بقات خارجة وكل ساعة دور تشوف فيه كأنها كتودعو وديرلو باي باي وتمسح عينيها حتا سدات الباب موراها وهو يطلقها بتبسيمة وهز يدو كيحك لحيتو ويحرك راسو يمين شمال
فراس:حمقة هه
رجع خشى وجهو فالبيسي وهي وقفات مور الباب كتضحك بصمت وحاطة يديها على فمها
رؤيا:هههه والله حتا التبوحيط واعر اصلا هادشي ما يصلاح نالرجال غير التحلوين ههه(حطات صبعها على فمها كتفكر)اممم شني دابا شنيي...خاصني شي طريقة باش نصطوبرو(نصدعو)..الا رجعت دخلت عندو ايهرسلي هاد الصبع ويوريني....امممم ...ااااااه جبرتا هههه
خشات يديها فالجيب كتقلب على تيليفونها وما جبراتوش
رؤيا:اووووف نسيتو الفوق فالبيت تفو
ضرباتها بجرية حتا وصلات للبيت كتقلب على تيلي ديالها وفالاخير لقاتو فصاكها لي كانت هازة البارح جبداتو ورجعات هبطات كتجري ووقفات حدى الباب دالبيرو ديالو موكية(متكية) عليها
رؤيا:عا بيا ولا بيك هاد النهار والله حتا نحمقك هههه 😈
فراس:(لصق عليها حتا بعزها مع الباب وهضر بصوت منخفظ)زيدي
رؤيا:انهنهنهن كن..بغ..يك ات..اتاج را
ما خلاهاش تكمل وقاطعها ببوسة قوية حاكمها مزيان وما خلالهاش فين تنفس حط يدو مور عنقها وزاد جرها عندو وهي كترجف بين يديه..حتا زعمات وهزات يديها دوراتهم على عنقو وهو يهزها باش توصل لعندو..بعد مدة بعدات عليه ببطء كتنهج وكتحاول تاخد نفس وهو ما سخاش وبقى كيخطف بوسات خفاف ويرجعلها شعرها مور وذنيها..تنهد وحط جبهتو على جبهتها كيشوف فيها وهي غرقانة بالحشمة وقلوبهوم كضرب بسرعة
فراس:(بهمس)نتمنى نموت ألف موتة ولا نودعك..ما نقدرش نتخيل حياتي بلا بيك..الا وقعاتلك شي حاجة انتسطى وانتبعك..وعمرني ما نفكر نبدلك واخة يجيبولي النساء لي فالدنيا كاملة..نتي بوحدك لي كاينة هنا(حط صبعو على قلبو)وهذا رجع ديالك بوحدك وحتا وحدة ما تقدر تجي بلاصتك
رؤيا:(شافت فيه بعينين كيلمعو)سمحتيلي!
فراس:علاش انا نقدر نتقلق من حياتي وحبيبتي البوحاطية ديالي
رؤيا:هههه
فراس:يله وريني هاد الصبع لي نزف بزاااف
رؤيا:(هزات صبعها قدامو وكتهضر بغنج)ها هو شوفتي شني عملتلي ديك الشوكة الخايبة كانت عتقتلني ههه
فراس:(قبط صبعها وباسو)هههه راه انا لي انموت اعباد الله ونتي لي اتقتليني
طلعات هي وياه حتا وصلو لبيتهم وهو مزال شاد فيها كيفقصها وفيما تجيه الفرصة يكاليها مع شي حيط وهي فرحانة وما كتبينش وكتبقى تغدد وتمجنن ورجعات فلخر دخلات للحمام دوش وخلاتو
مرت الايام وبالضبط اسبوعين..عايشين كل يوم بيومو وكل نهار على خوه كيزيدو يقربو من بعضهم وعلاقتهم كتزيد توطد مع مناقرات صغيرة لي لابد منها فأي علاقة..ومرة مرة كيزورو عائلتهم بزوج او كيتجمعو عندهم
فاقت هاد الصباح فرحانة ومتحمسة..ناضت كتحك فعينيها وهزات مخذة ديالو ملبساها سوميج ديالو فلبلوغوا وراشة عليها ريحتو كانت معنقاها وقرباتها منها اكثر كتبسم ومغمضة عينيها
رؤيا:(بفرحة)واخيييرا ههه...توحشتك اخخخ
رجعات لمخذة حطاتها وناضت خشات صباعها البويض لمصبوغين بصباغة حمراء فاقعة فكلاكيطة وناضت كتكسل ودخلات للحمام كتقاد حالتها وكتسنى غير فوقاش يوصل وتشوفو..هادي ثلاث ايان وهو مسافر على قبل إجتماع طارئ وتفرقات هي وياه بستة وستين كشيفة..لصقات فيه لصقة دلعمى فالظلمة باش تمشي معاه ولكن قنعها حيت غير اتعذب وهو ما ايجلسش فمرة ايتنقل بين زوج دول وعندو فكل دولة مجموعة داللقاءات وطبيعة عملو كتحتم عليه انه يتحرك بزاف
بعد مدة خرجات من الحمام ببينوار حمام أصفر وفوطة جامعة شعرها ووقفات فالباب مبلقة عينيها
رؤيا:وااااااااااع
غوتات وضرباتها بجرية حتا تلاحت عليه وهو جالس فوق الناموسية كيتسناها وطيحاتو على ظهرو وجات هي فوق منو معنقاه وخو مدور يدو مور ظهرها
فراس:ههه عاد دابا يله نزلت من الطيارة جيت عند حبيبتي طااااااير
رؤيا:(بدلع)اخر مرة اتمشي وتخليني..هاد المرة رجلي على رجليك ماشي شغلي يانا ما تخلينيشي بوحدي وما تقولي لا اتعذبي ولا اتمحني يانا لي بغيت..مهم نكون حداك(هبطات راسها حطاتو على صدرو)
فراس:ههه ان شاء الله الالة ما يكون غير خاطرك
هزلها راسها كيتأمل ملامح وجهها وحط يدو على عنقها وقربها عندو حتا تخلطات انفاسهم..خدا منها قبلة طويلة ورجع بعد عليها بعينين ذبلانين كيداعب خذها
فراس:توحشتك!
رؤيا:ههه
زربات عليه وناضت وقفات كتجرو
فراس:ههه مالك!
رؤيا:دابا اتنوض ودوش باش تخفاف وتخرج نهبطو نفطرو يله دغيا نووووض ههه راه فيا الجوع نوووض
فراس:ههه اووك ها هو
ضربها بخفة لفخضها وباسها وزاد خطوة وهو يتفكر ورجع
فراس:هه اجي بعدا ديك لمخدة علاش لابسة قميجتي!
رؤيا:(كدور فعينيها)سقسيها هي..ياك هي لي لابساها ههه
فراس:(دور يدو على خصرها)ههه حتا نكون حمق فحالك عاد باش نهضر مع مخدة ههه
رؤيا:(بغضب)رجعنا لبسالة عاود..(دفعاتو للباب)مشي كب عليك الماء مشي
فراس:ههه اجي ما ديريش فحبيبك لي جاي من سفر عيان واحد لبليزير ودوشيلو
رؤيا:الااائح ههه
فراس:(جرها)يله بلا ما دوشيلي عطيني غير شي بوسة ترد فيا الروح ههههه
رؤيا:ههههه بلحق غير وحيدة سغيبونة بركة عليك
فراس:هه اوك غير جودي علينا باش ما بغيتي
قربات منو خطفات بوسة خفيفة من فمو وبغات ترجع وهو يجرها عندو بالجهد وكالاها مع باب الحمام وما طلقها حتا خرجو عينيها
فراس:احححح هههه
رؤيا:اوووف طماع
فراس:(ضربها لنيفها)نتي لي سقرامة
خلاها واقفة ودخل للحمام كيدوش وهي استغلات الوقت قدات فوطتها الصحية ولبسات كسوة طويلة صيفية سميطات بوريدات فالاحمر والابيض وصندالا خفيفة طلقات شعرها لي كيزيد يطوال وقادات وجهها بماكياج ثقيل شوية ورشات عطرها..سنسلتها وخاتمها دالزواج لي ما كيفارقوهاش وساعة رقيقة مرصعة بحجيرات نفيسة ووقفات قدام لمراية عاجبها راسها وباغة تبان قدامو فأجمل حلة..خرج من لحمام كالعادة ريحتو سابقاه وفوطة ملوية على خصرو وقطرات الماء هابطة من راسو وصدرو وداز من حداها كيضحك
بعد مدة خرجو متشابكين باليدين كيضحكو وفرحانين هي بفستانها لمورد وهو بسروال وقميجة بيضاء مزيرة على صدرو وصدايفها كوحل ومقاد شعرو ولحيتو..هابطين فالدروج كيتغزل بيها وبجمالها مع مضايقاتو ليها ودلعها عليه حتا وقفات فاخر درجة وشافت فالطبلة قدامها..كانت جالسة رقية وشامة وشخص ثالث خلا ملامح وجهها الضاحكة تبدل لملامح مستغربة وغاضبة وزيرات على دراعو حتا حس بظفارها تغرسو فلحمو ودار شاف فيها مستغرب
فراس:احح نتي هاد الظفرين عندك انقلعهوملك على الجذر
رؤيا:😡
فراس:شنو واقع!؟مالك تسيفتي ياك لباس
رؤيا:شكون هاديك
فراس:(شاف قدامو فالطبلة ورجع شاف فيها بابتسامة جانبية)هه شامة شكون!
رؤيا:بركة ما دوخ عليا..شكون هاديك خيتي لي مقزبالي تما
فراس:هه اححم هاديك ج..
رقية:ههه رؤيا فراس ئربو مالكم وائفين تما
رؤيا:(ابتسامة صفراء)هه واخة ايما ها حنا ماجين
قربات رؤيا وعينيها مفيكسيين فشخص واحد.. بنت فمقتبل العمر فنفس سن رؤيا تقريبا..طويلة القامة وجسم منحوت شعر أسود طويل حريري مموج وبشرة حنطية عينين باللون العسلي الفاتح وخذوذ ممتلئة وابتسامة بيضاء بفستان أخضر قاتم مشدود على جسمها المثالي..فوق الركبة بشبر تقريبا وبيد وحدة مع أكسسوارات ذهبية وحذاء كعب عالي فنفس اللون..ماكياجها متقون خلا جمالها الشرقي يزيد يبان
جانا:احم..هه تشرفت بحضرتك مدام..انتي عن جد كثير حلوة
رؤيا:هه عارفة راسي احبيبة ما تحتاجشي تقولالي
جانا:عفوا!!
رؤيا:هه شكرا احبيبة عينيك لي زوينين
جانا:هه تسلمي
رؤيا:(بهمس)لعما ان شاء الله
فراس:هههه
رؤيا:تهجرو😡
جلس فراس على رأس الطاولة ورؤيا على جنبو الايسر وشامة حداها ورقية من الجهة الاخرى وجانا بجنبها
قربات شامة من رؤيا كتوشوشلها
شامة:يا ختييي على قرطاسة يانا بنت وطحت فيها وعلى فورمة عندها بنت لحرام مخدووومة..شو كيكتاكل فحال الا كتشم الماكلة ماشي فحالنا كناكلو بيدينا ورجلينا وما كنتكفاوشي..خصك تشوف فاش تمات داخلة مع الباب هي وفراس على مشية عندها كتمشى بلعبار وهازة قنوفتها لسماء فحال بلارج..تفوووو يا ختي علاش حنايا ماشي فحالها علااااش
رؤيا:(عاضة على سنانها)شااااامة ما بقاتشي عاجباك كمارتك ياك كتفتش عليا نبدل لختي الملامح
شامة:علاااش شني قلت!
رؤيا:لا وااالو غير زيد..واش يانا كنتحرق غير بوحدي ونتينا كتكمل عليا
شامة:امممم ويانا نفهم..الغيرة بنت لحراااام ههه وا ختي عندك الحق تغير..يانا كون كنت راجل والله ما نفلتها هههه
رؤيا:ما مساليالكشي دابا حتا لمن بعد ونتفاهمو غير عملا فين تجيك
جانا:يميييي عن جد اكلاتكن كثييير طيبة ههه
رقية:بالصحة ابنتي..ومرحبا بيك مرة اخرى
رؤيا:اه احبيبة حنجري حنجري
جانا:باردون بس ما فهمت عليكي شو هي حج..حجنري
رقية:(شافت فرؤيا كتعض على فمها)هه والو ابنتي بغات تئولك كول زعما ما تحشمش
جانا:هه يسلمو
رؤيا:احم مدموزيل جنية؟
فراس:(قلب وجهو لجنب)ههه
شامة:كح كح هههه
جانا:هه نو بب اسمي جانا..جيم الف نون الف جا..نا ههه
رؤيا:ههه اوك حبيبة جنية..ما قولتيليشي شنو جيتي تعمل عندنا
فراس:احححم
جانا:هه اولا حبيبتي انا ئلتلك اسمي جانا بس مو مهم بعدين تتعودي هه..ثانيا انا اجيت مع مستر فراس من شان نخلص شوية شغل هون بالمغرب
رؤيا:اممم مزيان مرحبا بيك عندنا احبيبة
جانا:هه تئبريني حبيبتي
رؤيا:نتينا لبنانية؟
جانا:ايه
رؤيا:امم هه وفين تعلمتي الدارجة ديالنا
جانا:هه ما تعلمتا حبيبتي بس عم افهما شوي وبس..بحكم شغلي مع مستر فراس فأنا بسافر كثير واجيت كثير مرات عالمغرب وبعرف كثير ناس مغاربة بلبنان فلهيك عم افهما
رؤيا:لا تبارك الله عليك حادكة
فراس:حبيبة كولي راك ما فطرتيش ههه
رؤيا:ههه يخليلي حبيبي لي كيفكر فيا(قبطاتلو فيدو كضحك وزيرات عليه بظفارها)
فراس:هه علاش شنو فيها..هي هادي سنين وهي خدامة معايا..وخدمتها قايمة بيها وحسن من عشرة دالرجال ما عندي علاش نبدلها
رؤيا:لا احبيبي اتبدلها..هادشي كان زماااان اما دابا شكل ياخور..يانا حرمتي عليا الخدمة على قبل الرجال ونتينا خداملي مع هاد التعريجة خاوية جناب..ماشي حرام عليا وحلال عليك ودابا يانا ماشي شغلي اتبدلها هي اتبدلها
فراس:واخة ابب دابا نشوف
رؤيا:الاااا اجي فاين ماشي..عنداك يزيالك اتسايرني وتلعب معايا خاوية فعامرة راه والله حتا نفرجك فيها..كيما كان ضيفتك وخاصني نرحب بيها
رؤيا:ههههه لا احبيبة خليك غير نتينا سلوقية بركة ههه
جانا:(بخبث)لا حبيبتي لازم الست منا تكون رشيقة وجسمها هيك منحوت لإنه الرجال بيحب المرة لي جسما يكون مشدود ورياضي..واهم شي إنه ما يكون في إلها كرش..وإنتي صراحة هه جسمك لازمو شوية تعديل ورياضة..انا عم احكي لمصلحتك حبيبتي ما بدي ياكي تزعلي مني..بس جسمك عن جد لازمو كثييير تضبيط
رؤيا شافت فيها مغلغلة ما رضاتش وزيرات على قبضة يديها وصدرها كيهبط ويطلع بلفقصة بقات كتشوف فيها مطولا وعقلها كيدي ويجيب وغرورها ما خلاهاش تسكت وفجأة 💡😈...جمعات النفس مزيان وطلعات حاجبها ورجعات للخلف تكات ظهرها على لكرسي وشافت فيها شوفة ثقة وحطات يديها على كرشها
رؤيا:نووو حبيبة نتينا ما عندك ما تعرف فهادشي..هاد الكرش والغلظ ضروري منهم فحالتي وأي وحدة كيتزاد وزنها فهاد المرحلة
جانا:مرحلة!!عن شو عم تحكي ما فهمت ئصدك
رؤيا:يانا نفهمك احبيبة..كي شفتي دابا يانا حاااملة وضروري ما نغلاط حيت الهرمونات فهاد لا بيغيود كيلعبو دورهم
جانا:شووووو..حاااامل
رؤيا:وي حبيبة حاااااملة هه
رقية:شنوووووو!
رؤيا دارت بالزربة مبهوضة ما عرفات شنو تسلط عليها حتا كتشوف رقية الضحكة مشركالها فمها وكتزغرت وجاية كتقرب منها
رؤيا بقات غير كتشوف فرقية وتشوف فجانا تلفات وتجمعو عليها
رؤيا:ااا ما عرفتشي بالضبط..اا ييي..يانا عرفت غير بجهاز كشف الحمل(سرطات ريقها)وعاد انشوف شي طبيبة احمم وهي تقولي هه
رقية:هههه ان شاء الله..دابا اتجيبيلنا فراس صغيور يبدى يلعب هنا ويجري ههه
رؤيا:ههه
رؤيا هزات عينيها شافت فراس جاي جيهتهم شاف فيها وغمزها وقرب وقف حداهم..يله بغات تجر رقية لشي قنت تقولها لي كاين باش ما تفضحهاش وهي تسمع صوت من وراها
جانا:مستر فراس..هه مبروك عليكن حمل المدام رؤيا..
نزل عليه كلامها فحال الصاعقة ما فهم والو كيشوف فيها مدالو يدها وكيشوف فرؤيا لي جالسة بجنب رقية وكترجف ومعالم الخوف باينة فوجهها
فراس:كك..كيفاش؟شنو قلتي؟
جانا:اوبس الظاهر انك ما كنت عارف..ام سو سوري رؤيا يمكن كنتي حابة تخليها سوربرايز
رؤيا:الصمت
فراس:رؤيا؟!
شافت فيه وعينيها كيلعبو فبلاصتهم..وهو كيبادلها نظرة استغراب حتى نقزات رقية
رقية:ههه مبروك عليك اولدي مبرووك العئبة تهزو فيديك ان شاء الله وتفرح بيييه يا ربي
فراس:شكون هو!!
رقية:اويلي مالك تلفتي اولدي ههه الفرحة وما دير فمولاها..واااا فيئ معانا راه ئلنالك مراتك حاااااملة ههه
فراس:حاملة!!
رقية:اييييه حاااملة هه
شاف فيها ما متيقش كيطلع ويهبط وهي قارمة مور رقية كطلع النفس بزز
فراس:واش هاد الهضرة بصح؟!
ما كرهاتش تبكي كتشوف فيه وتشوف فجانا لقات راسها بين نارين..وفلخر قررات تزطم على قلبها وما تزطمش على كرامتها وكبريائها وحركات راسها بالايجاب..طلع حاجبو وقلب عينو شاف فجانا ورجع شاف فيها مطولا وتنهد وبانت على وجهو ابتسامة جانبية وجرها عندو عنقها وعلاها عندو وزير عليها كيتنفس ببطء وصدرو طالع نازل..شافت فجانا موراه وهي دور يديها عليه وخشات راسها فيه كتبكي..بعد وجهو عليها وشعرها لصق فلحيتو ودوز يدو على راسها ببطء راسم على وجهو ابتسامة ومكمش جبهتو وعينيه فيهم نظرة غريبة
فراس:(تنهد)علاش كتبكي!
رؤيا:انهنننن هئ هئ
رقية:ههه راه غير دموع الفرحة هادوك
جانا:واااو سو كيوت هه
رؤيا:(زادت فوتيرة لبكا)اهنهننننئ اهههئ
رقية:ههه الله ابنتي بديتي تهرنني من دابا
فراس:ششش سكتي صافي!
رقية:ههه بنتي جانا اجي معايا اجي نوريك واحد الحاجة
جانا:هاه؟؟اممم اوك مستر فراس مبروك مرة ثانية جراتها رقية وخلاتهم..كيدوز يدو على وجهها ببطء وهي ما قادراش حتا تشوف ورداتها غي للبكا
فراس:ههه علاش كتبكي دابا..راه خصك تفرحي ايجينا ولد ارؤيا ولد اولا!
جانا:نو حبيبتي بس عم احكي من شانك ومن شان البيبي هه
رؤيا:لا احبيبة يانا وولدي ما كنرتاحو غير حدى باباه(بصوت طفولي كتهضر مع كرشها)ياك احبيب ماما ياك نتينا خاصك بابا ههه
فراس:ابتسامة جانبية وكيدوز يدو على لحيتو
بداو الخدمة كيتتناقشو ومجموعة من الاوراق كتمشي وتجي بيناتهم وهو حاط وجهو فبيسي وهي حاطة بيسي على ركابيها وكتخدم فيه وكيهضرو ورؤيا وسطهم كتسوط طلقات رجليها ورجعات جمعاتهم وربعاتهم وقفات ورجعات جلسات ما خلات ما دارت باش يدوز الوقت
رؤيا:اوووف مزالين معطلين!
فراس:(هز راسو فيها)امم..وي مزال احبيبة الا عييتي طلعي ارتاحي
رؤيا:لا لا ما عييتشي غير سقسيت وصافي كملو كملو... اممم نعيطلوم يجيبولي ما ناكل ندوز الوقت
جانا:(باستغراب)هيييه بس هيك كثير لساتك واكلة ئبل شوي
جانا:لا مو إحنا إنتو لي بتئولو هيك ولا شو؟رؤيا ئالتلي إنو لي جسمو حلو مثلي بيسموه سلوقي
رؤيا:كح كحكح
شافو فيها كاملين حابسين الضحكة وهي هزات كاس دالماء شرباتو وكتشوف ففراس لي كيشوف فيها بنص عين
رؤيا:ياناااا!!بلعمى اختي..لهلا ينزل علينا شي باطل راه هي لي سمعت غلط
فراس:😒
شامة:طلعتي ما سويهالاشي ابنت الخالة ههه
رؤيا:سكت الزمر وهنينا
رجعو كياكلو فصمت ورؤيا حاضية غير مع جانا وصدرها لي باين وريحتها لي كاسرة الطبلة وحاضية مع فراس واش كيشوف فيها..طلعلها الزعاف وهي تهز يديها حطاتها على نيفها
رؤيا:ايييييف شني هاد الريحة يييخ
شامة:(كتشم)شمن ريحة ما كاين والو
رؤيا:ننن الريحة دجنية اووووف خنقاتني
جانا:ريحتي!!شو بها ريحتي
رؤيا:ييييع خانزة اختي
فراس:هز حاجبو وحط يدو تحت فمو كيشوف فيها
جانا:بس هاد العطر من ديووور حبيبتي..بتعرفي شو يعني ديوووور
رؤيا:ويانا مااالي ديور ولا زعتووووور مهم خانزة وجابتلي الردة اوووووف لا لا ما بقيتشي قادرة
رقية:ما ديش عليها ابنتي راه وائيلة غير من لوحم وصافي
جانا:اممم اوك😒
رؤيا:الله الله على ريحة كتعطعط اوووف مشي دوش اختي ولا شوف شني تعمل راه ما بقيتشي قادرة حاسة براسي شوية ونروض على الطبلة يييخ😖
فراس:(تحت سنانو)رؤياااااا
رؤيا:شنييي؟؟راه البزيوي ديالك لي عامل فيا هايدا ماشي نخاطري اوووف
جانا:ولا يهمك حبيبتي راح روح..اصلا كثير تعبت ولازمني نوم..على العموم تصبحو على خير
ناضت كتكسول طالعة فالدروج ورؤيا متبعاها حتا غبرات عاد ارتاحت وتقادات فالجلسة كضحك وكتاكل وفراس حاظيها وفيما دور تلقاه كيشوف فيها بطريقة غريبة
تجمعات الطبلة وكل واحد طلع لبيتو ودخلات رؤيا للبيت كتمشي وتجي متوترة ودخل فراس تبسم فوجهها ودخل للحمام كيدوش وهي تلاحت على الناموسية ودارت راسها ناعسة خافتو يطالبها بشي حاجة وهي حائضة ويعيق بكذبتها..خرج من الحمام وتخشى حداها عنقها من لور وهمس فوذنيها
فراس:رؤيا؟نعستي
رؤيا:(بخوف)انمم
فراس:(خشى راسو فعنقها)توحشتك!
رؤيا:عيانة افراس والله
فراس:شنو دابا نبقى بلاش انا!
رؤيا:عافاك احبيبي ما قادراشي
فراس:واش كضرك شي حاجة؟
رؤيا:لا والو..غير اا احم غ..غير واقيلة مع الحمل عليها مسخسخة
باسها من عنقها وهي غمضات عينيها كتفكر فحريرتها لي حصلات راسها فيها وما عارفة كيدير تخرج منها..فراس رجع تقلب على ظهرو كيشوف فالسقف وحاط يدو تحت راسو كيخمم
ما قدراتش تنعس والليل كلو وهي كتقلب وفراس على نفس الوضعية حتا أذن لفجر وناض صلاه ورجع وقف على راسها مطلع حاجبو وقلب وجهو تنهد ونعس..
اصبح الصباح وناضت كتغبن على إثر لمساتو وما قادراش تحل عينيها
فراس:(بهمس)رؤيا حبيبة
رؤيا:انمنم
فراس:نوضي بغيت نهضر معاك
رؤيا:خنيني انمنن
فراس:اوك احبيبة غير خليك..مهم غير بغيت نقولك انا راني مسافر
رؤيا:انمن واخة وا..(قفزات)شنييييييي!!مسافر كيفاش مسافر ياك عاد جيتي بارح
فراس:وي احبيبة بلحق خرجاتلي هاد السفرة من جنب وضروري خاصني نمشي ما عنديش كي ندير
فراس:السفر صعيب عليك ونتي دابا ماشي بوحدك واتعياي..وانا ما انكونش مسالي لي نرد ليك البال
رؤيا:😳شنيي لا لا ما انعياشي غير خليني نمشي
فراس:ما كنتشاورش معاك ارؤيا
رؤيا:اههههنهئ حشومة عليك..كل مرة مسافر ومخليني بوحدي
فراس:الله يهديك ارؤيا راه بزز عليا واش انا كرهت..راه دابا رجعت كنلغي شحال من سفرة ونكلف بيها شي حد خور غير باش ما نخليكش اما انا راه ما كنتش كنجلس..ودابا كنمشي غير الا كانت شي حاجة مهمة بزاف وضروري نكون حاضر انا..وهاد المرة ايخرجو تطبيق معلوماتي جديد وخاصني نتاكد منو ونوقف عليه بيدي
رؤيا:واخة ولكن ديني معاك عافاك انهننههئ
فراس:(باسها من جبهتها)هضرت معاك ارؤيا نتي دابا حاملة..وكون ما كنتيش حاملة كنت نقدر نديك معايا اما دابا لا نخاف توقعلكوم شي حاجة
رؤيا:اههنهنئ انننهننن
فراس:وصافي احبيبة بلا بكى..هاكة اتودعيني
رؤيا:اهنهننئ
فراس:اوف(باسها)صافي الله يهديك
رؤيا:لا..انهنن يانا بغيت نمشي معاك اهنهنئ
فراس:هضرة واحدة قلتها ارؤيا وما انعاودهاش..يله تهلاي فراسك وتهلايلي فحبيب باباه
باسها بالزربة وخرج خلاها مبلقة عينيها..غير فطنات وهي تنوض كتجري حفيانة ببيجامتها وعينيها معمشين كتبكي..تبعاتو ووقفات فراس الدروج شافتو كيسلم على رقية فلباب وجانا واقفة موراه حتا هي وخرجو بزوج..وهي تهبط كطير لاحقاه لقاتو طالع فالدروج لي كيوصلو للساحة الكبيرة لي كتهبط فيها الهيليكوبتر وجانا بصباط طالون حداه وهي تعكل بغات طيح وشدها بحركة عفوية منو..هنا خرج قلبها من بلاصتو وما بقاتش كتشعر خرجات هكاك كتجري وخناينها هوادين وكل ما قربات كيجهاد الريح بسباب الهيليكوبتر لي قريبة تقلع
ما سمعهاش حيت صوت الطائرة كان قوي ورجعات عاودات عيطاتلو وهي كتقرب
رؤيا:فرااااااااس وقاااااف
دار عندها بالزربة شافها معرية ويديها وصدرها باين ورجالو مترشين حداه وما عجبوش الحال وشد راسو غير بزز وهما غير شافوها دارو عطاوهم بالظهر..تمشى حتا لعندها وهو كيزول الكوستيم ديالو وباين فيه معصب
فراس:(حط الكوستيم على كتافها بغضب)شنو هاد الحااااالة..هابطالي مسفحة ولحمك كلو معري شحال من مرة هضرت معااااااك
رؤيا:انهنهنن واش ماشي معاها اهههئ
فراس:راه كنهضر معااك شحال من مرة قلتلك تستري عاد خرجي
فراس:(زفر)رؤيا فهمي هادي راها خدمة وماغاديش معاها لخاطري..وهي خاصها ضروري تمشي معايا حيت الانطلاقة اتكون من الشرق وهي لي مكلفة بالفروع تما
رؤيا:ولاااااا ماشي سوقي يانا ما كنفهم لا شرق لا غرب اهههئ ما تمشيشي معاها هي ما تمشيشي معاها مشي بوحدك اهههنهنئ ولا ديني معاكم ماشي شغلي يانا اهههئ
فراس:رؤياااا بلا ما تجهليني راه هضرنا انا وياك قلتلك السفر نسااااايه
رؤيا:واش حالف تحمقنييي اهنهههئ حرااام عليك راه والله حتا نموووت..ما تمشيشي معاها ولا خليني نمشي معاك..جري عليها جيب شي راجل فموطعا اهههئ يانا ماشي شغلي مهم هي ما تبقاشي معاك..نتوما يله فتو الباب درعتيها اما غير توصل لتما يعلم الله شنيييي ايوقع اههههئ
فراس:شمن تعناق ولا خرى بلا ما تخليني نبدى نخرج على فمي شي حاجة ماشي حتا لتم..البنت كانت غا طيح وشديتها بلا ما تبقاي تمرضيني
رؤيا:واااا ماتشبرااااشيي خليها طيح تجي على قلقولتا وتمووووت ونتهناااا منها اههنهنئ
فراس:(شاف فيها مطولا)بسلامة ارؤيا
رؤيا:(شداتو من دراعو)وقاااااف والله لا مشيتيها معاها اهههئ..
فراس:رؤيا نعلي الشيطان ورجعي بحالك
رؤيا:وااا ما كاينشي شي شيطااانة قدها..عاملة راسها تعكلات بلعاااني اههئ هاديك راها هاربة للشيطان من شكارتو وجاية كتمثل وتحلون عليك..بلحق والله لا كانت ليها عا بيا ولا بيها
شافت فيها بحقد باغة تمشي عندها وهو يشدها من خصرها كيرجعها وهي كتعفرت باغة تفلت وكتغوت والريح ما كيوصلش الهضرة وجانا كتشوف غير الصورة بدون صوت..
فراس:شوفي فيا غير بلا ما تحمقي راسك وتحمقيني..السفر ومسافر وحتا هي اتمشي معايا ونتي اتجلسي وما عندك فييييين تمشي وجمعنا وطويييينا ودابا تحركيييي رجعي بحالك
رؤيا:علاش كتعملي هايدا علاااااش اههنهن حس بيا حرااام عليك..ديني معاك افراس عافاك والله ما توقعلي شي حاجة اهههئ غير ديني انتسطى الا بقيت هنايا
فراس:رؤياا نتي حاااااااملة وما انلعبش سويرتي بصحتك نتي ولييييي فكرشك
رؤيا:(بغضب)وماااا فكرشيييي وااالووو اهههئ ما حاملاشي يانا ما حاملاااااااشي اهههئ
حطات يديها على وجهها كتبكي وتشهق وهو تنهد وقلب وجهو للجنب حاط يدو على جنابو وغمض عينيه كيهدن راسو ورجع شاف فيها بعصبية
فراس:اهااه مزياااان..(حك لحيتو)اذا لي كنت شاك فيه صدق بصح
رؤيا:(بصدمة)شنيي؟
فراس:كنت حاس بيك غير كتكذبي..اولا نقدرو نقولو متأكد
فراس:هي هي هي صاااافي ارؤيا فرعتيلي مخي بيها..كنت عااارفك كتكذبي وبغيت نخليك حتا تكري بوووحدك ومخليك على خاطرك ونشوفك فين اتوصلي ولكن نتي غير ما زايدة فيه وكذبتي وكذبة وتيقتييها
رؤيا:اههئ ب..باش عرفتي
فراس:هه هادشي لي هامك نتي..غير كيفاش عرفت..(هزلها يدها بالجهد)عرفت من هاااااد الصباغة لي فيديك ومن الصلاة لي ما صليتيش النهاااار كااامل وزيد عليها ما خليتييينيش نقيسك راه انا ماشي برهوش كنرضع صبعي تجي ضحكي عليا نتي
رؤيا:اهههئ يانا ما كنتشي باغة نضحك عليكم اهنهنن يانا ما زياليشي ايكبر الموضوع حتا نهاد درجة اهههئ
فراس:دابا من هادشي كاااامل بسلامة ارؤيا وهاد التسافيرة حسبيها درس ليك باش ما تعاوديييش تكذبي..هادي ثاااني مرة ارؤيا تكذبي ثااااني مرة رؤيا:لا عافاك افراس والله ما نبقى نعاود اههنئ الا هادي عاقبني باش ما بغيتي غير ما تمشيشي معاها اههئههئ
فراس:رؤيا اتمشي تبدلي الساعة حيت راكي وصلتيها بيا لعظم وما باغيش نحط يدي عليك
رؤيا:علاش شني عملت يانا شنييي اهنهننن حتا تينا كتغير وما كتخلي ما تعمل اولا تينا حتا حد ما عندو الحق يحاسبك ياااك
فراس:اناااا ما كنتخبعش مور لكذوب بحااالك..نتي سهلتيها دابا هادوك لي حاسبين بلي نتي حاملة وفرحااانين بيك كي اتجيهم فاش يعرفوك غير كاذبة ولا عائلتك كون وصلهم لخبار بلي نتي حاملة فين كنا انوصلو ديك الساع هاااه..ولا انا!!انا كون ما شكيتش وما رديتش البال كون راكي مزالة دايراني ضحكة يااااك
رؤيا:ورااه ما قصدتشي ما قصدتشييي شعندك ما كتفهمشي اهههئ غلطت وما كانشي خاصني نقول هايداك اهههنئ
فراس:ايوا دابا اتحملي مسؤولية غلطك..باش تعلمي مرة اخرى تفكري مليون مرة عاد تخرجي الكذبة على فمك وضربيلها الف حساب وحساب..انا ما كنتش عوال نرجع نسافر ولكن نتي لي خليتيني ندير هاكة وكنت باغيك غير تكري وهانتي فرشتي راسك براسك ولكن دابا انديرها بصح..باش ترباي على هاد لفعايل لي فيك حيت نتي ما يصلاح معاك غير هاد الاسلوب
رؤيا:(طارت على عنقو درعاتو وزيرات عليه)لا افراس عفاك لا اهههئنئ اااااخر مرة هادي والتوبة سلخني قتلني غير ما تسافرشي معاها وتخليني اهههئن
فراس غمض عينو كيقوي راسو وحط يدو على يديها بعدهوملها بزز وهي مزيراهم
رؤيا:لاااااا لااااا اههئ ههههئ نهننئ
فراس زولها يديها ودار بالزربة ما دارش موراه حتا طلع فالمروحية وهي تبعاتو كطيح وتنوض وما قدراتش تزيد تقرب بفعل الريح لقوي لي زاد تحرك حيت الطائرة قلعات وارتفعات على الارض وحطات يديها قدام عينيها كتبكي
رؤيا:فراااااس عفااك رجع فراااس اههنهنئ
بقات واقفة حاضية المروحية وهي كتبعد وطاحت الارض كتبكي وتغوت حتا غبرات عليها فمرة ورجعات هزات راسها بزز باش كتخلف وخناينها غير هوادين مخلطين مع دموعها والكوستيم دفراس على كتافها ودخلات للفيلا وتلاقات مع رقية فالباب
رقية:نتين في عار الله ابنتي مالك ياك لباس علاش كتبكي
دارت بالزربة كتشوف واش لي سمعاتو دبصح..و شافتو واقف موراها حدا الباب متكي على الحيط ومربع يدو كيشوف فيها
رؤيا:فف..فرااااس!!
فراس:لا هذا كحل السيفة
تحلو عينيها بالفرحة وناضت عندو كتجري بلا ما تحس وطارت عليه عنقاتو حتا رجع اللور بخلفة ورجع شد التوازن ديالو وهي دورات رجليها على خصرو ويديها على عنقو وخشات راسها فيه
رؤيا:انهههنن ما مشيتيشي اههئ هذا نتينا ياك رجعتي عندي
فراس:(دور يدو مور ظهرها)هه اه انا..ما قدرتش (تنهد)ما قدرتش نمشي ونخليك ورجعت من نص طريق..ولكن على ما بانلي غير نرجع بحالي ما عندك ما ديري بواحد اناني ومنافق وتريكة ناقصة من لفوق
رؤيا:(زيرات عليه)اه اناني ومنافق وغشاش وما عمري نتفارق معاك اهنههئ علاش خليتيني ومشيتي معاها قلبي كان عايسكت اهههئ
فراس:ونتي علاش كذبتي عليا!
رؤيا:كلشي بسبابك نتينا وديك معقوفة الرجلين اهنهنن علاش جيبتيها معاك..ما تخدمشي معاك ماشي شغلي يانا ما بغيتكشي تبقى تشوفها لا هي ولا غيرها ما بغيت حتا واحدة تقرب منك اههنهئ ويانا قلتلك جري عليها ونتينا ما بغيتيشي
فراس:اخخ ارؤيا اااخخخ هادشي لي خلاني نشفعلك هاد الكذبة..حيت عارف باش كتحسي ولكن لي ما عجبنيش هي انكي ضحكي عليا ما تبقايش تكذبي ارؤيا الا لكذوب راه ما كنحملهومش..منين عصباتك وغرتي منها كون نضتي ضربتيها ولا ريشتيها ضبري راسك معاها ولكن ما تكذبيش..واصلا ما عندك لاش تسوقي ليها حيت ما عمري نديها لا فيها لا فغيرها عندي وحدة وكااافياني وما كتبانلي حتا وحدة من غيرها
رؤيا:يانا هادشي كاامل ماشي شغلي فيه انهههنهن ما بغيت حتا بنت لمراة تخدم معاك نتينا حرمتي عليا الرجال نخدم معاهم ونتينا مدور عليك لعوجات
فراس:ههه صافي احبيبتي ما يكون غييير خاطرك ما انبقى نتعاطى مع حتااا شي امراة والا بغيت منهم شي خدمة نسيفط راجل خور يتفاهم معاهم صافي؟
حركات راسها بالايجاب وهي خاشية راسها فعنقو كدمع ونفسها كضرب فوذنيه ببطء وهو مغمض عينيه كيشم فريحتها حتى خرجات لسانها شوية دوزاتو على شفايفها لي فزكو بالدموع وقاصتو فعنقو وهو يتبورش وبعد عنقو عليها كيضحك
فراس:ههه رصاي
تبسمات بخبث وزادت قربات فمها من عنقو كتمخشش فيه
فراس:رؤيا هه رصاي ما تلعبيش معايا هاد اللعب راه مصبر راسي من لبارح غير بزز
رؤيا:لا رد
فراس:عرفتي شنو يجيك مليح هبطي بحالك حسن ما نصدق داير شي منكر هه..نزلي نزلي
حط يدو على يديها كيبعدها عليه وهي هزات راسها شافت فيه معبسة
رؤيا:حتا يانا ماشي لاصقة فيك هانا هابطة فحالي هي عشرين وما تعاودشي تهضرني هبطات وعطاتو بالظهر كتجبد حوايجها وتهضر وهو بقى واقف ما فاهم والو
رؤيا:اصلا انا مخاصمة معاك زيالك انسى هاد لبكى لي بكيتو ومخليني مسيبة فالارض وغادي كتعنكر مع ديك الخانزة وهي كتعوج فنصها حداك فحال لمسرولة..تجبرا معمرا قناتيها بلخروق وجالسة تبعصص عليا
فراس:هههه يخليلي الدوريجين ديالي انا
رؤيا:(هزات صبعها)ما كنضحكشي معاك وما ضحيكشي معايا سمعتي😒وما كتعرفني ما كنعرفك
فراس:ههه واخة احبيبة مقبولة منك(باسها بقوة)
رؤيا:وا بعد قلتلك ما تقربشي مني ياااااه تأ
دازت فيه كتخنزر حتا عطاتو بالظهر كتزدح ودخلات للحمام وزدحات الباب بجهد..بقى هو متبعها بعينيه كيتبسم حتا دخلات وتلاح فوق الناموسية كيضحك وحاط يديه تحت راسو كيتسناها تخرج
بعد مدة خرجت من لحمام كتشوف فيه مخنزرة لابسة سالوبيط دجين مع اكس بيضة وصبادرين فالزيتي وجامعة شعرها ببوندو على شكل ربطة فالزيتي وراشة عطرها وحاطة ماكياج باين هاد لمرة مع عكر بوردو..ما هضراتوش ودازت من حداه كتعوج وضربات شعرها رجعاتو لور وهو ناض بالزربة طار عليها بعضة من وذنيها
رؤيا:ما مسامحالكشي سمعتي..رجعلي دموعي لي بكيتوم عليك ونسمحلك..اووف رخي
فراس:(زيرها من خصرها)وا صافي ما نعاودش..راه والله حتا عصبتيني ارؤيا..ونتي عااارفاني شحال ما كنحملش لكذوب ونتي كذبتي كذبة يزلق فيها جمل..ودابا كون غييير جيتي عندي وصارحتيني..مي لا نتي حتا بيني وبينك ما قولتيليش شكاين..وفليل قربت منك غيير باش نشوفك واش غادي تكري ونتي غيير ما زايدة فيه..عرفناك غرتي والالة من حقك ولا فوت مني ما كانش عليا نجيب ربطة دالقزبر معايا ههه مي ما تكذبيش ارؤيا وخصوووصا عليا
رؤيا:(بانفعال مخنزرة)يانا غلطت اه ما نكرشي مي نتينا ما عملتيليشي اعتبار فمرة..واش يانا حاكمني وما تخليني نقرب من حد وما تخلي حد يقرب مني وزايدها حرمتي عليا الخدمة غير باش تبقى على خاطرك ونتينا تجيبلي معاك ديك المسلوتة وتخليها تبومبا عليا وتخشي فيا الهضرة!شني كنت باغي مني نسكتلا!يانا فديك اللحظة ما حسيتشي براسي حتا جبرت راسي قووولت لي قولتو وفاش جات يما ونتينا وكتسقسيوني قداما ما جبرت ما نعمل!شني كنت كتسنى مني نقول لا غير كنت كنضحك ونتحشم قداما!
فراس:(تنهد)اوووف..صافي دابا نساي عليك ها هي مشات بحالها وما اتعاوديش تشوفي كمارتها
رؤيا:(شافت فيه مطولا)ونتينا!
فراس:شنو وانا!
رؤيا:نتينا مزال اتشوفا ياك!شو نقولك زوج كلمات ما حد ديك خيتي مزالة خدامة معاك غير ما تجيشي وتهضرني سمعتي..وما حدك نتينا مدور بيك السكوليطات فما تبقاشي تجي وتحكم فيا يانا وتسناني نعمل بكلامك..ودابا رخي مني
نترات يديها منو ودفعاتو عليها باغة تخرج بحالها وهو يرجع يجرها مرة اخرى وتنهد بعمق ورجع شاف فيها وهي كتشوف فيه مخنزرة وعاقدة حجبانها
فراس:شنو بغيتي دابا!نجري عليها!
رؤيا:الصمت
فراس:وا هضري
رؤيا:شغلك هداك..دابا نتينا تعرف لي يسلكك
فراس:هه اوك..اجي معايا
رؤيا:فاين!رخي مني
فراس:وا غير اجي
جرها موراه وهي معفرة وغير كتسوط وجلسها فوق الفوطوي وجلس حداها وفتح بيسي قدامها كيدوز مكالمة فالسكايب وهي جالسة حداه كتشوف ما فاهمة والو حتا كطلعلها صورة جانا قدامها فشاشة وهي تخنزر وزيرات على سنانها
جانا:(بابتسامة)ههه اهلين ميسيو فراس كي..
فراس:(قاطعها)نتي مطرودة
رؤيا خرجات عينيها فيه ما متيقاش ورجعات كتشوف فيها بابتسامة انتصار
جانا:هاااا😨..كيف يعني..اا شو صار..ليش! ميسيو هو ااا..ما فهمت!
فراس:(ببرود)ما عندك ما تفهمي..نتي مطرودة والتعويضات ديالك اتوصلك وبزياااااادة..يله الله يعاون
بغى يقطع المكالمة وهي تقبطلو يدو ما خلاتوش وكتبسم فرحاانة وهو كيشوف فيه باستغراب
رؤيا:تسنى..احم(شافت فيها)شوفي اجنية معوجة..ما تبكيشي ابب وما يبقاااشي فيك الحال اوك..كيف شتي يانا دابا ففترة حساااسة وبحال هاد المواقف كيجيونو سووو توتشي..دميعة واقفالي على رمييشاتي بقييتي فيا وقطعتيلي مصرااااانة الزااايدة لي عندي..اخخ شغادي نقولك مهم ابب ما يبقاشي فيك الحال وشوفي مع ديك الفورمة دسلوقي لي عندك تنفعك دابا..يله بااااااااي..تصبيعاتي هههه
قطعات الخط فوجهها وخلاتها مصدومة ورجعات لور فرحانة وكتبسم وهو كيشووف فيها وحابس الضحكة وحاط يدو على ذقنو..تنهدات بارتياح وشافت فيه لقاتو كيشوف فيها وهي تجمع الضحكة ما حساتش بيها حتا طار عليها زيرها على حنكها ببوسة طويلة كيعصر فحنكها حتا خرجو عينيها عاد طلقها كيضحك..شافت فيه لوهلة كترمش وعقدات حجبانها وتمات نايضة وهو يرجعها جلسها بالجهد
فراس:فين غادة
رؤيا:ماشي شغلك..رخي مني خليني نوض
فراس:دابا مال مك ياك جريت عليها ودرت لي بغيتي ايوا مالك مزالة معفرة
رؤيا:رشقاتلي😒
فراس:ههه وا صافي احبيبة سمحيلي..شنو دابا اتبقاي مقلقة مني ياك ما سافرتش وجريت عليها وصافي سمحيلي ههه
رؤيا:(طلعات حاجبها)اممم شحال من وحدة ياخرا مزالة خدامة معاك
فراس:ههه ما عرفتش بلحق انجري عليهم كاملين غير بقايلي على خاطرك صافي
رؤيا:حلف
فراس:(طلع حاجبو)راكي عارفاني عطيتك الكلمة هي الكلمة
رؤيا:اممم مزيان(تمات نايضة)
فراس:وياجي دابا تصالحنا ولا لا
رؤيا:ما نعرف حتا نشوف😒
فراس:(جرها عندو باسها بزز منها وهي كدفعو حتا بعد عليها على خاطرو)هههه لمك اتسمحيلي بزز منك
رؤيا:اوووووف بععد مني
فراس:ما تسوطيش..كنبغيك البزوزة ديالي
رؤيا:(ناضت)ما تجيشي جيهتي سمعتي..مزالة ما سمحتلك
خنزرات فيه وهو كيشوف فيها ويضحك وعطاتو بالظهر ودخلات للحمام كضحك فرحانة وكتشفى فالجنية
تجلس عليه كيقرى وكيضحك بصوت مسموع وهو يوصلو ميساج اخور منها..
💬عندك يقولك مخك نخرج وتهضرني😡يانا راه مصالحة معاك غير فالواتساب..يله نحببببببگ 💗
فراس:هههه حمقة ومحمقاني..
بقى كيضحك عليها حتا كيسمع باب الحمام تفتح وهي خارجة كتعنكر وداافعة كبير ما مسوقالوش ودازت من حداه خارجة من البيت وهو متبعها بعينيه..تبسم ابتسامة جانبية كيدوز يدو على عنقو وناض وقف تابعها..
هبطات وهي مرتاحة وعاجبها الحال وجلسات كتفطر بوحدها..حتا جلس حداها على الطبلة بلا كلمة بلا زوج بقى غير جالس مربع يدو وكيشوف فيها ويتبسم..
رجعاتلو بوستو وخرج هو لابس سروال كيطمة فلكحل مع اكس خزي وصبادرين وناضت هي موراه من بعد ما صحصحات مزيان ودخلت للحمام قدات حالتها ولبسات توني رياضي فالباج مع صبادرين وهبطات تبعاتو للجيم بقات كتقلب عليه وما لقاتوش وخرجات مستغربة كتشوفو فين هو
دازت من جيهة البيرو ديالو ولقات رقية غادة جاية كترعد واللون مخطوف من وجهها وشامة جالسة قبالتها على كرسي ما فاهمة حتا لعبة
رؤيا:صباح الخير..هه ياك لباس شني واقع يما شعندك؟
رقية:مصيبة ابنتي مصيييبة..غير الله يستر وصافي
رؤيا:(بخوف)اواعدي ياك لباس شني واقع خلعتيني ايما
رقية:كدور فراسها
رؤيا:شامة شني وقع..شني كاين
شامة:(هزات كتافها)ما عرفت اختي كنا جالسين كنفطرو ما علينا ما بينا حتا دخلات علينا واحد لمرأة يله هي وقفات علينا هبط راجلك شافها قدامو كحل بلعمى ما عرفت مالو..جرها من يدها وهي كتبكي ودخلها للبيرو وسد الباب وناضت يما تابعاه كتويل نضت حتا يانا موراها عييت فيها تفهمني ما فهمت منها والو..ودابا راجلك راه معاها لداخل كنسمعو غير غواتو وبكاها
رؤيا:(بغضب)كيفاش مرى هااا..شكووون هادي شكووووون..وساد عليهم البيرو من لفوق مزيااان تبارك الله
درمات قدامهم باش دخل للبيرو وهي تشدها رقية
رقية:دوز تجلس فين داخلة خلي هاد النهار يدوز على خير الله يرضي عليك راه ما نائصينش..نهار كحل باين من صباحو
رؤيا:(بغوات)رخييي مني ايمااااا رخي والله حتا نقربلها على راسو هو وياها والله ما تبقى قيه
رقية:اويلي اجييييي
نترات يدها منها معصبة وحلات الباب ودفعاتو بالجهد ودخلات كتغوت
رؤيا:يييييه اسي فراااس مشات وحدة لبارح جايبلي وحدة هاد النهاااار نجيبلكم شي قهيوة ولا ع..😳
وقفات فبلاصتها مصدومة ما توقعاتش تشوفها هي وبقات غير واقفة كتشوف فيه وفيها..هو واقف عاطيها بالظهر حاط يدو على راسو كينهج وزينب جالسة فوق الكرسي كتبكي وتنوح شافت فرؤيا وما تسوقالتهاش ودارت كتهضر مع ولدها
زينب:سمحلي اولديي سمحلييي انههههئ ما بقيتش قادرة نعيش بعيدة عليك عييييت والله اههنهئ وكل نهار كنحس براسي كنموووت الف مرة..ندمت ندمت وما نفعاتني ندااامة اههئ كون يرجع بيا الزمان لور ما نديرش داكشي وما عمري نفكر نفرقك على باك ولا نكذب عليك اهنهئ ولكن عمري نقدر نرجعو ولي وقع وقاااع اههنهئ وما فيدي والو غير نطلب منك تسمحلي اهئ اهئ حس بيا اولدي حس بياااا
فراس:(بلغوات)نتي حسيتييي بشي حد هاااه حسيتي بيااا وانا صغير ومحروووم ولا حسيتي بالراجل لي عذبتيه حياتو كاااااملة
زينب:وراه ندمت نداااامت اههئ شنو ندير باش تسمحولي شنوووو نقتل راسي شنووو..كنت معمية وما كنشوفش قدااامي اهههئ اهئ الغيرة والحقد لي كان فيا عماااني وما بقيتش فكرت فشي حاجة اخرى اهنههئ كنت خايفة نخسرك ما كنت باغة حتا وحدة تاخذك مني اههئ
فراس:وااا هاا نتي خسرتيييني دابا شنووو لفرق..كنت كنتيق فيك ثقة عمياااء وعمري فكرت نكذبك ولا نشكك فشي حاجة نتي قولتيها..ولكن نتي صدقتي مغرقاني بكذوبك وكون ما جاتش رؤيااا فديك النهار كون راكي مزاااالة مكملة فكذبتك وعايشة دور المظلومة
زينب:(وقفات قدامو)اااه انا كنعترف كذبت عليك وغلطت فحقك وحق باك اهئ اهئ ولكن دابا انا ندمت اولدي وعرفت راسي شنو درت وجيت طالبة السماحة اهنهئ عيييت نتسناك تجي عندي طل عليا ولا غييير تعيطلي اهنهئ ساعة تسنيت غير على لخوا اهئ وحتا نهار مات جدك اهههئ ما جيتيييش وخليتيني بوحدي كنت محتاجاك توقف معايا وتصبرني اهنهههئ ولكن ما لقيتكش وتما عرفت راسي بلي خسرتك دبصح اهنهئ ولكن ما بقيتش قادرة ماا بقييتش فرااقك جاني صعيييب اهئ اهئ ما بقيت باغة واالو غير نكون حداك نشبع منك ومن شوفتك ومن ريييحتك اهنهئ
بغات تحط يديها على حنكو وهو يبعد وجهو بعصبية ودار قلب وجهو حاط يدو على الحيط وحادر راسو وهي انهارت بلبكى.. رؤيا ما حساتش بدموعها غير وهما كيهبطو بزز منها وقربات منها شداتها قبل ما طيح وهي علات عينيها كتشوف فيها بترجي وتبكي..
زينب:قوليلو يسمحلي ابنتي عافاااك اهنههئ ما بقيتش قادرة غادي نمووت اهههئ
شافت فيها بشفقة وجلساتها على لفوطوي ودارت عندو قربات منو ببطء كتشوفو معصب وباغي ينفاجر ولكن مور ديك العصبية كاااملة شافت إنسان مهموم ومحطم..حطات يديها على كتفو وهز راسو بالزربة شاف فيها مخنزر ورجع غمض عينو ودور وجهو
رؤيا:(بحزن)فراس
فراس:(بعصبية)رؤيا نتي ما دخليش..خرجي بحالك
رؤيا:(بغضب)لااا انتدخل حيت من حقيي نتدخل فأي حاجة كتخصك..ودابا اتسمعني شني انقولك..ماماك غلطات اه..ولي عملاتو فيكم ماشي ساهل وكذبة ديال 24 عام صعيب تنسى لا فشهر لا فربعة ولا حتا فعام..ولكن هي ندمات وعرفات وحسات بغلطها وكنظن عاقبتيها بما فيه الكفاية اولا..هي جات حتا لعندك وكطلب منك السماحة وما طالبة منك حتا حاجة ياخرا(حطات يديها على ذقنو وقابلات عينيه مع عينها لي كيبريو بالدموع حابسة لبكية)ما تخسرشي يماك افراس..شني ما وقع ما تخسرشي واليديك..يانا كون يرجعو نعيش عبدة تحت رجليهم غير يبقاو معايا اهئ اهئ ونتينا يماك بروح وقدامك وباغي تبعد عليها!!الا ما سمحتيلاشي دابا عيجي واحد النهار وتندم تيقني افراس هئ هئ هئ..يقدر يجي واحد النهار تفتش عليها غير تشوف فيها وما تجبراشي..اتمناها ترجع درعك تبوسك طبطب عليك وما اتجبراااشي..نتينا جبرتيها حداك يانا من نهار عقلت على راسي ما جبرتاشي اهئ اهئ اهئ خاصك تحمد الله صبح وعشية حيت واليديك مزالين عايشين اهئ اهئ اههئ حيت شحااال من واحيد يعطي عمرو كااااامل غير باش يرجع يشوفوم واخة غير دقيقة وحدة..الواليدين هما الحاجة الوحيدة فهاد الدنيا لي ما مناشي زوج والا مشاو عليك عمرك ما اتجبر لي يعوض موطعوم هئ هئ ههههئ(تنفسات بعمق كتحاول تجمع لبكية)فكر فكلامي مزيااااان افراس..فكر قبل ما تندم وما تنفعك ندامة ديك الساع فكر اههههئ اهئ اهئ
تلاحت عليه عنقاتو من الجنب وزيرات عليه وخشات راسها فيه كتبكي وتشهق بحرقة..تنهد وجرها عندو زير عليها وباسلها راسها وبقى على نفس الوضع حتا تهدن ورجع بعدها بشوية عليه مبتسم فوجهها لي رجع حمر بلبكى ومسح دموعها وطمنها بعينيه ودار شاف فزينب لي جالسة موراهم ما تحركاتش كتشوف وتسمع وتبكي..حس بيد زيراتلو على حوايجو من اللور وشاف فرؤيا حداه كترجاه بعينيها وغمض عينو كيتنهد..شاف فمو وهضر بنفخة مطلع حاجبو
فراس:صعيب عليا نسى داكشي لي درتي حيت ما كنتش متوقعو منك..نتي ما كنتيش انسانة عادية بالنسبة ليا وعمرك ما اتكوني عادية..نتي اتبقاي ديما لمرأة لي رباتني وكبراتني والواليدة ديالي وعندك حق كبير عليا وما نقدرش نكرو..ولكن ثيقتي فيك تهزااات وصعيب انها ترجع كيما كانت(تنهد)مي كيما كان حنا بشر وكلنا كنغلطو وكنديرو شي حوايج خارجة عن طوعنا..بلحق خاصك تعرفي بلي السماحة ما خاصكش طلبيها غير مني انا..السماحة مزال خاصك طلبيها من ناس خرييين عاناو بسبابك..اما انا فما حدك ما درتيش هادشي غيير ما تسنايش مني شي حاجة
خرج من المكتب وداز فشامة ورقية لي واقفين طالفين وذنيهم كيتصنتو وهبط للصالة الرياضية باش يقدر يتهدن
رؤيا قربات منها وحطات يديها على كتفها كتواسيها والاخرى هزات راسها فيها بادلاتها ابتسامة حزينة
زينب:سمحيلي ابنتي اهئ اهئ اهههئ كنت غاالطة فيك وبزاااف اهئ اهئ وحتا هي كنت غالطة فيها بحالك
رؤيا:؟؟
زينب:نتي كتشبهيلها بزاااف..حتا هي كان قلبها كبير وبيض ونيتها صاااافية وهادشي لي كان كيخلي كلشي يبغيها وكان كيخليني انا نغير منها انههئ هئ ماشي بحالي انا نيتي الخايبة خرجات عليا وخلاتني ندمر حياتي وحياة ولدي..سمحيلي ابنتي اههئ عافاكوم سمحولي اهههئ هئ
رؤيا:(بابتسامة)المسامحة..نتينا غير إنسان..والانسان بطبيعتو خطاء كلنا غلطنا وما كاينشي فينا شي واحد كامل..ونتينا عرفتي غلطك وهادشي كافي..وفراس واخة كيبغي يبين راسو قاصح ولكن هو قلبو بيض وحنيين واكيد غادي يسمحلك..كوني هانية
طبطبات عليها وخرجات حتا هي لقات رقية وشامة جالسين فالصالة دازت من حداهم شافت فرقية شوفة حسرة وحتا رقية هبطات راسها كتنهد..ورجعات قلبات الدورة هبطات للصالة الرياضية
دخلات كتقلب عليه لقاتو ناعس على ظهرو فوق منصة مرتفعة ورجليه حاطهم فالارض وكيرفع فوزن ثقيل وصدرو كيطلع ويهبط بقوة ومركز الشوفة فنقطة واحدة..قربات عندو وفتحات رجليها جلسات فوق منو وهبطات راسها حطاتو على صدرو وزيرات عليه فصمت..وهو كمل على نفس الوضع ومرة مرة كتخرج منو غوتة بقوة الحر لي فيه حتا عيا وغوت غوتة وحدة وحط الثقل من يدو وهبط يدو حطهوم على ظهرها فشلان..بقى كيرد النفس وراسها طالع هابط فوق صدرو بالزربة حتا تهدن ودور يدو عليها وزيرها عندو
رؤيا:(بصوت خافت)عارف شحال كنبغيك ياك؟
فراس:(تنهد)لي عارف هو انك شحال ما بغيتيني ما عمرك ما اتوصلي للدرجة لي انا كنبغيك بيها
رجعات حطات راسها على صدرو وكتلعب فلحيتو وهو يد كتلعب فظهرها ويد فشعرها
رؤيا:فراس؟
فراس:امم
رؤيا:سمحتيلها ياك؟
فراس:(تنهد)ما عرفتش
رؤيا:يانا عارفة شحال تجرحتي من جيهتها وحاسة بيك..حيت فاش كتجيك الضربة من شي حد قريب ليك بزاااف كيكون صعييب انك تنسى.. وكل ما زاد الانسان قرب كلما الضربة كتكون قصح وقصح..ولكن هاديك ماماك افراس غلطات من خوفها انها تخسرك..اي أم كتكون باغة ولدها يبقى ديما تحت جناحها
رؤيا:اي ام كتبغي ولدها يبقى تحت جناحها..وكتخاف تجي شي وحدة تاخدو ليها..يانا ما كندافعشي عليها حيت لي عملاتو ماشي ساهل وبسبابها بابا وجدو وحتا تينا تعذبتو سنين وسنين ولكن يانا ما بغيتكشي تعيش حاقد عليها ما باغاكشي يجي شي نهار وتقول فيه يا ريت
فراس:الصمت
هزات راسها شافت فيه لقاتو كيشوف فالسقف وبالو ماشي معاه ساهي وتبسمات وقربات باستو من تحت ذقنو وهو رد ليها البال وشاف فيها مبتاسم وهي زادت هبطات راسها باستو من فوق تفاحة آدم لي عندو فعنقو حتا حسات بيه تبورش وضحك بشوية
فراس:لمك ما تبوسيش تما هه
رؤيا:(شافت فيه متفاجأة)اواااه ما تقولاشي هنا عندك اللعبة ههه يااا حليييلي ههه
فراس:هه نتي راه كتقلبي عليا
رؤيا:ههه يانا بلعمى(باستو من نفس لبلاصة)
فراس:ههه لا رصاي الله يهديك يا هاد البنت راه الا نضتلك ما يشدني عليك حتا حد
رؤيا:ههه خلينا نبوسو هاء ما نبوسوشي
فراس:هه لا ما تبوسيش وخصوصي تما حيت اتصدقي فيما لا يحمد عقباه😉اولا عجباتك تكرفيسة دالبارح
رؤيا:مزال كتفكرني يا المجحوم ههه
فراس:وهاااا لي ما بغيناش نتي كتقلبي عليا وفلخر كتبداي تعايري..ما حد العفو مزال ما جاش ما دوريش بيا احبيبة هههه..اجي بعدا شحال مزالك فالكونجي
رؤيا:علاش نتينا خليتي فيها شي كونجي
فراس:هههه راه نتي لي كديريها لراسك
رؤيا:تبسمات بخجل
فراس:وا شفتييي هانتي اتجبديني
رؤيا:(ضرباتو لصدرو)والله حتا زدتي فيه شني عملتلك دابا ما نضحكشي
فراس:لا مضحكيش هههه راه نتي ما كتعرفيش شنو كديري فيا..غير ضحيكة منك كتشعل فيا العافية ولا هاد الخالات اححح(باسها من فوق الخالة)
رؤيا:ههه هي نعيط نبومبيروس(الاطفاء)
فراس:ههه لا لعافية نتي لي كتشعليها ونتي بوحدك لي تقدري طفيها ههه
رؤيا:ههه نوض الحبيب نووض راك بديتي تهترف
فراس:نتي لي جالسة فوقي نتي لي نوضي هههه
رؤيا:(بغضب)ياااااك وا ها هي
بغات تنوض وشدها رجعها لصقها معاه
فراس:ههه غير ضحكت معاك احياتي..جلسي شحال ما بغيتي
رؤيا:اممم صبغني امستر كولورادو
فراس:هههه فخبارك بهاد مستر فكرتيني فديك خيتي😈
رؤيا:شكون هادي😡
فراس:ما عرفتش اينا هي فيهم واش ربطة دالقزبر ولا معقوفة الرجلين ولا مغوفلة البيطان ولا جنية ههههه
رؤيا:ما تبقاشي تجبدا على دقمك حسن ليك ولا اتشوف شي حاجة ما تعجبكشي
فراس:امم شنو تقدري ديري همم!
رؤيا:ههه بزاف اوليدي راه مزال ما عرفتينيشي راه هادي روووؤيا وأجرك على الله
فراس:(باسها بقوة)نوضي احبيبة راه حاس بالصبر قريب يسالي..نوضي نكملو لونثريمون راها ما طالعاش ما طالعاش
ناضت من فوقو وناض وقف حتا هو كيقاد سروالو وكيحك فحجرو
رؤيا:هههههههه
فراس:كضحكي لحسك راه اندير بناقص من شي صبر ونوض نهجرولك
رؤيا:ههه صافي ها يانا سكت ونتينا خاصك غير لي يجبدك
فراس:😒
رؤيا:هههه احححم
خلاتو موراها وطلعات فوق الطابي غولون خدماتو كتجري بشوية وهو وقف حداها على طابي اخرى وهي كتشوف فيه من لمراية لي قدامهم وحابسة الضحكة حتا نزل عليها للراس بقرعة دالماء ورجع كيشرب
رؤيا:ااااااي راسي..الباسل
فراس:باش تعاودي ضحكي..غير تسناي عليا الا ما فديتش فيك هادشي ابنتي راه ما نتسماش
رؤيا:عرفتي يانا لي مسطية عاملة عقلي فيك..ما تحشم ما ترمش
فراس:خليتلك لحشومة غير نتي بركة عليك..كون كنت كنحشم كون راحنا مزالين خوت ههههه
رؤيا:الصمت
كملات هي وياه وكل شوية يبدلو الالة..وهما مرة ضاحكين مرة مناقرين حتا سالاو ودورات يديها مور ظهرو وهو حط يدو على كتفها وطلعو بزوج لبيتهم يدوشو.. ورجعو هبطو هو بسروال كحل مع تيشورط زيتي وجاكيط دالجلد..وهي بسروال اسود وطوب سماطي فنفس اللون وسوميج فالزيتي طويلة للركبة خلاتها مفتوحة وصبادرين بيضة
هبطو كيضحكو لطبلة دلفطور وجلسات هي وياه بوحدهم حتا جات عندهم رقية جلسات فوق فوطوي قبالتهم ساهية وهي تنقز رؤيا سولاتها وكتشوف ففراس بطرف عينها
رؤيا:اححم يما!
رقية:نعم ابنتي
رؤيا:فاينيا اححم!
فراس:طلع عينو شاف فيها ورجع كياكل
رقية:(تنهدات)شغانئولك ابنتي لا حول ولا قوة الا بالله..ئطعاتلي فئلبي غير خرجتي نتين وتبعاتك هي طلبات مني السماحة ورجعات خرجات ئالتلك اتمشي تصفي لحساب لي مزال عليها
رؤيا:كح كح كح كيفاش زعما واش مشات لعند بابا!!
رقية:داكشي لي فهمت حتا انا..دابا تكون وصلااات راه هادي شحال باش خرجات يعلم الله شنو ايوئع غير الله يستر وصافي
خلقت له الجزء 11
محتوى القصة
التنقل بين الأجزاء