البرهوش الجزء 50

قاليا كتمزاااك؟ عرفتي مقديت نطق أخر واحد كنت تنقول غادي نتلاقاه هاد نهار بارك قدامي قاليا غتهز تيليفونك وغتخرج معايا عاادي لطوموبيل بلاما تبين شي حاجة حيت غتمشي غتمشي هزيت تيليفون ديالي بزطامي درتو فجيبي و وقفت خرجنا كنتسنى ساط لي مشا يجيب لخبز يجي وخا معندو ميدار غير زويمل حتى هو يلاه حليت لباب وهو يباليا داخل لمحل مشافناش حيت كنا فلجهة لأجرى دشارع وأنا نغوت بجهدي كااامل طوووم وا طااام عبدو قاليا طون؟ لأخر سمعني وهو يجي كلشي تيشوف فينا عرفت راسي صافي فلت منها خونا جاي وعبدو تيقوليا طلع طوموبيل قلت لك طلع ومع أنا فجهة لأخرى تحل ليا لفم قلت ليه مطالعش شنو غادي دير سيد وهو يدير دوك لقطات ديال لأفلام فوق لكابو تحط حدايا ومعامن فيه بغا يدفعني لطوموبيل وأنا نتعكل باش طحت شعلات ديك لغريزة ديال لمحارب أول واحد غيضرب شي واحد لحجرو براس عنداك يمشي بالكم بعيد هو ضربتو لسميتو عليهم ولكن بجبهة ساط والو متأترش بحالا هريتو موحال واش عندو لمسائل وهو يوقف علينا طوم هاز لفردي دلخدمة تيقوليه نزل لأرض تنشوف فيه تيري فيه تيري فيه فرجلو عبدو وهو يحطليا واحد لمسمنة ومع كنت فالأرض عرفتي كي تسمعات شاد من حنكي وهو يتم قاصد لبوليسي يلاه غنقوليه هرب وهو يباليا جمع عبدو بواااحد شمال أسطوري دارليه يديه وراه ولمينوط متيقتش عينيا جا بزربا لعندي قاليا واش بيخير وقفني ورجع لعندو معرفتش شنو تيقوليه لحقوق ديالو داكشي ديال لهيه بقيت غير تنشوف أنا هو زامل طلعو لطوموبيل ديالو لور وانا وياه لقدام بيناتنا واحد شبكة ديال لحديد تنشوف فيه بنص عين على طرف لساني ديك أودي يا ودي سلخك كونما بنادم كوراه داقلك لحلوة أمعلم تيباليا عبدو تيشوف فيا وبقا فيا وخا هكذاك قلت لبوليسي وقف وقف هنا قاليا علاش ياك هدا هو لي سيفطك لتما داك نهار غادين يشدوه وغتقدر نتا تمشي من غدا لفين ما بغيتي قلت ليه الا كنت صاحبك وقف وهو يوقف هادو هوما لعشران ولا حيد عليا قاليا كلشي بين يديك مزال مقلتش ليهم بلي شديتو ضرت عند عبدو قلت ليه واش إلا خليتك تمشي غادي تعاود ترجع بقى ساكت غير تيشوف فيا ساط مو ماتت بسبابي وعيا ميقوليا بعد عليها قلت لبوليسي خليه يمشي بقا تيقوليا لا واش متأكد قلت ليه أه هو مدارش شي حاجة خيبة غير بغاني نتعاقب على شي حاجة درتها.. وهو يمد ليا سوارت نزلت حليت لباب ولحت ليه سوارت ديال لمينوط حل وخرج وقف قدامي يا أنا طواليت يا هو قصار قلت ليه نتا عارف شحال كانت عزيزا عليا مبغيتش ندير شي حاجة تخليها تقلق دبا عندك عائلة كتسناك أنا معندي والو عائلتي بعدت عليها بسبابك قاليا كون قديت نرجع لور غادي نخليك فالإصلاحية قلت ليه كون غير درتيها كنتي غادي تهنيني مديت ليه يدي نسلم عليه وفيها سوارت طوموبيلتو بقى ساكت خداهم ومشا سديت لباب ديال طوموبيل ورجعت بركت حدا خونا وليت خايف منو كنت ديما تنقول شي نهار غادي يوسوس ليه شيطانو ويبغي يتقرب مني غادي نعطيه شي صلخة ربانية قوليا كنت أنا لي غادي نتصلخ راجعين لمحل قلت ليه غي قوليا كيدرتي ليها وندمني بدا تيشرح خونا سمطة كحلا فلايكيدو لمرتبة تانية فلبلاد لعام لي فات بقا داوي مسكتش.. قاليا ديك كبرتي فعينيا كتر وليت خايف منو أنا اللهم ملقاني مع عبدو عندو لحل يقتلنا بشرفنا ولا هادا قلت ليه بلي غنرجع لدار عندي مكين لاش انبقى عندك قاليا لااا بالعكس دبا هانتا عرفتيه هنا يقدر يرجعلك قلت ليه لا مغاديش يرجع أنا عارفو قاليا لي بغيتي صافي سير عشيا فاش نكمل لخدمة غندوز لعندك مشيت هزيت صاكي ورجعت لداري أخويا سديت لباب تنعرف غير لوحوش تيحسسوني بلي أنا غير ضحية.. كملت نهار عادي لمزيكا فودني ومشيت لخدمة ولمحل نهار ومطال كنتفكر لقطة لي دار لعبدو ولقطة فاش قاليا (your place or mine) لمخيخ ديالي تيهرب نجاني الله اخويا دوك أدومات متعرفهم شنو تحت راسهم.. فليل جا عندي خرجنا عادي مشا معايا لدار ديال نساب بركنا معاهم شيباني تيلوح ليا مساجات ديال إوا مزال مناويش.. مرجعني ساط لدار وقلت ليه بلي معرفتش امتى نتزوج بيها قاليا إلا كنتي كتبغيها دبا.. وبقى داوي مسكتش وصلنا لدار وبقى داوي تمال هاد زبل واش باغيني نعرض عليه يطلع مستحييل بعد داكشي لي شفت أخويا طلعت لدار عيطت على لواليدة لقيتها فخباارها بلي كنت فلحبس وبسباب عبدو مهدي معطلنيش قلت ليها بلي معندها لاش تخاف دبا كلشي سالا شي شهر ولا قل غادي يخليوني نخرج غادي نرجع لحت ليها لمساج راه غادي نجيب لبنت معايا وهيا تقوليا واش مزال متزوجتوش؟ بقات كتزعم فيا جاتني فشكل ياه لواليدة باغاني نتزوج وهيا تقوليا تزوج كانت ضريفة ومفيهاش لمشاكل جيبها كانت ماشي تال لهيه خليها تم بلاما تم جايبها ومرجعها راه مركوب ومصروف تم إلا مصدقاتش ليك هادي غادي نشوف ليك بنت خا. أقطع قبل ما تبدا تاني.. بقيت تنفكر صافي غدا ندوي مع سيد ونديرو وقيتا كنتخايل راسي مزوج تا داني نعاس شراجم محلولين ولباب ممسورتش تنحل عينيا فلييل تيباليا عبدو ومنيتي عاودت سديت عينيا غنكون تنحلم وهو يضرب فيا وااحد لبرد من شرجم تراه مكينش لبرد فلحلم باش حال عينيا باش داير 100 لجهة لباب وهو تيشد فيا تيقوليا صبر صبر تندفع فيه شديت واحد لفاز لكرسي غادي نزل عليه بيه وهو يقوليا جيت غير ندوي معاك أسي سميتو عليه مالك داير هكا قلت ليه باغي تدوي؟؟ ياك دوينا قاليا نتا دويتي أنا مدويتش عاد بردت شويا سديت شرجم وريحنا تيدور فعينيه فدار قاليا تقدر ترجع لداركم عمرك غتعاود تشوفني عيش و دير فبالك بلي نتا سبابها حتى ماتت أنا غير تنشوف وداير فيها مأتر باش ميكعاش واش منيتو زعما باغي يأنبني ضمير مالني بززت عليها شي حاجة محسسني بلي مشيت قتلتها جات ساعتها طبعا هادشي مقلتوش درت فيها مأتر وغادي ندمع وهو يتم غادي خارج تبعتو باش نسد لباب وهو يدور لعندي أه وقبيلا راه غير تعكلت!! هههه وي شفتك فاش تعكلتي مع رجلو وبانولي رجليك فسما

يتبع