صورة مصغرة لـقصة الضابط و زوجته المراهقة

قصة الضابط و زوجته المراهقة

بقلم غزلان ش

الضابط و زوجته المراهقة

تعريف الشخصيات : نور الهدى البطلة ديالنا طول متوسط ، شعرها طويل ،ناعم و اسود حالك ،وعينيها زورق ، بشرتها بيضاء كالثلج ( سنو وايت ا صافي ههه ) عندها 19 سنة ، رشيقة بجسم رياضي بحكم الرياضة لي كتمارس ، و الرقص لكتمارسو من صغرها . زاين لي هو البطل طويل العجلات هه ، وسيييم ، جسم رياضي و اللحية خفيفة و الغمازات وشعر بني وحواجب كتيفةو عينين خضرين مشفرين مهم كلشي مستف فبلاصتو ههه .***** هادي 7:00 شميشة بدات كطل بين شقات النوافذ المغلوقة داخل واحد الغرفة كلها مرونة ، تاحاجة مفبلاستها ،خرجت يد تحت الفراش كتقلب على المنبه لي كيسرسر شداتها وهي تخبطها حتى تفرشخات ههه و رجعات تنعس بعد شوية تيلي كيصوني ردت بعنين مسدودين : صبحنا عالله اش كاين . جاوبها صوت رجولي : لمك باقة ناعسة غتنودي من تم اولا نجي نفرشخك ، نسيتي ليوم سلات العطلة و بدات القراية يله تهزي من تم . نور الهدى : * ناضت بزربة * هاهي ناضت سير قضي شغلك و نتا غامقابلني سير تصلي لعصر راه أذن عندكم انا راه الحصة حتال 11 ( اه نسيت معرفتكم على ياسر هذا الاخ الاكبر لنور فعمرو 25 سنة عايش فكوريا و خدام فالالكترونيات samsung و مدبر على راسو تما ، كيشبه لختو فزين شعر كحل وعينين زورق وجسم رياضي ،و بشخصية قوية ، مزير ختو بحكم انها عايشة وحدها ) ياسر : وخا ياله كولي مزيان و تهالاي فراسك و ديها ف قرايتك و راني سيفات ليك الفلوس خلصي الكرا و داكشي لاخر و متبقايش دايعة. نور: واخا oppa تهالا ( oppa كلمة كورية كيقولوها البنات لأي ذكر أكبر منها و قريب لها ) ناضت تلقات الموسيقى و دارت gاع روتين الصباح لبسات تيشرت اسود و دجين مقطع اسود ديماشعر مطلوق و سموكي لكيبرز لون عنيها و كيعكس غموض شخصيتها . حلات الباب و تم جاي jackson ( كلب من نوع روسكي هداه ليها خوها منين كانت عندها 16) نور: jackson بقا أنا غنمشي لافاك حتى نجي و نخرجك باستو و سدات الباب . دخلات لافاك وسلمت على جينيونغ( صديق قديم نصف كوري نصف مغربي عاش طفولة فكوريا و جا من بعد باش يستقرو هنا مع عائلتو ، شعرو طويل رطب و جسم بحال شي model الزين الكوري و ما ادراك ما الكوري كي لمش و لفار مع نور معرت كفاش مصاحبين هه و كيموتو عليه البنات غلاسقين فيه كولهم كيغيرو من نور و كسحابلهم couple ) كان gالس ف الكافترياو gلست قدامو و حطات رجلها فوق الكرسي لاخر و خدات العصير لي ف ايدو و شرباتو . جينيونغ : مابان ليك غاديلي سيري شريه .نور : nn عجابني ديالك . جينيونغ: *عاقد حجبانو* هبطي رجلك وgلسي بحل البنات . وقفت و هزت صاك : فيك غالصداع نوض راه الحصة بدات . دازت الحصة غير مخاصمة نور: يله مغاديش لاسال اليوم جينيونغ: لا عندي مندير نور : ok kuju ( اوك اغرب عن وجهي) دازت قدام شي بيتشات كانو حاضينهم و هو يعيط ليها نور الحدى كنبخيييك ( النطق معكل عندو) ودار قلب بيدو هي شافتو و دورت وجها و خباتو بشعرها غادا و كتسبو : ولد الكلبة الله يلكيها ليه شواهني . وصلت لدارها بعد طول الطريق فbus كلات هي و jckson و خرجو ب2 لصال ( هي مدربة الرقص حيت هي كانت عضوة قديمة و موهوبة و كتختارخ رقصات بسهولة) داز النهار بحال gاع الايام كترجع معطلة لدار مكتخافش بحكم انه كلبها كبيرو كيحميها ا عاد خوها مامشا حتى دخلها لصفوف الدفاع عن النفس و باقا كدرب مرة مرة سالا اليوم دخلات لدار دوشات و كلات و عيط ليها خوها عطاتو تقرير على اليوم و نعسات معنقة jackson و دايرة رجلها فوقو (السيدة ناقصة حنان ههه) ...
صباح جديد نفس الروتين بالنسبة لنور ياسر لفيقها حيت حافض ختو نعاسة بالو معها وخا بعاد . **فجهة اخرى** و بالظبط فقصر أكبر رجل أعمال و سياسي فالمغرب علي العمراني60 سنة gالس مع عائلتو (لكتكون من الزوجة ليلى 51 سنة العارضة السابقة و لي باقة محافضة على الجمال و الرشاقة و ولدو الاكبر سعد 29 سنة اليد اليمنى للاب ديالو مزوج وعندو ابن صغير و الابن التاني سيف 26 سنة حتا هو خدام فالشركة ديالهم مقطع الوراق،و اصغر الذكور زاين 24 سنة قرى فامريكا و كان محقق تما و لكن بغا يخدم بلادو و رجع ماشي بزاف هادي و اخيرا الدلوعة الصغيرة رميساء 19 سنة كتقرى فلافاك لي كانت من اختيارها ، كتشبه لامها الطاي و الشعر بني فاتح و طويل عنين كبار خضرين عيات مها معها باش تدخلها لعالم الموضة و لكن مبغاتش ) كان gالس و ولادو مستفين ب3 حداه و ليلى فجنب لاخر كيفطرو حتى جات رميساء سلمات و gلست : صباح الخير ، سيف: اش هاد الوقت النعاسة . ليلى : * كتعنقها* بعد من اميرتي رميساء : غخليه ا ماما كيقلب عليا اه بغيت نقول ليكم غنبدا حصص الرقص لي قلت ليكم اليوم ليلى : *فرحات* مزيان ابنتي شغلي راسك متبقايش غير مخشيا فبيتك. مهم كملوا الهضرة و كل واحد مشا لشغلو.*فلافاك* كانت واقفة رميساء مع دوك المحسادات و دازت قدامهم نور دايرة ليزيات ممسوقاش ووقفات بوحدها قدامهم كتسنا جينيونغ باش يدخلو للحصة وكتبقشش فتيلي ، نطقات وحدة : ها هي ديك الموصيبا تاني . رميساء: علاش مالها؟ البنت2 :هاديك غامضة و عاجبها راسها مكتهضر مع حد تيتيز 1 لي كاين فهاد الجايحة طيراتو رميساء: انا بعدا هاد الدرية جاتني كيوت وخا لابسة لكحل و داخلا سوق راسها معرفتش علاش كارهينها ياكما نار الغييرة هادي البنت3:*البنات تقرصو* ههه ايوا صافي ملقينا من من نغيرو ،ياله ندخلو الحصة بدات . فهاد الاتناء سمعات نور gاع داكشي لي قالو وطنشات جا جينيونغ و هي تلاح عليه : مال موك لبارح شوهتيني مغاديش تحبس هاد الفعايل ها ؟ جينيونغ : * دار ايدو على كتافها* ههه مالك راه يحصل ليك الشرف نور :*خسرات وجها* شو كيداير زيد ندخلو . دخلو وgلسو بالمناgرة كانت gالسا قدامها رميساء و لفتت انتباهها حيت كانو دايرين بها البنات ولكن هي كانت غير مسايراهم و الضحكة الصفراء سلات الحصة خرجو كاملين توادعت هي و جينيونغ ومشات لدارها تغدات وا رتاحت وخرجات هي و jackson مشات للكافي كالعادة فطريقها ديما ليزيات وكلبها فجنبها كولشي كيشوفها حلات الباب ودخلت سلمات على البنات لي خدامين معها ( هي خدامة وخا خوها كان رافض ولكن هي اصرات عليه هو وافق و طلب صاحبو يخدمها عندو باش تبقى تحت عينيه و شوفو لخاوة كيدايرة ههه) داز الوقت سلات نوبتها و مشات للاصال عندها حصة ديال التدريب كانو المتدربين كيتسناوها بدات الحصة و كانت مركزة فحركاتها و كولشي مبهور فيها سلات الحصة بابتسامة ودعوها و نصارفو دارت كتجمع ساكها حتى كتسمع صوت كيقول : سمحيلي

رميساء : سمحيلي نسولك كتقراي معايا فلافاك ياك أنا شفتك صباح نور: اه وي شفتك حتى انا شنو كديري هنا ؟ رميساء :ههه أنا متدربة جديدة فالصف ديالك نور أه بصح مزيان نتمنى يكون عجبك الحال معنا 🙂 رميساء : اه بزاف gاع ا عجبني لحال منين عرفت انك نتي المدربة تفاجأت كنت غير كنتفرج فطريقة لي كنتي كتحركي بها وااو كنتمنا نكون بحالك نور : أكيد غير معا كترة التدريب غتولي احسن مني رميساء : ههه ميغسي خاسني نمشي دبا اتعطلت نتلاقاو غدا فلافاك نور : ان شاء الله باي . مشات رميساء تشد تاكسي و لكن مداز حتى واحد و تيلي مديشارجي رميساء : اففف فين طارو هاد التاكسيات ناري 10.30 هادي ماما و زاين غيقتلوني نمشي نشوف شي تيليبوتيك قريب . كانت غادا و دازت حدا شي جماعة ديال الفاشلون و مع كانت لابسة لبس جريء تمو جايين كيلوحو الهضرة معطاتهمش وقت ومع الدنيا خاوية زعمو و كل واحد شدها من جيهة هي فشلو بيها الركابي و تفكرات شي احدات كانو صعاب بالنسبة ليها جروها بالغصب لواحد الدرب مظلم فهاد الاتناء كانت غادا نور و معها jackson ماكيفارقهاش حتى كتسمع البكا و الغوات تبعات الصوت و بان ليها 2 شادين بنت كيلعبو بيها و هي توقف عليهم كي ملاك الموت هه . نور : هادوك جماعة الخرايا غطلقو البنت بلا مندير فيكم ايدي . دارو عندها عين فيها و عين فالكلب لي قدو قداش و اصلا هي فايتا عطاتهم قتلا منين تبسلو عليها يالله عيطات على باسم jackon وهما يعلقو معاقلين على ريوسهم دارت عند رميساء لي كانت مخبية وراها منين طلقوها طارت عليها كتعنق فيها و دموع دايزن و كلها كترعد بالخلعة .نور : صافي تهدني ماطرا والو انا معاك رميساء : اههئ اههئ حمد الله جيتي يعلم الله اش كان غيوقع لي نور : صافي اجي نوصلك لدارك راه مغتلقايش تاكسي.مشاو فطريق و الكلب بجنبهم رميساء : باقي ماقلتي ليا سميتك .نور: ههه اه سميتي نور الهدى ، رميساء : سميتك غزالة بحالك انا سميتي رميساء . نور : حتى نتي سميتك غزالة . رميساء : وااو الحمد الله منين ربي سيفطك ليا وااو دغيا خافو منك و هربو كان كيسحابلي غيخلطونا بجوج ههه نور : هههه هادوك غير داويين خاويين ههه تانا فيتين هجمو ا عليا هلكتهوم عصا و ركيل معا أصلا ديما سكرانين جاوني ساهلين . رميساء : هي نتي كتلعبي الكراتيه. نور: ماشي الكاراتيه غير فنون الدفاع عن النفس من الاغتصاب او شي اعتداء اولا سرقة ،البنت الى كانت عايشة فالمغرب ضروري متكون هكا راك عارفة خاصة الى كانت عايشة بوحدها . رميساء : على فين عائلتك .نور : * ضحكة استهزاء* قصة طوييلة رميساء : ممم اوك،صافي وصلنا ها باب الفيلة دخلي نعرفك على عائلتي ومنها خويا يوصلك متمشيش بوحدك .نور: لا مولفا نمشي بوحدي و مرة اخرى و عرفيني عليهم . رميساء : * تلاحت عليها عنقتها * معرفتش اش كنت غندير بلا بيك اههئ اههههئ شكرا شكرا بزاااف .نور : و باركا طيبتيني مكاين لاش تشكري هادا واجب . فهاد الاتناء عائلة رميساء خايفين عليها الام : اويلي 11 هادي باقي مبانت زين : تيلي طافي اففف . سيف نوض نققلبو عليها الام : غنمشي معاكم زين : متخافيش غنعيطو ليك غبقاي وصلو قدام لباب و هي تبان ليهم معنقة بنت و كتبكي و تالكلب كيدور عليهم زين : رميسساااء دارت عندهم مشاو كيجريو عندها عنقوها و باقة كتبكي و بداو يسولوها مالها و يخاصمو نور : يالله انا نخليكم تصبحي على خيير رميسااء . رميساء : تصبحي على خير حبييبة ومشات كتجري و كتعيط ل jackson يتبعها بقا زين متبعها و شعرها الطاير و ضحكتها الساحرة فيقاتو ختو من السهية رميساء : يالله ندخلو سيف : طايرتيها منا البرهوشة زين : فين كتي دايعة و علاش كنتي كتبكي . رميساء : ياله ندخلو ونعاود ليكم . دخلات هي و خوتها و عنقاتها امها بالبكا و كتسول اش وقع دخل الاب هو وسعد جاو معطلين و عاودات ليهم كولشي على نور و كيفاش عتقاتها و كيفاش هربو دوك المجرمين و انها المدربة ديالها الام : حمد الله خرجات طريفة . زين : برافو وصلاتك و خليتيها تمشي بوحدها على مالها ماشي بنت كتي تقولي ليها تبقى حتى نوصلوها . رميساء: لا قولتا ليها هي مبغاتش و قلت ليا بلي مولفا تمشي بوحدها . الاب(علي) : ابنتي شفتي اش كان غيوقع من اليوم متبقايش تخرجي فليل بوحدك غنجيب سائق يرافقك ديما زين : صافي ا بابا انا لي غنولي نديها و نجيبها و شوفي نتي التيلي عمرو يطفى سمعتي يالله نوضي رتاحي رميساء : يالله تصبحو على خيير الكل : bn8 بعدما طلعات الأم ( ليلى) : ياربي انا خايفا لاترجع ليها ديك الحالة تاني علي : متخافيش بنتناقويةو حنا معاها منخليو حتى حد يوصل ليها *** عند نور دخلات دوشات و كلات و عيطات لياسر عودات ليه لي وقع و حتى هو نقى ليها ودنيها 

صباح جديد حامل معاه احدات جديدة *** عائلة العمراني مجموعين على وجبة الفطور وخا هما عائلة فاحشة الثراء الا ان رب العائلة مربي ولادو على الانظباط و الحفاظ على روح العائلة ، بهيبتو و شخصيتو القوية مكيدخلش فقرارات ولادو و فنفس الوقت مراقبهم من بعيد بلا ميلاحظو ، ليلى: حبيبة ماماها كيف صبحتي رميساء : انا بخير ماما * وباستها* ليلى : الى تلاقيتي مع ديك البنت عرضي عليها اتغدى معانا اليوم انا بغيت نشكرها ، زين غير سمع و هز راسو و ابتاسم. رميساء : *فرحانة* اه واخا غنقولها ليها راها كتقرى معايا درنا نتلاقاو قدام لافاك و غنقولها ليها .ليلى: صافي مزيان . تفرتكات الجقلة و كل واحد مشا لشغلو . **** فاقت نور على التيلي بحال ديما بعدما قطعات مع خوها بقات ف بلاصتها كتشوف فالسقف : * تنهدت*كون غير كانت ماما هي لي كتفيقني و نلقى فطوري واجد ونعنقها وناخد الطاقة من صدرها الحنين .ناضت بدموع فعينيها دارت روتين ديال ديما وخرجات متوجهة للافاك وصلات و تلاقات مع رميساء فالباب . رميساء : صباح الخير حبيبة سافا نور : حمد الله كيف صبحتي نتي بعدا رميساء : الحمد الله المهم بغيت نقول ليك عائلتي عارضين عليك لغداء و مغاتقوليش لا عائلتي super cool غيعجبوك نور: ههه واخا الالا دخلو لقاعة وgلسوا ودوك المسمومات حاضيينهم دخل جينيونغ بعجاجتو : وفيين *شاف فرميساء * شكون هاد الزين. رميساء: انا رميساء كنقرى معاكم ههه جينيونغ: اااه بصح عمري شفتك ههه رميساء : انا كنشوفك و كنعرفك نور: b1 sur غتعرفييه كازانوفا مغربي-كوري .جينيونغ : مالك جاتك الغيرة هههه نور : لهلا يحييك مالقيت علامن نغير ونتا و جهك كي بيوتي بلاندر ( الله امسخك ا نوور وجهك قاسح) جينيونغ : شنو هي بيوتي بلاندر . رميساء : ههههههه واحد البونجا كنديرو بيها fondation *وجبداتها وراتها ليه* جينيوونغ: *تهز بالضحك* هههههه لموك دابا انا وجهي داير هوكا بقاو قولها و ضحك عليها و المسمومات كيهضرو فيهم البنت1: شوفي ياختي دغيا قلبات وجها وتعاشرت معا دييك خيتي البنت2: غبلاتي غندمها. وبقاو كيحنزو فيهم نور: شوفي صحاباتك كيخنزرو فينا رميساء: هادوك ماشي صحاباتي باغين غير حاجتهم منافقات نور: اه سمعتكوم داك النهار فاش دافعتي عليا . رميساء: * متفاجئة* اواااه سمعتينا جينيونغ: هههه بلا متفاجئي هي ديما هكا كتسمعها من هنا و تخرجها من هنا . دخل البروف دازت الحصة مشا جينيونغ مع شي دراري يتسركلو رميساء : يله مشينا . نور اه بلاتي jackson هاد وقت ماكلتو وخا نديه معايا رميساء : اه اه ماشي مشكيل. مشاو لدار دخلت رميساء حالة فومها فجمالية الدار كانت طاغي عليها اللون الابيض والاتات فالاسود و عامرة بالديكورات و اللوحات و الرسومات . رميساء: واو هادشي زوين شكون راسمو .نور : *ناضت عندها بعدما عطات للكلب ماكلتو * ممم شي خويا شي انا هو لي علمني نرسم و دبا فينما ترشق ليا كنخربق شي حاجة .رميساء:هادشي غتخربيق واو وااو نور: *جراتها* اجي غنوريك شي حاجة . حلات الباب كان بيت النعاس غير شعلات الضو و هي تحل فومها كانو بزاف اللوحات و ادوات الرسم و كان بيت كبير بينا فيه ديال شي فنان لفتات انتباها الرسمة الكبيرة معلقا فوق السرير رميساء:شكون هادا لي فالطابلو شي ممثل .نور: ههه هاداك خويا انا لي رسمتها ليه فعيد ميلادو رميساء:واااو سرعتيها*هزات تصاورو * وااو خوك تووووت مع راسو اصلا نتوما كتشابهو نور: هههه ويي حتى يرجع من كوريا و نعرفك عليه رميساء: ههه اوك يله نمشيو دبا نور: اووك خرجو ومشاو فتاكسي هبطو ووراهم الكلب دخلو للباب الفيلا كانت كبييرة بيسيين و الجردة عامرة بالورد ف الالوان و الاشكال منظر كيفتح النفس حلات الخدامة الباب لقات ليلى و زاين لي كان متحمس لهاد اللقاء و سيف اما علي و سعد باقين معطلين .ليلى: مرحبا تبارك الله ماشاء الله غزالة ابنتي كتحمقي نور : *شافت فرميساء مبتاسمة ورجعت شافت فليلى* شكرا مادام عيونك لي غزالة ليلى :قولي ليا غير خالتي رميساء: نعرفك هادا خويا سيف . سيف: مرحبا انا سيف خو رميساء26 سنة مدير تنفيدي فشركة الوليد و باقي single متشوفيش معنا * غمزة* نور 😗 تحلو عينيها و بقات كتشوف* زاين 😗 مخنزر فسيف* سيف ، مد ايدو ليها و كيشوف مباشرة فعينيها ، مرحبا بيك انا زاين خو رميساء ومتديش عليه راه ديما ضحكو كيطيح النص فبنادم نور : ااهه ههههه عادي قشابتي واسعة الكل : هههههه شافت نورفكلبهابان ليها ناض كشمشم و مبرزط و فجأة

وفجاة ناض الكلب كيجري بحايلة تابع شي حاجة وهي تشوف نور فزاين لي كان قدامها وقالت : واش عندكوم شي مش فالفيلا وهو يجاوب : اه ديالي . نور : *كتجري* عتق عتق عتق عتق. تبعها زاين كيجري وراها وكلشي لحق عليهم وصل الكلب للجردة تابع المش قلبين الدنيا وهما تابعينهم ونور كتغوت jackson وقااف ووالو ممسوقش ليها وهي تزيد فالسرعة وصلات عليه مالقات كيف الدير وهي التلاح عليه لاوية عليه بايدها ورجليها وهو كيحاول يفلت وكيفركل برجليه . قدر زاين يشد مشتو و وقف حدا نور لكاتعاني مع كلبها حيت اقوى منها وسولها زاين : واش نتي بخير .نور: *شافت فيه* اش كدير هنا ديها من هنا راه والله وشدها لاشفتيها مزال.مشا طلعها لفوق و وصلو لوخرين لي ميتين بالضحك رميساء: ههههههه ناري طيرتوني هاد النهار نور: سخفني ولد الكلبة هههه ديماداير ليا الشوهة الكل:ههههه نور: *كتغوت عليه* جاكسووون صافي رصا . سمع كلامها عرفها تعصبت وقفات ووقف تاهوا ليلى : يله البنات ندخلو نورللجاكسون: بقا هنا متحركش . gلس الكلب و هي دخلات معاهم كانو مجموعين فالصالة ، سيف: هههه واش ديما داير ليك هاد الحالة . نور: هههه اه هو فالعادة داخل سوق راسو و مرزن ولكن الى شاف شي مش كيجهل وكي بقا غتابعو هههه سيف: غقولي ليا اش كتوكليه راه كبيير نيت نور: اه كولشي كسولني هاد السؤال هو وكال داكشي علاش كبير وانا كنوع ليه الماكلة كياكل كولشي كي الحلوف ههه زاين : *غير حاضي تصرفاتها و ساهي فيه*ا زاين: *فنفسو : علاش كنحس بالي كنعرفها من شحال هادي الى فايت عرفتها مستحييل ننسى انسانة بحالها* دخل علي و سعد سلمو عليهم و عرفاتهم رميساء على نور رحبو بيها و تجمعو على طابلة الغداء اللي كانت كبيرة وعامرة باشهى الاطباق . علي : مرحبا بيك ابنتي وكنشكرك بزاف على اللي درتي البارح ماشي غاع البنات شجاعات بحالك ومنهم هاد زطيونح الي عندي ههههه رميساء: بااابا حشوما عليك . نور: هههه لا هادا واجب .زاين: فاش تساليو الغدا بغيت نهدر معاكم بجوجات نور و رميساء : اووك . ليلى: *كتعمرللبنات طباسلهم* كولو مزيان ، شو كيف كارمات عليا ههه . سيف: ههه غير طاسة ولقات غطاها. زاين : *خسر وجهو* اش كتخربق الكل: ههههههه سعد: قالت لينا رميساء كتقراي معاها و كدرب عندك فلاصال نور: اه بصح سعد: وشحال ونتي كتدربي نور: منين كانت عندي 9 سنين و انا كنرقص ووليت كندرب هادي شي عام سيف: صراحة باينة فيك جسمك منحوت باينة فيك رياضية زاين: *تعصب* و براكا خليوها تعقل فين كدوزماكلتها نور: لاعادي ماشي مشكيل .كملو الماكلة و مشاو للصالة يكملو الدردشة مع كاس القهوة علي : *بدا فلونكيت ديالو باش يعرف بنتو معامن* ايوا ابنتي عايشا مع والديك؟ وشحال عندك ديال الخوت؟ نور : لا عايشة بوحدي بابا مات فاش كان عندي عامين و ماما *حدرات راسها وابتسمت ابتسامة خفيفة وجاوبت* فارقاتنا الظروف وبانيا حياتها بوحدها وعندي 2 خوت واحد شقيقي ولاخر من ماما .هنا تلفت علي عند ليلى و شاف فيها وحتى هيا و قال :بنتي شنو سميتك كاملة نور؛ *مستغربة*نور الهدى العمراني . تصدم علي و ليلى و حاولو ميبينوش و قال : اهه اوى مزيان مرحبا بيك ابنتي وعاودي هاد المجية و و وقف وقفو معاه ومشا وتبعاتو ليلى و ناض سعد يهدر مع مراتو لي مسافرة عند عائلتها و بقاو الشباب رميساء: ههههه وااو عندنا نفس الكنية نور:حتى نتوما كنيتكم عمراني صدفة هادي زاين: ادن نتي سميتك نور الهدى نور: اه * فنفسها: اويلي هادا مالو من الصباح وهو كيشوف هو ظابط ناري باينة دزت عليه شي مرة وعقل عليا وانا من كترة الزبايل ماعقلتش شحال من كوميسارية وصلت ليها* رميساء: كوكو فين سرحتي نور: اااه لا انا معاك زاين: ياله لجردة بغيتكم .ناضو لبنات معجبين و gلسو قدامو زاين: قولو ليا فين شدوكم دوك الحيوانات البارح نور: فشارع **** راه بلاصتهم هي هاديك ديما مقصرين و خالعين بنادم .زين : وعلاش شافوك وهربو راه حتى نتي بنت بحال رميساء نور: اه غير حيت فايتة عاطياهم قتلة كانو دارو بيا واحد المرة وعاد jackson ديما معايا زين: صافي اليوم نصفيها لوالديهم و نتوما عودو ردو لبال و متبقاوش تعطلو . ناض خلاهم غير كيشوفو . ***** فالمكتب عند علي و ليلى .علي : صافي لقيناها زعما تكون هي. ليلى :خاصك تأكد بعدا و عاد خاصك تلقى عائلتها وتهدر معاهم . علي: اه بصح وشوفي سنين و انا كنقلب عليها حتى بانت غبوحدها ليلى: هههه و شفتي كنتي فاقس راسك على والو . ودعات نور العائلة و مشات الكافي دوزات المناوبة ديالها و رجعات لدارها بعد الروتين ديال ديما

هادي 10 الصباح تيلي ديال نور كيصوني نور: مممممم ياسر: البقرة باقة ناعسة نور: واش حتى السبت مصبحة عليك واش معندك شغل ياسر: ههه ياك هادي هي خويا توحشتك امتى غتجي نور: *ناضت gلست* والله حتى توحشتك اخويا جاية لعام و نصف على اخر كونجي جيتي فيه توحشت طيابك و ضحكك و ضربك و لعبك معايا *كتبكي* توحشت حنانك و نعنقك كل صباح امتى غترجع عافاك ياسر: *سكت لمدة وجاوب* حبيبة خوها متبكيش تأنا توحشت قباحتك راه بالي ديما معاك و نتي غير بوحدك، مبقا قدما فات صبري مزال واحد العام و أنا معاك حتى نطلع ليك فالراس نور: *كتغوت* عام واش كضحك عليا يله بغا يجاوب وقطعات عليه تخشات ففراشها كتبكي عاود صونا التيلي نور: *كتبكي وتغوت* ياسر فوتني عليك دبا مفيا لتخاصم معاك . الشخص: *سكت شويا وجاوب* لا هذا زاين خو رميساء. نور: اه سمحلي بغيتيني فشي حاجة زين: مساليا اليوم ؟ نور: اه زين: اجي عندي للكوميسارية *** بغيتك راه غتكون حتى رميساء نور:*بتوتر* علاش كاين شي مشكل؟ زاين : لا غير بغيتكم تعرفو على دوك الحيوانات لي تعرضو ليكم نور : اوك انا جايا قطعات ، زاين كان ف المكتب ديالو كيفكر :شكون هاد ياسر باينا كانو كيتخاصمو قبل منعيط ليها وليني حمار هادا لبكا وحدة فجمالها انا غنشوف شكون نتا اسيهم ياسر و هي ناضت دوشات وصلات و كلات ولبسات سروال دجين كحل مقطع مع تيشرت كحل واسع وقصير فيه ارقام بالبيض ، و كحلات عينيها مع شعر مطلوق كيف العادة ، خرجات ومعاها جاكسون بعدما وصلات خلاتو فالباب و دخلات نور:سمحلي فين مكتب الظابط زاين ؟ نعت ليها فين دقات ودخلت لقات زين و رميساء gالسين كيهضو نور: سلام. رميساء ناضت عنقاتها اهلا لاباس عليك نور: *بوجه دابل * الحمد الله.زين كان كيشوف فوجها لي باين فيه كانت كتبكي رميساء: مالك شفتك ماشي هي هاديك نور:*بابتسامة* لا انا بخير زين؛ ياله البنات تبعوني . مشاو دخلو لمكتب أخر كان فيه ظابط اخر و المجرمين شاف الظابط فنور وجا لجيهتها:اش جابك نتي هنا تاني ياك تبريت منك مكتعيايش من الزبايل نور: *مخنزرة فيه وساكتة* زين: علاش مالها اش دايرة الظابط : ايوا هادي راه كل شهر جايا سالخا ليا شي واحد *وكيشوف فيها* نور: بتحدي كتستافزو* ومالك معصب راه غير كندير خدمتك لي مكديرهاش . هز ايدو بغا يجمع معها وشدها ليه زاين: اييه اجمع ايدك معندكش لحق تضربها و زايدون عندها الحق كون كنتي داير خدمتك gعما يبقاو هادو يتعرضو لبنات الناس و هي هنا باش تعرف عليهم فهمتي ولانزيد نفهمك .خرج ماعاجبو حال حيت عطاه العصير ههه . زين : يالله البنات شوفو واش هما هادو شافت فيهم نور : اه اه هوما زين: هزو عليا هادو هبطوهم رميساء :نور عقلتي عليهم واخا كان الضلام ، اجي ليوم السبت اش غديري نور: والو غنمشي نكمل نعاسي وبدا تيلي ديالها كيصوني نور :سمحولي الو اش باغي تاني. ياسر: وصافي غتبقاي مقلقا مني فينك دابا نور:فالكوميسارية ياسر:لموك اش درتي تاني عاد كنتي فالدار كيدرتي ليها نور: وراه غير جيت نتعرف على هادوك لي كنت عاودت ليك عليهم . ياسر : واخا الى ساليتي رجعي فحالك لدار وتهالاي فراسك متبقايش مقالقا مني راك عارفا مع الخدمة هي لي حابساني نجي عندك . نور: واخا ياله بسلامة ، ياله نخليكم رميساء:*شداتها* بلييز دوزي معايا هاد النهار ياك غتبقاي غبوحدك فدار لاهما دوزيه معايا نور: معندي خاطر غير خليني عافاك زاين :*بانت ليه مقلقا وبقات فيه* تأنا ماخدامش هاد العشية ياله نمشيو للدار نقصرو تما رميساء: اه اه اه بليييييييز نور: *تناهدات* واخا امري للله .و مشات معاهم دخلو للدار مكانش علي و مراتو خارجين برا و سعد عند مراتو و وولدو الصغير. تغداو رميساء و نور و زاين وحتى سيف كملو الغداء فجو الضحك و اللعب . سالاو استأذنات منهم و خرجات للجردة gلست فالارض شاعلة gارو هي كتكمي فاش كتكون معصبة ومقلقة بالتخبية على خوها و jackson مخشي فيها بقات شي نصف ساعة تحت الشمس والبرد كيضرب فيها .فهاد اللحضة كانت رويساء كتشوف فيها من بعيد و معاها زاين رميساء: معرفتش مالها اليوم كضحك غير بالزز وماعاجبها حال غنمشي نشوفها زاين: *شدها* غير خليها باينا فيها من النوع لي كيبغي يبقا بوحدو . جا علي وليلى : مالكوم واقفين هنا رميساء: والو راه كاينا نور . علي : مزيان فينها .زاين: هاهي جايا . نور: السلام .علي و ليلى: وعليكم السلام ابنتي لاباس عليك . نور : *ابتسامة* حمد الله . بقاو gالسين فالصالة مجموعين كيدردشو و يضحكو و نور بيناتهم ساكتة غير كتشوف ليلى : بنتي الحبيبة الاميرة ديال ماماها كيف دوزتي نهارك رميساء: عادي اماما بحال ديما . ليلى : اش بان ليك نمشيو غدا لspa و نديرو shopping رميساء: *متحمسة* اوك ماما . نور كانت غير كتشوف فديك العلاقة الي بين الام و بنتها ،و كيفاش كتشوف فيها وكتلعب بشعرها و كتلمس فوجها وايديها ، حسات بالضيق كتر ماهي فيه و
زاين لي gالس قدامها غير كيفكر شنو غيكون عندها . ليلى: بنتي نور ياله غدا معنا نور : *ناضت* لا انا عندي ماندير مرا أخرى ، ياله انا غنمشي دابا شكرا على الغداء استمتعت معاكم. رميساء: فين غادا باقي الحال نور: صافي الله يجعل البراكة . زاين: صافي خليها على راحتها ياله انا غنوصلك نور: بلا منعدبك زاين: زيدي قدامي من الهضرة . نور تابعاه ياله بسلامة عليكم الكل: بسلامة مشات معاه اللوطو هي غير ساكتة وحاطة راسها على الجاجة وهو كل شوية يخطف شوفة فيها، وشوية قفزات نور : وقف وقف 

 نور: وقف وقف وقف . هو وقف قدام واحد البارك عامر بالناس زاين : مالك اش وقع نور: *هابطة زربانا و كتهضر* شكرا عدبتك معايا غير سير ، حلات على jackson مشات دخلات للبارك هو راسو ضرو وتبعها ،هي غادا و كتسلت بحايلة مخبية من شي حد وقفات ورا شجرة، و مركزة على شي حد بنظرات شوق وحنان ، كانت كتشوف فامرأة تكون ياله داخلا فالاربعينات ، كتلعب مع ولدها يكون عندو شي 8 سنوات ، كانت نور كتحاول تقرب منها ولكن مترددة ، كان حاضيها زاين وراسو عامر بالتساؤلات على غموض هاد البنت وأخيرا قربات لعندها بخطوات بطيئة ، نور: م..ما...ماما .دارت عندها وجمعات ديك الضحكة لي كانت مرسومة على وجهها وقالت: لاش جايا عندي اش باغا ؟ نور: ماما انا اتوحشتك بغيت نعنقك و نشم ريحتك . سمية: انا معندي بنات سيري فحالك نور: عافاك عطينا فرصة نتقربو من بعضنا و خويا الصغير حتا هو يعرفني، *متحمسة* نمشيو غدا لمول نتقداو اولا نتغداو فشي بلاصة اشنو بان ليك اه ؟ سمية: لا لا بعدي مني متبقايش كل مرا واقفا عليا ، عرفتي خليت ليك هاد البارك نور: صافي صافي انا غنمشي غير خليكم *ضحكات لخوها الصغير * ومشات بخيبة امل فوجهها سمع زاين gاع ديك الهضرة لي دازت ، بقات فيه بزاف بغا يخرجها من داك الهم لي خاطف البسمة من وجهها معرفش شنو يدير ، كتمشا بالليزيات فودنيها jackson وراها بقا حتى هو تابعها وقفاتو واحد المرة كتسول على شي حاجة ، جاوبها فاش دور وجهو ملقاش نور بقى كيقلب تعصب ورجع فحالو وصلات نور لدارها مخنوقة كيتاصل بيها ياسر و لكن مكتجاوبش طافيا التيلي ،دخلات لبيتها طلقات موسيقى adam lambert و gلست فوق الناموسية كتفكر كلام مها و رفضها ليها ، جهلت و بدات كتهرس gاع لي حداها و كتغوت من حر داك الجرح لي كبر معاها من كرش مها ، ماحد الموسيقى كتعلى و هي ماكتزيد تجعر ، هي الوحدة ديالها خلاتها فينما تضيق بيها كتقلب غير فين تخوي ديك الطاقة ، مكفاهاش داكشي لي هرست باق مرتاحت خرجت وخلات jackson فالدار و كانت 10 دالليل و الشتا كتصب غير عتبات باب العمارةو هي تهز راسها السماء مبتسمة و مغمضا عينيها كتحسس نقطات الشتاء فوق وجهها ، عجبها داك الهواء النقي الفريش لي مخلط بريحة الشتاء والتراب ، تمشات تحت هاد الجو لي كيعجبها و الدنيا خاوية وتوقفات قدام واحد الclub ودخلات كتضحك و تشطح بحال شي حمقا ، وكان gالس زين معا صاحبو gالسين عاطينها بالضهر مشافوهاش .عماد: مالك اصاحبي ليوم ماعاجبنيش اش كاين ياكما رميساء رجعت لحالتها .زاين: لا ماشي رميساء الحمد الله بدات كتطلق مبقاتش غسادة عليها و تلاقات مع واحد الملاك عاوناتها من شي حيوانات و تصاحبو عماد: هههه ملاااك زاين: اه ملاك عرفتي فاش شفتها داك النهار حسيت بحال ال كنعرفها من شحال هادي بحال الى كتربطنا شي حاجة مفهمتش هاد النوع الاحاسيس gول ليا نتا ياك نتا طبيب نفساني . عماد:ههه هاداك اولدي سميتو الحب ولكن هادشي زوين علاش مقلق . زاين : اليوم شفتها كانت بحالة هازة هموم الدنيا الضحكة كانت كتخرج غير بزز منها و كانت غير حاضيا فالوالده و رميساء كيفاش كيهضرو مع بعضياتهم مفهمتش شنو سر دوك الشوفات فالاول حتال من بعد منين تبعتها عاد عرفت * وعاود ليه كولشي عليها بالتفصيل* كانت نور مغيبة فالعالم ديالها كانت وحدة هي لي كتغني مشات طلعات عندها حيدات ليها الميكرو و قالت : حيدي عليا جبتي ليا النعاس. وهي تغوت فالميكرو :ياله فيقو معايا هادا club اولا صال ديال الاوبيرا زين وعماد بداو كيضحكو بلا ميضورو عندها . ختارت اغنية فيها high notes بزاف باش تغوت مزياان بدات كتغني ونوضاتها كلشي كينقز و هي نتضحك و تنقز طلعات واحد لhigh note كولشي بورشاتو مع البحة لي فصوتها وبديك الحرقة لي كتغنيبيها بيها و كان منهم عماد : اووكووك على صوت والله حتى بورشاتني والله تنضور نشوفها، واواو تورق ليا كيدايرا bad girl معا راسها هههه والفورما و العينين هادشي بزاف(حيت كان شعرها فازك وحوايجها تاهما لسقو عليها ) ، دار زاين بالزربة حيت بحايلة كان كيوصف ليه نور دار وتصدم منين لقاها هي ووقف ، زاين : والله حتى هي عماد: شكون هي زاين: الملاك ....نور الهدى .عماد: وايلي هههه و ناري اصاحبي و طحتي وعرفتي فيين زاين: سكت شويا. سلات نور وهبطات كولشي كيصفر ليها مشى زاين كيجري لجيهتها

مشى زاين لجيهتها ولكن اختفت عيا يقلب عليها ولكن غبرات وسط داك الزحام ديال بنادم تعصب تاني و رجع عند عماد . عماد:مالك رجعتي زاين: ملقيتهاش كطير كي الزواق كون لقيتها كون جبدت ليها الودنين ، حوايجها كانو gاع لاسقين عليها بالماء كلها كتبان و من لفوق جايا لكلوب ، بطبيعة الحال مكاينش لي يحكم فيها عماد: هههههه بلاتي بلاتي شفت غريزة التملك من جيهتها دغيا تأكتيvات او دغيا بغيتي تحكم فيها عنداك تزرب عليها و الله حتى تهرب هههه زاين: عارف بلا متوصيني .** رجعات نور لدارها عيانة نعسات وسط ديك الروينة مفاقت حتال الغد ليه مع 2 العشية(هادي ماشي غير نعست دخلات فالسبات ههه) كان الاحد عطات لjckson مكلتو و رجعات لفراشها كانت مريضة و راسها تقيل عليها و طالعة ليها السخانة كتحرك غير بزز، داز هاد النهار غير فالدار وفالفراش ،هادشي كولو رجع عليها من الخرجة البارح وعاد حالتها النفسية مكانتش هي هاديك، النهار كولو كيتاصال بيها ياسر و رميساء و مكتجاوبش تيلي مشعلاتوش داز هاد اليوم الغد الاتنين ياسر باقي كيعيط تخلع عليها عمرها مغابت عليه هاد المدة تشوش بزاف و حار اش غيدير، كانت رميساء فلافاك كتسناها سلات الحصة وبقات حتال العشية ومشات حيت زاين جا يديها خرجات للباب لقاتو واقف قدام لوطو كان كيشوفها جايا بوحدها و كان كيقلب على نور بعينيه . رميساء : سلام خويا زاين : مال الزين مغوبش ؟ فين صاحبتك مشات ؟ رميساء : لا مجاتش ، يوماين و هي غابرة و مكتجاوبش ف التيلي زين : *مخلوع* كيفاش ؟ وهنا خرج جينيونغ كيجري هاز التيلي فودنو شاف رميساء و جا عندها : سلام رميساء واش مبانتش نور يومين وهي غابرة و مكتجاوبش فالتيلي ، رميساء : لا راه تأنا مشوشا عليها . جينيونغ: *فالتيلي* لا اصحبي مجاتش لافاك اليوم ، ياسر: طلق طير لدار عندها غتكون غير مريضا و مقداش تحرك دابا . جينيونغ : واخا انا غنمشي عندها ونعاود نعيط لك رميساء: غنمشي معاك زين : طلعو انا غنوصلكم مشاو طايرين و جينيونغ كيوريه الطريق وكل شوية يعيط ليه ياسر يسولو واش وصل . وصلو طلعو كيجريو وصلو لباب كيصونيو مكتجاوبش و كيسمعو الكلب كينبح حدا الباب ، زادو تخلعو مد جينيونغ ايدو فوق الباب و جبد ساروت حل الباب و بدا الكلب كينقز زاعمة هاهي هنا ( هههه حيدو من الطريق خليو السلوغية دوز) دخلو للبيت لقاوه مشخشخ و مرون وهي ففراشها ناعسة مزننكة و كتكحب رميساء : نوور اهئ اهههئ مالك اش واقع ليك ، نور نصف مغيبة مكتجاوبهاش جينيونغ: *فالتيلي* ياسر لقينها راها فالدار مريضة غنديها للطبييب..... لاميمكش تهضر معاها اه مغيبة اوك غنعيط لك . حيد عليها زاين الغطاو هزها لقاها طايبة و باقا بحوايج السبت مشاو كيجريو للمستشفى دخلوها و باقي ياسر كل شوية كيعيط ليه داز الوقت وخرج الطبيب : فين عائلة هاد البنت يوماين ماواكلة و الحرارة واصلة 40 جينيونغ : راه ساكنة غير بوحدها يوماين وهي غابرة عاد لقيناها زاين : عافاك قول لينا كيف بقات الطبيب : المهم راه دgيت ليها شي براوات راه الحرارة نزلات وولات شوية راها ناعسة غتبقى تحت المراقبة حتال غدا و يمكن ديوها رميساء: ممكن نشوفوها ؟ الطبيب اه ماشي مشكيل .دخلو كاملين عندها وهي تحل عينيها مشات رميساء تلاحت عليها : خلعتينا عليك باش كتحسي نور : *بصوت باح * انا بيخيير جينيونغ: تي مال موك مرضك خايب هكا ديما مخرجاها مني وصوتك مالو باح كنتي سهرانة مع الشيخات ؟ .نور: *بحركة بايدها زعما زمو * زاين : على سلامتك خلعتينا عليك و كولي النعمة ونتي خف من الريشة . نور: ا اه نتا لي هزيتيني سمحو ليا عدبتكم معايا ، الكل: ماشي مشكيل عيط تاني ياسر: اشنو فاقت ؟ جينيونغ :*دار السبيكر*اه هاكاها ياسر: الو...الوو نوور واش نتي بخير ؟باش كتحسي؟ نور: انا بيخيير بلا متشوش عليا احبيبي ، ياسر: طيرتيها مني الله يلgيها لك ديما كنgول لك لبسي الا كان البرد راه عندك الحساسية واش مزيان دابا تمرضي هكا ومكاين حتى كيف ندير نgابلك ونتي غير بوحدك اش غندير معاك انا ااش ؟ رميساء : متخافش عليها غنديها تبقا معايا هاد السيمانة حتى تصح ممفاكاش معاها ههه ياسر: نتي رميساء ؟!! ديري فيا هاد الخير و تهلاي فيها عافاك راه راسها قاسح رميساء : متخافش غنديرها فعيني . نوور: صافي انا بيخير غير سير نعس دابا راه 4 ديال الصباح عندك . ياسر : على خليتي ليا شي نعاس ياله رتاحي انا كل شوية غنعيط ليك نور: واخا ياله تصبح على خير . زاين كان غير مقنت فواحد الجيهة معاجبو حال نار الغيرة غتاكلو مكرهش يشخشخ داك التيلي و مكرهش يكون فبلاصتو عارف عليها كولشي وعلاقتهم كيبانو قراب لبعضياتهم ،حسدو مكرهش يشوف هاد خاينة لي منافسو نور : صافي غير سيرو انا بيخير حمد الله بلا متبقاو معدبين معايا رميساء : لا غنبقا معاك نور : لا عافاك غسيري اصلا غنعس وغتبقاي بوحدك . رميساء : اوف واخا ولكن غدا غتمشي معايا 
ومتزيديش معايا الهضرة نور : اووك واخا الكل : ياله بسلامة ومشاو

يوم جديد بعدما فاقت نور لقات رميساء عند راسها حبيبة نعستي مزيان ؟ ياله هاكي فطري باش نمشيو للدار ، نور: واخا ، بلاتي عطيني التيلي . مداتو ليها رميساء : لمن باغا تعيطي نور : لجينيونغ باش يخلي عندو جاكسون راك عارفا عندكم مشة و انا منضمنش جاكسون ههه رميساء:هههه اوك ...... فطرات نور ولبسات حوايجها وهو يدخل زاين بعدما خلص الفاتورة : صباح الخير زيين كيف صبحتي نور: حسن من البارح شكرا ليكم عدبتكم معايا زاين : باركة من الهضرة و ياله نمشيو .مشات معاهم نور رميساء القدام و هي اللور . زاين عين فالمراية و لوخرا الطريق ،نور ردات البال لهادشي . نور *فنفسها: هادا مالو من الصباح حاضيني والله كون مكان خو رميساء ومن الفوق معاوني كون درت فيه ايدي *. رميساء : اجي بعدا خاصك تعيطي لخداميك باش ميطردوكش نور: *كتهضر وصوتها باقي مبحوح *هههه متخافيش انا الباطرونة انا نطردهم رميساء: ههه ياسر البارح محبسش من التعياط معارت اش واقع حتى مبقاش عيط ههه نور: اوييلي فكرتيني تيلي ديالي فالدار باقي طافي و مكاينش جينيونغ لكان كيعيط ليه اري ديالك . مداتو ليها و عيطات لياسر : الو ياسر. ياسر: حبيبة كيف صبحتي باقي مشعلتي التيلي معرفت منين نعيط ليك نور: اه عيط ليا من هاد النمرة راها ديال رميساء حتى نشعل ديالي . ياسر: واخا ، شفت صوتك باقي باح لموك نتحاطو عليها كنتي محيحا فشي بواط والله ياموك ونعرفك باقي وصلتي لدوك لبلايص حتى نوقف علك هانا علمتك ، فينك دابا؟ نور: انا فالوطو مع رميساء وخوها غنمشي معاهم لدارهم ياسر: واخا وخوها شحال فعمرو ؟ نور: اويلي ونتا مالك ؟ ياسر: ونتي سوقك بغيت نعرف ختي معامن . نور : *بصوت خافت* متخافش راه بعقلو وراه هو الضابط لي عاونا داك النهار .ياسر : اه هو ضابط ، مزياان دوزيه ليا نور: اويلي اش بغيتيه باغي تشوهنني ياسر : * بالغوات* وتي دوزيه ليا نور: اف واخا ، زاين بغا يهضر معاك .زاين وقف اللوطو وخدا التيلي وهو مخنزر : الو . ياسر : الو سمحلينا خويا على هاد الديرونجمو قالت ليا ديك البرهوشة نتا ضابط واش ممكن تخلعها شوية راه كتمشي لشي بلايص لاحول ولاقوة الا بالله مكتسمعش حيت بعيد عليها ، كن كنت حداها كن هرست ليها رجليها . زاين: *فنفسو:انا لي غنهرسهم ليك غير حتا تبان * اه صافي كون هاني ياسر: شكرا بزاف, وقطع وصل البنات للفيلا و رجع للخدمة ديالو . ليلى: اهلا ابنتي كيف بقيتي ؟ نور: الحمد لله اخالتي . ليلى انا غنطيب ليك شوربة ديال الدجاج غدفيك و تسرح ليك الصوت نور: بغيت غير النعس مفياش لي ياكل بلا متعدبي راسك اخالتي . ليلى: لا ابنتي شوفي كيف دابلة خاصك تاكلي باش تصحي دغيا ، رميساء طلعيها تنعس شوية بيما وجدتها ليها و راه وجدت ليها بيت فين ترتاح . رميساء: اووك ، ياله الحب نطلعو .دخلو البيت كان كبير و واسع ومضوي مزيان جابت ليها رميساء بيجامة شورط ديال القطن و تريكو ديالو فالرمادي وتخشات فالفراش و gلست حداها رميساء وكتلعب فشعرها : عرفتي طيرتيها منا خلعة يوماين ونتي غابرة كيسحابلي غير وقعات ليك شي حاجة الله يحفظ خاصة كنتي مقلقة اخير مرة شفتك ، شوفي انا بغيت نفتحو قلوبنا على بعضياتنا و تعتابريني ختك الى كانت شي حاجة متقلا عليك انا نهزها عليك ، كنتي مريضة انا نجي نقابلك دبا مبقيتيش بوحدك انا معاك وغنبقا معاك اووك ؟ نوور: *ابتسامة عريضة* ههه واخة احبيبة شكرا بزاف *عنقاتها* رميساء : ياله رتاحي دابا انا التحت نور : واخا حبيبة ، بلاتي سدي معاك gاع الريدوات رميساء: ههه واخا ياله باي . هبطت رميساء عند ماماها ليلى: صافي نعسات ؟ رميساء: اه راها كترتاح ليلى: مسكينة بقات فيا يوماين و هي مريضة ومسايق ليها حد الخبار ، خايبة لواحد اسكن بوحدو . رميساء: اه اماما كانت مغيبة لاماكلة لا والو وخوها كان غيتسطا كل شوية كيعيط ليها ليلى: اه يحسن عوانو مسكين بعيد على ختو وغهو لي عندها خصك توقفي معاها ومتخليهاش بوحدها مرة تبات عندنا مرة تمشي عندها رميساء : اه اماما هدشي حتا انا فكرت فيه . بعد مدة ، زاين داخل و كي قلب بعنيه على نور دخل عند مو و رميساء لي gالسين و كيتفرجو .زاين: السلام عليكم و gلس ، فين نور ياكما مشات رميساء: لا راها ناعسة الفوق ، باقا عيانا زاين: اه اوك انا طالع لبيتي .طلع وفطريقو شاف البيت لي حداه لقا لباب شوية محلول دفعو ودخل قرب لجيهتها كانت غارقة فنعاسها و شعرها مبعتر فوق وجها والمخدة و كل رجل فجيه والتريكو مهزوز على كرشها gاعمة جايبة للدنيا خبار gلس حداها حيد شعرها من وجها وبقا كيشوف فيها : اووف اش غندير معاك نتي خربقتي ليا مخي لي كان هاني، منين خرجتي ليا * وابتاسم ابتسامة شريرة و مستهزءة * دابا على اخر يامي غنسرق لواحد حبيبتو غير سمحي ليا ولكن درتك فراسي * باسها فجبهتها* اوفف رجعات ليها السخانة اش غندير دابا . هبط دغيا عند رميساء : رميساء طلي على صاحبتك لاتكون

ناقصاها شي حاجة وقيسي حرارتها راه الطبيب قال ممكن تعاود طلع رميساء : اه واخا انا انمشي عندها ليلى : اه ابنتي وهبطيها معاك باش تاكل . طلعات رميساء وبدات كتعيط على ماماها من الفوق باش تطلع ، ليلى: مالك ابنتي اش كاين ؟ رميساء : طلعات ليها السخانة تاني ليلى : *قاست ليها جبهتها* اااه سيري هبطي جيبي ليها عصير ليمون بارد انا غندوش ليها رميساء : واخا ماما . ليلى ياله غتحيد ليها حوايجها عاد بان ليها زاين واقف حداها : خرج نتا اش كدير هنا زاين: اااه. خرج وسد الباب ليلى: نور حبيبة فيقي اجي معيا ، داتها للدوش وهي باقا دايخا خشاتها فالبينوار كان فيه الماء بارد شوية باش يمشي الصهد وعطاتها رميساء العصير باش تبرد شوية. سلات بعدما غسلات ليها ليلى نشفاتها وعاوناتها تلبس حوايجها .ليلى : رميساء نشفي ليها شعرها وهبطيها معاك متبقاش غير فالبيت . رميساء : اوك . نور : ياكما خويا بقا مصدعك ههه . رميساء: هههه لالا باقي معيط ، هاشعرك نشف ياله نهبطو . هبطو و لقاو ليلى و زاين كيتسناوهم على الغداء رميساء: بابا و رباعتو مغيجيوش؟ ليلى: لا عندهم شي لقاء عمل ، *قاصت جبهة نور* هبطات ليك شوية بعدا هاكي هاد الشوربة مزيانة ليك . نور: شكرا اخالتي معدباكم معايا .ليلى: شووش عدابك راحة احبيبة * قاصت حناكها وكتبتاسم ليها * كانت ليلى كتعطف عليها حيت هي وحيدة و بغات تعطيها الحنان الام لي معمرها عرفاتو كيف داير . نور بقات غير كتعجب من معاملتها ليها حسات بالدفئ فقلبها وعجبها الحال ، كانت كتاكل و البسمة فوجها حتى صونا خوها رميساء: هاكي ياسر كيعيط . نور: الو الحب .زاين خنزر. ياسر : حبيبة خوها توحشتك . نور: حتا انا توحشتك. ياسر:كيف بقيتي؟نور :الحمد الله خالتي ليلى مامات رميساء مهليا فيا ياسر: الى كانت حداك دوزيها ليا بغيت نشكرها . عطاتها التيلي ياسر : مدام ليلى شكرا بزاف برزطناكم معانا ملقيت كيف ندير ليها شاطناني معاها غسمحو لينا . ليلى : نور راها بحال رميساء بلا متشطن عليها ياسر : شكرا بزاف . رجعاتو للنور : حبيبة خوها واش خاصاك شي حاجة ؟ نور: اه خاصني نتا امتا غترجع مغنقدرش نصبر شي عام اخر شوف غير شي عطلة واخا غير يوماين عافاك . ياسر: حبيبة متصعبيش عليا راني داير جهدي غصبري شوية واخا ؟ نور: اففف واخا ياله بسلامة . زاين القردة وصلات ليه للسطح . نور: بصحتكم انا غنطلع للفوق ليلى : حبيبة مكليتي والو. نور : معندي شاهية وفومي باسل مقديتش زاين: *مخرج عينيه* gلسي كولي راك ماواكلا والو . Gلست قدامو خافت اول مرا كيهضر معاها هكا و كتشوف فيه و عاقدا حجبانها و كاتاكل و ليلى و رميساء كيضحكو عليها 

اصبحنا واصبح الملك لله رميساء ونور باقين ناعسين معانقين ، وليلى و علي كيوجدو ريوسهم يهبطو ليلى: *كتقاد ليه الgرافاط* اش درتي فقاضية الولاد الوقت راه كيدوز ؟ علي: اه ، راه تأكدت بالي هي نور الهدى الي كنت كنقلب عليها وحتى خوها ياسر خاصني نهضر معاه هو امو الاولين . ليلى: حتى البنت خاص نعرفو رأيها راه هي المعنية بالامر . علي: ومابانتش ليك حريرة داك قاسح الراس ديال ولدك ، با الله ايراحمو مبان ليه غير هو كون غير كان سيف بعدا هاداك مطلوق شوية وساهل ماشي بحال لاخر شبه جدو غير هاز خنافرو للسماء . ليلى: هههه ايوا متعيرش ليا ولدي ، واخا هكاك راه مرضي وكيسمع الهضرة وعمرو خسر لينا . علي : هههه عندك الصح الله يرضي عليهم كاملين ، سيري شوفي البنات و فيقيهم يفطرو معانا ليلى: واخا هبط سبقني ..... البناااات نوضو ياله * كتقيس نور فجبهتها وحيدت عليهم الغطا وباقين مخشيين فبعضياتهم * ههههه معاش داخلين رميساء: *بعنين مسدودين* اووه اماما مغادينش غير خلينا . نور:*حتى هي بعينيها مسدودين* الا اخالتي غنمشيو غير خلينا شوية ليلى: هههه تلاقيتو النعاسات . هبطات و خلاتهم علي: فين البنات ؟ ليلى: هههه لقيتهم معانقين مبغوش يتفرقو بقاو ناعسين . علي: هههه تلاقاو النعاسات . سيف : راه قولت ليكم غراف وصاب غطاه ههه زاين: غير قول ليا منين كتجيب هاد الهضرة ، انا طالع ليهم . ليلى: بشوية عليهم راه كنعرفك . طلع ودخل عليهم باقين فنفس الوضعية*كيحل الريدوات* هاي هاي هاي على الحلوفات باقين منشورين نوضو تgعدو دغيا ياله باش نوصلكم ونمشي لخدمتي غنgابلكم هنايا . ناضو قافزات بجوج خلعهم رميساء: ناري تمالك غير بشوية خلعتينا وزايدون داخل علينا مدرم معارفش 2 بنات لي ناعسين ماشي عزارة . نور غير كتشوف مخنزرة زاين: غتنوضي ولا إنهرس لمك داك الفم ياله 15 د تكونو التحت .خرج من البيت و طلعت ابتسامة من وجهو . زاين:*كيتكسل وهاز ايدو ورا راسو* اححح الله بعدا هاد النهار غيدوز زوين.نور : وهيا ناري كيسحابلي غير انا لي كانعاني مع داك الحيوان ساعة حتى نتي المسخوطةعندك واحد رميساء : وهانتي تشوفي اختي اش واقع لينا .ناضو كيدردكو خافو هههه هبطو ب2 : صباح الخير ، الكل : صباح الخير .ليلى: هههه زاين لي عرف ليكم ، اجيو تفطرو . علي : كيف بقيتي ابنتي ؟ نور: الحمد لله عمي علي: ايوا الحمد لله ليلى: ولدي سعد باقي ماغترجع رانية توحشت حفيدي سعد : غدا غترجع كوني هانية ههه. نور:*كتهمس فودن رميساء* واش التيلي ديالك شاعل؟ رميساء: اه علاش ؟ نور :شفت الحيوان gاعما عيط . رميساء: باقي النهار مبدا غيعيط نور: و ياله نمشيو راه غنتعطلو . رميساء : ياله . ناضو وتبعهم زاين ركبو معاه و حطهم قدام لافاك زاين: معاش خارجين باش نرجع ليكم . رميساء: بلاش عليك اخويا تافقنا نتغداو برا ومن بعد غنمشيو للاصال . زاين: واخا ركبو فتاكسي متمشيوش على رجليكم و الا تعطلتو بقاو تما حتا نجي عندكم سمعتو ؟ *ودار عند نور * ونتي تمشي هكا اولا هكا نهرسهم ليك و هبطو دابا .بقات نور غير كتشوف معجبة حتى جراتها رميساء وكسيرا . رميساء: ههههه مالكي مصدومة ؟ نور: واش شفتي كيفاش هضر معايا ، ناري زعزعني و فيين زعامتي وعياقتي وا فمي تربط ليا . رميساء: ههههه اختي الا قدرتي غجاوبيه والله حتى يخلطنا هنا و بصراحة عمرو مهضر معا شي وحدة هكا من غيري وا حتى من خطيبتو الاولى مكانش معاها هكا ههههه واقيلا طاح ههههه . نور : خوك خاطب ؟ رميساء: كاااان خاطب واحد بنت خالتي كانت كتعجبو ولكن ماشي خطوبة رسمية كانت غير علاقة عادية وتاواحد ماعارف علاش تفارقو. نور: اكييد طجاات ، خوك مااشي طبيعي * ودارت غادية* رميساء: *تابعاها وكتضحك* وراه بجوجكم ماشي طبيعيين ههههه .دخلو للحصة مجمعين ب3 نور: جينيونغ ياكما مبرزطك جاكسون ؟ جينيونغ: جاكسون راه عشيري متافقين انا وياه نور: هههه صافي جيبو ليا غدا فالعشية للدار غنكون تما توحشتو بزاف رميساء : اوااه متgوليش ليا صافي سخيتي بينا نور: لا العوجة غندوز معاك ليلة اخرى و غتولي تجي تباتي معايا تونسيني رميساء: ههه اووك تاهدا نضار جينيونغ: وانا ؟ نور ورميساء: مالك نتا *وبداو يقرصو فبعضياتهم حيت قالوها فدقة وحدة و بداوكيضحكو* . والمسمومات مقابلينهم المسمومة1: نااري هاد 2 دارو ليا الطيارة المسمومة2:غبلاتي والله حتى غنفرتك ديك الجماعة حاسيين براسهم المسمومة2: اش غديري المسخوطة ههه المسمومة 1:دابا تشوفي ههه سلات الحصة مشاو تغداو مع جينيونغ ومشات نور للكافي ودات معاها رميساء وعرفاتها على البنات تما سالا وقنها و مشاو لاصال تريناو وبردو غدايدهم فالرقص قضاو وقت زوين مع المتدربيين حيت مجموعين بحال العائلة سلاو مع 10 الليل و تاصلو بزاين يجي ليهم خرجو البنات لقاوه واقف مربع ايديه و التغوبيشة : اش هاد التعطيلة *شاف فنور لي كان شعرها شبه فزg* و نتي كتقلبي على

شي مرضة اخرى شوفي داك الشعر كيف خارجة بييه *عطاها قبية ديالو ودار لبها القب * ياله طلعو . بقاو البنات غير معجبين فيه و طلعو وصلهم سلمو على العائلة و تعشاو فجو عائلي و الضحك كانت كتشوف فيهم نور وكتفكر كيفاش غتقدر تمشي بعدما ولفات هاد الجو ديال الدفئ و الاهتمام لي مشافتهم غير من خوها . رجعات ليها ديك الحالة لي كانت فيها 3 ايام هادي و بقات كتبناسم باش متبينش و ميتقلقوش منها . سالاو العشاء وكلها مشا لبيتو ، دوشو البنات وبدلو وتخشاو فالناموسية نور:*كتدور عنيها فالبيت و متكية على جنبها ومكالية راسها بايدها* بيتك زوين ههه كيعكس شخصيتك النقية و الهادئة اجي طلي على بيتي كيف داير رميساء: هههه شفتو الاعصار كان تما واش نتي لي هرستي داكشي نور: *حطت راسها على المخدة وتنهدات* اححح داك النهار لي مشيت من عندكم كان مكفس . رميساء: عاودي ليا ياك حنا صحابات دابا . نور: واخا الالا مهم داك النهار كنت كانحس بالوحدة وخويا باقي ليه بزاف باش يرجع و انا ساكنة غير بوحدي قنطت فاش عرضتي عليا قبلت باش ننسى شوية ولكن التعامل ماماك معايا فيق واحد الجرح اللي تولدت وهو معايا ماماك كانت حنينة معايا واخا عندي ام ولكن عمري دقت من حنانها . رميساء: علاش فين هي؟ وعلاش هاد الجفاف بيناتكم ؟ نور: قصة طوييييلة رميساء: كلي اذان صاغية نور: واخا الالا ، اوا شحااال هادي كانت ماما بنت وحدة بين 4 ديال الخوت واب متسلط كان عندو هيبة فداك الدوار الي عايشين فيه ، كانو حاgرين ماما وجداتي مت ماما حيت عيالات، وجدي كان كيعامل ماما خايب وقاسح مكانش باغي بنت ، عقلية ديال قريش ههه مهم ماما كانت كتعاني معا باها وخوتها الحgرة و الضرب ، كانو ساجنينها و حارمينها من القراية وحقوقها حتا وصلات18 سنة بغا جدي يزوجها من واحد الشارف صاحبو . هي كانت اية فالجمال مبغاتش ضيع شبابها و حياتها هربات ليهم قبل وقت العرس مع كولشي كان مشطون عوناتها جداتي مبغاتش بنتها ضيع كيف وقع ليها هي وعطاتها ذهبها والفلوس باش تمشي المدينة واخا عرفات هاد الخطوة غتخرج عليهم ب2 مهم المحاولة ، هربات ماما وجات لcasa كانت شحال وهي كتدور فالزناقي ، واحد المرة تجمعو عليها شي ولاد الحرام فكها منهم واحد الشاب الله اعمرها دار ، من بعد داها لواحد الدار كانت خاوية عاودات ليه كولشي عليها خلاها تما عاونها تلقا خدمة كان كيجي عندها مرة مرة ولفو بعضياتهم وبغاها للزواج هي وافقت وقرر يعرفها على عائلتو ولكن هما قابلوها بالرفض حيت هاربة من عائلتها وعاد هما كانو عائلة لاباس عليهم و الشاب هرب معاها وبدا حياتو من صفر معاها تزوجو وعاشو مع بعضياتهم ولدو ولد هو خويا ياسر من بعد تبعتو انا ماما متقبلاتنيش خافت تربيني اولا يعاملها بابا كيف كانو كيعاملو ماماها، داكشي الي داز عليها اثر فيها بزاف واخا بابا كان كيعاملها كيف الاميرة وكان كياخد بايدها وعاذرها بغا يديها للطبيب نفساني مبغاتش بقينا هكاك حتى وصلت لعامين واحد الليلة مرضت طلعت ليا الحرارة بزاف بابا تخلع عليا داني بجرية للطبيب بوحدو حيت ماما مكانتش كتقرب ليا فاش كنا راجعين من الطبيب ، درنا كسيدة ضربات طموبيل اخرى بابا من جيهتو انا كنت اللور متقستش عيطو لماما من تيلي ديالو فاش جات للسبيطار لقاتو مات و كون غير مشيت انا ومامشاش هو ماما زادت كرهاتني حيت بسبابي مشى راجلها سندها حياتها ، كان غير خويا الي مقابلني واخا صغير ماما صافي دخلات فواحد الحالة صعيبة رحلنا لمدينة اخرى و كانت ماما كتخدم كيف الالة النهار كولو وكتنعس باليل كتطيب لينا وكتجيب الي خاصنا واخا هكاك غريزة الامومة مخلاتهاش تخلا علينا داز الوقت ماما ولات كتهدر غير معا خويا و انا كتعاملني ببرود وديما مغوتا عليا كانت مسكينة كتنتاقم مني *كتبكي* اووف مهم عشنا هكاك كان خويا الاب والام ليا ماما عودات تزوجات باش تستر راك عارفة ، كان راجل ضريف و ولدات ولد ، كان راجلها كيعاملنا مزيان و خويا كان كيخدم بزاف باش يجمع الفلوس دخلني لاصال الرقص باش نخوي طاقتي ونتشغل هو كان ذكي و قراي انا مكونتش كنجيب مزيان وديما ماما لاقيا السبة تخاصم عليا ولكن خويا كان كيحامي عليا منها وكيوقف معايا ويواسني وكان ديما كيخرجني للطبيعة زرت بزاف البلايص كانت علاقتي بيه كتفوت الاخوة ربي عوضني بيه الحمد لله ، دخلني للبزاف ديال دور الشباب تعلمت نعزف gيتار تعلمت نغني تعلمت اللغات فرنسية و انجليزية و كنت كانمشي معاه للحصص الكورية وعلمني نرسم ،دخلني للفنون الدفاع عن النفس كان خويا معمر ليا وقتي مكنتش فاهمة علاش كيدير هادشي وعلاش علمني هادشي كولو ، وصل للباك نجح بنقطة زوينة و جاتو منحة باش يقرا فكوريا هو فالاول مكانش باغي انا اصرييت عليه باش يقلب على مستقبالو هو وافق بعد معاناة معاه ههه هو مشا وكنت انا ديما غابرة من الدار بسباب gاع دوك الانشطة لي كنت كندير عاد فهمت علاش خويا دار هكا
باش نبقا مشغولة و منتحاكش مع ماما ، خويا كان كيقرا ويخدم تما وصلت لل16 سنة خويا كرا دار لي ساكنة فيها دابا حيت ماما شافتني كبرت و مبقاتش باغا تشوفني و هداني خويا جاكسون حيت كان عارف غايجي النهار لي خاصني نعتامد على راسي ونبقا بوحدي ، مبقيتش كانبان لماما , حيت فينما كنمشي عندها كتجري عليا عشت تما قريت وخدمت فبزاف البلايص غير باش نتشغل ومنبقاش بوحدي وتعرفت على جينيونغ كان كيقرا معايا فالباك وكنا كنمشيو ب2 شي مرات لعند ياسر فالعطل، كان الصديق الوحيد لي عندي من بعد خويا حتا جيتي نتي ههه *مبتسمة* هادي هي قصتي رميساء: *كتبكي* هادشي صعيب شوية نتي مادايرة والو ولكن تعدبتي *عنقاتها* من اليوم انا هي ماماك نور: هههههههههه شوف الحمقاء ، اخليلي الحساسة الحنينة ديالي و طفي الضو خلينا انعسو

يتبع

أجزاء القصة
قصص جديدة
قصة كرهتك حد العشق من تأليف نونة الحنونة
قصة كرهتك حد العشق نونة الحنونة
قصة سيد القلعة من تأليف حياة جمالي
قصة سيد القلعة حياة جمالي
كايتنشرو القصص والأجزاء كل يوم مع التاسعة ليلا بتوقيت المغرب
9isas maghribiya bdarija قصص مغربية بالدارجة قصص و روايات بالدارجة المغربية