلات عندها لابسة كسوة قصيرة الفبيج ومزوقة بالاسود وشعرها مطلوق ، وقفات على مروى كتشوف فيها مغوبشة مروى: (حيدات الاكسيجين) علاش جايا؟؟ جايا تشفاي عاوتاني
غيثة: (معبسة) لاااالا مانتشفاشي ، جيت غير نقولك ماكرهتشي تفوكني من بنك وتخليولي بنتي وماتعاودوشي تشوفو وجهي
مروى: انا بغيت غير نفهم لاياش باغا توصلي
غيثة: وااالو مابغيتشي نزوج بحتى راجل وماباغاشي الرجال اصلا..بغيت نعيش بواحدي بلا رجال ..وكنكرهم كاملين ماخاصني لا نبغي ولا للي يبغيني بغيت غيير بنتي وصاافي
مروى: بنتك راه بنتنا وغتبقى معانا ونتي اللي تفرقي علينا ...بغيتي تشوفي بنتك فوق ما بغيتي مرحبا اما باش تاخديها راه مستحيييل
غيثة:(تعصبات) ايوااا هادشي اللي مابغيييتشي ...مايمكنش تاخدوها انا تقطعت عليها (بدات كترطب) الله يرحم باباك بعد عليا بنك وخليو لي بنتي انا ماطلبت وااالو طلبت غير بنتي اهىءاهىءاهىء 😢 ماخاصني فلوس ماخاصني راجل خاصني غير نبقى يانا وبنتي ..الله يرحم باباك خليني نرجع بحالي انا وبنتي وعمركم تشوفو وجهي😢
عهد: بب ديالي (باسها فحنكها) ذهب ديالي انا (باسها فنيفها)
ذهب: دي..دي.دد. (معنقاه وكدوز يديها على كتفو وكتشوف فيه وتعنق وتعاود وهوا فرحان بيها وكيهضر معاها بحال الى كيفهمها اش كتقول وغيثة كتشوف بنص عيني ومهمومة من نضراتها باينة فيها ممرتاحاش ، شاف فيها عهد وعطاها ذهب فيديها ودوز يدو على شعرها
عهد: ماتبقايش تفكري بزاف حيت التفكري بزاف كيخرج على مولاه ، راه شحال من دباح دبحو موسو 😉
غيثة بقات غير كتشوف فيه ودخل هوا دوش ولبس حوايج اخرين ديال الدار ومشا يطل على مو ، دخل شافها وقلبات وجها مابغاتش تشوفو وخرج خلاها . بانت ليه ماريسول طالعة عند غيثة و وقفها
عهد: انا فالبيت اللي حدا البحر
سيفطي شي وحدة كدير المساجنزل وخرج مشا لواحد البيت من الخشب ومعري كامل فيه ناموسية وكيطل على الماء وجلس تكى على كرشو وخشا وجهو بين يديه ساهي
وكيفكر تا جات وحدة بافا صغيرة فالاج وشعرها اسود لابسة طابلية بيضاء وهازة قفة فيها الزيوت ودخلات عندو
...: سلام
عهد: سلام (مهزش راسو)
...:واش نبدا؟؟
عهد:(بسخرية) الى جات على خاطرك!!!
هزات البنت واحد الزلافة ديال الطين وخوات فيها زيت اللوز الحلو وزبدة الكاكاو وخلطاتهم بعود خشبي وحطاتهم فيديها وبدات كدلك ليه ضهرو وهوا مرخي كيشم ريحة الزيت منعشة وكترخي العضام وبالاخص زيت اللوز الحلو اللي كيدخل بسهولة فالبشرة وكيرخي العضلات المتشنجة وكيرطب البشرة بسرعة ، المدلكة كدلك وهوا كل شوية كيتنهد قلبو عامر ومكيتحركش ، جبدات المدلكة احجار البازلت سوداء خاصة بالمساج وحداتهم وسط واحد لاباراي فيها الماء وكتسخن بالضو بحال كوكوت تا سخنو وهزاتهم بواسطة واحط اللقاط خشبي خاص بيهم وبدات كتحطهم لعهد فضهرو مسفين وحدة مور وحدة على السنسور ديال ضهرو سخوونين وهزات جوج حجرت بدات كدلك بيهم الجناب بيديها لان احجار البازلت كتحسن الدورة الموية وبما ان عهد مدمن على الرياضة وكيتحرك بزاف فديما كيبغي المساج بهاد الاحجار حيت كتخفف الالام الناتجة على الحركة الكثيرة و التدربيات العنيفة والاطراب النفسي والاعصاب والقلق والتوثر وكيلقى راحتو فالوحدة وكيفضل يجلس بوحدو بعيد على كلشي ويرخي اعصابو قدر المستطاع.
دلكات ليع المدلكة ضهرو وتقلب مغمض غينيه وبدات كذلك جيعت عنقو وكتافو وصدرو وكرشو وهوا ساد عينيه وكيتنهد وصوت الهاء كيخرج مع التنهيدة ديالو الشيء اللي كيذل على كمية الجروح والاوجاع اللي هاز فقلبو ، تا سلات المدلكة ودلكات ليه جبهتو شوية ومشات وبقا هوا تقلب على كرشو مغمض عينيه وساهي بين افكارو والاحداث اللي مرات قدامو طول النهار وهو على نفس الحالة تا طاح الضلام ورجع لقى غيثة جالسة غير شافتو عوجات سيفتها، مشا جلس حداها بغا يهز ذهب وهي تنفر منو ومخسرة شيفتها
عهد: !! مالكي؟
غيثة: ماتبقاشي تجلس حدايا وماتخادينيشي
عهد: ريتا! ياك لاباس؟
غيثة: اففف ...ناضت مخسرة شيفتها وهو كيشوف مافهم والو ورجع كيلعب مع ذهب تا عيا وطلها للبيت ودخل دوش وطلع على الناموسية يالاه بغا ينعس حدى غيثة وهي تهرب
عهد: ريتا واش كاين شي مشكل؟(مطلع حاجبو)
غيثة: ماتبقاشي تنعيس حدايا مكنرتاحشي الله يرحم يماك..يخ
عهد بعد صمت طويل ناض بالزعفة لاح الغطاء وخرج زدح الباب تا كان غيطير من بلاصتو وبقات غيثة جالسة مخنزرة وحطات راسها تنعس وهي تنوض حيدات الفراش كامل وفرشات واحد جديد وبدات كتشمشم فيه عاد نعسات وعنقات بنتها اما عهد نزل كاعي باغي يطرطق وكيشوف فالشومبر د مو شاعل فيها الضوء والشومبر دغيثة طافي فيها الضوء وجلس كيشرب فالجردة ويكمي ويخمم تا عيا وناض لشومبر اخرى ونعس فيها
صباح جديد فاقو الكل ونزلو وغيثة بقات فالبيت ناعسة تا دخلات عليها ماريسول فوهات البيبان والسراجم وهي تحل غيثة عينيها بزز كتنكرغيثة: واش مكدفهمشي الانسان ناعيس ماتفتحشي عليا الطاقة (السرجم)
ماريسول مكتفهمش غيثة اش كتقول و غيثة مكتفهمش ماريسول تاهيا وكيهضرو غير بالاشارات
غيثة: (كتهضر بالاشارات) وااااا الطاااااقة شدها راه الشمس عمااااتني (حاطة صبعانها على عينيها) يخخخ
ماريسول مافهمات والو وغيثة ناضت كتجري دخلات للدوش كترض وتقيا والماريسول حداها كتهضر وغيثة كترض مافاهما تا حاجة تا تقيات وسالات كتلهت وغسلات ليها ماريسول وجهها ومسحات ليها وداتها للفراش
غيثة: بعد مني ...مابغيتكش واخا نبقا طول غمري معاك مغنبغيكشي
وقف كيشوووف فيها وعينيه فيهم الحزن والغضب وخرج خلاها كتبكي و جلسات هي كتندب وضرب كرشها بالجهد تا عيات وخرجات جلسات مكمشة كتفكر تا بان ليها البيسي ديالو محطوط وهزاتو شعلاتو ودخلات كتقلب وتكتب "كيف اسقط الجنين) دخلات للgوgل وبدات كتقرى بالزربة وناضت كتجري خلات البيسي مشعول وخرجات كتجري فالدروج للكوزينو وجبدات القرعة دالقرفة كبيرة وسخنات الماء وكتبكي والخدامات كيشوفو فيها شكادير ، خلات الماء حتى سخن وبدات كتهوي فالكاس المتء سخون والقرفة وكتشرب بزز وكتعمر وتشرب تا شربات القرعة كاملة وخرجات كتجري دازت قدام عهد جالس كيشوف فيها من بعيد تا شافها طالعة فالدروج كتجري وهي تبدا تغوت لربي اللي خلقها وتكربات من الدروج كتقطع ومشا عندها كيطير مخلوع
الطبيبة: مع الاسف المدام فقدات الجنين ماكاملش عندو شهر ، عرات على فاصمة هازاها فيديها وراتها ليه وهوا يتصدم من داكشي اللي شاف بقا مشوكي وعينيه مفيكسين كيشوف بعيتيه خارجين
الطبيبة: كانو عندها جوج ومع الاسف طاحو (عطاتهم ليه )
شدهم فيدو كيشوف فيهم يالاه بدا النمو ديالهم وعينيه مالكهم الحزن وهوا كيشوف فولادو وحاسب ليهم من نهار الباطو وهوا كيتسنى بفارغ الصبر انها تحمل وفالاخير طاحو وشاف صورتهم قبل مايكملو ، جلس فوق الكنابي والتوام فيديه لحمات صغار فوق الفاصمة وعينيه مفيكسيين ماكانش متوقع يشوفهم هاكاك والصدمة كانت قوية عليه خلاتو مشوكي كيشوف فيهم
خرجو جميع الاطباء وخلاو غيثة ترتاح من الالام الاجهاض الحاد وعهد خرج هاز ولادو فيدو ومشا جلس فالطوموبيل وسد عليه، رجع الكوسان اللور وجلس كيشوف فيهم فيهم ويحركهم بصبعو باين فعينيه الحزن الشديد ، بقا شحال كيشوف فيهم و جبد تيليفونو صورهم وغطاهم بالفاصمة و حطهم فواحد البواطة صغيرة وخباهم فالطوموبيل وخرج رجع عند غيثة ، حل الباب لقاها ناعسة و وقف حداها كيشوف فيها شحال وشد ليها فيدها وكيتأمل ملامحها حتى فاقت وجمع يديه بزربة وبدل ملامح وجهو عهد:(بجدية) احمم..كيبقيتي؟
غيثة: لا رد (قلبات وجها)
عهد: (متردد) مهم..أا..كنتي حاملة ووو الجنين طاح ، عارفك غتفرحي حيت طاح مي انا بقا فيا الحال وكنت باغي نولد معاك الولاد ماتعرفي تبدل النضرية ديالك عليا مي حتى حاجة مكتصدق ومامكتابش لينا نكملو ووو غير تبراي يشوفو شي حل اللي يرضي كلشي
غيثة: (بصوت تقيل) انا مابغيت ..والو ..بغيت غير بنتي ..ماخاصني لا فلوس لا والو
عهد: (كيحرك راسو) ايكون خير ...رتاحي دابا تا يفوتك الحال .
خرج وخلاها كتشوف فالسقف وكتنفس الصعداء وفرحات مللي تفكات ومابقاتش حاملة ورجعو ملامحها مبتاسمين بالفرحة من خلال الهضرة اللي قاليها عهد .
خرج مشا عاقد حجبانو ورجالو بقاو فالباب ديال الشومبر اللي ناعسة فيها غيثة رجع للدار ونزل جبد البواطة اللي فيها ولادو ومشا دفنهوم تحت التراب ورجع يالاه دخل مع الباب تعرضات ليه ماريسول كتجري
عهد: (عاقد حجبانو) شنو واقع؟
ماريسول: المدام ريتا ... (كتفتف)
عهد: هضري سربي مالها؟؟
ماريسول: المدام حاملة .و ..و .و مابغات حتى واحد يعرف وانا درت ليها خاطرها ديك الساعة باش تهدن حيت بدات كتبكي وخرجت فاش دخلتي عندها و .و وبقيت كنتسنى حتى تخرج من عندها ونعلمك ساعة ماقدرتش نهضر فاش شفت سيادتكم خارج معصب من عندها وقلت بلاتي ونقولها ليك...
عهد: دابا من هادشي كااامل شنو كاين؟
ماريسول: المدام بغات طيح الجنين و..وو شربات القرفة ، ماشفتهاش كنت هازة ذهب كنبدل ليها تا سمعت الغوات وو..
عهد بقات السينتة كدور ليه فبالو وتفكر فاش شافها خارجة كتجري من الكوزينة وتفكر فاش دخل عندها وبدات كتغوت وتبكي ، بقا واقف بصدمة كيسترجع السينتة وماريسول قدامو كتبكي خايفة وحاطة يديها على وجها تا نزل نضال شافو مشوكي ووقف حداه
نضال: عهد ! شنو واقع عاوتاني ياك لاباس؟؟
عهد: لا رد(هز يدو لفوق ورجع خطوة للوراء بمعنى مايقيسوش وبقا واقف كيفكر وعقلو مرفوع ونضال كيهضر ويسولو وعهد كيشوف شفايفو كيتحركو والحركة بطيىءة فعينيه و مكيسمع والو من غير صوت غيثة وغواتها وصورتها وهي كتغوت عليه ...بقا شحال واقف فبلاصتو كيفكر عاد رجع للوعي ديالو و سمع نضال..
عهد: كنت باغي غيثة تزيد تولد باش الواليدة تقبل بزز منها وغيثة يتقالو ليها الجنحين وتشد الارض ..لاكن.. (كيحرك راسو) حملات وجهضات ... (جبد التيلي) كن كان كل واحد كيجهض ويشوف ولادو بهاد المنضر اللي شفت انا تا واحد ميقدر يجهض (وراه الصورة) الاجهاض كيجيهم عادي حيت مكيشوفوش بحال هادشي داكشي علاش كيلقاو الاجهاض هوا الحل باش يتفكو ، هادو اللي كتشوف فيهم يالاه بداو فالنمو ولادي انا نضال: اوووه شيييت (تصدم)
عهد: قتلات ليا ولادي باش تفك مني واللي محيرني كيفاش ماجهضاتش دهب تا هيا ملي حملات بيها وبقات محتافضة بيها؟؟؟ ولا يمكن فات الفوت على الاجهاض حيت مستحيل كانت تخليها وترضى تهز جزء مني فأحشاءها ...عرفتي دابا الواليد بقدر ما كنت ...كتسمع كنت كنبغيها وليت كنكرها ، ماسحابش ليا غطلع هاكا ...خسااارة بغيتها ..ولاكن ماتستاهلش (ساعي فالارض) صافي كلشي مشا كلشي تسالا ...بغيتها من قلبي ..حب ماشي طبيعي ، فضلتها على راسي وكن طلبات عينيها نعطيهم ليها بغيتها كتر من نفسي ولاكن...(ضحك بسخرية) هههه كاع داك الحب وداك..وداكشي اللي جامع ليها فقلبي ودقات قلبي اللي كانو كيزدحو بسميتها كلشيييي....كلشيييي مشا هباءا منتورا...كاع داكشي اللي درت عليها وليالي سهرتهم كنفكر فيها وعذاب عشتو وتعذبتو وانا بعيد عليها وبغيت نولد ولادي معاها وقلت نصبر عليها تا تكبر ودير عقلها هه...هادشي كااامل ...كااااااامل بففففففف مشا وضاع (كيحرك راسو) ضاع كلشي
نضال: (حاط يدو عليه) فكر فبنتك دابا ماتفكرش فشي واحد اخر ، يكفي هادشي اللي درتي وكتعدب ونتا حداها حسن بعد عليها
عهد: (ساهي فالارض) ماتستاهلش...كانت ...كانت عينيا وكلشي بالنسبة ليا كانت حب غاااالي وحطيتها فوق راسي ولاكن هي .. مادارت حتى مجهود باش تحاول تنسى اللي فات ........كانت ضلي ديما معايا ديما بين عيني ...قتلات ولادي .
مروى شافتو واقف ولون وجهو مخطوف ونزلات كتجري عندو وعينيها هازين الهم من جيهتو ، وقفات حداه كتشوفيه وعينيها فيهم الخوف عليه وكتسول بنضارات مرعودة خايفة من الجواب ...جلس فوق الفوطوي قدامهم ويديه مدليين على ركابيه كيشوف فالارض وكيردد بوحدو
عهد: ماتستاهلش...ماتستاهلش
مروى: مالك احبيبي شنو واقع ليك
نضال: (جرها) خليه
مروى: (كتبكي) مالو !!! شنو واقع
عهد: (هز راسو فيهم) ضاع الوقت بلا فايدة ...عييت نضحي وهي مكتعطيني حتى امل باش نزيد نكمل ... متصورتش نهاءيا نوصلو لهادشي ، ضيعت وقتي معاها و....وصافي حتى لهنا وحبس غادي نسد هاد الكتاب والله يعاونها .
ناض بغا يمشي وشدو نضال
نضال: عهد ...واش سافا؟
عهد: (ضار شاف فيه) هه ...بلا صداع... بلا غوات بلا ماندير شي موصيبة فشي واحد غتقلبو عليا ماحدي كنهضر بعقلي ...الغوات والصدع والحرب ماعندو باش ينفع هاد الساعة انا ولادي ماتو وصبري تقادا يلا بديت راه مغانساليش وماغيبقى لا احترام لا تا لعبة ، خليني باغي نبقا بوحدي ماباغي نشوف تا واحد وماباغي تا واحد يشوفني وماباغي نسمع تا واحد حيت باقي غادي تجي الهضرة دالمعقول من بعد
طلق منو نضال ومشا طلع للشومبر ديالو وعينيه وهز بنتو كيشوووف فيها وهي كضحك
عهد: خسااارة ولدتك مع شيطانة
عنقها وهي كتغوت وضحك وغمض عينو و رجع حلهم وشاف البيسي محلول بقا معجب فشكون شعلو ومشا يسدو يالاه حرك ليكخون وهوا يشعل الضوء وطلع ليه كوكل ، بقا واقف قرى داكشي اللي كيدير الاجهاض وهز البيسي لاحو بالجهد تا هرس المراية دالماريو وبدات ذهب كتغوت وتبكي وخرج هازها فيدو
نزل هاز ذهب فيدو كيسكت فيها وهي كتبكي وعاضاه فعنقو و الدموع نازلين ليها داز للشومبر ديالها هازها بيدها وحدة وكيجمع ليها حوايجها بيد وحدة ، حل الساك ديالها غوز وخشا فيه الرضاعة وليكوش ، كيجبد ويلوح فالساك تا جمع ليها كلشي وهزو وهز غطاء فيدو ديالها ونزل كيهضر فالتيلي لاش يسيفطو ليه فرملية خاصة بالاطفال ، خرج قدام نضال ومروى كيشوفو فيه هاز دهب كتبكي وناض نضال كيجري عندو نضال: عااااهد...عااااااهد
عهد: لا رد
مشا وخلى مروى كتبكي وباه كيشوف فيه ومتبع ليه العين وكيشوف فذهب كتبكي وغوت
عهد: طلع فالهامر و شاد ذهب فيدو معنقاه كتبكي ومشا سايق بيد وحدة ومعنق ذهب بيد وحدة تا وصل لفين محطوط الباطو و الهيليكوبتر ولقا جوج فرمليات كيتسناوه ، هزو الساك ديال ذهب و نزل هوا كاعي مكيشوفش فشكون حداه، حلو ليكارد كورد الباب ديال الهيليكوبتر وطلع عطا ذهب للموربيات وركبو موراه وحط الكاسك على ودنيه وحيد لافيست ديال الكوير كان لابسها وبقا بتيشورط وقلع ...طارت الهيلوكوبتر وحولات اليتجاه ديالها فالسماء بقاو رجالو متبعين ليه العين من لتحت تا غبر مابقاتش كيبان.
غيثة: انا صافي رجعت مزيانة غير يالاه نرجعو بغيت نعنق بنتي ونعس حداها 😢 توحشتها (ساهية و عينيها كيدمعو)
لبساتها ماريسول كسوة طويلة واسعة باليدين حيت متدي على كلام عهد اللي ديما كيوصي تلبسها حوايج مغطيين ، خرجات غيثة وجها صفر بالمرض وعقلها غير مع ذهب كضحك وتبكي بوحدها ، شافوها رجال عهد خارجة وحلو ليها الباب ديال الطوموبيل ركبات هي وماريسول ومشا بيهم، غادية متكية على الزاج وكتبتاسم وعينيها دابيلين وساهية فالطبيعة تا وصلهم الشيفور وخل ليهم الباب نزلو ونزلات شادة فماريسول
غيثة: ماعرفتشي علاش كنحيس احساس فشكل...بحال الى اول مرة نجي لهاد الدار وحشمت ندخل ليها بحال الى ماكيعرفني فيها تا واحد وماعندي فيها تا حاجة ! قلبي مزير خايفة ندخل ...ولا يمكن بعد على هاد العاءلة تا حسيت بيهم غراب عليا
ماريسول: الصمت (مكتفهم والو)
شدات ليها فيدها ودخلو ، غيثة حطات رجلها وسط الدار ...سكااااات ...حتى صوت مكيتسمع بحال الى الدار مهجورة والريح كيدخل من السراجم مجهد ، طلعات لشومبر ديالها لقاتها بحال الى اول مرة دخل ليها ، ملمطة ومجموعة وحتى ريحة مافيها من غير ريحت المعطر ديال الجو جلسات فطرف الناموسية بوحدها كتشوف ساهية والهواء كيدخل من البيبان ديال البيت اللي كيطلو على البحر دوزات يدها على الناموسية ساهية وناضت هازة جلايلها و مشات وقفات حدا الباب دبيت ذهب ، وشدات فقلبها
غيثة: احح شني هادشي كيوقع لي ياربي
دخلات لقات البيت خاوي والالعاب مستفين فالبلاكار وكلشي متول ومقاد بحال الى عمر شي بيبي صغير مالعب تما بقات كتشوف مستغربة وخرجات بخطوات بطيئة من البيت وقفات كطل من لفوق على وسط الدار حتى واحد مكاين والسكات ، مسرحة عينيها باستغراب من السكون والهدوء اللي كيغمر المكان وبقات كتمشي وتجي وكل شوية كتزيد فالسرعة دالمشية وملامحها كيتبدلو تا بدات كتجري فالكولوار كتفتح باب ب باب وكتلقب بعنيها خارجين ويديها كيترعدو والخلعة فعينيها
أنا أحترق الجزء 27
محتوى القصة
التنقل بين الأجزاء