شهر ونص فدار القحاب الجزء 32

من تأليف مجهول
2018

محتوى القصة

رواية شهر ونص فدار القـ*اب

جوقة تفرتكات لي مشا لسبيطار راه مشا لي مشى لمقبرة راه مشا، بقينا أنا وكلثوم ونعيمة كانشوفو فبعضيتنا و خا دار القوادة ماعمرنا دوزنا فيها نهار زين ولكن وجوهنا باينة فينا بلي متأسفين لداكشي لي واقع، الحاجة وخا كانت بنت القحبة ففعايلها هي ولدها ولكن لقينا فيهوم الخير دخلونا من الزنقة .. قالت لينا كلثوم: يالله نتحركو .. مشينا رييحنا فجردة .. قالت ليا كلثوم : موحماد و قيلة صافي هدو هما أخر اللحضات غاندوزهم مع بعصيتنا .. قلت ليها: علاش؟ .. قالت ليا: موحماد صافي خاصك تبعد من طريقي من نهار جيتي، جيتي بالنحس ديالك نتا السبب باش نخسر مع تورية نتا السبب باش نخسر البار لي كنت كانترزق فيه الله نتا السبب باش تخسر الحاجة مع تورية تا هي لكانت الانسانة الواحدة لي كاتعتقها فبحال هد المشاكيل .. ماتلوحيش عليا لوما وتقولي ليا أنا السبب فكولشي، بقا ليك غاتقولي ليا أنا السبب باش تكوني قحبة .. نعيمة هي غا شادا فراسها وكاتخمم ماكاتدويش .. كلثوم قالت ليا: هد لهضرة كلها مابقاتش نافعة بوااالو موحماد الحل لي كاين هي كل واحد إشد طريقو وإعوم بحرو .. ناضت كلثوم تمشي وهي تجرها نعيمة فيديها، نعيمة وخا درويشة وزوينة ولكن فمها خاسر ومقودة فرييها .. وقفات لكلثوم فوجهها، و قالت ليها: كيفاش كل واحد إشد طريقو؟ جاتك ساهلة، وزبي إلى تفارقت معاك لا نتي لا هد الكربوز أيهاي و الله لا تفرقت معاك تاترجعي ليا فلوسي، أنا سلفت الحاجة و نتي لي ضامنها والله و ماشديت رزقي تا نوصلك ليها .. كلثوم وحلات طلعت ليها فراسها وتا أنا طلعات ليا فراسي نعيمة كانت شاعلة ديال بصاح، ضربات هي و كلثوم و نا بقيت كالس كانشوف فيهوم ماقربتش ليهوم بعدت منهم وبقيت كانتفرج تا إلى جات سطافيط ولا وقعات شي كارثة نعلق نجم راسي، فكوهوم عباد الله ولكن كلثوم بنت القحبة خطيرة ملي تجمعات جوقة و قفات عليهوم سطافيط ديال القوة المساعدة دغيا دورات ليهوم السمطة .. قالت ليهم : هدي ختي، شكون فيكوم ليما كايتناقش مع خوه شكون فيكوم لي مكايوقعش ليه سوء تفاهم مع عائلتو .. الشاف ديال لمرود كان غايطلعهوم غا جا الله من جيهتهوم ومن جهتي .. بقا كايشوف فيهوم تا عيا و قال ليهوم: وإلى كاين شي مشكيل بيناتكوم أبنتي فكوه فداركوم ماشي فالزنقة، الزنقة راه ديال لمخزن ماشي ديال باكوم يالله قاودو من هنا .. حدرات كلثوم ونعيمة راسهوم وزادو وتبعتهوم .. قالت ليها كلثوم: عجباتك دابا هد الشوهة يالقحبة .. أنا دخلت بيناتهوم بخيط بيض، و قلت ليهوم : الحل ماشي هو هدا تبقاو مناكرين خاصنا نشوفو فين غانعطيو الراس .. كلثوم أنا كايبان ليا غانخوي سلا نقود لشي مدينة خرى إلى مكانش رزق فهد الارض غايكون فشي أرض خرى .. نعيمة نقزات، و قالت ليا : موحماد قسما بالله مغاتخطي خطوة واحدة إلى مشديتش رزقي، مليون أعباد الله شحال من حوية فيها شحال من مصان شحال من عصى ونتما كاتقولو ليا غاتفرتكو جقلة كل إشد طريقو .. كلثوم بقات ساكتة مابقاتش كاتدوي .. نعيمة أنا خاطيني من هد لخرى لي بيناتكوم أنا ماحضرت ليك عطيتي الحاجة و ماحضرتش ليك عطاتك أنا غاسمعت، لاش لصقة فيا تا أنا كاينة شي حاجة بيناتكوم فكوها .. شوف نتا أموحماد عندي ليك حل ترجع عند با مغايخصك معاه تا خير هو دايرك بحال واحد من خوتي وخا نتا ماراعيتيش لطعام لي شاركتي معاه و لا عرفتي خيرو ملي جاي تحوي فيا نصاصات دليل .. نعيمة كلنا كانغلطو وماشي بخاطري و الفكرة ديال نرجع عند باك غا حييديها من بالك، باك داكشي لي باغي فيا أنا مقادش عليه نمسح البربريزات لولاد القحاب ونبيع كلنيكس فالفيروج أنا ماشي ديال داكشي و هو ماشي ديالي، وزيادة على ذالك لعيشة عند باك فالبراكة ما عيشة ما تاقلوة مخنوقة الاكسجين مافيهاش بريحت شقوفة .. كلثوم نقزات تاني: وسكت أزبي سكت ديك البراكة لقيتيها را اليوما دين مك غاتبات فالزنقة .. كلثوم مي مييتة ماتعيريهاش ليا و بعيدة عليك .. سمح ليا و لكن تا نتا راك غا كاتخور بعض لمرات .. نعيمة غاتدوي: موحماد كلثوم لحل ماشي هو نبقاو نتناكررو، كلثوم عندي واحد الكليانة ديالي نقدر نلقا فيها شي خير إلى بقات نمرتها خدامة .. كلثوم قالت ليها: إنا وحدة فيهوم؟ .. قالت ليها : نعيمة ديك المشعككة ديال الاستاذة لي فالرباط عقلتي عليها .. أنا تخبلو ليا الضواصة فديك لحضة، كيفاش نعيمة قحبة وعندها كليانات؟ علاه أشمن حرفة كادير مزال هادي من غير التقحبين؟ ولكن مزربتش نسول حيت دنيا علمتني نبقى نسمع كثر من ماندوي، لي زتها فدماغي تقدر تنفعني واحد نهار. وصلنا لتيلبوتيك دخلات نعيمة لداك الصندوق وبقينا كانتسناو فيها أنا وكلثوم باشمن نتيجة غاتخرج .. خرجات نعيمة وقالت لينا: يالله نمشيو راه قالت ليا إلى فتو نص ساعة غاتلقاوني خرجت .. كلثوم سولات نعيمة: كيفاش هدي قابلة نمشيو عندها بتلاثة .. راه نعيمة هادي وجرك عالله، ويكمى نسيتي بلي كاتموت عليا و أنا لي كركبتها ماشي هي لي كركباتني، كن بقيت معاها مزال كن سيزيتها وراه بالفرحات عليها نرجع ليها .. أنا زدت ترونت، كيفاش كاتموت عليها؟ كيفاش هي لي كركبتها؟ كاتدوي بحال إلى كايدوي شي دري على صاحبتو! أش هد التقحبين؟. طلعنا لطوبيس و كلسات نعيمة حدا واحد الشارف وكلسنا أنا وكلثوم فجوج كراسة لور .. قلت ليها : كلثوم عندمن غاديين دابا؟ .. قالت ليا : بحالي بحالك ها حنا تابعين طريق هد القحبة تانشوفو فين غاتخرجنا .. ولكن قالت ليك أستاذة ما وستاذة و كاتموت عليها و كاتحبها، واش دابا هادي وستاذة ولا وستاذ؟ .. لا أستاذة هي أموحماد و تانوصلو عندها و غاتعرف كلشي .

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.