خرجات من عند المحامية ومشات نيشان عند طبيب نفسي حكات ليه مشكلتهاا وطلبات شهادة طبيبة ، وطلب منها هوا الثاني تعمل بعض الفحوصات ودار معاها حصص وتيقن انها في صحة جيدة وسليمة وفكامل قواها العقلية ، خدات الشواهد ديالها ومشات دارت فحص شامل لجسمها ومعها الاوراق ديالها كاملين ، وبعد عشرة ايام من رجعات عند المحامية عطاتها جميع الشواهد ورفعو دعوة الحضانة و دعوة اخرى على المحامي ديالها. رجعات لدارها فالعشية مسخسخة توادعات مع مها وباها وطمناتهم عليها .
اسراء : انا اليوم تاصلت بيكم حيت جميع الابواب تسدو ليا فوجهي ... وختاريت جريدتكم الاليكترونية باش كلشي يسمع ويعرف ويشوف القانون اللي عندنا فبلادنا .. الضلم اللي عندنا ... انا سيدة مطلقة وعندي ولد مع طليقي .. نهار طلقنا خدا ليا ولدي ومش بيه لفرنسا ... ومن تما وانا كنجري و نطلع ونزل فالمحاكم .. كلفت محامي بالقضية ديالي .. ولاكن فالاخير كنتفاجىء ان القضية مسحوبة هادي عام والمحامي كيكدب عليا ويوهمني بالجلسات في حين مكاين لا جلسة لا حتى حاجة ، استاغل تيقتي فيه وخلاني نوقع على اوراق سحب الدعوة ... دار يدو فيد طليقي ورجعوني حمقة ومختلة عقليا ... فآخر جلسة اللي دازت هادي عام .. انا محضرتش وحضر ليها غير المحامي ديالي وتم تلاتفاق بيناتهم وجابو شواهد مزورة كتبت اني مختلة عقليا من عند اطباء مجهولين ... وانا مفخباري والو .. وقديك الجلسة تسحبات الدعوة ... من بعد فاش سمعت ان طليقي غيدخل للمغرب ومعاه ولدي مشيت عند المخاني وقالي انه فاش غيدخل غيتشد ... ولاكن وقع العكس حتى كنتفاجىء بيه فواحد الحفل هوا ولدي وماتشد ما حتى حاجة من هادشي ... (غرغرو عينيها) غوت وبكيت باش يرجع ليا ولدي وفالاخير قالي ولدك خوديه بالقانون حيت عارف القانون مغظيش ينصفني ومغديش يرجع ليا حقي المسلوب و3 سنين ديال العذاب والانتضار والمعانات وبعدي على ولدي اهىءاهىءاهىء رجعت بعد هادشي عند المحامي ديالي نخبرو حتى كنكتاشف انه متافق مع طليقي وشفتو بعيني معاه فالسيارة ديالو ... مادرت والو ومعرفت مندير ... تشد المحامي ديالي بتهمة الخيانة الزوجية والفساد مع قاصر ... مشت عندو للسجن وهددتو غنفضحو ونرفع عليه دعوة على داكشي اللي دار ليا .. فالاهير اعتارف ليا بكلشي وعاود ليا هادشي كامل وعندي دليل في الاعتراف ديالو . وكلت محامية اخرى تكلفات ليا بالدعوة .. و درت عدة شواهد طبيبة اهىءاهىءاهىء. . (هزات الشواهد امام الكاميرا) هادو شواهد كتبت اني سليمة الحمد لله وفكامل قواي العقلية ... ومكنعاني من حتى شي مرض معدي او امراض اخرى ... دفعت هاد الشواهد للمحكمة ورفعت دعوة على المحامي وعلى حضانة ولدي... اللي تعقد من هضرة الاطفال ليه ... باغي تكون عندو ام حتى هوا ... ومو كايييناا وحاضرة وكتعذب بالليل وبالنهار باش تجمع مع ولدها .. ولاكن القانون ماشي فصفي .. حيت طليقي دار ليه جنسية فرنسية وكيحاول يبعدو عليا بأي وسيلة ... وممكن فاي وقت يرجعو لبلادو وحتى واحد ميوقف فطريقو ... وانا ماعنديش الحق فالفيزا باش نتبع ولدي لتما ودفعتها مرارا وتكرارا وكيرفضو ليا ... انا ولدي كيضيع مني ... هوا فبلاد كتأمن ليه جميع الحقوق ديالو ويقدرو يتدخلو ويحرموني منو ... كونو كينتمي ليهم .. وهادا هوا العدف ديال باباه وانا فبلاد كنجري ونطلع ونهبط باغا حقي وباغا ولدي ... اهىءاهىءاهىء وحتى واحد مكيسمعني وحتى واحد ما واقف بجنبي واها عندي امكانيات و قادرة نوفر ليه اللي يحتاج و نعيشو كيما كان عايش وحسن ... انا كنطلب يرجع ليا غيير ولدي مابغيت واالو ... الى مرجعش ليا ولدي غادي نقتل راسي .. حسن مانبقا مل يوم كنموت الف مرة
حطات يديها على وجها وبقات كتبكي وهازة يدها قدام الكاميرا كتقولهم "مابقيتش قادرة "
وقفو التصوير وعطاوها الماء وخلاوها حتى رتاحت .
البنت: حنا اليوم غنشره فجريدتنا الالكترونية واكيد جميع الجراءد والمواقع التواصلية غتنشرو وغيوصل لكلشي .. وانشاء الله غيرجع ليك ولدك ... وغنتشناو طليقك حتى هوا يخرج بتصريح ويقدر حتى هوا يكون عندو مايقول .
يحيى: بغضب هز يدو) حيد اعلي غنضربك ... متشدش فيااا ... غنوريها الحماار والكلب يا الغدااارة الطماااعة ... شحااال من واااحد عطيتيه باش جمعتي خاد الفلوس كاااملة هااا (بهستيرية) جاوبيني يا الكلبة شحاال من وااحد خلصك باش طلعتي يا الطمااعة
اسراء: حسبي الله ونعم الوكيييل فيه اهىءاهىءاهىء الحيواان .. مولف تمشي غير معاهم تا ولاو كيبانو ليك بحال بحال ... (بصوت مرتفع) عمرك كنتي راااااجل وعمرك تكون راجل ... (سدات ليها اسية فمها) بعدي منييييييي وااااااااااااغغووو طلقي مني
دفع علي لصدرو وشد اسراء من عنقها كينهج ويديه كيترعدو والعروق تنفخو ، رجع فكهم علي وهزات الفاز وجات كتجري ضرباتو للكتف واسية كتشدها وترجعها للور ، لاكن اسراء الغضب سيطر عليها لاهي لا يحيى ولاو فيهم عشرة . قمشات اسية من عنقها ودفعاتها ومشات بغات طير على يحيى وهوا يتعرض ليها علي ردها للور بينما ناضت اسية شداتها .
جلسو دايخ بالاعصاب وجرو اسراء لبيت النعاس سدو عليها وهي كتغوت وضرب فالباب
علي: لا متسديش عليها راه راسها سخون امشي دير شي حاجة فراسها حلي
حلو عليها وخواو ليها الماء على وجها ورجعات خرجات عند يحيى كتغوت وهوا فكل مرة كيبغي ينوض يفش غليلو فيها كيرجعو علي لبلاصتو ويهدنو . . . برد الطرح وجلس حاني راسي كينهج مهزوش واسراء جامعة رجليها فوق الفوطوي ومنعقة الكخدة مخرجة عينيها وساهيا كتخمم . الصممممممممممت ... دقاءق صمت وكأن الححر تقادا ليهم ... حتى واحد مهضر وكلشي ساكت كيشوف فنقطة وحدة ، الا سكينة اللي كتشوف فيهم وتمشي عينها جيهت يحيى وتبقا تشوف فيه وطلع وتهبط من راسو حتى لرجليه . هز علي راسو وتنهد
علي: ها نتوما كتشوفو...عجاجة دازت بالزربة ... علاش الي ميجلس الواحد ويهضر بالعقل ... علاش يجبد بنادم العيب ويخرج هضرة خاسرة على فمو فاللخر يندم عليها
حتى ماجاوبو وكلشي عاقد حجبانو
علي: نعلو الشيطان راه الولد مسكين غيمرض
يحيى: كلشي كنديرو على قبل ولدي...وعلى راحت ولدي وتربيت ولدي انا عايش ... اما باش نعطيه ليها وضيع تربيتو لااا والف لا
تلفتات اسراء بغضب: انا ماشي فاااسدة ... وعلى قبل ولدي كنتنفس ونتا الله يجازيك على هادشي ... 3 سنين ونتا مبعدو عليا
اسراء: ما كنصح مكنحلل... انا خدمت بدراعي والى نتا عندك شي حاجة اخرى فراسك وفاهم كلشي بالمقلبوب ...سير اخويا سول عليا وبحت عليا ... وشوف واش كنفسد ... كن كنت كنفسد كاع منسول على ولدي... ولا نتا بغيتي ترجع من مور 3 سنين تلقاني موعاقة ولا مشللة ولا حالتي حالة باش تيق بللي ماكنت كندير والو بللي حازنة على ولدي؟ انا حازنة وكنبكي عليه الدم و بسبب المعيور ديالك ليا وكل مرة تنعتني بطماعة انا وصلت لهادشي ... بعرق كتافي ومطامعة فحتى واحد ... طامعة فحاجة وحدة ترجع ليا ولدي
يحيى: شوف اختي... هاد الهضرة ديالك كدخل من ودن وتخرج من ودن باش نجيك نيشان انا ماكنتسناش تشرحي ليا وعارف كيفاش غنكشفك بطريقتي ... سمعي ... وحللي ودنيك مزيان على قبل ولدي وماشي على قبلك نتي انا غنحل مشكل الفيدو اللي صورتي ... باش تبقا صورت ام ولدي مزيانة وماشي خايبة وحتى الى كبر هوا ميتعقدش فاش يشوف داك الفيديو اللي مرمي فجميع ليباح وليسيت ... واخا نباتو كنقيو مغيتنقاش... انا كنعاودها راه على قبل ولدي غنفكو هادشي وحيت انا مربييه ..(كيأكد ) مربييه ميكدبش ومكنكدبش عليه قلت ليه شكون هي مو نهار سول عليها اول مرة ... ودابا طلمع وكيتسنى وعدك لي قلتي ليه عليه وكيتسنى يوريك لصحابو ويفرح بيك ... انا على قبلو هوا وعلى راحتو هوا غنجيبو ليك (شافت فيه بفرحة) ولااااكن ... نحصل عليك غيير قد هاكا ... ولا تعلميه الكذووب وداكشي ديالك ولا دخلي عليه شي واحد ولا ضربيه وتبكيه او تخليه لشي واحد يقابلو من غيرك نتي راه متلومي غير راسك وعمرك فحيااتك تشوفيه وغيكون حسن ليه يبقا يلا ام ... نتي مكتهمينيش ديري اللي عجبك ولاكن دابا غيبقا معاك ولدي غيولي يهمني فين كتمشي وفين كتجي وشنو كديري ... كاع تربيتك نتي نسايها ... وغتمشي على التربية اللي غادي عليها هوا ... الكذوب والوعود الكاذبة و الغوات والعصبية والسهير واكشي ... انا ممعلوش ليه ... كنتي قادرة تربيه مرحبا ماكنتيش قادرة قوليها من دابا ومرة مرة اجي عندو يشوفك ... اما الى شي نهار سمعتو تعلم شي كلمة خاسرة ولا حركة ماشي هي هاديك ولا تبدل الطبع ديالو راه غيكون اخر نهار تشوفيه فيه من هنا واحد 20 عام . فكري مزيااان مع رااسك
اسراء: هوا اللي قجني قطع ليا السنسلة .. عاحباااه صحتو
يحيى: عااااجباني يااا.
شد ليه علي فمو: واصااافي عاد كنا كنهضرو بلاتي هي احسن .. جلس اصاحبي الله يرحم ليك الواااليييدييين الله يرحم ليك بااااك اللي مشا فالضوء لاماسكت مترضتش عليها ... نعل الشيطان
تمشات اسراء فالقنت دالفوطوي مطلعة حجبانها وكتجمع شعرها وقدامها يحيى حال رجليه ومتمي على ركابيه كيشطح بواحد الرجل وسكينة نسات راسها وحلات فمها ففخادو والعروق باينين وطالعة بعينيها كتبركك مع مل حركة دارها حتى نخرزاتها اسية
اسية:هبطي عينيك نتي فين كتشوف راه غيشوفك يدور فيك ويصدق معري علينا هنا ...هبطي عينيك ونتي نسيتي راسك الله ينعل اللي ميحشم
يحيى: قلب وجهو عاقد حجبانو : انا المهم عندي تهلا فيه مضربوش ومتزعفش عليه ... راه غير تخراج العينين اللي كدير غتقفزو ... (شاف فيها) الماكلة دالزنقة ممنوع .. طيب بيديها وتعطيه والمعلبات واندومي وداكشي اللي كيتباع واجد متعطيهش ليه وتعطيه عين افران يشربها ...خفيفة عليه وكيشرب منها بزاف ماتعطيه حتى شي ماء اخر ... والى مشيتي حتى حطيتي عليه يدك ولا تشكا ليا منك غنديه مغيبقاش معاك
اسراء: لاالا مللي قلتيها راه دايرة فيك التيقة ... وراه الشهر الجاي كاين عرس نيسست بحال والو نحضر فيه انا
الرءيس: وا عنداك تنساينا
اسراء: لا راه هضرت معاهم على الجوق المهم انا مشيت بحالي بيناتنا تيليفون
الرءيس: شووفي ولاهيلا كنقوولها للدراري اللي معايا كنقول ليهم زعما نتي الله يعمرها دار تقريبا هاد الصيف كاامل خدمنا معاك غير نتي
اسر اء: اييوا شتي .. راه عطاا الله الجوايقية غير انا عندي كلمة وحدة الة عطستها مكنرجعش فيها ... يالاه تهلاو نتلاقاو فساعت الخير
مشات دازت على الدقايقة صبحات عليهم كضحك ومشات خرجات طلعات فطوموبيلتها الحمراء وجلسات كتشوف فثهم كيطلعو الماطيريال فالسطافيط حتى سالاو وشيرات بيديها ليهم من الزاج
اسراء: هانا مشيييت تكايسو على الحوايج ... مع الجوج غنرجع نتحاسبو فالحانوت
رجعات الدار دخلات لقات كلشي مزال ناعس ومشات لبيتها نيشان سدات عليها ... حطات صاكها فوق الكرسي وحيدات جلابتها ورجعات نعسات .
فيقها صوت الدقان فالباب وناضت مفزوعة ببيجامتها السوداء مقزبة .. الشورط قصير وديباردو طالع من الجنب عوج بالنعاس ونص وناول من واحد الجهة فالصدر بلاسوتيان وشعرها مطلوق ملوي ومخلبل بالنعاس
اسراء: حلات الباب بعصبية) مااالك فااارعة ليا راسي شكاااين
سكينة: كطلع وتهبط فيها) راه جا داك الراجل معاه واحد الولد صغير
ظخلات فيها تسراء ومشات كجري حفيانة فالكولوار حتى خرجات فيه فالصالون و وقفات فدهشة كتنهج وتشوف فيحيى جالس حال رجليه ومجلس عندو محمد امير كيعنق ويبوس فيه ويلعب ليه فالسنسلة فعنقو ، هز يحيى راسو بشوية شافها واقفة تالفة وهبط عينه فيها حتى لرجليها ورجع طلعهم حتى لراسها وقلب وجهو تالف الشىء اللي خلاها توكض وتهبط عينيها جيهت صدرها بارتباك كتفتف ورجعات كتجري للبيت هزات بينوار لبساتو وعاودات رجعات عندهم كتجري حتللة يديها فرحانة
كمش يديه وهي كتهرو وهوا كينقز ويضحك حتى هواج فالترض وكمش عنقو وهزاتو كتبوسو فرحانة وجلسات مقابلة مع يحيى معنقة امير
يحيى: امير اجي اولدي نهضر معاك
طلق من اسراء ومشا طلع على رجلين يحيى وجلس
يحيى: شنو قلت لبارح؟
امير: بصوت طفولي) نمشي عند ماما الزوينة ونبقا معاها
نفخ يحيى حناكو وغمض عينيه كيتنهد : نتا اللي بغيتي ماماك ياك .. بغيتي تبقا مع ماماك هانا جبتك
امير: ماما الزوينة تبقا معايا بوغ توت لافي
يحيى: توت لا في الى بغات ... (هز عينيه فيها) و ماخلفاتش الشروط (باسو ففحنكو وعنقو) يالاه ابابا سير عندها
رجع امير كيجري عند اسراء اللي بدورها شداتو عندها معنقاه
يحيى: باليزتو ها هيا ... فيها حوايحو كاملين (هز مذكرة حداه) هادي فيها شنو كيبغي وشنو مكيبغيش . . . وحتى داكشي اللي خاصك تعطيه واللي متعطيهعش ... التعليمات كاملة هنا ... (ناض وقف خاطب امير بالفرنسية) امير ... بغيتي شي حاجة ابابا عيط ليا فتيليفون
امير: واخا
يحيى: بجدية) عندك فرصة ... والى ضيعتيها مغنعقلش عليك تفاهمنا ... اللى دخل شي واحد مع هاد الباب ...
اسراء: وصاافي فهمت ... بلا متبقا كل شوية تعاودها اصلا مكيدخل عندنا حتى واحد
مردش عليها ومشا بخطوات تقال جيهت الباب ... تلفت شاف سكينة واقفة فالجنب حتى هيا مشات بدلات ولبسات شورط وديباردور كحل وطلقات شعرها ؛ بلا ماسدور عند اسراء عقد حجبانو وقال
الدخيلة الجزء 12
محتوى القصة
يتبع
التنقل بين الأجزاء