عندما يحب الامبراطور الجزء العاشر والأخير

من تأليف Meryam Lili
2018

محتوى القصة

رواية عندما يحب الإمبراطور

سمعت الدقان .مبغيتش نحل وتزاد الدقان
سيف؛ من ورا الباب( حلي )
نضت بشوية وانا مزال بحوايجي وتخربق ليا شوية المكياج فعينيا بالدموع
حليت الباب غير النص فيه .بحالة كنوصل ليه فكرة مباغاش يدخل .ساع هو دفعو ودخل ودفعني وسد الباب من وراه
سيف؛ وعينيه مفكسيت عليا .هضر ببرودة( جيتي؟)
انا؛ حاولت نكون قوية (اه جيت )
سيف؛ كيطلع فيا ويهبط ؛( مزيان ا لالة .شحال من واحد حط يدو علی هاد لاطاي؟)
انا؛ وقفات ليا الهضرة ففمي.تصدمت من هضرتو .مكانش يسحابني غيطيح مني هاااكة .مقدرتش نتصور سيف يهيني فشرفي .سييف اللي مربيني علی يديه يهيني فشرفي .( شنووو؟) هضرت بزز
سيف؛ ودار يديه فجيابو وهو كيطلع فيا ونضراتو ليا كلهم استحقار ( ياك هدشي اللي باغة تعيشي حريتك .ضروري عشتيها)
انا؛ بالغواتت ( خرررج عليا )
سيف؛ هضر بجدية ولا مبالاة( الا نسيتي هادي داري)
انا؛ تصدمت فيه .كنشوف فيه وممتيقااااش اش كيقول ( واخا انا اللي غنخرج )
حيت بغيت نحل الباب .سدو ولصقني عليه وانفاااسو كتضرب فوجهي .قلبو كنحس بيه كيضرب 3المرات فمرة . حاب صبعو وحيد ااشعر من وجهي .كيدوز يدو علی الكحل اللي خسر ليا عينيا بالبكا .دوز يدو علی شفايفي .لصقني ليه .حتی تزيرت علی الباب .يديا تشللو معرفت مندير .هادي هي اللحضة اللي حلمت بيها .يكون حداية ونحس بحرارتو ودفا د صدرو و نحس بحبو ليا .وليني متمنيتها هاكة .
سيف؛ وكيتنفس بزز( علاش رجعتي ؟).
انا؛ كنهضر بشوية ( خنقتيني)
سيف؛ وكيشوف ففمي ( علااش رجعتي ) وكيورك عليها
انا؛ مبقيتش هضرت اكتافيت نشوف فعينيه اللي توحشتهم .وكنتسائل بين وبين راسي واش ضيعتو .واش نساني لدرجة يهيني فشرفي .
وانا مزال كنفكر حسيت بيديه كيضورو علی لحمي .كان كيحركهم بطريقة متخلينيش نعقل علی راسي نوصل معاه فين بغا بمجرد لمسة منو .حط يديه علی اماكن محرمة .كيورك بيده .دفعتو عليا وهو كان مرخي رجع خطوة اللور
انا؛ وكنبكي ( هدا ضنك فيا .باغي حتی انت تقرب لهاد لاطاي ياااك .هدشي اللي ضنيتي فيا )
سيف؛ تبسم تبسيمة احتقار وبقا كيحتاااقر فيا بشوووفاتو
بقااا في الحااال بزاف .حليت الباب وخرجت كنجري ونبكي
قلت للشيفور يديني للفيلا د الجبال .بلا منخبر خالتي ولا غيرها من بعد غنمشي من هنا اكيد .مبقات عندي بلاصة فهاد البيت ولا غيرو .اكيد غيبقا يتنقس مني سيف .منتحملش نتضر من انسان عزيييز علی قلبي
مشيت للفيلا د الجبال .وصيت الشيفور يجيب لي حوايجي وميخبر حد .دكشي اللي كان .دوزت يوماين تما .كنعس كنفيق كنتسارا فالطبيعة الخلااابة اللي كتخليني نرتاح
فقت علی الاشعة اللي داخلة من النافدة .خليت عينيا كنستقبل نهار جديد معندو معنی حتی نرتب افكاري ونشوف اشنو هي الخطوة اللي نخطي من هنا للقدام
يلاه غنتحرك من بلاصتي فالناموسية شميت ريحة الكارو .هزيت راسي بان ليا جالس فالكرسي وكيكمي فالكارو ديالو وكيشوووف فيا
انا؛ ومزال مستوعبت اش كنشوف ( اش جابك هنا؟)
سيف؛ صباح الخير(وهو كيشوف فيا ومركز مع عينيا )
انا؛ جالسة فبلاصتي اللي كنت ناعسة فيها و هزيت ليزار غطيت لحمي (اش بغيتي تاني؟)
سيف؛ طفا الكارو وجا قرب حدايا وهو واقف وكيشووف فيا وكيشوف فيديا اللي شادة بيهم الليزار ( بغيتك)
انا؛ تصدمت من كلمتو وتعصبت (اشنووووو؟).
سيف؛قجني من عنقي وكيهضر تحت سنانو ومقرب وجهي لوجهو وهو مركز ففمي( حااارماني منك سنين .وفالاخير عشتي حياتك وانا نتعدب)
هزيت يدي بغيت نصرفقو شدها ليا وطلع فوقي كيتنفس بالجهد .رجع ليا يديا بجوج فوق راسي بيد وحدة وكيشوووف فعينيا وفالليزار اللي طاح .كيعض فشفااايفو وعينيه عمااتهم الرغبة فيا .كيتنهد ويسوووط علی وجهي .
سيف؛ بشوووية كيهضر(غنموووت )
انا؛ سيييف اش كدير؟.حبس
سيف؛ قربني ليه كتر وهو طايح عليا ( مقاادرش نحبس.مقاااادرش.)
بدا كيغوت وناض من فوقي ضرب البلاكار الكبير بيدو وحيد الكرافاط وحيد الكوستيم .وحل الصدايف اللولة د شوميزتو ( اااش غندير .اش غندير )
كيمشي ويجي عليا وكيغووت
سيف؛ وهو كيمشي ويجي ويضرب اي حاجة قدامو( 3 سنين .3 سنيييين .قنعت راسي ننسالك .3 سنين دوووزتها كلها مراااار .قلبي كيتقطع من فكرة نشد طيارة وحدة لعندك نجرك من شعرك تجي لعندي .الوحييييييدة اللي بينت ليها صعفي اللي حليت ليها قلبي اللي حطيتها اميرة واللي طيحت من رجووولتي قدامها .الوحيييدة اللي كنين باسمها فالليل .الوحيييدة اللي حبست راسي علی قبلها الوحيييدة اللي خفت عليها من نفسي .نتي كنتي بالنسبة ليا كنز خصني نحافض عليه .كنت باااغيك فالحلاااال .بغيت ولادي يشبهوك .فنيفك ففمك فعينيك .كنتي مستاااعد نوووهب املاكي وكلشي عندي لمجرد لمسة حنينة منك .بعدت من دارنا وسكنت بعيد حنت كل جزء فيها كيفكرني فيك .كل نهار بنت شكل ولا وحدة تقدر توصل تراااب رجليك.كل نهار كلمات الغزل بانوااعها نسمعها فبيتي فوق سريري مكتحركنيش .ااااش ندير باش ننساك .وعد صغير قطعتو علی الام ديالي خلاااني تخسر حياتي كااملة .لعبة صغيرة لعباتها الام ديالي خلاتني نخسرك .

انتي عشتي حياتك وخليتي قلبي موقف 3 سنين .كيرجع دكراياتو معاك .كنغوت علی الناس بمجرد نتفكر اسمك .معمري نسيتك .كل حاجة فيا محفور فيها اسمك نتي بوووحدك .المرا اللي تخليني نركع قداامها.نترجااا منها حبها .واااااش انا داير شي دنب فخياتي نتعدب هاااكة
سمعتو كيهضر ويخرج اللي فقلبو ويهرس ويعاااود .حتی قال كلشي .
انا؛ وتمشيت كنقرب حداه وحطيت يدي علی كتفو وانا خايفة( سييف) هضرت بكل حنااان موجود فقلبي جيهتو
سيف؛ تلفت ليا وعينيه حمرين ومعصب ( حتاال دابة.)
وشدني من كتافي وكيورك عليا (خليتيهم قاااسوك .تعريتي لشي واحد)محدو كيهضر وهو كيورك بالجهد علی كتافي
انا؛ وكنبكي( لا مستحيل .معمري نديرها)
سيف؛ وكيخنزر فيا(واش داك اللبس اللي كنتي لابسة .علاااش تخلي الناس يشوووفوك هكاااك علااااش؟)
انا؛ وحادة راسي( درت هكاك باش نغريك انت .فامريكا كنت كنلبس اللباس اللي كيعجبك انت .فامريكا كنت كنتخايلك حداية وغتضربني ومكنهصر مع حتی دري .كنت كنبعد من الناس ومنقربش منهم .كنت كل نهار كنتفكر هضرتك ونلبس لاباس محتارم باش نبعد عليا العينين .كنت دايرة بخسابك فغيبتك )
سيف؛ ورخف يديه عليا شوية وطلع وجهي بيدو.وكيشوف فعينيا بحال كيطلبني يكون هدشي بصح( مقرب ليك حتی واحد.نتي مزال بنت؟)
انا؛ وبعدت عليه شوي ( اكييد بنت كتشك فاخلاقي)
سيف؛ جرني حرة وحدة لحضنووو وعنقني وخشاااني فضلوووعو .زييير عليا
انا؛ وصوتي مخنوق حنت خانقني فصدرو ( وليلی؟)
سيف؛ كيهضر ووجهو فوق راسي ( ههه دابة نشرح ليك .خليني نطفي شوية من العافية اللي فيا )
بقينا شحال معنقين بعضنا عاد هزيت راسي فيه
كان صدرو عريان وحد الشوية حنت حال الصدايف .حطيت يدي عليه .حسيت بتشنج سيف حنت حطيت يدي .كان كيورك علی راسو باش ميتهورش .عاود حليت ليه صدايف كنتحسس عضلاتو .كنحس بيه كيیجف بحال مراهق معندوش تجارب .طلعت عينيا فيه بكل براءة .كان كيشوف فيا وكيطلبني نوقف مبقاش قادر يتحكم فراسو .جاب صبعو الكبير كيحط عای الشفة التحتانية د فمي .ورك عليها بصبعو .شوية قربو وجهو ليا وانفاااسو سخووونة وكتضارب بعضها كينهج طلع وجهي بيدو للمستوی ديالو .حط شفايفو علی شفايفي .ترفعت لعالم اخور .معرفتش راش حيدت ليه الشوميز وكنحسس فضهرو .انا كنت مساهمة فعملية خرجان عقل سيف .كنت لابسة كسوة مقزبة .يديه حاوطو خصري وقربني ليه .كانت قبلااات منسااجمة وحنينة .شوية كيورك بالجهد وكيورك بيده علی خصري .اكيد غيبقاة اتار يديه .بحركة وحدة شرك الكسوة .جسمي كان عاري من غير قطعة مغطية الجزء الاسفل من جسمي .دفعني للناموسية وكيطلب السماحة حنت متحكمش فراسو .غرز يديه فضهري.ترفعت معاه لعااالم اخووور .كنسمع اسمي بانفاااس تقيييلة .عرفتو وصل للاخر ديالو .معندي مندير .حتی انا سلمت راسي .ليه . عشت الد واحسن واروع تجربة فحيااااتي .معمري حسيت بطعم الحب .دابة عشتو مع سيف . انساجمنا حسيا وجسديا .كان الامر مؤلم حنت اول تجربة . وليني استمتعت بكل لحضة فيه .استمتع بكل اه خرجات من فمي ولا فم سيف
كنت كلي مهدوودة . الم زوووين حسيتو لداخل فقلبي وفجسمي .دابة وليت محسوبة علی سيف .اعتااارفت ليه بحبي ليه بلا منشعر . اكتااااشفت سيف الرجل .اااه رجل ويعمر عين اي انثی فالكووون .اكتاااشفت ببزااف الحوايج فيه كنت معارفاهمش حسيت بالبنات اللي كيموتو عليه .غررت عليه منهم .
سيف.من بعد مرجع الواقع وهو كيدوز عينيه علی جسمي .غطاااني ونعس حدااااية .جرني ليه وعنقني . حط فمو علی ودني وهضر بكل حب ( سمحي ليا .سمحي ليا سمحي ليا )
جيت بغيت نضور تبتيني بيديه
انا؛ علاش ؟
سيف؛ باسني فودني وهضی فيها بنفس الطريقة( حنت تهمتك ونتي ..)
انا؛ تبسمت بشوية( .مسامحاك .انا محافضة علی راسي ليك)
سيف؛ دورني عندو وكور وجهي بين يديه ( احسن وأرق واحلی واجمل بنت فالعالم .بحالة اول تجربة ليا . معمري حسيت بطعم الحب الا دابة .نتي نشوة بووحدك .نتي ديالي وغنخبيك فرموووشي) باااسني فوق راسي وعنقني ليه
بقيت شحااال ناعسة بجنبو .كنت مالكة الدنيا ومافيها بين يديا .رمووشو نيفو خدودو غمو لحيتو الخفيفة كلشي ديالي انا بووحدي.حبيبي سيف .انا عارفة غيبقا معاية العمر كلو هدشي لاش سلمت نفسي ليه

فقت علی يديه كيلعبو فشعري . وباسني فنيفي وهو كيضحك .كنشوووف فسيف كيضحك معجزة ملف غير يخنزر واش انا سباب ضحكتو
انا؛ وكنشوف فيه بكل حب( ضحكتك زوينة)
سيف؛ قرب وجهو ليا ( انتي ضحكتي وسعادتي وحياتي وكل معندي ) حط يدو علی خدي وهمس ليا( مكنحلمش ياك .نتي بصح حداية ودوزنا اجمل نهار فحياتي ؟).
انا؛ وحشمت وحمارو خدودي( سييف)
عنقني ليه وباااس فوق راسي وهو كيتنهد
خرجنا من الفيلا من بعد مدوشنا .لبست حوايج علی دوق سيف.مشيت معاه فالطموبيل وجهتنا الفيلا باش نفاتحو خالتي فالموضوع طول الطريق وهو مشابك يدي بيدو مرة مرة يبوسها ويعنقني ليه ويسوق بيد وحدة .جميع عبااارات الحب سمعتهم منو
وصلنا للفيلا لقينا خالتي كتدور فالفيلا باحر من الجمر .غير شافتني تلاحت عليا.وهي كتبعد عليا شافت اتر بوسة فعنقي .دغيا تحولو عينيها لسيف اللي تبسم بشوية وحدر راسو
خالتي؛ بنتي غتفرحوووني ياك .انا هزيت هاد 3 سنين دنبكم ودنب ولدي حياتو كاملة .كنطلب منكم السماحة
انا؛ ومفاهمة والو ( علاش اخالتي ؟)
خبراتني حالتي بالوعد اللي خلات سيف يقطعو ليها .حنت كانت خايفة عليا منو .حنت انا امانة فرقبتها وسيف كان يسكر ويشرب وخافتو يتكرفص عليا .ملي ديك النهار فاتحها بحبو ليا و كانت سخفات شافت حالتو كيف تراجعت وعصبيتو كترات .جا عندها و تبت ليها حبو ليا .وواعدها ميتزوجني حتی نبغيه .وخبراتني بلا خطبتو من ليلی غير خطة باش نغير انا وليلی كانت طامعة بصح فسيف بحيت ولات كتصرف علی اساس خطيبتو د بصح .فاش رجع من امريكا تدهورات حالتو وخالتي حسات بالدنب .وليلی بقات تابعاه وهو كيصدها حتی ولا معاها وليني كان مأكد ليها بلا مغيكون والو بيناتهم وليني هي تابعاه فين ما مشی
بقيت شحال مصدومة وانا كنتصنت .دورت عينيا لسيف كنتأكد من الهضرة وهو أكدها ليا بعينيه
خالتي فرحااات حنت تجمعنا .مكنتش متيقة بلا راه غنتجمع انا وسيف .وسيف مرة مرة يقيسني فوجهي يتأكد واش بصح انا حداه
دوزت احسن ايام حياتي .وقررنا نديرو عرس اسطوووري من بعد اصرار خالتي تكفير عن دنبها

مشيت انا وسيف نختارو فستان زفافنا .دخلنا عند احسن مصمم فالبلاد .من بعد موصيناه .سيف مخلاهش يقيسني باش يعبر هه عيط علی مرا تعبر ليا
خرجنا من عند المصمم .عرض عليا سيف نمشو لوحد الكافي بعيد علی الناس مشينا جلسنا فلاصة تقريبا خاااوية فاحسن موقع فالكافي .جلسنا شوي كنهضرو
طلبت من سيف نمشي للحمام .وافق من بعد عدة تعليمات .حدري راسك متمشياش مشيتك ديال ديمة هبطي هادي قادي هادي .ولفت غيرتو وولفت اي حاجة فيك .كلشي فيه كيزيد يعلقني بيه كتر وكتر
خارجة من الحمام وانا عينيا فالارض كيما قال .هزيتهم فبلاصتنا نيشان بانت ليا ليلی كتبوس فيه ففمو .وهو واقف مدار حتی ردة فعل .عينيا خرجو من بلاصتهم .عقلي توقف عن التفكير .ممتيقاش اش كنشوف .سيييف كيبووووس فيها .تصدمت مبقيت عارفة باش تبليت .دور وجهو ناحيتي وشافني
سيف: بالغوات ودفع ليل(نهییی)
انا خرجت كنجري من الكافي وكنبكي كنمسح دوعي بضهر يدي وكنبكي ونشهق .قلبي ضرریني بحال تخشا فيه شي خنجر بغيت نقطع الشانطي وانا كنبكي وعينيا مكنشوفش بيهم مزيان .حتی ضرباااتني شي حاجة .حسيت بالدقة فرجليا حتی تهزيت وطحت علی الزاج وتضرب راسي .كنحس بالهوااا بااارد كيدخل لودني وراسي بحالة تفرق .خرج لي الدم من فمي .عينيا لمحو رجليه .حتی من رجليه كنعرفهم .كانو خطواتو كبااار بالجري .كيجري حتی طاح علی ركابيه حدايه .حسيت بيديه هزو راسي وهو كيرجف .حط راسي بين يديه كيغوووت .معرفتش واش بكا وليني سمعت غواتو مخلط بالبكا بحال دري صغير .هزيت عينيا فيه . كان فمووو كيتحرك بسرررعة كبيررة .وجهووو عرق .يديه عمرو دم .كيشوووف فيا .ااه مكدبتش كيبكي .الدموووع فعيين سيف .تبسمممت بشوية وفمي فيه الدم .هزيت يدي وانا مقاادراش .مبقيتش كنسمع .كنحس بالدم كيخرج من راسي وجسمي محاساش بيه .دااارت بيا الدنيا .مبقاااش كيبااان ليا سيف .رجع لي السمع فلحضة .سمعت سميتي بصوت باااكي .بحة صوت سيييف مخلطة بالبكا .متأكدة هو فحالة هستيرية .غمضت عينيا واستسلمت للضلام
رااااسي تقيييل .مكنحسش بجسمي.ألم فضيييع فعنقي .الريق ناااشف .ريحة المشفی .اصوات ادوات المشفی .صوت ضربات قلبي علی الجهاز .كنحل فعينيا وممستاعداش .كنغمضهم بغيت نحلهم ومقادراش . وركت علی عيني وحليتها .الضو ضرني فعيني .عاودت غمضتها وحليتها .حركت صباااعي كنتحسس فين انا .اكيييد فمشفی .حليت عينيا من بعد معناة وإعياااء كبير .بان ليا طبيب كيشوووف فيا فوجهو فرحة وبسمة
هضر معاية وجوبتو علی اسئلتو .خلاني وخرج .تبعتو حتی خرج من الباب .تأكدت دابة انا فغرفة المشفی .شوية ضرباتني ريحتو تبعت عينيا لمصدر الريحة قبل نيفي .كان هو .بحااالتو مخربقة . فاصمات فيديه . عينيه حمرييين .الدمعة واقفة فعينو .كيقرب مني وانا كنشوف فيه بحالة مصدومة .ريحتو ديمة كتعجبني .نساااتني فريحة المشفی . جااي بخطی تقيلة .يديه كيدوزهم علی شعرو وكيشووف فيا .نزلات دمعة من عينو ومسحها دغيا مباغينيش نشوفها
قرب حداية وجلس .دوز يديو علی وجهي وغمض عينيه .انا كنتنفس بصعوووبة .
سيف؛ وصوتو باااح من البكی يمكن( كنت غنمووت)
انا؛ بغيت نهضر صوتي مخرجش
سيف؛ حط صبعو علی فمي ( ششش خليك خليك .ارتاحي )
انا؛ رمشت بعينيا
سيف؛ حط يدو علی وجهو ودوزها ( متعاااوديهاااش عنموت )
انا؛ وخرج ليا صوت خفييف ( اش وقع ؟)
سيف؛ شاااف فيا وعينيه قراب يبكو( كنتي غتقتليني هدشي اللي وقع)
جا عندو الطبيب باش يخليني نرتاح .خرج وباس فوق راسي واسترجعت الاحدات اللي وقعات
لقيتو حاط حداية ورقة كاتب فيها مبينة وبين ليلی والو .هي اللي باستو ومستاعد يجيبها تعتارف ليا .والورقة مقطر فيها شوية المار .عرفتهم دموع سيف
خرجت من المشفی وداني سيف للفيلا ديالو بدون ميهضر .كيشوف فيا وكيحدر راسو .خالتي معاوناني عرفت بلا بقيت فالمشفی سيمانة بين الحياة والموت .وكان خاصني الدم .وسيف تبیع ليا . وقالت لي كان مستاعد ياخدو اخر قطرة منو وخا يموت يعتقني .عرفت كان كيتعدب ومكينعس مكياكل . خالتي كتهضر ودموعها فعينيها .ندمت حنت شكيت فيه
دازو ايام وليت فيهم لاباس وراسي تحسن .سيف كيشوفني ويمشي .كان ممستاعدش يواجهني يسحابو مزال حاقدة
اليوم كنحس براسي مزيان .نضت من بلاصتي .كانت الضلمة
لبست كسوة متيرة درت بارفان كيعجب سيف .ومشيت لبيتو دقيت وحل ليا وبقاا كيشوووف فيا ممستوعبش شكون واقف فبابو
انا؛ وكنبتاسم ( مغدخلنيش)
سيف؛ وجهو مكيتفسرش .مصدوم مرفوع .هضر بصوت شبه مسموع( دخلي )
دخلت وسديت الباب .بغا يهضر سيف حطيت صبعي علی فمو وسكتو ببوسة .دغيا هزني بين يديه وكيردد ( سمحي ليا سمحي ليا )
حطني لارض وكيتحسس فوجهي بيديه
سيف؛ ياك مكضرك شي حاجة ( وهو كيتحسس فيديا و فكرش وانحاء جسمي بخوف
انا؛ بستو فتحت لحيتو ( كنبغيك )
طلعني عندو ودورت رجليا عليه .دخلنا فعااالم ديالنا بجوووج .سلمتو نفسي لتاااني مرة .كنت عاايشة فوق السحاب وانا بين يديه جربت معنی الحب والعشق والوله معاه

كيفما خططات خالتي عرس ولا فالاحلاااام .كنت عروووس بتوبتي الابيض .وعريسي وحبيبي وعمري والعمر ديااالي كلو كان احسن رجل فالكووون ببدلتو السوداؤ واناااقتو
داز العرس ولا احسن .كنت فرحااانة قد الدنيااا بحبيبي اللي كيبغيني المغيااار ديااالي .سااالة الحفل .هزني راااجلي اااه راااجلي حبيبي هزني بين يديه كيف الريشة وطلعني لبيتنا انشالله طووول العمر مع بعض .معمري نخسرو من يدي . واااعدني بحبو وبقلبو وبوقتو ةسط اشغالو .واعدتو بحبي وباخلاصي و بالحياة السعيدة والطاعة ليه حنت هو حبيبي المغيااار .والكل عينيه عليهم علاش لا هو الامبراطور كيما يقولو وليني امبراطور ليا بوحدي .فاحضاني كيكون طفل صغير كيطلب حناني وحبي وانا مكنبخلش عليه .
عندنا جوج اطفال منورين حياتنا تمرااات حبنا .كيغير منهم المغيار ديالي .كيبغيني نكون ليه بوحدو .ولادنا شبه الاب ديالهم فكلشي حتی فتحكمهم .انا مهم كيتحكمو فيا .حياة ولا النعيم مع حبيبي
حنا الان فباريس كنجددو شهر العسل خلينا ولادنا لخالتي الله يخليها لينا .
حبيبي كنبغيييه ووخا نبغيه حتی نعيااا منوصل نقطة فبحر حبو ليا .

النهااااااااااااااااية

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.