أنا أحترق الجزء 28

من تأليف Ghazal trust
2017

محتوى القصة

رواية أنا احترق ل Ghazal trust الفصل الثالث

نضال: الو عهد...الله اصاااحبي شحاال وانا كنعيط على سلامتنا اللي تفكرتيناعهد: مهم ذهب غنسيفطها فالطيارة ومعاها المربيات ديالها تبقى معاكم وماتبقاش بوحدها
نضال: شنو كاين لاباس عندك شي مشكيل؟ 
عهد: مهم غنسيفط ذهب من بعد ونهضرو الله يعاون
نضال: الو ...فينك نتا بعدا ؟ الوو..الو تيت ..تيت..تيت
بقا نضال مستغرب ورجع عند غيثة جابو ليها الطبيب دوز ليها وضدمد ليها الدقة اللي فراس وعطاها مهدءات وخرج عند نضال
الطبيب: انهيار عصبي ...
نضال: امم..وخاصها راحة الى اخ...
الطبيب: داكشي اللي كاين
نضال: اوك مزيان
مشا الطبيب ورجع نضال عند مروى لقاها كتبكي وناعسة على ضهرها وجلس حداها
نضال: مروى...هضرت مع عهد دابا وراه غيسيفط ذهب لينا تبفى معانا 
مروى: وهوا 😢
نضال: دابا هوا راجل وقاد براسو بيما انه غايسيفط لينا ذهب الا وراه غيرجع طال الزمان ولا قصار ...نوضي جلسي شوية راه تا ديك البنت مسكينة محروقة على بنتها بقات فيا
مروى: هيا السبب اهىءاهىءاهىء 😭😭 هي سباب فكلشي هي مابغاتوش وبغات تاخد البنت وتمشي شنو بغيتي تديرو ليها؟
نضال: صبر معاها تا عيا ودار اللي مايدارش ومابغاتش تبقا معاه ...غير غتفيق غنشوفو حل لهادشي ...هاد الصدع طول بزااف 
مروى: المهم ولدي يرجع
نضال: راه قلنا ليك مللي غيسيفط البنت راه غادي يجي شي نهار اللي يرجع فيه ، ومزال غنهضرو فالتيلي فاش يبغي يسفطها وغانشوف فين هوا من خلال الاتصال ديالنا انا وياه وغنشوف منين كيتاصل
مروى: واخا 
نضال: صافي نتي رتاحي ويلا مابغاش يجي غنديك عندو
مروى: بصح؟؟
نضال: واش انا عمري كدبت عليك
مروى: لا
نضال: ايوا صافي احبيبة رتااحي 
ناض نضال هلى مروى ناعسة كتخمم وساهية وحل الباب على غيثة لقاها ناعسة ومشا شد البيسي ديالو كيقلب ويبحث على المكان فين كاين عهد تاسالا وهوا يشوف غيثة خارجة من بيتها كتبكي وتقلب مي الحمقة والفاصمة مدورة ليها على راسها ، شافتو ومشات كتجري عندو وكتبكي
غيثة: الله يرحم باباك بغيت بنتي غادي نموت ...عطيوني فطغير بنتي وغنمشي عمركم تشوفو وجهي
(طاحت على رجليه) انا عايشة على قبل بنتي اهىءاهىءاهىء 😭😭 غادي نقتل راسي مانقدرش نعيش بلا بيها اهىءاهىءاهىء 😭😭
هبطات تبوس ليه رجليه وهوا يهربها ونوضها كيشوف فيها بقات فيه وهي كتبكي حالتها حالة عينيها مطرطقين بالخلعة و تنفخو بالبكا و وجها حمر وغير تالفة بوحدها ومتشوف فيه بنضرات كلها حزن وكتوسل ليه بعينيها


نضال: راه بنتك غترجع وهضرت معاه فالتيلي وغايسيفطها ...صافي بردي دابا ماتبقايش ديري عادشي فراسك شي نهار تموتي وتهلي بنتك بوحدها غيثة: (بغات تبوس ليه يدو) الله يخلي ليك ماعز عليك يطول فعمرك اهىءاهىءاهىء 😭😭
نضال: (هرب يدو) صافي دابا صافي ...جمعي حوايجك غانمشيو من هنا باش تمشي معانا 
غيثة: وبنتي؟
نضال: (تنهد) ورااه بنتك غتوصل فين ما كنتي يالاه سيري 
مشات كتجري ماحبساتش من البكى وكتجمع حوايجها وتبكي وتمسح بكمام الكسوة نيفها وعينيها تا جمعات حوايجها وجراتهم عبطاتهم لتحت وجلسات نيفها حمر و وجها باهت وشعرها تخبل وجمعاتو بقراسة ولابسة كسوة عادية كحلة طويلة واسعة بحال شي فراشة وكمامها نازلين على اليدين وكتشوف الفوق كتسناهم يهبطو ومتوثرة جالسة وكتخم يديها مع بعضيتهم والفاسمة باقا مدورة على راسها وكل شوية تشد راسها بيديها كتوجع من حر الدقة تا شافت مروى نازلة مع الدروج تا هيا وجها باهت بالبكا ومادابراهش المكياج ولابسة كسوة حد الركبة وصندالة د صبع كتبري ونضال موراها هاز ليها حوايجها ...غيثة شافتهم وحنات الراس ماقدراتش تهزو فيهم ودموعها على خدودها ماحبسوش ، مروى شافت فيها بنص عين وقلبات وجها وتا وحدة ماهضرات مع الاخرى ، خرجو وغيثة موراهم تابعاهم مابغتتش تفرق عليهم على قبل بنتها وركبو فالطوموبيل وركبات غيثة اللور حانية راسها تا وصلو للهيليكوبتر اللي حدى البحر فين كينين الباطو الكبير ، نزلو وتما تملفو الرجال بحمل الحقاءب وكلشي وطلعو فالهيليكوبتر وحدة مكتشوف فالاخرى ومروى جالسة حدا نضال وغيثة كتشوف من الزاج وساهية كتبكي وجامعة يديها ، طارت الهيليكوبتر فالسماء ونضال اللي سايقها 
مروى: ماعاودش عيط؟
نضال: مشيت قلبت لقيتو كيعيط من قطر ، يمكن مشا عند محمد 
مروى: وفوقاش غيسيفط البنت؟
نضال: ماقاليش ...مهم غادي يبغي يسيفطها غيعيط ليا ...
مروى: (كتنهد) عيط لمحمد سولو عليه...شوف واش جالس معاه ولا فين جالس؟
نضال: غيكون جالس فالقصر ديالو تما ..ماكنضنش واش يبغي يجلس مع محمد فالقصر ديالهم هاد الساعة ، غنزلو نعيط لمحمد هوا غيكون معاه دابا 
مروى: اصلا هوا صاحبو الوحيد من منين كان كيقرى هوا وياه وقراب لبعضياتهم ...اجي رجالو اللي تما حاضيين ليه القصر هما اللي كانو يقولو ليك بلي راه مشا لتما
نضال: هه االااا نتي مزال ماعارفة شنو كاين ...هادوك عسكر وبوليس ديال الدولة اللي خدامين تما فالقصر وفالادارة ديال القصر ممنوع شي حاجة تخرج ومع هما عرب عندهم عقلية فشكل الى قاليهم ماتخرجش راه ماغتخرجش...نتي بالنسبة ليك ولدك عهد هاداك وهما بالنسبة ليهم الكينغ ماشي كيما كتشوفيه نتي 
غيثة كتشمع ليهم ومصدومة فيهم كيهضرو عليه بديك الطريقة وخوفها زاد كبر مللي عرفات راسها معامن طاحت 
مروى: شحال بقا لينا ونوصلو انا دخت 
نضال: ها حنا غنهبطو فاوستراليا فين خلينا الطيارة وغنعيطو ليه ولا نعيط لمحمد ونشدو الطيارة نيشان للمغرب.
نزلو بالهيليكوبتر فمطار ملبورن الدولي فاستراليا لقا رجالو تما عطاهم الساروت ونزلو ونزلات موراهم غيثة غادا واكلة الدقة فالراس وكتشوف فالمطار كيداير ، ركبو هما فسيارة ميرسيديس وغيثة بقات واقفة كتشوف مافاهمة والو تا شير ليها نضال باش تركب والشيفور حال ليها الباب لور حدا مروى ، طلعات كتفتف وجالسة ولاسقة مع الباب وخايفة من مروى اللي جالسة حداها ، مشات بيهم السيارة بعدات على البلاصة اللي كينزلو فيها الهيليكوبتر وبقاو غادين حيت المطار كبير وكل بلاصة فيها الطيارات ديال المسافرين مستفين وحدة حدة وحدة فالمطار ، بعدو تا وقفات السيارة ونزلو فالمكان المخصص للطيارات الخاصة ، غيثة غير تابعاهم فين مامشاو وكتشوف وتشد فراسها ، طلعو فطيارة لون ديالها بوردو وكبيرة ديال نضال ورجالو معمرين المكان تما وداخلين خارجين فالطيارة وفريق الصيانة خدام لتحت كيراقب الطيارة واش مستعدة للاقلاع و الكابتن والمساعد ديالو واقفين كيتسناو يعطيهم الانطلاقة ، طلعو وغيثة كتشوف مافاهمة والو والمضيفات كيستقبلو بابتسامة وكيرشدوها وجلسوها تا شدات بلاصتها فوق واحد الفوطوي وجلس نضال ومروى كيهضرو وغيثة كتشوف شثف الطاءرة والديكور ديالها الحديث بحال شي دار .
نزل نضال لتحت كيصوني فالتيلي وغيثة كتشوفيه من الزاج كيهضر فالتيلي وكيحرك راسو تا سالا وطلع حلس حدا مروى كيتنهد
مروى: واش هضر معاك ...شنو قالك ؟

نضال: هضرت معاه قلت ليه حنا راجعين للمغرب وقالي غدا غيسيفط ذهب فطيارة ديالو للمغرب ولاكن هوا عندو شي شغل .مروى: ماكاليكش واش غيرجع؟
نضال: لا ...قطع دغيا ...مهم غدا غتكون ذهب فالمغرب وحنا غنمشي على المحيط نيشان للمغرب ومغتشوفيش اليابسة نهاءيا تا توصلي للمغرب
غيثة حالة عينيها فيهم وكتسمع بدهشة وبدا كتنفس وساكتة ، طارت الطيارة فالسماء ومروى متكية على كتف نضال وهوا معنقها بيدو وغيثة جالسة راسها كيمشي ويجي فيها النعاس وكل مرة تضرب مع الزاج ديال السرجم وترجع توكض تا جات عندها مضيفة نوضاتها ودخلاتها للشومبر دو نوي ، دخلات بقات حاللة فمها وعمرها ركبات فطيارة خاصة بقات غير كتشوف وراسها كيضرها وتقيل شادها بزز وعينسها باين فيهم التعب والارهاق ، حطات راسها وعقلها كامل مع بنتها تا نعسات ، مافاقت تا لقات المضيفة عند راسها كتفيقها بابتسامة ، ناضت مفزوعة كتشوف فجنابها عاد تفكرات بلي هي فالطيارة وناضت خرجات لقات نضال معنقة مروى لانها كدوخ فالطيارة ومهبطها بشوية عليها وغيثة موراهم تا نزلو وركبو فسيارة من نوع مازيراتي فالاسود لامع و طويلة كلاسيكية بالشيفور وصلاتهم تا لباب القصر المحوط برجال من الداخل ومن الخارج واضواء خافتة حيت وصلو بالليل ولقاو الخدم مستفين كيتسناوهم ، مشا واحد من الخدم لارس لباس رسمي فالاحمر هز الشوانط هوا والمساعد ديالو ، غيثة بقات واقفة كتشوف ومسرحة عينيها كتذكر الماضي وساااهية عينيها تقاااال وكتحرك بشوية كتسترجع الذكريات ...نفس الراءحة نفس الاضواء ...نفس الاجواء غير هاد المرة القصر كيغمرو السكوووون والهدوووء وخركة الخدم متسمع خفيييفة بحال الى كيمشي على البيض ...سمعات صوت الطالون وتلفتات لقات مروى طالعة فالدروج هي ونضال والطالون كيتسمع بالجهد كسر الهدوء اللي كان كيعم المكان ، بقات متبعة ليهم العين تا طلعو وتبعاتهم هي هازة جلايلها وكتشوف راسها حمقة وكتجري وطالعة ونازلة مع الدروج كتهضر بوحدها ، شافت نور وهوا كيسرفقها وكيجري عليها من القصر ، طالعة فالدروج والذكريات كتعاود قدامها ..شافت عهد هازها وطالع بيها وهي حمقة كضحك وركل وعد فاش فضحاتها غيثة ، طلعات للطابق العلوي وغادة ببطىء كترمي رجليها بزز وعينيها كيبريو بالدموع ودايزة قدام البيوت وجميع الذكريات دازو قدامها تا نزلات دمعة على خدها وحطات يديها على بواني ديال واحد البيت وتبلوكات...

تفكرات نهار حلات الباب على نور وشافتو هو وميساء فوضع حميمي وكانت صدمة كبيرة بالنسبة ليها ...رجعات للوعي ديالها وحلات الباب وزادت خطوت كتجر فجلايل الكسوة مع الارض وتفكرات نهار حلات الباب على عهد هوا ونانسي فوضع حميمي وبقات ساهية كتفكر وسدات الباب بحركات بطيءة وعقلها مرفوع مع الذكريات ...كتحل الكسوة وساهية كتفكر ، تفكرات المصارعة ديالها مع عهد نهار الاغتصاب وغمضات عينيها وخركات راسها باش متفكرش فداكشي وهبطات الكسوة على كتافها تا طاحت فالارض وبقات هي واقفة وهزات رجليها من فوق الكسوة وزادت خطوة كتمشى برجليها الصغيورين خطوة تابعة خطوة وكل مرة فين كتحطها ، بقات كتخلف تاحطات رجسها فوق زليج اسود لامع وهبط معاهم سليب لونو زهري ولاحت برجليها ببطء ورجعات وقفات وتطق صوت الماء تا هبط اقدامها الصغيرة واصبعها الرقيقة وادافرها الصغيرة ...هبط معاهم الماء وتبعهم الصابون و تبعاتهم يديها بشوية دوزاتعها عليهم غسلاتهم ورجعات حطاتهم فوق الارض ، هبط ماء صافي نزل معاه كاع الصابون تا رجعو كيبريو وخرجات لبسات بينوار ابيض ونشفات شعرها ومشات حلات البلاكار بقات واقفة كتشوف سااااهية وجبدات سوميج دونوي بيضاء لبساتها وطلقات شعرها ونعسات على ضهرها كتشوف فالسقف ويديها بجوج مجموعين على كرشها ، بقات سااهية شحال وعينيها كيتسدو تا غمضو ."غيثة: ديالمن هاد البلغة؟ 
عهد: ديالك (كيبتاسم) اري رجليك 
عطاتو رجها وكتشوف فيه تحنا ليها عند رجليها يلبسها بلغة ديال الصم الحر مذهبة ...خشاها ليها فرجليها 
عهد: ماجاتش قدك (حيدها ليها)
غيثة: غير غير خليها واخا ماشي قدي .
عهد: غنجيب ليك وحدة صغيرة تجي قدك
غيثة: واخا ههه
ناض هز البلغة فيدو ومشا قدامها تا شافتو طاحت ليه البلغة من يدو 
غيثة: عااااهد ...البلغة راه طاحت
عهد: لا رد 
غيثة: وراه طااحت ! 
عهد: واخا طاحت راه ماشي قدك
شافت مروى مشات موراه هزات البلغة وتبعاتو عطاتها ليه 
مروى: باقي غتحتاجها ههه
غيثة: راه ماشي قدي كبيرة عليا 
عهد شافها مبتاسم ومشا كمل طريقو والبلغة فيدو 
غيثة: عاااهد...عااااهد" 
غيثة: (ناضت مفزوعة) اعود بالله من الشيطان الرجيم (كتلهت) اعوذ بالله من الشيطان الرجيم ...اعوذ بالله من الشيطان الرجيم ...
شافت الضوء ديال الفجر داخل وناضت شربات الماء ورجعات نعسات كتفكر الحلمة تا نعسات

اصبحنا واصبح الملك لله .فاقت غيثة اول وحدة فالقصر لابسة بيجامة بسروالها وتيشورط فالازرق فاتح وشعرها مطلوق كيما العادة ولابسة كلاكيطة فرجلها وكتمشي وتجي فالقصر مللي صبح الحال وهي غادا جايا متوثرة كتسنى بنتها توصل ، كتخرج حتى لباب وتبقا كطل وترجع لداخل تجلس شوية وتنوض تمشس وتجي وكطرطق فصبعانها من كترق التوثر ، نزلات مروى لابسة سوميج دو نوي قصيرة حتا لفاخادها وفوق منهابينوارها قصير شاداها بالحزام ولقات غيثة واقفة فالباب كتشوف ومسرحة عينيها 
مروى: معندك شغل؟؟ 
غيثة: شنني؟؟
مروى: كي كتسمعي..سيري شوفي شنو ديري ونتي كدوري ليا هنا غادا جايا دوختي ليا راسي
غيثة: (بحزن) وشنني غنعمل كنتسنى فبنتي
مروى: تبعيني نوريك شنو ديري
مشات مروى وغيثة تابعاها تا دخلاتها لكوزينة وعيطات على رءيسة الخدم 
مروى: تكلفي بهادي 
رءيسة الخدم : واخا مدام (شافت فغيثة) تبعيني 
خرجات مروى هازة خنافرها فالسما وغيثة تبعات رءيسة الخدم داتها لفيستيير وجبدات ليها لبسة رسمية ديال الخادمات 
رءيسة الخدم : بدلي حوايجك ولبسي هادو...يالاه طلقينا ، وتبعيني لاكويزين ...سربي راسك 
غيثة: واخا😔
لبسات غيثة لبسات غيثة لبسة عبارة على ميني قصير فالبوردو وقميجة بيضاء وبابيون فالبوردو وليبة موس كحلة رقيقة وصباط بلا فالبوردو ديال الدان ودفرات ليها وحدة شعرها دفيرة دالسبولة نازلة تا لمؤخرتها وجلسات مربعة يديها تا رجعات عندها رءيسة الخدم لابسة طالون عالي كتقرقب وسروال توب وقميجة بيضاء وكرافاطة سوداء وشعرها زعر طالقاه قصير مقطعاه كاري قصيرة 
رءيسة : يالاه تبعيني سربي راسك 
ناضت غيثة كتمشى موراه بحال شي وحدة خارجة من المدرسة بديك اللبسة وداتها لكوزينة كبيرة محلولة على الجردة 
الرءيسة: (كتهضر مع الطباخين) يالاه سربيو دغيا يالاه... (شافت فغيثة والبنات اللي بحالها) يالاه نتوما ...سربيو الفطور يااالاه دغيا 
غيثة تالفة غير كتشوف و واقفة مع صف ديال البنات وتابعاهم اللي داروه كدير بحالو ، هزو الفطور ومشاو وحدة مور وحدة كيحطو فالسفرة ديال الماكلة وبقات غيثة كتحط معاهم وعينيها على الباب كتسنى بنتها ، رجعات هازة الماء باش تحجو فالطبلة وهي تلقى مروى ونضال جالسين كيفطرو، هز نضال راسو شافها بقى كيشوف مصدوم وهي حنات راسها تا مشاو الدموع فعينيها ورجعات للكوزية 
نضال: (خزر فمروى) اش هادشي درتي؟
مروى: هادشي اللي يصلاح ليها...انا مرضت بسبابها ومارضاتش تعيش معززة مكرمة خليها تعلم اللي ينفعها وماغتبقاش جالسة هنا بحال الاميرة
نضال: ومالقيتي غير هاد الخدمة تخشيها فيها؟
مروى: راه غير كتسربي ماشي كتصبن وتمسح الغبرة
نضال: مرواااا... (خزر فيها)
مروى: راه غندير شي فراسي انضال الى بقيتي كدخل فهادشي 
نضال: دابا كلمة جوج غندير شي حاجة فراسي؟
مروى: لا رد (قلبات وجها غضبانة)
بقا نضال كيشوف فيها تا عيا 
نضال: ضبري راسك وماتجيش تشكي عليا مرة اخرى 
مروى: لا رد
كملو فطورهم وغيثة رجعات للكوزينة تا سالاو الفجور وتبعات البنات يجمعو السفرة ومشات موراهم يجمعو البيوت ويستفو المخاد وبقات كتخدم معاهم وتابعة

التعليمات د الرءيسة تا وصلات العشية وتسلات خرجات للباب كطل تا وقفات عليها الرءيسةالرءيسة: هيييه...راه مكنتحركوش ومكنديروش داكشي اللي كيقول لينا راسنا، الى بغيتي تبقاي هنا واضبي على خدمتك ولا الباب ...اخر اندار المرو الجايا نلوحك برى 
غيثة: (بصوت مرتعش) صصصافي واها ..اخر مرة .
مشات كتجري للكوزينة كتحرك وتابعة التعليمات تا وصلات العشية وهي تسمع صوت السيارات فباب القصر ومشات كتجري شافت 4 دسال السيارات من نوع كاط كاط نزلو منها ليكارد كورد وحلو الباب للمربيات نزلو هازين ذهب فيدهم وهازين حوايجها مشات كتجري عندهم وهما يحبسوها المربيات 
غيثة: بنتي ...هادي بنتي 
ذهب: مه..ممه...ههه غغرر(كتمد يديها بغات تمشي عندها)
غيثة: 😍 دهب ماما ...هنااا (شافت فيهم) شتفتو راه بنتي هههه عرفاتني ههههه
شافتها مروى وهي تمشي هزات ذهب والرءيسة جايا كتجري موراهم 
مروى: (بالغوات) انا اشنو قلت ؟؟؟
الرءيسة : ماعمرها تعاود امدام 
غيثة: وراااه بنتي 😨
الرءيسة : يالاااه تحركي راه عطيتك اندار 
مروى: (كتشوف فالرءيسة) مرة جايا نتي وياها غتخرجو الى تكرر بحال هاد الغلط 
غيثة: اهىءاهىءاهىء 😭😭😭 و راه بنتي عطيوني بنتي اهىءاهىءاهىء 😭😭😭
مروى: بغيتي تبقاي حدا بنتك وتشوفيها لتازمي بالقوانين ولا غتخرجي وعمرك تعاودي تشوفيها
الرءيسة: يالاه زيدي تحري 😡
جراتها الرءيسة وغيثة كتبكي وكتشوف موراها فذهب وكتبكي وذهب طلقات زواكتها كتبكي وتشوف فماماها ومادة يديها وكتغوت ، هزاتها مروى كتسكت فيها ودخلاتها للقصر والمربيات موراها وطلعاتها لفوق ، غيثة بقات فالكوزينة كتبكي بغات تموت والرءيسة كتغوت ومطرطقة عينيها 
الرءيسة : 17 سنة ديال الخدمة عنرني تحطيت فهاد الموقف اللي حطيتيني فيه نتي ، تزيدي غلط اخر غتخرجي مع الباب ، وهلدا تنبيه ليكم كااااملين ...اي غلط راه غيءدي بصاحبو لخارج القصر ، ونتي عندك عقوبة غتغسلي الاواني ديال العشاء بوحدك .
مشات وخلاتها كتبكي بغات طرطق وجرها المكلف بغسل الاواني خرجوهم ليها من الماكينة كاملين وخلاوها كتغسل بيديها وكتبكي وكتشلل وتحط و واقفين ليها عند راسها كتغسل وتعاود وكيقلبو الكيسان مي دايرين وكيردوهم ليها تعاود تغسلهم من جديد ، جابو ليها الماعن ديال العشاء اللي تعشاو فيهم اصحاب القصر وحتى الخدم وبقات كتغسل تا تقسم ليها الضهر بالوقوف وجلسات على واحد الكرسي كترتاح 
الرءيسة: اممم (كتشوف الاواني وكتقلب) مزياان ...دابا تعشاي وسيري تنعسي والصباح مع 7 تفيقي بلا ما نوقف عليك عاوتاني 
غيثة: واخا😢
جلسات كتشوف فالماكلة قدامها وكتاكل بزز وكتبكي وناضت غسلات داكشي فاش كلات ومشات لواحد الشومبر كبير فيه الناموسيات وحدة فوق وحدة وفيهم البنات ناعسين وتكمشات فوق واحد السرير لفوق وبقات جالسة كتفكر وكتبكي تا ضربات 3 دالليل ونزلات لابسة بيجامة ديالها وخرجات كتسلت خايفة يحصولها وطلعات لفوق يالاه بغات دور وهي تؤجع تخبات ، شافت مروى خارجة ضاحكة من الشومبر وخلاتها تا دخلات لبيتها ومشات كتسلت حلات الباب بشوية ودخلات كتشمع صوت الموسيقى رولاكس هادءة فالبيت ديال ذهب وهي ناعسة فوق البياص ديالها وناعسين حداها تامربيات فوق ناموسيات فالجناب ، مشات بشوية تا وقفات حدى البياص كتشوف فذهب ناعسة غير بليكوش كتشخر ،بقات كتشوف فيها وكدوز يديها على شعرها وكتبكي وقاطعة الحس ودموعها نازلين ، شافت وحدة من المربيات كتحرك وهي تهبط راسها مور البياص تخبات ، ناضت المربية دايخة بالنعاس كتفوه طلات على ذهب و لمسات جبهتها بيديها كتشوف لاتكون طلعات ليها السخانة ولا مريضة ورجعات نعسات تقلبات جيهت الحيط، وقفات غيثة كطل بشوية و وقفات باست بنتها قبلات اشتياق متتالية وخرجات كتسلت ومشات رجعات بلاصتها وطلعات تقلبات على جنبها كتبكي وعاضة فالمخدة تا نعسات

صبح الحال و الخدم مستفين فالكوزينة واولهم غيثة اللي خايفة يجريو عليها من القصر ، الرءيسة كتعطي التعليمات وغيثة كدير داكشي اللي قالو ليها وقلبها كيتقطع على بنتها ، سرباو الفطور مع السبعة دالصباح للخدم و وفطورو وناضو جمعو الطبلة و وقفو مستفين لحال العسكرالرءيسة : ي(هازة مدكرة فيديها) الاه هاد الفوج غيمشي لجناح 315 يتعاود فالفراش من جديد ..وهاد الفوج غيمشي للجناح الملكي وحتى هوا نفس الشيء ...فراش جديد واللي مستعمل هبطوه لتحت لقاعة التنضيف...والافواج الباقية يتكلفو بالجناح السفلي والفوج 5 غتمشيو لجناح 201 حتى هوا نفس الشىء 
مشات قدامهم وكتقرى فالورقة كتخزر فغيثة كل شوية ، وقفات حدا فريق التنضيف والميناج
الرءيسة: نتوما عارفين خدمتكم ، الغبرة مانشوفهاش كدور و (كتشير بصبعها) هاد الفريق غيمشي للجناح الملكي ..الحمامات و دورة المياه نلقاهم كيبريو ، ونتوما غتكلفو بالزاج و الارضية ...
بقات كتغطي الاوامر تا جا عندها واحد لابس كوستيم وكرافاطة حتى هوا رءيس خدم مكلف بالنصف الاخر اللي فالقصر 
الرءيس: كاين فويت ديال الماء فواحد الدوش شوفي ليا البلومبي يفك المشكل 
الرءيسة: ارى نشوف؟
عطاها ورقة فيها المشكل ومنين جاي وكاع داكشي اللي غيقولو بلسانو حيت عندهم كلشي بنضام وكاينين بزاف دالرؤوساء ماشي غير هما بجوج ، غيثة كتشوف مافاهمة والو ومصدومة من بحال الى خدامة فشي شركة كلشي بلباس رسمي وهازين مذكرات
الرءيسة: يالاه (كتسفق بيديها) تحركو
مشاو الصفوقة واحد مور واحد وقدامهم الكيد اللي كيوقف على كل فوج وكيحرس على الانضباط ، بقات غيثة غادية مهبطة راسها تا لقات راسها فجناح اخر 315 بعيد على الجناح الملكي اللي كينعسو فيه اصحاب القصر وبداو فالخدمة والترتيب وكيطويو ويحطو ويستفو وعلى راسهم المراقب كيمشي ويجي وشاد تيليفون فيدو كيتواصل مع الرؤساء و باقي المراقبين اللي فالاجنحة الاخرى كملو خدمتهم ورجعو هازين الفراش اللي غيتصبن حطوه فيلاصت الصابون واخا نقي ومكيتستعمل عكس الالافرشة اللي فالجناح الملكي الى تستعمل مرة وحدة كيتلاح وكيتحط واحد جديد، فيثة بعدوها قدر الامكان باش ماطوفش بالجناح الملكي وهادشي ضرها فخاطرها وتمنات تخدم فيه باش تبقى دخل لبيت بنتها وتشوفها ، وتشوف العاب ديالها ، داز النهار شاق والاعمال مكتساليش ورجعو تجمعو فالكوزينة وغيثة ماشافت لا بنتعا ولا مروى ولا نضال حيت بعيدة عليهم وكتمشي وتجي بالتعليمات، مروى خرجات للجردة هازة ذهب فيها كتساريها ونضال واقف كيطل عليها من البالكون وكيفكر ، نزل كيقلب بعينيه تا بان ليه واحد من رؤاساء الخدم وشير ليه بصبعو 
نضال: جيب ليا غيثة
الرءيس : هي اللولة 
مشا الرءيس اللي عند رءيسة اللي مكلفة بالبنات لقاها كتقيد وتعاو فالمذكرة
الرءيس: عندك شي بنت سميتها غيثة؟
الرءيسة: لا ؟؟ شكون غيثة؟
الرءيس : طلبها السي نضال
الرءيسة: اااه واقيلة عرفتعا بلاتي .
هزات تيليفون عيطات للمراقب اللي فجناح 315 و جا جايب معاه غيثة كتحري موراه وهوا كيزرب فالمشية وهي مخلوعة ماعارفاش على طالبينها وعينيها تالفين تا وقفات قدام الرءيسة
الرءيسة: اجي نتي لهنا
غيثة: هانا !
الرءيسة: اش بينك وبين مالين القصر؟ وعلاش طالبينك؟
غيثة: ؟؟ هييييه😱 ياكما وقعات شي حاجة لبنتي
الرءيسة: ياكما تشكيتس ليهم منا ؟؟؟
غيثة: اواعدي شني واقع
الرءيس: تبعيني سربي راسك 
مشا قدامها والرءيسة خايفة لا تكون غيثة غرقاتها فشي زبلة عاوتاني ، مشات تا وقفات قدام نضال وهز راسو وحركو باش يمشي الرءيس 
نضال: جلسي 
غيثة: (جلسات) ياكما واقعة شي حاجة نبنتي ؟
نضال: ماوقع والو جلسي غير جلسي
بقات جالسة تا دهلات مروى هازة ذهب و عي تشوف ذهب مها وبقات كتغوت
مروى: اشنو اللي مجلسك هنا؟؟؟
غيثة: 😢
نضال: عطيها بنتها
مروى: ولاكن راه..
نضال: (بغضب) عطيييهااا بنتهاااا 
عطاتها مروى بنتها وشداتها عنقاتها كتبكي وكتبوس فيها وكتفرح بيها وذهب كتبكي فاحضانها ومروى واقفة كتشوف فنضال بقا فيها الحال ومشات طلعات كتبكي 
نضال: وقت ما بغيتي تشوفيها طلعي عندها شوفيها وجلسي معاها شحال ما قدك
غيثة: الله يرحم الواليدين 😢😢

مشا نضال تبع مروى لقاها كتبكي وزدح الباب تا كان غيتهرس نضال: (بغضب) اخرتها ا مروى غنغضب عليك شي غضبة اللي عمرك نويتيها فحياتك...درتيها خدامة قلنا مافيها باس ولاكن باش تحرميها ماتقربش لبنتها هادي مامقبولاش منك
مروى: شوف دابا المشاكل اللي ولاو بيناتنا ..كندابزو بالسبة ديالها 😢
نضال: تشووووف بنتها ومن حقهااا ، واخر مرة نعاود هاد الهضرة سمعتي 
خرج وخلاها كتبكي ونزل كيشوف فغيثة معنقة بنتها وكتمشي وتجي بيها كتغني ليها وتنعسها وفرحانة وكتبوس فيها تا نعساتها وطلعاتها لبيتها حطاتها وغطاتها والمربيات واقفين كيشوفو ورجعات لخدمتها راشقة ليها لقات الرءيسة كتمشي وتجي على اعصابها كتسناها
الرءيسة: عندك عقوبة 
غيثة: علاااش شنني عملت ؟
الرءيسة: كتدخلي فحوايج بعاد عليك ، غتعاودي تغسلي الماعن بوحدك بحال لبارح
غيثة: والله ماعملت شي حاجة هما عيطولي ...
الرءيسة: هضرت وهضرتي ماتعاودش 
غيثة: واخا😔...بغيت غير نهبط حوايجي من البيت اللي لفوقي 
الرءيسة: زيدي قدامي هبطيهم وماتحطيش رجلك تما بلا ادن هادا راه قصر وماشي اي قصر عادي كتسمعي واللي داخلين ليه راه داخلين بديبلومات وسطاجات والقراية ماشي غير اجي ودخل يلاه ..قدامي😡
غيثة: واخا 😢


يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.