الضابط و زوجته المراهقة الجزء 19

دخلو البنات تبعوه وليلى بقات مع المنظمين كانو فواحد الفيلا كبيرة قدام البحر...نور ورميساء دخلوهم للصال ﻹين غيلبسوهم ويديرو ماكياج...جلسوهم و برساو ليهم الشعر ومن بعد بوكلاوه شوية خفيف ..ورشو عليهم سبراي الماكياج داروه تقيل ب2 سموكي اسود و عكر فالهوي غامق.. من بعد لبسوهم اول لبسة نور كان شورط قصير لاصق بسميطات رقاق بحال ليبة غير فخاضها باينين وقبية قصيرة وكاسكيط (الصورة) و رميساء لبسات شورط قصير وتيشورت و كويرة من فوق وعقدات على خصرها قاميجة... خرجو البنات بعد اللمسات الاخيرة ..
ليلى: واااو جاوكم هما هادوك..😍.
المصور: تقولي تصممو على قبلهم..
ليلى: وراه هما لي عطاوني الالهام هاد المرة..
المصور: معندي منقول هاد الكوليكسيون غتضرب الضربة هاد المرة وتفقصي ليا العديان..
ليلى: ههههه من فمك للباب السماء..
المصور: وياله احبيباتي تبعوني التصوير غيكون برا كولشي واجد...
تبعوه البنات وليلى القدام كتحتت معاه...
نور: واااع هادشي وااعر انا متحمسة.😍.
رميساء: تانا ولكن الخلعة الخلعة...هههه كنتفكر بلي لعبنا عليهم العشرة و قولبناهم كتشدني التبوريشة..وخاصة ماما تاهي يسحاب ليها وافقو..
نور: متخافيش اصلا الدراري منين غتجيهم مجلة الموضة
رميساء: عندك الحق هههه...
المصور: ياله البنات كل وحدة غتصور بوحدها.☺☺☺.
تفارقو البنات كل وحدة شدها مصور كانو فالبحر ولكن الفوق شوية فجنب الفيلا...كور جلسات فواحد البلاصة تما كان فيها الشجر والدنيا ماشي خضرة ..جلسات تما وخداو ليها بزاف الصور ولي قال ليها المصور كديرو ..حتا ولات هي كتبوزا وهو عاجباه خدمتها...ونفس الشي بالنسبة لرميساء خداو بزاف الصور ..بدلو اللبسة الاخرى رميساء لبسا قميجة هابطة حتا للفخاض فالرمادي وشابو ونور قبية قصيرة كتبين كرشها و مكتوبة بالبيض..كاسكيط كحلة ومن التحت فيها شكا الورد...جرجو تاني كيوصووهم ..رميساء جنب البحر كان الجو مشمس وفيه الضباب البيض كل شوية يدوز تحت الشمس يضرقها وكتغبر تا كدوز الضبابة ...ونور كانت كتصور حدا الفيلا ...بقاو شحال على التصاور والبوزات وكل شوية يعاودو يقادو ليهم..شوية الو ليهم يستاراحو شوية ..نور بعدات عليهم ورميساء وليلى الداخل فالفيلا كيستاراحو مع الطاقم..شعلات نور gارو حيت متوترة ومقلقة على قبل موضوعها مع زاين...خرج فهاد اللحظة المصور بانت ليه كتكمي و حادرة راسها كنتشوف فشي حاجة...هز الكاميرة وصورها وخدا شحال ودخل....
من بعد لبسوهم هاد المرة بحال بحال 2 ديال لي غوب نفس الستيل غير وحدة فالكحل والاخرى فالابيض..وخبطو لجنب البحر وخداو ليهم تصاور حتا نور ورميساء جاهم الحماق ودخلو للبحر كيضاربو بالماء ويتجاراو وليلى كتغوت عليهم..
ليلى: ويلي ويلي حماقيتو...ههههه هادوك الحمقات خرجو براكة...
المصور كيضحك ويصور عاجبو الحال والطاقم كيشوفو فيهم ويضحكو حتا منظر ليلى كتغوت ضحكهم...
سالاو ودخلو دوشو ورجعو حوايجهم وصلا 3 العشية ...جمعو شوية وعرفو بلي العدد غيخرج هاد اليوماين..
ركبو البنات مع ليلى سايقة بيهم...حتى اتاصل ياسر ورميساء بدات تفتف...

ياسر: فين تعطلتو 😤؟
رميساء: احنا جايين .😳.
ياسر: انا فالفيلا ديال العائلة ..جي معاهم لهنا...
رميساء: اوكي...
وصلو للفيلا هبطو ودخلو لقاو ياسر مجمع مع الدراري.
رميساء: السلام..
ياسر: تعطلتو ...
ليلى : راه الخدمة كانت ك..
رميساء: ء..ء.ءء اه عيينا ههه من هنا لهنا ..ياله مشينت اياسر..😳😳
ياسر: بلتاي نشوف نور بعدا.😒.
نور: سير فحالك اش باغي تشوف فيا..😤😤.
ياسر: ههه مال هادي هازا شوكتها😂😂😂😂..
رميساء: هههه شوف نتا..
نور: خليه داير فيها هبل تربح...😒😒
ياسر: غير كوني هانيا نتي باقي مغترجعي للفيلتك ..واتفرgعي تم...
نور خبطات رجليها و طلعات كتنفخ..
رميساء: هههه واللهتا حشومة عليك..
ياسر: خليهم باش يترباو ب2..
ليلى: هههه بقاو فيا مساكن والله..
سعد: ياسر عندو الحق جليهم يعرفو بحق بعضياتهم ..باش هي تنقص الزبايل وهو يحيد العصا..
بقاو مجمعين حتا تفركتات الجماعة وزاين غابر فالخدمة ملاهيين فديك القضية..نور بقا فيها الحال معيط مسول فيها بقات حاضيا غير الشرجم لا يكون قدام الفيلا..داز الوقت وصل الليل..بقات غير شاعلا tv تفرج..حتا جات عندها الخدامة باش تهبط تعشا ونور مبغاتش..حتا جابت ليها ليلى سوندويش وعصير...
ليلى : حبيبة مالك مهبطتي تعشاي..
نور: مفياش..😔😔
حطات ليلى البلاطو حداها..
عارفاك مقلقة وباغة ترجعي لدارك...غير صبري شوية مال بصلتك محروقة.😂😂..
نور: صافي صبرت والله اماما تاولفتو حدايا ...جالسة وشي حاجة ناقصاني...اصلا تاهو مقلق مكيعيط ميسول حتا الفيلا مكيمشيش ليها..مشوشا عليه اماما اصلا خاصني نراضيه ..ولكن يستاهل مسولش فيا اليوم..يخ توحشتو..
شافت نور بلي ليلى ساكتة ..هزات راسها لقات ليلى كتشوف فيها مفاهمة والو...
ليلى: حبيبة ياكما نتي فالبيريود ديالك 😕😕..
نور: لا باقي علاش كتسولي..
ليلى: حيت احبيبة شتك غير كدخلي وتخرجي فالهضرة.😂😂.
نور: واهضري مع ياسر ..قوليه يخليني نرجع..
ليلى: شششش خاص زاين لي يرجعك ماشي نتي لي ترجعي ..تلقايه تاهو مغرق راسو فالخدمة شوية تلقايه واقف علينا عارفا صبرو قليل تاهو...مهم كولي ونعسي رتاحي راك عييتي اليوم..انا غادة..
نور: واخا اماما تصبحي على خير😔😔...
طفات نور الضو وتخشات تحت الغطا..بقات كتفرج حتا داها النعاس...بعد شي 2 ساعات ...نور بقات كتgلب حتا شمات شي ريحة كتعرفها وشي ايدين حنان كيدوزو حنيكاتها..حتا حلات عينيها مفزوعة...

 بقات نور كتقلب...دخل عندها زاين للبيت كيتسلت دخل بالتخبية على الدار..بانت ليه تلفازة شاعلة مفاها جلس قدام نور فالسرير بعد شعرها على وجها كانت ناعسة ببيجامتها شورط وتريكو عاديين بحال ديما كانت مطلعة رجل تانياها والرجل التحتانيا مسرحاها ومعنقا مخدة...زاين ابتاسم من طريقة نعسها الطفولية تفكر الضرب لي ضربها عراها من الغطا وطلع الشورط مكاتش مطراسية هاد المرة..غطاها..هز ايدها بانت ليه الفاصمة وباس ايدها شحال من مرة..ناض قاد ليها الغطا غطاها كاملة ولاح شعرها لور فوق المخدة حيت كيسهها..وباس فمها بوسة طوييلة ..ناض تم خارج وهي تنطق كتحلم ..
زاااين...هدا من البسالة...وتقلبات لجيهة الاخرى..
زاين وقف كيشوف فيها وكيضحك: لهلا ينزل علينا شي باطل تا احلامها كنتعابزو فيهم...ههه نتي لي قلبتي عليا...
دخل وسد الباب مشا تخشا حداها جرها لعندو..وقابلها معاه شادها من خصرها وبدا يدوز ايدو على حناكها ..
نور عاد حسات بيه بدات حرك فاقت بلا متحل عينيها شمات ريحتو وحسات بشي حد معنقها وهي تقفز ياله غتغوت وشد ليها فمها..
زاين: سكتي غير انا...
نور طلق فمها فاش عرفاتو هو: زاين...طيرتيها مني خلعة..اش كدير هنا..
زاين: بغيت غير نطل نشوفك ..
نور تخشات فيه عنقاتو: توحشتك..مالك مسولتي ماعيطتي ...ولا قول تهنيي مني ياك...
زاين عنقها : عندك الصح تهنيت من صداعك وقباحتك..
نور ناضت: ياك وكتقولها ليا فوجهي..
زاين: رجعي لبلاصتك من الصداع..
نور: واش نتا مقلق مني..
زاين خنزر فيها وسكت ...
نور كتحرك فيه: سمح ليا والله ما عرفت اش وقع ليا استافزوني ولاد الكلاب ..نسيت راسي والله ..سمح ليا عافاك..
زاين: استافزوك ؟ تي قولي كنتي على سبة ...
نور: مابقيتش غنعاود سمح ليا *طلعت فوقو جالسة عليه* عاافاك سمح لمراتك ياك انا حبيبتك ...
زاين كيشوف فيها بنص عين..
نور كتحرك وتجر ايدو : وا عااافاااك..
زاين بنظرة شريرة: الى بغيتي نسمح لك ...اجي نضرب لك شي واحد...
نور: اويلي لا منقدرش..
زاين مد ايدو تحتها وقلبو...
زاين: مادايراش اولويز...علاش متقدريش..
نور: ماجايباش البيلول...
زاين: فرعتي ليا راسي بهاد البيلول...بلاتي نشوف سعد الى عندو شي واقي..
نور: اويييلي استغفر الله ...باغي تشوهني وزايدون هو براسو مأيد قضية منتشاوفوش..والله تا يضرب بينا الطر...
زاين واشنو دابا نبقا هكا بلاش ...
نور: نتلاقاو غدا فشي اوطيل..
زاين: فاخر يامي وليت ناخد حقي من مرتي بالتخبية..البهلان هادا..غدا غترجعي لدارك...
نور: هضر مع خويا غير رطبو شوية ..بلا متحداو بعضيلتكم راه غير غتخاصمو وصافي..
زاين: يكون خير..ايوا اش درتي اليوم..
نور: ها ؟ والو غير خرجنا مع ماما شوية ورجعنا للفيلا.زاين: لقيتي السيبة دابا ياك؟ البارح فين كنتي حتا تلاقيتي لؤي...
نور متكية فوقو وشادا صدايف القميجة كتلعب بيهم وهو ايد على اسفل ظهرها وايد كتلعب بشعرها ...
نور: والو غير مشيت لا فاك ملقيت لا رميساء لا جينيونغ ومرشقاتش ليا ندخل بقيت كتمشا ودخل لواحد الكافي نفطر حتا تلاقيت لؤي بقينا تما على الحتة وفالاخير وصلني هادشي لي وقع..
زاين: ممم وعودي هلميني فين كتمشي ومعامن كتكوني منبغيش نعرفها بوحدي اطونسيو..
نور: ناري ديما هضرتك فيها نبرة التهديد...رخف شوية اصاحبي..
زاين: على بسلامتك كيقضي فيك شي تهديد..راه اخر مرة كنتي غتسكتي لديلمي القلب...وداك شي لي هرستي وgيتار ديالك لي خبطتيه خلعتيني علك الموصيبة وكملتيها فاش سخفتي...علاش مقلتيش ليا عندك فوبيا واش مزيان دابا داكشي لي وقع ...مراتي وماعارفش عليها شحال من حاجة..
نور: والله غير ماجابتهاش الوقت ...
زاين: نتي غنشدك شي نهار ونحطك قدامي غتعاودي ليا حياتك من طقطق تال السلام عليكم...
نور: وراك عارف كولشي ...
زاين: غتعاودي ليا بفمك نتي المعاودة ديالك مغتكونش بحال ديال خوك...وبطي دابا من فوقي راك وقفتيه..
نور هبطت : ههههه الله يستر غير كنقيسك كتشعل..
زاين: نعسي وسكتي...راه نتي لي كتجبديه...
نور: هههه.... تخشات فيه ونساو ريوسهم حتا نعسو معنقين...
الغد ليه فالصباح بقااو ناعسين هي مليوحة على سدرو وهو شادها من اسفل ظهرها..حتا تحل الباب عليهم وهما ناعسين مجايبين خبار...

 كانو محشيين فبعضياتهم عايشين اللحظة ..حتا دخلات عليهم ليلى غير حدها شافت الحلوف تما وهي تسد الباب دغيا...قربات ليهم رسمات البسمة فوجها..حتا وهما ناعسين كايبانو كيبغيو بعضياتهم...هزات تيلي وصوراتهم ب2 هكاك وهي مبتاسمة فرحانة حيت مرتاحين مع بعضياتهم جمعات تيلي ديالها فجيبها وهي تجمع الضحكو ودارت تفوبيشا وهزات بانطوفتها وهي تنزل على زاين للفخض حتا قفز كيحك فيهت ونور قفزات معاه...
زاين: اححح الوالدة مالنا اش كاين...
ليلى : اش كدير هنا يالحلوف هضرنا ولا مهضرناش جاي تابع ليا الدرية تال هنا...وكون دخل باك اش غدير..
نور: وا ماما راه غير جا يشوفني وداتو نعسة..
ليلى: نتي لمك غير سكتي ..هادي هي وصيتي الله يعطيك الويل.
زاين: واش منشوفش مرتي اعباد الله ..عرفتي شنو نوضي تهزي نتي دارك يالله...ولي كيتسالني شي حاجة يجي عندي...
ليلى: ء..ء. زاين اولدي من بعد وتمشي معاك باقي الحال..
زاين: هههه كيفاش باقي الحال عاوتاني..
ليلى: زعما متمشيش معاك دابا خلي حتا يرطاب باك و ياسر وينساو الموضوع..
زاين: ينساو ولا يضبرو راسهم..نور غتمشي معايا ..
نور: هههه مال راسك قاسح صافي زيد صبر شوية..
زاين: هادي غير لي فرعا ليا راسي البارح *كيعيبها وكيعوج وجهو وصوتو * زاين توحشتك..
نور: انا درت هكاك ...مقلتهاش الكداب..
زاين: وجهك قاسح الالا...عنداك نديرها قد فمك ونخلي والديك هنا ..و خلي بلاصتك فالفيلا تنوض فيها الخبيزة..
نور: ماما هضري معاه ...
ليلى: ههههه الله يعطيكم عقل ب2 ...نوض نتا خرج باراك من البسالة واخر مرة نلقاك هنا..
زاين: هاهو ...الله يرزقي الصبر معاكم..
نور: باي مون شي غي سيو لايتر...
زاين: هههه لاحول ولا قوة الا بالله...
خرج زاين من الباب لور رجع للفيلتو دوش وبدل ومشا نيشان للخدمة ...وخا الاحد ولكن ديك القضية حلف تا يحلها...
نور ناضت و هبطات لتحت مشادة هي وسيف كيف العادة وخلات معمن تناgرت..
سيف جالسين كيفطرو مجموعين ونور جلسات قدامو : شكون لي بقات بلا راجل ..شكون لي كتبات تخنن على راجلها حيت منعسش معاها...
نور: هااا..كتمعني عليا ؟
سي: شكون لي جالسة هنا بلا راجل...
نور: بزااااف عليك انا ..عندي راجلي ...
سيف: وفين هو مابانش هادي يوماين...
نور: ايوا الله يجيب على خير البا...
طارت عليها ليلى سدات ليها فمها...
رانيا: اش داكشي ...شي قضية تما ..لاش اماما سديتي لها فمها..
ليلى: الى مسديتوش غتزبلها و سديه حتا نتي..
سعد: دخلونا معاكم اش كتوشوشو..
نور: ونتا مالك حتا نتا...
سعد شوف البرهوشة...زاين لي كيعرف لك مكاينش دابا درتي لينا الطيارة..
سيف: توحشات العصا ..دابا حيت شي 3 ايام مكلاتها ..لحمها دابا ياكلها ..
نور: ضحى ..رانيا شدو عليا رجالكم اولا غنوض نفرجكم فشي فيلم ديال اكشن..
علي حادر راسو شاد الجورنال كيقرا وداير نضاضر الشوف و طل على نور من فوق النضاضر : الواحد مبقا يفطر على خاطرو تا قلت تهيت من صداعك..رجعتي تنقي فوق راسي تاني ...
نور: ها نتا قلتيها اعمي..وصافي واللهما نبقاو نضاربو هضر مع ياسر وخليني نرجع للفيلا..
علي: هههه مقاداش تصبري مازال..
سيف كيضحك و يغمزها...وألكل فهمو وبداو يضحكو و هي كتحلف عليه وكتغدد..
علي: صافي واخا غنهضر ولكن..
نور: واللهتا نحيد الزبايل ...باش منعصبوش ويضربني صافي واللهتا فهمت..
علي: هههههه ايوا اش غنقول الله يعطيكم عقل...
عند رميساء..كتفيق فيه..
رميساء: ياسر...ياسر ...واااا ياسر...
ياسر: ممممم
رميساء: وا نوض واش 11 هادي باقي ناعس..
ياسر: اش بغيتيني..الاحد هادا السيمانة كاملا كنفيق مع 6 باغا تحرميها عليا..
رميساء: ونووض ...
طلعات فوقو نعسات عليه وهو ناعس على كرشو..ولاحت شعرها عليه...
رميساء فودنيه: ونوض نديرو شي حاجة..
ياسر هز راسو كيفرنس وعينيه مقلوبين بالنعاس..

 ياسر: نديرو شي حاجة ؟
رميساء: ههههه عقك مسخ..انا قصدت نديرو شي حاجة زعما نخرجو ولا نلعبو ولا شي حاجة هكا..
ياسر: سيري بعدي مني مفياش..
رميساء: وعنداك تجي عندي بالليل..
ياسر شاد فيها : ماجايش غير عنداك تجي نتي...
رميساء: ناضت زاعفا :واخا احنا غنشوفو ..
خرجات مع الباب..وهبطلت للكوزينة حلا التلاجة خدات ديك الكريم لي كتكون لي علا شكل سبراي وخدات دي كيك كانت عطاتهم ليها ليلى..وبدات ترش فوقهم الكريم وتاكل..
فاش خرجات رميساء هز ياسر وجهو لقاها خرجات ديال بالصح و هو ينوض كيضحك باش يشد فيها..
غسل وجهو ولبس سليب سماطي ..فوقو حيت كان عريان وهبط عندها لقاه كتخشي فوجها وكتنgر وتغبن.
هو ضحك وجلس حداها...
ياسر: مال ألزين مكشر..
رميساء: سير تخرا بعد مني..
ياسر: ههههه نمشي نخرا ؟
هز الكريما رشها فطبسيل ديال البلاستيك كانت فيه الكيك..هي كتشوف فيه مفهمت والو ..حتا شدها من قرفادتها ولطخو ليها على وجها...
رميساء حلات فمها : ياااااسر حرام عليك ياله دوشت...
ياسر: هههه باش تعلمي تقولي ليا سير تخرا..
تغددات رميساء ورشاتها عليه فوجهو حتا عمراتو وبدات تضحك حيت غفلاتو وجمع الضحكة..
وهو يعمر ايدو وبدا يحكو على وجها بحال الى كديير ليها الصابون..
ياسر: هههههه ياله ..
رميساء : دخلو ليها لنيفها وبدات تنفر وتغبن وتبكي ليه.
وهو رجع راسو لور كيضحك..حتا شبع فيها ضحك وهو يجرها جلسها فوق رجليه مقابلها معاه وعنقها وهي كتغبن ليه..
ياسر: ياله صافي صافي هههههه
رميساء: بعد مني ..شوف كيف درتي لحالتي..
ياسر معنقها كيضحك ومص ليها الكريم لي حدا فمها..
ياسر: مممم عمري عرفت لاكريم بنينة حتا دقتها فوقك..اش بانالك ديري بها شي لعيبا بحال الكلاص ..
رميساء: الا بقا تحلم..
ياسر: هههه وينو حبيبة مقلقة عليا ..ياله لبسي نخرجو ناكلو برا ...
رميساء: يوا ديرها من الصباح مالك مشحفني..
ياسر: نوضي تهزي تانتي ولا فيك الصداع بحال المصيبة لاخرى...
ناضت رميساء وياسر جاه اتصال من عند علي..
ياسر: الو عمي ..ياكما نور طرات ليها شي حاجة..
علي: نور راه مشعلا فينا العافية هنايا باغا ترجع لراجلها..
ياسر: هههههه مسخوطة هاديك..
علي: بان ليا راه تعلمو خليهم يرجعو لبعضهم..اولدي الله يرضي عليك..
ياسر: ايوا اعمي اش غنقول لك نتا تعرف ...ولكن اخر مرة نسمح ليه..
علي: الى ضربها هاد المرة انا لي غنتفاهم معاه غير خرج سوقهم نتا ولا عليك..
ياسر: واخا اعمي..
علي: والله يعاون..
قطع ياسر وطلع عند رميساء بجرية لقاها فالجاكوزي ..ودجل كيقلع حوايجو..
ياسر: عريانة عريانة اجي نتعابزو شوية ..
رميساء: خرج خرج ناري اش جا فكني منو ياربي..انا لي مسديتش الباب خاصني شي العصا..
ياسر تم جاي كيضحك طلع رجل باش يتخشا حداها جا فالمستوى ديال رميساء جا داكشي مدلي قدامها وهي تغوت وسدات عينيها..
ياسر تخشا وراها: ههههه باقي كتخافي من بوعو ..
رميساء: مسفح قدامي هكاك مكتحشمش...
ياسردورها ندو وجلسها عليه قدامو..
ياسر: ممسفحش غير هكاك ...والى تسفحت اع اش واقع فالدنيا..مزيان ملي قلتيها ليا غنبقا ديما ندور حزطوطي قدامك باش تولفي..
رميساء: ههههههههههههههههه حزطوطي شنو هاد الكلمة عاوتاني..
ياسر: هههه حزطوطي هي مسفح كيف قلتي نتي..وكاين لي كيقل محزطط..
رميساء: ههههههه صافي سكت ...اي..اويلي كيدرتي ليها *دخل بوعو *
ياسر نتي هكا قدامي و ديك الضحكة من الفوق ومنديرهاش ..اش كتسحابيني..
رميساء كتعصر وكتهضر : اوووه فااك ...غتجيب ليا تمام نتا..
ياسر: هههه راه نتي احبيبة لي جبتيه ليا...اوووف ..
رميساء: ياااسر ...حبيبة بشوية عليا ..اي متشدش تما..
ياسر: ههه تي سكتي خليني نركز ...حسي بيها وسكتي لا متسكتيش غير تأوهي...
رميساء عنقاتو اكتر قربات سدرها لوجهو وهي نيشان عند راسو جيهة ودنو كيسمع نفسها وتاوهاتها..بقاو هكاك تا سلاو...ناضت رميساء للرشاشة دوشات بالخف وهربات ليه حيت عمرو قنع بماتش واحد..
خرجات لبسات حوايجها ونشفات شعرها وياسر تبعها تاهو لبس وهبطو ب2 وصل وقت الغداء مشاو لمطعم ديال صاحبو حمزة لي كانت خدامة عندو نور..
ودخلو لقاو الروينة نايضة ....

 ياسر: حمزة اش واقع ؟
حمزة: جابك الله اصاحبي ...
ياسر: ياك لاباس..
حمزة: البارح هرسو الجاجة ودخلو الشفارة للمكتب هزو الكفر فور كامل داوه ..وشي ديكورات وشحال من حاجة..
رميساء: او شحال داو فالكوفر...
حمزة: يمكن شي 20 مليون..
ياسر: او كيدارو ليها ..ياك نتا داير لي سيستام دو سيكيريتي (مفيا لي يقلب الكلافيي دونت جادج مي ههه انا معغازة)
حمزة : اه ولكن معرفتش كيفاش وقع هادشي..
ياسر: غيكون هادشي مخطط ليه وهادو لي سرقو عارفين فين يمشيو نيشان يعني هادشي واقع غير من الداخل..
حمزة: هادشي لي بان ليا تأنا ...غنمشي نديكلاري دابا.
ياسر: ياله معيا نمشيو عند زاين ..اليوم ولا غدا يجيبهم لك..
حمزة: واخا..
ياسر: رميساء ياله غنحطك فالفيلا توانسي مع نور حتا نرجعوكم ب2..
رميساء: غير سيرو قشيو شغالكم غنمشي انا فتاكسي.
ياسر: غير ياله..
رميساء: وصافي مالي درية صغيرة سيرو قضيو غراضكم ...الله يعونك اخويا حمزة..
حمزة: امين..
مشات مع ياسر شد ليها طاكسي سلم عليها وركبت ومشات للفيلا..اما ياسر ركب مع حمزة فاللوطو ديالو ومشاو عند زاين للكوميسارية..مشاو نيشان للمكتب دق البوليسي لي فالباب على زايم ودخل..
.....: شاف شي حد سميتو ياسر العمرتني بغا يشوفك زاين وقف : ياسر ؟ اش كتسنا دخلو..
دخل هو و حمزة وزاين غير كيشوف..
زاين: اش واقع ياكما نور اولا رميساء..
ياسر: لا البنات راهم فالفيلا معندهم والو...غير كاين واحد المشكيل بغيتك توقف مع حمزة..
زتين: دخلو جلسو بعدا..
جلسو قدامو..
زاين: ياك لاباس فاش ممكن نعاونك..
ياسر: ياك عقلتي عليه هدا حمزة صاحبي مول الريسطو لي كانت خدامة فيه نور..
زاين: عقلت عليه الله اودي...
حمزة: جيت ندير شكاية...البارح تعرض المحل عندي للسرقة ..
زاين: اش مشالك..
حمزة: 20 مليون و....قال ليه كولشي..
زاين: خدينا الافادة ديالك ..دابا خاصنا نمشيو نديرو معينة ونشوفو الى كانو شي دلائل ..
حمزة : ياله....ركبو مشاو ومشات معاهم دورية ودارو معينة لريسطو كاملة وخداو البصمات واخا كانو قلال ..مهم دارو خدمتهم...
زاين: فاقرب وقت غيرجعو فلوسك ..
حمزة: شكرا اخويا منساش خيرك..
زاين: هانيا هادي خدمتي..
مشاو الدورية وبقاو شحال شادين الحتة مع حمزة حتا ناضو ركبو فلوطو ديال ياسر حيت زاين مجابش ديالو
وهما سايقين وقفو فواحد السطوب وياسر كان مطلع سقف ديال لوطو زاين كان داير نظاظر على الشمش وداير دراعو على الباب طالقين الراب..حتا هز ياسر راسو الفوق باش يشوف الضو الاخضر حتا كتبان ليه افيش فهادوك لي كيكونو فالطريق فوق الشانطيات ..وكتبان ليه تصاور البنات ديال المجلة كيدوزو وحدة بوحدة وحتا لي كانت نور كتكمي فيها..وكانت لا فيش فيها حتا تصويرة ليلى ..هاد لا فيش اشهار لديفيلي لي غيدوز السيمانة الجاية...
ياسر بقا حال فمو كيشوف..وجات الضو الخضر وزاين شاف فيه..
زاين: اسبحان الله فين حال مك ..راه مبلوكي الطريق..اويلي هادا مالو..
هز زاين راسو يشوف فين حال فمو حتا تبلوكا تاهو وبدا يهبط نضاضر بالشوية مصدوم تاهو ..وحال فمو..كتبان ليه غير نور وداك اللبس والgارو من الفووق..
حتا غوتو ب2 فدقة وحدة ..
زاين: نوووور الهددددىىى العمراااااني..
ياسر: رميسااااااااء العمرااااااني..حتا تهزت الكرة الارضية و تسمع صوتهم حتال الفضاء(هههههه تخيلو تخيلو اطلقو العنان لمخيلتكم)
فهاد اللحظة كانو البنات جالسين فالجريدة ..مع ضحى ورانيا وليلى..حتا بورشو ب2 ..
نور: ياربي تحضر السلامة..

عفطو عفطة وحدة كيتحلفو...
زاين: والله يماهم تاعيقو وصلات بيهم الدرجة يتعلقو تصاورهم وسط الطريق لي سوا ولي مايسوا يشوف فيهم ...
ياسر: والله بوهم حتا لي غسلخ ماشي نتا مزيان هادشي لي بقا ...البرهوشات لاو طالعين لينا وق الراس..اويلي ونور رجعات لgارو الكلبة...متقولش ليا معقتيش بيها حتا نتا..
زاين: حصلتها شحال من مرة قبل منتزوجو..ولكن دابا لا ...والله اليوم تانسرطو لوالديها...عفط طلق اصاحبي.
ياسر جبد عليها موقف حتال لوسط الفيلا..خرجو كيف 2 كلاب مسعورين مابانو ليهم غير نور ورميساء جالسين مححيين بالضحك مع البنات ..تابانو ليهم الدراري جايين كيجريو فاتجاههم وجمعو الضحكة
نور كتوشوش: اويلي هادو مالهم..
رميساء: نوضي نعلقو محد روحنا باقا فينا..
ناضو البنات قافزين هربو ليهم حيت عرفو جايين على شي حاجة (مول الفز كيقفز)
ياسر: اجي ليماك نتي وياها لهنا...
زاين: مهضرش طلق رجليه فديك الجردة تابع نور وهي كتخوا ليه من هنا لهيه...خفيفة كطير كيف الزواق ورميساء خلاص هما سخفو والبنات باقين كيجريو ويغوتو ماما ماما عتقي..
وليلى كتغوت على الدراري: وتوما فرقوهم عليكم ..شوف الصgعات غيسكنت ليهم القلب...
خرج فهاد اللحظة علي وسعد...
علي: امالنا اش كاين..
تاجهو البنات لعندو تخباو ورا ظهرو..
نور كتنهج: عمي عتق من قبايلا هما تابعينا وكيتحلفو..
رميساء: والله ابابا مدرنا ليهم شي حاجة كنا كنتسناوهم حتا تمو جايين كيدردكو ويهددو فينا..
ياسر: باز لهادوك الكمامر عندكم غير ديال التمرميق
زاين: وجهكم ولا قفاكمهاداك اه مدرتو والو ورا ظهرنا؟
علي : اش درتو تاني العفريتات..
نور ورميساء شافو فبعضياتهم بنصف عين..
نور: م..در نا واااااالو..
زاين: غتهضري ولا واللهتا نجبد السمطة وشوفي خوك واش يفكك تاني..
ياسر: شكون قالك غنفكها..على داك gارو خاصها الدبيحة من ودن لودن..
نور غير سمعات الgارو وهي تهز راسها كتفكر امتا اخر مرة كمات وفين ...تفكرات البارح فجلسة التصوير ..وهنا وهي تصفار عرفت بلي عرفو الموضوع ...شافت فرميساء كتغمز فيها وهي كدير ليها شنو مفهمتش..
عصباتها وهي تنغزها وقربات عندها وقالت ليها راه غيكونو عرفو قضية المجلة..
نور بغات تفك: اشمن gارو اش هاد الباطل..
ياسر: الباطل ؟ خالني عافاك داك الديفيلي خرجات لا فيش ديالو ..
ليلى: قالو اليوم اولا غدا..
زاين: خرجوه ..واش البنات كانو المودلز..
ليلى: اه يا تشاورو مع....
ضارت شافت فيهم..
ليلى: مقلتوهاش ليهم ابنات الحراام..
نور: لا قلناها..
زاين: لمك علاش كتكدبي ..بغيتك غير تجي حدايا..
رميساء : اه قالتها وانا شاهدة..
ياسرتم جاي ليها وشدو سعد.
ياسر: لمك نتي غير سكتي..
علي: البنات هادشي مكيدارش ضروري تاخدو الادن من رجالكم الى موافقوش خاصكم تحتارمهم وتسمعو كلامهم...
نور: قلناها ليهم ووافقو وعندي الدليل..
زاين: تي اشمن دليل..
جبدات نور تيلي وألكل يشوف فيها حتا جبدات التسجيل حتا فاش قالت ليه موافقين حتا على الخدمة مع ماما وقالو اه ..
الدراري بقاو غير كيشوفو والبنات دارو ضحكة النصر ..
ياسر: او ايمتا هادشي متكونوش دايرين شي تخربيقة تما حت انا راه مستحيل نوافق على هادشي..
زاين: ولا تانا..كيفاش درتو ليها..
رميساء: قلناها ليكم ووافقتو معدكم علاش تعاقبونا دابا..
ياسر دار ليها بايدو : والله تانقج مك غير حتا طيحي بين ايدي..
علي: صافي راك سمعتي قالوها ليكم نتوما لي حالين فامكم معارفينش علاياش كتوافقو..
ياسر وزاين تحدو ليهم قدام هاد الشيطانات بقاو غير كيشوفو..
اما ضحى ورانيا خاريين بالضحك اللور..
ياسر: زيدو قدامي..
نور: فيين ؟
زاين: (لترمة الفيل هههه باغدون هههه) لديوركم ولا ولفتي السيبة..
نور ورميساء شدو فعلي..داروه بيناتهم كيوشوشو كيشيطانات فودنيه...
رميساء: بابا متخليهمش يديونا واللهتا يقتلونا ويدفنونا ومتجيبو خبار..
نور: عمي العااار جري عليهم ..زاين مافيهاش غيهرسني هاد المرة..
علي: صافي صافي سكتوني..
علي: سيرو ادراري خليوهم هنا ..حتال غدا منين تبردو هرو بلا صداع..
ياسر: ياله غيتفرgع عليهم ...وهو يجرو زاين غمزو..
زاين: بغيتو تبقاو فدار باكم..واخا بقاو قدما بغيتو تاحنا مجايينش ليكم ونشفو شكون غيقلب على لاخر..
نور: مالي حمقة نقلب على خلا عشتي..بسلامة مترجعوش..
تغرقت الجماعة وغاديين كيضحكو عليهم زاين وياسر خرجو فاللوطو باش جاو ورميساء ونور بقاو كينقزو حين تسلو منها بحال الشعرة من العجينة جاب الله عرفو فاش كانو ففيلا عند باهم ولا كانو غيشرشموهم بقاو معنقين كيضحكو وينقزو تفكو منهم ..ولكن ماعارفينش الدراري علاش ناويين ....

 ياسر: كون غير جرينا والديهم من الشعر..ضسرو بلا قياس...وصدمة الكبيرة هي البرهوشة ديال ختي بنت الحرام شحال هادي وانا فدار غفلون كتكمي من ورايا ...وبحال والو تكون الحمارة لخرى كتكمي معاها.😤😤.
زاين: لا غير نور...تانا تحلفت عليها منين حصلته ما مرة ماجوج...ولكن كيف كتشوف لا انا لا نتا gرينا فيها.😒😒😒.
ياسر: صافي لعبو معانا تاحنا غنلعبو👿..
زاين: عندك شي افكار..
ياسر: معرفتش ...شي حاجة لي تفقصهم وطرطق ليهم المرارة كيف كيديرو لينا..😤
زاين: مممم ضربونا لجهة الغيرة تا حنا نوريوهم نار الغيرة كيف دايرا..😈
ياسر: هههه كتقلب على نور دير لينا شي فضيحة..
زاين: ههههه هما لي قلبو علينا جا وقتنا نجننوهم تا حنا...مهم وصلني للكوميسارية نكمل خدمتي..
ياسر: هههه واخا ..وصلو ياسر للكوميسارية وهو ضرب الدورة ورجع للفيلتو..
والبنات بقاو فالفيلا شوية يتحتو شوية يتفرجو شوية يشطحو مهم حاسين بالانتصار ..دارو انجاز اول مرة يفلتو بدون عقاب ..بقاو هكاك ..حتا تعشاو وميمكنش ياكلو فجو السكات مخارgين مع مول العقل سيف ..
سيف: هههه لحقتي عليها حتا نتي ..واهنا بوكم بقيتو ..
نور: كون هاني مغنبقاوش هنا..غدا يبانو لك جايين يرغبو فينا باش نرجعو..
رميساء: اه اش كيسحاب لك ميقدروش يعيشو بلا بينا..😏😏
سيف: حلفو بالله *كيطنز*..اش بان ليكم نتخاطرو..الى ماجاوش ليكم غدا غديرو داكشي لي نقول ليكم وحتا نتوما..😏.
نور: اوكاي ...مشات..شنو حكامك.😏.
سيف: ايوا غتلبسو تكاشط الوالدة القدااام..
ليل: مال تكاشطي القدام كيف جاوك...
سيف: هههه مضيموضين و عارف هادو معندهم مع البلدي وداكشي ديال الاصالة والتقليدي..
رميساء: ياء صافي غير هادشي😂😂..
سيف:ههه باقي مكملت ...غتلبسوهم وغديرو ماكياج من داكشي انا لي غنديرو ليكم...وغنديوكم لعين الدياب تشطحو الشعبيي فلا كورنيش...
نور: اوييييلي هادشي كولو والشعبي من الفوق سافابا😨؟
رميساء: وخا نبقا انا وياك منغني لك داكشي😤 ..
سيف : ايوا هادا هو الحكام ديالي..
نور: واخا ايوا حكامنا حنا غدي تلبس حوايج رميساء ..
سيف: صغار عليا.😰.
رميساء: ماشي شغلنا تكمش فيهم..😂
نور: وغادي ندير لك ماكياج والبيروك وغادي تمشا كتعوج و تندغ المسكة ..و هادشي فانفا بلايس..
سيف: هههه لا بزاف او.😂.
ضحى: هاد الفورما كاملا تلبس منيا ويخرج يتعوج ..شوفو شي حاجة اخرى اويلي.😰😰😰.
نور: شو الاخرى ههههه
رميساء: ههههه دخلي سوق راسك نتي..بيناتنا ولا ندخلك حتا نتي معاه..
ضحى: ها هي ساكتة .😶😶.
سيف: صافي مشات...
علي: والله ياولديكم ومتgلسو عاقلين ...باغين تفضحوني..اويلي اعباد الله فولادي كاملين غير واحد لي بعقلو..
سعد : ايوا شفتي الواليد ..
سيف: مالك الواليد راه تاا بعقلي..
علي: لا ظاهر وباين علك..كنت كقول غيتزوج ويدير عقلو ساعة عاد ما زدتي تفروحتي...
رميساء: ههههه عندك الصح ابابا داير فينا عقلو..
علي: كتقولي فيها نتي براسك لانتي لاديك لي كتبيض فعينيها حداك..
نور: اويلي اعمي اش درنا لك..
علي: تا قلت غنتهنا منها ترجع لدارها حتا جبتي صحيبتك حداك تفرعو ليا راسي..😒😒😒
ليلى: لاواه بعد ليا من بناتي اصلا توحشتهم ..الفيلا كتموت فاش مكيكونوش...
رميساء: وا قوليها ليهم اماما...
بقاو العائلة كيتحتو ...سالاو..وكلها مشا لبيتو نور ورميساء تخشاو فناموسيا كتماخشو ويضحكو توحشو ينعسو مع بعضياتهم..
رميساء: الله على راحة اليوم مهنيا من راس طارو ديال خوك..افف غنعس مرتاحة ..
نور: هههه شتي الراحة ياسلام...ميسحابليش غنفلتو منها هكا ههه.😂😂.
رميساء: هههه واييه ...تلقايهم مغددين علينا دابا..غدا يتمو جايين كيجريو على الصباح ..
نور: خلينا نتعفرو عليهم منرجعوش معاهم باش نفقصوهم شوية..
رميساء: هههه اه اه ..عندك الصح..

ارت206: اصبح الصباح ..فاقو البنات وهبطو للتحت يفطرو..عجزو يمشيو لافاك...بقاو فالفيلا واصلا بغاو يشوفو الدراري فاش يجيو عندهم ...
اما الدراري زاين كيف العادة بقا فالكوميسارية ملاهي مع قضية حمزة ..وياسر مشا لخدمتو وتافقو ميعيطو ميسيفطو ميساج للبنات..
بقاو البنات فالجردة والفيلا خاويا كولشي خدام..
نور: اففف اش هاد الصهد..😤😤.
رميساء: واييه وياله الاخر ديال شهر 2 ..هاد الجو فهاد البلاد مبوق..
نور: مهم ماعرت معاش غيجيو عندنا دوك 2 😏..
رميساء: تال العشية دابا خدامين..
بقاو البنات تما معدهم ميدار هضرو مع جيداء فالتيليفون تاهي شافت لافيش وعجبوها..
شوية عيط ليهم جينيونغ شد فيهم وعلمهم باش يوليو يتلاقاو باش يدربو...وعيط حتا لؤي شاف لافيش تاهو واقتارح عليها يقدمهم لصحابو حيت بانو برو فالتصاور..وهما قالو لا خافو على ريوسهم..وهو قال ليهم يفكرو فالموضوع ...
سالاو من ازعاج الاخرين ..قنطو بغاو غير امتا تجي العشية...
جاو العائلة تجمعو على الغداء ...سيف بقا يخلع فيهم ويلعب على اعصابهم...سلاو الغداء و رجعو كل ها لشغلو..ولي معندهم مايدار بقاو فالفيلا مبغاوش يخرجو باش يجيو الدراري يبقاوهم وكل شوية يطلو على التيلي وصلات 5 والو بداو كيتوترو ويطيح عليهم الضيم....
نر: اويلي هادو شتهم غابرين.😒😒.
رميساء: معرت ياكما قنطو منا اصاطا او معيطو ما سيفطو ميساج ممولفاش ليهم.😔😔.
نور: وا الدراري حلهم ساهل نلعبو عليهم شوية وهاهما جاو ولكن المشكل الى ماجاوش اليوم ..غنوليو شيخات فعين الدياب..
رميساء: ويييلي نسيت هاد القضية.😱.
بقاو البنات هكاك ..حتا وصلا 7 والفيلا بداو يرجعو وكانو الداخل جالسين قالسين فواحد القنت منشورات رميساء كتعض ظفارها ونور كتدور فعينيها مغوبشة ..حا دخل سيف هو وضحى..
رميساء شافت فنور غمزاتها باش يضربوها بسلتة..وهما دايزين وقفهم سيف..
سيف: اجيو لهنا ههههه سالتين.😂😂.
نور: أأألااا.😳😳.
رميساء: مالك شتك غير خطي بيطي هنايا سيرو لفيلتكم..😒😒.
سيف: جاي على قبلكم والله العظيم.😂😂..
نور: ايوا راه باقي ماسلا النهار ياله 7 ..
سيف تانا معشي هنا اليوم غبيا ولا بيكم..😂😂
مشاو البنات كيتفقصو..طلعو للبيت..وبقاو تما كيتسناوهم يعيطو يقولو ليهم راه جاو ...ووالو وصلا 10 هبطو يتعشاو..بقا شاد فيهم سيف وكولشي ميت عليهم بالضحك..هما مكلاوش بقاو دايرين ايد على الحنك حابسين البكية صافي غيتشوهو..
صافي سالاو..وناض سيف وضحى ...غيمشيو ...جرجو برا كانو البنات برا فالجردة تمو غادين وسيف كيغوت ليهم..
سيف: هههههه نتلاقاو غدا فالعشية عنداكم تهربو..ههههههه
نور: فين غنهربو الله يعطيك de9a😤😤..
رميساء: سير الله يلgيها لك نتا وياهم..😤😤
مشا سيف كيضحك وهما جلسو يتغاوتو على بعضياتهم لاش قبلو بهاد المخاطرة gاع..
وفهاد اللحظة ياسر وزاين جالسين فالجريدة معاهم جاكسون دايرين الشوا محتافلين بالهنا وعايشين تازوفريت ...

اصبح الصباح فاقو البنات فيهم البكية لبسو حوايجهم هبطو فطرو ووصلهم شيفور للفاك ...تلاقاو مع جينيونغ كيموت عليهم بالضحك حيت عادو ليه كولشي..
جينيونغ: نموت ونشوفكم كتشطحو بالتكاشط.😂😂.
نور: غتزمو ولا نجمع خويا بنص بقيتي لي غير نتا😤😤..
رميساء: ناااري حياتي ضاعت ناري مستقبالي...اويلي اليوم يتفرجو فينا.😭😭.
نر متخافيش تاحد مغيعرفنا بالماكياج و التكاشط هكاك..
رميساء: واخا هكاك..اش دانا لشي مخاطرة لاش قبلتي..
نور: وباش غنعرف دوك الحلالف مغيجيوش نكرونا تاهما او نهار مشناهم مطلو علينا.😠😠.
جينيونغ : هههه حالتكم صعييبة😂😂 ههه
حيدات نور السبادري وتبعاتو ورميساء تابعاهم وكتندب شوهوها...
الدراري كيف العادة كلها فخدمتو ...وزاين دار اسجواب لسرباية لي خدامين مع حمزة وكتاشف واحد منهم كيعطي حجج غير منطقية وعاد كلامو فيه نبرة الخوف والتوتر ..عاق بيه زاين دغية خلعو شوية وgر ليه بكولشي ...عيط لحمزة جا عندو ..وقال ليه بلي كان كيتيق فيه وشحال من مرة حل قدامو الخزنة ..ولاخر بدا يغبن و يطلب داوه نيشان هبطوه..وسنا حمزة على داك التخربيق...
حمزة : الله يرحم لك الوالدين اخويا ..تبارك الله علك..😇😇
زاين: هادا واجب اصاحبي هاد المرة تعلم من خطأك عنداك تيق فبنادم راه مكتعرفو لاياش كيخطط..
حمزة: على انا باقي نعاود ...عمر شي واحد لا بقا دخل للمكتب عندي..
زاين: مهم فلوسك متصرف منهم والو..منين تغلق القضية غيوصلوك...😊😊
حمزة وقف : شكرا اخويا تبارك الله عليكم..
زاين تاهو وقف: هادا واجب الله اودي..
خرج حمزة وأين هز تيلي طل على الساعة ..وطلعات ليه الصورة ديال نور..
زاين: توحشتك البرهوشة...اش غتكون كدير دابا ؟ كوراه شاعلاها مع جينيونغ فلا فاك دابا.😂😂..
ناض زاين عيط على ياسر كانو دايرين باش يتغداو مجوعين وعيط على عماد وتا حمزة ..

عند البنات لي سالاو الحصة وخرجو ودربو واحد الساعة فقاعة المسرح فلافاك (ناري على طلقات ) سالاو وجا الشيفور ورجعو شادين تيلي حاضيينو..والو معيطوش
رميساء: انا راه بدا يطلع ليا الدم او 😠😠..
نور عاقت: كيديروها بلعاني كيردو الصرف ...تاحنا غنخليوهم راه هما لي ميقدروش يبقاو بلا..
رميساء قرساتها حيت كانت غتزبلها..والشيفور باقي جون شوية غيضحك عليهم ..
وصلو البنات للفيلا طالعة ليهم القردة ..ولقاوهم كيتسناوهم...
غير قشعوهم البنات و هما يضورو وجوهم قالبين عينيهم ...
سيف: هههههههههههه ياله
نور: معند بوك مايدار..😤😤
رميساء: شتك درتينا فبالك نيت😡😡..
سيف: ههههههه والو واللهما مفاك..ياله زيدو..
طلعو البنات كيزفرو وداوهم لبيت وجابو ليهم التكاشط..ديال التسعينات وفيهم ليزيبول وبالعقادي وكمامهم فيهم ميترو من العرض وريحة الكافور كتضرب فيهم نور عطاوها وحدة حمرة مزعزعة اراك من بعيد يقشعون بيها من بعيد ونتي جايا...ورميساء عطاوها تكشيطة فالاخضر بالتحتاني ديالها والفوقاني فيه الورد بزاف ومخيط بالزقلي...هادشي غير كان محطوط مكانتش كتلبسو ليلى حيت تاهي ماشي بلدية غير مها لي جابتهم ليها فعرسها وبقاو كتدكار وصافي..
نور كتشوف المراية كتافها قد ديال زاين بدوك لي زيبول وعاد اللون
نور: اوويييلي اعباد الله اش هادا.😨😨..
رميساء وقفات حداها: ناري غنخرجو هكا..😱😱.
دخلو عندهم سيف رئيس الحربة ومعاه ضحى ورانيا لي دايرين فيه العقل ..اما الخرين كيتغداو التحت ممسوقينش للعبهم..
سيف: هههههههه تباركلاه مشاء الله زين هو هاداك.😂😂😂.
نور: واللهلا بقا فيك ياودي ياسيف..
رميساء: ناري سيف حرام عليك حيدو لينا هاد ليزيبول😭😭..
ضحى: وبلي حماقيتي تحلفات علينا ماما الى خصرناهم تدبحنا راه دياول مها..
نور:واااااااع
سيف: ياله ديرو ليهم الماكياج...
جبدات ضحى ورانيا الماكياج سيف كيختار ويقول ليهم اش يديرو ....
ضحى شدات نور ورانيا رميساء..ملسو ليهم شعر بالزيت و نور فرقوه ليها من النص وجمعو ليها ضفرة التحت هابطة وجمعو ليها الضفرة بحال شي كرداسة شعرها لاسق على راسها بالزيت ومفروق من النص ورمياء قسمو ليها شعرها كولو من النصف وعمره زيت دارو ليها gرينات و ضفراتهم وعقدوهم فوق راسها بحال داكشي ديال العيلات الكبار..وهادشي كولو باقي مشافو فالمراية خدامين وميتين بالضحك..
سيف: نور ديري ليها عكر حمر وداك فوق العينين فالاخضر
نور: لا ديرو فالكحل😭😭...
ضحى: هههههههه كتشرطي ..
سيف ولا عرفتي إير كحلي ليها مزيااان وديعيه شوية دارتو ليها ضحى ...ودارت ليها واحد التعكيرة وصلات تال النيف...وكدلك بالنسبة لرميساء وزادو ليهم خالة قداش نور وسط الحنك..ورميساء فالدقن ديالها فالجنب تحت الفم...وزادوهم خط اخضر تحت الفم بحال وشام..و غلضو ليهم الحجبان مزيان...ودارو ليهم احد التزنيgة مضيراش...سالاو ووقف قدامهم سيف ..
سيف: هههههههههههههههه وامي كرشي ...
ضحى: ناااري جا معاكم البلدي ههههههههه
رانيا: حمد الله مكاينش رايان كون درتو ليه ازمة نفسية ههههه..
نور: حيدو خنشوف هاد الفضيحة.....*شهقااات* اوييييلي..هادي انا .😱😱.
رميساء: اويلي شكون هادشي ...سي با مون ستييل.😭😭.
سيف: ههههههههه زيدو قدامي ...سي مون ستيل انا.....اليوم نفرج فيكم عين الدياب...
هبطو تابعينو غير شافوهم التحت وهما يحبسو الماكلة..
علي: توما اش هاد الفضيحة..
ليلى: ويلي اش درتو ليا فوريداتي فين داك الزين.😮😮.
رميساء: شفتي اماما اش دارو فينا.😭😭.
سعد: والله اسيف معندك عقل ..تاني اضحى مشاركاه اما مولات العقل لالاهم رانيا تش سيري شدي ولدك ..راه ناعس الفوق بوحدو
رانيا: هانتا قلتيها ناعس ...قابل ولدك هاد العشية بيما رجعنا..
سيف: هههه زيدو ياله ...
تبعوه البنات مضاربين مع ألتكاشط...غير خرج للجردة لقاو كاين الشوم بحال البارح...
نور: ناااري الصهد كملات..
رميساء: فييينك اياسر اجي اعتقني.😭😭.
سيف: ههههههه ياله طلعو...

 رميساء: سيف عمري نسامحك على هاد الشوهة لي درتي لينا😤😤..
سيف سايق وكيهضر: باش عمركم مازال تخاطرو..😂😂
نور: واااااا عباد الله شعلو ديك الكليما هادي تكشيطا ولا صونا 😤😤...
رانيا حداها سدات ودنها: الصعر..تي مال مك صمكتيني.😤😤.
نور باغا تشد الزكير قربات تال وجها وغوتات: اااه حيت نتتتي مبردة وانا خاشيييني فخنشة😤😤 ..
رانيا: وراني سمعتك اويلي مالك كتغوتي ...السخانة..
بقا و شحال غاديين فالوطو حتا وصلو ...
سيف: ههههه هنا مزيان..
رميساء: اويلي كاين البشار بزاف هنا.😱😱..
سيف: داكشي لي بغيت ههههه
هبطو البنات كخبيو وجوهم ولي داز كيبقا يشوف فيهم حتا يغبر...وقفهم واحدالبلاصة تما..مقابلة مع المطاعم والشانطي كيدوزو لوطووات ...وبنادم كتير خاصة وقيتة الغداء هادي..فهاد اللحظة الدراري جالسين فوحدة من هاد المطاعم و الداخل مكيشوفوش برا وياسر كان جايب معاه جاكسون...وجالس بجنبهم..هما gاعما كاينين شاديت الحتة فالمواضيع ديال الرجال وجالسين على الضحك والتقشاب ديك الطبلة فينما كانو شي بنات جلسو فالطبالي حداهم دوخوهم بداك الضحك الرجولي ...ودوك الجلسات عندهم كل واحد مزربع برجليه ..(بغيت غير نعرف علاش ديك الجلسة عندهم مكيقدروش يجمعوها ..واقيلا بسباب مورتاديلا كتعنكشهم ههههه قولي نتوما شنو كتقولو هههه) والدراري ممسوقينش لي حداهم...
عند البنات سيف جبد من المالا 2 طعريجات كبار..
نور: اوييلليي😱..
سيف: عمركم شفتو شيخات بلا طعارج...
رميساء: عقل على هادشي..😭😭
ضحى : تباركلاه على الشيخات ....
رانيا: تفووو كون غير عمرناكم من الدخل ياش توليو تسوناميات..
نور: التسونامي هو لي غيضربك الى مغبرتيش من حدايا..😡😡
سيف: تعصبن تعصبت..😂😂
ضحى ضربات سيف وبدات تضحك...
رميساء: دلgييه لمك نتي.😤😤.
نور: واطلقونا راه بديت نعرق انا فهاد الخرى ...
رميساء: اويلي هادشي كياكلني فيا الحكة😰😰..
رانيا: ههههه حيت غاملين .😂😂😂..
سيف: ههههههههه اليوم نهاركم هاطو شدو ياله بداو..
شدو من عندو الطعارج وبداو يضربو بشوية ماكاين لاريتم لا والو غير كيخبطو...
سيف: ضربو مزيان وغنيو..😂😂.
بداو البنات يضربو بالجهد ويغنيو ماحافضين تااغنية ديال الشعبي..غير رانيا وضحى لي كيقولو وهما كيتبعوهم جبد سيف التيلي كيصور فيهم وهما حالتهم بالعرق وكيحكو والماكياج تاهو حالتو
وضحى رانيا كيخراو بالضحك وكل وحدة كتضرب لاخرى وسيف خلاص كيقول ليهم اش يديرو وكيصور فيهم ..ولي داز كيشوف فيهم والنصارة كيدوزو ويشوفو فيهم وكاين لي كيوقف يصور فيهم..صافي تشوهو ..وداز واحد يسحابهم طلابات ولاح ليهم شي صرف ومشا نور شافت فالفلوس وهزات راسها وهزات ايدها..كتغوت..
نور: غتجي تهز عليا صرفك ولانجي نصرفق مك.😤😤😡😡😡.
رجع مسكين لقطو وهرب..
سيف وضحى ورانيا صافي لواو بالضحك ...قالو ليهم بقاو هنا كتغنيو غندخلو ناكلو فماكدو ونرجعو ليكم ونجيبو ليكم معانا غداكم..
البنات وافقو لهلا يطريه ليهم..
غير غبر سيف وهي تجلس رميساء فوق واحد الحديدة ونور ترات على داكشي لي كان واقف عليهم..
ووقفات حداها نور مطلعة التكشيطة شاداها بايدها حطاها فجنبها بغات غير يطلع معاها شوية البرد ووالو مكينش حسو الشوم والصهد تقولي شهر 8 ..
رميساء: غنموت راسي غيتفرقع بالصهد والشمش😓😓
نور: والله لا بقات فيه وتادوك الحلالف الاخرين هما السباب...هما كيهضرو ولي داز كيشوف فيهم تاكتهددو نو وكيمشي وداز واحد وقال..تعديتي على دوك العينين الزورق.😋😋..
نور: تمشي تق*** ولا نزرقهم لك تا نتا ..
هو: وينو على الخيبة كتهدد.😂😂.
رميساء: سير فحالك سير...نتا لي بقيتي..
هو: والى مبغيتش..
ديك الساعة نور هزات التكشيطة كانت لابسة شورط قصير تحتها..وكانو لابسين صبادرياتهم محيدوهمش هزات رجلها عطاتو ركلة لجدارت لودن تاطاح كيسمع طييييييط وكتبان ليه نور كتركز فوق القعدة ..هزو صاحبو ومشاو هربانين..
عند الدراري باقين مجمعين ...وعماد هز تيلي كيقلب فيه شوية تا بان ليه سيف داير لايف فالفايس وبقا كيتفرج ولقا 2 بنات كيغنيو بديك الحالة معرفهومش نور ورميساء!..
عماد: قرب ليهم: الدراري شوفو سيف اش كان مصور
حمزة: هههه شكون هادشي واللهتا بنادم تسطا.😂😂.
زاين مدا ماجاب: ههههه لاحول ولا قوة بالله اش هادشي باسم الله الرحمن الرحيم😂😂..
ياسر: ارى نشوف....جاوني كيشبهو لنور ورميساء...
زاين: لاواه الزعتر ...واش عرفتي شناهي نور رميساء.
عماد: لا اويلي مستحيل يكونو هما..
ناض جاكسون جرج برا..
زاين: نوض نوض تبع جحموم ختك راه خرج..
ياسر: نوش ليه نتا راه ديال مرتك..
ناض زاين على وعدو وسعدو ..خرج ملقاهش.😱😱

 نور :افف تعطلو هاد الخرى هما ياكلو مبردين وحنا نتقلاو فعرقنا هنايا..😤😤
رميساء: نشي عليا غنموت لك هنا..😓😓
نور: باش غنش علك بانت ليها كارطونا محطوطة فالجنب هزاتها وبدات تنش..حتا يبان ليها جاكسون جاي قاطع..كيجري لجيهتها..
نور: شوفي داك الكلب سبحان الله فكرني فحبيبي ..ناري تاهو مطبز بحالو...*حبسات النشان* اويلي مك هو 😱😱..
قفزات رميساء ناضت: اويلي هي ياسر ولا زاين كاينين هنا.😱😱..
نور: علقي المسخوطة اليوم gنازتنا..
هزو تكاشطهم وجبدو عليها بنادم كولشي خلاوه كيضحك وجاكسون عارفها نور تابعها يسحابليه كتلعب معاه ...
نور كتجري وتهضر : سيييير متبعنيش الخرى رجاااااع تلفتات بان ليها زاين قاطع كيقلب عليه...ونور جرات رميساء للجنب تلاحو ورا الحيط ولقاو الصخر وطاحو ماتو هههه غير كنضحك لقاو غير رملة البحر توضرو عل جاكسون وبقا تما كيشمشم...
نور: ناااري مك زاين ورانا.😨😨.
رميساء : اويلي شافنا..
نور: لا ...ششش وصل..
زاين ورا الحيط وهما كيطلو...
زاين: اجي لهنا اصاحبي فين هربان بغيتي مك تعواج عليك ونوحل فيها..😂😂
نور: اودي نتا لي غتعواج الى شفتيني بهاد الحالة..
جرو زاين وداه..واخا مبغاش ليه..تلفتو نور ورميساء تنهدو : اوووف كنا غنحصلو..
دارو لقاو بنادم لي كيدوز كيجلس يضحك عليهم وهما حالتهم..شافو فبعضياتهم الماكياج داع وتخمج..والشعر تشعكك..وعاد العكر ولاو حالتهم...
نور: نوضي تgعدي فرجنا فينا البشر ..

ناضو البنات كيتمشاو كيقلبو اشمن مطعم دخل سيف والبنات حتا كيبانو ليهم الدراري خرجو من المطعم ورميساء شافتهم وجراتها تخشاو فواحد القنت..
عماد: الدراري هاد الصهد غير ديال شي تبحيرة ..
حمزة: واييه وشي ماتش فاعل تارك..
ياسر: مرحبة..
زاين: اش بان ليكم نمشيو للبحر لي قدام فيلتي تما نقي ومغيهش بنادم بزاف..
حمزة: حنا بغينا نخضرو عينينا اصاحبي..😜😜
ياسر: هههههه تما كاين الخير وgاعما مخلط ...خضر عويناتك وسقيهم ...
الدراري: هههههه
زاين : ياله ركبو...
نور: ويلي مك هادو غادين البحر😱..
رميساء: بالزعطة.😒😒.
نور: تي فيقي معيا مسمعتيهش قال ليه باغي يخضر عينيه..
رميساء: يخضرهم ؟ واللهتا نقلعهم ليه..😡😡
نور: وزيدي قدامي نحضيو الحلالف راه مافيهم تيقة خاصة دابا محرومين ..
ديمارا زاين وهما خرجو من داك القنت تا طاكسي مبغا يوقف..يسحاب ليهم مسطيين..حتا تلاحت نور قدام واحد ووقف بزز منو..وطلباتو بانت ليه بعقلها وجلاهم يركبو نعتات ليه فين ومشا ولكن حاضي معاهم..
نور عاقت بيه: خويا بلا متخاف منا راه ممسطيات ماحمقات راه غير كنا لاعبين واحد اللعب حامض ودكمو علنا نخرجو بتكاشط لعين الدياب ..
الراجل: هههههه اااه ولعب عندكم.😂😂.
تيلي ديال رميساء كيصوني..
سيف: فينكم؟
رميساء: غير سيرو راه ركبنا فتاكسي بلا متسناونا.😤😤.
سيف: مافعايل ماوالو😂😂...
خدات نور تيلي حيت سمعاتو: سير تخرا😡😡 ...وقطعات عليه خلاتهم ميتين بالضحك..
وصلهم مول التاكسي ...
نور: عندك فلوس ؟
رميساء: فجيب الشورط التحت..
نور: ايوا جبدي ..
رميساء : اويلي فين غنجبد.😒😒..
نور: سمح لينا خويا..
هبطات هي وياها وهو حاضي معاهم لايهربو ..خشات نور ايدها فجيب السروال وخبدات منها 50 dh عطاتها ليه و مشا كان حطهم فجنب البحر لي حدا فيلاتهم..هبطو كيقلبو على الدراري وبنادم حاضيهم كيبانو كيف الحمقات وهازين التكاشط باينين السبادريات وغاديين كيقلبو بعينيهم..حتا بانو ليهم مستفين فواحد الجهة بحال السرديل واحد ينسيك فلاخر لابسين غير الشورطات ..مرولاكسيين ..والبنات كيتغامزو وكيدوزو قدامهم بالعاني كيستعرضو مفاتنهم..والدراري تاواحد ممسوق من غير حمزة لي سيليباطير كيطل غير من تحت النظاظر كحلين...
البنات قشعوهم و ومشاو قربو ليهم تخشاو ورا واحد الحويط قصير كيجلس عليه بنادم...
نور: تي ورقي ليا على الق*** كيتبربسو حداهم😡😡..
رميساء: مالك راه gاعما مسوقين ليهم .😒😒..
نور: شوفي gأع دايرين نظاظر كحلين متعرفي والديهم فين شادين..شوفي عماد...تعت غا لي يعيط ليه على جيداء ...😡😡
دازت وحدة نصرانية وقالت لياسر ممكن دير ليا واقي الشمس لظهري...ياسر ياله غيقمعها..وهو يغمزو زاين يشوف لور..وقشع نور ورميساء مخارgات لور ...تاكد بلي هما منين شافهم حاضيينهم ...ياسر فهم البلان ووافق...
رميساء: ويلي ويلي شوفي كيكتلمس ليها فظهرها..غنقتل مها.😡😡.
نور شداتها: تي صبري مالك..
غير تلفتات نور لقا زاين جالسة حداه وحدة وكيتحتتو الدراري كلهم فاهمين البلان وعارفيهم كيطلو عليهم وبغاو ينفدو الخطة ..زاين كيضحك ضحكة صفراء و يطل على نور تحت النظاظر بلا ميدور وجهو...
شافها صعرات وخرجات من ورا الحيط جاتو الضحكة ودار راسو كيضحك مع البنت...حتا تمت جايا و رميساء تاهي وقفو عليهم هكاك بديك الحالة وايديهم فجنابهم..
عماد وحمزة غيخراو بالضحك لور..
نور: اش واقع هنا..
رميساء: شتكم جالسين كتلمسو وتماصيو عاجبكم الحال 😡😡؟
البنت: شكون هادشي.😒😒..
نور: تgعدي من تم ولا نجي نخلط لمك داك الوجه..
رميساء: نوضي اسفريطة حتا نتي معندناش سبا هنايا..😡😡
البنت كتبعكك : واش كتعرفوههم ؟
زاين: لا ..يمكن حمقات😊😊
زاين: ايوا قولو لينا فين خليناها 😊😊؟
نور شافت فرميساء غتبكي ليها ..جراتها وكتحلف: والله لا تهنيتو هاد النهار مكتعرفوناش...انا غنشوف واش باقي غتقول هاد الهضرة مازال😈😈...

***يتبع***