ناضت وهوا يوقفها علي بجدية ) الى درتو شي حاجة متلومو غير راسكم ... يحيى ما مشا معاها الا وباغيها وجامعهم ولد .. هادا دنب والى درتوه تحملو مسؤوليتو الى صح انشاء الله وعرف هادشي اللي درتو ضبرو راسكم .. هانا علمتكم
الزوهرة: لالا اوليدي ا علي ... مابقات عشرة مع هاداك ... كلا للبنت مخها وضحك عليها ... الى كانت هي هبيلة حنا ماشي مسطيين ... الللحم الى خناز كيجمعوه ماليه
سحر: اويييلي راه متبغيش... واش بغيتوها تنتاخر ولا دير شي موصيبة؟
الزوهرة: بجدبة) حيدي قادمي
مشات هس وحسن قابلو الطبيب وتافقو معاه على الاجهاض .
الطبيب: خاص موافقة الزوج ديالها
الزوهرة: ممزوجاش اسيدي راه مطلقة وحنا ولي امرها ... ديك الكرش خصها تحيد
حسن: حيديها وبحلاوتك
الطبيب : على بركة الله
خرج من البيرو مشا دخل على اسراء لقاها ناعسة وخرج الكل ... عبر ليها الضغط وابرة ليها ابرة مخضر وخرجوها من الغرفة مغمضة عينيها ومغطية بليزار ... دوزوعا قدام عاءلتها اللي واقفة ..
علي: لا حولة ولا قوة الا بالله
الزهرة: واقفة دايرة يدها على جنبها وحشن مقتانع بالقرار اللي خداو ... اما الحاجة هازة خنافرها فالسما والبنات واقفين كيشوفو فيها بأسى وحزن
هبطوها للبلوك وماهي غير بضع دقاءق قليلة وطلعوها مخضرة ... دوزوها قدامهم لابسة لباس المرضى ومغطية ... رجعوها لبلاصتها وعلقو ليها السيروم وخلاوها مع مها وخواتاتها
الطبيب : صافي اسيدي ... درنا ليها الاجهاض
الزوهرة: بالزربة!!
الطبيب: الحمل كان يالاه فالبيدايات ديالو باقي غير دم ... غير بواحد لاباراي من تحت كتمص كلشي ف 10 دقايق ... ماشي عملية
الزوهرة: الى فاقت بلا متقولو ليها راه خيدتوه ... خليها حتى نقولوها ليها حنا
الطبيب: اللى عليا درتو ... والباقي عليكم
خرج وخلاهم مجموعين عليها
الحاجة: عاد تهنينا ... الله يقوم ليا ولدي وحفيدي على خير
الزوهرة: حنا اللي تهنينا ... ها العار متقولوش ليها راه حيدناه ... خليو حتى دوز هاد العجاجة وعاد نقولوها ليها ... ماخصنا غوات ولا شي كارتة دابا
الحاجة: غير مللي تفكينا ... ها فمنا مسدود .. ضبرو راسكم معاها حنا مابغينا صدع ما بغينا مشاكل
بعد فترة بدات كتخل عينيها بزز دايخة بالبنج مكتقدرش تهضر ... بقات متكية ساهيا والبنج مأثر عليها لفترة .. النهار كامل وهي مجبدة فوق البياص مرخية كتهضر بصعوبة
اسراء: اسية ... فاقو ؟
اسية: ماعرفتش اختي...يمكن فاق يحيى ... حيت فاش جابوه فيقوه فاق فالانعاش وعطاوه مهدىء ورجع نعس لا هوا لامير
اسراء: بصوت تقيل) بغيت نشوفهم
اسية: رتاحي دابا شوية ...
دخلات الزوهرة: امير فاق وبيخير دابا حيت مشربش الماء بزاف راه كيهضر مزيان غير رجلو اللي مريضة مسيكين كلاها
تمشا معاها واقف ما نقوص ما حتى حاجة ... كيعرج شوية وكيكحب ويشد فصدرو ... دخل عند امير لقاه ناعس وقف حداها حط يدو على حنكو وباسو وبدا كيمرر يدو على راسو وعلى شعرو ... شد ليه فيدو الصغيورة وباسها
يحيى: كن مشا كن تسطيت
اسراء: وانا ... كن وقعات لشي واحد فيكم شي حاجة كن حماقيت
شافيها وابتاسم وعنقها بيدو وباس راسها .
يحيى: ناري ... الصراحة الولاد صعاب بزااف .
اسراء: عزيز عليك امير ههه
يحيى: وراه تقريبا رجع هوا حياتي .. ماشي قضية عزيز عليا ... راه النار شعلات فيا فاش مالقيتوش بغيت نموت ومنبقاش حياتي بلا بيه
اسراء: و انا؟
يحيى: نتي هي كلشي ... نتي اللي جبتيه وغتجبي وحدين اخرين ... يعني بلا بيك راه مكاين والو
ملاحضة : عملية الاجهاض فالشهر الاول كتحتاج 10 دقاءق فقط بحال الى دوزتي على الضرسة لان الجنين موازنش وكيتمص بابرة كتمص كلشي عن طريق الرحم .. وهاد العملية كاين اللي كسديرها بالبنج وكاسن اللي كيديرها بلا بنج لانها محرد عملية مص الجنين وهوا باقي نقطة دم مزال ما وزن ... اللي كيديرها بلا بنج كيتقصح وكينوض قبلاصتو يخرج يتسرار ويمشي لقهوى مكيحتاج نعاس ولا راحة وكيتبع بعض الادوية وكيبقا يحس بالوجع فكرشو .. واللي كيديرها بالبنج مكيحس بحتا حاجة وكيمشي البنج وكينوض صحة سلامة يشرب الدواء ويخرج يضحك ويغني ... هادو فالاشهر الاولى اما الى الجنين كان وازن فكيحتاح عملية طحن داخل الرحم . وهادشي كاامل خرام فحرام فبغيت نفسر ليكم قضية الاجهاض ف 10 دقاءق لاني شايفا ناس جهضو و سولتهم عاد جبت المعلومة
الصباح ناضت لبسات شوط لاسق ديال القطن وديباردور دسالو ودارت فوقهم جلابة كحلة جابتها ليها مها هي وبلغتها وجمعات شعرها ومشات عند ولدها لقاتو فايق وجالس كيشوف فرجلو . دخلات عندو بابتسامة وهي يهز يديه باغي يبكي
امير: ماما.. سام عضني فرجيلة ديالي
اسراء: هزاتو وبساتو) لا سام غير جرك باش ميديكش البحر اماما
امير: مي لاللة قال ليا سام عضني وهوا خايب
اسراء: شكون مك لالاك ؟
امير : مي لاللة
اسراء: واش ماما انا ؟
امير: لا
اسراء: مامات باباك؟
امير : اه
اسراء: شوف اولدي ... نتا طحتي فالبحر وكان غيديك وسام مسكين تخلع عليك وبغا ينقدك من البحر المتوحش وجرك من رجلك داكشي علاش قصحك ... هوا ماشي عضك ... ياك هوا صاحبك وكيدافع عليك
بدات كتوريه تصاورو وهوا صغير .. مرة فايق مرة ناعس مرة معنقو يحيى مرة شادةه هي
امير: شكون هاد البيبي؟
اسراء: هادا محمد اميييير صغييور
امير: انا ههههه
اسراء: ههههه غادي ناكلك على هاد الضحيكة شي نهار
باشتو فحنكو وهوا كيضحك ورجعات كتوريه وهوا كيرضع حتى نعس . تنهدات و دارت ابتسامة وهي دوز مكالمة
اسراء: الو
يحيى: حبيبة... وصلتي؟
اسراء: اه .. عاد رتاحيت شوية ... كي بقيتي نتا؟
يحيى : الحمد لله ... متعدبتيش فالطريق؟
اسراء: لا ... رتاحيت دابا مللي دارنا عرفو كلشي ... مابقاش عندي مناش نخاف ... دابا خايفة غير يدوز عليا عاوتاني الوحم بحال اللي داز عليا عند امير
يحيى: غير متكرهينيش وصافي ههه
اسراء: لا انشاااء الله ياربي مغنكرهك ما والو
يحيى : انا فاش نخرج غنهضر مع باك نيشان
اسراء: شتي دابا مللي عارفين ... ماعنديش مشكل واخا تبان كرشي ... المهم حتى تبرا نتا وتحل مشاكلك مع عاءلتك ... ويتهدن الوضع شوية وديك الساعة هما بزز منهم فاش يشوفو كرشي بدات كتبان غيقولو ليا رجعي
يحيى: حتا هادا نضر ... خليهم حتى يشوفوها وبزز منهم نرجعك . . . ونيت بلا منتصادعو معاهم خليهم حتى يوليو هما كيقولو ليك رجعي ... انا ناوي نردك ولاكن ماباغيش عاوتاني ندابز مع واليديك ... بغينا داكشي بالخاطر انا بزز راه سااااهل ومن غدا نخرج فيهم طول وعرض ونرجعك ... وعاوتاتي مابغيتش نفرق بينك وبين واليديك
اسراء: هانتا شوف ... خليهم دابا على راحتهم وخليك بعيد عليهم ... وخليهم هما اللي تجي منهم ... مع نيت كيخافو من الفضايح ميبغيوش يتفضحو
يحيى: اودي ... والله ممسوق انا لشي واحد .. دير ليا طق فالراس نجيهم نيشان من اللخر مافيها لا حيا لا حشمة ... وراهم عرفوني نهار الاول فالخطبة عندي نيشان نيشان بلا زواق بلا مسيح الكابة
جلسات حدا الزوهرة كتندب وضرب فخادها والعافية شاعلة فيهم كاملين ... ناضت هزات تيليفونها هضرات مع المحامية ديالها عاودات ليها شنو وقع وقررات توكل مخاميتها لخوها سي محمد .. تافقو على الموعد فالصباح ورجعات جلسات كتخمم وتفكر وتبلاني بوحدها والزوهرة كتندب بغات تموت بالفقصة ... مامعسوش الليل كامل وحتى واحد ماداه النعاس .. تفكيرهم فولدهم اللي تشد و ختلتو كي غتكون وشنو واقع ليه بين القضبان .. تكات راسها على الكخدة هازة هم كبر منها فالسن وكتخمم ليه حتى غفات عينها ... ضرباتها الفيقة على صوت الحديث والشجار القوي بين حسن والزوهرة واسية ، ناضت براسها تقيل هلاتهم كيهضرو على الموضوع ومشات لبيتها غسلات وجها ولبسات سروال دجين مقطع من الركبة ووديباردو ابيض وفوقو جيلي ديال التوب بحال القميجة بلا يدين نتزل على مأخرتها وشاداها بحزام من الامام فالزيتي يديه معرين سبرديلة من شانيل فيها الحجر .. طلقات شعرها ودارت عكار حمر فقط وريحة وهزات صاكها ونضاضرها وخرجات لقات الزوهرة لابسة جلابتها واقفة
الزوهرة: يالاه دينا نشوفو اش وقع
اسراء: الطوموبيل معنديش خليتها فواحد البلاصة غنمشي غير فالطاكسي ... عندي واحد الغراض غنقضيه وندوز عند المحامية نشوفو كي نديرو نخرجو
الزوهرة: بترجي كتبكي) الله يرضي عليك ابنتي متهليش خوك مرمي فالحبس .. الله يفرشك ويغطيك بالرضا خرجيه واخا تعرفي تعطي عليه الفلوس المهم مابقاش تما ... راه غنموت الى بقا مرمي فالحبس كلنا غنمرضو وحياتو غتمشي ومستقبالو غيضيع
اسراء: واخا صافي انا غندير المستخيل ومنخليهش تما راه خويا
الزوهرة: وهي كتبكي بحرقة شادة فصدرها) كدبو عليييه ابنتي كدبووو عليييه ... ميمكنش يتكرفس على شي بنت راه ولدي وانا عارفاه مستحيل يديرها ... يدير كلشي الا يغتاصب
اسراء: الا مان بصح غتاصبها يستاااهل يبقا تما ... بنات الناس ماشي لعب ... حتا نتي ماتبغيش اللي يغتاصب ليك بنتك راه تجوجنا واخا هاكاك تكرفسنا سيمانة منقدروش نمشيو عساك الاغتصاب
الزوهرة: وراه كدبو عليييييه بغاو يغرقوه
اسراء: ها حنا غنشوفو واش كدبو عليه ولابصح
الزوهرة: انا غنمشي نتبع باك راه هبط ... غنمشيو نشوفوه
اسراء: واخا سيرو حتى نلحق عليكم
نزلو كاملين ... اسراء رمبات بوحدها فطاكسي واسية والزوهرة وحسن ركبو بوحدهم . مشات للحس اللي خلات فيه طوموبيلتها وجلسات كتقلب على الفيلا حتى لقاتها وبدات كتصوني وتسرسر كطلب الله يخرج ليه شي واحد يفتح ليها الباب تخرج طوموبيلتها ... بقات واقفة كتصوني وتفرك يديها مع بعضياتهم حتى تحل الباب وهي توقف قدامها بنت زوينة لابسة بيجامة بشورطها وضفارها طوال طالقة شعرها
طلعات فيها اسراء وهبطات باستغراب
اسراء: شكون نتي؟
البنت: انتي اللي جايا ... نتي اللي شكون؟
رجعات اسراء بللور: بلاتي بلاتي ..
رجعات جوج خلفات كطل من الباب دالحيد اللي فجنب الفيلا من القنات لقات شيارتها مزالة محطوطة تما وهي تعاود ترجع للباب عاقدة حجبانها
اسراء: هاديك الطوموبيل اللي داخل ديالي ... ونتي شكون؟
البنت : بلاتي اختي شوفي مع العساس
اسراء: فين هوا هادا؟ واش نتي كتجي شي حاجة ليحيى؟
شافت فيها البنت باستغراب وهي دور وجها كتعيط : خااالييد ... خاااليد .
خرج العساس زربان وجهو مكيتفسرش ودتفع الجبهة مخرج عينيه
اسراء: السلام ... نتا العساس دهاد الفيلا؟
العساس: ايه الالا اش حب الخاطر
اسراء: ديالمن هاد الفيلا؟ واش ماشي هادي هي فيلا دالشي يحيى ااسباعي؟
يحيى: عرفتي شنو ديري ... ديهم للرياض ... راه دابا خااوي مافيه حتى واحد ... كلشي راهم معايا هنا غير ديهم لتما
اسراء: واخا انا نشوف واش يبغيو ... شنو نقول ليهم؟
يحيى: قولي ليهم غنديكم لاوتيل وديهم .. اصلا داك الرياض غنرجعو اوتيل غير حتى نصفي الحريرة مع خوتي راه مزال معاهم فالمفاوضات
اسراء: ويلا جاو ولقاوهم تما ... نبهدلو الناس عاوتاني؟
يحيى: دابا راه كل واحد خرج سكن بوحدو من نهار مات الواليد ... قولي لحادة صحاب يحيى وهي تعطيهم بيت زوين وخليهم يجلسو فيه ... راحنا ماشي ولاد الخرام ولا ولاد الجوع نرميو الناس على برا .. حنا ونكونو منبغيوش يوقع لينا هاكا
اسراء : واخا .. نتا تعرف ... يالاه انا غننضر معاهم و التيفونا بيناتنا
يحيى: ههه.. منخافش عليك راكي كبابل
قطعات وجلسات كتسناهم حتى نزلو هازين باليزاتهم معاجيهمش الحال وهي تنوض بابتسامة
اسراء: سمحو لينا بزااف على هادشي اللي وقع .. الا بغيتو نديكم لاوتيل جديد يالاه تحل غيعجبكم بزااف . . . وخااوي حيت مزال مدرناليه اعلان وافتتاح باش يعرفوه الناس ونتوما غتكونو اول وحدين غنستاضفوهم ... وغندير معكم صمن مناسب كونكم او وحدين . . . اشنو قلتو؟
الشاب: اممم...حنا مكيهمناش الفلوس .. كيهمنا راحت بالنا قبل كلشي
اسراء: وعلى راخت بالكم قتارحت عليكم هاد الاقتراح . . . شوفو الاوتيل وعاد حكمو
الشاب: نشوفو هاد الاوتيل ويكون خير
اسراء: مرحبا ... يالاه نمشيو
خرجات هزات طوموبيلتها وطرثات البيبان بيديها وتبعها الشاب وصديقتو فكاط كاط اودي موراها حتى للرياض ... حطو سيارات فالبارك ونزلات كتبتاسم معاهم ... دقات حوج دقات باليد النحاسية فالباب الخشبي الكبير المزخرف .. حلات ليها حادة شافتها وهي تصدم بالفرحة
اسراء: دخلو مرحبا بيكم
حادة: بهمس) شكون؟
اسراء: صاحب يحيى ومرتو ... وياااك طولي معاهم الهضرة راه يقطع ليك يحيى لسانك .. ديما مسمعتش مشفتش مقلتش
دخل الشاب والشابة شاظة ليه فيدو شافو روعة الرياض وجمالو وصالتو ..الوانو المتلءلة والشلال الصغير اللي فالقنت هوا والنافورة والدروج الرخامية .. ايوابو الخشبية الكبيرة المزخرفة وارضيتو الامعة مع اشجار وطبيعة وورود ملونة مغروسة فالارض فمل بلاصة ... بقا الشاب سارح كيتأمل بعينيه وتلفت بابتسامة للبنت لقاها كضحك
الشاب: عجباتك البلاصة؟
البنت: زويييسسن بزااف ... وحتى الطبيعة اللي فيه زوينة....مختالف ... انا شمعت رياض حساب ليا شي رياض صغير وعادي ... مي هادا كبير معندي منقول فيه واها نبغي نتخيلو منقدرش .. واااو
الشاب: الفيلات معروفين ... نفس التصميم نفس الصور داير بيهم ونفس الجرادي ولابيسين ... كنشمع فيلا اطومواتيكمو كتخيلها ... مي الرياض لا ... هادا عندو لمسة خاصة بيه ... فيها خير جينا كتاشفنا هاد الاوتيل ... وماطحناش فالاسوء
اسراء: اففف... هانا غنشوف كي نديرو ليها مهم غنخرجك ... دابا غنهضر مع الادارة يحولوك بوحدك
ناض سيمو عنقها: الله يحفضك اختي اسراء والله تانتي رجووولة ومعمرني ندوزك
عنقاتو ومشات باغا تبكي وقلبها كيتقطع على خوها ... هضرات مع الادارة وحطات ليهم فلوس باش عزلوه فبيت بوحدو ... وماخرجات حتى طمنات عليه وشافتو فبيتو عاد خرجات مشات عاودات المشكل للمحامية
هضرات مع المحامية وحكات ليها على قضية خوها ورجعات فحالها للدار لقات الزوهرة واقفة ليها عند الباب كتسناها
الزوهرة: شنو درتي ابنتي؟ واش شفتيه ؟ مشيتي عندو؟ ايماااا يا يمااا كن شدوني انا وطلقو ولدي ... ايما كيغيدير يبات تما .. مخلووع مسكين مخلوع ... خرجو ليا ولدي خرجو ليا سي محمد ولا نموت لكم هناااا (طاحت فالارض) انااا مزااوكة ابنتي راه خوك مكتخليهش تما ... انا مزاااوكة فيكم خرجحو ليا سي محمد راه قلبي كيتشوا عليه اهىءاهىءاهىء ... انا مزااوكة فيك ابنتي يا اسراء خرجيه ... واخا تعطي عليه كلشي ... كلشي يتعوض الا خوك عمرو يتعوض ... راه خووك ابنتي خووك اهىءاهىءاهىء
اسراء: بأسى ) صافي اماما راه بدلو ليه البلاصة ... مغيتلاقا بحتى واحد وغيبقا بوحدو فواحد البيت ... راه فيه تلفازة كيتفرج ويتلف وعندو طواليط بحال الى جالس فالدار وماجيت حتى شديت ليه البيت ب20 الف ريال لليلة وخلصت ليه 3 ايام على بيدمن يخرج
حسن : الله يرضي عليك ابنتي ... انا راضي عليك دنيا وآخرة كيما مكدوزيش خوتك انا راه راضي عليك ومفرشك ومغطيك بالرضى (عنقها) سيري ابنتي عمر بي يخيبك
الزوهرة: كتبكي) ايماااا على سي محمد بقا كينقز حتى خرج على راسو ... اايماااا الى مشا حتى حكمو عليه غيسكت ليا القلب . ايما هلدي عمرني فكرت فيها ولا فكرت فيها ... فأخر يامو يمشي ليا للحبس
اسراء: راه ماشي شي مشكييييل اللي ديري عليه هاكا ... واش غير اجي ودخل للحبس حسابك هاديك اللي دعاتو غدوز ليها طريفة ؟ مكاين طب مكاين تحاليل مكاين واالو ! نزلات من السماء ودعاتو ... غير بلاتي عليها اللهرة ليها معايا انا ... غير ختا نعرف شكون هي وينفرجك فيها
الزوهرة: الاللة خرجي غير خوك من تما ... مغنعس مغنشوفو الى بقا تما
جلسات كتعاود من الاول حتى للخر وهوا كيتسنط ليها مصدوم حتى سالات
يحيى: وشنو ناوية ديري؟
اسراء: ****
يحيى: لالالا خلي حتى نجي ... هاي هاي هاي تفرعنتي ... هادشي كامل خرج منك اشعيبية
اسراء: ومالها متستاهلش؟
يحيى: ماشي ديالك اسراء هاد الفعايل ... وماشي ديال البنات الزوينين بحالك ... مهم هادشي اللي باغا نتي ديري خليه حتى تكون معاك ... اما باش تمشي ديري الي عجبك بحال الى مكاينش الراجل اللي يحكمك لا
اسراء: مهم نتا دابا قلتي ليا مانديرش شي حاجة من راسي ختى نعلمك.. هانا علمتك
يحيى : كنتي غتجبدي المشاكل بيناتنا عاوتاني كن مقلتيهاش ليا... ديجا قلت ليك متخططي ما تفصلي الا بعلمي ... راك شفتي شنو وقع بسبب البلانات اللي كديري مور ضهري
اسراء: اووف وصافييي ياك دابا قلت ليك شنو ... ومغندير حتى حاجة بلا خبارك
يحيى: اوك هاحنا غنشوفو
اسراء: يالاه .. انا غنمشي نتعشا ... بيزو حبيبي
يحيى: بيزو حبيبة
قطعات تيليفون و جلسات مع امير حتى سالا ماكلتو ودخلاتو حك سنانو وعطاتو رضاعة شدها وبقات متكي حداه حتى نعس وخرجات تعشات مع العاءلة ومضوع الساعة اللي هوا السيمو ومشكل ديالو
اسراء: هانا رجعت عندك وها التقدية كااملة هنا جبت ليك كلشي ... شي طايب شي طيبو راسك سيمو: راه عندي تلاجة فالبيت.. حسن من داك الكوري اللي مجموع فيه 40 واحد شي كياكل شي
سيمو: ديك خيتي باقا غا قاصر ياغا تلبق ليا انا منتف منتوف بحال مها .. وديك مها واحد بنت الق*** اسطورية معروفة فدربهم ... انا فاش عرفتهم اش كيسواو قلبا عليها وهي تلبق ليا منتف
اسراء: فين ساكنين. ارا ليا نشوف ها البنت
سيمو: دخل الفايسبوك نوريها ليك ... راه مها كتسربي فواحد القهوة دالشيشة
جبدات تيليفونها ودخلات للفايس كتكتب السميية اللي كيملي عليها سيمو وهي تطلع ليها وحدة لابسة توني مزير بحال الكولون والفوقاني دييالو مزير وعندها مؤخرة وصدر معري وواقفة بالجنب هازة مؤخرتها
سيمو : هي هادي
اسراء: يعععق... اش هاد السورفيت لابسة كاملة مزوقة بالنمر وديك الكلاكيطة دالدراري وداك الشعر صفر كي الخرقون وحجبانها مكحلاهم كي جن دايرة ليك الخالة قالك ! باينة فيها مشرملة هاد خيتي مالقيتي ما تهز ! بان لك الطرق ونتا تكربع !!
سيمو: قلب وجو) وصافي دابا تبقاي تشغري علينا عاوتاني ... اش عرفني انا فلباس البنات .. والموضة ديالكم! بان ليا داكشي وازن وانا نوقف عليها
اسراء: صافي ... هانا غنمشي نتفاهم معاها
سيمو: راه مها خاايبة حضي راسك معاها
اسراء: واشير سير واش مالي انا كنرضع صبعي ! راه كن بغيت فيها الخدمة دااابا نحط عليها الف درهم عند شي مشرمل ويهز زيزوارة يمشي يهبط ليها على وجها ويضربها بأحسن تسافيرة فكتامة بديك الف درهم .. وتمشي تشد البرد ديك الساعة .. هانا مشيت، انا عارفة اش غندير مع هادي لا هيا لا مها
الدخيلة الجزء 18
محتوى القصة
يتبع
التنقل بين الأجزاء