قصتي مع خولة ومرت باها الجزء السابع

ناري على ميما كيدايرا تا صطاتني الزعورية ولعينين طياحين ولاطاي بحال شي دلفين اخويا هههه سلمات علينا ويلي اليدين رطبييين صاف دخلنا للفيلا تا راه الصداع واحق الرب انا مافهمت شي حاجة فديك الفيلا لالا راه قصر ماعلينا داتنا للصالون بدينا نهدرو هيا قالت انا سمتي ناهد قلت ليها انا ربيع قالت ليا نتا الخدام الجديد ياك قلت ليها اه قالت لداك السميار لي معايا اجي تبعني تبعها لواحد القنت صاف هاهيا جات و السمسار مشا فحالو وخلاني بوحدي قالت ليا انا نشرح ليك خدمتك اربيع نبغي الجردة دالفيلا ديما مسقية ومقادا وتبدا تصخر ليا قلت ليها كيفااااش قالت ليا غير تهدن مالك كاتزب وماتغوتش راه ماعزيش عليا لييغوت قلت ليها نخدم اه داكشي متافق عليه اما باش نتصخر نونو سمحيليا قالت ليا ربيع عندك بيرمي قلت ليها اه قالت ليا هاهوا المشكل تحل غادي تبدا تهز طوموبيل ديالي وتمشي تجيب الصخرة هههه ويلي ويلي على ضحكة شداتني والفرحة مانعاودش ليكم قلت ليها اه صافي دابا مزيان ضرباتني لفخضي وقالت ليا شفتي غير ماتبقاش تسرع وراه كولشي يكون مزيان جبدات واحد الجوا قالت ليا هاك شد هادشي قلت ليها اشهدا امادام ناهد قالت ليا عافاك قول غير ناهد بلا مادام قلت ليها اشهادا اناهد قالت هدا شي مصروف عتابرو تصبيق قلت ليها لالا سمحي ليا باقي ماخدمت معاك ماكاينش لاش نشد الفلوس قالت ليا ربيع مالك ديما متسرع بديت ساكت قالت ليا عتابر هدا تسبيق وراه الفلوس غير خنز الدنيا والله قلت ليها فخاطري اراي ليا داك الخنز نتطلا بيه انا ينعل بوك ههههه قالت ليا هاهوما انا الفلوس عندي وكولشي ولاكن محروما من شحال من حاجة هههه فكراتني فخولة والله صاف سديت الجوا قالت ليا غدا غادي تبدا الخدمة ديالك تافقنا قلت ليها نشاء الله شديت داك الجوا كانحس بيه تقيييل وعامر هههه خرجت غير ضرت فواحد الدورة وانا نحل داك الجوا اوووو نووو الزرقة تضرب الزرقة ريوكي سالو هههههه وانا نقول ولايني ولد الطحبة هاد السميار غادي يكون دار معاها شي تسمسيرا مزيانة على هاد القبل ولاكن علاش انا من دون بنادم 100 سؤال فبالي صاف بديت نحسب فالزرقات نعام سيدي لقيت 3000درهم وايلي بزاااف على هادشي قلبت واحد الورقة مكتوب فيها هادشي غير شوية من بزاااف هههه تا الفرحة باش حسيت مشيت قصدت مول الحوايج شريت لخوتي 3 لبسات للواحد شريت لراسي كومبلي وكلاس باش مني نبدا نخرج مع خولة نبان ملعق شوية الخبار فراسكم هههه قصدت مرجان شريت لانشون والاتواش الفرماج والحليب وداك الهايت دالملعقين المهم شريت داكشي قصدت الدار والميكات فايدي كاع الدرب حاضيني هههههه صاف دخلت للدار شافتني الواليدة قاالت ليا هاي هاي على وليدي بست ليها الراس جاو خوتي قيسو داكشي عجبهم شافت فيا الحنانة قالت ليا وليدي عافاك الحرام مانبغيهش يكون عندي فالدار قلت ليها لالالا والله ماحرام غير واحد المراة خدام عندها وتكرمات عليا وعرفات ضروفي قاسيين وعاودت ليها البلان صاف خرجت مشيت عند موحماد خلصت ليه الكريدي قلت ليه شوف اي حاجة بغاها الخوادري ولا الواليدة عطيها ليهم جبدت1000 درهم قلت هاك التسبيق بلازيادة بلانقصان راه برب تزيد علينا تانبدل المحال ونمسي عند لاخر قال وايلي اولدي ربيع اشكاتعرف عليا قلت اييه اخالي موحماد كانعرفك وكانعرفك مزيااان قاليا اوا السلامة يالله اولدي نديرو صفحة جديدة مشيت للدار درت شوية اونطريمون وصلات ديك 19:00 دوشت وتكوتيت بالفرماج والحليب ههه ناس ديال الهاي هههه صاف عرفت دنية ضحكات ليا( وفكل دقيقة كانشكر الله ونحمدو حيت واخا توصل لاي حاحة خاصك تقول الحمد الله حيت راه فرمشة عين وحدة يقدر ربي سبحانه يحيد ليك كلشي )صاف طلعت لبيتي لبست الكوستيم السبيبيط القويميجة بيضة الرويحة قاديت الاتواش هزيت تيليفوني عيطت خولة تيييت تيييت تيييت الو زين صافا الو ربيع بيخير مالك خولة ياكما المشاكل قالت ليا اه وبزاااف قلت ليها علاش ماعيطيش عليا قالت ليا خفت نقلقك قلت ليها دابا عاد قلقتيني دبصح فين راك دابا قالت انا فالبرطمة قلت ليها صاف انا جاي عندك مشيت شديت طاكسي وصلت

شديت طاكسي وصلت عندها دقيت حلات ليا قالت ليا ياك الساروت عندك لاش دقيتي قلت ليها راه نسيتو قالت ليا دخل دخل وراك جيتي واعر باللبسة هههههه قلت ياك بعدا صاف دخلنا قلت ليها مالك فتيليفون قالت ليا نجيك صراحة صراحة قلت ليها اه قالت ليا راه ماكاين لامشكل لا والو غير بغيتك تجي عندي وصاف ضحكت وقلت ليها وعلاش ماتقوليش غير اجي بلا هاد شي قالت ليا حيت نتا غير صديق كون كنتي حبيبي نقدر نقولها بديت نضحك وعرفتها بغاتني هههه المهم قلت ليها لبسي اهاجر شي حاجة ويالاه نمشيو نفوجو على راسنا شوية قالت اه صاف اطط مشات لبسات واحد الغوب بالحمر والغوز ويلي ويلي ونص ففخاضها باين تا قيمت قلت ليها اه كاين شي جديد قالتليا اداك الحمار دايوب قلت ليها مالو قالت ليا جا كايطلب فيا على البارح قلت ليها واش قلتي قلتليه باي باي ايوب الا بقيت معاك راني غير كانافقك راني كانبغي واحد الولد اخر وانا بامتسامة وشكون هدا بدات تضحك وحشمانة وقالت لالا داكشي سر هههه قلت يالاه يالاه نمشيو نزهاو هاد الليلة شوية صاف خرجنا قالت ليا فين نمشيو قلت ليها اشبان ليك نطلعو للديسكو قالت ليا صاف مشات ركبنا الطوموبيل قلت ليها خولة ماكانحملش نركب مع درية وهيا سايكة قالت ليا والله عاد بغيت نقولها ليك قالت واش عندك بيرمي قلت ليها اه صاف تبادلنا البلايص على بركة الله ههههه خوكوم سايك التوارك ياسلام غاديين وهيا غير كاتشوف فيا صاف وصلنا للديسكو دخلنا ويلي الزدحة والعالام والتيتيز غير مليوح ريحنا قلت ليها شوفي الشراب لا انا علمتك من دابا قالت ليا ولاكن علاش نشربو المشاكل تقريبا تحلو ههه صاف بدينا مريحين واحد الشوية جات واحد الجماعة شي 16 واحد خولة اهلا اهلا فيت غبرتي وباينا عليهم ملعقين بالبيان صاف نوضو خولة تشطح معاهم بقيت انا مريح كانشوف فيهم ومع الهايت والكوستيم والتباتة ويلي ويلي كانبان بحال شي مدير شركة صابون الكف ههههه صاف بداو يشطحو جات خولة قالت ليا نوض تشطح قلت ليها لالا خودي راحتك قالت ليا والله تاتنوض صاف نضت وانا خاطيني داك الحزاق والشطيح ههههه قربت حدا ودنيها قلت ليها تا الا ماكانتش العلوة ماكاينا تاقلوة بدات تضحك وكانشوف واحد خونا يبدا يتحكك مع هاجر ويقيس فيها دفعتو قلت اسي ماتعرف المرا مزوجة ولا مخطوبة ولا مصاحبا قاليا وشكون تكون نتا تقوليا هاد الهدرة قلت ليه وبكل تقة فالنفس وخولة كاتشوف فيا هادي خطيبتي عندك شي مشكل عنقني وقاليا بيني وبينك اصحبي راه عيبنا واحد وراه عندك صاطة مقودة تهلا فيها مشا وخلانا وخولة كاتشوف فيا وفرحانة صاف بدينا نشطحو شوية قلت ليها هاجر يالاه نغيروها قالت ليا صاف مشينا لطوموبيل قالت ليا فين نمشيو قلت ليها نتحركو لجيهت البحر كايكون زوين بالليل قالت ليا لالا كايكونو شمكارة تماك ضحكت وانا نقوليها واش كايسحابلك راسك غاديا مع كيليميني يالاه يالاه ههه صاف وصلنا ريحنا حيهت الصخر وساكتين كانسمعو البحر كايغوت وسكات بيناتنا انا كانتسناها تدوي وحتا هيا ههههه وكانسمع البحر كايقول ودوق الحلوة دوق الحلوة ههههههه شفت فيها قلت ليها خولة ماعرفت باش نبدا واش نوخر قالت ليا حبس حبس اشكنتي كادير ليا فاش كنت ناعسا بديت نضحك وقلت ليها والو هههه قالت ليا غير قول ماتحشمش قلت ليها ومادرت والو اشكاتخرفي قالت ليا وصافي تانتا فهم راسك انا درت راسي مافاهم والو هههه قلت ليها كيفاش نفهم راسي قالت ليا صاف صاف نسا ودورات وجهها شديتها من مورا شعرها بقوة وقربت حدا فمها وقلت ليها خولة اخر مرة تقولي ليا هاد الكلمة ديال صاف نسا غمضات عينيها وقالت سمحليا وانا نبوسها بوسة خفيفة ففمها وقلت ليها هادشي ليدرت البارح فاش كنتي ناعسا هيا تبوسني من فمي وقالت ليا هادشي ليدرت ليك تا انا البارح بديت نضحك وتلاحيت عليها بالموران

يتبع