بمشية رجولية جذاابة جدا...تمشى بخطوات ثابثة...تحت نضرات حادة جدا على غير عادته المعهودة ...دخل لممر المستشفى الي داز وكيعرفو كيشير ليه بايديه اما هو كيكتفي غير بتحريك راسو...حتى تلاقى بالطبيب الي مسؤول على حالة المعتقلة...هضر معاه على حالتها...سلم عليه ومشا فاتجاه الشومبر ديالها...كانو حراس الامن واقفين عند بابها...حناو راسهم وهزوه وكحازو باش يدخل لعندها...قصح نضرتو اكثر فاكثر...حل لباب ودخل عندها لقاها ناعسة...قرب ليها ...بقا كيشوووف فيها ....كانو نضراتو اول مدخل شافها نضرات فشكل...نضرات دهشة ...حتى تحولو لنضرات جد قاصية ونضرات مليئة بالحقد والغل والكره...كرز على ايديه حتى مشا منهم دم وبانو صفرين...وعروق ذراعو برزو بشكل كبير...حلهم وقربهم بحال بغا يقجها ورجع رخفهم ...ضار ضورة ورجع منين جا ...حل الباب وخرج...
....~~~على تمام الساعة التاسعة صباحا من اليوم الموالي...~~~~🌞🌞🌞
گالسة في جنب ناموسية ....عاونتها لفرملية حتى لبست حوايجها الي جابتهم ليها صاحبة ماماها حطتهم ومشات...لبستهم وقادت ليها شعرها جمعاتو...وهيا شبه موجودة..ساكتة مكدويش الي قالتو ليها كديرو بلى متهضر...يلاه كتسد فصاك حتى دق الباب...ودخل...حست بيه وهيا تهز راسها...وعينيها غرغرو...
ليزيد : ليالي ...صباح الخير كيف بقيتي شوية؟
ليالي : الصمت..كتشوف فيه بترجي...قهراتو حالتها رغم الاخبار الي انتاشرت الا انه الوحيد الي ثيقها ...حبو ليها بل حتى انه كان سمع بكلشي وقع وهو الوحيد الي غاينقدها من السجن ولكن مايقدم شهادتو حتى ياخذو اقوالها...وعلى مقال ليه المحامي الي كلف ليها بالي غايقدم شهادتو فالمحكمة حيث ضروري غاتقدم امام وكيل الملك....وهادشي الي خلا الضابط المكلف ولان اليزيد خطيبها فهو ميمكنش يتكلف باخذ اقوالها وكان الضابط لاخور هو الي غايتكلف ....وهو الي دق ودخل عليهم ....
الضابط : سي اليزيد صباح الخير...
اليزيد : اهلا ضابط جمال...صباح الخير...
جمال : ممكن نهضر معاك على انفراد....ليزيد ضار عند ليالي...الي كان متملكها الخوف...قرب ليها...حبيبة انا غانهضر معاه ونرجع..ربت على كتفها...ابتاسم ليها..وخرج برا هو وياه...بعدو شوية على الغرفة...
ليزيد : وي تفضل كاين شي مشكيل ...
جمال : عارف بالي خاص ناخذوها من دابا شوية باش ناخذو اقوالها..انا على وجهك غانخليك تجيبها معاك ومغانجيبوهاش فسيارة شرطة...ولكن بغيت نبلغك انه بعد اخذ اقوالها احتمال مية فالمية انها تبقا اربعة ايام على ذمة التحقيق ومن بعد غاتحول لسجن بافران حتى يتقرر الحكم والي يقدر ميتقر الا بعد شهور حتى لعام راك عارف القانون هنا فالمغرب...انا بغيت نهضر معاك بوحدنا باش نحطك بالصورة وحيت عارفها خطيبتك ونتا صاحبي داكشي باش غانخرج دابا وتبعنا نتا وياها حتى المديرية هنا بافران ...وسمح ليا هذا قضاء الله ...
يزيد : حط ايديه على كتفو ...معندك علاش طلب سماح الي عليك كديرو ويكفي انك خليتيني ناخذها راسي ...يكون خير هيا دافعت على راسها ومزال شهادة ديالي وان شاء يكون خير ...اه بغيت نسولك بالنسبة للام ديالها؟؟
جمال : طبيب شرعي قال بانها توفات بازمة قلبية حادة...وغايسمحو بالدفن ديالها من بعد يومين...
ليزيد : واش تقدر تحضر بنتها لدفن...
جمال : ..غادي يسمحو ليها باش تشوفها قبل ميدفنوها لاخر مرة..من هاد ناحية متخافش من حقها تشوفها وتودعها...وانا غانوقف على هادشي...
ليزيد : لهلا يخطيك..يلاه انا نمشي لعندها ونتلاقاو بعد نص ساعة في المديرية...
جمال : ان شاء الله...
مشا ورجع هو لعندها...لقاها وجدات...وقفها ودار ايدو على كتافها وخرجها من الغرفة...خرجو من المستشفى...ركبها حداه وهيا لا حراك غير دموعها مرة دايزين راسهم مرة ناشفين...تقهر على حالها...شاف حتى عيا ودار ليها سانتيغ ..وديمارا موقف حتى لمديرية الي كانو قدامها البوليس عند الباب شي داخل شي خارج شافتهم وتفزعت ضارت عندو كتشوف فيه حتى بدا صدرها كيطلع وينزل وتنخصيص كيرتافع....
يزيد : ششش كالم ..اش قلت ليك ديك المرة ياك دافعتي على راسك...وقلت ليك باش يعرفوك خاص تقولي ليهم كووولشي من الالف الى الياء والي سولوك جاوبي ومتخافيش را ضروري من هادشي باش وانا غانعاونك واخا؟؟...ثيقي بيا كن ماثقتش بيك وعارفك مدايرة تاحاجة فنضرك غانجي معاك ونوقف معاك ؟ خاص حتى نتي تقولي ليهم باش يثيقو بيك فحالي تفاهمنا...هانتي غانعطيك وعد رجالة...غانبقا حتى نعاونك ونخرجك من هنا ونرجعو ونتزوجو كيف كنا مخططين ونسافرو بعيد كاع على افران وجوايها كلهم صافي؟ نمشيو فينما بغيتي...وشوفي المدينة الي عجباتك نتحولو ليها...
ليالي : بغيت نشوف ماما قبل ميديوها 😢...
يزيد : وخا غاتشوفيها دخلي دابا معايا باش نحيدو علينا هادشي الي تابعنا...تفاهمنا...حركت راسها بالايجاب...تنهد تنهيدة كبيرة..وهبط حل ليها الباب وطلع معاها لمديرية ...داز نهار كلو وهيا تحت التحقيق...حتى وصلت لعشية وخرجو بقرار انها غاتبقا 48 ساعة تحت تحقيق...ومن بعد غاتحول لمحكمة لبدء جلسات القضية...خلاها في المديرية متفرق منها غابالكشيفة حتى اقنعها كيف العادة...خرج من تما محطم حزين على حالتها والي وصل ليهم حالهم بجوج...مشا لدار ...دخل ديريكت حيد حوايجو بقا غير بالبوكسر دخل تحت رشاشة والما هابط دافي عليه...بقا كيخمم فالي وصل ليه حال البنت الي بغا اول مرة فحياتو وكيفاش تقلبت حياتها من فتاة شابة الي كانت البسمة مكتفارقهاش والخجل الي كيغلب عليها فور مكتسمع كلمة غزل او جوج...وكيفاش استقبلاتو الام ديالها وكيفاش كانو فرحانين وكيوجدو لخطبة الي كانت لو كملات غايتسمع صيتها في الفيلاج ....حتى تقلب كلشي وبلاصة مدخل القفص الزوجي فغادخل القفص السجني تحت حراس ومع مجرمين من يعلم يقدر يكونو مزيانين ولا خايبين...مشعرش حتى نزلت دمعة حارة بقات فيه بزاف...تفكر السجن والمجرمين الي غاتعاشرهم تم ويقدرو ياذيوها...بسرعة كمل تدواش خرج لاوي على نصو فوطة..هز تيليفون دار اتصال بمدير السجن الي هو نفسو صديق مقرب ليه وكان صديق الاب ديالو قبل ميموت وكيعامل ليزيد كيف الابن ديالو اتافق معاه باش يتلاقاو الغد ليه ...سالا الاتصال يلاه بغا يحيد الفوطة حتى سمع صونيط الباب...ودقان بالجهد ....
حل الباب...دخلت بسرعة هيا وخوه ...شاف فيه اليزيد...بمعنى مالكم اشار ليه بلا حول ...
ام اليزيد : انا جيت من البلاد باش نقوليك جوج كلمات...
ليزيد : وعليكم سلام..انا بيخير هاد ساعة يسول فيك الخير اميمتي...الوليدة ياك مكاين باس واشمن كلمات ...خير...
يزيد : بففف ااا..مي ...هبط لمستواها..شد ايديها باسهم...وااالوليذة واش عارفاني غادي ندي سخط من عندك...انا بغيت غير نعاون انا راني غانكون شاهد فالقضية وراني سمعت كلشي را حاول...
الام : مكاااااااين محاول وباش عرفتيه حاول ها علاش متكونش هيا غواتو اولدي را لوقت خيابت وبنات هاد الوقت راهم مبقاو يحشمو الله يرضي عليك الله يرضيييي عليك لا تقهرنييييش وتفرق عليها ولا را نسخط عليك دنيا واخرة...واش بغيتي تقتلني ...اهئ اهئ...
ليزيد : ششش صاف صافي الوليدة...انا غانمشي لبس حوايجي قبل ميضربني البرد ...ونتوما متمشيو فين فهاد ليل باتو تالصباح وسيرو.....خلاهم ومشا هو لبيت بمجرد مسد لباب تكا عليه وبدون شعور نزلو دموعو مقدرش يحبسهم ...صبر حتا عيا ...اشنو غايدير كيفاش غايعاونها وكيفاش غايقنع مو الي حطاتو بين نارين محيلتو لبنت من غير انها كانت غاتكون خطيبتو ولا كان كيبغيها ...بل حتى هيا انسان ومضلوم والشاهد على هادشي هو بذاتو ...بقا كيفكر حتى توصل لقرار فنفسو والي غايطبقو والاهم هو يرضي ضميرو...وفنفس الوقت ميقلقش مو...
في صباح اليوم الموالي....وفي احد مقاهي المدينة...كان الجو بارد والندى كيهبط...گالس كيتسنى وكيشرب فقهوة كحلة مقطرة...حتى وقف عليه...هز راسو وابتاسم...
اليزيد : سي عمر اهلا اهلا عاش من شافك...غبورات هدي...
عمر : وغير الوقت اولدي ...يزيد : گلس گلس...تشرب شي حاجة...
عمر : ايه واحد نص نص ...طرطق بصباعو لناذل...طلب ليه اش بغا...وضار لعندو...
ليزيد : عمي نتا في مقام الوليد وصديقي قبل من كلشي...
عمر : وهدي فيها شك...
يزيد : غاندخل معاك في الموضوع...مهم.....(شرح ليه كلشي)
عمر : ايه اولدي على راسي وعينيا ولكن نتا مفراسكش بالي هادي اسبوع باش خرجت تقاعد...نسيتي...فاش قلتي ليا غاتجيب ملفات سجناء لديك الجمعية وكنت كنهضر ليك بالي جاني بلاغ بالي غانتحال لتقاعد...
يزيد : ااااه بفففف نسيييت ...والله مبقا عندي عقل...ودابا اشنو لمعمول راني خايف عليها..وهيا را ماشي ديال داكشي عالاقل غير حتى تبان برائتها...مسالة انسانية ولهلا يطيح شي مسلم فيها...
عمر : شوف اليزيد طلبتي مني طلب ومغنردكش ...انا فاش بغيت نخرج تقاعد عرفت بالي جا فبلاصتي مدير باقي شاب على ماعرفت عندو ديك 33 عام وكان داير فورماسيون فامريكا فواحد من سجون الي تما وقالو ليا بالي طبعو قاصح بزاف ...ومكيتساهالش ومكيرحمش وراك عارف فورماسيون فاحد سجون امريكا وبالصبط سجن غوانتنامو ...واختاروه لكفائتو ونضرا لانه ولد البلاد...باش يكون مدير هنا وفنفس الوقت غايقري حتى الي دايرين فورماسيون هنا فافران...ولكن على حسب المعرفة وسنين الي دوزت فهاد السجن غانهضر ليك مع مليكة...هيا شاف ديال لمرابيين ( گارديان) ...هيا بحال بنتي ومكتخسرش ليا خاطري وكون هاني من ناحيتها...
~~~...ضرباتو الفيقة على صوت المنبه...هز ايدو كيقلب عليه...حتى حبسو...كان خاشي راسو بين جوج مخاد كبار...شاد ناموسية كلو بديك طولة تبارك الله مسرح رجل ولوخرا بحال لاويها ....وضهر عريض مورم ...واشم لفوق خطوط...لابس شورط قصير حيت البيت سخون فيه الكليمة سخونة...هز راسو ...وضورو...حل عينيه المرمشين لونهم اخضر فاتح...ونضرات عندهم بحال نسر...ناض وگلس حتى توگض ...دوز على شعرو بايديه...وقف ومشا ديريكت لدوش دوش وشالا لقا فوطة في العلاقة هزها ولواها على خصرو...وفوطة كيمسح بيها عنقو ووجهو...مشا لمراية..شذب لحيتو شوية وخففها...ورش ديودورون...حطها...وحك سنانو ...غير غسلهم ...شوية حتى تفكر شي حاجة...وهز راسو كيشوف بعينين بحال جمر...ودار ابتاسمة جانبية...ورجع غوبش ...كانه كيتحلف....
دازت يومين بالضبط واليوم هو اليوم الثالث...كانت گالسة مقنتة...وحدها في الحجز..كانو فيها هما شي خمسة وكل وحدة ولاش محتجزة...حاطة راسها بين رجليها..ودموعها دايزين...تقهرت تدمرت حياتها كلشي جا ضدها حتى انها تشوف امها للمرة الاخيرة وتسامح معاها هاد الحق الوحيد للاسف معطاوهش ليها علاش هادشي كلو كيفاش مقدروش يخليوها تشوف امها حق طبيعي ليها...حاول اليزيد خفية ومن بعيد يدخل ولكن جميع محاولاتو باءت بالفشل...مكان بايده حيلة غير انه يصبر حتى يستدعيوه باعتبارو شاهد في القضية...بقات خاشية. راسها وتاوحدة من تم مقربت ليها باوامر من الضابط جمال...مخلينها في حالها وهمها الي يلاه يكفيها وموحال تقد عليه...بعد دقائق تحل لباب...نادا عليها باسمها الكامل..هزت راسها ببرود ناحية المنادي...وقفت ومشات ناحيتو دار ليها لمينوط ومشا بيها في اتجاه مكتب الضابط لاستكمال الاجراءات ديال نقل لسجن....الي غاتمشي ليه.....
~~~~~|تفتح الباب الكبير ديال سجن...الكل عطاه سلام دخل بسيارة نوع رينج سوادء حتى من زاج اسود...بمجرد متحل لباب ورك عالفيتاس بسرعة دخل وبلاصة طوموبيل بطريقة احترافية...فلبارك الخاص بمدير سجن...هبط من طوموبيل...اول مترجل بان صباطو الكلاص لمعانو كيتير الانتباه...وسروال اسود ديال توب..حتى هبط كلو ....شخص طويل بزاف لابس قميجة سوداء وكرافاط سوداء من غير فيست...كتافو عراض داير نضاضر رايبان...بقا واقف حتى كما سيجارة مزيان ،،وصل فيها نص لاحو وعسف عليه برجليه...هبط نضاضر شوية حتى شاف المحيط ورجعهم...سد لباب وتم غادي سد طوموبيل بلكونطاكت بلى ميدور جيهتها وتم غادي كيقاد فكول القاميجة...لقا فاستقبالو كاع لكارديان برتبهم كلها...سلمو عليه اما هو غير كيهز. راسو ويبتاسم شوي...كمل من تحية وطلب منهم كل يمشي لمكتب ديالو وكل يحضي خدمتو بقاو غير جوج من المرابيين الممتازين....الي تبعوه حتى لمكتب الخاص بيه الي بدلوه وزادو وسعوه اكثر....دخل ودخلو معاه...
مهدي : اناري اصاحبي غا لابغيت ندخل عندك خاصني نطفي تيليفون ونخليه عندهم ونعلق لبادج تا راني غاجاي نزورك حفضني الله عيطت ليك وعلمتك اما والله لا حلمت حتا نشم ريحتك...
غيث : هذا هو قانون السجن ...تشرب شي هاجة...
مهدي : كيعيب فيه شي هاااجة شديتي لاليصونص ديالك وزدتي لامريكا ضربتي فيها 11 عام فلسوك... لا اخويا مبغيتش هاجة بغيت حاجة واخا طلب لينا قيهوة كحلة مقطرة...
غيث : اوكاااي...
مهدي : كيف جاتك خدمة لمدير...اميييمتي ملقاوك غانتا تكون مدير...قفارت عالشعب...خنزر فيه ...اااهيا ناري...صاف صاف نسا...فين خليتي ديك سنة الحرام...
غيث : وات ؟؟ اشنو هيا سنة حرام..
مهدي : تانا سنة سنينة...
غيث : دوي ال***
مهدي : سينتيا سينتيا 😓
سينتيا سينتيا...
غيث : بقات تما تنقاد اموري هنا وعاد نشوف واش تجي عندي مرة مرة ولا نمشي عندها...الى تاحات ليا فرصة على حسب...
مهدي : يا ناري ياناري مالك مالك تفلستي اصاحبي..هاهو م*** اعوذ بالله طلع البدر علينا...بغا يفلسني تانا...هاني مشيت نتشاوفو فالعشية ...
غيث : اوكاااي....مشا صاحبو خرج ورجع هو كمل اش كان كيدير...حتى صونا ليه هاتف المكتب كيخبروه بالي دفعة ديال نزلاء جداد فئة نساء غاتوصل من بعد ساعة...طلب باش يرسلو ليه لاليست ديالهم...غير وصلاتو بدا كيقرا فيها حتى وصل الاسم الي غير ليه ملامح وجهو الي متبدلات والو فقط عينيه الي رجعو حمرين دم ولون عينيه زاد فتح بكترت الضغط....
دازت ساعة وصلو لتيفلت امام سجن المحلي...تحل الباب الكبير وخرجو ليكارديان...دلخت لوندروفير ديال شرطة هيا لولة وتبعها الكار الي محمل نزلاء السجن المحلي جداد....دخلوهم كل مجموعة مشات لبلاصتها...اما تعيسة الحض المضلومة من طرف المجتمع قبل القانون...فاول مدخلت وسدو الباب من وراها حتى قفزت وجمعت ايديها عندها...مجموعة من نساء تما كل وحدة كتشوف فيها...هالي كتحصر على جمالها الي دخل لسجن وممكن يذبال والي كتحصر على شبابها الي غايضيع داخل قضبانه...والي شادها الغيرة منها ومن جمالها وفورمتها الجذابة رغم المشاكل بقات كما هيا....والي والي....وهيا واقفة تقدمت ناحيها امراة فسن الخمسين...ووحدة فالعشرينات من عمرها....حتى كحزت لور بخوف ..بنتي اجي متخافيش...اجي معايا نوريك بلاصتك..ياك نتي اسمك ليالي...اشرت ليها بنعم...غير اج را وصاتني عليك ختي مليكة ديريني بحال ميمتك...غير سمعت بحال ميمتك مشعرت حتى رمات راسها على حضنها واطلقت العنان لشهيقها شدت ليها فتريكو وتكمش فيه كتبكي خرجت كاع داك القهر انها مشافتهاااش ومودعتش أمها لللمرة الاخيرة...ولمراة مدواتش خلانها تبكي على راحتها حتى حبست ووجرتها داتها لناموسية فين غاتولي تنعس فيها كاينين ناموسيات وحدة فوق وحدة شومبر كبيرة بزاف كتهز تلاتين سجينة تقريبا او اكثر...كلست وكلست حداها ولبنت لوخرا...حتى هيا..اناا ابنتي سميتي نعيمة وهادي فاتي ديريها بحال ختك نعسي رتاحي وتاتنفسي واجي عندي نوريك فين تستفي حوايجك...وتالمنبعد على متولفي وخا صعيبة عليك..ولكن متخافيش غاتعرفي وتعلمي اش تولي ديري وكاين حتى ورشات وحتى اساتذة ومراكز تعليم سجناء مهم من بعد ونهضرو
....
السلام ...وانا فريحة ولافرح الي بغيتي ...حتى ترتاحي ونعرفك عليا اكثر ونوريك اشنو تعلمي ديري ....
نعيمة : فتيحة...تلاحي من قدامي حسن ليك وفوتي عليك البنت...شافت فيها بحقد وضارت مشات لبلاصتها مع شي بنات غير شوفة فيهم تهربك بالخلعة....
تماسات العشية وهيا مزال ناعسة غطت فنووم عميييق عالاقل ينسيها فالي هيا فيه ....وصلت ديك ستة لعشية...حتى كتحس بشي حد كيوخزها من ضهرها...
فريحة : حطت عليها موس...اييه غاتنوضي تگدي ولا بربي تتوادعي مع خنشوشك...طيري نوضي....
ليالي : رغم الفشل والبرد...حست بخوف...ناضت وهيا فشلانة وكلها كترعد...مشات معاها بزز حتى وصلو لعند المدعوة فيروز وهيا اكثر وحدة واخدة اكبر عقوبة وهيا سجن خمسة وعشرين سنةفي عدة قضايا...وهيا الشافة ديال واحد الفئة من سجينات الي فالشومبر الي فيها ليالي....
فريحة : ختي فيروز هاهيا..
فيروز : اجي ابنتي اجي..اجي كلسي حدايا..
دفعتها هديك حتى قربت ليها بزز وكلست حداها وهيا كترعد..مالك كترعدي...ومال وجهك هكا..فريحة اش درتي ليها ...ياك قلت ليك قوليها تجي بخاطرها...بلاتي حسابي معاك من بعد...مدت ايديها قاستها لقات وجهها سخون بزاف ...حرارتها مرتافعة...اي هادي را فيها سخانة...اجي نتي هنا ديها لبلاصتها وغطيها وعيطي لديك نويعيمة (نعيمة) تشوفها...ومرة اخرى ال***جيبيها عندي بخاطرها..شدتها وغادية بيها كتقفقف وتنين من الحرارة المرتافعة..داتها لبلاصتها غطاتها بالنفخة ومراضياش...تخمدي..ومشات تعيط ليها لنعيمة الي كانت هيا ولبنات لوخرين خارجين لساحة كيوجدو لترتيبات حيت غذا فصباح غايجي لمدير يدير واول تفتيشية ليه....
-
-في واحد من اكبر ريسطو الي متواجدين بافران...شاد كاس ديال جاك دانييل مع ثلج ...خذا سيجارة من نوع مارلبورو...يلاه كيشعل فيها حتى وقف عليه..
مهدي : هيلو...تصافحو بالايدين ...
غيث : هاي ...تشرب شي حاجة ولا نطلبو العشا..
مهدي : غاطلب طلب فياش ميشرب فيا جوع..
غيث : اوكاي..هييي ..طرطق صباعو بجوج..عيط لناذل الي جا وطلبو لعشا مهدي طلب عشا ثقيل اما غيث اكتفا غير بشي حاجة خفيفة ...
مهدي : ايوى صاح...كيف دوزتي اول نهار...
غيث : عوج فمو شوي..مزيان..عادي ..همم بغيت نسولك انا دابا غير في اوطيل بغيت شي دار تكون فشي بلاصة كالم ومفيهاش صداع مكرهتش تكون غير هيا وحدها فالمحيط...
مهدي : نشوف ليك متخممش ضرف سيمانة هكاك نضيك...مقلتيش ليا..علاش بدلتي رايك مكنتيش بغيتي تجي لمغرب بمرة كتتي كتجي غير مرة فعلمين وغير نهار ولا يومين...من نهار ماتو عائلتك فزلزال الحسيمة 2004 ونتا كاره باغي غير تغبر من لبلاد حتى سهل عليك الله وطرتي متسنيتيش حتى نهار داك لاخر تزيدو فيها...اشنو سبب جاني عجب ملي قلتي ليا راني جاي كن ماشفتك قدامي مكنتش غانتيق ...
نعيمة : صبري ابنتي شوية...فاتي دغيا...جابت ليها بانيو عامر ما بارد وزيف غطساتو حطاتو ليها على جبهتها حتى قفزت...ودارت واحد اخور...دارتو ليها فوق كرشها ..اييي فففف...اممم....دازت ساعتين ولحرارة مهبطتش ليها...شافو الوضع متحسنش وعيطو لكارديانة الي فالممر ديال ليشومبر...دغيا عيطت لفرملية وجابو كرسي متحرك وداوها لمستوصف ديال سجن لداخل...فحصوها وضربو ليها ابرة خافضة لحرارة...وخلاوها تبات تم حتى تولي حالتها قابلة انها تخرج...
اصبح يوم جديد ...خرج من الاوطيل حاذر راسو كيبقشش فتيليفون حتى هزو دارو فودنيه كيهضر هز لكونطلكت حل طوموبيل وركب ورك بسرعة كبيرة موقف حتى لباب سجن من جيهة المدير هاد المرة حلو ليه الباب ...ودخل بلاصة كيف العادة وخرج من طوموبيل فاتجاه الادارة حتى تلقا ليه المسؤل على ليكارديان...
المرابي الممتاز : سي المدير كاع لي كود غاتلقاهم فالمكتب كيف طلبتي ورا نضمنا كلشي على حساب تفتيشية يعني كلشي واجد وحتى تقارير نزلاء كلهم عندك فلاليست فلابتوب ...
غيث : كيشوف قدامو... ساعة ورجع لعندي غانبدا بالمستوصف هو لول ...دخل هو المكتب ولقا داكشي كيف ماقاليه اول حاجة مشا لتقارير هما لولين بقا كيطالع عليهم شوية بشوية غير من بابا المعرفة واخد فكرة اما لا جا يقراهم كلهم را مغايساليش حيث كاينين اكثر من الف نزيل فالسجن...دازت ساعة حتى دق عليه المرابي ... شاف فساعة لقاها لوقيتة المناسبة باش يبدا في الجولة اللولة ليه والي غايبداها بالمستوصف...وقف وحيد الفيستة دارها في العلاقة ...كان لابس كومبلي فالكري قميجة بيضة وفوق منها جيلي فالكري..وسروال توب گري وصباط اسود...حل صدفة ديال ليدين ولواها حتى لفوق عند المرفق...حتى بانو ايديه مزغبين ومعرقين...لقميجة بغات طرطق عليه..حال ليها صدايف تلاتة لولين ...وقف وبدون ميتكلم...فقط اشار ليه باش يسبقو قدامو هو والمسؤولة عالمرابيين الي فالجهة ديال نساء...ومشاو فاتجاه المستوصف...لقا فاستقبالو طبيب المسؤول وحوج فراملية تما...
طبيب : مرحبا سي المدير...تفضل معانا...
غيث : عطيني تقرير على الخدمة هنا...
عطاه تقرير الكامل على الحالات الي كيجيو لمستوصف وحتى جناح التوليد وكاين حتى المولدة ...
غيث : كيفاش كاينة غير مولدة وحدة...
طبيب : فقط لا غير سيادة المدير...
غيث : عقد غوباشتو ...كيفاش غا مولدة وحدة عادة خاص يكون جوج كيتناوبو ...وعلاش كاين غير طبيب واحد ....دابا غادي توريني لمستوصف كلو...
طبيب : واخا هيا لولة تفضل معايا...مشا سبقو وراه كاع المستوصف والاجهزة الي تما وانتابه انه كاين نقص كبير فبعض الاحتياجات...
طبيب : هنا خاص بالمستعجلات...غير لبارح جاتنا حالة مستعجلة ديال سجينة عاد جات جديدة ...تفضل..دخل شاف المستعجلات...هو كان مستوصف صغير كيدخلو ليه غير الحالات العادية اما الخطيرة فكيتم نقلها لمستشفى كبير خارج سجن وطبعا تحت الحراسة المشددة..غير حل ليه الباب لقا فتاة شابة ممددة على سرير ناعسة وجهها شاحب...بقا كيشوف فيها وكيتحقق حتى سولو...اشنو الاسم ديالها؟؟!
طبيب : بلاتي ...اسمها ليالي امين...
غيث : كرز على ايديه بجهد...وعض على شفة سفلية..وعينيه تبدل فيهم لون...هاد زبل رجعوها لشومبر...
طبيب : ولكن اسيدي..را مزال عيانة...
غيث : شكون لمدير هنا...كلمة وحدة وجعو هاد زمر فين كانت...ولا بربي تا واحد فيكم ميبقى هنا...
خنزر فيهم حتى ولاو حجبانو راسمين 11 ...كلمة وحدة مكنبغيهاش تعاود ومبغيتش نخرج عليكم..هضرتي متعاودش...هاد نزيلة ترجع تلاح فين كانت وهاد المرة تكون مريضة متجيبوهاش لمستوصف داوي راسها براسها مفهوم وتواحد ميسولني...تااااااوااااحد سمعتووو...ولاو يقفقفو مزادوش معاه كلمة اصلا قبل مايتعين...وصلهم عليه بالي مكيتفاهمش وطبعو حار بزاف ومكيضحكش...طبع الجدية مسيطر عليه...شرس وياويل الي قاليه كلمة لا او اعتارضو...قرار تعيينو كمدير جاء نضرا لخبرتو ولصرامتو في هاد الميدان ...وحاصل على دكتوراه في العلوم السجنية في امريكا...ووقع عليه الاختيار من طرف الملك وجاء قرار ملكي بترشيحو هو وعدة اشخاص نضرا لكفائتهم ولكن حيث هو دوز عام في سجن غوانتنامو اشهر معتقل الواقع بخليج غوانتنامو وبالضبط فاقاصي كوبا..وتحت تدخلات ووسائط سمحو ليه يدير فورماسيون تما باش تساعدو لمناقشة دكتوراه ديالو...وخا داك المعتقل مكيعرفش رحمة ومكتطبقش عليه قوانين حقوق الانسان...وتم ترشيحو بالدرجة الاولى لاخد منصب المدير رغم صغر سنه...باقي تفاصيل علاش اختار هاد الحياة غاتجي شوية بشوية مع احداث القصة...
خلاهم كيتهزو ويتحطو خافو على راسهم ولانه عندو كامل صلاحية وغير نبدة على اشنو مدوز يخليهم يصفارو بالخلعة معندوش لعب لكلمة هيا لكلمة والا بلاصتهم غاطير...
غيث : نتوما ( على المرابيين ) جناح نساء هو لول نشوفو...
معاودوش لهضرة ..سبقوه وهو وراهم غادي بنفس الغوباشة محلهاش...مرة مرة كيعض ويغزز فسنانو...كاع المرابيين الي ذاز من حداهم مكيعرفو واش يسلمو ولا يتحيو...بقاو غير واقفين...حلو لباب ديال جناح نساء ودخل تبعهم كيكتاشف فيه...حتى وصل لفين كاينين كل شومبر خارجة المجموعة ديالو مصافين...برا فساحة...كيتسناوه ...حتى تحل لباب الكل مترقب يشوف المدير جديد عارفين انه باقي شاب ..لكن فور متحل لباب ودخل كاع العيالات والبنات حلو فمهم...هالي كترضع خلات ولدها يرضع راسو حتى شرگت ليه...جذبهم بلمشية ديالو ودخلة وديك طولة وتگلضيمة وبطريقة كيفاش دخل طاوي كمام القميجة وايد شاد بيها ليد لوخرا الي على شكل قبضة...وداخل كيشوف مخنزر... لمحاتو فريحة ...حتى هيا
فريحة : ابااا با با با وااو ...ابن شلبية عيونو لوزية بحبو من قلبي يا قلبي وهو عينيا...اححح امي..
ضار على جميع النزلاء وتمت تفتيشية كل شومبر تعطاه تقرير ديالو. رغم تقارير الي كيعطيوه على كل شومبر وكل نزلاء الا انه كيسجل بعينيه وكيعرف اش ناقص من شوفة وكيدخل حتى لشومبر وكيشوف بعينيه ...كلشي كيقفقف خايفين من اشنو ممكن يكون لاحض ...وحتى من طواليطات دخل وشافهم ....
غيث : هاد المراحيض غادي تعينو ربعة من كل شومبر ينضفوهم بمعنى كل شومبر يتهزو منو ربعة ينضفو المراحيض الخاص بشومبر ديالهم...اه نتي ( مليكة) وصلي عليا لمكتب فاش نسالي تفتيشية ...
مليكة : وخا سيادة المدير....
غيث : بعد غذا مع سبعة ونص دصباح غاتجمعو كلكم غاد نعطيكم تعليمات باشنو خاصكم ديرو هادشي كامل غايتبدل كلشي غانهضرو فيه فالاجتماع الي غايكون حاضر فيه فقط المرابيين الممتازين و ومصلحة الصحة...والمقتصد مفهوم..
لكل : مفهوم نعماسيدي....
غيث : غذا فصباح غاندوز لجناح رجال...نتي تبعيني...
مشا هو خلاهم كل رجع فين كيخدم وكل مشا لادارة ...ومليكة تبعاتو غير دخل لمكتب ضار جيهتها...
غيث : نزيلة امين فين شومبر ديالها اشمن رقم...
مليكة : شومبر رقم 39 سيادة لمدير...
غيث : همم هديك هيا الي غاتكلف بوحدها بلمراحيض هيا الي غاتبقا تنضفهم وتواحد ميكون معاها...
مليكة : ولكن اسيادة المدير قاصحة عليها يك...
غيث : ضرب فلمكتب بجهد حتى تهز داكشي الي عليه وقفزت...عاد نبهت هضرتي متعاودش..
مليكة : س سمح ليا وخا وخا..
غيث : فاش تبدا فتنضيف غدا جي عندي نمشي بنفسي حتى نتاكد وخبريني قبل ما تبدا سمعتيييي...خرج عينيه ..
مليكة : وخا سيدي...شير ليها بايديه باش تخرج...كلس وتقابل مع لابتوب...جبد ضوصي ديالها ...كيشوف فيه وفصورتها...قتااالة...خاانزة تاعت لخلا 😡...
اصبح يوم جديد مليئ بالاحداث...رجعات لشومبر وخا كانت مزال عيانة وراسها كتحس بيه ثقيل...لا انها بدات كتسترجع قوتها...فيقتها نعيمة باش تفطر معاهم كتحاول ماامكن تعاونها وتوقف معاها ومتحسسهاش بانها وحدها هيا وفاتي...يلاه مزال كيهضرو حتى تحل لباب ودخلت مليكة ولكارديانة الي فالممر....
مليكة : يلاه لبنات الي فورشة لخياطة وجدو ريوسكم باش تمشيو والي كيقراو من دابا ساعة وغاتمشيو...قربت لعند ليالي...ليالي ختي كيف بقيتي شوية ...حركت راسها بالايجاب ...هضرتها قليلة...شوفي انا كنحاول ما امكن نتهلا فيك...بلا ميوصيوني عليك كنت غانتهلا فيك نتي من وجهك باينة بنت ناس ومربية ولكن ضروف كاتحكم عالواحد وربي هو الي كيكتب علينا معلينا غير رضاو بقضاء الله...المدير امر باش تكوني من الي كينضفو المراحيض مقدرتش نزيد معاك البنات ملقيتش ليك جهد سمحي ليا...يله معايا باش نوريك فين المرحاض الي غاتنضفي..هوديال هاد شومبر...هانتي غير تيمشي المدير وغانعيط على الي تعاونك وخا...
ليالي : اممم...
وقفت ومشات معاها لمرحاض ديال شومبر عطاتها مواد تنضيف وطابلية وشدادة تشد بيها راسها...شرحت ليها وخلاتها تبدا تنضيف...حطت سطل عمراتو بالما ودارت فيه مواد تنضيف وبدات كتحك فطواليطات...بقات شي ساعة وهيا خدامة حتى كملت ونشفت...شويةكتسمع لهضرة عند باب المرحاض...دخلو جوج كارديان...وقفات حتى سمعت صوت صباط وخطوات جايين حتى وقف
عندها...شافتو...تبهضات من شخص الي قدامها...معرفت اش تقول ولا توصف فيه...شاف فظيها باحتقار حتى مفهمت والو وحدرت راسها..بقا كيشوف فلمرحاض وداير واحد نضرة ديال كانه عايف ومخصر وجهو وخا هكاك كيبان وسيم بزاف وكلو كيصرخ برجولة ..
غيث : قلت لييييييك زمر هنا سمعتيييي ولا نجي نديرها ليك بزز ونشربو ليك....
كارديان : وخا وخا هاني...
غيث : نتي غير يكمل غسلي من وراه...طلعها وهبطها ...دفل فلارض وضار دورة ومشا..خلا عينيها بغاو يطرطقو بدموع الحگرة...وعلامات الاستفهام..
خنزر فيه بجهد ...دابا..برك على قرجوطتها حتى صباعو تغرسو...اما هيا صافي عينيها تقلبو ..باش تبعد بايديها حكمها بطريقة خلاتهم مشلولين...رخا ايدو ولاحها تدارت زدف مع لارض كترض فروح بزز حتى بدات تكحب وتسحب فالهوا بالكشيفة...هزها لكارديان بجهد وداها كتلاوح...وغيث رجع لمكتب مخنزر...گلس وكمل خدمتو كان شيئا لم يكن....
وصل وقت الي تسالي فيه الخدمة كانت شي ستة دلعشية هكاك...طفا لابتوب..هز فيستة في دراعو..وهز بورطابل شعلو والكونطاكت...وخرج...قبل ميوصل لسيارة..دوز اتصال...
غيث : هيلوو سويتي...ركب فسيارة..ورجع مارش اغييغ...وكسيرا حلو ليه لباب ديجا وخرج ...ورك ديريكت شد طريق فاس وبالضبط مطار فاس سايس الدولي...
...كانت كالسة...كتشوف فشباك الشومبر...كتخمم فالي جرا ليها وكيفاش الحياة قصات عليها تقلبت راسا على عقب وفبلاصة مهيا ضحية ولات مجرمة مذنبة وزانية وحتى ان لبعض قال عليها عاهرة ...وفي اليزيد الي خبارو تقطعت ...عطاتو الف عذر وعذر قالت لا ربما غايجي فاول زيارة مسموحة ويشرح ليها...وحتى تعرف علاش مسمحوش ليها توادع مع الام ديالها...وفي تمارة الي كتسناها فهاد سجن ومعاشرتها مع سجينات الي بعض منهم مبين ليها الحقد والشر من الاول...ناهيك عن اخريات الي منهم ممهتمينش ليها والي معتابرينها كاخت ليهم ولقات فيهم الخير ...اما المدير فمافهمتش اشنو سبب تعاملو هكاك مدات مجابت قالت يمكن يكون هكاك داير ...بقات تخمم وتخمم تلقات تنهيدة كبيرة خارجة من اعماق اعماقها...حتى وقفات عليها نعيمة..
نعيمة : علاش انا هنا هههه تبسمات ليها...ابنتي اش نقوليك واش الي لمنقوليك...كل واحد فينا هنا الي مضلوم ومدارها لا بايديه ولا برجليه...والي دايرها.راسو وفرحان بهادشي وعادي مولف...انا بنيتي غير كنترزق على باب الله وصافي كنمشي لسبتة من لفنيدق ونتقدا سلعة من تم راكي عارفة وكاين الي كيوصيني...كنجيبهم لفاس انا بنت فاس...ودرت معارف تما حيت لساني ديما حلو معاهم كندير فبالي ديما الكلمة طيبة صدقة..ولكن الكفرة بالله مخلاوهاش صدقة...كانو كيخليوني ندوز من ديوانة دغيا مكيعطلونيش حيت كنعرفهم بزاف..واحد سيدة صاحبتي وعشرة قديمة...طلبتني باش نطلب واحد من تما في ديوانة يخليها دوز واحد سلعة وهديك سلعة خاصها ضروري تخلص عليها واحد المبلغ شوية كبير ولا مدوزش انا على نيتي مشيت نطلبو يرخف معاها قاليا ميقدرش هديك سلعة تخلص عليها ولا مدوزش وعلى وجهي مبغاش يلوحها ليهاخلاها تم حتى تجيب لمبلغ ويدوزها ليها...قلتها ليها متيقتش وبدات تعاير قالت ليا حولهم كيقولوها فيك ونتي ونتي شي هضرة خايبة بزاف من تم نقصت منها ومبقيناش كنهضرو ...جات نوية ومشيت انا خديت نفس سلعة ولكن انا خلصت صحاب الحسنات وصلوها ليها عوجة راك فاهمة وقالو بلي مخلصنش وانا سباب حتى مقبلوش ليها ولان علاش هيا مدوزش ليها وانا دازت...وهيا تحقد عليا وانا ربي شاهد عليا غاد نوريك توصيل باش خلصت عالسلعة وخا كيعرفوني..ولحقد عماها ابنتي را طزف الخبز صعيب ..ناضت دارت ليا لحشيش فسلعة الي تقديت جديدة هما معمرنم قلبوني ولكن جاتهم لبيعة وتقلبت وللاسف هانا حداك محكومة بسجن ثلاث سنوات ضلما وعدوا...ايوى هدي قصتي ...
ليالي : مع الاسف...ربي معاك ولكن انا قصتي اكثر بكتير من قصتك حدرت راسها وعينيها هبطو منهم دموع حتى تلاقاو عند منخرها...حطت نعيمة ايديها على كتفها كطبطب عليها...قصتك كلشي عارفها وانا من ناس الي ثايقين فيك حيث تاحنا جربنا ضلم وعارفين كحل راس اش تيسوا..
في وقت متاخر من ليل...وصل حل طوموبيل
وخرج...تبعاتو هيا حلات لباب القدامي..كانت امرأة في الثلاثينيات...سمراء اللون بشدة جذابة..برازيلية الاصل وعايشة فالولايات المتحدة...مدربة رياضية في احد الاندية ..تعرف عليها في لاصال الي كان كيتريني فيه وتما بدات علاقتهم عامين وهو معاها لحد الان...جمالها اسمر وقوام اكثر جاذبية...وقف حتى سدت لباب مد ليها ايديه وابتاسم ليها...عطاتو ايدها وتشادو مشاو لغرفة الي واخذ فلوطيل عطا لكونطاكت لعامل الي فلوطيل...باش يهز لفاليز ويطلعها لشومبر ويسلم لمفاتيح لسيكيريتي يبلاصيها فالبارك...
غيث : ابدا كوتش...جراتو من راسو وتلاحت ليه على شفايفو كتبوس وتجر وتهبط بفمها على وجهو وهبطات لعنقو بقات هابطة وايديها خدامين كيتلمسو فشعيرات صدرو ...كتبوس بطريقة احترافية حتى هزها ولواا رجليها على ضهرو...وداها لاحها فوق ناموسية بدون مقدمات...هو مولف معاها مكاينش رومانسية ديريكت لمعقول...جردها من حوايجها كلهم تلاح على شفايفها كيبوس ويتلذذ وهبط لصدرها لعب فيه بفمو ويعض حتى كتهز ...وكيمرر ايديه لبلايص اخرى ويلعب ...حتى دخل فالمعقول ديريكت ...شوية تلاح وجرها فوق منو خلاها تخدم راسها ...مرة تغوت مرة تنين مرت تنهد...عاود رجع لوضعية التحكم..دارو ربعة الماتشات والاخير دغيا وكمل نعس على ضهرو كيلهث...جر عليه لغطا اما هيا بقات عريانة متسوقتش بقات هكاك حتى كحزت راسها لدراعو عنقاتو مشات فسابع نومة...اما هو شافها نعست وناض ديريكت لدوش دوش ولوا عليه فوطة وخرج هز باكية ديال لكارو خدا سيجارة وشعلها وهز من ثلاجة الي فالغرفة قرعة ديال فودكا خوا منها فكاس ودار فيه ثلج وخرج لبالكون...سرح عينيه كيشوف و يكمي ويشرب ..ويفكر فشخص واحد كيتوعد ليه بالي جاي....
يوم جديد من الايام التي مرت...كانو.. كيفطرو ...كيف العادة ملي كيفطرو ويكملو الى مكان عندهم حتى شي حاجة برا شومبر كيتقاسمو شقا ديال شومبر من تنضيف وطياب والي عندها شي حاجة تصبنها تصبنها...ليوم وقت زيارة...دخلت لمرابية حلت الباب...
المرابية : نعيمة عندك زيارة خرجي تسناي برا...فاتي حتى نتي ،، فيروز...وليالي...غير سمعت سميتها مشات كتجري وقفت حدا نعيمة...
ليالي : غايكون يزيد الي قلت ليك عليه ههه منسانيش
نعيمة : هههه ياك قلتها ليك...مشات لمرابية سبقتهم وتبعوها حتى دخلتهم لبلاصة زيارة...كل لقا الي جا عندو ومشا ليه..الا ليالي بقات واقفة كتقلب عليه لكن لسوء الحض ملقاتوش ولقات فبلاصتو شخص اخر الي هو المحامي..شير ليها وبخيبة امل مشات لعندو سلمت عليه وگلست...
المحامي : انسة ليالي..انا جيت ليوم باش نبلغك بالمستجدات...الجلسة لولة ديالك غاتكون من دابا شهر ..عاد غانعرفو اشنو غايقرر القاضي من بعد ولجلسة ثانية هيا فين غايطلب فيها شاهد لوحيد لقضيتك...هنا تفاهمنا بقات حاجة وحدة مع الاسف كيخصني ضروري نخبرك...
ليالي : بخوف اشنو ياكما وقعات شي حاجة ليزيد ..
المحامي : لا عاد تفارقت معاه وصاني عليك..وحيت انا المحامي ديالك عندي الحق ندخل نشوفك اما هو مدام مكتربطكم حتى صلة فميقدرش يشوفك الا لكانت واسطة وسمح ليه المدير بنفسو...
ليالي : واشنو واقع...
المحامي : دار ديالكم ...مع الاسف ورثها شخص اخر من غيرك من طرف زوج الام ديالك ...
ليالي : كيفااش..
المحامي : مع الاسف الام ديالك كانت ديجا كاتبة لزوجها الدار باسمو وعندها الحق حيث باسمها هيا شخصيا...سالا وقت زيارة ورجعت ليالي محطمة عالاخير ومصدومة من الخبر الي نزل عليها...كيفاش قدرات الام ديالها دير هكا وعلاش اش وقع!!!بقات في حيرة وفصدمة وهيا غادية حتى دخلت لشومبر ولقات مفاجئة من نوع خاص ...
دخلت محطمة الفؤاد منتهية على الاخر ...الصدمة مخلات ليها حتى احساس واحد كلشي تخلط عليها...حسرة الم حكرة صدمة ..خوف ...خوف من الي جاي في حالة تبتات برائتها وملي غاتخرج..فين غاتمشي وعندمن غاتمشي...وخا ديك الدار اصبحت بالنسبة ليها شي حاجة شبه مستحيلة انها ترجع تعيش فيها وخا مكاينش من غيرها...ولكن كلشي دابا تبخر ومشا فور مجا هاد الوريث الي خداها بالشرع والقانون...كلشي تبخر..مشات فالممر محطمة مكسورة الخاطر..حزينة وحتى انها معصبة على الاخر...
دخلت لشومبر لقات ...سريرها مخرب كلشي مقلوب راسا على عقب حوايجها مشتتين وحتى تصويرة مها الي حطاها فمحفضتها خارجة ومليوحة الشي الي ثار جنونها وهيا اصلا معصبة...مشات كتجري كتقلب وتغوت...
ليالي : اش واقع هنا شكون دار هاد الحاااااااالة شكون هاد الحماااارة الي وصلت لهادشي...مليييييكة ختي مليكة...حلووو الباااب..
فريحة : تررر ششش ايييه بشوي مالنا ياك لباس ...انا الي درت هكاك ...بغيت وعجبني الحال وتشهيتها فيك...
فريحة : قربت ليها وشدتها من لكول ديال لقميجة...شوفي اديك لخانزة...بربي وتزيدي تعرعري عليا نصايب لختي خنشوشها سمعتيني ...خانزة الي قالتها ليك...ديري عليا هاد الموال وتعرعير باش تيري انتباه حبيب القلب صاحب ثاني..ااااه ههه نسيت ضحية اخرى باش الى مبغاكش تخرجي ليه مصارنو حتى هو...
ليالي : سكتي سكتيي..
فريحة : ضارت لعند العيالات الي تما...بنااات عرفتو كان خاطبها واحد الولد لبوليسي هههه اييييه عرفتي غير طولة فيه تهبل...وفورمة وييي يالهويييي...والشهوبة والعينين خضرين...اححح وكطيح عليهم غا فيكتيمات هما الق** ههه وناضت طمعت فراجل مغميتها(مها) مقنعهاش اييييوى ملي ...
ليالي : سككككتي سككككتيي
فريحة : ايييوى ملي مبغاش ناضت قتلاتو ودابا جايا نوبت لمدير قاليا عيسى الكارديان را كتبغي تقرب ليه وكيصدها....ضارت لعندها...نرررري لمدير اربي هذا الملاك هذاك الجمال رباني وديك الخشونة والعضامة وتگلضيمة وبلى منكمل غير شوية من هادشي وغايديها فيك يالق***بنت لق*** تريكة وحدة....
ليالي : مشعرت حتى غوتت غوتة تسمعت فارجاظ المكان...هااااااااااتعععععععععععععععع سكتتتييييييييييييييييي مشات كتجري لعندها تلاحت عليها...الي كانو گالسات وقفو ...شدتها من شعرها نتفتها ودورتها لعندها طارت عليها لوجه غرست فيها ضفارها ... والعيالات كيفكو والو واش بغات تفك ليهم...مشاو كيجريو كيدقو على الكارديانا الي مقابلة الممر تم ...حلت لباب دخلت كتجري كتفك فيها...والغوات نايض والعيالات بداو كيتغاوتو...كانت جايا نعيمة هيا وفاتي ولكارديانا معاهم حتى سمعو لغوات جاي من شومبر عندهم وعرفو مصدر صوت...مشاو كيجريو دخلو لقاو ليالي دايرة فريحة تحت منها وحاكماها ...وعينيها خارجين وكتجبد لوجه ليالي وتحلف كاع كلام زنقة وسلاكط سمعتتو وهديك ...حاولو حتى هما يفكوها...والو مقداو حتى حاجة صافي ماتت عليها...كلشي ولا يغوت مبقاوش قدرو يسيطرو عليها...حتى تسمع صوت اخر .......
اااااش كاين هنا...اش هاد الحالة اش واقع هنا...😡😡😡😡 كلهم ضارو جيهتو..او بالاحرى جيهة مصدر صوت الجديد...الا شخص واحد الي مضارش نهائيا ...طلقت ايديها...وبقات كتنفس بصعوبة وكتعض في فمها وتكمش فيه بالعصبية...ولوخرا كتهز وتحط ...حتى جمعت ابديها على شكل قبضة وكمشت فمها تاتسقط منو دم كتشوف ف ليالي بحقد وغل..تمتمت فنفسها...
فريحة : بربي المعبود يا بنت ل** لا بقات فيك..
الشخص : نتوما بجوج زيدو قدامي ...
دخلت لمرابية الممتازة كانت وحدة اول مرة كيشوفوها...فزعتهم بصوتها لغليض..امرأة فسن الاربعين باين عليها دات وجابت فلحباسات...مرابية بخبرتها طويلة خدمات فاكثر من سجن بحكم انها انتقلات بزاف وعرفت كاع السجينات اشكال وانواع...اسمها نزهة ..ولكن هي غير... هيا من نوع المجهد قاصحة فخدمتها مكتعقل على تاوحدة عنصرية بزاف...غا شوفة فيها كتخلع مگضرة بزاف بحال شي فيدورة...وهادشي الي خلاهم يتخلعو فور مسمعو صوتها و شافو هيئتها....
المرابية نزهة : اش واقع هنا 😡😡
كلشي متفاجئ شكون هادي وشوف هيئتها...يلاه زيدو بجوج قدامي ...السيبة هنا...يلاه...مشات لعندهم وقفتهم ودفعتهم زادو قدامها...لوخرا كتحلف وليالي حادرة راسها ممعروفش اشنو كتحس فهاد الاثناء... واش باقا معصبة ولا خايفة ولا كتحلف حتى هيا...ملامحها جامدين...بقاو غادين حتى وصلو لواحد الممر...وقفو دخلت كل وحدة فيهم لزنزانة ضيقة بزاف فيها غير سطل فين تقضي حاجتها لا غير...
المرابية الممتازة: غادخلو تالغدا فليل عاد تخرجو مغاتاكلو متشربو يلاه تلاحو...تنشوف هاد سيبة فين وصلت...ضصارة الي معندها معنى اناا الي غانحدها ليكم...سدت عليهم ومشات خلات كل وحدة مخشية تم....وحدة ولفت ووحدة اول مرة كتدخل لبحاال هاد الاماكن ...دخلت وعينيها مغرغرين على سبة يبداو دموعها يهبطو كتشوف وشنافتها تحتانية مدلية وصدرها كيطلع ويهبط ..
في مكتب المدير ...
كالس كيف العادة فوسط ضواصا وكيراقب ومرة يخرج يتاكد بنفسو حتى دق الباب...
دخلت المرابية الممتازة الي جات جديدة والي هيا نيت نزهة...
نزهة : سيادة المدير...انا المرابية الممتازة جديدة الي جات فبلاصة مليكة المرابية القديمة...
غيث : باقي مركز مع الابتوب ...داير ايدو على فمو كينفخ فصباعو مرة مرة ...حتى كمل شي حاجة عاد هز راسو وشاف فيها...ونطق..مزيان...نبغي اي جديد بخصوص السجينات عندك صلاحية المطلقة تصرفي كيف بغيتي...اه وباش منساش واحد سجينة غانعطيك اسمها نبغيك تحضيها وبالخصوص هيا واي غلط ولو بسيط عاقبيها وبغيتك تجيبي ليا كلشي عليها كيف مكان اي حاجة شفتيها او سمعتيها وديري شي سجينة تحت ايديك الي تبقا مراقباها وتجيب ليك اي حاجة شافتها او سمعتها....اسمها ...دار براسو كيقلب على اسمها وهو اصلا عارفو ولكن بغا يبين بالي معارفوش..اممم ليالي لياليييي امين عقلي على هاد الاسم ...انا طلبت انتقالك بنفسي حيث عارف كفائتك مزيان ...نبغيك متخيليش ضني والا ممكن حتى بلاصتك طير على حسب ...
المرابية نزهة : وخا سيادة المدير كن هاني من هاد ناحية...اه ..را اول مدخلت سمعت لغوات( عاودات لو كلشي)...وهما دابا فالسجن الانفرادي 24 ساعة...بدون اكل ولا والو...
غيث : بقا كيفكر شحاااال ...هممم مزيان...سيري لانفرادي ديال هاديك ليالي امين...وحيدي ليها حتى سطل الي كاين تم خليها وحدها تقضي حاجتها فحوايجها...وزيديها ربعة سوايع فوق المدة...
نزهة : هيا لولة سي لمدير...اه قبل منخرج وخا نسولك واش عندك شي مشكيل معاها؟؟
نزهة : و ووخا وخا سيادة لمدير سمح ليا...حدرت راسها وحلت الباب وخرجت فاتجاه زنزانة ليالي...
بقات في زنزانتها....دايرة ايدها على خدها وكالسة وجامع ة رجليها...كتخمم عينيها ناشفين من دموع ...بدا جوع كيدق بابها...دارت ايديها على كرشها كتبرك وتماصي عالله وعسى تخفف عليها علاماترجوع ...هزت راسها لسما...
ليالي : ياااارب ياااارب نتا شايف وعالم بكلشي ياربي رزقني صبر وفرج همي يارب فرجها عليا..نقزت دمعة هبطت ليها على خدها مسحتها ورجعت هبطت راسها ومرة مرة كدبك في كرشها على ود جوع والعطش....
في احد الملاهي الليلية الكبيرة في مدينة فاس...الموسيقى عالجهد مع اكبر ديدجي في فاس ...ملهى ليلي كيدخلو ليه غير ناس من الطبقة الغنية ..VIP..دخل مهدي كيقلب وسط ناس كتشطح وكلشي مرفوع ماهواش هنا...بقا غادي كيدور ويقلب هنا وهنا عليه...حتى لمحو كالس فوق الفوطوي متكي بديك الكسدة الي عطاه ربي..ضخم..لابس قميجة فالاسود وسروال فنفس اللون...مع كاط ...طاوي كمايمها كيف العادة...وموقف شعرو..داير رجل فوق رجل وطاويها رجلو وحاطها فوق ركبتو لاخرى شاد كاس ديال زاج فيه ثلج مع ويسكي ...ومغوبش...كيف كمل خدمتو خرج من السجن داز على. سينتيا وكسيرا شد طريق فاس ...فين داير مع مهدي ويدوز لويكاند ...وقف عليه ...هز فيه عينيه...
مهدي : افين العشير..
غيث : تصافح معاه...گلس گلس نهضرو قبل متجي سنتيا..
مهدي : جبتي معاك زيتونة الكحلة...فينهيا..
غيث : مشات لطواليط..مهم را بغيت نقوليك بلاش متشوف ليا دار كنت غانتاصل بيك ولكن كنكون طافي تيلفون ملقيتش كيفاش ...
مهدي : يعني لقيتي نتا شي دار...
غيث : لا اصلا عندي دار من حقي شرعا وقانونا...
المهدي : ينعل ديلمي لا فهمت شي لعبة..
غيث : حيث حمار...بمعنى خرجت ليا دار من احد اقربائي بصيغة ديالكم ورثث دار ..
غيث : خنزر فيه...معرفتش شي مرات كضحك فشي اوقات الي ممكن ويجوز نطير ليك راسك فيهم وحلاالا...خدم دماغك ينعل دلمك...شكون بقا ليا من عائلتي اصلا تا مال مك مالك ...
لمهدي : ااااه عمك الله يرحمو...ايوى مزيان هانتا جاتك غير راسها..فين جات هاد دار...
غيث : هيا فيرمة صغيرة جات في نواحي ديال افران..i thing في شي بلاصة اسمها عين لوح يمكن...مهم في فيلاج...
مهدي : اااااه شيييت...عرفتي دار من هديك...
غيث : عرفت
مهدي : بفف تما فين وقع لحادث لعمك هديك دار مرتو و...
غيث :قاطعو .. عرفت راني قلت ليك عرفت...
مهدي : اجي هادشي علاش جيتي لمغرب...
غيث : جيت لمغرب وحسابي فراسي وجيت على ود خدمتي وقررت نخدم فبلادي احسن لي..مهم ضمص من بعد ونهضرو...هز راسو وغمزها...حتى جات كلست حداه خشا وجهو فعنقها....ميس يو بب..
ليالي الغيث الجزء الثاني
محتوى القصة
التنقل بين الأجزاء