جبد تيليفون بزربة وضربها بجرية رجع مع الطريق اللي جاو منها متبع التيليفون كيعطيه الاشارة ديال واحد الجهاز صغير على شكل ساعة يديوية كيديرها لذهب فيدها فكل مرة كيخرجها لانها كتلف وتخرج دلع بلا ميشوفها تا واحد وكيلقاها بواسطة الجهاز اللي قابل للماء ورقيق فالغوز مكيتحيدش من اليد واخا تحاول تحيدو تا عيا . مابعدش على غيثة بزاف ودغيا وصل للبلاصة اللي كيسينيي فيها التيليفون وبدا كيقلب وهي تبان ليه محنية كتهضر بوحدها ، مشا بزربة وقف عليها وهي تهز راسها فيه كضحك وتوريه بيديها ، لقاها جالسة مقابلة قنية بيضاء كتولد وكدوز يدها على شعرها بشوية والقنية كتولد
عهد: اش كديري؟ يالاه نمشيو خليها
ذهب: الا... (كتهرنن) خنيني ديالي...نينة ديالي
عهد: الا ابابا غنمشيو خليها ...بوسيها ويالاه نشومو مامي
داها كيجري وهي كتبكي وتركل والدموع نازلين ورجع عند غيثة لقاها جالسة عوجة شادة جنبها كتوجع بخال وجع الدم ، شد فيها مخلوع وذهب فيدو كتركل وتغوت
عهد: صافي ابب هاهيا جبتها ...مالكي مضرك شي حاجة
غيثة: فيا شي نخزات ديال الوجع كيضربوني مرة مرة ...يالاه نرجعو كنحيس براسي عييت
عهد: اوك تقدري تمشي على رجليك؟ (بغضب) صاافي ذهاااب فنضربك
ذهب بعد ما كانت كتهرنن وتفركل تكمشات وطلقات بكية من الاعماق وتخبات فعنقو مارضاتش ، شد غيثة من خصرها كيمشيها بشوية وهي كتمشى شادة جنبها ومرة مرة كيفوتها الحال وكيعاود يرجع الوجع يزورها تا وصلات للقصر ودخلو طلعو للبيت وذهب ما بغاتش تسكت واخا عيا كيرغب فيها ويسكت ويطلب و وااالو مابغاتش تسكت وحاطة يديها على وجها مخبية مابغاتش تشوف فيه ، غيثة حيدات خوايجها كاملين بقات بدو بياس وتكات على الفوطوي حدى الشرفة دالبيت وكتنهج
غيثة: السخااانة...كنحس بالصهدة والحرارة شاعلة فيا
عهد: شربي الماء ...هاكي ...شربي باش متسخفيش راه غير الخلعة
عهد كيزيد يتزسر فكل مرة سمعها كتهضر بديك الطريقة كيتوجع معاها ومن ملامح العصبية والحزينة وجهو باينة فيه كيتوجع معاها وساكت كيدوز يدو على ضهرها وهي كتبكي ...رجع الوجع من جديد شد فيها وتزاد فالوثيرة شوية على الوجع ديال الدم تا بدات كتأنين وتعصر فعينيها وهي عريانة بدو بياس كتنهج والطبيبة والفرمليات حداها كيتسناو طرطق ليا السقية اللي مزال مطرطقات ياش تجسها الزحمة ودفع واخا فيها الوجع دالولادة ، رجع فاتها الوجع تا رتاحت وتكات على ضهرها كترد السوفل وتسوط وعهد كلس على ركابيه عند رجليها كيدوز يديها على فخادها وكيهضر مع الطبيبة
عهد: واش مزال؟ غتبقا هاكا؟
الطبيبة: لا هادا غير الوجع اللول ...خاص تجيها الزحمة اما دابا ما عندنا مانديرو ليها حنا دابا ماعلينا غير نتسناو ...وهاد الوجع عادي ضاروري منو
عهد: مكاينش شي ابرة كتخفف ؟
الطبيبة: كاينين جوج اباري وحدة كتزيد الوجع باش تزحم وتولد و وحدة كتخفف من الوجع ولاكن بجوج عندهم اثار جانبية حيت كيتضربو فالسنشور ديال الضهر وكيبقا الضهر ديما كيضر من بعد
عهد : اممم..اوك بلاش منهم
ناضت غيثة كتمشى حاطة يدها على جنبها للور ويدها اليمنة على كرشها كتحركها بطريقة داءرية وتسوط ، عهد شاد فيها من اللور وغادي جاي معاها فين ما داوها رجليها ، جمع ليها شعرها لفوق بقراصة وجمعات القصيصة بفلايل ديال ذهب وبقات كتمشي من قنت للقنت كتشنط للحريق ، دازت ساعة وهوا يتزاد الحريق بدرجة اخرى تا ولات الانين ديالها كيقطع فعهد ويشد بيديها ويدوز بنفس الطريقة اللي كدير هي على كرشها ، دخلو الفرمليات نفاخة كبيرة حمرة حطوها ليها
الطبيبة: اجي احبيبة تكاي عليها كتحيد الستريس والخلعة
جلس قدامها كيحرك ليها رجليها والفرملية كدلك ليها كتافها وتمتسي ليها ضهرها وكل شوية كيعبرو ليها الضغط ويضربو ليها فالشوكات وتبدل البوزيسيون ، تحمات على ركابيها وتكات بصدرعا على البالون وبدات كتمشي وتجي فبلاصتها كتلف الوجع وترجع تنعس فوق الناموسية سخافنة والخانة طالعة ليها والعرق هابط مع جبهتها وكل شوية يمسحو ليها بزيف بارد ، الوقت كامل وعهد حداها ويوقف موراها ويدورها وهي كتعلق فيه وتبدا تمايل فبلاصتها فشلانة والحريق شادها ومع ذلك كل مرة تبوسو وتعنقو وكتشوف الخوف فعينيه ، مابقا كيبان ليه تا واحد من غيرها هي ...4 دسوايع وهي كتوجع بلا غوات بلاوالو غير الدموع الخلعة هابطين ويديها كيترعدو والسخفة ، وصلات الوقت وطرطقات السقية وهي تخلع شافت الماء هابط كيجري عرفات راسها وصلا للمعقول
غيثة: صافي دابا عاد غنموت
شد ليها فوجها وباسها فجبهتها وعنقها وعي شادة فيه وعاصرة يديها كتوجع
عهد: مغتموتيش ...غتولدي وكلشي غيدوز مزيان
الطبيبة: مدام...اجي دخلي هنا
دخلوها فالبانيو دالنحاس الذهب اللي كان فالدوش وخرجو لوسط البيت وعمرو بالماء دافىء وهي كتشوف مافاهمة والو ورجليها كيترعدو ، دخلات جلسات فيه وهي تحس بالراحة والماء دافىء خفف ليها الوجع عاد بدات كتنفس ، جرو ليها السليب وحنى عهد موراها كيدوز يديها على عنقها ويبوسها بحنان حتى بدات كتعصر ، دخل لبيت اللي كيبدل فيه لبس شورط وحيد تيشورط ودخل موراها فالبانيو وتكات على ضهرو، حط يديه على كرشها وهي كتعصر وكيهمس فودنيها ومينهج بحالها
عهد: الله وأكبر...الله وأكبر ....اشهد ان لا الاه الا الله...اشهد ان لا الاه الا الله...اشهد ان محمدا رسول الله....
من بعد ما اذن ليه فودنو داز للاذن اليسرى قام فيها الصلاة وقرى ليه فيها صورة الاخلاص تا سالا وبدا كيسميه
عهد: اسمك اسلام...انت اسمك اسلام...اسمك اسلام ...اسمك اسلام انت من امة محمد عليه الصلاة والسلام ...انت دينك الاسلام
حطو عطاه لغيثة وهز الثاني اللي كان كيرضع دار ليه نفس الشىء ، اذن ليه فالاذن اليمنى وأقام الصلاة وقرى ليه سورة الاخلاص فالاذن اليسرى وبدا فالسمية بصوت خافت
عهد: اسمك سَلام...انت اسمك سَلام ...انت اسمك سَلام انت من امة محمد عليه الصلاة والسَلام ...انت دينك الاسلام
باسو فجبهتو وحطو وخرج يخبر عاءلتو و خلاها مع ولادها
عيط لماماه علمها وخوه وختو وحتى بابات غيثة اللي رجع هوا وملاك من بعد الانفصال رجعو تجمعو من جديد ، سالا الهضرة ونزل يشوف الطبيببزة فين وصلات مع قنيتها ، لقاها جالسة عاسة عليها متحركاتش من بلاصتها وكيما خلاها بقات . شافتو وهي تنوض كتجري كتقلب جنابو ويديه
عهد: اممم ! غتعطيه نيسو ؟ اوك...هاكي هاد الوريدة عطيها لمامي حتى هي
ذهب: واخا
خرجات قدامو كتجري هازة نونوس ديالها اللي مسميها نيسو و وردة حمرة فيدها وهوا موراها تا وصلات لباب بدات كتعلق وتجبد باش تحل ، حلو ليها عهد ودخلات حشمانة كتضحك وكتشوف بحال الى اول مرة غدخل لبيت باها ومها ، مشات نزلات جوج درجات فالدارة الوسطانية اللي فيها الناموسية وطلعات فوقها كتشوف وضحك حشمانة
غيثة: مامي...اجي ابنتي شوفي شكون جا ، جراتها غيثة عندها وناضت جلسات مربعة رجليها فوق الناموسية وعهد جالس واقف حدا الناموسة كيشوف ردة فعلها وماباغيش نفس الغلط اللي وقع ليه مع نور فصغرو بسبب الغيرة يوقع لذهب هي وخوتها
غمز غيثة ومشا هاز ذهب غادي وكيبوس فيها وهيا كضحك وتخشي راسها فيه وتبوسو مجننة عليه
داز اسبوع وصل النهار العقيقة جات العاءلة كاملة بدون تستثناء ، نور وميساء من لندن لابسة الحجاب ونور كذلك هداه الله وشد طريق الدين وتبع الطريقة اللي دار عهد باش يحلل ممتلاكاتو وعرضهم للبيع فالمزاد وعادو شراهم بفلوس حلال من الثروة اللي عطلت ليه مروى وبمساعدة من عهد بسمية دميساء وصدق الفلوس الحلال اللي شرا بيهم الممتالكات كاملة وهما نيت رجعو ليهم ولاكن موضفهم فحتى حاجة فرقهم كاملين ، وكذلك نضال نفس الشىء بإصرار من ولادو حتى خلاوه يسلم المنضمة للدولة وطلب فيها ثمن خيالي خلا روسيا حطات دم جوفها باش تشد المنضمة وماعرفاتش ان المنضمة خصها عباقرة اللي يخططو ويسيرو والعباقرة ديالها اللي هما نور ونضال و عهد سمحو فكلشي وعارفين ان الدلة واخا خداتها مغتقدرش عليها ومعندهاش ادمغة اللي تشكل قنبلة بذكاء بحال اللي كانو هما كيرسموها وشكلوها وغادي يجي وقت اللي تحط فيها روسيا السلاح ومغتكملش فالمنضمة ، اما نضال دار مزية بالفلوس اللي شد من الدولة عاون بيها شحال من دولة محتاجة للمساعدة حتى مابقا ليه حتى فلس حرام و بقا فنفس المستوى اللي هوا فيه وفالحلال ومنزل حتى درجة بلعكس ...بانت البراكة وزاد القدام كثر لا هوا لا ولادو و بداو التجارة فالميدان اللي متخصص فيه عهد وتبعو طريقو وصدقات ليهم حسن من المنضمة وحتى هبتهم فالعالم بأكمل ما طاحتش وبقا اسمهم كيرعد كل واحد سمعو ، من بعد ما عهد عرف دينو وتعمق فيه خلا عاذلتو كاملة ترجع للطريق وساعدهم ماديا فالخطوة اللي دارو باش يتخلصو من كل فلس محرم وعلى رأي عهد ان هاد العهد ماشي هوا عهد الرسول صلى عليه وسلم اللي كانو كيضايبو السلاح باش يدافعو على الدين ويقضيو على الكفار انا دابا كيتصنع السلاح باش يقضي على المسلمين و لهذا خلاوها مقابل مبلغ هاءل اللي تفرق على الدول الفقيرة والمحتاجة وحتى التعلمل مع المنضمة تراجع من بعد ما سمحو فيها مابقاتش كتعطي ضاعت الدولة فالخطوة اللي خطات باش تحتافض بيها لراسها ، تجمعو نهار العقيقة مامات غيثة وباها وانيس و وعد اللي تحول لندن تكونات صداقة قوية بينو وبين نور ولاو خدامين بجوج فنفس الضومين ، عمرات الدنيا فقصر عهد وكلشي فرحان و ميساء كرشها لفمها كتكلس مكاتعاودش تنوض ، هبطات غيثة لابسة الطويل وشال على شعرها وهازة ولد فيدها وعهد هاز الثاني وهبطوهم للعاءلة يشوفوهم ، خرجهم ذبح ليهم ذبيحة ليهم بيجوج وذهب واحد اخر على حساب ذهب وحط ولادو فالمهد ديالهم وبدا كل واحد كيحط ليهم فلوس فالمهد ، كاملين حطو عملة الجني استرليني وعهد واقف لابس البلدي عبارة عن جبادو فالمري غامق وبلغة بحال ديما ، تقدم نضال حط ضمسة ديال الفلوس الجني استرليني وبدا عهد ميتنز عليه
عهد : دابا هاديك ديال هادا ولا ديال هادا؟ زيد اصاحبي ضمسة اخرى
نضال: ههه هاهوا (كيكتب) دير فيه المبلغ اللي عجبك حلال عليهم
عهد: الله يخليك لينا الواليد
عطا هدية لغيثة فيديها وبالحشمة تحنات ليه باست يدو وشداتها حشمانة ، نو تا هوا زرر الوليدات وعصر عليه عهد بالمزيان تا خوا ليه الجياب وداز عطا هذية لغيثة اللي واقفة حدى المهد وكذلك انيس خوا جيباو فالمهد وعطا لغيثة هدية وعنقها و وصلا نوبت عبد المالك اللي ولا ساكن فطنجة مقابل الاوتيل نهار وليل داير ليهم السيتيم دالعسكر هوا ملاك اللي عزيز عليها تحكم تاهيا حط الزرورة بالفرحات عليه ونقاتو غيثة تا دمعو عينيها ، جابت الخادمة المحجة صينية فيها ثمر عقب وهز حبة مضغها و شد شوية من التمر الممضوغ بطرف صبحو ودخلو لكل واحد فولادو فمو جيهت الحناك و ذلك ليهم حناكم تا سرح التمر في فمهم وهاد العملية سميتها التحنكة والقليل القليل اللي كيديرها مع العلم ان العملية قام بها الرسول صلى الله عليه وسلم { جاء في الصحيحين ومسند الإمام أحمد رحمهم الله جميعاً من حديث أبي بردة عن أبي موسى رضي الله عنه قال: ولد لي غلام فأتيتُ به النبي صلى الله عليه وسلم فسماه إبراهيم، وحنَّكه بتمرة، ودعا له بالبركة، ودفعه إليَّ.} من بعد حلق لولادو شعرهم و وزنو باش يتصدق بوزن شعره فضة او ذهب وجمع كاع الفلوس اللي تحطو ليهم فبواطة عطاها للخادمة طلعاتعا ليه للبيت ، فقت اخر جالسة ذهب ورياض واحد كيشوف فواحد بنص عين تا واحد ما عقل على لاخر وكل واحد جالس بعقلو تا شافهم نور وتفكر النهار اللي تفرقو بالبكى
تجمعو كاملين على سفرة الماءدة تحت امداح نبوية و الخادمات بلباس محترم وشعر مغطي وهادي من الشروط ديال القصر باش يبقاو خدامين ، كرم شد فيه مرض النسيان كثر وكثر واخا جالس عادي وكيهضر عادي الا وراه كينسى بزاف وخطب وحدة من عاءلت ملاك عرفو بيها عبد المالك حتى هيا فقدات الامل فالزواح واخا زوينة ومعمرها فات فيها الزواج جا رزقها قبل ماتدخل سن اليأس ، هاكا دازت العقيقة ودازت الايام وغيثة كتعلم وتزيد تقف راسها و ولادها كيكبرو قدامها وبنتها ولات كتمشي تقرى وكتاب عليها تحمل للمرة الثالثة فسن 23 سنة وتايقة فعهد تيقة عمياء ، دارت جمعيات لا تعد ولا تحصى كتعاون اي واحد دق بابها وتعلمات وتقفات ومزال كتعلم من بعد ماتفكات ليها العقدة داللوغات وتجاوزات لاباز فالقراية ولا كلشي كيجيها ساهل وحتى عقلها تبدل ولات كتفكر قبل ماتهضر وتقابل ولادها هي وعهد باش توطد العلاقة بناتهم هما ولادهم واخا عندهم مربين الدور الاساسي كيلعبوه عما و عاطيين وقت لولادهم كيما عاطيينو للخدمة ، واخا عهد ديما مشغول وكيراقب اعملو بمساعدة متشريه والمديرين اللي كيشرفو على المشاريع ديالو ، بنا اكبر جامع فكولومبيا و فكل بلاد بنا جامع لا هوا ولا عاءلتو ، الفلوس اللي جمع كاملة فسبوع ولادو فرقها صدقة جارية داكشي باش حاول ينتف منهم الفلوس قدر المستطاع .
اليوم غيثة كبرات ولات امرأة ناضجة ومطيعة وملكة فقلب راجلها اللي مكيشوف حتى وحدة غيرها ، اليوم هيا كتوجد للمرة التاعسة وهازمة على السفر هي وعهد ككل عام لبيت الله ويحجو للمرة التاسعة ، رزقهم الله بربعة دالوليدات ، بنت و3 دراري متابعين ، كبرو مرضين الواليدين على يدين عهد اللي كبرهم على الدين وخلاهم يفكرو فآخرتهم قبل دنيتهم واخا حلو عينيهم لقاو الفلوس والجاه والحياة الرفاعية ؛ لا وكبرو متواضعين وقانعين ومغرهمش لفلوس والحرية اللي عاطيهم عهد فالحوايج الحرام ، بلعكس من الصغر كبرو على طاعة الله ورسوله وخاطيهم الحرام ، ذهب فعمرها 20 سنة اية من الجمال خدات شعر وبياض وملامح باها وذكاءو ، محجبة على اقتناع وماخاصها حتى حاجة ، كتملك كلشي وبنت اغنى واحد فالعالم وحتى ملابسها انيقة وفدار باها كتلبس اللي بغات وعندها الحرية التامة والاحترام بسنها وبين خوتها وحتى واحد معندو الحق يتحكم فلاخر لان الاب حاضر وحاكم بين ولادو ومعلمهم يبغيو بعضياتهم وميهزوش العين وكونهم كيعرفو الدين فالدين كيعلمهم كلشي وحتى البر بالوالدين وهادي اللي خلاهم مرتاخين فحياتهم بلا مشاكل بلا والو وعارفين اللي ليهم واللي عليهم. كالعادة الولاد غيعيدو بوحدهم وممحتاجينش اللي يحضيهم لان تربيت باهم ليهم خلا الله حاضيهم وعارفين ان الله كيشوف ومكتخفى عليه خفية وخوفهم من الله خلاهم ميدروش الحاجة اللي تغضبو ، مشا عهد وغيثة من بعد ما وصاو ولادهم واتاجهو يأديو مناسك الحج ،
وكذلك مروى ونضال ونور وميساء و انيس و وعهد اتاجهو نحو الكعبة وخلاو ولادهم فرعاية الخالق تحت تربية دينية واسلامية ، قررو يتجمعو الاولاد من بعد ما سافرو واليدهم ويمشيو يدوزو العيد العيد الكبير فالمغرب كاملين مع كرم ومرتو اللي بقاو فالقصر ، إسلام وسَلام وذهب واخر العنقود سيف الدين خرج طبق الاصل لمو اشهب ولاكن خدا طباع الجد نضال ، الخالق الناطق فالطبع والسكوت ، رياض وختو جنة اللي موراه والصغير اللي تزادت اخر وحدة سلمى ، ولاد وعد وانيس بجوج يوسف و ملاك الصغيرة ، تجمعو كأخوة فدار الجد البنات بوحدهم والولاد بوحدهم كل وحدة وبيتها وكل واحد وبيتو ، وكل واحد وعلامن كتشرق ليه وكبغي يتجمع معاه وكيلقى راحتو ...سالام مفاهم هوا وجنات كيبغي يجلس معاها ويتجمع هوا وياها مع العلم ان البنات كاملين محجبات ، واسلام عندو رياض نفس العقلية عندهم واما يوسف كيرتاح فالهضؤة مع ذهب واخا كبيرة عليه كأخوة لا غير الشيء اللي كيتير غيرة درياض حيت ماعندهاش معاه وحتى هوا كينوضها معاها مرارا وتكرارا على والو بحجة انها كتهضر مع ولد ماشي محرمها و هوا معندوش مشكل تهضر وحدة فخوتاتو مع ولاد عمها ولاد خالتها وكلشي فحدود، اما السنافير الصغار فهادوك علامهم بوحدهم كيتجمعو على سيف الدين يعصبوه لانه كيبغي يجلس بوحدو ماعندوش مع الهراج وحتى هضرتهم بوحدها وهوا اقرب واحد لنضال كيتجمعو هضرة ديال الرجال وهوا باقي صغير كيحلل ويناقش معاه . دوزو العيد مجموعين بحال الى كاينين واليدهم معاهم ،
عمرات الدار بالاحفاد والضحك وكل واحد وطبعو وكل واحد وعقليتو ، داز العيد على احسن ما يرام واها كيتناكرو وكيدوزو بيناتهم طراءف كيضحكو من القلب ومرات كيبكيو ويحزرو بعضياتهم .
اليوم عودة الحجاج للقصر والاولاد بالفرحة كيوجو هما والخدمات فرحانين غيستقبلو واليديهم يعد غياب ، وصلات الطوموبيل الطوييلة البيضاء نزلو منها الحاجات بجلابات فالابيض والحجاج بجلالب بيضاء لقاو ولادهم فالباب بليجابادور والبنات بالقفاطن والحليب والتمر، وقفات ذهب لاحت هضرة ليوسف بالضحك
ذهب: كيبانو فالابيض بحال طير بقر ياربي تسمح ليها ههههه
يوسف: هههه يالاه كنت غنقولها
وقف موراهم راياض كيسوط
رياض: لواه البيض مقشر...ماشي وقت الضحك هادا
يوسف: واغير ضاحكي
ذهب: خلي عليا المعقد ماتجابوش غينكدها علينا
رياض: بعصبية)ضحكي دابا تا لمن بعد
متسوقاتش ليه وبقات واقفة دايرة شال احمر ولابسة قفطان موبرى حمر هازاها من القدام . دخلو الحاج كل واحد هز تمرة كيتسالمو ويتعانقو مع ولادهم ، دخلو كاملين وبقا نضال ومروى برى كيشوفو فيهم داخلين الكل فرحان واحفادو كيدورو من هنا لهنا ، شد ليها فيديها وابتاسم
نضال: الحياة هي تشوف هاد المنضر ...دارك عامرة بولادك و ولاد ولادك
مروى: كنتي نتا بوحدك وانا بوحدي ، من بعد ولينا بجوج من بعد ولدنا ولادنا ومن بعد شفنا احفادنا ، كبرات شججرتنا وكترو افراد اسرتنا وهادشي اللي تمنينا .
نضال : هه يالاه ندخلو
مروى: بابتسامة ) يالاه
عهد: خاصنا صورة جماعية
نور: وي كلشي يتجمع يالاه
تجمعو كاملين للور وقفو كأسرة ملكية و وقف رياض لقدام هاز عصا دالسلفي شد فيها عءلتو كاملة صغير وكبير مناقص فيهم تا واحد
أنا أحترق الجزء 46 و الأخير
محتوى القصة
التنقل بين الأجزاء