مشات مروى نعسات ساكتة ومادارش جيهتها وبدات كتبكي باش يسمعها ويهضر معاها ولاكن والو خلاها هاكاك تا نعسات وصبح الحال وفاقو تا واحد مكيهضر مع لاخر ، نضال بغا ينزل وكيشوف فيها باش تنزل وهي كتلمح ليه وتمسكن باش تاخد ذهب ، شافيها بغضب ونزل خلاها ماهضرش معاها ومشات هي طلات على ذهب وباستها وعنقاتها ومشات تبعاتو لقاتو جالس فسيارة ليموزين كحلة طويلة ، لقات مرم واقف كالعاددة والمذكرة فيدو كيقرى مروى: خايفة نخلي ذهب بوحدها
كرم: واش كتخافي عليها من مها؟ مايمكنش واصلا انا شكاندير هنا و شنو حاضي الى ماخضيتش بنت الكينغ صباح وعيشية غير نمشي نتاحر حسن ليا
مروى: عافاك رد ليها البال وعنداك تغفل على عينيك ولا ...
كرم: وصااافي امدام زدتي فيه
مشات مروى وكرم بقا برى كيشوف فيهم ويديه عاقدهم مور ضهرو وشعرو كيطيرو الريح وميرجع سرحو جنب وشاهي فيهم تا ركبات ومشاو فالطريق جيهت الباب الكبير ديال القصر اللي بعيد بزاف حيت القصر داير بيه الصور كبير وجامع فيه الشجر والجنانات والاحواضو غابة كبيرة و والنانفورات ولابيسينات لداخل .
كرم: نوضي طلعي لفوق لبيت النعاس وقابلي بنتك راه كلشي سافر دابا وتتي طلعي برتكة عليك من الخدمة ، غدوزي رمضان مع بنتك بوحدكم وممنوع تخرجي برى القصر واللي بغاك يجي عندك
ناضت كطير بالفرحة جمعات حوايجها وطلعات مور كرم داها لغرفة كبيرة مريحة حدا الغرفة دبنتها وخلاها
كرم: ها بيتك، حاليا غتبقاي فيه مؤقتا حتى يرجعو مالين الشي وهوما يقررو فالقضية ديالك ، غترجعي لعادتك القديمة والرءيسة موقفة بلا خدمة حاليا واللي بغيتيها غتوصل حتى لعندك
غيثة: ماعندي مانلبس مابقاوشي عندي الحوايج
كرم: شدي بيسي دخلي ديري فيه الشوبينغ وشوفي شنو خصك كلشي غايوصل تا لعندك (كيقيد ليها رقم) عاد الرقم غيطلبوه ليك باش تخلصي، دخليه وغيتقطع من الميزانية ديال القصر
غيثة: واخا😍
كرم: بلا ماتشوفس الاتمنة يخلعوك غير هزي اللي عجبك بلا ماتشوفي التمن ، ختاري الماركات اللي بغيتي ونساي الاتمنة كلشي كيتقطع بلا مادربي حساب الاسعار
خرج وخلاها كتشوف فرحانة ومشات جابت بنتها عندها نعساتها حداها وشدات بيسي على ركابيها وبدات كتشري باغ انترنيت تا شبعات و مشات تحل الفايسبوك ديالها لقاتو طار وبدات كتصعر بوحدها وحلات واحد اخر جديد وبدات كتقلب على حمزة تا لقاتو واجوطاتو وجلسات كتسنى يقبلها، طلعو ليها الماكلة لبيتها وشربات الدواء باش يفوتها الراس وجلسات كتلعب مع بنتها تا عيات ومشات طلات على الفايسبوك لقات حمزة قبلها وغرقها ميساجات كيسول فيها ، بدات كتشاطي معاه وكتعاود ليه على حريرتها تا طابت ودخل عندها كرم يطل عليها لقاها كتبكي
كرم: كاين شي مشكل؟
غيثة: واحد الولد صرد لي مليار ونص فالكونت ديالي ودابا بغيت نرجعها ليه وماعرفتش
كرم: من البيسي نيت رجعيها من الكونت ديالك للكونت ديالو ...اري نشوف .
شد البيسي وجلس كيدخل ويخرج هضر معا حمزة باش سعطيه معلومات ويحول الفلوس من الكونت ديال غيثة وبقا شاد البيسي شاحاا تا سالا وناض
كرم: صافي رجعت ليه الفلوس للكونت بلا ماتمشي لا للابونك ولا والو كلشي ولا ساهل بالانترنيت
غيثة: اففففف شكرا كنت هازة الهم
كرم: شكون هاد حمزة؟
غيثة: واحد الصديق ديالي قديم ...واش يقدر يجي يشوفني؟ حتا انا كنرتاح ليه وبغيتو يجي يشوفني حيت عندنا بزاف ديال الهضرة خصنا نقولوها
كرم: اممم...عطيه لادريس يجي ماتعرفي تحللي العقد اللي عندك
حمزة: واش من نيتك انا غنشك فيك؟ ماعمرني شكيت فيك اغيثة وكنت حاس شي حاجة واقعة ليك
غيثة: انا عييت مابقاشي عندي جهد
غيثة: غيثة اللي كتعرف مشااات مابقيت عارفة ما نقدم ولا مانوخر و من نهار ولدت ذهب وانا كنشوفا غير هي باغا نعيش غير ليلاا هيا والله العضيم ، خاطري مابغات لافلوس ولا رجال ولا حتى شي حاجة ، نفسي هربت من كلشي بغيت نعيش مع بنتي حيت هي اللي خلاتني نعيش ماشي شي واحيد اخر هي اللي خلاتني نفرح ونضحك فاش كنشوفا، عملت البوم وماصدقشي وماشفتوشي حيتى فالتلفازة ماعرفتشي علاش وكنت متأكدة غينجح لي، الزهر شابر معايا الضدد وحيتى حاجة ماصدقت ..يما ماعرفتشي فاينيا؟؟ وابا من عمرو سول فيا بحال الى ماعمري كانت عندي فاميلة ولا شي واحد ، كنحيس براسي بووحدي انا وبنتي ماعندنا حتا شي وحيد وكنتقاتل بواحدي مع الفاميلة دباباها باش نبقى حداها ومايزولوهاشي ليا ، تخيل كنت كنقرى واخا شي قراية ماكنقرى ولاكن كنت بحالي بحال الناس وعندي با ومي و كنتعشاو مجموعين واخا با كان صعيب معايا ولاكن كان كيخاف فاش كنمرض وفاش كيوقع لي قبيح ودابا توحشت بزاااف نتجمعو على الطبلة و نرجع للحياة ديالي اللي كنت فيها ...كنحس بعضامي باردين والجنحين اللي مغاطييني تعراو عليا وخلاوني بواحدي وانا منقدرش نخلي بنتي بواحدا فهمتيني احمزة...حتى شي وحيد مافهمني ..ماعرفتشي كيفاش نعبر ليك على الاحساس ديالي ولاكن واللهيلا عييت مابقيتشي كنقدر على الصداع وراسي رجع عليا بالحريق والتنفس ساعة ساعة كيتقطع لي بكترت التفكير ...ماكينشي النهار اللي نزل راسي فوق المخدة ونعس بلا منفكر ، ديما كنبدى حتى كنعس حمزة: فاااااهمك مزياااان ، وقلبت حتى على الراجل اللي ولدتي معاه البنت لقيتو عندو سلطة ونفود مستحيل يوقف معاك القانون وماتقدريش تاخدي بنتك نهاءيا ...الى جينا للصراحة حسن تعيش مع باها حيت معاك نتي غتكرفس اغيثة...فكري فيها قبل ماتفكري فراسك ، نتي شنو غتقدمي ليها؟ الحب والحنان والعطف وصافي ولاكن باها غيعطيها حياة اللي تريحها ومتعدبش وتكون عندها مكانة فالمجتمع ...ديما شوفي بعيييد وفكري للمستقبل...هاد البنت الى خديتيها وعيشتيها فالمحاين معاك ..فاش تكبر وتعرف باها لاباس عليه وتحرمات من ديك العيشة وهاد القصر وزيد وزيد ودوزات حياتها فالعذاب راه غايجي النهار اللي تقوليك فيه علااش بعديتيني على بابا راه هادشي اللي نتي فيه ماشي اي واحد كيوصل ليه خاصك تفكري بعقلك وتوفري لبنت حياة هادية وهانية بلا معانات ، اش غتوكليها نتي وتني مالقيتي حتى ماتاكلي وكن ماتت ليك ديك الوقت اللي كنتي كتسعاي بيها شنو كنتي غديري؟ فكري بعقلك اغيثة كيما انا كنبغيك ولاكن كنفكر لمصلحتك وحتى نتي متبغي بنتك فكري لمصلحتها وخليها مع باها وبقاي حداها ، نتي مستحيل تاخديها ديريها فبالك وعاد بنت ولدهم والحفيدة ديالهم راه ديرين عليها هاه ...يخرجو نيابهم عليها وميخليوش دهمهم يتربى على برى وبعيد عليهم فهمتي ، انا شرحت ليك ونتي تعرفي اللي يسلكك
غيثة: انا نفسي مقبوطة مانرتاحاشي هنا واخا كتشوفني دابا راشقة لي راه غير حيت ماكاينيشي اما فاش كيكونو كنحس براسي مقجوجوة وحتى واحد ماحاملني وجالسة هنا غير بزز ..غير الشوفات ديالهم فيا كيوجعوني ...انا بغيت الراحة ماخصني والو وراحتي مع بنتي ...دابا كنتمنا نموت بلليل وبالنهار باش نتهنى ونرتاااااح وبنتي تبقى مع باها وتعيش مزيان انا كنحس براصي كنضعاف نعار على نهار وحتى النضرة ديالي للحياة تبدلات...مليت كلشي احمزة وحتى الشوفة ماباغاشي نشوفها فهاد الدنيا ...بغيت نشوف با حيت كنحس براصي بلاصتي ماشي فهاد الدنيا و كل نهار كنزيد نحش باحساس فشكل بحال الى غنسافر لشي بلاصة بعيدة وكنحاول نشبع من بنتي
حمزة: نعلي الشيطان راه الشيطان اللي كيدير ليك هاكا ، حتى انا دزت من ازمة وهانا خرجت منها
غيثة: نتينا ماحاسشي بيا واخا نهضر انا اللي عارفة راسي باش كنحس ...غيدوز رمضان ويجيو عاءلتها ونعطيها ليهم هادشي الى بقيت حية تا لداك النهار
حمزة : نتي من ديما كنتي فشكل وفيك الحماس وهادشي اللي كان عاجبني فيك ..ماكنتيش كتخافي ومكنتيش كتسوقي ؟؟ ودابا كنشوف فعينيك الحزن ومافيهمش الحياةغيثة: انا داكشي اللي داز عليا بحال داكشي اللي كيدوز على الناس اللي تيندوف...قلبي عياقلبي عيا ومابقيتشي قادرة على شي عذاب اخر
حمزة: (عنقها) انا ديما معاك ماتخافيش تا واحد مابزز عليك تبغي شي راجل بزز منك ...كل نفس وشنو كتبغي وشكووون قاال غيثة غتولي هاكا وتهد ويتقاداو ليها
غيثة: الى ماتحديتشي راه مابقيتشس بنادم ، راني بنادم لحم ودم ، ماطلبت وااالو طلبت غير بنتي واللي بغا شي حاجة الله يطليه ليها
حمزة : دابا بلا ماتبكي البكا مابقا غينفع فوالو
غيثة: اصلا مكنبكيشي
حمزة: وانا كنشوف عينك كدمع وكتقولي مكتبكيش؟
حطات غيثة صبعها على عينها على عينها لقات الدمة نازلة ومسحاتها
غيثة: عيني كدمع راسها بلا مانبكي كنلقى هاد العينينة كدمعلي
حمزة: اودي كن شفتي شنو دوزو عليا فاش بغيت ندخل لهنا ، فلبوني بحال الى هاز الحشيش وشحال ديال الاستجواب حتا جا واحد شعرو بيض ورقيق هضر معاهم عاد هلاوني ندخل ...هانتي دابا اسءلة دالامتحان تسببو ليك فشحال من حاجة ، انا فاللول تعجبت كي درتي تعرفتي على هاد خونا
غيثة:راني قلت ليك كنت بغيت نسيفط ليك الاسءلة تخرجوم لي وصدقت مسفطياهم لعهد سقراط وخاه اللي كان سبب باش تلاقينا
حمزة: الدنيا دوارة اغيثة يوم عليا ويوم عليك بحالها بحال سمطة كييت اللي جا فيه البزيم . يالاه تهلاي فراسك وبيناتنا التيليفون
غيثة: حمزة...(ابتاسمات) شكرا...سمح ليا الى شي نهار درت ليك شي حاجة خايبة بلا منشعر 😔
حمزة: الى مكتابش نكون حبيبان غنبقاو خوت المحب الحب كاين حتى فالاخوة وبلا ماتعاودي طلبي مني السماحة اوك
غيثة: الصمت
عنقاتو ولقات الراحة وهي معنقاه وبقات لاسقة عليه شحاال عاد هزات راسها
غيثة: ماكرهتشي نمشي معاك هاد القصر كيجيني بحال الحبس
حمزة: ااااه ماكرهتش نبقى فهاد القصر الزنقة فيها غير بو رباج
غيثة: !!!
حمزة: شتي ...حتى واحد مالقاها كي بغاها لا للي فالقصر ولا اللي حر على برى ، نتي باغا تخرجي وانا مكرهتش نبقى هنا...هادي هي الدنيا ماكتعطيكش كلشي
..هادي خطيها حلقة فودنيك ، مهم وقتما بغيتيني نجي عندك اوك
غيثة: اوك 😔
شاف فذهب بابتسامة ودوز يدو على وجها وشعرها وهي كضحك
حمزة: مكتشبهش ليك!!!
غيثة: 😠كتشبه لباها
حمزة: هههه ومالكي كتقوليها ونتي معبسة ، طلقي البشرة وعيشي حياتك واستمتعي ، ماشي كنتي عايشة مع واليديك فالحزقة ومكتآبة وتعيشي تا دابا وسط العز ومكتآبة
غيثة: داشي اللي عنعمل
حمزة: (مسح ليها عينيها) هاد العين عندك مريضة ديري ليها بوماضة باش متبقاش تدمع...يالاه نخليك باي
غيثة: بسلامة
مشا قدامها جوج خطوات ولقى الشيفور فسيارة سوداء قدامو ومشا هضر معاه من الزاج وركب دار باي باي لغيثة وداه الشيفور للباب لكبير فين كاين باركينغ تما حاط حمزة طوموبيلتو ، ركب وخرج حيت ممتوع شي سيارة دخل لدااااخل وسط القصر من غير سيارات القصر .
رجعات غيثة كتفكر فالهضرة اللي قال ليها حمزة وطلعات لبيتها جلسات شادة البيسي كدوز فيه الوقت وذهب حداها كتلعب ، دخل كرم معصب كيشوف
غيثة: !!! مالك ؟
كرم: ماخليتش هنا فين كاينة المدكرة ديال؟
غيثة: لا ماشفهتاشي!
كرم: نسيت فين حطيتها وكلشي فيها مقسد فيها دابا مغنعرف راسي من رجلي مشكييييلة هادي ...معامن كنتي جالسة كتهضري؟
غيثة: مع حمزة ياك نتا اللي هضرتي معاهم باش يخليوه يدخل !!!
كرم: ااه اه نسييت ...مهم كنتي قلتي لي شي حاجة ودرتها ماعقلتش شنو هيا
غيثة: كنتي قلتي لي غتقلب على با
كرم: ايييه راه الصباااح سيفت ليه باش يجي ويقدر يجي فاي لحضة
غيثة: (تخلعات) بصح...اواعدي قلبي طاح مني
كرم: شكون هاد البنية؟
غيثة: اواعدي راه بنت عهد سقراط
كرم: ااه مهم ماتديش عليا حيت المذكرة كانت كتفكرنس وتلفات ليا ونابقيت عاقل على حتى حاجة، خاصني ضاااروري نلقاها باش نشوف شنو ندير وكيفاش نتصرف ، مهم غنبدا نقيد هادشي اللي كنعرف حاليا فشي وحدة اخرى على بيدمن نلقا لاخرى يالاه بسلامة ...نتي سميتك عيثة هادي بنت عهد ياك
غيثة غير سمعات باها جا وقريب منها و فنفس البلاصة فين كاينة هي و بيناتهم سقف وكتفرق بيناتهم لحضات قليلة بدات كترعد وتفتف وفشلات مابقاتش قادرة تحرك والصهد طلع معاها والخلعة شداتها ...الفلب غيسكت والكتاف مابقاوش قدارين يتحركو والرجلين تجمدو والحزن والخوف سطع من عينيها ...اااه هي هادي الهبة ديال الاب ...الاب خلات هيبتو قوية وفين ماتسمع غيثة سميتو كتفشل حيت عندو هبة وديما ضاربة ليه حساب وكتموت منو ومن الشوفات ديالو حيت ماكانش مضسرها عليه وديما قاصح وصعيب وخلاها تحشم منو بزز منها و ديما كلنت كتمنى ليه الموت باش تهنى من الخوف ديالها اللي مقيدها والرعب اللي مركب فيها وعمرها هزات الراس قدامو ، واخا دابا ماعندو مايدير ليها وهي فقصر وتقدر دير اللي بغات ولاكن ماتقدرش حيت الاب كيبقا اب والبنت فاش كيكون باها صعيب كيخلي الهبة ديالو واخا ماتكونش عندو القوة باش ولاكن بمجرد الشوفة ديالو وصوتو كيخلي ولادو كيرعدو حيت هاكا رباها من صغرها وديما كتشوفو لفوق وصعيب توصل ليه و ماتقدرش تجبه معاه وتسنطح بصفة نهاءية ، الهبة دالاب خلاتها تنوض وتبدل حوايجها بزربة باش ماتخليهش كيتسناها ويتعصب عليها حيت هاكا كتفكر هي ونسات انها فقصر و عندها القوة تهز صوتها عليه تاهيا ولاكن رجعات بها الذاكرة اللور وتفكرات باها الغوتة ديالو والتخنزيرة اللي كتفشل ليها الماء فالركابي،الحوايج اللي شرات من شوبينغ انلاين وصلوهم ليها تا لبيت النعاس وجبداتهم لبسات فراشة لون واحد فالاسود طويلة حتى لارض بحال العباية باليدين وسامبل مافيها لازواق لا والو وحيدات ليها التيكيتة حيت باقة جديدة ومسحات وجها من المكياج وجمعات شعرها بمقبط ولبسات بلغة سوداء تا هيا شراتها وشافت فبتها لقاتها ناعسة وسط الناموسية وخرجات بخطوات تقال وكتجر فرجليها بزز و حالة شفايفها بالخلعة والسخفة وعينيها كيعبرو على بزااف ديال الاحاسيس ...الفقدان لدفىء الاسرة و الخوف والاشتياق و الحنين والخجل من الوقوف قدام الاب و الحزن والاحباط و و وو...نزلات فالدروج شادة الحديد وكترمي رجليها بزز ودموعها سابقينها وكتنخصص مع كل خلفة كتزيد تقربها باها ، لمحاتو جالس حاني راسو وعاطيها بالضهر ولابس جلابة بيضاء وبلغة وجالس شابك يديه وكيشوف فالارض ، وقفات موراه قريبة ليه كتشوف فيه وعينيها كيدرفو دموع متهاطلة بحال الشتاء وفمها كيترعد وكتحكك يديها مع بعضياتهم بالتوثر وعينيها مفيكسين فيه كتشوف وتنفس بزربة ، الاب ماشافهاش موراه تا حس بصوت النفس و كتبكي قاطعة الحس فنفسها وهز راسو و وقف ضار عندها وهي بلا متردد حتى دقيقة مللي شافتو نفجرات بالبكاء وتلاحت عيه عنقاتو وبقات كتبكي بالجهد وصوتها كيتسمع الصداء ديالو فالقصر بالجهد كيقطع فالقلب وكترعد فاحضانو ودموعها كيتلاقاو ، عنقها باها بالجهد الشيء اللي خلاها تفشل بين يديه حتى تقطع فيها النفس وهوا كيبكي وكتسمع البكاء ديالو اللي نزل على قلبها بحال الموس واصعب حاجة تشوف باك كيبكي ودموعو نازلين كتحس بيه اكثر من اي وقت وانه كيبكي من القلب و وصلات ليه للعضم حيت الاب ماكيبكيش ديما وفاش كيبكي كيأثر فولادو بشكل قوي
بقات كتبكي هيا وباها وحتى واحد مازاد هضر فقط كيفشو قلبهم فالبكاء وغيثة تزيرات تا بدات كتنزل شوية بشوية ورجليها مابقاوش قادين يشدوها وباها مالاحضش انها كتزلق تا طاحت فدقة وحدة كتنخصص وتشهق و وجها حمر بحال الى روح غتزهق ليها
طاحت كترعد وباها طاح ركابيه كيشد فيها وكيبكي وغيثة كتشوف فيه عينها حومر وشادة ليه فيدو مزيرة عليه ، جابو الخدامات ماء الزهر وجا كرم كيجري هزوها كي الريشة بقا فيها غير الشعر الطويل فضرف دقاءق قليلة طاح منها النص و وجها صفار ، حطوها فوق الفوطوي وجلس باها عند راسها وحطو ليها فوق ركابيه وبدا كيقرى عليها القرآن بصوت مرتفع باش يفوتها الحال لان القرآن شفاء للروح ، الاب كيقرى وغيثة فشلانة شادة ليه فيدو وراسها على رجليه كيقرى عليها والخدمات كيشممو ليها ماء الزهر ، الاب كيقرى ويفزك ليها يديها بماء الزهر وراسها وخشا يدو من عنقها مور ضهرها كيدوزو يدو على ضهرها وكيقرى القرآن تا بردات وسكتات وبقات راخية يدها وكتشوف ساهية والدموع هابطين بوحدهم ، كيدوز يدو على راسها ويمسح ليها وجها ويدوز على ضهرها ويديها وكيقرى وهز كفوفو للسماء كيدعي معاها والخدامات واقفين كيشوفو وكرم شاد يديه اللور كيقول امين من مور كل دعاء تا ختم الاب الدعاء ومسح على وجهو وطل على بنتو عبد المالك: غيثة ابنتي واش شوية ؟
غيثة: الصمت (كتحرك راسها بالايجاب)
عبد المالك: الله يرضي عليك ابنتي راه ديما كندعي معاك غير الله يهدي ماخلق ولا حولة ولا قوة الا بالله العلي العضيم ، الله يبعدك الوسواس الخناس (هز كفوفو للسماء) سبحان الله يا فارج الهم وياكاشف الغم فرجي همي ويسر امري وارحم ضعفي وقلة حيلتي وارزقني من حيت لا احتسب يا رب العالمين(كيردد بينو وبين نفسو) لا إله الا الله العضيم الحليم لااه الاالله رب العرش العضيم لا إله الا الله رب السموات ورب الارض ورب العرش الكريم
بقا كيردد فنفسو بالزربة وبقا شحال كيدوز يدو على غيثة تا ناضت بزز جلسات وتكات راسها على ضهر الفوطوي وعطاوها الماء فيه السكر شرباتو وبقات جالسة وهي تميل تكات فحضن باها وهوا كيطبطب عليها وساكت كيردد بشفايفو الادعية ، داز وقت طويل تا واحد ماهضر ورجعو الخدم لخدمتهم ومشا كرم خلاها مع باها الراس فالراس تا هزات راسها شافت فباها شوفة خزن وماقدراش تهضر ، شافها عبد المالك بحزن وبقا ساهي
عبد المالك: انا ابنتي ماعمرني مانسيتك واخا غتقولي نسيتك انا بلعكس عييت نسول عليك عاءلت مك ولاكن تا واحد ما عطاني شي خبار عليك...شحال وانا نقلب مالقيت ليك اثر حتى شفت الفيديو كليب ديالك وراوه ليا ولاد عمك فاليوتوب وماعجبنسش الحال علاش وليتي كتغني ولاكن واخا هاكاك بقيت كنقلب عليك ونسول ، خرجت تقاعد هادا عام ورجعت من الصحراء وجلست كنقلب عليك
غيثة: الصمت
عبد المالك: فين كنتي وشنو وقع حتى وليتي فهاد القصر؟
عبد المالك: لا ماجوجتش ..يماك حلفات فيا قتلي غندمك وبعداتك عليا وفاسن ما نعيط ليها تقطع عليا وماخلاتنيش نوصل ليك ويونس سولتو عليك قالي ماعارفش وكيتهرب مني مافهمتشي علاش
غيثة: راه كنت هربت ليهم وفاش رجعت عاوتاني مشيت لبرى وحبيبو ماعارفنيشي فاين كنمشي وفاين كنجي
عبد المالك: قالي زوجتي وعندك بنت؟ ومشيتي كولومبيا
غيثة: هادشي دابا نشرحو ليك كامل بالتفصيل ، اه عندي...
غيثة حشمات تقوليه عندها بنت حيت من الترابي اللي رباها والهضرة القاصحة ماقدراتش تقولها ليه حيت فالفكر ديالها الى قالت عندها بنت غيفهم انها نعسات و مابقاتش بنت و حملات و ووو الى اخ... هاكا كتفكر غيثة وبدات كتمتم حيت البنت جايا من ممراسة جنسية وبالنسبة ليها الى قالت ليه عندي بنت بحال الى قالت نعست مع راجل والنعاس راه هوا عارفو كي داير ...
عبد المالك: (تنهد) مشي جيب لي العايلة نشوفها ..حشومة على يماك ماقالت لي حتى حاجة وانا يما كانت باغا تزوجني ومابغيتشي ويماك قاتلك زوجت باش تكرهك فيا ، انا كنت باغي ليك غير الخير وكنتعصب ونتينا عارفني واخا فمي كيقول هضرة خايبة راه كيتنادم مع الحال وفاش كنتعصب ماكنبقى نعقل على والو والخدمة اللي خدام ركبات فيا الاعصاب وليت نتعامل معاك بحال كيف كنتعاملو فالعسكر...يماك حرماتني مانشوفشي بنت بنتي !! عيب عليها هادشي
غيثة: حدفات شحال من حاجة ماقاتهاش ليه وعاودات ليه باختصار حيت ماقدراتش تعاود كلشي بالتفصيل وعطاتو الخلاصة كاملة
عبد المالك: (تنهد) دابا الى عاتبتك ما غنستافد والو ...من اللول ماكانشي خاصك تعزي شي ولد
..هانيتا شفتي شنني وقع واخا النية ديالك كانت صافية وانا من ديما كنقول بعد من المشاكيل باش تهنا فالدماغ ديالك وهانتينا دابا وقفتي على الهضرة ديالي...انا كنت عارف ماغدعمل عقلك حتى تجيبا فراسك
غيثة: الصمت
عبد المالك: جمع حوايجك يالاه رجع معايا نتيطوان ماعندك مادعمل هنا
غيثة: مانقدرشي غيزولو لي البنت وقتلو لي ادا بغيتها نبقى حداها ومانخرجشي برى حتى يرجعو ويرجع ولدهم ونشوفو شنني نعملو
عبد المالك: طيحتي راسك دابا فمشكيلة حنا ماشي قدها وماااااشي قد هاد الناس
غيثة: ماكنرتاحشي ليه ديما مبرزطني ولاسقني كرهتو غير تابعني وعارفاه فوق ما بغيت نرجع نرجع كاع ما رافدة ليه الهم
عبد المالك: عقلك مازال صغير وكيهرب منو حيت لاسق فيك ياك...سمع ابنتي نقول ليك واحد الهضرة بقا عاقلة عليها
مزيان...الانسان ديما كيهرب من اللي كيبغيه وكيتبع اللي ماكيبغيهشي هادا حال العرب كاملين ، اللي كيسول فيك وشاد فيك ماغاتبغيهشي وغتبغي هاداك اللي ماعاطيكشي القيمة ونتينا عاطاه قيمة حيت صعيب توصل ليه والحاجة اللي كتكون كتبان لينا صعيبة نوصلو ليها هي اللي كنتشبتو بيها وكنبغيوها وكتبان لينا غير هي ، الراجل ديالك هايدا وقعلو ...نتينا هاربة منو وهوا تابعك باغي يوصل ليك ونتينا كيبان ليك لاعلاقة حيت عطاك قيمة وطيح براسو باش يرضيك و الطبع ديال الانسان هوا هادا ، اللي كيعطينا قيمة كنعفسو عليه برجلينا وعارفين بللي هوا ساهل ماهل وفاي لحضة نرجعو ليه بسهولة ونلقاوه كيتسناتا ..هاداك كنخليوه دور ثناءي نقدرو نرجعو ليه ونلقاوه باقي كيتسنانا ولاكن هاداك اللي كيحتاقرنا وكيعفس علينا كيبان لينا هوا حسن منا و كنديرو المستحيل باش نقربو ليه ونكسبوه وكنعطيوه الدور الرءيسي حيت عارفينو صعيب و ماعاطيناش وقت و كنديرو الاحتياط ديالنا باش منغلطوش معاها ويكرهنا وهاكا يتقطع حبل الامل ديالنا باش نوصلو ليه ...الناس هما هادو ...شي كيجري مور شي ..كن تلفتنا وشفنا مورانا ونشدينا فاليد اللي باغا تشد فينا كن راحنا سعداء فهاد الحياة ...ولاكن حنا ديما كنجريو مور الحاجة اللي هاربة قدامنا ونهار نوصلوها ماكتبقاش عندها قيمة عاوتاني وكتبان لينا ماشي شي حااااااجة وكنمشي عاوتاني نجريو مور داكشي اللي كيبان لينا بعيد والحياة مستمرة هاكا ..جري عليا نجري عليك ...الراجل ديالك كيرجي موراك ونتينا هاربة وكاكان مامسوقشي ليك كنتي دير المستخيل باش تبان قدامو و يرد ليك البال وعاد هوا من عاءلة شوووف كي دايرين و ماتجبرشي ماحسن منو واخا تزوج برءيس دمريكان ...واحد اللي كاين ومامنوش جوج هوا هادا اللي راه تابعك واذا ضيعتيه متجربرشي واحد اخر عندو القصر وباقي صغير ومحسون فوجهو وفيه كلشي كيما عاودتي لي دابا وفوق هادشي باغي يبقى معاك ...راه ماكايناشي غير نتينا راه يجيب 10 فاين تباان نتينا و يديرو ليه بحال الماء القليل وكيوصل عندك نتينا كدمسح بيه الارض !!!! راه كنسمع بيه فالخدمة ماشي مكنسمعشي بيه راه عارفين شكون بالحق عمري ضنيت بنتي تجوج بيه...راه كنسمعو عليه قبيح ووووو فشكل...فشكل عامل ماشي شي واحد اللي ساااهل بالعكس وعندو بنادم بحال الجغمة فالكاس بكلمة وحدة كيمسحوه بمرة !! ايوا هاد الرااجل كامل كلشي كيترعد منو وكنسمعو عليه فالخدمة غير السمية والكنية كتخلعنا وكنهافو يكون بيناتنا شي واحد يسمعنا و يوصلها للادارة ويجيو ينفيونا واللي هضر عليه بالخايب يبات مايصبح وفالاخير كيوصل حتى لعند بنتي ياااانا وكتجفف ليه الارض !!!! ونقول ليك الصاااااراحة يابنتي راكي تربيتي يدي وماخافياش عليا نتينا صعييييبة راسك قاصح وكدعمل اللي كيقول ليك عقلك وشيبتيني وهانتينا شيبتي الراجل اللي قاطعها فكولشي الرجال بشلاغمهم دايرين ليه اعتبار وتينا والو لا اعتبار لا احترام لا حتى حاجة كدلعب بيه كي بغيتي !! ايوا باش تعرف بلي باااغيك وباااغي يبقى معاك واخا شحططتيه وشنططتيه ...غيثة: ههههه
عبد المالك: راه كنهضر معاك معقووول ...كن كنتي عندو زايدة ناقصة كخدااااا ليك ويقولك مشي فحالك ولا يقتلك وشكون يسيق ليك الخبار وشكون يقدر يقوليه علاش قتلتيها
غيثة: صافي دابا يرجع ونرجعو
عبد المالك: ايوا هاكاك الله يرضي عليك راه حنا ماشي قد الصداع وغادي تجي فير فينا حنا...انا راه ماشي حيت لاباااس عليه و عندو السلطة...ولاكن راه كيقول المثل شد فاللي شاد فيك ...هوا شابر فيك ايوا عمل عقلك وشبر فيه تا نتينا وغاتشوف الى مارتاح القلب ديالك وتهنى ، وعاد الى تناسبنا معاه راهء ...راه من فضال الله تعيش ملك فوق الارض ...التاج ماشي كلشي كيهزو فوق راسو والمُلك ماكيتعطاش لكلشي ولله الملك وله الحمد وهوا على كل شىء قدير...الله نعم عليك ونتينا كتكبر على النعمة وباغا دعيش فالزلط ؟ ماشي طمعت ولاكن كل واحد كيبغي ولادو يعيشو عاد العيشة وحتى واحد ماكره ..واش تعطات ليك فرصة وضيعها !! فكر بعقلك ودير الخير فراسك وبغي لراسك الحاجة المزيانة ماشي عطاوك الزلط وعطاوك الجاه وتختار الزلط وتخلي الجاه!! راه الحمق مايعملا هادي! شتي الحمق الى عطاو ليه فخد ديال الدجاج فطبسيل ودجاجة كانلة فطبسيل اخر راه يختار دجاجة كاملة علاش يختار الفخد بوحدو ...فكر الله يرضي عليك راك غتندم ولا ينفع الندم ...اغتاصبك ايه ماقلناش لا وتصحح الغلط وهادي صعيب ولاكن اللي صعيب هوا البنت اللي كتغتاصب وترجع بحالها لعيشتها القديمة ماشي اللي كتغتاصب وكتبقى معززة مكرمة فقصر ...عنداك تقول با طمع ...انا مابقا لي فد ما فات فهاد الدنيا كنفكر ليك فمصليحتك ماشي مصليحتي ...دابا الاغتصاب وقع واللي عطاه الله عطاااه بلا ماتزيدي تكفسيها على راسك وتزيدي الزلط على الاغتصاب ...انا راه غنكون هبيل بالوراق الى قلتي ليك خلي هاد العيشة ورجعي للعيشة القديمة ديالك ..خللي العز و كلشي كيحني ليك الراس وهبط لتحت حني نتينا الراس ! هادا الهبال بعينيه فحال الى خليتي الجنة وختاريتي جهنم...راه اللي قلتي لو هاد الهضرة راه غيضحك عليك ، نتينا ماكدسرق ما كتاخد شي حاجة ماشي ديالك، ملشي تحط قدامك وعندك الاختيار يا اما الزلط يا اما الجاه والعز واش كاين شي اب غيقول لبنتو خلي هادشي وسيري للتهلكة؟؟؟ هادشي اللي بان لي يانا بعدا غيثة: (ساهية)
عبد المالك: حنا علااش كنقيلو ندعيو معاكم ! باش ربي يعطيكم بحال هادشي فالدنيا و وعيطيكم ما احسن فالاخرة الاخرة ، والاب علاش كيبغي يجوج بنتو بالراااجل ماشي بالشماتة ...يكون رااجل ويتحمل المسؤولية ويعيشها مزيان ويكون معقول باش فاش كيموت الاب كيمشي معني من جيهت ولادو وانا عندي بنت وحدة هي نتي ونعار نموت تمشي مهني وضاااحك كاع حيت مخلي بنتي بين يدين واحد كيبغيها وكيخاف عليها ومعيشها امييييرة ...اما حسن ...نمشي مرتاح ولا نمشي ونخليك فالزلط بوحدك مقاتلة ونمشي مريض من جيهتك؟ غيثة: الله يطول في عمرك ابا (باستلو يدو)
عبد المالك: ايوا طلقيها تسرح وتمتعي ماشي تمرشي راسك وتمرضينا معاك...يسحاب ليك هادشي اللي نتي فيه انا مرتاح ليه؟ راه فاش كتعدبي كنتعدبو وفاش كتمرضي كنمرضو وفاش كتفرحي كنفرحو ...فكري لراسك ولواليديك كيما كيفكرو ليك هما... (تنهد) يالاه دابا راه طولنا فالهضرة بزاااااف وعلى الله تشدي شي فتايت من هادشي اللي قلت ليك...نمشي نرجع بحالي ماحد باقي الحال يالاه نوصل
ناض عبد عبد الملك نفض جلابتو وغيثة كتشوف فيه
غيثة: وعلاااش غدمشي ؟؟ خليك معايا انا اصلا بواحدي وتينا بواحدك وانا منقدرشي نمشي ...بقا معايا ماكاين لاش مل واحد يبقى بواحدو
عبد المالك: ايوا ابنتي واش نبقى جالس عند الناس ؟ حشومة مانقدرشي غير هليني نرجع بحالي
غيثة: وماكاين تا واخيد وانا غندوز رمضان بواحدي ؟؟
عبد المالك : الى قدرتي يالاه رجعي معايا ندوزو رمضان فالدار ديالنا وفخاطرنا انا منقدرش نبقى هنا عند الناس
غيثة : واخا ستناني نشوف واش يخاليوني
جلس عبد المالك وغيثة هاز ة بنتها فيدها غادا جايا بيها وكتعيا وكل مرة تقلبها لجهة وذهب وطبوزة دغيا كتعيا غيثة بالهزان .مشات كتقلب على كرم وكرم كيقلب على المذكرة حتى لقاتو غادي مشطون قدامها
غيثة: عمي واش نمشي مع با ندوز رمضان تما حتى يقربو يجيو اسميتو ونرجع؟
كرم: شكون نتي؟ بعدا؟
غيثة: (سكتات كتفكر) انا ...انا هي ...هي اسميتو ...انا غيثة اللي عاونتيني وهادي بنتي وبغيت نمشي ندوز رمضان مع با ياك نت اللي جبتي ليا وقلتي ليا غتمشي دوزي معاه رمضان
كرم: امم🤔 ...مهم سيري اصلا كلشي غيمشي يدوز رمضان مع عاءلتو حتى يقربو يجيو مالين شي ونعيطو لكم ترجعو
الجار: ههه العاايلة توحشت الدار دباباها مسكينة هااهااا...ايوا مبروك مسعود السي عبماليك ...ايواااا....راحنا دجيران مع باعطنا مادنساناشي
عبد المالك: انشاء الله السي عبد القادر .
غيثة طلعات وباها طلع موراها والشيفور دار دوميتور رجع بحالو وبقاو الناس شادين الحديث على برى كل جوج فين مجموعين ...شي حدا الحانوت شي من سرجم لسرجم وشي فالبيبان ...
...: واهانتينا القحاب جوجو وبقاو بنات ديورهوووم...شحال وهي دنقز فالقهاوي دالشيشة وشبعو فيها تخوار تا شبعو فاللخر جوجت
...: دكون جوجت شي شااارف غطا عليها وسترها ..ماكدشوفشي البنت اللي هازة فيدا دكون عندا عام ونص
...: دكون جوجت شي سعودي اما البزناسة بزااف عليها والله مايتشوف فيها ...هاكو (عطاتهم الصبع) هاهيا تحوات تا شبعات وجوجت بقاو نتوما دتحواو فابور وطتا دشرفو .
غيثة طلعات للدار وبقات ساهي متشوف فيها مرونة والكوزينة مقلوبة عرفات بللي باها عايش فيها بوحدو ، سرحات عينيها مزيان سترجعات الذكرايات و باها حط البالز ودخل يتوضا يصلي ، حطات غيثة ذهب نعساتها وناضت لبسات بيجامة بسروالها وتيشورط وبدات كتجمع وتنقي وتخما وتهز وتحط وجمعات الكوزينة ونقات الدنيا وجبدات الفراش وجفات تا ولات الدار نقية وريحت ساني كروة وجافيل كتعطعط وحطات الحوايج فالماكينة يتصبنو وبدات كطيب فالعشا ، فاقت ذهب كتبجعط بصوتها ومشا عبد المالك كيقلب ويشقلب فيها فالارض فوق الزربية ملاهيها تا حطات غيثة الطاجين وهزات ذهب رفسات ليها بطاطة ومرقة فطبسيل و جلسات كتوكل ليها البابة (البطعة) ديال الخيز وتغمس وتعطيها وذهب كتسرط وتهز بيديها وتخشي فمها ، تعشاو وكل واحد مشا ينعس وغيثة بدلات ليكوش لبنتها وقاداتها ونعساتها حداها فالبيت النعاس ديالها اللي كانت كتنعس فيه تاصبح الحال وفاقت كالعادة الروتين اليومي ، حلات السراجم ولقات لتحت جوج طوموبيلات من نوع كاط كاط حدا الباب وليكارد كورد واقفين فالباب بلباس اسود منهم الافريقيين ومنهم الاجانب ...بقات واقفة مصدومة مافهمات والو وعلاش واقفين ليها تما
رجعات دخلات لقات باها فالدوش كيتوضا وهلاتو تا خرج غيثة: ماعرفتشي علاش كاينين الرجال برى من القصر ؟
عبد المالك: شفتوم حتا يانا الصباااح ...شحال وهما واقفين تما كيتجمعو بانجليزية ونزلت دزت وسطهم خواو ليا الطريق مشيت للحانوت ورجعت يمكن سيفطوهوم يعسو على بنتهم؟؟؟
غيثة: اااه واقيلا كرم عقل عليا
عبد المالك: شنو؟
غيثة: والو والو مهم خليهم يعسو تما يضبرو نراسوم.
رجعات غيثة كملات شغلها وبدات تعجن وتخبز وتخشي فالفريكو كيتوجد لرمضان وباها شرى العجلة (كروسة) لذهب باش تمشا فيها وجالسة فيها كتلعب وغيثة كتعطيها الخبز تعض فيه ..نهار ومطال وذهب شادة الخبز كتجر فيه وخيزو كتمضي سنانها وملبسين ليها صبيبيط كدفع بسه الارض برجليها فالكروسة وتحرك ، رابطين الكروسة بحزام ديال بينوار مع الرجل ديال السداري باش ذهب متبعدش وتبقى كتدور فبلاصتها ، اسبوع كامل وغيثة كتوجد وباها كيتسخر ويجيب للدار ، ماخرجات مادرجات مقابلة غير التخمال والكوزينة ، صبنات الفراش كاامل فالسطح والزرابي وباها كيهز معاها وضاحكين وباها مابقاش عصبي عليها لان الوحدة اللي دوز بوحدو علاماتو شحال من حاجة وفتاقد لبنتو وشد تقاعد ولا غير الدار والقهوة كيقيل يلعب كارطة مع الرجال فالقهوة تا ربى على السوطة الكبدة ديما الكارطة والقنت والاشتياق لبنتو اللي عمرو حساب ليه غتغبر ومايعاودش يشوفها ، غيثة بدات كتأقلم مع الجو من جديد وفرحانة حيت باها رجع مزيان وماكاديرش علاش يتعصب اصلا...ديما كيشوفها فالدار وقاسمة بشغلات كاملين وناعندو منين يشدها او يهضر او ينكر بلعكس عمرات عليه الدار هي وبنتها ولات الحيوية وجعات الحياة ليه وكيعيط لعاءلتو فرحان كيعلمهم برجوع بنتو وهاز راسو للسماء .
اليوم الاول فرمضان 🌙
غيثة: ابااا...قرب يأدن ؟
عبد المالك: (متكي شاد ذهب )اييه قريب
غيثة: صافي انا غنحط الطبلة
اليوم الاول فرمضان هزات غيثة الدار كاملة وحطاتها نقات ليها الركاني وتفوهات وغسلات الماعن كاملين ديال الكوزينة من دا وجديد و وجدات الفطور على حقو وطريقو واخا مكتعرفش ديما كتحط التيليفون قدامها ودير اليوتوب وتبدى تنقل وطبق بالحرف.
حطات الحريرة والشباكية والتمر اللي جاب باها من الزنقة والمخامر وبطبوط معمر والعواصير والرضاضع لبنتها فيهم الصوبة وجلسات مع الادان هوا هاداك .
🌒الله وأكبر الله واكبر...
عبد المالك: بسم الله ...اللهم لك صمت وعلى رزقك افطرت
غيثة: بسم الله...
عبد المالك: (كيضحك مع ذهب ) قولي بنتي بسم الله
ذهب: مل منَّهْ
غيثة: ههههه..😍 هاكي رضاعتك تا نتينا هههه
ذهب: هههه برر دداد مامه
عيثة: هاهي داداة ديالك (عطاتها الرضاعة)
فطرو تحت برامج رمضان الفكاهية وناض عبد المالك مشا للتراويح وغيثة جمعات الطبلة فرحانة و فنفس الوقت باقي واحد الجانب ناقصها وهي مها اللي ماعارفاهاش فين كاينة جمعات كلشي وهزات تيليفون ديال باها جبدات النمرة دخالها عيطات ليه لقاتو جالس كونجي وطلباتو يدوزو رمضان كاملين ولبا ليها الطلب ...دازت يوماين ديال رمضان وغيثة ماشافتش الزنقة وماخرجاتش وناضت كتوجد الفطور وهاد المرة وجدات بزاااف ديال الحوايج حيت خالعا ومرتو و ولدو فالطريق يدوزو رمضان مجموعين حطات الطبلة
كالعادة وقدات الدار و وجدات الفطور اش منك يامسمن اش منك يا بطبوط و مملحات وطاجين ديال الحوت وبتيبان ورغايف مشكلين و بيض وشباكية وتمر معمر بالكركاع وحليب ديال اللوز فالكيسان ولابسة عباية زويينة فالزرق وجالسين فالصالة هي وباها تا دخل خالها جار باليزة وموراه وعد لابسة جلابة فالزرق وبلغة وطالقة شعرها وهازة ولدها فيدها ضاحكين والفرحة فعينيهم ، غيثة فهاد اللحضة بحال الى تهزات فوق الارض بالفرحة والمشهد ديالهم داخلين مع الباب ...ناضو كيتسالمو ويتعانقو وحمى السوق فالدار و تبهجات عليهم بصوت الداراري الصغار والضحك غيثة هزات ولد انيس و وعد هزات ذهب كتبوس وتعنق فيها فرحانة وكلهم عينيهم كيبريو والضحكة طالعة من القلب ، جلسو تجمعو على الطبلة والبز كينقز و ولد انيس كيفركل باغي تاهوا يطل ويشوف بعينيه كيشبه لباه طلع زعر وعينين مو وابيض ملبسينو صالوبيط بالشورط وتيشورط وطلقينو فوق السداري يضربو الريح وجلسو كيفطرو ويتجمعو تا لاحظ انيس غيثة كدمعانيس: خالي؟؟ مالك اخالي كتبكي؟
وعد : حسن اصلا كنا غنكلسو بوحدنا فالرباط اللهم نتوانسو
غيثة: (ساهيا فيها) عرفتي تبدلتي بزااف ..اول مرة شفتك فيها فعيد الميلاد كنتي فشكل
وعد: ههه كنت مفششة وضاربة الدنيا بركلة ...ولاكن الصراحة تا دابة باقة مفششة مع انيس ومرتاحة بحال القصر بحال الدار المهم راحت البال...نتي باقة هي نتي غير وجهك صفار واش مريضة؟
غيثة: شوية وصافي دابا مللي تجمعنا عاد فرحت
وعد: بابا سيفط معاك ليكارد كورد لتحت ولا عهد ؟
غيثة: ماعرفتشي والله جيت مع الشيفور وفالصباح جبرتوم نتاحيت ماعرفتشي فيوخ جاو؟
جالسين كيدوزو التصاور والبراهش مسرحين فوق الزربية كيتغرباو من الصهد تا دازت صورة فيها عهد جالس كيشوف فغيثة بنص عين حاضيها وهي كتغني بالاسبانية ، غيثة شافتو بقات سااااهية فيه و وعد عرفات عهد حاضي غيثة من الشوفة باينة مهتم ليها وشداتو الكاميرة قطي دوزات وعد التصاور وهي تسها غيثة فالصورة ديالهم وهي كتشطح هيا وياه لابس كوستيم اسود ايفازي و مغمض عينيه وغيثة ناعسة على صدرو مغمضة عينيها ، بقات سااهية شحال ولا اراديا ابتاسمات
وعد: هادي انا صورتكم فاش كنتو كتشطحو
غيثة: صردها لي لتيليفوني
وعد: واخا
جبدات غيثة التيليفون وصيفطات ليها وعد الصورة وبقات غيثة كطلب منها تصيفط ليها الصور للي فيهم عهد كاملين وصيفطاتهم ليها...النص ديال التصاور باين فيهم عهد مشغول فالتيلي وشي مرات كيبتاسم بوحدو لان فدوك اللحضات كان كيتجاوب مع غيثة وهي حداه وكيسمعها خل ودنيها فالميساجات بلا ماتعرف وكان كيبتاسم فاش كيشوفها تعصبات، وصورة اخرى فيها حادر راسو على تيلي وعينيه مهزوزين فغيثة كيشوف فيها وهي مغوبشة كتكب الميساج فالتيلي فيديها .
أنا أحترق الجزء 30
محتوى القصة
التنقل بين الأجزاء