خداه من عندها ودخل معاها ... سدات الباب كتفرد يديها مع بعضياتهم بتوثر وصدرها كيطلع وينزل . مشات جلسات جامعة رجليها فوق الناموسية وتكات بكوعها على المخدة .. شدات لامير فيدو باستها وبقات كتلعب ليه فشعرو وهوا مغمض عينيه ويحيى متكي حداه من الجهة الاخرى خاشي يدو مور ضهرو كيحك ليه ويبوسو فعنقو مغمض عينيها ... كل شوية كتهز عينيها فيه حتى كيبغي يهز راسو وكتهبط عينيها ... بقاو هاكاك لفترة حتى بداو عينيها كيتلسقو ويدها كترخى هابطة مع عنق امير ... غمضات عينيها شبه ناعسة وعقلها مع يحيى اللي حداها تحت الضوء الخافت ... شوية حسات بصبعانها كيترحركو بشوية ... تزير قلبها وشدات فراسها كتنفس مرعودة كتحاول متحلش عينيها ... كتسمع لصوت حراكانو فالفراش ويدها فوق ضهر امير كتحرك .. حسات بيدو طالعة مع يدها ببطىء حتى لشعرها .. تجرات زغبة تحت عنقها لاور بشوية وحسات بصبعو ففكها كيلمس بشرتها حتى وصل لفمها ... شوية دخلات يدو بين شعرها وعنقها لمس رقبتها نفس سخونة قريبة من نيفها غاديو وكتقرب حتى حسات بشفايفو فوق شفايفها وسط قبلة ساخنة وهي تحل عينيها بشوية كتنهج ... شافتو ساد فانح عينيه نصف فتحة وكيقبل شفايفها قبلات متتالية ببطىء .. بلعات ريقها وبادراتو نفس القبلة وهوا يشدها من رقبتها شدة حنينة بكل جرأة ودخل معاها فقبلة طويلة كيمص وجر فشفايفها وغادي كيتكى عليها وهي كتميل حتى نعسات على ضهرها وبدا طالع بجسمو فوقها تدريجيا مع قبلات على شفتيها وخدودها وعنقها . محسات براسها تا لقاتو كيحيد ليها البينوار وكيهري ليها كرشها وكيقبا صدرها وجنابها وهي مي الزبدة دايبة صوت انفاسها كيتسمع ... شوية شوية حتى جردها من ملابسها وانساجمو الاجسام تحت غطاء واحد ... اهاتهم كتسمع بصوت خافت ولهيب انفاسهم واجسادهم عرق الفراش بلا مينطق حتى واحد فيهم بكلمة . بقا امير ناعس حداهم لايح رجلو على نونوس وجالس كيشخر .
🍂🍂صبح الحال وصبحات ناعس على جنبها مغطية صدرها بليزار ابيض ... بدات كتحل عينيها شوية بشوية وهي تفكر الواقعة ... هزات راسها بالزربة لقات راسها عريانة تحت الفراش .. تلفتات حداها مالقاتوش .. لقات غير امير ناعس ... وبدا كيقلبها كيضرب بسرعة وهزات راسها بغات تنوض وهي تسمع الباب دبيتها تحل وجلسات مغطية راسها بليزار وشعرها مطلوق وجها حمر ... بدات كترمش حشمانة ومتوثرة كترعد .. شافتو جي داير ابتسامة على وجهو لابس سروال توني رمادي وتشيورط كحلة .. شعرو فارزك وعينيه مجبدين ... ارتاحت نسبيا مللي شافت ابتسمو وبدرتو نفس الابتسامة حشمانة وخدودها حومر .. كترمش وتشوف لتحت وترجع تشوف فيه وهوا واق داير يدو فجيبو ..اخر هزة هزات اراسها شات ابتسامتو تبدلات وولات جانية وكيجر سدو من الجيب .. استغابات وابتاسمات ابتسامة مجاملة بارتباك . خرج الفلوس من جيبو وشدهم بين صبعانو وهزهم فوجها
يحيى: كانت ليلة زوينة ... مكرهتاش تعاود مرة اخرى (غمزها)
حط ليها الفلوس فوق الكوافوز ومشا خرج خلاها جالسة فبلاصتها كتشوف فيهم وشادة الغطاء بيديها ... تبلوكات ومشا اللون الاحمر على وجها وصفارت وماقدراتش طلع النفس ... تحجرو الدنوع فعينيها وهي حالة فمها متيقاش ومكدير حتى حركة .. يبسات بحال الحجرة متحركاتش .. فاق امير وتقلب على ضهرو كيلعب برجليه
امير : ماما ...
مرداتشة عليه ... الصدمة كانت كبيرة وقوية لدرجة مقدراتش ترمش حتى ناض امير طلع ليها على ضهرها من اللور وهي كتمايل مقدرانش تحرك كتافها ... كلشي مات عليها ... شوية سمعات صوتو داخل وهي مزالة على نفس الوضعية دخل كيضحك عند امير
يحيى : ميمو ... فقتي ... اجي يالاه نخرجو ... خلي ماماك مزاال تابعها الدوش وتنقي راسها ... واخا خاصها برودويات اللي نقيوها من لداخل ماشي غير من برى
زادت عليها هضرتو بحال السيف حامي على قلبها ... هز ولدو وخرج خلاها كترعد فيلاصتها ... دموعها المححرة نزلو سخان على خدها ... ناضت بخطوات بطيىءة دخلات للدوش كتبكي وجلسات تحت الماء كتفرد رجليها مع الارض وضرب فالارض وتبعي وتهبد وجها بديها وتندب .. جلسات كضرب فخادها حتى فشلات ومابقاش عندها الجهد اللي ينهز شي حاجة .. جلسات تحت الماء حتى عيات بالبكى وجمعات رجليها ساهية كتنخصص وقفات بالزربة بدات كتغسل وتحك وتفرك بعصبية كتحاول تمحي لواقعة ، سالات الدوش وخرجات جرات باليزتها جمعات فيها حوايجها وحوايج ولدها كاملين وجمعات شعرها بقراسة ، لبسات سبردلية ودجين تريكو رمادي فوقو جاكيط الكوير وخرجات من الغرفة دفعات الباليزة لبرى ، هزت الفلوس من فوق الطبلة وهبطات للطوموبيل حطات حوايجها ورجها لداخل للاوتيل كتقلب بعزيمة واصرار عليه حتى لقاتو جالس مجلس امير حداه وسام كيدور بجنبهم ... وقفات عليه قدام كلشي ولاحت ليه الفلوس فوق الطبلة وهرجات عينيها فيه
اسراء: على قبلك انا تبدلت وبدلت شحال من حاجة فيا .. ولاكن متستاهلش ... وباش نخليك تبغيني وتبغيني بخاطرك ماشي بزز ولاكن باش تحتارمني .. غتحتارمني بزز منك ماشي بخاطرك
يحيى: ببرودة) كي جاتك الرجولة ؟ هادي هي الرجلة اللي كتعجبك نتي ياك
اسراء: بهادشي ديالك بردتي قلبي من جيهتك افلان ... سمعتي .. رجعتي صرفك دابا ... رتاحيتي ... عااحبك الحال ... ايوا عرفتي شنو ... بلا متسنا مني نرجع ليك الصرف حيت كيما قلت ليك بردت دابا من جيهتك ومطلعتيش هاداك الانسان اللي كنت راسمة فخيالي واللي بغيت بصح ... (حلات صاكها جبدات المذكرة) شد ... مابقا عندي منظير بهادشي ... وحسن اللي درتي ليا هاكا باش حتى انا نتفك ونرتاح ونبرد من جيهتك . . . ومنبقاش كنفكر فيه 24 ساعة على 24 ساعة ... كنتي قبل خليتي دكرى زوينة نتفكرك بيها بالتعامل اللي درتي معايا و فين ما نتكرك كنتفكر كيفاش كنتي وهادشي اللي خلاني نتعلق بيك ونتا عاارف هادشي ... وكنصوني عليك ونتا عارف ومسايرني ... وليت هبيلة بسباب الحب ديال الزفت ... ولاكن دابا ... كيما كنت كنتفكرك ونتفكر تعاملك معايا وبغيتك ... دابا غنرجع فين ما نتفكرك غنتفمر اش درتي ليا ونكرهك ... بااقا الايام توريك
اسية: صاافي دابا .. غير بلا متزيدي تكنلي عليها بالهضرة راه غتمشي تقتل راسها ... اللي فيها مااافيها وانا كنت عايقة بيها باغا ترجع ليه .. ساعة طلع ماشي راجل
سحر: انا خاارحة مع الباب دالرياض تلاقيتو فالباب داخل عاقد شوكتو هاز امير ناعس ... موحال ماع واش رد ليا البال انا اللي دايزة من حداه ... كرهتووو كرهتووو مابقيت حملت فيه الشعرة
اسية: هادشي يبقا بيناتنا ... ودابا داكشي اللي قلت ليك هوا اللي ديري ... راه اسراء يا اما غتموت يا اما تسطى وحدة فجوج ... وبلا متزيدي تندميها
تنهدات سحر وناضت دخلات عندها للبيت لقات وجها حالتو بالبكا. .. جلسات حداها حطات يديها على شعرها بحنية ... حلات اسراء عينيها على لمسة يد سحر وشافت فيها وبدات كتبكي وتنخصص ، عنقاتها سحر وجلسات كتبكي معاها وتسكتها
سحر: صاافي ... كلشي كيغلط حتى واحد ممعصوم من الخطىء ... ونتي غلطتي وهانتي خلصتي بلا منزيدو عليك حتى حنا بالهضرة ، راهم تشوهو كاع فاليوتوب ودارت بيهم بوووم وداز شهر كلشي تنسا بخال الى عمرو ماكان وكيت لي كلاها مسكين ونتاحر مشا لا دنيا لا اخرة ... انا الشوهة فالمغرب حداها شهر وكتسالي وكتجي شوهة اخرى تنسيك فاللولة
اسية : ومع حنا تبارك ليك مناقصين شوهات كل يوم فضيحة مدوز مي العجاجة وتمشي ... ياما فضحو البنات عريانين وياما شوهوهم ودازت وقيتة كلشي نسا .. وهاداك خيينا نبصن ليك عليها ميقدر ينشر الفيديو حيت غيتشوه حتى هواوغيشوه الولد ويشوه خوه ومرت خوه وغيزيد ارونها وصافي
سحر: انا بعدا الى مشا حتى دارها منضرب تما الضربة نجي فحالي واها يكون خوه عسل .. منصبر لهضرة تبنادم ... وكيما قلتي نتي ميقدرش ... غير بغا يحيد الحضانة وصافي
سحر: انا كل مرة نشد امير نعمرو .. نقوليه ماناك توحشاتك ماماك مريضة خاصك تشوفها ماماك كدا وكدا واخا خصني نطرجم هادشي فغوغل باش تعرف نهضر معاه ... المهم غنسيفطو عامر عند يحيى
جلسو كيهضرو وكل وحدة كتبرد الحو من جيهتها ويساندوها .
توادعات معاهم اسية مشات وبقات اسراء فبيتها بوحدها ساهية طول الوقت حتى سمعات الهضرة برا وطلقات ودنها ... كان صوت سيمو كيهضر مع اسية ، تنهدات وتكات كتحاول تنعس .
طلات عليها اسية لقاتهت ناعسة وسدات الباب خلاتها ناعسة وخرجات جلسات مع سيمو فالصالون
سيمو: كاين شي عشاا ؟
اسية: فين بقيتي تا لدابا ؟
سيمو: كنت كنشطب الزناقي! كنت كندور منضورش؟
اسية: سير راه العشاء فالكوزينة
سيمو: سكينة مزال ماجات؟
اسية: ونت مالك سوقك
سيمو: وابغيينا غير ناكلو ماكلت العراسات قبل منعسو
اسية: غير سير تنعس سكينة كتجي تا للصباح ... فالصباح فيق مع الستة كولها
اسية: هاهيا حدايا متبغاتش تهضر معاك ... وهااا العاار الى ما تفرق عليها ... خليها تعيش كي الناس راك خرجتي عليها وخرجتي علينا حتى حنا معاها .... ياك الولد ديتيه وشنو مزال باغي عندها دابا؟ ها ولدك معاك ايوا خلينا نعيشو هانيين ... خديتيها وردة بجدورها يالاه كتفتح للدنيا ونتا كبر منها ... لعبتي عليها وضحكتي عليها وهي صغيرة ماعارفة واالو . اش بغات من هاد الدنيا من غير ولدها ... كتجري غير على ولدها باغا تهنا بيه ... اللي فجهدها دارتو عقلها خرج ليها وزدتي نتا كملتي عليها ... حساب ليك مفراسناش ... حمقتي لبنت الله ياخد فيك الحق .. حسبي الله ونعم الوكيل فيك حسبي الله ونعم الوكيل فيك
بقا ساكت مجاوبهاش وهي تقطع عليه .ربعات يديها
سيمو: مالكم اش واقع؟
اسية: غير يحيى ومشاكيلو .. عمرنا نتهناو من هاد الصدع يخخ تفوو
مشات دخلات كتسوط لبيت اسراء لقاتها ناعسة والتيليفون كيصوني .. مشات حلاتو وهزات التيليفون وهرجات من البيت دخلات لبيتها سدات عليها وبدات كتقطع عليه .دفكل مرة صونا
اسية: ماعرفت اش باغي كاع ! الشماتة لاخر ينعل بو ششي زوااج الى كان بحال هاكا تفو
جلسات كتقطع عليه شوية وصلها مسج من عندو
فتحات المسج " اسراء جاوبيني بغيتك ضرووري "
ردات ليه اسية المسج " ضرب على هاد النمرة واهر مرة تتاصل بيا مابقات جامعاني بيك حتى حاجة "
نقز سيمو على السوارت وخرج لقا سكينة عساسة على الباب
سكينة : ههه عطاتك
سيمو: تسنايني هنا هانا جاي
سكينة: غنمشي للحانوت
سيمو : سيري طريق السلامة
سكينة: وديني معاك ... عارفتك غادي ضرب بيها ضويرة
سيمو: غنمشي نحيد واحد الضرسة مدايزش من الطريق اللي غادا فيها نتي .
مشا وخلاها واقفة بقا فيها الحال .. هزات الصاك بعصبية وخرجات كتنكر وتسب فيه .
يوم على يوم واسراء شادة الفراش فحابة اكتآب مكتخرج مكدخل وحتى تيليفون مكدورش بيه ، اسية كل مرة كتلفها وتلهيها وتحاول تخفف عليها . دارت السيمانة وهي على نفس الحال فكل مرة يغلبوها دموعها وتبقى تبكي على اسية وتشكي . واحد الليلة كانت ناعسة فبيتها ببيجامة قصيرة مقابلة اغنية رومانسية كتبكي عليها حتى دخلات عليها سكينة كتجري قفزاتها
سكينة: ختي اسراااء عرفتي شكون جا اليوم للمحل
اسراء: لا شكون؟
سكينة : هاداك راجلك هوا اللي جا ... كنا خدامين كل وحدة شنو كدير ودخل وقف فاالباب داير يدو فجيبو وبقا كيشوووف فالحانوت ... شافني وجا عندي قالي نتي اللي ساكنة مع اسراء قلت ليه اه ... قالي فين مشات واش مكايناش ... قلت ليه شي سيمانة هادي وهي مريييضة كتمووت مخرجاتش من بيتها
اسراء : بغضب) يعطيك الموت .. علاش تقولي ليه كنموت عاد مغيزيد يعجبو الحال ... قولي ليه مسافرة مشيت لميريكان كااع ولا فشي قنت بيييخير
سكينة: وا محسابليش
اسراء: ايوا .. زيدي كملي
سكينة : صافي سولني عليك قالي واش راها بوحدها فالدار قلت ليه راه كاين خوها وختها وقالي سلمي عليها ومشا
اسراء: جا بوحدو ؟
سكينة: شفتو نزل من واحد الطونوبيل كحلة واااعرة ... واش كبير بصح! ماع مكيبان كبير ... لابس مزيان ومفركس ونتي هنا مريضة كتموتي
اسراء : اه كبير غير كيبان هاكاك ... مهلي فراسو ها لاصال ها هادي تعطيه 26 عام ماشي بحالي انا يعطيوني 30 عام
سكينة: حتى نتي زويينة وطويلة وعندك لاطاي كتحمق بحال ديال فاتي جمالي غير نتي فالوجه زوينة عليها وكتباني صغيرة
اسراء: مطلعة حاجبها) مالقيتي بيمن تشبهيني !
سكينة: وراه غير الفورمة ماشي فالوجه .
اسراء: نوضي خليني نمشي ندوش
ناضت دخلات للدوش شافت وجها فالمراية ودوزات يديها على حنكها .. شافت راسها كي ولات وكي دبلات ... هزات راسها بحزم وخرجات من الدوش .. جمعات حوايجها دالحمام كاملين فالصاك ولاحت عليها جلابة مع صندالة دالصبع وخرجات كتقلب على السوارت ديال الطوموبيل ملقاتهمش . . . نزلات لتحت لباب دالعمارة شافت بلاصت الطوموبيل خاوية وجبدات تيليفونها شعلاتو لقات 77 ابيل من عند يحيى ، استغرابات وهزات خنافرها تاصلات بسيمو
اسراء: بغضب) ااالوووو. فييينك .. داااااباااا احس عندي للباب ... جيب تلطوموبيل الله يعطي الغرااق الله يعطيك حد بوك شي موصيبة ... والله وماتجي داابا حتى نمشي نديكلاري بيك
قطعات على وجهو وقفات كتنهج معصبة ... عيات تسنا فيه ماجاش وتخركات على رجليها شدات بتي طاكسي داها للصالون ديالها ، دخلات للحمام ديريكت مسلمات على تا واحد . فركوها مزيان وفركو ليها يديها ورجلوها وقادو ليه الحالة وخرجات جلسات شدات كطالوك ديال الصبايغ
اسراء: سيمو ... بدل ليا هاد اللون طلع ليا فراسي ... دير ليا سوان وصبغ ليا شعري بشي ماغون فاتح ... هاد المري رجع كيبيني بحال الى شرفت
سيمو: خلي هاد الكري وديري عليه الموف بااارد كيجي زوين
اسراء :دارت يدها على جنبها كتشوف فيه مطولا) واش بصح نتا بعقلك؟ ولا واكل شي حاجة؟ جاي كضحك بال الى بايتة قصارة معاك لبارح
يحيى: ههههه هانتي قلتيها ... بايتة قصارة معايا بحال الى مكان لا مشكل لا حتى حاجة ... عادي ناض الصدع وبرد واش نبقاو شادين فيه ! هانتي شفتي كنا فمشاكل قدها قد السخط وفاللخر تتكغ (غمزها)
يحيى: صاافي صاافي ... هانتي دابا جيتك من اللخر .. وكنت كنتسنى فوقاش تباني باش نهضرو .. حيت بصح كان خاصنا ضاروري نهضرو مور ديك الليلة ومكتابش ... دابا قلت ليك شنو كاين .. اش بان ليك؟
ناضت وقفات : سمح ليا ا يحيى ... انا ماشي فواحد الحالة اللي نجاوبك دابا ... خليلي شوية ديال الوقت نعرف راسي من رجليا .. مغنجاوبك لا ب اه لا ب لا ... وعاد وليتي كتخلعني ورجعت متوقعة منك اي حاجة
يحيى: مهم ... جلسي فكري مع رااسك مزياان وامير راه غنجيبو ليك يبقا معاك
اسراء: كي درتي خرجتي من الحبس؟
يحيى: بكفالة ... حيت عندي شي مشاكل ديال الورث
. وحتى انا دزت من واحد الضرف قاصح ديك الايام وراسي كان عامر بمشاكلك طلع ليا كلشي فراسي ... حتى تهدنت وخرجت
اسراء : امم.. انا غنمشي دابا ومتبقاش توقف ليا فطريقي وكل مرة تخرج ليا من جهة ... نفسيتي مرضات هاد السيمانة وشوية دابا رتاحيت
يحيى: كنعيط ليك نقوليك غير راه الفيديو مسحتو حيت عرفتك مغيديكش النعاس ومكتجاوبيش .. كن جاوبتي ديك اللي نيت كنتي غتهناي من جيهت الفيديو . ساعة نتي راسك قاصح وكتجيبيها فراسك
هزات صاكها ومشات قدامو كتعوج ، طلعات فطوموبيلتها سدات عليا وتكات للور ... تنهدات تنهيدة طوييلة وتحركات باش متبقاش فالبلاصة اللي فيها هوا زادت شوية حتى للسطوب وهي توقف معجبة !
اسراء: اجي ... علاياش غنجاوبو؟ ياكما فهمتو بالمقلوب وهوا قصد ليا شي حاجة اخرى وانا مشيت غالطة؟ اوييلي علاياش غنجاوب؟ تلفني حتى مابقيت عارفة منقول واش اه ولا لا ... وعلاش اه وعلاش لا علاياش غنجاوب؟ نرجع نسولو؟ ويييلي هاحنا بدينا فالتبرهيش... لالا خليني حتا نشوف كي ندير ليها .. اففف
ساكت وكملات طريقها مشات تقدات حوايج جداد ودوزات وقتها فالشوبينغ وارتاحت نفسيتها من بعد الحوار اللي داز مع يحيى . رجعات بحالها للدار لقات اسية كتنفض المخاد ومشات وقفات ليها عند راسها ، دارت يدها على جنبها وخرجات عينيها
اسراء: اجي نتي ... علاش معطيتينيش نهضر فالتيليفون مع يحيى ؟ علاش مقلتيش ليا راه كيعيط؟
اسية: اش بغيتي بيه؟
اسراء: كان كيعيط ليا على حسب الفيديو ... باش يقول ليا راه مسحو ونتي مقلتيهاش ليا
اسية: شتي نتي الى موصلكش لسبيطار الحماق هاا وجهي سيلي ليا ... راه جالس كيتفلا عليك ونتيق تيقيه
اسراء : وصاافي راه مكنتيقش غير قلت ليك كن قالها ليا حسن
اسية: ونسااااايه نساايه ... واش متقدريش تنسااي ؟
اسراء: راك غييير كتهضري .. ماشي نتي اللي فيلاصتي .. نتي ديتل راسك مابعيد عليك ولد ما مزعوطة بحالي ... حمدي الله ... كتشوفوها سااهلة ماهلة حيت مكتحسوش باش كنحس انا ... انا اللي ولدي بعيد عليا كنخمم ليه ... وماشي لخاطري نجي وننساه بسهووولة ... راه انا اللي كنتعدب وكنمرض .. ومكرهتش نساه ويرجع عندي انسان عادي ولاكن مقدرتش ومنقدرش ... عرفتي علاش؟ حيت كنبغييه ... وهاد الكلمة مغتفهيمها حتى تبغي شي واحد ونجي نقولك نسايه عااد غتفهميها ... لانعاس يجيك ولا راحة تلقايها ومحدك بعيدة عليه وعايشة المشكال ونتي كتخلصي على قلبك وتمحني وتعدبي وتشواي ... راه الراحة مدوقيهاش ... اما فاش تكوني معاه منقولكش السعادة اللي تقدري تعيشيها وتحسي بيها ... بحال الى نتي بوحدك اللي سعييدة فهاد الدنيا... داكشي علاش انا هضرتك ا اسية مكتحركش ليا المشاعر ... وديك شوفي ليك واحد اخر ينسيك فيه.. انا راه واخا تجيبي ليا ناعرفت شكون مينسيني فيحيى ... كيما هوا خايب راه زوين ... خاصني غير انا نكون مزيانة معاه راه معمرني نلقا بحالو ولا شي واحد يدير ليا داكشي اللي كان هوا دايرو ليا ... هاد الهضرة تجسك نني عادية ولاكن انا راه مربوطة بسناسل وعندي معاه ولد .. واخا نبغي نسا ولدي ميخلينيش ننسا... هادوك اللي كتشوفيهم نتاحرو ولا حماقو راه ماشي غير جاو ووقع ليهم هاكاك .. راه معالم بيهم غير الله وانا وحدة منهم حياتي بلا يحيى كحلة واها يدير ليا اللي دار .. راه غير كنصبر فراسي وصافي
اسية: صاافي كلا ليك مخك ؟ ضحك عليك بجوج كلمات؟
اسراء: راه ربي كيشوف ... الى كان هوا ضحك عليا بدوك جوج كلمات وجاوه ساهلين يخرجهم انا راه دوك جوج كلمات غيحددو لبا مصير حياتي ... والله اللي غيخلصو الى كان بصح كيتفلا عليا .. اما انا مابيدي مندير تربطت واللي عطا الله عطاه ومكرهتش نتفك
اسية: عنداك تكوني كتلاقاي بيه؟ راه ماشي غير احي وطفي الغضب راه فيها سييين وجيييم .. هانا علمتك عطيه التيساع وعنداك تمشي معاه مرة اخرى راه نقوبها للزوهرة وشوفي باشمن وجه تشوفي فيهم ديك الساعة
الدخيلة الجزء 16
محتوى القصة
يتبع
التنقل بين الأجزاء