صورة مصغرة لـقصة طوم و جيري الجيل الثاني

قصة طوم و جيري الجيل الثاني

qisat 9isat tani wa w tom jerry ljel
رواية طوم وجيري الجيل الثاني

طوووزطوطوط االحاضر يعلم الغيب لكل متتبعي الظابط وزوجته المراهقة لي كانت ناجحة و لقات اعجاب من قبلكم واخا كانت اول تجربة ليا و صدقت الحمد الله ...القصة رجعات بجزء تاني ... ولي غيكون عامر باحدات و شخصيات و تطورات جديدة ... مكاين غير #الكوميديا #التفرشيخ #الرومانسية #الشباب #المغامرات و محبوب الجماهير #الزبايل هههه ماشي داكشي لاخر 😂😂

🌼 العنوان: طوم و جيري الجيل التاني
🌼 تأليف غزلان شهدالي

بغيت نوضح شحااال من حاجة داكشي علاش درت هاد التقديم .. نتمنا تقراوه كامل
هاد القصة هي الموسم التاني للظابط وزوجته المراهقة حيت كولشي كيسول عليها و مكنتش غنديرو نهائيا ولكن على قبلكم فكرت نديرها و غنحاااول نطولها ...

الاسم ديال القصة هو طوم وجيري : الجيل التاني .. قالولي بلي كاينة شي قصة بنفس الاسم داكشي لاش زدت فيها ديك الاضافة وبغيت نقول بلي معرفتش ديك القصة علاياش كتهضر ولكن قصتي بعيدة كل البعد عليها 😊😊.

فهاد الجزء التاني غيكونو شخصيات جداد على لي كانو .. بدلت شي تفاصيل بسيطة فالاولاد باش نقدر نتحكم فمجرى القصة ونخليها فالسياق المنطقي .. يعني الى لقيتو شي تفصيل مبدل على الجزء الاول ديرو عين الميكة 😂😂 راني ماشي غلطت بل تعمدت نديرها 😊😊

السفالة وما ادراك ما السفالة .. بغيت نقول بلي مغتكونش ... والسبب ماشي غير حيت رمضان اولا شي حد فرض عليا هاد القرار... خديتو الراسي ... و هادشي راجع لبزااااف الاسباب كيعرض الكاتبة للبزاف المضايقات حمد الله موصلتش لداك الحد ولكن الوقاية خير من العلاج .. كنعتارف القصة الاولى كولشي شكرها ليا وتلقات اعجاب كبير شي لي منتاضرتوش نهااائيا 😂😂... و عمر شي حد تشكا ليا منها ... انا لي بغيت نحيد السفالة ... و بغيت نقول ليكم بلي مزيان ملي خرجات برا 😂😂😂 حيت هادشي نفعني و كاين احتمال تشوفو الجزء الاول بطريقة اخرى وجديدة ان شاء الله احسن من القراءة 😉😉 غير دعيو معانا تصدق 😂😂 .

لمحبي السفالة هههه متخافوش درت ليكم حل لي هو القصة غتكوون عااامرة حب و رومانسية احسن من انكم تقراو تخيلات جنسية غتخيلو امور زوينة و لطيفة تخلي قلبك يرفرف و تعيشي معاهم اللحظة و تضيف الطابع الرومانسي فشخصيتك ... و غيكون غير وصف سطحي للاحاسيس ديالهم فقط حيت هادشي لي مهم اما كيفاش فشغلهم هداك 😂😂😂 

تعريف الشخصيات الرئيسية: 
👧جودية: البطلة ... بنت نور الهدى الغنية عن التعريف 😂😂...
غتكون عندكم فكرة على مواصفاتها.... ولكن غنعاود نفكركم فيها... عيونها خوضر ... شعر اشهب ... طويلة بجسم ممشوق و كتهلا فراسها بزاف ... واخدة امها قدوة ليها و متبعة خطاها و دايراها المتل الاعلى ديالها ... فعمرها 18 سنة ...شخصيتها لطيفة و حنينة و عاطفية .. مبردة وفنفس الوقت عويفية و كتضرب من التحت عند الضرورة... دكية وقراية .. راقصة البالي مها دخلاتها ليه منين كانت عندها 6 سنوات ... دلوعة باباها و عشيرة ماماها... كتقضي وقت مع مها بزاف... و حتا باها ... 
👦جود: اخ جودية التوأم لي مكيشبه ليها فتاحاجة لا فالشخصية لا الوجه.... بطبيعة الحال فعمرو 18 سنة شعرو اسود محسنو من الجناب ومخليه طويل من الفوق كيجمعو بلاستيك..

كيجمعو بلاستيك

 قبيييييح العافية الزرقاء الله يحضر السلامة بطبيعة الحال حيت جمع قباحة مو وباه و عطاهم واحد القنبلة خارجة عن السيطرة .... شخصية قوية كيدير غير لي بغا ... دكي ولكن ممستخدموش فالقراية ... كيعرف يغني صوتو زوين ورجولي ولكن كيغني غير كهواية فقط ... لعوووب و معندوش مع الامور الجدية ... و الى دار شي حاجة فراسو كيوصل ليها ... بما انه ياله قفل 18 سنة كيتريني يوميا واخة هكاك راه فورمتو مرجلة وطويل مابايناش فيه 18 ...
👦جاد: ولد ياسر ورميساء .... شعر اسود طويل مطلعو الفوق ... و كيخليه فوق عينيه بعض المرات ... عينين زورق ... و فورمة وطولة بحال جود ديما كيغلطو فيهم واش خوت اولا توام ... بما انه عشير جود فراه باين العربون ... كيتشابهو فكولشي جمع دكاء باه وضسارة مو ... غير هو زاعم عليها فصغرها حيت دري وعاد جود ممخليهش يشد الطريق ... قراي ولكن خارج عليه عشيرو... تاهو قبيح بشخصية قوية ... عندو نزعة التحكم من صغرو...
👧ميرال: بنت عماد و جيداء .... عينين خوضر وشعر طويل رطب بني فاتح مزيج من امها وباها ... فعمرها 18 سنة كيف عرفتو فاش كانت كتولد نور سخفات و كانت حاملة بشهرين.... تولدو كاملين فسنة وحدة بيناتهم غير شهورة .... عشيرة جودية روح للروح ... كيتشابهو ب2 حنينة و لطيفة و شخصيتها رومانسية و حساسة ...ذكية كتخدم عواطفها وديما جودية لي كترد ليها العقل و كتنصحها ... 
و غتزبدو تعرفو على شخصيات اكتر من خلال المواقف ...
كاينين شخصيات اخرى حاضرة تانوية ولكن ادوارهم مهمة ....نبداو ؟؟
💎💎💎

زاين واقف كيشوف فالدراري قدامو .... واقف كيشوف فيهم مغوبش و فوضعية الهجوم ... زادت رجولتو برزات مع كبر سنو واخا مكبيرش بزاف 43 سنة باقي كيبان شاب و هادشي بسباب الرياضة اليومية لي كيمارس... كتحافض على الصحة شباب الجسم ...كان شعرو طويل شوية وهابط على وجهو عرقان ولابس غير سروال سيرفيط .... و فورمتو زادت بانت و باقا منحوتة كيف كان قبل... 
زاين: ياله ... هجم ..
جود جاي ليه كيجري غيعطيه بونية للوجه ... شد باه دراعو لواه ليه مع ظهرو و شنق عليه قاجو من الخلف و جود كيحاول يفك راسو و والو باه غالبو جا جاد كيجري من الجنب ياله غيعطيه و لقا ليه ولدو جات فجود وبدا يغوت ...
جود: الله يعطي لبوك الهرس الحيوان ... مال طاسيلتك عور😡 
جاد حاول يضرب زاين تاني و تصدى للضربة وصدق مدورو لعندو شانق عليه من الجنب و كل واحد شادو بدراع و هما وصلوه فالطول مفورميبن بحكم انهم كيترينيو كل واحد كيجر من جهة وزاين كيضحك عليهم بشر و كولهم كينهجو عرقانين تحت الشمس فالجردة والفيلا مبدلوهاش واخا تروتهم زادت وكل واحد كيدخل ياسر كبر شركتو و استاقل ولا معروف عالميا وزاين ترقى عاوتاني لرتبة عقيد ... 
هبطات نور و رميساء من السيارة بالسائق ودعو الماندجير ديالهم و مشا ... داخلين بلباس كلو شيك و انتوي و طالون باقين كيبانو صغارات وشابات فسن 38 سنة و بسباب خدمتهم لي زادو نجحو فيها وباقين ناجحين فيها ... لي كتحتم عليهم الحركة و عاد حصص الرياضة اليومية و اليوغا ... و الرقص كولشي هادشي لاعب دور و محافظ على الرشاقة ديالهم ... كانو داخلين للفيلا و كيهضرو..
نور:سمعي صوت غواتهم واصل حتال هنا ...
رميساء: على مكتعرفيهمش ... راه كيتجمعو غير على خلا عشتهم ...
دخلو (بغيت نقول البنات و جاتني عجب اش نقول العيالات 😂😂 ) ب2 وغير بانو لنور شانق عليهم زاين كيضحك بشر و هما معاقرين معاه ... 
زولات الطالون ... و الجاكيط وتمات جايا كتجري فوق الربيع حفيانة ...
شافوها الولاد و فرحو ...
جاد : عمتي😍😍
جود: الوااالدة😍😍
زاين: هههه جيتي تاني سيري فحالك بيني وبينهم ... 😂😂
نور: حاgر ليا على الولاد ... هاك ..
طارت عليه برجلها ... طلق اادراري و شد ليها رجلها لواها وهي نفزات تلوات معاه و الدراري مليوحين كلها غقنت كيحكو الضرب لي كلاو وكيتفرجو فنور محاربة مع راجلها و رميساء مشات لجهة الدراري كتنوض فبهم ...
طاحت نور للارض ناضت دغيا تشعبقات فزابن وهو كيضحك وهي محاربة من نيتها ... ولفات هادشي زادت تعلمات هاد القتال و غير مع راجلها لي ديما كيلعب معاها هاد اللعب ... و كيعجب ولادهم بتفرجو فبهم هكا.. 
زابن: ههههه هادشي لي عندك مشعبقة فيا ياكما تغالطت ليك مع داك العمو...
تحولات من ظهرو ل سدرو معلقا فيه و هو شادها...سدات ليه فمو لا يسمعو الدراري و كترجاه بعينيها يسكوت ... و هو كيضحك عليها .... باس ايدها لي على فمو و خشا وجهو فعنقها باسها وهز راسو باس وجها... 
زاين: توحشت مراتي 😉
نور كتنهج : ههه واغير يوماين لي غبرت ..😏
زاين: يوماين سهلتيها... متوحشتينيش زعما ... 
نور باست حنكو و عنقاتو: توحشتك ...
جود جالس مع رميساء وجاد 
كانو كيهضرو تلفت لقا والديه كيتحابو... 
جود: وا الواليييد و طلقها ترتااح بعدا ياله وصلات من السفر 😠
زاين: ههههه وا سمعي ولدك ... مابقا ليه غير يجي يgلعك ليا بليل 😏😏
نور: راك عارفو كيف داير كنقول ليك تصرف بحدود قدامو راه كيغير ... 
زاين: كان كيسحاب ليا هاد القاعدة غتحيد مع كبرو ... ساعة غامازايد فيه ... مال خوتو ماشي بحالو ... 😏 خرج لمو فكولشي الله يحضر السلامة ... عقلتي فاش كنا فالبحر وكنتي حاملة بيهم قلتها ليك وسبحان الله بحال الى كنت كندعي داكشي يوقع ... خرج قبح من مو 😒😒
نور: ههههن واش بغيتي ندير ... حبيب ماماه هداك و ولدي و عاجبني كيفما هو ... راه بنت خارجة ليك لا هي لا الصغير اش بغيتي اكتر ...
زاين : وا هبطي راه باقي حاضينا هدا بان ليا نجوجو و نتهنا منو 😂😂 
نور هبطات : ههههه اش كتخربق اشمن زواج دابا ... خلبه عايش الشباب الزواج باقي الحال عليه ... اجي فين دوك 2 لوخرين ...
زاين: جودية باقا ناعسة فبيتها ... و آسر الداخل مع رغد ( بنت رميساء وياسر فعمرها 11 سنة لي تولدات فالحلقة الاخيرة هي و آسر ولد نور وزاين ) ... 
نور: واخا .. مشاو جلسو مع الاخرين ... جلسات حدا جود لي جرها باسها من حنكها وايديها ب2 و هي كتشوف فيه مبتاسمة ... 
جود: توحشت الاميرة ديالي 😆
زاين: اميرة ديالك؟؟ ... و زير معانا اصاحبي😏😏
جود: على منين كنتي شادها لينا تما من صباااح هضر معاك شي حد ... عاود شاف فيها مبسم وشاد ايديها... وخليني ننغزل فالاميرة ديالي 😍😍 
نور: يخليلي الحبيب ديالي انا ... باستو فحناكو ب2 و عنقاتو ... بقاو مجمعين كيضحكو ... حتا ناضت نور دخلات ... لقات آسر و رغد مقصرين على البلاي ..شافوها نقزو لعندها.....

آسر عنقها : الواالدة...
نور: شحال من مرة كنقولبك قول ماما ... خليني واحلة عير مع لاخر بعدا ... ارا بوسة لهنا...
جمعات لبه فمو وباستو ليه ...
آسر: راه كبرت اماما متلقايش تبوسيني في فمي ..😡.(حشم قدام بنت خالو و كيهضر ويطل بنص عينو)
نور: ههههه وينو على البرهوش كبر تاهو ولا يهضر ويتعصب ...😂😂 رغد اجي احبيبة ... 
جات عندها وباستها 2 بوسات ... وخلاتهم رجعو لي لعبهم...
طلعات للبيت ... حلاتو لقات جودية سادة كولشي ومظلمة البيت ... و ناعسة غير بشورط قصير و تيشورت سماطي قصير على الخصر وشعرها الذهبي مليوح فالمخدة ولايحة كل رجل فجيه ... بجسم رشيق و قريبة لفورمة ماماها .... دخلات نور شافتها هكاك تبسمات .. سدات الباب وتخشات حداها ... بدات كتبعد شعرها على وجه بنتها .. بان واحد الملاك بملامح لطيفة و ملائكية ... باست حنكها... و هي تحرك جودية لتحت رجل فوق ماماها و حطات راسها على سدرها وعنقاتها .. هضرات بعينين مغمضين ..
جودية: امتا جيتي 😴
نور كتلعب فشعرها و معنقاها : دابا شوية... 12 هادي ونتي باقا ناعسة ... 
جودية: كنت صهرانة البارح ... مع شي تمارين ..
نور: ههههه راه غير شهراين باش بديتو ... تمارة من دابا ديما كنقول ليك متبقايش تكتري ... عيشي حياتك شوية وخورجي من قوقاعتك راه هاد السن لي فيه نتي مكيتعوضوش الامور لي كتوقع فيه ... قراي مزيان ولكن ماشي على حساب سعادتك و شبابك ...
جودية: واخا اماما ... غير بقاي ليا على خاطرك ...هزات راسها لعندها وباستها .... توحشتك احبيبة ...
نور: سعداتي انا بعائلتي لي كتوحشني دغيا ... 😍😍
جودية: راه نتي الكل فالكل احبيبة و تشوفي اش كيدوزو عليا دوك العجولة فاش مكتكونيش ... واخا يوماين كدوز بحال ماعرفت شحال ... عاد لاعساك فاش كتسافري سمانة اولا شهر ... مكنشبعش منك اماما 😢
نور: ايوى اماما هادي هي خدمتي ... و مبقيتش كنغبر بزاف بحال شحال هادي راه دايرة جهدي احبيبة باش نعطيكم اكبر وقت ممكن 😟
جودية: عارفة ... عارفاك احبيبة دايرة فجهدك ... كنبغيك يا احسن ام فالعالم ... جمعتي كولشي الزين والحنان و شخصية ... حاسديني فيك اماما والله .😂😂...
نور: ههههه احححح على العسل ياربي واش كاين احسن من هادشي لي عندي الله يخليكم ليا ويحفضكم ليا احبيبة ديالي ... الدلوعة ديال ماماها ... بجغات ليها وجها وبقات كتبوسها وجودية كتغوت وضحك وتفركل حداها حتا بدات كتهرها و جودية كتغوت و تقاوم حتى طاحو ب2 من فوق السرير ... كيضحكو مع بعضياتهم و يتعانقو ب2 ... حتا ناضو يهبطو عند لوخرين ... 
نور: زيدي عليك شي حاجة راه خرج الصيف ... 
جودية: وااخا ... 
لبسات كااب ... و عنقات مها من جنب دايرة دراعها على عنقها وهابطين فالدروج كيضحكو ... خرجو للجردة عندهم لقاوهم باقين مجمعين ... 
جودية: صبااح الخير 😃😃
جود: قولي مساء الخير ... باله طفات عليك الشمعة..😂😂
زاين: تفرق ليا من بنتي ... ماد ايدو لجودية لي جايا لعندو وجلسات فوق رجليه وباستو فحنكو...و هو شاد خصرها و كيضحك معاها...
جودية: كولشي قدامك ابابا مكنجبدوش لاهو لا داك العجل لي حداه...
جاد: ها حنا غنبداو تاني فعجل اولا بغل ... نتي وخوك انا اش دخلني😡
جودية: اش دخلك ... المشاكيل معاك نتا اكتر من لاخر 😡
جاد خنزر فيها ودوز لسانو على شفاه التحتانية وكيتحلف غير من التحت ... قشعاتو رميساء و هي تشد ليه ودنو ...
رميساء: كنشوفكم دايرين البنت بيناتكم ... والله وماتفرقوها عليكم حتا نتفاهمو ... 
جاد: اححح الوالدة طلقي ... راه غير المحبة هاديك ... قالها وغمز جودية .. و دورات وجها بارتباك عند باها لقاتو كيضحك و كتهز مع هزاتو ... و ضحكات معاه شبهاتو فالملامح بوجه طويل وحفيرة الزين والعينين و شهوبية غير عي شهبة زيادة عليه... 
نور: ههههه غير طلقيه ... راه منبن تولدو فدقة عرفت هاد السgعة غتعاني بيناتهم ... 😂😂
جاد: و قوليها ليها اعمتي ... الحياة هي هادي مايمكنش كولشي يكون هو هداك ... و هي لي مسخوطة كتزاحم ..
جود: 😂😂😂😂 جبتيها لاسقة المسخوط...
زاين: نوضو تهزو من قدامي ... استاراحتو ياله عندكم 50 طراكسيون هنا قدامي .. 
جاد وجود : لا عافااكك بارااكة ...
زاين: نوضو لوالدييكم .. باش نعلمكم تحاماو ليا على البنت ... عنها باها لي بحكم فيها ... نتوما اش دخلكم فيها ... ياله تهزو ... 
ناضو ب2 مخنزرين كينفخو ... 
جودية: اعطيهم العصيير 😂😂 يخليلي باباتي انا ...باستو فحنكو و حطات راسها على كتفو معنقاه و جالسة عندو و هو ايدو على خصرها كيغنجها ... و مخنتها ... هي البنت الوحيدة لي عندو وسط 2 دراري... باس راسها و خلاها عندو ... جابت الخدامة gوتي خفيف لجودية ... بيما تغداو .. نور جابت 4 الخدامات صافي ... و سيدات فمقتبل العمر لي محتاجين يخدمو و كل وحدة وقصتها و نور كتعاطف مع هاد النوع النساء لي متخلى عليهم ... و هادشي على قبل داكشي لي داز على مها ... كتحاول ما تمكن تعاون العيالات ... كتعاملهم معاملة زوينة ومكتخليهمش يعيطو ليها لالة ... مخلياهم فراحتهم وهما كيبغيوها ويموتو عليها و كيحتارموها ... نجمة متواضعة بحالها مكايناش او قلال بزاف لي بحالها ... كاين لي تلقا عندهم حزقة ديال الفلوس و هازين خنافرهم للسماء بحال الى ملكو الدنيا كاملة ... 
سعيدة: ها الgوتي ديالك ابنتي 😊
جودية: شكرا اخالتي سعيدة ... 

نور: لاش جبتيه ليها .. اسعيدة هاهي غتنفخ على الغداء ..
سعيدة: ههه جبت لبها غير شي حاجة خفيفة بينما وجد ... 
نور: واخا ... و سربي راه توحشت طيابك ... 
سعيدة: هي دابا نييت 😊😊
رميساء: ياسر تعطل 😕
ياسر: ها هو 😊😊
داخل ياسر و لابس الكلاص و ملسق شعرو لور كيتبسم ... جاي كيحل صدفة الفيست بايد و الكونطاكت فايد ... ناضت عندو رميساء تعلقات فبه عنقاتو وتاهو بادلها ... كيبوس فيها وشاد خصرها ...
ياسر: ياله وصلتو ... 
رميساء: قبايلا ...
دخل سلم على زاين و جودية وناضت ختو باسها فوجها ... قشع دوك 2 كيعانيو مخنزرين فالارض و كيترينيو ...
باسر: اش دارو هادوك تاني 😂😂
زاين: ضسارة لي وصلاتهم لتم ... 18 العام وباقي نعطيهم فالعقوبات ... معرفت ايمتا غيديرو هاد العقل .. 
ياسر: هههههه هانيا المهم مكيديروش شي زبايل واعربن ...
جاد و جود كانو ضايرين كيتصنتو ليهم و دار جود حمر بالتراكسيون وزادت عليه تزنيgة الضحك .. حل فمو شرعو و جاد غيخرى حداه بالضحك و كيحاول يسكت فيه لايسمعوهم .. و كيدير جود ديك خخخخ فضحكتو تاهو عندو ضحكة فشكل وكضحك ...
جاد: سكوت... هههه اصاحبي غتشوهنا ...ههههههه 
جود: سمعتيهم ... مساكن مجايبين لدنيا خبار كون يعرفو اش كنظلو نديرو يضرهم خاطرهم ... قالك مكنديروش زبايل واعرين خخخه 😂😂😂😂 
جاد: هههههه سكوت اصاحبي... شوهة معاك 😂😂
جودية كتاكل : بابا شوف راه مكيترينيوش 👿
جود: راه غنوض لمك 😡
زاين: نوووض نشووف...
جاد: ريح كاينا الحمية دابا 😠 
جود كيشوف فيها كتفقص فيه: ابلاتي ونشد مك 😡
ياسر: فين دوك 2 ... 
نور : الداخل 
رميساء: هاهما خارجين نيت ...
رغد تلاحت على ياسر كان شعرها قصير بني بحال ماماها و عوبنات خوضر ... تلاحت عليه عنقاتو ... 
ياسر: اوبااا هههه فين كنتي غابرة ... 
رغد: الداخل مع آسر كنلعبو 😋😋
ياسر: و فين البوسة ديال بابا ... 
رغد عنقاتو وبجغات ليه وجهو ... باستو ...
رميساء: ياك العفيريتة شحال وانا هنا مخرجتيش تبوسيني ...
طلقات منو و تلاحت جلسات على ماماها وهي دايرة راسها تقلقات وربعات ايديها جامعاهم ...
رغد كتحل ليها فايديها باش تعنقها...
رغد: وصافي اماما متقلقيش غير كنت كنلعب مع اسر ونسيت ... وعافاك 
حلات لبها ابديها وتخشات بيناتهم ...عنقاتها كتضحك ... و رمبساء حتى هي باست حناكها ...
رغد: ماما عافاك متبقايش تسافري وتخليني مع داك جاد مكيعرف يدير والو ... 😠 
ياسر: شبه مو ... 
رميساء: لاواه عمتو 😠 
نور: وا هااااا حنا بدينا عاوتاني فحشيان الهضرة ..😡
جاد و جود وقفو عليهم : شرف ليا نشبه عمتي هي لي كوول فيكم كاملين 😏😏
زاين: حيت عمتكم برهوشة بحالكم داكشي علاش جاياكم على gانتكم ...
نور: اويلي الراجل باقي كيقول ليا برهوشة ... واش ولادي فاتوني فطول ونتا كتقول لبا برهوشة 😡 
زاين قرب لوجها كيفقص فيها: ااااه برهوشة ... واخا ولادك يجيبو حفادنا غتبقاي ديما ديك البريهيشة ديالي 😉...
نور شافت فبه كتبسم وهو كيغمز فيها ... الكوبل لاخر مشغول مع ولادهم ... جودية كتشوف فواليديها كيترومانساو وكتفرج فيهم وتبسم عزيز عليها هاد العلاقة القوية لي بين والديهم .... و جود فوق راسهم ... مكيحملش هاد المناظر اكيد هو ذكر و حرش مغيعجبوش ماشي بحال جودية انتى و كيعجبها تشوف هادشي وكتحلم تلقا راجل بحال باها ... 
جود: ياله وصااافي ... نوضي قولي ليهم يحطو لينا ناكلو راه جعنا 😡😡
نور ناضت : هههههه حالا ... شدات وجهو بين ايديها و باستو ... ياله طلعو دوشو ... غتلقاوه وجد ... 
ناض زاين غمز نور تبعو ... و تفارقو الدراري كل واحد مشا يدوش من العرق ... اما البقية بقاو برا كيتحتو ... خاصة جودية وخالها مفاهمين حيت دكية بحالو هو وباها ... و تاهي سيونص مات كيفما كان تاهو ... 
نور دخلات عندهم للكوزينة تعلمهم يوجدو الغداء ... 
و طلعات لقات زاين كيوجد مايلبس ... دخلات و حاوطاتو بايديها من لور ... حس بيها ودورها لعندو... 
زاين: توحشت مراتي 😍
نور: حتا مراتك توحشاتك 😍 
زاين: واري ...
نور ضحكت حيت كتفهمو طايرة اش بغا ... تعلقات فيه و عاونها حتا هزها ودخلو فقبلة ... و كملها بتعنيقة و قابلها معاه...
زاين: غتنساي علبك الخدمة شوية ياك ؟ 
نور: غير شو...
زاين: والو وتقولي هضرنا فهاد الموضوع قبل متسافري ... جلسي حدا ولادك شوية 😒 
نور: ممممم ولادي اولا باهم 😏😏
زاين جرها لعندو كيهضر وكيدوز نيفو على نيفها: والى قلت ليك باهم ... اش غديري ..
نور: اهههم باهم يآمر 😁 
زاين: يخليلي لي كطيع راجلها انا 😍
نور باستو: ههه ياله دخل دوش ومتعطلش انا التحت ..
زاين: واخا احبيبة ...
دخل و هي خرجات هبطات للتحت عندهم...

زواج نور وزاين دام لمدة 19 سنة ... زواجهم كان ناجح .. واخا نور كانت صغيرة وكتهور بعض المرات ... لكن زاين كان ديما حاضر و ديما عند راسها ... شي لي خلاها تأتر بشخصيتو وتربات على طريقتو ... نور نضجات و كتصرف على حسب سنها كتحتارم راجلها و هو كدالك ... حفضاتو لدرجة انها كتعرف امتا تهضر معاه وامتا تخليه كتقرا ردات الفعل ديالو غير من تصرفاتو واخا يخبي وهو كدالك ... زواجهم نجح حيت كيصبرو على بعضهم وكيتصنتو لبعضهم كل واحد كيحتارم رأي الاخر وعمرهم خرجو مشاكلهم لي بينهم لجهة اخرى ... وهادشي لي كيخلي العلاقة تكون سليمة بدون اي تدخلات حيت شحال من واحد كيدخل بين 2 و فبلاصة ميكحلها كيعميها بينهم ... داكشي علاش الجلوس و كل واحد يقول لي عندو كيخليهم يديرو حل وسط يقنع كل واحد فيهم ... هكا كتنجح العلاقة غير بالمفاهمة والتضحية و ماشي غير على طرف واحد بل على الطرفين ... 
هبطات نور كتعوج و ضاحكة ديما راشقة ليها علاش لا وهي عايشة وسط عائلتها و حبابها .. كلهم كيتحركو حداها بصحتهم و عافيتهم ... رجعات للجردة عندهم لقات غير ياسر ورميساء و جودية كيتحتتو ...
نور: فاش كتهضرو ...
ياسر : اجي الالا القائدة ساليتو لي بروgرام لي عندكم ... هادي راه قالت ليك حتا تجي ليدر و سولها...
نور: هههه سالينا مبقا والو ... مبقيتش غناخدها ليك خدينا استراحة ... شبع بيها 😂😂
ياسررجع بلور و كيفرنس ويتكسل : اححح دابا مزيان و كيغمز فرميساء ...
جودية: خالي كتحرش بعمتي قدامنا 😂😂
رميساء: هانتي تشوفي هاد خالك مكاين ما قسح من وجهو ...
ياسر: هههه و مالك حسدتيني 😂😂 باقا صغيرة باش ديري بحالي ...
جودية: الله يجيبك على خير اخالي راه عندي 18 عام مبقيتش صغيرة ..
ياسر: هههه و على 18 كبيرة .. راك غير درتي لا كارط ماشي شي حااجة ..
نور: هههه بعد ليا من بنتي غتعقدها ... 
جودية: ياله شوفتي اماما كولشي كيقول ليا باقا صغيرة من بابا حتال دوك الحتارف لوخرين ...
جاد دخل عندهم مبدل و مدوش شعرو ناشف مليوح على وجهو كيضربو البرد و لابس شورط دجين زرق و الفوق تشورت سماطي .. خفيف فالاسود مبين جسمو وكلاكيطا و روايح كيضربو .. دفع الكورسي حدا جودية: انا جيت بحال الى شي واحد عايرني ..
جودية قلبات وجها كتمتم : تجيك فالراس 😠
قرب ليها جاد و قال: سمعتك البرهوشة 😡 
جودية دارت لعندو: البرهوش هو نتا ... بزاف عليك انا 😡
جاد: والله و كون كنا بوحدنا حتا نوريك شغلك البعلوكة😡 
جودية: عنداك يسحابليك انا هي جودية ديال شحال هادي ... لي كنتو تحgروها والله تا نوريك 😡😡 
جاد كيفقص فيها كيشوف فوجها و فمها وعينبها وهو نصف مبتاسم نصف مغوبش شي لي كيعطيه نظرة شريرة كتعكس الكريزمة ديالو : وينو على القطيطة كتهدد ... بقاي ديما تهددي حيت كتباني كيووت ..😜
جودية مغوبشة فيه و هادشي كولو وغير بشوية بيناتهم ... 
زادت ضحكاتو ومد ايدو كيخربق ليها شعرها ... باغية تفرض شخصيتها عليه لكن كيعاملها كيف الدرية صغيرة ماشي من سنو ... 
جودية كتعصب فاش كيدير ليها هكاك: و متخربقش ليا شعري ... خالي هضر معااه 😡😡
ياسر: اداااك العجل ...
طلق منها كيضحك و هي كتشوف فيه و تصايب شعرها وهو كيغمز فيها ... 
تمو خارجين عندهم زاين و جود ... زاين شانق عليه و محاوط دراعو على عنقو .. جايين كيضحكو ب2 مبدلين و محلقين كيف العادة ... وجلسو معاهم شوية جات الخدامة وقالت ليهم يدخلو الغداء وجد ...
دخلو وتجمعو على السفرة ... حتا جات وحطات ليهم قسرية ديال الرفيسة بالحرشة و الدجاج و ريحة السمن فيه معطعطا كتشهي ... 
نور و جود وجودية فدقة: الرفييسة😍😍😍 و دخلو فيها طول وعرض بدون مقدمات ...
نور: واااو شحال مكليتها ... الله يعطيك الصحة .😍.
سعبدة: درتها على قبلك عارفاك توحشتي هاد الشهيوات ... 
نور: مممم احسن مادرتي ... الله على بنة ... 
جود: كتصرعيها احسن من الوالدة ... 
نور: واخا على مك نتا ...
زاين: بشوية لاتوحل ليكم 😂😂
سعيدة: بصحتكم 😊😊 ومشات ...
رميساء: ههههه سبحان الله دايرين بحال الموحمة ب3 بيهم ... اصلا نور توحمات على الرفيسة فحمالتها الاولى ... 
زاين: بالصح ... معقلتش...
ياسر: اش غتعقل على هادو خلاو لينا شي عقل فداك الوقت 😂😂
نور: كنتي فمهمة ... مكنتيش معايا بزااف فالوحم ... 
زاين: اااه عقلت ...
رميساء : النهار لي مشيتي فبه مشينا عند ماما ولصقاتها ديرها ليها تما عاقت بيها كتوحم ... ويلي اش دارت عليها مخلاتني ناكل معاها غير ب 66 كشيفة ... بنت الحرام وانا براسي كنت واحلة فراسي ... 
نور: ههههه ناري ا رميساء بلا متفكريني ...😂😂😂 
رميساء: توحمتي عليها و ها ولادك خورجو كتعجبهم ... واحد جودية منطقاتش ... 😂😂
جودية: لا كلام على رفيسة ...
الكل: هههههههه
جاد: ونتي الوالدة علاياش توحمتي بيا...
رميساء: على بااك ... مكنتش كنحملو 😂😂😂
جاد: وااايلي 😂😂😂😂 يعلم الله بحالك الوالييد فداك الوقت ...😂😂
ياسر كياكل و فيه ضحكة و كيتفقص في صمت و تفكر ديك الفقصة لي كان فيها....
جاد: ااااه دابا عاد فهمت ... تانا بعد المرااات مكنحملش...
باقي مكملها جمعها معاه بتقرفيدة حتا وحل ليه داكشي لي فمو ... وبدا يكحب ...
ياسر: يالله زمو لوالديييك ...

رميساء: هههههه حرام علييك ....
جودية: احسن حاجة درتي اخالي .😂😂😂 
جود: شوفو ياكما فقد الداكرة 😂😂😂😂 
جاد: احح احح ... عطاه باه كاس الماء كيضحك ... 
جود: وانا ... باش توحمتي الوالدة من غير الرفيسة ...
وحلات لنور و بدات تكحب ...
زاين تحنا كياكل و كيحبس الضحكة ... حيت نور عاقلين علاش توحمت ... تاحد مافهم شي حاجة الى رميساء لي عارفة وبدات تضحك ... 
رميساء: جاوبي ولدك ... 😂😂😂 
جودية: متقوليش ليا اماما توحمتي على شي كارتة .. بحال داكشي لي كنسمع ها لي موحما على تراب والفاخر و لا الملحة و قالك كاينة لي كتوحم على شي حيوانات ... كتبغي كيبقاو حداها وتلعب معاهم .. واش بالصح اماما هادشي ...
زابن: اااه ابنتي مك توحمات على واحد الحنش ... كان عزيز عليها ولكن زاد عز عليها فالوحم ...
نور تخشات فحوايجها كتاكل مخبية وجها و كتغمز فرميساء لي خرات قدامها بالضحك ...
ياسر فهمو: وااا صاحبي زير ااو 😂😂 
زاين : بدا يضحااااك و كيشوف في مرتو و يغمز فبها ..
وهادشي كولو ما خفاش على دوك 2 جاد وجود المنحرفيين لي فهموها طايرة فالسماء .. جود بدا يخرخر كيف العادة و جاد فرفر في اعالي الفضاء ...
جاد: حgلك اصاحبي 😂😂😂😂😂😂
جود: كيخرج فيه عينيه و ميت بالضحك باش يسكوت ....صافي بقاو كيضحكو مبقاوش سدووه كولشي قلبها ضحك الا واحد 3 الملائكة لي مفهمو والو ... جودية و رغد و أسر خوها الصغير ...
جودية: اويلي علاش كضحكو إنا مقطع فحنش ضحككم ... واش زعما كان عزيز عليك تشديه بايديك وتلعبي معاه و لا... 
نور هزات طرف الدجاج وخشاتو ليها في فمها سكتاتها: كولي اماما و سكتي متزيديش مابيا حتا نتي ...
كولشي كيضحك على براءة جودية ... اما دوك فاش سمعو اش قالت ... جود طاح للارض مقدرش و جاد دور وجهو كيبكي بالضحك ...
ياسر: نوضو الله ينعل والديكم ... كضحكو تصحابوها بحالكم... هادشي لي فالحين فيه ... 😂😂
زاين: هههه خرجو الله ينعل ترابيكم ...😂😂 
ناضو الدراري عوجين بالضحك ... خارجين واحد كيخبط فلاخر .... جودية كتندغ وتشوف بعينيها مقفلات والو ... 
نور وحلوها ليها بالحشمة قدام ولادها وخوها ومكمل عليها زاين تاهو ... كملو ماكلتهم و ناضو ... الدراري برا كل واحد منشور في فوتوي .... في الجلسة لي لور كطل على البيسين و البيسين كيطل على البحيرة التحت .... 
جاد: ناااري اخويا هاد واليديك علااام ... توحمات على الحنش ... حgلك اصاحبي مكتهناش 😂😂😂😂 
جزد: و ريح اصاحبي دابا يسمعك الواليد و يبدا علينا تاني ...😂😂😂 جودية لي فرفراتني انا... مافاهماوالو وكتهضر من الفووووق...
جاد: انا راه جهلاتني ماشي غير فرفراتني .. عمتي دعقت وخشات ليها الماكلة في فمها ... 😂😂😂 بزااااف 😂😂 
جودية جايا كتشوف فيهم كيضحكو ... وجلسات حداهم ...
جودية: علاش كضحكو..... عليا ياك ... 
جوود: سيري تلعبي هادشي كبير عليك 😂😂😂
جودية: كتقول فيها وفخور على ماشي تزادينا فنهار واحد بلا مديرو ليا بو طزطوز ... و قولو ليا اش كاين ... بابا مبغاش يقول ... ماما كنجي نهضر معاها كدور وجها وخالي وعمتي غير كيضحكو ... واش شي حاجة سيكسيوال ؟ 
جاد : لاباس منين فهمتي بلي شي حاجة فداك النطاق ..
جودية:😱😱😱
جود: ههههههههههههه نوضي من قدامي الكاررتة نووضي 😂😂😂😂😂😂 
جودية: كيشتي انا غنبقا جالسة معاكم اجماعة المنحرفين تفو على كمامر ... 😠 
جود دار راسو نايض ليها : غتمشي اولا نوض نفلعص والديك ...
جودية ناضت كتجري هربانة ... حيت كيغلبوها وهي بنت بين 2 ديما كيديروها بيناتهم ... هربات دخلات الداخل حدا باها لي كان جالس مع نور والكوبل لاخر فالصالة ...
زاين: ههههه جراو علبك تاني 😂😂😂
جودية: راك عارف ابابا دوك الهماجيين الجلسة معاهم مستحيلة .. علاش مولدتوش بنت معايا فبلاصة ولد ..
زاين: داكشي لي طلعات القرعة 😂😂😂 راه ماماك بحال ختك 😂😂😂
نور: هههه ومالك كتقول فيها وكتضحك راه هاديك ماشي غير بنتي راه عشيرتي 😂😂
جودية ناضت عندها وحطات راسها على سدرها ... 
جودية: وراه نيت عشيرتي مالك ... 😋😋 
ياسر: والله يداومها عشرة 😂😂 
جودية ونور : اميين ..
ياسر : ياله تهلاو ... 
رميساء تاهي ناضت سلمو عليهم و مشاو لفيلتهم و مشات معاهم رغد بنتهم ... و أسر ديما فبيتو مبلي بالالعاب و البلايز ... و باه ديما مضارب معاه باش مايبقاش منغالق غير على داكشي و كيحاول يخليه ينخارط فشحال من انشطة لي تخليه يتعرف على ناس و يتخلط معاهم و مرة مرة كيخرجو معاه باش يهضرو ويعطيه وقت ... جودية بقات متكية على ماماها و هي كتلعب ليها فشعرها و كيهضرو ... زاين فجهة الاخرى كيشوف فيهم ويتبسم كتعجبو علاقة نور مع ولادها .. ناض لعندهم فرقهم و تخشا بيناتهم وجرهم لعندو ب2 عنقهم تحت دراعو كيعصر فيهم و كيضحك بشر و هما كيغوتو ويضحكو تحت ايديه حيت عاصرهم ...
جودية: ااااي بابا 😂😂😂😂 بشوية 😂😂 
نور: وا الحمق عصرتينا هههه 
زاين : الى بغيتوني نطلق راكم عارفين اش خاصكم ديرو ...😏😏 
هزو ريوسهم ب2 عارفين اش باغي مدو ريوسهم لحناكو كل وحدة من جهة و باسوه كيضحكو ...
زاين: نو نو نو مقنعتش 😒😒 
شافت نور فجودية و تقادو وجلسو عليه ب2 وحدة ورى الاخرى و كيعصرو فيه كيضحكو و هو عاجبو الحال ... وختموها بوحدة طوييييلة ...
زاين: ااااححح واش هاد الحلاوة .. يخليلي بنياااتي ديالي 😍😍😍 

جودية : هههه ياله نخليكم ... انا غنطلع نعيط لميرال ..
زاين: واخا ابنتي ... 
ناضت بعدما باستهم ب2 و طلعات لبيتها.... دخلو جاد وجود ... 
جود: احنا خرجنا... 
زاين: فين غاديين ...
جاد: واش حنا باقين صغار تسولونا فين غاديين ...
نور: على اش كيسحاب ليك نتوما بالدات ... ديما خاصنا نعرفوكم فين كتكونو راكم مكتجمعو غير على يخ زييت ...😒
جود: غنمشيو غير نتسركلو مع العشراان ...اوكي دابا ..
زاين: ياله غبروها و يجيني شي اتصال من دوك لي على بالك غنفرشخكم 😠 
جاد وجود : وااخا .. 
ضارو تمو غادين وكيهضرو مع بعضهم ..
جاد: فينما نبغيو نخورجو خاصنا ندوزو على الكوميسارية اصاحبي ...
جود: هههه ولاو يخافو منا اصاحبي..😂😂 
جاد: زيد قبل مايخرج و يشدنا لا هو لا الوالد تاهو ..
خرجو لللاباركينغ ... الطوموبيلات و الماطر اخر موديل محطوطين ... مشاو نيشان للماطر ديالهم كل واحد عندو ديالو فنفس اللون الاسود وكباار كل واحد دار الكاسك و لبسو الكوير و كانو بدلو حوايجهم لابسين الدجينز و سبرديلات طالعين ... دارو لي كاسك غبر وجهوم وسطو كيبانو غير عينيهم ... ركبو ب2 و ديماراو تحلو البيبان اوتوماتيكي ... بيبان الرئيسية.. خارجين بالصوت كيزعزع الارض ... زاين الداخل هو نوور جالسين كيهضرو حتا سمعو الماطر...
زاين: ياله هاهما هزوهم تاني ...😑😑
نور: ايوى نتا لي شاريهم ليهم متجيش تشكا عليا دابا ..
زاين: وجدي راسك لشي مصيبة تاني .. 
نور: بلا متعصب راسك دابا راه مبقاوش صغار ... 
زاين: الى مابغيتينيش نتعصب ديري ليا شي ماساج 😏 
نور: هههه عارفة دووك الماساجات ديالك فين كيوصلو ...
زاين كيشوف فجنابو و تكاها فالفوتوي و تلاح عليها بتقلو...
نور: اوييلي راه ماشي بوحدنا نوض دابا يدخل اسر اولا جودية .. و الخدامات واش مكتحشمش ... اميمتي شحال تقاليتي ...
زاين: هههه مالك كار فيك نgير ...لي كيتسالني شي حاجة يجي عندي .. انا راه توحشت مراتي ... باسها ..
نور: بلا متعدب راسك لاعبة الوداد 😂😂😂
زاين: واااايلي .. كتفلاي ... دار ايدو تحتها فوق السروال كيتحسس...
نور: اويلي حيد ايديك ههههه هدااااا ... 
زاين: واللهتا كاينة ... مابلان ماوالو ... لاش جاياني ونتي عارفاني بايت نتحلف عليك من البارح فتيلي😒
نور: معندك زهر ... نحبسها .. راه 5 ايام بحال والو ...
زاين: عندك نتي الالا ... نبقا مقطووع انا 😒😒
نور: هههه وصافي غتحسسني بالدنب وانا ما بايدي منديرليك هههه ...
زاين: صافي غير خليني دابا ... باس راسها وناض عليها ... و تم غادي بمشيتو المعهودة ... ايد فجيب الشورط و الاخرة مطلوقة وكيلوح رجلو كيتمشا .. 
ناضت نور تبعاتو ونقزات عنقاتو بحال شي زوفري من الجنب .. كتجبد باش توصل ليه ... و هو كيضحك ضحكة جانبية و دار ايد على خصرها من الجنب وغاديبن ..
نور هبطاتو عندها للمستواها : خليك هكا دراتني ايدي من التجباد 😋😋 
زاين: هههه وانا نعواج ياك 😂😂😂 
نور : ونبقا انا نتجبد .. 
زاين: واش وصلك نتي لتم gاع... 😂😂😂 ياله مايبقاش فيك الحال ... هزها من الجنب وخلا ايدها على عنقو ولات فمستواه ... 
نور: ههههه حgرتيني فهاد اللحظة 😂😂 
زاين: هههه ايوى نتي صغيورة اش بغيتي ندير ليك .. 
نور: ايوى نتا كتقول ليا متغلاضيش ... معرفت منين نشدك 😒😒 
زاين: ههه ......رجعها لقدامو محاوطة رجليها على خصرو طالع بيها للبيت ... مراتب عاجباني كيفما هي متغلاضي ليا متضعافي كولشي فيك زوين .. تبدلي شي حاجة نفلعص والديك ... عقلتي نهار صبغتي شعرك ... غندير ليك اكتر من هكاك ...
نور: ناااري ... متفكرنيش ... غفلتيني بواحد الشحطة باقا لدابا كنتفكر حرقتها ... مكتسواش باقي كتفكرني و عاجبك الحال ...
زاين: ايوى نتي لي كطيري ... صابغاه ليا بالبيض محشمتييش ... انا نظل نخبر عليك ... بشعرك لي كيعجبني هكا نضتي نتي صبغتيه ... تستاهلي ... 
نور: قبييح 😒😒 كتجيك عادي تشحطني .. 
دخلو للبيت ... و حطها فالسرير ... 
زاين: نشحطك و منخلي لي يشحطك انور عيني 😜
نور: كتقتلني بهاد الهضور ... خمجات وجهو باستو و ناضت ... و هو تكا فالسرير مشتت فيه كيشوف فبها ناضت حلات الماريو.... 
▪▪▪▪ عند جودية ... دخلات لبيتها ... وجدات حوايج لي غتلبس حطاتهم فوق السرير ... دخلات للحمام بعدما وجداتو ليها وحدة من الخدامات حمام فغرفتها كبير وواسع مزين بطابع انثوي هادئ... دخلات معاها تيلي ... حيدات حوايجها ... وتخشات فالبانيو ... جامعة شعرها الاشقر الفوق ... و طلقات فيه كترولاكسا ... دارت فيديو كول ... و عيطات لميرال صاحبتها...
بانت ميراال متكية على كرشها بي بيجامة و طالقة شعرها و شادا تيلي كتهضر مع جودية : وا فيين اجنية ... هههه كترولاكساي شهيتيني فالحمام ..
جودية: نوضي تخشاي فيه حتا نتي هههه 
ميرال: هههه مفياش ..
جودية: اش كديري دابا...
ميرال : وااالو كنت غير متكية كنتفرج حتا اتاصلتي بيا ... هزات راسها حيت جيداء ماماها دخلات عندها ..
جيداء: اجي بغيتك ..
ميرال: كنهضر مع جودي دابا من بعد اماما ...
دخلات جيداء : جوودي هادي ؟ 
جودية: انا اخالتي لاباس ...
جيداء : حمد الله احبيبة ... ونتي .. كترولاكسلي ..
جودية: هههه هانتي كتشوفي اخالتي 😂😂 
جيداء: دوك المفروحات رجعو 😂😂 
جودية: رجعو .... كل وحدة مع راجلها 😂😂 
جيداء: المكبوتات 😂😂😂 صافي حتا نتاصل بيهم ..بسلامة احبيبة ... 

جودية: باي .. جيداء : تسالي احبيبة اجي عندي ...
ميرال: اوكي ماام ...خرجات ...
جودية: اشنو غتبقاي غير الدار اليوم ...
ميرال: اااه مفيا لي يمشي لشي بلاصة غدا نجي عنداك ..
جودية: بشااااخ على الويكاند ... سيري تكلمي لخالتي خليني نترولاكسا ..
ميرال : ههههه تلاحي 😂😂
▪▪▪▪▪ عند الدراري .... عاديين فطريق الغابة كيتسابقو ودايريين استعراضات غير بيناتهم .... كل واحد كيوقف موطورو على رويضة وحدة و هو غادي ... كيعرفو يشدو توازن و كيتنافسو بيناتهم بالضحك ... بقاو مسابقين حتا خرجو من طريق الغابة .... زادو السرعة وسط الشانطي طايرين ... و كيضحكو و يغوتو بالجهد كولشي ناس عوجو كيشوفو فيهم ... بقاو شحال محيحين حتا وقفو فواحد الجهة على البحر حطو الماطر وجلسو تما ...
جاد: هههههه ناااري اصاحبي ... شحال محيحنا هكا ..😂
جود: غير سكت هاد السلتة لي درنا ... غناكلو عليها ما لدة وطاب من الوالد و خالي و غتكمل علينا ست الحسن عمتك لي هي الوالدة و لكن هانيا 😂😂😂
طلعات لجود قودتها فالتيلي كيصوني....
جوود: ناااري اصاحبي 25 مكالمة من الوالد ... 
جاد: متقولش ليا عاق بينا عاوتاني 😂😂😂 دير سبيكر نسمع ...
دارو : وي الوالد ...
زاين: الله ينعل الحمار تاع بوك نتا وياه يتريكة العجولة .... يسحاب لوالديكم معارفش باش غاديين ... باغين طيرو متلا ... شحال وانا نعيط وسيادنا الودنين باش يسمعو مصمكهم الريح ... سري انا لي شاري ليكم داك الزمر... دوي اراس الطارو لاخر ...عارفك كتسمع لي مكملاتو ليا مك و عمتك ... كملوه ليا نتوما انا راه مبقيت عارف مندير معاكم ... 😡😡😡 
جاد دور وجهو سد نيفو كيزير فالضحكة ... و جود كيجمع فمو تاهو ولكن كيحاول يجاوب...
جود: صافي الوالد .... مبقيناش نزيدو السرعة ولكن ..
زاين قاطعو : مكاين ما ولكن ... الهضرة ماشي دابا حتا ترجعو.... ونعرف طواسلكم فتو السرعة متلومو غير ريوسكم ... وتلاحو دابا ... 
غير قطع زاين وهما يشوفو فبعضهم طلقوها فخطرة وبداو يتخالطو بايديهم بالضحك ... سكتو فلقطة وشافو فبعضياتهم و قالو في خطرة ...
جاد وجود : وا قاودوووها (بلحن مول الكونسطاطور راه كلكم عارفينو 😂) قالوها ورجعو بداو يضحكو 
في خطرة عوتاني ... هادي هي صحبتهم ... كيفهمو بعضياتهم ... مشاركين الاسرار.... نفس الشخصيات ب2 و كيتشاركو بزاف القواسم المشتركة ...
جاد : ولكن ديما كنقولها ليك .... خالي مراقبنا بهاد الماطر راه مجابهم حتا خدمهم ... هههه بزااف هاد خالي ...
جود: خاصنا نعرفو فين دايرهم ...بداو يقلبو في الماطر ...
جاد: ماباين والو اصاحبي ...
تيليفون جود كيتاصل ...
جود: الوالد عوتاني ...
جاد: صافي شداتنا الكاميرة 😂😂😂 
جود: وي الوالد ...
زاين: باغين تعرفو فين ...
جاد وجود: فييين ..
زاين: فتغمة الفيل ... 😂😂😂😂😂(ولا كيهضر بحال نور 😂😂😂)
جاد وجود جمعو الضحكة وقالو بخيبة امل : وااايلي اصاحبي كتطنز علينا...😒😒
زاين: ومالي حمق نقول ليكم .. عارفكم كطيرو داكشي علاش درتها في بلاصة مستحيل تقشعوها والى تحيدات غتوصلني معندكم كيف ديرو و دابا تفوتو 8 العشية نضبر معاكم ... ياله غيجاوبوه و هو يقطع ...
جاد: واللهتا علام هاد خالي😂😂😂
تيلي جود كيعيط : ها نبع الحنان كتعيط تاهي ...
نور: ههههههه بالصحة ....
جاد: هههههه كتشفاي اعمتي 😂😂😂
نور: ايوى اولدي ديما كنحذركم راه زاين مراقبكم... راه مكايدير الحاجة حتا كيضرب ليها الف حسااب .. سولوني انا فالزمتة لي كان داير ليا ...
زاين من لور : سماااعتك اماماهم ... تجمعتو ليا تما نتي لي مضسراهم لوالديبك 😒😒 
نور كتهضر بشوية : صافي تهنيتو هاهو سمعني .. مهم رجعو بكري ماشي حتال نصاصات الليل هاني علمتكم ..
جود: وااخا الوالدة ...
نور: تلاحو .... وقطعات...
جاد : ههههه زيد زيد وكان نريحو فشي بلاصة ...
ركبو ماطرهم و مشاو للكلوب لي موالفين يتجمعو فيه مع الشلة .... 
دخلو وجلسو كانو شي 3 الدراري صحابهم ...عاصم ربيع...خالد ... تعرفو عليهم فالكلوب ... عاصم فعمرو 19 .. ربيع 20 ...خالد 19... كل واحد كينحادر من عائلة مرموقة فالبلاد ... مظهر زوين واللبس (يعني بلا منكتر عليكم الشخصيات لي كيهمنا نوصفوهم كنوصفوهم اما الشخصيات التانوية مكتهمش) 
عاصم: نااري شكون جا ..😂😂
ربيع: غنهربو ديلمهم هاد الكلوب عاوتاني 😂😂😂 
جاد: ههههه باقي gاعما جلسنا 😂😂 
جود: وفين لباس عليكم ...
خالد: حمد الله .. فين شهاب..
جاد: ااه شتو غابر اليوم ...
ربيع : عيط ليه...
هز جود تيلي و كومبوزا نمرتو وعيط ... 
جود: وا فينك اصاحبي ... 
شهاب: وااااع مغتيقش ...
جود: اش هاد الصوت بعدا فينك .. راه كنتسناوك انا ودراري فالبلاصة المعلومة ...
شهاب: صافي راني قريب ... خرجو للباركينغ الكلاب تسناوني تم ...
جود: ت اشمن باركينغ... مبوق ؟ الو.... ولد الق*** قطع .. (كنخسر الهضرة حيت هادي هضرة الدراري خاسرة الى مجاتش يهضرو بادب 😂😂😂 الى معجبكمش تخسار الهضرة نحيدو ) نوضو نشوفو اش بغا ...😡😡

تبعوه الدراري كيوسولوه ...حتا خرجو للباركينغ ووقفو كي شي عصابة متقاربين فالفورمات ... حتا بانت ليهم واحد mercedes gt-s .... داخلة زرقا كتبري كيشوفو مخرجين عينيهم ... حتا بان ليهم شهاب خارج ... اوكي اوكي بغيتو تعرفو شكون شهاب ... شهاب هو ولد سعد و رانيا الصغيير فعمرو 19 (كنت قلت ليكم غنبدل بعض تفاصيل القصة مجاتش ابطال يكونو براهش 😂😂 ) 
هو طويل بحال الدراري ....مفورمي تاهو شعر طويل شوية لحية خفيفة ... عينيه عسليين و حتا شعرو بنفس لون عينيه .... خارج من لوطو باناقتو بحال ديما كيفرنس حتى ضرسة العقل بانت 😂😂 الدراري كلها وتعبير وجهو كيف داير ... هبط الباب سدو و تقنت متكي عليها نافخ ريشو ... تقابل معاهم و عنقها ..
شهاب: كيف جاتكم عشيرتي الجديدة 😌😌 
جود نقز هو و جاد بداو يدورو عليها ويقلبو فيها ... و الدراري لوخرين كيشوفو حتا هما ... 
جاد: نااا ري تا منين ضبرتي على هادي متقووولش ليا 😲😲 
شهاب: ااايه جدي لي جابها ليا 😌😌
جود: ماشي معقول هادشي اصاحبي ... كولنا طلبناها .. 😠😠
جاد: وليتي تخور اصاحبي😒😒 
شهاب: تفو مال تامل بوكم دخلنتونا هاد الدخلة ... غنقول ليكم واحد الحاجة و متدخلوناش فبلاناتكم الله يرضي عليكم ...
جاد: و غير قوول و اللهما تخاف ...
شهاب: جدي راه جاب لكل واحد فينا ديالتو ...
جاد وجود: وااايلي 😍😍 
شهاب: ولكن عمي ياسر حلفو بالله ميعطيها ليكم حتا ديرو عقلكم ...
جاد وجود جاتهم الفقصة و بداو يتغاوتو و يخبطو لي جا قدامهم ... ولاو حمرين بالفقصة والغوات والدراري غيخراو بالضحك حداهم ..
جاد: كيفاش نديرو عقلنا اش هاد الق***وي ..😡😡 
جود: ما بلان ماوالو كيفاش زعما نتا هو لي عندك العقل دابا ... ياك زبايلنا كلهم مشاركنا فيهم😡😡 
جاد: ولد الحرام راه كيضرب غير من التحت و مبين ليهم الوجه البريئ 😡😡 
شهاب: ههههههه ونتوما كلاخ ... كديروها كيزلق فيها جمل و بغيتيهم يعطيوهم ليكم 😂😂😂 
جاد وجود طارو عليه شانقين ب2 و شهاب كيفركل والضحكة غالباه ... 
جاد: لمك و الله ما تكون لينا كاملين لا خديتيها .. 
شهاب: هههههه واشوفو مع باواتكم الخرى مالي انا راه موجودين ... هضرو مع جدي راه كيحشمو منو ...
الدراري جاو فكوهم وكيتفرجو فيهم فاشلين بالضحك ..
خالد: ههههه صافي اصاحبي مالكم شاعلينها غير هكاك هضرو مع واليديكم راه غيتحل المشكيل ونقصو طياران ديالكم راه هو لي خارج عليكم 😂😂 
ربيع: وياااله نرجعو فين كنا نتوما واللهتا عالاام 😂😂 
رجعو الدراري لفين كانو و بقاو مجمعين ...
وصلات 8 العشية ... عند نور وزاين جالسين فالصالة ومعاهم ياسر ورميساء ولادهم الصغار ب2 برا فالجريدة كيلعبو مع اليكس وآلي لي كبرو تاهما... جالسين لي كوبل مجمعين بيناتهم ... حتا هبطات جودية عندهم ...سلمات عليهم و جلسات معاهم...
زاين: فين كننتي مخشية ... يسحابلي خرجتي مع ميرال..
جودية: لا ابابا كنت غير فبيتي ملاهية مع الرواية لي عطيتيني...
زاين: هههههه باقا واحلة معاها...😂😂 
جودية: هههه وراه صعيبة ابابا كل صفحة كنقراها ونعاودها باش ياله نفهم شوية داكسي عندك معقد 😂😂 
زاين: ههههه منين تساليها غنعطيك وحدة اخرى غتعجبك ... فيها الالغاز والمغامرات داكشي لي كيعجبك ..
جودية: بالصح شوقتيتي 😍 
زاين : ايوى حتاا تكملي متبقايش تنقزي ...
ياسر تنهد : وشووف البنات كيف خرجو وشوف الحلالف كيف خرجو ... هانتا جودية وميرال مكاينش بحالهم فالاداب والصواب والقراية .. ولوخرين الضسارة والقباحة والطيران و يعلم الله اش كيديرو ورانا ...
زاين: غسكت هادوك غيبقاو حتا ندير ليهم شي بلان ولا نغرق لوالديهم الشقف فشي معسكر ...
نور و رميساء: اااو اااو اااو 😡😡 
نور: متسيفطش ليا ولدي لشي قنت خليه حدايا 😡 
رميساء: حتا انا مالهم راه غير عايشين الصغر ديالهم راه غاع دوزناها...😡😡 
ياسر: راه تاحنا بواتهم و كنفكرو غير لمصلاحتهم و نتوما العيلات كتفكرو بالعاطفة متقدروش تبعدو عليهم ولكن حنا كنفكرو بالعقل و بلي نيت خاصو يدار ...
نور: وهاد الهضرة زيدها فيك ... انا لي نعرف الدراري مغايمشيو حتا بلاصة ... شوف غير فاش غاب علينا زاين قبل ميتولدو اش وقع فيا ولدابا كايكون فشي مهمة قلبي كيبقا مقبوط حتا كيرجع ... عاد نزيد لاخر تاهو لا اودي خلي لنا الدراري فالتقار ... 😠 
زاين: صافي تهدني مقلتش غيمشيو غير هاضرين صافي ...😒😒
رميساء: ماغرت فين هما 9 هادي من 2 وهما غابرين ..
نور كتنغز فيها تسكت حيت غيتفكر زاين بلي تحلف عليهم يرجعو مع 8 ..
زاين: نغزي فيها راه مكنشوفكش 😒😒 
نور بدات كدور فعينيها ...
ياسر: على مكتعرفهمش راه مايرجعو حتال 12 اولا 1 ...
تيلي ديال زاين جاه ميساج ..
زاين: ههه بطبيعة الحال ... هاك شوف ..
خدا ياسر تيلي وطلعات الابليكاسيون فيها اشارات الدراري فgps جايين للفيلات ولكن بسرعة فائقة ...
عند الدراري .... طايرييين فالهواء بالماطر ... والحال مظلم فطريق الغابة حيت مكايكون فيه حد خداو راحتهم وجالسين يتسابقو ويضحكو ويغوتو بالجهد عايشين الشباب و الصغر ماعلا بالهومش ...
عند اباؤهم .... زاين : نوض نتلgاو لوالديهم ...
ناض ياسر وخرجو ب2... جودية ناضت تبعاتهم فرحانة كتنقز باغا تشفا ...
ونور ورميساء وراهم كيعضو ضفارهم و يطرطقو صباعهم .. 
خرجو برا gاع للباب البراني ووقفو ليهم تما كيف العسكر و نور ورميساء كيبردو السوق ... 

جاد وجود جايين محيحين ... غير بانو ليهم قباضين الرواح ....و نقصو السرعة كيبقلو بعينيهم و جمعو الكر (الضحك ماشي لاخر 😂😂) ... و جودية غتخرى بالضحك فاش شافتهم نقصو السرعة وضربو الطم ... غير وصلو لعند رجليه لاحو الماطر وعلقو مصبقين سدر وراس لور كيجرثو ةيضورو يشوفو و تبعوهم باواتهم ... كيجريو من نيتهم وباواتهم باقين صغار جامعين سووفل ... هما يجريو وهما وراهم ...
جود: ها عاار ميمتك الوالد واللهما نعاود ... 
جاد: راه مدرنا واااالو احنا جييييينا بكريييييي ولااأ ...
جوود: الواااليدة ... وا نوووووور ...عتقي عتقي ...(شاف باه كيقرب)
جاد: عمتييييي....😭😭
زاين: وقفو تما والله ونشد وللديكم حتا نفلعص شي واحد😡😡😡 
ياسر وصل لعند ولدو لي كيقاوم ولكن فشلو ليه الرجلين حتا طار عليه شقمو ... و جود شاف عشيرو شداتو المصيدة تشتت ليه الذهن و شدو باه من حوايجو شانق عليه و هو واصلو تقريبا فالطول ...
زاين: والله يا بوكم اليوم لا نعستوها زيد ... 
ياسر غادي بولدو شادو من حوايجو لور وغادي بيه ... رجعو هكاك لقاو النساء باقين كيتسناو فيهم ...
نور: اويلي اش هاد الحالة 😱 
زاين وياسر: نتي غتزمييه ..
جودية كتشوف فالدراري وغتخرى بالضحك لوات حدا مها والدراري كيتحلفو عليها و يدوزو على عناقهم بمعنى واللهلا بقات فيك نشدك ندبحك... 
رميساء: حتا نتوما كطيييرو ... مالكم على ديك السرعة تستاهلو شي قتلة العصا نتوما 😡 
جودية: اه ابابا راه ضسرو ضسرو ...😂😂
جاد وجود بغاو يمشيو ليها و لقاو ريوسهم مشدودين ..
زاين: زيدو قدامي ... 
جروهم كيف حوالة العيد و جودية وراهم كتزغرت بالفرحة و نور وراهم ملقات ليهم جهد ... دخلو للفيلا الداخل و جلسوهم قدامهم ووقفو عليهم ... وهما كيدورو فعينيهم كيف الشياطين حابسين الضحكة ... عارفين ريوسهم مقودينها وعااادي ...
ياسر: اش هاديك السرعة باش غاديين باغين تموتو😠😠 
جاد: الوالد راه مزدنا السرعة حتا دخلنا طريق الغابة ... راه مكايدوز حد من هنا فهاد الوقيتة ...
زاين: واخا هكاك والى تزبقو ودخلتو فبعضياتكم والى خرجات شي حاجة فطريقكم فين غنوليو ... 
نور: صافي مغيعاودووش ازاين ...
زاين: سكتي نتي ...
زاين: عقوبتكم اليوم ... غتغسلو ماعن العشاء كاااملين و غتنظفو الجردة كاملة و تنقصو الربيع ... 
جود: كااملة😱😱😱 تا وخا نبقا معاها حتال غدا امتا غندوز عليها كاملة وليل هدا... 
زاين: مغتنعسو حتا تكملوها و نزيدكم مكاين عشا ...
جاد وجود بقاو كيشوفو فيهم ...
ياسر : تgعدو دابا حتا نعيطو ليكم ...
ناضو الدراري مخنزرين و جودية ورا باها وكتفقص وتشفى فيهم ... طلعو حتا لبيت جود دخلو شافو فبعضياتهم وقالو : واقااودوووها 😂😂 (بلحن مول الكونسطاطور )
وقلبوها ضحك تاحاجة مكتgر فيهم وتاحاجة مكتهدهم كينفدو عقوبات باواتهم و ضاربينها بركلة ولي فراسهم فراسهم ...
عند زاين التحت ...
نور: واش من نيتكم يسحاب ليكم دابا راكم قضيتوها.. راه تربية اديا هادوك واللهما تنفع معاهم هاد الهضرة ..صافي خليهم على راحتهم راه كنظل نوصيهم يردو البال ... وراه ممهورينش عارفين اش كيديرو ..
ياسر: راه حيت تربية ايديك طلعو ضاسرين ... 😒😒
زاين: عارف انور اش كتقولي عندك الصح ولكن الحوادت راه كاينين ..
نور: بلا متعاقبهم وخليني نهضر معاهم راه كيسمعو كلامي ..
ياسر: نور صافي الدراري راه ضاسرين عليك وهادشي لي مصعب الموضوع ... 
نور: صافي واخا مغندخلش😒😒 
زاين: و هكااك ... 
جودية: كون غير زدتيهم ابابا شي حاجة اخرى الماعن والجردة مكافيينش ..
نور: سكتي نتي ومنين يشدوك بداي تغوتي عليا نفكك..
زاين: هههه كتنتاقمي العفيريتة 😂😂😂 
بقاو مجمعين ... حتا تحط العشاء و تعشاو معاهم رمساء وياسر معيطوش للدراري وشحال رميساء ونور كيطلبو فيهم يخليوهم يتعشاو ... ومابغاوش معارفينش بلي الدراري مقصرين الفوق ممسوقينش حتا دخلات وحدة من الخدامات عيطات ليهم ... ناضو هبطو لقاوهم جالسين و سالاو العشاء...
زاين: ياله تبعو فريدة للكوزينة غتوريكم اش ديرو ...
مشاو الدراري كيتنفخو معاجبهم الحال ... دخلو للكوزينة مفيها حتا وحدة من الخدامات .. قال ليهم زاين غير يمشيو فحالهم ... حيت مكايباتوش كيبقاو حتا الليل و داير ليهم طوموبيل كتوصل كل وحدة لدارها نظرا للبعد بحال طرونسبور ... والشيفور ديالهم لي كيوصلهم ... كانت اخر وحدة فريدة وراتهم اش يديرو ومشات ... وقفو الدراري قدام جبل الناعن لي ماعرفوهم اش دارو بيهم ... شافو فبعضهم و لبسو طابليات وليgات وبداو ... شي يغسل شي ينشف و يحط ... بظاو كيزربو باش يساليو حتا طيحو 3 طباسل فدقة تشخشخو ... ناضت نور ورميساء كيجريو ...
جود: وناااري قودناها 😂😂😂 

جود: وناااري قودناها 😂😂😂 هاد طباسل عزاز على الوالدة ...
نور: الله ينعال والديكم الحلالف 😱😱 اش درتو 
جود : واللهما درتها بلعاني الوالدة تزبقو ليا من ايدي ...
طارت عليه نور هبطاتو لمستواها حيت فايتها شوية فالطول ... لوات دراعها على عنقو شاتقة عليه و كتنتف ليه فشعرو ... دخل باه وخالو وجودية ... 
زاين: ههههه فين طارت المحنة دابا شفتي طباسل وتسيفتي 😂😂😂😂
جود: اااي الوالدة شعر لا ... واللهما درتها بالعني هههه وتي طلقي ...
نور: نوري لمك انا تهرس ليا طباسلي 😡😡.. واش عرفتي جداتك منين جابتهم يالحمااار ...جرها زاين من عليه و لوخرين لور كولشي كيضحكو ... هز راسو جود مزنg حيت كانت قاجاه وفيه الضحكة ... خدا نفس حيت كانت قاجاه ... 
نور كتحلف: والله يامك وباقين تهرسو شي حاجة يا لي نديرو ليكم منعاودو ... وخرجات تبعاتها رميساء كتضحك زاين و ياسر تحلفو عليهم يكملو داكشي ... وخرجو... بقات جودية مربعة ايديها كتشوف فيهم كتشفى...
جودية: جات معاكم الماريولة وليgات...😂😂😂 غسلو على قلبكم ... 
جاد شاف فجود ... هي عرفات اش غيوقع ياله غتخرج من باب الكوزينة كتجري و شقمها خوها جرها من تيشورت ديالها وهي كتفنكش باغا تفك... سد الباب وسد ليها فومها و جرها لوسط الكوزينة ...
جاد: هانتي حصلتي لمك دابا اش غديري 😠😠
جود: مانا على الضسارة زعمتي البعلوكة ... من شحال و انا نجمع ليك فيهم ..
جودية: ممم ممم...😭😭 
جاد: هههههه غوتي شكون غيسمعك ... 😂😂
جود: اش غنديرو فيك دابا ... جبد مقص من المجر ... 
نقطعو لوالديك الشعر بحال ديك المرة ؟ 
جودية بدات تعربط و تنقز تفك راسها حيت عارفاهم يديروها ...
جاد: لا لا لا الشعر لا ... فرق ليها شعرها 😖 
جود: وعلاش لا فايتين درناها ...👿
جاد: ديك الساعة كنا براهش ... و عاد شفتي عمتي اش دارت لينا فداك الوقت ... خلي عليك شعرها فالتقار ..
جود: واخا .. هي نطير لمها حاجب ...
جاد: وخلي عليك وجها فالتقار من الشعر للوجه ؟ 😠
جود: ق*د من حدايا درتي ليا الحزاق فراسي ... لي قلتها قول ليا لا ... 
جاد جرها من ايدو وقفها قدامو ... شدها من ودنيها ب2 و هي كتشوف فيه حاضية معاه مغوبشة ... 
جاد: اعتاذري ... قولي سمحو ليا انا مكلخة حمارة وبغلة عمري نعاود نتشفى فيكم ... نتوما احسن جاد وجود فالعالم ...
جودية: واخا تبقا غير انا ونتوما ... واللهلا حلمتوني نقولها .... و نزيدك الحمار والبغل هو نتا وياه 😡😡 
جود: تا من نيتك كتهضر معاها ... ارى البرهوشة لهنا ..
جرها من عندو وهي خفيفة دغية كيغلبوها .. عيات ماتجار معاهم وتغوت والو سدو الباب وعاد موحال يسمعوها حيت بعاد عليها... 
جود : شدها ليا ...
جاد: اااهيا اش غدير ...
جود: ههه هانتا غتشوف ...
جودية: وا بعد مني الحمار نتا وياه ... ماااامااااا باااابااا.. عمتيييي...
جود: واخا لمك تعيطي ليهم كاملين ... جر ايدها حكمها ليها حيت كترطا ... شد صباعها قرمهم ليها لاسقهم وشد سوارتو ...
جاد: ازمر راه غتوعتها 😠😠 
جاد: سكتني نتا ...
خشا ساروت بين صباعها و دورو ...
جودية: ااااااي حماااار .. 😭😭
جود: انا حمااار 👿.. عاود دورو ..
جودية: لااااا ماشييي حمااار 😭😭 
جود: ياله قولي اش قال جاد قبايلا ...
جودية: انا لي حمارة وبغلة سمحو ليا ... 😭😭 
جود: مسمعتش ..
جودية: وانااا لي حماااارة وبغلة سمحو ليااا..😢😢
جاد نطر ايدها من عندو: صافي باركة عليها شوف كي درتي ليها اصاحبي واش تصحابها من دوك لي نظلو نطلعوها عليهم ... 😠😠 
جر ايدها لقا بين صباعها حمرين و جريحة صغيرة ... 
جاد: واللهتا لعبك خايب اصحبي زير شوية ... 😠😠
جود: باش تعرف راسها معامن ... 😒 
جاد: واش كضرك ؟ 
جودية: طلق مني .😡.. وخرجات كتنفخ و طلعات لبيتها نيشان... رجعو الدراري للغسيل حتا كملوه ... حلو التلاجة وكلاو اش بغاو وخرجو عندهم ..لقاو نور وزاين لي باقين اما الكل مشاو ينعسو حيت وصلات 12 اليل..
زاين: هادشي كولو غير غسيل الماعن ... 
جاد: وكتاار اخالي ..😒😒
زاين: ياله الجردة مغتنعسو حتا تكملوها ...
نور: كون غير خليتيهم عليك ازاين ... عافاك عافاك عافاك ... شوف كيف عيانين ... زاين عافاك دير ليا خاطري ... عااافااك ..
زاين تنهد : نور يا نور ... واخا ... غبرو من قدامي .. واخر مرة نسمح ليكم 😠😠
جود غمز مو و علق هو و جاد ... طلعو للبيت و نور عنقات راجلها لي نوضها وطلعو لبيتهم ...بدلو حوايجهم و تلاح زاين في فراشو كيقرى كتاب ونور تهلات فجسمها بكريمات الليل و ناضت تخشات حدا راجلها ... غير شم ريحتها حط الكتاب وجرها لعندو .. هز ايديها رطبين بالكريم وريحتهم زوينة بقا يبوسهم حتا بغا ياكلهم ...
زاين: بدلتي الكريم ..
نور: اه باش عرفتيها ...
زاين: ريحتو مبدلة ...😏😏
نور: هههه مكتفلت حتا حاجة ... 
زاين: ضوري وجهك متشوفيش فيا راه شاد راسي غير بالزز ...
نور: هههه مزيانة فيك باش تعلم تشوهني قدام ولادي .
زاين: ههههههه الكلاب هادشي كيطيرو فيه ... ولكن عرفتي انور فاش بدينا الهضرة على الحمل و الوحم ... تشهيتك تحملي عاوتاني ... 

زاين: كيعجبني الوقت لي كتكوني كتوحمي عليا ... حتا حمالة أسر تهاوشتي عليا 😂😂😂 و كتبقاي دوري حدايا والكريشة قدامك متقلاك .... نتي ديما حلوة ولكن حلاوتك ونتي حاملة عندها طعم خاص ... توحشت وحمك و ديك البراءة لي كتكون فوجهك ... واللهما كرهتك تحملي 😍😍 واصلا بغيت بنيتة تونس ختها ...
نور مدات ايدها لجبهتو: واقلة طلعات ليك السخانة احبيبة ... اشمن حمالة كتهضر عليها وولادنا ولاو قداش 😂😂 
زاين: ومالها اشنو فيها .... انا باغيك تحملي نتي ماباغاش ؟ 
نور: بغيت ولكن ... غفلتيني يسحاب لي صافي غير 3باراكة وعاد راني ف38 عام راه مابقيتش صغيرة بحال شحال هادي ...
زاين: هههههه نتي بالدات راه ممكن تحملي حتى ف49 عام .. باقا كطيري واللهما باين عليك شي 38 سنة لاشيب لا تاحاجة جايا تبوحطي عليا دابا 😒😒 غتحملي واخا تقولي لا ...
نور: ههههه لا نتا حماقيتي ... صافي من بعد نمشي لعند طبيبتي و نشوف واش ممكن نحمل بلا مشاكل 😂😂 ناري كتغفل ازاين والله 38 عام عاد غنرجع نرضع و نراري واش تكافيت معاكم نتوما لي عندي باقي بيبي من الفوق ...
زاين: والله يا الحبيبة ديالي لا تراجعت و غتحملي هي غتحملي ولا غنحملك بلا خبارك كيف درت ليك فالولادة الاولى اختاري 👿👿 
نور: صافي صافي غنشوف و غنحبس البيلول غير هنينا دابا .. جالس كتهدد بحال الى نتا لي كتمحن عليهم 2 ولادات اعيباد الله ولدتهم بلا مرافقة طبية وحدا فالجبل ولوخرى فالباطو .. كل واحد فيكم نتا وخويا شاد مرتو والله كون مكان الوجع كون شبعت فيكم ضحك ... كنتو كتتفتفو و عرقانين حالتكم بالخلعة 😂😂
زاين: بلا متفكريني دازت عليا ... وا باش تعرفو راه فاش كتكونو كتمحنو راه تاحنا كنحسو بيكم ومكنرتاحو حتا كنشوفوكم هازينهم فوق سدركم مرتاحين ب2 ...
نور علات راسها لعندو حسات بيه تفكر داكشي لي حضر ليه 2 مرات وب2 ولدها فيهم ... باستوةفحنكو كتضحك وردها ليها ... 
زاين: طفي الضو حداك انا راه لابقيت نشوف فيك غندير شي معصية ...😠 
نور: هههه غير نعس غنطل على تريكتك ونرجع ..
زاين: هههه على هادوك باقا طلي عليهم ...
نور: نشوف واش الجن الصغير نعس اما لوخرين يضبرو راسهم ... هزات الفوقاني ديال الشوميز لبساتو و خرجات وهو مسرح متبعها حتا خرجات و عاود هز كتابو كيتسناها .... 
مشات فالكولوار واسع وعريض دخلات لبيت جودية لقاتها ساهية كتشوف الفوق و متكية فوق سريرها ..
نور: جودية ..
جودية: ماما !! امتا دخلتي ... 
نور: ههه فين سارحة العفريتة ياكماا شي طيحة هادي 😂😂 
جودية: اش اش كتقولي اماما داكشي لي بقا ليا باقي الحال على هادشي ...
نور تكات حداها : هههه الفراشات مكيشاوروش احبيبة مكتحسي حتا هوب كتلقايهم كيرفرفو فمعدتك ..
جودية شدات فكرشها ..
نور لاحظت: هههه عاودي ليا عاودي والله يابنيتي حتا تزعطتي ... 😍😍 
جودية: وا صافي اماما متخكريش عليا ممتأكداش الى تاكدت نقول ليك ... قولي ليا امتا بغيتي بابا و كيفاش عرفتي راسك كتبغيه ...
نور: هههه فاش فكرتيني 😂😂 دوزنا الحرب انا وباباك .. انا وباباك قصة حب من الطفولة ... نتي عارفا بلي باك كيجيني ... كانو بابا كيدينا انا وخالك لعند بابا علي و تما كنا كنتجمعو البعالك ... كانت عندي عامين داك الوقت وباباك 7 سنين ...عاودت ليا ماما ليلى عليه مكانش كيخلي عمامك يقربو ليا كان كيبغيني نلعب معاه بوحدو و كيبقا شادني النهار كامل و يلاعبني واخا كانت رميساء قدي 😂😂 حتا فارقتنا الظروف و مبقينا عرفنا والو على العائلة حتى كبرت عاد تلاقيت عمتك بالصدفة تصاحبت معاها و تلاقيت بالعائلة و مكنتش عارفة بلي كيجيوني .. حتا عرفنا غير بالصدفة ايوى باك من نهار الاول لي شفتو كان كيخوفني و فينما نشوفو قلبي كيبغي يسكت ... حيت كان كيدير شي شوفات كتوترني 😂😂 وليت نشوف السيد كيدخل فعظامي فينما ندور نلقاه عند راسي ... تصوري ابنتي باقي مارتابطنا كان كيتحكم فيا ويغير عليا ... واحد المرة كنت محيحة فلاصال انا وعمتك و جينيونغ و كنت كنشطح مع واحد المدرب معايا باك معرفتو منين خرج حتا فرشخ السيد 😂😂😂😂 
جودية: ههههههه بالصح اماما هادشي باقي مامرتابطينش ومامزوجينش 😂😂😂 
نور: والله احبيبة منكدب عليك .. دمو كان سخون و دغية كيتعصب مكنتش كنقدر نتزايد معاه ...
جودية: ولكن اماما كنتي كديري لي فراسك 😂😂 راه كيعاود ليا بابا على قباحتك ... 
نور: هههه وماعاودش ليك على العصا لي كان كيعطيني ..
جودية: ااو بابا كان كيضربك ..😱😱 
نور: ههههع وي ضربني اول مرة خلا جنابي زورق على شي حاجة حتى ناض الصداع بينو وبين خالك ... و واحد المرة ضربني بالسمطة حتى تنفخات ايدي و يسد عليا فلاصال لي فالفيلا و شي تصرفيقات .. 
جودية: اولااه اماما عنرك عاودتي ليا هادشي ...
نور: هههه حيت دابا كبرتي وعاد داكشي ماشي شي حاجة حيت ابنتي انا لي كنت كندير علاش عمر باباك مظلمني انا لي فرفارة هههه و عمري غضبت على ضربو بالعكس كيضربني ويزيدها بتقليقة وكنصدق انا لي محزرااه شتي الدل 😂😂😂 عنداك ديري بحالي ابنتي انا طحت على زنافري فداك العجل و هاني باقا كنخلص (تفكرات موضوع الحمل )

جودية: علاقتكم زوينة اماما مكرهتش شي واحد بحال بابا ..😍😍 
نور: غتلقايه احبيبة حيت كتستاهلي .. باستها فحناكها نمشي نطل على خوك نكملو هضرتنا من بعد راه باقي ماسالييناها 😉😉
جودية: هههه واخا اماما تصبحي على خير 😂😂
خرجات نور و دخلت بييت أسر: هاي هاي هاي باقي فايق نتا 😠 
اسر: ماما ؟؟  😱😱 
نور: نوض لمك من تم .... 
اسر: غير شوية عافاك غدا غير الاحد ...😭😭
نور: غتنوض و لا غنعيط ليك عليه 😠😠 
أسر: هااا هو ... طفا البلاي ديالو وناض ... تخشا حدا الكلاب اليكس والي لي ولاو قداش مولفينو وعزيز عليه يبقاو معاه و كيباتو معاه فالسرير ...غطاتو وباستو كضحك عليه مفقوص و تحلفات عليه لاينوض يهزو ... طفات الضو وخرجات خلاتو كيعنق فيهم .. عاد وصلات لبيت العجل لقاتو مقصر هو وجاد ...
جود ناض عنقها وباسها : يخليليا لي كدافع عليا 😂😂 
نور: ههههه ديرو فبالكم راه كتجبدو ليا الصداع مع الراجل هاد المرة انا لي غنجنخ طاسيلتكم ماشي هو 😒😒 
جاد حتا هو عنقها: هههه صافي غنقسو زبايل اعمتي غير بقاي تفكينا 😂😂 
نور: وخليوني نمشي نعس راه عييت .. تصبحو على خير 😁😁 
الدراري: تصبحي على خير ..
مشات وخلاتهم مقصرين و رجعات لبيتها غير دخلات حط زاين الكتاب حيدات شوميز وتخشات فيه باس راسها وطفا الضواو و نعسو ....
بقاو الدراري مقصرين حتا كل واحد تخشى فبلاصتو ناعسين فنفس السرير ولكن كل واحد فين عاطي الراس يعني كل واحد كيتشمكر فرجلين لاخر 😂😂 وصلات ديك 3 الليل ضربات جاد الفيقة ناض هبط للتحت ... شرب الماء .. و تم راجع طلع لفوق شاف للجهة بيت جودية و مشا بخطوات بطيئة بشوية .. حل الباب بلا ميدير الحس ...دخل لقاها لايحة الغطا ولايحة كل رجل فجيه ابتاسم و جبد عليها الغطا غطاها ... هز ايدها يشوف كيف بقات لقاها ماداوتش الجرحة جبد سبارادرا و لواها عليها و باسها و ناض خرج بلا حس ... و سد الباب ورجع لبلاصتو ... تخشى فالسرير وهو يخبطو جود برجلو للراس حيت ناعس .. جاد جبد تاهو رجلو ردها ليه :هاك القح*** مك ...😠😠 خبطو حتا طاح من السرير و هو يقفز جود مافاهم والو ورجع لبلاصتو مقلوب بالنعاس و جاد ضحك حتى شبع ونعس ... 
اصبح الصباح ... فاقت جودية كتجبد وتكسل و فبلاصتها ... ناضت لحمامها غسلات وجها ولاحظت السبارادرا وقالت غتكون غير ماماها ...غسلات سنانها و دوشات خرجات لبسات حوايجها و هبطات عندهم ... لقات مها و باها كيفطرو بوحدهم وحداهم الكلاب .. 
جودية: صباح الخير ...
نور وزاين: صباح نور ...
باستهم وجلست حداهم كيفطرو ويدردشو ...
فاق جود هو الاول ...و دخل للدوش دوش و قضا المسائل خرج لاوي فوجة كيمسح وجهو شاف في جاد مبشلخ حال فمو ناعس لعب ليه الشيطان فعقلوو ضحك ضحكة شريرة قرب ليه و هو يهز الفوطة و هو يحزق ليه فوجهو هكاك بلا والو نيشان لوجهو ... حل عينيه جاد لقا داك العجب فوجهو وريحة ظيال الجيفة وبدا يجيف عليه بغا يرد ريحة كانت قوية لاخر تلاح فالرض كيتركل ولاخر تقج ناض كيرض فالحمام ... ولاخر تبعو غيموت بالضحك .. بقا هكاك شاد فيه غسل لاخر وجهو شم الريحة ياله حيدات الريحة من نيفو وهو يتبعو لاخر علق جرو جاد جمع معاه بالنص و تلاح عليه شانق عليه ولاخر فاشل كيشوف فيه معصب ...
جاد: حازق ليا فوجهي اتامل لديلمك باغي تجيفني 😡😡😡
جود: ههههه الشيطان اصاحبي بنتي ليا ناعس مجا فبالي غير نحزق ليك فوجهك 😂😂 ناري وجهك ولا كيف مطيشة 😂😂😂...
جاد ناض : واللهلا بقات فك ...
جود ناض كيضحك لبس حوايجو ولاخر حتا يمشي لبيتو ... وهبطو كيتخابطو بالضحك ضحكهم قاسح و لعبهم خايب كيقدو غير على بعضياتهم ...
جلسو حداهم بعدما سلمو وفطرو ... هزات جودية كاس تشرب عصيرها زاين لاحظ صبعها..
زاين: مال صبعك ...
جاد وجود هزو ريوسهم فيها كيخرجو فعينيهم ... جودية جاتها فرصة الانتقام ... وقالت..
وعاودت ليه اش دارو ليها ...
زاين: واش لوالديكم مغتفرقوهاش ..
جود: غير ضحكنا معاها اري نشزف هاد الحرحة لي محيحة بيها ...
عطاتو جودية ايدها وحيت الصبع الوسطاني لي مجروح قلزات بايدها و هو شافها هكاك دايراها بالعاني ..
جود: قادي ايدك 😡😡 
جودية جمعات صباعها على شكل تقليزة الاجنبية ديك لي كنقولو ليها فاك ... و هو يتعصب بغا ينوض ليها وهي تخشا ورى باها ...

غير ناض جود ليها.. وتخشات ورى باها لي خنزر فجود و رجع لبلاصتو و جودية جلسات من جهة ماماها كتقلي فالسم .... 
دخلو ياسر ورميساء عندهم سلمو عليهم و جلسة معاهم.... 
بقاو كيدردشو ويهضرو حتا نطق جاد ...
جاد كيهضر ويدهن فتوست : الوالد .. مكتحسش بتأنيب الضمير من جيهتي انا وهاد المخلوق ...
ياسر: السؤال راه مطروح عليكم نتوما ب2 اولدي ... راه نتوما لي واش كيانبكم الضمير علينا 😒😒 
زاين: على مالكم بالسلامة والعافية ... اش خاصكم ..
جود: الميرسيديس لي طيرتو لينا ...😡
زاين وياسر بداو ويضحكو ...
رميساء: اشمن ميرسيديس عاوتاني.
جاد: جدي شرا لينا انا وياه مسرسيديس للواحد و مبغاش يخليها لينا 😡😡 
ياسر: الى بغيتوهوم جيبو الباك ب18 .
جودية: بشحاااال 😂😂😂😂😂😂😂😂 
زاين: هههههه هادو يجبوه ب18 ... واخا تبقى غير نتا وياهم 😂😂 
نور: مالك حgرتيهم .... يجيبوه علاش لا ...
ياسر: نتي اخر من يتكلم غير سكتي ...
نور: علاش نسكت مالي 😡😡 
ياسر: العاار بشحال جبتيه نتي 😂😂
نور: بدات كضور فعينيها : شكون عقل ..
جودية: شحال جبتي فالباك اماما ... 
ياسر: ماماك جابتو ب10 و غير بالزز 😂😂😂
الكل كيضحك ..
نور: دابا مالنا على هاد الشوهة كنتو فالدراري وليتو فيا انا ... 😡😡 
جود: دابا من هادشي كلووولو بغيتو الباك ارو ميرسيديس ...
ياسر و زاين: واللهلا خديتوها ... 
جاد وجود بقاو كيخنزرو محملوش البلان بداو يغمزو نور وهي مابغاتش تهضر حيت غادي يقمعوها الحلالف الكبار ... 
تيلي ديال زاين كيصوني ...
زاين: ويي عماد ..
عماد : فين اصاحبي ... منتشاوفوش هاد النهار ..
زاين: جيب بنتك ومرتك واجيو تغداو معانا اليوم ...
عماد: واخا اسيدي ..
زاين: تهلا...
نور: عماد هدا ؟ 
زاين: ااه غيجيو يتغداو معانا ..
رميساء: توحشت ديك الحمقاء نييت ..
جودية: ميرال غتجي ابابا ..
زاين: اه احبيبة ...
بقاو كيدردشو و يدوزو الوقت حتا دخلو للداخل الفيلا و جاد وجود مشاو يترينيو فلاصال لي ففيلا ياسر .. و جودية هزات الرواية وهبطات للزعلولة كتزعلل و تقرى .. دازت شي ساعتين سالاو الدراري و جاد طلع يدوش فبيتو و جود راجع لبيتو دخل للجردة بانت ليه ختو متكية ... تفكر اش دار ليدها و مشا عندها و هو يتكا حظاها ...
جودية: وا الزمر نوض كابر فالزحااام 😡😡 
جود زاد تمخشش حداها كيزاحمها بالعاني كيضحك ..
جودية: جووووود 😡😡 
جود: هههه ربحي البعلوكة غتلوحيها بينا ...😂😂
جودية: هي لا نزلتي نتا نيت العجل راك تقيل .. اش باغي عندي دابا ..
جود: والو تاحد مابقا يلعب مع ختو الصغيرة ..
جودية: راه بيناتنا غير 10 د اشمن ختك الصغيرة 😠😠 
جود : واصافي هنينا خلينا نترولاكساو .. غمض عينيه و هي بقات كتشوف فيه شحال و هي تكا حداه ... بقاو هكاك متكيين حدا بعضياتهم حتا داتهم السهوة ... 
وصلو عماد وتريكتو دخلو بلوطو لباركينغ و تمو داخلين دهلو للفيلا و ميرال فكريقها قشعات جودية متكية مشات كتسلت مبانش ليها جود و تحنات وجرات الزعلولة بيهم حتا الفوق وهي طوعهم حتا طاحو ب2 قافزين ... بدات كضحك غير بان ليها جوود و هي تصدم ...
جود: ميراال!!! يسحاب لي بعقلك ...
ميرال: ن نن ك.. بي.. 
جودية: ابين اب تلب كلاو ليك لساني ...ايي مصاصطي 😭😭 لمك جاك الجهل ... ناض جود و نوض جودية شاف فميرال تزنgت بالحشمة ضحك فوجها وخربق ليها شعرها و مشا كيضحك ... 
ميرال غير مشا بقات متبعاهةبعينيها وكتحنقز غير بشوية وتضحك و جودية كتقول لا حول ...
ميرال: ناااري لمك شفتيه شفتيه لعب ليا فشعري ...😍😍 
جودية: داك شوية العقل لي عندك طار فهاد اللحظة .. طحتي على زنافرك ابنيتي و مابقا فيك ما يتجمع 😒😒 
ميرال: مالك خليني ... اوووف تمنيتو يبادلني نفس الشعور ديما كيشوفني بحالك ... بحال ختو مكرهتش شي نهار يقولي ميرال كنبغيك تقدري تكوني حبيبتي ..اووووه عرفتي ويقولها ليا غنموت فبلاصتي مفيهاااش ...😍😍 
جودية: و نوووووضي ابنيتي عرفتي علامن كتهضري .... بجوجنا عارفين بلي جود غير كيتفلى وكولشي بنات ليسي داز عليهم و راه مع ديك المصيبة الكريتة عدوتي ديال سلمى 😡😡 
ميرال: كييفاااش 😱😱
جودية: 🙊🙊🙊🙊
ميرال : امتا هادشي وكيفاش و علاش مقلتيهاش ليا 😢😢 
جودية عنقاتها: و هادشي علاش مقلتهاش ليك ... هادي سمانة و هما ب2 شتي ديما كنقول ليك متبغيهش و حيديه من بالك راه خويا وكنعرفو غير كيلعب راه تاحاجة ما جدية عندو 😒😒 
ميرال تفرgعات :😭😭😭😭😭

جودية: وصافي انا داك الحتروف والله مانبكي عليه ... احسن واحد فالدراري كيجي يتعنب عليك ونتي مابان ليك خير العجل 😠😠 
ميرال: ولكن كنبغيه هو لي ختارو قلبي كيفاش قدر يولي مع ديك الكلبة ...
جودية: غير ضد فيا انا وياك الله يحرق اصل مها ... عافاك مديريش فبالك شتي والله نتي احسن من ديك الكلبة كلها مصطنعة لا جمال لا اخلاق نتي لالاها وغتلاقاي مع محسن منو ... 
ميرال بقات حطا راسها على سدر جودية كتنخصص حتا مسحات ليها دموعها .. 
جودية: نوضي نتبردو ..
ميرال : اشمن نتبردو ... بغيتينا نلعقوها ...
جودية: الجو دافي غير نوضي ... 
ناضت جودية جراها و تمو داخلين و تساطحو مع جود هابط دوش وبدل ... شاف فيهم ب2 و شاف وجه ميرال حمر وهز ليها وجها ...
جود: ميرال؟ مالك ..
جودية: حيد ايدك عليها ونتا مالك 😠😠 
جود: شكون هاد الحيوان لي بكا لينا ميرال غير وريوه ليا و تصوخرو لور نجيبو لختي حتال بين ايديك .. 😂
ميرال غمازادت فالبكا و جود كان غير كيضحك حتا جمع الضحكة منين شافها كتبكي .. وبقا كيشوف ...
جودية: حيد لهيبه .. جراتها و طلعو للبيت و سداتو وميرال تلاحت فالسرير كتبكي ...
ميرال: قال ليا ختي ... معندي زهر اجودية حاسة براسي غنتخنق مبقيتش حاملة نتلقا معاه 😭😭 
جودية:موضي غسلي عليا هاد الوجه كتبكي على هداك شو كيداير ... نبقى نعاود الهضرة تهزي غسلي منسمعكش كتغبني عليه عاوتاني ..
ناضت ميرال للحمام غسلات وجها ... خرجات عند جودية لقاتها جابدة لكل وحدة دو بياس ...و لي كاب ..
لبسوهم ب2 و لاحو لي كاب وهبطو للجردة ... حيدو لي كاب وتلاحو ب2 المسبح كبير وعريض فالجهة الاخرى كيطل على البحيرة التحت ... بقاو كيعومو ويضحكو مع بعضهم و جودية كانت كنتلف فيها وتنسيها ...جاد دخل للفيلا سلم على الكل لي جالسين حاميينها ضحك ... و حتا جود كان ... 
جاد: فين البنات ...
رميساء: اش بفيتوهوم تاني ... عطيوهم بالتساع ...
جود: مغنديرو ليهم والو ... 
جيداء: راهم لور كيعومو ...
ناضو الدراري كيجريو ... دارو لجهة البيسين من بعيد جايين كيغوتو ويحيدو حوايجهم .. 
جودية: ها بقر علال جا 😒😒 
بقاو بالشورطات وهما يتلاحو حتا طاار الماء ... غطسو حتال التحت وطلعو ... خداو نفس وبداو يسوسو شعرهم و البنات تعصبو ..
جودية: والبقر و العجولا واش مبناش ليكم ...ضروري تبرزطونا ... واش مكيمكنش ليا نتهنا واحد شوية فهاد الدار ...😡😡😡 
قرب ليها جاد كيعوم ويضحك ضحكة شريرة حتا قرب ليها لوحها وبدات تسرط ريقها و تبلق فعويناتها و هو يهبط غطس وعي تبدا تغوت حيت عارفاه اش غيدير بدات تجدف توصل للبرية خوفا من داك القرش لي كيحوم عليها 😂😂😂 حسات بيه خشا راسو بين فخاضها ولات بحال الى جالسة على كتافو وطلع بيها و لاحها و بدا يضحك وهي ولات حمرة بالفقصة وجود كيموت بالضحك ... و ميرال شافت جود كيضحك حداها معندو حتا فكرة على الحرقة لي كتحس بيها الداخل... خرجات من البيسين لبسات بينوارها و مشات و جود دار شاف فيها مافاهم والو ... اما جودية محاربة مع لاخر لي شد فيها بايدو وهي تعضو حتا طبعات سنانها فيهم و خلاتو شادها كيضحك و هي هربت ولبسات بينوارها و خلاوه ليهم وطلعو ...للبيت لقاو الخدامة وجدات ليها الجاكوزي يكملو حفلتهم فالحمام 😂😂😂 ... حلات جودية المجر تما وهزات bath bomb ديال الورد لاحتها فالجاكوزي لي فيها الاملاح والزيوت الاساسية لي كتفيد البشرة ... بدات تفشفش وطلقات الورد ولا الماء كولو غوز و وريقات الورد فيه وريحة الورد عااطيا .. تخشاو و الريحة رخاتهم حطو و ريوسهم لور ... 
جودية: الحياة كانت غتكون زوينة كون مكانوش الدراري ...😠😠
ميرال: ااه غير حنا البنات والعيالات مكاين اا عنف لا صداع لا مشاكيل الدنيا كلها باللون الزهري واااو ..
جودية وميرال هزو ريوسهم وحلو عينيهم و تنهدو حيت عارفين ريوسهم غير كيخربقو ... شافو فبعضهم وقلبوها ضحك و بداو يتراشو بالماء .... بقاو شحال حتا خرجو ولبسو حوايجهم نشفو شعوراتهم حلقو على الحالة وهبطو لقاوهم تجمعو يالهةغيتغداو وجلسو معاهم ... 
زاين : العيد الكبير بقات ليه غير سمانة ...
عماد: الايام ولات دغيا دووز ...
ياسر: ايمتا غتشريو ...
زاين: واللهما ساليت ... الخدمة كضرب من كل جهة ...
ياسر: ولا حتا انا ... ها لي غيشريوهم ...
جاد و جود هزو ريوسهم بالعرض البطيئ كيشوفو لقاو كولشي كيشوف فيهم ..
جاد: حنا ؟؟ 
واين: ااه نتوما لي غنولاو هاد الموضوع ... 
عماد: هههه وكبرتو هادشي مغيغلبكومش ...
جود: اااه ولكن اش فهمنا حنا فالحولي المزيانومن لي لا ... 
ياسر: من بعد و نقول ليكم كيفاش خاصو يكون ... 
جاد كيوشوش لودن جود: هادو مابقا ليهم غير يجوجونا ...
جودية قربات ليه حيت سمعاتو : ياربي يديروها نتهنا منكم ...
جاد: والى داروها ماكاين ما احسن من بنت عمتي تكون مرتي ...😜😜
جودية تزنgات و قلبها بدا يخبط و شي احاسيس فشكل كتحس بيهم فكرشها ... دورات وجها لعند ميرال دغيا لي بدات كتضحك عليها ...

ملو غداهم و ناضو ... خرجو الرجال بوحدهم و العيالات بوحدهم و بقاو البجاغط ... البنات الفوق فالبيت كيتشكاو على بعضهم والدراري التحت حاقدين على حرقة الميرسيديس واخا هضرو معاهم مبغاوش وزايدينها ليهم بشريان الحولي ... 
جاد: مفهمتش 😠😠 
جود: حتا انا مفهمتش اش هاد الق**** ولد الق*** تلقاه كيتسركل بيها دابا ...
جاد: مبقاش كيضور جيهتنا دابا ...
شهاب: شبعتو لحمي التوامل 😂😂
دارو ب2 عندو ... و هو جلس حداهم فالفوتوي فالجردة... 
جاد: فين غطستي ولا صافي درتي الجناوح ...😒
جود: على لي عندو الجناوح كيشد الارض ...
شهاب : مرضتوني الخرى وحق الرب ... توما مالي اش درت ليكن انا كون تشوف الوالد اش داير ليا تاهو والحبس مع هاد العائلة ديال المجانين ..😂😂 
جود: وقالك غنشريو الحولي حنا هاد العام ... 
شهاب: وااايلي 😂😂😂😂 هادشي لي بقا لبوكم ..
نخليوهم يتحتتو ونمشيو عند البنات ...
جودية متكية فااسرير وميرال كتقاد ظفارها ... 
ميرال: مالك تزنgتي فاش هضر معاك جاد قبايلة ...
جودية: اش .. كتخربقي حتا نتي علاش غنتزنg 😶
ميرال: شوفي فيا 😂😂😂 وااايلي حتا نتي الملعووقة ...
جودية ناضت جلست قدامها: عزااا مك ... هادشي لي بقا ليا ...
ميرال: ههههه والله تا طيحة .. العاااار اش قال ليك 
جودية: نتي سمعتيني اش قلت ليه ..
ميرال : اه ...
جودية: هو قال ليا .. مكاين ماحسن منك نتي تكوني مراتي ...الحماار لاخر مربيبن فدار وحدة وكيقلل عليا الادب برهوش 😡😡
ميرال: ههههههه وينو... ومالك غتجيو مع بعضياتكم ..
جودية: نوضي تهزي من قدامي هداك لي بقا ليا مكنحملوش لعبو باسل هو العجل لاخر ...ماشي شدوني البارح فالكوزينة بغاو يقطعو ليا شعري 😡😡 وزايدينها بحاجبي تاهو هادو تعيشيرمعاهم ؟؟ 😡😡
ميرال: ههههه عالام نتوما هاد التلاتي 😂😂😂
جودية: ياله نهبطو نشوفو بعدا دوك 2 اسر و رغد ماعرت فين غاطسين ....
ناضو البنات ...كيقلبو لقاوهم مقصرين بالبلاي فالبيت مكيفرقوش هادشي الادمان و ماداير فيهم البنات خلاوهم هنية احسن من صداعهم (هادشي مغاتفهمي غير لي عندها خوت براهش صغر منها 😂😂) هبطو للتحت .. بانو ليهم الدراري مجمعين ضحكهم ماعرت فين واصل ... بان ليهم شهاب وتمو جايين عندو ... و جلسو فجنابو ... 
شهاب: اهلا اهلا الاميرات فين كنتو غابرين شحال وانا هنا ...
جودية: الفوق عاد شفتك ...
ميرال: نتا لي غابر شحال مشفناك ..
جودية: اااه قالو ليا شريتي ميرسيديس بالصحة ..
شهاب: يعطيك الصحة الزين ديالي ...
جاد: لا زيدي لصقي فيه احسن... 
جودية: ونتا مالك كتلاح بلا gارصون 😡 
جاد: راه غنوض لمك نوريك بلا gارصون كيف داير ..😡😡 وهضر اخوها ...
جود: بيناتكم اعزاوا كيفىهضرت اناةكيف هضرتي نتا ...
جاد: عندك الحق ...تم نايض ليها وهي تحما فشهاب لي حبسو يقيصها ...
شهاب: واصافي فرقها عليك اصاحبي واللهتا حاgرين هاد الدرية بالرب ... كون كانت عندي ختي كوراني داير ليها الركاب ونهزها معيا فينما مشيت ... 
جود: اااه وتعطيها حتا زيزا ياك ...
الكل : هههه😂😂😂😂😂 
شهاب: ومالها تستاهل 😂😂😂😂 
جودية: شفتي اخويا شهاب ديني نعيش معاك نتا راك نعمة ... ماشي بحال هاد ال😡😡
جود: ههههه ياك انكارة الخير 😂😂 
جاد: كضحك حتا نتا عاجبك الحال ...
ميرال: صافي ماوقع والو ...
جودية: شهاب جبتيها معاك ...
شهاب: ااه ياله تخرجو ؟ 
جودية وميرال: اه اه 😍😍 
ناضو البنات تبعوه كينقزو ..
جود: معامن تشاورتو ...
جودية: سير تخرى نتا هو با ...
جاد: تاحنا غنمشيو معاكم ...
جودية: لا ماما قالت لينا منخرجوش ب2 ونخليو البعالك بوحدهم ...و هربت تبعات شهاب وميرال ...وخلات لوخرين كيتفقصو ...
وصلات عندهم لقات شهاب كيضحك مع ميرال حل ليهم الباب وركبات جودية لور و ميرال حدا شهاب و جلست كتشوف فيهم ب2 و كتربط و تفك فالافكار ..

ديمارا شهاب وخرجو من الفيلا ... وشعل الموسيقى و غادي بسرعة فائقة والبنات حداه عينيهم خارجين ..
ميرال: نقص نقص نقص ...
جودية: وا الحيوااااان 😭😭 
شهاب نقص وكيمووت بالضحك عليهم ... 
شهاب: اودي على الخوافات 😂😂😂 
جودية: ونتا غبرتي لبابانا الشقف مكنبانوش لبنادم بهاد السرعة لي غادي بيها ... ميرال ؟؟ مالك .. 
خرجات من لوطو كتجري و ردات فجنب الطريق .... 
جودية :شفتي اش درتي ... راه كدوخ الحلوف ...
مشا كيجري جاب ليها كلينيكس والماء ... شربات ومسحات ليها جودية ... 
شهاب: ههههه دغية دختي 😂😂😂 
ميرال: نتا لي طاير بينا اش بغيتي عندي ...
شهاب: هههه صافي صافي ياله نمشيو شي كافي نشري ليكم glace ... 
جودية: وي ياله ...
عاودو ركبو و ساق بالشوية وبقا شاد فميرال كيضحك عليها ... وصلو وهبطو فواحد الكافي خداو gلاص لوحدة و خدا هو عصير ... 
شهاب: ايوا كيف غاديين مع شي دراسة ...
جودية: مزياان .. 
ميرال: سافا ...
شهاب: كنت باغي نقول ليكم جمعو راسكم هدا الباك ولكن ميتخافش عليكم قاديين بشغالكم 😂😂 
ميرال: خمسة وخميس✋ 
جودية: اجي مالك مبغيتيش تمشي عند خوك ريان للسويسرا كمل قرايتك معاه اصلا قريب يسالي هو ... 
شهاب: لا عندي واحد 2 فنكوشات مبغيتش نخليهم .... قرص حناكهم كيجبدهم كيضحك ...
ميرال: ههههه هدا قصحتيني 😂😂 
شهاب كيشوف فيها ويضحك .. 
جودية: مبغيتيش تخلينا اولا طالقها ... هادي ماتكون غير شي ساطة متلفاك ومهرسة ليك الجنحين ...
شهاب: بغيتي الصراحة ... ايه ماباغيش نبعد عليها ..
ميرال: هاي هاي هاي شهاب طاااح ...
جودية: ياك حنا عشيراتك عمرك اعتارفتي.... امتا هادشي وكيفاش والاعم شكون هي 😍😍 
شهاب: ههههه غير بشوية شكون هي مغتعرفوش دابا ... مبغيتش نبرزطها على شي حاجة مخليها حتى تسالي وغنعتارف ليها حيت هي باقة ماعارفاش .. 
جودية: اوااااه وينو على لي كيفكر فمحبوبتو عاود لينا عليها هانتاةغير عطينا انديس كيف دايرة عااافاااك غيقتلني الفضول...
شهاب: ههههه صغيرة وفنيونة بحالكم ... ظريفة و غزالة و عندها ضحيكة كتحمق و هضرتها قليلة و عندها واحد المغناطيس كيجدبني ليها مهم كولشي فيها زوين ...
جودية: هاانتي لمك كولشي هادشي مخبيه ..
ميرال: خاصك تعرفنا عليها حنا الاولين ...
شهاب: ههههه ان شاء الله 😉😉😉 
جودية تيليفونها كيصوني : اش باغي ؟؟ 
جاد: فينكم ؟؟ 
جودية: ونتا مالك ... 
جاد: رجعو دابا 😠😠 
جودية: ودخوول الصحة هدا سير تخرى 😡😡 وقطعت ..
شهاب: مال هدا ...😂😂😂😂 
جودية: منعرف لطاسيلتو ... خويا مادايرش ليا هاد الازعاج .. لي دايرو هو ...😠😠
ميرال: وياله نرجعو قبل مايرجعو والدينا ... 
ناضو خلص شهاب و ركبو معاه ورجعهم و دخلو لقاو الدراري الداخل ... كيتفرجو فالكورة ... 
جود كيتفرج وياكل ممسوقش و جاد كيعض بشفايفو مغدد حتا دخلو و شهاب نيشان جلس يتفرج و كيسول فين وصلو و جاد تبع جودية بالعين حتا طلعت هي وميرال ماقالت لا كلمة لا 2 ... 
دخلو للبيت و سدوه عليهم ...
جودية: سعدات هادي لي كيبغيها داك الجن 😂😂 
ميرال: هههه بالصح ... هو جينتلمان فتعامل ديالو زوين واي وحدة تمناه شوفي غير حنا كيف كيعاملنا عاد هادي لي كيبغي ... تنهدت ...
جودية: اوووف تفكرتي عاوتاني.. 
ميرال: واش غندير ماحدو قدامي عمري نساه 😢😢 
جودية: خاصك تشوفي حياتك و اصاحبتي و تعرفي على ناس جداد ... انا وياك غير مخشيين فبعضياتنا ديما ماما كتقول ليا خاصنا نخرجو و نفاتحو على العالم الخارجي ... و بان ليا عندها الصح ...
ميرال: واش بالصح الى تلاقينا ناس اخرين نساه ؟؟ 
جودية: بطبيعة الحال كاين ما احسن من داك راس العجل 😂😂 
ميرال: كنتمنى 😟😟 وخا موحال نساه ... 
جودية: وصافي نساي عليا ... 
ميرال: اجي نتي بعدا ... شفت جاد ...😒😒 
جودية: مال جاد عاوتاني ...
ميرال: والو غير جالس كيعيط ... نوضي من تم ... اش واقع ... لا لا واللهتا طايح فيك .. 😂😂 
جودية: متبقايش دخلي ديك الهضرة فراسي الله يرحم باك ... جاد بحال خويا ومكنتخيلش راسي معاه وعاد هو قدي و مفيه حتا حاجة من المواصفات لي كيعجبوني ... سو نساي هاد الهضرة ... 
ميرال: لي بغيتي 😒😒 
جاد كان طالع عندها للبيت يوريها و سمع اش قالت غير بالصدفة و فلحظة تفكر راسو اش كيدير ومشاعرو فين جروه وتصرفاتو لي بداو يفضحوه معجبوش الحال .. ومعجبوش يسمع دام الكلام من فمها خاصة انه تيقن بلي نكتبادلوش المشاعير طلق من البوانيي و رجع لور وهبط لعند الدراري و كأن شيئا لم يكن ... 

بقاو مقصرين البنات الفوق .. والدراري التحت حتا جاو الكبار جلسو شوية وكلها راح لحال سبيلو ...و ميرال بقات كتبات بزاف عند جودية لدرجة ان كل وحدة عندها شوية من حوايجها عند الاخرى حيت كيباتو عند بعضهم بزاف ... تجمعو على العشاء ... زاين و نور وولادهم وزايدة غير ميرال ...
زاين: البنات شفتكم ضاربين الطم ... بيكم شي حاجة ..
جودية: لا احنا مزيان ...
نور: ميرال شفتك احبيبة ماشي هي هاديك كاين شي مشكيل ... 
زاين: جود !! 
جود: واللهما درنا ليهم شي حاجة 😂😂😂 
ميرال: لا اعمي ههه مواقع والو والله 😆😆 
زاين: وخا .. 
بقاو كيتعشاو ومجمعين ... حتا ناضو و كل واحد مشا لغرفتو ... 
دخلات نور لقات زاين كيدوش ... وهي تخشات فالجاكوزي ... 
نور: الله على راحة ... عييت اليوم 😌😌
زاين: هههه اجي عندي ...
نور: لا تيقار احسن ... 
زاين: ههههه نجي انا ..
نور: باقي 3 ايام اموسيو العمراني..
زاين: عارف امدام العمراني ... غير اجي نغسل ليك عقلك موسخ 😂😂😂 
ناضت نور و مشات دخلا تحت الرشاشة حداه وقفات قدامو ... و غسل ليها شعرها و جمعو ليها الفوق و دار فيها الصابون و كيماصي ليها فنفس الوقت رتاحت وريح عظامها ... حتا سالاو و هي تعلق فيه باستو و شكراتو ...لبسو بينواراتهم و خرجو ... لبسو حوايجهم و تكاو ... 
زاين: الله ... غدا صداع الراس تاني ..
نور: هادي خدمتك اش عندك مادير ... 
زاين: عارف ... اجي لهنا ... 
تخشات فيه نور باس راسها وقال...: اش غديري غدا ...
نور: عندي موعد مع الدكتورة ديالي ونشوف حريرة الحماق لي جاك ... 
زاين: ههههه لي سمعك يقول درتي 60 عام ونتي ياله قفلتي 38 سنة ... وعاد جسمك الرياضي و خفتك بلا منهضرو عليهم ... نتي باقا تولدي جيل ماشي غير بنيوتة ... 
نور: ههههه واخا اسيدي ... مايكون غير خاطرك 😧😧
زاين: هههه اااه لي شافك النهار الاول بداك العناد وقسوحية الراس لي كانت فيك ميشوفكش دابا لي قلتها ليك كتقولي ليا واخا ... 😂😂😂 
نور: وراه باااينة ساحر ليا وفقيهك صحيييح اولد الحراام 😒😒 
زاين تهز بالضحك و سدرو تاهو طالع هابط و راسها فوقو هزات راسها كتشوف فيه وكتضحك لضحكو ...
نور: كضحك ؟مالي كدبت... فييك شي حاجة لي كتربطني و مكتخلينيش نرفض ليك شي حاجة و عاد كتعرف نقطة ضعفي كتعرف منين تشدني 😒😒غير كندير شي حاجة كديرني بحال الى مكايناش و مكتبقاش تعبرني حتا كنولي نشك واش هدا زاين لي كيبغيني وكيظل يتغزل فيا 😟😟
زاين: هههه وباش تعرفي راسك معامن ... باس راسها 
نور: عارفة راسي مع حنش بوسكة 😒😒 
زاين: هههههههه انا حنش ...
نور: اااه حنش مجتش نقول ليك لفعة 😂😂😂 
زاين: ضحكي العمر والله يابنيتي حتا غنهجرو ليك غصبري عليا مبقاو غير يوماين ...
نور: ايوا نتلاقاو من هنا يوماين ...
زاين: مبقيتيش كتخافي ...😂😂😂 
نور: حيت عارفاك واخا كتحلف عليا ولكن ديما رومانسي وحنين معايا وهادشي لي شادني فيك ... 
زاين باس راسها وعنقها لعندو كيضحك ... طفات ضو ونعسو ... 
عند البنات لي فالفراش ...
جودية: تصبحي على خير ..
ميرال: تصبحي على خير احبيبة ... ماعرت فين تيلي ديالي ... 
جودية: غتكوني خليتيه التحت ...
ميرال: ان هبط نشوف ... 
جودية : اوكي ...
ناضت ميرال هبطت التحت ... غير دخلت للصالة و لقات جود مجبد باقي كيتفرج ... شاف فيها و قال ...
جود: ميرال ؟؟!! 
ميرال: ب.. بغيت .. غير نقلب على شي حاجة ديالي ... دورات وجها وبدات كتقلب ... وهو متبعها ... بعينيه ... 
جود هاز تيلي ديالها : هدا ؟؟ 
دارت عندو ووقفات قدامو : ااه هو .... بغات تاخدو و حيدو ليها ..
جود وقف قدامها مباشرة : مغاتاخديه حتا تقولي مالك علاش كتشوفيني كتغوبشي اولا كتحدري عينيك ... 
ميرال: هههه غير كيجيب ليك الله ... 
جود: كتكدبي ...
جودية جمعت الضحكة ونطرات ليه تيلي وهربات ... 
حك راسو بعدم فهم و تبعها بعينيه حتا طلعات و رجع لبلاصتو ... 
طلعات قلبها كيخبط فيها البكية شداتها وعنقات جودية ونعسات ... 
اصبح صباح جديد ... 
كلشي فاق بعد روتين الصباحي هبطو التحت مجموعين على الفطور ... فطرو وخرجو برا ركبو فالوطو لعائلية الشيفور لي كيوصلهم لليسي جاد جود ميرال و جودية اما اسر و رغد كتوصلهم يا نور يارميساء ... ركبو الدراري مشاو ... و كل وحدة سلمت على راجلها حتا ركبو ومشاو لخداميهم .. و بقاو دوك 2 ... 
نور: زيد قدامي نتا ... 
اسر: ورغد باقي مجات ...
نور: احنا نترgوها 😂😂 متقدرش تعيش بلا صحيبتك ... زيد قدامي الويل ... 
خرجو لقاو رميساء ورغد جايين ... 
رميساء: صباح الخير هههه السيدة كتسول على الموسيو ... 
نور: زيديك لاخر تاهو ... هادو راه مخاصناش نبقاو نخليوهم بوحدهم 😂😂😂😂 
رميساء: حضينا حتا الكبار لي يقدو يديروها باقي غير البجاغط ..😂😂😂 
نور: يديروها نجوجوهم اش خاسرين حنا 😂😂😂
رميساء: معندنا ماانخسرو غير نوليو جدات وحتا باقين فالتلاتينات 😂😂😂 
نور: ههههه لا لا جدات لا عاوتاني 😂😂😂 
رغد: وماما طلقونا غنتعطلو 😠😠😠 
رميساء: زيدي اخيتي نتي بقا ليك غير ضربينا ... 
خرجو للوطو ديال نور و ركبو الولاد لور ونور سايقة وحداها رميساء ... 
وصلو البجاغط حتا دخلو ...
نور: عندك مايدار اولا تمشي معايا للطبيبة بغيت نستاشرها فشي حاجة ؟؟ 
رميساء: اويلي ياكما جاتك المينوبووز 😱😱

نور: مينوبوز !!! بزااااف على مك على شحال فعمري 😡😡 باقي صغيرة الشارفة هي طاطاك .. نتي الله وعلم توحشتي النتيف 😡😡😡
رميساء: ههههه صافي صافي غير بردي وقولي ليا لاش غادا عندها ...😂😂😂 
نور كتهضر تحت نيفها: خوك بغا بيبي 😶😶 
رميساء: اش بغا !!! بواهاهاهاهاه ... 😂😂😂 
نور: تهجرييه متل مك كتضحكي 😡😡 
رميساء: واش من نيتك باقا باغة تحملي مزال ...
نور: واخا منبغيش خوك الالا مبزز عليا وقاليا الى مابغيتش غيديرها بالزز مني عقلتي الحمالة الاولى 😒
رميساء: بقيتي فيا الزغبية 😂😂😂 دارك فراسو تاني 😂😂 
نور: هانتي كتشوفي ... حيت مكيتعدبش عليهم هو انا لي كيتقسم ليا الظهر و كنولي حالتي ...
رميساء: ودابا الى حملتي غنممددو الاستراحة
نور : لا ممكن نحضرو عادي حتا تقرب الولادة .. اجي شفت داك العوج غابر 
رميساء: تلقايه مضارب مع تريكتو تاهو عيطي ليه 😂😂 (جينيونغ تزوج بكورية لي ولدات ولد فعمرو 12 سنة و بنيتة فعمرها 7 سنوات و عايش فكوريا و كيتلاقا مع البنات فوقت الخدمة الحفلات والتسجيل ... وفوقت لي البنات كيرجعو للرجالهم هو كيبقى خدام تمتيل و كوديل مطلوب بزاااف في كوريا ... ) 
جينيونغ: وفين المسخوطات ...
نور: نتا لي فين اش مغبرك ... 😂😂
جين: والو غير الخدمة و البراهش مشيبيني ..😂😂 
رميساء: هههههه كلنا بحالك غير كون هاني  😂😂
جين: ولكن هادو راه الطيارات مشييبين ليا مهم و هي دغية كتعصب ... غير كنجي كتخشا فيا كتبكي و كتقول ليا ضبر راسك مع ولادك .. شهموها مسكينة 😂😂
نور: وابسيف ونتا والد المازوت والعافية 😂😂 
جين: وا مكيتلاقوش تقولي ولاد الضراير 😂
رميساء: شبهوك اخويا 😂😂 
جين: ولكن راه بزاف هادو 😂😂 متقوليش ليا كاين شي جدول .. ياله بغيت نرتاح شوية ...
نور: لا تاصلنا غير نسولو فيك اما الخدمة غير رتاح ليك دابا كولشي لغيتو لهاد الساعة ...
جين: هنيتيني ...
نور: ياله تلاح ...
جين: تلاحو نتوما خخخ ... وقطع...
ديمارات نور و غاديين كيتحتتو ...
رميساء: واحد عصومة اش خبارو ... 
نور: هضرت معاه هادي 3 ايام سافا ... شبعان تيتيز ولد الحرام داير ليا كازانوفا تما ... 😂😂
رميساء: هههههه وراه خاصك تزوجي السيد او راه وصل ل 24 عام ..😂😂😂 
نور: هههه نزوجو ... هداك يتجوج ... عاجباه الحرية هداك عايش ليك الصغر منضنوش كيفكر فيه ... 
رميساء: ضسراتو لندن 😂😂😂 الحلوف .. عام ماشفناه ...
نور: ملهي فالخدمة موحال نشوفوه ... 
رميساء: وعيا فيه خوك يجي يخدم معاه هو مقسح راسو ...
نور: حتا انا واللهما كرهتو يرجع مني مات باه هادي عام مبقيت شفتو غير تيلي وسكايب لي بيناتنا .. 
رميساء: ضروري مايجي ... 
نور: وعالله توحشتو الحلوف ... احنا وصلنا غير الله يستر لا تقول ليا ميمكنش ليا نحمل حيت خوك غيقندش تاني ...
رميساء: يكون خير غير زيدي ... 
دخلو للعيادة و هضرو مع ريسيبشن و قالتةليها تسنا شوية ... جلسو حتا عيطات ليها ودخلو...
دكتور: مي دام العمراني سافا ...
نور: حمد الله و انت ...
رميساء: حمد الله ..
الدكتورة: سافا .. تفضلو 😊😊 
جلسو قدامها..
نور: اليوم جيت غير ديري ليا فحص واش نقدر نولد ..
تلدكتورة: اااه بغا تزيدي شي فنيكيش 😁😁 
نور: هههه الى كتاب ...
الدكتورة: اجي معيا ابنتي ... 
ناضت نور و تكات فالباياس و رميساء واقفة حداها ... دارت ليها الفحص بالاشعة ... و عايناتها ...
الدكتوة: كما متوقع معندك حتا مشكل ابنتي ممكن تحملي ... راه ديما كنقولها ليك اليوغا والسبور لي كتمارسي نفعوك عندك دابا 38 سنة الى عقلي نفعني ومن عندي نعطيك 30 عام 😂😂 
رميساء: نصائحك ادكتورة نافعينا والله ...
نور: يعني غير نتوكلو على الله ... 
دكتورة : اه ابنتي و مني نعرفي راسك حملتي غادي يهصك ضروري المتابعة الطبية حيت واخة هكاك ممكن يكون شي خطورة داكشي علاش ضروري المراقبة ...
نور: اوكي دكتورة شكرا بزاف 😊😊 
الدكتورة: ماشي مشكل ... 
ناضو و سلمو وخرجو ... 
عند الدراري لي وصلو قدام الليسي وهبطو ...

وقفو قدام لييسي كيقادو لبسهوم ودخلو ليسي كبير ورااقي لا من ناحية الديزاين لا كولشي ... متبع سيستيم اجنبي لا علاقة بالسيستيم ديال المغرب لي واعر بزااف 😂😂 .. متبعين سيستيم كوري لي كيحتل المرتبة التالتة عالميا (ممتاكداش 100% ولكن فهاد النواحي)... مكيقراو فيها غير شكون وشكون .... معندهومش شي حاجة سميتها السقوط حيت كيعطيو للتلميذ الفرصة باش يلقا راسو وهادشي بسبب انهم مدخلين مواد كتيييرة من غير المواعد العلمية واللغات الاجنبية الكتيرة .. مدخلين مواد فنية كالرسم والغناء والمسرح و الطبخ والرياضة بكل انواعها ... و اي تلميذ عندو الحق يختار من هاد المواد حيت كيامنو بلي اي شخص عندو مجال كيبرع فيه ... كيختارو هاد المواد التانوية زيادة على المواد الالزامية حسب الشعبة لي عندهم pc اولا svt مهم كولشس الشعب ... و هادشي كيخلي التلميذ تايق فراسو حيت كيقرا داكشي لي مرتاح فيه و كيجي للمدرسة مرتاح ماشي حاقد ومعاجبوش الحال حيت كيقرى غير داكشي لي غادي يسلكو ويعيشو فهاد البلاد السعيدة يخخ تفو 😂😂 والنظام كحتم عليهم يحظرو من 8 الصباح حتال 7 العشية و كيتغداو فالليسي .. (وهاد البلاد مكلخة مكلخة... مالهم مايديرو غيير بحال الدول المتقدمة بلا ميحسنو من عندهم و ينميو غير نظام التعليم بعدا هو الاساس الى تنمى شحال من حاجة غتقاد من هنا للقدام ييخ عرفتو البنات كون حكمت المغرب غنرضو بحال قاع الهامور حيت انا سبونجبوبة 😎😎 غير ضاحكين 😂😂😂 ) 
دخلو الدراري ... وقدامهم البنات مهضروش معاهم نيشان دخلو كيضحكو والدراري كيشوفو من لور حتا غبرو .. مشاو الدراري للجناح ديال شعبة pc و البنات سيونص مات ... كلها دخل للقاعتو ... و باشرو فدروسهم دازت ساعتين فمادة و خرجو استراحة .. وعاودو رجعو البنات كانت عندهم حصة الرسم ... و الدراري حصة الرياضة( الهاند بول)
دخلو البنات للقاعة و خداو مقاعدهم كانو كراسة وكل كرسي قدامو طابلو وعدة الرسم ... دخلات سلمى و كليكة ديالها 2 بنات اخرين ... ضربو على ميرال و جودية ومشاو ليهم ... 
سلمى: اهلا توحشتكم ...
جودية: صبحنا عالله 😠😠 
سلمى: حشومة تقولي هكا خاصنا نكونو صحابات راك عارفة بلي وليت حبيبة خوك .... كتقولها وتورك عليها وكتشوف فميرال ... 
جودية: حيدي من قدامي احسن ليك 😡😡 
البنت لي مع سلمى: ياله اختيىسلمى بان ليا هادي بقا ليها شوية وتضربنا 😂😂😂 
سلمى كطلع وتهبط : عندك الحق باااي ...
بقات جودية كتفقص و ميرال كتبرد فيها ...
دخل البروف و بداو الدرس لي كان عطاهم نموذج رسم الفواكه بتقنية 3D و وراهم كيفاش يبداو ... وخلاهم يبدعو ... كل واحدة قدامو الوانو و كل واحد غيبدع كيفما بغا باشرو بالرسم ... ضربات سلمى على جودية لي مقابلة معاها كترسم بانت ليها واقفة لابسة سروال ابيض وطاحت عليها فكرة ... غطسات الشيتة فاللون الاحمر و قربات ليها دارت راسها غتحنا تهز شي حاجة وتلاحت عليها بحجة فقدات توازن ودوزات شيتة فتحتها عمراتها و حيت كانو لور مداها فيهم حد ... و سلمى اعتاذرات بمكر جودية مادات ماجابت ...خنزرت فبها وكملات رسمها ... شوية مشات عند البروف تاخد من عندو شيتة عريضة ولي دازت من حداه كتخليهم كيوشوشو ويضحكو عليها مفهمت والو وعيات ميرال تبسبس و تغمز ووالو ماشافتهاش حتا شافها البروف وقال...
بوف: بنتي ... يمكن خاصك تمشي لمكتب الطوارئ ..
جودية: اااه علاش ؟؟ 
البروف: اححم غتمشي وتعرفي .. 
شافت فيه جودية بعدم فهم و خرجات للمكتب الطوارئ غادة و كتخلي بنادم وراها كيضحك عليها وبقات غير كتشوف ماقفلات حتا حاجة واصلا مشات منها هادي 4 ايام يعني مبعدة احتمال تكون جاتها ... غادة حتا هبطات للتحت الساحة و ككتب الطوارئ جا قريب للجناح الرياضة حيت تما كيوقعو الحوادث بزاف ... غادة كتمشى بالشوية ... حتا دازت قدام الدراري لي فقسم جود وجاد ... جود كان باقي فالفيستيير وجاد برا كيسخن ... حتا بانو ليه الدراري كيتغامزو ويضحكو شاف فين ولقا جودية غادية وورى سروالها احمر ... تعصب حيد تيشورت ديالو وتبعها لواه عليها وتخلعات دارت لقاتو جاد ...
جودية: اش كدير نتا طلق مني ...😡😡 
جاد: زيدي وسكتي ... 
جرها لحتا الحمامات ووقفها ...
جودية: ممكن تشرح ليا اش واقع 😡😡 
جاد: راه ... احم حوايجك عامرين ... واش مادايراش .. هاديك ...
جودية: باش عامرين ... شنو هاديك ...
جاد: واش غنجلس نشرح ليح دخلي شوفي فالمراية ..
دخلات جودية وهي تصدم ... : شنو هادشي 😱😱 
جاد: التقلية ... اش غيكون متلا ... واش نتي بنت لي ماعارفاش راسك واش غتجيك اليوم ... 😡😡 وزايداها بسروال ابيض 
جودية: اش كتخربق راه كانت فيا هادي 4 ايام ... عاقت براسها و دارت ايدها على فمها 🙊🙊 
جاد: ههه زعما حشمتي ... بقاي هنا انا غنضبر ليك فرجتي فينا بنادم ... 
جودية حدرات راسها حشمانة ... و مشا كيجري ... 

بقات جودية كدور تما وكتقلب فراسها ... قاستو ومن الملمس عرفاتها صباغة و استغربات ... وبقات تفكر كيفاش وصلاتها الصباغة لتم ... منين خرجات جودية ميرال طلبات البروف وتبعاتها... هبطات كدردg ... و وصلات للحدا مكتب الطوارئ كتجري قشعها جود لي معرفش جاد فين غابر ... استغرب ملي شافها خارجة من القسم وكتجري هكاك وصفر عليها و ضارت عندو شور ليها بايدو تجي ... و تمت جاية عندو كتجري ... ووقفات كتلهت...
جود: مالك ؟ اش مخرجك من القاعة ...
ميرال: والو غير جودية ...
جود: مال ختي ..
ميرال: وقع ليها مشكل بسيط و ملقيتهاش فمكتب الطوارئ ...
جود: علاش مكتب الطوارئ وقعات ليها شي حاجة 😨😨 
ميرال: متخافش راه غير ...كيف غنشرح ليك 😢😢 
جود: دويي...
ميرال: جاتها البيريود و خرجات ليها فالسروال و خلات كولشي كيضحك عليها والمصيبة معارفة هي والو ..
جود: وفين غتكون مشات ..
ميرال: معرفتش ... غنمشي نطل فالحمامات ... 
جود: زيدي انمشي معاك ... 
مشات قدامو وهو وراها زربانين حتا وصلو وتساطحو مع جاد خارج ...
جود: اش كدير نتا هنا ...
جاد: راه غير ختك تحنسرات فواحد البلان ...
ميرال: كاينة هنا ؟ 
جاد: اااه دخلي عندها ... 
جود: سوليها اش نجيب ليها ... 
ميرال: واخا ... 
دخلات ميرال .. لقاتها محيدة السروال كتفرك فيه ووالو مبغاش يتحيد داكشي ... 
ميرال: بلا متصدعي راسك ميحيدش ليك غير بالماء .. 
جودية: ماشي دم ... هادي صباغة ...
ميرال: اويلي قربت كتشوف ... واللهتا صباغة .. كيفاش وصلات للهنا ... 
جودية: تانا مفهمتش ... سكتو شوية وشافو في بعضهم وقالو فخطرة ... سلمى 😡😡 
ميرال: بنت الحرام فاش تلاحت عليك دارتها بالعاني لاش دير هكا وتحرجك مع بنادم ... 
جودية: هاد الكلبة مغتفرقش مني 😡😡😡 انا غندمها ... 
ميرال: بلاتي نقولها لهادوك لي برا ...
جودية: اويلي شكون ... 
ميرال: خوك و ولد خالك ... 
جودية: اويلي حتا جود عرف ... 😱😱 تشوهت😭
ميرال: صافي راه غير خوك ولاخر بحال خوك كيف قلتي البارح 😉😉 
جودية: طلقيني من الهضرة وشوفي ليا مانلبس 😡😡
خرجات ميرال لعندهم ... 
جاد: اش خاصها ... 
ميرال: خاصها غيرسروال تبدل ... 
جود: متاكدة ؟ 
ميرال: اااه ... معرفتش منين غنجيبو ليها ...
جاد: تسناي انا عندي واحد... 
مشا جاد كيجري وبقات ميرال مع جود .... دورات وجها مكتشوفش فيه وجبدات تيلي تلاهي فيه حيت كتوتر و كتبان فيها و هو واقف عليها كيشوف فيها ممعبراهش .. بقاو هكاك حتا رجع جاد و عطاها السروال ديالو ... خداتو ودخلات عند جودية وعطاتو ليها حلاتو لقاتو سروال سيرفيط ديال الدراري فالاسود ... 
جودية: اويلي غنلبس هدا ...😱😱 
ميرال: وعاد كتشرطي ديال جاد لبسي احسن ليك اولا رجعي فلاخر كولو مطبع 😒 
جودية : اوووف ... لبساتو جاها طويل و طالع حتا لكرشها ... خرجات لبرا كتهز و تزير فيه ... شافوها الدراري ويداو يضحكو ... 
جودية: تهجرووه 😡😡 
جاد: جا معاك احسن مني ... شافها مضاربة معاه كتهز فيه ... وجرها من السيورة القدام لعندو كيضحك و عقدهم ليها زيرهم ... كيعقد وهي كتشوف فوجهو ساهية فيه ... تحنا جلس قفازي و قرم لاستيكات التحت باش ميبقاش مجرجر ليها فالارض ويعنكشها ... و ناض شاف فيها...
جودية عجبها تعاملو معاها هكا كتحس بقلبها كيضرب ويخبط و بدات تخبي لاتبين هادشي بتعابيرها ... 
جود: سافا .. 
جودية: سافا الى تفرقات مني ديك الكلبة .😡😡 
جود: اشمن كلبة ...
جودية: صحيبتك ... 
جود: سلمى!! 
جودية: اااه هي... هي لي طبعات لي السروال بالصباغة و ناس يسحاب ليهم البيريود ... مالنا على هاد الشوهة انا مكنحاديهاش علاش هي كتبقى تجبدني 😡😡 اصلا بقات كدور بيك غير ضد فينا انا وميرال محسادة كيف دايرة تفوو ..
جود: صافي دابا نشوف معاها غير بلا متقلقي ليا .. 
جاد : وا سيرو لقسمكم دابا راه تعطلتو ... 
جودية: شكرا على السروال ... مريح ... بدات كتجلس وتقف بيه وتدير كولشي الحركات ... واااو احسن من الدجين كيبقى معنكشني هادا ندير بيه لي بغيت مرتاحة فيه هههه .. غنبقا ديما ناخد سراولك 😂😂
جاد خربق ليها شعرها: هههههه مسرولة 😂😂 سي فحالك ....
جودية: بااااي... 
جرات ميرال لي غير ساكتة كتفرج و مشاو ... ضارت جودية تاني لقات الدراري غاديين نفس المشية كيتعنgرو و الايد فجياب السروال شافو فيها وشيرو ليها باسديهم كيضحكو شيرات بدورها وضارت ... واخا كيعصبوها ويشدو فيها ولكن فاش كتحتاجهم كتلقاهم فجنبها و بلا متطلب منهم ... لحال ملائكة الحارسة ليها ... طلعات هي وميرال وعادي بحال الى تاحاجة ماواقغة دهلات للقسم اعتادرات من البروف و دازت على سلمى طلعات فيها ضربات فكتفها ومشات للبلاصتها .... سالات الحصة وهبطو للبيفي يتغداو .. كانو الطباخة تما مراقبين وحاطين ليهم الماكلة بانواع كيجي كل تلميد يهز بلاطو ويعزل لي بغا ويمشيو للطبلة ويجلسو ... جلسو فبلاصتهم و بانو ليهم الدراري مع صحابهم مقابلين معاهم ... حتا جايا سلمى كتعوج ... وهي تضحك جودية ضحكة شريرة ... 

هزا البلاطو ديالها فيه الماكلة وغادة لجهة الدراري كتفرنس ... قشعاتها جودية و خلاتها حتا قربات لحداها ومدات رجلها عكلاتها حتا كتبان ليهم سلمى تزلعات فالارض و البلاطو كولو تكب عليها و على شعرها و داكشي سخون حرقها ... بدات تغوت والبيفي كولو تهز بالضحك ... و ميرال و جودية تخشاو فبعضياتهم غيحماقو بالضحك ... قشعو الدراري البلان و شافو جودية لي دارتها وضحكاتهم فاش ضارت عند ميرال وتخشاو فبعضهم كيضحكو بحال الى مدارو والو .. 
جاد: ههههههه جودية المسخوطة ... 
جود: حتا هي بخبيزتها 😂😂😂😂 بلاتي مشوف هاد الحريرة 😂😂😂😂 
ناض جود كيجمع غالضحكة بالزز ووقفها كتبكي وتغبن و جرها داها ودار عند جودية كيلوح ليها بايديه زعما واخا عليك وفيه الضحكة ... 
ناض جاد كيضحك وجلس قدامها ... 
جاد: يسحاب ليك مشفتكومش ا شويطينات 😂😂😂
جودية: شوهتها كيفما شوهتني .... تستاهل هي لي قلبات عليا ... و كدور بيا .. و كدور بخويا 😡😡
جاد: هههه بقاو بعاد على المشاكل ... ها ودني منكم .. هاديك راه ق*** واخا داك المكلخ ديال خوك معاها راه غير مدوز بيها الوقت ... والى قربات ليك حنا غنهضرو معاها مهم نتوما بعدو عليها ... 
ميرال: ولكن اخويا جاد واللهما كنحاديوها هي لي الوقت كولو وهي دور بينا ... ومكتفلت حتا فرصة باش دير لينا شي مصيبة .... 
جود: عارف عاجبها ك**ها ولكن نتوما طنشو اووكاي ..
جودية : ماشي اوكاي تقرب ليا غندمها ... وناضت حطات البلاطو و تبعها جاد بعينو وشاف فميرال وقال..
جاد: ههههه شوف القباحة ... نوضي تبعي ديك الحمقة 😂😂 
ناضت ميرال وتبعاتها وجاد رجع عند الدراري ... 
عند جاد لي مشا معاها للحمام غسلات وجها وخرجات عندو كتنخصص ...
جود: واصافي ماوقع والو ...
سلمى: ديك ختك لي حاطاني فراسها ... كتغير مني ماعرفتش علاش كدير فيا هكا خاصك تهضر معاها ...
جود: سمعي مزيان اسلمى اش غنقول ليك ... جودية ماشي غير ختي راه كبرنا قد قد فكرش وحدة ... و كنعرفها اكتر من راسي هاديك راه نصي لاخر ومنبغيش لي ياديها ولي قرب ليها كيلقاني انا فوجهو عارف مزيان اش درتي ليها و شوهتيها قدام بنادم و هي غير ردات ليك صرفك يعني كتستاهلي لي وقع لبك واخر مرة دوري بيها اولا لي بيناتنا غايسالي ... 
سلمى: كيفاش غيسالي و حنا غير سمانة باش بدينا 😭
جود: انا عندي زايد ناقص ... كيف معاك كيف لا فبلا متلعبي معايا منصلاحش للعبك ...
سلمى: حشومة عليك جيتي من ختك دابا 😭😭 
جود: اوووف غتبقاي تغبني عليا غنمشي ... 
سلمى: صافي صافي غنسكت ... غير متقلقش مني كنبغيك اجود .. بغات تعنقو ..و حبسها ..
جود: بدلي حوايجك بعدا غتعمريني انا مشيت ... 
مشا بايدو فجيابو و هي بقات وراه كتشوف فيه كتغبن ودخلات للحمام كتغبن عاد جاو النكافات ديالها وجايبين ليها باش تبدل ... 
جودية وميرال جالسين فالجريدة لي دايرين ليهم ديال استراحة ... 
ميرال: ناااري مك بردتي ليا هوايشي فيها ... 😂😂
جودية: نبقاو ديما ساكتين ليها ... بزاف ضسرات بلا قياس من اليوم نحن لها بالمرصاد ... 
ميرال : هههه بالصح ... 
جودية: مهم .. دابا باقي لينا ساعة خاوية اش بان ليك نمشيو لصال دو سبور نتفرجو فتيتيز والبادر 😍😍 معرفتي نصيدو شي توت بري كيتجمعو غير تم ...نيت نديرو بنصائح ديك الحمقاء ديال ماما اش بان ليك 😂😂
ميرال: ياله ... نتلفو شوية ... 
ناضو البنات باتجاه ملعب الداخلي للباسكيت ...
و دخلو حلو فامهم فالدراري لي مجموعين تما اشكال وانواع ... كولشي طوال هادو هما لعابة الباسكيط .. جلسو فالمدرجات كيتفرجو فيهم مقصرين كيلعبو والبنات كل وحدة تنعت فواحد و كيضحكو ... حتا جات الكورة لعندهم وقفات جودية و جا واحد فيهم طويل و عيون عسلية و شعر طويل شوية .. جاي كيشوف ويتبسم ... هبطات جودية شوية وماتها ليه بابتسامة ..
....: سمحو لينا البنات مقصدناش 
جودية: no it's okay never mind 😅😅 
......: انا سميتي الياس ... ونتي 😆😆 
جودية: انا جودية وهادي صاحبتي ميرال ... ميرال شيرات ليه ... 
الياس: من قبايلة كنشوف فيكم ... كتشيرو لينا ضحكتوني 😂😂 
جودية تزنgت ...
الياس: ههههه نو عادي شرف لينا يتحرشو بينا كيوتيز بحالكم 😉😉 
جودية: ههه شكرا .. 
الياس: عندكم مع الباسكيط؟ هبطو تلعبو معانا ... 
جودية: شوية ماشي شي حاجة .. 
الياس: اجي غنعلموكم ..
جودية: واخا ههه ياله ا ميرال ... هبطات ميرال و التاحقو بالاخرين و تعرفو عليهم ... رحبو بيهم ضاحكين وعطاوهم الكورة ...
الياس: ياله ماركي انا غنعنكشك 😂😂 
جودية: هههه غنجرب حظي ... 
بدات كتدرببلي و تراوغ معاه و هو متبعها كيراوغ معاها نقزات وماركات وبداو كولشي يضحكو ويصفقو ليها ...
الياس: هههه صدقتي كتلعبي اااه ..
جودية: براكة من القوالب راه نتا لي خليتيني نماركي 😂😂😂😂 

الياس: هههه عقتي بيا ... ياله نلعبو مجموعين .. 
دخلو كيلعبو مع الدراري وشبعو ضحك ودغيا انساجمو معاهم ... حتا سلات الساعة ... 
ميرال: اوووف سخفت زيدي قدامي خاصنا نرجعو .. 
جودية: اااه خاصنا نرجعو ..
الياس: تشرفت بمعرفتكم 😊😊 ممكن تعطيني نمرتك باش نتلاقاو مرة اخرى ... 
جودية: why not قيد عندك .....
الياس: اااه شكرا الغزالة غنعيط ليك ... 
جودية: باااي ... بسلامة الدراري 😁😁 
الدراري كولشي : بسلامة البنات ... 
تمو غاديين البنات و خرجو للبرا ... وطلعو للحناح فين غيقراو وجلسو فبلايصهم كيتحتتو مع بنات اخرين في انتظار البروف.... 
☆☆☆☆ عند الامهات ....
نور سايقة راجعين بعدما دازو للسوبر مارشي وتقداو واخا خدمة الخدم ولكن كيديرو ديورهم فاش كيكونو موجودات .... وصلو ودخلات نور للباركينغ حطاتها و خرجو ب2.... 
نور: ديالمن هاد لوطو ... 
رميساء: ماعرت ماتريكول ماشي ديال هنا ... 
نور: يقدر يكون زاين حن فداك المسخوط وجابها ليه و لكن ماشي هادي لي كان باغي ... 
رنيساء: تاصلي براجلك و شوفي ... انا مشيت لفيلتي الله يعاون ..
نور: تلاحي ... 
دخلات نور للفيلة عطات الخدامات داكشي لي جابت و طلعات تبدل حوايجها .... لفت نظرها غرفة عصام المحلولة ... استغربات و قربات تشوف شكون كاين محدها كتقرب و هي كتسمع التقرقيب ... دخلت كطل بان ليها شخص طويل و و ظهر عريض و لابس غير شورط كيقلب فالماريو خاشي راسو ... قربات ليه كتحاول تفهم شكون هدا لي مقتاحم بيت خوها الصغير و هي تجبد ايدها غفلاتو عطاتو لجدارة الودن حتا طاح فقد الوعي حيت الضربة كانت قوية ... غير طاح و شافت وجهو وهي تغوت ... 
نور: عصاام ... هزاتو لفوق فخادها و جلسات كتفيق فيه ... 
نور: اوياي خويا فييق ناري متخلعنيش ... سعيييبدة سعيييبدة ... 
جات كتجري ... نعام اختي ... 
نور: عاونيني ... 
هزاتو معاها وحطوه فسريرو بصعوبة لسبب تقلو ... 
نور: علاش مقلتوش ليا رجع .. ضربت حبيبي مسكين حتا غيب 😔😔 
سعيدة: هو لي قالها لينا اختي ... بغا يفاجؤك.. 
نور: صدقت انا لي مفاجئاه ... عطيني الكولونيا .. 
عطاتها ليها شمماتها ليه وبدا يفيق ... 
حل عينيه بشوية شاد جهة الضربة ... و حقق مزيان لقا ختو وسعيدة قدامو... 
عصام: اش وقع ... 
نور: سمح لي احبيبي انا ضربتك ... 
عصام تقاد فالجلسة وضحك و جرها عنقها بالجهد وحتا هي ... حتا بدات كتبكي ...
عصام: و صافي احبيبة ... هاني جييت دابا ..
نور: توحشتك الحيوان نتا عارفني كنشم فيك ريحة ماما الله يرحمها .. شنو فيها لاخدمتي مع خوما احسن ماتبقا بعيد علينا .... 
عصام: صافي يكون خير احبيبة ديالي ... باس ايديها ب2 ... نتي ماشي غير ختي نتي الوالدة التانية ديالي ... و كلامك فوق راسي انا رجعت ندوز معاكم العيد و غنبقا حداك حتا تزوجيني 😂😂 
نور: ههههه حلف حلف😍😍 
عصام: على انا مولف نتفلا عليك ... 
نور عنقتو : يخليلي حبيب ختو انا ... باستو فحناكو ... 
نور: ههههه تبدلتي معرفتكش كن لور درتي الكتاف الحلوف وعراضيتي و صحاحيتي واللحية ترجلتي العجل ... انا ولات عندي فيرمة ديال العجوولة 😂😂 
عصام: 😂😂😂😂😂 وشكون بحالك ...غير وليت كنتريني مزيان داكشي علاش ...
نور: زيانيتي العفريت ... جبتي معاك شي بريطانية ولا والو .. 
عصام: هههه لا ختي لي غتزوجني ... 
نور: ههههه لا اودي نتا لي تختار شريكة حياتك وانا وخوك ماعلنا غير نخطبوها ليك ... 
عصام: يخليك ليا اختي الحبيبة ... الدراري فينهما ....

☆☆☆☆☆ عند البنات جالسين يتسناو حتا دخلات سلمى ونكافاتها ... وقفات نيشان قدام جودية .. و جودية وقفات ليها و القيغير كيشوفو هاد 2 مقابلات كيتفرجو فيهم حيت معروفة عليهم عدوات مكيتلاقاوش ...
سلمى: نتي لي عكلتيني ياك ...
جودية: جبتيني لقيتني.. 😠😠 
سلمى: حرشتي خوك عليا ... ولكن احبيبة كوني هانيا متفارقش معايا واخا تبقاي تعمري فيه حتال غدا خوك كيبغيني وكنبغيه و مستحيل نتفارقو ماشي بحالك نتي وهاد المنبودة لي معاك ... وصل بيكم اليأس لدرجة تمشيو تصيدو التوت فلاصال دو سبوور حالتكم صعيبة والله ههههه سمعتو البنات تعلمو منهم راه طيحو فرقة ديال الدراري كاملة غينفعوكم والله ... 😂😂😂 
جودية ياله غنجاوبها وجراتها ميرال .. خرجو من القاعة خلاو بنادم كيضحك ... 
جودية عينيها غرغرو : علاش جريتبني .. خليني نجاوبها ... 
ميرال: خليها تصرفاتها كيعبرو على مستواها ... واش لي دارتها نجاوبوها بحالها خليها واللهما نحطوها فبالنا وسمعتي جاد تبرى منا قبايلا ... مسحي دموعك عافاك احبيبة ...
جودية مسحاتهم: شفتي خلات بنادم كيضحك علينا .. هاد الزمرة موحال واش هضر معاها داك البغل.. 
ميرال: صافي خليهم زيدي ندحلو ومسحي دموعك متبينيش ليها بلي اترات فييك 
جودي: وااخا ... 
قادات حالتها ودخلو للقاعة جا البروف قراو الحصة وخرجو سالا اليوم الدراسي ديالهم ... و خرجو البنات لقاو لوطو كتسناهم طلعو جلسو كيتسناو الدراري باش يرجعو ... بعد شوية تحل الباب ودخلو ... و ديمارا الشيفور... البنات ماراشقاش ليهم كل وحدة حاطة راسها فجهة كتخمم و تلدراري قدامهم مفهمو والو .. 
جاد: فين كنتو فديك الساعة الخاوية شحال وانا نقلب عليكم .. 
جودية: علاش كتقلب علينا ... 
جاد: والو غير كنت باغيك فشي حاجة .. فين كنتو .. 
جودية: فلاصال ديال الرياضة لعبنا الباسكيط شوية ...
جاد: ولكن نتوما معندكمش هاد الحصة ... 
ميرال: عرضو علينا شي دراري و لعبنا معاهم ..
جود : دراري؟ شكون هادو ..
جودية: واش غنبداو فتحقيقات تاني ونتوما مالكم شهاد الخرى عاوتاني ... 
جود: مالك كتفرgعي عليا اش واقع ليك تاني ... 
جودية: ماشي شغلك ... يطرا لي بغا يطرى ليا ديها فشغالك وفوتني عليك ... جاتها البكية و عنقاتها ميرال هي لي عارفة ما بيها ... جاد وجود بقاو كيشوفو بقات فيهم مبغاوش يحكرو عارفينها مغاتقول والو عياو يغمزو ميرال تاهي معطاتهمش راس الخيط .. 
☆☆☆☆عند نور لي جالسة مع عصام فالجليسة لي حدا البيسين ... و جات حتا رميساء كيتحتتو وكيعاود ليهم على اش دار فمدة الغياب ديالو ... حتا دخلو ياسر و زاين ... 
زاين: وااايلي اش وقع فدنيا عصام تواضع وجا لعندنا .. 😂😂 تعانقو و تخابطو باليدين فالظهر ...
ياسر: توحشتك اصاحبي ههه مقلتيش لينا غتجي 😁😁 
عصام: بغيت نغفلكم 😂😂😂 شريتو الحيوان ولا باقي ... 
زاين: ههههه البراهش لي غيشريو 😂😂 ماشي حنا .. 
نور: جلسة بعدا 😂😂 
جلسو وكل واحد باس مرتو وختو ... 
عصام: واش متاكدين جاد وجود غيشريو 😂😂😂 اش عرفهم فداكشي 😂😂😂 
ياسر: وشحال قدهم يبقاو مقبلين غير اللعب و التزرييط ... اللهم يتعلمو المسؤولية شوية ... 
عصام: ههههه والله يحضر السلامة وصافي ... 
زاين: مالك فعنقك ... 
عصام: ههههه مراتك اخويا عطاتني حتا غيبت 😂😂😂 
زاين: وااايلي كيف دارت وعلاش 😂😂 
نور: وجا بلا سابق انظار شفتةالبيت حلول دخلت معرفتوش من لور و ضربتو 😂😂 
ياسر: وراه نيت تبدلتي اصاحبي 😂😂 
زابن: هههه ولاباس ننين غير غيبتي ونضتي ... كاين لي من تما لعند ربو اولا كومة 😂😂 
عصام: ضربها عامازايد كيقساح 😂😂😂 
زاين: وعلى شنو خدمة ايدي هاديك 😂😂😂 
رميساء: اشنو نكب ليكم ... 
☆☆☆☆ عند الدراري لي وصلو للفيلا و هبطو فالباركبنغ ... و تمو داخالين نور شدات ميرال مخلاتهاش ترجع لدارهم وعيطات لبهم تعلمهم ... دخلو البنات ووراهم الدراري ... دخلو للفيلا و ... حطو شكايرهم و خرجو لاجردة بعدماةخبراتهم الخدامة فين كاينين دارو لور للجلسة فين مجموعين غير قشعوه الدراري وبداو يجريو لعندهم وناض عصام تاهو كيضحك ... و دارو واحد السلام فشكااال كيضربو فايدين بعضهم بنفس الطريقة و حركات كتناسقة وختموها بتزغريتة بحال الهنود الحمر حالين فامهم وكيضربو بايديعم عليه كتسمع يايايياياي و كيغوتو كيف الحماق ولوخرين كيشوفو فيهم ويضحكو ... 
ياسر: اودي على خالهم 😂😂😂 
زاين: هدا هو رئيس الحربة ... هدا هو الفاخر لي كيزند دوك العوافي 😂😂😂 

جودية: عصااام ... مكايناش رسمية بيناتهم حيت هو مضسرهم عليه وعاد جوون بحالهم .. 
عصام: الزييين ديالي ... 
جات عندو عنقاتو وهزها كيدور بيها .. 
عصام: نتي لي توحشتك من هادشي كامل 😂
جودية: اااه حgلك كنتي كتعيط 😑😑 كتعيط غير علامن بغيتي ..
جود: على من كدقي ... 
جاد: خليها مسمومة هاديك ... 
عصام : تفقرقوةليا من بنت ختي ... ميرال فين العفريتة .. 
قربات وتعانقو ... 
ميرال: لاباس عليك حمد الله على سلامتك 😄😄
عصام: الله يسلمك الزين ... 
جودية: تبدلتي 😍😍 ناااري خالي تبوgص 😂😂😂 فين الصلعة ربيتي شعر واللحية عاد بان وجهك .. 
عصام: كعرفتك واش كتعايري اولا كتشكري 😑😑 
جودية: ههههه لا لا بالصح تبوgصتي و عمرتي اخخخ على العضلات 😍😍 
جاد: ... قرب ليها و جبد ايدو ... هاهما العضلات هادو معجبوكش ... 
جودية: عوجات وجها مابيهمش ... ولكن ديال عصام احسن ... كتقيس فيهم وتضحك .. 
جاد: كيعجبوك العضلات 😒😒 
جودية: كنموت على العضلات 😍😍 
جاد : عض على سنانو و رجع لور ...
جود: ياله نجلسو بعدا ... 
تقدمو حداهم سلمو على والديهم وجلسو معاهم ...
زاين: شلتكم كملت دابا .. 
عصام: ههههه وايييه ...
نور: فراسكم راه رجع فخطرة واللهلا طلقتك ياخويا مزال ... 
ياسر: على انا غنطلقو ... هنا لواديك غتجلس معنا ودخل عاوني فالشركة راه عييت بوحدي .. 
زاين: كون غير درتيها وهنيتي ختك .. راه ديماةبالها مشغول عليك ... و عاد بقا بيناتنا و دير لعقل لهادو انا و خوك راه هزينا ايدينا... 
عصام: ههههههه ميكون غير خاطركم ... متاغقينوعليا دورتوني 😂😂😂 وهادو متخافش عليهم ضربهم عليا 😂😂😂 
جود: واش حنا قباح لهاد الدرجة 😂😂😂 
جاد: ههههه معارت مالهم كيتدكر سمسة جاد وجود بحايلا تدكر اسم عزراين 😂😂😂 
رميساء: نتوما كتر من عزراين ... درتو شي زبلة تاني فليسي بلا ميعيطو علينا غير gرو ..
ياسر: ياله كتسولي باينة ضاربو اولى حgرو على شي حد ... 😒😒 
جاد: والله الوالدة حتا هاد النهار داز مسالم .... خالي من الضحايا مساليناش ليهم اصلا .. 
زاين:ممم حيت مدايينها فقرايتكم زعما شنو لي لاهاكم على اللعب غيكون غير شي لعب اخر 😂😂 
جود: لا الوالد شي بلان وقع ل .. 
جودية: عصام هي غتبقا معانا ومغترجعش ... بدلات الموضوع...
عصام: اهه الغزالة ديالي غنبقا .. 
جودية: يااي مزيان نتا لي كتفاجي عليا فعاد الدار .. 
نور: ياك العفريتة .. 
زاين: ولايني راك نكارة الخير ابنتي .. 
جودية: ههههه لا لا لا كل واحد فيكم كيف كيفاجي عليا ولكن خالي بوحدو تاني و عاد هو لي كيعبر على هادوك 2 ... 
عصام: هههه قرص حناكها ... كتيكيتة ديالي نتي 
جاد وجود عاقو بلي بدلات الموضوع ولكن ضروري الوالدين يعرفو ولادهم اش كيواجهو فالمدرسة ... 
جود: جودية علاش بدلتي الموضوع ...
زاين: اشمن موضوع .. 
جودية: جووود مدخلش راسك فمالايعنيك هادشي ماشي سوقك 😠 
جود: لا سوقي اي حاجة كتوقع فليسي خاص والبديك يعرفوه ... 
نور: اش وقع تاني مالكم 😨😨 
جودية: والله اماما حتى شي حاجة بسيطة و بايخة و هدا غير باغي يكبر الموضوع على والو ... 
زاين: جودية ديما كنقول ليك اي حاجة او اي مشكيل واخا يكون بسيط نبغي يا انا يامك نكونو عارفينو عمرك تقولي بلي تقدري تواجهي مشاكلك بوحدك ... 
جودية: بلا متخنقوني ابابا صافي راه تاحاجة متستاهل ... ناضت .... ونتا اجود تعلم تديها فسوقك راسك ... و ديها فحبيبتك و خليني عليك ... 😡😡 
ناضت مشات دخلات ... وتبعاتها ميرال باش مايسولوهاش ... 
نور: شوف فيا نتا دابا غتقول ليا ختك اش وقع ليها ...و لا غنوض نخاطك نتا وهاداك لي حداك ... 
جاد: عمتي ... راك عارفة عداوتها مع ديك البنت سلمى .. راه دارت ليها بلان خايب شوهاتها مع قسمها .. 
جود: اااه هادشي لي وقع .. 
زاين: واقولو اشمن بلان هدا .. 
ياسر: ونتوما اش كديرو الى ماحضيتوش البنات راكم عارفين براهش هاد الوقت صعاب واش كنوصيوكم عليهم اولا لا ...
جاد: الوالد حلينا المشكل .. والبنات ديما تحت عينينا ...ولكن المشكل وقع فالقسم مكناش معاهم .. 
نور: وطلقني خلاص اش وقع .. 
جاد: عاود ليهم ... 
نور: اوييلي واش هاد الكلبة مغتفرقش ليا من البنات ... والله ازاين حتا غنمشي هاد المرة نتف البرهوشة مها ... 
زاين: جلسي الارض ... اش غتمشي ليها ... عارفك مفقوصة عليها وحتا انا ولكن بنتك محتاجة تنصحيها وتعرف كيفاش تعامل مع ديك البرهوشة ... 
رميياء: وي هادشي بالصح مني وريها كيفاش تعامل مع هاد النوع من المشاكل ... 😉😉 
نور: واخا ... اصلا هادشي لي ناويا ندير ... 👿👿
جاد وجود و عصام ضربوها بسلتة ... و خلاوهم كيتناقشو ... 
اما جودية مني دخلت وهي كتبكي وميرال كتبكي معاها بقات فيها وحسو بالحgرة ... اكيد حيت جودية حساسة مخرجاتش لماماها قبيحة وقويسحة ... 

جودية: اوووف غنبقاو غير نتغبنو هنايا تفوو على حالة تمنيت كون كنت بحال ماما ... ياخ وديك الكلبة ديما غالبانا اهئ اهئ انا مبقيتش قادرة نقرى على خاطري او وليت حايفة توقف اولا تجي حداية ديما مشوهاني مع بنادم ... 
ميرال: هي كتغير منك ... و دارت بخوك حيت عارفاني كنبغيه ... دايرانا فبالها الحسد والغيرة تفو على بنادم ... تانا خايفاها تشوهني مع خوك اولى دير لينا شي بلان اخر ..مغديش دوز داكشي لي درتي ليها قبابلا ... حرت ماعرفتش كيفاش نتعاملو معاها وحنا عاطينها بالتساع و هي كيسحاب ليها ضعف منا .. 
جودية: صافي سدي عليا هاد الموضوع تلقتي دوك 2 عاودو كولشي لماما وبابا تفوو .. 
سمعو دقان فالباب وهي تكا جودية عطات بالظهر وبقات ميرال جالسة حداها و تحل الباب كانت نور ... 
نور: حبيباتي ... مكليتوش مفيكمش جووع .. 
ميرال: لا اخالتي ... 
نور قربات وجلسات حداهم فوق السرير : جودية مالك اما ضوري عندي احبيبة ..
جودية مخنوقة : لا اماما ما بيا والو ... 
نور تبسمات و تخشات حداها و خشات ايدها تحت عنقها ودوراتها عندها وجودية دارت تخشات فسدراها معنقاها ... سدر مها عطاها الضو الخضر وكبات كولشي لي داخلها خلاتها نور ترتاح شافت فميرال تبسمات ليها ومدات ليها ايدها الاخرى و تاهي تكات عندها و بداو يتباكاو عليها ونور كتدوز على شعرهم و تسكت فيهم .. 
نور: وصافي باركة من البكا طيبتو ليا القلب ... شكون بغات تكون هاد سلمى لي تبكي ليا اميراتي انا ... 
جودية: عاودو ليك اماما ... حمير قلت ليهم يدخلو سوق ريوسهم ... 
نور: سمعي اماما ... انا مربياك على قضية انك تقولي و تعاودي ليا الصغيرة والكبيرة فحياتك ... و مشاكل بساط بحال هادو واخاةيبانو ليك بايخين اجي عاودي ليا حيت من واجب عليا نعاونك ونوريك اشنو ديري .. سمعو البنات هادشي كيوقع و المراهقة هي هادي ... هادشس عااادي ميستاهلش تبكيو وتغبنو عليا و تسدو على ريوسكم فالبيت 😑😑 
جودية: ولكن اماما نتي ماعارفاش باش كنحسو فاش كدير لينا بحال هكاك ... دارتني ضحكة اماما كولشي شاف ديك الحالة يسحاب ليهم معفونة مكنهتمش براسي و الدراري وليسي كولشي تفرجو فيا كون ما جاد لي سترني و عتقني بسروالو كوراه بقيت كندور هكاك .. 😭😭 كرهت راسي اماما ماةبقيتش خاملة نقرا معاها ... فقاعة وحدة .. 
نور: عارفاااكم احبيبة باش كتحسو ... راه ماتزاديتش قد هكا بولادي حتا انا دزت من المراهقة ... كتحسو دابا بلي كتمناو تبعدو و ماتشوفوش الكمامر لي ضحكو عليكم ... كتحسو بشي طاقة باغين تنتفو وتعضو ديك الكلبة ولكن ماقادرنش حيت هي قبح منكم و خايفينها تغلبكم يااك .. كتهدر مغزفة مكرهتش هي لي تنتفها 😂😂 
ميرال وجودية: اه اه .. كيفاش عرفتي هادشي .. 
نور: ههههه دزت حتا انا من هادشي ... فتش كانت عندي 15 ... او 16 ... كانو عشراني دراري كنت كنرتاح معاهم اكتر ... مخليت مادرت فزبايل وقباحة والبنات كانو كيغيرو مني لي عندها شي واحد كيعجبها تلقاه لاصقني وانا مكنتش معمرا راسي بهادشي حتا تلاقيت بعمك لؤي كنت قلت ليك بلي كنا صحاب فالصغر 😂😂 مهم كانو شي جماعة المقموعات شلا بلانات يطيحو ليا نيفو و شلا اشعات ... هاهي ق** هاهي ليزبيان هههه شحال ديال التخربيق عمري ديتها فيهم حتال النهار لي غيزت لواديهم مبقاوش كيدورو بيا ... 😂😂
جودية: بالصح اماما ههه ... ولكن حنا ماشي بحالك معندنا ليها جهد وعاد جاد قال لينا نبعدو علبها .. وتبرى منا .. 
نور: اول حاجة ... داك التحكم ديال الدراري متخليوهش يسيطر عليكم ... اي راجل كيبغي يتحكم فبنات عائلتو ... خاصكم تمردو عليهم و انا عاطياكم هاد البيرميشن ... عندكم الحرية ديرو لي بغيتو هدا سن الزبايل وعيشو حياتكم وبطبيعة الحال كولشي بحدود .. تانيا خاصكم تخرجو ليا من هاد دائرة ديال غير القراية والدار صافي ... عندكم كولشي احبيبة ... خرجو دورو تعرفو على ناس جداد حبت هاد الانغلاق ديالكم هو لي داير هاد الحاجز على العالم الخارجي و كيخلي امتال سلمى يتنمرو عليكم حيت كتبانو غير غشيمات و لي جا يحgركم ... 
ميرال: و كيفاش نديرو اخالتي .. 
نور: ههههه كاين مايدار ... تجي تهدر معاك ردو ليها هضرتها وخرجو عينيكم ... فرضو شخصياتكم ... و عرفو ريوسكم بنات من ... ماشي بناتي انا لي يتحgرو شوفو الدراري اش دايرين ... محيحين ليا و الزبايل فين نبان انا ... كالكم مديرو بحالهم ولكن قرايتكم تبقاو نفس نيفو منبغيكمش تهاونو ... والقباحة ديروها فوقتها ... مهم تسب سبو .. تضرب ضربو .. دير شي بلان رجعوه ليها وتقزدرو .. 
جودية: مكنعرفش نضارب اماما ... 
ميرال: تانا اخالتي .. 
نور: وانا اش كندير هههه والله مها ديك سلمى لا بقات قربت ليكم ... حاربوها بسلاحها ... و المضاربة انا نوريكم كيفاش تسلخو طاسيلتها ....مزيان انا بناتي يبكيو ليا على بعلوكة ... مسحو عليا خناينكم ... و غدا سيرو هازين ريوسكم وهادي حرب استمتعو فيها مرة ليك ومرة عليك ... و تقول لي بغات تقول عمركم تاترو بيها هي ماشي احسن منكم ... اووكاي ... ياله نوضو تاكلو ... 
ناضت وناضو البنات ورتها مبسمين هزات ليهم المورال و رتاحو من هضرتها ... 
نور: سيري اماما تكلمي لباباك ولحقي علينا انا التحت مع ميرال ... 
جودية: واخا اماما ... 

مشات جودية باتجاه بيت ماماها وباها ... دقات ودخلات لقاتو جالس كيقرى فكتاب شافها حطو ... 
زاين: اجي ابنتي ... 
جودية دخلات عندو... وقفات قدامو جرها جلسها على رجلو وعنقاتو ... 
زاين دوز على ظهرها وقال: نفختي العوينات بالبكا ... 
جودية: حتا نتا عارف ..
زاين: وعلاش بغيتي تخبي علينا ... حنا والديك و خاصنا نعرفو عليكم كولشي اخر مرة تخبي واخا ... هضرات معاك ماماك .. 
جودية: اااه هزات ليا المورال ... و قالت ليا اشنو ندير 😄😄 
زاين قاد ليها شعرها كيضحك: هههه يعلم الله اش قالت لبك ديك الحمقة ديال مك ... حيت هي لي غتفهمك حيت انتى بحالك و لكن لي بغيت نقول ... مبقيتش باغي نشوفك ضعيفة قدام مشاكلك واجهيهم وعمرك تهربي ... و قداش ما كان المشكل حنا معاك وتقدري تعولي علبنا الى مقدرتيش تحليه بوحدك حنا ندعموك ... علاش انا عايش الى منكونش فجنب ولادي .. امم تافقنا اخر مرة نشوف دموعك .. واخر مرة تخبي علينا .. 
جودية: هههه واخا ابابا ... 
زاين عنقها :حبيبة بابا نتي ... 
باستو جودية فخنكو وناضت خرجات كتضحك من عندو ... رتاحت من كلامو ... دعم والديها ليها عطاها القوة والاينيرجي باش تواجه مشاكلها عرفات بلي كاين لي يحميها وديما فجنبها ... وهي خارجة تساطحت مع خوها جود ... 
جود: اااح اش هادا حيط اولا شنو 😂😂 
جودية: بزاااف عليك حيد من قدامي ... 😡😡 
جود: مال البرهوشة ديالي مقلقة 😂😂 
جودية: انا قلت ليك ماتقول والو مشيني عاودتي ليهم ديك الشوهة 😡😡 واخا هادشي نفعني 
جود: والديننا مكيبغيوناش نخبيو عليهم ... و عادي هانتي قلتيها نفعووك ... 
جودية: مهم دابا حيد من قدامي خليني نهبط ... 
جود: واشنو غتبقاي مقلقة مني .. 
جودية: غير بعد عليا صحيبتك و بعد مني حتا نتا ... 
جود: ياكما دارت ليك شي حاجة تاني .. 
جودية : ااه سباتني وعيراتني قدام البشر منبن رجعنا من الاستراحة .. 
جود: وعلاش مني سولتك فالكريق مابغيتيش تقولي ... هادشي علاش ... صافي ضربيها عليا واللهتا ندمها ... غير تبقا ختي على خاطرها .. و قرص حناكها .. 
جودية: وااااي طلق حناكي 😡😡😡 و فرجني فيها ..
جود هزها فوق كتفو وهي بدات تغوت ... 
جود: هههه الشريرة كتستاغليني باش تنتاقمي 😂😂😂.. 
جودية: متجريييش لمك غتلوووحنيي 😱😱 
هبط بيها فالدروج حامينها بزوووج و كتغوت على مها حتا خرجو هكاك للجردة .. 
نور: هبط ختك غتلوحها ... 
حطها جود و جلسو ... كان عصام و جاد و ميرال و نور ... لي جالسين ... 
نور: ياله نخليكم ...
جود: ااته شوفي حبيب القلب اش بغا وحنا خلينا تاحنا ماشفناكش النهار كولو 😒😒 
نور: ههههههه المغياااار ... خمجات ليه وجهو وباستو .. انطلع شوية ونهبط 😂😂 
جود: عارف ديك شوية ديالكم ... غسيري ... 
نور: ههههه يحسن عوان هادي لي غتبغيها غدوز عليها الخناق مسكينة .. 
جود: انا مكنبغيش الوالدة ... 2عيالات لي مهمين فحياني الوالدة وختي ... 
جودية غمزات ميرال كتضحك ... ووميرال فرحت حيت مكايبغيش سلمى ومهاماهش و تقلقات حيت مكاينة حتا اشارة كدل على تا شوية ديال الاعجاب .. 
نور: هههه غير كتقول دابا تجي الوليدي لي غدوخك وتلف ليك النوامر و تهنيني من غيرتك راك طلعتي لباك فالرااس ... 
جود: ههههه وخا تجي واللهلا تهنا مني 😂😂 
نور: هههه حمق لانتا لا باك .. ياله تلاحو .. 
جاد: عصاام ..اشنو سمية البروتين لي كتاكل ... 
عصام: ولايني مش طبة مع هاد السيد 😂😂😂 من صباح ونتا تسول ... بلاش عليك داكشي ... تريني طبيعي باش تربي داكشي على قدك .. و يناسب فورمتك .. البنات مكيبغيوش العضلات الكبيرة بزاف ... ها البنات سولهم ...😂😂😂 
ميرال: اااه بالصح ... فنظري العضلات الكبيرة كتهرب البنت 😂😂 
جودية: الماكسيموم عندي انا بحال بابا ... منفوتوش .. حيتالى زادو كيولي بنادم يبان بحال دوك البقر الهجين ديال هولاندا 😂😂😂
الكل :😂😂😂😂
ميرال: هههههههههه جبتيها لاصقة المسخوطة 😂😂😂😂 
جاد: هي كيعجبكوم الحد فالقد ... 
جودية: شتك مهتم بهاد الموضوع ... ياكما باغي تربي البادر وطيح البنات و يلصقو فيك كتر ماهما لاصقين ... في نظري انا بنت عمتك غير بقا هكا ... احسن 
جاد شاد فيها : هههه ونتي مالك يدورو بيا البنات ولا لا .. 
جودية: انا غير .. نصحتك .. 
جاد: مممم 😂😂😂 
عصام: عهههه اش هاد النوع من الكونفيغساسيون كنسمع 😂😂😂 
جاد وجودية: هزو ريوسهم لقاوهم كيشوفو فيهم ... نساو بلي مع جالسين معاهم .. 
جودية: مالك اعصام غير كنصح خويا كبنت شنو فيها .. 
جاد تفكر كلامها ديك المرة : ااه و انا كنسمع نصائح ختي ... عنقها بالجنب ... ياك اختي ... 😆 
جودية: بطبيعة الحال اخويا ... 😆😆 

☆☆☆☆☆عند زاين ونور ... 
دخلات نور وسدات الباب ... 
نور: هااي .. 
زاين هز راسو فيها .. وناض لعندها .. هو كيقرب كيشوف فيها وهي كتشوف فيه كضحك ... بغات تهرب ليه وهو يشقمها .. شدها جرها لصقها معاه و قرم عليها بين ايديه ... خطف بوسة وايديها على حناكو ... و ايديه ب2 على ظهرها ... 
زاين: فين باغا تهربي ... اااه .. 
نور: هههه كدير فيا دوك الشوفات كنبغي مهرب واخا مادايرا والو 😂😂 
زاين: هههههه هاديك النغزة ديال الضسارة بقات فيك 😂😂😂 
نور: يااك .. توحشت الضسارة شحال مدرتها 😏😏 
زاين: هههه ديري الضسارة تاكليها ... 
نور: ناكلها ... ولادك قدك فالطول وباقي تهدد ماماهم على العصا ... 
زاين: ايوى ولادك طول منك وباغا ديري ليا الضسارة 
نور: و صافي غير كنضحكو ... 
زاين: جودية فاش جات عندي قالت لبا قلتي ليها اش دير ... باش عمرتي ليها راسها .. 
نور: ها؟؟ اه نصائح عادية وصافي 😆😆 
زاين: هههه عارف كيف كتفكري غتكوني غير حرشتيها انا لي عارف والديك كيف كتفكري منسيتش ديك الحرب لي دازت بينك وبين بنت خالتي صفاء ... 
نور: هههههه لي جبدني كيلقاني وجودية خرجات لعمتها مخرجاتش ليا .. خاصها تكون قبيحة ودافع على راسها.. 
زاين: بصراحة عندك الحق اصلا قباحتك من الامور لي كيعجبوني فيك ... و عرفتك يعال عليك مكنخافش عليك و هكا خاص البنت تكون ... وريها ولكن فحدود سمعتي .. 
نور: هادشي لي قلت ليها حتا انا .. 
زاين: واشنو دابا نبداو فالمشروع الجديد ... 
نور: مايمكنش الطبيبة قالت ليا صعيب ومايمكنش ليا حيت عندي مشكل فالرحم ... 
زاين: راه غنضرب مك حتا تلسقي مع داك الحيط كتكدبي عليا هكاك عين باين .. عيطت لطبيبتك و قالت ليا باقا تولدي حتا 10 😑😑 
نور: ههههه بغينا نشدو فيك ساعة نتا قااري حروفك 😂😂😂 
زاين: على اش كيسحاب ليك هاد الموضوع مكانضحكش فيه ... 
نور: ممم عارفة ... 
زاين: بقات غير ديك الكارتة تحيد منك ... و نبالي بحبيبة ... 😜😜 
نور: ههههه و طلقمني خليني نبدل حوايجي ... 
زاين : لا مطالقكش ... 
نور: و عافااااك ... 
زاين ضحك وباس راسها و حناكها عاد خلاها ... جلس يكمل قرايتو و نور جبدات حوايجها حطاتهم .. ودخلات لحمام ... دوشات و دارت الفوطة و خرجات لبرا نشفات شعرها ... جمعاتو ونشفت جسمها كتلبس و حاضيا مع الموسيو لي تاهو حاضيها ... حتا كملات ودار ابتسامة جانبية شريرو ... لبسات حوايج خفاف للدار .. و تمات خارجة وقال زاين ... 
زاين: اجي لهنا فين غادة .. 
نور: هابطة عند ولادك ... 
زاين: ولادي راه مجمعين مع بعضهم انا لي مخلياني بوحدي .. 
نور: وحتا لاخر قال لي باغي يجلس معايا شوية انا راه حرت بيناتكم .. 😑😑 
زاين: ههههه داك المغيار عاوتاني ... غير اجي لهنا من بعد و جلسي معاه ...😂😂 
نور رجعات عندو وجلسات فوق رجليه ..
نور: باغي تخاصمني مع ولدي نتا ... 
زاين: ههههه و يهون عليك راجلك .... 
نور : غتجيب ليا التمام نتا وولادك ...
زاين: نتي جبتي ليا التمام غير بوحدك 😜😜 
☆☆☆☆☆ عند الدراري... 
عصام: ايوى قال ليا زاين .. غتشريو الاضحية هاد العام😂😂😂 
جاد: تشفى فينا نتا لي جات معاك .. 
جود: غقول ليا اصاحبي اش فهمنا فداكشي .. 
عصام: ههههه ساهلة متخافوش ... غنقول ليكم من بعد كيفاش ... 
جود: مزيان ملي جيتي اصاحبي ... تلاح عليه ..
عصام: وريح اصاحبي 😂😂😂😂 اجي واحد الدراري اش خبارهم .. 
جاد: ريان باقي فسويسرا ... و شهاب ولد الحرام جاس علينا غير بالتخوار ...😒😒 
عصام: كيفاش تاني هاد التخوار 😂😂😂 
جود: على ماشي جدي جاب لكا واحد فينا ميرسيديس ... نوض لك اسي ياسر وقول ليه متعطيهاش ليهم و سي شهاب خداها بدعوة انه عندو العقل ... واش لديلمهم بنا ليهم كنقطعو حوايجنا 😡😡 
عصام: مبقاتش فتقطاع الحوايج نتوما كطيرو تقلو شوية ... 
جاد: عمري تفقصت بحال هاد الفقصة ... 
جودية: حووو فيكم 😂😂 
جاد: سكتي نتي ... 
ميرال: اليكس ... اجي ... 
جا عندها كيجري و جلس جنبها و لدات تلاعلو وتحك ليه ... 
عصام: كبر الحلوف شبه باه ..😂 
جودية: عمرك اخالي تجبدو خاصة قدام ماما ... 
عصام: وي عاارف مسكينة كانت مولفاه بزااف كان عزييز عليا ... عاقل عليها دارت حالة فاش لقاتو ميت فبيتو ... 
جود: يخخ دوك الايام دازو كيف الزمر بحال الى مات واحد من العائلة ... وتبعاتو ربكسا مورا عام ... 
عصام: واييبه نور لي بقاو فيها ... 
جودية: مبقيناش كندكروه قدامها متفكرو كتبقا تبكي علينا ... عنداك تزبلها تاني ...
عصام: متحتاجيش توصيني ... 
ميرال: انا عيانة غنطلع للفوق تصبحو على خير .. 
جود: او على تصبحو على خير مع 9 ... بقاي حتا تعشاي.. 
ميرال: لا ضارني راسي تصبحو على خير .... ومشات طلعات .. 
جودية: انا غنتبعها ...

يتبع


أحدث القصص
قصة الكوبرا من تأليف ليالي نسيم
قصة الكوبرا ليالي نسيم