قصة الطنجاوي و العصابة الأمريكية

من تأليف مجهول
2018قصة كاملة

محتوى القصة


الطنجاوي و العصابة الأمريكية

اغلبية الشباب ضايعين فهاد البلاد لا خدمة لا قرايا لا والو علاش؟؟ حيتاش هي(ولادهم) لي كيقراو و يخدمو اما حنا هي كيعمرو بينا الشقايق ... المهم منطولش عليكم سميتي (عزيز)26عام ولد طنجة تزاديت وسط عائلة مبهاش معندناش و مخصناش لواليد(مصطفى) خدام ف الميناء الوالدة(فضيلة) رابت بيت عندي خويا كبير خدام (ريضى)و واحد البرهوش🤣(حيت ضاسر) سميتو (حمزة) المهم نرجع ليكم فاش كانت عندي 15عام 
نجحت فالكاطريام فرحوا بيا مالين الدار لواليد خداليا تيليفون جديد j1 ..مهم دازت شي 5ايام و انا نحس بواحد الملل (لعفوووووو) خرجت كنتسركل شويا و انا نغول ارا نمشي نضبر على خدمة بقيت كنضور حتى لقيت واحد الطريسيات (الكهرباء) وانا نغوليه سلام عليكم عمي والو شي خدمة معاك . مرحبا فين ساكن اشنو سميتك(دارليا لونكيط😂) غاليا غدا مع 09:30 نلاكاك هنا سميتو(طارق) صافي مشيت لدار غلتها ليهم لواليد مبغاش غاليا لي بغيتيها نجيبهاليك غلتليه بغيت نجرب نخدم... بدراع باش قنعتو . نضت قصيت حليت الفايس ملغيت ما يدار و انا نضربها بوااااحد النعسة حتا لصباح نضت فطرت و انا نتحرك عند طارق لغيتو كيتسناني سلمت عليه ...غاليا هز 2مطرقات و....وياله نمشيو راه كاين ميدار خرجنا مشينا لواحد الدار قريبة للمحال حل لينا مول دار طلعنا لطبقة التانية وراني اشنو ندير بديت كنهرس ليه فالحيوط . وهو يجي غاليا حببببببس اش هاد الفوضا غلتيك هير 2 cm ماشي صفي عند الجيراان (ههههه)وراني بقينا خدامين حتا دارت 01:00مشينا تغدينا و رجعنا بقينا خدامين حتا 05:00 جمعت المطريال و خرجنا للهحل نيشان حطينا داكشي جبد واحد 80 درهم عطاهاليا غاليا غدا ف 09:30 ديما صافي مشيت لدار مدغدغ دوشت تعشيت ضربتها بنعسة...بقيت خدام معاه حتا جات المدرسة غلتهاليه و هو يجبد واحد 500 درهم عطاهاليا غاليا تستاهل سلمت عليه و مشيت لدار نعست فقت فالصباح مشيت للمدرسة نتسجل ناااااريي على فرحة مدرسة جديدة اساسيد خرين.. دخلت شاد نوبة مور واحد الدرية (قرطاسة روسية) زوينة و زعرة و عينيها كبار ...واحد شويا صونالها تيليفون و هي تمشي انا شديت بلاصتها وهيا ترجع غالت ليا خويا راه دويت فطيلي ورجعت بقيت كنشوفيها و انا مبلوكي و هي تغوليا سبحان الله و هي تبدا تضحك عطيتها بلاصتها و تسجلنا عييييت واقف مشيت حدا واحد الكوان و كلست شويا كنشوفها جايا قاصداني(واقلة حتا هي مزعوطة فيا) جات سلمات عليا غالت ليا انا سميتي (غزلان) 😂😂😂وانا نغوليها سميتي تعارفنا شويا غالت ليا انا عاد جيت سكنت هنا (ومن زهري جات سكنات فدربنا ) و انا نغوليها حتى انا بقينا جاين غالت ليا ممكن واتساب ديالك .وي قيدي 061828...صافي مشات لدارهم و انا لدارنا دخلت غالت ليا الواليدة شكون ديك الدرية غلتليها واش دايرا فيا كاميرة خفية . غالت ليا شفتك سلمت عليها و جيتي غلتليها هير جات كتقرى معايا ...
صافي قصيت طلعت لبيتي لغيتها مسيفطاليا مساج . سلام 
-وعليكم سلام 
-سافا 
-حمد الله 
-غدا انا ساعة غادي للمدرسة 
-10:00 انشاء الله 
-صافي نتلاقاو حدا ديك المحلبة 
-اكي😉
-باااااي❤
ناري ملي سيفطات(❤) واقلة مزعوطة فيا . نضت قصيت و خرجت للزنقة نتسركل مسيت لبيار(8pool) لعبت شويا انا خارج بانوليا واحد خونا موقف واحد لمرا كيغولها طلقي كر* ابنت الق**ة انا بقات فيا مع هو نبان حداه كي شي دبانة بانت ليا واخد اللوحة حدا الفران هزيتها مشيت كنجري مع وصلت لصقتهاله لجبهتو هونا شاف فيا و هو ينزل (كاااو) تجمع بنادم عيطو بانوليا صحاب الوقت و انا نعلق موقفت حتا لبيتي 😂(الرجال اتبوبة)نضت قصيت و اتا نعس .صباح نايض فطرت لبسة واحد الحطة جديدة و مشيت للمحلبة بانت ليا وااقفة كتسنا طلقتليها يدي و هي تلاح عليا سلمات بالحناك😊انا بقيت مبلوكي واحد شوية وهي تغوليا ياله نمشيو بقينا غادين و بنادم كيشوف فينا وانا كانشوف راسي فديك الساعة بحال (diablo)ههه وصلنا لمدرسا مشيت منقلب ف الطابلوا لقيت سميتي و القاعة مشيت دخلت جلست فالطاولة الي علا بالكم الورانية شويا بدا بنادم داخل و هيا تبانليا غزلان شافتني جات كلسات حدايا الاستاد بدا كيكتبلينا الادوات هيا كيكتب و انا كنشوف فيها 😍شويا و هو يجي الاستاد شاف الدفتار مشدود غاليا فين كتبتي الادوات كلتليه 1-0 بنادم بدا كيتفركع بالضحك😂😂 غاليا دكيفاش 1-0 كلتليه طاح ليا ستيلو غاليا ملي تسالي غزلان تعطيك الادوات .. سالينا ديك الساعة خرجنا مشينا لداك لكوان انا و هيا شويا و هي تغوليا بغيت نغوليك شي حاجة غلتليها مرحبا(وقلبي كيضرب1000%).وهو يجي داك تامل د الحاريس العام . اش كاديرو هنا غلتليه 1-0 وهو يجمع معايا بواحد المخمسة (ولد العبد طلع صاحبو د فلوجة ) غاليا دور تقود من هنا . نضنا بقينا خارجين. غالتليا غزلان بسلامة راه ماما جات مورايا سلمت عليها انا غادي حتى كتوقف عليا هيا و مها مع شافتني مها و هي تجي عندي كاتجري غالت شكرا اوليدي على البارح و هي تشوف فغزلان غالت ليها ها هو داك الدري الي عتقني من داك الي كان كايغريسيني .ههه حسيت براسي جاكي شان . وهي تغوليها ازلان راه هدا هو الولد الي دويتليك عليه البارح المهم بقينا غاديين حتى وصلنا لدرب . وهي تغوليا غزلان ندويو فالواتساب . اكي دخلت لدار سلمت على الواليدة و قصيت شوية و طلعت لبيتي حليت الواتساب لغيتها مسيفطا ميساج او واحد مساج من واحد نمرة غريبة .كتباتليا 
-عزيييييز
-سوسو 
-ههههههه ❤
دخلت لديك نمرة لغيت كاتب ليا ميساج فيه....

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.