أغلبيتكم يقدرو ميعرفوش معنى الدخلية ومن هي الدخيلة 《هي الدخيلة ... هي الغير مرغوب فيها ... هي من دخلت قوم وانتسبت اليهم وليست منهم ... هي سريرته ... هي سارقته هي المستعمرة . هي التي فرحت لفرح غيرها فيقودها قدرها الى ما لم يكن في الحسبان 》
الاحداث مستوحات من الواقع متأكدة غتعجبكم لانها مشوقة و احداث كوميدية ودرامية وتفرشيخية و الرومانسية بزاااااااااف الحب والارنبات وداكشي لانني عييت من التراجيدية والحزن قررت نحط هاد القصة نفوجو بيها شوية .
سحر من السطح: شوهتينا العمارة كاااملة خرجات شكااااين؟
الام: من الصباح ونتي تما واش مساليييتششش؟
سحر: كنشر اااو ! راه 4 دسلوكة ديالك وديال ولادك
الام: يالاه سربي هبطي هزي معايا السدادر نخرجوهم
سحر : والبرهوشة فيناهياااا اللي متهز ماتحط نهار كامل وهي دالعة تابعة القطوط تعلف فيهم تقول غيخدمو عليها كاع المشاش جمعاتهم فين ما كان شي مش يجي كيجري عندها يعلف
الام: وصاااافي دابا براكة من الهضرة قهرتووني دايرين راسكم فختكم الصغيرة
سحر: ااايه (كدور راسها) ختكم الصغيرة كتموووتي عليها يار ربي السلامة غا بلاتي هانا نازلة (كتحلف بيديها) وتلقاااها هازة ديك الميكة وتسارا بيها تجمع فالمشاش نريش مها على الله
تلفتات الام داخلة للدار: واحطي فيها يدك لا كنتي مرى (دخلات للدار) ااااه اجي نتا خرج ليا الطبلة برا والسدادر فين غادي سالت .... سفياااااان اجي ينعل بوووك معاك كنهضر
الزوهرة: سير جيبو مابغاش يتفرق مع داك الشمكار غيخرج عليه البرهوش لاخر ... سير جيبو ليا ليوم نطحن مو ... هااااه بلاتي الى لقيتي اسراء برى عنداك تحط عليها يدك راه نكرضها لك
سفيان: وصااافي صعرتونا ااوووفف 👈سفيان = 28 سنة طويل وشهب عينيه فاتحين ومسرار فوجهو بنات الحومة موضف فاتصالات المغرب حاليا شاد كونجي ناوي يسافر .
👈سحر=البنت البكر 30 سنة شعرها اسود وحروفها كحلين جالسة فالدار هي الري هي الشوار هي اللي هازة الدار
👈اسية:= المجتهدة ديال الدار 25 سنة موضفة فالتيجاري وافا بنك والعام التاني عندها فالدكتورة منعازلة وداياها فقرايتها ممسوقاش لشنو واقع فالدار
👈محمد= كيعيطو ليه سيمو 22 سنة دمو خفيف وشعرو كحل كيشبه لسحر وحتى للام ديالهم فالملامح
واخيييرا اسراء الصغيرة 20 سنة كتقرى الباك وشادة عطلة ديال الصيف حاليا نهار وماطال تابعة القطوط فالزنقة توكلهم وتجمعهم وتفرق عليهم الماكلة وتشري لكروكيت وضل تجمع فيهم فحومتها حتى ولات معروفة عند القطوط ديما تابعينها والحومة كتعرفها .
ساكنين فعمارة بمدينة صفرو فحي شعبي نضيف مع الاب المتقاعد ديما جالس بواحد البيرية على راسو كيلعب الضامة فالقهوة ومطلوق مع الناس اللي بغا يربح العام طويل.
خرج سفيان تابع محمد كيقلب عليه حتى بانت ليه اسراء محنية على ركابيها والمشاش دايرين بيها هازة ميكة وكتفرق ليهم الماكلة ، وقف عليها من اللور قفزها
سفيان: تكعدي من هنا سيري للدار ولا نجمع معاك نتي ومشاشك بشي ركلة
وقفات مخلوعة بواحد البيجامة سروال وتيشوط ديالها وجامعة شعرها الاشقر بقراسة لفوق ملامحها شهبة كتشبه لسفيان وناصعة البياض جسم نحيل بعض الشيء ومؤخرة بارزة الصدر على قدو هازاه بسوتيان ديال البونج اللي شافو كيدوخ وهوا معمر غير باللواط . عينيه عسلية فاتحة وشفايف وردية جميلة جدا والكل كيحماق عليها فحومتها .
اسراء: دارت يدها على جنبها : ايوا محشوماش عليك ربيتيه حتى ولف الدار وجريتيه عليه للزنقة مسكين شوفي على وجهو كي ولا مواو مضروب ومجروح تعداو عليه القطوط وكيقيل مخبي تحت الطوموبيلات خايف كيغوت .... حشووومة عليك والله مسكين معارفش الزنقة ومعارفش منين ياكل ويدافع على راسو ...ديك الساعة من اللول متربيهش وخلي الزنقة تربيه
البنت: اختي ماشي لخاطري راه بغيت نسافر و معرفت عندمن نخليه
اسراء: شوهاتها فالزنفة) لا اختي ديك الساعة متديهش عندك للدار صغير ويولف الدار وتجري عليه ... بناادم كي داير اللي مربية شي قط تفد عليه ولا ماتربيهش كاااع البشاااار تفوو (هزات القط) اجي احبيبي اجي... شوفي مسكين كيتخبى فيا حرام عليك غتاخدي دنوبو راه انا اللي كنفرش ليه فالجردة ديال عمارتنا فين ينعس وكيبقا يتسنى الماكلة ... هاكي ديه معاك
فرقات الماكلة ومشات للدار كتجر صندالة كبر منها والسروال كيتمسح مع الارض ، دخلات مع الباب دالعمارة ديالهم اللي جاية على الشارع . دخلات للدار لقاتها مقلوبة والسدادر مستفين على برى ومها كتشتف على الكواش لابسة واحد الشورط ابيض واسع تحت الركبة وتشورط واسعة منعا للحم وغليضة شوية بشرة بيضاء وشعرها كحل جامعاه فالسما وخدامة هاك بالاك فوق الكواش ، طلات عليها اسراء من البعيد وهازة رجليها من الماء
اسراء: ماما.! شكاديري؟
الزوهرة : كنشطح ... كنصبن وعلى سلامتك مللي دخلتي ... سيري جمعي حوايجك سيري للحمام تا تجي اسية وتبعك تا هيا للحمام راه حوايجها جامعاهم باش فالعشية نهبطة النشير من السطح راه كلشي تصبن
اسراء: واخا
دخلات كتخلف خايفة تزلق حتى لبيتها اللي كيجمعها هي وخواتتها وبدات تجمع فالحوايج فالصاك تاسالات وهزاتو وتنات راجعة متخلف خايفة طيح ، وصلات لباب لغات تخرج وهي تسمع مها كتعيط من الحمام
مشات هزات القرعة دارتها فالسطل وخرجات مع الباب تلاقات سفيان جار سبمو من قرفادتو دخلو وتبعاتو كطل من باب الدار شافت معا جاية عندو مكفضة نزلات عليه للضهر
الزوهرة: زيييد امسخوط الواليدين هادا هوا السروال اللي شارية انا ب ربعة لاف ريال هااا؟(نزلات عليه للجنب تا عواج) دخل ... ارا ليا نتا ديك العلاقة
عطاها سفيان علاقة ديال الحديد رقيقة ومعوجة اللي مولفين ياكلو بيها العصا كاملين من الكبير للصغير والزوهرة حاكماهم مكيتنفسوش قدامها وصعيبة كتر من الاب ديما ضاربين ليها الحساب ، توخر سقيان للور وخلا الزوهرة اللي فالاصل سميتها زهور كيعيطو ليها الزوهرة ومولفة مع ولادها الهضرة المطلوقة تا ولات تهضر بحالهم وتنوطي كي دراري تا هيا . خلاها منها للسييمو شداتو قسمات عليه العلاقة واسراء كطل براسها من الباب
اسراء : كان كيتعلق فالطوبيس وهوا و حمزة ولد العربي الحوات
هز راسو سيمو حمرر ماكرهش يقتلها: غنفرع الز****بوك نتيا يا بنت الكلب
نزلات عليه الزوهرة للودن بيدها دابرة ليها الحنة بالنقش تا طاح فالارض فوق الماء
الزوهرة: هضر دابا يا الحمااار ... الى عاودتي شميتي دوك ليغولوغ راه ماولدو فيا واليديا غي لخلا... السروااال شو كيرجع ينعل جد لوك الكلب بقا ليك الطربيس
اسية: فلوس اللبان يديهم زعطوط هي ديالي انا ... ماخدامة ماردامة وشادة ليا الطيابة وانا تدمر عليهم ونجي نخطهم فيها (كطلي الصابون البلدي) بلاتي على واليدك غيييير بلاتي
وصلات إسراء للدار لقاتهم سالاو التخمال ومحطاتش يدها معاهم ومجرات حتى قطرة دالماء بالكراطة كل مرة تسلت حتى لقاتهم جمعو السدادر شي فوق شي فالصالة الكبيرة من منزلهم الفسيح وخلاوها خاوية وطواو التلامط وهبطو الحوايج وطواو كلشي و وستفو الماريو . مع الدخلة ديال اسراء لقات سحر واقفة وسط الدار كتفرش الزربية للفوطويات اللي يالاه شراو جداد بلاصت السدادر القدام ، ومشاء الله سحر كتشبه لمها فالفورمة تا هيا طويلة وعامرة وزوينة فوجها وبيضاء بحال اسراء لابسة بيجامة حد الركبة معرية من اليدين وحادكة
سحر: جيتي ... وا زيدي زيدي يا لاللة نتيا اللي جا معاك الحمام من القطوط للحمام
اسراء: بميوعة: بصحتي مالكي مخلصاه عليا!
سحر: زيدي طيبي العشاء
الزوهرة هارجة من الكوزينة: سيري جمعي حوايجك باش غدا نسافرو الصباح فالبرودة
شافت فيها اسية مصغرة واحد العين: نتي راك واحد بنت الق***** مقطرة عليها جاية دوري بيا ... ناري ياختي طالعة مجهدة باااز ... اصلا السروال ميجيش قدك انا عامرة عليك من اللور
اسراء: وراه قدي قدك فالطول غيجيني
اسية: ها هواك الى جا قدك ديه
ناضت اسراء كطير جبداتو وقيساتو جاها شي شوية واسع من السمطة ودارت شافت فاسية : غنصبنو وغيتجمع ويجي قدي راه غير السمطة اللي ماشي قدي
اسية: طرفتي يا بنت الحرام وخرجو ليك ليهونش
اسراء: عاجبها الحال) ومالي غنبقى مسلوتة ديما ... بقا لي غي السدر راه كندهن ليه زيت الحلبة مع الصوجا باش يكبر
اسية: عاوتاني سيري لمراكش وجيبي معاك الخطاب من تما كي ديما
اسراء: مالي انا اللي كنجيبهم راه هما اللي كيجيو راسهم واصلا مغنتزوجش
اسية: يا بنيتي الى مشا جا شي واحد وبان لبابا فيه البلان مغاديش يدير ليك الخاطر هاد المرة تا تلقاي راسك مجوجة هانا علمتك نقصي من الطيران واللباس و داك تخربيق كيشوفوك كيقولو باغا تزوج كيتمو جايين
اسراء: لا اختي مكيقنطونيش بلعكس كندير ليهم فازلين ونلبس التقاشر كيرطابو الرجلين ونيت متحرقهمش ليا الشمش على والو خليهم مخبيين تا نبغي نخرج شي خرجة ولا نحتاجهم راه كنلقاهم بيضين كيشعلو مع الصباغة كيوليو حسن من ديال نانسي عجرم...شوفي عطيني حتى هاد الكسوة نرجع ونردها لك
اسية وهي كطوي الحوايج وتسوط: خوووديها
بقات عليها اسراء عطيني هادي عطيني هادي وتشكي وتبكي تا كشطاتها وجمعات باليزتها ونشفات شعرها جمعاتو سفنجة لفوق وخرجات من البيت دازت حدى الصالة لكبيرة بان ليها السيمو مهدود فوق الارض ناعس حال فمو كيشخر ومشات لقات سفيان شاد تيلي ومتكي على الفوطوي داير ليزيات وجلسات حداه كتبحلس وتمسكن
اسراء: سفيااان... سفيااان
حيد الليزيات ودار عندها: مالك اش كاين؟
اسراء: تخلصتي؟
سفيان : اه علاش؟
اسراء: ياك قلتي ليا غتعطيني ديك 500 درهم ...
خرج عينيه مصدوم: شحااااال
اسراء: 300 درهم اللي قلتي ليا تعطيني فاش تخلص
سفيان: 200 درهم اللي قلت ليك وجه قاصح
اسراء: وا غير عطيني اللهم 200 ولا والو
سفيان: شكون اللي كيخلص عليك المراجعة العام كامل هاا!
اسراء: وصافي عطيني دابا
خشا يدو فالجيب وهي كتحنزز جبدها عطاها
سفيان: راه باقي لاخر غينوض يقولك عطيني تا هوا
ليها وناضت من حداه خباتها ومشات للكوزينة لقات سحر مقابلة الحريرة وعاطياها بالضهر مشات للتلاجة حلاتها كتسول على الماء بارد وفنفس الوقت كتجر الصوصيط بالتخبية جمعاتو فيديها وخرجات لقات مها خارجة من الطواليط وسلتات لواحد البيت لبسات فيه جلابة وجمعات الصوصيط فميكة وحلات الباب بشوية وخرجات كطير ودردرك فالدروج دالعمارة تا لتحت دخلات للجردة
اسراء: بششبشش ...بشبشبشش
خرج عندها القط اللي سمحات فيه مولاتو مخبي فواحد الكارطونة صايباتها ليه هي يبات فيها حيت كيخاف وبدات تقطع وتعطيه ياكل مع 10 دلليل تا سمعات صوت باها جاي كيهضر مع شي واحد وناضت كتسلت طلعات كطير يالاه بغات دخل حصلاتها مها وجراتها من عنقها
الزوهرة: القطوط عاوتاني ياب نت الحرام شي نهار يضرب بوك شي جن يعطيك موصيبة ... دخلي الله يعفو عليك يخخخ
ضرباتها للضهر ودفعاتها لداخل مشات كطير للبيت تكمشات تا عيطو ليها للعشاء عاد خرجات تعشات سادة ودنيها باش ماتسمعش النكير ديالهم على المشاش ورجعات نعسات تنشرات فالارض
الصباح مع الفجر كتفيقها سحر حيت كتنعس فالارض مكتبغيش الناموسية على حساب الصهد كيغلبها . نوضاتها من يدها مضهشرة وخلاو اسية ناعسة وخرجاتها داتها دايخة ممولفاش تفيق بكري ، غسلات وجها ومتحل عويناتها بزز وراسها كيمشي ويجي ، مابغاتش تفطر مشات لبسات الكسوة اللي طيرات لاسية فالابيض مفضفضة فيها وريدات فالصدر فالالوان ودونتيل فالكتاف نص كم زوينة بحكم اسية خدامة كتشري غير الحوايج ديال الفريع وديما اسراء لابسة ليها حوايجها . مانساتش السروال اللي صبنات بلليل ودارتو فالسرجم ينشف مشات نيشان عندو جمعاتو وخلات ورقة عند راس سوفيان فبيتو هوا مراد لقاتو ناعس عريان تا هوا فالارض وسامح فالناموسية ، حطات ليه ورقة مكتوب عليها " عافاك عطي للقط مسكين ياكل راه كيبات فالجردة ديالنا للي لتحت "
مقدارتش تقولها ليه بفمها وكتباتها ليه فورقة ونزلات لتحت كانت مها لابسة جلابة جديدة فالحمر ودايرة ليها شالها مزوق وبلغة كحلة وشوية دالماكياج بحال و سحر تاهيا لابسة سروال دجين مزير وقميجة نازلة عليه من اللور وشوية من القدام طالقة شعرها وصبيبيط فرجلها وسيمو مضهشر بالنعاس غادي وحال فمو ركب فبارطنير كحلة ديال باها للور ومشات هي بغات تركب وجراتها سحر
سحر: انا غنربك الوسط ماتجيش حداه تندمونا على السفر وتعصبونا فالطريق بدبازكم
اسراء: منركش حدا الجاج
سحر: ايوا سيري على رجليك الى حشمتي تركبي فبارطنير... مالها بارطنير جديدة وكاع الناس ميمشيو فيها
سكتات اسراء وطلعات وباها كيسوق بسروال التوب والقميجة والبيرية على راسو كي ديما بحال شي رسام وهوا استاد متقاعد وحداه الزوهرة كتوريه البلايك باش مينساهمش ويشدوه اللوليس على السرعة . طلق ليهم الامداح وماكاملة حتى نص ساعة ديال الطريق تا بدات اسراء تشخر ناعسة عوجة مدلية راسها على سحر . ساعتاين ديال الطريق بدا الاب حسن كيعيا مع الفياق بكري وهي دير الزوهرة الشعبي نشطات الحركة وهوا يتوكض .
وصلو لمراكش وبداو يعرقو بالصهد وكل شوية يعط الاب حسن على الاخ ديالو اللي جاي مسافر عندو ورحل شرى فشارع كبير راقي فعمارة كطل على الشارع لانهم باعو الرياض ديالهم القديم ديال الورتة وفرقو وكل واحد خدا حقو ومشا اخ حسن شرى فمكان زوين استراتيجي ديال الكوميرس وفيه الناس نقيين.
ماوصلو تا دابو فالطريق كاملين . وقفو حدى العمارة شافوها وبداو يندبو
الزوهرة: الله ياربي يلى كان منو للسطح غير نرجع بحالي
سيمو : كن غي خليتوني مع سفيان الموت هنا
سحر: وا الشارع شو كي داير والعمارة كي دايرة والناس باينين لاباس عليهم مكيشري هنا غير اللي عندو الفلوس وميكونوش دايرين ليهم السانسور
حسن: شوهونا عاوتاني . يالاه زيدو بسم الله
دخلو للعمارة باردة عاد تنفسو فاش لقاو السانسور طلعهم ورحب بيهم الاخ دحسن هوا ومرتو بزااف وتعانقات هي والزوهرة بالحب والمعزة اللي بيناتهم وسلمو البنات على اسراء وسحر ومشا مراد مع ولاد عمو بجوج وبقات اسراء وسحر جالسين فالصالة مع بنت عمهم الوحيدة كبر من اسراء بعماين قدها قد السيمو . كيتجمعو ومخليين الاباء ناشطين مع بعضياتهم . تغداو بالدجاج محمر اللحم بالبرقوق ودازت العراضة فاعلة تاركة ولقاو الدار مبردة وفيها كلينا و العمبرة حمراء فلون مراكش فالحيط الدار غزالة وكبيرة بحال دار حسن اب اسراء.
دوزو العشية كيتعاودو فرحانين ولداو حوايجهم كل وحدة لبسات بيجامتها مستورة ما مقزباش وبقاو مجمعين تا برد الحال وطاح الضلام وعمر الشارع واوتيل مقابل معاهم كبير حدا الرومبوان . شوية بداو يسمعو الدقة المراكشي لتحت فالشارع والحيحة وناضو كيطلو من البالكون شافو مجمع ديال الناس بزاف لتحت حدا الاوتيل
مريم بنت العم عندها حقها من الزين وشعرها حكل ومن هضرتها باينة ضريفة وكدخل للقلب
مريم: كاااين ديال هادوك نيت اللي محيحين لتحت ... هادا راه ماشي عرس راه داك الصف ديال الحوانت كامل اللي حدا الاوتيل شارهم واحد لاباس عليه ... شتي ديك الحانوت الكبير راه سوبير مارشي فيه 4 دالكاراجات والي حداه ريسطورو ديال السوشي راه باين من هادوك اللي لابسين الحكل داخلين خارجين كيصايبو الماكلة دالحوت راه كبييير وفيه واحد الاكوا ريوم ديال الحوت كيجبدو سرطان البحر من تما نيشان كيطيبوه ليك فوق الطبلة اللي نتي جالسة فيها عندهم داكشي واااعر وداك الطرفاني راهوا ملهيه ديال تاكزارت كبير فيه 6 ديال الكزارة وعاد دايرين الزيتون و الحامض والخليع وكلشي ودابا هاد القهوة اللي لاسقة مع الاوتيل فيها مخبزة كبيرة بزااف لداخل ومنها قهوة ومخبازة ديال الفرييع شوفي قداش ... يالاه سالاو الاصلاحات ديالها ودايرين ليها عباسية ليوم راه خدم تما بابا معاهم مقابل لاكيس قالك مسالي معندو مايدار وشد تقاعد وعاد هوا كان محاسب مشا لدا معاهم فاللول فمطعم السوشي ورجع دابا غيشد القهوة .
سحر: ايوا وفين مول هادشي ؟ مزوج ولا لا
مريم: ههه مطلق كان قال لينا بابا عايش فالامارات وداير تما شي مطعم كبير شاركو هوا واحد الايماراتي كبر ماع من هادا وتزوج بختو اماراتية و ماصبراتش ليه صعيب وطلقها وكلشي كيعاود عليه قاصح حتى بابا قالها لينا قالك كيهضر قاصح معندوش مع الضحك
سحر: ياويييلي لقات النعمة ولاحتها فالماء
مريم: ايوا كن ماكان لاباس عليه اصحبتي واش غيقدر يتزوج اماراتية ! راه قالك مشا غير مهندس فاش كان صغير وعندو الدكتورة وخدم فشي شركة ورجع دار ديالو بوحدو تما ودابا رجع دار هادشي كامل .. راه كاع دوك الكراجات تحت العمارة ديالو وشاري برطمة لفوق فالعمارة داير فيها بيرو حيت قالينا بابا هادشي هادا رجعو شركة بوراقو بكلشي وراه عندو فيرمة عاد هادي يوماين باش شراها فطريق المنارة خارجة على مراكش كبيرة
سحر: ايوا هادا باينة فيه شي شارف مدار هادشي حتى شرف
مريم: بابا قالك مزال صغير والله وعلم انا بعدا عمري شفتو كي داير كنشوف غير واحد واقيلة خوه كيجي بواحد الكاط كاط مرة مرة كبيرة
سحر: تنهدات) سعداتهم ... هاد الشارع كيفوج على بنادم بلا متخرجي تساراي ... اسراء؟ نعستي ؟ شتك قطعتي الحس
مريم: خت هاد مول هادشي هي دايرة العرس فواحد القاعة كبيرة وحيت بابا كيعرفوع وخدام معاهم تما عرضو عليه ولاكن هوا قاليك مافيه للي يمشي خلاني انا وماما نمشيو
اسراء: نمشي معاكم
سحر: تا يانا ياختي يعلم الله كي غيكون هاد العرس باينة الطايح كتر من النايض والطوموبيلات و الماكل كي دايرين
مريم: راه عندهم رياض كبير ساكنين فيه كاملين حيت باهم مابغاهمش يخرجو وبغا شملهم يبقا مجموع وعطاوهم فالرياض ماعرفت شحال من مليار باش يبيعوه لواحد النصارني بغا يرجعو اتيل ومابغاوش يبيعوه
اسراء: هيهه ! الملاير ومابغاوش طزز
مريم: وعرفتي الرياض كي داير بعدا ! راه ماشي تمنو هاداك وراه يسوى كتر وكبير فيه تلاتة الطبقات عاد السطع قد البحر بحال شي جردة وشحال من بيت فيه والنافورة لوسط قد السخط والشجر فيه لداخل دكامل منقوش ومزلج بزليج الخنفساء والنقش فالسقف داكشي خطيييير راه صلحو ليهم ولدهم هادا اللي شاري هادشي رجعوه كيهبل متسخايش تخرجي منو بلدي على خقو وطريقو ويبيعوه نتي راكي حمقة ! وعاد جا قريب من الشارع وجامع الفنا واش عرفتي شحال يدخلو منو يلا بغاو يخدموه ... راه هاداك يصورو فيه السهرات و الافلام و زيد وزيد ... هما اللي خاسرين الى باعوه . باهم مراكشي من الناس القدام دمراكش وعندو داك الرياض كيجري ليه فالدم ... الثرات ماشي بحالنا حنا بعناه وضحكو علينا بديك جوج دريال فرقناها
سحر: غيكون مول هادشي شي كحلوش كحل ومراكشي قح
مريم: ماشي كااع مراكشيين صومر... بعدا خوتو اللي كيجيو بويض فيهم ديك السمورية العادية ديال الرجال وهاديك راها ختو اللي واقفة لوسط كتسفق بيضاء فوجها هاديك هي اللي غادي دير العرس
اسراء: دابا من اللخر فوقاش العرس؟
سحر: سكتي نتي خلينا نعرفو اللي ينفعنا
مريم: العرس بعد غدا راهم عرضونا
اسراء: نمشي عند ماما تكري ليا التكشيطة ويلى مابغاتش تكريها راسي راه عندي الفلوس
مريم: الى بغيتي تمشيطة دالفريع ضربي على واحد 2000 درهم ماشي 100 درهم راه العرس فيه الناس لاباس عليهم
زوجة العم: زدتي فيه كاع البنات كيبغيو يفرحو براسهم ويمشيو للعراسات ولاهيلا عيقتي
الزوهرة: لا يا لاللة معندها فين تمشي يمشي شي واحد يجي تابعها يخطب ... ولينا نحشمو نقولو للناس لا وا كل مرة جاي واحد جايب واليديه وجاي باغي يخطب ! باها كيحشم وحتى حنا كنحشمو نخرجو الناس بكلمة لا وتزيد عاوتاني تحيب لينا الخطاب من مراكش تا هما
زوجة العم : ههههه هاديك نزوجها لخويا اللي مزال كيتسنا فيها ومصدعني غيتسطى كل ساعة يسولني
لاحت عليها جلابة خفيفة فوق البيجامة بسروالها وبلغة كحلة وداءما بالتقاشر وشعرها مجموع عشواءي لفوق ونزلات معاهم لتحت قطعو الشانطي ودخلو وسط الناس و وسط الدقاقيقية ومنين ما دازت اسراء كيبسلو عليها الدراري وهي منخلاهم مولفة يتبعوها بالهضرة . دخلو حتى لداخل وسط القهوة ومريم مشات الوسط كتشطح وتزغرت وسط الدنيا المخلطة ، كلاو الحلوة وشربو العواصر وعنرو كرشهم وكحزو للور عاد لات ليهم التبركيك
سحر: فين مول الشي؟
مريم: مكاينش ... هاداك خوه هوا ومرتو لليي حداه وهاديك ختو اللي غدير العرس وهاداك راه هوا اللي مكلف ليهم لكلشي وحاضي الشغل كامل راه عندو قهوة اخرى كبيرة فالشارع حدى لاكار ديال التران
سحر: سعداتو
اسراء: هاكي شوفي هادي باش معنرة بنييينة باينة غتكون عندهم ماكلة بنينة وييلي كليت بزاااف كنحس بمرشي غتفركع وداك السرباي تزعط فيا مسكين كل مرة جايب ليا الماكلة ويقول هاكي ... يالاه نمشيو
سحر: بلاتي متعرفي يجي مول الشي
مريم: هه! متحلميش راه فالامارات مكاينش
سحر: اوييلي على زهر تفوو يالاه يالاه بحالنا
تلفتات لقات اسراء كضحك مع السرباي وماظ ليها البلاطو دالحلوة كتهز وتخشي فكارطونة صغيرة وتفرنس
سحر: شوفي بنت الحرام ماتعطيهاش شي قتلة دابا؟
مريم: ههههه مسخوطة هههه راه غير غتجمع الحلوة وتقلب عليه ههه
وداكشي اللي كاين نيت جمعات اسراء الحلوة وقلبات وجها خارجة من المجمع كتسلت ، تلاحت ليها هضرة فودنها
...: التوت منشوفوكش (مع غميزة)
دارت لقات الشخص اللي نعتات ليها مريم انه اخ مول الشي اللي مزوج ، شافت فيه وخنزرات ومشات تبعات ختها
الزوهرة: الله يرضي عليك ابنتي (تلفتات عند مرت العم) شتي ها علاش انا حنينة فهاد الموصيبة ... ايوا قولي لشي واحد ولا شي وحدة يتفكرني ماشي بحال بنتي الصغيرة مكتنسانيش ... بنت معا الله يرضي عليها
ناضت اسراء من حداهم خلاتهم كياكلو الحلوة وضربات دورة فالدار تا سالاو ورجعات جلسات حداهم بغا تهضر ومترددة
حسن الاب: بينك وبين مك الى خلاتك سيري انا ماشي شغلي ... ااااح اربي (ناض وقف شاد فضهرو) سيري جيبي ليا شي كاس دالماء الله يرضي عليك
مشات جابت ليه الماء وطارت عند مها كترغب وتزاوك فيها مخلاتهاش وناضت غضبانة تعشات معاهم بزز ومشات نعسات .
الصباح دوزات النهار عادي حتى للعشية خرجو كاملين للمنارة تساراو فيها ودازو لجامع الفنا ضربو دورة ورجعو بحالهم وعيات فيهم اسراء نتعشاو برى اجي نجلسو فقهوة اجي نشريو هادي اجي نشربو هادي اجي ناكلو فجامع الفنا ويبان ليها الكوتشي تبدى عاوتاني ترغبهم يركبو فيه صاعة والو مكاين والو من داكشي مكلات ماشربات ماركبات وطلع ليها الدم كرهات الخروج معاهم ورجعات فالطاكسي مجلساها مها حداها لا يطيرو ليها بيها
اسراء: ها علاش كنكره نخرج ولا نسافر مع العاءلة اففف كن كنت مع اسية وصحاباتها كن راني مبرعة ... هما فيهم الضحك والنشاط ونتوما راجعين دابا مع 11 ديال الليل والناس عاد خارجين منضحكو ما نزمرو خارجين نشوفو بعينينا كي الزومبي
الزوهرة ساكتة مولفة نكير اسراء مكتجاوبهاش
اسراء: الصيف هادا علاش جبتيني وخليتي سحر كتسارى هي ومريم
الزوهرة ة ببرودة) راه معاهم السيمو و امين ولد عمك
اسراء: وعلاش انا جايباني معاك علاش متخلينيش نبقا معاهم ... (كتهرنن)هما عاد دابا عاد غينشطو فجامع الفنا وانا جايباني معاكم ... اخر مرة نخرج معاكم منين مادزتو تغرقو فالماعن والشراوط تا كيتقسم ليا ضهري بالوقوف
الزوهرة: لا رد
اسراء: يخخخ ... دابا هما كن راهم دابا جالسين فشي قهوة وانا جارارني كي الكلب ماعمرني نعاود نسافر معاكم غنبقى مع اسية
الزوهرة : لا رد
الطريق كاملة واسراء مكمشة فالطاكسي كتنكر وتغبن عليهم وهما ساكتين والطامسي كيضحك بوحدو تا وصلو للدار وتكمشات اسراء فالبالكون دايرة يدها على خدها حاضية الشرارع و الاوتيل كتمنضر معصبة وكل مرة تشوف فالساعة وتسناهم فوقاش يرجعو ، شوية بان ليها الطاكسي وقف ونزلو منو كاملين كيضحكو هازين صيكان فيديهم ديال المشتريات وناضت وقفات كتشوف ومشات تعرضات ليهم عند الباب كتسناهم يدخلو و واقفة مغوبشة حدا الحيط وهما داخلين كيدحكو ناشطين ، تلفتات قلبات وجها وهي تصعر
اسراء: وااابقااااي تغمزي فيهم حساب لك ماااشفتكش
كانت الام كتغمزهم من اللور ميضحكوش وميفقصوش اسراء اللي اصلا مفقوصة خلوق . شافت اسراء الصيكان وهي تقرب : شنو شريتو؟ وري نشوف؟
سحر: والو مشريناش غير داكشي ديال خالتي تورية موصيانا عليه
السيمو: كيفقصها) احححح فلت ليك واحد العشاء فجامع الفنا خلصاتو علينا مريم من داكشي .
مجاوباتها اسراء وقلبات وجها كتعوج . نهارها كانل دوزاتو فبريض الدفار ومشيط السوالف و تقاد فراسها اللي شافها يقول عروسة ، سالات ومشات شدات التلفازة كتفرج . من بعد الغدا ضرباتها بنعسة تا برد الحال ومشات وقفات على الزوهرة عند راسها وهيا ناعسة
اسراء: نوضي نخرجو قلتي ليا غنخرجو
الام: اننهع... سيري لبسي حوايجك يالاه تسالي من هنا ل 8 دالعشية
مشات اسراء لبسات كسوة حد الركبة فالاخضر سامبل ايفازي من الصدر و واسعة من لتحت معرية من اليدين وكلقات شعرها ودارت مكياج وهزات عكر فصاكها الصغير لابساع طويل ودارت صباط بلا ابيض وخرجات عاجبها الحال لقات الزوهرة لابسة سروال دجين واسع شوية من لتحت وقميجة واسعة شوية حد الركبة ودايرة شال زرق وهازة صاكها وصباط بلا ديال سحر زرق ، شافتها وهي تسخط
الزوهرة: مالقيتي ماتلبسي غير هاد الحوايج! زيدي تحركي وجمعي داك الشعر مافيا اللي يدابز مع شي واحد فالزنقة
جمعات ليها شعرها اسفنجة عشواءية لفوق عالية جاتها كيوت وطلقات جنيبات القصيصة ملويين وخرجات . شدو طاكسي داهم لكليز ومشات ليها اسراء لحوايج الماركات وبدات تعزل وتناكر هي ومها شيباتها . كل مرة دخل ليها لشي ماركة وتبدا تهز فالحوايج ومها كتحسب موراها وتنقص تا بغات تحماق وخرجو مناكرين
الزوهرة: هادشي غااالي يالاه لجامع الفنا شري من تما
اسراء: داكشي عروبي منلبسوش
الزوهرة: ايوا براكة عليك 18 الف ريال اللي خسرت عليك دابا فهاد حوج شراوط ... صافي راه عطاتك اسية الحوايج
سكتات اسراء وتكمشات وداتها مها ركباتها فالكوتشي وكتصورها ويتصورو بجوج عجبها الحال ومشاو لجامع الفنا تسارات وتعشات تما وشبعات تصاور ودور دور وتبوس فمها وتعنق مابغاتش ترجع ليها ...بقاو حتى للوحدة دليل عاد رجعو للدار ودخلات هازة الصيكان فرحانة كتغوت بالجهد باش يسمعوها جات
اسراء: سحاار... مريم . فينكم
طلات على البيوت كضحك تقلب وهوا يخرج ليها سيمو من الدوش كيهضر ويعوج فمو
سيمو: وا مشااااو للعرس
جاه الصباط فالكتف نيشان كن مادار قلب وجهو فاش شاف الزوهرة كتحيد الصباط من رجلها .
سكتات الزوهرة مجاوباتهاش وخلاتها كتبكي وتندب تا عيات ومشات جلسات عند رجلين مها كتبكي حداها ، حراتها الزوهرة من راسها نعساتها على خجرها وبدات كدوز يدها على راسها واسراء كتبكي وتنخصص مابغاتش تسكت ليها
مانعسات ما شافتو الليل كامل وهي فايقة كتسناهم يرجعو حتى ودن الفجر و طلع النهار وسمعات الباب كيتحل بشوية والطالون كيكقرب ودخلو عندها للبيت هازين تكاشط كيضحكو بشوية والضحكة واصلة ليهم للودن طالقين الشعر والماكياج التكاشط وحدة حمرة وحدة زرقاء ، دخلو لقاو اسراء فوق الناموسية مغطية بليزار وحاللة عينيها كتشوف فيهم وهما يجمعو الضحكة ، تقلبات للجهة الاخرى وغطات وجها .
فاقت مع 1h دالنهار حيدات بيجامتها المقزبة ولبسات وحدة بسروالها وتيشورط وجمعات شعرها وخرجات غسلات وجها ودازت حداهم وسط الدار جالسين مجمعين وكيضحكو و سحر وسطهم فرحانة مكتحيديش الضحكة ، جلسات اسراء حداهم هزات البراد عمرات ليها كاس وبدات تفطر ساكتة وتسمع ليهم
الزوهرة: ايوا واش هادشي بصح ولا غير هضرة
تورية زوجة العم: انا بعدا جات عندي ماين العروسة شافت سحر جالسة حدايا متحركاتش وجلسات بدات تجمع معايا وتسولني عليها واش بنتك وشحال فعمرها قلت ليها راه بنت لوسي قالت ليا واش مزوجة قلت ليها لا وقالت ليا راه عندها ولدها فالامارات جاي هاد السيمانة ... عرفتيه شكون هوا مول داك المشروع اللي لتحت ، قالت ليك كان مزوج شي امارتية و طلقها وبغا يتزوج عوتاني وقال لمو شوفي ليا شي بنت كبيرة بعقلها ديال الزواج حيت راه سبق ليه وتزوج وطلق ودابا بغا بنت من بلادو وقالك هوا مكيجيش بزاف ومعندوش الوقت يقلب لراسو كلف مو تشوف ليه بنت الناس وتعجبو ... وراكي عارفة الام كتعرف شنو كيبغي ولدها ، شافت سحر لسقات عليها هههههه عجباتها متبتة ومرزنة و خدات النمرة وقلت ليها منزيدكم غير الله يكمل بالخير وعطاتها سحر نمرتها .... ايوا يا الاللة قالت ليك صورني ا نا وياها هههه بلعاني لاش تاخد التصويرة توريها لولدها
تلفات زهور عند سحر: ونتي شفتيه بعدا ياكما شي شارف؟
تورية: وراتو ليها فالتصويرة فالتيليفون كيحمق وباقي صغير عندو 36 عام غزااال تبارك الله
مريم: زويييين اخالتي شفتو انا
سحر ساكتة حشمانة عاحبها الحال واسراء هازة راسها كضحك فرحانة
اسراء: بصح! ايوا فوقاش بجيو؟
تورية: قالت لينا غنعيطو ليكم فالتيليفون ... وا غير يشوف دابا الولد البنت ويرد على مو ديك الساعة ترد علينا حنا
سحر الفرحة من قلبها فايضة باغا تخرج من عينيها ممتيقاش راسها غتزوج .. وبيمن ؟ بمول شي وغتبدل حياتها و فالوسط اللي عايشة فيه ... واخيرا تحقق حلمها واخا عمرها نوات تزوح شي واحد لاباس عليه وكانت كتمنى يكون غير ولد الناس ميسور الحال وصافي. دزات 3 ايام بين النكير مع اسراء وخوتها ومها مرة ضاحكين مرة مدابزين وكيتسناو اتصال من الخطاب ، نهار كامل وسحر هاشية تيليفون فالشارجور لاش ميطفاش ومقابلها لا يصوني ليها ، وكان لها ما تريد ... جالسة ما بيها ما عليها حتى صونات ليها نمرة وهزات تيليفون جاوبات كترعد وقطعات وخرجات كتجري دازت فإسراء وهي جايا
خرجات اسراء عينيها: اويييلي على بيجامة مالها غتلاقاهم فبيت النعاس؟ دخل عند بالبيجامة ؟ باااز هاد البيجامة وليتو تخرجو بيها للزنقة وتنعسو فيها و جلسو فيها بقات ليكم دابا غير الخطبة لبسوها فيها تا هيا الله يستر
تورية: لاواه ابنيتي راه دابا غير جايين يشوفوها ، ايوا شنو بغيتي البس ليهم تكشيطة ؟
اسراء: راه عييب يجي عندك الضيف تخرجي عندو لاالبيجامة ... ولفتو تلبسوها حتى ولات عندكم عادية الله يستر بحال الى مكاين قفاطن مكاين غنادر ! السوق عامر بالفراشات سااامبل وزوينين بلديين ونتوما غاديين ليا للبيجامة يخخ على عقلية ... خرجي عندهم بسوميج دو نوي حسن
الزوهرة: سكتينا نتي اش عرفك فهادشي ... واش من نهار اللول يلقاونا حنا مكوشطين وماكيين يقولو هادو على سبة خصهم غير فوقاش! سكتينا خلينا نشوفة مانديرو
اسارء: بالنفخ)هانا ساكتة
قلبات وجها وخلاتهم كيداكرو تا عياو وكل واحد فين مشا والزوهرة مشات خبرات الاب .
جا النهار اللي قبل الخطبة وخرجات اسراء كالعادة مع ختها ومها ومرت عمها ومريم يتساراو ويتقداو ودازو جيهت الحوايج كيقلبو لسحر على البيجامة وهي فرحانة متبتة ودايرة عقلها كتسمع ليهم ومخلياهم يختارو ليها . دخلو لحانوت ديال البيجامات كيعزلو ويختارو وطاحو فوحدة لونها ابيض سروال وفوقاني ديالو طويلة حتى للركبة باليدين وبداو يقيسو ليها على وجها ، واسراء واقفة برى لابسة جلابة خيطاتها ليها مها فيها الورد والالوان وجامعة شعرها فالسماء كي ديما وواقفة كتسناهم يخرجو سخفوها بالدوران
الزوهرة: اسراااء. . . اجي شوفي هادي
دخلات اسراء شافت وهي تعوج سيفتها : اوييلي مالكي على هاد الجراتل تلبسيهم ! طويلة بزااف حتى للركبة وباليدين عروبية
الزوهرة: خرجي عليا بناقص كاع من الدوق ديالك ... الناس غيجيو يخطبو البنت نخليوها ليهم تخرج مقزبة بلا حشمة بلا حيا باش ياخدو عليها نضرة خايبة
اسراء: ايوا علاش معيطة ليا نشوف ! شوفي سحر هادشي راه لا علاقة شكون مزال كيبغي وحدة تلبس هادشي ؟
سحر: صافي خليني ... راه الناس باغيين وحدة بعقلهم ماشي وحدة كطير تبان ليهم فريفرة من لباسها يقولو عليا مكتحشمش وباينة فيها فليفلة
خرجات اسراء معنكشة خلاتهم تا كملو وشراو ديك البيجامة وسالاو التقدية ورجعو للدار كيوجدو للغد يوم الخطبة .
يوم الخطبة وكلشي فرحان ناضت سحر ضرباتها بتدويشة وتبعاتها اسراء مريم بتدويشة تا هما وخرجو مع مريم غادين دايين سحر للصالون ، وصلو وجلسو بشعرهم فازك كل وحدة كتصايبو فجهة
اسراء: خويا عافاك بشوية كتنتفني .
الكوافور: بلهجة مراكشبة)وا نتي بيتيه ملوي صبري شوية راه طويل داكشي علاش كنتفك
اسراء: غير بالحنان اخويا راه الشعر هوا اللي فيا
الكوافور: وااايلي على غير الشعر وا طبراك الله زوينة ... اجي ممزوجاش بعدا؟
اسراء: بضحكة صفراء) مخطوبة
الكوافور: ايوا خصاااارة
جمعات الضحكة وصبرات للنتيف على قبل البوكلي تا سالا ليها وضارت تبعات ختها لصال دالتجميل لقاتها كتقاد الحجبان وجلسات حتى هيا تقادهم
اسراء: شوفي حيدي ليا غي شوية غي نقي ليا لتحت باش يتقاد السطر راه مكنقولش لماما راني كنحيدهم
هزات سحر راسها: ويييلي بنت الحرااام ... نوضي ولا غنعيط ليها دااااابا تحي عندك تشتف عليك هنا
قلبات اسراء وجها حشمانة ومعبسة وسكات مربعة يديها ، هزات الزوهرة بلاطو داتاي داتو وناضت اسراء هزات موراه طبسيل ديال الحلوة داتو حتى دخلات عليهم للصالة كلشي دار كيشوف فيها ومها دازت خارج حداها حانيا الراس وكتحلف مالقات كي دير تردها ، كانو جالسين فالصالة جوج رجال كبار فالسن معاهم راجل باقي صغير هوا نفسو اللي ضسر على اسراء نهار العباسية وحداه مرتو وفالقنت ديال الصالة جالس شاب شعرو اسورد قوي ممشوط للور بشرتو فاتحة ومايلة شوية للسمورية ولحية كحلة مطراسة وحروفو كحلين وحجبانو عاليين وعينيه كوحل وسيم بزااف ونضراتو حادة لابس سروال توب زرق مغلوق وقميحة شيبية فاتحة باين من الجلسة ديالو عندو شخصية قوية و جسم عامر صدرو عريض ويديه عامرين مكراسية عليه القاميجة وحداه فيست ديال السرال زرقاء ، بجنبو جالسة مرة كبيرة بجلابة بيضاء بالراندة فيها الغوز تحت منها قفطانها ديال جوهرة ودايرة نضاضر دشوف رقاق وشال على راسها ابيض فيه وريدات فالغوز ، كاع الرجال بالكوستيمات الى راجل واحد لابس جلابة بيضاء وطربوش ابيض على راسو باين الشايب باين هوا الاب ، دخلات اسراء بابتسانة على وجها حطات الطبسيل وكلشي كيشوف فيها حتى باها عاجباه بنتو و فرحان بداكشي اللي عطاه الله مضسرها متر من القياس ، بدات اسراء تسلم وبدات من الراجل اللي فطرف سلمات عليه باليد ودازت لمرتو سلمات عليها بالجوه ودازت للعكوزة سلمات عليها تا هيا بالوجه والكوزة فرحانة كضحك ، شوية دازت مدات يدها للشاب شاف فيها و خرجو عينيه فيها ومد يدو فيها كورميط غليضة ديال الذهب وخاتم صغير فصبعو الصغير سلم عليها ، كيسلم وعينه فشعرها وفمها وعينيها وهي ولا على بالها ، سلمات على كلشي ومشات جلسات فالطرف حدا تورية كتسنط ليهم وهما كيهضرو الرجال بيناتهم
مريم: لا راه قالينا باه اصلهم من مراكش وباه ومو كيهضرو بيها الا هوا يمكن ولف على برى تقولي ماشي منهم ... ولاكن ديك الفورمة اللي عندو والعضمة باينة ديال سبعة رجال ههه
يحيى ساكت حاط يدو على رجلو عاقد حجبانو وصبعانو فوق فخدو كيطبل بيهم وكأنه مشطون وغير ساهي كيخمم ويفيبري برجلو ، سحر حانية راسها والعكوزة كتشوف فيها فرحانة وعجباتها بزاف وغير كضحك ، دخلات الام ديارة السبة بالطبسيل وشافت فاسراء وهضرات بهدوء
الزوهرة: اسراء... اجي ابنتي تبعيني . ناضو البنات خرجو كاملات وبقاو غير الكبار كل واحد ميتسنى لاخر يجبد الهضرة على الخطبة ويطلبو البنت بالفم حتى هضر الاب الكبير مول الجلابية : ايوا سيادنا اللي نطولوه نقصروه ... حنا الى قبلتو علينا جايين طالبين راغبين فيد بنتكم لولدنا يحيى الى قبلتو علينا
حسن الاب: ااا مرحبا والف مرحبا . . . حنا غير جينا ضياف عند الاخ ديالي ها هوا وهانتا متشوف المكتاب هههه
اخ حسن: السي حسن .. السي يحيى راه راجل معقول وكلشي كيعرفو معقول انا خدام معاه من هادي شحال فاش يالاه تحلات القهوى اللولة حدى لاكار ديال التران ... وحتى هوا راه طاح فالنساب معقولين وبنات الاصل
ام يحيى: ايوا الله يجيبنا فالصواب ... حتى انا رتاحيت ليها وغنديرها بحال وحدة فبنياتي
هز يحيى راسو كياكل فجنب الشفاه ديالو ميما العادة فاش كتكون شي حاجة شاغلة بالو
يحيى: اححم ... هي واش قابلة؟
حسن: ايوا راك شفتي ... بنتي سحر هي الكبيرة فخواتاتها وهي الري وهي الشوار عندي فالدار
ضحكو عينيه وكانه كيوجد قنبلة ليهم وشاف فيه : اححم . . . انا كنهضر على اسراء ... هي اللي جيت باغي نخطب
كلشي تصدم وبقا شي كيشوف فشي وهوا بكل جرءة داير رجل على رجل كيشوف فيهم ببرودة كاملين مصدومين، ميلات الام راسها جيهت ودونو بهمس
الام: راه ماشي هاديك اللي وريتك فالصورة ... هادي باقا صغيرة مالايقاش ليك وقلتي باغي اللي بعقلها شنو دابا حشمتينا قدام الناس
يحيى: بصوت منخفض قالب وجهو جيهتها) صافي دابا هضرنا الحاجة وانا كنهضر على الاخرى ماشي على هاديك اللي وريتيني
الام: ايوا فضيحة هادي شنو نديرو دابا
يحيى: واش انا سميت ليكم شي وحدة؟ جيت قلت ليكم غادي عند هاديك بالضبط اللي وريتيني ؟ انا جيت على اساس اسراء ولا بلاش كاع من شي زواج
الام: ختها حسن منها هاديك بعقلها اما الاخرى باينة فيها ...
يحيى قاطعها: انا هضرت وقلت لي عندي ... اسراء اللي باغي تكون كيما بغات تكون (هز راسو فحسن) ايوا شنو بان ليك السي حسن
حسن: واقيلا كاين شي سوء تفاهم السي يحيى ... حيت اسراء هي الصغيرة عندي وكتقرى وماشي ديال الزواج هاد الساعة
يحيى: مكيهمش السي حسن تقرى فين ما بغات انا ماشي ضدد القراية وبنتك فعينيا حتى حاجة متنقصها
هبط اب يحيى راسو : بصوت منخفض) اولدي يا يحيى البنت صغيرة بزاف وخاصك اللي كبيرة وتصبر ليك باش متعاودش نفس الغلط
يحيى:ببرودة) الحاج ... قلت لي عندي وانا جاي على قبل ختها اسراء مدكرتش شي سمية من غير هادي نتوما اللي مفهمتوش ، دابا يا اما اسراء يا بلاش من شي زواج بالمرة
حسن: ايوا دابا الراجل قالك من اسراء نخلاق عيينا نهضرو معاه والو لاسق فإسراء وماجاتش دابا نقوليهم شي هضرة اخرى وهما نساب معقولين جاونا من الباب ولاكن نتوما معرفتو الناس علامن كيهضرو غير جينو وبديتو تنقزو مكتبتوش وتسمعو اش كيقولو الناس (بعصبية) بقاو تركزو مع الهضرة راه السيد قال اسراء ونتي صمكة
الزوهرة: سمع اولدي ا يحيى ... حنا عندنا بنت وحدة الزواج هي سحر اما الصغيرة ماشي ديال الزواج ومتصلاحش للزواج ... باش نجيك نيشان منافقكش ، اسراء عقلها صغير مغتصبرش ومكتعرف طيب مكتعرف بواجبات الزوج مكتعرف تسد فمها بالمختصر النفيد متحني ما دني ... انا جيتك نيشان حيت ناس معقولين مكاين منخبي عليكم
يحيى: ولو . . . مطيب مكتهز متحط كيما عايشة فدار باها تعيش عندي والعيب والعار الى تشكيت منها شي نهار ، مزالة صغيرة ايه هادي عارفينها ولاكن غيجي واحد الوقت غدير فيه عقلها و مغتبقاش صغيرة وزايدون البنات فالسن ديالها كاملين عندهم نفس التفكير ومتمردات عادي جدا وعارف متعرف دير والو ، واتا مجيتش باغيها باش دير وماجيتش ناخد خدامة انا جيت باغي مرة ليا ماشي للدار
مو تصدمات بقات غير كتشوف مخرجة عينيها ...كيفاش كان كيقول هضرة ودابا هضرة ... كيفاش هوا باغي مرة ديال الدار ودابا رجع باغيها ليه
ساطت الريح من نيفها وخنزرات قدامها وحتى الزوهرة حسات بيها ماباغاش
يحيى: دابا فين كاين المشكل ... البنت جميع شورطها قابل عليهم قبل متطلبهم
يحيى: انا الاللة جيت على قبل بنتكم الصغيرة اسراء ... يمكن نتوما فهمتوني غلط
الزوهرة: ايوا شغادي نقول ليك ... الى كنتي قادر تصبر عليها مرحبا منلقاوش حسن منك ... غير بنتي عزيزة عليا وهي الصغيرة عندي خايفة عليها ومعندها عقل
ابتاسم يحيى وعرف راسو قرب يوصل لمبتغاه: بنتك على راسي وعينيا كيما بغات تكون قابل عليها واللي طلباتو نحضرو ليها وماتبقا غير على خاطرها حتى تكبر ودير عقلها
الزوهرة: ايوا مخليتي لينا منقولو غير الله يكمل بالخير
حسن سمعها قالت جملتها الاخيرة وضحك تا تشرك فمو حيت عجبو النسيب ودخل ليه لخاطرو ومخلاش ليه فين يزيد
ضحك يحيى وتكى على ضهرو وحتى الاب ديالو فرح ليه وخوه ومرت خوه وكلشي الا مو اللي كضحك بالكرام بحال الى شادينها بزز
اب يحيى: ايوا الله يجعل ملشي مبارك مسعود
الزوهرة : الله يبارك فيك السي الحاج
حسن: مرحبا السي الحاج مرحبا بيكم
يحيى: بارك الله فيك ... السي حسن دابا خصنا نقادو الامور والسيمانة جايا انشاء الله غنديرو خطبة رسمية وديك الساعة جمع ليها وريقاتها حيت انا راجع بحالي عندي شي شغل على بيدمن تجمع بيها الوريقات غنرجع نديرو لاكط والعرس وكلشي فدقة مكاينش علاش نطولو اولا ا السي الحاج
الاب الحاج: ايوا نشوفو هما اش كيقولو
الزوهرة: ايوا ماشي زربتو ؟ وحنا مزال ماواجدين راه عرس ليلة تدبيرو عام
يحيى: ماعندك ماتوجدي انا فاللول قلت ليكم اسراء فعينيا وانا نتكلف ليها بكلشي ديالها متهزو هم لحتى حاجة
الزوهرة: ههه ولاواه لاواه راه خصنا نفرحو ببنتنا شوية حتى حنا راه اول عرس عندنا
يحيى: خير البر ...كمل السي حسن
حسن: عاجله
يحيى: ها حنا تفاهمنا دابا
العكوزة رجع وجها حمر بغات طرطق كتشوف ولدها شاري بنت وداير ليها كلشي من عندو مضارب حساب لحتى حاجة ومقدراتش تهضر حيت عارفاه غيسكتها ولا يقمعها وسكتات كتغلي بوحدها وحتى من مرت ولدها اللي جالسة معاهم تقرسات وشافت فراجلها وخنزرات وكأنها كتقوليه شوف العز كي داير ... حسات بالنقص وكشرات ملامحها وهي كتسمع وضحك بزز
يحيى: دابا انشاء الله السيمانة جاية خطبة وحوالي شهر ولا شهر ونص العقد والعرس ، هي هاديك غتحي مع اللول فشهر 9 الى درنا شهر ونص وهي توجد راسها وتختار شنو بغات وبناتنا تيليفون السي حسن
حسن فرح وعرف النسيب اش كيقصد وكيقصد ليه مسارف العرس كاملة عليه وتيليفون بيناتهم .
السي حسن: مكتعاود غير الصلاة على النبي
طلقاتها الزوهرة بتزغريتة طويلة وفرحات انها عطات بنتها بالعز والرغيب وهزات راسها لفوق قدامهم فرحانة وحسات بالعكوزة معجبهاش الحال وكضحك بزز وزادت كملات ليها الزوهرة بالضحكة والتغريتة وناضت كضحك ؛ شافها حسن ناضة وتبعها وقفها برى
حسن: شنو دابا درنا مع البنات؟
الزوهرة: نتا غي سكت هادوك بناتي وانا نعرف ليهم خرج هاد السوق
حسن: رتاحيت لهاد الناس الزوهرة ومكاينش شي نسيب يقبل على هبال بنتك بحال هادا ومابايناش عليه كبير
الزوهرة: كتبان على المزاليط اما هدا عمرو تبان عليه
حسن: راه المرى متشرف على الراجل دغيا
الزوهرة خرجات عينيها: اييوا ...جمع
حسن: مكنهضرش عليك يا هاد المرى منهضر على بنتك دابا تشوفي فاش تزوج وتولي كي البوطة وديك الساعة شوفي واش تبان صغيرة .. واش دابا 36 جاتك نتي كبير ! من 30 لفوق عاد كيوليو رجال اما من 30 لتحت راه غير براهش ها ولدك عندو 28 وواحلين معاه ونتسناو حنا حتى تجيب لينا شي برهوش ولا شي مزلوط وتقولينا بغيت هادا ... ضرب شهر وترجع كتبكي اللهم هادا بعدا راجل ونص بغاها وعارف كي دايرة ونتهناو من جيهتها
الزوهرة: صافي دابا ... غنمشي نبدا بسحر وندوز لتاشنويت نصبر لغواتها و ركيزها ولاكن ماشي دابا حتى يمشيو الناس عاد نتبالى بيهم لا تمشي تخرج ليا قدامهم وتشوهنا
رجعات الزوهرة للكوزينة وحسن دخل عند الناس جلس معاهم والبنات جلسو مجموعين فالبيت ماجايبين للدنيا اخبار . ناضو الضياف بعدما تافقو على كلشي وخرجو من الصالة واحد مور واحد وعينين سحر حاضياهم من الباب دالبيت ، شافت خطيبها واقف وهي دوخ بقات كتشوف فيه واقف كيسلم على باها وكيضحك وهاز فيست فيدو ديال السروال ، خشا رجلو فيها تقاشر رقاق فالزرق فالصباط وخرجو ورجعات هي دخلات عاجبها الحال جلسات حدا البنات وهما كيوشوشو ويضحكو
سحر: نااري مشا كن شفتوه فاش وقف على فورمة والكرش مكيناش
مريم: انا ضرب عليه ضارب كرميط درجال فيدو ديال الذهب والساعة فاليد الاخرى كحلة مذهبة من لداخل
مريم: شتووووو ههههه وشفت حتى سنسلة فعنقو كتبري من الكول دالقميجة تا هي ديال الذهب هههههه السيد مهللي فراسو بالبيان
اسراء: قوليها لهاديك اللي خرجات عندو بالبيجامة والشعر مجموع هوا اللي راجل وشو كي داير وهي اللي مرى جالسة تعز فراسها فراشة الله يستر على تفكير زعما المرى ديال الدار !
سحر: ههههه حتى انا شفتو ويييلي انا حماقيت
اسراء: وراكي حمقة من شحال هادي واش الراجل عايش فالامارات كيشوف البنات كي دايرين غاديين جايين مزييرين و نتي اللي غيتزوج بيك لابسة البيجامة بالسروال كن غير كان عروبي مكيفهمش فداكشي بعدا نقولو واخا وهوا شو كي داير غير داكشي اللي لابس يعطيك الخبار
مريم : ولاهيلا بصح جالسة متبعة ماما وخالتي زهور اللي تخطبو فعام الفيل بالبيجامات وخرجوك ليه تا نتي مبهدلة كن كان معانا البراني كم حساب ليه جا غير يقلب على خدامة ماشي يتزوج ... هاداك انا من هنا نقولها ليك اختي ...
قاطعاتها اسراء: انا نقول ليها غير سكتي نتي ... شوفي هاداك الى ماكنتيش مجبدة وقادة و تهلاي فراسك يخليك فالدار ويجيب عليك شي وحدة من البار اللي متحشموش بحالتها قدام الناس يقولو عليه شو هوا مي داير ومرتو دايرة بحال الطلابة دالجامع ، كيما هوا مهلي فراسو تهلاي فراسك حتى نتي
مريم: وديري الرياضة نقصي شوية من الغلض راه نتي مزال حتى متزوجتي وليتي بحال الطيابات دالحمام غير الماكلة والكوزينة والنعاس اما فاش تزوحي ماعرت كي غتولي... شوفي غير كتافو يعطيوك الخبار نهار تعراي ليه ويتعرى عليك تحشمي براسك قدام ديك العضمة ههههه
سحر والفرحة على وجها: وصاافي واش عاد غتوريوني راني عاارفة
اسراء: كن كنتي عارفة من لبستي شي قفطان ولا جلابة خسن كاع من ديك البيجامة حشمت انا فبلاصتك كان يحسابلي شي شارف كحلوش وخايب ساعة اخي فالاسلام طلع مربي الشعر كاع بحال الخليج والله يا بنتي ويضرب معاك شهر فالمغرب تا يطيرو ليك بيه وتبقاي تابعاه بالجالابة كتقلبي عليه شوفي غير مو كي دايرة
اسراء: مابغيتش الزواج غير ربحو بيه انا غنمشي لبرى وندير خدامة ميقولو عليا حادكة ميقولو عليا مزمرة
مريم: لالااا بجوووج خصهم يكونو الحداكة فالشقا والدار وفالمضهر خصوصا
اسراء: المضهر هوا اللي كيبين الشخصية دبنادم كي دايرة شوفي هادا اللي جا يخطب باينة فيه مساهلش ومكيحشمش غير من ديك الكورميط اللي فيدو ديال الذهب ... كن شي واخد شخصيتو ضعيفة ميديرهاش ويقول ليك حقا الناس ... هاد خيينا ضارب الدنيا بركلة عاجبو راسو
سحر: اييوا صااافي بقا ليا غير البراهش نتسنط ليهم (ناضت)
الزوهرة بعد تفكير: سمعي ... واش هاد الولد كتعرفيه؟
سحر باستغراب: لا!
الزوهرة: مابيناتكم حتى حاجة ياك ... وهوا مكيعرفكش وماقاولك لحتى حاجة ماهضر معاك ما واعدك بزواج وجاي اصبا غير يشوف ماشي ناوي يخطب نيشان
سحر: تأ اففف ايوا وشنو دابا مشا؟
الزوهرة : ممكتابش ليك ابنيتي والارزاق بيد الله متهزيش فخاطرك
سحر: معنديش علاش نهز عادي مكتاب الله وبااين اصلا كي داير ومحلمتش كتر من القياس باش نخلي راسي نتعلق فيه واخا فالصراحة مكرهتش واحد بحالو (بدات كتبكي)
الزوهرة: عنقاتها) اجي ابنتي اجي راك نتي هي عمارت الدار وكلشي بالمكاتب وعيينا منخبيو ومانجريو ونخططو فاللخر كل واحد كيدي اللي كتب ليه الله .. كان رزقك فالسماء ينزل مان فالارض يطلع وهادشي اللي وقع مع ختك اسراء دابا ... عيينا نتلفو فيها ونخبيو فاللخر جا هادا قالك منها نخلاق
هزات يحر عينيها بصدمة: كيفاااش؟ شنو ؟
الزوهرة: مادرنا لا بيدينا لا برجلينا الناس مكنعرفوهم مكيعرفونا جاو يخطبو ومقالوش لينا فلانة ولا سماو لينا حتى هضر السيد قالك اسراء حنا براسنا ماغهمنا والو يعني من الاساس واقيلا جاي على اسراء
سكتات سحر كتشوف فالارض مابقا ليها ماتقول غير البكا فالاهر دارت عند مها
سحر: ايوا وشنو دابا ؟
الزوهرة: ماعندنا منظيرو مكتاب الله خطب اسراء وعطيتاها ليه وهادشي مازال ماعارفاه هي واللهم نزوجوها ولا دير لينا شي فضيحة اللي جا نجريو عليه وكطير سرها نيييت تزوج وتشد الارض
اسراء: ههه لالا شكرا ولاهيلا مابغيتش غغي غير الخبز
شاف البنت : جمعي ليها من نوع طرف
اسراء حشمات وبقات حاطة صبعها على فمها سارطة الشفاه التحتانية وكتشوف فالبنت وهي هازة كرطونة كبيرة وموس مربع كتهز وتحط وترجع تهز كرطونة اخرى وتعمر فيها وترجع لوحدة اخرى
اسراء: برااكة براااكة ويلييي (عضات على شفيفها)
يحيى: ششوت مكيحشموش الناس على الماكلة
سكتات ودورات وجها جيهت مريم كتشوف فيها ولخرى تا هيا مافاهمة والو كيبان ليها يحيى واقف مع اسراء والبنت كتسطوكي ليها فالكراطن واسراء حابسة التفرنيسة بزز حشمات . ويحيى كيسرق شوفات منها . جمعو ليها جوج كارطونات مربعين فالابيض وحدة فوق وحدة وجوج خرين مربيعن تا هما كبار وحدة فوق وحدة وفوقهم وحدة صغير وعطاوهم ليها فيدها كل وحدة هازة جوج هي ومريم وحشمانين حادرين الراس ، هزات عينها فيحيى بزز : شكرا
يحيى بابتسامة كيشوف فيها : مرحبا ... خودي النمرة عيطي ليهم مرة اخرى الى بغيتي شي حاجة يطلعوها ليك
مريم: راه عندنا شكرا... راه بابا هوا اللي فلاكيس
يحيى: بنت السي محمد نتي
مريم: ااه
يحيى: مرحبا
اسراء: شكرا
عنقات كراطنها وهبطات راسها وتمو خارجين محملين ومجملين من المخبازة ويحي واقف داير يديه فالجيب وخرج حتى لبرى شافهم تا قطعو الشانطي ودخلو للعمارة ورجع طلع لاطيراس عند خوه .
طالعين فالسانسور كيفرنسو ويضحكو
اسراء: ويييلي حشمني ههه مشينا على الخبز صدقنا مخملين المخبازة كاملة هههههه
مريم: هههه واييه حشمت نهز هادشي ونخرج بيه وحتى بابا حال عينيه مع الفلوس والناس اللي مكجكجين عليه كي الدبان
اسراء: قاليا اسراء فين كيعرفني؟ وقف حدايا قفزني وانا حالة فمي فالحلوة وكنشوف فيها كدور تا حواليت
مريم: هههههه وانا تلاحيت عليه كي الرعدة قدمت ليه راسي قالك هههههخه بابا هوا فلاكيس
اسراء: اويييلي جا يخطب غيترزى مسكين ميبقا ليه لا ربح لا راس المال معانا حنا
مريم: واسيييري راه ملعق فين تبان ليه شي حلوة راه ماشي غير هاد القهوى اللي عندو ... ولاهيلا ختك صدقات ليها الرجولة والنافورة دالفلوس
اسراء: وا ضربيها بالعين تا ميبقى راجل لا نافورة (شافت فالحلوة) شنو نقولو ليهم دابا ؟ مشينا شطبنا المخبازة ؟ بقا لينا غير العصير والموناضة ماجبناهمش
مريم سيمو امين تورية كاملين واقفين مخلوعين كيشوفو 10 من اسراء وهي خارجين عينيها مطلعا دوك الحجبان للسماء كتنهج وتغوت بحر جهدها تا خرجات سحر كتجري من البيت وقفات كتشوف اش واقع ، دخلات اسراء وضربات الباب بالجهد زدحاتو تا سدات الزوهرة ودنيها وتبعاتها دخلات عليها
الزوهرة: حشووووومة هادشي كتزدحي فالبيبان دالناااس
اسراء: مغنتزوحش مغنتزوجش مغنتزوجش موتو ولا حيااااااو مغنتزوااااااش
هازة السروال بيدها وحالة رجليها كتجدب براسها وتغوت: والااااااه تا نقتل رااااااااسي جاو عند سحر ماشي عندييي
حسن: شوفي ابنتي انا مبززت عليك حتى حاجة ... ايوا سكتي باش نهضرو
سكتات كتنخصصوهوا حاط يدو مور ضهرها كيدوزها بحنان : هاد السيد اللي جا خطبك ما كانش جاي عند ختك كان جاي عندك نتي وهضرنا وتناقشنا وقلت ليه البنت ها شنو كتبغي ها شنو مكتبغيش وقالك حتا واحد ميبزز عليها شي حاجة تقرى الى بغات وتعيش معاه بحال اللي عايشة معانا حنا ... شحال قدك كاع تبقاي معانا ؟ شحال ما جلستي معانا غيجي واحد النهار تزوجي فيه تا نتي وحتى خوتك غيتزوجو مغيبقاوش ديما مع واليديهم ، علاه حنا بقينا مع واليدينا! غاادي تزوج ختك سحر واسية وسفيان ومحمد وكل واحد يمشي لدارو وهادي هي سنة الحياة واش كتسمعني ابنتي الله يرضي عليك
حركات راسها بالايجاب كتبكي
حسن: راه مغتخصك حتى شي حاجة مع هاد السيد ، و عاد نتي كتبغي تلبسي وتخرجي وكتشوفي لفوق جاب ليك الله اللي يقد عليك ويبرعك وراه شفت عندو واحد تيليفون زويين يلدا يطلف ليك الويفي وشبعي شاط مع راسك مغتقنطيش ... ايوا انا حسن هاكا ولا تبقاي معانا فالدار كتسناي حتى تكبري وتمشي للخارج ! هادا من غدا يديك للامارات وفين ما بغيتي راه باينة فيه ماشي شي واحد اللي معقد يعقدك معاه و ولد الوقت وتهناااي من الشقا ديال الدار يدير ليك هوا كاااع الخداامة . ايوا شنو قلتي الله يرضي عليك ؟
اسراء: الصمت (قالبة وجها)
حسن: انا يا بنتي مابغيتكش تكرفسي ويجي شي مسخوط يكرفسك وهادا باغيك ولاسق عليك ويتهلا فيك ... نبغي نشوفك فرحانة وعايشة مزيان وبصحتك ولابسة مزيان عايشة مزيان ماشي نجي عندك نلقاك حالتك حالة وديما فالمشاكل والصدع وضعيفة ، واش كاين شي اب كيرضى لبنتو التبهديلة؟ كاين شي اب يبغي لبنتو المضرة؟ راه لمصلاحتك هادشي ولمصلاحتنا حتى حنا ...قولي علاش لمصلاحتنا؟
اسراء: لا رد
حسن: لمصلاحتنا حنا غنتهناااو من جيهتك ونقولول بنتنا عايشة فدارها مرتاااحة وهاد السيد داير كلشي من عندو ماشي عطينا ليه فابور ولا رميناك راه بالرغيب لباش عطيناك ليه ماشي يجي واحد يبغي يتزوجك ويجي طويل كيفرنس وديري العرس نتي وكسي راسك نتي وسيري عندو هوا واااجدة مخاسر عليك حتى سنتيم ... هادا غياخدك بالعز والشان والمرشان و وكلشي يشوف بعينيه الشان اللي دار ليك واللي نديرو ليك حتى حنا هانتي غتشوفي ... واش سحاب ليك ساهلة عليا نعطي بنتي الصغيرة اللي معمرة عليا الدار ...راه مساهلاااش عليا ولاكن بغيت نشوفك لفوق منشوفكش مكرفسة
اسراء: الصمت (كتنخصص)
حسن: اجي عند باباك العزيز ابنتي
جرها عنقها باسها وكيدوز يدو مور ضهرها وهي كتبكي معنقاه . لقا معاها هاكا مدة طويلة حتى سكتات من البكى
حسن: الله يرضي عليك ابنتي ...نعسي نعسي هنا نعسي
..الله يغطي بالرضا
نعسها فوق السداري ودار عليها ليزور وجلس حداها كيدوز يدو على راسها ويذكر ليها بلحن كيشبه للامداح كان مولف يمدح ليها فصغرها فاش كتبغي تنعس ويطبط ليها ضهرها
حسن: الله الله الله و يا رجايا فالله كلها الذنيا تفنا مايبقى غير الله ... الله الله و يا رجايا فالله كلها الذنيا تفنا مايبقى غير الله...
بقا يدندن ليها عند راسها تا نعسات وناض كيتنهد خرج لقا الزوهرة جالسة مربعة كتسناه
ناضت دخلات عندها بلا متشعل الضوء للبيت الصغير هزات واحد الفوطة مسحات ليها رجليها من لاكريم ومشات عند راسها دوزات يدها على وجها ولاسها فجبهتها
الزوهرة: يا بنيتي يا كبيدتي مغنسخاش بيك يا الحبيبة ديالي ..الله يرضي عليك
عاودات باستها فحنكها وخرجات خلاها ناعسة
خرجات الزوهرة كتقلب على سحر لقاتها واقفة فالبالكون ومشات حطات يدها على كتفها
الزوهرة: بنتي سحر
سحر: نعام امي
الزوهرة: ياكما مقلقة من ختك
سحر: اويييلي يا مي واش نتقلق من ختي ! واش تسطيتي راه ختي هاديك ومانبغي ليها غير الخير ...عمرك تقولي هاكا واش انا حمقة نحسد ختي ولا تكرها مستحيييل ونمووت الى شفتعا واقعة ليها شي حاجة ...ولاهيلا كيضرني قبلي عليها وكنمرض فاش كتمرض
تكات الزوهرة بيدبها على الصور دالبالكون : ايييييه يا هاد البنت حتى واحد مكان حاملها ومكانش باغيها...فاش حملت بيها شحال بكيت وشحال ندبت وتقولبت فالحمالة ما كنتش ناوية نزيد وحتى باك معجبوش الحال... قلتا زعما صافي جوج بنات وجوج ولاد معندنا فين نزيدو ساعة حنتنا ربي واخا حتى واحد مكان باغيها
سحر: واييه عااقلة وكنا حنا باغينها انا وسفيان اما اسية مكانتش عاقلة على راسها
الزوهرة: كانت عند سي محمد عماين و ولدت اسراء ... ايييه يا اليام ... فاش ولدتها خرجات ليا زعرة والشعر مسبسب على جبهتها وبيضاء كي الحليب وعينيعا منفوخين ومجبدين ديك الساعة حسيت بقلبي تحل ودخلات فيه وعنقتعا مسبكينة صغييورة ...يالاه خرجات من كرشي طلقات زواكتها فالسما بلا ميضربها الطبيب ومابغاتش تسكت مشات مي كتجري جابت ليها الويزة وهزيتها كنرضعها وصوت حلقها كترضع ميتسنع وسط السبيطار نكغ نكغ نكغ نكغ خرجات فيها الجوع ... كاع ولاد الناس ناعسين وساكتين الا هي بوحدها اللي كتغوت وتجبد مزال كاع ماحلات عينيها...شافها باك فاش رجع من الخدمة وبضا ميضحك تا بانو ضراسو مسحابليش كاع غيفرح بيها ديك الساعة هزها مبغاش يحطها . حلات عينيها فيه كترمش كلشي حماق عليها ... كانو غيسرقوها ليا فالسبيطار كن ما امي مسكينة اللي جابتها ليا وقالت لي حضي بنتك خليها حداك ... عياو الفرمليات يقولو ليا نبدلو ليها نغسلو ليها نرضعوها مخليتهم عزيتها عنقتها وهربت بحالي داز لحال الى يالاه لبارح ... ودابا هاحنا كنوجدو ليها الخطبة وتمشي وتخوي لينا الدار
الزوهرة غلبوها دموعها وهبطاتهم بحرقة و بكات معاها حتى سحر وعنقاتها
دخلات تورية لقاتهم كيبكيو ودارت يديها على جنبها: ااانعلو الشيطان دايرين مندبة ماالكم ؟ راه غتزوج وتفرحو بيها ونفرحو كاملين
سحر: واخا هاكاك .. راكي عارفة الصغيرة كي كتكون ...عزيزة على كلشي وهي اللي معمرا لينا الدار بصداعها وغواتها ومنشطانا كي غنديرو فاش تمشي كي غانديرو
تورية: سكتو راه غتسمعكم وهي على سبة وديك الساعة خصنا معاها ما هي وما لونوها ... زيدو راه جيت نعيط ليكم تعشاو
مسحات الزوهرة وجها هي وسحر وخرجو تعشاو وكل واحد مشا نعس.
يوم جديد خلاو فيه اسراء ناعسة حتى فاقت على خاطرها مكشرة مهضرات مع حد وحتى هما مهضروش معاها غير كيشوفو فيها ويبتاسمو فرحانين من قلبهم .
متجبدش موضوع الخطوبة بالمرة وباين على وجه اسراء الحزن وفين ما يبغيو يخرجوها مكتبغيش تخرج طول الوقت جالسة بوحدها مرة طلع للسطح مرة تجلس فالبالكون ومريم تابعاها خايفين عليها تهور ودير شي حاجة . كل شوية تلاقا باها فالدار يغنقها ويضحك معاها ويرضي عليها وهادشي كيخليها تكالما مللي كتشوف الفرحة على وجهو ويعنق ويبوس فيها .
اتاصلات الزوهرة ببنتعا اسية خبراتها هي و ولدها سفيان وقالت ليهم النهار اللي غيديرو فيه الخطبة ومتيقوش ومتوقعوش من اسراء تقبل وهي رافضة الفكرة دالزواج من راسعا بصفة نهاءية.
غدا النهار دالخطبة والعد العكسي بدا واسراء باقا على نفس الحال مكيسمعوش صوتها ، كتاكل بلا وقت بلا متسناهم يحطو فالطبلة وكتنعس قبل الوقت وضربها الفيقة بلليل ويطسر عليها النعاس وضربها الفيقة فالفجر وتنوض كتغوت من الاحلام والكوابيس فنص الليل كتلقا سحر بجنبها داءما وتعنقها وتشربها الماء وترجعها تنعس وتبقى دندن ليها حتى ترجع فالنعاس .
وهي جالسة فالبالكون ساهيا كطل مع العشية وكلشي خارج بانت ليها طوموبيل فورد فييسطة كحلة ديال سفيان وقفات حدا الباب دالعمارة ونزل ونزلات معاه اسية ، حلو الكوفر جبدو الباليزة ودخلو للعمارة . خرجات من البيت جامعة شعرها كالعادة فالسماء عشواءي ولابسة بيجامة بسروالها وتقاشر كيما ديما تدوقفات حدى واحد الحيط كتسناهم يدخلو ، تحل الباب ودخل سفيان كيضحك وهي تمشي عندو اسراء كتجري عنقاتو وعنقها وطلقاتها للبكى والنحيط وكلشي كيشوف فيهم بابتسامة ، كل واحد واقف فقنت متأثر وفتفس الوقت كيضحك لردود افعال ديال اسراء ، سفيان معنقها وكيشوف فمو ويضحك ويطبطب عليها
سفيان: وصافي صافي غنمشي معاك غير كوني هانيا (حرك راسو بالايجاب للزوهرة وكيضحك ومور ضحكاتو مخبية احاسيس اخرى وضعف كبير اتجاه ختو الصغيرة ومزير راسو قدام دموعها باش ميكملش عليها .
جرها بعدها عليه باش يشوف وجها وهي كتبكي حادرة عينيها وكتبكي
سفيان: والله يهديك ها حنا جينا عندك وغنبقاو ديما معاك يا البريهيشة ههه
سفيان: دابا حتا هنا غير خوتك ولاد عمك مكاينش البراني قولي لينا علاش مبغيتيش؟
اسراء: مابغيتش
اسية: ان ا عارفة مالها اسفيان ... هي مزالة صغيرة وباغا تخرج مع البنات ودير بحالي ... تخدم وتلبس وتسافر بوحدها هي وصحاباتها وتمشي للخارج ياك هادششي اللي بغيتي؟
اسراء: الصمت
سفيان: هادشي راه مدايمش ليك ا اسراء وسمعي من خوك شنو كيقول ليك انا راجل وجالس مكنمشي مكنجي وكلشي كيطلع فالراس ...وعلى حسب ما قال لينا الواليد السيد لابااس عليه يعني غيختاصر ليك الطريق ومدام هوا برزقو ويتهلى فيك معندكش علاش ترفضيه ولا باغا تعيشي قصة حب بحال الافلام ! راه ديما بنادم كيبغي اللي ماشي ديالو وكيتزج اللي مكيبغيش و عسى ان تكرهو شيءا وهوا خير لكم ونتي دابا عندك القييب خاوي عمريه بهاد السيد اللي جا عندك نيشان من الباب متبعك ما بسب عليك ما حتى حاجا شافك قصدك للمعقول بلا ميتردد دونك مزياان ليك و قابل عليك كيما نتي .. شنو دابا غتستاي حتى يجي واحد يدوخك بالهضرة والحب وتخربيق و تولي حالتك حالة ويمشي كاع داكشب اللي كطمحي ليه فالزيرو . حنا بغينا ليك غير الخير مابغيتاش نرميوك تكرفسي بغينا تعيشي عيشة حسن منا كانلين ويبقى بالنا مرتاااح من جيهتك بالاخص نتي مكتصبريش ومكتقنعيش راه ميصلاح ليك غير هاد السيد هوا اللي بغاك كيما نتي يعني ما عندنا منقولو عليه وربي المشاش عندك شحال ما بغيتي ديري ليهم خيرية نتي ياك عندو الفلوس شرطي عليه يدير ليك خيرية ديال المشااش هههههه
كلشي بدا كيضحك تا غلباتها الضحكة وسط الدموع والخناين ورجعات حبساتها
سفيان: راه وكلت ليك المش اللي مربية لتحت باش متقوليش نسيتك ... درتي ليا عقوبة وليت طالع نازل فالدروج على سعدي ووعدي كنومل فيه وفين ما يشوفتي خارج يتبعني فالزنقة مشوهني اما المشاش ديال الحومة كل عشية يديرو اجتماع لتحت فالباب دالعمارة كيتسناو فيك تهبطي ليهم الماكلة
اسراء: لا غير خليهم غنلبس الصابو البيض دمريم باقي جديد
سحر: يالاه نوضي
لبسات جلابتها الموردة وطلقات شعرها جمعاتو من الجناب بفليل صغير ورشات ريحة وخرجات بلا مكياج معاهم خارجة بزز
نزلات لتحت مغوبشة لقات مها راكبة للور بالجلابة والشال وزغيبات كيطلو من الشال لقدام وظايرة المكياج واخا كبيرة مهلية فراسها ومبلية بالحنة والنقش كل مرة ناقشة يديها ورجليها . ركبات حداها اسراء وسحر و ساق بيهم سفيان تابع باه فين ما قاليه ويد كيمشي . نزلو حدى واحد القصارية كبيرة ديال الذهب ودخلو كيدورو ويشوفو واسراء كتمنضر شادة فسحر ، دخلو عند الذهايبي كيسرحو عينيهم
الذهايبي: اش حب الخاطر اسيادنا
الزوهرة: بغينا شي سرتلة ديال سبعة قد هاد البنت ... يكونو سبعة الخيوط واحد سامبل واحد ملوي ومكايكونوش رقاق بزاف
شافت فيها اسراء مصدومة وسحر كضحك معاها
اسراء: سرتلة كاااع!!
سحر: ههه ومالكي نتي رخيصة عندنا ؟
جبد الذهايبي الشكل اللي قالت ليه الزوهرة وبدات تفلي فالدبالج بيديها مهبطة النضاضر على نيفها شوية وكتحقق فيهم
الزوهرة: شوف ليا شحال وازنين هادو
حسن غير مربع يديه كيشوف هوا وسفيان مافاهمين والو فالذهب خلاو الزهرة منها للذهايبي شحفاتو وهضرتها بالعربية مايلة للشحلة كتخرجها رقيقة كونها شلحة من اكادير باينة عليها حارة وقويفزة
الزوهرة: اجي ا اسراء شوفي هادي ...ديريها فيدك
شدات ليها يدها بدات تركب ليها فيها وحدة مور وحدة جاوها قدها فاليد وووينين ، بدات تشوف فيهم وهزات يدها للسما كتحركها
اسراء: غنبقا نشالي بيدي هاكا بحال تيحيحيت !
الزوهرة: عجبوك؟
سحر : فنينن مجاوك مرخوفين جاوك هما هادوك
اسراء: انا بغيت بحال هادو
ماشات للفيترينة وراتهم براسلي منبت وهي تجرها مها
زوهرة: ايواا صافي نخسرو حنا الفلوس فالحجر ...السرتلة ديريها كتبان فاليد كلها ذهب و وازنة ماشي داك الخربيق اللي تابعين نتوما...نشريو ليك بعدا حنا شي حاجة ديال الصح وديك الساعة شري راسك داكشي اللي بغيتي نتي
الذهايبي: الدبنتي راه هادو هما الليكميشريو البنات بحال هاد السراتل اللي كيكون واحد ملوي واحد رقيق ماشي بحال ديال العيالات غلاض كيتسمعو من الكتبية
بدات اسراء تقتانع ومشات وقفات عند المراية كتحرك يدها وتشالي بيها ، مرة تهزها عند راسها مرة تحطها على حنكها حتى ضحكات ورجعات ليهم
سحر: راهم دوك المحلات الكبار كامل داك الصف ديال خطيب اسراء بالقهوى والريسطو دالسوشي و وسوبر ماركت وتاكزارت وداك الطرفاني رااه فيه جوج كاراجات اللي فالرومبوان مسدودين مزال مادار فيهم والو ماعرت اش يدير فيهم وعاد عندو دار فديك العمارة نيت جالس فيها شي حد فالبيرو وزيد عليها الفيرمة وماعرفت اشنو مزال مافراسناش والبرهوشة كتكبر عليه
سفيان: صافي هنينا ماخصنا صدع يالاه نطلعو
طلعو للدار ودخلات سحر اسراء للدوش فركاتها فريك وهبطات ليها الشعر لقدام غزلاتو ليها وخرجاتها كضوي وهي نيت بيضاء مع التحميمة ولات حمراء . تجمعو بلليل كاملين مور العشاء فواحد اللبيت بوحدهم غير النساء والرجال خرجو وجلسو اسراء بواحد البيجامة قصيرة حد الركبة ملونة بلا كتاف وجالو النقاشة بدات تنقش ليها يديها ورجليها نقش خفيف على حسب داكشي اللي وراتها اسراء فالتيليفون
حيدات الجلابة بالنفاخة وهزات الملحف الابيض فيه ورد فالغوز والاصفر مشتت فيه ولواتو عليها منو للحمها ولاحتو على راسها زاد عطاها جمال كتر وهوا هابط عليها .
خرجات مع مريم لابسة جلابة وتلاقاو سفيان نازل حتى هوا فالاسانسور كيشوف فمريم ويضحك واسراء مراهياش فداك العالم كل مرة تلوح توب الملحف على كتفها ويزلق ، دورات عينيها بان ليها كيضحك مع نريم ويشوف فيها شوفات فشكل وهي طلع حاجبها
اسراء: سفيان عطيني واحد 200 درهم نمشي بيها للصالون
الزورهرة: تعطلتو الناس جاو و الصالة حتى للهنا بيهم غير هما كل واحد قداش الى تزاد غير واحد منهم نخرجو نجلسو فالزنقة
مريم: هههه جاو بزااف بيهم؟
الزوهرة: بابتسامة كدور راسها) هيييه غير سكتي راه معاهم شي ربعة دالبنات بالتكاشط و مهم مانقووولكش كي جايا ودايرا هاااه (قوسات صبعها) عاقدة دوك الحجبان هنا اما هوا هيييه خلاااااص عليا كيضحك ماقاداه فرحة ههههه
اسراء: يهجروه تفووو
الزوهرة: عنداااك ابنتي تحشمينا وتحشمي باك شوفي شنو داير عليك هوا وخوتك من الصباح ما جلسوش ...شتي حتا من سي محمد وامين خشيتهم فواحد الليت ماخرجو منو حتى ستفو الحوى كانلة فالبلاطويات عاد خرجو ... يالاه سربي لبسي باش تخرجي عندهم راه جابو الحلوى و مانقولش اشنو جاب بقيت غير كنشوف فداكشي وواحد الورد قدو قداش حمر
اسراء: والبسي شي قفطان ولا تكشيطة غتبقاي هاكا! (خرجات عينيها) مخااارجاش الى مالبسيتيش
الزوهرة: ايوا الله يرضي عليك هانتي شوفي باك كي فرحانة مشا كيجري شرى ليك السرتلة وصربها بجرية حاب الجلابة من المصبانة وغيطير بالفرحة وتقلبيها علينا
سحر: كلشي غيدوز مزيان انشاء الله ... ها انا واسية معاك حتى تجلس فبلاصتك ...يالاه زيدو
دارو بيها لابسين ومقادين وهي هازو التكشيطة من القدام ورجليها باينين كتجرجر فيها من اللور علجبها راسها وكتمشى وضحك وفكل مرة ضحك كيتهزو خدودها وتعض كرف لسانها والبراءة مشعة على وجها اللي شافها يقول دريويشة
قصة الدخيلة
محتوى القصة
✍ بقلم : ghazal trust
التنقل بين الأجزاء