حطاتو وناضت للببت جبدات عباية واسعة محلولة من القدام كحلة مطروزة من الكتاف لبساتها ولبسات مشاية عالية وخرجات عندو
اسراء: غانمشي للصالون
يحيى: بلاتي نوصلك
اسراء: مابعيدش هاهوا فالشارع اللي للور
يحيى: فلت ليك تسناي هيا تسناي
اسراء: ااووف ... هانا
وقفات كتسناه وهوا كيلبس حوايجو وهز سوارتو وخرج معاها ، دخلو للاسانسور لقاو فيه نفس المرأة اللي دقات عليهم بلليل لابسة جلابة ودايرة سنسلة فرجلها وكلاكيطة دالصبع والظفار مصبغين والعر كخل مطلوق . شافتها اسراء وهي تعقد غوباشتها وشدات فيد يحيى اللي ممسوق لا ليها لا لاسراء
المرى: شوف اختي بغيت نقول ليك واحد الحاجة ... ديك الزدحة اللي درتي للباب لبارح راه غير مابغيتش نوض الصداع معاك فنص الليل ... جيت كنهضر معاك باحترام هضري باحترام وزايدون انا كنت كنهضر مع مول الدار
جاوباتها اسراء مطلعة حاجبها: نعاام اختيي!! ههأأ ! الهضرة معايا انا ماشي مع الرجال ... هوا راجل يهضر مع راجل ونتي مرى هضري معايا انا ... وكتهضري على الاحترام ونازلة عندنا بديك الحالة كتهضري مع الراجل مزوج ! محشمتيش؟ هوا اللي دخل مابغاش يهضر معاك حيت مرى فهمتي ... وهاد المرة الى كتينة شي حاجة اجي عندي انا ولا سيفطي رااجلك يهضر معاه ماشي تجي نتي تهضري معاه
المرأة: شووف اسيدي ... انا جيت كتهضر على الصدع
اسراء: الاااللة هاااه هااااه راه قلت ليك هضري معايا انا
المرأة:الهضرة ماشي معاك انتي الهضرة معاه هوا
يحيى: بجدية: الاللة ... كاينة شي حاجة هضري معاها هي ولا كيما قالت ليك سيفطي راجلك يهضر معايا تفاهمنا
اسراء: سمعتي دااابا ولا نعاودها ليك؟ راااه قااالك اخر مرة تجي دقي ولا تهضري معاااه ... الراجل مع الراجل و المرى مع المرى
المرأة: هه ! لا مزيان تبااارك ... نهضر مع وحدة برهووشة
اسراء: برهوووشة!!! شد شد بلاتي
حطات الصاك وطارت للمرى على شعرها وناضت كومبة فالسانسور ... تحل الباب وخرج يحيى خلاهم مناتفين ومشا جلس فالطوموبيل حتى خرجات عندو اسراء كتجمع شعرها وموراها المرأة مقموشة فوجها ومقطعة ليها الصندالة كتجمع شعرها وخارجين كيتعايرو ، طلعات اسراء فالطوموبيل وجها حمر كتسوط وخرجات عينيها فيحيى
اسراء: واش نتا بنادم ! ماجيتيش تفك ولا شنو؟
يحيى: مساالي انا للتخربيق ديال العيالات ! نبقا جالس نفك بيناتكم بحال لاربيط! مدام شديتيها قدي عليها ولا من اللول سكتي
اسراء: هييه! باااز ... وزايدون هانا مافيا حتى طبعة شوف هي كي ريشتها وعضيتها هناااا فعنقها خليتها ليها زرقا
يحيى: اسراء... سمعي ... متبقايش دابزي ليا مع الناس وكل مرة مع وحدة ... هاد المرة ها هيا دازت والمرة الجاية ها ودني نسمع صدع ولا صوتك كيعلا فالعمارة ... راه غنتفاهم معاك هانا علمتك
اسراء: بعصبية) واش هي قالت ليا برهوووشة ونبقا ساااكتة
يحيى: لااا مشاااء الله عودة تباارك الله كدبات عليك ... وليتي بحال العودة مع نيت مقصيراش وزدتي تلحمتي مزياان مابقيتيش برهووشة ... شوفي راسي منفوووخ متزيدينيش بهاد الخوى الخاوي ديالك...ومن هاد المناتفة بعدا متباقاش ضور بيك شي وحدة غير هني راسك...ها الصالون نزلي ... وعاوتاني دابزي مع شي واحد لداخل.ا
سراء: انا اصلا مكندابزش غير الى جبداتني شي وحدة ووصلاتها ليا للجدر
شافت فيه مغوبشة وهي داخلة للصالون وماجاوباتوش ودخلات للصالون .
قدات الحالة ولوات الشعر وخرجات طالقاها وخايفة على الصباغة فيديها لاتخسر. مالقاتوش وقالت نمشي على رجلي قريب الحال ... بقات غادية وواحد تابعها بالطوموبيل حال فمو حتى للباب دالعمارة وهي دور لقاتو موراها نزل وجاي كيفرنس وقفها
الشاب: ختي ... بغيت نهضر معاك الى جات على خاطرك
اسراء: ما على خاطريش ... سيري سيري...سير شوف ليك ماتقضي راه مغتصور والو
الشاب: ختي غير سمعيني وعطيني شوية من وقتك
طلعات حاجبها وزادت جوج خلفات وهي توقف كودرها فعقلها وتلفتات ليا بابتسامة
نوضها وهي معرننة كتنفخ ... لبسات كولون اسود وصندالة خفيفة ماغون من "هرماس" على شكل H وتيشورط طويلة وجمعات شعرها بقراسة وخرجات معاه عاقدة حجبانها . الطريق كاملة وهوا ساكت ساهي حتى للعيادة طبية نساءية ودخلات عند الطبيبة هيا وياه
اسراء: وااا عباد الله مامشيت لحتى بلاصة نلاقيت غير واحد البنت داتني معاها للدار كتشطح فواحد الكباري ومشيت معاها للكباري جلست كنتفرج حتى جا واحد العجل فارض راسو عليا ونتا تجي ديك الساعة
يحيى: عمر شي واحد مقاصك؟
اسراء: فين غيقيصني؟
يحيى: ما لمسك شي واحد ... ولا عطيتي راسك لشي واحد ؟
اسراء: اهنننهننننن اويلي يا ويلي اااا ويلي وحدي اهء اهء
شدها بعصبية من كتافها: جاااوبيني ... قاصك شي وااحد
اسراء: اهنننهنن وااا بناادم ... واا شكون هاد مسخوط الواليدين اللي يقدر يقرب عندي واش بغيتي نقتلو .... وا ماقاصني ما فصتو اهىءاهىءاهىء
يحيى: جاوبيني بصراحة وبراكة من البكى ماشي وقتو دابا ... 20 يوم مع راقصة وعمر شي واحد ما فرب ليك واش هاد الراقصة كانت كتصرف عليك هاكاك
اسراء: والله ماقرب ليا شي واحد
يحيى: بجدية) بلا منديك للطبيب ونديرو تحاليل الحمض ونشوفو واش قاصك شي واحد لا لا ... جاوبيني بصراحة
اسراء: بعد مني ... كاع لاتيق ااووف ... انا فكني غير من هاد الموصيبة ولهلا يجعلك تيق
جرها من يدها شد ليها كتافها : اسراء.. كنهضر نيشان ، ميمكنش تصرف عليك وحدة غير هاكاك بلا مقابل
اسراء: اهىءاهىءاهىء مابغيت والو ... ومبقات عاجباني حتى حاجة طلع ليا كلشي فراسي اهىءاهىءاهىء
اسراء: اهىءاهىءاهىء ابغيت والو ... ومابقات عاجباني حتى حاجة طلع ليا كلشي اهىءاهىءاهىء
يحيى: شنو اللي ماعجبكش احبيبة قولي ليا ومتبكيش
اسراء: ماعرفتش...قلبي مزير بحال الى دايرة بالي مع شي حاجة ماعرفتش شنو هي ...بحال الى مشطونة ... و مابقاتش عندي رغبة فحتى حاجة اهىءاهىءاهىء توحشت ماما وخوتي
تكى على ضهرو بابتسامة وعنقها على صدرو : وصااافي بغيتي غير ماماك وخوتك فالصباح نعيط ليهم يجيو ... يالاه رتاحيتي دابا
اسراء: شوف اخويا شوووف ... انا جالسة معاك غير حيت ختي غتزوج خوك مابغيتش نخسر ليها فرحتها ... اما كااع داكشي اللي بغيتي تجيب ليا مابقيتش باغياه مابغيت لا طونوبيل ولا شنوية
سكت وقلب وجهو عاقد حجبانو خلاها كتهضر وتسوط حتى عيات وجلسات دايرة رجل على رجل مغوبشة
اسراء: واش مغنفطروش؟ فيا الجوع
تنهد وقلب عينيه ببرودة وجبد تيلي عيط للقهوة يجيبو الفطور وبقا جالس ساهي جيهت البلاكار .. اما اسراء تقلبات على جنبها ورجعات فالنعاس . وصل الفطور وحطو فوق الطبلة فالصالون ومشا عندها للبيت بمزاج معكر كيهضر بشوية
يحيى : اسراء...اسراء نوضي تفطري
حلات عينيها وناضت كتشوف فيه ببراءة
اسراء: جا؟
يحيى: اه ... اجي تفطري
شد ليها فيدها جرها للطبلة بلا متغسل وجها وجلسات كتقلب فالكراطن وبدات تفطر ويحيى كيشوف فيها ويرجع ليها شعرها للور ومرة مرة يبتاسم واخا مزاجه معكر
شربات كاس دالليمون وبقات كتاكل فالكيك والحلاوة حتى عفاتها وهربات منها وبدات كتعوج فمها كرهات الحلوة وغير بوحدها مدير حركات غريبة ومبرزطة ومحاملة حتى حاجة
اسراء: اففف كن غير مكليتهاش...شنو هادي؟
يحيى: ماعرفتش... يمكن شي حلوة سورية كتشبه لداكشي د السوريين
اسراء: لالا بلاش عطيني غير ديك شلاضة
شدات شباضة متنوعة كلاتها وتبعات ليها بريوات ديال الحوت مع العصير وكريب بالشكلاط والبنان حتى تنفخات وتكات لوور مسرحة رجليها
يحيى: بالصحة
اسراء: ال.. اله اهأ ..! الله يعطيك الصحة
يحيى: شبعتي؟ ونوضي الله يرضي عليك وحدي راسك راه الواليد مابقا ليه والو ويجي هوا والوليدة
اسراء : ولخرين؟
يحيى: ويلا جاو لخرين اشنو فيها؟
اسراء: لا ميجيوش عندي... تجي غير حادة بوحدها
يحيى: ومالكي مع لخرين علاش محاملاهمش؟
ربعات يديها : هاكاك...يجي غير علي وحادة وكلتوم و بابا الحاج
يحيى : كلتوم!!
اسراء: وشنو؟
يحيى: قصاح ليك الوجه
اسراء: عاود ضربني!
يحيى: راكي مضروبة من عند الله...مهم شفتك نسيتس عاءلتك؟
اسراء: ارا تيليفون..اااه حقا خاصني تيليفون
يحيى: لا رد
اسراء: وراه خصني بورطابل
يحيى: هرستيه
اسراء: وشري ليا واخد اخر
يحيى: ماعنديش
اسراء: اأاا! عندك الكذاب
يحيى : مغنشريهش ليك
اسراء: علاش؟
يحيى: باش تعلمي تهرسي تليفونات مرة اخرى
اسراء: ياااك ... اجي بلاتي كيفاش قلتي انا مضروبة من عند الله! دابا انا مضروبة من عند الله (تغرغرو عينيها) حكرتي عليا عليا يااك حيت انا صغيرة وكتفلا عليا اهىءاهىءاهىء
يحيى: هاهما وصلو...غتبقاي هاكا يشوفوك مغاسباش حتى وجهك؟
رجعات تهرنن: انهننن ماشي سوووقي... غنقولها لبابا الحاج
تنهد و مشا حل الباب لقا الحاجة كلتوم مكمشة وجها
كلتوم: اه اه اه ... شي طنحرة تحرقات لشي واحد فهاد العمارة
يحيى: اهلااان الحاجة ... بصح عاد شميتها حتى حليت الباب ...مرحبا
الحاج: بسم الله...الله يدخلها عليكم بالصحة والعافية وطول العمر اولدي
يحيى: الله يطول عمرك الحاج مرحبا
سامية: مبرووك الدار ههه
يحيى: ههه تلله يبارك فيك مرحبا
دخلات سامية وموراها رشيدة و سعاد ورجالاتهم وعلي معاهم . بقاو النساء كيدورو عينيهم فالسقف والشكل والاتات ديال الدار بابتسامة صفراء وكيشوفو فبعضياتهم ، تلفت يحيى جيهت فين كانت ناعسة اسراء كدمع لقاها طارت من تما وقادات المخدة وغبرات
جلسات العاءلة كاملة فالصالون كيسرحو عينيهم ويحيى معاهم داير رجل على رجل عقلو مع اسراء وكل شوية يشوف جنب جيهت الكولوار اللي كايدي لبيتها .
الحاج: تباارك الله دار واشمن دار هادي الله يزيدك من فضلو اولدي
يحيى: امين الواليد لهلا يخطيك علينا
الحاجة : وهي كدور عينيها ) اهمم...هي فالصراحة تستااهل داك الثمن اللي عطيتي فيها ... متيسعة تبارك الله ... فوقاش فرشتيها؟
يحيى: فاش سافرنا خليناها كتفرش
الحاجة كلتوم: امم...شحال طلع عليك هاد الفراش كامل
يحيى: بالاصلاح والاتات تقريبا شي 30 32 مليون
علي: تباارك الله والصلاة على النبي
الحاجة: مخرجة عينيها) ماشي بزااف!! مالك على هاد الفلوس كاملة كتخسرهم على والو
يحيى: الله يهيدك الحاجة اشمن والو
الحاجة: لالا اولدي بزااف على الفراش والاصلاح هادشي... علاش مالك شريتيها بلا صباغة!
يحيى: لا بلعكس كانت مزيانة ومصبوغة غير كل واحد الدوق ديالو ... كان الصالون الكبير معزول بوحدو .. هادا ... طاح الحيط اللي كان هنا وتحل صالون فصالون ... اسراء مابغاتش الحيوط بزاف فالدار
الحاج: مزيلن مزيان اولدي باش مايبانش الديق ... ولاد اليوم كيبغيو داكشي اللي كيشوفو دابا فلانترنيت
كلتوم: شحال ديال البيوت فيهم؟
يحيى: 4 دالبيوت و3 دالصالونات وجوج حامات وطواليط وبالكون فبيت النعاس كبير وبالكون فكوزينة وكولوار هادا ... واسع
نخزات رشيدة راجلها اسماعيل وخرجات عينيها فيه وكذلك سعاد مع عبد الحفيظ . شوية خرجات اسراء لابسة فراشة فالاصفر تحت الركبة شوية مع صندالة دالصبع والضفار فالاحمر طالقة شعرها وجامعة الجناب بمقيبطات وحاطة مكياج خفيف مجبدة العينين وريحتها سابقاها ، دازت حدا يحيى اللي كيشوف مبتاسم و ومصدوم فنفس الوقت فيها وهي كتسلم تا سالات ومشات جلسات حداه دارت رجل على رجع ، شاف فيها وبدا كيضحك وهي كدور فعينيها ودايرة رجل على رجل ، دوز يدو مور ضهرها جرها عندو كيضحك خلا سعاد ورشيدة وسامية كيتقارصو بيناتهم.
الحاج: بنتي اسراء... اجي ابنتي اجي
ناضت كضحك جلسات حداه وجبد علبة حمراء من جيبو فيها براسلي مشبك ديال اليد ركبو ليا وطبطب على ضهرها
الحاج: مبروك ابنتي ... (هز كفوفو للسماء) اللهم اجعل ما في رحمها طفلا سليما معافى استودعك اللهم نفسها و ابنها وما في رحمها وزوجها واهلها ، تسألك ان تحفضه وان تجعله نقيا ذكيا جميلا ، اللهم احسن خلقه وخُلقه وسهل حمله ومخرجه يا رب العالمين
يحيى: اللهم امين يا رب العالمين
شاف فاسراء وابتاسم
الحاجة: ايوا مبروك مسعود ابنتي عليك وعلينا كاملين
اسراء: شكرا
يحيى: اييوا سيادنا عندي ليكم خبار اخرى
الحاجة: الله يسمعنا خبار الخير
يحيى: ايوا لاللة راه سامية جاو فيها الخطاب ... وجاو عندي هنا للدار
الحاجة: ههه بصح! شكون؟
يحيى: ايوا السيد باينة عليه ولد الناس ... جا هوا والام ديالو طلبو سامية
سامية حشمات وبقات كتفرنس بوحدها ويحيى كيشوف فيها بابتسامة
يحيى: ايوا لاللة سامية ... اش كتقولي فهادشي
الحاجة: يجي نشوفوه ونشوفو فاش خدام وفين يسكنها وديك الساعة يكون خير
يحيى: يدوز هادشي ديال علي وديك الساعة نشوفو.وو... لاللة سامية ..
علي: لا الا كان السيد باغي يخطب البنت ماعندنا علاش نأجلو
الحاج: هههه بنتي اسراء...قدامك قدام الربح علينا ...جيتي وجبتي معاك الفرحة ... تبارك الله حليتي لينا بيبان السعد ...ها علي حتى هوا شحال وحنا كنتسناو يتزوج وها الفرحة ديال الحمل ديالك وها سامية حتى هيا غادية فالطريق... تبارك الله عليك ابنتي
بتاسمات بزز كتشوف فيهم وتبلع الريق وغادي كتكحز خايفة تفضح وكطلب الله تبقى سامية ساكتة متهضرش... وداكشي اللي كان بقاو كيهضرو حتى قلبو الهضرة وربعات الخاحة يديها وشافت فاسراء بابتسامة
الحاجة: آديك اللي واخدة المقدية بلا فلوس ... حرزتي ليا على ولدي رجع كيغبر علينا اميمتي
الحاجة: لاواه لاواه ضاروري تقوم براجلها وتوجد ليه شهيوات
الحاج : خلي عليك البنت راه ماشي ديال الكوزينة ومزالة صغيرة ... ها سامية حداك عمرني شفتها فالكوزينة من نهار ولدتيها
الحاجة: اييوا بعدا بنياتي الله يخليهم ليا سعاد ورشيدة عيالات قاداات و طالعات على الصح
اسراء: كي بقات رجلك بعدا برات؟ حيدتي الجبص؟
الحاجة: ايوا فطريقك ابنتي غندير الضالة ماشي غير الجبص ..بقيت تابعاك حتى مشات ليا الرجل
اسراء: ههههه انا مفهمتش شنو وقع ليكم ديك الليلة
الحاجة: ايوا ماشي سعاد قرعو ليها وسط راسها كامل ولات فحال فيها التونية وخيطو ليها بسباب الشيشة دالويل اللي كان مطلع السي يحيى .
سعاد محملاتش الحاجة تهضر عليها وعلى التحسينة الي ضربات ...رجع وجها حمر وعضات سنانها حيت طالقة شعرها وكأن حتى حاجة ما واقعة وماباغا حتى واحد يعرف ، اما اسراء تزلعات على يحيى بالضحك كتميل يمسن وشمال وحتى هوا كيضحك وكيحاول يشد راسو حتى دمعو ليه العينين ودار صبعو على مدمع العين وجلس يضحك وفين ما يسكت يشوف اسراء كتكركر بطريقة هستيرية كيرجع يضحك هوا والحاج وعلي اما البقية كلهم دارو كيشوفو فسعاد
اسراء: قحح قححح ... ناري غنسخف .
الحاجة: ايوا بلاصت ما طلعي بلليل توكلي القطة اللي خليتي لينا تما ولدات لينا وهبكو ولادها كيتساراو لينا فالرياض كنخرجوهوم ويرجعو ... قوليها وقولي راه كنوكل القطة مالك علاش طالعة بالليل كي الجن
الحاجة: اممم (كدور راسها) قسم للبنت راسها شحال وهي جامعاه بالسكوتش !
قلبات سعاد وجها كتنفخ
دازت العراضة فاعلة تاركة ومن الغيسطوغون جا الغداء واجد وقدموه سربايات فالطباسل اللي جاو كادو فعرس اسراء . تحطات سلطة مشكلة كبيرة بالاناناس والكروفيت والكلامار والخضر المتنوعة ثم تبعها طبق الضلعة مشوية مع الخضر المبخرة والزيتون ثم ديسير ديال الفلان بالبنان والخوج و الاناناس ومن بعد براد ديتل اتاي مع الحلوة والفاكية فالطباسل . دازت العشية زوينة ورافقات الحاجة اسراء ورات ليها الدار ودخلاتعا لبيت النعاس جبدات ليها جوج علب وحدة كبيرة وحدة صغيرة
اسراء: هانتي يا الحاجة هادو جبتهم ليك من تركيا
الحاجة : تلله يعطيك الخير ابنتي ههه الله يخليك ديما فرحانة
الحاجة : تهلاي ابنيتي شوية فراجلك ... وجدي ليه شهيويات من يديك راه يحيى بحال الدري الصغير الى درت ليه غيييير قد هاكا ... يرجع تابعك فين ما مشيتي وكيبغي اللي يتهلا فيه ... واخا تشوفيه هاكاك ديما هاز خنافرو للسماء ولاكن الى تهليتي فيه يحطك فعينيه
قربات ليها وشدات يديها وكملات : الله يرضي عليك ديها فراجلك راه العينين عليه وشحال من وحدة مكرهاتوش ... راه مرتو اللولة سمح فيها على هادشي ... كانت كتجيب صحتباتها للدار وكل مرة دايرة حفلة وكل مرة مجموعين عند وحدة وهوا كان كيطلع ليه الدم وديما هوا وياها شد ليا نقطع ليك . . . فاللخر قالتو ليه طلقني ودارها ليها على قد فمها خلاها مجلية غتهبل ... كتعيط ليا ولباك الحاج وجات حتى لعندنا للرياض ومشا هوا بعد سافر غير باش ميتلاقاش بيها ... الدق اللي كان كيعطيها على قبل البنات والحفلات عمرها تنساه او واها هاكاك مزاااالة لاسقاه
اسراء: ايوا؟
الحاجة: اييوا صااافي...مشات غضبانة لدارهم حتى جاتها الورقة د الطلاق بقات غير حالة فمها ... وكن شفتيها (كتدور راسها) كون شفتيييييها كي دايرة .. هاكا كدير هاكا ... كتشعل
اسراء: امم شفتهااا.. خااايبة ... اجي شكون حسن انا ولا هي؟
الحاجة: واش انا فضل الاماراتية على المغربية! هبلتي؟
اسراء: واقولي فين اللي حسن؟
الحاجة: سكتي سكتي ... كن ماكنتي حسن كاع ميدير ليك الدار ويتهلا فيك ... راه لخرى كاع مادار عليها هادشي اللي دار عليك نتي واها مان كايدير الواجب ديالو معاها ولاكن ماشي بحالك نتي ... ودااابااا راه فرحاااان مللي حملتي اما لخرى مكانش باغي يولد معاها لمسبت المشاكل اللي كانت بيناتهم
اسراء: ههه ياك انا حسن
الحاجة: واييه ييه حسن غير تهلاي فيه راه طبعة فشكل ... كيطون مزيان مزيان مزيان وفاش كيتقلب مكنبقاش نعرفة انا مو للي ولدتو والى دار شي حاجة فراسو مكاينش اللي يحيدها ليه ... ماحدو مزيان معاك تهلاي فيه قبل ميطلع ليه الدم ويرمي كلشي موراه . راه عزيييز عليه الشهيوات ومرة مرة صايبي ليه شي حاجة
اسراء: ههه صافي كوني هانيا غنتعلم من رشيدة امهاوش فغوغل و نصايب
الحاجة: ايوا هاكااا.. كوني مرأة وقااادة وشدي راجلك حداك راه بنات الحرام خاصهم غير فيمن يلسقو
خرجات الحاجة كتعنكر هازة الكادويات فيديها ودازت حدى سعاد و رشيدة شافت فيهم بنص عين ومشات جلسات حدا الحاج
الحاج: ااي هااي هااي اش داكشي تما
الحاجة: ايوا الاه يكتر خير مرت ولدي ويخلف عليها مانساتش مها التانية وتهلات فيا جابت ليا كادو مبرررع...ماشي بحال اللي كيسافر ويجي محمل حتى تفصيلة مجايبها فيدو
الحاج: ايييوا بالصحة والراحة
يحيى: بقا غير كيشوف مستغرب وداير التسامة جانبية خفيفة حتى جلسات حداه اسراء دارت رجل على رجل
الحاج: ايوا هاد الساعة خلينا ليكم الراحة
يحيى: جلسو تعشاو معانا مالكم على هاد الزربة
الحاجة: راك عارف اولدي انا منقدرش نبقا جالسة فبلاصة اخرى من غير الرياض... غير خلينا ونتوما خاصكم ترجعو عندنا ... دابا اسراء حاملة خاص اللي يقابلها حتى تولد بالسلامة
يحيى: غظا انشاء الله غنجيو
اسراء: ماما الحاجة جلسي معانا باقي الحال
الحاجة: لالا بنيتي منقدرش ... راه يحيى عارفني كنخرج من الرياض كنقنط
الحاج : ايوا الله يكمل بالخير . . . ومتنساوش انشاء الله بحول الله وبقوته غادي نمشيو لصفرو نخطبو لعلي .
الحاجة: ايوا دابا نتي يا اسراء... وليتي معانا ولا مع داركم خههه ... غتمشي تخطبي معانا ولا تسبقينا تستقبلينا
اسراء: شدات فيد يحيى) دابا انا معاكم ههه فين ما مشا يحيى نمشي معاه
ضحك وعنقها باسها من راسها قدامهم وهي كضحك وتعوج . خرجو كاملين وسد يحيى لباب ودار عند اسراء شدها من للور من خصرها وباسها فحنكها وهبط لعنقها كيبوس وكيتمايل بيها حتى للصالون وجلس هوا وياها ... مهضرش وبقا كيشوف فيها ويحيد ليها الشعر على جبهتها
خرجات الحاجة كتعنكر هازة الكادويات فيديها ودازت حدى سعاد و رشيدة شافت فيهم بنص عين ومشات جلسات حدا الحاج
الحاج: ااي هااي هااي اش داكشي تما
الحاجة: ايوا الاه يكتر خير مرت ولدي ويخلف عليها مانساتش مها التانية وتهلات فيا جابت ليا كادو مبرررع...ماشي بحال اللي كيسافر ويجي محمل حتى تفصيلة مجايبها فيدو
الحاج: ايييوا بالصحة والراحة
يحيى: بقا غير كيشوف مستغرب وداير التسامة جانبية خفيفة حتى جلسات حداه اسراء دارت رجل على رجل
الحاج: ايوا هاد الساعة خلينا ليكم الراحة
يحيى: جلسو تعشاو معانا مالكم على هاد الزربة
الحاجة: راك عارف اولدي انا منقدرش نبقا جالسة فبلاصة اخرى من غير الرياض... غير خلينا ونتوما خاصكم ترجعو عندنا ... دابا اسراء حاملة خاص اللي يقابلها حتى تولد بالسلامة
يحيى: غدا انشاء الله غنجيو
اسراء: ماما الحاجة جلسي معانا باقي الحال
الحاجة: لالا بنيتي منقدرش ... راه يحيى عارفني كنخرج من الرياض كنقنط
الحاج : ايوا الله يكمل بالخير . . . ومتنساوش انشاء الله بحول الله وبقوته غادي نمشيو لصفرو نخطبو لعلي .
الحاجة: ايوا دابا نتي يا اسراء... وليتي معانا ولا مع داركم خههه ... غتمشي تخطبي معانا ولا تسبقينا تستقبلينا
اسراء: شدات فيد يحيى) دابا انا معاكم ههه فين ما مشا يحيى نمشي معاه
ضحك وعنقها باسها من راسها قدامهم وهي كضحك وتعوج . خرجو كاملين وسد يحيى لباب ودار عند اسراء شدها من للور من خصرها وباسها فحنكها وهبط لعنقها كيبوس وكيتمايل بيها حتى لبيت النعاس . مهضرش وبقا كيشوف فيها ويحيد ليها الشعر على جبهتها ويهرها بالبوسان وهي مرة ضحك مرة تغضب حتى نعسات . فاقت لقاتو حاط راسو على صدرها وشاد تيلي فيدو كيلعب فيه .
يحيى: لا مغتمشيش بهادا ... حيديه على قلت الصبابط البلاكار غيطيح ونتي مابان ليكك غير هادا
اسراء: وراه غير تعكلت وصافي
يحيى: لا مكااينش غاتحيديه ولا مغاديينش حنا كااع
اسراء: اووووف اهنننهننن هانا غنحيدو اخخ
ردها لداخل للبلاكار د صبابط حيداتو ولبسات بلغة فالباج وخرجو لقاو جوج طوموبيلات وحدة كاط كاط سايقها عبد الحفيض وحداه سعاد وموراهم جالس اسماعيل ورشيدة ووحدة فولز فاكن طويلة اخر موضيل سايقها علي وحداه الحاج وسامية والحاجة للور . فتح يحيى لاسراء الباب فطوموبيلتو ركبها وركب حداها ... تحركو شي مور شي ومزال مشدو الطريق نيشان تروعات اسراء ليحيى ووقف جنب الشارع خرج كيجري حل ليها الباب خرجها ووقف موراها جامع ليها شعرها للور وهي كترد وتكحب حتى سخفات و رجع دخلها كتلهت عطاها الماء كتشرب وهز قرعة اخرى خواها على الروايض اللي طارت عليهم التقيا ، بقا واقف حداها حال ليها الباب كتنفس حاطة يدها على صدرها سخفانة
يحيى: قلت ليك اسراء راحنا مسافرين متاكليش بزااف
نزلات الحاجة وعلي والحاج كيجريو وقفو معاهم
الحاجة : مالها ياك لاباس
رد عليها يحيى بانزعاج: لا والو مكاين والو ... غير كتشم ريحت المازوط كتبدا تقيا وكدوخ
طلات عليها الحاجة: واش شوية لاباس؟
حركات ليها اسراء راسها بعينين دابلين
علي: الى كانت كتقيا نجيبو ليها الميكة تديها معاها فالطريق
يحيى بانزعاج: لالا غنرجعها للدار ماعندها فين تمشي ... غتبقا هاكا كتقيا من مراكش لصفرو! مغنوصلو حتى تسخف ... لالا مصالحش ليها السفر (طل عليها) اسراء غنرجعو للدار
شافت فيه بغضب باغا تبكي
يحيى: غنرجعو ... الطريق طويلة بزااف وشوفي غير نتي يالاه تحركتي شوية بديتي تستفرغي
الحاج: الى مكنتيش تقدري ابنتي على السفر رجعي للدار ... صحتك هي اللولة
شافها علي بغات تبكي وبتاسم ليها : بلاتي بلاتي...خليوها بغات تسافر من حقها .. غنشوفو شي فرماسيان نجيبو ليها الدواء ديال الردان على الله وعاسا يفوتها الحال.. بلاتي نشوفو ونجي
مشا علي كيقلب على فرماسيان وتكى يحيا بيدو على الباب خاشي راسو لداخل وشاد ليها فيدها
يحيى: سمعي احبيبة ... غير غتهلكي راسك وصاافي... اجي نرجعك للدار تنعسي وترتاحي حسن ليك من هاد تمارة
قلبات وجها كتهز فكتفها مغوبشة وهوا كيسوط ...تعصب وكيدير فالخاطر حتى رجع علي معاه خنيشة فيها الدواء وميكات زايدين . شربوها حبة ديال الكينة ومزال ماوصلات للمعدة رجعاتها وبدات كتقيا فالميكة وهما شادينها ويحيى زاد طلع ليه الدم ...سخفات وتكات كتنهج وبدا كيمسح ليها فمها بكلينيكس والحاجة كتجمع ليها شعرها للور
علي : اسراء ... واش عيانة بزاف؟
يحيى: بجدية) يالاه ترجعي للدار
الحاجة: بلاتي غادي يدوز عليها الحال غير صبر
يحيى: اناا عاارف اش كنقول الحاجة والسفر مصالحش ليها دابا... غنحرك الروايد تبدا ترد حتى يخرجو مسارناها
مشا ركب فبلاصو وسد الباب ديمارا الطوموبيل وهي تبدا تبكي ليه وتخنصص مابغاتش تمشي
الحاج: غير بشوية امحمد متعصبش ... البنت بغات تمشي دير لها خاطرها وهاهيا الحاجة تجلس معاها للور تقابلها
تنهد ودار يدو مور عنقها : ترجعي للور؟
حركات راسها بالايجاب وهي كتمسح الدموع وناض خرج درب الدورة جلسها للور فشلانة ورجع حرك الطوموبيل وشدو الطريق وهوا مراقبها فالمراية كتقيا كل شوية حتى بدات كتقج وتكحب
يحيى: هز راسو فالمراية) نعسيها عندك الحاجة باش مادوخش
هزات الحاجة كلينيكس مسحات ليها عنقها من العرق وجبهتها وتسمح معاهم المكايج بقاو غير العينين مكحلين وشوية دالعمار محمر الفايف، وجمعات ليها شعرها فواحد الشال حزماتو ليها للور رجعات بحال وردة دابلة زيداتا على الوزن اللي تزاد وبانت عليها مزوجة
يحيى: حيدي ليها ديك الجلابة تنفس شوية
حيدات ليها الحاجة الجلابة وطلق ليها الكليمة نعسات على حجر الحاجة . ضربو النص فالطريق وهي كل 10 دقاءق كترد وبعد المرات كتخنق وتزير وكضططر تخشي صبعها فمها و تقيا باش ترتاح وتتفس. داتعا عينيها شوية وهي تنوض بالزربة حلات ليه الحاجة الميكة بدات كتقيا
الحاجة: بدهشة) راه تقيات الدم ايحيى !!!
وقف السيارة فالجنب بالزربة ونزل ظهل حداها للور هز ليها وجها اللي متكي على كتف الحاجة كيتمايل
يحيى: اسراء... اسراء واش كتخسي براسك عيانة بزاف؟
حركات ليه راسها بالنفي ورجعات تمات سخفانة على كتف الحاجة
الحاجة: متخلعش اولدي راه موقع والو...عادي راه تجرحات ليها المعدة حيت مالقات ماتقيا
الحاجة: ياك حنا فالرباط دابا ... دخل اوليدي خود ليها شي حاجة تاكلها حتى يلا تقيلت بعدا تلقا ما ترد
تقلب عندها كيسوط داير يدو على جنبو : قلت ليها متشربش لافوكا راه مكتبقااش ليها فكرشها وكتردها ومكتسمعش وعييت نهضى معاها وها هيا دابا شوف دي ولات
هزات اسراء عينيها فيه بحزن وقلبات وجها كتبكي فصمت ...شافعا وحس براسو انفاعل وكيهضر معصب ورجع تنهد وطلع دخل للرباط هز ليها ساشيات فيهم الماكلة ورجع شد الطريق كيطير وعينو عليها فالمراية وهي كتاكل وترد ومرة مرة كتشوف فيه فالمراية وكاتجي عينو فعينها وكتقلب وجها حتى وصلو لمدينة صفرو وتجمعو السيارات فخط واحد تابعين يحيى اللي كتوريه اسراء الطريق بصبعها وهي غضبانة . قربو للدار ولبساتها الحاجة جلابتها ومسحات ليها وجها ووقفو حدا باب العمارة السيارات ب 3 وحدة مور وحدة ، نزلو كاملين ونزلو اسراء معاهم بزز شاداها الحاجة
اسراء: ماقدراش نهز راسي كنخس بيه تقييل
الحاجة: هانتي وصلتي غير صبري
شد فيها يحيى وهي تبعد يدها وقلبات وجها ... هزات راسها بانت ليها العمارة كاملة كطل من السراجم وجيرانهم كيبرككو ... تعرض ليهم سفيان بابتسامة كيرحب ويسلم عليهم واحد واحد ووصل حتى لاسراء وبدا كيضحك وعنقها وهي فشلانة شادة ليها الحاجة فيدها
اسراء: سكتي يا ختي راني على سبة غنزيد البكى على التقيا والبولة حتى اللي مبقاتش كتشد ليا ... مابقيت عارفة راسي واش بنادم ولا كسكاس ... كل مرة من تخرج ليا شي حاجة ها التقيا عا البولة ها البكى كنبكي على سبة ...غير غادا وكنتزلع
اسراء: ماواتاني غير الحضور ... باش نيت نتقيا على كلشي تما وندير ليكم الفراجة ولا نطلق ليكم شي بولة طويييلة بحال ساعتاين دالفيزيك وديك الساعة بداو تزغرتو .
تقلبات جيهت الحيط وغنضات عينيها ونعسات
ضرباتها الفيقة من بعد النعاس اللي نعسات وناضت شافت فالسجم لقات الليل طاح وهرجات من اللبيت سخفانة جلسات وسط الدار كدور فعينيها... هرجات الزوهرة مت الكوزينة اقاتها جالسة وهي ضحك
الزوهرة: ههه فقتي؟ واا نعستيييي !
اسراء: بصوت تقيل) شفت الدار خاوية؟ فين مشاو؟
الزوهرة: دااازت الخطوبة وتقطعات الحلوة ونتي نااعسة ماجتيبة للدنيا خبار ... ودخل عندك يحيى بقا متكي حداك حشمنا كااع ندخلو لداك البيت ... فاللخر عيط ليه خوه علي مانعرف اش قاليه وخرجو بجوج مع سفيان .
اسراء: واخرين؟؟؟
الزوهرة: لخرين حتى هما خرجو ... قالك يمشيو لفاس يتساراو ... بقات غير عكوزتك داها نعاس فالصالة راها ناعسة
اسراء: هااااا... هاحنا تفاهمنا ... يعني هاداك اللي عادي ملفتش الانتباه وجانا عااادي اما لاخر من حركاتو كيبان عليه شخصية ومرجل واخا مقصدش يلفت الانتباه يعني داكشي نتبع من عندو ... ايوااا يا البايرات هاكا خاص تكون حتى المرى باش تقدر تلفت انتباه شي شاب غير من حركات عاادية ولا شوفة عادية ... بلاتي نشرح مزيان باش تفهمو... تخيلو جوج بنات لابسين مايو فالبحر ياك...وبجوج زوينات
سحر: تنهدات) اايييه غير طلقينا
اسراء: ممكملاش انا كااع
اسية: وا مكملي ... يخخخ هادي هيا اللي باغا تعلم جالسة تسوط ... هنينا خلينا نستافدو الله يخليها سلعة
اسراء : صاافي سكتووو... مهم هادشي هوا المهم ... تخيلو دوك الجوج كيما قلت ليكم فالبحر وبجوج زوينات وجايين جيهتكم ... وحدة جاية عادية بحال العسكري ووحدة جاية حتى كتزرب ولاكن كيفاش كتحط رجليها فالارض باينة عليها الانوثة وملامح وجها كتزيد تبرزهم بالشوفة ... يعني طالقة زينها وغا بوحدها كتحلون وحركاتها مبنتين وهي فالاصل كتمون كتصنع هادشي وهاد الانوثة ولاكن مع المدة والولف كتولي هي هاكاك ومتعرفش تصرف بطريقة اخرى وهاكاك كتبقا فهمتو ... ايوا انا هادشي اللي وقع ليا راه كنت صحة سلام مبكنة بحالكم وفاش بديت نتبع داك هايفا ماجيك اللي تخول من راجل لمرى وحركاتو مكيديروهاش الايناث اللي تولدو ايناث ... رجعت هاكا وكيحيب ليكم الله مبعكمة راه انا منعرفش نلوح يدي كي الشيخة بحالكم فهمتو ... يديا وراسي ورجلي كلشي كيمشي فتيار واحد بوحدهم بلا منتخكم فيهم يعني ولفت هاكا واخا كنت كنقنط فالاول كنبغي نكون على طبيعتي ... ولاكن دابا رجعات هادي هي طبيعتي
الدخيلة الجزء السادس
محتوى القصة
اسية: كيفاش؟
يتبع
التنقل بين الأجزاء