الضابط و زوجته المراهقة الجزء 25

...حتى بانو لبها الممرضات غطاو ليها وجها و كيحيدو الخيوط وداكشي...هنا نور صعرات وبظات تغوت...

نور: حيديه عليها غتخنقيها ...

طارت عليها باغا تحيدو وشدها زاين وهي كتنتر ليه فايدو...

زاين كيبكي: صافي ...ماماك الله يرحمها....

نور: لا لا لا لا لا متقولش لبا ديك الهضرة ...ماما نوضي عافك مااامااا مديريش ليا هكا عافاااك .... ياله رحعتي ليا ومشيتي تاني...ماااامااا اااااي ااه اماما حرقتيني..رحعي ليا عافاك راه باقي بغيتك ...علاش دارت فيا هكا ازاين علاش .... حياتي كولها مفرحت بيها غير يوم واحد ...حياتي كولها وانا كنصرق منها الحنان ديالها وظابت مشات فخطرة مشااات ازااين مشاااات حرقاتني . .حرقاتني ياربي....طلق كني طلاااااااق 😭😭😭😭 مااامااا نوضي غنحماق اماما متعدبينيش بهاد الطريقة عافااك...

زاين: حبيبة تهدني باركة عليك .... 

نور: وطلاقني خليني نعنقها....

طبقها زاين وهي عرات على وجها لقات وجها مبشش بحال الى ضاحكة...

نور : ياك اماما طعنتيني و غضرتيني حرقتيني فيك احبيبتي .... لهاد الدرجة ممكتابش لينا نتجمعو ... اش درت فهاد الدنيا ياربي اش درت....

زاين كيبكي و يهز فيها وهي كتمرغ ليها كتزبق .. وبرا كولشي كيبكي ...كيسمعو بكاها ونواحها ....عدابها وهي كتحرق على روحها لي مفرحاتش بيها غير يوم ...ياسر مقدرش يدخل مقدرش يشوف منظر ختو ومو فديك الحالة شاد رميساء كيسكت فيها وهو خاص لي يسكتو ليلى كتبكي وتنخصص و شادها علي كيصبر فيها مقتلهم غير منظر ديك المسكينة ...لي ضحكها و شقاوتها كانو مللين عليهم ...كيشوفو فيها ولات وحدة اخرى ....

زاين: باركة عليك احبيبة صبري صبري هدا قضاء الله وقدرو خصك تقبلي هادشي .... 

نور: متقولش ليا هادشي متقولش ليا... 😭😭😭

تزبقات ليه وخرجات بانةليها ياسر وقفات قدامو...

نور: قول ليا باش ماتت ...هضاااااااار..

ياسر: ورم فالدماغ...

نور: خليتي عليا ..... علاش خبيتي عليا ....كلكم خليتو عليااا ....حسيت بيكم البارح كلكم كنتو كتشوفو فيا ....هاد الشوفة .... ماااماااا ...

بدات تضرب فسدر ياسر وزاين شادها كيبعدها وهي واللو و ياسر كيبكي وكيشوف فيها بحرقة ومقاومهاش...

نور: علاش مقلتي واأو علاااش ... 

زاين: نووور صافي احبيبة تهدني راك غتمرضي...

نور: مكيعمنيش انا بغيت ماما .... وا مااماا نوضي ...

طاحت للارض كتضرب فقلبها ...

نور: اااااي ااااه .... نقصات الغوات وكتهضر بصوت مقطع ...ماما مغنشوفكش مازال كنت معولا نخرجو تاني نسيت مغنيت لك الاغنية لي كتبت لك ... مشيت قبل متشوفي جود وجودية ... مااامااا ...

هبط عندها كيعنقها وياسر اقف فبلاصتو كيشوف...

وسعد جر ختو خرجها بانت ليه سخفانة وهي حاملة هاد الجو غياتر فيها ....

دازو الممرضات بالجتة وهي تنوض تاني نور تابعاهم والدراري تبعوها كيجريو..

نور: رجعووها رجعو ليا ماما....

بقات تابعاهم كتجري ...حتا دازت من الباب و هي تخرج منو ... توضرات للدراري ....وهي خارجة بلا عقل كتجري فالزنقة كيف الحمقاء بدموعها ووجها المخنوق بقااات كتجري كتجري لمسافة طويلة بقات كتجري ولا عياات وسخفات رجليها بداو يترعدو مبقاوش قادين يتحملو تقال مشيها وبدات كتسند بالحيط وغادا معاه حتا طاحت.....معاقلاش...

تجمعو عليها الناس و عيطو للاسعاف ...هزوها داوها نيشان للمستشفى فين خدام عماد...

داوها للطوارء نيشان و الدراري كولهم خرجو يقلبو عليها... خافو يوقع ليها شي حاجة...

دخلوها لايمرجينسي و بظاو يقيسو ليها الطونسيو وداكشي ... عماد كان دايز من تم وشافها..وحا عنظها وهي مغيبة ...سول الممرضات حداه...

عماد: اش وقع ليها...

الممرضة: دكتور لقاوعا سخفانة فالزنقا...

بدا عماد يقلبها و تولاها حيت هو زيادة على طيبب نفساني ...داير اختصاص الاعصاب وداك تخربيق..

لقا عندها انهيار عصبي ... ياله غيدg ليها برا وهي تنوض كتغوت وتركل ليهم تما ... عماد زرب دغيبا دوخها بمهدء..... حتا سخفات ...وقال ليهم يحولها لغرفة المراقبة ويسدو عليها حتا يجي..

دامسي لي دارو داوها لغرفة لي قال كتكون للمرضى لي خاصهم المراقبة فيها شرجم جاج كبير للزوار بلا ميدخلو....

دخلوها تما وسدو عليها كيف قال ليهم... اما عماد عيط ليزاين: الو زاين ....مراتك عندي فالمستشفى طلق اجي دغيا...

زاين: مالها اش ولقع ليها... هاني جاي...

ركب هو الكل كولها وسيارتو طارو عندو ...دخلو كيف العجاجة تلقا ليهم عماد وداهم فين كاينا بانت ليهم ناعسة و حالتها تشفي العدا... بقاو كيتحصرو عليها ورا الجاجة و كيشفو الممرضات ضايرين ليها كيصلحو ليها تخربيق... وعماد كيشرح ليهم سباب سخفها بعدما شرحو ليه اش واقع .... قاليهم عندها انهيار عصبي و دارها فغرفة المراقبة حيت ولات فحالة عدوانية وخاصهم يردو معاها البال لتادي شي حد اولا راسها ...

عماد عيطو ليه عندو شي مريض فجهة اخرى ...وقال ليهم غيرجع منين تفيق...بقاو قدامها كيشوفو فيها كيتسناو تحل عويناتها .... حتا فاقت بقات شحال كتستوعب اش طاري ... حتا ناضت صاعرة نكرات كولشي داكشي وبدات تنقز وتغوت والممرضات حاولو يوقفوها لكن ولا فيها جهد 10 رجال كان الغضب و الحزن كيتحكمو فيها كان الغضب لي كيحرك جسمها ...وحيت هي مدربة جسمها كان كيضرب تلقاءيا نور كطير فالهواء وتركل طيحات 2 ممرضات سخفانات والاخرى خرجات كتجري و قفلات الباب عليها وحتا على الدراري لي برا كيحاولو يدخلو عندها يهدنوها ...الممىضة سدات داك الباب لي بالحديد ومشات كتجري اما الدراري كيخبطو فالجاجة وكيغوتو عليها تهدن...و نور راه قربلات ديك الغرفة ...قلبات طبلة الجاج وفبها تالحديد و نطراتها بالجهد ومع هي تقيلة غلباتها واخا هكاك طيحاتها وداز جنب الجاج على راحة ايدها تحلات ليها ودازت بالدمايات و بدات تضرب الناموسية تقلبها ولكن مقدراتش وبدات تضرب بيها برحليها حفيانين وحيت هي بالحديد ضربات صباعها هرسات 3 فرجلها ...الدراري شاقو ظماياتها زادو صعرو بغاو يهرسو الباب مقدروش حتا جاج مضاد اللصدمات.... بقاو غير كيغوت حتا جاو ممرضين رجال مgلدمين بحال ليgاردور ودخلو.....

دخلو 1وسدو الباب وراهم بداو كيحاولو يقربو ليها وهي كتضرب وتغوت مواعياش بشنو كدير شد واحد بالزز منها و هي تنقز ليه من ايدو باتجاه الدراري لي صاعرين ورا الجاج ضربات بايدها على الجاجة حتا طبعات ايد بدمها و بدات تضرب الجاجة ووجها حمممر وعينيها تسدو فمها مسداتوش بالغوات .... والدراري كيضربو ويغوتو....

ياسر: نوووور تهدني...

زاين: حلو هاد الخراااا نوووور ...

جرها واحد وبدات تضرب شافو ريوسهم مقدوش عليها وهو يطرشها واحد حتا طاحت...

هنا صعر زاين: مضربهااالش اولد الق**** طلقهااااا ... وبدا يحاول يحل ويهرس الباب حتا جا عماد كيجري دخل لقاهم حطوها فالباياس و زاين دخل تاهو طار على لي ضربها وياسر تاهو كيركل ...حتا فرقهم عماد و شي طبا ...

عماد: تهدنو اصاحبي راه مدار غير خدمتو كون مضربهاش كوراه فقدات اعصابها ...خرجو منشوف تا واحد حدايا...

طلق زاين منو وتم غادي لجهة نور كيبوس ليها راسها ويعنق فيها حتا جروه هو و ياسر خرجوهم دg ليها مهدءات باش تايلا فاقت متجهلش.. خيطو ليها ايدها و دارو ليها مقومات لصباع رجليها لي تهرسو و علقو ليها السيروم وربطو ليه ايدها ورجليها... وكولشي تحت انظار زاين و البقية ....

رميساء رجعات لور غادا جايا حتا طاحت قدام مها ..

ليلى: ياااسر عتق عتق..😨😨

دار عندها ..وهزها طار بيها للتحت وتبعاتو مها وباها و سعد وسيف بقا مع زاين....

خرج عندهم عماد ...و مشا نيشان لعند زاين

عماد: زاين غتشد فراسك اخويا الله يرضي عليك الى طاحت هي خاصك تكون صحيح باش تقدر تعاونها توقف على رجليها ... لي كنت خايف منو وقع ... نور وصلات ليها للعظم ... وهادشي لي شفتي دابا غير شوية من داكشي لي كان مممكن دير كون كانت بوحدها... ولي مزيان فهادشي انها مخباتش و خرحات لي فقلبها... راه هرسات صباع رجليها و خلات ايدها راه تخيط ودرنا ليها مقوم...

زاين غير كيسمع وكيشوف فيها و سيف لي كيتجاوب معاه...

سيف: واش الى فاقت غترجع لحالتها...

عماد : احتمال الكبير ولكن راه ربطناها وانا غنراقبها متخافوش عليها...

زاين: بغيت ندخل عندها...

عماد : ماشي دابا ازاين.....

زاين: عماااد 😡😡

عماد : اوووف واخا راسك قاسح...

حل ليه الباب ... ودخل عندها باس ايدها المجروحة وطل على رجلها ... وجالس قدامها... اما عماد وسيف برا كيشوفو فيه...

عماد: رد ليه البال انا مشيت...

سيف: الله يعاون..شكرا...

عماد: هدا واجب...

عند رميساء لي فاقت و قلبوها و دارو ليها السيروم فيه مقويات ... متكية وهما عند راسها...

ياسر: غيسالي السيروم غتمشي لدارك...

رميساء: لا بغيت نبقا مع نور😓😓

ياسر: شوفي حالتك كيف وليتي باركة عليا غير حرقتها هي متزيديش عليا تانتي... غتمشي ومتزيديش معيا كلمة وحدة...

ليلى : سيري مع خوك اماما انا غنبقا مع نور ... صحتك متسمحش ليك احبيبة ... التوتر غياتر فيك...

علي: سنعي الهضرة ابنتي وسيري...

رميساء سكتات وبقات كتشوف غير فياسر لي غير كيخمم..حتا جات الطبيبة و كتبات ليها شي دوايات و سمحات ليها تخرج... مقبلات تمشي حتا طل على نور...طلات عليها لقاتها ناعسة وزاين فوق راسها.. حرها سعد وداها ....

اما الاخرين كولشي كيتسناو نور تفيق..

بعد ساعتين ديال الانتظار ...حلات عينيها ..كتشوف غير قدامها راسها تقال عليها ومتحس بيه غيتفرق بالصداع ديال الحريق..... عيات وسخفات مبقا عندها جهد تهدات ... شافها زاين حلات عينيها وقرب لوجها اكتر غير كيشوف بقلق فيها كيتسنا شي ىدة فعل اما البقية كولشي عند عماد كيشرح ليهم حالتها...

زاين: نوور .. 

نور شافت حولها لقات راسها مربوطة و بدات تفركل باش تفك...

زاين: تهدني احبيبة انا معاك مغنخليكش...

نورء: فكني علاش رابطيني...

زاين: حيت اديتي راسك ... تهدني الى بغيتيهم يحيدوه....

نور: اهء اهء زاااين ..

زاين ناض من كورسي وحط جبهتو عليها عليها بايديه فحناكها و بجوج مغمضين عينيهم كيبكيو...

زاين: حاس ليك اعمري عارف قلبك محروق تمنيت كون هزيت هاد الحمل عليك ... هدا امتحان من الله لينا ... خاصك تصبري وتنجحي فيه ماماك راها فبلاصة احسن دابا ... مرتاحة وحتا نتي خاصك ترتاحي...

نور: كيف غنرتاح ...كيفاش وانا مبقيتش غنشوفها حاسة بروحي كتحرق وغتخروج من داتي حاسة براسي عاجزة ازاين مغنصبرش... منقدرش...😭😭

زاين: تقدري علاش متقدرييش ..نتي نور... نور الهدى مراتي القوية ....خاصك تبقاي قوية كيفما عرفتك... الصعف ماشي ديالك ...تجاوزتي شحال و متخليش هاد العقبات يغلبوك .... ماماك الله يرحمها ماتت كيفما غنموتو كاملين ... هي صافي مشات ومغترجعش ...ولكن نتي باقا خصك توقفي على رجليك وتكملي حياتك.... ربي بغاها وخداها ... معندكش الحق ديري فراسك هادشي .... سمعتي معندكش الحق...

شافها زاين غتفرgع بالبكا ... وفك ايديها ...

هي تلاح عندو مخبية فحضنو ... مزيرا عليه بكل جهدها وهو اكتر كيدوز على شعرها وظهرها ...هي مخبية فيه كتبكي و كتنفس بالجهد ...

زاين: الى كان البكا غيبردك بكي بكي احبيبة و قولي كولشي لي عندك متنسايي والو .... 

نور: زااين ..... هادشي صعيب ... مكانش كيسحابلي غنتفارقو ... حسيت بلي كاينا شي حاجة ولكن مضنيتوش الفراق... كنت كنخطط لشحال من حاجة غفلها الموت وداها عليا .... غنتوحشها ... غنتوحشهااا.

زاين: هي من ديما بغاتك ... من ديما كانت ام مزيانة والدليل مفرقاتكمش بعد موت باك واخا كانت مكتاءبة وحالتها وماكاين لي يعاونها ولكن ولادها مسمحاتش فيهم ... كبراتكم حتا تزوجتو .... و دابا ختارتك نتي باش تقضي معاك لحظاتها الاخيرين هي عمرها كرهاتك غير ظروف لي فرقوكم .... وحتا كلامها الاخر كان غير سميتك وكتوصي خوك عليك ... تشجعي و نوضي باقي عندك شلا مايدار مازال .... معندي مندير بمرا بكاية وضعيفة انا مراتي قوية و تا مشكيل ميهدها..

نور غير كتصنت ليه ومخشية فيها وكتبكي غير بدموع دايزين بلا صوت... حتا جا ياسر و سيف والبقية ... ومعاهم عماد ... دخل عماد عندها كيقيس ليها الظغط وداكشي...

عماد: نوور اش هادشي ماشي ديالك ... 

نور حادرة راسها غير كتشوف وزاين جالس قدامها مقابلها...

عماد كيحاول يلطف الجو وهو خدام كيقيس ليها الظغط: هاي هاي مرونة ليا الدنيا و مهرسا الطوابل... غقولي ليا واش كينا شي بنت كتسلخ الممرضين و تسخف الممرضات ... قربلتي الدنيا كولشي بغا يطلع يشوف اش واقع هنا...

ياسر: غير سمح لينا اخويا ... هكا كتنفس على غضبها..

زاين بنظرة حادة: و مغتبقاش دير هكا ... شوفي رجليها وايدك اش درتي ليهم ...

ليلى: بعدو ليا من البنت شوف حالتها كيف دايرا ...

عماد: نوور غتبقاي معانا شوية هنا ياك...

نور: لا خصني نحضر لgنازة ماما...😢😢

ياسر: بلاش انور..

نور: لا مغتحبسنيش... بغيت نودعها لاخر مرة ...

زاين: ماشي واخا ... غتحضري ولكن غترجعي ...

نور حدرات راسها ...وتكات ... و عماد غمز البقية يجدخرجو يخليوها اصلا الدوايات لي كيعطيوها كيرخيو ... ونعسات..

هنا خرجو وبقاو مجمعين مع عماد...

عماد: غنكتر معاها الجلسات محد جرحها جديد ... راها حالتها ولات افضل بعد الجلسات لي كانو قبل كان الموضوع غيكون صعب كون كانت على حالها القديم .. كيف شفتو راه كتجاوب معانا ... و كتهضر و خوات قلبها نوعا ما راها كتقبل الوضع ...

زاين: واخا و رجلها تقدر تمشا عليها..

عماد :غتعرج بيها ولكن ممكن تمشا ... متخافوش عليها راها فايادي امينة ... وان شاء الله غتجاوز هادشي ..

ليلى: ان شاء الله ياربي...

ياسر: عمي صصافي غير سيرو .. احنا معاها..

زاين: سير حتا نتا عند مرتك ورتاح شوية ... راه انامعاها...

علي: زيد اولدي راه تا نتا دازت عليك هاد النهار ...

الكل ودعو زاين و ياسر دخل عندها باس راسها وايدها وقال لزاين...

ياسر: ختي امانة عندك..

زاين: كتوصيني على راسي ؟؟

ضرب ياسر فكتف زاين ومشا...هبط ركب ...كان ضلام الحال ...

جاو الممرضات بدلو ليها تحت انظار زاين ...و خرجو..

وهو تخشا حداها فالباياس وهي دارت عندو و عنقاتو ونعسات....

نعسات وجنبها زاين لي غير مغمض عينيه راد معاها البال ... و لي بغاتها كيجيبها ليها...

اما الاخرين تجمعو فدار ياسر ... وهو طلع يطل على رميساء لي ناعسة...حل الباب ودخل هز ايدها باسها ..وهي فاقت جلسات..

رميساء: كيف بقات نور الهدى .. واش جاات..😦😦

ياسر : لا احبيبة بقات معاها زاين ...

رميساء عنقاتو كتواسيه وهو شاد فيها والدموع دايزين منو ...وهي كتبكي معاه و كتصبر فيه حتا تخشا حداه معنقها وهي كتصبر فيه حتا نعسو ...والعاءلة كاملة مجموعة باتو عندهم ديك الليلة ومبرزطوهومش خلاوهم يرتاحو... و ليلى كانت كل شوية تعيط لزاين طمن على نور...

اصبح الصباح .... اليوم الجنازة ديال سمية .. فقت نور بزز عليها زاين تاكل... جا عندها عماد وجات معاه جيداء لي عاود ليها اش وقع....

فطرات و دخلو عندها و جات عنقاتها...

جيداء: باراكة فراسك احبيبة بقا فيا الحال بزاف الله يصبرك و يرحمها ياربي 😢😢

نور كتهضر دابلة بلا تعابير : ممشا معاك باس شكرا.. احبيبة...

عماد: نور غتخرجي شوية وغترجعي مفاهمين .

نور: واخا...

لبسها زاين حوايجها بعدما سبقوهم عماد و جيداء...

خرجها مسندها عليه وشادها ... صاgنيشان لدار سمية لي كانو مجموعين فيها العزايا ... هبطات كتعرج على شادا زاين ... وو معاهم حتا عماد و جيداء...

دخلات لقات خوها كاين قدامها...شافت فيه وشاف فيها شحال ... وهو يقرب عندها طلقات زاين وعنقاتو و بدا يبكي تاهو ...

ياسر: سمحي ليا احبيبة ... سمحي ليا ..

نور: مدرتي والو عارفاك غير فكرتي ليا ...

باس راسها ومسح دموعها...

ياسر: منا ماتت انور ... تقواي احبيبة و شدي فراسك هادشي كان غيوقع غيوقع... 

نور: اهء عارفة اخويا .... عارفة😭😭

جات رميساء تاهي وعنقاتها كيتباكاو ب2 

رميساء: باراكة فراسك احبيبة .... سمحي ليا مقدرتش نواسيك... ونكون معاك..

نور كتنمسح دموعها : ششششش صافي احبيبة متبكيش .. ممزيانش لك ... انا بيخير كيف كتشوفي ...

بقاو معانقات حتا جرهم ياسر يجلسو ... تولاو الدراري امور العزاء جاو العزاية عزاوهم والعاءلة كولشي حاضرين كولشي كيواسي نور و ياسر وحتا عصام لي كيبكي تاهو فحضن ختو...النسخة المصغرة على الام لgاع الصغار.... مشاو يدفنوها .. وصلاو عليها .. وجا لؤي زاناستلزيا تاهما وقفو معاها فهاد المحنة وواساوها وخفف عليها ياسر بحكم انه فاقد امو و حس باش كتحس هي... بقاو شحال...تما من هنا لهنا نور بان عليها العيا دغيا من الضجيج و كترة بنادم ... عاق بيها زاين و اصر عليه عماد باش يرجعها... مبغاتش فالاول ولكن داها.... وتولى ياسر والدراري كولشي دارو العشاء وداكشي كامل بحال gاع الجناءز... ( كنكتب بالهمزة على السطر حيت معنديش فالكلافيي على الياء غير باش متقولوش شي ايز ستوبد هههه)حتا سالاو (مكنحملش هاد الاجواء والمناسبات داكشي لاش مكنوصفهمش) ومشاو الناس و كولها رجع لحالو وداو معلهم عصام حيت باه مغيكونش مسالي يقابلو...

اما نور رجعات للمستشفى و مطلقاتش زاين من حداها وهو شاد معاها الخاطر حتا نعسات....

اما ياسر دخل خوه لبيت حداه نعسو تاهو مسكين تيتم باقي صغير بقا فيهم هما على الاقل كبار... هو لي مزال محتاجها...

ولحق على رميساء لي بدلات حوايجها و جلست تسناه حتا دخل عندها بغات تريحو شوية جلساتو قدامها مصات ليه كتافو باش يتفك تشمج لي باين فيه حتا ترخا وبدا يديه نعاس وتخشا حداها حاط راسو فوق كرشها ونعس....

اصبح الصباح.... ياسر فاق هو ورميساء وهبطو يفطرو مع العاءلة...

ليلى: صباح الخير ولادي...

رميساء: صباح الخير ماما...

ياسر: صباح الخير...

علي: كصبحتو مزيان...

ياسر: حامدين الله على كل حال...

رميساء: عصومة صباح الخير ... 

عصام : صباح الخير... فين ختي...بغيت نمشي عندها..

ياسر: مكايناش دابا حتا ترجع وشوفها...

عصام: لاا بغيت ختي...

ليلى: صافي احبيبي غنديوك عندها غير فطر دابا...

ياسر كيشوف فيه ويتنهد ورميساء شدات ايديه...

فطرو معاهم و من بعد كاها رجع لشغلو... بقاو رميساء وعصام و ياسر...

ياسر: رميساء ... باقي مشفتي مع شي طبيبة تبع معاك الحمالة... 

رميساء: من بعد .... ديني عند نور دابا...

ياسر: رميساء هادشي مفيهش من بعد لبسي وياله... غندوزو عند ختي هي الاولى...

رميساء: واخا...

طلعات رميساء لبسات و هبطات خرجو ركبو فالوطو ومشاو ...وصلو عند نور وطلعو عندها ..دخلو لقاو زاين مضارب معاها تاكل وهي ماباغاش...

ياسر باس راسها: حبيبة كيف بقيتي...

نور: حمد الله.... عصام اجي بوسني...

جا طلع حداها و تكا فجنبها معنقها.... 

نور: لاباس علك..

عصام:لا بغيت نبقا معاك ...😢😢

ياسر: عصام ميمكنش تبقا معاها اصاحبي راه سبيطار هدا...

زاين: غير خليه معاها ... تاليل ورجع ليه...

ياسر: واخا ... 

رميساء: كي بقاو ايدك ورجلك..

نور: مزيان ..

ياسر: احنا غاديين شوية نرجعو...

زاين: فين غاديين...

ياسر: لطبيبة على قبل حمالة رميساء...

زاين: ااه واخا الله يعاون.. 

ياسر: الله يعاون ...

مشاو خرجو.... 

زاين كيشوف فيه كخشي فختو معنقها: عصااام ..فين اعشيري... توحشتي ختك ...وعشيرك لا...

عصام : توحشتكم ب2....

باستو نور فراسو... وبدات تدمع غير بالشوية حيت فكرها...فماماها....شافها زاين وهز ايدها باسها وقال...

زاين: نووور باراكة احبيبة راك طيبتيني ... مبقيتش قاد نتحمل راك كتعدبيني....

نور: سمح ليا ولكن مقدراش نحبسهم ...

زاين تنهد و قرب ليها...

زاين: سمحي ليا احبيبة انا .... ديري لي يخليك ترتاحي غير خفي على راسك ... و متنسايش كلامي لي قلت لك... و غتلقاي ديما راجلك معاك و فجنبك ...

نور حطات ايدها على حنكو..وتبسمات ليه بالم...وهو باس راحة ايدها...

عند رميساء لي جات نوبة ديالهم ودخلها للطبيبة باختيارو.... نكاتها و دارت ليها جل على كرشها ودارت ليها ايكوgرافي ... قلباتها وتبسمات ليها... وعطاتها مسحات... وناضو جلسو.. قدامها..

الطبيبة: مبروك عليك .... البيبي صحيحة ديالو مزيانة كمل شهر وهو فالكريشة ههه... مهم غنعطيك فينامينات .... وبعدي من التوتر والعصاب و غنعطيك هاد الدايت تبعيه باش يبقا بيبي بصحيحتو... و بعدي على الدسام و junk food و كتري الخضرة والماء...

ياسر: سمعتي ... قولي ليها ادكتورة كضل توحم ليا على الشكلاط و الدجاج مقلي...

الطبيبة: ههه مفيها لاس الى كليتي شوية ولكن متكتريش ...اوكي..😊😊

رميساء : اوكي دكتورة شكرا....

خرجو من عندها وشرا ليها الدواء و مشاو جلسو قدام البحر يشمو الهواء مزيان ليهم ب2 يرتاحو وياوحو الهم...بقاو مجمعين مع بعضياتهم ناسيين الوقت وهما مع بعضهم...

▪▪▪▪▪▪دازت سيمانة نور صحات جسديا ولكن زادت تازمت نفسيتها مكاتاكلش وغير كتخمم ولات كتبكي بالتخبية على زاين باش ميتشوش علليها كانو جيداء و لؤي و اناستازيا كيجيو عندها يوميا ...و رميساء وياسر ديما معاها...تاحد منساها حتا العاءلة...زاين شاد معاها الخاطر ومسايرا حتا الخدمة كان خاصو يرجع ليها هاد السمانة ممشاش ليها....كان عماد كيدير معاها الجلسات.... كانت كتشكا وكتخوي قلبها حتا كتسخف و يجي زاين يبردها و يواسيها... وعصام بقا غير مع رميساء اغلب الوقت....

اليوم خرجها زاين والعاءلة كولشي كيتسناوها ففيلتهم ...دخلات دارو ليها حفيلة صغيرة بيناتهمةغير يخفاف عليها الهم... جلسات معاهمشوية وتغداو مجموعين ومبعدين على موضوع الموت ...ورادين البال لكلامهم وسيف عيا ميجبد نور ولكن داك الحماس ميت فيها ... غير كتبسم اولى تجاوب جواب بارد كولشي لاحظ هادشي فيها ... وغير كيشوفو فبعشهم حتا ناضت واستادنات... بغا زاين ينوض معاها...

نور: غير كمل غداك ...انا غير الفوق بغيت نعس شوية..

زاين: واخا شوية ونجي...

مشات...

علي: حالتها معاجبانيش...

ياسر: تانا بان ليا غمكتزيد تازم ... اش كيقول عماد..

زاين: اوووف راه غادي معاها غير تجاوب ديالها مع العلاج تقيل .... معلينا غير نصبرو...

ليلى: الله يشافيها لينا ويقوم بحالتها ياربي...

الكل : امميين....

نور حلات فراشها ودخلات تكات وهو يحل عصام دخل عندها...

نور: اجي احبيبة عندي .... مالك مكملتي غداك...

عصام شبعت بغيت نبقا حداك...

نور: اجي احبيبي..

تكا حداها وعنقاتو...

نور: بغيتي تعيش مع ختيتو...

عصام: واش ديما؟؟

نور: اااه ديييييما...

عصام اه اه بغييت...

نور: اوكي حبيبي...انا غنعس دابا الى بغيتي تنوض نوض...

عصام : لا بغيت تبقا حداك...

نور: واااخا😊😊

نعساات نور و حداها عصام معنقها تاهو داه النعاس... حل الباب زاين ودخل عندها...لقاها ناعسة وفحضنها عصام تبسم باسف ...غطاهم وخرج....

هبط بقا مجمع معاهم...حتا ناضو كولشي مشا لديورهم...الا ياسر ورميساء....و بقاو شحال مجمعين...

حتا هبط عصاام كيحك فعينيه ...

ياسر: فين كنتي غابر...

عصام :كنت ناعس حدا ختي...

ياسر: اجي لهنا البطل...اوبلا...جلسو فوق رجلو..

زاين: فراسك اصاحبي قرب يجي ولد خوك تلعب معاه..

عصام: اوواااه 😍😍😍

ياسر: هههههه هاهو هنا...كيشير لكرش رميساء..

ناض جلس عند رميساء ...وهي شاداه كتضحك معاه..

عصام: بالصح اختي رميساء كاين بيبي هنا..😍😍

رميياء: اااه 😁😁

عصام : امتا غتولديه...

ياسر: ههههه زربان ..

عصام :ااه بغيت نلعب معاه كورة...

زاين: والى كانت بنت اش غدير...

عصام : غنعلمها تلعب معيا كورة...

رميساء: ههههه صافي باين العربون ...

ياسر: ههههه العفريت نتا ...فين ختك..

عصام: خليتها الفوق ناعسة ... وكانت كتبكي وسادة عينيها...

ناض زاين كيجري طلع وتبعو ياسر...دخل ولقاها باقا كتبكي بحال ديك المرة....قرب حداها وفينما كتكون كتبكي مكيفيقهاش كيسكتها هكاك حيت الى فيقها وهي بديك الحالة غيتسبب ليها بصدمة و هي اصلا على سبة.... عنقها وبدات تسكت حتا رجعات لنعاسها...

ياسر عند راسو كيشوف فيها وداير ايدو على فمو كيخمم....

ردها لبلاصتها و بقا حداها شوية عاد تبع ياسر...

ياسر: منكدبش عليك نور الهدى خالعاني...

زاين: تانا... خايف عليها بزاف ... غنزيدو نصبرو ونشوفو عماد اش غيدير معاها...

ياسر: واخا...

▪▪▪▪▪داز شهر نور بقات على نفس الحالة واخا الجلسات مع عماد ... ولات كتكمي تقريبا يوميا بالتخبية مكتخرجش و كانت طلبات ياسر يهضر مع محمد يخلي عصام يعيش معاهم ..زاين ايضا رحب بالفكرة ووافق ..محمد تاهو وافق حيت نور ممكن تهتم بيه افضل منو ... وهو راه كيجي تقريبا يوميا يشوفو وكيبديه معاه فالويكاند... ديما كيسولو فيها العاءلة و لؤي و جينيونغ ...كولشي تاحد ماناسيها... مبقاتش كترقص ولاتمشي لافاك ... ديما فالفيلا كتقرا الكتوبا ولا كتفرج وزاين رجع يخدم ولكن كيخطف الوقت باش يبقا معاها...مبقاش كيفرقها... كيعيا فيها تخرج ووالو ... زاين زاد تشوش عليها ودار مع عماد يهضرو..وتلاقاو فكافي...

عماد: انا كنت باغي نهضر معاك مزيان مني عيطتي ليا..

زابن: عماد بان ليا الجلسات منفعوها فوالو .. حتلتها هي هي تبدلات تقول هزيتي نور وحطيتي اخرى...

عماد: هادشي كان متوقع...سمع نور دابت عندها واحد النقص... و خاصها تعمرو... فينما كنجي لعندكم كتلف انتباهي واحد الحاجة..... لاحظتي علاقتها بخوها الصغير ؟ 

زاين: ااااه اغلب الوقت مكتفرقوش و تاهو ديما مخشي حداها...

عماد: ايوا بالنسبة لعصام راه كيلقا فيها حنان الام حيت الخت الكبيرة هي الام التانية لخوتها....داكشي لاش زاد تعلقو بختو الكبيرة بعد فقدانو الام ديالو... اما نور...فراها كتحاول تعمر واحد النقص... وهو الامومة...نور مغيخرجها من هاد الحالة غير انها تولي ام...

زاين: هي رافضة هاد الفكرة دابا... مغتبغيش... هي ممستعداش ...

عماد: بالعكس راها مستعدة دابا اكتر من اي وقت اخر.... غير حاول تقنعها... حيت الامومة غتشغلها ونيت غيعمر ليها الفراغ لي خلاتو مها...

زاين: واخا غنشوف اش ندير معاها...ايوا قول ليا نتا اش خبارك... 

عماد : اخر الاخبار قررنا نديرو العرس من هنا لشهر...

زاين: وايلي هههه كتغفل اصاحبي...😂😂

عماد : هههه راه عيينا منصبرو السيدة gاعما مسوقة ديك السمانة زمتها درت ليها واحد الفيلم خلاها تابعني كتبكي...😂😂😂

زاين: هههههه اش درتي المسخوط....

عماد: قلت ليها نتي بان ليا غير كتفلاي مناويا معقول ... الى مباغاش قوليها...انا غنطلق سراحك ونفسخ الخطوبة والله يعاونك ابنت الناس ونضت خليتها حتا تمت جاية كتجري والخنونة و الدموع ..قالت ليا لا صافي الى بغيتي حتا من دابا هههه و قلت ليها من هنا لشهر نوجدو .. 

زاين: ههههه مسخووط كيف طاحت عليك هادي.😂😂

عماد: مرتك اخويا ... واحد المرة فالجلسة داتنا الهضرة و عاودت ليها وقتارحاتها عليا و انا جربت وصدقت...

زاين: هههههههه عفريتة واخا عيانة لي فيها ممهنيها😂😂😂😂

عماد: راه جنية عندك هاديك😂😂😂

زاين: على نتا غتقولها ليا ههههه

بقاو ظجمعين حتا تعاشات العشبة وضلام الحال...توادعو ومشا للفيلة..لقا نور كتحط العشاء ...رحبات بيه بابتسامة وعنقاتو ... واخا عيانة ولكن علاقتها بزاين ممبدلاش ديما لاسقة فيه وتعنقو ..علاقتهم مبرداتش....حطات العشاء وجلسو كيتعشاو هي وياه وعصام كلاو مجمعين عادي.... ومن بعدمت يلاو ناصو كيتفرجو حتا طاب نعاس عصام هزو زاين داه للبيتو لي داروه ليه حداهم.... ونور دخلات للبيت وجلسات قدام المراية كتمشط بعدما بدلات حوايجها... دخل زاين كيشوف فيها... قرب عندها تحنا لمستواها ...وخشا وجهو فعنقها العاري كيشم ويبوس ونور كتشوف فيه من المراية كتبسم وهو مغمض عينيه هايم فيها حتا جبد وجهو وكيهضر ويبوس فيها...

زاين: توحشتك احبيبة...

نور دارت عندو وباستو ففمو..: تانا .. ولكن تقادات ليا البيلول غدا جيبها ليا ومغنقولش لك لا...😊😊

زاين طاحت ليه فكرة فراسو : لا ...بلاش انا عندي العازل...هزها للناموسية ... وجبدو من المجر وراه ليها زعما راه غنديرو بداو التيخينات و كانت متجاوبة معاه مهم حيدو حوايجهم وحيت عارفها مكتشوفش فيه تلفها ومداروش ودازت العلاقة بدون حماية ...سلااو بعد شحال من جولة حتا عيات عاد طلقها... ونعسو فحضن بعضياتهم...

فاقت نور بايدين زاين لي كيلعبو فيها...حلات عينيها وهجم عليها بالبوسان .....

نور: ههههه هدا .... وزاين خنقتييني...

زاين: الله هاد الضحيكة شحااال توحشتها...😍😍😍

نور جمعاتها كتشوف فيه ...

زاين: مال حبيبة دياليي...

نورء: حاسا براسي فشكل .....

زاين: كيفاش فشكل...هههه

نور: معرفتش .... ممرتاحاش ...

زاين طلع فوقها كيبوس ويهضر وكيضحك...

زاين: هههه انا غنريح حبيبة.... (فنفسو: هههه هاديك غير الكومبا ديال ولادي محاربين على شكون غيوصل الاول ..) (ياك فهمتوه اش كيقصد قريتوه فالسيونص بلا مندير ليكم درس رحلة الحيوان المنوي الشاقة😂😂😂) 

نور: سير بعد مني راه معنديش الفنيد ...غير البارح شكرفتيني كمل عليا دابا...

زاين: ههههه راه رياضة هاديك احبيبة .... ملاحضتيش الفورمة عندك غمكتزاد تقاد😜😜

نور: هههه نهار الاول لقيتيني هكا الكدااب😏😏

زاين: لا مكنتيش هكا راه انا لي راجلك وعارف اش كنقول😜😜

نور: و طلقني خاصني ندير فطور لعصام...😒😒

زاين: لا باقي الحال على فياق عصام....وكيبووس عنقها..

نور: هههه شنو دابا ..مطالقنيش...

زاين: لا ... حتا نتاكد المهمة تمات بنجاح...

نور؛ اشمن مهمة😑😑

زاين: والو احبيبة ... غير رخي ليا راسك 😜😜 انا غندير كولشي 😂😂

نور: ناري منك نتا صابح شاعل واش متاكد مكتشربش فياgرا... 😦😦

زاين: هههه لا واه الزمر داكشي لحتو تحسبا لايغرك الشيطان تاني..... اصلا راه نتي كلك فياgرا....😜😜

نور: بزاف عليك😠😠

زاين: وراك نيت بزاف عليا هههه...سكتي خليني نركز فشغلي...

نور: سير عالله...ركز اخويا فشغلك...

زاين هز راسو من عنقها... وشاف فيها...وهو حمر ساخن عليها...

زاين: خووك؟ 😡😡😡

ومع هما اصلا باتو عريانين .... خشاه فيها بالجهد حتا زدحها و غوتت...

زاين: ياله ... ها خووك😡😡😡

نور: اااي الله يلgيها لك الحلوف ..... قسحتيني...😠😠

زاين كمل عادي : باش نوري طاسيلتك تقولي ليا خوك..

نور: اووف غير خرجت...

زاين: كانت فك غير هادي 15 يوم ياك؟

نوور: ااه علاش ..

زاين: والو احبيبة غير حيت موحشك ومبغيتهاش تجيك هاد السمانة...

نور: الله ياربي الله 😒😒

زاين: هههههه عولي عليها هاد السيمانة ...بلا متخورجي من البيت وبلاش عليك حتا تلبسي بقاي غير هكاا😜😜

نور: اااه قالو ليك انا الجارية ديالك..😠😠

زاين خدام ومقابل معاها متكي عليها كيهضر عينها فعينو وهي كتشوف فيه و تعض على شفايفها من النشوة لي حاسة بيها ...

زاين : علاه شنو نتي😏😏 ....نتي مراتي جاريتي حبيبتي روحي و حياتي ... والى معجبكش تكوني جاريتي خبطي راسك مع احيط..

نور: 😍😍😍 كتقتلني بهاد الرمانسية الحرشة ديالك..

زاين: هههه حيت نتي ديال الحروشية احبيبة كامونية ...لاماحكيييييتكش..... متعطيش الريحة 😜😜 

فاش زاين قال الى ماحكيتكش حكو فيها و ضربو معاها بالجهد تاغوتت تاني وهي شادة فيه و كتغوت والضحكة غالباها من التصرف لي داار...

نور: هههه ايي والله تا حرام عليك ... متبقاش دير هكاك راك فرعتيني...

زاين ضحك ديك الضحكة الرجولية لي خلاتها تحس بجسمها تهز من صوتو ... بقاو خدامين كيشوفو فبعضياتهم نيشان وكل شوية يسرق بوسة وكلام الغزل محيدش من فمو بطلبعة الحال...

كملو الممارسة وكان موهمها بلي داير الواقي .... هزها للدوش دوش ليها كيف بنيتة الصغيرة ودوش معاها ...خرجو لبسو حوايجهم وهبطو دارو الفطور ب2 فيقات نور خوها و هبطاتو يفطر .... اليوم الاحد مكاينا خدمة ....فطرو على خاطرهم ... وناضت نور تجمع الماعن ... و زاين خرج برا الجردة مع عصام كيلعب معاه ومعاهم جاكسون... حتا خرجات عندهم نور كتلعب معاهم تاهي و بقا حاضيها زاين كتلعب وكتضحك معاهم ....هو لاحظ بعد العلاقة لي دازت بيناتهم البارح واليوم حسنات مزاجها المتعكر...حيت اصلا هاد الشهر كامل مقاصهاش... 

بقاو كيلعبو فرحانين حتا دخلو عندهم رميساء وياااسر.... و رميساء مشات عندهم كتجري....

رميسااء: ياااااي 😍😍😍كيلعبو...لعبوني تانا ...

ياااسر: ريحي لمك للارض دابا طيحي😠😠

رميساء: مااشي سوقك...😛😛

نور: هههههه عصاام لووح ليا اصاحبي...

زاين: عنداك راه انا لي كنلعب معاك ...

رميساء: نو عصومة لوح ليا...

ياسر: ياربي الصبر من عندك..... لاحظ نور...

ياسر: نوور 😍😍

نور: نعام اخويا😊😊

ياسر: سافا.... 

نور: بييخير...

ياسر: داكشي لي بغيت .... 

زاين: اش بان ليكم نخرجو هاد النهار...

رميساء: اااه فكرة زوينة...

ياسر: مرحبا مكاين ميدار...

نور: سيرو نتوما مفياش...

ياسر: غتمشي... 

زاين: سمعي كلام خوك 😂😂 غتكشي بالزز ..

نور: بلاش بلا متقجرو عليا ..

رميساء تلاحت عليها كتغبن؛ والله ومنمشي تا تدير ليك حيحة هنايا...

ياسر: مراتي حاملة بلا متعصبيها ليا 😏😏

نور: اوووف واخا ... بلاتي نبدل...

زاين: متعطليش...

مشات...

ياسر: هههه سبحان مبدل الاحوال هههه .... شفتها راشقة ليها...

زاين: هههه اكيد غترشق ليها ... لقيت ليها دواها...

ياسر: دواها ... وضح..😒😒

زاين: هههه ماشي سوقك.... بلا متبقا تهبش😂😂😂

ياسر فهم وبدا يضحك... وهما كيتغامزو واقفا قدامهم رميساء كيف الاطرش في الزفة .... حتا هبطات نور وقالو ليها ياله ....

ركبو فسيارات منفصلة .... وحلفو البنات يركبو فالفيراري و الدراري فسيارة زاين .... دارو ليهم الخاطر حيت ب2 على سبة ....ركبو البنات و معاهم عصام اللور ومعاه جاكسون... والدراري وراهم كينفخو ههه

خرحو من الفيلا وكسيراو .... مشاو يضورو فالمدينة كل وحدة شادا راجلها و قدامهم عصام كيلعب مع جاكسون .... شحال كيتمشاو و يهضرو ويضحكو حتا نقز جاكسون طاير كيجري بحر جهدو فالشارع وكولشي بنادم بقا كيشوف حتا قشعاتو نور ... و هي تغوت... حيت مافيهاش لي يتبعو...

نور: ولد الكلبااااا... و بدات تحري تابعاه وتبعها زاين كيجري ووراه باسر حتا جرا شوية وهو يوقف كيدورها فراسو هو يرجع عند مرتو لواقفة كتشوف هي عصام...

ياسر: وانا مالي .... راه معاها راجلها 😂😂😂

رميساء: هههههه ماعرت مالو...

ياسر: غيكون شم ريحة الماكلة... اجي نجلسو...

جلسو فالكورسي تما .. وجلس ياسر عصام بين رجليه كيضحك معاه....

اما نور كتدردg و زاين سبقها كيجري قدامها و كتقول ليه...

نور: شدووو شدوو غينقز على شي واحد ..... 😨😨

زاين: راه ولد الحرام عندو الفرافر فرجليه واخا تقييل 

بقا كيجري ويدور ليهم مع الدروبة و نور كل شوية توقف كتنهج و زاين موقفش عندو السوفل...حتا بان ليه وقف قدام واحد الكافي.... ولكن ديك الكافي سبيشل فيها الكلاب بانواعها واشكالها... والناس كيجيو كيلعبو معاهم تما و لي بغا شي واحد كيشريه ( بطبيعة الحال هاد لي كافي مكاينينش فالمغرب غير طالقاها عليكم وشكرا).... وقف زاين كينهج ياله غيشدو وهو يبدا ينبح ليه فوجهو....عاد وصلات عليهم نور ..

زاين: زمو ... سخفتيني اولد الحرام...

نور: علاش كينبح اش بغا شتو منقز على تا شي حاجة..

زاين شاف فين كيشوف ولقا قدامو ديك الكافي..

وهو يخرج عندهم مول ديك الكافي لي شافهم من برا ...

.......: تفضلو مرحبا بيكم😊😊

نور: واااو 😍😍😍 

دخلات نور و تنهد زاين وجرو دخلو معاه ....لقا نور كتلعب مع الكلام وتهضر معاهم وتضحك وتبوس و تهز فيهم وزاين واقف عليها غير كيشوف...

نور: شووف ازاين شحال الكيوووت مكرهتهمش كاملين..😍😍

زاين: اااه باش تكمليها ليا....

بان ليهم جاكسون غبر ناضو كيقلبو بان ليهم دخل للداخل واحد الصال دايرينها فين كيباتو الكلاب... و وقف حدا واحد الهوسكي اخر كان فيه الابيض والبني فاتح.... وكان اصغر من جاكسون لي فالكحل والبيض وبدا كيشمشم فيه و يدور عليه ولاهر ممهتمش غير واقف...

نور: هههه اش كيدير عمرو قرب لشي كلب اخر...

زاين: هههههه هاداك راه هوسكيا المكلخة ... ولدك كبر ابنيتي وجاتو الز****

نور: جمع فمك من تخصار الهضرة اويلي 😨😨

جا المسؤول: هاد الكلب ديالكم؟؟

نور: اه ديالنا...

هو: مممم تباركلاه مهليا فيه هههه ...

زاين: هههه قول هو لي مهلي فينا...

نور نغزاتو...

نور: واش هادي نتوى...

هو: اااه .... سميتها ريكسا...

نور ضارت عند زاين: شريها.... ومشات عندها وهلات زاين كيضحك بالفقصة ... وخرج هو ومول المحل للبرا باش يشريها من عندو ونور قربات ليها كتلعب معاها وصدقات ضريفة ودغيا تجاوبات معاها ...

جراتها معاها برا ولقات زاين شراها وسالا... عطاها باش تربطهم ب2 باش ميهربوش... وخرجو راجعين فحالهم بعدما ودعو مول المحل...

دارو منين جاو و ياسر باقين جالسين فين خلاوهم ...حتا بانو ليهم ضايرين مع الضورة نور القدام رابطة كل واحد من ايد و كيتنقز فرحانة و زاين وراها غادي كيتعنgر مخنزر حاقد على الوضعية بهاد الوجه😒😒 ...غير شافوهم رميساء و ياسر وهما يتلاحو على بعضياتهم كيخراو بالضحك....

ياسر: ههههه مقدو فيل..

رميساء: زادوه فيلة ههههههه

نور: زوينة يااك ههههه هي لي كان كيجري على قبلها ههههه..

زاين: على اخر ايامي وليت نتبع فجحموم جاتو ال...

طارت عليه نور سدات ليه فمو....

ياسر: هههههه راه تا هو خاصو يدير التريكة....اصاحبي مالك

زاين: قول يدير خلا عشتي... سخفني حيد لهيه خنجلس....

عصام: واو واش هادي كلبة؟

نوور: سميتها ريكسا... عجباتك..

عصام: ااه عجباتني...

رميساء: وا عباد الله جاني جوووع...

ياسر: ياله ضربتي سوندويش...😂😂😂

رميساء: وا بغيت ماكلة... مدار ليا والو سوندويش..

نور: شوفي نتي والله يامك وتغلاضي حتا ندمك...

ياسر: اه تانا غندمك.....ولكن بلاتي ونتي مالك...😒😒

نور: منين حيت العام الجاي غنشاركو فالمسابقة ...نسيتي..😒😒

ياسر: اشمن مسابقة ... مموافقش...

رميساء: اويلي ياك وافقتو 😨😨

ياسر: مكنتش مركز فداك الوقت ... عاد سرات معايا دابا...

نور: زاين هضر 😢😢😢

زاين شاف فيها مطولا و قال ... غتشاركي احبيبة منحبسكش تحقي احلامك ....وتا ياسر غيوافق ...ياك اياسر .... غمزو..

ياسر بقا كيشوف وقال : وا خا الالا واخا.. 

رميساء: يخليك ليلي..

نور: العزز العشيير هههه...

زاين باس رايها وضحك معاها... 

ياسر: ياله نمشيو نتغداو...

بقاو كيتمشاو كيقلبو على شي ريسطو .. وقفاتهم رميساء بغات سوشي .... و جلسو برا على قبل الكلاب لي معاهم.... جلسو و طلبو و بقاو كيتحتو ويضحكو ونور كتوكل خوها لي معرفش ياكل... سلاو وناضو كيتمشاو و يضحكو و جلسو فواحد البارك ....غير الخضورة وعامر بالناس و لادهم ... مشا عصام كيلعب فالالعاب قدامهم و مشاو معاه رميساء وياسر... ونور بقات جالسة جنب زاين شادا ايدو مبسمة راشقة ليها وزاين كيشوف فيها و الراحة باينة فيه من جيهتها ..

زاين: حبيبة... مرتاحة...

نور ضحكات حتا تسدو عينيها: اه .. وبزااف...

زاين قرص حنكها: خنيفيشة ديالي 😍😍

نور: 😊😊😊

لفت انتباهم امراة كتعيط على ولدها الصغير يرجع لي جاي من جيهة الكلاب ومشية ديالو ملخبطة باينة ياله كيتعلم...نور بقات متبعاه حتا وقف قدامهم و بدا بحايلا باغي يشد فريكسا وهي غير كتشوف ... المراة بغات تنوض خافت على ولدها وهبدي تنوض نور...

نور: غير خليك مغدير لييه والو....

المراة: واخا اختي ... بقات جالسة وعينها عليه...

نور جلسات مقردة قدام الوليد....

نور: اهلا فنيكيش.... عجباتك ريكسا....ممم .. شننو سمييتو...

المراة: سميتو هيتم...

نور: ويينو على هيتم الفنيكيش...كتبوس فيه... وهو كيشوف فيها ويضحك ... وزاين ساهي فيها وفالتعامل ديالها مع الوليد الصغير...

نور: ريكسا ...ايدك..

جبدات ريكسا ايدها زعما كتسلم ... وحطاتها نور فايد هيتم وبدا يضحك حتا وصل ضحكو عند مو لي ضحكها تاهي...

نور: ههههه عجباتك...ههه هو غير كيسمع ليها وبضحك..

شافت نور فزاين كضحك معاه على ضحك الوليد البريئة و هو متبع معاها .... حتا هزاتو و حطاتو قدامها وجلسات حدا زاين....و كتلعب معاه...حتا جاتها العطسة وصغراتها باش متخلعوش... وهو يبدا يضحاااك...

نور: هههههه كيضحك على كولشي ... عجباتك اه ...اتسييو...

بدا يضحك تاني وهي كتضحك وتعاودها ليه حتا كيبغي يتجنن بالضحك...

زاين: هههههه تي باركة عليه سخفتييه...😂😂

نور: ههههه ضحيكتو غزالة مشاء الله عليه..

زاين مد ايدو كيلعب بشعرها كيرجعو وراها ....

زاين: مبغيتيش بحالو😜😜

نور: مكرهتش ... ولكن ماشي داباا...

زاين فخاطرو : هههههه احنا غنشوفووو..

جاو الاخرين وبدات رميساء تلعب معاه تاهي جننوه ب2 بالضحك والدراري كيقولو ليهم باركة وهوما والو عجبهم الحال....حتا بدا يظلام الحال عطاو الوليد لماماه لي مسخاش بيهم ودعوها ومشاو رجعو ركبو كيفما جاو ...قالك بغاو البنات يحيحو فلوطو تاعهم بوحدهم .... ركبو الدراري تاهما زاين لي سايق وقدامهم البنات ... ساقو شوية وهي توقف للدراري حلفت لازادت وتلبنات ماشافوهمش سبقوهم... خرجو الدراري بقاو مضاربين معاها ووالو حلفت لازادت... حتا عيط زاين ليها من اapp وقال ليها ترجع .... ونيت ىجعات وبداو يضحكو عليهم ...

نور: هههههه اش دابا غنركبو كاملين فالفيراري..

زاين: ااااه معارت مال هادي سكتت حتا نكلف شي حد يرجع ليها... ياله ركبو انا غنصوg ....

نور: نعام اخويا....ا اراجلي...الفيراري ديالي انا لي غنصوقها...

زاين: نوووور😠😠

نور: زااااين😠😠

ياسر: ههههه صافي خليها اصاحبي احنا غنشوفو هاد السوقان كيف داير...

ركب زاين تاهو كيزفر حطو عصام بيناتهم لور و معاهم حتا ريكسا ...

نور: رميساء خشي حداك هاد العجل مغيجيش معاهم لور...( جاكسون) ...

ركبات نور و اخر وحدة وهي دور عند الدراري بانو ليها قداش شناهما مزربعين كول واحد لايح رجل لجيه و بيناتهن عصام وريكسا وهي دور عند رميساء وقالت...

نور: ولات عندنا زريبة ديال العجولة هنايا😂😂😂

رميساء: سهفت حداها بالضحك ... 

ياسر خنزر فنور ...

وزاين كيهضر مغدد اصلا تعصب مع لوطو: غتعفطي ولا غنوض نعفط على ديلمك انا تما😡😡

نور: هههههههه واخا واخا... غمتعصبش.. 

نور كسيرات وشعلات رميساء المزيكا بقاو ب2 كيغنيو ويضحكو كيف موالفين يديرو .... والدراري لور فرعو ليهم الراس كل واحد شاد راسو فجيهة ... حتا وقفو فالسطوب... وبقاو محيحات حتا وقفات حداهم لوطو اخرى فيها 2 دراري مقابلين معاهم ومع الفيراري ديال نور جاجها مكيبينش اش كاين الداخل كانو حالين غير الجاجة لي من جهة نور ... و البنات محيحات مداوهاش فالدراري لي كينقو عليهم ...وهي دور نور عندهم...

نور: سيرو راه كتقلبو على خلاكم😂😂😂

هو: حلفو اش غيوقع الى ممشيناش...

شافو الدراري نور كتهضر من الجاجة ...وهو يهبط زاين الحاجة لي حداه مخنزر ...

زاين: اااهيا اش كاين😡😡😡

دارو الدراري و بانو ليهم ب2 قد السخط جالسين لور مخنزرين...

هو: سمحو لينا اخويا... وهما يدورو و سدو جاجهم..و البنات بداو يضحكو...

زهو يغوت ياسر: سدي عليا داك الزمر...

نور: هههه ها هو...

▪▪▪يتبع▪▪▪