غزلان: هادشي كيبان ليا غير شوية من داكشي لي كاين ... الله لي عالم كيفاش داير سعدااات لي داخل للجنة بلا حساب... قولي ليا شنو حسيتي
حوراء: والله للحظة بغيت غير ندير كولشي لي يرضي الله ونمسح دنوبي كاملة واخا فعمري غير 18عام ومدرتش ذنوب كتيرة وكبيرة داكشي صغير ونقدر نعوضو. .. تخيلت راسي تما ومكرهتش نكون مع عائلتي تما ... عرفتي شنو هي الدنيا غااااع ههه يعني تاحاجة فهاد الدنيا مكتستاحق نتقلقو ونتعصبو ياك...
غزلان: اااه
حوراء : حنا كنعيشو عيشة وحدة علاش نضيعوها فالاعصاب والفقصة والهم . . . من اليوم مكاين غير الله وولدي. .
غزلان: يو يو يو وعلى سلااامتي منين وصلك ميساجي. .. صافي دابا آخر مرة تفكري ليا فالماضي ...الماضي باااح فضينا معاه اغلاطك فالماضي سدينا عليهم تعلمي منهم وخليهم درس ليك. .. دابا غتنساي عليا داك البكاء و ووقفي على رجليك...
حوراء: واخا ... شكرا بزااف اختي ريحتيني. ..
غزلان: انا فرحانة ملي خليتك ترتاحي. ..هادشي لي بغيت... اليوم داز غدا تبداي الصلاة. ..
حوراء: إن شاء الله. ..
غزلان : أن شاء الله. .. أجي بعدا نتي حاملة باشمن شهر..
حوراء: فالشهر التاني
غزلان: خاصك ضروري تبعي مع شي طبيبة
حوراء: لا مايمكنش حيت غنخلي الآثار ديالي وعاد يمكن كيبغيو وراق الزوج يمكن. .. وراه عارفة
غزلان: ااه يمكن أجي عندك لاكارط ديالك؟ راك غتحتاجيها
حوراء: اه جبتها ولكن معقلتش فين حطيتها. .. ناري ياكما مشات فالساك. .. ولا بلاتي هزيتها هي والفلوس ودرتهم فشوني عطيت الفلوس للشفارة ودرتها فجيبي ..يعني ديال الجلابة لي كنت لابسة
ناضو البنات خرجوا بعدما بدلو حوايجهم وعلمات خوها لي كان ناعس فالبيت ...
غزلان: اش بان ليك نطلعو حدا البحر راه قريب
حوراء: ياله...
غزلان: دابا فكرشك مكتحسي بوالو؟؟
حوراء: لا والو ...
غزلان: هههه ناري سعداتك
حوراء: ههههه من نيتك اغزلان
غزلان: اه اختي شتي بالنسبة ليا الحاجة الوحيدة لي زوينة فداك الزواج هو هاد احساس الحمالة يعني كتحسي بالبيبي ديالك فكرشك كيتحرك وكيكبر ومن بعد تولدي فنيكيش تربيه وتكبريه ... ااححح هادشي غزال
حوراء: ههههه هادشي لي قلتي دابا باقي مجربتو حيت باقي محسيت بيه. ..وإن شاء الله ضروري ماغاتجربي حتى أنت
غزلان: ههههه حتى لداك الوقت ويحن الله خلينا فالحاضر دابا ...
غزلان: واتي راه كاينين شي موحمات الله يستر لابأس منين جبتيها نتي فكرواصة كاينين لي ضربو الملحة و الغاسول والصابون و الفاخر هههه كتعاود ليا ماما راه الكوميك ديال الضحك
حوراء: لهاد الدرجة 😂😂
غزلان: وايه ... بغيتي شي نوع آخر ؟
حوراء: لا اختي بغيت غير لي فيهم الزنجلان
غزلان: هههه واخا. .. عطيني عافاك 6 من هادو و 4 من هادو و 2 باغيتات و 2 عصيري ...اجي اشمن نكهة بغيتي
حوراء: فريز و نتي خودي الخوخ باش دوقيني
غزلان: ههههههه واخا الالاة مابقيتيش يدير ليك فرماج وكاشير فيهم
حوراء: لا خليهم هكاك
غزلان: واخا. ..
خداو لي بغاو خلصات غزلان وخرجو ... خدات من عندها وحدة وغادية وكتنقب
غزلان: هههه وا خلينا غير حتى نوصلو بعدا جاتك تاكلي قدام بنادم ههه
حوراء خدات من عندها العصير و كملات ماكلتها. .. سكتو ب2 وبقاو كيشوفو لبعيد
غزلان: سمعت بلي إلى جلستي قدام البحر ربع ساعة.. بحال إلى حضرتي ل10 جلسات علاجية عند طبيب نفساني. .. هادشي علاش بغيت نعيش فالمستقبل فشي دار كتطل على البحر غير هو خفت من شي تسونامي ههههه
حوراء: ههههههه كتفكري فالامور الزوينة وكتحديها بشي حاجة خايبة ههه
غزلان: اوى شنو ... أنا إلى بغيت ندير شي حاجة كنفكر فابعادها و فالعواقب ديالها و فبزااف المرات كنتسرع وناخد القرار السيء ههههه هادو 2 جوانب فيا متناقضين. .. عرفتي انا عادة انسانة مهدنة ومكنهضرش بزاف.. فلافاك ديما شادا تيقاري ومكنديرش الصحبة ... انا داك النوع لي كتلقايه غامض و مكتعرفيش اشمن نوع ديال البشر حتى كتهضري معايا و تجبدي معايا شي موضوع ... ديما ساهية وعقلي خدام. .. ربما نبان هادئة ولكن الداخل ديالي مخططات و سيناريوهات وصور خداما كتنسج... حتى كنلقى راسي كنتبسم و لا نبكي غير بوحدي هههه ... و فراسك هاد الشخصية دايرة واحد الحاجز وهادشي مهنيني ... الانسان الى بغا يتقرب مني كيكون واحد التخوف لا يتقمعو و خاصة الانطباع لي كنعطي ديال وحدة قاسية و جدية و مامعاهاش اللعب و هادشي مهنيني من جنس البشر حيت كلما كترات معارفك قدما كتعرضي للمتاعب بأنواعها. .. في حين هادشي كولو لي قلت ليك على الانطباع ديالي مكاينش بالعكس فيا الهضرة بزاف و غير يحضر معايا شي حد كنتبسم تلقائيا كيفما كان داك الإنسان. .. مكنتفوه غير بالحماقات و التفاهات ههه ... من الاخر شخصيتي عامرة بالتناقضات. .. أغلبية لباسي فالاسود و ولكن بيتي ملون خويا كيقول ليا روحك منقاسما على 2 ...و عندها 2 أشكال الأول فيه ألوان قوس قزح وفيها الورود والزهور بأشكالها وألوانها و الشكل الآخر كولو اسود فيه خيوط خفيفة و رهيفة و متوهجة بحال الفضاء ههه حسيت بلي هادشي مناسبني ههه.. كنبان من النوع لي غير جريئ وخوافة و نيت بالصح هادشي فيا ولكن بعض نوبات كتجيني واحد الجرأة والشجاعة و شي تصرفات كيصدرو مني انا براسي مكنفهمهمش ... طيحت راسي فمواقف لا حول وخلاص. .. ولكن مندمتش حيت عرفت بلي فيا هاد الجانب. .. ساهل تعصبيني وساهل تضحكيني وساهل تبكيني. ..عندي فائض فالمشاعر هههه ... مهم شخصيتي فشكااال وعامرة بالتناقضات شلا أمور خايبة فيا منقدرش نحيديها ولكن كنحاول نتحكم فيها هههه كيف جاتك غزلان هههه
حوراء: ههههه ضحكتيني والله ... عارفة بزاف على رأسك ... انا منقدرش نوضح شخصيتي كيف درتي دابا
غزلان: حيت انا كنبقى نراجع راسي. .. كيف قلت ليك انا كننعازل بزاف وهادشي كيخليني نجتامع مع راسي و كنفكر فنفسي تقدري تقولي انا اون كوبل مع راسي و كنبغي راسي يعني أنا خنتى وغنتزوج براسي
حوراء ضرباتها لكتفها : هههههههه وا تي اش كتقووولي ...هههه واللهما كدبتي فاش قلتي كتفوهي غير بالتراهات😂😂😂😂
غزلان: هههه شوية بالشوية غيبان ليك كولشي غير صبري على خبزتك طيب هههه
غزلان: شوفي لهيه فوق الصخر ...كل قنت فيه ضبع شاد بقرة كيقرى عليها النشيد الوطني المعتاد ههه و باش كيقتلوني حالين فامهم كيتيقو هاد المكلخات هههه عرفتي أنا كيوقفني شي واحد يقول ليا شي حاجة بالزز باش كنحبس الضحكة ومن عند الله ديك الهضرة مكتدخلش لراسي وداكشي كيجيني تبرهيش و لعب الدراري ... مناعتي قوية هههه حمدتك وشكرتك ياربي على هاد النعمة هههه
حوراء: هههه ناااري مامتيقاش بلي كنت واحد النهار فبلاصتهم اويلي فاش كنت كنفكر
غزلان: ههههه نساي دابا ...شوفي ليا غير ديك مولات الجلابة الخضراء اش كدير هههه وا هو جالس شاد الأرض وهي نايضة فيها الزازا... عرفتي من قبايلة و انا حاضياهم كتعنق وتلوح ايدها عليه تقولي هي الراجل. .. اختي بصراحة كنظلمو الرجال... ولكن حتى العيالات مكيحشموش... بنات اليوم لي ما مربياتش و ساهلات و دغية كيطمعو ... مشا داك الزمان لي الدري لي كيضحك على البنت ويستاغلها دابا كولشي كيمشي برضاها ... يكفي يطمعها بشوية ديال الماديات وهاهي ناضية ...
حوراء: اويلي خاشية ايدها فسروالو. .. (واللهتا هاد البلان وقع قدامي واحد المرة كنت مع شي بنات فالبحر واللهتا تسطاو 😂 )
نُشرت القصة على قصص مدرب.. غزلان: ههههه عيفاتني بنت الكلب ...عرفتي هاد النوع... هو نفسو لي همهم غير يعمرو السدر و المؤخرة والارداف والرأس خاوي ههه همها غير تكون عندها مؤهلات الدمية الجنسية تفووو مكنحملش هاد النوع ...
دارت غزلان وشافت بوليسي دايز فوق العود وكيصفر عليهم. ..
غزلان: ويييلي الشوووهة 😂😂😂
حوراء: ههههه متبغيهاش لعدووك
غزلان: مزيانة فيهم... ياله تهزو من تم هههه مابقاوش هزو ريوسهم. ..
حوراء: جرى على كولشي من تم
غزلان: مالو ما جرا علينا تاحنا. ..شتي الفرق. ..
حوراء: واللهيلا هههه
غزلان: عرفتي احوراء... المشكل ماشي فالتصاحيب... المشكل فكيفاش كيفهموه هادو ههه بغاو يوليو بحال الأجانب و يوليو متفتحين بحالهم. .. ناضو كيرتابطو و يتصاحبو و داكشي كيطور شوية بشوية ... هادو عندنا خداو غير داكشي لي بغاو يتصاحبو و يبداو يمارسو مكبوتاتهم على بعضياتهم ولكن لي كوبل الأجانب مكيربطهمش غير داكشي كتلقايهم كيعرفو واليديهم على بعضياتهم ....كيوقفو مع بعضياتهم و كيسيبورتيو بعضياتهم كيديرو أهداف كيوصلو ليها ب2... بحال مثلا الى غلاض كيديرو شالنج بيناتهم و كيناضلو ب2... ولا مثلا كيجمعو الفلوس و يدورو العالم كامل... كينظمو حياتهم ب2 و واحد كيدعم لاخر... وهادشي شفتو فبرامجهم. .. هادو هما العلاقات ديال بصح... فاش كيكونو لي كوبل أصدقاء يعول عليها وتعول عليه... يعاود ليها و تعاود ليه. ... يشجعها و تشجعو. .. يخلص ليها وتخلص ليه. .. يحافظ عليها و يحتارمها وتحتارمو ... ومتحشمش منين تخرج معاه مبهدلة حيت عارفاه ماباغيهاش على زينها. .. وفبلاصة ماتسيفط ليه تصاور خامجة تسيفط ليه تصاور محولة عينيها ومخمجة وجها و هو يشبع فيها ضحك يشدهم عليها و يبقى يفكرها فيهم ... و يكونو على طبيعتهم مع بعضياتهم ميتصنع عليها متصنع عليه... تحفظو و يحفظها. ..يقدمو لبعضياتهم كادوات معنوية ماشي مادية بحال الرسائل و الورد و يخلقو ذكريات بيناتهم و أمور مكايعرفو معانيها غير هما. ..هادا هو لي كيتسمى رفيق الروح اولا النصف التاني ....اختي هاد العلاقات معندناش. .. انا ممكن نرتابط إلى لقيت بحال هاد الشخص. .. ولكن بااين شنو كاين... التصاحيب عندنا مافيهش داك الماجيك بين الطرفين مكاينش المحبة الطاهرة والنقية. .. كتلقاي مثلا واحد باغي وحدة كيهضر معاها كتسولو على الدار و الفلوس باش غيتزوجو هو مسكين معندوش كيقلب 9..6 وغااع إلى تلاقا مع بنت الناس كتصبر معاه حتى كيوصل فين بغا وكيفر فيها وياخد بنت خالتو ههههههههه
غزلان: ههههه واللهتا ديما كقولها المغرب خاصو شي بايgوو كبير يترش فيه... و هاد سبيطار المجانين يحيد نيت ههههه
حوراء: ناااري ضحكتيني ههههههه...
غزلان: هههه واش اختي كدبت ...كدخلي لجروبات المخلطين كتلقاي البوسطات غير على البنت لي معندهاش البكارة واش صالحة للزواج ههههه وناااري وناس فين وصلو وهما همهم غير فالبكارة هههه و بحال إلى العالم فيه غير هاد الموضوع لي يناقشوه هههه كنبقى نقرا ونضحك بالفقصة والله هههه الحاجة الوحيدة لي حمدت الله عليها حيت تزاديت فهاد البلاد هي المغرب بلد إسلامي هههه غيرو وتقووولي
حوراء: هههه أودي... عرفتي من هضرتك كتباني بحال إلى دوزتي شي علاقة وفشلات. .. زعما واش فايتة مصاحبة
غزلان: هههه واش كنعاود ليك من الصباح... عمري تصاحبت و ارتابطت... عندي شي 3 أصدقاء دراري وعاادي ولكن التصاحيب لا... أما على هضرتي. . انا كنتعلم من اغلاط الناس وكيفما كان نوع الغلط .. فاش شي حد كيعاود ليا شي حاجة ولا كنسمعها فشي بلاصة كتلصق فراسي. .. و فاش كنتعرض لشي موقف مشابه كيدوز السيناريو قدامي. .. داكشي علاش بزاف الأمور واخدا منها موقف. .. و بصراحة واللهما عرفت واش هادشي مزيان. .. حيت بعض نوبات كيكونو شي أمور كتستحق تغامري فيها وماعرت تاني ...
حوراء : عندك الحق. .. هي مزيانة و خايبة. ..
غزلان: ههه وا كملي. ..
حوراء: شبعت و تgهمت
غزلان: ياله نمشيو باراكة علينا...
ناضو ب2 و رجعو فحالهم مشادات كيفما جاو. .. دخلو للدار لقاو آدم باقي
سعاد: صافي غدا نجيب ليك الماطيريال وتصايبهم ليا غير هنا
حوراء: نيت نشغل ايدي انا غير جالسة ...
- - - دازت شهراين - - -
حوراء خدمات مع سعاد حركات ايديها شوية حطو الموديلات لي بداوهم فالمحل و عجبو العيالات و بداو كيدومونديو عليهم و القضية كتنجح... و اصرات سعاد تخلصها على خدمتها واخا رفضات حوراء .... أما كرشها بدأت كتبان شوية حيت وصلات ل4 أشهر ونصف. .. مهليين فيها ولقات فيهم الخير لي مالقاتوش فعائلتها ... ارتاحت معاهم ولات فرد منهم. ..عمرهم حسسوها بالغرابة. .. وتا هي كتبقى وتعاون هي وغزلان بالتساوي. .. بخرجو ويدخلو ب2 ... ولات كتصلي وتفيق هي و سعاد و غزلان للفجر. .. بدأت كترتاح نفسيا ولات كتشوف الأمور بنظرة أخرى. .. تعلمات تشوف ايجابيات الحياة مابقاتش كتخمم لمصيبة لي فيها ...حيت بكل بساطة الحل بين أيديها و مستعدة تقاتل بأيدينا ورجليها باش تخرج من هاد المعركة رابحة ... مابقى للعيد الكبير غير يوماين ...
سعاد تحياتي هزات الشبشب: غتنوضي لمك ولا غنزرق لوالديك الجناب
غزلان كطاكي: شتي وا هزي عليا حتى المقدة والشاقور و التيو ديال البوطة و الجناوا و صباطك لي بالألوان واللهما نتزعزع ليك من هنا ... انا بقيمتي نهبط نطلع حولي. . راه واخا كنلبس غير القبيات والدجينات ولكن عندي احترام لنفسي ... و زيدون ما عندي مع الحيوانات وخاصة ديال العروبية...
بقات سعاد كتشوف فيها و البداية شادينها حتى دخلات حوراء لي كانت فالكوزينة ..
حوراء: خويا ادم كيعيط من التحت ...مالكم ..
سعاد: شوفي هاد المصيبة لي عطيني الله *هزات أيديها فوق راسها* انا هدا الله ... غنهبط الراسي...
غزلان: راه يهزو ويطلعو ولا طويل غير بالفم ... اصلا كنخاف منو
سمعوا التبعبيع و ادم كيهضر... وخرجو ب3 يشوفو لقاو شي ولد الدرب عاونو فيه ...
ادم: اوووف هاهو ... كيف جاك الوالدة...
سعاد: تبارك الله عليك اولدي عرفتي تختار ...
غزلان: اشمن عرف يختار ...هد السفود غنعيدو بيه ... انا راه كنبغي غير الشوا وانت بسلامتك اماما نص الحولي كتديريه قديد والنصف لاخر كطيبيه فالطنجرة من البرقوق كيجي حلو ومدسم وانا مكيعجبنيش حلو
سعاد: ساليتي ... ودخلي تجفي المرح ابنيتي قبل منكرات والديك من هنا ...
حوراء و الدري وادم ضحكو فيها حتى شبعو وقال خوها..
ادم: غير خليها الوالدة ... هاد البقرة غتبقى تهضر حتى تجيبها فعظامها
غزلان: بزاف عليك العجل
ادم: ياله اخويا طلع معايا هذا للسطح هادي راه مكتساليش
سعاد: الله يرضي عليك أولدي غير سمحلي ناس عدبناك معانا...
كملات الجفاف و طرفات الدنيا ... وشافت فالمرح وطلقات السروال ....
غزلان : ساليييت
ادم: وا كوبي الماء (زعما بحال الدري الصغير فاش كيدير خيش كيعيط على ماماه و كيقول ساليت و كتجي تكب ليه الماء ههه )
غزلان: قالك طبيب.... عزاك
سعاد: اجي لهنا الكارتة...
دخلات غزلان للكوزينة عاوناتهم حتى سالاو ودارت لي قالت ليها مها و خرجات للصالة جلسات وكان ادم تما جات حوراء تاهي وعاد سعاد هازا الطاجين و تجمعو يتغداو ويهضرو حتى سالاو و ناضت غزلان دات الماعن للكوزينة غسلاتهم ورجعت جلسات معاهم
سعاد: شوية وسيري تقداي لي باقي خاص للحلوى
غزلان غمضات عينيها ودارت راسها ناعسة
سعاد: العزوة اغزلان
غزلان: أري الفلوس
حوراء: ههههه طماعة
ادم: ههههه شتي القوالب
شافت فيه غزلان و كان شاد تيلي ديالو و داير لي كيت و هي تطل عندو وقالت: ماما كيتفرج فالمسخ ...
سمعها وناض ليها وعلقت ...
دازت العشية و خرجات حوراء و غزلان تقداو ورجعو عاونو سعاد فالشغال ... دازو دوك اليوماين غير فالتوجاد للعيد ... اليوم العيد رجع ادم من المصلى .. سلموا و باركوا العيد لبعضياتهم ... و تجمعو على الفطور ... حوراء واخا كتضحك معاهم ولكن تفكيرها كولو مع عائلتها شهور وهي غابرة عليهم معرفات ردة فعلهم كيف دايرة ... واش غضبانين عليها و حسو بنقص من جيهتها و لا تهناو منها ... واش خوها كيقلب عليها ... و أمها لي مريضة شنو حالها .. كولشي هادشي كيدوز فراسها و هي راسمة بسمة صفراء كاذبة فوجها...
غزلان: حوراء فين ساهية ...
حوراء: ها!! لا معاكم
غزلان: هاكي من العزية نتي بوحدك لي غنعطيك منها حيت نتي حاملة ... *شافت آدم بنصف عين * و شي بعضين لااااا
غزلان: مالك كدبت ... بنت الحرام كتطلع وتبقى دور فعينيها و طلع وتهبط و كل مرة تشوف نيت تسألني على حوراء ... ديك الروح الشريرة لي فيا كنشم الهضرة في نفسي غير بالزز باش منطيحكش فمواقف خايبة مع الكراية ديالك اماما و لكن للصبر حدود تطلع ديك اللفعة نهبط انا
ادم: هههه راجلها وولدها الله يعمرها دار هي لي عينيها كيدورو وسط راسها
سعاد: واشنو نديرو هي هكاك الله يهدي ماخلق ... نتوما تعلمو غير تشدو تيقاركم وماسوقكم فحد ... ديوها غير فريوسكم
غزلان: هاد الهضرة قولها ليها هي
سعاد: كلمة وحدة قلتها
غزلان سكتات و حدرات عينها الطابلة لقات غريبة طارت من قدامها شافت فادم هو الأول لقات فمو عامر و حابس الضحكة
غزللن: تهبط بالزحمة ان شاء الله ياربي
متوفرة على موقع قصص مدرب.. ادم قلب عينيه كيندل ويتلدد و يفقص فيها وهي مخصرة وجها فيه و قالت
غزلان حركات دراعها وقالت: إيييي لحمي بورش من كثرة ما ماحملتكش ... وجه المحكة ...
ادم: مغنقولك والو كفاية ليك غير غتغسلي الكرشة
غزلان كتقرص فيه: سكوت غتسمعك
سعاد: سمعتو ابنيتي اليوم غتنوضي على دوك ليايديدات
غزلان ناضت: الله يعاونكم
حوراء: ههههه حمقة ... حتا انا مكنعرفش نغسلها
سعاد: غنعلمكم كولشي
غزلان: بغيتي تقولي غتعلميها كولشي
سعاد: نتي باان ليا توحشتي الصندالة
ادم: وفين عمرك ضربتيها بيها الوالدة ههه
سعاد: المهم ... دوزي جمعي الماعن غسليهم و جمعي دار وتبعينا للسطح
غزلان: ايمتا يدوز هاد الصباح
حوراء: انا غنعاونها ونطلعو
سعاد: غير بشوية عليك ابنتي وماشقيش راسك بزاف
حوراء: متخافيش اخالتي راني باقية خفيفة
ادم: البنت باغية تحرك ونتي باركة عليها رتاحي .. راه بالعكس خاصها تحرك و تكون نشيطة باش متغلاضش و حتى الحركة غتسهل عليها الولادة ... سيري شوفي برا ... راه كتكون كرشها واصلة لفمها و كتدير الرياضة عاادي و كتشطح و دير اليوغا و زيد وزيد
غزلان: بحال هادو لعندنا غير كتعرف راسها حاملة كاتنشر رجليها فوق الفراش وتجيب مها تخدم عليها و كأنها غتولد ولي العرش ههههههه
حوراء: ههههههه
سعاد: ههههههه وعنداك ديريها حتى نتي
غزلان: شكيييكو دكرنا السمن والعسل مالك كتفايلي عليا اماما
سعاد: على مالك ابنيتي غتبقاي ليا عند راسي ...غيجي داك النهار لي تزوجي فيه حتى نتي و تقديري وليداتك
غزلان: لهذا يجيب داك النهار ... تزوجتي نتي اش درتي بيه ... خلاك ب2 نفوس مابقا سول فيك ماعرف ولادو اش بيهم ... وا السيد يمكن ماعارفش حتى واش عندو بنت ...
تقلب الوضع و جمعوا ضحكهم
ناضت سعاد جلسات حداها و شدات فايديها
سعاد: ماشي كولشي الرجال بحال بحال ابنتي كاين المزيان وكاينين لي لا ... انا ربي لاقاني بلي مامزيانش و مكتوب الله كيتصرف تهنيت منو وعوضني الله بخير الحمد الله ... متاخديش هاد النظرة الخايبة ... ربي غيلاقيك بولد الناس لي تستاهلي ويستاهلك وباقين ولاد الناس ابنتي ... هانتي ها خوك كيف كيجيك
شافت فيه غزلان لاقاها بابتسامة أخوية كيتسنى اش غتقول عليه ردات ليه ديك الابتسامة و عينيها مغرغرين وقالت : ولد الحرام مقطر 😊
وهو يهز البلعغة وناض ليها ...
ناض ليها و هي تخبطو مو و حامات عليها ... وشد الأرض كيضحك و قلبتها ضحك بيناتهم ...حوراء كانت قدامها كتضحك معاهم ... حتى دازت دمعة من عينها وهي ضاحكة ... مسات حنكها ومساحتها وهي تشوف فايديها وجمعات الضحكة ... تفكرات العيد مع عائلتها لي واخا كيدوز عادي ومافيهش بحال هاد الضحك لي قدامها ولكن على الأقل بين عائلتها والبال هاني ... ناضت دغية للحمام و سدات عليها ... جلسات وحدرات راسها بين أيديها. .. على الأقل تبكي شوية تبرد غدايدها و فقصتها فكرات شحال من مرة تمشي تطل عليهم من بعيد ولكن ماكايناش الجرأة ... داز وقيت لابأس بيه وهي الداخل غاطسة فتفكيرها ماقاطعها غير صوت غزلان كتدق
غزلان: حوراء .. فين غطستي اختي ياله نطلعو
حوراء: غير طلعي انا جاية
غزلان: واش كتبكي. .. خرجي اختي راه غير انا لي كاينة راه طلعوا
حلات حوراء الباب و ترمات عليها. .. عنوانها غزلان متوسطة وكتبت على ظهرها ... مهضرت ما قالت والو ... عارفة مزيان شنو بيها ... داك شعور النقص مقاسمينو ب2 ... وحدة نقص الأب و الأخرى عائلتها كاملة. ..
غزلان طلقات المميزات لي قمعاتهم قبايلة وكالات عليها حوراء لي بدأت تنخصص
غزلان: صافي اختي مكتوب الله كيتصرف ... غيجي النهار لي تجمعي بيهم ... انا لي معنديش أمل اختي ...
حوراء: والله اختي حتى نفسيتي عيات ... بغيت نتجاهل ولكن مقدرتش
غزلان: حاسة بيك ... انا عمري شفتو من غير التصاور و ماقادراش نتجاهل عاد لاعساك نتي لي عشتي معاهم
حوراء: مكرهتش نشوفهم غير من بعيد ونعرف غير اش واقع
سعاد: هاد الساعة لاقي معندكم ماديرو حتى يتدبح الحولي
سمعوا السرسار هبطت غزلان حلات لقات جارهم وولدو و طلعوا للسطح سلموا عليهم
سي عزيز: اشنو أولدي وجدتي
ادم: اه أعمي. .. كنا كنتسناوكم غير طلعوا
هشام: وايلاه نخرجوه ...
شدات حوراء و غزلان الركنة حدا سعاد ...
ادم وهشام خرجوه شدوه ليه عزيز و هشام و دبح هو .. خلاوه يتركل وكملو شغالهم ... غير جبدو الكرشة وهو يشوف ادم فحوراء وغزلان كيفاش فيهم
حوراء: هههه باغيها فينا 😂😂
غزلان: السخانة ... وجه المحكة تاعت غير لي يحكها ليه على كمارتو
سعاد: نوضي جيبيها راه خواها
غزلان: ماما عطينا حنا نشوطو و نتي غسلي داكشي
سعاد: تهزي بلا شوهة
ناضت غزلان شداتها عندو ومبعداها على وجها و ب2 صباع
ادم: تي شدي غنلوحها على كمارتك
سي عزيز: هههه أودي على بنات اليوم
داتها غزلان ولاحتها فالبانيو مخصرة وجها ...
سعاد: هههه راه ديك طويبلة غتسرحوها تما وتنقيوها و بلا متبقاي مخصرة عليا كمارتك تما
ناضت حوراء دفعات الطبلة وجلسات هي و غزلان كيتبعكو و سرقتها كينقيوها
غزلان: وا هي ناري كاياكلو غير تبن وكيخناز هكا .. إلا كانو كاياكلو اللحم اشمن ريحة غتكون. ..
حوراء بدأت تبوع: اوووع
غزلان: لا مديريش معايا هاد اللعب لمك ...
حوراء: اوووع ....ناضت للحمام كتجري
غزلان: وا تي غير بالشوية عليك ... وكلنا عليكم الله اش بغيتو فينا ايبخ تفو
جا خوها تاني ولاح عليها وحدة أخرى كتكون فيها تنيات إلى عرفتوها
ادم: حليه مزيان و غسليه
مشا وهي تحلو وطرح داكشي فايديها و خااانزين و بدأت روحها تطلع و كتحسي بديك اووع كتطلع و كولشي بدأ يضحك عليها لاحت داكشي و لحقت على حوراء ... لقاتها سالات و كتشم فالصابونة غير شافت ايدين غزلان و تاهي كتجي في عليها وهي تبدأ تاني
غزلان: وا مييمتي ... العزية كولها لي كليتها حطيتها يااخ
حوراء: غسلي يديك ها العار قهرتيني
غزلان: هاهي ... ياخ تفووو كنت ديما كنهرب ليها اليوم شدونا انا وياك ولكن والله لا قصتها مزال زيدي نيت شبعو فينا ضحك خاصة قدام سي عزيز و ولدوا البوقوس
حوراء: بوووقوس كتعتارفي 😂😂😂
غزلان: كاين فرق بين بوقوس و كنبغيه فهمتي
حوراء: هههه وا زيدي زيدي
خرجوا دازو من حدا ادم وهشام شبعو فيهم ضحك .. ووقفوا على سعاد لي كتغسلها
سعاد: ماشي كم نفع سيرو كملو ليا تشواط و حكوهم فقصتها ابنيتي
حوراء: دابا هضرتي اخالتي ههه
القصة أُخذت من 9esa.com.. كملو البنات شغالهم مع سعاد و سالاو سي عزيز و هشام و هبطت فحالهم ... جمعوا السطح و هبطو التحت ... دوش ادم و من بعد دخلات حوراء و غزلان
غزلان: ههه شوفي الكريشة بانت
حوراء: اااه بانت
غزلان: و مالكي اختي على هاد التغوبة طلقيها و خليها عالله
حوراء: داكشي لي دايرة حتى يفرجها ربي .. فراسك بديت كنحس بيه
دوشو البنات وخرجو البرى لقاو سعاد وجدات الغداء. . جلسو تغداو و طلعات سعاد و ادم من بعد للسطح باش يشوفو بولفاف و البنات يقاوم يجمعون الدار .... سالاو وتبعوهم ... غرفتها شواء و بداو مجمعين ...
غزلان: ماما
سعاد: اشنو ...
حورء: بغات تشوف واليديها
حوراء: نغزاتها
سعاد: وا بصراحة ابنتي بقات فيا والديك خاصة أمك ... يعلم الله بحالهم دابا ...
سعاد: والله ابنتي حتى عمرتي علينا الدار و ونسينا. .. واخا داكشي لي وقع ولكن بنت الناس ابنتي و قلبك ابيض ...
حوراء: أودي فاش نافعني هاد القلب الأبيض. .. انا راه مكلخة و غبية بزااف على نية
ادم: متقولش هكاك اختي ... عمرك تنقصي من راسك ... نتي بنت الناس و مخلقة و مربية و قلب ابيض واخا نية شوية ولكن كنظن دابا تعلمتي ماتيقي فحد ... و كيف قلنا ليك علي على رأسك و من بعد فاش تكوني قادر براسك و ولدك رجعي لواليديك عادي ليهم كولشي و طلبي السماحة
الغد ليه .... غادية حوراء مع غزلان و ادم الحافلات. .. كانت لابسة الخمار ... باش يتفاداو شي حد يشوفها ويعرفها... ركبوا فالطوبيس لي حطها فالبرنوصي و شدو طوبيس آخر و زاد بيهم ... حطهم فالشاريع حدا حومة حوراء ... هبطو و حسو بحوراء مترددة
ادم: مالك ... مابغيتيش
حوراء: لا غير خايفة ... خايفة نسمع بلي شي حاجة وقعات ... مترددة ماعرفتش ..
غزلان: متخافيش مايكون والو أم شاء الله غير تشجعي
شدات فيها و تمو غادييين وهي كتنعت ليهم .. حتى وصلو لقيام الباب و لكن بعاااد عليه
ادم: هنا فين كتسكني
حوراء: ااه ... كيفاش غنديرو دابا باش تقدري تشوفيهم
غزلان: بأن ليا نتسنا و حتى يخرج شي حد
حوراء: ااه هادشي لي بان ليا ...
وقفوا تما فالكل كيتسناو ... حتى تحل الباب ... بان ليهم خوها يوسف خارج هو وباه ... كيهضرو و مخنزرين كيف عادتهم ... حوراء تخشات وسط ادم و غزلان ... شداتها الرعدة من رجليها و الخوف منهم تفكرات عنفهم ليها ... و بلي أقرب الناس ليها ماحماوهاش و ماخداوش حقها ... مالقاتش فيهم الحنان والعطف و الاهتمام ديالهم ... واخا هكاك كاين شوية الحنين ليهم حيت كيبقاو خوها و باها
غزلان: ااه اختي ... هي منضنهاش بحال خوك على الأقل تعرفك بلي نتي لابأس. .
بانت ليهم خارجة ووقفوا عليها ..
ادم: السلام عليكم ...
بسمة شافت فيهم ب3 باستغراب وقالت..
بسمة: وعليكم السلام
غزلان: سميتك بسمة ياك ..
بسمة: اه ... وشكون نتوما اختي
ادم: كتقلبو على ختكم ياك؟؟
بسمة تحلو عينيها فيه و هي مدهوشة قلبها بدا كيضرب ونزلت دمعة كتجري مع حنكها و قالت ليه ...
بسمة: واش ...عندكم شي خبار عليها
غزلان: إلى قلنا ليك فين هي اش غديري
بسمة بدأت تبكي : كيفاش اش غندير ... راه ختي الصغيرة هاديك .. اكتر من شهراين وهي غابرة غنتسطاو عليها... هي باقية صغيرة و خرجات للزنقة يعلم الله بحالها وهي غير درويشة ونية و كولها عارفين الزنقة اش فيها ... ماعرفناش أختي واش واكلة ولا شاربة ... حتا العيد مادونا كيف الناس غير بفرصة ختي. .. عافاكم قولو ليا فين هي الله يرحم الوالدين. ..
بسمة وهي كتدوز أيديها عليهم بترجي دازت على حوراء لي عينيها كيتلألؤو بالدموع .. وقفات شافت فيهم حيت مايخافاوش عليها عيون ختها .. خبطات حوراء النقاب و بأن وجها الباكي ...
حوراء: غير سمحيلي ليا اختي ولكن كان ضروري نمشي ...
بسمة: علاش .. ياك كولشي تعرف علاش مشيتي
حوراء: كانت شي حاجة ماعارفينهاش...و كون بقيت كون قتلني يوسف ...
بسمة: شنو هاد الحاجة
خدات حوراء ايد ختها وحداتها على كرشها حسان بيها منسوخة وحصلت ايدها على فمها وشافت فيها بصدمة ...
حوراء: هادشي علاش هربت اختي ...
بسمة: الله ياربي واش هاد المصيبة. .. و كيف طرا .. ولد من؟؟
حوراء : عادل .. و لجماعات شنو سميتو ... والله اختي الوحيد لي قاسني و مرة وحدة ..
بسمة رجعت عنقاتعا وهي كتبكي
بسمة: باقية صغيرة ياختي على هادشي ... واش هاد المصيبة كتابت عليك. .. كون غير انا ولا نتي ...
شدات فحناكها ومسحات دموعها ...
بسمة: صافي مايهممش اختي .. حنا غنهزوك كيفما كان الحال نتي ختي وهادوك واليديك ماغايلوحوكش للزنقة ياله ترجعي لداركم ... كون تشوفي حالة ماما ديما سخفانة و طايح ليها السكر النهار كامل وهي تهضر باسميتك... بابا بقى فيه الحال واخا مكيبينش .. داك النهار منين رجعو و مالقاوكش ناض الصداع و الحومة كولشي تخرجو فينا ... تبرى منك قدام الحومة ...
حوراء؛ كيفاش؟؟ اهى اهى لهاد الدرجة ماعندو قلب عليا
بسمة: راك كتعرفيه قال هكاك غير نفسو الحارة و هو نقصان ماكلتها تاهو وديما معصب... يوسف ندم لي ما قلبي على داك الكلب لي دار فيك ديك الحالة و ضارب هو وداك صاحبو لي خطبك مابقاوش كيتحاملو واخا كانو عشرة ديال سنين ... و دابا كيقلب عليك ... صافي رجعي فحالك واللهتا كولنا مشغولين عليك تم النسخ من قصص مدرب..
حوراء كتبكي: منقدرش .. منقدرش .. إلى رجعت معاك غنرجعو بخطوات لووور تاني ... دابا عندي مسؤولية وخاصني نتحمل بوحدي ... غلطت و خلصني نخلص و نتحمل مسؤولية غلطتي ...
بسمة: كيفاش؟؟ فين كتنعسي ؟ و شكون كيصير عليك ؟؟ وشكون هاد الناس
حوراء: هادو هما لي عتقوني من الزنقة .. دخلوني لدارهم بيناتهم ... ووكلوني وشربوني و تهلاو فيا ... هاد العام غنرجع لقرايتي و غنكملها أن شاء الله ... و نهز ولدي راسي...
بسمة: مزيان اختي والله فرحتيني بهاد الكلام ولكن ديريه بياناتنا
بسمة: اه .. عندك الحق ولكن اشنو غديري قولي ليا فين كاينة باش نبقى نجي عندك ...
حوراء: من الاحسن ماتعرفيش ... عطيني غير نمرتك نبقى نعيط ليك نتي و ماما راني ماحافظاهاش...
بسمة: أري فاش نكتب
ادم: هاكي ديالي
خدات من عندو وكتباتها .. شافت فيهم وجرات حوراء لعندنا وقالت فودنها
بسمة: واش هاد الناس تقة بعدا؟؟ كيفاش مدخلينك بيناتهم بلا مقابل ؟؟؟
حوراء: متخافيش عليا اختي ناس تقة وكون تعرفي اش دارو على قبلي الخير لي مالقيتوش فبابا وخويا لي من دمي ... هادو خوتك ولاد المراة لي أنا جالسة عندهم. . ظريفين وولاد الناس ... هما لي قنعوني نرجع لقرايتي و نوقف على رجليا ... دايرين بحال ختهم الصغيرة ...عرفتي بغيت نجي نشوفك و حلفو عليا يمشيو معايا ...
بسمة: باينة فيهم نقيين وولاد الناس ماشي ديال الزنقة ولكن واخا هكاك ردي بالك ...
حوراء: متخافيش عليا ... حوراء لي خرجات ماشي هي هادي لي قدامك
بسمة: وقفتي على كلامي دابا ... شتي فاش كنت كتقولي ليك الدراري غير كيلعبو .. عقلي فاش كنت كنقول ليك ديها فقرايتك ...
حوراء: ندمت لي مكنتش كنسمع كلامك اختي ... كون تكمشت فحالي و قريت مانخرجش بهاد النفس لي فكرشي و دابا كنفكر ليه غير هو .. دعي معايا اختي الله يوفقني ويسهل عليا ...
بسمة: ماما تهدني وسمعيني ... حوراء متقدرش ترجع و انا خليتها حيت عندها الحق
سناء: وعلاشش
بسمة: حوراء اماما .... حاملة
سناء: اوييبلي ...
بسمة: اه اماما وكرشها كتبان .. الى رجعات مغيرحموهاش و هي حالها احسن من انها تكون معانا ... راه تلاقات مع واحد المرة و دخلاتها بين ولادها قالت ليا مهليا فيها ... و جاو معاها باينة فيهم ولاد الناس ... قالت ليا راه جالسة معاهم ... و غترجع لقاريتها باش تهز راسها من بعد ...
سناء: الله ياربي على بيتي الله ... توحشتها مالك ماجبتيها على الاقل غير نشم ريحتها ونطمن عليها .. ديني عندها ..
يسمة: غتكون مشات اماما و زايدون ماخاصش بابا يعرف بلي جات عنااااك
سناء: على انا حمقة ... يكفي انه هو السباب حتى طجات ليا وماعرفتها فين زادت ... واش عطاتك العنوان ديالها
بسمة: لا مابغاتش ولكن خدات نمرتي وغنبقاو نهضرو معاها ...
سناء: اوووف حمدتك وشكرتك ياربي غير منين هي بخير وعلى خير ... واش غدير فالولد لي حاملة بيه ... وهي باقية صغيرة على المسؤولية وماعارفة وااالو
غزلان: نااري على قوالب ... دارت ليا بحال شي بيبي خلاتو يلعب بشي حاجة حتى نساها وحداتها ليه ولكن واللهتا غنلقاها حيد ...
حوراء: ههههه طيبو شي حاجة وهنيو ريوسكم الحلوة غتشبعكم
غزلان: سكتي نتي ...
بدات كتقلب هنا وهنا مالقاتش بدا يقلب معاها و داز بين الفران و التلاجة بانو ليه شي غوامل و برمة و كسكاسها حلهم بالصدفة وهو يلقاهم ... وبدا يضحك وقفات عليه حوراء وغزلان وقف هز بانيو صغير حداه وبدا يضرب فيه وكيغنييو بالشوية و غزلان كتشطح شطيه معوق: اييه الحلوة الحلوة ...ايييه الحلوة الحلوة ...
حوراء: هههه اوييلي تونا سكتو غتفيق خالتي...
تحناو حفنو فايديهم و رجعو يدو داكشي دارو لقاو سناء واقفة عليهم بالصندالة كتسنا ... دوزات حوراء حيت حاملة و حاصرات لصوص الحلوة كل وتحد معمر فومو بحال السناجب و جلدات معاهم للجناب و بداو يتناقزو و جرات عليهم ...
غزلان: ناري وعتاتني 😂😂😂
ادم: هههه ياخ طاح ليا النص ...
حوراء: واللهتا قلبتو عليها هههه تم النشر على قصص مدرب..
سعاد: باقي لوالديكم شي حد يعتب الكوزينة نهرس ليكم الرجلين ... فيكم السينتة 😡😡
بعد مرور 5 اشهر ... حوراء وصلات ل8 اشهر ونصف من الحمالة ... تقلات معمرة وقتها بين القراية لي كل مرة شادها واحد منهم ... لاحظت بلي عندها الخاطر والنفس للقراية ... حيت هاد المرة عندها هدف وخاصها توصل ليه ... شرات حويجات للبيبي بالفلوس لي كتربح مع سعاد ... كتهضر مع امها و ختها فتيلي يوميا ... غزلان و ادم شحال باش رجعو للقراية الاوضاع كلها مزيانة وتحت السيطرة ...
8 العشية دابا جالسة حوراء متكية حدا سعاد فالمرح ... حتى دخلو ادم و غزلان سلمو وجلسو ...
حوراء: لا اخويا مابغيتش نخلي. الاتر ورايا منقدرش ...
يعاد: واشنو تولدي هنا فالدار راه واعر عليك ابنتي
حوراء: حتال داك الوقت ويحن الله ... بغات تنوض ومدات ليها سعاد ايدها حتى وقفات ...
حوراء: انا فالحمام ...
سعاد: بالشوية عليك ابنتي ...
مشات شادا جنبها حتى دخلات ...
غزلان: خالعاني بهاد قسوحية الراس ديالها ...
سعاد: متخافيش ها هو طبيب عندنا فالدار ...
ادم: هههه الوالدة ... التوليد ماشي اختصاصي ... اصلا بقي متخرجنا باش تسميني طبيب 😂😂
غزلان: العام الاخير ماشي مشكل ...
كانت حوراء فالحمام ... و شي حريق قابطها من جنابها ... قضات غراضها و توضات و خرجات ... مشات لبيت لبسات عليها و جلسات كتصلي حيت متقدرش تحنى ... جلسات كتسبح و تدعي الله يوفقها و يسهل عليها الولادة ... باقي داك الوجع فكرشها ... ناضت و تكات حتى دخلات عندها غزلان باش تبدل...
غزلان: و يحسن عوانك اختي راه ماساهلاش .. غير صبري وصافي ...
حوراء: داكشي لي كندير ...
غزلان: ياله رتاحي شوية نمشي نعون ماما ...
حوراء: واااخا
خرجات غزلان و خلات حوراء كتفكر و تخمم ... كتقيس فكرشها وكتهضر ...
حوراء: يعلم الله باش حاملة واش ولد ولا بنت ... اش غنسميك ... سمحلي اولدي غتجي لهاد الدنيا و ضروري غتكرفص معايا ... مدنبك فوالو داكشي علاش مغنتخلاش عليك و غنربيك ونوفر ليك لي محتاج و ياربي يقدرني على هادشي ... اححح ... الله ياربي اش هاد الوجع ... قال ليا ادم الى جاني الوجع نمسد كرشي و ندير تمارين التنفس ... *بدات كتطلع النفس و تخرجها حتى رتاحت شوية و نرخات وداتها النعيسة *
بعد مدة جات سعاد طل عليها باش تخرج تعشا وفيقاتها ...
سعاد: نوضي ابنتي تعشاي ...
حوراء: غير خليني اخالتي ماقديتش بغيت غير نعس ...
سعاد: لاواه ابنتي ضروري تاكلي شوية ... نجيب ليك هنا
3 ديال الليل .. و حوراء كتقلب ... و الوجع غمازايد و كيزيد ... وقفات بمشقة الانفس ... شافت فغزلان فالسرير حداها ناعسة ... شدات فجنابها ب2 و بدات كتمشا ... عادية جاية كتعض على شفايفها ... ظهرها وركابيها كيحرقوها ... و الماس كيقطعو وسط كرشها ... وقفات منين حسات بالماء دافئ هابط مع رجليها ... هنا عرفات بلي جا الوقت باش تهز ولدها بين ايديها ... كتعدب فصمت و مابغات تفيقهم حيت اكيد غيديوها للمستشفى ... بدات كتبكي فصمت و صابرة كطلع النفس و تهبط و كتطبق نصائح لي سمعات من ادم زيادة على داكشي لي قرات هاد الايام فالانترنيت ...
خرجات للبرى المرح ... و جلسات فوق السداري ... هادشي لي طاح فبالها ... وسط الظلام ضو خفيف ديال الزنقة داخل من الشرجم ... جلسات و حيدات سروالها حيت حسات بلي كيخرج ... حطات رجليها فوق السداري و بدات كتدفع و تعصر ... عرقات و دموعها دايزين ... كتحارب وسط الظلام بوحدها ... خدات زيف راسها و عضات فيه باش مميخرجش صوتها ... كتدفع وكتدفع حتى تشعل الضو ...
كانت سعاد لي نعاسها خفيف ... و سمعات انينها الخفيف ... و جات عندها كتجري ...
سعاد: حوراء!!! مالك ابنتي .. كتولدي ؟؟😨😨
حوراء: عتقيني ... كنتقطع ... اااااااي ...
حوراء مابقاتش صبرت .. حماتها غوات .. و كتدفع و تعصر بالجهد .. سعاد كتدوز عليها ايد وشدات فيها كتصبر فيها ... وكتطل على راس البيبي لي بدا يبان ...
سعاد: ااادم ... ااادم ..
خرج من ليتو مشقلب و مضهشر : مالم اوالدة .. اش واقع ..
سعاد: اجي عتق اولدي .. حوراء كتولد ...
حوراء شافت ادم و ردات البيجامة عليها ... و كتغوت ... خرجات غزلان تاهي مضعشرة من الغوات .. تقدم ليها ادم ... ولكن بانت فبها بلي نابغاتوش يقيسها حيت اكيد حشمات منو ...
حوراء كتزيد تعصر و تغوت ... سعاد حداها متقرى عليها القران و تمسح ليها عرقها و كتنش عليها ...
غوات غوتة وحدة و دفعت مزال حتى خرجو كتافو ... جلسات حداه غزلان لي جابت داكشي لي بغا خدا من عندها الفوطة ... و شد بيها البيبي لي غير خرجو كتافو تزبق فايديه ... و ظهر ليهم بلي ذكر ... قلبو و خوا داكشي لي في فمو باش يتسرحو ليه مسالك التنفس ديالو وحماها غوات قطع الحبل ... و حطو بين ايديها و شداتو كتبكي ... شداه كيبكي و كتبوس فيه .. دموعها دايزين و كلشي كيشوف فيهم متأتر ...
سعاد: مبروك عليك ابنتي ... هاهو بين ايديك ...
غزلان: غزال ما شاء الله مبروك عليك اختي ...
ضحكات حوراء ليهم وعينيها على ولدها لي كيبكي فوق سدرها ... حتى ترخات وفقدات الوعي
الحوراء الجزء الثالث
محتوى القصة
التنقل بين الأجزاء