صوت القرطاسة طيرات جيمع العصافير فالسماء وطيحات يوسف على واحد الركبة كيتألم شاد فكتفو ، فذهول خرجات امنية كتجري وهي تسمع صوت قرطاسة اخرى فالسماء مصوبة جيهتها ولحسن الحض اخطأت الاصابة وضبرات فحديد السيارة .. رجعات بالزربة دخلات ماعرفات شكون ضرب ... هزات راسها كتقلب لعينيها وهي تبان ليها سيارة جيب على الشارع من بعيد وبنت زعرة طلعات كتجري هربانة
امنية : إلينا!!!!!
هربات الطوموبيل ونزلات مرة اخرى امنية كتجري عند بوسف لقات متكي على الطوبيل وحاط ركبتو فالارض .. شدات فيه مخلوعة كتفتف وتبكي
امنية : يوووسف .. يوووسف
بدات كتفتف وتقلب فين عندو الضربة لقات الدم طلة ليه قميجتو البيضاء مور ضهرو فكتفو ... بلا ماتنطق وقفات تالفة وخي تسمع صوت التيليفون فجيبو كيصوني .. جبداتو لقات الصورة دخديجة طالعة وهي اللي كتصوني ... بلا متردد عاودات صونات ليها
رجعات امنية باللور خافت من ردة الفعل دخديجة وبقات غير كتشوف ورحمة مخرجة عينيها
رحمة : فين هوا دااابا؟؟ هضري فين هوا
امنية: لهيه ... خاصني نجيب ليه الماء
خديجة : زيدي وريني فين هوا؟
مشات امنية قدامهم وخديجة كتجري موراها هازة العباية ورحمة شادة فيها لا تعتر .. الليل بدا كيطيح وامنية تلفات على الطريق بقات غادا جاية بيهم ماعرفات منين دوز وحتى هما داخو غير تابعينها مخلوعين ...
امنية كتبكي : اهىءاهىءاهىء ماعقلتش .. ماعقلتش على الطريق اهىء ... ماعقلتش
رحمة : واش ابنت الحرام كديريها بلعاني
امنية: كدور فراسها وتقلب ) يمكن من هنا
رحمة : زيييدي ... الى خرجنا فشي موصيبة نقتلك بيدي ... زيدي نشوف هاد من هنا ... شي كنفهموه شي مكنفهموهش ... ميرييكان كَالك ... حتى حنا اللي حمير خلينا الشيفور مشا يقلب ووقفنا عند هاد الحمقة حتى تلفاتنا ... هنا نتشيرو .. ويدو ... زيدو طريقكم لاروب
وهما غادين زاد ضلام عليهم الحال .. الخلعة شاداهم بثلاتة ... ولاكن الخلعة اللي شداة خديجة واننية على يوسف بوحدها . سمعو صوت كلب موراهم وبلا ميشعرو لقاو راسهم كيتجاراو ومع خديجة متقلة عترات وشدات فرحمة حتى طيحاتها للارض وناضت
رحمة : جري معايا ... جري نوضوها قبل ماتولد لينا هنا ... لالا خليك هنا حداها داخو بثلاتة ... كل وحدة تالفة مع جنابها ... ناضت رحمة وهزات جلابتها من الجناب وبقات كتشوف قدامها
اليتيم حرب الأصول الجزء 36
محتوى القصة
التنقل بين الأجزاء