عهد: دونك تبداي تعلمي ...الا سمحتي فيها غنعرفوك مافيدكش
ميساء: الااا اوييلي غنتعلم دغيا ، دابا تشوفو غنولي حسن من غيثة
عهد جاتو الضحة وشدها حيت عارف غيثة براسها عاد بادية من الزيرو وكتعلم وعاق بميساء كتعاند مع غيثة وزاد كمل عليها باش تويد تعاند معاها فشي حاجة اللي تنفعها
عهد: مكنضنش وش تغلبي عليها...هي دابا بدات كتحفظ القرآن ومابقاتش كتعري شعرها ولحمها وحتى المكياج قطعاتو ، وسبقاتك بغات تقرب من الله باش تكون هي اول وحدة فينا دخل للجنة
ميساء: لالا اتا راه غير ماكنتش عارفة وصافي ..مي دغيا غنتعلم ، واصلا انا ممحتاجاش لمكياج
عهد: ومامحتاجاش شي واحد يشوف لحمك باش تباني زوينة حيت نتي اصلا زوينة وخاصك تخبي زينك ماتوريه لحتى واحد ، واي بلاصة معرية شافوك منها راه غاتاكلها العافية وماتبقايش كاع زوينة ، شعرك تا هوا ماخصوش يبان باش يرضى عليه الله عز وجل وتموني قريبة ليه كثر
ميساء: بحماس) صافي انا قررت غنولي نتقرب من الله ومانبقاش انا اللخرى
عهد: فاش غتسرح ليك الطريق وتعرفي على الدين مزيان غاد غتفهمي قصدي ...دابا خاصك تلبسي مستور بحال اللي كتلبس غيثة وشعرك ومايشوفو تا راجل من غير نور وباباك وبابات راجلك وخوتك واخا ما عندك حتى اخ مهم خوالك وعمومك وولادك لا غير ، هادو اللي خاصهم يشوفو الشعر وترتاحي فالباسك قدامهم اما ولاد عمك ولاد خالك اللي هوا انا فماخصنيش نشوفو حيت حرااااام وحشومة وكتاخدي الدنوب مني انا اللي كنشوف داكشي وكتاخدي دنوب مع الله ، واشوفي شحال ديال الدنوب كتجمعي
ميساء: والى بغيت نمسخ عاد الدنوب؟؟؟؟
عهد: سااهلة...غتوبي فمرة ومن قابك وتوبي على كاع هادشي اللي كيجمع ليك الدنوب وماتعاوديش ديريه والله غفور رحيم...ربي راه كيغفر ونتي غتكوني حسن من شحال من واحد كان كيصلي وتايب حياتو كاملة ، حيت رجعتي لطريق الله وتبتي ليه وقررتي عمرك تهلاي على التوبة ديالك ، والله غيرضى عليك وغيغفر دنوبك بشرط مترجعيش لداكشي اللي كنتي فيه من قبل ، وحتى الراحة النفسية غتلقايها وشحال من حاجة غتبدل فيك...مهم كلشي كيجي تدريجيا وشوية بشوية باش ميجسكش صعيب هادشي وتكعاي ...غنبدى نشرح ليك شوية بشوية هاد المدة اللي راني معاكم فيها من بعد تبعي القرآن هوا ديليك فالحياة ، وغنجيب ليك كتب التفسير ديالو باش متلفيش
ميساء: واخا، وشكون علمك نتا هادشي؟
عهد: انا ممحتاج شي واحد يعلمني ، كنقرى القرآن و الشرح كنتبع داكشي اللي كاين فالآيات و احاديث الرسول صلى الله عليه وسلم...فاش تسمي هاد الجملة قولي موراها عليه الصلاة والسلام
ميساء: بثعتلم) عليه الصلاة والسلام
عهد: مزيااان...مهم كنتبع الاحاديث الصحيحة والقرآن ومكنسولش شي حد اخر حيت يقدر يتلفك ، وبالاخص الدين..كلشي كيبغي يفهم فيه ويتصنطح فيه ويقدر يدوخك . دابا اهم شىء غتغسلي وجهك وعارفك صليتي بلا وضوء وباينة مكتعرفيش ليه ، مور العشاء عندي معاك هضرة اخرى ...حيت كن كنتي كتعرفي العربية كنت نعطيك الكتب هاد الليلة ، مي غنوريك شي حوايج فالانترنيت بالطرجمة ديالهم ومن تما غتعرفي ...يالاه نوضي غسلي وجهك ولبسي شي حاجة طويلة ويالاه نهبطو
ميساء: واخا ...عمرني نعاود نتعرى انا تبت صااافي
مشات فرحانة وهوا ناض خرج موراها كيضحك على ردة فعلها ومشا خرج غيثة شاد ليها فيدها لابسة نفس العباية للي كنت لابسة ونازلين مع الدروج ، شافت باها جالس وهي تهرب يدها ، رجع بغا يشد ليها فيدها وهي تبعد
غيثة: زول مني با جالس وكيشوف فينا هوادين عندم ...هيه ! زول مني خليني عافاك (كتهرب يديها) عنداك دمشي تزبلها ولا توكلني قدامهم...مادعطيني مانعطيك والله تا نموت ليك تما وشابرتي فيا ولا عملتي شي حاجة ...انا غير كلمة دمزوجة مكنقدرشي نقولها تابيني وبين راسي ولا نقول نشي واحد راجلي وعساك تشبر فيا قدام با !
عهد: واخا لاللة ...هانا نحيد منك هاد الفيس اللي فيك...يالاه سيري تجلسي راه الكرسي ديالك عارفاه فين جا
مشات حشمانة قدامو وهوا موراها باين اهتمامو بيها غير من خلال نضراتو ليها وتعابير وجهو وهوا كيشوف فيها ، جلسات حدى عهد على يدو ليمينة وهوا على راس الماءدة مقابل مع نضال ، كانت السفرة فيها نور وكرم ومروى حدا نضال و وعبد المالك حدا غيثة حداه كرسي خاوي على ليمن ديالو بينو وبين مروى ومقابل معا كرس خاوي فين تكلس ميساء ، اما غدير مكتحركش من بيتها ومزالة مريضة ، جلسو كيتسناو تهبط ميساء وملاك يتعشاو والخدم واقفين مستفين كيسربيو العشاء وعهدحاط عينو على غيثة وهي كترمش حانية راسها حدا باها حشمانة
نضال: هانا عاوتاني على الحجاب...امتى نزل عليك الايمان؟
مروى: بصوت منخفض) شششت راه عهد فين كيشوف فينا وكيضحك
نضال: ويعاود راسو ... هوا اصلا مكيسوقش
مروى: لا مابقاش كي كان
نضال: ههه وحنا مالنا...خلينا انا وياك فداكشي ديالنا ...30 عام وهنا دايرين لينا النكسة كيحرمو علينا الحب وداكشي ...
مروى: باااز ...فين هاد النكسة وحنا كنا كنهربو عليهم ونخليوهم ونسافرو تا كبرو شوية عاد ولاو كيفهمو ويلسقو فينا ، واخا هاكاك كل مرة هاربين ...جاب الله الميمة الله يرحمها كانت مقابلة ليا نور ورادة البال لعهد و وعد ...و وعد مسكينة كانت كتموت عليك وديما داير ليها نتا خاوية فعامرة ومخليها مع عهد حتى ركب فيها الخلعة والرعب تا بدات كتبول فالفراش ، كان غيقتلها بالخلعة
نضال: هههههه باقا كتبول؟
مروى: اوييلي من نيتك؟ راه لبنت كبرات وهادي سنين مابقاتش كتبول، راه غير نزوة ودازت والخوف اللي كان داير ليها هاكاك .
نضال: (نخزها من تحت الطبلة) شكون بحالنا نولدو ويكبرو بعضياتهم ...عهد كون ماكان مسخوط الواليدين ومدوز الحرب كاع ميحبسها وعارف تحراميات البنات ، تهنيت بعدا من جيهت وعد
مروى: حتى نور محربن و لاكن حنين ، الميمة الله يرحمها عرفات تربيه ومن صغرو كالم...اجي شتي ولدو تا هوا كيشبه ليه
نضال : مهم خلينا دابا منهم وقولي ليا اشمن لون لابسة فدوبياس هههه
مروى: اويييلي خهههه ولاهيلا نتا عالام
نضال: وراه توحشت ... (غمزها)
مروى: صافي سكت ولادك راه حاضيين الفيلم بنص عين
نضال: غتبقاي كل مرة تقولي ليا ولادك!! الاللة اما بات حد انا عاد باغي نولد...غتعقدي ليا تا نتي نصدق جايب مرة اخرى
مروى صفارت وهي دور عندو كتهضر تحت سنانها
مروى: الا قدرتي عليها ديرها...داك المعلم مكيتحرك قدام تا وحدة من غيري بلا متحلم وزايدون يلا عطاوك ولادك لاطوغيزاسيون باش تجيب وحدة اخرى جيبها نسنيي ليك من دابا
نضال: اييه ...باغا نجيبها؟
مروى: جيبها...باغي دير ما دار ولدك ، يمضغ المسكة وياكل الحلوى ، ايلا هونت عليك غير ديرها
شد ليها فيدها تحت الطبلة وهمس فودنها
نضال: منقدرش ...وحدة اللي بغا قلبي هي نتي وماتفرقنا غي الموت
ضحكات وهبطات راسها
مروى: ههه وقلبي فيه واحد هوا نتا ، واخا كبرتي باقي زوين وجا معاك الشيب ، ماتبدل فيك والو من غير الشيب يا الشايب خهه
نور: كيضحك) ههه خود راحتك الواليد كلشي ديالك ... (قلب وجهو كيغني) يااا ليتها عايرتنييي بما هوا عااار.
مروى فهماتو كيغني عليها وعهد ضحك تا بانو سنانو طيرهم فالسماء ، نور شاف جيهت مروى لقاها حمراء وهوا يبان ليه خيال موراها من بعيد مضبب، هز عينو شاف وهي تبان ليه ميساء نازلة لابسة قفطان ازرق موبرة منبت من السدر بالسمطة وطايرة الفولار ومقاداه ومادايراش المكياج ، وجا نقي وكيلمع وزينعا الطبيعي بان وتنور مع الحجاب، بقا ساهي فيها و هوا ينوض تقدم جيهتها كيضحك والفرحة فعينيه ، شد ليها فيديها وهي حشمانة من اللوك الجديد ، تقدم بيها شاد ليها فيدها وجلسها حداه ويدو فوق يده فوق الطبلة علنا وكيهمس فودنها ، شافت فعهد وابتاسم ليها هوا بدورو ابتسامة رضى ، نضال قلب وجهو جيهت مروى كيهضر بينها وبينو
نضال: ها ولدك اللي كتحشمي منو شوفي كي شاد فيها وحنا مخبيين تحت الطبلة كي لمشاش
مروى: حنا كبرنا و..
نضال: ماكبرناش حيدي هاد الفكرة من بالك ، ماكنتيش هاكا دغيا تبدلتي
مروى: واكيبقاو يشوفو فيا ولنا كنحشم
نضال: راه كيشوفو عادي ماشي فراسهم شي حاجة وجنا اصبا ولفنا هاكا ...نسيتي بوش ابوش علنا قدامهم
مروى: وعهد تديين ميبغيش..
نضال: متقوليش ليا تديين ولا ماعرت...صافي ولادك عايشين حياتهم يحرموها علينا..راه عندهم عادي غير نتي محسوسة بوحدك
هز ليها يدها باسها وشافت فعهد لقاتو ممسوقش ليهم وكيهضر مع غيثة بعينيه وهي كتشوف فيه نص نص مغوبشة وباها حداها حادر راسو حشم يهزو وفين مادار كيشوف كترت الاهتمام والحب كيتشاير ، فين ما يهز راسو كيشوف فكرم نيشان باش ميبقاش حاضي كل ثناءي كيتهامسو مع بعض ، اما كرم جالس ولا على بالو ، ممسوق لحتى واحد فيهم ومولف بدوك الاجواء وضارب الدنيا بركلة ...تمات ملاك نازلة تا هيا لابسة قفطان وظاير الشال شادها فعنقها بالشوكة ولايحة جلايلو على كاتفها ولابس الحمر وناقصة المكياج وجايا بشوية عليها ، عبد المالك كانت عينيه فكرم وفلحضة شاف ملامحو تبدلو وكيشوف جيهت الدروج ومبتاسم ، عوج راسو تاهوا وبانت ليه ملاك جايا هازة راسها فابهى حلة وشادة قفطانها بيدها ، بقا كيشوف فنضرات كرم ليها وهوا يتزير وغوبش ، جلسات حداه بان الكرشي الوحيد اللي بقا خاوي جا حدا عبد المالك ، جلسات حداه وهوا يهز خنافرو فكرم وعبس فيه ، اما كرم ماداهاش فيه وبقا كيبتاسم مع ملاك وهي جالسة قدامو
كرم: لاللة ملاك...مرحبا بيك....نورتينا
ملاك قلبات وجها على عبد المالك وضحكات مع كرم وفيها نوع من الحياء
ملاك: ترحب الجنة السي كرم
كرم: ههه وتاك الحمر...شتي بقيت عاقل على سميتك
ملاك (كدور عينيها فالحضور حشمانة واول شافت فيه هوا عهد وخايفة يقمعها قدام كلشي) ههه...شكرا السي كرم
غيثة حانية راسها وكطل بنص عين على مها وباها كاعي وعاقد حجبانو جا وسط غيثة وملاك ، وكيخزر فكرم وهوا نكيشوفش جيهتو اصلا
كرم: مرحبا مرحبا ههه نورتينا
عهد: حبيبة !..باغدون غيثة نقصي من الحار
شافيها وغمزها وتخرج فيه عينيها وخرجات النفس من نيفها تا سمعو كلشي
غيثة قلبات وجها فباها لقاتو حاضي كرم وملاك ممفاكش ، تلفتات جيهت عهد وقربات جيهت كتفو يالاه بغات تهضر هوا يدور عندها جا فمو على فمها وهربات وجها دورات عينيها بحال الموري ديال المكانة شافت واش شافها شي حد ؛ انا عد قالب وجهو جيهت كتفو من الجهة الاخرى ومهبط راسو وحاط يدو على فمو غارق فالضحك وماعارفينو واش كيبكي ولا كيضحك، هزات رجلها زطمات عليه تا تخركات الطبلة وتقرقشو الكيسان و وجها حمر بحال الى شبعو فيها تسفريق ، هرب رجلو بقا فنفس الوضعية كيضحك ماقدرش يشوف فيها حيت عارفها كي غتكون وغيصدق كيضحك بالجهد ، بقا شحال كيتسنى يبرد تا برد ودور وجهو شافيها لقاها مخشية فالزلافة مكتنفنفش وطلق ضحكة تا كلشي دار عندو كيشوف فيه مستغربين وهوا شدات فيه الضحكة ومابغاتش طلق منو ، جاتو الهستيرية ، جالس وكيضحك ونش على راسو بالسربيتة وحتى كيقرب يسكت وكتجي عينو فغيثة وهي كترعد عليه مكرهاتش تنوض وطلع فوق الطبلة وتبدا تشتف عليه تا تبرد وكيرجع يضحك ويسوط عهد: عنرني مسخفت وليوم غادي نسخف هههههههههه
كلشي كيضحك معاه حيت من الطبيعي تشوف شي واحد كيضحك لدرجة الجنون كتبدى ضحك معاه
نضال: هههه ياك لاباس ضحكنا معاك
نور: هادي بااينة شي موصيبة...هادا كيضحك غير المصاءب ههههه
عهد مقدرش يهضر وحط يديه فوق الطبلة وحط فوقهم جبهتو كيضحك تا رجع حمر ، هز راسو فغيثة ويسوط على راسو وهي معبسة وقالبة وجها ، عمرهم شافوه كيضحك بطريقة هستيرية حتى شافوه ليوم...هز الماء شرب ورجع لطبيعتو
عهد: الهستيرية يا خاي! الى مات شي واحد بالضحك نتيقو...ياك اغيثة
غيثة: لا رد
شدات معلقتها وجعات تاكل وهيا كتنهج ومغزفة عليه ، رجع كل وحد لهمو ...نور ملاعي مع ميساء ونضال هوا ومروى هاك بالاك بيناتهم وكرم كل مرة يمد شي حاجة لملاك ويرحب بيها وهي علجبها الحال وعبد المالك عقلو معاهم ، اما عهد مل مرة تجي الضحكة وماكلاش بقا حاضي غيثة وكيشرب غير الماء
شافت فيه مغوبشة
غيثة: كوول...تاكل فيه السم
عهد: بصوت خافت) خايفة عليا احبيبة ههههه
غيثة جاتها الكبية والندبة فديك اللحضة وعصبها بمعنى الكلمة وكل مرة تشوف باها بنص عين واش سمع شي حاجة ، رجعات قربات لعهد بغات تنكدو ليه وتفكرات البوسة وهربات وجها
غيثة: بصوت خافت) كتعصبني ياك..واخا
عهد: والله اكبيدة مكنعصبك ...
قلبات وجها مفقوصة شادة راسها وهوا كمل الهضرة
عهد: غير كنضحك معاك...والبوسة ديال الغفلة كتكون حلوة بحال مولاتها... (نخزها باش دور) شوفي ...ليوم ندهنك بحال هاكا (شد طوسط دهنو بشوية عليه كيوريها وهي كتغدد ودير ليه بصبعها فمها "سكت ") شوفي ...هاكا غندهنك كلك وناكلك بحال هاكا (عطاه ليها لفمها) يالاه كوليه بالزربة حيت هاكا غندير ليك غنكويك كوية عاااالمية تبقاي عاقلة عليها طول حياتك
غيثة: تحت السنان) زول مني مخصنيشي ..ياك قلتلك با حدايا كيسمع الزمر
عهد: مابغيتيش تاكليه ...واشوفي كيفاش غناكلك
عضو بشراسة كيوريها ويضحك عليها وهي كدور وجها تشوف ياكما حاضيهم شي حد
جلسات بضع ساعات معصبة وهي تنوض مشات وخلاتهم ، شافتها مروى غادية معصبة وهي تلفت لعهدمروى: مالها؟
عهد: مع الحمل دغيا كتعيا
عبد المالك: حاملة؟
عهد: اه يالاه فالبداية ديالها
عبد المالك: تبارك الله مشاء الله
عهد: نايض) بالصحة...غنمشي نشوفها
ناض خلاهم وتبعها لبيتها ، يالاه حل الباب شافها كتحيد حوايجها بالزعفة وهوا يهزها عنقها مخلاهاش تحرك وهي كتغوت باغا ضرب
غيثة: زول منييي متشبرشي فياااا
عهد: غير كنضحك معاك احبيبة ..واصاافي واش منضحكش مع حبيبة دقلبي
عهد : ليوم العيد...غنوض نصلي صلاة العيد فالجامع ونتي خليك تا نرجع ونجي فيقك
غيثة: بدلع) واخاا
باسها بوسة اخرى حنينة من شفايفها وناض دخل دوش عاود الدوش وتخا دوش مع الفجر و صلى صباة الفجر هوا وغيثة ماسخاش بيها وعاود عاشرها مور الفجر ، دوش وقاد لحيتو بالطوندوز باش متبقاش مدلية بحال الطاطب وخلاها عادية مشط شعرو القوي الداكن اللور وهنو بسيروم دالرجال فيه ريحة زوينة رجولية وقاص حتى لحيتو شوية وخرج من الدوش ملوي عليه فوطة فالنص وشعرو كيبري وفايحة منو ريحة زوينة وريحت النعناع كتعطي من فمو وسنانو كيبريو طبيعين ، حل بلاكار ديالو جبد ديودوغون فشفشها على لحمو وتحت يديه ولبس بوكسر ابيض وجبد جبادور جديدة فالكرونة من الثوب الرفيع وخياطة رفيعة ، لبسها جاتو عبار واصلة حتى لجياب سروالها ومزيناها سفيفة من العنق اللي جا داير ومحلولين ليه العقاد فالصدر شوية و هابطة فالوسط تا لاخر ديالها سروالها النعام هابط متسقيم حتى للارض بحال سروال التوب وجاه عبار ماواسع ما مزية دايرة بيه السفيفة من تحت اقدامو والصمطة ديالو شادة بلاصتها تحت الخصر بشوية وجيابو باينين مزيناهم سفيفة فنفس لون الجابادو ، عطاتو ستيل اخر ولون جاه مع وجهو ، رش بارفان ولبس تقاشرو الرقاق اللي كيتمشاو مع البلغة والصباط ولبس ليها بلغة كحلة من الجلد جديدة ، هز تيليفونو خشاه فالجيب وسوارتو فيدو وساعتو فاليد وخرج خلا ريحتو عاطية فالبيت وغيثة ناعسة، هبط بمشيتو الرجولية الانيقة مع بنيتو الجسمانية القوية ، تلاقى نور فالدروج هابط تا هوا بنفس الستيل فالازرق ونفس الاناقة ، تسالمو وباركو العيد لبعضهم وهبطو فالدروج بجوج كيتجمعو وكرم وعبد المالك كيتسناو عهد لتحت فلباس مغربي على حقو وطريقو عارفو غيصلي فالمصلى باش يمشيو معاه
عهد: يالاه تمشي تصلي
نور: يالاه
عهد: موضي بعدا؟
نور: بيان سيوغ
عهد: يالاه زيد على بركة الله
خرج تا لبرى ووقف جبد تيليفونو ودار نضاضرو من الشمش هضر مع نضال وبقا كيتسناه يهبط تا خرج عندهم مفركس تا هوا بالبلدي فالرمادي بحالو بحال ولادو ، ركب عهد فكاط كاط بورش سوداء وتعمد مايديش الفيراري للمصلى وركب حداه نضال و عبد المالك لور بالجلابة دالعيد والتفركيسة ونور ركب مرسيديس كلاص وكرم حداه ومشاو للمصلى
فاقت ملاك هي اول وحدة فالعيالات حيت مولفة نهار العيد كتفيق بكري وكتفيق ناشطة وفرحانة بأجواء العيد ، ضرباتها بتدويشة فاعلة تاركة ولبسات فراشة فالصومو فاتح رومية فيها فراشة فالضهر منبثة بالحجر فالزرق جاها كلاص ويديها واسعين ، لاحت على راسها شال فالازرق فلون الخياطة والعقيق اللي فالفراشة ولبسات بلغة فرجلها زرقة ودارت مكياج خفيف مكيبانش ، جبدات مجوهرات انيقة دارتهم وخرجات صبحات على غيثة فيقلتها من النعاس بالكشايف ، ناضت دوشات و خرجات فبينوار ابيض ، طلعو عندها المربيات دارو بيها من راسها حتى لرجليها وصايبو ليها شعرها بوكلي لاول مرة كتصايبو بطريقة داءرية جاها راءع وعجبها بقات كتبتاسم مع راسها فالمراية ، جبدو ليها لبسة دالعيد في غاية الجمال ؛ عبارة على فوقية ديال النساء فعبار واحد ماشي مزيرة نازلة مع يديها حتة الارض ومنبثة فالدوغي فالكتاف والضهر وانيقة فتحات ليها وجها ، دارو ليها شال فباج فاتح غادي للابيض خلاول مرخوف على عنقها ومغطي ليها شعرها وبلغة مذهبة فرجها ، ومجوهراتها اللي كيهديها عهد داءما .صلاة صلاة الصبح ودارت مرطب شفاه وماسكارة وخرجات طلات على ذهب لقاتها ناعسة حدا راياض ، باستهم بجوج ونزلات لقات مها طالعة ومطلعة معاها مرى كبيرة فالسن لفوق
غيثة: ماما ؟؟ فاين ماشا؟
ملاك: اجي معايا تبعيني
رجعات هازة لبستها بطريقة راقية بيدها باش متعكلش فيها وتبعات مها تا دخلات لواحد البيت فيه فراش مغريبي بالسدادر دالبهجة والريدوات ديال الفريع مذهب والكبالي منقوشين، اول ما لمحات غيثة هي صينية مستطيلة فيها الشمع والحلييب والورد والحنة . وداكشي متول ومقاد
جلسو بحال العراسيات وحدة حدى وحدا وعطات غيثة لنقاشة يدها نقشات ليها نقش زوين خفيف وعصري ونقشات لمها حتى هي وجلسات بقات ليها غير يد وتسالي، بقاو جالسين حتى سمعو حس الرجال و برى البيت والهراج والضحك بيناتهم ، تلفتات لمها
غيثة: يمكن جاو !
ملاك: ايوا الله يقبل...غير بشوية عليها مزربانينش
غيثة: مناين جيبتي النقاشة؟
ملاك: كتنقش فجامع الفنا و واحد المرة خديت نمرتها ودابا جبتها
المرى: كي جاك النقش؟
ملاك: غزااال تبارك الله عليك
غيثة: كيوزوز
ملاك: فيه شوية ديال الدوليو
المرى: تنقشي رجليك؟
ملاك: اه نقشي ليها حتى رجليها
غيثة: لالا بغيت نحضر للذبيحة
ملاك: ايوا صافي ...حتى تحضري ورجعي نقشيهم
غيثة: صافي واخا
وهما كيتجمعو تحل الباب ودخل عليهم عهد بحال الى كان كيقلب على غيثة، يالاه دخل ناضت ملاك قبل ميغوت عليها واخا مادايراش علاش ولات منوية غير بوحدها، خرجات ودخل هوا كيضحك وغيثة حاللة فيه فمها من رجليه حتى لراسو، جلس حداها وباسها فحنكها وحوطخا بيدو مللور وهمس بصوت ناعم فودنها
عهد: شنو كديري؟
غيثة: كنحني
عهد : ؟؟
هزات يدها اللي فيها الزواق وراتها ليه
عهد: امم..بالصحة
دار رجل على رجل والنقاشة بدات كتفتف تلفات مللي شافتو وقادات الجلسة وبدات كدور فعينيها ، اما هوا طالق يديه على المخاد اللي حداه وميهمس لغيثة فودنها ويضحك معاها
عهد واخا لاللة ...غنقصح معاك باش تبقاي على خاطرك صافي
باتاسمات وخرجات بيديها مهزوزين تا للدروج وهي تشوفها ميساء وجلت كتجري تا هيا بالقفطان والفولار والبلغة
ميساء: بلهفة) فين درتي هادشي؟
غيثة: فالبيت راه فاين
ميساء: غنمشي نديرو حتى انا
غيثة: يالاه نديك ...ولاكن بلاتي حتى نشوفو الدبيحة
ميساء: واها يالاه نهبطو
هبطو وغيثة كل مرة تقوليها هزي ليا الكمام وغادة كضحك فرحانة ، اما عهد مشا دخل لبيت غدير لقاها مع المساعدات ديال القصر جالسة دايرة القبص فرجلها ويدها ، شافتو وهي ضحك...مشا عندها بابتسامة سلم عليها من الوجه
عهد: تهبطي لتحت شوية؟
غدير: لالا غير خليني هنايا...مبغيتخمش يشوفوني هاكا
أنا أحترق الجزء 43
محتوى القصة
التنقل بين الأجزاء