طوم و جيري الجيل الثاني الجزء الرابع

جود: ميرال وقفي .. جرى لعندها ووقفها ... 

جود: علاش كتهربي مني ... ياك قلتي ليا علاقتنا غترجع كيف الاول ... قلتي صداقة مغتبدلش .. دابا مابقيتيش كتشوفي حتا فجيهتي و كتشوفي كتهربي.. علاش .. لهاد الدرجة مابقيتيش حاملاني .. 

ميرال: انا راه خاصني وقت ... باش نقدر نتجاوز مشاعري... ميمكنش نتجاهل هادشي لي وقع بيناتنا ... فاش غنسا غنرجعو كيف كنا ... 

جود: وعلاش هادشي كولو ... علاش مترجعييش ليا.. 

ميرال: هههه جوود غنرجعو لهاد الهضرة ... كنقدر ليبك انك كتفكر ليا ولكن ... لا ... منقدرش واخر مرة تجبد ليا هاد الموضوع ... اوووكاي هههه ياله تصبح على خير ...

مشات كتجري دخلات وهو بقا كيعض على سنانو ... و دخل تاهو ..

طلعات ميرال لقاتهم كيتحتتو تخشات حداهم شاركتهم ... 

🌄اصبح صباح يوم جديد 🌄

فاقت انصاف بكري كيف عادتها وبقات كتدور فعينيها حيت كولشي باقي ناعس .. شافت البنات فجنبها .. تبسنات وشافت فالسقف كيحمد الله وتشكرو ... حسات بلي هدا الفرج لي كانت شحال كتسناه عائلة لي تأويها و تخشى بيناتهم .. ناضت للحمام توضات وخرجات تصلي ... من بعد بدات المgانة تسرسر ميرال تحركت و جودية طفاتها ورجعت نعست ... ضحكات انصاف وناضت ليها ... 

انصاف: نوضي الكسولة ههه ميرال نوضو ... 

جودية: غير شوية عافااك .. 

نور دخلت : ههههه صبااح الخير ... مبغاوش يفيقو باك هههه 

انصاف: لا هههه

نور دخلات و هزات بانطوفتها ونزلات علبهم ... حنا قفزو نتضو للهلا يطريه ليهم ... و انصاف حداها كتضحك عليهم ... 

نور: ياله ... و نلقاكم تخشيتو تما تاني ... نبقا انا نعصيكم كل صبااح ... 

جودية احنا نايضييبن... 

نور: ياله لبسو وهبطو .. 

خرجات نور وناضو البنات للحمام وخرجو يلبسو .. شافت جودية فانصاف لقاتها رجعات فلبس البارح .. 

جودية: اجي انا نعطبك ماتلبسي .. حتا نديرو الشوبينغ فالويكاند .. 

انصاف: لا ماشي مشكل غنجيب حوايجي من دااري القديمة ... 

جودية: زيدي زيدي من الهضرة .. دحلي لادريسينغ ولي عجبك هزييه.. باقي شلا مانديرو مع بعضياتنا 😍😍 

ميرال: ااااه ههه خاص غير يجي الويكاند و نخربوها...

انصاف: هههه ان شاء الله .. 

لبسو البنات حوايجهم و هبطو ... لقاو زاين و عصام و نور واسر كيفطرو ورجال مجمعين ... شاف عصام فانصاف وغمزها ضحكات ليه بعدما سلمو عليهم وجلسو يفطرو ... الدراري ديما صتبحين ناعسين لاشغل لا مشغلة ...

سالا زاين ... وناض دا معاه اسر ... وتبعاتهم نور تودعهم ناضو البنات حتاهما ... بقات انصاف و عصام ...

عصام: كيف صبحتي ... مرتاحة ... 

انصاف: كتر ما تصور ... البنات ظريفات و رتاحيت ليهم عجبتني صحبتهم ..☺☺

عصام: داكشي لي بغيت ... ☺☺ 

انصاف : 😱😱 شنو هادا .. 

ناضت كتجري حبت بان ليها اليكس ... ناصت عندو جليات قدامو كتهضر معاه وتضحك و تلمس فيه .. ناض غندها عصام مخلوع حتا شافها كتلعب معاه عاد ضحك ... 

عصام: هعههه خلعتينا ... 

انصاف: شنو سمينو  😍😍 

عصام: اليكس و كاينا آلي ختو ... ماعرت فين غابرة .. 

انصااف: واااو زويينبن ... بقا كيشوف فيها كيضحك ... ناضت وقفات قدامو ... ضرب فيها الرييح و غمضات عبنيها ... 

عصام: عندك علاقة وطيدة مع الرييح و البرد ... 

انصاف: كنلفا فيه راحتي و كنكون فاحسن حالاتي فاش كنكون فالطبيعة ... كنحس بحال الى حرة و كترتاح نفسيتي ... 

عصاام: مممم بحال ختي نور كتحماق على هاد الجو وعزيز عليها تخرج فيه ...

انصاف: وااو حتا انا كيعجبني فاش كيكون الضباب والرييح 😍😍 احسن من الشمس و الحرارة .... تاهي صدقت بحالي ... 

عصام: ههههه اااه بلاتي بلاتي ... تسنايني ... عيط لهوه وقاليه مغيجيش اليوم للخدمة ... 

مشا طلع بدل حوايج الكلاس لي لابس و لبس كاجيول و هبط لقاها كتلعب مع الكلاب ... وهبط عندها هاز جاكيط ... لبسو ليها شد فايدها وجرها ... 

انصاف: اويلي فين غادي بيا واش ماغاديش لخدمتك .. 

عصام: غنوريك واحد الحاجة ..😜😜 

انصاف: بلاتي غير نقولها لمدام نور .. 

عصام: قلتها ليها فاش كنت جاي عندك ... ياله ... 

شد ايدها وتبعاتو و هي كتشوف فظهرو فرحانة وكتضحك ... خرجو من الفيلا وبقاو غاديين ... حتا دخلو مع الغابة ... خاوية وغير صوت الطبيعة فراخ بانواعها و صوت الشجر كيضرب فبعضياتو و ريح هاز معاه ريحة الشجر و التراب والضباب طايح بين اعالي الشجر كاينة رطوبة و ندا كيطيح بين خصلات شعرهم ... جو كلو زوبن وميعرف بحقو غير واحد الفئة من الناس وكيكونو مميزيبن على غيرهم و كيشوفو الامور بطريقة فنية مميزة.. وهادو لي فاهمين معنى الحقيقي للسعادة .... استمتعات بكل لقطة دازت قدامها شادة فيه بايد واليد الاخرى لي دازت من حداها كتمسها بايدها ورد وراق شجر كولشي ... غمضات عينيها كتحس بالهواء بارد ونقي كيدخل مع داتهها .. ريح حنينة كتلامس بشرتها و مطيرا شعرها ... طارت فالهواء مع هاد الاطموسفير و ايدو فايدها ... ومزيرا عليه بدون متحس ... وملاحظتش انه وقف كيتامل فيها وفنقاء رووحها .. لي ظاهر من تصرفاتها العجيبة ... 

عصام : عجبك الحال.. ☺☺ 

حلات عينيها ضاحكة : بزاااااف... جنة فووق الارض ...حمقاتني هاد الغابة ... 😍😍 

عصام: هههه ونتي حمقتيني.. 

انصاف شافت فيه بصدمة والقلب رجع يخبط تاني .. 

عصام ضحك وقال : هههه اجي معايا ... جرها من ايديها و هي تابعاه كتنقز ... حتا بداو كيخرجو من الغابة ...

طلقات ايدو و هي تمشا لقدام فوق الربيع كطل بان لبها البحر كيجري هايج شوية ... دارت عند عصام وقالت..

انصاف: البحر 😍😍

عصام: ههههه اجي ... جرها من ايدها و خرجو كليا من الغابة ومشاو شوية بدات كتبان ليها السماء مضببة ... و دخلو فالرملة ... كتمشا فوق منها و فيها شوي ديال الربيع نابت ... حيت على الغابة .. وديك الجهة مكيوصلها حد ... طلقات من ايدو وبدات تجري وتضحك كيف الحمقاء وهو وراها ايديه فجيابو كيتبسم ... حيدات سباط و تمت داخلة ...بقات غير كتلعب بيه برجليها وكل شوية دور عندو تضحك ليه ... هو جلس فالرملة سرح رجليه كيشوف فديك الطفلة كتلعب .. هز تيلي ديالو خدا ليها شحال من صورة ... 

انصاف: عصااام اجييي ... اجي تلعب معايا..

هصام: غيير لعبي نتي من بعد غيخصني نهزك راه عمرتي حالتك ... 

انصاف: وا غيير نتوسخو ... لحظات بحال هادو مخاصهمش يضييعو ... 

حط بورطابلو وتجاكيطو و تاهي كانت محبداها ...ناض عندها كيجري وكيضحك ورشات عليه قبل مايوصل وبدا يتحلف عليها ... فزgو حالتهم ... وبدات الشتا كتصب عليهم ... ودخلو عامو الماء هازهم و ااشتا كتصب عليهم مكيتسمع غير ضحكها وقهقهاتها بالفرحة ... معنقها لعندو شادها ... للحظة سها فيها وقال... 

عصام: داخلة تعومي واخا فيك البيريود ...مخفتيش..

انصاف كتهضر وتضحك: مكيهمنييش... 

عصام: كنتي مريضة و غتلعقيها ... 

انصاف: مكيهمنيش ... 😀😀 

عصام: واكن انا كيهمني ... ومبغيتطش تمرضي ... 

باس راسها ... و هزها خارج بيها ... عصر مم حوايجها ولبسها جاكيطها وجاكيطو ... و عنقها غاديبن و الضحكة ما فرقاتهمش ... سلك طريق اخر من غير الغابة باش يلخصو عليهم ... شتا كانت باقا كتصب دخلها بالزربة و قشعاتهم نور .. 

نور: ويلي ويلي مالكم فزgتو ...

عصام: جانا الحمااق 😂😂 

نور: دخلو دغية دخلو .. 

جرها عصام وطلعو للفوق .. تبعاتها نور لقاتها باااردة ...وجدات ليها الجاكوزي دغيا ... حيدات حوايجها و دخلات ... 

نور: ههههه عمتو فالبحر ... 

انصاف: هههه ااه مقدرتش نصبر ... 

نور: ههههه حمقة واخا مابايناش فيبك ... مهم سخني دابا وباينة لعقتوها ب2 غنجيب ليكم الدواء باش تفاداو المرض ... انا جايا احبيبة ...

بقات كتلعب فالجاكوزي والرغوة كتفكر لعبهم وتبدا تضحك .. وفينما تفكر اش قال ليها كتبغي طيبر من بلاصتها ... جابت لبها نور دواء لي شرباتو بعدما خرجات من الحمام و لبسات حوايج سخاان .. يدفيوها ونفس شي دارتو نور مع خوها ... هبطات معاها و جلسو فالصالة و لحق عليهم عصام وجلس معاهم كانت حتا رميساء وولادهم الصغاار ... جلسو دردشو شوية و جاو الرجال ..و تغداو .... اما الدراري كانو خارجيين للكلوب مع بقية الدراري... و جودية وميرال فليسي كيتغداو فالبيفي .... 

جودية: شتك غير كتخمي مالك ... اش كاين 

ميرال: اوووف ماعرت خوك ... واخا فكيتو مني باقي كيحاول معايا مفهمتووش غيحمقني تنا بزز باش قادرة نتجاهلو وهو والو .. 

جودية: ههههه علاش ... قبلي مالك ... مدام هو لي باغي... كنضن كيبغيك ... 

ميرال: مغنخليكش تاتري عليا صافي فضينا ... هو مكيبغينيش وانا منقبلش نكون معاه وهو مكيبغبنيش بوان فينال ... 

جودية: غتبان مع الوقت غير متزربيش ... 

ميرال: اووف عييت اش جا مدوز هاد الساعتين لي بقات ..

ميرال: بحال والو ... يجيو لينا تاني .. 

جودية: بحال والو ... تي قولي غيجييو .. 

ميرال: مهم نوضي نرجعو فحالنا ... 

🏃🏃 بعد 3 اسابيع ... لي دازو عاديين جاد و جود صحو رجعو يدردgو تاني ...جاد باقي كيدايق جودية والو هي مقسحة راسها ميرال ما كتعطيش لجود فرصة عاودات لشهاب كزلشي واخا خوات ليه الساحة مبغاش يصارحها حيت عارفها كتبغي جود وعاد غادي تولي الامور معقدة بيناتهم وتوصل لخالاف وقرر يضحي بمشاعرو ويوقف مع ميرال ... اما انصاف عرفوها على بقية العائلة كلشي رحب بيها و فرحو بيها رتاحت ليهم... و بدات كتعود عليهم ... عطاتها نور بيت كيطل على جهة البحر حدا بيت عصام ... و فيه بالكو وشراجم عراض بطلب من عصام ... عجبها الحال كل مرة خارجبن البنات يشريو و يتهلاو فربويسهم .. عصام وانصاف ولاو نظراتهم لبعضياتهم فاضحينهم ... و ديما الدراري شادين فعصام ... 

🎀اليوم الجمعة ... رجعو الدراري والبنات فالوطو من الليسي فالعشية... محاربين كيف عادتهم .. هبطو ودخلو سلمو على الموجودين وتزربعو لبيوتهم ... 

اما الدراري التحت فالجردة .. كيبلانيو ...

جود: امتا غنفدو القضية .. 

جاد: الاتنين ان شاء الله ... نغيزو لديلمهم .. ولكن غنهضرو مع جدي نهار الاحد ... اما البلاصة وااجدة .. 

جود: تكتا يجي الاتنين ايديا كياكلوني😂😂😂 

جاد شاف فجود و قالو: واا قاودووها 😂😂😂 

جود: اه والدريات ... غدا هو اليوم الموعوود شحال وانا نبلاني ليبه ... 😂😂

جاد: اااه فكرتيني غيبه ههههه بعدا عيط للدراري يجيو يباتو عندنا هاد النهاار ... باش نخربوها عليهم غدا نااري مقادش نتسنا 😂😂😂 

جود: كي شتي انا 👿👿 

جاد وجود: وا قاااودوووها 😂😂😂😂😂

جاد: الو شهااب ... فين ... هاد ويكاند خاصكم ضروووري طلعو عندنا للفيلا ... وا اليوم اصاحبي باش غدا نصبحو على والديهم هههههه قولها لربان و جيب سهى تاكل حقها تاهي ..😂😂😂 ياله تلاح جيو قبل العشاء .. 

بقاو الدراري كيبلانيو برا ... و البنات الفوق مجايبين خبار .. 

رميساء و نور كيتحتو فالصالة... 

رميساء: غدا ليلة عاشوراء الشهر طار دغية ...

نزر: بابا بغانا نتجمعو تاني ... يعنب غدا فالعشية نتجمعو .... 

رميياء: نااري انا كنخمم غير للصداع لي غينوض غدا تاني 😒😒 

نور: ههههههه غيير سكتي الحرب غتنووض تااني .. 

جاد و جود دخلو... 

جود: الوالدة متقولو ليهم والو راه ناسبين دابا ... 

نور: هههه وعلاه مالو سر راه فخبارهم غير نتا لب فخبارك 😂😂 

جاد: مهم خلبهم غافليين دابا ... 

رميياء: واش غتبقاو كل عام .. نفس السيناريو راكم حاgرينهم اولدي والله ... 

جاد: دخلي سوق راسك الوالدة 😂 

رميساء: هاا هي ... 

طلعو الدراري الفوق .. اما البنات وسط البيت كيدوزو وقتهم عادي مع انصاف ... جا زاين من الخدمة ... و مشات رميساء لفيلتها....

زاين : بيب ... 

ناضت عندو باستو ... 

نور: سافا ... 

زابن: عياان ... فين الدراري ... 

نور: البنات فبيتهم والدراري فبيتهم و اسر عند عمتو .. 

زاين: مممم هدوء قبل العاصفة 😂😂 

نور: غاسكت الدراري جايبن ... والبنات مسابقين خبار..

زاين: هههههه غير الله يحضر السلامة وصافي.. انا زيدي قدامي وجدي ليا الحمام ... 

تم غادي وهي تشعبق ليه على ظهرو راكبة كتضحك ..

زابن: تقولبت ... كان كيسحابلي غديري عقلك .. ساعة ولدتي 2 ولادات وداك العقل باقي مبغا يدار .. 😐😐

نور: العقل ديرو غانتا انا مرتاحة هكا ..😂😂 

زاين: هههه ومنبن نقولك برهوشة بداي تنgري ... 😂😂 

نور: هههههه برهوشة ماشي هي حمقاء ...

دخلو لببتهم هلطات ومشات لاحمام توجدو ليه بما حيد حوايجو ودخل ... تخشا فيه وجلسات على جنب ديالو ... كتشوف فيه وهو رد راسو لور ترخا .. 

نور: كتبان عيان ... 

زاين هز راسو شاف فيها : راك عارفة الخدمة ومشاكلها غير صداع والمشاكل وعااد داكشي لي وقع للدراري باقي مبرزطني باقي مالقيت راس الخييط ... 

نور:ريح راسك احبيبة ... حتا انا مبرزطة من جيهتهم ولكن متاكدة بلي هادشي غير بين الشباب راك عارفهم مخلاو معامن جبدو الصدااع ... 

زاين: حتا انا هاد الاحتمال غالب عندي ... ولكن يوصلو لدرجة يهلكوهم وسط الطريق ويوصلو للسببطار... هنا مشاو بعيبد ... وانا عارف دوك ولادك مساكتينش غير هكاك ... 

نور: وا صافي دابا ريح راسك دابا ... ناضت وجلسات وراه و بدات تماصي ليه كتافو وعنقو وترخا بين ايديها حتا حط راسو على رجليها .. 

نور: هههه فزgتيني الراجل ... 

هو مرخي ولايح نقلو ... بجغات وجهو بين ايديها كتاعب فوجهو حتا زنgاتو ليه وبدات كتضحك وشبعات فيه بوسان ... واخا مغمض عينيه جالس كيشلقم مكبضيعش الفرص ... شافت ليه وجهو ... 

نور: بشرتك عييتيها انتهالا فيك ... 

زاين: هههه حيدي عليا داكشي ديالك انا هو نتي ... 

نور: تا رصى غير غندير ليك مقشر وسيروم من بعد ماتسالي ... ماشي كريمات الويل ... 

رجع تكا على رجليها ... و جلدات المقشر وبدات تماصي ليه وجهو و حكاتو ليه مزيان ..حتا رجعاتو ليه نقي ورطب ... ناض كمل الدوش ديالو ... لوا عليه فوطة و خرج جمعات هي الحمام وراه ... وخرجات لقاتو لبس سروال سيرفيط و كينشف شعرو رش ريحة وهي توقف عليه .. 

نور: غمض عينيك وسد فمك ... 

دار اش قالت ليه ورشات ليه سيروم فوجهو ... حطاتو ورجعات ليه كتشعبق حتا وصلات لوجهو وبدات تقرص و تضحك وتعبز فلحيتو ...

نور: وييبنو وشحال بوووgوص هاد الراجل عندي مكتشرفش ... اش كتاكل ... 

زاين: حلوتك ...

نور: هههههههه تفو بنادم انعل ديلمي انا لي سولتك .. ولكن واخا هكااااك .. انا مزعوطة انا 😍😍 

زابن: ههههههه راه انا لي مزعوط اري بوسة... 

نور: بغيتي غير بوسة صافي ..😏😏 

زاين: شوفي لمك نتي ... علاش كتقلبي .. راه غنغبرو شوية غتنوض ديك البخوشة ديال بنتك تفرع علبنا الباب تاني ومافيا لي يلعقها تاني 😂😂😂 زيدي قدامي ... 

نور: ههههه صافي غير بوسة .. 

زاين شد وجها كيضحك جمع حناكها شبعها حب .. ولبس تيشورت ديالو وهبطو معانقين كيضحكو ... 

جلسو للتحت كيدردشو ويهضرو .. حتا هبطو الدراري .. 

جود: باقي مجاو الدراري... 

زاين: مسينا عالله ... 

جاد: كنسمع طوموبيل ... واقلة جاو ... 

خرجو الدراري ولقاوهم جايبن ... ربان ... شهاب ... سهى ... 

جاد: وا فيبن العشراان ... 

سهى: فين البنات .. 

جود: قولي غير سلام بعدا ...

سهى: مامسالباش ليكم ... 

مشات دخلات .. 

جاد: تنفخي لمك غدا تخلصي ... 

الدراري: ههههه 

دخلات سهى سلمات على عمها و مرتو ... و طلعات الفوق ... حلاتةالباب بالجهالة وطلقات زgية حتا تهزو البنات من بلاصتهم .. 

جودية: الله يعطي لمك الضرسة وقلة الظفاار .... 

يهى: 😂😂😂😂😂 دعيتي ولا حزقتي ... 

ميرال: تي مال مك جاهلة ...

انصاف: طيرتيها منا الحمقاء .😂😂. 

جودية: اجي بعدا اش جابك فهاد الوقت .. 

سهى: اوياي طلع تاكل الكرموس نزل شكون قالها ليبك ... ياك نتوما لي عبطتو لريان وعرضتو علينا نجيو باش ندوزوها هاد الليلة و نيت غدا نرجعو حيت جدي لغا يجمعنا تاني .. 

جودية: وعلاش .. 

ميرال: على المشماش المكلخة غدا ليلة عاشوراء .. 

جودية: اااه ..... اشنوووووو .😱😱😱 

ناضت وقفت و البنات تبعوها ... 

ميرال: ناااري غدا زمزم 😱😱 

سهى: ويييلي كيفاش مشا من بالي .. ولاد الكلاب هادشي علاش جمعونا ... 😭😭 

انصاف: مالكم البنات ... 

جودية: اسوء يوم كيدوز فحياتنا حنا هو يوم زمزم وجا بيوم السبت ولاد الحرام غيجلسو لينا فالدااار وا ماما 😭😭😭 

انصاف: ههههه الدراري عالااام فهاد العائلة... 

سهى: ماشفتي والو ...😭😭 

دخلات عندهم الخدامة كتعيط ليهم يتعشاو ناضو البنات هبطو التحت ... مالقاو غير زاين ونور و عصام واسر و جلسو معاهم ... 

جودية: ماما فين الدراري... 

نور: في فيلا خالك ... مجموعين تما ... 

سهى: مجموعين على خلا عشتنا😭😭 

عصام: هههههه

جودية: دايرين مؤامرة علينا ....حتا نتا اعصام معاهم ياك حاطينك هنا باش تجسس يااك ... 

عصام: ههههه غير ظلمتيني احببيتي 

نور: حتا منكونش عارفام تقول هضرة دابا وتصبح داير عقلك فييهم ... 

عصام ضحك ضحكة شريرة و هز عينو غمز انصاف وهي دخل معاها الصهدة... 

ميرال: عمي ... عااافاك فكنا من هادةالورطة وكون غبر كانو كيكبو الماء ويحيدو راه تي تعداو علينا والنهار كولو من الفوق😭😭😭 

نور: هههه لي داروه ديروه و هنيونا ... 

زاين: ضبرو راسكم ابنتي 😂😂😂 

سهى: اوووف 😠😠 

جودية: صافي البنات بغاو الحرب احنا غنحاربوهم ... 

كملو عشاهم و ناضو ينعسو وتجمهو فبيت واحد واخا انصاف عندهاةبيتها اصرو علبها البنات باش تخشا معاهم حيت مكايناش تقة وغيصبحو عليهم ... دخلو للبيت وسدوه بالساروت ... وبقاو غادين جايين فداك البيت مفهموش اش ممكن بكونو كيخطو ... هزات جوديوة واحد المنظار ديالها وهيي تبدا طل لبيت جاد ..كيبانو ليها ورى الخامية غادبن جايين ... 

جوظية: ماااعرت اااش كيديرو ضرني راسي ...

ميرال: حتا انا ... 

انصاف : اجيو تنعسو يصبح ويفتح ... تخشاو البنات حداها مستفين ل4 فالفراش بحال بواطة السرديل ... ونعسو معانقات ... 

🌞🌞🌞اصبح الصباااح 🎈🎈🎈🎈

داخلين الدراري كاملين لابسين غير شورطات و سماطيات و كلاكيطات واجدين لاحرب ....و كل واحد محمل بالاسلحة دبالو ... بيسطولات كبار عامرين بالماء نفاخات فيهم السبايغ بالالوان و لي فيهم الماء و نفاخات فيهم الدقيق و ماستاعملوش البيض حيت خافوهم يتوعتو ... وهما باغين غير يلعبو... داخلبن مستفيح لساحة المعركة كولشي باقي كيشخر ... غير دخلو مع الفبلا وبداو يتغاوتو ريان كيضرب بمغرفة فطنجرة والظراري كيزغرتو تزغريتة ديال تلهنووظ الحمر حالين فامهم كيغوتو و كيضربو بايديهم على فامهم..... ريريريريريري ... 

البنات فالبيت مستفات غير سمعو التزغربت ناضو جليسو فبلايصهم قفزو بالخلعة ... 

جودية: واش كتسمعو لي كنسمع 😱😱  قصة من قصص مدرب..

ميرال هزات ايدها للسماء كتغبن : اللهم لانسالك رد القضااء ولكن نسالك اللطف فيه ... 

سهى ساهية قدامها فيها البكية: لا لا لا منقدرش منقظرش ... اضت كتجري حلات البالكو ولتحت رجل تبعوعا البنات كيجرو ... 

سهى: طلقو مني كنفضل نموت و مانطيحش بين ايدين دوك جماعة قريش ... اش درت ياربي فحياتي اش درت 😭😭 طلقو طلقو مني الموووت ارحم ليا ... طلقووووو 

جودية: كلنا لينا نفس المصير غتحاربو لاخر نفس ... غننقاومو وغنعيشو فالاخر ... غنعيشو ابنت العم غنعيشو ... 

ميرال: لينا الله لينا الله ... 

سمعو الدراري الغوات الفوق و شافو سهى باغا تنتاحر و البنات كيجرو فيها ... خراو بالضحك على داك المنظر و هما يبداو يزغرتو شافو فيهم البنات و بداو يزربو ويتفتفو باش يجروها ويدخلو ... 

جودية: واااااع شااافوونااااا ... 

ميرال: هبطيييي المسخوطة غيشيروووو عليينا.. 

سهى وحلات: مك مك مك مك مك جرووووونيييييي

جاد هز وحدة من البالونات و دراري كيتهاتفو باصوات غليضة : هوي هوووي هووي هووي ... 

فاخر لحظة جروها دخلات ... وتلات جودية مجاتها غير لمؤخرة راسها تفرgاعات فوق راسها بلون اصفر تخلعات ودخلات كتغوت وسدات البيبان والسيتار خلاو الدىاري غيخرااو بالضحك ... 

جودية: ب..ب.. بليساوني 😭😭😭

انصاف: اش هادشي ... 😱😱😱 الصباااغة 😱😱 

سهى: ناااري القضية غادا وكتحمااض ... 

ميرال: وا بغييبت ماااامااا ... 😭😭😭

سكتو وسمعو الحس ... قربو للباب حطو ودنيهم وسمعو نور كتهضر: ناري ناري ناري شكون لي قودها ناري ناري ناري شكون غياكلها ...😂😂

جودية: والله يعطيك عقل اماما 😒😒 

نور بقا متضحك عليهم حتا شهقات شهقة و خرجو عينين البنات ...

نور ورى الباب مطلعاها على الدربات محسات حتا تخوى عليها سطل ديال الماء حتا نتقزت ... دارت تشوف شكون وهي مصدومة لقاتو ابو العضلات زاين عوج بالضحك ... 

نور: منيين تسلطتي عليا نتا ... اش هادشي درتي فيا يسحاب لي نتا مول العقل ... 😒😒 

زاين: العقل داير ليه روبو اليوم ... ياله زيدي قدامي تبدلي .😂😂😂 

نور : اقسم لك بالله العلي العظيم لابقات فبك اراجلي العزييز ... و مشات كتنفخ ...

زابن مشا وراااها كيموت بالضحك ... 

طلعو الدراري كيزغرتو بصداعهم ووقفو قدام بيت البنات ...و لقاو الباب مسدود و بداو يدقو .. 

البنات سمعو تزغريت طالع مع الدروج و صدااع وناضو كلهم وقفو كيشطحو بالخلعة ... 

سهى: واش جااا ما فكها دابا ... 

جوود: واا حلوو هاد الباااب😂😂😂 

جودية: اه تسنى ... وا تاسيييييير 😡😡 

ريان: والله ليوم لا فلتو منها ... 😂😂😂 

ميرال: واللهتا حرام عليكم .. 

جاد: والله وماتحلوه حتا نفرعوه عليكم .. 

جودية : وا ما خارجيييينش ... 

عصام: انصاف نتي الداخل ... بغيت نهدر معاك خرجي عندي ... 

انصاف بغات تخرج وحبسوها... 

ميرال: فين خاارجة تقتي فييه ... 

انصاف: ولكن عصام بغاني ... 😟😟 

جودية: حنا نتا اخالي يااك نسحابوك بعقلك ...

شهاب: من الاخر غتخرجو ولا لا ... 

البنات كاملين: الااااا 😡😡 

الدراري: وااخااا.... 

سمعوهم مشاو ... 

انصاف: مشااو .. 

جودية: لا لا هادشي ماكيطمنش ... 

رجعو البنات لفوق السرير كيخمو ... ومابقاوش سمعو حسهم .. 

ميرال: ضرني راسي ... ماعرت فين مشاو ... 

سهى : غيكونو كيفكرو كيفاش يدخلو عندنا ... 

جودية: انا غنحل الباب نطل عليهم نشوف ... 

انصاف: اويلي ويلا كانو برا ...

جودية ناضت كتصنت : مكاينش حسهم ... 

ناضو البنات وراها ... حالات الباب غبيييبر بالشوية ...خرجات غير عين كطل من شق الباب ... بان ليها االكولوار هاااني ... حلات الباب مزال خرجات راسها والو مكينش حسهم ... خرجات كلها كطل طل تبعاتها سهى غاديين حفيانين فالكولوار كيتسلتو البنات لوخرين مازعموش وبقاو فالباب حاضيين .. 

سهى كتوشوش: ماعرت فيين مشااو ... 

جودية كطل على الطابق التحتاني : ماعرت مكاينش حسهم ... 

بدات كتمشا القدام و سمعات بحال شي حد فلتات ليه الضحكة وهي تغوت ... 

جودية: وا كاينين هناااا واهربييي 😱😱😱 

سهى: 😱😱 😱😱 

بظاو كيحريو البنات للبيت و الدراري وراهم كيتغاوتو ويضحكو هازين بيسطولات ديال الماء كينيشو و البنات الباقيين فباب البيت فاخر الرواق كيشطحو بالخلعة كيقولو ليهم سربيو والو شافو ريوسسهم فالخطر وهي تسد ميرال الباب و بداو كبتغاوتو البنات وصلو لباب سهى تعلقات فالبوانيي بايديها ورجليها كتغوت وجودية حداها كتخبط فالباب وتشوف وراها ...و الدراري جايين بالشوية كيخلعو فيهم .. 

جودية كتشطح بالخلعة : وا الغدااااراااات حلووووو  😭😭😭😭 

سهى: مك مك مك مك مك حصلنا واللهلا بقات فمك نتي ويااااهااا  😭😭😭 

جودية شافت راسها حصلت هي و سهى ... وهي تجرها وهبطو مدردبين فالدروج والدراري بداو يجريو تابعينهم بالاسلحة ... 

جااد: والله يامكم حتا حصلنتو  😂😂😂 

ريان: شد شد شد شد ... 😂😂😂 

البنات دارو فرفارة فرجليهم هابطات حفيانات بالبيجامات و الشعر باقي مشعكك خرجو لاجردة هربانين غبر هكاك خرجو البنات الفوق كيطلو من تللالكو بانو لبهم كيجريو وحاميينها غوااات والدراري وراهم كينيشو ... و البنات كيجريو و يتفاداو ... 

جودية : وااااا الحميييييير ... 

سهى: ناااري مك غيشدوووناااا .... وا العداااااااااو ...

دارو مع دورة ديال الفيلا وتفرقو كل وحدة دارت مع جيهة ... كيجريو وينهجو والبكية والخلعة كولشي تجمع عليهم ...الدراري كل واحد شد جيهة... كيقلبو عليهم ... البنات كيطلو من الفوق ميتين بالضحك ... جودية كتجري وتندب .. 

جودية: ناااري قودتها ..... غنتهبا هنا .. تخبات ورى شجرة من دوك لي فالجردة ... و بقات تمى ... بانو ليها جاد و جود ... كيقلبو و ضربات طم ... 

سهى فجهة اخرى ... كتقلب فين تخبى حتى خرج ليها شخاب من الجنب .. 

شهاب: هااااااا 👿 

سهى لصقت مع الحيبط كتغوت بان ليها هز النفاخت وهي تبدا عليه .... 

سهى : مك مك مك مك مك لاااااا تراااخ ولات كلها خضراء علقات ليه وهو تابعها من لور وكيصليها ولات كولها ملونة ... ودازت كتجري قدام الفبلا شافوها اللنات من الفوق خرراو بالضحك حتى طيسمعو الباب تحل عليببهم و هما يهجرووه 😂😂😂

تحل الباب وهما يطلقو الحلوق فاش شافو الدراري جايين بنظارات شريرة ...حاصروهم فالبالكو ..ووقفو عليهم ... 

عصام: حصلتو دابا 👿 

انصاف: حرام عليبك اعصام 😭 

ميرال: شوف اااه والله وتشير عليا بشي ...ترراخ قبل متسالي شير عليها ريان بنافخة فيها الماء .. و كملو بانصاف ... خرجو البنات كيجريو ... هبطو كيتغاوتو مع الدروج ... ووصلو على لوخرين كولشي مزربع الحرب نايضة وفينما مشيتي تسمع تزغرييت الدراري ...

عند جودية لي باقا كطل عليهم من ورى الشجرة ... 

وجود وجاك كيقلبو عليها ... 

جاد: بش بش بش بش فين مخبية القطيطة😂😂 

جودية: بانو ليها قربو وهي دور مع الشجرة باش ميشوفوهاش ولكن الحركة لفتات انتباهم وهما يوجهو ليها البيسطولات ... وهي تخرج كتغوت وتبعوها عوجيين بالضحك ... دخلات مع الكوزينا وتخبات وهي تلاقا مع سهى مخبية تم كترعد كلها ملونة و فازgة وجودية اكتر منها... وهما يتعانقو ... 

سهى: شتي اس دارو فينا 😢😢 

جودية: دوك الغدارات حتا هما خرجوووهم 😂😂 سمعتي غواتهم 😂😂😂 

سهى: مزيانة فيهم ... 😂😂 

دخلو عندهم ميرال و انصاف حالتهم تاهما ... 

وهنا يتفرgعو عليهم بالضحك ... 

جودية: واااع ولينا بحال المرسم ديال ماما 😂😂😂 

انصاف: لا لا هادو مخاصناش نسكتو لبهم ... 

ميرال: اتينا اش عندك ... 

مشات حلات التلاجة و هي تجبد البيض ... 

كلشي بظاو ينقزو بالفرحة كل وحدة حزمات تيشورت ديالها على كرشها كونات جيب و عمروهم لالبيض كل وحدة هازا عرام البيض عندها ... 

انصاف: هيااا الى الحرب ... 

خرجو البنات كيزغرتو تزغريت ماشي الهنود الحمر ديال النgاافاات 😂 و هما يهجمو الدراري يقلبو عليهم والبنات كيقلبو عليهم ... تزربعو فديك الجردة بحال البابوش ... وقفات جودية من بعيد وهي تشير على جاد جاتو للقلقولة ... دار ايدو فراسو شاف البيض فايديه... دار لقا جودية فرتحات و هو يتبعها ... ميرال قربات حتال عند جود شيرات عليه ببيضة وهربت جا فطريقها ربان ومزgلاتووش ... الدراري شافو تلبيض وهما يجعرووو و تبعوهم ... سهى بقات كتسلت فواحد الجهة و شيرات على شهاب وحدة ورا االاخرى محبياتش هو هرب وهي تابعاه كترجم فيه ... 

شهاب: لموووووووك ... والله ونشداااااك ... 

سهر: راااه انا لي تااابعااااك ماشي نتااا ... 

فلحظة وقف و وقفات تاهي و ولا هو لي كبجري عليها وهي هرباانة ... اما عند انصاف ... غلبها عصااام بالماء ملقات كييف ديير و هي دير راسها جاتها الدوخة وشدات فالحييبط شدات فراسها وبدات تمتل عليه وهو دغية تااق .. 

عصام شاد فيها: انصاااف مااالك 😨😨 

وهو شادها هزات بيضة طلساتها فجبهتو وعلقت ميتة بالضحك ... 

عصام تنهد وقال: وليتي تخدمي القوالب لمك ... هانا جاااي ... وتبعها ... 

الجردة ولات كيف الزريبة هدا جاي هادي راجعة ... وكولشي حاميها غوات و ضحك .... 

الفوق فالبيت زاين داير الليزيات باش ميسمعش صداعهم خرجات نور من دوش لاويا عليها الفوطة ودايرة اخرى فراسها ... وهازة سطيل ديال الماء .... وهي تنزل عليه حتا ناض من بلاصتو ... 

نور: ياله نوض تبدل 😂😂😂😂 

زاين شاف فيها كتضحك و جانو ضحكة وهو يشنق عليها لصقها معاه ... 

زابن :كضحكي لمك..😏😏😏زعما ميمكنش تبقى فك ...

نور: دفتي مكنسكتش عليها 😂😂 جبدتيني لقيتيني ... 

زاين ياله زيدي غدوشي ليا ... 

نور: سير فخالك ياله دوشت وباقي مالبست ...

زاين : نيت داكشي لي بغيت .. هو يهزها على كتفو ودخل بيها للحمام .. 

اما رميساء وياسر مع رغد و اسر لي فلتو من حرب المجانيبن .. 

بقات الحرب بين البنات والدراري دقة في البنات ودقة فالدراري ولكن واخا هكاك تغلبو الدريات سخفو كلهم نجمعو فواحد القنت كياخدو نفس كولشي تطلا ها السبايغ ها البيض والماء مهم تاواحد مابقا باين لحمو كلشي ملونيين ... طاحو الدراري حداهم حيت تاهما عيااو ... كيتفكرو ويكركرورو 

شهاب كيعيب سهى: مك مك مك مك مك 😂😂😂 

سهى تلاحت عليه كتنتف لبه شعرو لي كيتلصلص بالبيض : لمك نتا ... كيف غندير نفك حالتي داااباا .. 

ميرال: واهوما شعرهم قصير دغيا يفكوه حالتنا حنا لي سباغة كرماتو لينا ... 😡😡 

جود: متخافييش هههه هاديك صباغة كدووب فالماء ... 

ميىال: اووووه هادشي دخل لعييبني ... بغا ينوض جود عندها سبقو شهاب بدون اي تفكير ... بدا يمسح ليها ولكن غا مزاد داااع ونوضها شهاب نيشان للداخل ... خلا جوود غيتفرgع وراه ... 

انا الاخرين كيعاودو التحدات ويجلسو يضحكو على بعضياتهم ... و جلسو يتسيلفااو بدييك الحالة باش يبوسطييو فالفايس 😎😎 

سالاو زاين ونور استغفر الله و لبسو حوايجهم ... هبطو لقاو الفيلا مقربلة بيض وميمان و الرجلين مطبوعين بالصباغة فالكوزينة و قدام باب الفبيلا وهي تكحل نور بالهدعما خرجات لبهم صاعرة ووراها زابن كيضحك و دايرايدو فجيابو غير خرجو للبرى وهما يحلو فامهم ..😱😱😱 

لقاوهم مجمعيين فالجردة ... مليوحين فالارض فوق الكازون كيتشمشو وعياو بالجرى و الطياارااان .. بحال دوك زمرة السبوعة واللبوؤات فاش كيعرgوها وكيتلاحو تحت تلشجرة يهضمو بحال هكااك ... 

زاين و نور حلو فامهم الجردة كلها مقربلة والحيوط عامرين صباغة و كولشي مرون حاالتو ... 

نور: اوووياي اش هاااد الحالة داارو عمرها كانت ليبهم 😱😱 

زاين : غا بلاتي .... 

مشا حل روبيني ديال الجردة وجر ليهم تيو ... وخواااه علييهم ... 

ناضو قافزيبن غفلهم ... غسل ليهم حالتهم شوية...

زابن: تبااااركالله على ماليبن العقل ... 

جوود: ناري الوالد غفلتينا 😂😂 

زاااين: غتنوضو تغسلو عليا هاد الحالة .... ومن بعد غتنظفو هادشي لي درتوووه بايديكم.... المساعدااات كلهم روبو هاد اليوماين ... ياله كولشي رجع كيف كان ولا والله بوكم غير لا عاودت لكم التربية ... 

جودية: واااايلي...

ربان: صافي اعمي كون هاني 😂😂😂 

نور: حتا الفيلا الداخل طلستوها اتريكة الهبل ... ياله دخلو غسلو هاد الحالة ... 

دخلو كولشي غير وصلو ااداخل الفيلا وبداو يتجراو باش يتسابقو للحماامات الحرب ناضت عاوتاني جودية دخلات سدات عليها فديالها ... و انصاف تاهي ... يهى ومي ال خرجو كيجريو كيقلبو جود تخشا فديالو وبرك يدابز مع ريان عصام فبيتو و جاد رجع لفيلتهم و بقا ربان وشهاب و سهى وميرال تلاقاو وسط الكولوار و بداو يتجاراو حيت بقا حمام واااحد ... فالطابق التالت ... طلعو كيجريو ودخلو البنات والدراري برا كيدفعو عليهم و بقاو البنات مجارين حتا سدوه وقفلوه بالسارووت ... و عامو ب2 فخطرة ... و بقاز الدراري متشرديين برا ... 

شهاااب: ناااري على بلاني ... 2 برهوشات خورونا ...😂😂😂 

ريان: مغنصبرش غنمشي للفيلا الاخرى تهلا ...

شهاب : خليني انا هنا ... نحرمها على هادو ... 

مشا ريان وبقا شهاب يدق ويعاود والبنات ستريساهم وعصبهم ... 

سهى: وا الخرى سيير فحااالك ... 

شهاب: طلقوني الصباغة كتاكلني... 

ميرال: الى كلاتك كولها... 

شهاب: غطلقونا لا... 

سالاو البنات ونوضو الحرب على الفوطات كاينة فوطة قصيرة وكاين بينوار ... طارت سهى خطفاتو وبداو يتغاوتو الداخل .. 

شهاب: هههههه ندخل نفككم 😂😂😂 

سهى: والله لا خديتيه انا الاولى شديتو... 

ميرال: اويلي غنخرج هكا غير بفوطة ... 

سهى: وانا مالي ... 

ميرال: اووووف ترجع لبك فساعة الخير ... لوات عليها الفوطة وبقا شعرها مليوح على ظهرها فازg قربو للباب و عيطو لشهاب باش يحيدوه من الطرييق .. ولكن مجاوبش ... 

حلات سهى ملقاتوش ... 

سهى: مكاينش غتهبكو التحت جرية الحلوف ماتشوفي لا هاه لا هاه... 

ميرال: وا غاطلقينا .... 

خرجات سهى و تابعاها ميرال دارو مع الدورة لقاو شهاب جاي مشا يجيب حوايجو تصدم منين شافهم قدامو وهما تاهما ...عاقو بريوسهم وبداو يتغاوتو وهلطو كيجريو ... ز شهاب طاح غيسخف فالضحك ... خرج جود من بيتو كتبان ليه سهى هابطة ببينوار كتجري وتغوت دازت من قدامو طايرة ودخلتت لبيت جودية ..عاد هابطة ميرال مضاربة مع فوطتها زربانة بان ليها جود و هي تعفط و زادت اليرعة من الحشمة وشعرها طاير بقا ساهي فيها ... حتا سمع ضحك شهاب من الفوق وعو يعقدهم باقي مسرطش بلان قبايلة زادو هادا ...

دخلو البنات وسدو عليهم لقاو جودية سالات لبسها ومشفات شعرها وشدات البورطابل ... دخلو عندهاىكينهجو وتلاحو حداها ... 

جودية: اوياي نتوما مالكم ... 

سهى: ناااري اختي شووها ... دخلنا للدوش لي الفوق و سيهم شهاب دار لينا حالة تما .. فاش خرجنا تااقيناه برى ولد الحرام وكملنا بجود ... 

ميرال: وااع نتي راك ببينوار انا راه بفووطة .. 

جودية: خلاص عليا .... نسيتو بلي سجال من كرة عمتو معاهم بالبيكيني و المايو ... 

ميرال: وا صاحبتي بيكيني ماشي هربانة غير بفوطة .. 

جودية: بحااال بحال 😂😂 صافي دابا نقوليهم يتزوجو بيكم 😂😂😂 

سهى: ميرال هادي بان ليا باغا شي نتفة ... 

ميرال: نوضي ... 

ناضو وجودية بدات تغوت هجمو عليها ... 

عند جوود لي فاش دخلو البنات... مشى طلع عند شهاب ... 

جود: شهاااب ... حماقيتي اش مضحكك .. 

شهاااب: وا فلتي واحد المنظر 😂😂 خرجو تلبنات من الدوش مشافونيش ... غير طلعت ليهم خزو فتطيبهم وعلقو 😂😂😂 

جود: ومتعرفش زعما تخوي ليهم الطريق ... اصلا هما اش طلعهم للدوش الفوق ... و ماهازين حتا حوايجهم .. 

شهاب: هههه راه غير صدفة كن عرفتهم هكاك منطلعش .. انا ضحكني غير وجاهم 😂😂😃

جود: سير سير دخل حيد بعدا هاد الحالة كتضرب بريحة الزفورية ... 

شهاب: هههه ها هو ... دخل شهاب و جود هبط مع الدرووج للتحت ... 

اما انصاف منين سالات الدوش خرجت نشفات حالتها و هزات شعرها الفوق فازg لبسات حوايجها و سمعات دقان عرفاتو غير عصام من دقة ديالو حيت كيضرب ضربة وحدة ويحبس ... 

انصاف: اش باغي ... باقا شي بيضة تما 

عصام: لا صافي سلات الحرب ... جيت نتصالحو ..

انصاف: لا ممصالحاكش ... حgرتي عليا بسحابلي غتدافع علينا صدفتي معاهم ... 

عصام: وحلي بعدا هدا نشوفك ... 

انصاف: اش غتشوف فيا ... 

عصام: وا صافي حلي ... 

حلات انصاف الباب ... ووقفات قدامو كتبسم وهو غير سافها تبسم حتا هو ... 

انصاف: غتبقى تفرنس تما بحال هكاك😂😂😂

عصام: هههه تخرجي معيا ... 

نور ظهرت من العدم : على جثتي .. اقسم بالله تاواحد ماغايعتبعها ... دوشتو ويتله gفظو وخرجو حيدو عليا ديك الحالة ويلي الفيلا كلها سباغة وريحة الزفورية منشوف حتا حاجة ... باله راه الدراري التحت تاهما لحقو عليهم وانا غنهبط الحلوفات تاهما ... 

انصاف: الالاة نور ... غنهبطو.. 

نور كامت غادة ورجعت: شفت هاد لالة مبغاتش تحيد منك ... انا ختك ... ختي نووور ... 

انصاف: غيير مموافاش صافي ختي نور ... 

نور: هههه وا هكااك .. ومشات لبيت البنات... 

عصام: هههه غير نساليو ونخرجو ... 

انصاف: واخا مرحبا .... 

عصام: ياله نهبطو ... 

عند نور دخلات ليهم هبطاتهم من ودنيهم و ستفات كولشي قدامها وهبط زاين لابس حوايجو ... 

نور: انا وزاين و ياسر ورميساء و ختوتكم الصغار غنمشيو لفيلا جدكم ... ونتوما غتبقاو هنا حتا تنظفو هاد الحالة لي درتو .. 

زاين: الجردة طليتوها تاهي ... جيبو الصباغة وعاودو صبغو الحيوط ... 

جود: الوالد هاديك ماشي صباغة حقيقة راه كتحيد بالماء ... 

زاين: صافي مزيان... احسن مديرو ليا شي فضيحة تكتر من هادي ... 

نور: سمعو ... ممنوع تجيو حتا تساليو هادشي ... و راه غداكم طيبوه و اللهلا شفتوه من عندي ... راكم عارفين الكوزينة فين جات ... ياله الله يعاون هاد الساعة .. 

خرجات نور و زاين شاف فالدراري غمز ليهم وخرج ...

بقاو غير كيضورو فعينيهم ساهل ترون وصعيب تجمعها ... 

جاد: ياله الحادgاات وريونا علاياش قادات ... 

جودية: هههه ضحكتيني ... راه والله وماحطيتو ايديكم معنا لادرنا شي حاجة ... 

ربان: هههه غير بردو كولنا غنتعاونو ... غير هو الغدا ..شكون غيطيبو ... 

كلهم سافو فالبنات لي كلهم بداو يضورو فعينيهم الى انصاف لي هزات ايدها ... 

ريان: العززز بنت الشعب وما ادراك ما بنت الشعب ... *شاف فالبنات * حيد عليا من كيلي ميني ... 

© www.9esa.com.. جودية و ميرال و سهى بصوت واحد: مووووك 😡 

الكل :😂😂😂😂😂😂😂 

عصام: اش كتعرفي طيبي ... 

انصاف: كولشي .. 

عصام: حتى كسكسو ..

انصاف: ااه ... 

شهاب: حتى الطواجن والرفيسة و..

انصاف: كولشي كولشي ... 

ريان: تزوجي بيا ...😂😂😂 

ربان غير ضحك وانصاف حشمت و عصام معجبووش الحال... 

عصام: نو مزوجة بيا تعطلتي ... 

ريان: وايلي امتا وقع هادشي 😂😂 مشيت خلا ولا كيفاش ... 

عصام: مشيبتي خلا ... ياله الله يعاون جر انصاف من ايديها و مشاو للكوزينة ... 

ريان: واش غار عليها ولا غير جاب ليا الله 😂😂 

جود: مجابش ليك الله ... سي عصام طايح على زنافرو 😂😂😂 

ريااان: اااح خااايبة هادي ... ماو ميعتارف ليها ويهنينا .. 

جاد: ايوى ماعرت ليه 😂😂 

جودية: وناااااري مفيا لي يدير حتا حاجة 😢😢

ريان: زيدي لمك كلنا غنديرو ... 

شهاب: غنتقسمو كلها يشد بلاصة ... باش نسيربو دغيا ... 

ميرال: اه بالصح ... 

ريان : صافي ... انا غنشد الحيوط ديال الجردة ... جود وجودية غبتكلفو بالطبق الفوق ... جاد وميرال هنا التحت ... شهاب وسهى الجردة الورانية وانا القدامية اشنو متافقين ... 

جود: انا غنتكلف مع ميرال ... 

جاد: وانا مع جودية ... 

ربان شاف فبهم شحال ضحك و قال واخا ... 

اما البنات طلعات معاهم الصهدة مبغاوش هاد البلان ياله غيعارضو وهما يشقموهم كل واحد جر وحدة ... 

☆☆☆عند عصام و انصاف...

عصام: مممم شنو غتصاوبي انا غنععاونك ... 

انصاف: معرفتش شنو تبغيوني ندير ليكم ... 

عصام: شي حاجة ساهلة بلا متعيي راسك ... 

انصاف: غندير ليكم طاجين الدجاج بالفرييت ... عزيز عليا .. 

عصام: ياله وريني الحداgة .. 

انصاف : هي الاولى جبداا طاجين ... وحطاتو يسخن ودارت زيت وهو واقف حداها مقابلها ... جبد دجاجة من التلاجة و حطها حداها ... 

انصاف: ممكن تفصلها ليا باش يطيب دغية ... 

عصام: كتعرفي طيبي و مكتعرفييش تفصلي دجاجة .. 

انصاف: هههه كيغلبني وخاصة الجوايه لي فبهم العظتم غير كنتكرفص على الدجاجة وهاك سربي .. 

عصام: اري لهنا ... 

حطهت قدامو وفصلها ليها و حطاتها فالطاجين و جبدات البصلة تتشلظ و هو حداها متكي على البوطاجي و كيتفرج فييها ... و هي متوترة حيت حاسة بعينيه عليها ... عينيها بداو يدمعو و كتحاول تزرب كتنش على عينبها وحمارو وتاهو بدا ينش عليها وكيضحك ... كتشلظ و تنقز بالحريق ... وهو حداها غيحماق بالضحك ... حتا تحل ليها شعرها وتجمعو عليها وتبرزطات نيت ... شافها وحلات وجا وراها جمعو ليها ... و خدا من عندها داكشي لي بقا فالبصلة .. 

عصام: هههه سيري غسلي وجهك ورجعي 😂😂😂 

مشات كتجري ... غيلات وجها و رجعات عندو ... لقاتو كمل ... وجبدات العطرية و كلشي لي خاص لاحتهم و سدات علبه يطيب ... 

عصام: انا غنفي البطاطا و نقابها ... 

انصاف: وانا غندير شي شلايض و شي عواصر اولا بغبتو غير الكولا ... 

عصام: بحال بحال ... 

انصاف: صافي غندير عصير و نحطو حتا الكولا ... 

عصام سكت ... و خدام حداها ...وكيتخيل راسو معاخا فدارهم لوحدهم وكيطيبو غداهم وكيتعاونو .. و كل شوية يعنقها ولا يلعب معاها ... وهي خدامة حداه فرحانة لوجودو حداها ... 

عند اابقية ... خرج رياان للبرى الجردة و حل تيووات ديال الماء ... و بدا يغسل الحيوط ... و الجردة اللور مضاربة سهى مع شهاب ... 

سهى: و الزمر والخرى و الحيوان و الكلب مسحت هنا ورجعتي كبيتي فيه الماء 😡😡 

شهاب: على زين مسيحك 😂😂 البغلة راه بيناتنا عامين خاصك تحتارميني .. باقا لمك تعايري غنفلعصك .. 

سهى: نتا تفلعصني  😂😂😂 متقدرش ... 

شهاب: تجربي .. 

سهى لاحت داكشي لي فايدها وجات لعندو بكل تقة فالنفس وبتحدي وقالت : هاااه اش غدير ياله .. 

شهاب سهى فوجها لب اول مرة كيلتحظ تفاصيلو شافها بنظرة اخرى غريبة ... ماشي كيف قبل ... مافيقو من سرحانو غير سهى نزلات عليه للراس لسطل صغير كانت دايرة فيه لي بردوي باش كتمسح الزااج ... 

شهاب طار عليها ياخدو ليها وهي بقات تجار معاه باش مباخدوش حبت غيرجع ليها الضربة ... وبقاو مضاربين وكتقاوم فيه حتا وصلو حدا البيسين لي كانو قراب ليه و هما زااالقيين سهى بقات تشعبق فيه تعتق راسها وهو كتااار منها... بدات تغوت وتقول ... 

سهى: مك مك مك مك مك ... تراااااخ ... طاحو .. 

سهى : الحماااار شوف اش درتي ياله بدلت 😡😡

شهاب: ههههه عاودي بدلي .... 

عصبها وتلاحت عليه كتقج فيه معصبة وهو كيضحك حتا شدهم ليها وربطهم بايده وراها شي لي خلاها تلصق معاه ... عينيه فعينها ... هي كتحاول تفك من قبضتو وهو حاكمها .. سها فيها و فحركاتها لي اول مرة كيرد ليهم البال ... جاتو مبدلة ... لاحظ سدرها لي لصق عليه تيشورت لي كان باج خفيف و بانو الملابس الداخلية السوداء لي بانو وحتا سدرها هي مرداتش البال لهادشي كولو لي واقع بغاه غير يطلقها .. وتنزل علبيه وهو مكاينش هنا ... هز عينيه فعينيها بضحكة جانبية وقال... 

شهاب: امتى كبرتي و ربيتي الطروفة 😏😏 

☆☆☆عند جود وميرال لي خدامة كتحك فالارض وكل بقعة ديال الصباغة ومكتشوفش لجيهة جود لي تاهو خدام وعينيه فيها و كيتفكر بلانتتها معاه ... ناضت باش تجيب صابون وكانت حفيانة .. 

جود: لبسي فرجلك غطييحي.. 

ميرال: انا بيخي.....اااااي باقي مكملتش كلامها طاحت وناض عندها كيجري .. 

زلقات طاحت مابقاتش كتحرك طار عندها كيجري كيشوف مالها ... 

جود: واش نتي بيخير ... اري ايدك... 

ميرال مدات ليه ايدها تنوض وتقسحت فرجلها : اي لا ... رجلي رجلي 😢😢 

هبط عندها و بدا يمس ليها رجليها 

جود: هنا ... هنا .. 

ميرال: اي لا متوركش 😢😢 

ناض جود هزها طلعها الفوق ... و دخلها لبيتو حطها فالسربر... 

جود: متحركييش انا جاي ... 

هلط كيجري للكوزينة لقا الاخرين خدامين كيطيبو دخل حداهم هز التلج دارو فالكيس ديالو وطلع كيجري ... دخل عندها حطو ليها على الكع (الكاحل)ديالها .. وتقسحت هربت رجلها وشدها ليها .. 

جود: رصاي راه خاص التلج ضروري صبري ... انا شوية ونماصيها لبك .. 

ميرال: بلاش راه ماشي شي حاجة ... وعاد باقي ماسالينا ... 

جود: غير رتاحي انا غنكمل فاش نماصي لييك ... 

نتض دخل للحمام ديالو وحل الفرماسي وجاب ليها بوماض ... حط رجلها فوق فخضو وجلس كيدهنو ليها وحشمانة مخشية فالقبية ديالها كطل عليه ... بدا يماصي ليها وكتوعت كتقول اي وكيخفف عليها ... 

جاب فاصمة و جمعها ليها ميرال الوقت كولو كتشوف فيه و فحينيتو واهتمامو ليها شيء لي مكانش كيديرو فاش كانو مع بعضياتهم ... سالا و شاف فيها حط رجلها فالسرير وناض ... 

جود: بقاي هنا متعفطيش عليها والى حتاجبتي شي حاجة عيطي ليا ... ناض سد الباب وخرج ... 

ميرال: اويلي هدا مالو ... اااححح على راحة ... وتكات فبلاصتو ... 

☆☆☆☆ عند جودية وجاد ... 

واقفة كتمسح فالزاج مgفدة السروال البيجامة مفضفض و تيشورت و هازا شعرها مخربق الفوق و كتغني بصوتها لمدعدع لي ماخدات من مها ولا تاشوية ... 

جودية كتغني ممسوقاش لجااد لي حداها : cuz I am a fooooooooooool for youuu and the thiiiing youuu dooooo 🎵🎶🎶(اغنية زاين مالك fool for u ) (fool= احمق ) 

جااد شاف فيها و ضحك قرب ليها بالشوية وعنقها من اللور بالزز منها ..وبدا يغني فودنها.. 

جاد: كووووز ايااام آ حمااااااص فوووور يوووو😂😂 ( حيت fool كتنطق بحال الفول هو قلبها حمص 😂😂) 

جودية دفعاتو : مالك لاصقني ضارب بيا الكاغط 😡😡 

جاد: نضربوه حتا من دابا راه نتي لي ماباغاش 😏😏 

جودية: اياه مبغيتش وماغنبغيش ... 

قرب ليها وحط ايدو على الزاجة وراها وتقابل معاها ..

جاد: راه متشي غير زابن لي fool for her راه تانا fool for u ... 

جودية: ش..شغلك هداك ...

جاد: ومابقيتش فيك ... 

جودية: دابا من الاخر علاش كتقلب ... 

جاد: راه الخبار فراسك ... وحتا الى مابغيتيش تاهي الخبار فراسك ... 

جودية: ديما كتهدد وتاشي مشفناه 😏😏 

جاد: واش يسحابليك كنضحك معاك .... عير صبري عليا نسالي مع واحد البلان ونسالي للحبيبة ديالي ... ونوريك تلعبي معايا كيف دايرة ... الى ماخليتك تجي حتال عندي و تطلبي وتزاوgي منتسماش جاد العمراني ... 

جودية: او ماي قااد خلعتيني 😂😂 

جاد: هههه غير ضحكي دابا ... حتا نسالي ليك .. 

جودية: كيفاش تسالي ليا ... اش عندك .. 

جاد: ونتي مالك ... تم غادي كيقرب ليها وهي تهز رشاشة لي كتمسح بيها الزاج رشاتها ليه فوجهو ... وعطاتو للركبة عواجت ليه الوقفة ... و بعدات من حداها ... ورجعات تمسح وتنgر ... 

جودية: باش نعلمك اقليل الحياء ... وديك الحرب لي مهددني بيها تانا معاك فيها وماشي غير نتا لي كتحارب راه دير ليا شي حاجة غترجع ليبك وها ودني منك 😡😡 

جاد: هههههههه زيدي مزال هدديني ... 

جودية فقصها ودارت كتبرد هوايشها فالزاج تحك وتكرد وتحك ب2 ايدين ...جا لعندها وقف وراها وشد ايديها كيميح ويفقص فيها .. 

جاد: هااا كيفاش كيحكو الناااس 😏😏 

جودية كتدفع فيه: حيد الخرى لهييييه واش مكتفهمش 😡😡 

جاد: ههههه الخرى فطواليط .. مال فمك خامج ...

جودية: شوف شكووون كيهضر ... 

جاد: تعاندي معايا انا راه دري نتي بنت خاصك تحافظي على صورة الانوتة دبالك الراجل مكيحملش البنت لي فمها خاسر ...

جودية: وابعد مني لانتا لانصائحك شكون قالك انا باغا شي راجل ... 😡😡 

جاد: ههههه لا لا باغته غيبر منفخة عليبه ... 

جودية دارت تمسح وهو رجع للجاجة لي حداها يضحك ويفقص فيها ... وهي بغات تغفلو وشدات سطيلة فيها لي برودوي التنظيف و جافيل بغات تكبو عليه و خوى عليها وتكب على الفوطوي لي حدااهم ..فالجليسة كانو فطويات بالاسود ... وبدات ديك البقية كتحمااار ... حيت اسود مغايبياضش 😂😂

جودية: ناااااري قودناااها 😱😱 

جاد: تو تو تو صحي قودتيها ماشي قودناها ..

جودية: ناري وتشوفها ماما ... غتقتلني ..

جاد: ههههههه ناااري لمك قداش درتيها تاهاد عمتي كتموت على الكحل ... 

جودية: عتق عتق اش نديير ..😱😱 

جاد :هههههه ناري ناري ناري شكوون لي قودها ناري ناري ناري شكون لي مها غتركل ليها تغمتها 😂😂😂😂 

جودية: راه انا لي غنركلها ليك الى ما عاونتينيش 😡😡 

جاد: تصاحبي معايا ونعاونك .. 

جودية: بناقص .. 

مشات للاصال ديال نور لي دارت نصو مرسم كترسم فيه قلبات على صباغة كحلة وجات كتجري .. 

جاد: هههههههههه اش غدييري 😂😂😂😂 

جزدية: زمو ... 

حلات السباغة وبدات طلس حتا ضرقاتو وناضت رجعاتها لبلاصتها بدات تفرنس ...

جاد: ههههههه ميسحابليش فيك القوالب ... 

جودية: مسح وسكت 😡😡😡

☆☆☆ عند شهاب و سهى ... 

سهى: ط طلق مني ... ز..زعمتي بلا قياس .. شوف اش درتي ليا 😡😡

شهاب: ههههه ها هو ومالك كترعدي 😉😉 

بلا متهضر معاه طلعات من البيسين ... ومشات كتجري وكل شوية دور عندو كتلقاه كيضحك ... 

ودخلات كتقطر لقات جوود سلا كيجمع دازت كتقطر وقف كيشوف حتا وصلات للدروج وقال... 

جود: والله يعطي لمك الحكة ... 😑😑 

سهى: سيير تخرى 😡😡 

جود: واهاهي فمك ... 

دخل ربان تاهو مسالي طبع برجلو التراب دخلو من الجردة غمز لجود وطلع ... 

جود تبعو تاهو بعينيه وقال ...

جود: والله ينعل الحمااار تاع بوك ... 

شهاب جمع الدنيا برى فالجردة ودخل تاهو نفس الديكور وهو يصعر عليهم جود ... لاح داكشي لي فايدو وغوت ... 

جود: والله ينعل تامل بوكم يا ولاد الق**** واللهلا حطيت ايدي فهاد الق**** مزااال 😡😡😡

طلات عليه جودية من الفوق وقالت: هههههه بشوية علييبك لا تفرgع 😂😂😂 

جود: غتسكتي نتي ولا نطلع نفgس موك تما ...زيدي هبطي نتي لي غتمسحي هادشي ... 

جودية قلزات ليه: ها هي لي غنهبط .. مساليت هادشي حتا عواج ليا الظهر مع داك عوج الكمارة ... 

جاد لور: راه غنعطب موك .. 

جودية: جداك.. 

جاد: حناك... 

جودية: خالتك .. 

جاد: طاطاك ... 

جود: ومكم ب2 غرعتو ليا راسي ... 

جودية خرجات ليه لسانها و مشات لبيتها وجاد هبط يعون جود حيت هو لي بقا ... عاونو مسحو داكشي وطرفو كولشي ... و مشاو يبدلو ... 

☆☆☆☆ عند انصاف و عصام... 

عصام: ممممم الله يعطيك الصحة هادشي ربحتو كتشهي ... 

انصاف: هههه شكرا ياله هز داكشي وياله نخرجو للجردة ... 

هز عصام داكشي وتبعها و قادو الطبلة فالجردة ... هبطو البنات عندهم وجلسو ... 

عصام: فين لوخرين ... 

جودية: راه مجموعين فبيت خويا ... 

عصام: انا نعيط ليهم ... 

جبد تيلي و قالها ليهم ... وطفا شوية سمعوهم هارجين من الفيلا كيزغرتو و محيحين... البنات غير كيسمعو تزغريتة كيقفزو لدرجة انهم ناضو بغاو يهربو ..

عصام:هربو ها بقر علال جاي ... 😂😂😂

انصاف: ههههه اويلي توما مالكم .. 

جودية: اختي ديما هاد التزغريتة كتبعها شي مصيبة ... 

جاو الدراري جلسو كيضحكو ... حل عصام الطاجين و بظاو ماكلتهم و كلهم شكرو طيابها ... حتى حشموها ... كلاو و سلاو ... و ناضو البنات جمعو الروينة وتعاونو يغسلوهم ومشاو رجعو حدا الدراري ... كانت ديك الساعة تعاشات العشية وصلات 4 حيت تعطلو فالتنظيف ... لقاو الدراري مسرحين كل واحد شاد قنت بوحدو وجاو البنات تخشاو حداهم ... 

جودية لجود: حيد خلي ليا بلاصة .. 

جود: هانتي ... 

جلسات حداه و حطات راسها على كتفو كان شاد طابليط مكونيكطي وهي كتفرج معاه .. 

ميرال و ريان كيتحتو ... شهاب شاد فسهى و جاد مرجع راسو لور مرولاكسي و عصام وانصاف كيهضرو..

هصام: نوضي نخرجو .. 

انصاف: ههه والله الا عييت خليها غدا الى كنتي مسالي ... 

عصام: هههه الى مسالي .. واش مفخباركش بلي وقتي الى كان عامر غنخوبه غير على قبلك 😏😏 

انصاف تبسمات بخجل و حدرات راسها... كلما دارت هاد الحركة كتخلي قلبو يرفرف وشحاال كيموتو الرجال على الانثى الخجولة .. هزات عينها شافت فجود وجودية فديك الوضعية حاطة راسها على كتفو وهو حاط راسو عليها و كيوريها شي حاجة فطابليط و تنهدات ... 

عصام: ماالك ... 

انصاف: بعد المرات كنفكر ... واش عندي خوتي تانا مكرهتش شي خوبا اكبر مني نحط عليبه راسي 😔😔 

عصام : تبغينا نقلبو ليك عليهم ... خويا زاين يقدر يجبدهم ليك منينما كانو ... 

انصاف غوبشات و بدات تلعب بايديها: لا ... مبغينش ..

عصام: وعلاش ..

انصاف بقات ساكتة تنهد و جبدها حطها على كتفو كيطبطب علبها ... 

عصام: خايفة من داكشي لي غتلقاي ... ماشي مشكل ... لي خاصك تعرفي هو انا ديما فجنبك و ديري فبالك حنا عائلتك ... والاهم انا هو داك الكتف لي فبنما ديق ببك غتحطي عليه راسك ... 

انصاف غمضات عينيها كتصنت ليه ورتاحت لكلامو .. 

جود : هاكش شوفي هاد الفيديو ... غيعجبك ... 

جودية: اشنو فيه ... 

جود: هاكي ديري ليزبات .. 

خدات جودية من عندو وبدات تفرج وهو حاضيها بقات شحال ... حتا خرج وجه خايب كولو دم حتلتو وصوت كيخلع قفزات حتا طوعات الطابليط ونزلات علييه بالضرب ... وهو ميت عليها بالضحك ... 

جودية: كيفاش تقت ييك الحمااار ... اووووف قلبي واش انا ختك ولا ماشي ختك دير فياهادشي 😭😭 

جود : صافي صافي 😂😂😂😂 شققتي ليا ااطابليط المسخوطة ... 

جودية: عبرت عليك ... وجلست حداه ... 

شهاب :ماعرت فين داك تيلي ... 

ريان: خليتيه الداخل .. 

ناض شهاب و داز عفط على رجل ميرال وغوتت هزاتها وشهاب تدعق دار عندها و تحنا لمستوى رجلها... كيفيسها ليها ... 

شهاب:سمحي ليا قصحتك ... 

ميرال: لا سافا ماشي مشكل ..

شهاب: اري نشوف داويتيها .. راه خاصك تشوفي كبيب مدام كضرك يقدر يكون فدعة اولا تشقق ليك العظم .. 

جود تعصب : راه داويتها ليها ... والى كانت كضرها انا غنديها للطبيب... 😠😠 

شهاب: واش مزيان اميرال ... 

ميرال: اااه اشهاب مابيا والو غير تعgرت وصافي .. 

شهاب: واخا عطيها الراحة ... وناض دخل ... و جود كيشوف فيها ويتغدد و هي عاادي ممسوقاش ... 

جودية ملات بقات كتشوف فجنابها بان ليها جاد شبه ناعس ناضت لحداه هي و سهى ... و جلسو ليه عند راسو ...

جودية كتوشوش لسهى : تاعت غير لي ينزل على مو بطرشة 😂😂 

سهى : هي الاولى .....* سلااااي* .... (جات باباه للكمارة )... 

القصة نُسِخت من 9esa.com.. غير كرساتو وهي تخبى لووور وعلقت ... هو قفز لقا غير جودية محنية عند وجهو عينيها خاارجين من هول الصدمة ... 

ناض ليها مقلوب شد دراعها ...

جاد: علاش كتقلبي لمووك ... 

جودية: و اللللااااااه ما انا وحق لي خلقني وخلقك ما انا .. 😨😨 

جاد: وشكون لي جالسة عند راسي .. 

جودية: سهى لي ضرباتك ... راه ورا الفتوي ... 

طل جاد مالقاهاش زاد شنق عليها ... 

جاد: كضحكي عليا لمك ... طارشاني gااع علاش كتقلبي ...

جودية: واللهما انا ... 

جاد: ياله تسامحي مع حنكي ... بوسي بلاصة الضربة .. 

جودية: وهاااحنا بدينا فالضساارة تاني 😒😒 

جاد: ادن غنرجعها ليك ...

جودية: ا.. ا. حرام عليك 😢😢 

جاد عطاها حنكو : ياله 😌😌 

تشجعات و قربات ليه خطفاتها دغية وهربت ...و بقا كيضحك عليها ... 

ريان : الوالد كيعيط ... الو الواالد ... 

سعد: اشنو راه 5 هادي مجايبنش ... 

ريان: كولشي مبشلخ هنايا موحال حتال غدا ... و نجيو ... 

سعد: واخا ردو البال للبنات .. 

ريان: واخا الله يعاون ... 

☆☆☆☆☆☆☆☆☆☆☆☆☆☆☆☆☆☆

🌒طاح الليل ... بعدما تعشاو دارو جليسة تحت الشجر لي فالجردة و شاعلين الضوااو حداهم و مجموعين حاطين السقاطة و مخرجين غطايات على البرد و شي مخشي فشي ... حاطين الغيتار ديال جودية حداهم باش يقصرو بيه ... 

ريان: باقي كتغني اجوود ... 

جود: مرة مرة .. ماشي بزاف .. 

انصاف: وااو واش كتعرف تغني بحال ختي نوور 😍😍

جود: نو هههه ماشي بحال الوالدة ... ولكن كندندن شوية .. 

سهى : واطلقنا سمعنا ... 

جود: جودية ... ياله ... 

هزات جودية غيتارها وقالت: اشمن اغنية... 

جود: Jencarlos canela - amor quédater ..(ومن لا يعرف هاد الاغنية لي كولشي متتبعي #ديابلو فداك الوقت كانت كتعجبهم انا كانت كتحمقني لاهي لا المسلسل فاش متكونوش صابمين ديروها فيوتيب راه غتعقلو عليها من اول لحظة وراه البطل نيت لي كيغنيها 😍😍 )

بدات جودي العزف و بدا جود يدندن ويغني بصوت خافض بصوت رجولي لطيف .. كولشي متتبع معاه واكتر وحدة هي ميرال كتحماق على صوتو ... كيغني وكل شوية كيهز عينيه فيها وكانه كيرمي ليها الكلمات وهي متبعة فمو و عينيه و قلبها كيخبط ... حسات بيه كيوجه ليها الكلام ... (تخيلو بلي صوت جونكاربوس هو صوت جود 😂😂 )

سلات الاغنية و شكروه وشجعوه هو وجودية ... 

ربان: انا بان ليا نلعبو شي لعبة 😈😈 

الدراري: اااه 👿👿👿 

البنات بداو يعضو ظفارهم تاني 😱😱😱

جود : اشمن لعبة ... 

ربان: الكارطا وما ادراك ما الكارطة ... 

جودية: لا متقوولهاش ... غتبداو تسلخو وتجندخو فينا تاني 😭😭 

جاد: هههه غنعطيوكم اختيار ممكن الى مابغيتيش العصى .. نحكمو عليكم ... 

سهى: اه اه موافقة ...

ميرال: الحلاقم ... 

جاد: ياله نوضي جيبيها... 

ناضت جودية للبيتها وجابتها ... وهبطات عندهم لقاتهم دارو ضورة جالسين كيهضرو ... 

خداها ريان ... وجلس يضمس ... 

جود: اشنو نلعبو ... 

عصام: لاص غمييز ... 

جودية: ناااري غتبداو ضورونا تاني ... 

جاد: ههههه مناش خايفة ... الخواافة 😂😂

جودية: مخايفاش غير لعبكم خايب ... 

عصام: غنتاسهلو معاكم غير ياله ... 

ضمس ريان و فرق عليهم حتا تقادات الكارطة (قوانين اللعبة بالنسبة للي معارفينهاش ... كتكون مجموعة ديال الاشخاص كتفرق عليهم الكارطة حتا كتقادا من بعد كل واحد كيشوف اش عندو ومايوري لتاواحد اخر كيشوف واش عندو لاص ... لي عندو هو لي رابح ... غيبدا يشوف فكل واحد ويغمزو بطريقة مابيناش ... الى لاخر فهم كيقول je suis mort ... و كتبقى هكا حتا كيبقا واحد لي لا ومخاصوش يعرف شكون غمز و من بعد كيسولوه و هو خاصو يعرف شكون كان عندو لاص الى عرف مول لاص كيحكمو عليه والى معرفوش هو لي كيحكمو عليه ) 

فرق عليهم الكارطة قلبوها كاملين و جلسو يحضيو بعضياتهم ساد الصمت المكان ... شي حاضي شي جودية كتفيبري باغا تقشع شكون كتقتل باش متخسرش ... كتشوف كتشوف حتا لاحظت ميرال كتشوف فيها بطريقة عجيبة ... وهي ترجع شعرها ورى ودنها .. جودية حسات بحال الى جاها الهفو الملكي و هي تحطها فرحااانة وقالت ... 

جودية: je suis morte 😂😂😂😂 yeeeees 

بداو كولشي كيشوفو فيها وزادو فدقة الملاحظة ديالهم ... الى جود لي استغرب ودار عين ميكة ... شوية دار جود لعصام غمزو بالخف دغية حطها ... وقال جو سوي موور ... ميرال استغربت تاهي ... كتبان ليها انصاف تاهي ماتت تبعها جاد و ريان وهي بقات غير كتشوف كولشي قال جو سوي مور هزات كارطتها كتحقق ولقات عندها لاص وهي تقول جوسوي مور ... 

جود كان حطها وقال جوسوي مور تاهو... 

بقا جود كبشوف فميرال وحتا هي ... كولشي مات بقاو كيدورو فعينيهم حيت خاص شي واحد يبقى ... زلكن مابقا تازاحد ... 

جود: علاش متي ... 

ميرال: وا نتا لي علاش متي ... 

جود جبد لاص .. و ميرال حتا هي ... كولشي دار عند جودية ... 

جودية؛ م ..مالكم كتشوفو فيا ... ر..راه مشفتش بلي مضوبل .. 😨😨 

جاد: هجووووم دارتها بالعاني بماانه مبقاش شي خاسر هي لي غنحكمو عليها 👿👿 

جودبة: وا الظلم هدا انا اش درت ... 

جاد: هههههه ختاري العصا ولا الحكام ... 

جودية: مغنختار والو ... واش انا حتا رجعات فيا روح و فلت منها صدقتو مرجعينها ليا 😡😡 

جود: نتي لي لعبتي بينا غتخلصي ... 

عصام: باله شكون غيحكم ... 

جاد: خليوها لبا انا ... 

ريان: تفضل ... 

جودية:لا هو لا ... 😨😨 

جاد: هههههه الحكام ديالك هو غتسمعي كلامي ولي قلت ليك غديريه 👿👿 

جودية: واخا نمووت ضربوني احسن ...

ميرال: واش متاكدة ... راه واللهتا تصبحي بلا ايدين .. 

جودية: نفضل نموت ماشي غير نصبح بلا يديين ... 

ريان: اححححح قودتيها ابنيتي ... جبد الكارطة و قلبها جات فرقم 5 ... 

ريان: غتاكلي 5 دقات من كل واحد ... 

ربان: حمدتك ياربي وشكرتك مجاتش ف12 ... 

شهاب: على بركة الله 😂😂😂😂 

جود: ياله سرحي ليا دوك ليديدات ...

جودية: ختك انا 😢😢 

جود: ههههه ..سرحي ..

جودية سرحات ليه اديها وجبد معاها غمضت عينيها صبرت حتا كمل 5 دازت عند شهاب وريان حتا هما مرحموهاش ولات حابسة البكية وكتغبن وتطلب و والو باغينها فيها ... دازت عند عصام و شافت فيه ببراءةو عينيها مغرغرين بحر الدقات لي خدات ... شاف فيها ضحك شد ايديها لقاهم حمرين وصباعهم مصورين ... وباسهم ليها ... 

عصام: واللهتا تعديتو عليها سوف ايديها كيف ولاو ..

جود: ههههه هدا هو اللعب هي لي بغات العصا .. 

جودية : صافي اخالي هادو ماشي بحالك حيوانات الله يلقيها ليهم ... 

دازت عند انصاف بقات فيها وسامحت ليها وجودية عنقاتها كتضحك دازت عند سهى عطاتها تاهي كتضحك تحلفات عليها جودية دازت عند ميرال لي غير قاستها ماشي ضربتها ..غير سالات فرحت ... حتى ضارت و بتن ليها جاد كيوجد و يgفض ليها .. مشات لعندو جلسات قدامو كتراجاه بعينيها ... 

وهو كيشوف فيها بعبنين مشراربن: فضلتي تاكلي العصا على انك تسمعي كلامي ... ياله تحملي ... 👿👿 

جودية: ضرب طلقنا ... 

جبد ايدو عطاهم ليها وحدة ورى الاخرى وكل وحدة قسح من لي وراها مع الاخيرة مع رجعات لور تلاحت وسطهم كتركل وتبكي والدراري كولشي ميتين بالضحك ناض جاد كيضحك بغا ينوضها مابغاتش ليه ... لاحت ايدو و ناضت دخلت للفيلا كتجري .. 

ناض جود يمشي عندها و وقفو جاد ... 

جاد: انا لي ضربتها انا غنحزرها .... 

مشا جاد تبعها اما البقية بقاو كيتحتو ويهضرو ... 

دخل طلع لبيتها حل الباب بلا ميدق لقاها باقا واقفة كتبكي .. دارت عندو شيرات عليه بمخدة ... وشدها 

جودية: اش باغي ... 

جاد: كتبكي من نيتك ... 

دخل عندها وقف قدامها وهي ساكتو كتغبن ... جرها عندو عنقها كيضحك عليها ...وهي غير كتبكي... 

جاد: ههه باله صافي صاافي غبر ضحكنا ... 

جودية: هدا غير ضحك ... شوف ايدي كيف داير 

وراتهم ليه ببرائة ... شدهم وباسهم ب2 ... 

جاد: سمحي لبا مابقيتش نعاود مايسحابليش بكاية😂😂 

جودية: بعد مني 😒😒 

جاد: ياله نهبطو ... ميح دموعها وجرها من ايدها هلطو عندهم وجلسو .... 

سهى كتبقشش فتيلي ديالها بغات تلوح لي توف لي دارو فاش كانو محاربين فالصباح .... قادات البوسط وطاغات كولشي ...ولكن مالقاتش ريان...

سهى: ريان واش ديزاكتيفيتي الفايس ديالك مطالعش ليا ... 

ريان: a ... اااااه تسينيالا ليا ومابقيتش درت واحد اخر .. 

جودية؛ وعلاش تسينيالا لك ... 

ربان: شكون مسوق ... 

شهاب بتشكبك: ااو لا فايسبوك لا واتساب و مبدل النمرة تاهي ... مستحيل يكون هادشي غير صدفة ... 

عصام: وحتى رجوعك فجاة مدخلش لينا لراسنا اصاحبي (ريان وعصام صحاب حيت اكتر وحدبن قراب فالعمر لبعضباتهم )

ريان: دابا علاش كتقلبو ... خالبونا ناسيين هاد الساعة .. 

جود: هدا واللهتا مقودها فسويسرا وجاي مخبي هنا 😂😂😂😂 

جاد: gر gر اصاحبي 😂😂 

ريان: اوووف واخا تاحاجة مكتخبا عليكم ... تنا غنفول واقسم الله وتوصل لجدي و والوالد حتا ندبح اصل مكم كاملين ... 

الكل: متخافش ... 

ربان: مهم انا راه بالصح قودتها تم 😂😂😂 وبحال والو باقين كيقلبو عليا 😂😂😂 

ريان: انا شدبت ديبلومي هادي عام ... يعني عام باش ساليت قرابتي ... 

شهاب: وجالس كتزفط علينا هنا ناري ويسيق الوالد الخبار غيدبح مم من ودن لودن 😂😂😂... 

ريان: هههه واللهما يديرها قدام داكشي لي درت ... 

عصام: لا لا نتا مخبي شي حاااجة ...

جودية: وعلاش مرجعتيش .. 

ربان: حيت عارف جدي والوالد غيجروني للشركة وانا مابغبتش نرجع لهنا ... خدمت تما فواحد الشركة كبيرة ... عولت على راسي ... فظرف شهراين الاولى دغيا درت بلاصتي تما ... تعرفت على بنت ... 

الكل: اااااه 

ربان: ههههه راه كنضحك ولكن راه خوكم مقودها ديال بالصح ... ديك البنت منكدبش عليكم عندها واحد الشخصية قوية وهادشي لي جدبني ليها ... واخا كان صعيب عليا ندخلها ولكن جريتها وطيحتها ... بغاتني وبغيتها حتا انا من قلبي ... والمفاجئة مكانتش سويسرية كانت مغربية تصدمت فاش نعرفت عليها مزيان ... دوزنا وقت مع بعضياتنا زدت تعرفت عليها وبغيتها وعلاقتنا تجاوزات الحدود واخا هكاك بقينا مع بعضباتنا ... بغض النظر على الغموض لي كان عليها ... معمرها بغات تعطيني راس الخيط على عائلتها ... و خليتها على راحتها ... دوزت معاها تقريبا 7 اشهر كانت احسن سبع اشهر فحياتي سكنتها معايا واخا كانت كتغبر ولكن كنت كنتيق فيها و واتق بلي عندها اسباباها وعمري شفت عليها شي حاجة خايبة كولشي فيها كان زوبن قوتها وشجاعتها و انوتها و شخصيتها .. حتا بداو المشاكل ... وانا مجمع مع الدراري عاودو ليا عليها حيت شافوها معايا ... قالو ليا بلي باها اكبر بزناز ومافيوزي مغريبي ومتخصص فتجارة المخدرات و التهريب الممنوعات و زييد وزيد فسويسرا كاملة حارو معاه المخابرات و البوليس عارفين عليه كولشي ولكن دكي ومعرفو منين يدوزو ليبه ... واخد راحتو و ممسوقش عندو بنت وحدة ... انا منسوقتش لديك الهضرة ... مهمنيش .. بقيت معاها وعمري جبدتىليها ديك الهضرة حيت استنتجت بلي هي يمكن معاجبهاش هادشي ديال باها ومابغبتش نحرجها ... ةاحد النهار خداام ساليت خدمتي ورجعت للدار و كانت هي مغتجيش ديك الليلة ... بقيت غير فالدار حتا تفرع عليا الباب دخلو سي كمامر تحاماو عليا ولاد الق*** ضربوني للراس معقلتش ... حتا لقيت راسي فواحد ديبو غير اما ودوك الق**** رابطيني التامل بوهم واقف بحال الى مصلبيني ... يوم كامل وانا هكاك لا شراب لا ماكلة والعصا هلكوني ولاد التوامل حتال النهار التاني... عاد جا باها ... جا كيهدد حgا ماحgا شكون مسيفطك وعلاش بنتي بالظبط ... بقا كيهضر ويهضر ...مصور مني والو ... مشا وخلاهم كيهلكو فيا مخلاو فيا ميتحرك بقيت نهار اخر تما ... صافي تهلكت وليت كنشوف الموت قريب و غفلتهم وهربت غير بالزز ولاد الق*** غبرو ليا شقف فواحد الخلا... مهم قدرت نضبر لراسي واحد لوطو كانت دايزا ... وداوني لسبيطار ... داويت بعد 3 ايام ... ورجعت كنتخبا لبارطمة ديالي .. لقيت كولشي حوايجي مكاينينش ... ودار كتصفر ... جاب الله كنت مخبي وراقيا و دامسي المهم فواحد الكوفر ورى واحد الطابلو هزيتهم و هزيت فلوسي و خليت الدار ولوطو وكولشي و مشيت لمدبنة اخرى .. بما تهدن الوضع ... وبقيت من مدينة لمدينة لمدة 5 اشهر عليها بدلت نمرتي فداك الوقت كنت كنهضر معاكم و ممبينش ليكم ... حتا حسيت القضية تهدنت ورجعت فحالي للهنا ... وغنبقا شوية وغنمشي لشي بلاد اخرى ... 

جودية: اويلي هادشي كولو دزتي منو 😱😱😱😱 

ريان: ايه ... 

جاد: ونااري ولد عمي عايش فيلم غير بوحدو 😂😂 

جود: وا ناري مقودها ... ودابا اش غدير واللهتا يطلعك 

عصام: بلاتي وكيفاش قضرتي تخليها ماسولتيش فيها 

ريان: واش كيسحاب ليك هاني دابا راه واخا تشوف الضحك ... ولكن راه حرقتها باقا هنا 💔 و توحشتها 5 اشهر مسمعت عليها والو ... كنفكر نرجع .. نخطفها ولا واللهتا حرت مابغيتش نفرط فيها ... كنفكر و كنفكر مالقيت حتا حل ويعلم الله اش واقع فبها دابا و تقدر تكون نساتني و مقلقة مني 😔😔 

جود: منين جيتي مالك متقولها للعائلة واش هادشي كيتخبى ... 

ريان: وياكم وتقولوها ليهم ... الى عرفو غيدخلو وانا مالعيتش ... ويقدرو يرفضوها ... ويشدوني انا نبقا هنا وهادشي لي مابغيتوش ... 

عصام: فكر مزيان هداك باها ظاهر ليا مامعاهش اللعب ... سول وشوف بعدا بنتو فين كاينة ومن بعد عرف اش غدير ومن الاحسن شوف عمك راه عقيد و غيأمن ليكم الحماية ... 

ربان: ماعرفتش غنفكر .. 

جودية: كيف دايرة زويينة ... 

ربان: غزالة عينيها خوضر وشعرها عسلي ملامحها طفولية و طويلة و قبيحة شوية 😂😂 

ميرال: حمستينا نشوفوها ... 

ريان: خسارة معنديش تصاورها ... 

شهاب : ههههه ناااري وتسبق ليك الوالدة كنتي مسكن معاك بنت يسكت ليها القلب😂😂😂 

ريان: الى سكتي نتا معندها منين تعرف...

بقاو كولشي كيتحتتو ويهضرو تكاو ولداو كيمشيو واحد زرى لاخر حتا نعسو مصافين كيف بواطة السردين شي مخشي فشي ... شوية فاقت جودية ... كتحك عنقها قرساتها شي حاجة شافت فيهم كولشي ناعس تفكرات كولشي هادشي لي وقع اليوم واخا نتاقمو ولكن غلبوهم فالاخير و بقات شمتة فيها ... طاحت علبها فكرة .. و فيقات ميرال و فيقات سهى وانصاف ... وشوشات لبهم وناضو كيتسلتو تبعوها ..دخلو للفيلا وجلسو مقلوبات .. 

ميرال: واش ضرب مك حمار ليل ... 

سهى: عرفتي ومايكونش الموضوع مهم غنبح مك .. 

جودية: سكتو شوية ... انا جمعتكم دابا ... حيت متسرطش لبا داكسي لي دارو لينا الدراري تلصباح وبغيت نتاقمو ... 

سهى: اه اه ... حتا انا كنت بغيت نقولها لبكم .. 

انصاف: واشنو نفطرو بيهم ... 

ميرال: ههههههه واش هادوك معاهم اللعب ... 

جودية: غير حنا لي معانا اللعب ... 

ميرال: ياله اري ماعندك ... 

جودية: غدا ان شاء الله غن....

☆☆☆☆☆☆☆☆☆☆☆☆☆☆☆☆ 

🌄اصبح الصباااح 🌄 

جاد كيغطي وجهو من خيوط الشمس الصباحية ... 

و جود كيتقلب و ربان حس بشي حاجة على وجهو ... فاق لقاها رجل شهاب وهو ينوض ليه طوعها حتا قفز و قفزو معاه الاخرين ... وناضو ... 

عصام: صبحنا عالله ... 

ربان: لا خشي مكافشك في فمي نيبت ... 

شهاب: ههههه غتبقا تحك عليا غنوصلها سخونة للوالد ... 

جاد وجود : قوووووو 😂😂😂😂 

ريان نايض: والله ياتامل بووكم و متقلبو علياةهاد الصباح حتا نفطر بالحمار تاع بوك نتا وياه ... 

مجاةفين يكمل حتا ناضو الحلالف ب3 علقو دخلو كيضحكو وتبعوهم ربان وعصام ... دخلو الفيلا الصقيييبيل تاحد مكاين .. 

عصام: اش واااقع ... فين هادو .. 

جود: ياكما خرجو... 

جاد: ولاش غيخرجو 8 الصباح هادي ... 

شهاب: ياله نطلعو نشوف ... ياله غيطلعو و سمعو الغوات فالجردة الورانية ... مشاو كيجريو مع الخرجة ترش عليهم سطل ديال مادة لزجة لقاوها فبيت لي فالحرظة لي فيه ماطريال زاين ... و زادوه بالريش لي خداوه من الوسايد وهربو كيزغرتو الدراري بقاو كيشوفو مفهمو حتا لعبة ... دخلو كيجريو معةالخرجة الدقيق كيتلاح من الجوابيه ب2 خلاوهم كيكحبو ولاو بيضين وفيهم ريش ... بداو كيتعصبو وكيغوتو كل واحد كيغوت بسمية ... تشتو كل واحد مشا من جيهة طلعو جود و جاد من جيهة اخرى للبيوت الفوق قلبو ملقاوش حسهم ... جاو يهبطو وهما يتزلعو فالرض هبطو على ظهرهم .... ما وقفو غير قدام جودية و ميرال شادين صابون و ميتين بالضحك ... هربو البنات ناضو الدراري كيتزلقو و سمعو البنات كيغوتو فالكوزينة .... 

جودية: واااع سربييي حلي الباب راه جايين ... 

ميرال كتضرب الباب: وا مابغاش يتحل وا مااامااا ... 

ناضو الدراري كيضحكو و بداو يزغرتو داك التزغريت وطارو للكوزينة هكاك حالتهم وزابدينها بالتغربت دارو مع الباب ديال الكوزينة وهم يدخلو ففيلم اليمونتير لي سرحوه فالباب من قنت للقنت ... هما غير دخلو وتخمج وجهم فيه ووحلات ليهم تزغريتة و ضرباتهم اللقوة .وطاحو للارض كيحاولو يفهمو اش وقع .. طاحو البنات غيتسطاو بالضحك ونفس الديكور وقع فجيهة الاخرى من الفيلا ... هربو خرجو خلاوهم طايحين وتلاقاو مع البنات و جلسو يتعانقو ويغوتو فرحانين ..ويزغرتو ... حتا خرجو ليهم الدراري كلهم بيضين بالدقيق ومريشين ...

خرجو عندهم الدراري حالتهم لقاوهم كيضحكو و بتعانقو و وقفو قدامهم بظون ملاميح سخفوهم ... 

جود: بنات الحرااام ...

عصام: ههههه عجبكم الانجاز لي درتو ... 

ربان: واش انا يهودي نصبح على قسيم الظهر لوالديكم قدي انا يزلق للارض هريتو ليا ضلوووعي ... 

جودية: غزينا فوالديكم ... غير نتوما لي تعرفو تخرجوها منا ... 

جاد: نتي مولات الحربة يااك 😂😂 

جودية:الخبار فراسك ... 

جاد: غير زيدي غرقيها ...

انصاف: دابا تعادلنا معندكمش الحق تقربو لينا مزال ..

عصام: هههههه دخولالحمام ماشي بحال خروجو ... تم جاي ليها وهب نهرب و هو تبعها كيضحك ... البنات حسو بالخطر و بداو يضورو فعبنبهم و بداو بتسلتو شوية لشوية ولكن شقموهم الدراري كل واحد هز وحدة وطوعوهم ااحوهم غالبيسين وبداو يغوتو حيت بارد الحال مشاو وخلاوهم ناضو البنات كبترعدو دخاو دغية... طلعو يبدلو اما انصاف اي فلتت منها بقا تابعها حتا شقمها شدها دورها عندو معنقها ... 

عصام: سخفتيني 😂😂 

انصاف: ههه 😋😋

عصام: اش ندير فييك دابا ... 

انصاف: ههه انا مليا والو انا غير عاونت البنات وصافي ... 

عصام: ههههه اح علييك نتي راه كضربي غير من التحت ... 

انصاف: نو انا ظريفة 😇😇 

عصام: غتقتليني بهاد البرائة عندك كنت ناوي نوريك شغلك ولكن مابقيتش قادر ... 

انصاف حدرات راسها كتضحك ... وهزو لبها شاف فيها .. 

عصام: هههه مغاتسولينيش علاش ... 

انصاف: ع .. علاش .. 

عصام: حيت غيير كنشوف فعينيك كنسى حتى على سميتي ... 

انصاف جرات كمامها وخبات وجها بين ايدها .. بطريقة كيووت وخو هز راسو ضحك ... حيد ايديها لقاها حمرة وكتضحك ومهزاتش راسها فيه قربها لعندو باس رايها وشد ايدها و تم غادي داخل بيها ..وقال... 

عصام: غيير زيدي ... اخرتي على ايديك 😂😂 

دخلو الداخل لقاو الدراري منتاشرين كيدوشو واللنات بدلو وهبطو يجمعو الروينة لي دارو و يقادو الفطور ... سلاو وحطوه فالسفرة الداخل ... و تحمعو عليها ... فطرو وسلاو ... و ناضو هزوهم غسلوهم و خرجو ركبو مع الدراري ربان معاه شهاب و سهى ومشاو ... خرجو ميرال و جودية كيتجاراو باش مايخليوهمش عصام وانصاف مع الدراري ... و تخشاو لور معاه ... 

جاد: ههههه باله معنا ...

جودية من الداخل: قتلني و ديني معاك ... 

جاد: ههههه غندمك على هاد الهضرة .. 

جودية لي فجهدك ديرو .. 

جود شاف فنيرال لي ماكتشوفش فجيهتو ..حتا عيا وركب موطورو وخرج ... و تبعو جاد ... عاد ركب عصام و ديمارا خرج تاهو ... وصل لاقا كولشي الدراري وصلو ودخلو ...  نُشرت القصة على موقع قصة بالدارجة..

كانو كولشي مجموعين الداخل كيهضرو و حتا والدين ميرال كانو ... دخلو البنات سلمو ولاحظو رجل ميرال لي كتعرج بيها شوية ... 

جيداء ناضت عندها: ميرال مال رجلك احبيبة ... 

ميرال: ههه والو اماما غير زلقت و طحت عليها .. راه داواها ليا ...ج.جود ... 

شافت فيه لقاتو كيشوف فبها و رجعات دورات وجها كل واحد كيسولها .... جلسو كيتحتتو مع العائلة مجمعبن .... الصالة عامرة وكل مجموعة كبهضرو على موضوع ... حتا تشتتو كلها فجهة ... 

☆☆☆ميرال كانت كتزعلل فالجردة بوحدها كترخى تحت الشميسة الخفيفة .... خرج جود شافها وتردد يمشي لعندها ولكن محس حتا وقف عليها ... 

جود: ميرال ... صافا .. 

ميرال هزات راسها وتوترات و حاولت متبينش و ابتاسمت: سافا ☺☺ 

جلس حداها : رجلك ... مزيانة ... 

ميرال: حمد الله مساج ديالك نفعني ☺☺ 

جود : مزياان .... سكت شحال وهب دارت لقدامها كتلعب برجليها فوق الربيع ... حتا نطق ... 

جود: شنو بينك ولين شهاب ... 

ميرال: شهاااب !!! 

جود: مهتم بيك و ديما كتضحكو وتهضرو وديما كنلقاه سابقني لعندك .... ميمكنش يكون هادشي صدفة ... واش وليتو مع بعضياتكم ... 

ميرال وقفت: حماقيتي اش هاد الهضرة كتقول ...شهاب صديق و بحال خويا ... من شحال هادي وحنا مضاسرين معاه وحتا جودية ... اش كتخربق و زايدون ... علاش جاي كتحاسب معايا ... تفارقنا ديرها فبالك ... علاش باقي كدور بيا ... اشنو باغي ... 

جود وقف ليها مخنزر: باغيك ترجعي ليا ... 

ميرال: وعلاش غنرجع لييك ... 

جود: حيت لديلمك كنغييك 😡😡 

ميرال تشوكات: ب.. اش كتخربق تاني ... هدوك غير تهيؤات ... حيت عاداك ماشي بغو هداك غير الضمير لي كيانبك من جيهتي ... اخر مرة تجبد معايا هادشي و دارت غتطير بالفرحة وشادا راسها من تنقاز ... 

جود من لور صاعر: وشككون قال لديلمك عندي الضميير 😡😡 

دخلات و هو دار عند جاد لي مكواني فالجهة الاخرى ديال الفيلا و جالس كتكيف ... جلس حداه وخداه من عندو صاعر .. 

جلس فالارض حداه و خدا الغارو من عندو ... حتى جاد كان سارح كيخمم ... 

جود: كتحشش اولد الق*** 

جاد: هههه راك عارفني مكنديرها حتى كنكون كنبلاني شي بلان مقود ... 😂😂 نتا هارفني ماشي انا لي ندير هادشي غير فوق شبعة و خلاص ... 

جود: ههههه ارى لهنا ... وشرح هادشي للوالد ولا خالي و اللهتا يسيفطو والدينا نتgلاصاو ... 😂😂😂

جاد؛ ههههه امتا غنحصلو وحنا مكنتكيفوفو غير فالمناسبات الشيقة بحال مناسبة اليوم 😂😂😂 

جود: ههههه قودها ولد الق*** ناري على بلان دايرين ليبه لاهو لاعشرانو باغين نبرد هوايشي اليوم ... 

جاد: دامشي علاش خاصنا نطلعوها ونطلعو للسماء باش نطلعوهم معانا  😂😂😂😂 

جود: هههههههههه واعرة عندك هادي ... نساليو هاد الجوان ونباليو بجدي ... 

جاد: غطلع لينا تبويقا غيعيق بينا العقيد زابن هادشي ولد الادينا مكيخفاش عليه مخصناش نبانو ليه ...

جود: متخافش غير كنشطو ماشي دايخين ... 

فهاد اللحظة نور فالبيت الفوق ... خرجات للبالكون كطل على الجردة اللور.. حتى كتسمع ضحك ادراري ..هبطات راسها بانو ليها غير رجليهم مسرحين والدخان ... 

نور: هادو دوك السلاgط ههه... شحااال هادي ماكميت العقيد مكابنش معايا دابا ... نمشي نطلعها عليهم 😂😂 

هبطات لتلشوية مرزنة باش متلفتش الانتباه .. داوت من قدامهم عادي كولشي مشغوول ... خرجات دارت مع الفيلا كتسلت ... حتا وقفات عليهم كيف ملاك الموت ومع ديما لابسة الكحل باقا فبها هاد العادة و طالقة شعرها لي باقيا محافظة على طولو ... 

نور: اش كديرو اسلاgط 😂😂😂 

جود: الوالدة 😨😨 

بظات كتضحك وجلست فالارض حداهم ...

نور: ههههه للا متخلعو راه قباضبن الرواح ممساليينش ليكم ... ارو داكشي لي كنتو كديرو ... 

جاد: تش داكشي اعمتي ... 

نور: وا غيير جبد داك الغارو راه شفتكم كتكميو ... 

جود كيدير ليه لا و لكن هي خطفاتو من ايدو وهي تنزل عليه جرات جرة حتا خوات نصو .... و هما تصدمو ... 

نور: ههههه مالكم 😂😂 انا لي كتشوف فيا دابا دوزت تسلغييط وكميت حتا انا ... ولكن باك قطعو لبا بزز ممنين حنلت بيك نتا وختك مابقيت قستو واليوم جات فرصة ... من ايمتى كتكميو ولاد الحرااام عمري حصلتطم ... 

جاد: مكنكميوش راه غير اليوم رشقات لينا وصافي...

نور: احسن ... بلا متولفوه و تفرقو منو راه فيه غير المرض و الى مشاو حتا حصلوكم باواتكم ماسوقيش فبكم ... 

جود: عااارفين ....الوالدة وباراكة علييك 😨😨 

نور: فشكاااال هاد الغاارو ... 

جبداتو حققات فيه ولاحظت بلي هو حشيش وهي تشهق ... 

نور: بالولاد الحرااااام حشييييش 😱😱😱 

ناضو الدراري كيزاغو عرفو ريوسهم مقودينها ... 

ونتضت لاحتو وهي طير عليهم هبطات منتوفين من شعرهم ... حكماتهم كتغوت وتضرب برجلها للجنتبهم ...

نور: وصلتو للحشيش يا ولاد الحرااام ... اه نسحابو غااارو عادي نتوما طرتو ليببه نيشان ... اويلي واش معارفيينش هداك سم اه ... جبداتهم عطات للجاد بونية للوجه حتا دار و ولدها كان غيهرب نقزات عطاتو برجلها لاظهر طاح نزلت عليه بالعضاان والنتيف .. جاي يفك لاخر جمعات معاه بطرشة ... 

°•°•°•°•°•°•°•°•°•°•°•°•°•°•°•°•°•°•°•°•°•°

واقفين شادين حناكهم قدامها مشعكين حوايجهم مخصرين و كل واحد فيه شي ضريبة حدا عينو ولا فمو ...و كيشوفو فيها حابسين الضحكة وهي دايرة ايديها على جنابها غادا جايا ...

مزياان تبارك الله الحشيش قربتليه انا لي تكيفت حتى شبعت واش لمكم باغين تخرجو ليا العقل ... حرام عليكم ... 

جود: تيقي فيا الوالدة واللهما كنتكيفو راه حتا الغارو مكنكميوهش غير اليوم رشقت لينا عليه تيقي فينا ... 

نور بقات كتشوف فيهم: سمعو اولادي انا كنتيق فيكم وعارفة انكم واخا ضاسرين عارفين حدودكم ... و ظيما كيقول ليكم زاين الشراب والحشيش و داكشي ديال البنات ممنوعين ...

جاد: عاارفين وحنا ماشي صغار عارفين الحلال من الحراام ... غير كنجربو وصافي .. 

نور:ايوى الى جربتو الحشيش غدا تجربو الشراب ومن بعد توليو ليا فبنات ليل و داك المرض ... وانا منسمحش لولادي يديرو هادشي اقسم بالله و تحيني شي خبار على هادشي ... 

جود عنقها: واااا الحبيبيبة ... راك عارفة ولادك ... ميطيحوش كلامكم و عارفين حدوودنا و مستحيل نخدلو تيقتكم فينا ... وحنا عارفين شحال كديرو لينا الخاطر ولي بغيناها كتحضر ... 

جاد: كلمة الرجال اعمتي ... 

نور ريحتوني الكلاب ... اجيو لهنا : احححح كبرتو وليتو تقال كنت نجمعكم بين ايديا ب2 دابا وليت نغبر بيناتكم 😂😂😂 *كتقيس وجاههم * احخح كليتوها .. 

جود: هههه حنان الام هدااك 😂😂😂 

نور: هههعه ياله نخليكم وفي اطونسيو 😉😉 باست حناكهم ب2 و مشات ... 

شافو الدراري فبعضياتهم وضحكو على العصا لي كلاو ... و قادو حالتهم و مشاو دخلو للفيلا واامكتب عند جدهم ... 

دخلو عندو كان جالس بوحدو فالمكتب ديال وضارو عليه كبف الضبوعة ... 

جاد: جدي ياجدي .. وا فييبن .. 

علي: ههههه فيبن نتوما ... كتغبرو مكتبانو حتا كنجمعكم 😑😑 

جود: على اساس فاش كنجيو كنلقاوك رتك ديما فالشركة و كنمشيو للشركة كتكون مشغووول ... 

علي: هههه ااه عندكم الحق ... ايوى قولو لبا كبف غاديبن مع قرايتكم ... قررتو اش غديرو ورى تلباك ...

جاد: باقي معرفنا ... 

علي: مكرهتكومش ديرو بحال ولد عمكم ربان و تخدمو فشركتكم ... 

جود؛ نديرو بحاال رياان 😂😂😂😂😂

جاد: ههههههه حتال تما ويحن الله ... بصراحة بغبنا شي حاجة ... 

عاي: ههههه طلقوني ... 

جود: بغينا شي 7 من رجالك ... فشي حاجة ... 

علي: اشنو هاد الحاجة .. 

جاد: غير واحد البلان وصافي ...

جود: متختفش اجدي راه ولادك بعقلهم .. 

علي: عاارف .... واخا ضبرو لشغالكم راسكم ... 

جاد: يحفظااااك اجدي ... 

باسو ابديه خلاوه كيضحك وخرجو ... 

مشاز للجردة و جمعو اضخم 7 كاينين و خرجوهم معاهم حسي مسي .... 

•°•°●°•°•○•°•°●°•°•○•°•°●

عند انصاف لي كانت جالسة مع البنات حتا غمزها عصام وناضت تبعاتو .... خرجو للبرى ومشاو للجريدة ..

عصام: توحشتك .. 

انصاف: ههه اش كتقول ومن قبابلة وانا قدامك ... 

عصام: قدامي و مديتيهاش فيا من الصباح ونتي تسبيكي مع البنات ... 

انصاف: وا حشومة نبقاو كول شوية غير كنهضرو بيناتنا اش غيقولو علينا العائلة ... 

عصام: هههع اش غيقولو متلا... 

انصاف: راك عاارف ... 

عصام: هههه ياله نخرجو غدا الاتنين وخدام مغنقدرش نخرجك ... 

انصاف: واها انا نعلم ختي ونرجع ... 

عصام: هههه سيري علمي ختك انا كنتسناك ... 

ناضت انصاف كطير علمات العائلة يقولوها لنور لي الفوق فالبيت ... لبسات و خرجات عندو ومشاو ... 

☆☆☆☆ نرجعو لللحظة لي دخلات فيها ميرال كتجري غطير بالفرحة ... غمزات لجودية وسهى طلعو تبعوها ودخلو للبيت... 

جودية: اوبلي مال هادي ... 

ميرال: ناااري خوك خوك كيغيير ممتيقاااش 😍😍 

سهى: ههههه غير بالشوية وعاودي لينا ... 

ميرال: جود ولا حاضبني فينما نضور نلقاه كيشوف فيا ... و قبايلاسولتي على شهاب ... 

سهى: ش...شهاب .. 

نيرال: اااه غار منو ممتيقاااش ... واخر لقطةثال ليا كنبغيك واااع ممتيقاااش ... ناري خايفاه يكون غير مشوش ... 

جودية: خويا مكيهضرش غير هكاك مكايقول الحاجة حتى كيضرب ليها الحساب ... يمكن توحشك و عرف راسو كيبغيك ... دابا غيخصك تخلييه يغيير علييك و طيبيه لوالديه القلب وتجرجريه عاد وافقي ... 

سهى: هدا غير تويمي ديالك 😂😂 

ميرال: هههه ممم كيفما دايرا لداك المسكين لاخر .. 

جوظية: هداك قصة اخرى ... مشتيش السيظ ولا عندو داكسي بالتهديد ولكن انا له بالمرصاد مهم نتي دابا جرجري ليا داك الحلوف ... من الاحسن نقولوها لشهاب 

سعى: م مال شهاب .. 

جودية: شتك نتي غير كنجبد شهاب كتبداي ترعدي اش كاين ... 

سهى: ه ههه شغ..شغايكون ... متلا ... 

ميرال: واللهتا كاينة شي حاجة ... 

سهى: اوووف معندي منخبي عليكم ... البارح تحرش بيا داك البغل ... عاودات كولشي ... 

جودية: 😂😂😂😂😂 

ميرال: هاي هاي هاي ... اش كنسمع ...😂😂😂 

سهى: تهجرووه 😡😡 

جودية: ومالك ضربتيهةعلى الشعا مسكين ضروري ميوقع هكاك .... عاد وليتي تباتي ليه العفريتة شحال من عام ونتوما ساكنين مع بغضياتكم... 

سهى: داكشي لي وقع ليا ... مابقاش كيبان ليا ولد عمي لي مربيين فدار وحدة ... وليت غير نشوفو يبدا قلبي يخبط و غير رادا بلي وحاضيا معاه ... 

جودية: هههههه باينة حرك ليك لي سونتيمو 😂😂 

ميرال: مرحبا بيك فالعالم الجديد 😂😂😂 

سهى: نااااري غنحماااق ... 

جودية: من احسن ديري حد معاه كيفما درتو مع جاد والله ويسقو لينا العائلة الخبار حتى يدبحو والدينا ... 

سهى: عندك الصح ... خاصة جدي و عني سعد معندهومش مع التبرهييش ... 

ميرال: احححح جوود كيبغيني 😍😍😍 

☆☆☆☆عند نور متكية فوق السرير نصف جالسة .. كتشوف قدامها و النظر كيمشي ويجي و الضبابة قدامها وغير سااكتة ... تحل الباب دخل زاين كيحيد حوايجو و حيد تيشورت و جبد الساك باش ياخد تيشورت اخر... 

زاين: ماجبتيش تيشورت لاخر ... 

نور ساكتة دار عندها مستغرب وتقدم جلس قدامها ... 

زاين: حبيبة!!! مالك ... 

نور: هههههههههههههههه رااااجلي جااااااا 😍😍 *تلاحت علييه* 

زاين: نووور ؟؟ 

نور: نعاااام ...ههههه 

زاين: معجبتينيش شوفي فيا ... 

نور: ههههه عمرك شغتيني ... 

زاين: مال عينيك حمرين اش واكلة ابنت الحرام ... 

نور: ماوكلاش ياله غناكلك ههههه *تلاحت عليه تكاتو وطاعات عليه كتعض فعنقو وحناكو*

زاين كيكاليها : احح نووور واش تهوشتي لمك ... نوضي احح هدااي كتبورشيني لمك ... حكمها نوضها من علييه وشد ليها ايديها ... قلب ليها عينيهاةلقاهم حومر ... حل ليها فمها وشمو مزيان واخا ريحة غبرت ولكن قشعها ... وهو يصعر ... 

زاين: اش كاميا لمك باك مابقيتيش كتكمي ... وليتي تحششي انووور 😡😡😡 منين جاك ... 

نور: اههههءح منقووووووولش ليك نتا قبيييح 😌😌 

زاين: نووور بلا متصعريني منين جاك داااكشي ..اول مرة كنشوفك هكا منين جاك ... 

نور: ههههههه منقووولش ليك .... ووقفت فوق السرير وبدات تنقز وتضحك وتلعب بشعرها ... 

زاين: نووور جلسي للارض واش ياله غنرجعوللحماق ديالك تاني ... 

نور: اجي تنقز معاااياا 😋😋 

زاين: داكشي لي بقا ليا ... بغيتي نتقبو سقف نطيحو التحت وسطهم 😑😑 

نور: هههههه حيت نتا عملاق وطبووووووزي 😂😂😂 

زاين: اللله يسمح ليك فين هاد طبوزي .. واش انا ديما كنتريني باش نبقا مقاد ليك الفورمة باش فالاخر تقولي ليا طبوززي 

نور: ههههه طبوزي طبوزي طبوزي ... زاين هبطي زيدي قدامي نشوف هاد حريرة التبويقة لي خرجت فجاة نعرف دوك ولادك ورى هادشي نجمع والديك معاهم ... 

نور: هههههههههه سلختهم جندخت مهم 😂😂😂😂 

زاين كيجبد ليها لسانها : علااش سلختيهم ... 

نور: لقيتهم كيكميو الحشييييشة ... شششش متقولهاش لباباهم ... 

زاين: لا منقولهاش لييه ... قولي ليا شكون حصلتيه كيتحشش ... 

نور: ههههههههههه جاااااد وجووود الحلالف ديااااالي حصلتهم تاتحششو 

زاين: ااااه واش درتي ليهم ... 

نور: جلست نتحشش معاهم هاهاهاهاهاهاهاهاهاهاهاه 😂😂😂😂 

زين ضحكاتو:هههه ومااال مك على هاد الزعااامة لانتي لاتريكتك ... خرجتو ليها طايطاي الحشيش انور الحشيييش ... 

نو: اهئ راه ماكتتش عارفة ... بلي حشييش يسحاب لي غيير غاارو ... ولكن متخافش شركت ليهم وجاهم و عجنتهم و نتفتهم عاد طلقتهم ... 

زاين مد ايدو : هههه هبطي من تم هبطي حتا تصحي ونتفاهم مع والديك ... لانتي لادوك 2 ...

نور شدات فايدو وتلاحت عليه هزها .... ورجع حطها و عغيير حطها مشات كتجري للحمام و تبعها بدات كترض وهو جر ليها شعرها لوور 

زاين: شتي الطيراان ديالك نتي مولفة بدااكشي ... ولكن واللهلا بقات فوالديهم عشت كتر منهم ولاد الحرام الغارو عمري حطيتو في فمي مشاو هما نيشان لاحشيش ... 

سلات غسل ليها وجها .. و جرها للسرير وهي فاشلة ودايخة.... 

زاين: نوور رتاحي متحركييش انا نجيب ليك باش تصحصحي ... 

تكات نور غلباتها الدوخة وشدات الارض .. هبط جاب ليها عصير الليمون و عطاه ليها شرباتو ... وبغا يهبط للدراري ساعة شداتة وجاتها الحنانة عليه ... 

☆☆☆☆ عند عصام وانصاف ... وصلو للمطعم ... وكان داك الريسكو لي تلاقاو فيه اول مرة ... بالمسبة ليه هو لدبلاصة فيها دكرى زوينة ولكن هي كتشوف غير داك الدل وديك الحgرة لي كانت معرضة ليهم فيه واخا هكاك مبينتش ليه فاش شافتو ضاحك وفرحان و بغات تسستمتع بوقتها ... دخلو ختارو فين يجلسو وبدات كدور فعينيها وبدات تفكر ايام الخدمة هنا.. ماشي بزاف باش كانت خدامة هنا دابا ولات زبونة ... 

عصام: باش بغات الانسة انصاف تغدا ... 

انصاف: ختاار ليا نتا ... 

عصام: واخا الالا ... جبد الموني ... وراها وتشاور معاها وتافقو علاياش بغاو ... و عيط سيرفورة من لي كاينين... خدات كوموند وكتشوف فانصاف وانصاف غير حادرة راسها ... مشات دخلات كتجري ... 

انصاف: سمح ليا نمشي لاحمام ...

عصام: وااخا ☺☺☺

دخلات سيرفورة عطات الكوموند لي مكلفين و غمزات 2 معاها و مشاو للحمام ... دخلات كطل من الباب .. سداو وراها ....

بنت 1: اجيو تسمعو ... 

بنت ديال ديك المرة: مالك اش بغيتينا تاني ... 

البنت1: تي مشفتيش ديك المعقدة ديال انصاف ضبراات فالجديد ... طيحات وااااحد تيتيز منقوولش ليكم ... عرفتوه شكووون ... 

البنت: شكون شكون ... 

البنت1: هاداك لي دافع عليها ...ديك المرة ... وجا سول عليها من بعد .. 

بنت2: وتاقاو الله اش بغيتو فيها ... بنت كانت موقراكم عنرها شافت فيكم حتا شوفة جالسين تنممو فيها ... ربي كرم عليها حسدتووها ...

بنت1: هههه ناعسة على ودنييك نتيا ... هداك النوع انا لي عارفاه اش كيسوى ... ديما كنت كتقول ليكم هاديك ماساكتاش على والو ... بخال هادوك كيضربو غير من أتحت .... دغيا لوات عليه ومتلات عليه دور البراءة وجراتو لعندها ...

البنت3: ايوى شتو نتوما لي ضلو تخدمو وغير حاليين فامكم مالكم مديرو بحالها وطيرو شي واحد ... كامت غير سكوتية ومكتهضر مع حد ... ضاااربة حسابها لراسها ... ولايني لفعة 

البنت2: وا تقاو الله فالبنت فيين كتعرفيها باش تهضري فيها هكا ... طلعتو فالراس والله العظيم ... مالها هي لي مشات عندو ياك هو لي جا قلب عليها ... 

بنت1: تي شتك كدافعي عليها... الى طلعنا فراس متهضريش معانا ... 

بنت2: هي لي متعاودش ... 

خرجات ردخات الباب ... 

البنت 3: تفو كتوحلي غير مع هادو ... 

البنت1: واللهيلا ... ولكن بوقووووس ياختي .. عينيه خووضر و اللحية و الفورمة تزعطت انا ... 

البنت3: ياله ياله نطلو علييه ... 

خرجو البنات ... وهادشي كولو يمعاتو انصاف لي مانت دايرة ايديها على فمها باش متصدرش صوت البكاء لي كبتاتو .... اشنو ظارت ليهم لاطالما كانت بنت دايرة حدود مع ما يسمى بالبشر علاش هاد التطفل ... معنهم حتا فكرة على الماهية ديالها ولكن كيهضرو ... خاصهم يهضرو باش يقنعو ريوسهم بلي هما احسن ... الله يحرق طباسلهم (سمحو ليا تحمست شوية 😒😒) ناضت وحلات الباب ديال الحمام وقفات قدام المراية ... المسكارة داعت ليها وولات حمرة ... غسلات وجها و قادات الماسكرة و و دارت شوية الباودر تدرق الحمورية خدات نفس و خرجات ... وصلات للطبلة وجلست حادرة راسها ... 

عصام: تعطلتي ... 

انصاف: سمح لي ... 

عصام: مالك .. شوفي فيا ... باكية ... 

انصاف: لا ..

عصام: كتكدبي ... ميرد ... نسيت ..... ياله نمشيو من هنا ... 

انصاف: لا لا .. ماشي على البلاصة ... انا بيخير واصلا دوموندينا ... 

عصام: متاكدة ... 

انصاف تبسمات ليه و هزات راسها .. 

جات السيرفور المسمومة كتحط و تضور فعينيها وانصاف على اعصابها ... بقات كتجيب حاجة بحاجة باش تبقى خيطي بيطي عليهم ... كتشوف فعصام وكيفاش كيتعامل مع انصاف و كيفاش هي مرتاحة معاه ... 

مشاتخلاتهم كتشوى ... و بقاو كياكلو ... وهو مقابلها يهز من البلا ديالو ويحط ليها ... وهي كتاكل بشوية وتشوف المنظر لي كيطلو علييه ... 

عصام: انصااف ...

انصاف شافت فيه : امم 

عصام: انا بان ليا صبرت حتا عييت و يمكن تقولي ليا زربان ولا منعرف شنو ممكن يطيح فبالك ولكن راه حقيقة ... 

انصاف بدات كتوتر ... 

© 9isas modareb.. عصام: غنجييبك من الاخر ... انا كنبغيك وماباغيش نتصاحب معاك باغيك نيشان للزواج ... 

انصاف لاحت شوكة من ايديها وتوقفات على الماكلة .. 

عصام : غتبقاي ساكتة ... قولي شي حاجة ... انا باغيك تكوني مراتي وان ولادي رتاحيت لك من النهار شفتك هنا ... عجباتني شخصيتك ... لقيت فيك داكشي لي بغيت و مستحيل نفرط فيك ... ولا نتراجع عليك مقتانع باش كنقول و عارف راسي اش باغي ... اشنو واش مكتبادلينيش نفس المشاعر ولاو غير شوية .. 

انصاف: ا.. ا..انا.... 

عصام عرفها تصدمات وتلفت و اصلا شخصيتها حفظها و عارف انها غتحشم ومغتقضرش تنطق بسهولة : ههه خودي نفس و رتاحي فكري وعااد جاوبي ... 

انصاف: ع.. صام... انا... كيف كتشوف... زعما... بصراحة .. معرفت منقول لبك .. نتا فاجأتيني .. 

عصام: انصاف عافاك متوتريش ... وقولي لي فقلبك ... ومتحشمييش ... 

انصاف شافت فيه شوفة حزينة و بحال الى باغا تبكي: انا .... باقا ممستاعداش ... خلي ليا وقت ... 

عصام: واش مكتحسي من جيهتي بوالو ؟ واش زربت عليك ؟؟ شنو السبب بالظبط وانا غنتفهمك ولا نلقاو حل ... 

انصاف: ا.. عافاك متحكرش عليا ... 

عصام بدا كيجييه تخوف من هاد ردة الفعل لي دارت وخاصة معطاتوش راس الخيط ... تنهد وقال: واخا غنعطيك وقت تفكري ... 

انصاف بقات كتلعب بايديها وشادا البكية ... 

جات السيرفورة عاوتاني هزات لي بلا و مشات جابت ديسير لي كان gاطو-gلاص ... حطات قدام عصام كتبسم وتعنب و و جات لعند انصاف وهي دير راسها تعكلات و لاحتو على وجها وحوايجها وبدات تمتل اوه ديزولي اوه مقصدتش ... ناض عصام صاعر ... و انصاف حسات بالظلم وخاصة انها عرفاتها دارتها بالعاني... 

عصام: مالك عورة مكاتشوفيش واش ميمكنش ليكم ترضو البال فين كتحطي رجليك 😡😡 

البنت: س.. سمح ..ليا اسيدي مقصدتش 😟😟 

عصام: جيبو ليا المدير ديال هاد القرينة ...😡😡 

البنت بدلت تزاوغ: سمح لينا اسيدي مقصدتش انا مقصدتش .. 

انصاف: ع... عصام ... غ.. غير خليها ... مقصداتش 😔😔 

عصام اتاجه لعندها هز كلينيكس وبدا يمسح ليها وجها ... و الاخرى سلتت ... 

انصاف: صافي انا غاديا نمشي نغسلو فالحمام .. 

عصام: واش بغيتي نعاونك ... تبقاي هنا حتا نمشي نجيب ليك ماتلبسي .. 

انصاف: لا بلش ... غنظفو ونرجعو فحالنا ... 

عصام: ولكن باقي مكملنا خرجتنا ... 

انصاف: ما بقا عندي خاطر 😔😔 

مشات انصاف للحمام ... و هي تبعها ديك المسمومة ... دخلات وهي تردخ الباب حتا قفزت انصاف .. 

البنت: اهلا اهلا ... فين هاد الغبرة ... 

انصاف : لا رد ... 

البنت: ولايني صدقتي لفعة ... تلويتي على داك تويتة ... فقيهك صحيح ولايكما دوقتيه من الحلوة .. العاار لاما فيدي ختك ... 

انصاف مسحات حالتها وغسلات وجها وهي ساكتة مكتشوفش لجيهتها ... هزات ساكها وقادات شعرها وهي ضوور لقاتها كتعوج حدااها ومربعة ايديها و هي ترمقها بنظرة حادة نيشان لعينيها خلاتها تطلق ايدها وتقاد فالوقفة وتمخاو تعابيرها ... ضحكات انصاف ضحكة جانبية ودورات بوجهها لليمين واليسار بمعنى لاحول وطلعاتها من فوقها للتحتها ... ضربات فيها وخرجات ... اقوى رد ممكن تعطيه لصغار العقول هو التجاهل قدما كترت هضرتك و كنتي كتجاوب ... قدما صغر عقلك ...الانسان الناضج و المقود فعقلو هو لي عارف معامن يتناقش وماشي ايا كان😉 ... خلاتها كتشوف فراسها و فحالتها ... ووقفات قدام المراية تفشات ديك التقة فالنفس وشافت راسها فين والاخرى فين ... حسات بانها وحدة فاشلة وتافهة راسها خاوي ... بقات كتشوف راسها فالمراية بدموعها فعيينيها ... هاد حال المحسادين يسمموك بكلامهم وداخلهم نار مكتحرقهم غير هما 😏😏 

خرجات انصاف عارفة راسها انتاقمت وراضية على راسها ... لقات عصام خلص ... خرج وتبعاتو ركبو فاللوطو وحاول معاها مرة اخرى باش يديها بلاصة اخرى ولكن رفضات ... 

☆☆☆☆ عند العائلة ... مجموعين على الغداء ... الا نور لي باقا اتار تبويقة عليها و شاداها دوخة بقات ناعسة ... كانو الكل مجموعين شباب وبنات واباؤهم الا جاد وجود ... 

زاين: فين دوك 2 اشهاب ... عشرانك معارفش فين هما ... 

شهاب: والله اعمي ماطالقها علييك ... مشفتهومش من 11 ودابا راها 2 ... 

ياسر: عيط مجاوبونيش ... 

رميساء: غيكونو غير مع الدراري ... 

سيف: مموالفاش ليك تبقا تقلب عليهم اش دارو تاني .. 

زاين: بوقو نور ... 

سيف لاح داكشي لي في فمو بالضحك .. 

ليلى: اويلي اش كتقول ... 😱😱 

ياسر: او منين جاهم وعلاش ... ولش هادو ولاو كيتحششو ..😡😡 

رميساء: ناااري مبديروهاش ... مستحييل ... ولادنا ضاسرين ولكن عارفين حدوودهم .. راك غيير غلطتي ... 

شهاب شاف فريان حداه ... و وشوش ليه : هادو لاياش كيخططو ... 

ريان: بان ليا ... لقاو شي بلان لداك خاينة ... 

شهاب: برب حتا قودووها وغيشريوها لينا تاحنا ... 

سعد: هادوك 2 تما اش كتوشوشو ... باااينة حتا نتوما مزبلينها غير طلقو عتارفو ... 

ريان: الوالد راكم عارفينا ... راه حتا الدراري مكيقربوش لداكشي ... راه غير تلقاهم رشقات ليهم عليه وصافي ... 

زاين: كتبدل هكا وكتسالي فمراكز العلاج ...و هما الكلاب باقين صغار يدخلو داك السم لداتهم ولكن حتا يبانو واخا عارفهم كيخططة لشي حاجة ...

علي: حضيو ولادك اولادي ... عمركم تغفلو علييهم .. 

ياسر: اودي اعمي مع هادو ... 

سيف: دابا هاديك لي مبوقة اش درتي معاها ... 

زاين: راها دايخة خليتها ناعسة ... 

جودية: انا غنطلع عندها ... 

مشات طلعات جودية كتجري خلاتهم فخوض النقاش .. 

حلات الباب لقاتها متكية وتخشات حداها .. 

جودية: ماما ... ماما ...ماما ... ماما .. نور .. نور الهدى العمراني ... وااا نور الهدى العمراني العمراني ... 

نور: مممم .... 

جودية: وليتي تبوقي ااماما صدمتيني فييك ... 

نور: غتنوضي من قدامي ولا غنركل مك نطوعك للجردة ... 

جودية:عاارفاك هادي غييير الخلعة من العقوووبة 😂😂😂 باينة خلاك حتا تفيقي ... 

نور: اش قال لييكم ... اناواش عاودت ليه واش جبدت خوتك... 

جودية: ههههه برولتي ليه بكولشي و خويتي ليه المزييودة وقودتبعا على ولادك اليوم يباتو فالبنيقة ... 

نور:😱😱😱 نااري قوتها انا وياهم ... ماشي غيير هما ... ميسحابليش داكشي غيشد فيا ... ولاد الحرام قولبوني .. و ماقالوش ليا راه حشيش حتا ضربتو كامل ... فين هما دابا ... عيطي ليهم وقولي ليهم مايجيوش ... 

جودية: حتا يكونو كيجاوبو بعدا ... 

نور: الله اميمتي ... اش غنديير دابا ... تحل الباب وهي دير موتة حماار وجودية بقات غير كتشوف دارت لقات باعا دخل وسد الباب ... 

زاين: ههههه عليا انا ... نوضي تgعدي من تم ... 

جوظية جات تنوض وهي تشدها نور من طرف كتقرص فيها ... 

جودية: مسحها فيا ابابا .. واللهما تعاود راه حنان الان هاداك ... 

زاين: جودية !! نوضي ابنيتي قبل منبالي بوالدبك حتا نتي ... ياله برا .. 

جودية غادية كتنغر ومعا شاداها باش متخليهاش مع باها ... 

نور تحت سنانها: والله وماتشدي الارض حتا نصرفق مك ... مبقيتش فيبك 😢😢 

نور: طلقو مني ... اما لي جايا ندخل بخيط بيض ولا هادشي بتهديد ... اولادو فبعضيكم انا مالي ... ناضت وخلات مها كتخبى تحت الغطا وزاين واقف عليها ... 

زاين: نوضي من تم ... 

نور ناضت وقفت فالجهة الاخرى: زاينو ... العاااار متخبطش ... واللهما درتها بالعاني ... 

زاين: مدرتيشهاش بالعاني ؟؟ من نيتك طتفلاي عليا مكميتيش بالعاني ... 😑😑 

نور هزات عينيها كتفكر فالكدوب لي كتخرج بلا متفكر

نور: لا زعما ... ميسحابليش بلي فيه الحشيش .. 

زاين جاي ليها وطلعت فوق السرير وهبطت للجهة الاخرى... 

زاين : كتبوهلي عليا لمك ...واش قربك لشي gارو نتي اصلا ... 

نور: اغير توحشتو وبغيت نجرب ... اصلا سلخت مهم عليه راه زوقت ليهم الكمارة ... 

زاين: هبطي من تم بعدا ... 

نور: وما تضربش ... حلف متضرب ... 

زاين: علاه كتنفع معاك شي عصا ... غير هبطي .. 

نور: حلف متضرب .. 

زاين: واش كنتفلى انا ... هبطي طلقيني ... 

هبطات نور حاضية معاه ... ياله غيشحط معاها وشدات ليه ايدو ... 

نور: شتي شتي كنتي باغي تضرب ... الكداب ... 

زاين غلباتو الضحكة: طلقي ايدي ... ههه طلقي لمك ..

نور: وصافي عافاك متضربش واللهما بقيت نحطو فمي راه من ولادة الاولى مبقيت كميتو راه غير الشيطان غرني ... عافاك عافاك .. 

زاين: هههه ياله غير طلقي ... طلقات ايدو وعنقها كيضحك ......... اصلا هما ديما هكا ... مكاياخدش الضرب بمحمل الجد ... غير نوع من المزاح وصافي ... 

نور: دابا فين ولادي ... 

زاين:انا غادي لوالديهم ... 

نور: علاش فينهما ... 

زاين: انا لي عارف فين ... مهم راه خوك ومراتو داو بنتهم و حتا داك البجغوط ديالنا معاهم... و عماد مشا هو وجيداء وبنتهم ... بقات غير بنتك ... هزي لوطو ديالي ورجعو ... انا العشية ونجي ... 

نور: ناري ... تا قول ليا فين دوك المساخط ... 

زاين لبس تجاكيط ديالو باسها ... غمزها وخرج .. 

نور: غيحمققوني 😡😡😡 

☆☆☆☆ عند الدراري لي طايرين بالماطر فالطريق ... خرجو على المدينة بشوية ... دخلو مع بلاصة فيها المصانع وقفو قدام ديبو مهجور هبطو كيضحكو ضحك شريير ... وقفو الماطر وهبطو حيدو لي كاسك ... لقاو 2 لي gارد واقفين مكينزعزعووش ... جود هز رجلو خبط بيها داك الباب المصدي لي غير محطوط حتا طيحو خلا المساخط لي الداخل ودخلو كيضحكو ضحك شرير و كيزغرتو تزغريت الهنود الحمر ... (بسايكوات الله يستر😒) 

الياس ورباعتو مربوطين وواكلين الهرماكة ولي غارد واقفين عليهم ... 

جاد: ههههههه اهلا اهلا بالعشرااان وفييبن ... 

جود: عجباتكم الضيافة ديال العمراني 😂😂 

الياس: ش .. شبغيتو عندنا ... 

جود كيعيبو: ش..بغيتو عندنا 😂😂😂😂😂 

جااد: ههههههه من نيتك اصاحبي .. 

الياس: ختك وتفرقت منها اش بغيتو مزال... 

جاد تلاح عليه: بزز من الق*** مك غتفارق منها... 😡

جود: حنا عندنا معاك حساب اخر ... ديك المرة مسيفط لينا كلابك اولد التامل ... وكون غير كنا غير حنا ... ختي اولد الق**** ختي تضرب حتاهي ...😡😡 

الياس: انا غير عطيتكم علاش كدورو ... تعادلنا دابا ... 

جاد عطاه للوجه حتا طاح بالكرسي : لا ...دابا عاد تعادلنا ... 

جود كيركل فيه ... اما الاخرين كولشي واكلينها شي مغيب شي قالس ... الياس واكلها وزايدين عليه ... حيت مغزفين فييه هو بالداات ... 

جاد ناتفو: باقي تعرض لينا ... وتلعب اللعب الكبير معانا؟؟ 

جود: من الاحسن ليك متبقاش تلعب كبر منك... حنا ماشي ولد بابي ومامي كيف كيسحاب ليك ... 

الياس: صافي صافي ... واغير طلق ازمر ... متقربو ليا منقرب ليكم ... 

جود كيغوت: اوى اولد التااامل ديرها من الاول ... وقبل ماتقرب حتا لختي 😡😡 

الياس: ختك جات لعندي برجليها 😡😡 

جاد وجود رجعو لييه بالخبيط والركيل ... دمهم سخون و نفسهم حارة .. كيخبطو حتا كيسمعو صوت اللور ... كيغوت باسماءهم ....

.....: جااااااد ... جوووود 😡😡😡 

زاين: جااااد ... جوود 😡😡😡 

الدراري مدلروش ... كملو على الضرب ... 

زاين عطا اوامر لي غارد يخرجو يمشيو ... و عطا اوامر للبوليس لي جابهم يهزو داكشي لي طايح للمستشفى ... و فرقو الدراري على الياس ... هزوه داوه .. بقاو الدراري كيطلعو نفس ويهبطو ... زاين اكتفى غير بالتخنزير شاف البوليس ديالو مقاسوهمش وهو يصعر .. 

زاين: اش كديرو 😡😡 ديرو خدمتكم 

دارو لي قالىليهم وطلع باهم فلوطو سبقهم معصب ... والدراري طلعوهم نيشان للكوميسارية ... هبطوهم وداوهم للحبس نيشان ...وهادو اوامر زاين ... 

نور كتاصل بيه هي ورميساء و والو مكيجاوبهمش ... اما ياسر فخبارو كلشي .. و مشا عند زاين للمقر ديالو ... 

☆☆☆عند نور كتسوق بلوطو .. و حداها بنتها .. 

نور: عاودي تاصلي ... 

جودية: ماما ... راه تاصلت تلقايه ملاهي معاهم ... 

نور: تاصلي قلتةليك دوك 2رمغابرينش غير هكاك.. وحتا عمتك مقالو ليها .. 

جودية: واااخا ... اووه الو بابا ... 

زاين: اش داكشي ... 

نور: فين الاولاد ... فين غابرين ... 

زاين: بلا متشوشي راهم بيخير معايا ... قطعي من بعد ونهضرو ... 

نور: رجعو دغيا ... 

زاين: واخا احبيبة ... 

☆☆☆☆ عند زاين ... 

ياسر: ختي هادي ... 

زاين: اااه ... 

ياسر: واللهما كرهتك تشدهم هنا واحد 3 ايام ربيهم ... 

زاين: دامشي لي غندير ... ولا ياخدو حقهم بديهم البسالة هادي ... عرفتهم كيخططو لشي حاجة غير من داك السكات ديالهم وفينما نسولهم ينكرو ... 

ياسر : والدراري لي معاهم ... 

زاين: هلكوهم المساخط ... بعدا غيزو لداك الياس و هلكووه .. واخدين لي غارد من عند الوالد ... جاب الله علمني ... 

ياسر: ودوك الدراري شنو مدى اصابتهم ... 

زاين: لاباس ... غدا يجيبهم حداهم تاهما ... ب2 دايرين الدنب ... 

ياسر: اممم ... 

زاين: نوض نطلو على والديهم شوهونا ... 

ناضو خرجو ... وهبطو لعندهم .... 

☆☆☆☆ عند انصاف و عصام ... 

سايق بلوطو وهي حظاه دايرة ليزيات كتمزك و ياهية فالجنب ... وهو بالو معاها شاف بلي مزاجها تبدل بعدما جلسو فريسطو ... قرر يخليها على راحتها ... 

دخل مع الفيلا ... لقا نور و جودية كاينين جالسين الداخل ... دخلات انصاف سلمات عليهم وطلعت لبيتها سدات عليها ... 

عصام جلس معاهم... 

نور: شفت انصاف ماعجباتنيش ... 

عصام تنهد... 

جودية: غنوض نشوفها ... مشات طلعت ... 

نور: ماوافقتش ؟؟😟😟 

عصام: ماعطاتنيش راس الخيط ... معرفتش اشنو تحت راسها ... 

نور: سمع انا ماشي سوقي ديك البنت منها نخلاق وهي لي تكوون مراتك ... سير معاها دقة دقة ... ومتزربش عليها وانا غنعونك ... 

ناض عصام عندها ... باس ايديها ب2 و عنقها ...حاط راسو على كتفها ... 

عصام: عاااوني خوك ...

نور: هههه ولا عليك ... دارت وجهو بين ايديها وباست حناكو وناضت ... 

طلعات الفوق عند انصاف....لقات جودية معاها معنقاها حيت باينة مقلقة ... 

نور: قودي نتي خرجي عليا ... خليني معاها..

جودية: هههه اويلي اماما واش كاينة شي ام كتقول هكا قدام ولادها ... 

نور: ايه انا ... يالاه برا ... العااار لاما سيري تصاحبي وحيدي من حدايا شوية فبنما ندور نلقاك ... 

جودية: وعلى هاد الهضرة واللهلا تصاحبت .. وغنقول هادشي لبابا يالله ... 

نور تحنات هزات سباطها : غتخرجي لا ... 

ناضت جودية كتجري خرجت كتضحك... 

سدات نور الباب وجلست حدا انصاف ... لي غير عنقاتها نور وحطات بيها راسها فوق سدرها ... بدات كتبكي وتنخصص غااع .. ونور كتدوز على ظهرها ... و هي غامازايدة فيه ... 

نور: ششش صافي احبيبة صاافي .. قولي ليا واش مابغيتيهش ... راه تاحد مافارض علييك شي حاجة .. الى مابغيتيهش غير قوليها ومتحسيش بهادشي متقل عليك ... 

انصاف زادت كتبكي و بحرقة مدورة ايديها على نور و غارقة فحضنها كلما كتفكر كتزيد تبكي حتا بكات مور معاها ... 

نور: اهى اهى .. بكيتيني معاك الخرية ...😭😭 

نور: واش مغتقوليش ... غير خوي عليا قلبك واللهما غنقول ليه شي حاجة الى مابغيتيش ... واش مكتبغيهش ولا خايفة ...

انصاف: ختي ... اش كتقولي علاش لي ماغنبغيش راجل بحالو ... واش لي عتقك من ويط القهرة لي كيهتم بيك و يتهلى فييك لي دخلك بين ناسو وعائلتو لي دغيا تاقو فيك وداروك منهم ... ماغانبغيهش .. علاش مغانبغيهش وهو محتارمني وكيفهمني و عارف كيفاش يتعامل معايا ...انا ...انا غيرر.. 

نور: نتي شنو .. 

انصاف: انا ماشي من سهمو ... انا واخا عايشة معاكم ولكن كنبقى غير بنت الخيرية لي جابها غير من الزنقة ...معندي اصل معندي فصل معارفاش راسي بنت من ... كيفاش غيشوف فالناس ويقول ليهم مرتي الى سولوه بنت من اش غيقول ... غيضحكو عليه وانا مابغيتش هادشي ... 

نور: واش من نيتك هادشي علاش ماباغاهش تزوجيه ... كتبغيه ؟؟.. 

انصاف: واكنموووت علييه واكن منقدرش ... 

عصام زدح الباب ودخل صاعر: خليني معاها اختي 😡😡 

طلقات منها نور مسحات ليها دموعها باست حناكها ناضت غمزات عصام باش يسايس معاها وخرجت سدات الباب وراها ...

☆☆☆ عند زاين وياسر ... 

هبطو ووقفو قدامهم وهما جالسين ممسوقيبنش ... 

ياسر: اش قاليكم راسكم نتوما ... 

زاين: يسحاب لوالديكم ناعسين على ودنينا ... 

جود: الوالد ... راهةغير دافعنا على راسنا... 

زاين: وانا اش كندير كنتو عارفينو هو جيونيىنيشان والله غااما ربيتهم ... دابا صدقتو حتا نتوماةبحالهم وغدخلو ب2 للحبس ... 

جاد: هما لي بداو خداو علاش كيضورو وحنا مابقيناش صغار لي نجيو نشكيو عليكم قادين بمشاكيلنا ... 

ياسر: راسكم يبس من الحجرة ... حتا حنا كنا براهش .. و عمرنا وصلنا لهاد الناصل ديالكم نتوما .. 

زاين: الاختطاف الكلاب خاطفين عصابة هالكينهم عصا ... هادي راه جريمة تغرق لوالديكم الشقف فالحباسات واش عارفين هادي ... 

جود: ياك غتخرجنا الواليد .. 

جاد: خالي خرجنا من هنا راه خدينا غير حقنا ... 

زاين: الحقكيتخاد بالقانون الى كولشي مشا بسباسة ديالكم غتولي الدنيا غير عيشة ديال الحيوانات فالغابة وهناةغتبقاو حتا ترباو ... و غدا نجيب ليكم صحابكم توانسو معاهم ... ومشا ... 

ياسر: ياله تهلاو ... نشوفو هاد الضسارة واش غتحيد ... ومشا ... 

جاد: الوااالد ... 

تم النشر على 9isas modareb.. جود: ههههه واللهتا داروها بالصح ... 

جاد: هههه زيد تريح ... دابا نشوفو واش غيخليونا هنا منين يسيقو لبهم المنقدات ديالنا الخبار 😂😂 

جود: ههههه 

☆☆☆ عند عصام ... 

بقا واقف معصب قدامها وهي حدرات راسها كتحك ايديها مع فخاضها بتوتر ... 

عصام: فراسك اسبابك تافهة ... واش كنتي غتضحي براسك وبيا على قبل كلام الناس لي انا اصلا مدايرش ليه الحساب ... تقدم ليها وقفها قابلها معاه ... 

عصام: شوفي فيا ... كتبغيني ..؟؟ 

انصاف: هزات راسها بالايجاب وحدراتو ... 

عصام: ادا هادشي لي بغيت😍😍 ... والناس مالي ومالهم ... بنت الخيرية ومربية ومخلقة و صاينة راسها و زوينة ودكية وديال العشرة والزواج ومكيهمنيش نتي شكون ولا بنت من ... لي كيهنني هو نتي وشنو كتسواي ... كنبغيك وكتبغيني وهادشي لي كيهمني ... انا غنتزوج بيك نتي وحلفت بعمري لا غييرك كانت ليا مراة .. 

انصاف: و...واش...متاكد 😟😟 

عصام: انصااف راه غنصرفق مك ... 

انصاف: صافي ..غنسكت ... 

عصام: غنعاود نسولك ...قابلة تزوجي بيا ... 

انصاف: اه .... قابلة وبعينيا مغمضين ... 

ضحك عصام حتا بانو ضروسو وهزها معنقها وهي كتضحك ... حتا دخلو جودية و نوور كيزغرتو .. كانو كيتصنتو 

نور: وا على سلاااامتتا ... 

جودية: هاي هاي هاي هلى العشق والرمانسية وداكشي ..

عصام: هههه حشمتيها البعلوكة .. 

نور: عنقات انصاف: مبروووك احبيبة .... فرحتوني والله ... احسن خبر سمعتو ... مبروك عليكم .

انصاف: الله يباربك فييك اختي ☺☺ 

نور:..اجي نتا لهنا ...ههه مبروك عليكم اخويا الحبيب .

عصام: الله يبارك فييك احبيبة ☺☺.

جودية عنقاتهم بدورها حتا هي وباركت ليهم ... وهبطو التحت ... 

☆☆☆ عند ياسر وزاين لي خرجو من عندهم ... و مشاو ركبو فلوطو ديال ياسر...

ياسر: هههه وافوووكها مع مواتهم ... 

زاين؛ هههه داكشي فاش لقيتيني كنفكر ... بافي مافخبارهم والو ... 

ياسر: متحاسبناش معاهم على الحشيش ... 

زاين: داكشي حسابو لووحدو ... بان ليا نgلعو لوالديهم دوك الماطر ... ونقطعو لبهم الفلوس ...

ياسر: ممم على اساس الى درنا حنا هادشي مواتهم مغيدخلوش ... راه حنا نفولو شي وهما يديرو شي ... الحاصول كنا محمقين مع عيالاتنا زادونا ولادهم 😂😂 

زاين: هههههه حنا موحال نشرفو مع هاد تريكة 😂😂😂 

ياسر: 😂😂😂😂😂 خلي داك الجمل راكد 

☆☆☆ في الفيلا ... نور جالسة هي و انصاف و جودية وعصام و رميساء ووالولاد الصغاار ... 

رميساء: احسن مادرتو ... مبرووووك عليكم ... 

عصام وانصاف: الله يبارك فييك ☺☺

زاين و ياسر : السلااام عليكم .. 

نور: على السلامة ... 

رميساء: فين الدراري ... 

زاين و ياسر دخلو جلسو.... 

زاين: فالحبس ... 

نور و رميساء: هااااا  😱😱😱😱

جودية: هههههههه اش دارو المساااخط 😂😂😂 

زاين: خداو رجال من عند بابا وخطفو داك الولد لي معاديين معاه هو ورباعتو هلكوهم و سيفطوهم للمستشفى وانا شديتهم يترباو ... 

نور ورميساء وقفو ... 

رميساء: واش من نيتكم خليتوهم فديك القرينة وجيتو ... 

نور: وا نووض جييبهم هما راه غير دافعو على ريوسهم ... 

ياسر: غتريحو لا 😡😡 ولادكم راه دارو جريمة خليهم يعرفو بحق داكشي لي دارو ... 

نور: اياااه عير هما لي غالطين ... ودوك الكلاب لوخرين راه تاهما تعرضو ليهم

زاين: غدا نلحقهم علييهم ... 

نور: زاااين 😟😟😟 

زاين: والله امراتي الحبيبة لاعتبوها حتا يقولها ليا راسي ... 

نور جلست حدا رميساء مكرهوش يتلاحو عليهم يقجوهم ... 

عصام: وااايلي كيغفلو هاد المساخط ... وصلات بيهم يخطفو بنادم ... 

ياسر: هانتا تشوف ... 

زاين:شتي هادو الى مخرجوش شي بزناسة و منظموش شي عصابة ... عكر ليا ... 

رميساء: ماحنا على فالك ... 

زاين: غيشدو الباك ... غنجر والديهم لعندي ... 

ياسر: واللهما كرهتك ديرها ... هاد الطاقة الزايدة لي فيهم ... خاص تروض ... واللهما يمشيو طريقك ولا يمشي فطريق اخرى ... 

رميياء: اويلي اش كتقول ... 

نور: واش تكافبت معاك حتا نتا غتزيد ليا دوك 2 تاهما ... 

زاين: مالك ... هاني حداك ... ناقصاني يد ولا رجل ... نساي الماضي ... 

نور: زاين .... نتا رتك ماعارفش مناش دزت ... ومنقدرش نواجه داكشي تاني لامعاك لامع الولاد ...

رميساء: نور عندها الحق ... 

زاين: انا وياسر قررنا ... الدراري مغيشدو الطريق غير بهاد الطريقة ... 

ياسر: ولادكم مهاوشين على المدابزة والطيران و دمهم سخووون .... وزيدو عليها شخصياتهم كلشي هادشي مزبان ومناسب لانهم يدخلو فيلك الامن و يتبعو زاين ...

نور و رميساء معجبهومش الحال ولكن قرار الاب فوق كولشي ... 

عصام: مهم خليونا من الدراري بغيت نعلمكم بشي حاجة ... 

ياسر: الله يسمعنا خبار الخير...

عصام: كل خيير .. قررت نكمل ديني ونتزوج ... 

زاين وياسر وقفو كيضحكو وعنقوه: مبروووك ... 

زاين: اجي لهنا العفريتة ... ههه مبروك عليكم .. 

ياسر: على سلامتنا 😂😂 مبرووك عليبكم ... 

انصاف: الله يبارك فيبكم ☺☺

عصام: انا باقي مقلت ليكم شكون باش عرفتوها انصاف 😂 

زاين: هههه علينا حنا ...

ياسر: عاييقين بيك هادشي راه مكيخفاش 😂😂😂تاحنا دوزنا حقنا ... 

عصام: هههههه ... الله ببارك فيكم ... 

ياسر: قررتو امتا ... 

عصام: باقي هاد الساعة ... حتا نهضرو ونرتبو امورنا ...

زاين: الله يكمل بيخير ... 

ياسر ضحك فرحان لخوه الصغير وضرب على كتفو ... 

جابت سعيدة الغوطي وجلسو يهضرو ويتحتتو ...بعد مدة ناضت جودية وانصاف طلعو ... عصام و رميساء رجعو للفيلا الاخرى ومعاهم عصام باش يهضرو فامور الخدمة ... بقات نوور مع زاين ... 

غرو شيطان ياله بدا فبسالتو وهي تنوض كتنفخ طلعات وخلاتو كيشوف و ناض تبعها... 

زاين تنهد : اخححح احنا بدينا تاني ... 

ناض طلع ... دخل للبيت ... لقاها جالسة كتمشط شعرها وكتنفخ ... شافتو وقلبات وجها ... 

دخل عندها و جلس وراها وهب عطاتو بالظهر ... 

زاين: مال حبيبة منفخة عليا ... 

نور: بعد مني 😡😡 حابس ليا ولادي فداك القرينة وجاي عندي بحال الى مواقع والو ... 

زاين شاد شعرها كيلعب بيه : غير نربيهم شوية ونطلقهم ... 

نور: دابا قول ليهم يسيفطوهم ... 

زاين: لا... 

نور: اوى طلق حيد لهيبه ... 

زاين عنقها بغيت نقول بجغها: ااححح على الماما خايفة على ولادها ... *خشا وجهو فعنقها كيبوس* 

نور: حيد لهييبه ... اشمن ريحة فك 😡😡😡 

دارت عندو كتشمشم ... وهو كيشوف فيها ... 

نور: فيك ريحة العيالات 😡😡😡 معامن كنتي ....

زابن: ههههه نور من نيتك ... واش حماقبتي ... 

نور: هضر دغيا معامن كنتي 😡😡😡 

زاين: فين كنت؟؟؟ مع الجلايخ ديال ولادك من تما الكوميسارية وكان معايا خووك حتا جينا ب2 ... 

نور: لا لا متقولش ليا ريحة العيلات هادي ... شكون لي عنقاتك 😡😡😡

زاين كيتفكر: عنقت الوالدة ... عنقاتني بنتك ... نتي ... وانصاف قبايلة فاش باركت ليها قدامك ... شكون اخر .. 

نور: لا ماشي روايحهم هادو  😡😡 

زاين: ههههههه لا والله تا حماقيتي ... راه واقلة روايح تخلطو .... ياله واجي عند راجلك عطيني الدوز ديال اليوم .. 

نور: بعد مني معندي ليك غانة.. 

زاين: دابا من الاخر قولي مالك ... نتي مابيكش ولادك شحال من مرة عاقبتخهم ومكتعارضيش حتال هاد الدرجة ... 

نور: منعرف هكاك ... معاجبنيش الحال و بغبت نبقا بوحدي 😡😡 

قالت اخر كلمة وخرجات من البيت ...و هبطات للجردة ... 

اما زاين دوز ايدو هلى وجهو و دخل للحمام بدوش ...

اما جودسة وانصاف منين دخلو للبيت دارو مكالمة مع ميرال وعاودو ليها وبقاو مجمعات فرحانات بيها ... 

وصل وقت العشاء تجمعو كيتعشاو ... زاين نور عصام جودية انصاف واسر ... 

نور: كوول ابابا مالك ... 

اسر: مكنبغيتش سوووب ديال بروكولي ديما كنقولها ليكم ... 

نور: واش نتا باقي صغير تشرط ... ناس كياكلو لي موجود ... 

اسر: وانا مابغيتوش بزز ... 

نور: لا ماشي بزز ... ياله نوض من قدامي ... 

زابن: نور تهدتي مالك ... 

اسر ناض كيتنفخ وطلع ... ونور ضربت بلي فايديها وناضت ... 

خلات كولشي كيشوف ... 

عصام: مال ختي ...ماموالفاش ليها تغوت عليه هكا .. 

زاين: مافهمتش ... شتها ولات ميزاجية بلاقياس ... 

جودية: انطلع نشوفها ... 

مشات جودية طلعات ... 

انصاف: يمكن متوترة على قبل الدراري ... 

زاين: لا ... مولف نتعامل مع الدراري هكا .. عمرها دارت هاد الحالة ...

عصام: غيير رخفو عليها... 

دقات جودية وحلات الباب بشوية لقات نور فالسرير مكمشة ... دخلات جودية ... وسدات الباب .. طلعات حداها للسرير و تكات جالسة حداها.. مدات ايدها كدوز على شعرها ... رجعاتو لور وبقات كتهدن فيها ...

جودية: ماما الحبيبة مالك اش مقلقك 😟😟 

نور دارت عندها وتخشات فيها بحال الى هي ماماها ...وجودية عنقاتها كابوس على راسها ... 

جودية: 😢😢 ماما جبيبة مالك ... ماموالفاش نشوف دمووعك ... شنو عندك ... 

نور: معرفتش احبيبة ... حاسة براسي باغية غير نبكي ... معاجبني والو و خوتك فالحبس معرفت اش حالهم و غوت على حبيبي الصغير حتا هو سيفطتو بلا عشا ... 

جودية: يخليلي لي تفكر فولادها ... صافي احبيبة ... بلا متقلقي ولادك ... راه رجال تلقايهم زاهيين مع لي بحالهم 😂😂 ولاخر نوضي راضيه ... راه غير مزاجك لي تقلب كتوقع هادي ... بلا متقلقي ليا ... رته نتي هي المود ديال هاد الدار ... كيكوني ضاحكة كلنا كنكونو ضاحكين والى كنتي مقلقة كولنا كنتقلقو هادشي علاش معندكش الحق تقلقي ... فهمتي الالة نووور ياله تهزي عليا ... عمرتيني خنونة ... 

نور: ياك لمك اصفريطة ... فاش كنتي تخنني عليا مكنتش نقولها ليك ... 

جودية: انا صفريطة ... نتي لي سفريطة ... شكون لي شبهتها فالبلوقية ماشي نتي بابا بلق ها دوي ..😒😒 زمتك فهادي ... 

نور: كتعيري لمك ... ياله اجي نبرد فيك جنوني نيييت .. جراتها نور من شعرها كتنف بالضحك و جودية لاحت ايديها تايهي كتنتف ... 

نور: ياك المسخوطة كتنتفي مك ... طلقي غنسخط علييك ...

جودية: طلقي نطلق ... 😒😒

نور: طلقي نتي الاولى ... 

جودية تلقت فيها وطلقت وهي ترجع تشدها نور بركو يدابزو و يتغاوتو ... تكورات جودية على نور وضورات رجليها عليها مهم تخلطو بقاو يتجارو حتا طاحو من فوق السرير وهما يتفرقو كل وحدة شاد جيهة ... كيتوجعو شافت وحدة فالاخرى وهما يقلبوها ضحك ... كل وحدة فيهم مشعكة بالنتييف ... 

ناضت جودية طلعات عليها كتبوس ماماها وكتضحك و نور ضورت عليها رجليها ولاحتها فالحنب وولات هي لي كتبوس فيها وتعنق كيضحكو مع بعضهم ... و هي توقف عليهم انصاف وقالت ... 

انصاف: اش كديرو اليزبيانات 😂😂😂 

دارت نور عكلات انصاف جات طابحة وشركوها معاهم ... بقاو يتغاوتو تما حتا سخفو بالضحك ... 

نور: اححح طلعتو ليا المورال الحمارات ... 

جودية باستها ... و انصاف حتاهي ... ناضو وقفو و خرجو مع نور ... 

نور: سيرو نتوماىغنمشي نشوف داك البعلوك ديالي ... 

جودية وانصاف: اووكي ومشاو لبيت انصاف... 

مشات نور لبيت اسر ... حلات بشوية كطل عليه لقاتو جامع التغوبيشة كيلعب بالنفاخة كيبرد غدايدو ... حلات الباب و دخلات سداتو وراها ولقات واقفة تما ... 

شاف فيها ورجع شاف قدامو بالزعفة ...

نور: باقي مقلق من ماما ... 

اسر مجاوبش ... 

نور دخلت وجلست حداه خدات مالطة ... و دارت اللعبة لي يلعبو فيها ب2 زهو غير كيشوف ودافع كبير عليها وهي كطل عليه بنصف عين ... 

شوية بشوية بدا ينساجم معاها فاللعب ... و كيتنافس معاها... بداو ب2 يتغاوتو ويضحكو دغيا طلق الغووباشة وتحمس معااها ... داااز الوقت و هي كتلعب معاه بحال شي بنت صغيرة ... حتى غلبها وناض كينقز ... 

نور: غشاااش 😒😒😒 اصلا انا لي خليتك تغلبني ... 

اسر: ههههه هتارفي الوالدة انا لي ربحتك ... حيت نتي كليخة ... 

نور: كليخة ؟؟ منبقاش معاشر باااك كتر من القياس ... وليتي تعاير ماماك بحالو 😒😒 

اسر عنقها: حاشة نعاير ماما ديالي ... 

نور عنقااتو: احح علييك اجنين ... *باستو* اححح يخليلي حبيبي الصغير ديالي ... فيك جووع ...

اسر:اااه ... 

نور: ياله نصايب لحبيبي شي حاجة حتا انا جاني جووع .... 

شداو ايد بعضياتهم ... وخرجو لقاو غير الضواو الخفاف ... 

نور: او على شحال فالساعة ... شافت مgانتها ... اويلي 1 ونصف لمك ... 😱😱

اسر: الوالدة عاد كنتي كول ... وخليك كووول ... 

نور: ههههه زيد قدامي ... 

هبطو للتحت ... وسمعو التلفازة باقا خدامة مشات كطل على شكون ... لقاتو عصام و انصاف ناعسين معانقين ... وهي شعل ضو عليهم و تحنات هزات البانطوفة ... 

نور: هااايهاااي هاااي على قيس وليلى ...

ناضو قفزاتهم ... و هي توقف عليهم ..

نور: ياله كلها لبيتو مبقيتوش تحشمو ... دازت انصاف كن حظاها حشمانة طايرة نزلات عليها بشحيطة لورتها وشداتها هربانة كتحك فيها وزادتها لعصام لي تاهو شبع ضحك على انصاف ... وطلع وراها شاد فيها ..

ظارت نور عند لاخر ميت بالضحك ... 

نور: اوى شتي قلال الحياء اش كيديرو ... زبد قدامي راه خاصك تنعس ... 

مشاو للكوزينة وجلس تما ... وهي جبدات المقلة دير اومليط بصوصيط ... صايباتو وحطاتو ليها ولييه ... كلات هي وياه ... 

اسر: جا بنين شكرا اماما ... 😋

نور: بصحة الحبيب ديالي ...ماااح ... ناض عنقها ...باش يمشي .. 

نور: وطفي داكشي وغسل سنانك ونعس نطلىعلى مك نلقاك كتلعب نتفاهم معاك ... 

اسر: واخا اماما ... مشا ... 

نور: احح الله ... ناضت جمعت الميعنات غسلاتهم .. حلات تلاجة بان ليها gلاص الشكلاط ... وجبداتو .. 

نور: اويلي بارد الحال ... وانا مالي تشهيتو ... 

جبداتو وبقات هاك بااك هاك بلاك .. حتا حسات بمخها جمد وهي تنعل شيطان وطلعت ... دخلات للبيت بالشوية بلا متدير الحس حيت لقات زاين نعس ... بدلات حوايجها لبسات بيجامة و تخشات حداه قربات بشوية ليه دوزات ايدها قدام وجهو كتاكد من نعاسو .. وهي تهز ايدو بالشوية وحطات راسها على سدرو بشوية باش متفيقوش .. يالهةغتنعس وحسات بسدرو كيتهز ويتحط .. هزات راسها لقاتو غيتفرgع بالضحك مارضاتش وهي تخبطو لسدرو و داىت عطاتو بالظهر فجهتها ... 

زاين: ههههههههه ياااخ منو وعيني فييبه ... غير اجي ... اجي ... 

نور: نعس خليني عليك ... 

زاين: وعاد دابا بغيتي نعسي عندي ... غييير اجي 

نور: الاااا😡😡😡 

زاين: فين كنتي بعدا ... 

نور: كنت مع ولدك.... 

زاين: ياله واجي .... اخر مرة غنقولها .. 

نور: بعد مني 😒😒 

زاين :واخا ...خاطرك ... دار تاهو ... 

شافتو دار وهي تقول ..

نور: زااين 😟😟 

زاين: ممم 

نور: غدا جيب الولاد ... 

زاين: ماشي سوقك ...

نور: عافاك ... طلقهم راه مظلمو حد ... 

زاين: انا عارف شغلي ... نعسي الى بغيتي تنعسي ... 

بتحركتش بقات كتشوف فيه وهو داير ... حس بيها ودار عندها ... شاف فيها ... حل ايديه و تخشات فيه ... عنقها ...

زاين: تيقي فيا راه ولادي هادوك ... مغنبغيش ليهم شي حاجة خايبة كولشي لمصلحتهم ...

باس راسها وغمضات عينيها ... و حتا هو ... 

☆☆☆يتبع☆☆☆