هادو مالو تسطا اويلي امي ويجيب ليا الواليد الخبار دخلت معايا راجل للدار ويلي غير يالاتيف و صافي كلست كانتفرج تا حط ليا سامي الفطور و فطرنا بتلاتة تا خديجة معانا انا اصلا كنعتبرها ختي مشي خدامة عندنا ههه فطرنا فجو زوين الضحك ديالنا كايسمع تال السويد هههه توحشت هاد الكلسة كاتفكرني فالعائلة ديالي ... فطرنا ومن بعد خرجنا انا وسامي وصلني عند سلمى و هو مشا عند هشام مامشى تا طلات عليا سلمى وتأكد بلي راها فالدار هههه
سلمى : مرحبا بالزين ديالي
انا : ترحب بيك الجنة ... مبروك عليك
المهم دخلنا انا وياها كلسنا ضحكنا و هضرنا هههه نسخة طبق الاصل على سامي و هشام ضحوكية بحالهم شوية صونا ليا التيلي سامي هادا
انا : وييي
هو : يالاه للدار انا شوية نكون عندك
انا : ههههههه اشنو
هو : كيما سمعتي (قطع قبل مانكمل هضرتي)
رجعت عند سلمى ستأذنت منها و خرجت عند سامي
انا : نتا اش كايصحاب ليك راسك كاتحكم فيا الصباح الفطور و دابا بغيت نخرج كلتي رجلي على رجليك اشنو هاد التصرفات
هو : مراتي منسمحش ليها تسركل فالزناقي فهمتي
انا : وقف اللوطو
سامي : لا
انا : وقف ولا والله تا نلوح راسي
وقف سامي اللوطو هبط منو شييرت للطاكسي و اكدت عليه مايلحقش عليا نهائيا داني الطاكسي للبحر بقيت كانشوف فيه النهار كامل حتى غربات الشمس عاد نضت لقيت الدنيا مظلمة و مشيت ديريكت للدار مع الدخلة وقف عليا عزرائيل اووووف
سامي : كنتي بقاي برا لاش جيتي
انا : سامي بعد من طريقي حييييييد
دفعت سامي و طلعت لبيتي كنبكي ثاني تا نعست ولات حياتي كولها حزن فحزن ملييييت والله ...الله ياخد الحق فلي كان السباب ،. الله يا سامي علاش كادير معايا هاكا علاش عرفتك كاتبغيني و حتى انا ولكن عمر الحب كايكون كافي باش نعيشو فالسعادة نتا تستاهل وحدة شريفة كثر مني انا صافي منصلحش ليك ابدا...
صبح الصباح جديد كولشي فطرنا انا وسامي فصمت اصلا مقلقة منو على هاد التصرفات قليك مراتي واش انا كرهت نكون مراتو اه كون تلاقينا فظروف خرين ممكن مي فهاد الظروف لي انا فيها مستحيل نفكر نظلم معايا شي حد ابدا كملت الفطور طلعت للبيت هزيت صامي و تميت خارجة و هو يشدني من ادي
سامي : في غادة
انا : سامي لاش كتصرف هاكا لاش خليني عافاك و ونساني عارفاك كتبغيني ولكن والله منصلح ليك عفاك نساني
نترت ادي منو و ديماريت اللوطو مشيت عند سلمى طرگتها و مشينا حجزنا فالقاعة ديال العرس و درنا الشوبينغ ما خليت ما شريت ليها هههه كولشي على حسابي على شحال من اخت عندي انا وههه سالينا گلسنا فواحد الكافي نرتاحو شوية
انا : عارفا هادشي و حتى انا كنبغيه و لكن لا انا غادي نظلمو معايا حيث مانصلاحش ليه الماضي
ديالي غايبقا ديما تابعني ..هبطات دمعة من عيني و مسحتها بزربة
هي : ولكن الا عطيتيه فرصة امكن...
انا : يالاه الوقت داز خليني نوصلك للدار
مشينا ركبنا اللوطو وصلت سلمى للدار و مشيت تانا للدار ...دخلت و سولت على سامي قالت ليا خديجة بلي ملي خرجتي فالصباح تا هو خرج و مرجعش مزال ... خليتها طلعت لبيتي دوشت و صليت و صونيت لسامي و لكن التيلي ديالو طافي و هبط تعشيت من بعد طلعت نعست ولكن ضرباتني الفيقة مع الجوج دليل حلمت بلي سامي مات فحادثة رجعت صونيت ليه و لكن مزال محل التيليفون ديالو وزدت تشوشت عليه و خرجت للجردة كلست تما تالصباح و ديماريت اللوطو للدار ديال سامي دقيت تا خفت نفييق الجيران تا بغيت نمشي فحالي و هو احل ليا الباب وتلاحيت عليه بواحد التعنييييقة ديال بصاح تا طيييحتو فالارض و انا فوق منو و قف الزمن بقينا شحال هاكاك تا عرفت راسي شدرت و انا نوض و اعتاذرت منو هههه ماعرفت راسي فداك الوقت اش طرا و لكن ماحسيتش تا تصرفت هاكا و لكن تا هو راه ماكانش شاد فراسو و طاح ههه عطيتو ادي باش اوقف و منبعد دخلنا للدار و كلسنا
انا : سامي مالك
سامي :الصمت
انا : جاوبني علاش طفيتي تيليفونك و اش هاد الحالة درتي فالدار كولشي هرستيه اش واقع ليك
هو : ايناس انا بيخير الا سمحتي بغيت نبقا بوحدي
انا : لا ا سامي لا لا لا
هو :باراكا ماتعذبيني عافاك عام و نص وانا كانتعذب عافاك رحميني و ماتبانيش قدامي عالله نقدر نساك
انا : حتى انا كنتعذب بحالك حتى انا كنبغيك و لكن الظروف ماكاتسمحش
قصة إيناس حكاية حب الجزء السادس
محتوى القصة
التنقل بين الأجزاء