مهدي و شيماء الجزء 15

وبحالا علمت عليها غادي تدخلني فهادشي سولتها وشنو غديري قالت ليا حل وحيد إلا بغيتي تعاوني وأنا نقوليها فخاطري ديك وييع لعطبمك عرفتك غتدخليني ههه قالت ليا تجي تهضر فيا مع بابا ونتا عزيز عليه وحتى ماما هادشي ماشي بصح غير حتى يشوف داك سيد شي وحدة أخرى من غيري ختنى بقات فيا وديما عارضا عليا ورجولة منقدرش نقول ليها لا فلعشيا مشيت معاها بركت وسطهم باها فجهة ومها فجهة قلت ليه عمي جيت غير على ود ندوي معاك فموضوع بنت سيد فلبلاصة قاليا فين هوما والديك مزال مكملتش هضرتي قلت ليه والديا بعاد وبيناتنا واحد لمشكل منقدرش نجيبهم قاليا إوا مرحبا نتا راك فحال ولدي وهيا بحال بنتي وقسما بالله إلا يلاه جا فيها ولد عمي تبارك الله زين وشان ولكن على وجهك عزيز عندي والله ما نرضك.. مها زغرتات سيد وهو يجبد معايا لهضرة فزواج وايلي هادا مالو داوي ليا على لكاعيط تنشوف فختنى دوي أبنت ناس قالت ليه بابا حتال من بعد غادي ندوي معاه أنا فهادشي خرجت من عندهم غير بزز سيد جعر عليا أنا بغيت غير ندير مع لبنت لمزيان غنولي مزوج بيها هيا زوينة ولكن مريم أخويا الأنوثة أخويا هادي تنحس براسي بارك مع عشيري وكتضحك بهقهقهق تمالنا غير تضحك يتجمعو عليك جيران.. خرجت نيشان لدار جمعت حوايجي وغادي لدارنا عادي صافي ختنى راه دوت مع باها حتى تدير حل لراسها غادي لدار تنعيط على لواليدة قلت ليها بلي أنا فطريق جاي قالت ليا وخا الله يوصلك على خير عيطتلها باش حتى إلا كان ولدهم معاهم يخرج وصلت ملقيتوش سلمت عليهم بست للواليدة راسها لواليد كذالك باركين تيسولو فيا كيفاش دايرا هاد لخدمة... هزيتهم وخرجنا نغيرو لجو مشينا لدار لقديمة وجبنا دورة عند لعائلة من شحال مزرناهم رجعتهم لدار فليل ومشيت لعند كمال لمحل لقيتو تما بركت معاه شويا قاليا متكعاش مني على ود شحال هادي من بعد ما رجعات سلوى كلشي تخلط ليا فدماغي ومبقاتش كتفرق عليا ونتا منعرف كيفاش فهمتيها.. لمهم بقينا داوين ضحك وكدا بحال شحال هادي رجعت لدار حيت لغد ليه داير مع مريم فلفاك وبصح لغد ليه مشيت عندها دخلت شحال هادي منزلتش تما كتحس بكلشي تيشوف فك تنقلب عليها لقيتها داخلا لواحد لونفي وأنا ندخل رجعت لور وهيا تجي لعندي سلمات عليا قالت ليا تبدلتي ولا أنا لي تيباليا قلت ليها شويا تنعاود ليها على لخدمة وصرف صرف وهيا تلوح ليا ولد خالتي مات نيشان صدماتني ياربي يكون لي عندو رونج قالت ليا أه هو , باش مات والله يرحمو وخا مدارش علاش.. لا متقولش هكذا راه مات دبا دكرو بالخير فخبارك تصالحت مع شيماء مورا هادشي لبنت كانت غاديا تحماق ضربات يديها وخا كان قبيح مع بنادم راه كان حنين معاها كتر من لقياس.. كان شارب ودار كسيدة, إوا لله يرحمو جاتني فشكل تسمحلك شيماء بعد ما مات خوها ونتي تطلقتي منو وداكشي كامل.. لا بالعكس راه نتا مزال معارفهاش وخا منعرف شنو دير ليها ولا تقوليها تسمحلك حتى نتا خاصك تعزيها فخوها.. خرجنا وهيا تقوليا يلاه معايا لعندها تحركنا تندورو تما حتى لقيناها معرفتهاش خليتها فواحد شكل ولقيتها فشكل أاخر بحالا قلتي مبهدلة قلت ليها لله يجعل محبتو صبر قالتلي أمين ممشى معاك باس قلت ليها سمحيلي على داك نهار قدام لباب فاش ضربتو كنت معصب قالتلي عادي حتى هو راه كان غادي يقتلك غير سمح ليه حتى نتا ودعي معاه لبنت صدماتني لعكس ديال داكشي لي كنت متخيل زعما يموت خوها وتحقد عليا حيت أنا وهو مكناش كنتحاملو مريم عيطاتلها مها منعرف شنو باغياها مخلاتنيش حتى نقوليها نوصلك خرجات بزربا بقيت أنا ولبنت قلت ليها مزال داخلا, لا قلت ليها نوصلك معايا غادين وداوي معاها تنصح فيها زعما تهلاي فراسك أختي لي مات مات نتي لي مزالا حية وديك لهضرة وصلتها لحدا دارهم حتى نزلات وهيا ترجع تطلع قالت ليا مهدي بغيت نقولك شي حاجة, مرحبا شنو هيا؟ نتا ولد ضريف بزاف بعد على مريم.. أنا ضريف هههه تغالطتلك مع شي واحد بالعكس مريم راه والو بالنسبة ليا.. قالت ليا راه مربيا أنا وياها وهادشي بيناتنا راك معارف عليها والو واش تيحساب ليك بصح مشات عند ماماها دبا؟ علاش فين عندها متمشي؟ منقدرش نقولك ولكن مكينش غير بوحدك عندها عيط ليها سولها فين هيا وهادشي لي درت عيطتليها مجاوباتنيش كاع لبنت وهيا تجبد تيليفونها وعيطات على أم مريم سولاتها على مريم واش فدار قالت ليها لا مكيناش.. معرفتش ختنى شنو باغيا توصل ليا زعما مريم دايرا من غيري ولكن علاش زعمعا دبا لحمد لله بيخير قلت ليها أجي ياكما دايرين هاد لبلان باش تجربوني ولا منعرف بلاناتكم هادو قالت ليا والله ما كينا شي حاجة هكذا بالعكس نتا ولد ناس وعزيز عليا قبل مندوي معاك فلول كاع فاش كانت كتبات معايا وتعاودلي علك فخبارك أنا لي جبتلك لورد مصيفطاتنيش وبلي خويا لي طلقها ماشي لعكس راه كانت مزوجة بيه وكتدوي معاك ومع وحدين أخرين.. بنت خالتي وصعيب نقولك هادشي عليها ولكن خاصك تعرف.. ختنى صدماتني ديال بصح مريم لعكس ديال هادشي لي قالتلي ورجولة وجابتلي فلوس داك نهار فاش حساب ليها معندي حتى ريال وترجلات معايا فشحال من لعبة.. غتكون هادي لي طالقها عليا وهيا قالتها بفمها عزيز عليا وجبتلك لورد وعاودات ديك ولد ناس 100 مرة فهضرتها صافي أححح لبنت تتبغيني وطالقاها عليا باش نبعد على مريم وتخوى ليها ساحة ولكن معامن.. نزلات لدارهم وراجع أنا لدارنا هادو طلعات ليهم لقردة عليا هاد لأيام كل واحد وكيفاش باغي يتقرب مني(ماشي تقرب لي على بالك دبا) لمهم رجعت لدار هزيتهم ومشينا لدرب لقديم توحشو داك لجو تما باركين ب3 قدام تلفازة وأنا متكي على سداري وحاط راسي على رجل لواليدة وتيليفون فيدي كتعيطلي نمرة بريفي مجاوبتهاش عاودات عيطات وأنا نجاوب تنسمع ديك مهدي؟ وصوت ديال راجل قلت ليه هو أه شكون معايا؟ قاليا لي *واك واش صوتي تبدل بصح؟ قلت ليه تبرهيش ديال والو معندكم ميدار يلاه غنقطع باش عرفتي سميتي بعدا؟؟ قاليا صافي مبقيناش تلاقينا ولا سمعتي صوتي مبقيتيش كتعرفني يمكن نسيتي بلي عندك خوك لمهم ممعيطش لك على ود لماضي حنا ولاد دبا وبغيت ندوي معاك...

يتبع...