قصة ليالي الغيث الجزء الثامن

من تأليف Sana mina
2018

محتوى القصة

رواية ليالي الغيث

حتى وقفني بصوتو ..
غيث : گلسي حتى لبس ونخرجو بجوج 
ليالي : مم بغيت نمشي لكوزينة نشرب شي حاجة عطشانا ..
غيث : همم واخا سيري ..هزيت صاكي فايدي وحليت لباب بزربة وخرجت ...بقا واقف وداير ايديه على خصرو كيعض فشفايفو بعصبية مفهمش علاش ولات كتصرف هكا بقا كيلعب بفمو حتى زفر انفاس حارة وهو يضور مشا نيشان جبد حوايج من لماريو لبس بوكسر ولبس فوقو سروالو سورفيت فلكري بالبانضة فرجلين قطن ولبس تيشرت بيض ومكتوب بالگري وفوقو سورفيت فنفس لون سروال لبس فحالها تماما ...دار روتينياتو وهز شكارة فيها لابتوب وايباد ديالو وفيها وراقو. قادهم وسدها ودارها فدراعو من بعد مالبس تقاشر بيضين وايرماكس وخرج ...
شدينا طريق نيشان لفاس عند عائلة مهدي عند صافية الي غانبقا معاها ريثما يجي ...طول طريق ومرة مرة كيضور ويشووف فيا شوفات طوال حتى كنرتابك وكيزيد الخوف يتغلغل فيا ولكن كنحاول منبين والو ونبقا عادية كيفما ولفني بحال الى معارفة والو وكل مكيزيد لوقت ومكيقولش ليا كل مزاد شكي ويقيني انه فعلا غاينتاقم مني وانا قاتلة عمو الوحيد الي بقا ليه من عائلتو... واش الحب كافي انه يشفع ليا واش الى حكمت لمحكمة ببرائتي واش غاينسى فكرة الانتقام واش فعلا مسامح ليا وثاق فيا وبغاني لشخصي مهما كانت الضروف ...علاااش كدب عليا علاش مقالش ليا كنيتو اششنو يشفع ليه ؟؟..منقدرش مزال نثيق فيه خيب ضني فيه بزاف وقهرني من بعد مكان هو الملاذ والشخص الوحيد الي حطيت عليه راسي وتسندت عليه بسرعة تهدم كلشي 😞😞... ياااربي كون معايا ياربي معندي لمن نشكي طاح فبالي حنان الوحيدة الي كانت كتنصحني ولوحيدة الي فعمري ودات وجابت فزمان وتاهي من نفس ضروفي ونفس مشكيلتي وهي الي غاتعاوني حتى لقا حل ...وصلنا لرياض كيف وقفنا لقينا صافية ومهدي فانتضارنا سلمت عليها وعنقتها شحااال حسيت براحة كبيرة وانا بين صدرها حتى كانو دموعي على وشك الانهمار بعدتني ودوزت ايديها على حناكي وطبطبت ليا على ضهري...دخلنا ليفاليز دخلوهم نيشان لبيت ودخلنا لداخل ..كلسنا شوي وهو يغمزني غيث وخرج مع مهدي ....
صافية ماعرفت فين تخبي فرحتها انني غانبقا معاها ايام حتى يرجع من لوس انجلس هي كتهضر وانا مرة نسمع ليها ومرة نخمم فهاد الحريرة الي تبليت بيها حتى دخلو بجوج غيث عاقد غوباشتو ومخنزر لاقصى حد ماعرفتش اشنو بيه واش الي وصلو لهاد الحالة علاش غادي لامريكا فهاد الوقت ؟؟ شي حاجة رغم ذالك قلبي ممهنينيش كلس حدايا حطو لعشا تعشينا انا فهمي وغيث كينقب وعينو مع تيليفون خاشي فيه وجهو حتى كملنا ودخلنا لبيت نعسو حيد حوايجو كلهم ولبس شورط قصير تلاح نيشان فناموسية على ضهرو دار ايديه ورا راسو حاضي سقف ومرة مرة كيصوط...هزيت حوايجي ودخلت لدوش بدلت ولبست بيجامة قطنية طويلة فالاخضر غسلت وجهي وحكيت سناني تكيت على لافابو حتى استجمعت راسي كل مكنفارذ انا وياه كيزيد خوفي ...قريت شوية القران وخرجت لقيتو نعس ...تكيت فبلاصتي بعيدة عليه قدر الامكان ...شوية وبسهوة مني حتى حسيت بايدو تخشات تحت ضهري وجرني لصقني معاه باسني ففمي بوسة طويلة وخشاني فيه مقدرتش نتحرك ولا نقول والو جمدت...نعس هو وانا بقيت كنفكر ونتخبط في افكاري حتى حسيت بعيني مشات بيا مفقت الا على حلم وفلاش ضرب ليا فعيني نوضني مفزوعة استعدت من الشيطان رجيم ضورت وجهي لقيتو مكرشخ على كرشو وايد حاطها على كرشي بقيت ساهية فيه كيبان انسان بريئ طفل حنون صافي القلب ملامح بريئة وهو ناعس ولكن كل مكنتفكر ان ليه علاقة بداك الوحش كيتضرب كلشي فصفر...ضرت نشرب ملقيتش لما حدايا .. تسلت منو بشوي ونضت خرجت باش نجيب الما نشرب دخلت لكوزينة شربت لما حتى تنفست يلاه غانحط الكاس حتى سمعت صوت شي حد وقف فالباب وتشعل ضو ....

سمعت حس شي حد دخل تشعل ضو ونا نضور بجهد مخلوعة ....اففف كحكح خ خلعتييني اففف..قرب ناحيتي حتى مبقا كيفصلنا والو وحط ايدو على قلبي لقاه كيضرب بجهد...
غيث : تتتت معاش ولا كان الي يخلع ليا حبيبي انا...جرني ليه وعنقني...شحال غانتوحشك اعمري اففف كنحس بحال الى غانبعد على روحي...ياربي صبرني ..خشا وجهو فعنقي ...اشنو مفيق حبي ...همم كيهضر ويبوس...
انا : تبوررشت من لمساتو وقبلاتو ياااربي اش كيدير فيا ياربي...همم غير جاني لعطش..احم يلاه ندخلو درك يدخل شي حد...
غيث : ماهواش هنا...ويدخلو انا ومراتي كنتباوسو...اخخخ كن مكانت فيك ديك مفرقة الحبايب كن مغطتك هنا...ليالي : ااااويلي ...بعدت منو غانمشي نعس...جرها لصقها...خلينا نديرو سطحيا... والله تا موحشك بزاااف...خشا وجهو فعنقها تاني...كيبوس...خشا ايدو فكرشها وطلع لصدرها كيلعب بيه وكيتاوه...غمضت عينيها حتى هبطت دمعة ودفعاتو...احم غايدخل شي حد غانمشي نعس...
غيث : كحز كيشوف فيها وشرار خارج من عينيه محنزر حتى ولا كيخلع ...هاز ايدو حتى لسما وخبط بيها طابلة قبس لكرسي بجهد حتى قفزت وشدت فقلبها كترعد ...شاف فيها بنضرات ممفهومينش كيعض فشفايفو بعصبية وهو يضور قبس كرسي اخور تا طار ومشا ...رجعات تكات عالبوطاجي كتسترجع انفاسها حتى تنفست ورجعت شربت لما ومشات ملقاتوش فبلاصتو ضورت وجها جيهة شرجم بان ليها ضو جردة مشعول عرفاتو خرج يكمي حيدت لبانطوفة وطلعت فلفراش تكات وضورت ضهرها ودموعها محابسينش....
اصبح يوم جديد حلت عينيها على شعا ديال شمش الي داخل من شرجم الي كيطل على جردة...سمعت صوت الهضرة كتيرة برا بقات حتى استرجعت وعيها عاد ناضت غسلت وجهها وتوضات حيث مفيها والو غير كدبت عليه باش ميقيسهاش ...خرجت لبست بيجامة طويلة ولبست عباية وشال صلاة ودعات كملت وناضت حيدت لعباية وجمعت شعرها وهي تخرج لقات مهدي كيهضر مع غيث وصافية حداهم فصالون دخلت عليهم 
ليالي : "حادرة راسها" صباح الخير
الكل رد عليها ما عادا غيث الي كان شاد كاس القهوة كيشرب وكيبقشش فتيليفون ..نخلها بحال الى مكايناش وهي تقرص ...
الصافية : صباح الورد بنتي اجي حدايا...مشات كلست حداها كبت ليها لخدامة لعصير وهي تحبسها...
ليالي : لا بغيت قهوة كحلة...هز فيها غيث عينيه 
غيث : كبي ليها لحليب وديري ليها فيه معيلقة ديال لعسل ويكىن منسم بفليو...ولكن..
غيث : لقهوة قاصحة عليك مزالك في فترة نقاهة وهذاكشي منعو عليك طبيب مؤقتا... ...مشات لخدامة تصايب ليها اش طلب ليها...كملو لفطور فجو عادي كيف ناس الا شخصين الي قلبهم كل فيه هم كيهز جبال سوء تفاهم وقع وغلاط كبير من كلا طرفين خلا قلوبهم تزيدها هم على هم من بعد مبان شوية لفرج فحياتهم ...شوية حتى ناض وقف غيث ...
غيث : يلاه وصل لوقت الي نمشي فيه...
صافية : معاش عندك...
غيث : كيشوف فساعة...من دابا ساعة خاصني نكون فلمطار غانمشي فطيارة يوسف صاحبي...
صافية : الله يديك على خير اوليدي ...
غيث : اميين..شاف فيها ولمح ليها بعينيه...كن هاني هي فعينيا را بنتي هدي بحالها بحالكم...غمض عينيه وحلهم كنوع من شكر...يلاه ،صافية : نوضي ابنتي سلمي على راجلك ...ناضت ومشا سبقها خرج برا وتبعاتو حتى وصل لساحة فين موقف طوموبيل ...لقاتو متكي عليها...قربت ليه 
ليالي : الله يوصلك على خير...
غيث : بقا مصغر عينيه كيشوووف فيها شوي مد ايديه وجرها جيهتو لوا ايديها على ضهرو وعنقها ودفن راسو في عنقها ...غانتوحشك بزاااف وقلبي غانخليه معاك...ماعرفتش اشنو بيك معايا وحتى انا مغانبزز عليك والو حتى ترتاحي غانمشي يومين منتعطلش ورجع ليك اعمري بقاي ديما دايرة فبالك انني كنبغيك اكثر مكتصوري نتي ماشي حبيبتي نتي بنتي وميمتي وكلشي فيا...زاد زيرها حتى حس بيها كتنخصص هز راسو مستغرب ..."مسح دموعها" مالك اعمري علاش كتبكي...
ليالي : اهئ اهئ والو و والو...باسها بين عينيها ومسح ليها دموعها...وعاود باسها في فمها بوسة طويييلة حتى غمضو عينيهم بجوج نساو لواقع ومشاكلهم وهمومهم الي هما فيها...تاحد ملقاها يكف بغاها مع الاسف...
مهدي : لوليدة...
صافية : هممم 
مهدي : بغيت ندير بحالهم جوجيني...
صافية : واش شدك وليتي گد لحمار گرانك ولدو ستة وسابع جاي فطريق...
مهدي : لوليييدة مزدتيش فيه...
صافية : نتا الي زدتي فيه اويلي حي ديما نتحوج نتجوج شي جواج مشناه ونتا داير كي دراري صغار قدك قد لكيدار شوف طويل لعجلات ديال صاحبك الي كان يموت ومذكرش ليه جواج شوف هانتا تفرج لاقي من تلقى ليه وتسلم عليه وغادير معاه لولاد كيتك نتا ...يتبقى ستر ...خلاتو كيحنزز وحل فمو ودخلت 
مهدي : كن غا قتلتيني ومهضرتي ينعل ديلمي انا كن غا خريت ومهضرت ...مشا جيهة غيث ووقف حداه...
مهدي : يا باراكا باركا طيبتي ليا قلبي زيد را غايفوت عليك الحال...
غيث : سكت لمك نتا...
مهدي : اش اش مي عطاتني تا سلمت على لمليك غاتهنى زيد قدامي زيد ...
غيث : رجع باس ليها راسها ...تهلاي فراسك...يلاه دخلي...مهضرت مدوات حدرت راسها وضارت مشات بقا متبع ليها العين حتى دخلت وصار ركب حدا مهدي...
مهدي : تا والله تا خاصني نتجوج...
غيث : سكت سكت زيد خلينا نمشيو نفكو ديك لحريرة مع لق** افففف...
مهدي : ايوى قلنااا ليك داااك لعام دير لحباسات ولكن الي فيه شي فيس فيه الله يستر...

مهدي ماناش في مورال الي يتمازح معاك هنيني يرحم باك فهاد النهار 😡😡
مهدي : هاني ساكت ...فك حريرتك واجي فك هادي الي لداخل وهضر وتصارح معاها ...وخا كان عليك تسبق هادي من شحال هادي ولكن كيف قلت ليك يكون خير ضروري من لمشاكل وسوء تفاهم والى مطحتوش فالمشاكل مغاتعرفوش بعضياتكم وخا تكونو كتموتو على بعضياتكم لما كنتو مفاهمين مغاتكملوش ولمشاكل كيطيح فيها لواحد ومنها كيتعلم....
غيث : فنضرك غاتقبل تبقا مزوجة بقريب لااا ولد خو الي حاول "زير على ايديه" يتعدا عليها والي قتلات 
مهدي : ماعرفتش اشنو غاتكون ردة فعلها بففف مشكيييلة والله كنضن غادي تسامح والى لا مع الوقت شوف نتا كيفاش درتي عليها ومخليتي مدرتي باش تعوضها وتنسيها وكتبحث باش تخرجها وتبرأها غير شوية من هادشي يشفع ليك ...
غيث : تكا راسو عالكوسان وحط صباعو كيدوزهم على جبهتو على شكل تدليك ...افففف لنفرض ....ولكن باقي مشكيل هديك خيتي الى كان فعلا ولدي...
مهدي : بلاتي بلاتي نتا كنتي مصاحب معاها وكنتو مع بعضياتكم عامين تقريبا اش لي خلاك تشك انه ماشي ولدك...
غيث : تنكون انا حمار ومكلخ الي منشك هههه اولا كنستعملو لمانع ثانيا في تفريغ غانفرغ برا ونتا فهم...وساهل تعرف منرغيري وتعاشر معاه هههه 😏
مهدي : هممم فهمت غا حاجة ..الله يمسخك 
غيث : بففف زيد زيد فسرعة ونتا لفكرون يسبقك اصاحبي...
مهدي : يااك اصحيبي...مجاوبوش تكا راسو وخدا تيليفون رسل ميساج ليالي...
💬حبيبي بديت كنحس بالاشتياق ليك من دابا ماكرهتش نكون حداك وحنا عاد مزوجين ولكن ضروف اقوى مني كنواعدك غير نرجع نعوضك...اي لوڤ يوو سوو ماتش سويتي 💬...
صوت الهاتف ...كانت واقفة في شرجم فلبيت كتخمم فلي جاري ليها تخميمة تابعة تخميمة في كل مشكيلة كتخرج ليها مية تخميمة وتخميمة...سارحة بخيالها وهمها وافكارها حتى خرجها من الدوامة صوت لميساج في تيليفونها الي خداه ليها اخر مكاين فتيليفونات فسوق اخر مكاين فيه ...هزت ايدها ليفيها تيليفون وقرباتو ليها شافت لميساج قراتو وعاودت وهي تسد تيليفون ورجعت تقادت مع شرجم كتفكر في اشنو غادي دير واشنو مصيرها من هادشي كاااامل ....عيات تقهرت تشمتت مبغاتش دخليها لراسها انه ميمكنش مينتاقم منها وعلاااش مقالش ليها كنيتو علاش مزال لحد الان مصارحها بوالو؟؟ لفين بغا يوصل هادشي ديالو ...في قرارة نفسها واعماقها توحشاتو وخا مكاملاش نص ساعة باش تفاوت من عليها مكرهاتش يعاود يرجع ويدفنها فحضنو ولكن عقلها لدابا كيرجع يسيطر عليها وكيجيوها افكار كيرعبوها ....بقات كتفكر حتى حست براسها تخنقت ودموعها وقفو في الطرف وهي تحل شرجم كان بالاليمينيوم بسكة دفعات فردة حتى تحل وهي تاخد نفس عميق استنشقت الهواء النفي الي دخل لريتها حتى تنفست وهي تهز تيليفون صونات لمحامي....

يوم جديد مختلف عن باقي الايام ...فاقت نيشان مشات دوشت ...كان معيط ليها ومجاوباتوش حتى على اتصال فور موصل عيط ليها ديريكت ولكن مجاوباتوش قال مع بالو امكن تكون مزال ناعسة فاجل حتى يعاود يعيط ليها من بعد ولكن حتى رسليها ميساج الاطمئنان وبلي راه وصل....كملت تدواش وخرجت نشفت حالتها ولبست حوايج الخروج تكبطت مزيان وتاصلت بشيفور باش يجي ليها....خرجت من لبيت وهي تصادف صافية جايا بقفطان فالابيض وشال فالابيض والابتسامة الي مكاتفارقش وجهها ...
صافية : صباح نور بنتي ...
ليالي : صباح الخير ميمة ..
صافية : يلاه تفطري ابنيتي ..
ليالي : احم لا غانمشي...
صافية : فين شفتك لابسة حوايج الخروج بغيتي شي حاجة من برا..
ليالي : لا غانمشي حتى لافران ونرجع عندي شي غراض فلفيلا...
صافية : بلاتي نمشي معاك ابنتي...متمشيش وحدك...
ليالي : بارتباك ...لا لا مغانتعطلش دغيا غانرجع بلى منعدبك معايا
صافية : وخا بنيتي لي بغيتي...غانعيط لشيفور يجي يوصلك..
ليالي : لا كاين شيفور الي جاب ليا غيث هو كاين...تسالمت معاها بزربة وخرجت مشات نيشان شدت طريق فاس عند بالها مغايعرف حد ولكن غااافلة على شخص الي كان مراقبها من قبل متخرج...
بعد مسافة ديال طريق وصلت لتيفلت وبالضبط امام سجن تيفلت ...
ليالي : هزت تيليفون وصونات لمحامي...الو ...انا قدام السجن...واخا هاني غانتسناك ...ياك مقلتي والو لغيث ...شكرا بزاااف ...بقيت ما يقارب ربع ساعة عاد كيبان ليا شي حد كيدق فشرجم ديال طوموبيل حل ليه شيفور زاجة كان المحامي...
المحامي : مدام المرواني...ياكم تعطلت عليك...
ليالي : لا ماشي مشكيل...هاكي مدام هادي ورقة باش دخلي عندها وهما غايعرفوك زوجة المدير غادين يخليوك دخلي دغيا...الى احتاجيتي شي حاجة كيف العادة تيليفوني عندك امدام...ابتاسمت ليه وشكرتو ....
كانت متكية كتلعب مع ولدها وكضحك مع نعيمة اما فاتي فتطلق سراحها الي كملت السجنية الي قضاتها ...مجمعة هي وياها حتى تحل الباب ودخلت الگارديانا نادات عليها...
الكارديانا : حنان عندك زيارة اختي...
حنان : "هزت راسها بصدمة" شافت في نعيمة زعما شكون غايجي عندي ...شكون غايجي يزورني...
الكارديانا : حتى لتما وتعرفي يلاه...حطت حنان ولدها عند نعيمة وجمعت راسها بخرقة على شكل عكفة ...وناضت تبعت الكارديانا حتى خرجتها من بعد تلاتة البيبان عاد وصلت لغرفة زيارة...غاديا حادرة راسها غير وصلت وهي تهزو كتقلب على شكون كيتسناها...
حنان : ليااالي 😳😳😳
ليالي : سمعتها وهي تهز راسها وناضت وقفت ...حنان 😢😢
مشات كتزرب فخطواتها ممصدقاش انها جات تزورها وخا تعرفو على بعضياتهم وعاشرو بعضياتهم مدة بسيطة ولكن مع نفس همهم فكان كافي ...حلت ليها حنان دراعها وتلاحت عليها ليالي عنقتها وزيرت عليها حتى بدات كتبكي وتقول مبكيت گاع البكا الي كان محبوس خرجاتو فتعنيقة لاخرى خلاتها تبكي على راحتها وكدوز ليها على شعرها وطبطب عليها حتى كملت ....بعدتها عليها...
حنان : حبيبتي توحشتك كيف بقيتي واش جرا ليك كلشي جا بزربة وعلى غفلة ...
ليالي : مزال كتنخصص وتمسح فدموعها...اجي نگلسو ونعاود ليك كلشي اهئ اهئ ...جرتها من ايديها وكلسو...
حنان : حبيبتي مسحي دميعاتك ميستاهلوش وعاد نتي مزال عروسة "غمزتها"
ليالي : "تصدمت" باش عرفتي راني تزوجت ؟؟
حنان : ههه مبروك عليك زواج بعدا ...

هههههه الاخبار انتاشرت بسرعة بين ليكارديان. ووصلتنا حنا ههه ساهلة احبيبة توصل مالك اش عاالبهلة ههههه ،،،مبروك عليك الزواج احبيبتي فرحت ليك من كل قلبي انا ونعيمة وفاتي كنت عارفة ومتاكدة انه كيكن ليك مشاعر خاصة ولكن مكنتش متوقعة غادي طور لامور بهاد السرعة ...
ليالي : الله يبارك فيك ...هههه طبيعي تطور بسرعة را ذكي وعرف كيفاش يطيحني فيه حتى قبلت نتزوج بيييه اهئ اهئ...
حنان : الله ياختي الله مالك اش واقع ليك احبيبة ؟؟
ليالي : واقع ليا وياريت موقع تقهرت تشمت اهئ اهئ تشمت 😭😭😭صدق كذااااب وغاينتاقم مني اهئ اهئ...قربت ليها حنان وهي تجرها تكات ليها راسها على كتفها خلاتها حتى كملت لبكا وشكا وهي تگعد راسها...
حنان : اش واقع عاودي ليا متبقايش مخبية فنفسك...
ليالي : عاودت ليها كلشي من الاول من اول مستشفى فاش تعرضت لطعن حتى لوقت الحالي وحتى شكون هو غيث كان الوقت كافيهم بحكم هي زوجة المدير دخليها لمحامي تزورها وتبقا معاها لوقت الي بغات ...
حنان : وييييييلي حي 😳متقوليهاااش ...يعني ولد خو الي "حطت ايدها على فمها" الله ياربي اش هاد المكتوب احبيبتي بففف...
ليالي : اهئ اهئ اش ندير ماعرفتش فين نعطي راسي منقدرش نبقى معاه ...
حنان : واش كيضربك ولا كيدير ليك شي حاجة..
ليالي : لا بالعكس تماما معمرو حط عليا ايديه وداير ليا فوق خاطري وخايف عليا لاقصى حد غير حاجة فيه عصبي بزاف وكيغير بزاف ...
حنان : والله مبقيت فهمت وعلاش مقاليك والو لدابا ؟؟
ليالي : هادشي الي قهرني وكل نهار كيزيد شكي هادشي اهئ اهئ انا جيت عندك حيت حسيتك ختي وعندنا نفس الهم ونفس المشكيل ونفس الضروف هادشي الي عطاني الله معندي مندير دارها بيا طبعي الحنين ونيتي الي معندهاش حدود ثقت فيه ومسولتش على شكون الخطا الي وقعت فيه ماما الله يرحمها طحت في نفسو حتى انا يااااربي راني عيييييت عيييت اهئ...
حنان : كتبغيه...
ليالي : "حذرت راسها" مع الاسف اه كنبغيه بزاف فوق مكتصوري لوحيد الي نبض ليه قلبي فوسط هاد الضروف والا مكنتش غاتىنثيق فيه بعينيا مغمضين ....
حنان : وهو كيبغيك....
ليالي : ههه كيقول كيغير عليا بزاف لواحد درجة غيرة عمية والى كنت معاه "نسات راسها وسرحت بكلامها" كيدير ليا بحال دراري صغار مراقب ماكلتي ودوايا وكيخاف عليا من لبرد مقابل لباسي ونعاسي فاش كيكون معايا كيكون حنين بزاف شاد ليا الخاطر بزاف ولكن الى تعصب مكنبقاش نعرفو فشكل كيقرب ليا قلبي كنحس بيه غايخرج ...ولكن ....
حنان : ماعرفتش ا ليالي هادشي الي كتقولي كيبين ليا عكس الي كتفكري فيه نتي كليا بالمرة...
ليالي : كيفاش يعني مغاينتاقمش مني يعني خداني حيث فعلا كان كيبغيني ؟؟
حنان : جميع المؤشرات كدل على هادشي ...
ليالي : ولكن علاااااش مقالش ليا علاش اهئ اهئ علاش كياجل را محدو مكيقولش رمحدي كنزيد نتاكد ونخاااف اهئ اهئ....
حنان : هنا فين كاين لغز علاش كياجل ولكن كاين احتمال واحد هو انه كيقلب على الوقت المناسب باش يصارحك هذا هو الاحتمال الوحيد ...
ليالي : خايفة بزااف ماشي ساهل انا قاتلة ليه عمو واش عرفتي بايديا هادو قتلتو اهئ اهئ 😭😭انا قتالة وخا يوقع الي يوقع...
حنان :" كتهدن فيها" شششش سكتي هضري بشوي راك فسجن الصگعة ...اففف شوفي انا باقي ليا يومين بعد غدا غانخرج 
ليالي : هزت عينيها كتمسح دموعها ممصدقاش...بصح...
حنان : وي بصح جاني لعفو الملكي وغانخرج الحمد لله غانجي لفاس لدارنا الي بقات ليا من ماما الله يرحمها غاتكوني تما...
ليالي : مبقيتش قدرت نبقا تم كلشي ولا كيجيني كدوب وكلشي ولا كيجيني غاينتاقمو مني خايفة بزاف نرجع رجليا جابوني عندك اصلا كنت غانجي نزورك سوى عرفت او لا...
حنان : شوفي رجعي عادي وتصرفي عادي وحاولي تواجهيه نتي مخاسرة والو ...ماعرفتش علاش مصارحتيهش كان عليك تدوي معاه ...
ليالي : خفت احنان خفت قولي كيفاش حتى صبرت جاب الله مشا لامريكا يومين تم...
حنان : غادي تمشي عادي وحاولي تواجهي معاه الى حسيتي بالخطر جي عندي...
ليالي : مبقيتش غادي نرجع ....غادي نضرگ كمارتي...
حنان : كيفاااش !!!!

كيفاااش !!!واش تصطيتي اويلي على ضرگي كمارتك...ماالو اش غايدير ليك كاع اسسوء احتمال كان غايسلمك القضاء وميقلبش باش يخرجك وميتزوجش بيك ...
ليالي : خااايفة خايفة را مساهلش تزوجي بواحد قاتلة ليه واحد من عائلتو مساهلاش...
حنان : سااااهلة فحالتك انتي ساااهلة دافعتي على راسك. وهذا شيء طبيعي وناس كتوصي لبنات الي كيتعرضو لمحاولات الاغتصاب يدافعو على راسهم ولو كان على حساب حياة المغتصب ...نسولك ...فاش كيقرب ليك وكيقيسك وكيعنقك باش قلتي كتحسي..
ليالي : كنحس بخاطري رتاااحت وقلبي بغا يطير ودفئ كبيير وبلي معايا سند وامان وهادشي قبل منعرف ...
حنان : هااا يعني وصلك الامان وصلك الاحساس وكن فعلا كان خايب غادي تحسي حنا را بشر را كنحسو ونعرفو الخايب من زين والى كان لواحد ممزيانش كتبان عليه وخا يكون اذكى واحد ...ليالي برااكة من هاد الخوف نتي دافعتي على. راسك وعلى شرفك وقويتي راسك حتى دابا قواي وواجهيه والى نكر ديك ساعة غايختالف الوضع وعندك الحق تخافي... الى منكرش مزيااان هذاكشي الي بغينا واستفسري علاش خبا وخا كنضن موحال وابدا واش ينكر وهو شخص جدي بزاف راك معارفاش اش كيعاودو عليه ليگارديان عندو نزاهة فخدمتو هك ولا هك يجري عليك ...فاش خدم هاد المدة لقليلة صفا اكثر من گارديان الي دار حريرة محرحرة ومكتغفرش قدم بيه بلاغ وتطرد والي بدا يزيگزاكي كيحولو من سجن لشي جايحة مافيها ميتشاف وعاااد زينو وجاذبيتو الي مخلات عقل لكاع الي هنا عرفتي شحال من سجينة كتفكر تسحر ليه ههههه
ليالي : اويلي على تسحر ليه...
حنان : والله كن ماكرهت رجالة وحلفت عليهم تاكنت غانبغيه وندور بيه ...
ليالي : خنزرت فيها بنص عين...
حنان : هاااا تقرصتي شتييي هههه غا كنضحك معاك منديرهاش ...علاش حيث ماشي من طبعي وثانيا حيث اصلا هو من عينيه فاش كنتي هنا كيبغيك والا مكانش غايحطك فراسو ويخلي القضاء ياخذ مجراه ويعاملك هاد المعاملة وماعرفتيش اش دار من حالة فاش تضربتي وماعرفتيش اش دار لفريحة كان غايقتلها ...ليالي توگضي نتي قاريا وفاهمة والحزن وفقذان ثقة فناس خلاتك مثيقيش حتى فاقرب واحد ليك والي الف وحدة تمنى غير يسلم عليها فكري الى خسرتيه ومشيتي واش غادي تلقاي شي حد يحطك فعينيه؟؟ مكاين غاذياب فهاد الوقت ....فكري فهضرتي وجمعي رااسك براكة من لخناين ودموع وفيقي شوية...را حنا فزمن ديال كل كيقول اراسي وكل كيحارب بسنانو وميعقلش عليك ...
ليالي : اففف ماعرفتش والله ...فين يوسف علاش مجبتيهش...
حنان : خليتو عند نعيمة مكنتش عارفة بالي غاتجي عندي...
ليالي : كنت غانجي بلى هادشي وجيت ليوم بلى خبارو كيعيط ليا ومكنجاوبوش وكيرسل ميساج مكنجاوبوش ...
حنان : ليالي فيقي وتوكضي وفكري مع راسك وياااك تبقاي بهلة وغا نية الى بقيتي هكا الي جا غايمسح فيك رجليه...كملت معاها لهضرة رجعت كتسولها على احوالها حتى حست بالوقت غايفوت سلمت عليها بعناق طويل وخلات ليها نمرتها ملي تخرج تاصل بيها باش تجدد معاها زيارة...خرجت من السجن غادة فاتجاه طوموبيل يلاه غاتفتح الباب حتى تحطت عليه ايد هزت راسها وبصدمة شهقت....

هزت عينيها وهي تحل فمها وشهقت...م م مهدي ...
مهدي : لا واحد صاحبو جاي يتعنب عليك...اش كديري هنا ؟؟
ليالي : غي غير جيت نزور صديقة ليا هنا ..
مهدي : راجلك عارف ؟ ...
ليالي : "هبطت راسها" لا رد ...
مهدي : علاش مقلتيهاش ليه ؟ وعلاش قلتي الوليدة غادية لفيلا تجيبي شي حاجة ياك غير بغيتي تزوري صاحبتك كنضن حاجة عادية مغادي تقلق لا غيث لا لوليدة...
ليالي : غير مقلتش ليها ومب مب احم...
مهدي : ما اش ...
ليالي : غير مبغيتهاش تجي لهاد البلاصة حشمت منها وصافي "حذرت راسها" 
مهدي : هممم الله يعملني نثيق ...غاترجعي لفاس ولا غادوزي لفيلا....
ليالي : غاندوز لفيلا ناخذ شي حوايج ونرجع...
مهدي : اجي معايا نوصلك ونرجعو لفاس نيت بغيت نهضر معاك...حركت راسها بالايجاب وقالت لشيفور يمشي لفاس وهي رجعت ركبت مع مهدي الي كسيرا موقف تالفيلا حل ليهم العساس ودخلو ...خلاتو كالس فصالون ودخلت لبيت...بدات تهز من الماريو شي حوايج اصلا كانو خاصينها...كتبحث وتجبد حتى طاح ليها واحد تيشرت ديالو فلبلومارين من الوانو المفضلة....هزاتو بغات ترجعو وهي تحبس بقات كتقيص فيه بايديها وتفكر ....
~~~~~~حنان : كن غاينتاقم منك ميتعاملش معاك بهاد الحنان ميقابلكش ميتزوجش بيك ويديرك فعينيه كن عينو فشي حاجة لاش غايدير هاد دوامة كاملة يسلمك القضاء هو ياخذ مجراه ويهني راسو ....
رجعت بيها ذاكرة لوور ...
فلاش باك....
غيث :"كينوضها من نعاس "حبيبتي فيقي حبي عمري اش هاد الخمرة نوضي تفطري باش تشربي دواك يلاه بب يلاه سويتي...حط نيفو على نيفها كيهر فيها...بدات كتخسر فسيفتها وهو كيضحك عليها...ههه خشا وجهو فعنقها كيهرها بلحيتو ويبوس ...نوضي اعمرينو نوضي احبيبينو...ويلاه ...واخا اممم ...هههه را غانوضك بشي لعبة نوضي حسن ليك ...مبغيتيش....خشا ايديه تحت طلعهم بشوي حتى لضهرها كيدير فحركات دائرية ضورهم حتى طلع لصدرها وهو يجمعو جمعة وحدة وجرو حتى حلت عينيها على جهدهم....اويليي 😳شكدير 
غيث : ههههههههههه هبط لفمها باسها فشفايفها بوسة حنينة كيبوس ويهضر 
غيث : حبي نوض فيق .."بوسة" عمري نوض فيييق ...شد ايديه دوزهم على جنابها كيدلك ليها بشوي ومبعد على لفتحة حيث مزال كضرها ...رجع لصدرها جمع من لداخل حتى خرج نصو وهو يدخل راسو وعضها منو حتى غوتت
ليالي : ااااي حشومة عليك 😢
غيث : فيقي لندير مكثر 😈
ليالي : هنننعهننن انا نايضة ...رجع باسها فراسها...ودابا نقوليك صباح نور نوضي انا نتسناك برا باش نفطرو "بغمزة" .....
رجعت لواقع لقات راسها كضحك ...قرباتو لينفها كتشم فعطرو رجولي القاتل الي تسلل ليها وخلا قلبها يضرب وحست انها توحشاتو بزاف وندمت علاش مجاوباتوش فالميساجات والاتصالات ديالو....بدون سعور هزت تيليفونها ورسلت ليه ميساج فالواتساب ...
"سمح ليا مجاوبتكش حتى تجي وغانهضرو...توحشتك " رسلاتو وهي كضحك شوي وهي دير ليها طن وتزنگو حناكها...
ليالي : اويلي شدرت 😳قلت ليه توحشتك 😰

في لوس انجلس وبالضبط في كلينيك صاحب غيث ...جالس فلبيرو ديال علي صاحبو صاحب الكلينيك وبروفيسور فنفس لوقت اخصائي ...كالس في لبيرو كيستنى علي يجي لعندو شاد ستيلو كيضرب فيه فوق المكتب وداير صباعو على فمو كيلعب وينفخ وعينيه مخنزرين وحمرييين مطرطقين شوفة فيه كتخلع ....كيضرب فستيلو فوق المكتب.... سكووون تام كيتسمع غير صوت انفاسو الي كيصوطها على صباعو وصوت ستيلو الي كيخبط ...طاق طاق طاق...شوية. وهو يدخل عليه علي..صديق ديالو ومقرب ليه بحال شكل مهدي ...هز فيه عينيه...
علي : وعالسلاامة اصاح ونتا ولفتي موروكو 
غيث : كيهضر وكيشوف فستيلو...ياس ولفتو بزاف حيث فيه اغلى ناس..
علي : حل فمو وحذر نضاضر ديال الشوف...هااحح هي طحتي ياكما ديك البنت..
غيث : هز فيه عينيه... هي هديك ولات مدام المرواني "بغمزة"
علي : واااابا با باااا واشدييييد اصاحبي معندي ميتسالك ....👌🏻...
غيث : كلعبو هنا....
.علي : ملي هضرتي معايا نتا ومهدي ملقيت كيف ندير نجي مكرهتش ليك اصاحبي والله 
غيث : عارف الي كاين برو...حط ستيلو ودار ايديه تحت راسو وتكا عالكرسي كيشوف فسقف ويسوط...افففف 
علي : اش غادير دابا شفتك قلتي ليا نكون واجد هاد اليومين ياك مكاين باس...
غيث : "هبط عينيه فيه" ديك لق** الي كنت مصاحب معاها حاملة...
علي : هاااء شيييت وااات اوووه كيفاش!!! ا كحكح كيدارت ليها  ياك تفرقتو وتزوجتي ...شهاداااا...
غيث : كالم داون...هاحنا غانشوفو واش حاملة انا جيت عندك باش نشوفك وعاد نهضرو وعاد نمشي لق**تمها وتعرف اش كاين ...وعاد غانجيو باش نتاكدو واش فعلا ولدي ...وطبعا غانجيبها هنا نديرو ADN وديك ساعة تعطيني نتيجة ونتفاهم معاها ونرجع فحالي عند مرتي وداري...
علي : والى صحيحة هضرتها...ولكن حتى دير فحوصات نعرفو واش صحتها وصحة الجنين تسمح لينا نديرو تحاليل ADN
غيث : تايزيد ونسميوه سعيد...ديكا ساعة غانشوفو..صوت لهاتف "ميساج" خذا تيليفون بانت ليه ..."ماي سول" my sool ...بسرعة كليكا على لميساج وقراه بدا كيفرنس....
علي : اللهم فرنسنا واااتنا بمن يفرنسنا حتى تضهر ضروس اعقالنا كالاخ الذي امااامنا...
غيث : نوض تق*** بغيت نهضر مع المدام ...
علي : فينك امهدي كن حضر كن ضورناك اصحيبي ...
غيث : كن حضر كن خلطتكم بجوج تنوض تق** لا 😒...
علي : هاني نايض تهلا شوية ونرجع ليك...ناض وخرج خلاه دوز لخط نيشان ليها تسنا شوي وهي تجاوبو بصوت غالب عليه الخجل حيث دوات بصوت شبه مسموع ...
ليالي : الو..
غيث : اححح على الو اححح على صويت الي نوض لي مينوض اححح توحشتك العمر توحشتك اروح قلبي توحشتك اكبيدتي توحشتك امراتي العزيزة غانقطع نعيط ليك ابيل فيديو...
ليالي : لا غا خليك هكا...
غيث : بغيت نشوف رزقي اعباد الله...وخا خليك غاعادي،، وحلنا غاالاوديو الى درنا فيديو موصيبة ...قوليها...
ليالي : اشنو هي 
غيث : قولي توحشتك....وصااافي ..قوليها ولا نجي ليك ليلة...
ليالي : بصح 😻...اا هن امن امن اافف 
غيث : هههههههههههههههه صافي توحشتيني مبقاش بزاف وغانجي راني توحشتك بزاااف وحتى الحاج الريفي توحشك كتر مني...
ليالي : شكون لحاج الريفي ؟؟
غيث : بلاش متعرفيه تانجي...نتي لباس كتاكلي مزيان كتغطاي مزيان على لبرد راني عارفك كتنعسي وتعراي...
ليالي : لباس وكنتغطى مزيان...
غيث : الحمد لله اعمري...يلاه قولي توحشتك..
ليالي : توحشتك ...
غيث : توحشتك وتوحشت نعنقك ونشم ريحتك وتوحشت نخشي فيا ونحاوطك بايديا وضوري ايديك على ضهري وتعنقيني وتمخششي فيا وتوحشتك نبوسك من داك لفيم الغوز الحلو لعسل وتوحشت نشوفك حدايا وتوحشت ننن اااححح صافي غايفيق بدا يتململ...
ليالي : شكون هو...
غيث : الحاج ريفي ....
#بونوي
#ليالي_الغيث
تسناوني ليوم بليل مع تتمة...

ساعة وهما كيهضرو ويتمعشق هو وياها كيبقا عليها بالكلام المعسول حتى كينسيها حليب جداها الي رضعت مها ومرة يلوح ليها هضرة باسلة حتى كتبغي تبكي وكيضحك عليها كتحمقو حالتها فاش كتحشم وتولي تدخل وتخرج فالهضرة ولا تهرنن بقاو على داك الحال حتى نسا غيث علي ونسات هي مهدي الي كيتسناها هههه....
غيث : يلاه حبي تهلاي فراسك غانمشي نهضر مع علي صاحبي دابا....تهلاي فراسك بزاااف وكولي مزيان وردي لبال لصحتك...غير نجي غانهضرو فشلا حوايج اوكي بب
ليالي : وخا ان شاء الله...
غيث : يلاه بيزو حبيبة كنبغيك بزاف متنسايش ...قطعت معاه الاتصال وهي تسمع صوت مهدي...من صالة حيث جات قريبة لبيتهم الي كاين فسفلي نيت ...
مهدي : اخواننا المسلمون لا ساليتو طلقينا ونتي ضحكك وبكاك يتسمع من هونولولو...خالنا نرجعو فحالنا اوه تقول مفطومين على رومانسية جهل الي معمرو جهل ...
ليالي : "خرجت لعندو لصالة "هههههه هاني جايا واش جابت ليك خالتي سعيدة شي حاجة تشرب ...
مهدي : جابت ليا زقوم تي طلقينا...
ليالي : اوكي اوكي هههه مشات كملت جميع دغيا وهي كضحك غا راسها...حتى جمعت في واحد صويك صغير شي اغراض خاصينها اصلا...خرجت لقاتو كيبقشش فتيليفون...هز راسو شاف فيها...
مهدي : مرت خويا لعزيز ساليتي...يلاه مشينا...
ليالي : كتهضر وحناكها مزنكين وكتلهت....هههه نن يلاه...
مهدي : مال وجهك مزنك شقاليك داك الماسخ...
ليالي : وااالو 😳...
مهدي : ههههههننن تيحشمش ههنننن زيدي زيدي عنداك ينقز ليك دم من حناكك خههههععع ...سبقها لبرا هز من عندها صاك وخلاها كتشوف ...من بعد موصات الخدامة باش تقابل لفيلا والى خصاتها شي حاجة تعيط ليها ....عاد لحقت عليه وركبت ...شدو طريق نيشان ....في هاد الاثناء وهما شادين طريق نطق مهدي وهو مركز مع سوگان ...
علاش مبغيتيش تجاوبي غيث فتيليفون ؟ وعلاش خرجتي بلى متقوليها ليه ؟ واش مقلقاك شي حاجة من جيهتو ولا اشنو وجيني لصراحة اختي ليالي ديريني في مثام خوك ونساي صحبتي مع غيث نتي قبل متكوني مرت خويا وصاحبي نتي بنت ناس ومن واجبي نعرف اش مقلقك ....حسبيني خوك وصديقك فنفس الوقت...
ليالي : م مقلقني والو ..
مهدي : متاكدة!؟؟
ليالي : اففف "حذرت راسها"
مهدي : سمعي مني مزيااان هاد الهضرة وبقاي ديييما تفكريها وديريها فبالك..غيث اه صاحبي وخويا ولكن هو شخص عكسي انا تمااااما وشخص منقدرش نستغنى على صداقتو والاخوة الي بيناتنا صعيب ضيع وصعيب ومستحيل تهرس ...غادي نصحك نصيحة اخوية...غيث شخص جدي بزاااف وصريح والي فقلبو على لسانو وعصبي بزاف وخصوصا على حاجتو هو تقيصيه فعينيه متقيسيه فحاجتو وخاصة لكانت حاجتو نتي ....مكيبغيش لكدوب والى حسيتي بيه كيكدب عرفي غير كيخبي حتى يلقا فرصة ويهضر معاك وعدوه الي يكدب ...نصيحتي ليك هي حتى نتي تعاملي معاه بحسب اسلوبو وطبعو هو كيتعامل معاك بطبعك عارفك باقة صغير ونية ومن البنات نادرين والي كان كيحلم بمرتو تكون هكا،،، كنا ديما كنضحو عليه كنقولو ليه مكاينش الي تقبل عليك عرفتي اش كان كيقول ؟؟
ليالي : ؟؟
مهدي : كان كيقول انا الي غاتفهمني هي المراة الي تكون نية بزاااف وحنيينة وهاادئة علاش باش نكون معاها ونحميها انا الي بطبعي صعيب ...كنضن فهمتيني مزيان...تهلاي فيه ونعاود نقولها ليك تهلاي فيه بزاف وهو بدورو غايحطك في عينيه ويضحي بحياتو على قبلك ...
ليالي : فهمت شكرا بزااف مهدي وحتى انا فرحانة حيث عندي اخ بحالك...
مهدي : الله اودي ...اه فراسك بالي عرفك ليوم فين مشيتي وفين جيتي وبلي كنتي فسجن ومااشي انا الي قلتها ليه ...

هاااا 😳😳
مهدي : ايوى شتيييي ههههه هاا علاش داويين را مكتفلت ليه تاحاجة...ياك هضر معاك قبيلة كيفاش حسيتي بيه من هضرتو...
ليالي : كيهضر عادي وكيطنز راك عارفو وعارف ضحكو محسيت بوالو وحتى انه مبينش انه مقلق حيث مجاوبتوش فاش كان كيعيط ومعطانيش مؤشر انه معصب ...
مهدي : عرفتي علاش مبينش ليك ؟ حيث هو كيبغي يتسناك حتى نتي تقوليها ليه كيف ماهو الى خبا عليك شي حاجة فتسنايه حتى يجي هو بنفسو يقولها ليك والعيب والعار لما قالهاش ليك ونكر ...نتي فاش تشوفيه كيهضر عادي غير كيتسناك او الى كان مهموم وملي هضرتي معاه بغا يخرج من الهم ويبقا في عالم فيه غير نتي وهو حيث كتنسيه همو ومشاكيلو ونتمنى تكوني عرفتي وفهمتي ....ورا كيعرف كاع تحركاتك ماشي مسالة مكيثيقش فيك وانما خايف عليك فهاد الفترة متنسايش لاش تعرضتي... را مشا وعقلو معاك وكن "حبس فاخر لحضة وهو يبدل الهضرة "كن معندو غرض مهم وضروري وخاص يحضر ليه ميخليكش. ....انا كنقوليك حيت نتي ختي ومرت خويا وكيف لوليدة كتعتابرك بنتها معناها انا خوك وقبل ميمشي وصاني عليك مزيان وخا ميوصينيش غانديرها بلى ميقول ...
ليالي : "ابتاسمت ليه "لهلا يخطيك...عارفة الي كاين ...
مهدي : على بركة الله نديوها فطريق شوي هههه ..
....هز لكونطاكت ديال طوموبيلتو الي كاينة في لوس انجلوس من بعد ما رجع من عند علي مشا نيشان لدارو الي نزال فيها من المطار فاليلة الي وصل.....ركب وديمارا ورك حتى تحكو روايد وخلاو بلاصتهم حموم ...ومشا نيشان ل street santa monica وبالضبط قدام دارها وصل وبلاصة طوموبيل وخرج عينيه وملاميحو مكيتفسروش حمرييين حتى لونهم الاخضر ولا وسط منهم كيبان مفتوح بزاف وحجبانو معقودين وصل ومشا لواحد المحبق قدام دار كتكون حاطة فيه ساروت يا اما فيه يا اما تحت سجادة الي قدام الباب ...هزو وحل الباب الولاني ديال لحديد عاد حل بساروت الباب الثاني الي من العود وزاج...دخل كيقلب عليها وشرار كيطير من عينيه ...دخل لصالة بانت ليه بلازمة شاعلة ولفوطوي مخربق وقدامو طابلة فيها قرعة ديال نوتيلا وسطها معيلقة و زلافة كبيرة تاع شيبس وقرعة ديال بيبسي مبدي نص فيها...قرب كيشوف ومستغرب سمع تقرقيب لفوق كان ليل (فاش مشا عندها فالفترة الي دوا مع ليالي كانت هي نهار وهو ليل وحيث كان علي بيرمانونص مشا عندو لكلينيك)....مشا نيشان لفوق ودخل لبيت عليها لقاها عاد خارجة من دوش ولاوية عليها فوطة ....هزت راسها فيه وهي تغوت من صدمة وتمت راجعة بلور ووجها فيه علامة صدمة والخوف والارتباك....
سينيا : گايت (غيث ) ووو ماذا تفعل هنا ..
غيث : "عينيه مخنزرين " جيت نشوف لكلبة مك على الفعاااااايل الق*** يغبر لبوك شقف تحلفت علييييك ديك المرة وقلت لمك بعدي من ساحتي ياك ساللييييييينااا هاااا...تم جاي كيقرب ليها وهي كتبعد حتى وصلت لحايط وطار عليها بقجة وهزها مع الحايط حتى ولاو رجليها كيلعبو فلخوا ....وكدفع فيه بايديها ....ليوووم نفضيها لمك ومقلتي الحقيقة والى لقيت مك محاملاش نجبد ليك مصااارنك 😡😡😡😡

ينعل زا**بوووك انا اش تافقنااا ااااش هاااا واش كنبغيك انا فايت قايلها ليك الق*** دوي ينعل لمكبوت الي حط مك الخاانزة جيتيني مرا بربي منخلي فيك عضم صحيييح ...هااااااععععع ينعل ديلمك هضرييي 😡...
سينتيا : هييييي دفعاتو وهي طيح لارض حتى ردت روح وهي تهز فيه راسها فيه وجهها معصب ....واذ فااااك اريو دوين ...فاااكيو ...هيييييي نسيتي شكون دربك هااا نسيتي انا الي خليتك بهاد العضلات الي كتقوى عليا بيهم ....متنساش لا طلع ليا دم نقسمك على جووج ...
غيث : يااا فرحي تقسميني على جوج ههههههههه اوووووو my good لاح تجاكيط وطوا كمايم لقميجة وهو يتم جاي عندها بدات كتصرط فريق...نوضي تگعدي وريني اش غاديري ا مون كوتش يلاه نوضي ....غوت حتى طارت لسما ونزلت....تگعدييييي 😡😡😡...
سينتيا : ههههه اوكاي حتى انا توشحت لمبارزة معاك....علاش لا ....حيدت لفوطة وبقات عريانة بلا حشمة بلى حيا استغلتها باش تشوف واش غايتحرك من جيهتها سعاك مداها فيها كاع الشرار الي فعينيه الي بغا ينقز منهم دم ....قربت ليه هزت رجليها بغات تعطيه وهو يخوي بيها وضار دورة دور ايديها لور وزدحها مع الحايط حتى غوتت من حر الالم...
غيث : شكون غايقسم لاخور على جوج الق**دوي ابنت الكلب ....وداااابا اش قلتي ....
سينتيا : ام س س سو سوري ص صافي ممم اهئ اهئ طلق مني قصحتيني...
غيث : مزلتي مشتي تقصاح واااالو داااك نهار تحلفت عليك وقلت ليك بعدي من ساحتي نهار لول تافقنا انا وياك ندوزو وقت وصافي وكان من اقتراحك نتي لولة ياك ايوى علاش كتقلبي ....فخبارك راني مزوج دابا ومرتي هي حيااااتي وهي كلشي بالنسبة ليا وهي معامن غانولد ماشي معاااك الق^*** جعرتي ديلمي جيتيني مرا مال نصفيها لزا*** بوك تفوووووو ...
سينتيا : اهئ اهئ عرفت سم سمح ليا...
غيث : حااااملة ولا لا قوولي لحقيقة لانلعص مك هناااا ابنت الكلب....
سينتيا : yeeeees im pregnant اهئ اهئ
غيث : ياااا تنكون انا ولد لق*** مقطر ومكلخ عاااد نتيق لكلب الي حطك وناااااااري غانخرج فمك دااااابا ابنت لكلب صعرتي ديلمي ...جيني نيشااااان حسن منسيق الخبار بطريقتي والى لقيت مك كادبة را بربي تنقتلكككك "كيهضر وينهج بالعصب عروق راسو تنفخو صاااافي ستكف عليها جعراتو بالمعقول وخصوصا لكان متاكد من الحاجة انها فعلا صحيحة ومتاكد من هضرتو"" داااابا غانتكااالما وقولي الحيقيقة...
سينتيا : yeeees im pregnant ماكدبتتشششششش ماااااكدااابتش اهئ طلاااااق قصحتيني واااعععععععع فاااااك...
غيث : غاتبقاي هكا تتهضري....
سينتيا : اااي سوير اقسم لك اقسم لك انني حامل...
غيث : زاد ضغط عليها تاغوتت وهزها تالسما وخبطها معارش اهتمام واش حاملة بكترت ماتللفو اعصابو هو قتليه ومتقابحيييش معاه فحاجة عارفها ومتاكد منها جا فبالو ليالي الى فعلا حاملة غادي تهدم علاقتهم وتبعد منو وهادشي بالذات كيثيير جونونو وكيعصبو هو الخوف من فقدان حب حياتو الي كيعشقها بجنون وكيشوف فهاذ الحياة غير هي "ليالي" وليالي لغيث وهي ليالي الغيث عندما يعشق لا شيء يقف امامه وامام محبوبته وعندما يعشق الغيث فمعشوقته تكون واحدة وهي ليالي عشق لا منتهي....
ناضت من بعد ماجمعت عضامها ناضت وهي زبطة ربنا خلقتنا معندش بوها علاش تحشم ولا تمرگ عااادي جدا بالنسبة ليها وهو ممديهاش فيها باقي كينهج من العصب والمصيبة انه مبزز راسو باش يبرد حيث ممولفش يسكت جوج دقات كافيين يبردو غضبو ولا يهرس ويشخشخ ولكن هي مرا مبغاش يتكرفص عليها...مشات كتجري لدوش هزت من لمجر ديال لمراية جهاز الاختبار وداتو ليه قدام عينيه الي هزهم فيها مخنزرين وحمرييين بغاو يطرطقو وعروقاتو تكب...
سينتيا : شوووف هاهو درتو وكان ايجابي شفتي مزياان انا مكنكدبش اقسم لك انني حامل منك لم اعاشر احدا بعدك لحد الساعة ومشات كتجري لكوميدينو هزت تصاور الايكو الي دايرة....هاهما تاكد بنفسك والى بغيتي نمشيو نتاكدو معنديش مشكيل لاحت ليه لوراق ومشات خرجت من البيت وغير تفاوتت هز لوراق كيشوف فيهم ولاحهم وهو يهز راسو لفوق طلق اكبر غوتة حتى تسمعت وهي تقفز وتكمشت فوق الفوطوي...
غيث : لاااااااا لااااا فااااااااك ااااععععععع لياااااااااالييييي ....هز ايدو تالسما وضرب لمراية ديال لكوافوز الي قدامو حتى تشتات وشتت كاع داكشي الي فوقو .....وگلس لارض وشد راسو بين ايديه...ياااربي اش درت فحياتي ياااربي اخر شخص بقا ليا ولقيتو هاهو غايضيع مني ياربي ....

مدة بسيطة وهو حاني راسو مكسور ولاول مرة عينيه يغرغرو ليس انه خاف من سينتيا ولكن خوفا الى فعلا ولدو وخا هو فراسو فراسو شي حاجة ولكن الى فعلا بصح ليالي اشنو مصيرها واش غاتبقا معاه وخا قبل ميكون مع ليالي يعني معذور ممكن يقدر يوقع حمل ممكن تفهمو وممكن لا وممكن تبعد منو وهادشي بالذات مناش خايف ...بقا كينهج وينهج وينهج وينفخ بعصبية ويحاول يبرد راسو باش يعرف اشنو يتصرف خذا نفس عميييق ودار شهيق زفير وهز راسو شاف فنقطة غير محددة وهو يجمع الوقفة ومشا هبط ليها نيشان حتى وقف عليها كي قباض رواح شافتو وهي تهز تالسما بالخلعة وبدات كتكحز...
غيث : نوضي الق*** قدامي تگعدييي
سينتيا : ويييير ؟؟؟
غيث : لجهنم لكحلة الي ضرب مك "بالغوات " نوووووضي تگعدي ينعل اصل مك نوووضي...مشا ليها وقفها...زيدي غانمشيو ...جرها كتنتر ليه وهو يحمر فيها وهي تصقل مفنفنتش قدامو خرجها هكاك ببيجامة حد ركبة كانت لبستها فاش خرجت من البيت وخلاتو ودخلت لبيت ديال لحوايج ...حل طوموبيل بالكونطاكت من بعيد وتم غادي بيها وهي دوز واحد شيبانية جارتها كتشوف فيها وهي تنطق
سيدة : وات هاپن سينتيا؟؟
سينتيا : اا نن 
غيث : ضار شاف فيها بعينيه مخنزرين ..." هضر بالدارجة " هاپن فاكيو سوووووق مك دخلي تكمشي فدارك 😡 هي غا سمعت غواتو ومخنزر ركب فيها رعب هزت عكازها وفرتحت وهو شد سينتيا من دراعها حل لباب ولطخها وسد ضار وركب وديمارا وكسيرا باقصى سرعة ماوقف حتى لكلينيك....غير هزت عينيها شافت لكلينيك وهي ضور تسولو...
سينتيا : انااا حاااملة منك علاش جايبني هنااا
غيث : غانفرع مك ماشي سوقك نديك فين بغيت انا غادخلي وتمري ولا بربي تنقسم والدين مك على جوج ...جرها ودخلها لكلينيك هز تيليفون وعيط لعلي ديريكت...
علي : عاد خارج من البيرو وهو يسمع تليفون رجع هزو وهو يجاوب ....امااالك اصاحبي فهاد نص الليل..
غيث : انا فالكلينيك غانجي عندك لبيرو بقا تم...قطع عليه وهو يجرها دخلها لسانسور بنترة برك على رقم الطابق وطلع نيشان لبيرو لقا علي فيه دفعها تاجات طايحة وهو ينوض علي كيشوف...فيها ..
علي : "حبس ضحكة " كخخم زيتونة 🙊
غيث : دابا ديها دير ليها لفحوصات ودوز ليها وشوف شحال عندها ...واش خاصها تبع...ضار عندها هزها من فكها...غادي يتابعك علي وملي تولديه غانديه ونساااي عند لكلبة مك شي ولد سمعتيييني ...
سينتيا : نوووو اهئ اهئ ولدي حتى انا علاش منتزوجوش ونربيو ولدنا وسطنا علاااش
غيث : علي هههههههه قالت ليك نتزوجو هههه قوليها قول
علي : "بالذارجة " والله يا حبيبة وخا تولدي ليه سليمان القانوني لا دار معاك شكلي فالعكلي احم ...زيد اساط ندوزو لهاد كحلة سعد ...
سينتيا : وااات ؟؟ اي دونت اندرستاند ...
غيث : فااااكيو الي نتزوجك...تگعدي زيدي قدامي...غمز علي...اشنو غادي دوز ليها...
علي : وخا زيدو قداااامي بجوووج عن بوكم...خرج سبقو وهو يهزها وتبعو....

تبعو وداها غادي بيها مدوات متلكمت هاد المرة واثقة من راسها صافي ضمناتو مشات معاه حتى لبلاصة الفحص بالايكو عيط علي على اختصاصي امراض النساء وتوليد ...
علي : اجي لبسي لباس الي غاتعطيك لفرملية...ميري ديها تلبس...
غيث : ضار عندها...تحركي سيري معاها...مشات دخلت معاها لواحد البيت جا فوسط الغرفة ديال الايكو ...جا طبيب المختص سلم عليهم وبدا كيوجد شعل تلفازا ديال الايكو فانتضار تجي...
علي : ضار جيهة غيث الي كان حادر راسو وكيعض فشفايفو...مالك على هاد الحالة اصاحبي تكالما هاهو ولدك صافي الي عطا الله عطاه معندك مدير فكر فالقدام وفكر في مراتك الي خليتي ووجد اش غاتقوليها ...
غيث : هز راسو فيه ..هديك هديييك هي سبابي علاش معصب واش مخبي عليها ومزال مصارحتها شكون انا بالصبط ونزيد تا حمل هاذ الق *** الي لداخل تلاقا عليا كلشي كلشييي غانطح راسي ولا نشخشخو ونتهنى ياااربي نموت ونتهنى اففففف ...
علي : ربت على كتفو ...كالم اصاحبي الى متي لمن غاتخلي ديك المرا وعلامن غاتحارب نتا راك راجل الوحيد فحياتها نتا كلشي عندها لمن غاتخليها ...
غيث : هذا هو المشكيل انا كناذيها بزاف وهي متستاهلش تكرفصت عليها فلول وغانزيد نازمها فاش تعرف اففف..مزال كيهضر معاه وهي تخرج هديك مع الفرملية طلب منها الطبيب باش تسرح فوق البياص هز ليها لبس الفوق بغا يبدا بالايكو باش يشوف لجنين عاد يديرو تحاليل باش يتاكدو من صحتها وصحتو ...دار ليها برودوي لزج فوق كرشها وسرحو بلاباراي ديال الايكو ومصغر عينيه كيشوف ويتاكد...
طبيب : ماعرفتيش شحال عندك...
سينتيا: نو طبيبة قالت ليا بالي انا فالاشهر الاولى...
طبيب : هممم مزيان فعلا نتي فالاشهر الاولى عندك شي ايام وتكملي شهرين ...
سينتيا : همم اوكاي...
غيث : سمع شهرين ...وايت وايت وات ؟؟
ضار عندو طبيب...عندها شهرين قل شي ايام ...وصحة الجنين مزيانة واش تبغيو نبدا فتحاليل ...
غيث : واااسكت متاكد شهرين قل ايام ؟...
طبيب : ياس ام شوور...
غيث : نوووضي ينعل لكلب بوك مولدي منعرفو بغيتي تلصقي فيا برهوش معارفة تا شكون باه الكلبة يحرق اصل مك ...
سينتيا : واااات وااات ؟؟؟ ولدك هذا انا متاكدة..
غيث : را غانفگس مك شوفي معامن نعستي من ورايا....مشا ليها نيشان شدها من فكها سفلي وزير عليها تاتغرسو ضفارو ....ماشي غيث المرواني الي ديريها بيه حمدي الله مصفتهاش ليك اما قبرك ميعرفو حد فين جااا تق*** من هنا القح*** نوضييي برااااا
سينتيا : ولكن انا مانعست مع تاحد من وراك اي سويييير اهئ اهئ 
غيث : قلت لمك براااا من هنا 😡😡مشات كتفتف خرجت بلباس ديال لكلينيك وخرجت كتجري ...ضار جيهتو علي من بعد ماطلب من الطبيب ولفرملية يخرجو...
علي : باش عرفتي ماشي ولدك ؟؟
غيث : تنكون انا الكامبو والمكلخ ومراجلش عاد نتيق راني جاي محلف عالز*** بوها اصلا غير جيت حيث عندي ميتقدا هنا شي وراق وشي امور بقاو فدار وخاص نجيبهم اما منجيش مولديش وانا متاكد وقبيلة اعصابي تلفو وفاش لاحت ليا الايكو دخلني شك ولكن حلفت تانجيبها ونتاكد انا الى مبغيتش منها لولاد را والله زا*** بوها لكانو فكرشها ولادي مع ليالي لااا غير....واش انا عارف اش كندير وبغات تجي ضحك عليا هههههههه عرفتي قبل فاش جيت لمغرب بسيمانة تبعتني وقبل منمشي نعست معاها بزاف ولكن كنت قاري حسابي وكنضرب ونقيس جات بسيمانة تبعتني نعست معاها مرة وغير من فوق خاطري غير حطيت رجلي عالمغرب رجع ليا الحنين لحب حياتي ومبقيتش حملت نقيسها وهي حست بيا وقالتها. راسها ...ياما حاولت تنعس معايا وحاولت تخليني نفرغ فيها ولكن كنت عااارف والقوافي وتحرميات الي بغات تجيب عليا انااا الي بنيت مدرستهم وحطيت المنهج ديالهم ...
علي : واش غانقوليك داكشي الي بغيت ليك را فيك...هي شي حفيلة ليلة فاحسن نايت كلوب فلوس انجلس..
غيث : دوز عندي لدار نحتافلو فيها مبغيتش نتقل اصاحبي عندي منقضي هاد الايام بففف باقي شحال عاد نمشي ...يلاه تهلى غذا دوز عندي فالعشية نقصرو شوي ...
علي : وعليه...تهلى تسالم هو وياه وخرج مشا نيشان والابتسامة ديال راحة على وجهو وصل لدار كيف دخل حيد حوايجو ومشا لدوش دوش وخرج نشف ولبس بقا غير بالبوكسر مشا خذا صلاد واجدة وكاس عصير كمل ومشا نعس الغد ليه فصباح قضا شي غراض ورجع لدار بدل حوايجو بقا عريان كيف العادة ...وهز طابيلت شاف فساعة لقا مزال الحال ودوز ابيل فيديو مباشرة لحبيبة قلبو.....
غيث : عمري الغزااال

عمري الغزال ...لبوئتي الزينة تيتيزة غيث مدااامتي شخصيا حبيييبة قلبي وفؤادي اححح توحشتك يا صاحبة اجمل خجل تربعت على عرش قلبي العمر 
ليالي : ههههه
غيث : وحيدي ايدك من فمك خليني نشوف رزقي...تالفم ملاعبش 
ليالي : كتشوفيه وكترعد بالارتباك وخصوصا ايام مبقات شافتو ...ففف هاني
غيث : اححح دابا اه ناري مكرهتش نقز عليك من هنا ...كيف دايرة لباس عليك باقي كتقرصك الفتحة ؟؟
ليالي : شوي مرة مرة ...
غيث : قريب نجي اعمري ونقرص مها نوريها تقرصك ليا ... توحشتك بزاف 
ليالي : حتى انا 
غيث : الله اقلبي...قالتها...استمر حديثهم والغزل بيناتهم حتى نعسو بجوج وهما كيهضرو والخجل دائما سيد الموقف...
نهااار جديد يوم مليئ بالامل والاشراق مليئ بالحب والاشتياق لمحبوبها الي سكن روحها وكيانها لعشقها الاول الي حرك فيها جميع الاحاسيس على هاته الكلمات استيقضت بابتسامة على غير العادة ابتاسمة كلها امل للقاء حبيبها وزوجها الي دوا معاها في الليلة الماضية واخبرها انه غايركب ليلة باش يجي من بعد ماكمل مهمتو الي علاش جا من الاول وصفا حسابو مع سينتيا مبقاتش رجعت ضارت بيه ولا شافها كان فيه ميقتلها بلى ميعقل عليها ولكن الرجلة مجاتش يقتل مرا وحاملة من الفوق ومشكيل بسيط يقدر يحلو غير من بعيد ماشي غيث المرواني الي تاحاجة متفلت ليه ذكي وشرس وصارم وجدي زيادة عن اللزوم ودقييق الملاحضة ومكينساااش الي ديرها بيه وحدة...هز اخر ما تبقى ليه في دار من اوراق خاصة بيه وشي اوراق كان مخبيهم فالبنكة واتاجه لمطار مخلي وراه الماضي والبلاد الي جعلاتو اهم شخص وذو نفوذ وجاه ومال...
ناضت من لفراش كلها ابتسامة وامل مشات لدوش توضات وخرجت تصلي كانت دازت اربع ايام على مشكيل سنتيا الي تكشف ...كملات وهي تلبس كسوة صوفية طويلة حد ركبة فالمارون وفوق منها كاب فالموطار وسليم لاصق فالاسود وبوط فنفس اللون جمعت شعرها لور بفليل وخلاتو مطلوق طوييل وكحل دارت ايكخون لوجها وكلوص رشت بارفانها وهزت صاك طويل دارت فيه تيليفونها وبزطامها ودارتو في جنب ..اوخرجت لات صافية لابسة جلابة فالابيض مرصعة بالحجر فنفس اللون وشال حريري فالغوز بارد على وجهها نور هازا صاك شانيل فالغوز فلون شال فدراعها ...
صافية : صباح الخير ...يلاه نفطرو برا ونمشيو لمركز تجميل باش دوري بالحالة "غمزتها" 
ليالي : "خجلت" صباح الخير ههه واخا يلاه...شدتها من دراعها وخرجو شدو طريق نيشان ...مشاو فطرو فريسطو زوين وخرجو مشاو لمركز تجميل ضارت بالحالة وقادت شعرها صايبت ليه لاكوب وخلاتو طويل وقطعت لگصة قبل دارت لاصيغ لحمها كامل وعامت فالحمام التابع لتجميل...كملت جات لدار لقات نقاشة فانتضارها نقشت ليها صبيعاتها وصبيعات رجليها....
في صباح اليوم الموالي...ناعسة في الصباح الباكر ....كانت في سابع نومة ناعسة مرتاحة حتى حست بوجه مخشي فعنقها وايد تسللات وضارت على كرشها وجرتها لصقت مع صدر فولادي عريض....ونطق..
غيث : صباااح نور مدام المرواني...
ليالي : ابتاسمت ابتسامة عريضة وطلعت معاها صهدة شوية وهي تسمع اخر جملة قال وهي تشرع عينيها...ضارت جيهتو...
ليالي : هاااا 😳😳😳
غيث : واايلي زعما اول مرة تعرفي "بغمزة " اري شي بوسة ...

شافت فيه ببطئ وكتهضر برعب الي سرا ليها مع صباعها ..هاااا 😳😳..شش شنو ...
غيث : زعما ماعرفتيش شوفي نتي اشنو غا تقولي ليا...
بدات كتنخصص وتبكي...نن انا من اهئ اهئ ونتا علاااش مقلتيهاش ليا علاش خبيتي عليا علا...قبل متكمل طلع فوق منها طار عليها بقبلة بقج ليها فمها حتى تضغط راسها وهبط...هزت ايديها بالخلعة قبطههم وشبكهم مع ايديه كيبوس فيها بجهد وعنف ولكن عنف لطيف حلو حتى خنق فيها نفس وطلقها كتنهج وتمسح في فمها...
ليالي : خخ خ هييي خنقتيني 
غيث : غزييت فيك...علاش ملي عرفتي مقلتيهاش ليا هاا "كيبرك ليها على ايدها" 
ليالي : وعلاش مقلتيش نتا لول علاااش
غيث : را غانصرفق مك انا الي سولتك جاوبي وديك ساعة نهضرو مزيان ...علاش مواجهتينيش علاش مشيتي لسجن بلى خباري هااا 
ليالي : هاااء 😳قالها ليك مهدي 😡
غيث : انااا الي قلتها لمهدي ماشي هو الي قالها ودابا هضري ...
ليالي : كنت خااايفة اهئ عرفتي اشنو نكون مرات ولد خو الي قتلت حط راسك بلاصتي اهئ اهئ عرفتي اشنو نكون مزوجة بيك نتا علاش مقلتيهاش من لول يعني غاتنتاقم مني اهئ غاتقتلني وتزوجتي بيا باش تعذبني وغاتقتلني علاش هادشي علاش كنتي كتعذبني وتكرفص عليا لهيه هادشي علاش كنتي كتكرهني اهئ اهئ حشومة عليك خلي القانون هو يتكلف مرضتيني ومرمدتيني اهئ بعد بعااااد "خلاها تغوت وتعاير على خاطرها" اععععععععع اهئ اهئ كذاااااب ومني نتا عااارف علاش مقلتيهاش علاش ساكت تالدابا اذن هضرتي بصح الله يخليك متادينيش
غيث : انتي سكتي...
ليالي : غاتنتاقم مني 😭😭😭
غيث : غانتاقم منك...
ليالي : اهئ اهئ الله يخلي ليك ماعز عليك خليني نمشي والله معمرك تشوف وجهي هالقانون خدام اهئ اهئ
غيث : را غانعطيك علاش تقلبي 
ليالي : اهئ اهئ علاااش كدبتي عليا علاش كن مغاتنتاقم مني علاش بقيتي ساكت تالدابا واش عرفتي الشمتة الي حسيت بيها هااا علاش كدبتي عليا علاااش وكنيتك تازي هههه وانا كي الحمارة اش غايجي فبالي فنضرك اش راني مت بالخلعة كنت غانهرب وعمرك تشوف وجهي...
غيث : شناهوااااا تهربي والله يا مك تنطحنك وعتبي وشوفي لهروب نقزب ليك رجلين خرجتي لشواري لمك لهروب ساهل ؟؟؟
خلاها كتغوت وتدخل وتخرج فالهضرة جاتها هيستيرية رهيبة تخلط عليها خلعة وفرحة وتوحاش ومواجهة خلاها على خاطر خاطرها وحلفت لا هي سكتت ...
غيث : وااااااانتي سكتي شاااااااااات اااااب فرعتي لمي لودنين ...غوت حتى صقلت صقلة وحدة كتسمع غير ...ام ام ام ...
هيييء ...اولاااا انا مكدبتش عليك جيتي فضروف مقدرتش نقوليك كنت ماجل حتى تبراي وخفتك لا تخلعي وتهربي ونتي مريييضة ثااانيا قلت حتى تخرجي من سجن بصفة نهااائية عاد نقوليك الى قلت ليك قبل غادي تقولي مغايخرجنيش وغايتفلى عليا وانا كن غانتاقم منك منبقاش مصدع كر**** ومكلف محامي قد سخط ونبحث ونقلب باش نبرئك وكووون غانتاقم منصدعش مخي ونتزوج بيك باااش نتاقم منك اااه هذاك عمي ولكن عرفتو غير في فترة قليلة ماكبر معايا محليت عيني عليه جاني فضروف قاصحة كسب محبتي ولكن اشنو تحت راسو طبعو عمرني عرفتو عرفتو فمدة قليلة وعاوني تا مشيت لامريكا وتما بقيت ...وخا يكون خوووويا وقع ليك معاه نفس المشكيل كنت غادي نبغيك وغادي نتزوج بيك وندير معاك لولاد وغادي نخدمو على هاد المشروغ بحال دابا ...فهمتي...
ليالي : اهئ اهئ ماعرفتش ماعرفتش خفت ماشي ساهلة حط راسك بلاصتي...
غيث : ساااهلة وحطيت راسي بلاصتك وغانفكر غا بعقلي ونربط الاحداث وغانتاكد بلي مكاين لا انتقام لا والو ...والى خبيت عليك راني شرحت ليك علاش اعدى حاجة عندي نكدب ولا نخبي غير كنت ماجل وصافي فقط لا غير ...
ليالي : بقات كتشوووف فيه وتنخصص باس فمها وهز راسو كيشوف فيها حتى بردت ...و و و وباش عرفتيني عرفت ...اهئ...
غيث : انا كنعرف كلشي ونتي معارفاش كنعرف وشايف الي نتي مشايفاهش ...خليك من شي لاخور نعطيك غا معلومة يالمكلخة باش دخلتي لسجن دخلتي بورقة ودخلتي باسم مدام المرواني وعاملوك مزيان على اساس نتي مرت لمدير الي هو انا والي كيوصلني كلشي قبل ميعتب شي حد باب سجن امداام المرواني ...
ليالي : هممم ...حدرت عينيها وهو يهز ليها راسها بصبعو...ودابا غاتخلينا نخدمو على لمشروع...
ليالي : شمن مشروع 😒...
غيث : مشروع باش تسمحي ليا ومشروع شي بنوتة تكون زوينة نزرعها ليك فهاد الكرش الفاس موجود "بغمزة" ....اشنو الفاس ؟؟ ...خلاها كتسائل وهزها تقلب هو وقلبها فوقو....توحشتك ازين "بغمزة"

يتبع ..

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.