نور: غيثة فتحات على راسها وعلى القلب ، كنا مخلوعين مي الحمد دابا سافا دازت العملية مزيانة وكنتسناوها تفيق من البنج باش ندخلو نشوفوها
نور: وعلاش فتحات عاد كانت صحة سلامة مالها
نور: تا حنا غير الصباح كنا كنفطرو كاملين تا سال ليها الدم من نيفها وجبناها عادي ولقينا عندها فتحة فالقلب و عرق مخنوق فالراس وضطرات تفتح ...نزل علينا هادشي بحال الشتا مافهمنا والو
انيس: اربي السلامة
وعد: هييه مسكينة ...كي ولات دابا
نور: غندخلو نشوفوها فاش تفيق
تور وانيس كيتجمعو وعهد ماحلش كاع عينيه باش يشوف ، كيسمع وساكت حتى دخل عبد المالك كيجري مع كرم كيوريه الطريق لقى الدنيا مقلوبة بليكارد كورد وكلشي جالس كيتسناو ، شاف كاشي مجموع تخلع و بان عينيه الخوف وكيردد بوحدو مخلوع
عبد المالك: بنتي بنتي بنتي...الله ياربي الله ياربي شنني واقع نبنتي
عهد: سمع و كيهضر وحل عينيه هز راسو شافو لاول مرة كيشوف باها بقا كيشووف فيه مخلوع غيسخف تا جرى عندو انيس شد فيه هوا كرم جلسوه كيترعد وكيشوف فيهم بخوف
عبد المالك: شنني عملتو نبتني ؟؟ آديتوها وتكرفستو عليها
عهد رجع اللونة راسو عاوتاني وتكا هز راسو لفوق كينهج معصب وباها مخلوع وسط منهم ما عارف تا واحد وسط فوطويات دايرين كبااار فالابيض ديال الجلد وترية نازلة من السقف كبيرة مضوية وكلشي حالس كيشوف فيه حتى بدا نور كيشرح ليه وكيفهمو شنو كاين ، دازو بضع ساعات وهي توصل العاءلة دغيثة شي مور شي بجلالب والدرور كيتجاراو هما وبناتهم يطلو عليها وشادين فيد الجد والجدة شافو عاءلت عهد جالسين وليكارد كورد بحال البوليس واقفين مورهم مستفين ومع الممر اللي فيه الانعاش مستفين و بقا كيحنززو فعهد عقلو عليه نهار دخل عليهم و هجم على انيس فالرباط ، تعجبو فمروى اللي جالسة طالقة شعرها ولايحة الشال ولابسة عباية طويلو تا الارض كلاص بالطالون وجالسة جلسة انثوية راقية هي وغدير حدا عهد اللي حل عينه شاف ثدامو خو انيس اللي ضربو لضهرو بالجنوية وهوا يتهز من بلاصتو نقز عليه تفكرو بعد ما كان نساه ، طار نضال ونور وانيس وليكارد كور كيفكو و العاءلة دغيثة حماو السوق بالغوات ومشاو تا العيالات ياغين تاهما يفكو عكس عاءلت عهد اللي واقفين مخلوعين يدهم على فمهم مصدومين من العيالات اللي كيتجارو خاشيين راسهم بين لاكارد كورد ، ليكارد جرو عهد فوق اخ انيس كينهج باغي يضربو ونيس جر خوه مخلوع ماسحابش ليه غاياكل قتلة كن مافكوه كن مات ،
عهد: (نفض يديه بعصبية ) صااافي طلقوووو... (كينهج) خرجو عليا هادا من هنا
نور: صافي تا واحد مايقرب ليه غيخرج راسو (غمز انيس) انيس يالاه نخرجوه يضربو البرد
انيس لحد الساعة مكيهضرش مع عهد واخا تزوج ختو شاف فيه وجر خوه خرجوه برى وعهد جلس كينهج وجميع الانضار عليه تا هز راسو شاف كلشي كيشوف فيه وبدا يرعرع
عبد المالك: (بغضب) الاللة نقصي صوتك واش بان ليك شي مرى دايؤة عاد الحالة اللي دايرة نتي؟؟؟
ملاك: نتا اخر واحد يهضر سمعتييي
كرم مشا عندها
كرم: الله يخليك شوية دالسكات راه ماكاينينش غير نتوما
ناض نضال بدل البلاصة ومروى تبعاتو وغدير لاسقة فيها وبقا غير نور جالس شاد راسو كيتنهد ماعجبوش الطريقة اللي جات بيها ملاك والحيحة اللي نايضة وانيس خلاهم وخرج تبعاتو وعد ومارضاتش تاهيا هاد الفضيحة اللي دارت عاءلت راجلها قدام عاءلتها. عهد دهل للشومبير اللي فيها الانعاش وجلس تما تا خرج عندو الطبيب من غرفة الانعاش
الطبيب: تفضل يمكن ليك دخل راه فاقت من البنج غير خليوها ترتاح ماخصهاش الصدع وماخصهاش تكلم
ناض دخل كيجري والطبيب خرج عندهم علمهم بلي فاقت ويمكن ليهم يشوفوها وهي تنوض المقاتلة وكترت الهضرة وكلشي باغي يدخل الا عاءلت عهد اللي كيشوفو من بعيد فالروينة اللي نايضة
دخل لقاها حالة عينيها بزز ودايرين ليها الاكسيجين على فمها وفاصمة غليضة فجنب جبهتها فوق العين وفوقها فاصطو كويلة مدورة على راسها وعريانة مغطية بغطاء حتى لعنقها و عينيها تعبانين كيتلسقو من كثرت التعب ، قرب ليها ببطىء شافها وحط يدو على وجها وعينيه فيهم الفرحة والحزن على الحالة اللي وصلات ، التقو الاعين ودمعو عينيها وهوا كيمسح ليها باسها من راسها حدى ودنها وجلس فالكرسي حداها كيتأمل ملامحها وكيذاعبها بيديه ويجر خصلات شعرها بلطف ، عينيها كيسؤلوه على حالها واللسان عاجز عن الكلام وباقي تقيل وشاد فيه البنج ، خطهز الغطاء على صدرها شاف الفاصمة جيهت قلبها مغطية النص فصدرها ورجع غطاها كيشوف بحسرة ، دامت مدة مدة السكوت غطفترة طويلة وهي مايلة وجها جيهتو كتشوف فيه وهوا كذلك عاد هضرعهد: احبيبة...باش كتحسي...كضرك شي حاجة ؟
عهد: غير عملية صغير درنا ليك فجبهتك على قبل العين اللي كتبكي وشي حاجة بسيطةجسهت قلبك وصافي بلا متخلعي احبيبة (باس يديها) my life ...انا حياتي متعلقة بيك اريتا ، الوقت كامل اللي نتي غايبة فيه وانا مقطوع ليا التنفس حتى رجعتي ليا
غيثة (الصمت)
شافت فيه بعيون دابلين وبقا معاها شدا ليها يدها وكيداعبها تا دخلات عندها الطبيبة باتسامة عريضة
الطبيبة: لاللة غيثة ...الحمد لله على سلامتك ، خاصك دابا تنفسي باش يخرج البنج
غيثة: قلبات عينها شافت فيها مافهماتش
عهد: خاصك تنفسي من لتحت تخرجي الريح باش يمشي البنج مايبقاش كيدور فالجسد ديالك
تلون وجه غيثة ولا حمر بزربة بالحشمة وماقدارتش تعاود تشوف فيهم ، لاحظ عهد الخرج على وجها و ودنيها اللي تزنكو رجعو حومر وابتاسم
عهد: غير تنفسي احبيبة عادي وراه خاصك تنفسي ضاروري (شاف فالطبيبة) عيطي على باها يشوفها
الطبيبة: واخا اسيدي
خرجات الطبيبة لحلبة المعركة فين منوضين حالة وبدات كتعيط بالانجليزية حيت كاورية مكتهرش العربية ، مافهموش اش قالت والاب تا هوا مافهمش عاد هضر انيس
انيس: السي عبد المالك تفضل مع الدكتورة بغاتك
انيس فهم ان الطبيبة بغات دخل الاب ومابغاش يقولها قدامهم باش تنوضش ملاك كتحيح وتبغي دخل تا هي
، مشا عبد المالك تبع الطبيبة دخلاتو شاف غيثة تغرغرو عينيه وعهد وغيثة شافت باها حشمات وبدات كتهرب يدها من يد عهد وهوا مافهمهاش على كتهرب ، باسها باها وعرف بلي الشخص اللي جالس معاها هوا اللي عاودات ليه عليه وفهم من نور انها تزوجات غير لبارح ، دعى معاها وجلس حداها كيهضر معاها والحزن على عينيه وعهد متكي على الكرسي كيداعب ليها شعرها وهي مثوترة كتهرب وجها تا بدات كتصدر صوت الانين مابغاتش عهد يقيسها
عهد كيسمعها كتصدر انين بزز كيزيد يلمس وجها وشعرها باغي يفهم مالها وهي مكتقدرش تحرك حجبانها وكتهرب راسها بزز ، باها حشم بدا غير كيرمش ويشوف فالحيط و غيثة كتعصر فبلاصتها بغات تبكي ، خرج باها بعد ما شافها عاد بردات وسكتات وبقا عهد كيبوس فيها ومافارقهاش الوقت كامل ، العاءلة برى كلاهم الفضول بغاو يشوفوها ومها كتنفخ وهازة قنانفها للسما وكتنكر دايرة عليهم صعصع ، مور دخل هوا انيس شافوها ورجعو خرجو انا نضال وغدير ومروى غير عرفوعا لاباس ولات مزيانة ومشاو مع نضال وبقات ملاك بحال القايدة كتعفر تا خرج عهد لقاها كتنكر ماعاجبها حال ، ولات غير كتشوفو كتسقل وتاهوا كيخزر فيها ماحمالهاش وبزز منها غطات شعرها ، امر ليكارد لي واقفين فالباب باش ميدخل عندها تا واحد بصفة نهاءية ومشا خرج برى ، كرم شاف لافامي ديالها جالسين شي كيشوف فشي والوقت تأخر وشد ليهم اوتيل سانك إطوال سافطهم فرحانين لتما ، داز اسبوع وعهد مانع شي واحد يدخل ليها وكيبات معاها كل ليلة تا حيدو ليها الاكسيجين و ولات كتقدر تهضر ولدلو ليها الشومبر داوها لوحدة اخرى كبيرة تليق بمستواها عاد بداو كيدخلو يشوفوها واحد واحد والفرمليات مغطيين ليها راسها كيبان فيها غير الوجه ، ناعسة على ضهرها مكتخركش ومكتهضرش و عهد جالس فوق الفوطوي هوا خوه كيتجمعو ، دخلات مها كتبكي شافتها وغيثة غمضات عينيها مابغاتش تشوفها ، بقات فالكلينيك لمدة شهر كامل وعهد مقابلها كيمشي للقصر يبدل ويرجع يبات معاها ويجيب ليها بنتها تابدات كتهضر فرحانة وكتاكل وتوقف عاد رجعها للقصر لبيتو حطاها فيه ومتبع معاها الدواء ديالها كيشربو ليها بيدو ، هنا استغالات العاءلة ديالها الفورصة وبداو ميجيو بلا وقت بلا موعد للقصر وكرم واحل معاهم كيبقاو تا كيضلام الحال ويرجعو للاوتيل ، نضال مابغاش يخرج للعيب ونور كذلك اما مروى وغدير طالعين منفخين نازلين منفخين، دخل نضال لبيتو لقا مروى طالعة ليها القردة للسطح وهي تنوض مروى: واش حنا غنبقاو هاكا مانرتاحوش من الدخول والخروج؟ ياك شادين الاوتيل علاش كل صباح مع النبوري يجيو يعمرو لينا السوق هنا ، شافوها وطمنو عليها ايوا يرجعو منين جاو
نضال: واش نجريو غلى عاءلتها؟؟ راه دايرين على وجها وصافي اما راه ميدخلوش مع الباب
مروى: هاهوا دابا عهد مكنشوفوهش نهار مامل مخشي فالبيت معاها معارفش اشنو كيوقع قولها ليه هوا يعرف شغلو معاهم
نضال: اه نقولها ليه هوا باش ينوض علينا الصداع ...الله يهديك حنا باغيين نعيشو هانيين ولا باغيين نجبدو الصداع كل شوية!
مروى: مابقيناش كنتحركو فخاطرنا ...مها مستعمرة البيت وعاءلتها كيضلو النهار كامل هوا وبراهشهم مجمعين لينا هنا و ولادهم مكيرصاوش مل مرة يرهيو شي حاجة وغير كيجريو وينبشو اففف اش هاد الهماج وهاد الروينة ، راه السوق ومنضم على هاد البشار تفوو، غدير ولاو باغيين يباتو معاها بناتهم ، كل مرة يدقو عليها وكتحي تشكا ليا ، دابا ولاو الخدم واقفين ليها فالباب باش ميدوز ليها تا واحد
نضال: انا غنهضر مع عهد ، عاءلت مرتو هاديك هوا يشوف معاهم
مروى: مها طالعة نازلة عاحبها الحال و كتشدهم يبااتو كاااع
نضال: صااافي دابا
مروى: كرم نتف شعرو مسكين عيا ينضم فأوفواج الخدم و هما مللي كيشوفونا ساكتين كيزيدو يضسرو
نضال: اوووف..قلنا ليك صافي.
عهد كيخلط الكاس فيه الدواء لغيثة وكيضحك عليها وهي جالسة كتشوف فيه ماحاملاش تشرب الدواء فين ما تشوفو كيخلط كتعقد غوباشتها
عهد: يالاه حللي فمك
غيثة: اععع...عطيني باسطيات(كينات) حسن من هاد الغبرة فالكاس كتنوض لي قلبي
رجعات شداتو من موجهو بيديها الصغورينوبدات كتغني ليه بصوتها الناعم العذب موال كتوصفو وتعبر على احساسها وحبها ليه والوقت اللي جلس معاه تا برات وخوفو عليها والليالي اللي سهر حداها وهي ناعسة وهوا فايق راد ليها البال ومافرقها حتى دقيقة و ومقبلها بيديه حتى وقفات على رجليها ، عبرات ليه باغنية من احساسها هي
غيثة: هادي اول احس كلي عشق...
عطيني فرصة اتنفسك خايفة اختنق 🎵
معاك انا تأكدت انني قبل عمري ما عشت ...وعلى كل لحضة من دونك ياحبيبي انا ندمت
هي كتغني وهوا كيشوف فشفايفها الورديتين كيتحركو ونيفو على نيفها وهي كتغني والانفاي مخلطة ويديها على وجهو تا قاطعها بقبلة على شفايفها سكراتو بصوتها و عينيه تقالو تاكا عليها كيلتاهم شفايفها بجنون وهبط لعنقها وهي ضحك وهربات وجهها شافت فيه ، هز راسو مثمل مداق شفتيها كيعلن استسلامو ليها وهيجان حبو ليها
غيثة: ااههههه
عهد: كنموت عليك
غيثة:(عنقاتو ) حتى انا ههه😄
عهد: (كيتنهد)غتحمقيني
غيثة: الى حماقيتي ...
عهد: (بنضرات شهوة) الى حماقيت اش
غيثة: (همسات فودنو) غنحماق حتى انا ههه
عهد: الضحكة ديالك كتبنجني ...تشهيتك
غيثة: ههههههه فكرتيني فالزين اللي فيك
عهد: شنو هوا؟
غيثة: واحد الفيلم فيه واحد الشمكار قال نصاحيبتو تشهيتك وعطاتو داكشي وزادتو فوقها 200 د درهم ههههه
عهد: هههه وايلي
غيثة: اه والله
عهد: اري نتفرجو فهادشي كيداير
غيثة: هيييه ...ماسخ
عهد: تا حنا ماسخين
غيثة: ونتا كتصلي و..
عهد: كنصلي كنصوم عادي بحالي بحال اي واحد ، المهم كندير شي حاجة زوينة ماشي بحال قبل كنت كنديرهم ب 10 وتا حاجة زوينة ماكنديرها
غيثة: واخا دير الزين اللي فيك عيطلع لك ، راه طوييييل
عهد: تا حنا كاتبعنا والو ، نشوفو هاد تشهيتك و200 درهم تا هيا
ناض جلدو من اليوتيب برونشا تيلي مع البلازما ورجع تكى شاد تيلي فيدو .وهي تخشا فيه غيثة معنقاه كتلعب ليه فلحيتو وجلسو كيتفرجو
بدا الفيلم وعهد متبع كيدوز اللقطات باغي يشوف الفكرة و الاحداث علاش طالعين وصافي ، كيجلس تفرج وكيرجع يدوز وملامحو كتبدل على حسب المشهد ، مرة يعيف ومرة يتعجب ويعقد حجبانو ومرة يشمأز من بعض المشاهد وكيدوزها غيثة: قلت ليك ماسخ
عهد: (بسخرية) هه كاين المسخ ولاكن ماشي تا لهاد الدرجة كيعييف ، هادو باغين يوصلو واحد الفكرة اللي للمجتمع عارفها ...كانو يوصلوها ولاكن ماشي بهاد الطريقة هادي ويحطو ليديطاي ويوريو الناس شنو كيوقع...العهر راه باين بلا ميحتاج شي واحد يشوفو باش يعرف شنو هوا ، هادو وصلو الفكرة بطريقة منحطة وناقشو ضاهرة اللي كاينة فاي بلاد فين مامشيتي ...الطايلاند عامرة خليج البيع والشراء فالعاهرة مع الخليج غير مزلع والشواد فالزناقي دايرين مابغاو ولاكن المغرب ماشي دنبو الى جا واحد شوه الصورة ديالو بهاد الفيلم المباح بهاد الطريقة هادي راه اي بلاد فيها الناس الزوينين والناس الخايبين والمغرب كذلك وحتى بلاد ما فلتات من الفساد كاع البلدان بدون استثناء فيهم الفساد، على الاقل مللي فكرو يبينو هادشي يبينو بطريقة نقية ماشي معفنة تخليك متقدرش تكمل الفيلم ، ونتي باقة برهوشة كتفرجي فهاد الوسخ وهاد المسخات اللي قبلو يمثلو فهاد الفيلم
غيثة: وراه عمل ضجة داكشي علاش بغينا نشوفو شنني فيه
عهد: كاينين افلام اباحية كتسخن بنادم وكاين هاد الفيلم هادا اللي كيكرهك فالجنس وفالبنات وفالزبل كامل...هادشي جاني عادي الصراحة مي اللي ماشي عادي هوا المغاربة تا هما ولاو باغيين يمثلو وراضيين يعطيو صورة ديال العاهرات بوجهم هما
غيثة: راه دوك العاهرات مساكن اللي كيدوز عليهم هادشي راه واصلة فيهم نالجدر
عهد: توصل فيها تا للوسط لعضم وماتعطيش كرها يلعبو ليها فيه ، تسيق الطواليطات وماتوليش طواليط اللي جا يخوي فيها ، البنت اللي كتخرج للعهر هي عاجبها داكشي ومرتاحة فيه وعاجبها تنوع ماشي خارجة تقلب على ماتاكل ، نتي هربتي من داركم وخدمتي بعرق كتافك و تعدبتي فالحلال اما العاهرة تا هيا كتخدم بعرق كتافها وتعذب فالحرام ، نتي كضربي تمارة بالنهار وهي كضل هازة رجليها للسما الليل كامل معذبة وفلوسها كيمشيو ليها لغد ليه فالصباح فالدوايات وليفارماسي و الزمر وتا عاهرة مكطفرو اصلا
غيثة: نتينا باش عرفتي هادشي؟؟
عهد: هه باااين اريتا مامحتاجش شي واحد يوريه ليا ، كاع البلدان فيهم الفساد وكيبيعو ويشريو ونتي شفتي كلومبيا تا هيا كتبيع البنات ولاكن كيغطيو على دولتهم وداكشي من لتحت لتحت ماشي بحال هادو كيزيدو يشوهو وكيسحابهم كيوريو للشعب المغربي زعما باش يعرفو شنو واقع وهما بهاد الفيلم كيزيدو ف تنشيط هاد الضاهرة باش اللي ماعارفناش فالدول الاخرى يعرفنا ويجي كايجري يبرع راسو تفوو ، قلبي هاد الويل كرهونا فكوكا
غيثة: ايوا تينا اللي مزوج من الخليج ودابا جالس كدهضر وشحال ونتا دفسد
عهد: لااا ماتخلطيش ، انا مكنشريش فالبنات ، هادوك اللي شفتي معايا نانسي راه ملكة جمال وماشي كتمشي تهز رجليها وتبيع وتشري و لاخرى تاهيا بنت عاءلة معرووفة وخايفة على الصمعة ديالها وموديل و تعرفت عليها عادي درنا علاقة بحال اي واحد تعرف على وحدة ومحمد صاحبي من الصغر وعمرو زطم فالمغرب تا جا معايا هاد المرة وهاد الخليج راه فين ما مشاو يفسدو بحالهم بحال كاع الرجال اللي لاباس عليهم ، العيب فهاديك اللي كتشوف الزرقات وكتحل رجليها اما هي تا واحد ماضربها على يديها وكن كانت جامعة راسها ما غيجيوش يشريوها كعاهرة ويغيجمعو يديهم ماشي هما كيقولو ليهم ها حنا اجيو عطيونا الفلوس وديرو اللي بغيتو غيثة: امم كتجي من جيهتهم 😠
عهد: ماجيتش من جيهتهم ...هما زوامل وهادو قحاب وتلاقاو ، والفساد كاين فين ما مشيتي غير الواحد مايبقاش يعطي الصورة مسخة وليديطاي والمرض ، غتبقاي تقولي ليا تزوجتي من الخليج ولا ماعرفت اشنو ، باش نجيك من اللخر اريتا ونكونو واضحين هما عندهم شي عادات فشكل وفاش رجعت من العمرة انا ومحمد رحبو بينا وحقا ما حقا باش نكنل ديني محمد هداني ختو وختو قبلات تعطى ليا كهدية وانا باش مانردش الهدية ونيت نتزوج ونساك خطبيتها رسمي بلا ما تعطى ليا كهذية وشفت ختو فرحااانة غطير بالفرحة وهي غتعطى ليا غتعطى اللهم نخطبها
غيثة: ومالقاو لمن يهديوها غير ليك زعما😡
عهد: ريتاااا راه هادشي داخل فيه الصداقة ديالي مع عاءلتهم و المكانة و مقدمات ومأخرات بلا مانبدا نشرح ماشي هداوها لواحد حتي من الطرف ، باش يبين ليا محمد المحبة دسالو زعما هداني ختو وختو ديجا انا عايق بيها كتسنى فرصة ونتي رفضتيني ما مرة ما جوج بلا مانعاودو الماضي عاوتاني ، شنو كنتي كتسناي مني نرجع ؟ بغيتي تبقاي نتي وبنتك سيفتها ليك ومشيت نتاحرت فهاد التزويجة باش مانرجعش عندك وكن ما درت هاكا كن رجعت عاوتاني عندك فهمتي علاش قبلت نتزوج، غير باش نربط راسي ومنقلبش عليك
غيثة صافي سيير عندها علاش رجعتيني 😭😭😭
عهد: (عنقها) دابا متي باغا تغطفهمي شنو كاين هانا فهمتك ...شباكية و كنت فلحضة غضب
غيثة: طلقااااا صافي خليها تمشي بحالااا
عهد: لااا اغيثة ، هاد الموضوع خاص بيا انا ، طلاق مغنطلقش على والو وحدة مادارت لا بيديها لا برجليها وشهر وانا جالس معاك وماضارتش جيهتي ولا انا ضرت جيهتها ، هي طالبة السلم وكن تا هيا مريضة كنت غنوقف معاها حيت هادا واجب سواء كنعرف بيني وبين الله ولا كنت منحارف بحال بحال هادا كيبقى زواح
عهد: كاينة الصراحة وكاينة الوقاااحة ، هادي واقاحة وغنطلع راجل معاك وشماتة معاها ، صافي بدلي الموضوع اغيثة هاد السوجي كيمرضني ماتبقايش تجبديه ليا، من اللول كنت معاك مزيان ونتي كترفضيني 10000 مرة ماشي غير مرة واش غنبقاااو نعاودوووها (تعصب)
غيثة: (تقلبات الجهة الاخرى) مشي عندها وبعد مني كاتجي غير على حاجتك
عهد: اييييه كانحي على حاجتي يا المنحرفة !! شهر ونص وانا حداك وحالس على حاجتي!!! كن بغيتك على حاجتي كاع منبقا هنا شهر ونص كن راني معاها وكنجي نطل عليك ومخليك مع الفرمليات ، مي عندك الحق كنجي على حاجتي
غيثة: قالك كيصلي هه
عهد: انا واحد منحارف كيصلي بقاي نتي منحارفة تفرجي فالزبل اللي فيك يا حطب جهنم
نترات الفاصمة وخرلات غير فاضمة صغيرة حيت مادايرينش ليها جرحة كبيرة والعرق كان غير صغير فجنب جبهتها جيهت الجاب وفتحو ليها غير الجلدة سرحو العرق بلا مايحلو الجمجمة ، مابانتش ليها الفتحة حيت مخطية ؛ خلات صبارادرا فوب الجرح و خرجات بالبانطوفة فيها نونوس كتجر فيها وشعرها مجموع بقاراسة لفوق والقصيصة مدلية على حجبانها حيت قطعاتها بتيت فخونش باش تغطي الجرحة، جاتها القصيصة كيوت مع العوينات مجبدين والشقدفار كثاف وزادت صغارت فالسن ديالها كثر ، تمات غادية كتكسول عاقدة غوباشتها تا طلات من الفوق لقات عاءلتها كاملين جالسين لتحت مجمعين مع مها على براد ديال التاي وانواع الحلويات وولادهم منوضين الروينة كيتجراو، خارجين للجردة ريشو الورد والبستاني واحل معاهم والخدم دلاو بحال العسكر غير حاضيين معاهم ، يالاه بغات تنزل وهي تخرج فيها مروى خنزرات فيها مزيان وغيثة كتشوف فيها بنص عين عاقداهممروى: (بسخرية) هه كيجاك الهماج ديال عاءلتك اللي عمرهم دخلو لشي قصر؟ ها؟ هادي شهر ونص وحنا على هاد الحال اللي كتشوفي وهما واخدين راحتهم عالااااااخر ، عرفتي شنو...حنا غنخرجو ونخليو ليكم هاد القصر جريو فيه كي بغيتو ، طيحتو الدل الله يخليها سلعة
شافت فيها شوفة اشمأزاز ومشات وغيثة بقات كطلع وتهبط فيها الهضرة ديال مروى كتحفر وني تنزل كدردك مع الدروج عاضة سنانها تا وقفات قدامهم كتجرجر فالسروال دالبيجامة طويل وكتزطم فيه ، شافوها وأبتاسمو وفرحو بشوفتها او يمكن مايداعيو انهم فرحانين، ومها جالسة دايرة رجل على رجل كل مرة تهز يديها وتسخر الخدم كي بغات
...: بنتي غيثة كي بقيتي احبيبة على شلامتك مالي شفناك
غيثة: حيتااااا تكون نتينا مربية عااااد اجي قولي شني هاد التراااابي ، فاااين كنتي فاش كنت انا مريييييطة ، كا موت وماشفتكشي كان ميعجبكشي الحاااااال هااا؟ (كتشير بيدها) حيت ماغاتبقاااشي كدور وهنا وغدرج لعيشتك القدييييمة و ماكونتيشي غدحزن لموت ديال قدر ما غدحزن للغاووس اللي غيضيع من يداااك....مشي معاهم حيتا نتينا انا ماعنديشي العاءلة ومن شحاال قولتا لك...اناااااااا...مااااااعنديييييشي الفاااااامييييلاااااااااا
بدات كتغوت تا ناضو كيجمعو ولادهم وحطو الخلوة من يديهم وكلشي تجمع الخدم واقفين حانيين الراس عياو من كثرت الطلبات والداخل والخارج ومرم واقف عينيه خارجين فيها وهي كتغوت وسط القاعة السفلى ديال قصر ، طل عهد من الفوق شافها كتحيح وهوا يغوت عليها من الفوق
عهد: ريييييتاااااطلعي لهنااا
هزات راسها كتنهج مفقوصة وهما خرجو واحد مور واحد ومها طاحت سخفات فالارض مشاو عندها الخدامات كيجريو هزوها كيفيقو فيها اما العاءلة كاملة خرجات شي مور شي وشي كيجر شي وكيتغامزو ما فدروش يهزو الراس وبطا عليهم غير غوقاش يخرجو من تما من بعد الشوهة اللي دارت ليهم غيثة ، اما عهد نزل كيدردك فالدروج عندها جرها كتغوت وكضرب وهوا كيشد ليها يديها قدامو وميساء ونور اللي جاو كيطيرو يشوفو شنو واقع ونضال تا هوا دخل لقا الروينة و غدير خرجات كطل من الفوق كيشوفو فغيثة كتبكي وكتنتر وشعرها تفسخ هبط غطا ليها وها كامل ، عهد معصب معها وهي كدفع وضرب تا كعا وجمع ليها يديها بجوج كتفها وهزها كتغوت وشعرها مدلي تا الارض وكتنخصص وداها قدامهم معجبوش الحال على الروينة اللي وقعات و دخلها لبيت كتنهج وكتبكي حطها فوق الناموسية وجها حمر وكتلهت والفك ديالها معصب تا تشنج بالبكا
نعسها فوق الناموسة كتبكي فشلات مابقاتش قادرة دفع او تغوت ، بدا كيهدنها ويعنقه فيه وهي كتنخصص وهز الكينة اللي خرجات ليها الطبيبة على قبل الانفعال والتوثر خشا ليها فمها وشربها الماء بزز وتكاها عندو كتبكي وهي خاشية راسها فصدرو كتنخصصعهد: شووو صافي ...صافي احبيبة (باس ليها جبهتها) شوووو صافي براكة من البكا ماخصكتش تبكي وتغوتي وتعصبي ...كن دابا وقعات ليك شي حاجة ونتي مريضة باقا حتى صحتك مارجعتيهاش
عهد: اشنو هو الاحترام عندك نتي هااا؟ وريني هاد الاحترام ونتوما كتخرجو بنادم على طوعو ، انا الا ساكت راه كنسكت باش غدا قدام الله يسولني واش صبرتي لمك نقوليه اه صبرت ماشي يسولني ونقوليه لا ماصبرتش ، (هز يدو كيحسب) من الجزيرة صاومتيها شحال تشد وتخلي بنتها ...جبتيها من تما هبطتيها تخدم وتكرفسو عليا ودوزات ليلة كاملة فالحبس وق الارض بوحدها تا صبح الحال ...دليتيها وخدمتيها وعاقبتوها فلاكويزين كتغسل وتعاود ...بعدتي عليها بنتها باش متشوفهاش وقمعتيها ومع ذااااالك ماجاوباتكش ومارضاتش عليك ...حبستيها فالبيت ماتخرجش تا قلت انا يمكن ماكايناش فالقصر وبقات مع باها ولا ماعرفت فين مشات...ستاغليتي الوقت اللي ماكنتش فيه وماكنتش باغي نعرف عليها شي حاجة او نسمع اخبار بصفة نهاءيا وقلتي راه ما عارف والو وفعلا مكنتش عارف والو حيت انا ماباغيش نعرف وباغي نسى...ودابا نتي عارفاها مريضة ورجعات من الموت وباقا حالتها مامستاقراش وشفتي حاتي كيكانت فاش كانت هي مريضة وانا كي وليت و النهار اللي غتخرج فيه من بيتعا سممتيها بهضرة ماكاين لاش نفوليها وكنتي تقوليها بطريقة اخرى بلا ماتسمني بيها واحد يالاه فاتح عالقلب وعلى عرق فالراس ويمكن فاي لحضة تزهق روحو وجالسة مرتااااحة هنايا .
مروى: لارد (مصدومة)
عهد: الى كنتي باغا فيا الخدمة قوليها حيت داكشي اللي كديري وكتآديها هي كيرجع ليا انا وانا اللي كنمرض سمعتي ...هادشي كاامل اللي درتي بسبابو مقاطعك شهر ونص والسلام ماكدوزش بيناتنا حيت مالقيتش ليك الجهد ، امك ثم امك ثم امك هادي هي اللي مفشلاني وماعرفتش كي ندير معاك وهادشي كامل اللي درتيه و تحكمت فراسي حيت اللي عطا الله عطاه ومابغيتش نقلل من الاخترام ديالك و كتقولي اش هاد قلت الاحترام، هاديك اللي خرجاتها من غيثة من نهار عرفت بهادشي وهي تحت فالحبس كدوق داكشي الي داقت منو غيثة مي نتي ماعرفتش كي ندير ليك ، الى عيني راكي طحتي منها ، بقا شوية نكرهك مي الاحترام غيبقى ولاكن القلب غيموت من جيهتك، الى زدتي فوق هادشي مغيبقاش عندك ولد سميتو عهد ...نقشة وحدة تزيديها كنحلف ليك بالله ماعمر وجهي تعاودي تشوفيه تا نهار تكوني كتموتي عاد نجي نتوادع معاك
خرج معصب وخلاها واقفة عينيعا غرغرو ومصمرة كتبكي الهضرة ديالو دخلات معاها وممصدقاش ان عهد الي كان كيهضر معاها وان عهد اللي متعلق بيها كثر من القياس يخرج من فمو بحال هاد الهضرة ، خرج عوا قلب الاتجاه جيهت الشومبر دغيثة وهوا يسمع صوت غدير من موراه عيط ليه و وقف دار لقاها واقفة كتشوف فيه مدبملامح حزينة وقربات ليه تا وقفات قدامو وحطات يدها على يدو وعينيها مغرغرين ، هز يدو دوزها على وجها وهيا تعنقو كتبكي
غدير: توحشتك 😢
دخلاتو معاها للبيت لقاها موجدة عشاء رومانسي فوق الطاولة مع الجموع والورد والرواءح الغربية اللي كيبغي ومجهزين البيت بالورود و اجواء رومانسية كترخي الاعصب وموسيقى هادءة ، بقا مستغرب كيشوف فداكشي ودخل عادي عارف راسو غيبات معاها هاد الليلة ، دخل للدوش استحم وخرج لابس بوكسر ابيض وكيمشي ويجي فبيتو بكل عفوية وهي تخرج ليه من غرفة تغيير الملابس لابسة سوميج دو نوي حمرة مشبكة وجميع مفاتنها كيبانو وقربات ليه وهوا عاطيها بالضهر جالس شاد تيليفون فيدو ، عنقاتو من اللور وهوا يدور عندها شافها فأبهى حلة وشعرها مطلوق وراشة ريحة باردة فعنقها وحاطة مكياج خفيف عكس الكياج اللي كدير قوي ولما ان هوا ماكيعجبوش داكشي اللي عاطي وكثير ولات كتمشي حسب داكشي اللي كيبغي ،تعلقات ليه فيه عنقو وباستو بوسة خفيفة من فمو وهوا مبتاسم كيشوف فيها معجب من الجرأة ديالها ، بقات كدور بيه وتلمس فيه حتى حيدات ليه تيليفون من يدو حطاتو وجراتو للطاولة ديال العشاء جلسو وبدات كتوكلو بيديها، تبرزط بعض الشيء من كثرت الاهتمام ديالها بعض الشيء ولاكن ما قاليها والو واخا كدور بيه وتوكلو بيديها ، بقا ساكت لفثرة وهوا يشوف فيها بعينيه الجميليتين والحاءرتين عهد: غديير...بغيت نقول شي حاجة ، هادشي.. (قاطعاتو)
قاطعتو وحطات صبعها على فمو وقالت
غدير: انا اللي بغيت نقول ليك شي حاجة ...بغيت نقول ليك بللي نتا هو الهواء اللي وليت كنتفس ليه ...ونتا هوا كلشي فهاد الدنيا وراحتي كنلقاها غير معاك ...وفرحتي اليوم اكبر فرحة حسيت بيها فحياتي
شاف فيه باستغراب وهزات يدو بلطف حطاتها على كرشها وهوا كيشوف كيحاول يفهم وشاك فالحركة اللي دارت
غدير: عهد انا حاملة بيبي منك ...انا هازة فكرشي قطعة منك
بقا ساكت كيشوف فيها و ابتاسم ليها ابتسامة خفيفة وهي تهزليه يدو باستها من لداخل وبدا كيدوز يدو على وجها بلطف
عهد: امتى هادشي؟؟
غدير: هادا اسبوع وانا كنرض وناعسة ماكنخرجش حتى لهاد النهار فالصباح جابت ليا المساعدة ديالي تيست باش نتأكد من الشكوك ديالي ولقيت راسي حامل
عهد: مبروك
عنقاتو فرحانة و عنقها تا هوا دوز يديه على شعرها بحنان وجلسات ليه على حجرو كتشوف فيه فرحانة وكتبوس فيه وهوا داير ايها خاطرها
غدير: يمكن حاني الوحم عليك
عهد: الصمت
ابتاسم ليها وسكت خلاها كتعنق وتبوس وهزها داها للفراش لبى ليها الرغبة ديالها فيه تا عيات وتقلبات نعسات على جنبها وناض هوا لبس شورط وخرج جلس فالبالكون شعل كارو من بعد ما كان قطعو وجلس ساهي تا قرب يطلع الفجر ودخل دوش وتوضا وخرج صلى الفجر
ناض خرج مشا للشومبر ديال غيثة دخل لقاها فايقة جالسة وسط الضلام فوق الناموسية تا شعل الضوء وهي تبان ليه جالسة مكمشة ، مشا عندها قرب ليها بغا يسولها وهيدفعو وبدات كتبكي
غيثة: المستوى هوا اللي نزلتي ليه وعطيتي راسك فابور وكن كانت عندك النفس ما تبقايشي هنايا وقابلة على الدل ومبززة راسك على عهد هههه انا كان يحساب لي هوا طلبك للزواج ساعة صدقتي غير معطية ليه بحال الجارية ههه وياحسرة اميرة ههه
غدير ماعجبهاش الحال ومارضاتش تا غرغرو عينيها
غدير: هادشي غير التخربيق ما منو والو اصلا وزايدون واخا نتعطى ليه هدية راه ماتعطيتش لاي واحد فهمتي ، عهد واخا نقلب عليه السماء والارض مالقاش بحالو وختى كن عطاوني هدية ماكنتش غنرفض وانا اللي باغياه ويمكن قبل حتى ماتولدي نتي ودابا انا حاملة منو و غنجيب ليه بيبي اوك وكنت اجمل هدية تعطات ليه هيا انا ، وغير بلاتي يجي وتشوفي نوريك الهدية
مشات غدير كتبكي وغيثة بقات واقفة تصدمات وجلسات على واحد الفوطوي مصدومة مامتيقاش ان غدير حاملة
أنا أحترق الجزء 34
محتوى القصة
التنقل بين الأجزاء