بعد طووول انتضار بعد قهر وضلم وعذاب وحزن والم وغدر وخيانة وبكاء وتعذيب من كل الجهات وبعد كل مداز عليا وفقدت اغلى واعز الناس ...واخيرا نصفني القانون واخيرا استرجعت شرفي وكرامتي الي داي عليها المجتمع قبل ميعرف اشنو الاسباب وحتى انهم ماحاولوش يستفسرو حكمو وصافي ...
احساااس ميتوصفش احساااس كانك تولدتي من جديد احساس انك تخلصتي من جميع الهموم والمشاكل الي كتلاحقك وانت متهم بجريمة ارتكابتيها فعلا ولكن في حالتي جريمة خديتي حقك ويمكن حق الكثيرات الي تعرضو الاغتصاب ..الاعتداء ...محاولة اغتصاب..ضرب ..اهانة...والاهم انك تبراتي قدام المجتمع الي ضالم في حق المراة نفسها والي تعرضت وكانت ضحية ولكن منصفهاش ...واخيرا اصبحت حرة واخيرا نصفني القاضي يااا ربي لك الحمد ولك الشكر يااربي واخيرا حنيتي عليا ورجعتي ليا حقي ياربي لك الحمد والشكر اولا ،،وثانيا لزوجي وحبي وعشقي الي وقف ضد كلشي وثاق فيا بالرغم ان اقرب ناس ليه هو الي قتلت بايدي ولاول مرة كنفرح انني قتلتو واخيرا حالتي نفسية تحسنت واخيرا وليت فعينين ناس امراة حرة قوية وشريفة فرحتي ماليها مثيل ....كيف تنطق الحكم تنصفت وخرجت من بعد ماقدمو دلائل وشواهد والاهم قنعت القاضي بكل ثقة ..ولاول مرة فحياتي كنتشجع ونهضر بكل ثقة واصرار الي شافهم فعيني ونطق بتحريري..
من بعد ماكملت المحاكمة خذاوني نيشان باش نكمل الاجراءات الي عادة كتستغرق ايام ولكن ليوم غادي ندير جزء والباقي غادي يتكلف بيه المحامي وغيث ...هاد الاخير الي فور ماسمع بالقرار وقف بدون شعور وابتاسم ابتسامة عريضة فرحتو مقدرش يخبيها حتى گلس لارض وهز راسو وزفر بمعمق كانه تنفس او انتاصر ضرب بايديه ومشا جيهة المحامي تسالم معاه وربت ليه على كتفو هو والمحامي لاخور...
ودابا انا فطريقي وانا امراة حرة طليقة بريئة شريفة ...طريق كلها وانا دموعي مزاگينش حاطة راسي عالزاج كنبكي ودموعي محابسينش دموع الفرحة ودموع القهرة من جيهة هاد الصنديد الي حدايا اش بدلو علاش كلامو قلال من جيهتي ...انا كنخمم حتى داز فبالي ...
"فلاش باك" ...خرجت من القاعة ديال لجلسات غادين بيا نكمل الاجراءات وغيث بقا ورايا كيهضر مع المحامي حتى بان ليا ليزيد جاي ولفرحة على وجهو استغليت الفرصة باش نشكرو على تسجيل الي عاوني بيه ووقفتو بجنبي رغم كل الي وقع وجرا....وقف حدايا وابتاسم ليا...
ليالي : الشكر ليك انت لولاك مكنتش غادي نضمن واش غادي نخرج ولا لا دليلك كان اقوى ورغم الي وقع بيناتنا مخليتينيش لهلا يخطيك والله يفرحك ببنت الناس الي تستاهلك نتا شخص فريد من نوعك ولد ناس ...
ليزيد : وحدة الي غاتستاهلني وقريب نرجعو...احم مهم تهلاي فراسك ومبروك مرة اخرى ...حدر راسو وزاد خلاني كنشوف مفهمتش اشنو قال فالاخير ...
رجعت لواقع ...من بعد ماحسيت بايد وصبع على حنكي كيمسح ليا فدموعي هزيت فيه راسي كنشوف فيه مدمعة...خذيت ايديه وحطيتها على وجهي استنشقتها وهزيت راسي شفت فيه...
ليالي : شكرا حيث نتا فجنبي شكرا حيث نتا خرجتيني وثقتي فيا وناضلتي حتى وصلت ورجعت حقي بلى بيك مكنتش غادي ناخذ حقي شكرا حيث نتا فحياتي...شاف فيا شوفة طوييييلة وهو يحيد ايدو ...
غيث : مايحتاجش تشكريني هذا واجب اي وحدة شفتها مضلومة نقدر نعاونها بكل بساطة..
ليالي : مووس تغرس فيا ياريت كن بقا ساكت ومهضرش كان اهون واحسن ياريييت... ا اي وحدة ؟
طريق كلها وانا بالعة الغصة في قلبي الي تجرح ....ههه اي وحدة علاش هادشي علاااش اش درت ياربي علاش ديما فرحتي مكتكملش علاااش اربي علاااش...طريق كلها وانا عينيا مكيرمشوش من الصدمة لساني تقاال عليا مستوعبتش الجملة الي قال علااااش هادشي كلو ؟؟؟
كيف وصلنا دخل من بعد ما حل ليه العساس ودخلنا حتى لمحت جوج سيارات منهم سيارة مهدي وسيارة ديال باه ،، وقف طوموبيل ونزلنا غير دخلت كنسمع الهضرة فصالون وقفنا لقينا مي صافية ومهدي وباه كانو كالسين غير هزت صافية عينيها وهي تشوفني وناضت كتجري جيهتي وتزغرت....عنقتني...
الصافية : على سلااامت بنتي على سلاامتك ومبرووك عليك...
انا من كترت ما جايا مصدومة وكلمة مبروك الوحيدة الي سمعت لحد الان هي ديال ليزيد بوحدها ...الشخص الي نسمعها منو وتكون مبروك نيت ونحس براسي تحررت وتنصفت فعلا مسمعتهااااش منو ابدا محسيت الا وانا تلاحيت في حضنها كنزير عليها وكنبكي لربي الي خلقني وكنتنخصص حتى خلعتها وخلعت كلشي الي تم بقاو كيشوفو فيا ومفهمو والو وشخص واحد الي عارف راسو اش داير منطقش ....بقات متكياني عليها وكطبطب عليا حتى بكيت على خاطر خاطري الي كالسين حدرو راسهم ..واحد شوي وهو ينطق ...
غيث : احم ..مهدي يلاه نخرجو وخليهم...
صافية : شافت فيه بتعجب ..فين غاتمشيو حنا جينا نتعشاو معاكم ونحتافلو بسلامة مرتك اولدي ...نقز بات مهدي...ايه وخاصكم ديرو طلبة ضروري وتصدق اوليدي منها تحمد الله وتشكرو ومنها دير دبيحة لهاد الدار الي سكنتي فيها بلى مدير ليها دخلة..
غيث : من بعد من بعد داكشي الوليد انا ممساليش خاصني نخرج نكمل شي اجراءات وغايمشي معايا مهدي "غمزو" يلاه مشينا...
مهدي : يلاه اصاحبي يلاه نشوفوك مالك...ضار جيهة باه من بعد ماسبقو غيث ...لوليد غاتكلف نتا بهادشي الي قلتي ومتديهاش فيه...
اب المهدي : وخا اوليدي...مشاو هما وصافية استغلت الوضع وجرت معاها ليالي حتى لبيتها دخلو وسدت عليهم ...اجي ابنتي تكاي ليك شوية ولا سيري دوشي واجي تكاي ورتاحي ليك ومن بعد نهضرو بنتي ليا ماشي هي هاديك المفروض فحالتك تكوني فرحانة ولكن بان ليا العكس مهم كملي ونهضرو وانا غانمشي عند سي جيلالي ( بات مهدي) نشوفو اش غايدير...
ليالي : "بحزن" واخا الميمة...خرجت صافية وهي بغات دخل دوش وهي تفكر خاصها تعيط ل حنان الي واعدتها تخبرها بالجديد والي خرجت من اسابيع تطلق صراحها بعفو ملكي ...وهي الي عندها تشكي ليها همها ومضرها ..قلبت على تيليفونها تفكرت نساتو فطوموبيل مشات طلت من شرجم لقات غيث مزال واقف مع مهدي كيهضرو مزال ممشاوش وهي تغمض عينيها حتى خرجت نفس سخونة وهي تشجع ومشات خرجت نيشان لعندو تهز تيليفون بلى متهضر معاه...في هاد الاثناء كان مهدي واقف مع غيث وكيهضر معاه....
غيث : كنت مضطر مقدرتش هو كان عندو دليل قوي اش غاندير شدني من دراعي ولواه ليا وخا خلطتهم بتلاتة داك نهار... كنت كنتسنى غير تكمل المحاكمة وتخرج وغانشوف اش ندير...
مهدي : وليني كلب مكلبن هذا واش مصطي اش بغا فيها ياك كل خدا نصيبو من دنيا هي ممكتاباش ليه اش بغا فيها مفهمتش انا علاش سكتي ليه مالفك الي جبدها ليك والي جبد ليك غا سميتها تخلطو متخلي فيه عضم مفهمتش ...
غيث : را قلت ليك النم عندو دليل قوي سايرتو حتى نقضيو الغراض...وراني عطيتو لكلمة ..
مهدي : اشنو دابا غادير بكلمتك...
غيث : وي غانطلقها...ولكن ...فهاد الاثناء كانت هي صاحبة الشان وعلاش ناضت المعماعة وخا معندها تا ذنب انها تساوم من طرف رجال الي حاطين عليها من نهار شافت دنيا ...كانت واقفة كتسمع ليهم وهما كانو عاطين بالضهر سمعت كلشي الي قالوه ...ولكن هو بغا يكمل ومزال كيهضر بغا يقوليه اشنو غايدير وهي تصمر من الهضرة الي سمعت كلها غير نطق غادي يطلقها محست براسها الا وهي مخبوطة مع لارض حتى تسمعت الخبطة الي على اثرها ضار مهدي وغيث الي شافوها وخرج غيث عينيه حتى حل فمو وبالصدمة طلق غوتة كينادي باسمها برعب...ليااااااااليييي....
كنحس بضربات قلبي مجهدة وذاتي عياااانة ...حليت عيني وانا كنين ودموعي دايزين وخا انا محاساش يمكن من كترت القهر ومن كترت مداز عليا ومزال تقهرت وعييت حتى ولاو دموعي على سبة حتى وليت كنكره اي حاجة اسمها سعادة حيث ولفت ديما الحزن وخيبة الامل والشمتة حتى قلت تقادت وهاهي تكفست دييييما انا مغدورة من طرف اعز ناس ليا ديما انا مشموتة تقهرت بكل للكلمة من معنى ولاااكن حتى لهنا وسطوب براااكة عليا برااكة غادي نحط حد لهادشي وندير كرامة وعز لنفسي برااكة....حليت عيني على شخص كيدير ليا فضو على عيني عاد استوعبت وحليت عيني مزيان كان شخص من هيئتو طبيب ...شاف فيا وابتاسم...
طبيب : شوية دابا باش كتحسي ؟؟
ليالي : "بصوت مبحوح" ش شوية كنحس بدوخة كثيرة...
طبيب : قيد شي حاجة ومدها لشي حد هزيت عيني كان هو داك الشخص الي كن مت وميمعت منو هديك الهضرة...هاك هاد تحاليل ضروري ديرهم عاد يمكن ليا نشخص حالتها دابا ضربت ليها ابرة رجع ليها ضغط عادي ومتخليوهاش تعصب حاليا...ديرو تحاليل وجيبهم ليا لكلينيك ولا انا نجي بنفسي نوقف ليها على تحاليل سي غيث..
غيث : جاوبو براسو بمعنى اوكي...استاذن طبيب ..وهو يجي عندي وكلس فجنبي فهاد اللحضة بذاات محملتووووش يقيصني ولا يقرب ليا كرهتو قلبي نفرو ومنعرف حيث تشمت من جهتو حتى هو يلاه بغا يحط عليا ايدو وانا نهرب راسي ومخنزرة...
غيث : هففف...ليالي الي سمعتيه را...
ليالي : خرج عليا برا...
غيث : "غزز على سنيه" ليييالييي 😡
ليالي : اااااه خراااج عليا ولا بربي تندير شي حاجة فراااسي خرااااج وجهك مبغيتش نشوووفو اهئ اهئ خراااج ...بديت نتركل وهو يشدني من ايديا بجوج وحكمني...وشاف فيا بشوفات نارية...بغيتيني نخرج واخا كوني هااانية وحتى وجهي مغاتشوفيهش ولكن قبل خاصك تجاوبيني وعذريني حتى انا راجل ومن حقي نعرف...
ليالي : معندي باش نجاوبك عطيييني تيساااع...
غيث : واش قرب ليك ؟؟جااااوبيني الله يخليك را راسي غادي يتشتت
ليالي : ونتا غاطلقني حيث تساومتو عليا اش بغيتي قرب ولا مقرب هااا..."شفت فيه مخنزرك ودموعي دايزين.."
غيث : اذن قرب ليك قاااااارب لييييك هاااضريييي...غواتنا كان كيتسمع بجهد الشي الي خلا مهدي وصافية وباه يجيو يجريو عندنا غير شفت مي صافية ونا نغوت لربي الي خلقني...خرجووووه علياااااا ميييييمة مبغييييتش نشوفو مبغييييتش ولا بربي تنقتل راااسي اهئ اهئ...جا مهدي وباه جروه بزز وهو كيشوف فيا ومعصب لاقصى حدود نفض ايديه حتى بعدو منو وهو يضرب واحد الكرسي حتى تشتت وخرج ...وخرجو تبعوه بقات معايا غير مي صافية حتى تهدنت بقات كتهضر معايا مدة وانا كنسمع ليها ومخشية فيها ونعست وانا مخشية فحضنها وهي كطبطب عليا...بقيت نهار كلو وانا ناعسة ومن المهدئ الي عطاني طبيب نعست مفقت حتى لغد ليه ...في الصباح بكريييييي مزال ضو نهار يلاه بدا يبان ...لقيت راسي بوحد فلبيت ضورت وجهي ولمحت تيليفوني عند راسي وهزيتو ودرت اول اتصال....
ليالي : الو ....
اصبح يوم جديد ....اول مفاقت ولبست فراشة فالابيض وفوقها شال لواتو عليها وخرجت من البيت دازت على بيتها باش تطمان عليها وهي دايزة بان ليها غيث فصالون ناعس على مرسي وراسو عوج ناعس بحوايجو وحداه جوج قراعي ديال شراب"فودكا سيك"تكا عليهم بجوج مخلا فيهم قطرة...مشات ليه فيقاتو بلكشيفة ...
غيث : ناض وهو مغوبش وجهو عامر بالغضب وخصوصا باشت سكران ليل كلو ....طليتي عليها؟؟
صافية : انا عاد غانمشي...
غيث : غير خليك انا نمشي نشوفها من بعيد...اومات ليه براسها وهو يجمع لوقفة غادي وكيحك فعينيه باش يتفكو ليه شفارو الي لصقو على بعضياتهم..حل لباب بوشي وطل لقا لفراش مجموع حل عينيه بجهد دخل قلب عليها فدوش ملقاهاش وهو يمشي يحل لماريو لقا حوايجها نص كاين ونص لا...ضار بالعرض البطيئ لمح ورقة مكتوبة...
...لا لا لا والله ماهكاك مديريهااااش ..لا لوليييداااااااا ...جات صافية كتجري لبيت عندو لقاتو كالس على طرف ناموسية وداير راسو بين ايديه كينهج...
اشرقت شمس يوم جديد ...يوم مليئ بالحيوية والنشاط...اشرقت على وجوه وناس مختلفة في بلاد جديدة ومختلفة تماما وكليا على البلاد الي عاشت فيها وشافت فيها جميع انواع العذاب والقهر والضلم والحزن والي بداها وهي مزال فزيعان شبابها وفي سن السابعة عشر...ودابا وهي في سن العشرين واقفة في الصباح الباكر من بعد ما حلت عينيها ناضت توضات وصلاة ولبست سورفيت واسعة عليها بحكم كرشها الي فبداية الشهر الرابع برزت ليها بشكل كبير الي شافها يعطيها الشهر سادس بحكم كبيرة ليها اكثر من القياس ...كانت واقفة في البالكون كتشوف فناس الي غادية على دراجات هوائية ولا على رجليهم والي غادية هازا الورد فايدها والي كدير سبور حتى هي وسط ديور مصبوغين بالازرق والابيض جزيرة سياحية بامتياز رائعة المنضر وساحرة....فيها دروج. بزاف بحكم جات في جبل فوق البحر ...جزيرة "سانتوريني " اليونانية ...هزت راسها لسما كتستنشق الهواء النقي ديال لبحر حتى غمضت عينيها....شوي حدرت راسها ودوزت ايديها على كرشها كتحسس وليداتها ثلاثة الي كيكبرو في كرشها يوم عن يوم وخا معذبينها ماعليش صابرة عليهم وكيف لا وهما فلذات اكبادها ...هزت لفون دارتو فبوشيط في دراعها وجمعت شعرها كعكة مهملة ...دارت لكيت فودنها وخرجت حلت لباب لقات واحد الجارة قدامها ديما كتصبح عليها بابتسامة فهاد ثلاث اشهر الي جات ليها تعلمت بعض الجمل والكلمات اليونانية ...والي كان واقف معاها ومعاونها ومرة مرة تجي عندها هي صافية ام مهدي وولد خوها الي عايش فليونان "ياسين" هو طبيب نفسي واستاعنت بيه صافية باش يوقف معاها والي وصاتو يرد ليها لبال حيث في فترة حساسة بزاف ومتستحملش تعصب والا غادي تفقد ولادها بثلاثة وهذاكشي علاش عاونتها وبعدتها على المغرب كلو بمساعدة مهدي الي وخا صاحبو ملي شاف حالتها نهار كانت غاتفقدهم لولا لطف الله عزت عليه وفضل يسكت ...خاف على ولاد خوه وعليها اكثر حيث حياتها معرضة للخطر ... غير مؤقتا حتى يتخلقو وديك ساعة لكل مشكيلة حل اجلو ميقولوهاش ليه حتى يشدو بلاصتهم وتفوت مرحلة الخطر لانها فور مكتسمع سميتو فذيك الاثناء كانت كتفقد سيطرة حيث تحملت وتحملت حتى انفاجرت وكفرت عليه ضنا منها انه غايطلقها باش يوفي بكلمتو ولكن ماخفي كان اعضم معارفاش اشنو الحقيقة اصلا والي كلنا معارفينش واش كان غايطلقها فعلا على قبل كلمتو...والي جرحها اكثر انه في اليوم الي خاص يكون فجنبها يوم برائتها قدام ناس موقفش معاها وفرح معاها بالعكس كان همو غير واش قاسها اليزيد وكيفاش يشك فيها وعلاش اصلا يخلي شك يتسلل ليه ...خصوصا انه عاشرها وعرف انها مكتعرف لجنس الذي بعث هو الي كان كيعلمها وكيفاش تصرف اثناء الجماع...
شافت في جارتها بابتسامة وصبحت عليها باليونانية... kalimera كاليميرا...الجارة اسمها لينيا..
ليالي : اينذاكسي entàxei...ابتاسمت ليها وخرجت هبطت حتى لتحت كتمشى على حساب مقاليها طبيب وتعليمات باش تمشى كل صباح غادي يساعدها وباش يتفتح ذهنها وتطرد الهموم والمشاكل والي كانو معششين ليها فراسها...غادية كتسمع لموسيقى هادية ديال "موزارت" حتى تقطعت كان اتصال من صافية الي كل صباح كتعيط ليها تطمان عليها...دارت تيليفون الرد الاوطوماتيكي ...لياالي بنتي صباح الخير...
ليالي : ميييمة حبيبتي صباح نور اش مفيقك ثاني هههه كتفيقي على قبلي ...
ليالي : هادي يومين لا مافيا والو غير سخفة شوية ...مغاتجيش عندي توحشتك...
صافية : هممم نجي بغيتي نجي غير وحدي..
ليالي : "قلبها ولا يضرب بالجهد" ميمة غيييير نتي غييييير نتي عفاك الله يخليك...بدات تبكي..
صافية : صافي صافي ابنتي متبكيش غادي تعصبي ثاني ...غانجي ان شاء الله هاد الايام نتسنى غير تدها لوقت ونجي واخا غير سيمانة عندك متخافيش ردي لبال لراسك وفكري اش مشهية نجيبو ليك معايا ..
ليالي : اه جيبي ليا معاك زيتون مرقد ومشرمل ..بدات تمطمط في فمها...اححح جيبي منو بزاااف ويكون فيه الحرور...
صافية : هههههههههه وخا ابنيتي كوني هانية يلاه تهلاي فراسك وردي لبال لدوك لبجاغط الي فكرشك...قطعت معاها الاتصال ورجعت كملت موسيقتها بقات كتمشا حتى هبطت لتحت ورجعت وهي فطريق رجعة حتى سمعت صوت من وراها ....Me màvra matia مي ماڤرا ماتيا"ذات العيون السوداء" ضارت وهي تضحك هههههه ياسييين ...واش غا تحيد عليك هاد سمية اسميتي ليااالي اسي هههه مالك مصبح عليا فهاد الصباح...
ياسين : جيت نشوف ولاادي..
ليالي : ياااااسييين 😡
ياسين : ولااادك غاهنينا...
#فلاش_باك
مرت ايام وايام وهو كيقلب عليها ولا اثر تقهر عليها بكل للكلمة من معنى ..النعمة مبقاش كياكلها لخدمة كيمشي غير يطل ويرجع فقط ...مخلا حتى قنت الي ممكن تكون فيه ولا غير يفكر اقدر تكون ما ربما فيه ولكن والو اول حاجة دارها تبع جي بي اس ديال تيليفونها لقاه فلبيت فلمجر ديالها بكارت سيم ديالو مخلات ليه حتى اثر كانت اذكى منو فهاد اللحضة فاش لقاه ضربو بالغدايد والقهرة حتى تشتت شقاف ...
غيث : اااااااعععع علااااش مشيييتي علاااش اربي انا حماااااار حماااار انااا سباب اللول انا ياااربي غير باني را كلشي فهمتيه غالط واااااربييييي فيييينك ...سمعت صافية الي كانت معاه هاد الايام هي ومهدي مخلاوهش من نهار الاختفاء ديالها وهما معاه فالفيلا...جاو كيجريو لعندو البيت لقاوه كالس لارض وكينهج مقهور المنضر ديالو كيقطع القلب غيث الصنديد الشخصية القوية الي عمرها تهزمت ولا بان عليها الضعف هاهو قدامهم ضعيييف اكثر من طفل عمرو خمس سنين ...تقدمت ناحيتو صافية وعينيها مغرغرين بقا فيها بجهد....
صافية : وليدي نعل شيطان قد ماكلست غاتبان تبان غير دير ثقتك فالله ومتستسلمش وخا ماعرفتش اشنو طرا بيناتكم ولكن لا بغيتيها ترجع وياااك تضعف اوليدي وياك ...نوض الله يرضي عليك رتاح فدماغك وفكر فين تقدر تكون مشات ياك خرجت برائة ورجعو ليها وراقها متقدرش تفوت المغرب هاد ساعة ولا لا ؟
غيث : بصوت مبحوح..ماعرفتش سولت مزال مخارجاش وغير سولت حيث لوراق بقاو عند المحامي كن عطاهم ليها غايقولها ليا انا لول اففف ياااربي اش درت فحياتي هي فهمت كلشي غالط واش انا مريض فمخي نتخلى عليها انا ملقيتها ونضيعها ....ياربييي ولقيتو غادي نقتلووو نقتلووووو 😡😡...
مهدي : معندها حتى شي صاحبتها ؟؟
غيث : رجعت بيه ذاكرة لايام سجن كان كيشوفها بزااف مع حنان وهي دير ليه طن تفكر انها خرجت بعفو ملكي وحيث هو مدير هو الي كيختار وكيسني على سجناء الي كتجي فيهم لقرعة ديال لعفو....ناض جمع الوقفة ...مهدي يلاه معايا دااابا ...هز تيليفون ومشا كيجري كيدير فاتصال ...خطا عنوانها بسهولة عنوانها في فاس ركب ومشا طاير هو ومهدي حتى لعندها نيشان كانت ساكنة فحي عادي في دار بجوج طوابق وقف طوموبيل قدام دار نيشان نزل كيجري دق لباب وهو على اعصابو كيتسنى حتى تفتح لباب ....
وصلت لعشية ... ملي خرجو فصباح تيليفون صافية مسكتش كان رقم غريب كيصوني ليها وهي من طبعها مكتجاوبش على شي نمرة مكتعرفهاش عيا وهو يصوني حتى سكت شوي جاها ميساج قراتو وهي تشرع عينيها ودوزت الاتصال نيشان ...
ليالي : متوريييييهش فين كاينة الله يخليك جي بوحدك افففف اييييييي اربييييي ...
صافية : مغااايجييييش غاا قولي الله يرضي عليك والله منجيبو غا قولي فينك....
ليالي : انا في واحد البلاصة خاوية خرجت نتقدا وشدني هاد الوجع ياربييييي افففف ...
صافية : وغا نعتي ليا واش هنا في افران...
ليالي : لاااا في تيفلت ...اففف عتقيييني مبقيتش قدرت اربيييي اهئ اهئ وااااميييمتي...نعتت ليها فين كاينة ومشات كتجري هزت شالها دارتو عليها وهزت صاكها وخرجت وصلت عند الباب وهي تصاطح مع مهدي شافت فيه وكتشوف من وراه ...
مهدي : معرفتش مبايناش مضروبة...هزها لوطومبيل وركبو وكسير نيشان لاقرب طبيب دخلوها كيجريو لمستعجلات غير دخلوها وسدو عليهم بقاو شي ساعة وهما كيتسناو حتى خرج عندهم طبيب ...
طبيب : واش نتوما عائلتها؟؟
ناضت صافية ومهدي لعندو كيجريو ..وي حنا...
طبيب : عندها. راجلها
مهدي : اه عندها غا نطق وهنينا اش كاين ؟ 😡
طبيب : المدام الي جبتو كانت على شوية وتفقد الاجنة الي فكرشها...
مهدي : اجنة اشمن جن ؟ اويلي تسكنت...
طبيب : "شداتو ضحكة بلهلا يطريه ليه" هه لا اولدي اجنة هي حاملة وكانت غادي تفقدهم حاملة بتوام تلاتة جبتوها فحالة خطيرة ديناها دابا يديرو ليها فحوصات اخرى عاد نتاكدو مناش هاد نزيف القوي الي كان غايدي تا حياتها لولا عتقتوها فاخر لحضة... شي ساعة وجيو عندي لمكتب ونقوليكم اش كاين بالضبط مهم الى كنتي نتا راجلها حاول ما امكن تكون فجنبها ...
مهدي : همم واخا واخا شكرا....مشا طبيب وبقا مهدي وصافية شي ساعة وهما كيتسناو حتى وصلت لوقيتة ورجعو دخلو عند طبيب المكتب والي لفاوه فاستقبالهم ....بلغهم ان داكشي الي كان متوقع هو فعلا الي كاين...
الطبيب : داكشي الي قلت ليكم عرفتو كن مااعتقناها كيف كنقولو بلغتنا العامية في الدقيقة تسعين كانت غادي يوقع ليها مشكيل كبير في عنق الرحم والشي لي تسبب ليها فنزيف لولا لطف الله كانت غاتفقد ولادها بثلاثة انا كنهضر معاكم بصفتي اختصاصي فامراض النساء والتوليد وكنصحكم اي حاجة ولو بسيطة ممكن تسبب ليها ارتباك او قلق او عصبية متقربش ليها وياااريت تكون فشي بلاصة هادية حيث عندها الاعصاب نتيجة ضغوطات نفسية حادة ممكن تشكل ليها خطر كبير حتى على حياتها ...غانعطكم هاد الفتامينات وصباح تخرج وياريت تمشي عند طبيب نفسي حيث هادشي ميتسكتش عليه والله يشافيها....
الصافية : شكرا دكتور وخا كون هاني...خرجو من عندو ومشاو ديريكت لعندها حلت صافية لباب لقاتها فايقة دايرين ليها مصل سيروم في ايدها ....متكية كتشوف فسقف غير سمعت صوت الباب وهي تحذر عينيها شافت صافية وهي تبدا تبكي حتى قربت ليها كلست حداها كطبطب عليها وتهدن فيها....
مهدي : كالم اليالي دابا لعصبية مغاتفيدك بوالو صحتك هي اللولة ..غير تكالماي على قبل دوك الي فكرشك را محتاجينك اكثر واش مفرحناش بيهم...
ليالي : اهئ فرحانا ولكن مبغيتش امهدي نشوفو الله يخليك الى كنت عزيزة غير شوي متقوليهش فين انا ولا غاندير شي حاجة فراسي..
مهدي : وعلااش هادشي كامل علاش اليالي را تاهو حالتو مايعلم بيها غالله كن تشوفيه قلبك يتقطع نعمة مداقهاش وهو ميقلب عليك حتى ولا كي جيفة متشوفيش فيه الى شفتي فيه تجيك البكية ماشي صاحبي هذاك عمري شفتو فديك الحالة...
ليالي : انااااا عيييييت منو عيييييت كل مرة لقا مشكيل معاه كل مرة واقع لينا مشكيل قد لخلا وهو سبابو من سميتو ومن ديك الي كان معاها ولحمل ديالها ومن دابا الي عرفت بغا يطلقني حيث عطا لكلمة لهداك الحمار ديال ليزيد كيتساوم عليا واش انا معندي كراامة هااا...
ليالي : هههههه على هو بغا يتحاور معايا مبغاااش كان كيعاملني بجفاء وملي سولت عرفتي اش قال هههه قاليا واش عمر ليزيد قاسك....
مهدي : كيفاش ؟؟
ليالي : اه قاليا واش عمرو تقرب منك وفهمها نتا اهئ اهئ انا عييييت كنخاف منو بزاف واعر وزاد بشك وقضية طلاق صافي براكة نفسيتي مبقاتش قدرت تزيد تحمل شي حاجة ولا حتى تحمل تشوفو والله وقلتو ليه فين كاينة تنقتل رااسي ...هانا قلت....
شافت فمهدي الي فهم اشنو قصدت وهو يشوف في ليالي ونطق...
مهدي : ختي غادي تسمحي ليا ولكن را خاص يعرف بولادو ميمكنش تخبي عليه و...قاطعاتو بعصبية...
ليالي : ولاااادو اااه ولادو وغايعرف ولكن مبغيتوش مزال يقرب ليا متقولها ليه حتى نغبر ولا غانغبر عليكم حتى نتوما والى وصل عليا غاندير شي حاجة فراسي مبيغيييييييتش نشوفو كرهتوووو كرهتووووو...
صافية : صافي صافي ابنتي الي بغيتي اففف رتاحي دابا ...اجي نتا تبعني عندي منقول ليك ...خرجت وسدو عليها الباب وهي توقف وجرت مهدي...
صافية : افف ماعرفتش هي مقالت ليك متقولهاش هي قالت قول لي بغيتي غير مبغاتش تشوفو وهانتا تتشوف حالتها تاهي حالتها تقطع فالقلب ويتيمة معندها لا حنين لا رحيم من غيرو هو وهاهي مبغاتش تشوفو وانا عاذراها...
مهدي : كيفاش عاذراها واش مكتشوفيش حالتو تاهو حتى هو را يتيم كتر منها تاهي را مرتو وخا وقع مشكيل بيناتهم ولكن كان عليها تسمعو على هو غايخليها كيف فهمت دابا حتى باش نشرحو ليها مخلاتنا...
صافية : ايه عاذراها را فترة الوحم هكا كيوقع وعاد زيد اشنو قالينا طبيب دابا اش غادير واش بغيتي تقتل درية ااا...
مهدي : اشنو نديرو دابا...
صافية : غادي نسكتو غير حتى دوز فترة الوحم صبر اولدي الله يرضي عليك غير تدوز مغايبقاوش فيك ولاد خوك هاا ؟؟
مهدي : فين غاتديها عليه يالاه عطيني الحل هاني غانسكت غير على قبل ولادو وحياتها اش غاديري غادي يلقاها يلقاها...
صافية : طبيب قالينا خاصها طبيب نفسي وشي بلاصة تكون كالم وفيها راحة..
صافية : ولد خالك ياسين طبيب نفسي فليونان نرسلها عندو راك عارفو هو عندو مع طب نفسي ونيت تبعد...
مهدي : بغيتي يسيق الخبار يقسمو هو وياها وانا ونتي وبربي تاترجع ليونان في خبر كان ..
صافية : مغااااتمشيييش لعندو الموصيبة غادي نكريو ليها دار فديك الجزيرة الي كنا صيفنا فيها داك العام وتلاقينا بيه وصل علينا...اولدي راك عارف ياسين غايديرها كثر من ختو وعاد را تاهو صاحب غيث ...غير حتى دوز هاد المرحلة ...وديك ساعة يوصل عليها غير على قبل ولاد خوك...صغيورين زوييونين غايقولوليك عمو مهدي...ويلعبو مع ولادك تانتا...
مهدي : هااححح 😻😻زمتيني اشعيبية...اجي ولوراق ديالها را باقين عند المحامي....
صافية : الله يمسخ مك ...زيد زيد قدامي....داكشي الي كان في يومين داتها لدار في فاس غير الرياض بقات حتى ولات شوي ووجدت ليها باسبور في يومين حيث كلشي بالفلوس يديرو طريق فلبحر وحيث اليونان معندهاش لفيزا دغيا سهلت عليها سيمانة بالتمام كانت كلشي واجد ...اما غيث فكان كيف كيسحى كيرجع يشرب ثاني مبقاش خرج من لفيلا ديما في فمو كلمة ليالي سمحي ليا الشي الي خلاه مينتابهش اش كاين وتيليفونو ديما قدامو عالله وعسا تعيط ولكن والو...اللحية زادت طوالت ليه وديما ناعس ولقرعة في ايديه ....
#الحاضر
في الليل ناعسة في نوم عميييييق كيف ولفت من نهار بداها لوحم ... كانت لابسة كسيوة خفيفة ديال لقطن وعريضة حد ركبة من غير سوتيان ...كتنيين وتهضر ...في الحلم
.~~~امممم ريحة بنييينة نتا الي قاديتيه ؟؟ افف كتعرف طيب
غيث : "ضار ناحيتها "لقاها واقفة عند باب الكوزينة كان لابس طابلية عريان لابس غير شورط قصير...قرب ليها وباسها فشفايفها بوسة طويييلة حتى غمضو عينيهم بزوج...هزها وداها حطها فوق البوطاجي كتلعب برجليهاوحاضياه ...اممم وااو مطيشة مشحرة مع بصلة ىفلفلة حلوة وحارة وتومة وبزار ومليحة وزيت زيتون اممم ياك...
ليالي : اهئ اهئ بغيت يصايبها ليا هو متوحشتوش...😭😭😭
صافية : را عادي لوحم لا جاك عليه غا قوليها راني مجربة لوحم تانا فمهدي را مكنتش نحمل فيه شعرة ومرة نبغيه ميتفرقش عليا واحد المرة مبغاش يجي حدايا ونضت ليه نتفتو بالغدايد هبلت عليه فداك الوحدم حتى ولدت مهدي هبيل مقطع لوراق...
ليالي : ههههههههه
صافية : هههه ضحكي ضحكي ههههه جاوبيني واش توحضتيه هو ؟؟ را راجلك والغلط كيوقع بين راجل ومرتو وتاهو حالتو يعلم بيها غالله ميكنوضش ولات حالتو عدوه يتقطع قلبو عليه....مكيفيقش ديما سكران صحتو غاديا لور الله يرضي عليك غا طمنيه عليك وراني عارفاك توحشتيه ....بلا متكابري را هادشي الي كنديرو ممسلكش خاصو يعرف بولادو قبل ميفوت الفوت خاص يحضر ليك فوحمك وولادنك خاص يحس براسو مسؤول عليك وعلى ولادكم ...
ليالي : متوحشتوووووش اهئ متقوووولي ليه والو انا عيييت منو انا هربت غا باش نتفك من المشاكيل لا هو لا غيرو تقهرت ديما كنتقهر من اعز ناس عندي ديما كيغدروني اقرب ناس ليا واش وحدة فعمري كتقرا وعايشة شبابها حتى ليا انا مشفت غالهم براااكة لقيت راحتي هنا...اييي اهئ...
صافية : صافي صافي غا بردي درك يشدك لوجع ثاني ...
ليالي : اشنو غاديري ليا فهادشي الي طلبت منك الى مكليتها من ايديه نهبل ...
صافية : وراك فليونااان وهو فلمغرب حتى وكنتي فلمغرب كي غاندير ليك ابنتي را غايعرف ليك والى ساق الخبار منضمنش اش يدير...
ليالي : اهئ اهئ صافي ماشي مشكيل غادي نكمدها 😔..كملت معاها الاتصال ورجعت تكات كتبكي حتى غفات عينها ودموعها على خدها...اما صافية فكيف ما قطعت الاتصال ناضت جمعت الوقفة ومشات كتجري لبيت مهدي الي كان فهاد الاثناء كيتمعشق هو وسورجان ومنغامسين فبعضياتهم حتى حلت عليه الباب كان لابس غير بوكسر ناض بلخلعة وقف ..
مهدي : ويلي با 😳..
سورجان :" فتيليفون" اش واقع مالك ...
مهدي : بلاتي اسورةان قطعي ونعيط ليك من دابا شوي تنشوف واحد الفتاة دخلت تتحرش بيا...خلاها مفهمت والو وقطع...لوليدة مرة لقيتيني بالفرطة هاد المرة بلبوكسر لمرة جايا سلمي عليه ...واش متدقيش امي راني مبقيتش صغير...
صافية : ينعل طباسل مك راني مك وخارياك من كرشي اشمن نسلم غانطيرو لمك من جذر سكت خليني نهضر معاك...
مهدي : "شد حجرو" ااااح ويلي لا ...اش كاين..!!!
صافية : صافي هادي هي الوقيتة را كنديو ذنوبهم بجوج وخا هي بغات...
مهدي : واش غانمشيو عندو دابا را لوقت شوي غايكون معطل وحتاال لافران...امي ..."جرها "سيري تنعسي سيري يصبح ويفتح ان شاااء الله...
صافية : مال افران بعيد هاهو غا هنا ...شوف را هضرت معايا البنت عرفتي اش قالت ليا...بغات مطيشة وبصيلة وثومة وامليحة وفلفلة حارة مشحرين وهو الي يطيبهم ليها ...اش فهمتي نتا غا قوليا..
مهدي : مطمط هاححح شهيتيني اش بغيت ليك اححح ...
صافية : ياااربي صبرني...مهدي البنت موحشة راجلها غا كتكابر والوحم لا دين له والله تا بقاو فيا بجوج قهروني عليهم الله يرضي عليك اولدي يلاه نمشيو عندو دابا خاص يمشي عندها فاقربوقت عالاقل غير يدير ليها اش بغات وديك ساعة لكل حادث حديث...الله يرضي عليك مبقاوش فيك...
مهدي : قلتهااااا ليك الوليدة مكتصنطيش خليتيني نخبي على صاحبي ولادو الي كان كيتمنى يولدهم مع البنت الي بغا ...هاحنا رجعنا لهضرتي دابا كيفانديرو نقولها ليه. بربي تيجعر ويصيفطني على لاخور ...
صافية : تالديك ساعة وغانشوفو دابا خاصنا نقولوها ليه يوصل على مرتو وغانعيط لياسين باش يوجدها نفسيا بلى ميقوليها...
مهدي : والله مخايف على راسي قد مخايف على ياسين من هاد صعصع ديال غيث غاتبقا فيا غاديك الجزيرة مسكينة هههههه....
صافية : هههه سير الله يمسخك ...عرفتي اشنو لوحم نهار توحم مرتك على شي حاجة فشكل تقدر توحم ليك على شي حاجة نتا في فاس وخاصك تجيبها ليها من زاگورة ولا تخرج ليك فولدك...
شدو طريق نيشان لافران وفطريق كلها وهما هازين الهم كيفاش غايقولوها ليه وكيفاش غايهضرو وهاهو عرف ملي غايلحق عليها كيفاش غاتكون ردت فعلها وفعلو معاها ويكفاش غايحلو مشكيلتهم ...ولكن حطو فبالهم ولادو الي خاص يكون معاها وفجنبها ويتفاهمو بيناتهم لان كل متعطلو كل مالمشكيل زاد كبر وغايتورطو هما اكثر الي خباو عليه حيث هي في فترة لوحم غادي يعذروها وعاد تمشكلت معذورة من جميع ناوحي "ممكن" ...ودار فبالهم حالة غيث الي ولات فالحضيض الي مبقاش كيفرق بين ليل ونهار ...الخدمة خذا كونجي مفتوح بدون راتب باش يبقى الوقت الي بغا....فينما يسحى يرجع يتفكر انها مشات واختفات في ضروف بغفلة منو ومكانش متوقع غادي تغبر مدارش لحساب من شدة لغضب ديالو حيث مشات من بين ايديه مشا لعساس نيشان فرشخو عصا حتى هرسو وليزيد الي كان سبب الاكبر بقا محلف عليه حتى مشا ليه قدام دارو وضارب هو وياه مطلق منو حتى جاو ناس فكوهم بزز جعر عليه جعرة وحدة،، تسكف عليه (تجنن) ..خلاه غاب على الوعي وهزوه نيشان المستشفى والي هو الان مزال فيها حيث تشخشخ كامل...بالغدايد والقهرة عليها ولى كيف الثور الي شاف شي شرويطة حمرا ولا دم ...وصلو نيشان لفيلا حل ليهم العساس الي جا جديد ...
مهدي : "لعساس" واش كاين دابا فدار؟؟
لعساس " سي مهدي من لبارح فصباح بكري مخرج وهو فلفيلا ...
صافية : الله ياربي على ولدي واش هاد الحالة ...
مهدي : لا حول ولا قوة الا بالله بففف...دخل وبلاصة طوموبيل دخلو لفيلا كيقلبو عليه حتى لقاوه فلبيت ناعس مجبد فناموسية قد سخط زادو عضلاتو برزو وورمو وخاشي راسو بين جوج مخاد لابس بوكسر وحدو وداير لخوامي والبيت يعطعط بريحة نعاس...
غيث : گرييييييك !!! وات ذا فااااك ...شكون رسلها تم ووراقها وهاد المدة كاااملة شهرين وزيادة ...شكوون داها تم...
مهدي : انا ولوليدة ...يلاه بغا يكمل محس الا بكروشي جاه فلوحه نيشان تا ولى منخرو يشرشر بالدم...فااااك ...
غيث : الله يعطيكم الغرق تفووو على دينكمكم الز*** علاااااش علااااش مشفاتكمش حالتي كل نهار كنتقطع كل نهار قلبي بغا يموت عليها وهي بعيدة عليا علااااش اخر واحد كنت نتسنى منو يدير هكا علاااش اربي...يلاه كيهضر وهي دخل صافية حطت لقهوة فوق لكوافوز ومشات لعندو حطت ايديها على كتفو....ولدي هادشي كان فوق طاقتنا ومهدي بزز باش قبل نخبيو عليك اما هو مبغاش دابا نسا اش واقع تتحل مشكيلتك وديك ساعة حاسبنا كيف بغيتي سير حدا مرتك وقف معاها را مريضة وتوحشاتك وغا كتكابر وبقا فجنبها هي وولادك الي جاييني فطري....
سمع اخر جملة وهو يتشل ضار بالعرض البطييييئ وقلبو تهز من بلاصتو .. حال فمو كيشوف فيها بمعنى عاودي اش قلتي ...و ولادي...جاوباتو براسها وغمضت عينيها دموع دازو ليها بقا فيها بجهد على حالتو...حط راسو بين ايديه....الله ياربي ...
مهدي : "ناض جمع الوقفة كيمسح فدم الي دايز ليه ..مني شافو هكاك هو وصافية " صاحبي هي الي كانت مريضة وقع ليها انهيار عصبي وكانت غاتفقد ولادكم ووصاونا نبعدوها على لمشاكيل وهي دابا محتاجاك وخا كتكابر ...فاش تقاد وتوجد هاحنا كنتسناوك باش نعاودو ليك كلشي وسمح ليا اصاحبي ...غمز مو وخرج هو وياها لبرا خلاوه على خاطرو بقاو كيتسناو فصالة حتى سمعو خطواتو وقف عليهم لابس حوايجو وهاز صاك لي فيه لوراق ...
غيث : نوض تگعد قدامي نتا من بعد حسابي معاك نتا ولوليدة خيبتو ضني فيكم بزاف...مغاندير والو دابا من بعذ ...يلاه بغاو يهضرو وهو يمشي خلاهم بلاكة ....
اصبح يوم جديد يوم مشرق ومبهج ...من بعد ليلة لبارح الي بكات فيها بدموع ...ناضت عينيها منفوخين اول حاجة دارتها دوزت ايديها على كرشها الي كتزيد تبرز نهار على نهار ...ناضت بشوي حتى اعتادلت فلكلسة ورجليها مفرقين شوي ...ناضت لدوش دخلت لبينوار واقفة طبقت رشاشة ماء سخون دوشات مزيان حتى رخات عضامها وتوگضات وخرت لبست حوايج صيفيين حيث كان صيف دخل ...لبست كسيوة فالاخضر ملكي ...وفوقها كاب فالمارون دارت تيليفون فايدها ولكيت فودنيها ...هبطت سخنت حليب وطوست حمصاتو ودارت فيه جبن بلدي وعسيلة ...#تفكرت...
غيث : شربي حليبة فيها معيلقة لعسل وفيه فليو احبيبة مزيان ليك ... وهي كتفكر ابتاسمت لا اراديا حتى نزلت دمعة على خدها سخوونة ....توحشاتو بزااف ولكن كتكابر وتزيد تكابر مرضاتش ...مسحتها وهي تهز فطورها فطرت وجمعت لماعن ...وهي تخرج قدام الباب لقاتو واقف فالشرفة الي كطل على لتحت بحكم المنطقة فين ساكنة فجبل فوق البحر وفيها غير دروج ...حس بيها وهو يضور بابتسامة على وجهو ...شاب وسيم بزاف ..وعفوي فالهضرة وحتى فاش كيهضر معاك كيعرف كيفاش يكسبك غير بحلاوة لسانو....صباح الخير الزيين ..
ليالي : صبااح الخير خويا لعزيز ههه لوقيتة هي لوقيتة...
ياسين : واشنو راكي امانة من عمتي ...جبتي صاك ديالك الي فيه لحوايج..
ليالي : اوووبس نسيتو هففف وليت كنسى ...مشات كتجري دخلت هزت صاكها لي فيه لحوايج باش تحضر لحصة اليوغا ديال لحوامل الي تسجلت فيها كيهبطو يديروها فجنب البحر ولا فنادي الي لتحت...خرجت لعندو وشدو من عندها وهو يمد ليها دراعو....
ليالي : كن كاعما تبقى معذب راسك راني عرفت طريق ...
ياسين : مااشي مشكيل تانتي اصلا كنبغي كل صباح نتمشى عاد رجع نحل لعيادة ديالي ...
ليالي : هههه لعجب حال عيادة فجزيرة سياحية...
ياسين : يسس خاصك تعرفي ان اكثر مكان مناسب لطب نفسي هو هاذ البلاصة فين كيتفتح ذهن لواحد ويخرج طاقتو سلبية وحتى انه كيسهل عليا نجبد منو لهموم الي داس بحال شي ناس حدايا ...
ليالي : افف غاتبدا تاني ...
ياسين : وحتى ليين ...بلاتي شوفي فيا وفعينيا...شافت فيه وهو يركز مزياااان فعينيها حتى سرحاات...بيني وبينك متوحشتيهش هممم...شوووفي مزيااان...
ليالي : هااا تو توحشتو بزاااف ...شوي فاقت من لقلبة ...هااا لاااا لااا نسا عليا عفاك...
ياسين : منسااش شوفي فيا ...فكري بينك وبين نفسك كن كنتي بلاصة ولادك غاتقدري تعيشي بعيد على باك ...مغانقول والو دابا فكري فهاد القضية وحطي راسك بلاصة ولادك وبلاصتو هو وكلشي كيتحل بالعقل نتي راك توحشتيه وبزاااف وهاد لفترة حساسة عندك وحيدي دوك المخاوف وديك العصبية ...دابا زيدي يلاه نوصلك باش نرجع لعيادة ديالي ...
ليالي : غاترجع ليا ولا رجع راسي...
ياسين : الى مجيتش ازين رجعي راسك ...زيدي دغيا ونتي وليتي كي لفكرون لعرج...
ليالي : الله يمسخك ...
تابطت دراعو وهما يمشيو حتى وصلها لنادي دخلت دارت حصة ديال كيفية تعامل مع طفلك الحديث الولادة ...واليوغا نصحتهم لكوتش يديروها فدار فوقيتة غروب شمس مقابلين مع البحر ودارت معاهم ساعة و فين غايتلاقاو ...حتى كملت وهي دوش تم وخرجت كتسنى فيه مجاش وهي ترجع راسها وصلت لدار ودخلت بدلت حوايجها ودارت لغذا تغذات ورجعت دارت لاسييست وفاقت جمعت حوايجها ولبست لباس سبورتيف قبية سبور حد ركبة فلبيج ومكتوبة بالكحل وكلون فالاسود ولبست ايرماكس فلون لقبية ...جمعت شعرها بباندة وخلاتو مطلوق لور ...وهي تقاد مع المرايا بان ليها وجهها ولى شاحب ومنخرها تنفخ هو وحناكها وهي تعبس ودارت شي حاجة خفيفة غطات ليها شحوبية دارت مرطب شفاه ورشت بارفان وهزت صاكها وتيليفونها دارت لكيت وطلقت اغنية هادية وخرجت....
وصلت لبلاصة فين دايرين معاهم ...حطت صاكها وهي تفرش سجادة فوق رملة عاونتها لكوتش الي كتهضر معاها بالفرنسية ..حيث كانت هي لوحيدة الي عربية وسطهم وهي الي حاملة بثوام ثلاثة....فرشت ليها وعاونتها حتى گلست وشكرتها وهي تربع رجليها وكلست ...ضارت بجنابها بانو ليها كاع لعيالات جاو معاهم رجالتهم ومعنقينهم الا هي حست بغصة فقلبها ...رجعت تقادت وتبعت معاهم غمضت عينيها ومشاااتمعاهم فالخط وانساجمت تحت موسيقى امواج البحر فمنطقة معزولة على ناس.. حتى حست بايدين معنقين كريشتها ووجه مخشي فعنقها بلحية طويلة تكتها فعنقها ...شمت ريحة وهو يتهز قلبها الي ولا يضرب فتسعين ....
غيث : بيبيستا ...توحشتك ...باسها فعنقها حتى بورشت..
ليالي : 😳😳😳...بدات كتفيبري وهو يضغط عليها فوق ايديها...
غيث : ششش كالم كملي اش بادين والهضرة ماشي هنا من بعد ونتفاهمو الحب ...باسها فعنقها بوسة حتى تسمعت...
شهقت بالصدمة وهي تبدا تفيبري ليه وهو يضغط عليها بايدو وزير عليهم من فوق كرشها الي حس بيها بارزة ...شش كالم تبعي اش بديتي والهضرة والعتاب والنقاش فالدار وديك ساعة ديري الي عجبك...
ليالي : مقدرتش تفنفن ولا تعصب ولا تعاتبو ..ريحتو الي توحشتها وكتمناها من نهار تحطو وليداتهم فكرشها خلاتها تبنج وتنسااا وهي ضربها توكيضة...حيد ايديك عليا 😡😡..
ليالي : بغات تهضر وهو يقاطعها غيث ...لا ليس هناك مشكلة نقاشات بسيطة بين زوجتي ،،قرب ليها لودنها...غاتخلينا هانين ولا راك عارفاني غادي نقلب دنيا هنا تركني لارض ...بدات كتعض فشفايفها بالفقصة ..
غيث : عضي فدوك شنايف را غانطيرهم ليك ...اححح...
ليالي :"ضرباتو بمرفقها لكرشو"
غيث : اوووپااا ..تمجهدتي ابنت الهم ...دوزو الحصة ديال ليوغا بزز مخلاهاش تركز فينما تسهااا وتمشي ينغزها من شي قنت حتى عصبها وهي تجمع الوقفة ...
ليالي : وااااش قلت ليك بعد مني ولا لا ...مشات كتهز فحوايجها بنترة وكرشها ممدودة قدامها كتحرك كي شي فكرونة جابت ليه ضحك...هزتهم دارتهم فصاك واعتاذرت من لكوتش وزادت وتبعها....
غيث : هههه دابا مالك فهادشي اش فيها لا كملتي ومتديهاش فيا انا ...
ليالي : "ضارت كتشوف فيه وشرار خارج منها" بعاااااااد مني وبعد صااافي لاااش تابعني لاااش ياك خلييت ليك كلشي خليني عليك ياك عطيتك تيساع ياك هادشي الي بغيتي ...را غانقتل راسي ومبعدتي مني ..
غيث : مااااابغيييييتش نتفرق عليك النم راك مسمعتيييييش الكمالة مااابغييييييتش نطلقك غيييير قلت ليه هكاااك ...سايستو بااش يعطي تسجيل حيث الكااامبويا مبغاش يعطي تسجيل تنعطيه لكلمة وعارفني راجل كيوفي بالكلمة...
ليالي : هههههه وغاطلقني باش توفي بكلمتك ياك ههههه ومالك مطلقتيني اخويا....
غيث : غانخوي لمك ضراص ...اه طلقتك فنضرو هو ... ولكن غير عطيتو ورقة مزورة الى شفتيها تحلفي عليها حقيقية كلشي فيها مصاوب مشك فوالو وهكا غانكون بينت ليه راني عند كلمتي وفالمقابل انا مطلقتكش وفرشخت مو راه فسبيطار كيجمعو ليه بياسو ..
ليالي : اويييلي حي
غيث : وندير ماكثر ... عمرني منطلقك ولا نتفرق مع مك انا ملقيتك والله مك لا تفكيت منك قاليك غانطلقها...اجي وعلاش مقلتيش ليا على ولادي 😡😡😡...
غيث : قربها ليه تال عند وجهو...ونطق بغضب ...را ولادي تا انا وتخبية الي خبيتيهم عليا مزال منسيتها ...تنمشيو لدار...
ليالي : مكاين بو دار مكندخلش رجال لدار بعد مني وتا انا معمري نسا شكك فيا ...صقلتي تعادلنا يااك...وحطني وسييير فحالك وهادو ولادي اناااا...
غيث : تحنى لودنها...شكون عطاك روشارج هممم ودرت معاك لمزيان ،، عرض تريبل روشارج الحب باش تعرفي زمانك رجووولة الحب ...جر ليها ودنها بفمو حتى تهزت...
ليالي : هاممم ...واحطني خليني نمشي ...
غيث : واااخا هاني ...حطها...وقربها ليه تا لصقها معاه. ودور ايديه على خصرها كيطلعهم ويهبطهم على ضهرها بحركات بورشوها وزاد قرب وجهو ...عاد انتابهات ليه كان لابس تيشرت مطرطق عليه فالابيض وشورط بيج وايرماكس ..جسمو الي زاد عراض ولحيتو الي طوالت ولا كيبان اكثر فاكصر جاذبية تمناات طري عليه وحاضية فمو كيهضر وهي مكرهتش تنقز عليه...
توجهات بيه مباشرة لدار ولكن في طريقها صادفات مجموعة من النساء الراهبات الي خارجات من "الدير "...كتعرف وحدة فيهم ديما كتصادفها فطريق وتبتاسم ليها واحيانا كتلقي عليها التحية ...شافتها وهي تبتاسم ليها وانفاصلات على المجموعة باش تجي تطمان عليها وليالي بادلتها الابتسامة....
ليالي : انذاكسي ،،افخاريستو..بيخير،،شكرا لك..."حطت الراهبة ايديها على كرشها كتقيس فيها وكتمتم بفمها وغمضت عينيها شوي وهي تشرعهم شافت فيها بصدمة ...هضرت معاها ولكن مع الاسف ليالي مفهمتش ...شافت في غيث الي كان كيشوف هادشي كامل ومصغر عينيه...ابتاسمت ليه ورجعت ابتاسمت ليالي ومشات خلاتهم مفاهمين والو....
كملو طريقهم نيشان لدار ...دخلت حلت بالساروت كلست باش تحيد الايرماكس حست برجليها تزيرو...بدات كتحيد فيها ومع مبرزطاها كرشها كيتسمع امم افف اييي ففف اهنن...هو كان كيكتاشف دار الي فيها حتى سمعها ضار جيهتها وهو يبتاسم مشا نيشان تحنى عند رجليها شافتو وهي تحبس...
صافية : ولدي مزااال عندك الوقت الي تعايرنا وتعاتبنا فيه حنا مبغيناش هادشي ولكن للضرورة احكام اوليدي (عاودت ليه كلشي كيفاش حتى عيطت ليها وتوصيات طبيب باش متعصبش مخبات عليه والو) الله يرضي عليك غا على وجه ولادك ومن بعد تفاهمو غابالعقل وكلشي غايتوضح الله يرضي عليك لبنت من الي عقلت وهي فمشاكل كبر من عمرها بديتي خيرك كملو كنعرفك وقت الجد بعقلك وعاد نتا كتبغيها شد ليها لخاطر را والله تا باغياك غا لوحم مخربقها ودابا را مكرهتش تكون حداها والي قالتها ليك قول اه وسايرها..."رجع لواقع" ونطق ...
غيث : كحز لكرسي حتى لعندها وجر لكرسي تا تشابكو رجليهم...كيهضر وكيقرب ...هممم متاكدة باغاني نمشي..
ليالي : "تنهدت" ماعرفتش ..
غيث : صبري بعدا نمسح ليك فمك الي تجلخ...
ليالي : ارا فوطة راها تم نمسحو..
غيث : تت غانسمحو ليك انا...يلاه بغات تسولو وهو يجرها من عنقها لصق فمو مع فمها حتى خشاه وسط فمو كيمص فيه ويجر ويلحس ليها فجنابو وحتى هي كيف حط فمو نسات راسها ومشات ورا رغبتها فيه بادلاتو البوسة الي كان صداها كيتسمع فارجاء المطبخ وصوت انفاسهم العالي كمل لحيس ورجع خشا لسانو كيجر فلسانها كانو كيتباوسو بوتيرة مجهدة موحشين بعضياتهم بجهد...حتى فصل لقبلة حيث حس بيها تخنقت...حط جبهتو على جبهتها...والله حتى توحشتك بزاف سمحي ليا احبيبتي سمحي ليا بزاااف..
ليالي :"كتهضر ودموعها دايزين.." صعيب صعيب اهئ نتا شكيتي فيا عارفني من نوع الي كنحشم ورغم ذالك ثقتي فيه وانا لا علاش اهئ حط راسك بلاصتي هادشي الي صرني اكثر من مسالة طلاق ..علاش...يلاه بغا يهضر حتى تكوانسا ..وشد كرشو كيحس بالم حاااد الشي الي خلاه ينزل لارض وهو شاد كرشو...
شد كرشو كيتالم اول مرة كتشوفو بديك الحالة ضعيف ...تخلعات معرفت مدير ولات كدور وشادة كرشها...كتشوف فيه شاد كرشو والعرق هابط ليه ومزير ...فمها نشف بالخلعة وقلبها ولا كيضرب ...مشات ليه ..
ليالي : اويلي على شوي وغايمشي اهئ شوف حالتك...يالاه بغا يوقف وهو يبدا يكحب حتى كحب دم من فمو الشي الي خلاها وخلاه يتصدمو ...ليالي وجهها ولا صفر كتحس بضبابة على عينيها وقلبها كيضرب بجهد حتى شدت فكرشها من تحت...اففف...نوووض نمشيو لطبيب...
غيث : لاا بلاش شوي وغايحيد..
ليالي : انا لاش كنقوليك ...انعيط لياسين..
غيث : شكون ياسين 😡..
ليالي : وباااز شاد كرشك ومعصب..راك عارف شكون ياسين من بعد الهضرة..هزت لفون وتاصلت بياسين...الي كان فهاد الاثناء فدارو الي قريبة شوي لدار ليالي ...جا طاااير لعندهم...
ياسين : كيشوف فغيث الي شاد فكرشو وليالي محنية عليه كتمسح ليه في فمو وشاد ايديها كيطمنها عليه...اش واقع ...غيث ياك لباس ؟؟
ليالي : اهئ اهئ ماعرفتش مالو "وراتو كلينيكس الي فيه دم" شوف...
ياسين : يلاه اصاحبي لطبيب دابا جيبي ليه ميلبس...
غيث : ممالي والو ماشي شي حاجة را غايمشي ...اففف ...
ياسين : زمر لواه زيد زيد باقي قصوحية راسك هي هي ...ليالي طارت مشات جابت ليه تيشرت الي كان لابس وشورط...يلاه بغات تعاونو يلبس...
ليالي : عاد نتابهت ومشات لبيت لبست عليها وهزت لفون ولحقت عليهم ..طلعو بتلاثة فين كاينة طوموبيل وركبو ورك نيشان لاقرب مستشفى كيف دخل هضر مع الاستقبال سول على طبيب صاحبو فالمستعجلات ودخلو عندو ديريكت ...بقاو اكثر من ساعتين وهما تما..حطوه فوق البياص ...
طبيب : "كيهضر معاه بالانجليزية" من بعد راديو والايكو الي درنا ليك ..عندك الكبدة على شوي وغادي تقاص ليك من كترت الخمر ...وتحاليل الي درنا ليك اكدو لينا هادشي عندك نسبة الكحول مرتافعة...غانعطيك هاد دوا وغاتبع هاد تريتمون مزيان ...وبعد على الكحول بمرة...مبغيناش يوقع الاسوء ...ويولي ادمان ومرض خطير هاد المرة عتقتي راسك بالشفاء..دابا غادي يخفاف الالم حيث ضربنا ليك ابرا...ساعة وتقدر تخرج..ابتاسم ليهم وخرج وتبعو ياسين...بقا غير هو وليالي كان متكي في البياص في المتعجلات...شاف فيها لقا دموعها دايزين...
غيث : قلت ليك اجي ..اففف ...غمض عينو بجهد ورجع حلهم ...غير اجي راحتي ونتي حدايا...ناضت قربت كلست وهو يتكيها وتكا جرها عليه فوق صدرو...نتي غا خليك معايا وغانولي لباس ..انا شراب كنت كنشرب قبل منعرفك وفاش مشيتي غبرتي هربتي بغفلة مني ماعرفتش كيفاش درتي حتى خرجتي فداك صباح انا كنت عاد دخلت مع ربعة صباح طحت كاو كنت سكران حتى انا كنت مقهور كتر منك...وملي غبرتي وملقيتكش واستسلمت صافي تم كان ونيسي هو شراب متقبلتش فكرة انك مشيتي ومغاترجعيش ...انا كنغير عليك وقلتها ليك غيرتي عليك عمية ايه شك دخليا ورغم ذلك جيت وسولت ومكنتش غانخليك...
غيث : عااارف وحتى انا فاش كنت قدك عشت ماسي كثيرة داكشي علاش ربي كتبنا لبعضياتنا بجوج حيث عندنا نفس الهم ونفس الحزن ولكن بطرق مختلفة...خشا وجهو فشعرها ..سمحي ليا بزاااف...وبراكة علينا من هاد المشاكيل بغينا نعيشو هانيين غير نولي لباس ونمشيو عند طبيب نشوفو واش يسمح ليك نرجعو فحالنا...ونشوفو هذاك الوجع الي ولا كيجيك بزاف من اش...تفاهمنا؟؟ جاوباتو براسها ...وهو يرجع ضمها ليه حتى وصلت لوقيتة وهو ينوض ونوضها...يدخل عليهم ياسين....
ياسين : وليتي شوية دابا...
غيث : ااه وليت شوية وقريب نخلي عشت مك غا صبر...
ياسين : ههههه ناري نتا هو نتا اصاحبي...
ليالي : "قربت ليه" حشومة عليك تفرق عليه هاد لمدة كاملة الي كنت هنا وهو كان كيرافقني كان ونعم الصديق...
غيث : واااخا على حبك ونعم صديق جيتي لمك تكوني ليا صداقات مع رجال ..
واقف قدام شرجم كيشوووف وسارح بخيالو وافكارو كيعاود يتفكر كل ما جرى من اول ماتعرف على ليالي حتى لاخر لحضة الي فيها هو دابا...وجهو الي باقي كلو كدمات وتحت عينيه ازرق ...وايدو الي رجع دار ليها الباندة طبية وهاد المرة دار لحديد حيث تعاودت فالهرسة ...تفكر نهار المضاربة بينو وبين غيث الي فرشخو ومخلا فيه بياسة صحيحة ومضربها...وخا تاهو مقصرش ضاربو نيت ولكن فالاخير قضا عليه حيث كاين فاير بالغضب ...سمع الباب تحل وهو يضور ...دخلت عليه بوجهها البشوش الي من نهار خطبها عمرو مزارها ولا شافها وخا اخر مرة عرف انها كتبغيه طلب منها تنساه ولكن بقات متشبتة بيه ومستسلمتش...شافت فيه وابتاسمت ...
منال : كيف بقيتي دابا شوية ؟
ليزيد : شوية شكرا ...ضار جيهة الشرجم...
منال : احم الله يشافيك انا جيت مع ماما الى خاصاتك شي حاجة انا موجودة...ضارت حلت الباب وهو يدخل علي خوه الي شافها عينيها مغرغرين ابتاسمت ليه ومشات ..مشا حدا خوه ونطق...
علي : علاش كتصرف معاها هاكا ؟؟ حتى لين اليزيد علاش متوگضش اخويا وشوف حياتك معاها ...اش جاك من الحب ديال ليالي اش جاك لبنت شافت حياتها وتزوجت... نتا مدافعتيش على حبك وسكتي وعييت معاك ولكن ربي مكتابش...
ليزيد : افففف
علي : هانتا تفرشختي واضاربتي ومتقدرش تبلغ بيه حيث واصل ونتا غير اوفيسيي مدرتي والو عارف هاد البلاد كيف دايرة ونصيبك فيها معندك مادير...
ليزيد : عيييت بمعنى الكلمة حاولت ندافع على حبي وتكون ليا ولكن كان حبهم اقوى من كلشي عرفتي كيبغيها بجهد وخا طير لسما وتنزل لا تزلزلو شاد فيها شدة العما فضلمة بففف...
علي : هذاك هو نصيبها وهذاك هو الحب الحقيقي ديالها هي ونتا حااول تفكر وتبحث وغاتلقا حبك الحقيقي...وملي تبغي هاد البنت الي خرجت عاد غاتعرف الحب الحقيقي ديالك...حاول تشوفها وبغي الي يبغيك وليالي مكانتش كتبغيك...طبطب ليه على كتفو وخرج خلاه كيفكر تاني وسارح بخيالو في الهضرة الي هضر معاه......
.....
جالس فصالة متكي كيتفرج فماتش الكلاسيكو "برشلونة /ريال مدريد " كياكل فضفارو ..كان من مشجعي ريال مدريد مجنن معاهم ياالاه يبغيو يماركيو ويجمع لوقفة حتى كتزگل لكورة...
مهدي : "بعصبية بزق ليهم " وحاااااكو هااح تفوو وقدامك اصاحبي قدامك ينعنلكلبوك...بفف..رجع كلس فوق الفوطوي كياكل ضفارو...وييييلي على المريوة وييييلي ...هو هو هاااااذااااك زيد زيييد يلاه الدون دووووون كريستيااااااانو يفعلهااااا وااااا يوااااازااااع...يااااس ...كلس فرحان بالبيت الي ماركاه فريقو المفضل حتى سمع صوت الهضرة طل مبان ليه حد وهو يرجع ضار جيهة لماتش مركز....حتى دخل عليه هز راسو..
مهدي : باااااا علييييي
علي : سيدي مهدييييي ...ناض وقف تسالم معاه مهدي...عاااش من شافك الخو وايواي غبرتي تابياضيتي اصاحبي...
علي : ويييلي كنت نضل يالحبيبة على بطاطا ولفرماج وليگوماج منقولكش شهوة منهم ايييفيكاس يالحبيبة حتى ندير ونقيد ليك....
مهدي : هههههههههههههه الله يمسخ مك...نورتينا اسي كي طرا جيتي فهاد الوقت ....
علي : هههه صافا كلشي لباس ...قلت ليك غانجي نكلس معاكم واحد المدة عندي فورماسيون نسيتي ...
مهدي : ااااييييه...
علي : واحد مولاي سلطان نتاااع غيث شني اخباارو...
مهدي : مع المدام ديالو فليونان...من بعد يكمل لماتش ونعاود ليك القصة بتفااصيل المملة غانديرو واحد الجلسة مع دكة نتااع اتاي من ايدين الحب تاعنا صافية ونعاود ليك...
علي : هيييح على حبي صافية... اييه تا هذا نضر...ضار جيهة لبلازما...اووو ولد لحرام هاد الحكم تيجي من حيهة البارصا...شوف شوف زيد هذاك ولاا
قصة ليالي الغيث الجزء العاشر
محتوى القصة
التنقل بين الأجزاء