البرهوش الجزء 47

من تأليف دعشوش
2018

محتوى القصة


فلعشيا رجعنا لواليد لدار عاطينو صاك ديال دوايات ولكن أنا عارفو صحيح معندو ما يوقع ليه غنبقى معاهم واحد ليومين ونرجع فين كنت.. بارك فبيتي داوي مع بنت خونا مزال مزعمتش عليها تنهضرو عادي شنو كدير كيدير لجو عندكم امتى غادي ترجع كيدير باباك.. وهيا تجي لواليدة لبيت عندي بقات كتسول أنا منقدرش نخبي على لواليدة شي لعيبة وفنفس لوقت منقدرش نقوليها بلي عطيت لبات لبنت فلوس راك عارف لوالدين مغاديش دخل ليها لدماغها اللهم نسد فمي كتسولني على لي عيطاتلي قبيلا قلت ليها مزال مكين والو أتكون شي حاجة غتعرفيها نتي لولا.. مهدي ولا تيخرج من دار بزااف على ما قاليا لواليد ولواليدة وقاليهم قريب غيسافر على ود خدمة مع نسيبو قلت ليهم شنو كين بلي أنا تنعرف داك راجل قبل ميعرف مهدي بنتو سيد نصاب كبيير وغادي غير يغرق مهدي فشي حاجة قاليا لواليد هو مكيدخلش ليك فخدمتك حتى نتا خليك بعيد على خدمتو بلاما تجبد معاه شي صداع تاني نسيبو هداك.. وخا هاك أفمي😶👊 حوايجي مكين لاش نحطهم معندي مندير لواليد بيخير بقيت معاهم ديك ليوماين متنخرجش من دار غير بارك حدا لواليد ولواليدة باش منتوحشهمش نهار تالت جا عبدو ومراتو مجاتش ختنى لمهم أنا كنت فبيتي وسمعت صوتو مخرجتش فلبلاصة حتى بدا تيسول عليا عاد خرجت لعندهم سلمت عليهم بيدي وريحت قاليا كيداير مع لخدمة قلت ليه بيخير كيدير لجو تما بيخير كلشي بيخير خونا متيمرغش مبغاتش تدخل ليا لدماغي كيفاش جاي تيدوي معايا بحالا موقع والو بيناتنا لمهم تنحاول ما أمكن منطولش معاه فالهضرة شداتهم لواليدة تغداو معانا ومشاو لغد ليه غادي نرجع لديك لبلاد تاني تيباليا لواليد بييخير وصيتهم إلا وقعات شي حاجة لمهدي مع خونا وخا غير مشكل صغير يعيطو ليا قالك صافي كون هاني جمعت حوايجي و وريقاتي ورجعت منين جيت نيشان لدار عيطت على طوم قلت ليه ليه بلي رجعت نخرجو نسركلو فليل خاصني معامن ندوي وساط وخا سميتو عليه ولكن رجولة وتيسمع خليني من بنادم ديالنا تبغي تشكي عليه تلقاه هو تيعاودلك تا هو هاد سويط تيسمااع وتيناقش سميتو عليهم تيكونو حساسين بحال لبنات لمهم تلاقينا ديك ليلة عاودتليه لبلان ديالي من لول كان خاصني ندوي مع شي واحد لقيت غير هاد خونا وصلني فليل لدار قاليا واش عاجباك بنت خونا؟ قلت ليه أه خويا تشوف منين جاي يضرك خاطرك.. كون مكانش حرام تزوج بالخواتات كون تزوجتهم ب3 نحسن نسل ديال لعائلة يبقاو يرضيو عليا حفادي فاش نموت داير مع لبنت غدا فوقيتة لغدا دبا باها غادي يحسبها فشكل إلا عرفني أنخرج معاها غيقول عطاني فلوس باش منقدرش ندوي معاه سو خاصو يعرف لغد ليه أول حاجة درت عيطتليه سلام عمي لحمد لله بيخير كلشي بيخير لواليد بيخير لحمد لله معيط غير باش نعلمك أنخرج مع فلانة واحد ساعة نتغداو؟ قاليا وخا غير ديرها بحال ختك لي مبغيتيهاش لختك متبغيهاش ليها.. عرفتي شحال صعيبة تقول لشي واحد أنخرج ليك مع بنتك راه بحالا كتفرتك فشي قنبلة.. لمهم تلاقينا فلبلاصة لي درناها قالتلي بلي باها لي قربها لتما وبلي كيحتارمني ريحنا فواحد لمحل زوين غير هو أنا معنديش مع داك تبعصيص ديال لفورشيط ولموس وأصلا وجهي ماشي ديال دوك لبلايص لمهم بعدا داوي أنا ولبنت وبعد ساعة وصرف ديال كيداير باك كيبقى مالو شنو وقعليه.. وأخيرا مشينا لصلب لموضوع أنا لحت ليها ديك واش خرجتي معايا ليوم غير حيت عاونت لواليد ديالك قالت ليا لا ماشي هكذاك نتا كنتي كتباليا فشكل كتمشي بوحدك وتجي بوحدك وبابا تيدوي عليك بزااف وتيقول بلي كتشبه ليه فاش جا لهنا أول مرة ومكيناش شي بنت مغاديش تبغي شي إنسان بحال باها... ختنى طلقاتها عليا تراه سميتو عليها ولات قد 10 دراهم شقفة يامات لإستعمار عرفتي شنو هيا تيتيز تيمدح فيك بالإنجليزية.. مبغاتش تيق بلي كنت مزوج مبايناش فيا ولقصة التي تديب الملاين كنت تنبغيها ولكن هيا لا.. كنت حاڭر راسي ولكن طلعت عنيبة مقطر وصلتها لدارهم فلعشيا غادين داخلين لدارهم وكتقوليا مسخيتش بهاد نهار يسالي هههه دبا باها غيشك فيا ساحر ليها دخلنا لدارهم ريحت مع سيد شويا بيني وبينو تندويو بدارجة خرجت طليت على لخدمة بقيت تما حتال ليل تا بقيت غير انا تما بحال داكشي ديال الأفلام مخليتش شي ورقة فداك لبيرو مقريتهاش وشي زفتة مفهمتها لمهم تندير شي مجهود خاص ندير شي لعبة منبقاش غير نصرف لغد ليه خارج نفطر وأنا نضرب على واحد لمحل قريب لدار عندي تيصلحو فيه وكاتبين بلي باغين يكريوه صافي هيا هادي خديت نمرة بارك تنفطر وعيطت على سيد تفاهمنا تمن مزيان قلت ليه خليه ليا تنفكر شنو غادي ندير فيه شنو غندير فيه صافي مخبزة هيا لي مكيناش فهاد لقنة بغيت شي لعبة نقدر نفهم فيها صافي هادشي لي درت لي تنقوليه أنحل مخبزة تيبقى يضحك عليا تيقوليا غادي تضيع فلوسك...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.