غدير: عندك الحق هاد المغربيات سحارات وكلشي كيديروه بالسحور .
يالاه نمشيو ...ليوم غنضبر شي طريقة كيما كانت باش يبات معايا ونجيب داكشي اللي قلتي ليا وخا نعرف نخشي يديه حتى للوالدة ونجبدو
رجعات غيثة لبيتها لقات الريخة طارت وجلسات كتفرنس بوحدها ماخرجاتش من الليت وكل مرة كطل تشوف الاحوال كي دايرة ، عهد خرج من عند مو وطلع لبيتو نيشات وسد عليه ، حوايجو ودخل دوش وخرج لابس بوكسر وتكى فوق النومسية حاط يدو مور راسو وساهي كيفكر ، غمض عينيه وعقلو خدام كيدور هنا ولهيه، اما غدير مشات لبيتها ودخلات للدوش ترخات فيه ودخلات موراها المساعدة كتغسل ليها ودللها وكيضحكو فرحانين وكتوجد راسها لليلة للي دوز مع عهد ، غيثة جلسات شادة فيديها تلاتة دستيلوات واحد ازرق واحد احمر واحد اخضر وكتشوف فيهم سااهية وهي دها على فكها
غيثة: دابا هاد شرشابيل غنضربها تلاثة د الضربات فوحدة ، هاد الازق هاوا ماشي مزيان باقي شوية ونحطو ونتبع الاخضر ، الى مشا مزيان غنحطو ، وغايبقا الاحمر ، هاد الاحمر انا متأكدة غينجح وهوا اللي غيشطب على شرشابيل فدقة وحدة ...المهم الازرق والاخضر خاصهم ينجحو باش الاحمر يكنل الضربة (شافت فالساعة) مابقا والو لشارشابيل و توجد السهرة لشهريار ...انا نوريك المغربيات وسحورهم كيف عامل ، بارعت المغفلين ، ولينا نحيرو مع الحوالا والبعير ، قالك اميرة ههن! وانا شنو نكون اذا كانت هي اميرة؟ الملكة مثلا؟...اوفففف عنداك غير داك الدعشوش ديال عهد يدوخ ويقرب ليها غيضرب لي كلشي فالزيرو ويخليني شادة فالريح .......لالا اواعدي ميقربشي ليها انا حاسة غيصدمها شي صدمة وتجي عندي يانا نكمل ليها ههه.
سالات غدير الدوش ووجدات البيت وخرجات المساعدة ديالها تشوف ليها فين هوا و تا ضربات 10 دالليل ودخلاات عندها
عهد: باستغراب) سوري ...مقصدش مي ...مي شحاجة ماشي هي هاديك ، راسي مرون بليز باغي نرتاح الى جات على خاطرك من غير هاد الليلة اوك. (باسها من جبهتها) مقصدش غير زلة لسان وصافي
عهد: بعصبية)بلييز انا فضروف ماشي هي هاديك وكلشي قدامي مخربق ...باغي نبقى بوحدي الله يخليك خليني دابا ولا عرفتي ...سيري دوشي وعاودي اجي (كيحك نيفو)
غدير: كيفاش ؟؟ هي دابا انا موسخة؟
عهد: تعصب) غدييير ...ماقلتش مسخة ...قلت دوشي ورجعي ولا خليها تا لنهار اخر.
غدير واخا ...غتدوش ونرجع (شافت فيه بحزن) على قبلك انا نعطي روحي
عهد: لا رد
شاف فيه ورجع شتت النضر تا لبسات عبايتها وخرجات، فديك الاثناء كانت غيثة مقابلة الباب حتى بانت ليها خارجة وماكاملاش 10 دقاءق باش دخلات
غيثة: ياااا حلااااااوة ...ملقتيييش تعملي حاجة يا شيخة ههه شفتي الروايح دالساحرات اش كيديرو هههه
خلاتها تا مشات على اساس دوش وتقاد راسها من جديد وترجع ، وغيثة رجعات لبيتها هزات الستيلوات كتشوف فيهم وضحك ببراءة والفرحة فعينيها
غيثة: هااااااا !!! دابا الستيلو زرق سالات نوبتو ...هادا مسمار طرقناه و هوا ان نانوخة ديال غدير تيقات الكذبة ورشات من ريحتي حتة طعناتني مللي دازت وخلات الكولوار كيعيط بالعداو بديك الريحة (حطات ستيلوالازرق) دابا الاخضر تا هوا طرقنا ليه المسمار واللي هوا عهد شم ريحتي هههه وخرج شرشابيل كدبكي وباااينة يكون تلف و عيط ليها غيثة (حطات الستيلو الاخضر) هاااااااا... دابا توبتك نتينا تشطب على شرشابيل باش متاخدشي داكشي اللي بغات و عهد يغضب عليييهاااااا ههههه بهلووولة شراتها نراسها ههههه
حطات ستيلو الاحمر وخرجات كتحيح وتغوت تا سمعها عهد منوضاها غير بوحدها فالكلوار قبل ماترجع غدير ، خرج عندها بالشورط والصدر عريان وجرها من يديها بالزعفة قبل متجمع عليها الناس
عهد: تحركي وسكتي واش غنبقا تابعك كل مرة نسمع صوتك جاي من جهة ومحيحة فهاد الليل
غيثة: زول يدااااااك .......والله حتى نجمعهم كاااانليييين...اتا حتا وااااحيد ما كيحملني فهاد القصر (سد ليها فمها)
عهد: سكتي الله ينعل ز*********** شحاااال ماغطيتك شي سلخة باش تشدي الطريق وتقادي ..........عاد مازايدة فيييه (لاحها فبيتو) دخلي وسكتي مانسمعش حسك
سد الباب وهي كدور فعينيها وتنهج وكزيد تغوت
غيثة: انا حتى واحيد مكيحتارمني ....كيسرقوني و يهزو لي حوااايجي وماعنديشي الجهد ليهم ......وماكاينشي اللي يظااااغع عليااا
عهد: (كيغوت) شكون اللي سرقك ولا محتارمكش؟ نتي اللي كطيري
غيثة: كتبكي) ااااه اهىءاهىءاهىء انا كنطييير ...بلحق مكنسرقشي شي حاجة ماشي ديالي اهىءاهىءاهىء الريحة ديالي طارت من فوق الطابلة دالمراية اهىءاهىء وطمعو لي فيها اهىءاهىءاهىء عادي عتفولي غير ريحة ياااك ...بلحق واخا يكون غير ستيلو ماعندةمشي الحق يدخلو ويهزوه من بيتي بلا شواري اهىءاهىءاهىء حتى واحيييد معاملي اعتبار اهىءاهىءاهىء
عهد كيسمع وكيشوف فيها مصدوم وكيحك نيفو ونفسو كتنهج
غيثة: (حلنية راسها كتبكي) مابغيتشي نضلم شي واحيد بلحق نعرف غير شكون كيدخل لي لبيتي ويقلب لي بين حوايجي اهىءاهىءاهىء.
غيثة: ههههه يالااااه ...ها السحارات يا السحااارة ...بغيتي تلعبي بيه كي بغيتي ...واهانا نيلعب بيك ونوريك كيد المغربيات وسحرهم كيف هوا
خرج عهد ساخط وغادي فالاتجاه ديال غدير ، داز حدى البيت ديال غيقة وسمع البكا لداخل ، حل لباب بزربة لقا ذهب طاحت من فوق الناموسية والدم فجبهتها ، طار عندها هزها مخلوع كيقلب فيها وهي كتبكي والصوت كيتقطع فيها وكتشوف فيه بعويناتها مدمعين بحال الى كتشكي عليه وفمها كيترعد بغات تموت بالبكاء والدم نازل على غينها وكتمسحو ليدها تا جلغات حالها ذهب: ااااانننننننههىءاىهىء ىاهىء ىاهىء 😭😭😭😭 دد...ااااااااععع ددادي دادي اعىءاهىء اهىءاهىءاهىء 😭 (عنقاتو كتبكي)
ذهب كتبكي ليه مابغاتش تسكت وعينها تغطات بالدم ، صوتو وصل تا لعند نضال وهوا متكي حدى مروى ، تهز من بلاصتو كيجري غير بشورط دخل عليه لقاه شاد ذهب كيقلب البلاصة اللي كتحرقها وكيحاول يسكتها
نضال: مالك .... (شاف ذهب) مالهاااا شنو وقع ؟
عهد: بتوثر) ماعرفتش ...جيت لقيتها فالارض
كرم: داخل) شنو واقع ؟؟؟
عهد: عيط ليا على دااااااابا
كرم: واخا....ولاكن شكون هاد البنت اللي كتبكي
نضال: كرم عيط على الطبيب دابا ماشي وقتك هادا
خرج كرم كيجري عيط على الطبيب ولحسن الحظ ان الاطباء ديال القصر كيباتو فجهة اخرى من القصر لانهم اجانب وكيرافقو العاءلة فين ما مشات.
غيثة جالسة فبيت عهد كتسنى فيه يرجع و متوثرة
غيثة: عندو يمشي يبات عندها؟؟؟ اواعدي شفتو تعطل !!! يكون بات معاها !!!
خرجات كتزرب وهابطة فالدروج وهي تلقا الروينة نايضة فالكولوارات شي غادي كيجري شي جاي كيجري وهي جاية كتشوف مافاهمة والو
غيثة: شنيي واقع؟؟ مال هادو؟؟؟
ضربات الضورة وهي تلقا باب بيتها محلول والخدم كيتجاراو ، شافت حيهت الباب مخلوعة وسمعات صوت ذهب كتلكي وقلبها غيسك بالبكا وتخلعات وتخطف لون فوجها
غيثة: ذهب ...بنتي
مشات كتجري مخلوعة جيهتم ودخلات لقات نضال جالس فوق الناموسة شاد ذهب فيدو والطبيب كيعالج فيها والفرمليات دايرين بيها ونور وميساء وافقين وكرم كلهم مخلوعين وكيشوفة فذهب ويضحكو معاها باش تسكت ، عهد جالس على ركابين شاد ليها يديها باش متحركهمش وكيشوف فبنتو بأسى والطبيب كيغرز ليها فتحة فجبهتها وداير البنج غير للمنطقة اللي غيغرز ، نضال هز عينيه شاف غيثة واقفة مخلوعة كتشوف فيهم و عهد قدامها عاطيه بضهرو ، هز راسو شاف نضال كيشوف قدامو وتلفت لقا غيثة واقفة مخلوعة وناض ببرودة تقدم جيهتها كيشوف فيها وعاقد حجبانو ، غفلها بتسرفيقة لحنكها تا طاحت فالارض ومتوقعاتش غيضربها ، ميساء تصدمات شدات فمها ونور ارتابك من المشهد وكرم قلب وجهو حشم بلاصتهم ، اما نضال شاد ذهب باش متحركش لطبيب وهوا كيجمع ليها الفتحة وشدها معاه حتى نور واخا كتبكي وتشهق ووجها حمر
غيثة ناضت واخا ضربها نوضها صوت بنتها بغات طل عليها وجرها من دراعها بقوة وعينيه فيهم الشر
غيثة: بنتي ...مالها خليني نشوف بنتي
عهد: بنتك؟.........
جمع معاها بطرشة اخرى حتى ناض نور كيفكها ماخلاهش يضربها وهي كتبكي وتخلى مور ضهر نور وباغا تشوف بنتها اللي مخبية وسط الفرملية
عهد: جر غيثة من ودنها) دنبك ولا ماشي دنبك؟؟ هاااا؟ (طرشها) علاش تغفلي عليها ؟؟
نضال: الله يهديك اللي وقع وقع طلق من اللبنت
عهد: كن طاااارت عينها ؟؟؟ كن بقات كتبكي تا سكت ليها القلب؟ واااش كاين شي وااحد كيخلي بنت مازال ممكملاش العام بوحدها ؟؟
غيثة رجع وجها حمر ماقدراتش تهز العين وحشمات قدامهم وعهد كيحيح بلا عقل وميساء مخبياها عندها هيا ونور ، عهد كل شوية كيبغي يجرها يضربها بالجنون و نور كيتصداه ويخرج بيناتهم هوا كرم ماخلاوهش يوصلها وتا هوا مادارش جهد باش يدفعهم و يشدها بزز ، جلس قدامها فوق الكرسي وكيشوف بغضب فذهب شادينها وصدرو كينهج ويهز عينيه فغيثة كيتحلف عليها براسو وعينيه وهي واقفة جامدة مخشية فميساء
دار ليها الطبيب اربع غرزات سد ليها بيهم الفتحة وضمضها ليها و هوا كيضحك معاها باش تسكت باسها وناض خرج هوا والفرمليات وبقا نضال هاز ذهب مابغاتش تسكت ليه وشافت معا واقفة كترعد وكتشوف فيها وبدات كتمد يديها ليها باش تمشي عندها ، غيثة شافت فعهد بخوف متستأذن باش تقرب لبنتاها ، شاف فيها وقلب وجهو وهي تلاح على ذهب هزاتها عنقاتها عاد سكتات عندها وتخبات فحضنها ، وحتى غيثة ماهزاتش الراس ، خرجو كاملين ولقا عهد جالس قالب وجهو ، رتب على كتفو نضال وخرج خلاوهم غير بجوج فالبيت ، غيثة هزات راسها شوية لقات عهد شاد فيدو غطاية متلثة على شكل هرم وكيدورها فيديه ، زادت علات فيه عينيها لقاتو كيشوف فيها وحرات عينيها بخوفعهد: شوفي شنو خليتي مرمي فالارض ... (وراها المغطة) دابا هادي كن دخلات ليها فعينيها فين كنا غنوليو؟؟ هيا جاتها فالحاجب حلاتو ليها وقريب تجيها فعينها وتمشي ليها العين
غيثة : الصمت
عهد: كيفاش تخلي بنت صغيرة ناعسة فوق الناموسية بوحدها ...كتقلب وتشقلب بزاف فالنعاس و طبيعي طيح من فوق الناموسية وهي ناعسة .......كوراه دابا كانت غارقة فالنعاس تاطاحت جات عينها على هاد الزبل ديال الزاج شو كيداير ...كان غيتقب ليها عينها
غيثة: الصمت (تفكرات فاش جمعات الروايح بزربة مالاحضاتش ان مغطة ديال ريحة من الروايح طاحت فوق الزربية حدا الناموسية وماشافتهاش وهي اللي طاحت عليها ذهب وفلحات ليها جبهتها وحاجبها وكانت غتقب ليها عينها...المغطة مصنوعة من الزاج وشكلها بحال الهرم اي وجه تحط كيبقى الشكل ديالو مثلت وطالع كي الهرم ، بقات ساكتة ماقدراتش تهضر ومعنقة بنتها وكتبكي وعهد كينهج معصب وكيشوف فيها و كيتنهد ، ناض قرب ليها وتحنا على رجليه حط يدو على ذهب وكيشوف فيها عينيها كيتلسقو وكتنخصص باغا تنعس و شادة السكاتة فمها
عهد: دادي...
ذهب: اعععىء (تكمشو ملامحها وشافت فيه بغات تبكي)
عهد: والو احبيبة مكاين والو (دوز يدو على عينها) ذهب زويييينة (باس ليها يدها وهي شادة ليه فصبعو )
جالس قريب من غيثة بزااف وهي كتشوف فيه بحزن وكتبكي فصمت تا هز عينو شافيها ويدو مطبعة فحنكها وودنها حمرة ، تنهد وهز يدو حطها على خدها دوز اصبعو على الحمورية اللي عليهم وهبطها على عنقها وهي كتشوف فيها ومعسة ذهب بين يديها
عهد:عصبتيني اغيثة ...شفت الدم كان عقلي غيخرج من بلاصتو
غيثة: الصمت
عهد: آخر مرة تخليها بوحدها ولا على الاقل جمعي حوايجك ماتخليهمش مرميين قدامها وقدر تعضو ويجرحها فسنانها وهي ولات حركية كتنبش وكتجبد الحوايج...اي حاجة خطار حيديها قدامها......قلتي ليا مابغيتيش المربيات يربيو وتقابليها نتي ، ايوا حضيها متهرجيش وتخليها بوحدها
غيثة: الصمت
عهد كيهضر وهي ساكتة حتى الشوفة مكنشوفها فيه ، بعد ما برد من الغضب اللي كان عامي عينيه تنادم معاه الحال ورجع كيهضر بشوية ويدوز يديه على وجها وعنقها بلطف، قرب بغا يبوسها فحنكها وهي تقلب وجها شافت للجنب وخلاتو كيشوف فيها ، ماهضرش معاها ورجع باس ذهب وهي كتشوف فيه وناض خرج وسد الباب
غيثة: سير عند شرشابيل هي لتصلاح ليك ، مابقيتشي غنصدع معاك راسي ، والله حتى ندمك على هادشي اللي عملتي فيا ، بغيتي تمشي وتخليني سير الله يعطيك الموت
عهد خرج تلاقى مع غدير جايا عندو فرحانة مافراسها مايتعاود ووقف قدامها كيطلع ويهبط فيها عهد: اش دخلك لبيت غيثة؟
غدير: شادة حنكها) انا سمعت...سمعتها كتهضر على الريحة و...
عهد: جرها من ودنها) ياااوييلك وتكذبي تا نتي سمعتي . غنطير ليك ودنيك بجوج كتفهمي
غدير: اااااي اهىءاهىءاهىء والله منكدب ...اااي (طلق منها ) هي دايرة ليك فيها السحور
جرها من شعرها تا خرجو عينيها
عهد: واش كتسطااو عليا ولا شنووو ؟ غتهضري ولا غنعلق موك هنا واللي داز يلعب بيك ...يالاه هضري
غدير: اااااي والله سمعتها كتهضر فتيليفون مع شي واحد وكتقول راه قربات تخوى ليها وغتشري وحدة اخرى باش تسحر ليك فيها ونتا غير كتشمها كتولي تابعها ، داكشي علاش سرقتها باش نرش منها شوية و تديها فيا
عهد: تبااااارك الله ......وليتو دايرين ليا هنا رايا وسكينة . (دفعها) تحركي نشوف اش كتخراي نتي وياها .
غدير : انا والله ما درت شي حاجة ....
عهد: تحركي .
جرها داها لبيتو لاحها وخرج رجع عند غيثة حل عليها الباب
عهد: نعسات؟
غيثة: لا رد
عهد: نوضي بغيتك
غيثة: فيا النعاس
عهد: خرج فيها عينيه) غتحركي ولا نعصر موك تما
غيثة: ؟؟؟؟
ناضت مافاهمة والو دار ليها الطريق مشات قدامو
عهد: سبقيني للبيت ...تعضري ولا طلعي صوتك نجبد لسناك فهمتي
غيثة: الصمت
مشات سبقاتو وهوا رجع عند تلمربيات سيفطهم يقابلو ذهب ؛ غيثة دخلات لقات غدير فبيت عهد جالسة كتبكي لابسة ومقادة ولايحة عليها سلهام مغطية فيه
غيثة: نتينا هنا ياللفعة
غدير: مسحات دموعها) اشنو اللي جايبك يا سحااارة
غيثة: واقيلا باغي يجمعنا انا وياك فوق ناموسية وحدة باش تا وحدة ميبقى فيها الحال
غدير: بزااف عليك يا سحااارة حتى نتجمع معاك
غيثة: السحارة هيا يمااااك...ياك قلت لك قريب تسمعي سميتي ...ايوا سمعتيها ولا باقي؟
غدير: هي كتسحر ليك فالريحة داكشي علاش انا سرقتها ليها باش ...باش...باش نجرب منها شوية ، سمعتها كتهضر على داكشي فتيليفون مع شي سحارة كتسحر ليك باش تبقى تشم ريحتها و تبعها
عهد: شوفو نتوما بجوج ...غتوضحو هاد التخربيق ديالكم بلا كذوب ولا غنحطك نتي وياه فكرسي الاعتراف وتخضعو لآلة كشف الكذب ، وبربي ونلقى شي وحدة كتكذب فيكم مانعقل عليها ، بالاخص نتي يا حطب جهنم غنوريك الحلوف اللي ولفتي ولا كيجيك ساهل دغيا تسلكي بيه
غيثة: كتبكي) انا واحق...
عهد: غوت) بلاااا حلوووف
غيثة: مكنكدبشي ...اذا بغيتي نكلسو فالكرسي (كدمع)
عهد: غدير ...عندك فرصة دابا ، تعتارفي نتي وياها وبربي تا نسيفطك لداركم الى ماقلتيش الصراحة قبل ماتخطي قزيبتك فوق كرسي الاعتراف حتى نرجعك عند باك سحري عندو ...وليتو تسحرو وتافقتو مع الشيطان و كتخططو وانا ناعس على ودني !
غيثة: لاعساك...انا بلعاني هضرت فتيليفون قدامها باش تمشي تسرق لي الريحة و تشمها فيها تينا وتخرجها ونقولك انا راه. ..راه...راه هي زعماكينا سرقاتها لي باش تينا تخاصم معاها و متقربشي ليها باش ماتاخدش داكشي
عهد: بجوجكم متخلفين ... مهم .....غدير غترجعي لبيتك ، هاديك اللي معاك غدا منلقاهاش كدور هنا ومنشوفش وجها فهمتي ، مغنحطش فيك مي العلاقة بيني وبينك وقفات هنا ... مشات تيقتي فيك اغادير
غيثة: حتى انا قبلت بيك فلحضة كانت معمية ليا البصيرة ، تزبل فيا قدامهم وانا اللي كنتكى عليك باش حتى واحيد ميبهدلني صدقتي تينا اللي بهدلتيني
عهد: انا كنت معصب لاقصى درجة كنت غندير هاكاك مع اي واحد ونتي جيتي فطريقي ، كذبتي عليا فوجهي وزدتي خليتي البنت بوحدها...راه عييينها كانت غتمشي واش كتفهمي ...راه عينيها ونتي همليتها وهادشي خرج ليا عقلي ، البنت صغيرة خاصها اللي يبقى فجنبها و انا ميمكنش ليا نقبلها...مورايا خدمة خصني نتبعها و مع ذالك كنعطيها وقتها ، مبززتش عليك تقابليها بزز منك ونتي ختاريتي تقابليها ، وشوفي شنو وقع، بافة صغيرة وغرزنا ليها حاجبها وحفضها الله اما كن تغرس فعينها داكشي ، كي بغيتيني نكون ؟؟؟
غيثة: بنتي حتى انا و ماقصدشي نخليها بواحدها ، خرجت غير لاش نفكك تينا من داكشي اللي كانت غتعمل ليك الاخرى
عهد: سمعي اغيثة، انا عصبي ..كنفاعل مابقاش عارف اش كنقول ، كلشي عارفني كنفاعل و معصب وكنخرج الهضرة فديك اللحضة وكنرجع ندم فاش كنبرد ، هادشي بالخصوص اللي وقع ليوم لذهب راه خلاني نلوح ليك اللومة حيت نتي اللي مسؤولة عليها ونتي اللي قررتي هادشي ، ديك الهضرة اللي قلت ليك راه ماطالعاش من القلب وضربتك على الكذوب والاهمال ، انا مشغول وعليا الضغط هاد الايام وهادشي اللي وقع خلاني نفاجر عليك بلا منقشع
نضال: والله مكاين اللي غيخنقني قدك ، وا 12 ديال الليل وغادي شاد الطريق باش تسورفي فنصايص الليل؟
عهد: و صافي الواليد الله يحفضك مافيا اللي يهضر
نضال: رجع بحالك تا لصباح وسير غرق نتا كاع
عهد: لا لا مغنرجعش مغنرتاحش تما غير خليني هاكا مرتاح مهم بلا متخلع الواليدة خليها مرتاحة...
قبل مكيمل عهد هضرتو تسمع فران سيك فودن نضال وصوت اصدام شنيع بحال شي قنبلة وتفركعات خلا نضال يتهز بالخلغة
نضال: الوووو..عااااااهد عاااااهد..تيت تيت تيت
مروى : اويلي ...شنو واقع؟ مال عهد ؟ شنو كاين مالك كتغوت؟نضال: (كيتفتف ) والو خليك عنا هانا جاي متحركيش ومتخلعيش (باس ليها راسها ) انشاء الله ماواقع والو
خرج كيرجري هابط فالدروج تلافى مع نور تا هوا نازل لابس توني مخلوع
نضال: شنو وااقع .
نور : ماعرفتش قالو ليا كسيدة خايبة فباب القصر
خارجين كيتجاراو و كيهضرو مخلوعين
نضال: ناري غيكون مشاااا...كان كيهضر معايا تا سمعت بووم
نور: طلع طلع دغيا انشاء الله ميوقع ليه والو
نضال: خوك مشااااا انووور...مقادينش على صدمة ...مانقدرش نخسر عهد بعد ما كبرتو تا ولا راجل كيدخل ويخرج عليا ومعمر علينا فاللخر يتبخر بحال الى عمرو مشا فوق الارض
نور: سايق) موقع والو ...انشاء الله باقي غيدخل ويخرج قدامنا ويحمقتا ويقتلتا كااااملين بالخلعة والفقصة والغدايد ويبقا هوا غير تهنى
وعد: ماوقع والو اماما علاش كتقولي هاكا ، مالكي ؟ شنو وقع ؟ واش نور ؟
مروى: اويييلي على نووور ، واا عهد اللي غيجيب ليا نهايتي
وعد: مشكيييلة هادي عاوتاني ، كل مرة عهد طالع بشي كارتة
ميساء: جاية كتجري) مالكم مال نور نفز من غوق الناموسية كيطير ؟؟؟ حساب لي نتي يا خالتي اللي وقعات ليك شي حاجة
وعد: ماشي عهد اللي ماعرفتش شنو وقع ليه؟؟؟ مافهمناش شنو كاين
ميساء: اويييلي مالو ؟ ياك ما دابز مع شي حد ؟
مروى: لالا كان كيهضر مع باه تا بدا كيغوت وخرج خلاني كنشوف فالسما (شادة فقلبها)
فتلك الاثناء كانت ملاك كتسنط عليهم من بعيد ورجعات كتجري كتقلب على بيت غيثة حيت مافراسها راه كاينة فالقصر هي وعهد ، كل واحد فجناح والقصر كبير عندو البيبان لتحت كثار قليل فين كيتلاقو ومل واحد كيدخل من باب اللي كاتجيه قريبة ، مشات كتجري كي الحمقة كتقلب وتجري فالكولوارات وتسول الخدم تا لقاتو وحلات الباب بلا ما دق لقات غيثة جالسة مركنة كتخمم ، هزات عينيها فيها وهي تعبس
غيثة: ماما؟؟؟ شني جابك عندي؟
ملاك: اوييلي نوضي نتي هنا وانا مافراسيش ...راجلك وقعات ليه شي حاجة ومات والدنيا مقلوبة برى ونتي ناعسة هنا؟
ملاك كتشدها والخدامات كيشدوها ومروى غتسخف بالخلعة وكتشوف غيثة كتمرغ ليهم فالارض كي الحمقة وضرب راسها بغات تسطى كتزيد تكمل على مروى ، دارو كنازة كاشي تزاد معاهم الزايد ، نور شد الفران فالباب الكبير لقا الروينة مرونة وطونوبيل كحلة دخلات فالحاجز ديال الحديد اللي كيحطو لاش ميدخل تاواحد ، تعجنات الطونوبيل وتفرع السيستيم ديال الباب الاوطوماتيكي وطاح العمود الحديدي فالارض وجوج من ليكارد كورد مجروحين وطونوبيل دعهد واقفة فالجنب ، نزل نضال ونور مافهموش اشنو وقع والجوقة ديال ليكارد كورد مجمعين على الطوموبيل اللي تعجنات وتلاقاو مع لومبلونص داخلة كتغوت ، دخلو وسط ليكارد كورد يشوفو شنو وقع لقاو عهد شاد غدير فيدو وهي مخلوع و وجها مضروب فاقدة الوعي ومطخطخة فغضامها، حطوها فلومبيلونص مستعجلين بيها ونضال ونور غير كيشوفو مفهموش اشو واقع تا مشات لومبيلونص كتغوت نور: اش واااقع ؟
نضال: (شد فعهد) شنو وقع ؟؟
عهد: (كينهج) مافهمت تا لعبة جيت خارج كتبان ليا طونوبيل قداميي بفات تخرج و ليكارد كورد كيشيرو ليها توقف وهي غادا بسرعة مابغاتش توقف تا دخلات فالباغيير تفرعات وشديت الفرحان خرجت لقيت غدير هي اللي سايقة ...مهم انا نتبعاها لكلينيك
طلع كيجري فطوموبيلتو كسيرى وخرج كطير تبع لومبيلونص ونور راكب حداه ، اما نضال هز تيليفون يعلم مروى باش متخلعش لقاها سخفات وسخفات حداها غيثة والخدم ضايرين بيهم خدا السوارت ديال سيارة من السيارات ليكارد اللي واقفين فالباب وقلب الدورة كيطير راج لداخل يشوف الروينة اللي وقعات عند النسى، دخل لقى كل وحدة فين مجبدة كيفيقو فيها ، غيثة حالتها حالة منعسينها فوق الفوطوي كيفيقوها ومروى جالسة لايحة راسها سخفانة و وعد شادة ليها راسها ، نضال بقا واقف كيشوف ومشا عند مروى شد ليها وجها كيضربها تفيق
نضال: ميمي...مروى...فيقي راه ماماتش باقي حي ...مرواااا فيقي نديك راه مزيان
مروى كتحل عينيها بزز وكتشوف فيه كتستوعب ودخل مع المسامع ديالها ان عهد باقي حي عاد توكضات شوية وشربوها الماء وخلاها ومشا عند غيثة حط يدو على راسها لقا الحرارة طالعة ليها
دخلو غيثة لبيتها ودخلو ليها الطبيبة ، مروى داوها للبيتها ترتاح وجلس حداها نضال ، ميساء و وعد وملاك مشاو عند غيثة بشوفو واش فاقت ودخلو لقاو الطبيبة كتقلب الحالة ديالها.وصلات لومبيلونص لكلينيك و عهد ونور موراها دخلو غدير لمستعجلات وبقى عهد ونور برى كيتسناو الاطباء يردو عليهم شنو كاين، جلسو كل واحد فاش كيخمم ...
نور: كيفاش؟
عهد: ماعرفتش ، نوفمالمون فاش كتوصل لباغيير مغيهليوهاش تخرج تا يعيطو لينا وهي يقدر كلنت معصبة مابغاتش توقف ودخلات فيهم طول وعرض
نور: اففف ...مشاااكيييل ، وعلاش هادشي كامل؟
عهد: دابزت معاها ويقدر ماعجبهاش الحال ودارت فىاسها هادشي!
نور:حتى نتا اصاحبي كتزرب كتر من الوقت ، دغيا كتنفاعل ويديك كيسبقوك، علاش درتي لغيثة داكشي ..بقات فيا والله
عهد: صاف تا نتا ، بنادم هوا هادا ماتزيدش تكمل عليا ، شفتيني مطفرو ...خلينا ساكتين الله يحفضك ولينا ساكنين فالكلينيك كل مرة جايين ليه
بقاو جالسين تا خرجو عندهم الاطباء
الطبيبة: مسيو سقراط...ماعرفتش اشنو نقول ولاكن ...مع الاسف المدام خسرات البيبي و هي دابا تحت العناية المركزة ، غدا انشاء الله نطلعوها للغرفة ديالها ، عندها كسر فالعنق واليد وخدوش على مستوى الجسد وعاد الاجهاض زاد اثر عليها .
عهد: (بأسى) قدر الله وماشاء فعل...بون، غندخل نشوفها
الطبيبة: تفضل.
دخل عندها لقاها فاقدة الوعي وانبوب التنفس على فمها وصوت التخطيط ديال القلب كسر الصمت ديال الغرفة ، وقف حداها كيشوف فيها بأسى ودوز يدو على شعرها ، بقا بضع لحضات واقف حداها حتى دق عليه نور و خرج عندو
عهد: كيضحك) نعلي الشيطان داكشي ديال الله ماشي ديالي انا (تكى ليها راسها على سدرو) الى بغا الله جوج علاش لا ، مسحي ديك الفكرة من بالك وتهناي
غيثة : بغضب) راه شرشابيل تولد ليك حتى 8
هز ليها راسها وشاف فيها بجدية
عهد : غيثة ....غدير طاح ليها البيبي ، راها فالكلينيك ناعسة دابا ، عارفك غيعجبك الحال و تفرحي ولاكن حزنت على البيبي اللي مشا ، بقا فيا ....مي نتي فرحتيني دابا ونسيت الحزن اللي شدني فديك اللحضة ، غدير مريضة وخليتها وجيت عندك ، غتبقاي عزيزة عندي الى خليتي راسك بعيدة عليها ومن الاحسن متقوليش ليها كاع نتي حاملة(كط يدو على خدها ولدا كيداعب شفايفها بصبعو) باش هي متآديكش ونتي متخليهاش تحس الحرقة على ولدها اللي طاح ، مبغيتش هاد البيبي توقع ليه شي حاجة احبيبة .....خليك فبيتك وحافضي على هاد البيبي حيت انا باغيه
بغات غيثة تجاوبو بقوة وتراجعات عضات على شفايفها وسكتات ، قلبات وجها كتشوف جنب وعلامة الانزعاج على وجها ، لاحظ عهد هاد العلامة وبدا كيدوز يدو مع خصلات شعرها بحنان وكيهضر بصوت خافت كيتأمل ملامحها
عهد: قلت ليك هاكا احبيبة باش منزيدوش نطيحو فالمشاكل ... عادي انها تكرهك وانكي متحمليهاش ، وهادشي باين ان كل وحدة باغا تجرني لجيهتها وكدير المستحيل باش نقرب ليها، ولاكن هادشي مكيعنيش انني غنتجر بسهولة فهمتيني ، قلبي فيه وحدة ...هاد الوحدة هي نتي (دور ليها وجها بلمسة من يدو وهوا كيفسر ليها) خوي راسك منها باش متحطكش فراسها ونولي انا بحال لاربيط بيناتكم ، كل وحدة دخل سوق راسها والحقيقة راها باينة ...نتي هي قلبي ونتي روحي ونتي كلشي وممحتاجاش تنافسيها ولا تفقصيها ، عمري وقتك ماتبقايش غير جالسة وكتبلاني.
شافت فيه بحزن
غيثة: انا مابغيتشي ليها داكشي اللي وقع ، واخا مكنحملاشي بالحق منقدرشي نتشفى فيها ولا نآديها.....نتينا حساب ليك انا غيعجبني الحال ياك؟ لا واخا بغيت ولاكن بقات فيا
ابتاسم ليها ودخل صبعانو في فروة شعرها وجبمع ليها وجها بين يديه تا خرجو شفيفها وباسها يتلدد من شفايفها وهي كتشوف فيه ببراءة
غيثة: لا رد (شافت جنب هازة خنافرها فالسما عاجبها الحال فداكشي اللي دوزات عليه ، بقا كيشوف فيها بإعجاب مبتاسم و كيعجبوه حركاتها ونضراتها الصبيانية واللي بعض المرات شريرة ومع ذلك كتبقى البراءة على وجها واخا كتشوف فيه بشر
عهد: بجدية)غتبداي تقراي
دورات وجها بزربة بحال الى قالها غنقتلك
غيثة: كتوسل) لا بلاااش
عهد: بزز منك
غيثة: بدلع) لا ...مابغيييتش...مكنحملاشي
عهد: غتقراي حبيبة بغيتي ولا كرهتي ، غيجيو عندك الاساتذة يقريوك فالدار ، غتكملي من المستوى اللي بديتي واخا نتي فالصراحة خاصني نبدى معاك من الابتداءي ياالاه تجي مع مستواك الدراسي قد قد
شافت فيها بارتباك مكحلة بالعما وتحنات على الورقة وتحنى شعرها غطا كلشي ، رجع ليها شعرها كامل للجنب واحد للجهة الاخرى باش يشوف شانو كتكتب ، بدا كيملي عليها وهي مركزة فالورقة تا سالات وهزات راسها شافت فيه لقاتو مطلع حاجبو مستفهم من داكشي اللي كتبات ، قلب الروجيستر عندو مستغرب ورجع شافيها وبدا كيضحك ويضوف الورقة ويضحك
شافت فيه مكمشة وحانية راسها فكرها فزبلتها اللي دارت لول مرة وبقا كتشوف فيه بين حجبانها وهوا ساهي فيها الضحكة كتخرج ليه مع النفس وهي كتاكل فراس دالقلم تا غززاتو كامل بلا متشعر
بقات حانية راسها قارمة كدور فعينيها و ودنيها حمارو كي ديما فاش كتحصل او كتعصب او كتحشم، بقا كيشوف فيها بحب وعشق وجرها من دراعها ضمها لصدرو و هضر معاها بدلع مع مداعابات فوجها وشعرها عهد: قولي ليا ...كيفاش قضية داك المساج اللي سيفطتي ليا ، امم؟
هبطات راسها كتهرب وغرقات من الحشمة وهي كتسمع صوتو الروجولي وابتسامتو ونضراتو اللي كتخليها تحشم تا كيبغي راسها يطرطق ، تكى على ضهرو وهزها فوقو ، تكات بيديها على صدرو وكتبان فوقو كي النملة واحلة مع شعرها مرة تجعو يمين ومرة يسار
غيثة: انا كنت عنصردو نواحيد الولد منعرفو كيعاوني ديما ...
عهد: بلهجة مرحة) هممم....كيعاونك تنقلي ديما
شافت فيها منزعجة وقلبات وجها جاوباتو بقوة
غيثة: كاشي سوقك ، لنا غلطت فيك كان عند بالي كتكتب ليه ، شني يحسابك انا حمقة نصردو نواحيد مكنعرفوشي
عهد: هممم...وشنو كتدير عندك انا تما حتى شيفطتيه ليا
غيثة: بتردد) ايوا راه..راه غير ك..كككنت
عهد: ك ك ك ...
غيثة: ككنتي طلعتي لي وصافي
عهد: (باسها فعنقها) اممم..انا جن ؟
غيثة: هربات وجها مرتاعشة) و ووراه كنت صراحة كنشوف ...ماعقلش!
عهد: غير هضري دابا ..بلا متنكري، كنتي باغا تشوفي تصاوري؟
غيثة: كنت باغيا نبركك وصافي
عهد:باستغراب) وصيفتي ليا انفيت!
غيثة: ايوا غير سيفتها وصافي (بقات ساكتة شحال كدور فعينيها) شوف ..انا غير كنت بغيت نتعرف عليك وصافي ، بقيت كنطل على تيليفون نشوف واش قبلتي لانفيت ودخلت للقسم ماحسابليشي عندنا فرض عند كونيكسيون
عهد: لاستغراب مطلع حاجبو) عند من؟
غيثة: حلى ليها الكلام) هههه عند كونيكسيون ههه استادة د الفرنسية سميتا عليها كونيكسيون حيت شااارفة وكتنعس شي مرات ...زعمة بحال الكونيكسيون مرة كتكون مجهدة مرة كترجع تقيييلة كتعيا و تحط راسها فوق المكتب وتنعس
عهد: ههههه ايييه
هزات راسها كضحك عجبها الحال تشارك مغامراتها وحلى ليها الكلام وهوا كيشوف فيها مبتاسم وميتعجب لمغامراتها مع البنات ، بدات كتعاود وكتحدف الزبايل الخايبين وهوا كيسمع ليها ويضحك وكل مرة يبوسها فبلاصة ، مرة فنيفها ومرة فعينيها وهي كتعاود ببراءة وعينيها كيلمعو وكتبدى ضحك قبل متكمل الهضرة ، بقى مراقب ضحكتها وكيضحك بشوية بلا ميفرط فالضحك عكس هيا كضحك حتى كتعواج و كتلعب بشعرها وهادشي خلاه يتبع حركاتها وعينيه تقال جاه النعاس ومخليها كتنقز فوقو ، فشل وخشا يديه تحت راسو وتنهد وشافيها
سرح رجليه فوق الناموسية بعد ما كان هازهم وهي جالسة على كرشو وماكية عليهم كتعاود ليه وحلات الصدفة والسنسلة وهي تقيس المعلم لقاتو كان مزير تحت السروال ، دارت راسها مشات والو وكملات السروال جراتو وجرات ليه التقاشر وهيا تقيسو من لتحت وهرب رجليه، هضر بصوت فشلان فيه نبرة ديال الضحك بزز باش كيخرج الهضرة
عهد: هداااي الله ينعل ..
غيثة شافت فيه كضحك ضحكة شريرة عاقت بيه كيتهر من تحت رجليه وبغات تشدو بسيف وهوا كيضحك وكهرب رجليه وهيا تابعاهم عهد: هههههههه راه غنمشي نركلك لسقك مع الحيط
غيثة: ههههههه غنشد عي واحدة
فرق رجليه وحدة فليمن وحدة فليسر وهوا ناعس على ضهرو تقشيرة محيدها وتقشيرة مالحقاتش تحيدها ليه ، حلهم تفرقو وبحكم جسمو رياضي وعضامو مسرحين فرقهمو بسهولة فخط واحد بحال صحاب الجيمباز وشاف فيها كيضحك وشار ليها بعينيه
عهد: شدي الوسط دابا هههه
بقات كتشوف فيه مصدومة
غيثة: ياااه كطلقهوم؟؟؟ كيفاش عملتي لها
عهد: جر رجلو حيد تقشيرة ) اجي نوريك كيفاش
غيثة: بغباء) صعيبة؟
عهد: ساااهلة ، نتي غتهزيهم فالسما
تدفع دفعة وحدة لقدام جرها بالخف ورجع على ضهرو وقلبها جنب تكاها على يدو وخشا يدو تحت حوايجها كيلمس جسمها بحنان وكيقبل شفايفها وهي كترتاعش وتهز من بلاصتها ، غطا ليا وجها بقبلات ساخنة فوجها كامل وجردها من حوايجها .
تقطع الحس فالبيت وطفاو الضو وبقاو كيتسمعو تأوهات خفيفة وكلام كيتهمس فالاذان بصوت خافت وضحكاتها الخفيفة مع تأوهات خلاتو يتأوه بصوت خافت من حين لآخر من شدة الرعشة .
⛅اصبحنا واصبح الملك لله
حلات عينيها كتشوف الشمس خيوط الشمس كتسلل للبيت ، شافت فيه وهوا ناعس خاشي وجهو فعنقها وشعرها مدلي عليه تا مابقاش كيبان ومعنقها بيديه بوجوج من خصرها وخاشي رجلو بين رجليها ومغطيين بغشاء ابيض ، حطات يدها على ضهرو وفلحضة تحركات بغات تنوض حس بيها وزير عليها كيلمح ليها تبقى فبلاصتها بلا ميهضر ولا ينطق ، دارت ليه خاطرو وبقات كتسناه ينوض مدة جويلة وهي كتلهب ليه فشعرو الاسود الداكن اللي كينزلو على عينيه خصلات رقيقة وهوا فالب وجهو لارض ، هيا كتجعهوم للور وهما كيتقلبو لقدام ، شدات خصلة من جيهت الجبهة وبدات كدفر وتلوي علوتاني كدوز الوقت تا فاق حل عينيه فيها بزز وهضر معاه بصوت تقيل
نزل جرها من يديها كتهرنن ما بغاتش تنزل وغادي جارها وهي كتهرنن تا داها لاحها فطوموبيل صغيرة ميني كوبر جديدة حمراء وصغيورة ، حلات عينيها وهي ضحك بالفرحة وقلبات الدورة كتجري بغات تركب
غيثة: هييييه !!! ديالي هادي
عهد: اه ديالك ...فيها غتلقي يديك حيت هادي صغيرة ...تعلمي فيها بعدا ومن بعد دوزي لديك الكبيرة باش ماتخشيش راسك فشي حاجة
غيثة: هههيييهي بوحمرون هههههخخخ لا عساك غنسيميهاااا(كتفكر) امممم؟؟؟..ماريا.!
عهد: ههههه...نتي علااام...ها ماريا ها صوفيا !!! على هاد الحساب سمي ليا حتى طوموبيلتي
غيثة: واش هادي اللي متكي عليها ديالك؟
عهد: وي حتى هادي ديالي
كان متكي على بورش فشكل فراري رياضية فالستيل ظيالها ولونعا اسود ماط كااملة وزاجها اسود مكيبينش
غيثة: هادي نسميوها باطمان ههههه
عهد: ههههه (جرها عندو عنقها من خصرها) ايوا وهاديك
شار ليها بعينيه للفيراري الذهبية وهي صحك تا بانت ليها الضرسة
غيثة: شميسة ههههه حيت مذهبة كتبري بحال الشمس وهادي باطمان كتخلع ولا نسموها اوباما !! وانا عندي هاد زوينات ديالي وحدة ماريا وحدة صوفيا
عهد: فخبارك نتي حميمقة خهه
غيثة: وا حيت نتا هبيل
عهد: كاااينة (باسها فنيفها)
غيثة: يالاه علمني دابا (كتمسكن)
عهد: عرفتي شنو ، انا عندي واحد الغرض خاصني نقضيه ، عيطي لوعد ولا ميساء يعلموك حتى نرجع واخا
غيثة: اه صافي غاترجع تلقاني تعلمت
عهد: غنرجع نسلخك على القراية ...اجي فين تيليفونك؟
غيثة: (خشات يدها فالجيب) هاهوا
عهد: انا غنصيفط ليك شي حاجة فيه ...دابا ماعنديش الوقت غنمشي ، يالاه سيري دخلي تا نرجع
غيثة: غنمشي نعيط نوعد تعلمني
عهد: (ركب فطوموبيلتو) يالاه سيري
باستو وعنقاتو تا عصراتو ومشات بقا هوا كيضحك ورجع بللور خرج طوموبيل ومشا ، يالاه وصلات لباب بغات دخل وخي تشووفو مشا ورجعات كتسلت للفيراري للي جاب ليها وكتفرنس
رجعات كتفرنس تا وصلات للفيراري و وقفات كتشوف فيها عينيها كيبري وحالة فمها بحال الى كتشوف فشي حلوى ، بقات كدوز يديها عليها وهي تحل لباب دخلات وجلسات جاتها الكلسة ناعسة وماكيبان ليها والو الكرسي راجع لوور ، بقات كتقاتل معاه باش يرجع القدام وتوصل رجليها لفران وكسيراطور لان الفيراري كتخدم اطوماتيك ومعندهاش لومبرياج فالرجل عندها فاليد فالفولون ، هي ماعارفة عليها تا حاجة وماعارفة حتى منين تشعلها وطفيها ، بقات كتشوف وتقلب وتجرب بيديها وصبعانها وفين ما بانت ليها شي بونوطة كتجرب الضغط عليه كي داير ، خلات الكرسي ناعس ماعرفاتش تقادو وستاقمات ضهرها وكحزات للفولون كتشوف في حيرة ، بركات على زر وهي تشعل tableau de bord اللي قدامها ، هزات راسها فرحانة وبركات على زر كضحك ماعطاها والو وبقات كتشوف فيه ودورو من 1 حتى 10 وكتسنى شنو يعيطها تا حسات بالكرسي اللي جالسة عليه كيسخن تحت قزيبتها غيثة: اااه...هادا كيسخن الكرسي ، ههه نيت باش ميطلعشي معايا البرد ....كفاش كتمشي هادي؟؟ افف نحركها غير من بلاصتها شوية ..امممم؟؟
حطات صبعها على واحد الزر وهوا يصوط فيها الريح فوجها وبقا كيزفر خلعها وبدات كتزرب طفيه ماباغاش يطفى وجلسات كتبرك هنا وهنا وهيا تشعل الضواو الامامية وبان ليها سوير كلاص كيمشي ويجي فالزاج وتخلعات بقات كترعد ماعرفاتش كي طفي داكشي ، كملات شغلها كتحاول طفيه وهي غير كتكفسها ، تا حسات باكرسي للي جالسة عليه كيطلع بيها وهي مخرجة عينيها
طلعها تلسقها مع السقف قوس ليه ضهرها وعوج ليه عنقها ورجعات بركات باش يهبطها وهو يزيدها لقدام تا لسقها مع الفولون ومابقاتش قادرة تحرك تكوانسات ، كلشي ولا خدام شي كيسوط شي كيزنز وحتى من الراديو خدم والسويركلاص كيمسح الزاج والمرايات ديال برى كيمشيو ويجيو والضو كيشعل ويطفى وهي واحلة باغا تنزل ومعلقة ماعندهاش فيه تفنفن ، بغات تبكي وتعصبات مللي شافت كلشي خدام وكرشها لسقات مع المقود زادها بالكلاكصون تاهوا شدها دقة وحدة " طيييييييييييي....." مابغاش يسكت ، وهي مرعودة باغا تهرب سمعات صوت بغا يخرج من الطونوبيل كيغوت زاد كمل عليها
عهد: واااااااا نزلييييييييي يا بنت الق.........مازاااالة جالسة؟
غيثة مكتجاوبش حيت مافهمة والو وماعارفاش الصوت واش جاي من الراديو ولا منين جاي شبع فيها سبان وهي ساكتة كتبكي ومكتهضرش تا حل عليها كرم الباب لقاها معلقة والكرسي عجنها مع السقف وسكت داكشي وجبدها كتلوى بالبولة حشمات تشدها بيدها وكتبكي و جها حمر ودنيها حمارو وشعرها تشعكك وكرم كيصبن فيها ماخلاش ليها من جهدو فالسبان وصوت عهد كيحيح من لداخل وكرم كيجاوبو ..
كرم:بغضب شديد) واش باغا تموووتي؟؟؟ شي حاجة مافاهماااش فيها ماقربيييش ليها ...كن تعجنتي دابا فين غنوليييو؟ هااا؟ راه الحدييييد هادا ماشي البووونج، اخر مرة تقربي لهادشي هل ودني منك...يالاه زيدي قدامي .
أنا أحترق الجزء 38
محتوى القصة
التنقل بين الأجزاء