البرهوش الجزء 44

أنا فاش سمعت دقان تخلعت تزعزعت ميكون غير عبدو جاي يخلي دار جد با هنا خبيت تريكو لي كنت تنجفف بيه قاديت حالتي هزيت واحد لفاز غادي نزل عليه بيه حليت ومخبي ليد لي فيها لفاز وهيا تباليا بنت خونا عند لباب ديك لي كانت دايرا زيف بدون شعور طلقت لفاز تهرس مفهمات والو مداتلي بزطامي قالت ليا طيحتيه عندنا طبعا هادشي بلونغلي قلت ليها شكرا سمحيلي قالتلي عادي غادا نازلا وأنا نقوليها مجاتش تمشي هكذا نقدر نقادلك شي قهوة نشربوها بزوج وهيا تبدا تدور فراسها لا منقدرش شكرآ.. مشات أحح صافي هادي هيا رجعت لدار أصلا معنديش فيها ريحة لقهوة ولا شي حاجة تكال غير دفعت جبهة وصافي خرجت نتقدا شي لعبة زعما بحال ناس معرفتش خضرتهم فشكل بطاطة نقية أصاحبي نقا من بنادم عندنا فحالا كانو زارعينها فلقطن تحشم تقشرها.. بارك تندوي مع دار تنقوليهم راه بيخير معندهم علاش يخافو عليا ونصائح كانت لواليد ضرب وقيس لخوادري ضرب وقيس لواليدة شوف أولدي لبس مزيان راه عندهم لبرد وكول مزيان أه وضرب وقيس.. لغد ليه مشيت لخدمة حتى هوما توحشوني بقيت تنسركل تما وليزيات فودني مبقاوش تيخطاوني خرجت واقف فلبلاكة ديال طوبيس دار قريبة ولكن بغيت نطلع فداك لعجب ديالهم فشكل وغيحطني قدام لباب وشكون تيوقف أساط تيوقف شيباني والله تا كينا شي لعبة يا تيديرها بلعاني وتابعني باغي يزوجني بوحدة فبناتو ولا مكتابالي وحدة مشيت سلمت عليه حتى هو ممتيقش قاليا دايز تنور وجهي كتباليا واش دنيا صغارت ولا كيفاش؟ قلت ليه هادشي ليباليا راه تخلعت أنا قالبا طلع طلع نوصلك غادين داوين خونا تيدوي غير على شهيوات قلت ليه هيا غادي تغدا معايا ليوم قاليا ديك لا ديال صواب حلفت عليه وهو يطلع معايا لدار نصبنا وااحد طاجين باركين ممتيقش طريقة لي كنتلاقا بيها مع هاد سيد وا بزااف على زهر لحت ليه واقيلا غادي نتناسبو؟ قاليا شكون كره ولدي ضريف بحالك ومتابر(فكرني فلقراءة ديال تحضيري) حتى أنا تندير فيها ضراايف وأنا شيطان بالعكس أعمي غيكون شرف ليا بدا تاني تيعاود فاش جا ولمعانات قصة تيعاودها ليا ل3 مرة على بونة كنت غادي نبول عليه حتى هو نتا شاابع مشاكل معكري وبنادم تيزيد عليا.. باركين تنقصيو وأنا من نوع لي إلا عمر كرشو متيبقاش عارف شنو تيقول بديت تنعاود لخونا شنو وقعلي تا جيت لهنا وبلي خليتها حاملا قاليا رجع لبلاد معندك ما دير هنا سير حارب وقاتل هاد خونا مالو غادي يخلعك نتا شباب تبارك الله بقيت ساكت شنو غنقوليه هو مشافش عبدو لمهم موحال يعاود يدخلني لدارو تاني خرجتو لبرى قاليا الله يديرلك لي فيها لخير ونصيحة لي غادي نعطك بعد على صداع وعمر جيبك بشحال ما قديتي ديال لفلوس هوما لي غيعقلو علك مكين لا ولاد لا خوت لا والو أولدي بقى تينصح تينصح بحالا عندو شي بلاان.. مشى طلعت سديت دار وخرجت بارك فلمحل لي كنت تنريح فيه شحال هادي تنشرب فواحد لقهوة وهو يبرك حدايا واحد لبوليسي لوين قاليا سلام سلام برك تيقصي قاليا أول مرة نشوفك هنا واش غير دايز قلت ليه لا غير كنت مسافر واحد لمدة يلاه رجعت دار غير مور شارع قاليا سمحلي ولفنا نبقاو نسولو بنادم قلت ليه عادي بدينا داوين ساط ضحوكي ولقاني تا أنا خاصني غير معامن قاليا خاصني نمشي لخدمة عطيني نمرتك نشربو شي حاجة عطيتو نمرتي ياه غندير عشران يهود تراه فرحاان رجعت لدار يلاه نعست شويا فقت لقيت خونا تيعيط جاوبتو قاليا واش عندك طوموبيل قلت ليه لا قاليا نوقف قدام لمحل هو قريب صافي هيا هادي بدلت حوايجي ونزلت لقيت خونا واقف طلعنا غادين ساط فشكل لونغلي تيخرجها زبدة هادو هوما لعشران ولا حيد عليا وصلنا لواحد لبار باركين ساط تيشرب أنا خديت واحد لعصير عفا الله عما سلف بارك تنعاود ليه لقصة ديالي وساط تيضحك تيضحك واحد لوقيتة قاليا واقيلا تعطلنا صافي نمشيو لعندك ولا عندي(your place or mine?) تخلعت أنا تزعزعت ندوز نهار مع زامل معرفت ما نقول واش أنا يهودي يوقعو ليا بحال هاد لبلانات محسيتش براسي تا نطقت بدارجة غتدور تقود ولا غن دبا معندي باش نعيرو هو أصلا زامل وخا متيفهم لعربية ولكن غيكون وصلو لمساج خرجت غادي على رجليا وتنقلب على طاكسي وخونا وقفلي تاني بطوموبيل هدا مالو وا ساط نعل شيطان وبلحيتي ياحسرة قاليا غير نوصلك قلت ليه غير لله يرحم لوالدين طلعت فطاكسي وصلني لدار مبغاش يجيني نعاس خاصنا نوليو نلبسو زوج سراول ونزيرو صمطة فهاد لوقت.. لغد ليه فقت نزلت نفطر فداك لمحل دخلت نيشان لعند سيد لي خدام تما خديت داكشي لي موالف تنفطر بيه غادي نريح فطابلة لي موالف نبرك فيها وهو يباليا خونا تاني وبلبسة ديال لبوليس تخلعت أنا غادي راجع وعاطيه بوجهي خويا منقدرش نعطيه بضهري وهو يشوفني قاليا صباح لخير ياسين بغيت ندوي معاك قلت ليه معندنا فاش ندويو مشيت لطابلة أخرى وهو يجي حدايا قلت ليه واش عارف إلا ديكلاريت بهادشي شنو غادي يوقع ليك؟ قاليا سمحلي على لبارح ومدلي يدو قاليا صحاب؟ بقى مااد يدو سلمت عليه تنقصي وتنقول صافي غادي يعاود يدير شي بلان غادي ندخل عليه لحبس بوجهي حمر را إلا شرف يا أعداء الله خونا داوي عادي بحالا موقع والو فطرنا قاليا ديك سمحلي تاني وعرض عليا باش نخرجو فليل تاني قلت ليه لا غير سمح ليا عزيز عليا لبنات.. قاليا لا لا غنخرجو مع شي أصدقاء عتابرها تعويض على لبارح عاود سلم عليا خويا مقديتش نعاود ناكل بديك ليد الله اعلم شنو كان تيدير بيها مشيت لدار غسلتها معمري كان عندي شي عشير عبدو كان غير خدام معايا ودبا شوف شكون باغي يعاشرني بحال داك لي صام حتى صام وفطر ب بصلة فلعشيا هزني من قدام لخدمة معاه شي صحابو مخلطين حريم ورجال مشينا لواحد لمحل باركين فطابلة أنا صافي تطلقت فلهضرة خوتنا كاملين بوليس تراه شي عيالات فصالة ديال شيخات ديال ناخد شي وحدة نديها معايا لبلاد غير تدعقلي داك عبدو ولكن ولاو تيخلعوني هاد لكبارات ولكن ضريفين وصلوني معاهم فلعشيا لدار راه تندير بلاصتي بزربا وسط بنادم هانا وليت معاشر غير مع سميتو عليهم ولبوليس معارف أااد الدنيا..