عندما يحب الامبراطور الجزء الثامن

حطات الطيارة ونزلت .بان ليا وحد الدري كيشوووف فيا وتجاهلتو وبقيت غادة حتی وقف عليا وعطاني كارط فيزيت ديالو وحطها فصاكي اللي كنت هازة .خنزرت فيه ومشيت بعدت منو 

.لقيت شيفور كيتسناني وهاز سميتي فلافتة 

مشيت سلمت عليه وطلعت .هز الباليزات ومشا بيا لوحد الحي اقل مايقال عليه راااقي 

بقيت مبهوووضة بالبناية اللي خدات لي خالتي وكلي تساااؤولات كيفاش خلاتني نعيش بوحدي 

هبطت ومن ورايا الشيفور.هز لي الباليزات .طلعنا فالسانسور حتی وصلنا عطاني باش نحل الباب وحليت ودخلت .كانت شقة رااااقية وفيها ريحة مألووفة بالنسبة ليا حطيت صاكي فالدخلةوبقيت داخلة حتی بااان لي ميمكنش نغلط فيه .كان عاطيني بالضهر وحاط يديه فجناب الفوطوي وكيكمي ورجل علی رجل . 

تشوووكيت .معرفت باش تبليت .ميمكنش واااش سيف اللي جالس هنا .واااش هو اللي مخطط لهدشي كاااامل .مبقيت فااااهمة والو . 

حطيت يدي علی فمي بقوة الصدمة.

سيف؛ وهو مملفتش ليا كيشوف قدامو( علی السلامة )

انا؛ بصوت خفييف(سييف) ومخلوعة 

سيف؛ بجدية كيهضر مع الشيفور( خرج وسد الباب)

انا؛ مجوبتوووش مزال الصدمة مأترة فيا 

سيف؛ هضرتي مع شي حد فالطيارة 

انا؛ مهضرتش مصدومة وواقفة فبلاصتي كنبحلق فضهرو حتی ضار عندي ودغيا وقف عليا 

سيف؛ وهو مخنزر( هضر معاك شي حد فالطيارة؟)

انا؛ ومزال مصدومة(لا)

سيف؛ طلعني وهبطني( اش هدشي لابسة؟)

انا؛ وكنشوف فيه ممتيقاش بلا كاين حداية ( اشنو؟)

سيف؛ عطااني تخنزيرااات زوييينين ورجع فوق الفوطوي وهو كيكمي وينفخ قدامو( ارتاحي ومن بعد نهضرو)

انا؛ وجيت قربت حداه وكنشووف فيه( كيفاش هدشي .امتی جيتي وفين كنتي غابر ؟)

سيف؛ بقا كيكمي ومجوبنيش .دار ليا حركة بعينيه زعمة نمشي 

معرفتش كيف درت مشيت من حداه ودخلت لوحد الشومبر وانا كنتأكد واش كنحلم ولا بصح غادة وكنمس فخدودي وفجبهتي لنكون مريضة ولا فيا السخانة 

حليت باب وحد الشومبر .وهي تضربني ريحتو دخلات لي للداخل د دماغي وعقلي وقلبي .بقيت مغمضة عينيا وانا كنستمتع بيها .حليت عينيا كنضورهم فالغرفة .سريير كبير ديكور رجوولي كوستيم فوحد الكرسي حدا السرير بقيييت واقفة كنركز مزيان واش هدشي بصح .معرفتش قلبي فررح فاش شفتو معرفتش شحال كنت موحشة فيه وفشوفاتو وكلامو الرجولي و ريحتو اللي كتأسرني .واش هدشي طبيعي من ناحيتي ولا أنا كنكتاشف شي مشاعر فقلبي مكنتش عارفاهم

بقيت شحاال كنتمعن فديك الغرفة وانا ااقفة فبلاصتي اللي فالدخلة د الباب حتی حسيت بشي حاجة سخووونة من ورايا .ديك الهااالة المحيطة بيه اللي تخلي اي واحد يحتااارمو ويسظع كلامو بدون شعور .كان واقف ورايا والنفس ديالو كتوصلني كتدووخني .مبقيتش عارفة الصح من الغلط .واش انا اللي طلبت منو يبعد ودابة غادة نموت باش نتهشا فحضنو .واش هادي انا ولا شي واحد ساكني .لا لا ووووفيناهيا خطيبتو .

بقااا شحال واقف حداية وانا مبغبتش نتلفت باش منحرمش راسي من الاحساس اللي حسيتو وهو قريب مني .

حسيت بنيفو حدا شعري .شوية هز شعري بيدو وبقا كيشمم فيه .طلعاااتني التبوريشة .احساااااس كيسكر الواحد .كانت سعااادتي كتلخص الان فكلمة وحدة.سيييف

دورت وجهي ليه كان مغمض عينيه قبل منضور ويتسحب شعري من يدو بفعل الضورة ديالي 

انا؛ كيفاش جيتي هنا 

سيف؛ حل عينيه وهضر بكل حب( علاااش نتي؟)

انا؛ مفهمتش

سيف؛ حط يدو علی شعري تاني وكيلعب بيه( علاش نتي اللي تحطميني هاكة؟)

انا؛ سيف 

سيف؛ وكيقرب وجهو لوجهي (منقدرش نبعد.غنمووت )

انا ؛ الشقة السفر كلشي انت اللي مخطط ليه .يعني وافقتي نسافر وتبعتيني وشريتي ليا شقة باش تبقا تحكم فيا 

سيف؛ ومزال شاد فشعري كيلعب بيه ( ممكن)

انا؛ كنشوف فيه ببراءة( ياك اتافقنا)

سيف؛ وهو كيشوف ففمي( قلبي لغا الاتفاق)

انا؛ انت معندكش الكلمة

سيف؛ جرني عندو من كتافي حتی لصق وجهي علی صدرو.وبعدنس شوية ووجاهنا قرااااااب .كيشووووف فعينيا بحال كيحاول يكتاااشف اش تحت راسي ( أنا تخليت علی خدمتي .ومعنديش الكلمة.تخليت علی الشوفة فيك كل نهار ومعنديش الكلمة.بعدت عليك وكل دقيقة كنموووت الف مرة ومعنديش الكلمة.حسدت حيوط غرفتك حنت مخبرينك عليا .حسدت ليزار اللي تغطاااي بيه .حسدت الام ديالي حنت كتشوفك كل نهار .حسدت الخدااامة حتی هي .حسدت الدار كاااملة حنت نتي فيها وانا مقااادرش ندخل

بعدت علييييك شحاال من اسبوووع عندي انا سنين .مبقيتش كنعرف الليل من النهار بسباب تفكيري فيك .طردت بزاف الموضفين علی قبل غلط بسيط .وليني سبب اعصابي وسبب توتري هو نتي حنت بعيدة عليا .كنت كنحي بالليل ونوقف حدا بيتك نتحسس انفاااسك من ورا الباب وخا مكنسمع والو كنتخااايل .كنبقا ندوز يديا علی الباب بحال نتي واقفة تما .كنحااول نلهي راسي طيفك كيبان لي وانا عارف راسي كنحلم .اشنوووو باغة مزال .ياك مبقيت ضغطت غليك .مبقيت تحكمت فيك .وجيتي لامريكا . هدشي مكفااااش واش بغيتي تشوفيني جتة عاااد تهناي حنت انهی هاكة نتي كتقتليني .انا مباااغيش حبك . مباااغيش اهتمااامك .يكفيني نشوفك كل نهار ونصبح عليك ونعرفك اش كليتي واش لبستي واشنو درتي ونشم ريحتك .كااافيني هدشي.وااااش كنطلب بزاف 

انا؛ فخاطري( هاد الحب كامل مخبيه فقلبك ) اشنو المطلوب مني دابة 

سيف؛ طلق درعاني ودار يديه فجيابو ( هاد الشقة غتعيشي فيها معاية )

انا؛ بصدمة( اشنوووو؟)

سيف؛ كيف سمعتي .هادي غرفتي.غرفتي فالجيهة لاخرا. 

انا؛ مجوبتوش ومشيت من حداه ودخلت لديك الغرفة ووقفت حدا المرايا وشفت فراسي مزياااان وتبسمت( كيبغيني)

منقدرش ننكر فرحت فاااش شفتووو .احسااااس غريييب تحرك الداخل ديااالي .

دوشت ولبست وخرجت من بيتي واكتاشفت الدار كانت زوووينة باتات رااااقي .عرفت بلا سيف خرج حنت مكينش حسو 

بقيت غادة بان ليا صااالون كبير وصاالون اخور فيه تلفازة والبيت فيه جوج غرف ديالي وديال سيف .ااااي كنتفكر سيف كيضرني قلبي.واش بصح خلا خدمتو وجا عندي .خلاااا اعمااالو كاملة وجاي عندي .واقيلا غيقابل خدمتو من هنا كلشي ممكن .يمكن عندو اعمال حتی هنا .مشيت للكوزينة وجدت مناكل شبعت ورجعت لبيتي.

فالليل مدااانيش النعاس .بقييت شحال كنتقلب فبلاصتي.حتی سمعت الباب تحل خرجت كنجري من بيتي ببيجامة د النعاس كانت شورط خفييف واصل لنص الفخاض و الفوق سميطات وكيبان منهم صدري .

خرجت من البيت حتی بان ليا سيف كيحل فغرفتو بغا يدخل 

انا؛ تمشيت حتی وقفت بعيدة عليه شوية( مالك خليتني بوحدي )

سيف؛ تلفت ليا ووقفو يديه فبلاصتهم هضر بهمس( ياااربي تصبرني ياااربي غنحماق)

انا؛ سيف

سيف؛ دوز يديه علی شعرو ونفخ.وقرب ليا( بغيتي تحمقيني؟)

انا؛ كنشوف فيه بحال شي بنت صغيرة(سيف خفت بوحدي والبيت جديد عليا مقدرتش ننعس )

سيف؛ تنهد وهو كيشوف فيا من صبعي الصغير حتی الشعرة الفوقانية د شعري ( رحميييني.الله و كيرحم نتي مغترحمينيش)

انا؛ اشنو درت ليك 

سيف؛ حط يدو علی خدي(مناااش خايفة).

انا؛ حدرت راسي( مولفتش البيت هدشي لاش)

سيف؛ ومزال حاط يدو علی خدي( انا معاك معندك مناش تخاافي).

انا؛ قبيلة كنت بوحدي هدشي لاش

سيف؛ مكينش اللي يمسك وانا عايش . 

انا؛ صافي تصبح علی خير هانة غنمشي 

سيف؛ شدني فيدي ووقفني وهضر جدي ( نهی مزال منسيت)

انا؛ تلفتت ليه(اشنو)

سيف؛ جرني عندو( مزال منسيت هاد اليدين اللي هزو الموس )

انا؛ بغيت نتفك من يديه كنضور فيديا وهو حاكمني ( انت السبب)

سيف؛ زيرني مزيان وجابني لحداه( انا السبب فاش .نهی كون بغيت نضربك ولا ندير حواايج خراين .حتی قوة هاا حتی قوووة متمنعني.وليني كنعاااملك باسلوب اااخور حيت مبغيتش نجرحك ولا نقيسك .مرات كنفقد السيطرة ولا. كنعوضك .علااااش نتي باغة تحرميني منك ؟).

انا؛ انت كتعصبني ملي كتعصب عليا كنتخلع منك فاش كتكون كتغوت .كنحس براسي انا السباب كنبغي نوقف دكشي ومكنعرفش كيفاش ندير.ديك الساع وصلات بيا للحد هدشي علاش تصرفت هكاك 

سيف؛ وهو مركز فعينيا ( اااخر مرة .تحاولي تأدي راسك)

انا؛ حدرت راسي( واخا )

سيف؛ أنا هنا حداك متخافيش.دخلي تنعسي 

مشيت من حداه ودخلت لبيتي .

بقيت كنضحك قدام المرايا .ميفاش غنعيش معاه فبيت واحد .مزال مبدات القراية.انا كنت معولة نمشي عند خالي وندوز الوقت مع بنتو .سيف مناويش يبعد عليا .وليني فيناهيا خطيبتو مسولتوش .اش كيوقع غير كيبان ليا كنسا كلشي اش غندير ياااربي يسيدي انا ما زايدة وكنغرق 

حطيت راسي علی المخدة ونعست بحالة معمري نعست ولا شفتو من نهار تخاصمت مع سيف نسيت طعم النعاس .اااش كيوقع ليا .

فقت الصباح دوشت ودورت فوطة عليا شعري كيقطر عليا .خرجت من بيتي وجلست قدام المرايا بغيت نشف شعري حتی سمعت شي حاجة تهرسات خرجت كنجري 

بان ليا باب سيف محلول طليت مبانش ليا وانا نخرج للصالة د للتلفازة حتی بانت ليل يدو كتدوووز بالدم هرس طابلة د الزاج جيت كنجري عندو حتی شفت فيدو كارط فيزيت ديال داك الدري ووجهو عرقو كلهم خارجين وكيشوف في الكارط 

انا؛ وقفت قدامو وكنشوف فالدم وفيدو ( واااش حمااقيتي.علاش درتي هاكة فراسك)

سيف هبط عينيه فيا .كاااان كيلتااهمني بشوووفاتو .مبقيتش عرفت اش وقع .يدو كتدوز بالدم هزيتها بين يديا ونترها مني ووقف مقااابل معاية .كيشوف فشعري الفزك والفوطة اللي لاوية عليا .نسيييت راني يلاه خارجة من الحمااام 

سيف؛ كيتنهد( الله ياااااربي غنحماااق)

انا؛ سييف مالك هرستيها 

سيف؛ شدني بيدو

سيف؛ شدني بيدو اللي مضروبة( علااااش كتديري فيا هاااكة.راااني كنموووت كنمووووت.)

انا؛ وكنشوف فيدو المضروبة( سيييف يدك؟)

سيف؛ وهو كيشوووف فتعابير وجهي ومركز مع فمي بالخصوص.قرب فمو لفمي( بغيت نبوسك )

انا؛ سييف يدك

سيف؛ قرب كتر وكيهضر بهمممس خفيف( بغيت نبوسك)

كان فمووو حدااا فمي وهضرتو بانفااااسو كيدخلو لفمي حنت قريب بزااف كان فمو فيه ريحتة الدونيفريز مخلط بعبير انفاااسو .مبقيتش عااارفة اش كندير ولا اش غيوقع .اكتفيت بشوووفات غريق كيستنجد الرحمة . سيف بااااس ليا فزق رااااسي وهو موووورك شفااايفو علی جبهتي انفااااسو تقيييلة .عينيه فيكساااهم بفمي .بااااسني فنيفي .وكيتنهد ويدو المجروحة جر بيها شعري بحركة حنينة كتدل علی تجاااربو الكتيرة مع العيالات وعلی تمكنو فالبوسااان وماااجواره .بقيت كنشوووف فيه بدون حرف ولا كلمة .باااسني فجنب فمي بحركة خفيفة خطف فيها انفاااسي .خلا قلبي كيضرررب .خلا يديا يتخدرو .دوووور صبعو علی شكل دواااائر حنااان علی خدي ورجع جمع شعري بنفس الحركة الحنينة وطلع وجهي لعندو بديك الحركة .عينيه كيترجاااوني نحن فيه .قرب فمووو ليا . شفااايفو رطبين .قربني لعندو كتر ترخيييت .هو كان لابس تيشرت خفيف وشورط التحت .حسيييت بحميمية الموقف .حسيييت بقلبو اللي كيضرب ليا .جرني كاتر وزيرني كتر .دورررت يديا وانسااااجمت معاه .مندمتش علی كل اااه ديال الرغبة والنشوة اللي خرجان مني خلاتو يزيد فالقبلات ليا .كاااان بحر هااايج . يدو مشاااات لخصري قربااااتني ليه كيزير عليا .فرمشة عين طاحت الفوطة .تعرييييت .تعرييييت .تعريت جسديا وحسيا .حنت مشاعري تعراو قدامو وحتی جسمي تعرا قدااامو .أول مرة سيف يشوف جسمي كيفاش داير .هو مانتابهش بلا تعريت .كانت يدو كتحسس فضهري العرياان حتی تدارك اشنو وقع .انا وقفت علی الحركة .بعدني عليه شوية وهو كيشوف فعينيا .شفايفو بالسيف طلقو شفايفي .بعد وجهو شوية مني هبط عينيه لجسمي.حسيت بيه وصل لاخر درجااات التحكم بالنفس .بغيت نهبط نهز الفوطة مقدرتش من شدة الصدمة تكوااانسيت .سيف شافني عريااانة . هدشي اللي بقا كيدور فدماااغي 

هو دوووز عينيه علی كل جزء فجسمي . وعض علی شفاايفو .وتنهد تنهيييدة طويلة 

سيف؛ أخرتي علی يدك .

انا؛ جيت نجاوب مكين منقول 

سيف؛ هبط بحركة خفيفة .هز الفوطة ولواها عليا .كانت الفوطة ملطخة بالدم 

دور عليا الفوطة ويديه شداهم غير بزز .حسيت بأنه وصل للاخر معاية .تينيه ضلااامو 

مبقاااوش مركزين .دووور الفوطة وهو كيتحسس عنقي وكيحرس يغطيني من عينيه باش ميتهووورش.بحركة منو هزني بين يديه .ويدو المجروحة واللي فيها الدم نساااها .وصلني لبيتي وحطني حدا الدوش وخرج وسد الباب 

انا بقيييت شحااال كنمس فشفااايفس كنتدكر مدااتق فمووو اللي نساااني شكون انا ومنين جيت .سيف رجل .نقلب حتی نعيا منلقا بحالو .كااان وغيبقی قدووووتي علی جميع الرجال 

دخلت للدوش وانا كنتفكر كل لحضة من المتعة معاه .هو حرسني وخايف عليا من راسو .هو حماااني من نفسو .ومغلطش معاااية.سييف كيبغيني لدرجة ميفضلش غرااائزو قدام شرفي .معمري تصورتو يبغيني انا اللي كنت كنحسد البنت اللي غيبغيها .

دوشت دغيا ولبست ومشيت كنجري لبيتو لقيتو واقف وكيكمي ويدو مزال كتدوز بالدم .بدون شعور مشيت للمجر قلبت علی شي فاصمة .من زهري لقيتها لقيت عدة الاسعافات وجبتها وقفت حداه وهو مدارش شي ردة فعل كان واقف كيشوف فوحد اللوحة مرسومة .دخلت بينو وبين اللوحة وهازة فيه عينيا 

انا؛ جلس نداوي ليك يدك 

سيف؛ بكل جدية( ديالمن لكارط فيزيت؟)

انا؛ مفهمتش 

سيف؛ نفخ الكارو فوق من راسي ( معرفتيش؟)

انا؛ معرفتش 

يسيف؛ زير علی فكي باليد المضروبة نيت ( طاحت من السما لصاكك؟)

انا؛ عاااد تفكرت( واحد لاحها ليا فصاكي .فالمطار.مكنعرفوش؟)

يسيف؛ زاااد زير علی وجهي ( بصح مكتعرفيهش؟)

انا؛ سيف قلت ليك لاحها بوحدو 

سيف؛ طلق ليا من وجهي وهز راسو الفوق ( متبقايش تباني قدامي بديك الحالة )

انا؛ مزال مستوعبت بلا بدل الموضوع( سمعت الصداع وخرجت)

سيف؛ وهو مكيشوفش فيا ( كون مكنتش بوحدي؟)

انا؛ مقصدتش 

سيف؛ سيري دابة 

انا؛ كتشوف فيدو(بلاتي نداويك)

سيف؛ شاف فيا بنص عين( داااوي قلبي .تقدري؟)

انا؛ سيييف 

سيف؛ لاح الكارو فالطفاية وحيد ليا عدة الاسعاافت .وقربنس ليه وهو كيشوف فعينيا ( داااوي قلبي .داااوييه .مرييض بزاف .مكيشوووف حتی وحدة من غيرك )

انا؛ حدرت راسي وبديت كنورك علی صباعي 

سيف؛ مالك متوترة؟

انا؛ وحادة راسي وحشمانة( فاااش بستيني قبيلة)

سيف ؛ وهو كيهز ليا فوجهي بصبعو وعينيه كلهم امل وفرحة( ااه مال قبيلة)

انا؛ هبطت عينيا لارض( حسيت بشي حاجة)

سيف؛ كور وجهي بين يديه( نهی متلعبيش معاية .مقااادرش نتحمل اللعب فهدشي )

انا؛ هزيت عيينيا فيه ( علی خاطرك) وبغيت نبعد منو نمشي حتی لقيت راسي بين يديه كيف الريشة وهازني حطني فوق الناموسية وكان فوقي كينهج .عينيه معمري شفت فيهم داك البريييق. 

سييف؛ جاب فمو لودني وهضر بهمس( كنبغييييك)

سيف ؛ جاب فمو لودني وهضر بهمس(كنبغييييك)

انا؛ معرفت مندير بان ليا فوق مني الجسد ديالو كلو منزل تقلو عليا ( سيييف)

سيف؛ وهو كيحيد الشعر من علی عينيا يردو ورا ودنيا ( نعاام اروح سيف )

انا؛ شفت فيدو( يدك؟).

سيف؛ تبسم بشوية ( وقلبي؟)

انا؛ بدلع( سييف )

سيف؛ غمض عينيه وورك عليهم ( ااااااه غنموووت والله)

انا؛ مالك 

سيف؛ عاودي ديك سيف .سميتي شحااال زوينة زوووينة من فمك .بصوووتك بديك الرنة ديالك .واش بغيتني نحماق 

انا؛ تكحااازت بغيت نوض 

سيف؛ دور عليا يدو ( فين غادة مزال مهضرنا)

انا؛ فاش غنهضرو وانت ..

سيف؛ وكيتبسممم .فمووو شحال زويين وهو كيتبسم بنص فيه ( وانا اااش ؟)

انا؛ حدرت عينيه من عينيه اللي فوق مني وكيتمعنو فيا ( فوق مني )

سيف؛ ناض بشوية وجلس علی طرف الناموسية وجلسني حداه وربع يديه ( ودااابة ؟)

نضت كنجري لعدة الاسعافات الاولية .وجبت معقم وفاصمة .شديت يدو بشوية ومسحتها بالمعقم والقطن و درت الفاصمة وهو مرة مرة يهز يدي يبوسها 

ساليت الفاصمة وبغيت نمشي حتی وقف ليا حدا الباب قبل منخرج منو 

سيف؛ لبسي حوايجك نخرجو 

انا؛ (واخا) حدرت راسي وخرجت كنجري وهو بقا متكي علی الباب 

مشيت لبيتي كنهج وقلبي كيلعبو فيه ولاد البوعزاوي 

مشيت دغيا لبست وقاديت شعري و شفت راسي فالمرايا وخرجت من الغرفة ديالي بان ليا واقف كيكمي فالصالة حدا الشرجم .وااااو لابس كوستيم فالكحل وجاااات مع فصالتو .وقفة وهيبة و رجوولة وتقة كلشي تجمع فيه .

دور وجهو ليا وحط الكارو وتما جاي عندي وهاز حاجب وحاط لاخور 

سيف؛ كيشير بصبعو ( سيري بدلي هاد البس )

انا؛ كنشوف فلبسي ( مالو ؟)

سيف؛ بدل صوتو للجدية ( بدليه بلا هضرة)

انا؛ طلع لي الدم ( صافي مبقيت خارجة )

سيف؛ جا جرني من يدي ودخلني للبيت وهو معصب ( ماااشي بخاطرك .لبسي هانة كنتسنا)

دخلت معصبة تال لافان . وجلست مبقيتش خارجة .بقيت شي نص ساعة كنتسنا فيه يجي يخزرني.وخا مزال معتارفت ليه بشي حاجة ولا كاع تصافينا من ناحيت شحال من حاجة وقعات قبل وليني دابة بحالة قدرت نفهم مشاعرو ونعطي فرصة لراسي نتعرف علی مشاعري حتی انا 

بقيت شحال وانا جالسة ساعة جوج .حتی خرجت من البيت ديالي .بقيت كنقلب مبانش ليا .دقيت فبيتو مبانش ليا وانا يطلع ليا الدم نيت 

مشيت لغرفتي وانا الجنووون كيلعبو ليا فعقلي .مشيت للتلفون قلبت علی نمرة بنت خالي لقيتها وانا نعيطها ليها باش نتلاقاو وتجي عندي بطموبيلتها .صافي تافقنا من هنا نص ساعة 

بالهوااايش اللي فيا مشيت للباليزا لبست شووورط ديال التوب ملاصقش علی الفخاد كان خفيف ومتييير كيبين لاطاي .لبست اكس بين ليا الانحناءا اللي عندي فخصري .يلاه ساليت صونات ليا حنت عطيتها العنوان .هزيت الصاك وخليت التلفون فالدار 

هبطت كنجري عندها .طلعت معاها وتسالمنا ومشينيا .قالت لي غتوريني المدينة اللي انا فيها و نتسااارواو مزيان 

دوووزت نهااار زوووين من وقيت الغدا حتا ضلام الحال محسيتش بالوقت 

وصلاتني للدار و عرضت عليها تطلع 

طلعنا بجوج وانا كنغني معاها فرحااانة حنت دوزت نهار زوين 

غير دخلت للدار بانت ليا الصالة كلها مقلوبة . وريحة الكارو كتضرب فالدار 

انا؛ ياربي السلامة قفرتهااااااا

حتی خرج سيف محلولين ليه صدايف القميجة كلهم وباااينين عضلاتو بنت خالي بقااات كتشوف اصلن حتی هي مزعوطة فيه.كاااان وجهو حماااار .وعينيه حمررررين وشعلوووو مخربق بطريقة خلاتو يبان اوسم من قبل .

جاي جيهتي بحال شي تور هرجوه يتصارع شدني من يدي ولواها ليا حتی كانت غتفلعص .جات بغات تهضر بنت خالي غوت عليها 

سيف؛ برااااااااااا 

انا؛ سيف غير سمعني 

سيف؛ وكيخنزر فبنت خالي حتی خرجات 

انا؛ سبقت البكا(سييييف)

سيف؛ دفعني وصرفقني حتی عوااج وجهي 

انا؛ وحطيت يدي علی حنكي( حرااام عليك )

سيف؛ شاف فيا كيطلع ويهبط فلباسي ( هادشي اللي لبستي .هاااادشي اللي لبسسستي ؟)

انا؛ حشومة عليك 

سيف؛ بالغوااات (واااش خرجتي هااااكة دووووي ؟)

انا؛ سييف سمعني 

سيف؛ كيصفق بيديه( لا لا زعمة برافو نهار واحد فهاد البلاد انهی نهار واااحد)

انا؛ سييييف سمعني 

سيف؛ جا حداها وجرني من شعري ( عااااجبك لحمك كتديري بيه عرض )

انا؛ طلقي ليا شعري حشومة عليك 

سيف؛ شد يدو وقطع ليا الشورط والاكس وخلاهم كاع معريين كيبان دو بياش منهم .وبعد كيشوف فيا ( هاااكة حسن .يلاه خرجي دابة خرجي دااابة )

انا؛ عطاني الله قوة صرفقتو ومشيت كنجري للباب حليتو وبغيت نهرب ليه حتی هزوني يديه من الدروج وطلعني وسد الباب ورايا

لاحني فوق الفوطوي وكيمشي ويجي ويدوز يديه علی شعرو 

سيف؛ واااش بغيتي نقتلك 

انا؛ بالغوات والبكی ( قتلللني هنيني منك ومن هدشي اللي فيك )

سيف؛ جا كيجري جلس علی ركابيه حدايا( علاااش انهی علاااش كتعدبيني)

انا؛ وكنبكي (انت مكتبغينيش انت باغي تملكني بحالة ماشي بنادم)

سيف؛ كينفخ( اااه باغي نتملكك .مبغيت اللي يشوف فيك نضرة شهوة مبغيت اللي يقيسك مبغيت اللي يكون حداك .واااش مريض .اه مرييييض بيك .ديري شي حل راني غنحماااق)

يتبع