الضابط و زوجته المراهقة الجزء 29

من تأليف غزلان ش.
2018

محتوى القصة


رواية الضابط و زوجته المراهقة

ياسر: رميساء اش داكشي كبيتي عليك شي حاجة ...
رميياء مصدومة لارد...
نور وففت: لا متفولبهاش 😱😱😱
رميساء اومات ليها براسها بمعنى ااه
نور: نووووض تgعاااد مرت كتولد...
ياسر: كيفاااش ولك باقي ليها اسبووع 😨😨😨
زاين: ماشي وقت الهضرة دابا ..خاثنت نديوها قبل ميبداها الوجع....
جروها ركبات لور مع نور 
وزاين سابق وحداه ياسر لي دابر عند رمبياء ... كسيرا زابن بالجهد ورمبساء بداها الوجع .. و نور حداها كتصبر فيها وحتا ياسر...
ياير: تنفسي احبببة تنفسي متخافيش...
رميساء: اااي ماما غنموووووت😭😭
نور: شسش متغوتيش تنفسي خودي نفس وخرجيه احنا قراب...
بقاو معاها هكاك بعد نصف ساعة وصلو هبطوها وهزها ياسر داخل كيجري ووراهم زاين شاد نور وغاديبن.. حتا دخلو للطوارئ ودخلوها ... كيوجدوها حيت دابا غتولد... دخلات الطبيبة ديالها كتجري تاهي خلاتهم واقفين غاديين جايين متوترين... 
حيدو لرميساء حوايجها باش ترتاح و متبرزطش ولبسوها غير داك زي المستشفى تكاوها وحلو رجليها ربطوهم فالباياس و الممرضات كيحاولو يهدنوها...
وهي غواتها واصل تال عندهم برا ...ياسر كيسمع فيها مقادرش يصبر بعد ووقف بعيد باش ميسمعهاش ...
خرجات الممرضة...
الممرضة : الزوج ديالها يتفضل معانا...
نور: ميقدرش ...راه بعد مصبرش عليها... انا غندخل عندها...
زاين: لا فين غدخلي ... على نتي مطفراه...
نور: هي محتاجة شي حد فينا ...متخافش اصلا معندو مبطرا راني فالسبيطار ..
زاين ياله غيجاوب و لقاها غادية جلس كيدوز راسو لبسو نور تاهي و وقفات حداها شادا ايدها وكدوز على شعرها وهي كولها فازgة بالدموع و العرق ووجها حمر...
اما زاين بقا بالو معاهم ب2 الداخل حتا جاو العائلة كولشي ...سولو على البنات وقالو ليهم الداخل نور كتعاونها وخاصمو عليه حيت خلاها تدخل....
نور: رميساء حبيبة تنفسي تفكري التمارين لي كنا نديروهم تنفسي و رتاحي كلشي غيدوز بيخير ان شاء الله...
الطبيبة: بنتي ياله احبيبة دفعي راك واجدة... دفعي..
رميساء بدات تعصر وتغوت و نور حداها كتشجع فيها و كتشوف فيها كيفاش كتعدب و كتقاوم وتالم على ولدها دمعو عينيها معاها و تاهي غواتها وبكاها اترو فنور كتبكي وتقوليها ...
نور: صافي قربتي زيدي مازال باش تشوفيه فحضنك ...ياله زيدي مابقا غير شوية...
غوتات رميساء غوتة وحدة دفعات بيها البيبي كامل خرج ...شداتو الطبيبة قطعات الحبل وقلباتو خوات ليه فمو وبدا يغوت ... هنا رميساء متبعاه كتشوف فيه و تبكي مسحو ليه وحطوه فوق سدرها كتبوس فيه وتضحك وهو حاط وجهو على وجها كيبكي وهي كتضحك وتبكي من الفرحة ...ونور حتا هي حداها باست راسها وقالت...
نور: مبرووك احبيبة كيحمق بحال ماماه...
رميياء: شفتيه انور .... كيحمق...
نور: اه احبيبة شفتو .... وحتا ماماه كتحمق ... شفتي كولشي داز مزيان ...
رميساء غير كتبوس فيه وتبكي والممرضات حداها كيشوفو باعجاب...
خرجو نور نيشان طارت لحضن زاين كتبكي و تنخصص وهو كيعنق ويبوس راسها دخلو ياسر ورا نور ...دخل كبشوف فيها شاداه وحالتها هكاك قرب ليها ودموع الفخر فعينيه باس راسها وايديها من بعد باس الولد فحضن ماماه ...مقدرش يهزو كيبان صغير خاف عليه ...
ياسر: على سلامتك احبيبة ... كيحمق بحال ماماه ..
رميياء: 😭😭😭

ياسر: ششسشش متبكيش هانتي شاداه دابا الله يخليكم ليا ...
باس راسها و البيبي ...
الممرضة خاصك ترضعيه دابا...
قادو بيها الباياس gعدوها بوضعية الجلوس بعدات الزي على سدرها و عطاتو يرضع و ياسر كيشوف فيهم ويتبسم ويهز شعر رميياء لي معنكشها كولو لاسق ليها على وجها من العرق ... جبد تيلي وصورها شحال من صورة ... خداو البيبي و خرجو حتا ياسر باش ينضفو لرميساء و يحولوها للغرفة...
خرج لقا نور كتبكي وتنخصص فحصن ليلى ...شافتو وجرها عنقها عندو...
ياسر: صافي احبيبة عارف ...كان صعيب عليك...
نور: شفتيه شحال غزال وصغيور 😭😭 رميياء كانت كتبكي وتغوت بزااااف😭😭😭
زاين: هادشي لاش مخليتكش دخلي ..على انا غجيت وقطعت دوك التصاور من الكتوبة هانتي دخلتي شفتيه لايف gاع....اجي عندي صافي رتاحي باراكة عليك من البكا...
علي: كيف بقات 
ياسر: الحمد الله ...شاداه مطلقاتو غير بالزز فرحانة بيه 
ليلى: الحبيبة ديالي ...
سعد: وفين دابا منقدروش نشوفوها...
ياسر: غيحولوها للغرفة ديالها وديك الساعة غنشوفوها كاملين...
بقاو شحال كيتسناو حتا قالو ليهم فين و هبطو للغرفة دخلو لقاوها شبه ناعسة كترتاح ...دخلو عندهاغير كيبوسو و راسها وكيباركو ليها وهي سخفانة وكتهضر بالشوية...هزات ايدها لنور تقرب ليها جلساتها حداها وعنقات نور ...
رميساء: شكرا احبيبة وقفتي معايا ... اصلا هادشي هو لي متوقع منك ...ديما فجنبي لهلا يحرمني منك...
نور: شششس نتي اكتر من اختي ... الحمد الله على سلامتك الغزالة ديالي...
تعانقو تاني و الكل كيشوف فيهم ويتبسم ليهم ناصت نور رجعت تخشات فزاين و ليلى مشات جلسات حدا رميساء حتا نطق سيف....
سيف: دابا من هادشي كولو تعديتو غير على هاد المسكينة لي حداية ...عرفتو دبك القضية ديال مخصناش ندبحو الحولي قدام خوه....هو هادشي لي طرا دابا لنور مسكينة شافت اش كيتسانها قبل متجي نوبتها😂😂😂😂😂
نور طلقات من زاين و حيت هو حداها زواتو حتا دخلات كرشز تحنا و نزلات عليه بالمرفق ديالها حتا طاح كاو وشداتو ضحى كتنوض فيه...
نور كتقاد حوايجها بنظرة انتصار وفخر: اححح واخيييرا...

نور: واخيرا شحال وانا نحلم نعطيك شي بوطية ... بقيت دور هانتا خديتيها....
زاين: ههههه نتوما هاد 2 ...😂😂😂
علي: عبرتي عليه ابنتي .... شتي العجل بكرشها وطيحاتك كون مكانت متقلة يعلم الله اش واقع فيك دابا...
سيف: راه غير حبت حاملة مغنديرش فيها ايدي ...غبلاتي لوالديك حتا تولدي...
نور شافت فيه تخشات فزاين وخرجات لسيف لسانها..
بقاو مجمعين كيضحكو حتا جابو البيبي... كولشي شافوه وباسوه ...باقي صغير وعندو شعر خفيف كحل و عينيه باقي ممعروفينش حيت باقي صغير ....
هزو علي ....
علي: تباركلاه ماشاء الله على حفيدي شحال غزال ...
ليلى : تباركلاه ... غيكون كيشبه باه ... شعيراتو كحلين ...
رميياء: حتا انا داكشي لي بان ليا....
سعد: ايوى سميتوه؟
ياسر: باقي مفكرنا...
رميساء: اش بان ليكم نسميوه جاد... نور غتسمي جود وجودية و بما انهم غيزيدو فعام واحد يكونو بتقاربين فالاسماء...
ياسر: جاد سمية زوينة...
نور: فكرة زوينة😍😍😍😍
بقاو مجمعين كولشي عجباتو السمية... بقا زاين معاهم شوية وجر نور يديها حيت مبقاتش كتقدر تبقى واقفا بزاف.... واخا مابغاتش داها....اما العائلة بقاو شوية و مشاو باش ترتاح بقا غير راجلها معاها ... 
داز اسبوع رميساء خرجات من المستشفى اليوم السبت السبوع ديال جاد......كولشي العائلة لي برا جاو وحتا جداهم كولشي مجموع وفرحان الفيلا عامرة والهاراج والحيحة ..... حفلة كبيرة فيها اصدقاء البنات والدراري قرباء العائلة حفل كبير .... جابو البيبي من السبيطار بعدما ختنوه ماحدو صغير ويديرو 2 حفلات فحفلة وحدة.... ياسر ورميساء ضاربين البلدي... وحتا زاين اما نور مقدراتش عليه خنقها لبسات غير غوب خفيفة فالباج... وصندالة بلا .... كولشي كيبارك و يعطيوهم الكادوات ياسر غير كيفرنس ... هاز ولدو ويدور بيه ورميساء معاه.... اما نور مقنتة فواحد الجيه عاصرا على الحلويات و جالس حداها جينيونغ حيت معندوش مع اجواء الحفلات البلدية وهادشي .. هو وياها غير كيتحتو وكل شوية يلوح ليها كومونت حيت كرشها لي كتبان وسطها....
كل شوية تجي عندها ليلى و الجدة يطلو عليها تاهي حيت زاين مشغول مع الناس و مصرين عليها باش تبقا جالسة ومتنوضش وكولشي كيوصل حتال عندها و جات حتا ديك صفاء وختها مروى وهاد المرة تبدلات ودارت عقلها قالو بلي رجعات لقرايتها بعد ديك الشوهة لي دارت ندمات وجات تطلب السماحة من نور ونور قبلات .... كولشي كيغلط مادام طلبات السماحة فالله يسامح...
داز الحفل زوين حتا وصلا 1 الليل تعشاو وداكشي وناض زاين طلع نور ...دخلعا لبيتو القديم ... وسد الباب...
زاين: ياله باراكة عليك دوزي حطي داك الراس ... من الصباح ونتي تلاوحي...
نور كتفوه: واللهتا عييت... مجبتش معايا البيجامات مبسحابش ليا غنباتو...
زابن: بلاتي نشوف ليك البنات...
نور: لا صافي بلاش غنعس غير بلاش كاين الصهد ...
زاين: واخا احبيبة ...
حيدات نور الغوب بقات بدو بياس تخشات تحت الغطا ولاحو علبها زاين تخشا حداها كيدردش معاها ... حتا طاب نعاسها و ناض هبط يكمل السهرة مع العائلة...
كملو وكل واحد طلع للبيت والعائلة لي ساكنين هنا كولشي مشاو ولي برا بايتين غيزيدو شي يوماين ويرجعو فحالهم... 
اصبح الصباح وصلات 11 الصباح ...ياله فاقت نور لبسات كولون اسود و شوميز بلو سيال مفضفضة جمعات شعرها وهبطات ... لقات العائلة كولشي مجموعين فالصالة مجمعين..
نور: صباح الخير..
لبلى: اهلا اهلا الكويسيلة ديالي ...اجب عندي اماما..
دخلات وجلساتها بينها وبين الجدة.. و عنقاتها كدوز على شعرها ...
سيف: قضاو عليك التوام 😂😂😂
نور: والله يعطيهم ليك بالترببل ....
سيف: هانيا ياك ماشي انا لي غنهزهم 😂😂
نور: سمعتيه اضحى شفتي راه من النهار الاول قلت ليك هاد المصيبة مصالحش ليك...
ضحى: على انا غير ساهلة ليه 😂😂😂
نور: وا هكاك نبغيك...
الجدة: ههههه الله يخليكم ديما موالمين هكا ...
عزيزة: ايوا ابنتي كيف دايرا مع التوام... 
زاين: قولي انا لي كيداير معاها هي والتوام... ولات غير النعاس بالنهار وباليل ظل تقلب مكيخليوهاش تنعس كيتحركو بالزاف بعد النوبات كتبدا تبكي هههه عياوها..
عزيز: اااه فكراتي فراسي حتا انا دازت عليا فحمالة مروى وصفاء كانو بحالها مكيخليونيش انعس ...انا لي حاسة بيك ابنتي ...غير صبري غير تشوفيهم بين ايديك و يهون كولشي على قبلهم... والله يكون معاك ..
نور: هههه اميين...
زاين: اجي بعدا دزتي فطرتي قبل متجي لهنا...
نور: لا باقي...😛😛
زاين: نوضي ...
ناضت نور و تبعها...

ناضت وراه ...دخلو الكوزينة بين الخدم جلسات قدامو وهو كيدير ليها للفطور ويقول للخدم يمدو ليه لي بغا ... هو لي عارف باش خاصها تفطر و الدايت ديالها اش فيه ... صاوبو ليها وهز البلاطو خرجها للبرا الجردة.. جلسها حداه و هي بدات تفطر ... وهو مقابلها... كتاكل ودور فعينيها كتشوف ...
زاين: شربي الحليب...
نور: عافاك هدا لا ... 
زاين: واللهتا غتشربيه...
نور: مزفر مبغيتوووش😭😭😭 عطيني عصير الليمون فبلاصتو...
زاين: العصير مفيهش الكالسيوم ... خاصك تشربيه...
هزو وحطو على فمها.... 
وهي كتبزز على راسها...
زاين: متشميهش شربي...
نور بدات كتشرب وتروع خاطرها بدات كدير بحال الى غترض... ناض زاين دغية جاب ليها الريحة ودواها.....
رش الريحة حداها وبدا ينش بايديه باش تشمها ...
زاين: اش قلت ليك مشيتي تردي تاني ... شربي دواك..
شربات نور وجات ليلى...
ليلى: مالها تاني ... 
زابن: الحالة ديال ديما... مقدراتش على الحليب...
ليلى: من الاحسن تشربو بارد انا غنديرو ليها مع الخوخ لي كيعجبها...
نور: اه هكاك احسن...
زاين: واخا ومتكتريش ليها السكر...
مشات ليلى و بقات نور متكية عللى زاين وهو كينش عليها من الصهد .... حتا جات ليلى هازاه و عطاتو لبها ...شرباتو وعجبها هكاك ... 
ليلى: متبقاش تعطيه ليها هكاك راه حتا قبل متزوجو ماكانتش كتحملو...
زاين: واخا... 
نور: جا زوين شكرا ماما😊😊
ليلى: بصحتك حبيبة ديالي....
عند رميياء لي طلعات طل على جاد ... دخلات لقات ياسر هازو و كان كيبكي ليه...
رميساء: فاق .. عاد كان ناعس...
ياسر: دخلت نبدل لقيتو كيبكي.... 
رميساء: اراه ليا غيكون بغا يرضع....
عطاه ليها ...شداتو قاداتو بدات تحل صدايف الكسيوة لي لابسة ...وجبداتها ... عطاتها ليه وبدا يرضع و ياسر حداها كيشوف فيهم .... عاجبو المنظر و كل شوية يصورها فاش تكون تبدل ليه اولا تعومو اولا ترضعو بالكاميرا ديالو و من بعد كيخرجهوم هو فواحد الاستوديو كيعرف مولاه حيت التصاور فيهم كتكون عربانة بعض المرات...
ياسر باس حنكها: يخليلي الماما انا 
رميساء: هههه ويخليلي البابا تانا ... 
ياسر: واحد كيرضع ممسوقش ههه .... عاجبك الحليبة اه .... باس ايدو...
رميساء: هههههه كيهرني...
ياسر: هههه فاش كنت نديرها انا مكنتيش كتهري😂😂
رميساء: ههههه هو راه بريئ ماشي بحالك نتا 😂😂
ياسر: ههههه ايوى راه فرق انا راجلك وهو ولدك ... 
رميساء: هههه اممم فهمنا هو بريئ ونتا منحرف..
ياسر: على نتي ماشي منحرفة ... راك كتضلي ت...
رميساء: شششش صافي غتبقا تهضر تا تجيبها فراسك...
ياسر: الى كان غير على هكا غير كوني هانيا راه خلات عليا سمانة هادي ... 
رميساء : ههههه غير صبر احبيبي مبيدي مندير ليك..😂😂
ياسر: انا صابر مهم غير تبقاو فجنبي بصحتكم هادشي لي كيهمني...
رميساء شداتو حنكو وباستو في فمو... ورجعات تكمل الرضاعة ...ناض خرج هبط عند الجماعة وطلعات عندها نور...
نور: الكتكوت ديالو عمتو...خالتو... اويلي اش كنجيه..
رميساء: ههههههه بجوج غير اجي جلسي حداية...😂😂
نورجلسات: ويينو كيرضع ...شهيتيني فنرضع يخ مطا عليا امتا نولدهم...
رميساء: عيييتي حاسة بيك احبيبة.... راك دخلتي فالسابع دابا مبقا والو...
نور: اه... خايفة خاصة منين شفتك فاش ولدتي راه معرفتش كيفاش حتا بقيت واقفا حداك...
رميساء: سمحي ليا احبيبة خليتك تشوفيني هكاك... ومتخافيش نتي قوية وقادا عليها وكولشي غيكون مزيان😊😊
نور: ان شاء الله احبيبة....وينو شوف كيفاش شادها...
رميساء: ههه واللهتا احساس زوين غتجربيه غيعجبك نتي لي مكنتيش باغا تولدي...
نور: هههه حتا حملت عاد بدلت رايي كون ماقولبني خوك كنت غانبقا مصرة على رايي...
رميساء: هههه مزيان ملي قولبك... ها سي جاد شبع...
مسحات ليه رميساء ووقفاتو غير بالشوية لا يرد ..حتا تgرع و حطاتو فالكونة ديالو قادات حوايجها وهبطو مشادات حتا دخلو عندهم وجلسو....
بقاو مجموعين كيضحكو و يدردشو....هكا داز الويكاند حتا تفرق كولشي ومشاو فحالهم...ورجعو البنات لفيلاتهم... 

دازو اسابيع ونور قلال خروجها مبقاتش كتبغي تمشا بزاف غير الدار والى تحركات gاع كتخرج غير ادللجريدة اولا تهبط تمشا قريب للبحر مع زاين... ولات كتفكر غير فالولادة واغلبية الوقت غير مقلقة و متوترة و ديما ناعسة كتبكي على زاين....
زاين: ششش وا صافي مابق والو احبيبة ماشي ديالك كنعرفك كتصبري....
نور: عييت ازاين عييت .... مكرهتش نولدهم دغيا مبقيتش قادرة نتحرك بيهم و دغيا كنعيا...😭😭
زاين: مكرهتش كون هزيتهم انا فبلاصتك .... صبري عليهم احبيبة عارف الموضوع صعيب عليك ... كابري احبيبة الطبيبة قالت ليك باقي 4 اسابيع...غير شهير بحال والو دغيا يطير...
نور: واخا ... غنصبر على قبلهم ... 
زاين: هكاك نبغيك احبيبة ... 
ياله تهبطي شوية التحت اش بان ليك نخرجو شوية ..
نور: راك عارف غير خليني...
زاين : مغتمشايش غنهزك الالا...
نور: لا تقاليت.... تانتا غيولي يضرك ظهرك...
زاين: هههه مشفتيش داك الحديد لي كنهز التحت داير منك جوج اولا 3 نتي الفنبكيشة غتغلبيني....
نور: واخا ومنتعطلوش...
زاين: واخا الزبن ديالي ...
ناضت عاونها تلبس و هبطو ركبو فالوطو و مشاو ووقفو تمشاو شوية و دخلو للكافي جلسو حتا عيط ليه عماد...
زاين: وي...
عماد :فينك...
زاين: خارج مع نور...
نور: قوليه يجيو هو وجبداء توحشتها...
زاين: قالت ليكم نور اجيو نتا و جيداء راه فكافي +++
عماد: واخا احنا جايين...
زاين: اوكي...

بعد نصف ساعة جاو و شيرو ليهم نور وزاين و جاو سلمو عليهم وجلسو...
عماد: وا فين غبوركم ؟
زاين: احنا غير مع الوقت نتوما لي فين غابرين...
عماد: موجودين ...ايوى انور كيف غادة مع شي تقل😂😂
نور: حمد الله...
جيداء: ومال الزين مقلق...
زاين: هانتي تشوفي اختي .... عيات باغا فير امتا تولد..
عماد: ياكما اكتئاب ما قبل الولادة ... عطي لراسك الراحة متجهديش راسك...
نور: والله اخويا حتا غير الراحة .... راه الراحة لي مقنطاني...
جيداء: اجي منديروش واحد الخرجة هاد الويكاند نطلعو لدار لي عندنا فالجبل الحال سخون ماباردش دابا .. ونيت ترتاح نور...
عماد : فكرة زوينة...
نور: اه اه تا انا عجبني ما سافرناش هاد الصيف غير دايز هكاك...
زابن: الجبل ونتي حاملة واش من نيتك...
نور: عافاااك متقولش ليا لا ...
زاين: والى وقعات ليك شي حاجة ...
نور: اش غيوقع راه الولادة باقي ليها شحال و هانتا معانا عماد طبيب و جيداء فرملية اش غيوقع ليا وزايدون غير يوماين ونرجعو متقولش ليا لا عافاك...
زاين: امري للله نقوليك لا غتفرعي ليا راسي ...
عماد: و قولوها لحتا الكوبل لاخر...
زاين: واخا ... نكريو طيارة خاصة تدينا وتجيبنا ...
عماد: داكشي لي غنديرو على قبل رميساء وحتا نور و دغيا نوصلو ...
زاين: صافي ان شاء الله غدا نتلاقاو الصباح بكري ياله ندوزو الجمعة والسبت والاحد نرجعو فالعشية...
عماد :هادشي لي كنت باغي نقول ليك نيت تانا...
جيداء: ايوى صافي تافقنا...
بقاو مجمعين شوية....حتا قال زاين...
زاين: وا ياله ...باله نوجدو البالز و نوجدو الطيارة غدا..
عماد: ياله الله يعاون حنا غنبقاو شوية ... 
سلمو عليهم ورجعو للوطو...و ديماراو باتجاه الفيلا 
دخلو للفيلتهم دخلات نور وطلعات للبيت اما زاين مشا يقولها لياسر ورميساء ...وتاهما وافقو ورحبو بالفكرة ونور بدات كتجمع حوايجهم غيهزو غير شي حاجة قليلة ... و مستحضرات ديالها و حتا خصوصيات زاين... وجا علمها بلي لوخرين وافقو وتاهما بداو يجمعو حوايجهم عاونها زاين و عيط على رجال باه يوجدو شي طيارة و هبطو دارو العشاء... تعشاو ونعسو بكري ....
اصبح ابصباح ناضت نور نشيطة على غير العادة وزاين ضحكو الحماس ديالها...مشاو عند رميساء لي تاهي بحالها فطرو مجموعين و هزو الدراري السيكان و رميساء هازا البيبي ديالها ونور هازة كرشها ههه ركبوهم لور والدراري القدام ...ومشاو نيشان المطار... وصلو و هبطو تما ... عطا زاين الوطو لواحد من الرجال يرجعها... و دخلو لقاو جيداء وعماد وصلو كيتسناوهم ....
عماد: صباح الخير مالكم على هاد التعطيلة ...
ياسر: هالي عطلونا...
رميساء: كولشي سبيوه فينا حنا...
زاين: وا ياله راه كيتسناونا...
مشاو دخلو وطلعو للطيارة كل واحد جلس وحداه مراتو ... نور كملات نعاسها وزاين حداها كيقرا كتاب و رميساء وياسر كيلعبو مع جاد.... و جيداء وعماد كيترومانساو لور مكاينينش هنا...
بعد مدة قليلة وصلو و هبطوهم فالساحة ديال الفيلة فين غاديين...
كانت فيلة محاطة بشي اراضي مزروعين و كاين التساع لي يجري فيه الخيل ... غير هو جا الفوق فالجبل و صعيب يهبطوه حيت شوية الطريق صعيبة..
شاد زاين فنور كيهبطها بشوية و ياسر شد ولدو وتاهو قابطة فيه مراتو وكدلك عماد.... تمشاو شوية و دخلو مع الباب لي حلو ليهم العساس ...لي كان وجد كولشي هو و مراتو قبل مايجيو.... دخلو نيشان للصالة جالسين كيرتاحو ... جابت ليهم الخدامة عصائر يبردو و مشات ...كانت الفيلة كبيرة وواسعة و مزينة بديكورات تقليدية وحتا الاتات.... بقاو مجمعين حتا كل واحد ناض شد بيت مع مراتو ...دخلو يرتاحو ويبدلو حوايجهم.... نعسات رميساء البيبي و بدلو وهبطو التحت ... و نور و زاين تاهما وكدلك عماد وحيداء ... هبطو تجمعو التحت تاني...
عماد : اش بان ليكم نخرجو نتمشاو شوية...
نور: اه اه شفت شحال من منظر زوين قبل مندخلو ..
زاين: ولا فيك ماتخرجي دابا....اولى كنتي كديري ليل موتا حمار...
نور: ههه لا واللهما هكاك انا غير مليت من جو المدينة قهرني كولشي ريسطورات ولي بارك مشينا ليهم و عين دياب حفضتها هنا راه شي حاجة مبدلة...
عماد: عندها الحق جو المدينة براسو كيقنط...
زاين: واياله نخرجو...
رميساء: سيرو منقدرش نخرج جاد كاينا الشمش عليه و ناعس....
جيداء: راه مي حليمة نوصيوها عليه...
رميساء: مكنعرفهاش اختي غير سيرو غنبقا حتا ترجعو....
عماد : متخافيش منها مي حليمة راه جايا 15 العام وهي هنا .... راه انا ظريفة و تقة غير خليها معاه...
رميساء: وا الى كان هكا واخا عيطو ليها....
عماد: مي حليمة ..
حليمة: نعام اولدي...
ياسر: عافاك غنخليو معاك البيبي راه ناعس الفوق هاكي تيليفون رميساء غنبقا نعيط ليك الى فاق قوليها لينا..
حليمة غير سيرو اولدي ... راع معيا راني مكبرا 4 العزارة ...
رميساء: شكرا امي حليمة...
حليمة: العفو بنتي..
خرجو لي كوبل كيتمشاو فالجريدات ...ونور فينما دوز حدا شي حاجة تقطفها جمعات الورد فايديها كتشم فيه ...عجبها الحال و زاين شادها و كيهضر مع الدراري ... كل شوية كتحس نور بشي نغزات فكرشعا ولكن عادي صابرة عليهم.... بقاو شحال كيتمشاو من هنا لهنا حتا عياو ورجعو ...طلعات رميساء رضعات البيبي و هبطو يتجمعو على الغداء....

تغداو وعمرو الكريشاات و ناضو جلسو برا فالجردة كيتشمشو حتا ناضو الدراري عامو فالبيسين والبنات لا ... بقاو مجمعين حتا تعاشات العشية ... خرجو الدراري من الفيلا يتسركلو والبنات بقاو فالجريدة مجمعات ...
نور: اححح هههه مال هادو ...توما تهناو ... 
جيداء: هههه وينو ... باينا فيك قربتي الكريشة مبقا فيها ميزيد ... 
نور: اه مبقاش ليا بزاف ...
رميساء: متحمسة نشوفهم لمن خارجين ..واخا كنقول غيخرجو ليك حيت المواصفات ديالك غيغلبو ..
نور: ههه والله اعلم .... 
رميساء: بحال جاد دابا مكيدي ليا فتاحاجة الشعر كحل والعوينات زورق بحالك نتي وباه ... 
نور: وينو على حبيب عميتو خارج لطاسيلتنا هههه ايوا جاني جاد وجود غيخرجو لباهم ب2 شهبين والعينين بين الخضر والزرق...
جيداء: وا كيفما خرجو المهم بصحيحتهم ...
نور: اه عندك الصح.... الله الجو هنا واعر واخا ساكنين خارج المدينة وضاير بينا غير البحر والغابة ولكن هنا عندو طعم اخر.... مكىهتش نرجعو حتا فالشتا ..
جيداء: ان شاء الله علاش لا....
جاد كيبكي...
رميساء: مالو مالو .... 
نور: اريه ليا شوية ...
ناضت عطاتو لنور ...
نور: مال حبيب عميتو ...اه ... وينو على العوينات ...اخخخ اش هاد الرويحة الغزالة ممااااح عليك الفنيكيش... ههههه ويلي ويلي...شدي..
شداتو رميساء....
رميياء: اويلي مالك ....
نور: ههههه هادو شتهم هاد النهار ماشي تال لهبه براهش خوك غير كيخبطو.... 
جيداء: جاتهم الغيرة 😂😂😂😂😂
نور: هههه حيت لعبت مع جاد 😂😂😂 خرجو لباهم 😂😂😂
رميساء: سمحي ليا فهادي ليك نتي .... نتي لي مغيارة...
نور: لا انا مكنغيرش بزاف....
رميياء: سمعي اختي جيداء ونتي حكمي ...كانت كتغير على خوها مكانتش كتخليه يعيش حياتو والله يرضي عليها فهادي..... غارت عليا انا من واحد بنت خالتي 
كنت كنجمع معاها بزاف ومعجبهاش الحال اما زاين خلاااااص هاداك بووحدو دارت واحد الفضيحة على قبلو لهلا بوريك واخد بنت خالتي كانت حاطة عليه العين وا قضات عليها كانت واحد الحرب نايضة بيناتهم شهيتك تكوني معانا...
جيداء: اواااه عاودي ليا عاودي😍😍😍
رميساء عاودات ليها من طاقطاق تال السلام عليكم..
جيداء: نور نتي مسخوطة ههههههه هادشي كولو دتي فيها هههههه الحنية والله نتي لي عرفك ربحك والله العظيم ناري عبرتي على جدها الوحدة هي لي دافع على زمانها اختي كون جاتني انا نقتلها ولكن مشرارة منين وصلات بيها تسممك راها صعيبة...
نور؛ حتا نتيا راه فسبوع ولد خوبا جات عندي واعتادرات السيدة صافي تبدلات و بدات حياة جديدة و الله يسامح...
رميساء: الحمالة رطباتك اختي كون جاتك 8 اشهر هادي كون غيزتي ليها صحايبتي وعارفاك😂😂😂
نور: ههههههه ايوى اش غنديرو .... 
بقاو البنات مجمعات و كيتعاودو حتا ظلام الحال ورجعو الدراري جابو معاهم الصوصيط والكفتة و ما جاوراهم ... شرملوهم وخرجو لاجريدة تجمعو تما كيشويو مجمعين كيهضرو ويتعاودو الجو غزال ليلة من ليالي الصيف .... نور كانت كتضحك معاهم وكل شوية كتحس بشي نغزة فجنابها و قالت غير شي نخصة هادي .... تعشاو مجمعين فالضحك ....حتا سلاو وجمعات جيداء و رميساء الطبلة و نور مشات مع زاين والدراري دخلو للفيلة كان باقي الحال على النعاس دارو فيلم وجلسو يتفرجو حتا جاو البنات جلسو معاهم ...نور بقات غير كتماصي فكرشها ومكتبينش الوجيعات غاماغادين و كتزيد الحدة ديالهم.... 
ناضت بغات تمشا شوية باش تنسا شوية...
زاين: حبيبة مالك ... فين نايضة...
نور: تا بلاصة غير طوالبط .... انا راجعة...
زاين: واخا بشوية عليك احبيبة ...
نور: واخا ..
خرجات نور غير برا قريبة كتمشا شادا فكرشها و كل شوية تسند على شي حاجة الوجع غاماكيزيد .... عيات وظهرها تاهو زاد عليها ....بدات كدير تامارين صغار كطلع فالدريجات وتهبط و كتاخد نفس طويل ...بقات شحال هكاك عاقت براسها هادا حريق الولادة ودخلات بالزربة عند زاين...
دخلات ووقفات قدامو و هو تقاد فالجلسة حيت كان متكي ... حيت بانا ليه ماشي هي هاديك..
زاين: نووور ؟!!! مالك احبيبة...
نور: اييي ولادك ... داروها بيا ...😭😭😭

زاين😨😨😨 نور مضحكيش معايا هاد الضحك...
رميساء : لا راه هبط الماء .... 
كولشي ناض....
زابن: اش غنديرو ...
ياسر: غنعيطو لبيلوط يرجع...
مشا ياسر كيعيط ... و عماد و زاين قبطوها جلسوها ..
نور: ااااااه لا منقدرش نصبر...ااااي...
زاين: صبري احبيبة راه خوك كيعيط على الطوارئ... 
عماد: متعصبيش خودي النفس ديالك... 
نور: هااا اوووووف هاااا اووووف...
رميساء: ياربي تلطف...
زاين: باش كتحسي ...
نور: كنتقطع ....الماااس فكرشي ..... مقاداش نصبر ...
جيداء :بلاتي حاولي توقفي ... خاصها تمرن راسها بيما جاو راه محدها جالسة وغير غيزيد الوجع...
رميساء: اه عندها الحق...
نوضها زاين شادها بكل قوتو كتمشا ولابحا تقلها عليه تمشا بيهاشوية وتاهي مسايرة معاه طلعها فالدروج كطلع درجة درجة عاضا على شفايفها وكتنين وزاين مسكتش كيصبر فيها ...و كل مرة يبوس راسها ...شوية رجعها جلسها داىوها بوضعية السجود ولكن غير محنية و جيداء بدات كتمسد ليها ظهرها و زاين حدا راسها كيف العادة مسيبورتيها.... 
دخل ياسر: قالك ميقدرش يجي حيت عندو شي رحلة ... و الاوخرين تاواحد مامسالي .... 
زاين: عيط لومبيلونص ....
عماد: واش من نيتك اصاحبي لومبيلونص فالجبل ...
زاين: وا شنو دابا مراتي غتولد هكا....😨😨
نور: اااااي 😭😭😭 غنولد هنا مقاداش نصبر....
ياسر: نتا اعماد طبيب ولدها...
عماد: واش حماقيتي انا طبيب الاعصاب اش جابني لشي ولادة ... 
جيداء: معندنا حتا خيار اخر طلعها ازاين ...
زاين: لا غنخرج نضبر على شي وسيلة تدينا...
عماد : راه ماكاينش غير غتزيد تكرفصها....
نور بدات كتسند عليهم وتحاول تنوض ووجها حمر كتالم وتبكي...
نور: صافي ....زاين غن...غنولد هنا ... 
زاين: نوور..
ياسر: نور متغامريش براسك هكا راه معرفنا اش ممكن يوقع...
نور: انا عارفة راسي اش كندير.... شدها هزها زاين وطلعو الفوق خواو ليها السرير وحطها مشات رميساء طيبات الماء (واخا معرفتش اش غيديرو بيه😂😂😂) و جابتو فبانيو حداهم... خرج عماد و ياسر و رميساء برا .سدو الباب بقات جيداء وزاين معاها....
نور: حيد الكولون ...اااي سربي...
بدا زاين كيحيدو ليها هو و السليب و التوتر و الخلعة سادينو وعينو غير عليها وهي كتعض شفايفها وتنين ..جيداء ها الراس كيطل هزي رجليك وبداي الدفعي ....
تقابل معاها زاين كيشوف فيه كيخرج شوية بشوية ونور كتغوت سمعو غواتها برا هبط ياسر للتحت وخرج الجردة مقادرش يسمع غوات ختو تاهي جلس كيدعي ليها فخاطرو ومخلوع عليها وهبطات رميساء معاه كيواسيو بعضهم... اما عماد بقا حداهم تحسبا لاي طوارئ...
زاين شاداه البكية كولو عرق معاها وتزنg بالاعصاب والتوتر لي فيه ...
جيداء: دفعي انور راك غادة مزيان ... 
بدات كتدفع وتغوت تعصر من حر جهدها...
نور: اااااااااي .... اوووف اوووف ...
انفاسها متسارعة ... بقات جيداء معاها تاهي توترات وتاترات بهادشي لي قدامها دار زاين لقاعا سخفات حداه ..بدا كيغوت من برا ...
زاين: عمااااد 
دخل كيجري لقاه ماحيلتو لمرتو اولا جيداء هزها عماد و خرج بيها و زاين غامازاد توتر حيت بقا معاها بوحدو... بدا كيترعد ويتفتف من خوفو عليها...
نور: زاين .... اوووف متخافش جيب فوطة وشدو..
ناض زاين هز فوطة من الصاك و و بان ليه الراس خرج ...
زاين: زيدي مازال...احبيبة ...
تعصرات نور اكتر و شوي تزبق كولو طاح فالفوطة بين ايدين زاين ... ورتاحت نور نسبيا ...
زاين مسحو مسحة خفيفة...
نور كتهضر سخفانة: قلبو ازاين خوي ليه فمو ...
داكشي لي دار خوا قلبو شادو من رجليه حتا دازو السوائل من فمو ونيفو عاد بدا يبكي كان جود بشعر كتيف شوية وكحل بحال ماماه...
هازو زاين كيبوس فيه ويشوف فماماه لي كتبادلهم الابتسامة ...قطع الحبل بالمقص لي جابتو جيداء معقم ... وحطو فوق سدر نور باقي كيبكي ...باستو وهو حاط فومو في فمها هي كتبوسو وهو بحال لى كيرضع منها ووجهو معيبس بالبكا ...كتبوس وتعاود وهي فشلانة وعرقانة و دموع الالم والفرحة باينين فعينيها.... وزاين كيمسح دموعو وكيشوف فيهم حتا شدها الوجع تاني ...
نور : اااي...... جودية ازاين ...
رجع زاين تقاد و نور شادا جود بين ايديها فوق سدرها متكية فوق المخاد مكاليينها بحال الى جالسة...
زاين : دفعي احبيبة دفعي ...
نور: اغغغغغغ .....مممممم ماااامااا ااااي....
بدات كدفع حتا وخرج غير راسها ...بدات نور كتحس بالفشلة ...
زاين: نور دفعيها دغيا نوووور بقاي معايا احبيبة متستسلميش ....نووووووور..
سخفات و البنت ياله خرج غير راسها ....زاين كيغوت والبيبي راسها بدا يزراق....

رميساء: بلا متخاف غتكون بيخير هاك شد جاد ...بلاتي نطلع عندها ..
ياسر: واخا ....
طلعات رميساء لقات زاين كيغوت ويفيق فيها ...شدات جود من سدر نور وهي الخلعة والبكية شاداعا وزاين غيتسطا على بنتو لي كتقج ومها... حتا بدا يغوت عمااااد...
عماد كان جاي لعندو بعدما فيق جيداء وحلف عليها متنوض... لدا ميجري ختا دخل لقاها سخفانة لاح زاين الغطا على رجليها وعماد صعر عليهم...
عماد: علاش خليتو المخاد تحتها... 
زاين: مرضيتش ليهم البال فيقها دغيا راه البنت كتقج ..
عماد حاول توسع على عنقها وشوف ياكما الحبل ملوي على عنقها...
بدا زاين كيحاول يوسع على عنقها و هي شبه مكتحركش ملقاش الحبل ملوي ...عماد قاس النبض ديالها وحيد المخاد تحتها وحل ليها الصدايف ديال الكسيوة و بدا يماصي ليها العروق تاع ايدها باش يطلع الدم للمخها وتفيق و نجحات القضية غير حلات عينيها عاقت باش وقع بقا عماد حدا راسها كيعطيهم التوجيهات ورميساء تولات جود لي داتو للقنت وبدات تغسل ليه بشوية وكتبكي وتدعي مع نور ... حتا سلات ولفاتو في غطا قطني معقم باش يدفا...وبقات هازاه..
ونور باقا كتصارع...
زاين: حبيبة دفعيها دغيا ...زيدي صبري مابقا والو ...
نور كتعصر وتغوت ياسر دخل للفيلا كيسمع غواتها والخلعة شاداه معندوش الجرأة يشوفها هكاك تاهي بقا غير مقابل ولدو وممركزش معاه غير هازو غادي جاي بيه....

نور: ااااااه...
عماد : دفعي اكتر راه خاصها تنفس...
نور: اااااالي مااامااا...
زاين: زيدي راه كتافها واحليين...
عماد : هز رحليها باعدهم اكتر...
داكشي لي دار عاد بدات كتزبق اكتر حتا خرجات ... شدها بين ايديه تاني ومسح ليها شوية و قلبها تاهية على راسها حتا خوات من السائل و بدات تبكي ...وتفنكش بايديها ورجليها عاد رتاحو كولشي قطع ليها تاهي الحبل وشدها بين ايديه كيرحب بيها تاهي ودموعو حلفو لاحبسو ...نور لاحت راسها لور كتاخد نفسها .... دخلات جيداء عندهم و عينيها شبه مقلوبين بالدوخة ... قاس عماد الظغط ديال نور لقاه كيرجع لطبيعتو .... و الوليدات واخا ماشي طبيب الولاد قلبهم هو وجيداء لقاوهم هما هادوك واخا صغار شوية حيت ولداتهم بالنص ديال الشهر التامن...
ياسر مابقاش سمع غواتها وبدا كيطلع وكيطلب الله تكون بيخير ... داخل للغرفة متردد زاين كان لاح عليها الغطا بانتظار تهبط المشيمة ... كانت جودية فوق سدرها تتغوت ونور كتبوس فيها ... دخل وشافيها هي الاولى رتاح منين شافها كتضحك رغم حالتها لي كتبان متعبة وعيانة و الفراش عامر دم وايدين زاين تاهما... شاف فرميياء هازة جود و كتضحك فرحانة عاد حمد الله وشكرو... ناض عماد بارك ليهم وتعانق مع زاين لي تاهو فاشل وعيان .... 
عماد: هههه مبروك عليك اخويا ها مرتك ولدات وكولشي بيخير ... كنتي قوي وتحملتي معاها معندي مايسالك.... نور كنتي اقوى كيفما كنعرفوك هانتي تهنيتي دابا مبروك عليك اختي ويرباو فعزكم...
نور تبسمات وزاين شكرو ...
خرج عماد حيت مبقا عندو مايدار ... قرب ياسر لبها وعطا البيبي ديالو للجيداء حيت رميساء ماميالياش تحنا عند ختو باس راسها...

ياسر: كيف بقيتي احبيبة 😳😳 تعدبتي ياك😟😟
نور: انا ...بيخير هه هربتي تاني...
ياسر: سمحي ليا مكنتش معاك ولكن راك عارفاني منقدرش نسمعكم كتعدبو وانا ماقادر ندير والو...
نور: كيف جاوك ولادي...
ياسر: كيحمقو بحال حبيبة خوها...
نور: ههه 😋😋...شادا جودية كتبوس فيها ...
ناض ياسر خرج واخا ماسخاش ودا معاه ولدو ... 
رميساء عطات جود لزاين وتحنات عند نور...
رميساء: مااامييي.... مبروك عليك التوينز كيحمقو ..
نور: شكرا احبيبة ... 
رميساء: خاصك ترضعيهم ...
جيداء : اه اويلي مرضعتيهمش... هاكي ...
عاونوها تجلس حيد ليها زاين ابشوميز حيت مخنقة شوية وبقات غير بالسماطي ... جبدات وحدة عطاتها لجودية و قالت...
نور: حبيبة ارى ليا جود...
زاين: حتا ترضع جودية ...
نور: غير اراه خاصهم يرضعو دابا...
تحنا وعطاه ليها فاليد الوخرى مالقات كيفاش تجبدها ليه وجبدها زاين وقادها لجود ... وجلسو كيرضعو وهما مغيمضين و رميساء وجيداء لور كيتفرحو وزاين جالس قدامها فرحان بيهم .... ناض غسل ايديه بالمعقم .. و رجع ...هزات جيداء الغطا لقات المشيمة تلاحت (هاد القضية ممتاكداش منها شرحو ليا الى والدة شي وحدة فيكم 😊😊) جابت رميياء الفوطات ودارت ماء طايب فيه المعقم و بداو يمسحو ليها من الدم والاتار الولادة وهي مفرقة ليهم رجليها و ملاهي مع ولادها منسوقاش جبدات ليها رميساء ماتلبس ...وحطوه جنب حتا تسالي من الرضاعة ...رضعو الفناكيش ... هزات جيداء جودية و جود عند رميساء وداوهم للبيت لاخر باش يلبسوهم باش يدفيوهم و لبسوهم غير من حوايج جاد ...
اما نور كمل ليها زاين بالتنظيف ماخلا فيها حتا حاجة لبسها سليب و هي مكتقدرش تحرك وهو مسايس معاها بشوية عليها... لبسها السليب وتبعو سروال قطني خفيف و بدل ليها حتا الحوايج الفوق ... لبسها سوتيامات كيتحلو باش تسهال عليها الرضاعة وتبعو تيشورت واسع من العنق... مسح ليها وجها تاهو من العرق بمنديل فازg و فيه معقم ... مشط ليها شعرها تاهو وجمعو ليها ...هزها من الفراش و داها لاخر حيت هادا خاصو يتجمع... حطها فالبيت لي فيه لي بيبي .. قاد ليها الفراش وغطاها...
نور: فينهم ...
زاين: راهم ناعسين مع جاد متخافيش راه معاهم رميساء وجيداء و حتا عماد وياسر...
نور: واخا.... لبسني تقاشر و غطيني بمانطا حاسة بالبرد...
زاين ولكن الحال مباردش...
نور: ولكن حاسة بالبرد...
زاين : واخا احبيبة... 
ضبر ليها فتقاشر ومانطا خفيفة شوية و جابهم ليها غطاها ولبسهم ليها... و جا تخشا حداها حطوجهو على سدرها وخشا وجهو فبه و العياء والتعب باين عليهم ب2 تاهي عنقاتو بايديها ب2 وكرزات عليه بدتك الجهد لي بقا لبها...
زاين كيهضر بعينين مغمضين وباسى : هاد النهار غيبقا بين عينيا حتا الاخر يوم فحياتي... الله يسمح لينا منكم عاد عرفت اشمن نوع من الالم كتحسو بيه و عاد زادت كبرت الوالدة تاهي فعيني... حباتكم كولها كتعدبو حضرت ليك فوجع الدورة الشهرية ووجع اول علاقة بيناتنا وها وجع الولادة ...باس ايدها..... الله يسمح لينا منكم احبيبة... ماواتنا وعيالاتنا ... مكنسواو والو بلا بيكم و حياتنا حنا الرجال ماكاملاش بلا بيكم ... هادشي علاش ربي خلقكم جزء منا ... ونتي نيت جزء مني حبيبة ديالي ....تمحنتي ليا سمحي ليا...
نور:زيرات عليه اكتر وباست راسو لي التحت جات نيشان فجبهتو ...
نور: ما كاين لاش تطلب مني السماحة بالعكس شرف ليا نولد ولادك احبيبة احسن واطيب واحن راجل محظوظة بيك والبوم تبتي ليا للمرة المليون بلي يعال عليك وديما كنكون مرتاحة ونتا معايا مكنفكر فتا حاجة .... ولادك ولديتهم بايديك واخا ماعارف والو قويتي راسك ومستسلمتيش ... شفتك كنتي خايف ومتوتر واخا هكاك قاومتي على قبلنا ... وها ولادك بيخير بفضل الله ونتا... فاش غيكبرو انا غنعاود ليهم وكولي فخر بلي بابهم لي ولدني وساندني ختا خرجو ..
زاين: هادشي راه انا لي غنديرو و غنعاود لولادي على شجاعة ماماهم وقوتها راه واخا كنتي كتولدي راه نتي لي عاونتيني و وربتيني اشنو ندير...
نور: الكتوبة لي جبتي ليا نفعوني... 😊😊
زاين باسها فعنقها : رتاحي اخبيلة راك عييتي ...
نور: وا بقا حداية متنوضش...
زاين: مغنوضش غير بقاي معنقاني ...
زيرات نور علبه و حطات فمها على راسو وهو زبرها لعندو ونعسو....

غير نعسات نور ناض زاين من حداها بالشوية ...مشا لقا الدراري كولشي فايقين...
تحنا حدا ولادو كيبوس فيهم ...ولقا جيداء لوات خيط على سراتهم و لافاهم مزيان ...
عماد: مخاصهاش تبقا هكاك ... راه عيطنا تني ولقاو بيلوط مسالي وراه جاي ..راه شرحت ليهم الوضع طارئ و غيجي شي طبيب و2 ممرضات .... 
زاين: صافي مزيان ...خاص يجيو دغيا حيت خاص الرعاية باقي ممرتاحش ... راه مخرجت حتا غطيتها مفهمتش الحال سخون وجاها البرد..
ياسر: عندك الصح ... خاصها الرعاية تنخافوها تلقط شي فيروس ...واكتر حاجة خايف منها طلع ليها ديك السخانة ...راقبها ...بما وصلو... بقاو شحال مجموعين فالبيت لاخر حدا الوليدات و نور ناعسة كترتاح فبيت بوحدها جا طل عليها زاين .... وداكشي لي خافو منو وقع ... الحرارة بدات كتطلع و حيد عليها الغطا ... و هي سخفانة مكتجاوبش عيك عليهم جاو كيجريو حتا سمعو الطيارة جات حمدو الله حيت جاو فتلوقت لفها فغطاها وهبط بيها كيجري وكل واحد من الدراري هز البيبي و هبطزدو مخبينهم حيت الصباح مع 5 هادي الجو كيكون بارد شي شوية لقاو الطبيب تما ... تولا بنور دخلوها للغرفة فالطيارة مجهزة دايرين فيها باياس و معدات بحال مستشفى مصغر والفرمليات كل وحدة شدات بيبي و دارو لبهم اللازم سدو ليهم السرة و فحصوهم و دارو ليعم الاوكسيجين حيت كان مشكل بسيط فالتنفس.... اما بالنسبة لنور فالطبيب لقاها خاصها تخيط ... دخل زاين معاه و حاضي شغلو و الطبيب كياخد استفسارات من زاين و كيفاش وقع واش دارو ... كمل ليها و عطاها مسكنات و مضادات حيوية و شوية حتا هبطات ليها الحرارة لسق ليها السيروم ... و خرج هو وزاين وخلا الممرضات معاهم...
ياسر و زاين لي واقفين مع الطبيب اما البقية كيجمعو رحيلهم باش يمشيو .... 
ياسر: واش ختي بيخير...
الطبيب: حمد الله كولشي بيخير دابا لي بيبي صحتهم مزيانة غيبقاو شي شوية فالقرعة حيت تولدو قبل وقتهم و السبب هو الرحم مقدرش يستوعبهم اكتر داكشي علاش ولدات بكري... اما ماماهم راه انخافضت حرارتها و خيطت وقع ليها تمزق بسيط ...
زاين: راه سخفات فاش كانت كتولد البنت وتقجات واحد 2 دقايق ياكما وقع ليها شي مشكل...
الطبيب: مظاهر عليها والو كون بقات سخفانة كان ممكن تموت ولكن الحمد الله واخا عندهم نشكل التنفس بسيط ولكن القرعة غتصلحو ... ومزيان ملي كانت ممرضة و طبيب معاها هادشي فادها.. ايوا ياله قولو للبيلوط يتحرك راه خاصها نوصلوها للمستشفى...
زاين: واخا شكرا ...
دخل الطبيب هو وزاين ومشا ياسر عندهم لقاهم وجدو طلعو للطيارة بعدما طلو على نور وطمنو علبها و هادشي ماقالو لعائلة والو...
بعد مدة هبطو فالمطار لقاو اونبيلونص كتسنا ركبو فيها و معاهم زاين ومشاو والاوخرين لقاو لوطو كاينا مشاو حطو شغالهم فديورهم بدلو ورجعو عندهم وعلمو حتا العائلة تجي ... لي تصدمو من الخبر ... وتخلعو نيت جاو كولشي كايتجارا لقاو نور ناعسة فالغرفة وحداها الدراري و جيداء ورميساء سلمو عليهم ووقفات ليلى على نور كتبوس وتعاود...
ليلى: الله على حبيبة قلت ليكم متمشيوش... 
زاين: هادشي لي كتاب الوالدة...
علي: كيف وقع ياكما كاحت اولا شي حاجة...
رميساء: لا اويلي ابابا....
زاين: كانت عادية غتاوقفات قدامي قالت لك غتولد عيينا منتاصلو لقينا كولشي مشغول اظطرينا نولدوها كولشي تعاونا عليها...
ياسر: ولكن كولشي درتيه نتا ...لاعنداكم هو لي ولدها اما لوخرين غير عاونوه...
سيف: ايوى ونتا اش درتي نقطع ايدي تاهربتي ليهم كيفما درتي مع مراتك😂😂😂
ياسر: what ?? Sorry I don't speak your language....
الكل :😂😂😂😂😂😂😂
رميساء: عطيه العصير احبيبي...
سيف: ختك خرجات ليك اخويا ...غير معمرو تاحت ليا الفرصة نشد فيك تانتا ... نيت نقضي بيك بما فاقت البرهوشة....
نور كتهضر فاشلة: البرهوشة ....هي..مرتك..
الكل دارو عندها....
ليلى: حبيبة ديالي... كيف بقيتي حمد الله على سلامتك...
علي: حمد الله على سلامتك ابنتي ..
نور: شكرا ... 
كولشي قربو ليها و سلمو عليها باركو ليها على الزيادة ...
نور: فينهم....
زاين: فالقرعة باقي خاصهم شي شوية....
علي: واش ميمكنش لينا تشوفوهم....
زاين: ياله....
خرجو وادبقاو لي شايفينهم مع نور كيتحتو .... واخا سخفانة...
مشاو لجهة الخضانة وبان ليهم ورا الزاج كيتحركو وسط القرعة وضايرين بيهم الخيوط والاكسيجين ولي كوش كبار عليهم ....
علي: ماشاء الله على حفايدي عندي غير توت انا 😂😂
ليلى: ههههه ولادك خرجو عليك ... وينو شحال غزلان ماشاء الله وسبحان الله مكيتشابهوش...
علي : وراه باقي معرفنا راه باقي مغيبانوش دابا...
سعد : ولكن سمح ليا الوالد شوف البنت شعرها كتير وكحل والولد شعرو زعر بحال باه ...
زاين: ههههه زلقتي فهادي اخويا ....الشعبة راها جودية هي لي خرجات ليا ... و جود هو لي شعرو كحل خرج لمو وياربي يشبهها غير فالمولصفات مقاد على مصايب😂
سيف: بقيتي فيا العشير.... 😂😂😂 ولكن ماشاء الله ولادك كيحمقو ...
زاين كيشوف فيهم : هههه عارف...😍😍

ليلى : ياله نرجعو عندهم...
رجعو للغرفة وبقاو معاهم شوية ومن بعد بداو يتناقصو كلها لشغالو .... بقات ليلى و زاين وياسر ورميساء ....
ليلى: هاكي اماما كولي باش تقواي شوفي كيف صفاريتي...
نور: واخا اماما...
ليلى: شحال غيبقاو هنا اولدي ....
زاين: نور غتخرج غدا اولا بعدو و التوينز باقين شوية ..
نور: واش مغنديوهمش معانا...
واين: لا احبيبة خاصهم يبقاو شوية...
نور: يخ منقدرش نفرح بيهم على خاطري ...
ياسر: واشمو بغيتي تديهم دابا توقع ليهم شي حاجة...
رميساء: صبري اصاحبتي راك غتبقاي تجي ليهم ...
نور: واخا 😟😟
زاين: الى كليتي نديك تشوفيهم...
نور: واخا 😍😍
ياسر: ياله احبيبة ديالي احنا غنمشيو راه جاد خليناه فالفيلا عند عمي ... 
نور: واخا...
باسوها وعنقوها ومشاو...
زاين بغا يصدرها: الوالدة غير سيري لشغلك راه غنبقا انا...
ليلى: معنديش مشكل نبقا مع بنتي لاحتاجت شي حاجة ...
زاين: انا معاها معندها متحتاج...
ليلى: ههههه واخا العفريت انا مشيت تهلا ليافالحبيبة ديالي....
باستها وعنقاتو ومشات ....دار زاين عند نور لي كتاكل وجلس قدامها ...
نور: هههه مالك...
زاين: كنبغيك😍😍
نور: حلف بالله...
زاين: والله العظيم...
نور: هههه سير بعد مني باركة عليا غير الفراشات ديال الامومة ....تزيدني فراشاتك حتا نتا 
زاين: هههه فرحانة 😍😍
نور: بزااااف 😋😋😌😌
زاين: هههه واري شي بوسة ..
حطات نور من ايديها جات تنوض عندو و قرب لعندها عنقاتو بايديها و باستو في فمو ووركات مزياااان و عادودتهم فحناكو ب2 ووركات نيت و هو كيضحك وشاد خصرها....
زاين: اححح على بيسات 😍😍
نور: هههه وهاك وحدين اخرين ...
زاين: اش هاد العسل والنوتيلا و الحلاوة كاملةههه راه ديما كنقلك غتسكتيه لديلمي...
نور: وديما كنقلك الله ينجيك ليا...بلاتي دابا ولات الله ينجيك لينا .. 
زاين: ههههه ...باس راحة ايدها ... حاس براسي عايش واللهتا عايش ... حاس براسي ضيعت الوقت لي مكناش مع بعضياتنا فيه حاس براسي باغي ديما تكونو قدامي ....قدام عينيا ...خدمتي لي كنت عاطيها وقتي كلو ولي كنت كنموت عليها مابقاتش راشقا ليا عليها غير حيت معداني عليك وواخدا ليا وقتي...
نور: هههه كيشتي دابا انا غير وليت مساليا ليك راه ولاو عندي توام ... يعني منين ترجع مغتبقاش ديما تلقاني مساليا كنتسناك ...
زاين: ههههه مشيت خلا يااك ... براهشي غياخدو ليا بلاصتي ..
نور: لا لا واخا هكاك كل واحد فيكم عندو بلاصة خاصة بيه تاواحد معاياخدها لاخر..
زاين: يخليلي القلب الحنين انا..
نور: صافي ساليت ديني نشوفهم ...
زاين: واخا...
ناض و جاب تريكو قطني فالغوز بارد...
زاين: لبسي هادا...
عاونها حتا لبساتو وهزها بين ايديه وهي معنقاه ....
زاين: اوووبلا ... هانتي خفافيتي تاني ..
نور: هههه ولادك لي كانو متقلبتي....
حل الباب برجليه وخرج دايزين من الطريق مخشية فيه وهي بين ايديه والكل متبعهم بالعين ..نظرات غيرة واعجاب حيدوهم على بعضياتهم.....حتا وصلو للحضانة و دخلو عندهم حيت كانو مخصصين ليهم هاد الغرفة غير للتوينز بامر من علي... دخلها و الممرضات حداها جابو ليها كرسي وحطها فيه بشوية وهي عينيها عليهم ... 
نور: واش هما بيخير...
المنرضة: باحسن حال الحمد الله...😊😊
الممرضة2: خاصك ترضعيهم ... حيت حليبك غيحميهم من الامراض حاليا وهو لي ساهل يهضموه دابا ...وعاد راه مفيد ليك حتا نتي...
نور: واخا ☺☺
جبدات جودية هي الاولى وعطاتها ليها وزاين واقف حداها كيشوف ...دور ليها الكرسي باش تعطي بالظهر للجاج .... والممرضات كيضحكو ويتغامزو عجبهم زاين و غيرتو على مرتو ... جبدات بزولة وعطاتها كترضع .. و هي كتبسم ومرة مرة تهز راسها فزاين وتضحك ليه كترضعها وتلمس فراسها و حنيكاتها...
نور: ههههه مفهمتش توام وكل واحد فيهم فشكل...
الممرضة: توام غير حقيقي ياك...
نور: هههه اه...
الممرضة: سبحان الله ...
زاين: المفروض البنت تخرج ليك والولد ليا ساعة وقع العكس ... 😂😂😂
نور: دابا بغيت نفرز غير عويناتهم ...
الممرضة: غيبانو فاش يبداو يحلوهم مزيان دابا راه النظر عندهم ناقص شوية ياله يقدرو يتعرفو غير على اصواتكم...
نور: اااه .... وحدة ممسوقاش هههه 
زاين: هههه خدامة كتجبد ...
تحنات نور كتبوس فيها... سالات وخداتها الممرضة من عندها و عطاتها جود للجهة الاخرى وعطاتو البزولة التانية وبدا يرضع و تاهم كتدوز على شعيراتو لي كحلين باينين و زغيباتو طوال بحال جودية غير هي شهبة ماكيبانش بزاف بحال جود حيت شعرو كحل و ب2 بلقين حيت واليديهم ب2 بويض ... رضعاتو تاهو حتا سلات وخداوه من عندها رجعوه ... بقات شحال هي وزاين كيشوفو حتا بزز عليها ترجع... هزها تاني ورجعها للغرفتها و حطها وترتاح وبقا حداها هي نعسات وهو بقا تما كيستقبل الاتصالات التهنئة من الصحاب و العائلة...

دازو 3 الاسابيع نور ديما مع ولادها واخا خرجات من المستشفى ديما حداهم وكترضعهم و مقابلاهم راسها ديما ليلى وزاين معاها والبقية كيزوروهم مرة مرة ... اليوم غيخرجو التوينز من السبيطار .. جات نور وزاين يديوهم ... بعد المعاملات وداكشي ركبو فالوطو وحطوهم لور ... بعد شوية وصلو لفيلة علي .... كان الحركة و شي غادي شي جاي والعائلة عاودو تجمعو تاني ... حفل السبوع ديال لي بيبي طلعو وجدو ريوسهم لبسو البلدي و نور لبساتو بالقريص ديال الجدة وليلى ... زاين بقا شاد فيها وهما محاميات عليها ... قبل مايجيو ختنو جود باش يتهناو من جيهتو ... و الحفل كان كبير بحال ديال جاد ... الشعبي و الحلويات و الديكورات والبروطوكول كولشي كاين نور كدور هي وزاين ويسلمو على الناس والحاضرين كولشي فرحان ليهم وكيباركو ليهم ... نور كانت عادية حيت استرجعات عافيتها حيت شحال باش ولدات ... ياسر ورميساء معاهم و جيداء و عماد حتا لؤي واناستازيا رجعو على قبلها من السفر ... داز الحفل زوين من 2 حتال 3 الليل ... سالا الحفل وكولها رجع لحالو ... تفرتكو الجوقة وكولها شد بيت ... طلعات نور لبيت زاين القديم لقات لي بيبي ناعسين حيدات القفطان و تلاحت حداهم كتبوس فيهم ... حتا دخل زاين وسد الباب ...
زاين: اي هاي هاي .... مسفحة عليا لطاسيلتك باغا تعوقيني...
نور: ههههه قنطني القفطان اش بغيتي ندير ...
زاين حيد حوايجو وتلاح غير بشورط ...
زااين: ااح الله على راحة من الصباح وانا من هنا لهنا ....
نور: ههههه عييتي المسخوط ... ندير ليك ماساج...
زاين: هههههه ماساج ماساج اولا غييير ماساج...
نور: ههههه مقصدتش داكشي لي فبالك باقي الحال باقي مكملت 40 يوم ...
زاين: ياله ديري ليا واخا عارف راسي مقودها...
نور: جابت زيت و طلعات فوق ظهرو ... دارت فايديها وبدات تماصي ليه كتافو وعنقو وتهبط مع ظهرو دغيا رخاتو و كتخدم كفها وقبضتها كتورك عليه بايديها ب2 وهو مرخي مغمض عينيه ... حتا حسات بيه نعس وناضت من حداه بالشوية قادات لي بيبي فالكونة و طفات الضواو نعسات....
اما لي كوبل لوخرين ... دخلات رميساء للبيت لقاتو متكي وجاد ناعس فالكونة ديالو ... بدلات حوايجها وتلاحت تاهي حداه... ونعسات ... شوية كتسمع جاد كيبكي ...حلات عينيها وناضت رضعاتو و هي عينيها مغمضين بالنعاس سالا..حطاتو ورجعات لبلاصتها...بعد ساعة سمعاتو كيبكي... وهي تنغز ياسر مغمضة عينيها...
رميساء: نووووض شوف ولدك ...
ياسر: ناض تاهو مغنض عينيه: واخا احبيبة غير رتاحي...
ناض هزو .... عطاه الرضاعة مابغاهاش عطاه السكاتة لاحها وبقا كيبكي وهي كيراري فيه يسكت ...حتا ناضت رميساء...
رميساء: خاصو يبدل ليكوش ..غير سير نعس ...
معاودهاش معاها ...تلح وهي بدلات ليه ونعست ...شوية بدا يبكي تاني ناض ياسر ليه ...عطاه رضاعة مبغاهاش قلبو ليكوش نقيين ... مفهم فيه والو ...حتا ناضت رميساء عطاتو السكاتة عاد نعس... بقا ياسر كيشوف وقال....
ياسر: كيف كاديري حتا كتعرفي لش عندو...
رميساء: هههه سر المهنة...
ياسر: شنو دابا انا اب فاشل ....
رميياء : هههه لا غير غتولف مع الوقت ...
ياسر: واخا دوزي رتاحي ...
تخشات فيه و نعسو .....
اصبح الصباح فاقت رميساء قبل على صوت جاد كيلعب ويضحك غير مع ملائكتو ... 
رميياء: حبيب مامي راسقة ليك اه ...ماح ..وينو على الرويحة و التبوكيسا ديالي ...شوف بابي ناعس برزطتيه البارح ... اجي فيقو ...
حطاتو فوق سدرو والبيبي كيدير ايديه على وجهو و كيحرك غير ايديه و باه نااعس ... ورميساء جلسات غير متفرج وتضحك ...حط جاد فومو على حنك باه وبدا كيرضع فيه ...حس ياسر بيه و بظا يحل عينيه وحط ايدو عليه وبدا يضحك معاه ويبوس فيه..
ياسر: المشاكس ...المبرزط ...تكات رميساء وتخشات فكتفو ...
ياسر: صباح الكتاكيت ديلي ...باسها وباسو .... اشنو عجباتك ماااح هاوحدة اخرى ...
رميساء: وا عطيني تانا وحدة راه غنغير ...
ياسر: دياولك نتي بوحدك ...باسها في فمها ... 
رميياء: ياله نوض دوش باش نهبطو نفطرو .... 
ياسر: واخا انا غندخلو معيا ...
رميساء: هههه متعرفش ليه...
ياسر: دخلي وريني 😜😜

▪▪▪يتبع▪▪▪

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.