غيثة: لا رد (مكتشوفش فيه ، كل شوية تهز عينيها فرياض وهوا كينقز فوق رجلين نور ، كتشوف فيه ببراءة باغا ضحك معاه ، نور كيهضر وملاحض تعالير وجها اتجاه رياض ، قرب ليها رياض ليديها بغا يعطيه ليها ، وهضر بلهجة مرحة
كيشير بصبعو جيهت ذهب وكيبكي حيت يالاه عطاها بوجهو يبوسها وهي تزعرط
نور: صافي صافي ...دابا تبوسك
غيثة: انا نبوسو هههه
باستو وغيثة وهي تعواج من العضة اللي طلعات معاها ذهب فعنقها تا غوتات وشدات ليها شعرها جراتو والبكية فيها
غيثة: ااااااااي اييييي اااااح
فكها نور من يدين ذهب للي لسقو ليها على شعرها بالكشيفة وهي طلق زواكتها كتبكي مابغاتش طلق ومرضاتش يحيدو ليها يديها ، وجلسات كتبكي وبكات معاها تارياض وبدا نور وغيثة كيضحكو
رياض كيبغي يلعب معاها وديما كضربو قليل فاش كيضربها وفين مايضربها كيخلي فيها الامارة و كيرجع يبكي عليها ويلعب معاها وكبر منها فالجسم وفالسن وهي طبيبزة وحاكرة عليه ويدو يدور ويرجع عندها كيضحك وكينسى دغيا عكسها هي كتبقى عاقلة مكتنساش ودقتعا كتبقى ساكتة عليها تا كتعطيعا ليه مشحرة . تسامحات غيثة مع نور بلا متشعر بدات كضحك هي وياه ولاحض براءتها ونيتها وطريقتها معاه كأن شيءا لم يكن وهادشي خلاه ساهي فيها وفالعفوية ديالها و هادشي خلاه يندم على طريقتو فمعاملتها لآخر مرة ، جبدو الستيلوات لرياض وذهب وعطاوهم دفتر قدامهم يخططو فيه ، تا وصلات الاستاذة اللي غتقري غيثة ولقات التحية وجلسات ...غيثة مارضاتش قدام نور حيت الكتب اللي قدامها ديال التحضيري وتا هوا باتسام ودار راسو مافاهم والو ؛ هز ذهب فيد ورياض فيد و وقف كيضحك معاهم
داهم كيهضر معاهم وهي توقف غيثة مغوبشة جمعات الكتب والدفاتر والستيلوات عنقاتهم وشافت فالاستاذة
غيثة: يالاه نطلعو
ناضت الاستاذة وقفات مبتاسمة مافهماتش غيثة اش فالت حيت نصرانية وكبيرة فلاج وشعرها زعر وكلاص تبعات غيثة حيت مارضاتش يهبط شي حد يلقاها كتقرى وبغات تقرى بالتخبية بلا ميعرفها شي واحد واخا كارها القراية ومايجي منها ...
طلعات غيثة دخلات لواحد البيت كبير الفوق فيه فوطويات وعندو بالكون كبير محلول وفيه فوطويات فالشيبي ومخاد فالاسفر والغوز ، مبهج بالالوان ، حطات الكتب فوق الطبيلة وجلسات ربعات كتسوط ، الاستادة كتهضر وغيثة ساهيا كتقول غير "oui" ، بقات مع الاستاذة تا سالات الحصة وستأدنات الاستاذة ومشات وغيثة كتبات داشي اللي قالت ليها وماشدات منو تا لعبة وهي تقلب الورقة جبدات الملونات كترسم وتلون .عهد دخل لقا غدير تحولات لغرفة اخرى وحالة عينيها كتبكي ، شافت عهد وهي تفركع بالبكى ، وقف حداها في حيرة كيدوز يدو على راسها كيواسها و ساكت
عهد: (شد ليها فيديها) مهم ...اللي وقع وقع ، بلا منزيد نكمل عليك كثر من هاكا، الغلط ديالك نتي محافضتيش على ولدك فمكاين لاش تبكي عليه دابا ، واليديك هضرت معاهم باش يجيو يشوفوك وراهم دابا غيكونو جايين
بعد بضع ساعات على الجلوس ديال عهد مع غدير دخلات وعد ومروى ومعاهم كرم ونضال جاو يشوفو غدير ويطمأنو عليها ، فهي كتبقى مرت ولدهم و كتنتمي للنسب ديالهم ومن الواجب يكونو معاها فأزمتها كونها كتبقى وحدة منهم .ملات غيثة من الكلاس بين الكتب وهيي تنوض كارها القراية ، هبطات لقات ميساء جالسة معنقة مخدة ويدها على جبهتها وساهية كتخمم ، وقفات غيثة كتشوف فيها فالدروج وكتبلاني ودوور فعينيها وهي تبتاسم ونزلات جلسات حدى ميساء كتفرنس باغا تجبدها ، شافت فيها ميساء وابتاسمات
ميساء: (مع ابتسامة) غيثة ؟ سافا ؟
غيثة كطلق ديك الابتسامة البريءة تا كتخلي لي شافها يدمعو عينيه وبلانها فراسها كتسبق البراءة قبل كل شيء
غيثة: ههه الحمد لله ..كتهضري العربية!
ميساء: بثعلتم) شوية ...عاد كنتعلم
غيثة: اااه ...ههه عرفتي عهد شرى ليا طوموبيل ياكي...وبغيت اللي يعلمني نسوق ولا غير اللي يوريني كيفاش نخدمها حيت فاش جلست فيها روناتني
ميساء: اوووه بصاح ...نعلمك احبيبة ماعنديش مشكل
غيثة: امممم....(ببراءة) يااااي شكرا ...بلاتي ولاكن علميني فوحدة اخرى حيت هادي كيطلع منها عهد كيغوت !!
خرجات غيثة كتبحلس على ميساء داتها وراتها الطونوبيل وهي تصدم ميساء فالشكل ديالها وعجباتها تا بداو عينيها كيبريو ، شوية وهي تجمع الابتسامة وبان الحزن على وجها ولاكن غيثة ملاحضات والو
غيثة: يالاه نمشيو نتعلمو فماريا
ميساء: ماريا!!!!
غيثة: ااه راها (شيرات بصبعها)
ميساء: !!!!....امم...هانتي سيري نتي عند ماريا هانا غنجي عندك دابا
غيثة: واخا
مشات غيثة وقفات فرحانة حدى الميني كوبر وميساء دخلات مغوبشة كتقلب على نور تا لقاتو جالس مع ذهب ورياض مقابلهم باش ميدابزوش وقفات قدامو كتسوط باغا تبكي ، هز نور عينيه شافيها واقفة منزاعجة وسولها
نور: مالكي؟ شنو واقع ياك لاباس؟
ميساء: غيثة
نور: باستغراب) مالها؟
ميساء: بنبرة حزينة)شرى ليها عهد فيراري وميني كوبر
نور: مزيان ...ايوا فين كاين المشكل؟
ميساء: نتا عمرك شريتي ليا شي حاجة (بدات كتبكي)
نور: ميساء واش من نيتك؟؟؟ راه عندك فيراري وكتعزلي وتخيري فالطونوبيلات كي بغيتي مالكي جاتك الغيرة؟ كل مرة كنجيب ليك شي حاجة وكل مرة كادو وغير شفتي دابا غيثة جاب ليها عهد طوموبيل واقيلا لاول مرة تشوف منو شي حاجة وجات الغيرة ؟ وراكي بعقلك زعما
ميساء: لا اخويا انا مسطية ...هي كيبغيها راجلها ونتا مكتبغينيش ، هي جاب ليها فيراري اخر ماكاين وانا عندي هاديك عام دابا وهي عندي
نور: وا حتا انا راه عام تقريبا وانا عندي نفس الطونوبيل وعهد كذلك والواليد والواليدة ...يعني راه عادي وزيادون كل مرة كتهزي طوموبيل فشكل وحتى دابا نجيبو ليك الاللة طوموبيل جديييدة بحال ديال غيثة صافي؟
ميساء: والله ماحسدتها ومكنهضرش عليها كنهضر عليك نتا ...مافكرتيش دير ليا مفاجأة حتى انا (كتبكي)
ناض نور عنقها كيحزر فيها ويراضيها تا بردات وتفكرات غيثة وهي تهبط كتجري
هبطات لقاتها مزالة واقفة كتاخد فالسيلفيات مع الطونوبيلات ميساء: يالا انا غنركب نوريك كيفاش كنخدمو كل حاجة فالطوموبيل وعاد ديك الساعة نوريك كيفاش ديماريها وكيفاش تمشي
غيثة: فرحانة) واخا يالاركبات غيثة حدا ميساء وبدات كتوريها كل حاجة لاياش كتصلاح وغيثة كتشوف ومركزة كتحاول تعقل ساعة ماشدات والو وكترو عليها الازرار وهي توقف ميساء
فدعات غيثة الاوراق وبدات كتسمي وتكتب فكل ورقة مل زر لاياش يصلاح وبدات كتلسق بالسكوتش فوق الزر وميساء معجبة وكتشرح تا لسقات عمرات غيثة الطونوبيل كاملة بمربعات صغيرة فوق كل زر او جهاز . وبدات كضحك
غيثة: شفتي دابا هايدا عنعقل على كل واحد لاياش يصلاح حتى نحفضهم
ميساء: شدات راسها وتنهدات) واااااخاااا...يالاه شوفي دابا كيفاش كنديماريو الطوموبيل بلا منضورو السوارت حتى يتهرسو
غيثة: اه فهمت ...ماشي كنفتحو الباب ديال السطح...داكشي غير بشوية باش ميتغوراشي
ميساء:!!!....مهم هاكا
ديمارات الطوموبيل وبدات كتوريها خطوة بخطوة حتى تحركات الطوموبيل وبفات غادية بشوية وميساء كتوجها باش تبعدها لشي ساحة فين تعلمها وغيثة مطرطقة عينيها باش تبقا عاقلة
ركبات ميساء وركبات حداها غيثة ورجعو كيضحكو على راسهم وهما كيغوتو وكيتفكرو الموقف ويبداو يموتو بالضحك حتى دخلو
غيثة: هاد المرة عنقول لوعد هيا تعلمني
ميساء: هههههه فراسك وعد مسطية كتر منك
غيثة: عاارفة ههه كانت كتخرشني على عهد شحال هادي باش ضحك عليه
ميساء: فوتي عهد ولعبي كي بغيتي ، هاداك غيضربك حتى تلسقي راه كان مدوزها على وعد مسكينة وعليا حتى انا
غيثة: عمرو ضربك؟
ميساء لا مي كيهد عليا ويغوت وصافي ، وعد اللي كان كيقتلها عصا وتابعها وحاضيها ومحرم عليها الدراري مسكينة ...شوفي ميبقاش فيك الحال على داك النهار اللي طرشك وغوت عليك راه عادي ،
حتى انا ضربني نور شحال من مرة وشوهني فالزنقا كااع وسط فرنسا فكونا غير الناس وكن ماكانش من آل سقراط كن تحبس فالحبس مي ميقدروش يحبسوه غيثة:بحزن) شتي ديك المرة فاش ضربني
ميساء : وعااادي تانتي ولاد الحرام بجوج بيهم مايسواوش ...راه حبيبو نضال كان صعييييب و ولادو طلعو كيشبهو ليه ومعكسين هما كاع كتر منو وحتى المفاهمة مكيتفتهموش ومكيتناقشوش حتى النقاش .
غيثة: انا كيناقش معايا شي مرات ...شوفي جاب لي هاد الخاتم وهاد الحلاقات ههه
ميساء شاف الخاتم فصبعهت والحالاقات وهي تحزن وجاوباتها بنبرة حزينة
ميساء: جاوك زوينين .
غيثة: ببراءة)شكرا ههه
ميساء: انا غنطلع نشوف رياض وذهب
غيثة: واخا
ميساء طلعات وغيثة بقات واقفة كتقاد شعرها تاسمعات صوت الطوموبيلات وقفو ودخل عهد وهي تجري عندو غيثة عنقاتو وتعلقات فيها وعنقها تاهوا
عهد: مانسيتش احبيبة بلا متحاولي تنسيني
وخي معنقاه شافت مروى ونضال وعد داخلين موراه وهي تفشل وبانو عليها ملامح الانزعاج و قفة مترددة ماقدراتش تشوف فمروى ، ظار عهد موراه لقا مروى واقفة لابسة الكلاص هازة راسها لفوق وكتجر الشال اللي على راسها وكتشوف فغيثة نشوفة قاسية ، تخبات غيثة مور ضهر عهد وشدات ليه فالقميجة وهوا يدير يدو موراه حسات براسها محمية وتحت جناحو بالحركة اللي دار ، قلبات مروى وجها ماهضراتش ومشات طلعات فالدروج وبقا نضال مربع يديه كيشوف و غمز عهد ومشا تبعها و وعد جلسات سرحات رجليها كتنهد ، جر عهد غيقة قدامو وشد ليها دقنها بلطف وهز ليها راسها
عهد: بنبرة حنينة) مناش خايفة؟
شافت فيه ورجعات هبطات عينيها ماهضراتش وهوا يجرها عندو ضمها وحط يدو على راسها ورسق ليها وجها مع مع صدرو
عهد: تا واحد ميقدر يآديك ...فحضوري ولا فغيابي نتي مرتي وديالي وغتبقاي ديالي وحتى واحد ميتجرأ يمد يدو عليك ولا يقوليك شي كلة اللي تجرحك
شافت فيه بعيون مدمعة وعنقاتو وغمضات عينيها وهوا كذلك هزها من الارض معنقها وباسها فحنكها وشاف فيها مبتاسم
عهد: شنو درتي ليوم؟ حفضتي شوية؟
غيثة: بتردد) اه ...شوية
عهد: شوية ولا والو ؟
غيثة: خليني حتى نتعلم نسوق عاد نقرى
عهد: بنبرة مرحة) على دكر السوكان ....مازال احبيبة غنتفاهم معاك على داك البيبي اللي عنجتي فالطوموبيل وهضرتي اللي مكتسمعيش ليها
وعد حطات على وجها مخدة كتسمع وتنهد ، اما غيثة طلقات ابتسامتها البريءة كترمش باش تفلت منها وكتبحلس وتبوس فحناكو وهوا كيشوف فيها مبتاسم وعاتيق بيها كتبحلس عليه وتعنق فيه بشوية ودور فعينيها ببراءة كتخلي اللي شافها ساعي فيها
عهد: بدلع) امممم...دابا شنو غندير معاك؟ نضربك ولا نضربك ولا نضربك (غمزها)
غيثة:ههههه (هزات كتافها كتحلون وضحك)
عهد: دونك غنضربك (غمزها)
وعد جالسة كتنهد فقصوها وماقدراتش تقوليهم شي حاجة وتكمشات مرة كضحك و مرة كتغبن ، اما عهد طلع غيثة هازها كيبوس فيها وهي كتدلى ليه فيديه وضحك عاجبها الحال تاطلعها لفوق ودخلها لبيتو وحطها ببوسة قوية على شفايفها عهد: غنصلي ونرجع ليك (غمزها)
مشا جوج خطوات ورجع لور
عهد: اجي نتي مكتصليش؟
غيثة :الصمت ( حركات راسها )
عهد: نوض تصلي
غيثة: !!
عهد: اجي
جرها من يدها دخلها توضا وبقا واقف مصدوم فيها مكتعرفش حتى توضا وماعرفاش شنو للي كيسبق واش مسح الاذنين ولا مسح الرأس ، علمها توضات وشد ليها فيدها خرجها باسها فجبهتها وهي كتشوف فيه مرتابكة
غيثة: عادي نصلي هايدا؟؟
شافت فحوايجها لابسة توني رياضي وشعرها معري
مجاوبهاش وحل لبلاكار ديالو جبد عباية بيضاء ديالو بحال اللي كيلبسو الخليجيين وحيد ليها الفوقني ديال سورفيت وبدا كيلبس ليها ببطىء و بلطف وهي حانيا راسها حشمات من الصلاة اللي مكتصليش وعمرها سجدات واخا كتشوف فباها كيسجد معمرها حطات جبهتها للارض ، نزلات عليها الفوقية ستراتها تا لرجليها وجاتها واسعة وطوييلة وكمام طواال تا كالت براكة وتخشات فيها كتشمشم ريحت عهد الرجولية عاطية فيها ، هز شال ديالها كانت نساتو عندو فالبيت فوق الفراش وغطى ليها شعرها وكيهضر بنبرة حنينة وعينيه مبتاسمين
عهد: غتواعديني ...ووعد الحر دين عليه
غيثة: بتردد) باش؟
عهد: غتبداي الصلاة معايا ومعمرك تقطعيها
غيثة: الصمت
عهد: باش نعيشو بجوج فالدنيا ونمشيو بجوج للجنة ، انا باغيك غير نتي ...نبقا معاك فحياة الدنيا والاخرة
غيثة: واخا( هبطات راسها)
عهد: هز ليها راسها) واعديني من ليوم ماتقطعيها
غيثة: بتردد كنواعدك
عهد: الله يرضي عليك
شافت فحوايجو اللي لابس كان لابس دجين وقميجة بيضاء وسولاتو
حركات راسها بالايجاب وعطاها سجادة و وقف قدامها طلق السجادة ديالو وهي موراه كتعكل فعبايتو وكتشوف فيه واقف مستقيم فالوقفة واكتاف عريضة وبدا الصلاة وهي متبعة معاه ، بدى كيقرى بعض الايات الكريمة بصوت حنين كيتعكل فالعربية ومخارج الحروف كيخرجها بزز لان لسانو ملوي وحرف الراء مكينطقش بيه مقاد ومزال واحل مع مخارج الحروف العربية ومع ذالك كيتقاتل معاهم و يجود وهي موراه حانية راسها كتبع ، ركع وركعات موراه من بعد سجد وسجدات موراه وكياخد وقتو فالصلاة بحال الى ماتبعو والو حتى سلم وسلمات موراه ودعا فخاطرو وهي بقات جالسة كتسناه يضور عندها ، دار عندها مبتاسم وجر المصحف حللو وعطاه ليها ، غيثة بدات كترعد فاش بغات تشد المصحف ومخلوعة غير بوحدها .
عهد: بنبرة حنينة) مالكي؟
غيثة: با كان كيقولي منهوزشي المصحف وانا مموضياشي ، وعمري هزيتو حيت مكنتوضاشي ، جاتني فشكل
عهد: هزيه اغيثة
شداتو كترجف وبقات كتشوف فيه وتشوف فعهد
عهد: حليه فين ما جات الصفحة
حلاتو فالوسط وبقات كتشوف
عهد: بسم الله الرحيم....يالاه قراي عليا
بدات كتقرى وتقلع الحروف بزز وكتغلط وهوا كيصحح ليها وكيشوف فيها بانت ليه من قرايتها اللي كتهجأ انها ممولفاش تقرى القرآن ولسانها تقيل وجاها صعيب فلسناها ومقاتلة مع القراية حتى حبسها عهدعهد: غيثة ...عندك صوت زويين ، وزوين بزااف ..استاغليه فالتجويد ونساي عليك الاغاني
غيثة: الصمت
عهد: فاش ركعتي شنو كنتي كتقولي؟
غيثة: سبحان ربي العضيم
عهد: وفالسجود؟
غيثة: سبحان ربي الاعلى
عهد: فالتحية؟
غيثة: الصمت
عهد: اممم ماقلتي والو؟
حنات راسها وبقات ساكتة وبدا كيعلمها من الاول كيفاش تبدى الصلاة و كيحفضها التحية وهي جالسة قدامو كتعرض عليه وكل شوية تعرض عليه الايات اللي حافضة وهوا كيصحح ليها ، جبد كارني وستيلو عطاهم ليها باش دون داكشي اللي كيصحح ليها وماتنساهش ورجع بدا معاها من سورة الفاتحة بدات كتقرى عليه وهوا جالس مقابل معاها شاد مخدة متكي عليها يديه ويستيلو بين صبعانو كيتسنط ليها تا قرات جميع الايات القصيرة و وصلات للايات الكبيرة
عهد: دابا هانا غتبداي كل نهار تقراي آية حتى توصلي للايات لكبار اللي فيهم بزااف دالصفحات وغتبداي تقراي كل نهار صفحة ولا جوج حتى تساليه كامل باش يتطلق ليك لسانك ، من بعد غتبداي تحفضي شوية بشوية بحال اللي كندير انا حاليا حتى تساليه اتافقنا؟
غيثة: بتردد) امم.
عهد: كيأكد) وااش تافقنا؟
غيثة: اه
عهد: ماتنسايش راكي واعدتيني مغتقطعيش الصلاة و دابا غتقراي القرآن اوك
غيثة: واخا
عهد: يالاه بداي دابا من اللول نشرح ليك الايات اللولين شنو فيهم
غيثة: وصاافيي دابا عييت
عهد: هادا الشيطان اللي كيدر ليك هاكا ...سمعي شنو كنقول حيت هادشي غنتخاصم معاك عليه اغيثة ، هاد النفس الخايبة خاصك تحكمي فيها ماشي هي تحكم فيك ، تخيلي راسك غادية فواحد الطريق دييق ولقيتي حجرة كبر منك فالحجم حابسة ليك الطريق شنو غديري
غيثة: نرجع بحالي !
عهد بقا مبهوط فيها داير يدو على خدو تا بدا كيضحك ورجع للجدية
عهد: اشمن غترجعي ، غدفعيها باش تكملي طريقك مي متقدريش تحركيها ...دونك غتبداي ضربي فيها شوية بشوية ونتي كتفرتتي فيها وغتجيك صعيبة وغديري مجهود كبير باش تحيديها من طريقك وكل مرة كتنقصي منها كتزيدي تقواي وتحسي بالقوة والعزيمة ونتي كتشوفي راسك قربتي تغلبي عليها حتى تحيديها وغتكملي طريقك ونتي قوية ، دونك هادي هيا نفسك هي اللي غالباك دابا وكتعكزي على الصلاة والقرآن وديما الكسل وفشلانة و مكتبغيش اللي يهضر معاك فالدين دغيا كتملي مكيعجبكش الحال ولاكن الى صبرتي وبقيتي كتقاومي ومستسلمتيش غتغلبي على هاد الشيطان والنفس والعكز وكلشي وغتحصني راسك ديك الساعة و مغتبقايش تحسي بهادشي اللي كتحسي بيه دابا ، انا عطيتك مثال للحجرة باش نفهمك مزيان
غيثة: الصمت
عهد: كلشي غيجي شوية بشوية ماشي دقة وحدة ، حتى تغلبي على هادشي اللي قلت ليك من بعد غتولي تحسي بواحد الراحة ومتقدريش تفرقي صلاتك حيت غتفرقي راحتك وفقراءة القرآن غتلقاي شفاء وعلاج للكتآب والجروح والهم وحتى الذكريات الخايبة اللي عشتي وغتولي بصح قلب الحليب ديالي (باتاسم)
عهد شجعها و باتسامات وبان على ملامحها الحماس والارادة ورجعات طلقات البشرة كتقرى وهوا كيشرح ليها وتعمق معاها فالشرح باش ينقي ليها دماغها حيت لقاها مكتقفل والو وبدا معاها كلشي من الاول كيعلمها تا سالا
عهد: باراكة عليك ليوم يالاه تبقاي عاقلة على هادشي اللي قريتك ، ونقولك اغيثة واحد الحاجة
غيثة: شنو؟
عهد: متبقايش تعصبيني كتخليني نبدا نعاير ودمي كيغلي ومكنبقاش عاقل اش كنقول ...كتخرجيني على طوعي ، كن رجعت ليك قبيلة كن عطيتك شي قتلة تموتي ماتنسايها ومن زهرك مارجعتش ، غتبداي تسمعي هضرتي حسن ما نبدا نضرب ...هادي اخر مرة تقربي لشي حاجة قلت ليك بعدي منها
غيثة: الصمت
عهد: (بتاسم) يالاه نوضي حطي القرآن وآجي عندي
بقات كدور فعينيها ساكتة ووجها حمر ومخشية فالفوقية ووجها صغيير كيبان من الفولار وحنيكات حمرين وهي ضحك وناضت قدامو وهوا متبع ليها العين بأبتسامة خفيفة على وجهو
حطات القرآن وحيدات الفوقية ومشات عندو بخطوات بطيءة حشمانة وهوا متكي فوق الناموسية كيشوف فيها بابتسامة جاية مرعودة وكضحك تاطلعات حداه وجرها عندو عنقها من ضهرها وباسها فخدهاعهد: بسخرية) كتحشميييي!! وييينووو الناس كتحشم
غيثة: بسخرية) ههييي كنحشم
دور يديه على على خصرها وشبكم صبعانو مع بعض ورتاح فالجلسة وهي بحضنو كتشوف فالسنسلة فعنفو وتلعب بيها بيدها
عهد: قولي ليا...عندك طلع مختالف ، كيفاش انا وياك تطلقنا بسهولة من بعد ما كنا كي القط مع الفار؟
نور: بغضب) وااش نتي كتشوفيه ضربها قدامنا وكان غيقتلها وكتقولي ليا عهد كيشري عهد داير ليها الهاطر عهد ماعرفت اش ؟؟؟؟ عهد معصب وكيضرب انا مكنضربكش قدام لافامي ومكبر بيك امايساء ...شوفي علد الجانب هادت متبقايش حاضيا شنو داير عهد مع غيثة ، اي واحد فيه السلبي والايجابي ، كتشوفي غير الحوايج الزوينين فيهم مكتشوفيش شنو داز عليهم والمشاكل اللي عاشوها والغذاب اللي معشتيهش نتي ، وانا كتشوفي فيا غير الحوايج الخايبين مكتشوفيش الحوايج الزوينين ، الاحترام ديالي ليك وحبي و اهتمامي بيك عادشي مكيبانش ليك ياك
ميساء: هي فشكل...هي مفششها ونتا لا
نور: بعصبية) زدتي فيييه اميسااااء... تشوفي غير اللي بغيتي !! حتى تعيشي داكشي اللي عاشت هي عاد اجي نتفاهمو ، الضسارة والفشوش هما اللي كيخليوك تهضري هاكاهز حوايجو بالزعفة دخل لبس فالدوش وخرج كاعي عاقد حجبانو داز قدامها بغا يحل الباب يخرج وهي توقفو بترجي
ميساء: انا غير كنقول ليك هوا كيتفكرها بليكادو و...
نتر يدو بعصبية
نور: حللي البلاكار ديالك وقارني ليكادو ديالك من نهار عرفتك لدابا مع ليكادو ديالها وشوفي الكمية اللي عندك بقا ليك غير تلوحيهم بمثرت ما كل مرة جايب حاجة جديدة
خرج وزدح الباب وخلاها واقفة مصدومة ونزلات تبعاتو لقاتو طار ولقات غير وعد ماكية لتحت طتهضر فالتيليفون ، مشات كلسلت حداها بتوتر ، شافت فيها وعد وشيرات ليها بيدها باش تسكت حتى تكمل هضرتها ، بعد لحضات قطعات وعد تيليفون مع راجلها وشافت فميساء معجبة
وعد : مالكي؟
ميساء: بحزن)تخاصمت انا ونور
وعد: وعلاااش؟؟؟
ميساء: قلت ليه غير على غيثة و كيفاش عهد كيتعامل معاها وماعجبوش الحال
وعد: مافهمتش ؟ كيفاش؟
ميساء: كيبقى فيا الحال فاش كنشوف عهد كي كيعامل غيثة ونور مكايعاملنيش بحال هاكاك
وعد: نووور!!!! اويييلي بلعكس نور هوا الحلوى ديال الدار واكثر واحد حنين وشوفي اشنو كيدير عليك وشنو دوز معاك وشحال ونتي وياه يعني دابا ندامجتو مابقاش داك حشم مني نحشم منك مشاي بحال عهد وغيثة اللي يالاه بداو علاقتهم وكيقادو امورهم ومازال مازال يالاه كيتعرفو على بعضياتهم وكيعوضها على داكشي اللي داز عليها ...شوفي غير بنتز مسكين ماعرفها تا كبرات ويالاه تجمع مع البنت اللي كيبغي قلبو ، اما نتي راكي من اللول ونور عاز ليك هبالك وباقي لدابا هاز ليك هبالك ...وحاجة اخرى ، غيثة راه باااقة صغييرة وبااقا تعلم وماعارفة والو والى وعهد راه كبر منها ، كن ولد فلاج اللي ولدات فيه هيا كوراه عندو بنت قدها ، دونك راه شاد بيديها ومسايسها تا تكبر ودير عقلها ماشي بحالنا ...انا عندي 30 ونتي 24 سنة ، تخيلي بشحال صغيرة علينا غيثة ، تفكيرها ماشي بحال تفكيرنا وعاد عهد عقلو كبر من السن ديالو ومسايرها ومكيديش عليها ومع دالك كيتعصب عليها وشافت الويب ويالاه دابا ضحكات ليها الدنيا .ماتقارنيش راسك مع بنت صغيرة ونتي مولات العقل راه الفشوش اللي فششك نور ماتفششتوش انا مع راجلي
ميساء: الصمت
وعد: نوضي حيدي عليا براكة من التخربيق خليني نطلق رجلي
ميساء: هوا كيحساب ليه حسدتها (بحزن)
وعد: واااا ماحسدتيهااااش حنا فااهمين كتقرصي فاش كتشوفي بحال دوك المشاهد اللي شفت انا عاد دابا شوية ...عااادي اي وحدة يبقا فيها الحال ولاكن متشوفيش غير الحب والغرام بيناتهم شوفي حتى فاش كينوض ليها مكيعقلش عليها .
عهد: اففف (تقلب على ضهرو كينهج)
شافت فيه فشلانة وحطات راسها على سدرو وعنقها بيدو
عهد: داك البيبي مسكين بقا فيا
غيثة: بغباء) علاش؟
عهد: هه كلا العصا. 4 دسوايع وهوا كياكل فالعصا
غيثة:ااه ههه
عهد: بلاتي احبيبة نوض
ناض دخل للدوش دوش وخرج لقاها ناعسة ومستسلمة للنعاس وباين على وجها التعب وغارقة كتحلم وتهز فالنعاس ، شافيها مبتاسم ودوز يدو على خدها بلطف وهي تحل عينها وهضرات بلسان تقيل
من بعد ما كان غيسكت ليه القلب رجعات فيه الروح وكمل الاسءلة
عهد: شكون باسك؟
بقات ساكتة شحال حتى عاود ليها السؤال وهي تجابو
غيثة: عهد
عهد: غير عهد بوحدو؟
غيثة : اننن (اه)
تنهد وباسها فخدها وناض خلاها ناعسة ومشا دخل لبيت النعاس ديال ذهب لقاها ناعسة كتشخر حدى رياض و وهوا ناعس على جنبو ببيجامة فالكرونة ديال الدراري الصغار بكل براءة حداها وهي مكسلة حداه لايحة رجها على وجهو بكسيوة خفيفة وليكوش باينين ، شافها عهد ناعسة ديك النعسة وبدا كيضحك وقرب منها هز ليها رجلها على رياض وقد ليها النعسة وبعدها شوية من حداه خاف عليه تركلو ولا يركلها وهما ناعسين، قاد لرياض تاهوا النعسة وتحنا كيشوف فيهم مبتاسمين واحد كيشخر على لاخر
ذهب: (كتمضغ فالنعاس) ممنننمنن
عهد: هههه تا نتي غطلعي كاهضري بحال ماماك باينة
رياض : ماما
طبطب عليه عهد بشوية حتى رجع فالنعاس وبقا مقابلهم مدة طويلة حتى دخل عليه نور
نور: ههه نتا هنا؟
دار عندو عهد
خاط صبعو على فمو
عهد: بصوت خافت)شووو ...اجي تفرج
نور: شنوو!
تحنا نور حدا عهد وجلسو كيشوفو فيهم مبتاسمين وكيضحكو
عهد: لقيتها ناشرة رجليها فوقو ههه
نور: شوف شوف ...هاهوا كيتقلب هههه
عهد: واايلي !راه عاد بعدتهم
رياض تقلب تا دخل فذهب ولا يدهو على وجها وهي ترعد فالنعاس تا حلات عينيها ورجعات نعسات
نور: غير خليهم بلا متبعدهم ماغايضربهاش ...راه هي اللي كضربو وديما كتبكيه مسكين وكيغضب واحد الشوية ويرجع يقلب عليها ...دغيا كينسى
عهد: ههه ...راه هي القبيحة ، عارفها كضرب وتقمش وتعض (بقا ساهي كيشوف وهوا يهضر) اجي ...بشحال كبير عليها؟
نور: واا شغانقوليك !!؟ ميساء نهار لانيف ديالك راه كانت حاملة بيه وماكانتش عارفة تا دازت شي 3 شهور تقريبا ورجعنا لندن عاد عرفتها حاملة
عهد: بففف ههه تحرقو ليها الفيزيبلات مسكينة مابقات عارفة شكادير...دونك غيكون كبير عليها غير بالشهور وصافي
نور: وي داكشي اللي كاين ، مي ماشي ولاد العام الى جينا نشوفو غنلقاو رياض تولد قبل البوناني وحتى داز على البوناني شحااال عاد تولدات ذهب ...ماشي ولاد العام نفسو ، اللي شاف وقت الولادة غيحساب ليه مفاوتين بعام
عهد: اممم..وي كاينة. رياض كاالم فطبعو
نور: رااهيا اللي معديا عليه ههه كتكون كتلعب معاه عادي سمينة على عسيلة حتى كتغفلو وتقمشو ولا تعضو ..وكن غير عندها شي سنان بعدا ، كتبدى تحك فيه اللثة هههه
نور: وايلاه راهم كيتعشاو يمكن ...(شار ليه بعينيه جيهت رياض وذهب) راه كانو كيلعبو تا طاحو كي الدبان وجيتي لقيتهم ناعسين
عهد: يالاه تصبح على خير
نور: ونتا من اهلو.
⛅اصبحنا واصبح الملك لله⛅
وصلو عاءلت غدير لكلينيك نيشان لقاو عهد مع غدير جالس كيهضر معاها ودخلو والديها مخلوعين كيسولو فيها لقاوها مهرسة واكلاها ، شافتهم بدات كتبكي ، سلم محمد على عهد عادي وحتى عهد تعامل معاه عادي ومع عاءلتهم كيما مولفين كيتعاملو معاه والاحترام المتبادل بيناتهم كونو كيعرفهم من زمان ومحمد الصديق المقرب لعهد ، ناض عهد وقف غمز محمد بعينو باش يتبعو برى وخرجو من الكلينيك هوا وياه كيهضرو عادي وعهد مبرزط ، وملامح الانزعاج على وجهو ؛ عاق بيه محمد وخلاه تا خرج و حط يدو على كتفو
محمد: عهد...حنا صحاب من شحال هادي ياك.......حتى حاجة مغتزعزع العلاقة ديالنا انا وياك ولا لا؟
عهد: لا رد (دار يديه فجيبو كيفكر وساهي بعينيه المخبيين تحت النضارات الشمسة ، رتب محمد على كتفو و وقف مقتبل معاه
محمد: شنو واقع ؟ كاين شي مشكل ؟ كنعرفك فاش كيوليو الملامح ديالك هاكا وكتبدا غير كتنهد ، كنحسك ماشي هوا هاداك ومخبي شي حاجة ، هضر اصاحبي مالك ؟ راه واخا يوقع اللي وقع غنبقاو صحاب ومغنخسرش انا صديق بحالك و وقف معايا وقفة الرجال شحال من مرة من الصغر حتى للكبر.
أنا أحترق الجزء 39
محتوى القصة
التنقل بين الأجزاء