no img

قصتي مع صاحب بابا

9isti m3a sa7eb baba 7ob m3a ma3a

هاد صاحب بابا ماكنت بيني او بينو حتا معرفة او معمرني شفتو من قبل كنسمعو غير فاش كيدوي مع بابا ف التلفون او لي عارفة هو انه سميتو حمزة لمهم القصة بدات من واحد النهار كنت انا او بابا كنتفرجوا ماما كنت عند صحبتها حيت ولدات وختي مشات لمدرسة وشوية صونا التلفون ديال بابا جابتو ليه من البيت شفت النمرة طالعة فيها سميت حمزة وقلت ليه راه كيصوني عليك حمزة قالي آه سيري حلي ليه الباب ديال العمارة راه واقيلة جا او لقى الباب مسدود قلت ليه راه مغنعرفوش قالي غير سيري حلي ليه الباب او صافي لبست صندالا فرجلي ونزلت بحوايج الدار عادي وصلت الباب مع الباب كيبين شوية كيبان ليا واحد كيتسنا حليت البات شفتو نااااااااري على وقفة نااااري على قلدة ولبسة قرطاااااس بمعنى الكلمة لا علاقة ب بابا هههههه بقينا واقفين شحااال درت راسي معرافتوش وانا نقول ليه واش نتا هو حمزة شاف فيا وبدا كيطلع ويهبط فيا عينيه وبتاسم على الجنب ليسر وقالي أه قلت ليه ودخل صيفطني بابا نحل ليك الباب قالي اوه نتي بنت سي رشيد ......
وحنا طالعين ضرت لور بغيت نشوف واش مزال غادي مورايا ولا تلف فشي درجة لقيتو ساهي فوااااحد طرف عندي لور وانا نقوليه ياك ما عييتي راه حنا ساكنين لفووق وهو يفيق من الgلبة قالي لا عادي قالي واش نتي الكبيرة عند باباك قلتلو اه علاش قالي لا والو غير سولتك مهم وصلنا لباب الدار حليت ليه دخل بدا كيدحك مع بابا شوية قالي بابا صيبنا شي كاس ديال اتاي إيوا كانت هادي هي الفرصة فين نبين ليه شوية ديال لحداgة هههه وانا كنصايب فداك اتاي وانا كنفكر كيفاش نثير الاعجاب ديالو لمهم بدلت عليا دوك الحوايج لي كنت لابسا لبست شي توشيات مزيرين وجمعت شعري درت ليه مشيطة زوينة وانا نهز الصينية دخلت لبيت لقيتو هو فسداري لي على ليسر وبابا على ليمن وانا نحط صينية جيهت ليسر وبابا كان ملاهي مع الاخبار كيف ديما فاش حطيت الصينية برْارْ*ـلي كانو مدليين قدام حمزة طلعت عيني وانا نشوف فيه ودربني بواااااحد الغمزة كنت غانطيح وانا نعاودلو بجوج غمزات رجعت لكوزينة كيبان ليل طبسيل ديال لحلوا مزال ماديتو فرااااحت حيت مزال عندي لفرصة نشوفو ....
يتبع..
أحدث القصص
قصة اللؤلؤة السوداء من تأليف شرقاوي حسناء
قصة اللؤلؤة السوداء شرقاوي حسناء
قصة تيريزا من تأليف سكينة سليماني
قصة تيريزا سكينة سليماني
قصة ضحية ذئاب من تأليف Sanae El Marzouki
قصة ضحية ذئاب Sanae El Marzouki