مهدي و شيماء الجزء 23

ساط معرفناه سرباي ولا بوليسي قلت ليه أه عرسان شفت فختنى نوضي نتي نمشيو خرجنا وهضرتو بصح ديك طريق كلها ضلام وخاوية مزال مدخلناش لمدينة ختنى غير كتدور فراسها تخلعات قلت ليها أشكين دبا نحط ديلمك هنا شاد فيها حتى كتضرب شي لعبة فطوموبيل من لقدام جريت معاها بلي غير حجرة شي واحد شير بيها وديجا سامع بلي غير بلان باش توقف ويغريسيوك كون كنتي بحدي نوقف نقود سوايع ولكن معايا ختنى آخويا مقادين على شوهة يوليو دايرين ليها شي قلوة موقفتش كاع ختنى عطاتها لغوات تنقوليها وغير سكتي لعطبمك شويا تيبانو ليا زوج ماطر كل واحد راكبين فيه زوج غادين فجنب طوموبيل خوتنا عينهم فينا وصافي باغيني نوقف ولكن معامن غير وصلنا لحدا واحد لبوطو ديال ضو ضربتو طوموبيل طاح لي فلموطور وقفو هزيت واحد زرواطة من تحت لكرسي هادي كانت عند لواليد فطاكسي وعطاها ليا وغادي ندوزها لجيل لي بعدي بحال داكشي ديال لمراكنة هادي هيا لفرصة باش ندير ليها قصة ونعاودها لولادي ههههه قلت ليها تحركي بطوموبيل بعدي من هنا ونزلت ديك لعصا بحال لي تيلعبو بيها لكريكيت وخشب تقيل خوتنا باقين طايحين وأنا نبدا نزل عليهم باش معمرهم يعاودو يفكرو يديرو هكدا(تربية وداكشي) تنسمع ختنى كتعيط عليا نازلا من طوموبيل بنت ناس باغانا ندوزو فالأخبار لحت ديك لعصا فلكراسي لي لور و طلعت لطوموبيل وحركنا دخلنا لمدينة تنضحك وطالقها عليها ناري أبنت ناس عرفتي واحد ضربتو طار ولأخر ناري وهوما كانو أصلا طايحين مقادينش ينوضو ختنى وهيا تشوف لور جرات ديك لmallet لي كنت هاز فيدي كلها دم قالت ليا مهدي سير نمشيو عند لبوليس منخليوهمش تما غيموت شي واحد وغادي نوليو فشي حاجة أخرى قلت ليها بحال هادوك بنادم مكيمونوتوش خودي كلينيكس مسحي لكراسي لور قالت ليا من نيتك لا منقيصش هادشي تنشوف فيها غير حشمت ندفل علك كان عليا ناخد شي بنت خالتي من لعروبية تدبح وتصلخ معاك بقلب بارد.. لحت لعصا تحت لكرسي حتال غدا و ندي طوموبيل لفاج.. لقينا أوطيل حطينا طوموبيل عند لغرديان ودخلنا دوزنا ليلة عادية بحال كاع ناس (لمزوجين) لغد ليه كتفيق فيا نوض دقان لبوليس واقيلا.. تيحساب ليا غير كتضحك ومع فايق مضهصص بما في الكلمة من معنى واحد دقيقة عاد عرفت شنو واقع خارج لعندهم بشورط غيكونو غير ناس ديال لوطيل حليت لباب لا هادو بوليس قاليا سيارة لكحلا لي لتحت ديالك؟ مضروبة من جنب ولقدام؟ داك لڭارديان واقف معاهم مخلانيش حتى نجاوب قاليهم أه هو هدا سيد مولاها قاليا لبوليسي لبس حوايجك غادي تجي معانا وبوليس ولاو مأدبين أخويا لفلوس كتلعب دور تسناو حتى لبسنا وغسلت وجهي عاد غادين بينا كونما كانو زربانين يمكن كانو غيخلونا حتى نفطرو(غير تنضحك) لمهم ختنى طريق كاملا وهيا كتبكي ولخنونة تفو باش محزم تنقوليها أودي غير سكتي كتقوليا ناري لحبس ناري ويلي عيطولي على بابا دخلونا لكوميسارية ختنى كتبكي وأنا حابس ضحكة غير بزز مزال مكملناش حتى سيمانة صحيحة شوف فين ولينا قلت لخونا علاش جايبينا قاليا دم لي فطوموبيل ولقينا زوج دناس مضروبين فنواحي بلاصة مبعيداش بزااف واش نتا لي ضربتيهم؟ قلت ليه أه ولكن راه defend oneself زعما راه شبعان قراية خونا مبقاش باغي يسكت لفرونسي لفرونسي لفرونسي مفهمت والو قاليا قلتلك دبا راه واحد منهم فحالة خطيرة غادي تبقاو معانا حتى نعرفو أش وقع قلت ليه وخا ولكن خليها هيا تخرج راه مدارت والو ومزال مفاطرين ما والو أه وبغيت نعيط على لعائلة يجيبو شي محامي.. وهيا تنقز ختنى مخلوعة كترعد وقالت ليا لا مغنمشي لحتى بلاصة حتى نخرجو بزوج قاليا وخا دبا يجيبو ليك دراري باش تفطر مدلي تيليفون واحد لبوليسي ضريف.. تنفكر علامن نعيط غادي نعيط على لواليد متيعرف حتى محامي غادي غير نعدبو ومعندو باش يعاوني عيطت على نسيب سلام سلام قاليا لله يسمعنا خبار لخير قلت ليه مكين باس غير هاد ساعة حنى فواحد لكوميسارية قاليا شيماء وقعاتلها شي حاجة؟؟ قلت ليه لا والو غير واحد لمشكل وخاصنا محامي قلت نتا تقدر تكون تعرف شي واحد.. عطيت لبوليسي باش ينعتليه لبلاصة وقطع خلاونا باركين فوق واحد لكراسى شويا وهوما يجيبو لينا لفطور وشنو جايبين ههههه شفنج وأتاي ههههه مكليتش شفنج كتر من عامين دبا وداك شفنج سخوون عرفتي تنضرب ختنى مبغاتش تاكل وأنا ندور ليها مع حقها مع هيا من داك نوع لي تيفطر بالعاصير وشكلاط أتاي تيجيها قاصح ههههه دبا هادي دير معاها ولاد خاصها شي عامين ديال روداج ولمرقة بايتا يلاه تحك شويا وخا هكداك دارت بلان مقود قدام لبوليسي مبغاتش تخرج ونبقى أنا ويمكن خافت لا تخرج بوحدها ويتلقالها شي واحد من عائلة خوتنا ولا منعرف لمهم بلان زوين تنبانو كوبل زوين مفرقوناش عرفتي شنو هيا تبقى بارك فوق كرسي بسوايع ولحرارة جلدة ديال طرمتك تسلخ😂 واحد لحضة بدات كتسول على لحمام باش توضى وتصلي زعما قلت ليها غير رتاحي أبنت ناس راه خاصك وضوء أكبر نسيتي.. مجات لا عائلة دراري لي تضربو لا والو وجتى خوتنا مدواوش معانا.. وصل باها ومعاه لمحامي دخلو عند لكوميسير واحد شويا وخرج باها تيقولينا يلاه مفهمت والو كيفاش يلاه واش بغيتي يزيدونا محاولة لهرب قاليا يلاه حلينا لمشكل سلم عليا لكوميسير قاليا رد بالك فطريق ومدلي سوارت ديال طوموبيل صدمني خرجنا لقيت طوموبيل ديالي كتسنى مبدلين ليها جاج لي تهرس ومغسولة ختنى طلعات مع باها وأنا تابعهم تيباليا داوي معاها معرفتهمش فاش داوين وقف فواحد لrestaurant بركنا وهو يجي سرباي باهت قاليه شي لعبة بالفرونسي زعما شنو يجيب وبنتو حتى هيا داكشي غا بلفرونسي شاف فيا قلت ليه جيب ليا بحالهم بقى واقف خونا حبس ضحكة غير بزز قاليا خويا راه كل واحد فيهم وشنو طلب إنى واحد بغيتي نجيب ليك فحالو حتى أنا تصورت عليه صاحبي جيب ليا بحال داكشي لي طلبوه بزوج راه لموت ديال جوع لفرونسي ديال لمرض سالينا لقراية زعما قلنا تهنينا منها مزال تابعانا لمهم قلت لباها كيفاش درتي ليها قاليا لفلوس لي دارتليها قلت ليه شحال خسرتي باش نرجعهم ليه مبغاش يقوليا تيقولي صافي حنا عائلة وعندنا خدمة مغاديش تبان فيها هاد زوج دريال شنو وقع ليكم بعدا؟؟ مع سول وأنا نبدا عرفتي طايح كتر من نايض وغير بوحدي كانو شي 2 ولا 20 وغير بديك زرواطة.. راجعين لدار طريق كاملا وأنا تنفكر سبحان الله كلشي يقدر يتبدل غير لبارح هاد لعائلة ولدهم كان غادي يقتلني وعطاوني فلوس باش خرج من لحبس وليوم مزوج ب بنتهم وباها عطا فلوس باش يخرجني أنا من لحبس هادشي فشكل...

يتبع