رجعات جلسات فبلاصتها كتشوف فيه من لتحت لتحت ما رضاتش وما عجبهاش الحال يغوت عليها وهي ما دارت والو..ورقية هزات راسها وخوات السيكتور وهو جالس كيفطر وباين على وجهو معصب..بقات كتلعب فطبسيلها وفيما تجي عينها فعينو كتلقاه مخنزر فيها وترجع تهبطهم بالزربة..
رجع لور تكى على الكرسي وربع يدو كيحقق فيها مزيااان وعاقد حجبانو وهضر بصوت زعزعها
فراس:(بأمر)نوضي تهزي وقفي
رؤيا:ااا..ششني!
فراس:قلتلك وقفيييييي
ناضت وقفات بالشنتة وكتشوف فيه مطلعة حاجبها وكضرب برجليها فالارض..شافت فيه لقاتو مزال مربع يدو وكيطلع ويهبط فيها يله بغات تهضر وهو يجرها عندو بالجهد جات جالسة عليه وعاطياه بالجنب
فراس:اممم مالها لحبيبة ديالي تقلقات همم!
رؤيا:(حالة فمها فيه ما فهمات والو)
فراس:ههه مالك كتشوفي فيا هاكا شنو كاين
رؤيا:لا ما كاين والو..واش نتينا مريض ولا شعندك ياك عاد دابا كنتي كتغوت وتهلل ودابا كتقولي مالك احبيبة تقلقتي..واش فو ولا فيك ديفو!
قفزات فوق حجرو حيت خلعها ولغوتة جات حدا وذنها حتا بغات تصماك..شافت فيه مخلوعة وهو شدها من خصرها ودورها وهي فوق رجليه تقابلات مع الطبلة وبدى كيهز ويحطلها
فراس:(بحدة)يله كووولي
شداتها البكية وخلعها ومدات يديها هزات توست مدهون بكونفيتير عضات منو والدموع مجموعين فعينها وهزات كاس دالعصير كتشرب منو ويديها كيرجفو..كرشها بدات كتهز بقوة ما حابسة لبكية حتا حسات بيديه دارو على كرشها ومد يدو شدلها فيدها لي قابطة بيها الكاس كيشربها وهي طلقها
رؤيا:انههااائ اهئ انهننن
فراس:(باسها فعنقها)ششش صافي ما تبكيش راه بربي نتي لي كتعصبيني بهاد الراس القاصح لي عندك
رؤيا:اهنهئ لا نن..تينا اهنهئ
دورها عندو بالجنب عاود وشد وجهها بين يديه شاف دمعة هابطة على خذها وحط فمو باسها حتا مسح الدمعة وبعد وجهو
فراس:قبل ما تكملي دوري عطيني بوستي بغيت نكمل فطوري ههه
رؤيا:غمضات عينيها بعدم صبر وما جاوباتوش
فراس:دوري لمك راه انوض نخشيلك وجهك فداك الطبسيل ونوريك لفشوش
رؤيا:(دورات وجهها عندو معصبة)حق الله حتا زدتي فيه..من الصباح ونتينا جالس كتأم انممممن
سكتها ببوسة وغفلها حتا خرجو عينيها ودور يدو على خصرها نعسها عليه ويد شاد بيها شعرها من مور عنقها مزيرها عندو..حطات يديها على صدرو كتدفعو بشوية وهو غير ما كيزيد يزيرها عندو ويفورصي عليها كثر وكثر
بقات كتبعدو بيديها من صدرو وهو كل ما دفعاتو كل ما كيزيد يجرها عندو ويضغط على فمها اكثر واكثر..عيات تعافر وفلخر استسلمات ليه ودورات يديها مور عمقو وتجاوبات معاه ورجعات هي لي كتبوسو وهو مخليها على راحتها حتا تسالالها السوفل فمرة وبعدات عليه بشوية كتنهج ومغمضة عينيها
فراس:(بعينين معسلين)ههه هذا جهدك
رؤيا:الصمت
فراس:ههه ايوا منين نتي طالبة عليها علاش جالسة كتعفري عليا
حشمها ودارت بالزربة حابسة الضحكة ورجعات كتفتف وتهز الكاس توصلو لفمها وترجع تحطو تلفها..شاف فيها كيضحك ودورها عندو بابتسامة ومد يدو كيوكلها وهي كتمضغ بشوية ودور فعينيها ما قدراتش تشوف فيه بحال الا اول مرة ايقرب منها وهو كيوكلها ضغمة ويتبعهالها ببوسة كل مرة فقنت حتا حبساتو
فراس:ههه انا من دابا توحشتك يله ابب ما انتعطلش تهلاي فراسك
باسها من جبهتها وخرج بحالو وهي هزات راسها مشات جلسات مع رقية كيهضرو على زينب
تعاشات لعشية وشامة ورقية ورؤيا جالسين مجمعين حتا دخل عليهم فراس كيسلم وتبعاتو زينب..غير شافوها ناضو وقفو شي كيشوف فشي
فراس:اححم..الواليدة دخلي
دخلات زينب بشوية مهبطة راسها ووقفات حداه
فراس:(تنهد)مهم الواليدة من دابا لفوق اتجلس معانا هنا ان شاء الله
رؤيا:(شافت فيهم فرحانة)هههه مرحباااا بيها..الدار دارها ههه
زينب:(بابتسامة)الله يرضي عليك ابنتي..هذا هو المضمون فيك اهئ اهئ
رؤيا:علاش كتبكي دابا راه خاصك تفرح زعما
زينب:اهئ اهئ انا ما نستاهلش هاد المعاملة انا غلطت فحقكم اهنهئ غلطت فحق كل واحد فيكم ونتوما ما فكرتوش دقيقة وحدة وسامحتولي واستقبلتوني وسط منكم
فراس:الصمت
رؤيا:(تنهدات)صافي اخالتي داكشي فات ومشى ما عندنا علاش نبقاو كل مرة نتفكروه دابا نتينا هنا معانا وبيناتنا واي حاجة وقعات انساوها وانبداو كاملين صفحة جديدة
زينب:اهئ اهئ نتي ملاك ابنتي ملاك وسيفطك ربي لولدي
رؤيا شافت ففراس لقاتو كيشوف فيها بابتسامة دايب فيها وحتا عي بادلاتو نفس النظرة وكيشوفو فبعضهم والف كلمة وكلمة تقالت غير بلعينين..
جلسو كاملين مجموعين حتا تعشاو وطلع كل واحد لبيتو وفراس عاود لرؤيا على مو وشنو وقع منين مشات وقالها بلي باه عيطلو فاش جات عندو وبقات كتطلب وتزاوك وتبكي باش يسمحولها حتا سخفات..ومشى عندهم غير حلات عينيها رجعات لنفس الحالة حتا بغات تبوسلهم الرجلين وفلخر تصافاو معاها وسمحولها واخة صعيب ينساو لي دارت وما داز عليهم..
⏰بعد مرور شهرين..
خرج فصل الخريف ودخل فصل الشتاء ببردو وامطارو وجو طنجة المعروف برطوبتو..دازت عليهم شهرين وهما عايشين كاملين فرحانين..زينب بشوية بشوية رجعات دارت بلاصتها فوسطهم وفهاد الفترة قربات من رؤيا بزاااف وكانت ديما فرحانة بيها وحاسباها بحال بنتها وحتا رؤيا عمرها نقصات منها او فكراتها بلي داز.. فراس ما قدرش ينسى فمرة ويرجع معاها كيف كان ولكن علاقتو بيها تحسنات..اما بالنسبة لحسن وجلال فبقى داك التوتر فعلاقتهم معاها والا جابتها وتلاقاو كيجمعهم بيها غير السلام فقط.. شامة مزالة مع رؤيا واخة عياو يعيطو عليها ترجع رؤيا ما خلاتهاش تمشي حيت ولفاتها وحتا شامة ما باغاش ترجع لجبل وكانت عاطياها غير لخروج والتيليفون هذا ما مقابلة..اما رؤيا وفراس فهما كالعادة ونهار على خوه كيزيدو يبغيو بعضهم اكثر واكثر وعلاقتهم كتحسن رؤيا رجعات كتفهمو غير من الشوفة وهو مغرقها فحبو وعمرو بخل عليها بأنه يبينلها هاد الحب او كي كيسميه هو العشق..كان كيسافر مرة مرة وواعدها غير يسالي هاد المشروع لي شاغلو يسافر هو وياها فين ما بغات
اصبح صباح يوم ممطر..الرعدة والشتاء قوية.. قربات منو وزادت تخشات فيه اكثر وتكمشات فلغطاء من البرد وكتأمل فيه وكتسمع لصوت الشتاء لي كيجيب النعاس..شافت فالساعة كانت واصلة 10:30 ما موالفش يبقى ناعس حتا لهاد الوقت ولكن المرض ولعيا سهطو وما قدرش ينعس فالليل مزيان..هزات يديها كتلعب فلحيتو وشعرو حتا حسات بيه بدا كيفيق وناضت نعسات فوق منو وحطات راسها على صدرو وهو هز يدو فشلانين دورهم على ظهرها وهو مزال مغمض عينيه..
رؤيا:صباااحو حبيبي
فراس:(بصوت عيان)صباح نور احبيبة(دور وجهو وحط قبضة يدو على فمو)كح كح كح انمنم شحال فالساعة
فراس:هه راه محرمها على راسي شمن عليك..انا راه ما كرهتش نشدك ناكلك ماشي غير نبوسك ولكن ما باغيكش تمرضي احبيبية كح كح كح
رؤيا:اوووف صافي على خاطرك
فراس:ما تقلقيش مني احبيبة غير على قبل مصلاحتك..غير نبرى ان شاء الله وشبعيا فيا بوسان اما انا راه البوسان ما يكفينيش ههه
رؤيا:ههه سبحان الله لي فيك فيك واخة تكون كتموت
فراس:هه الله يخلينا فصباغتنا..يله احبيبة نوضي ونوضيني معاك راه مشى الحال
رؤيا:ههه يله نوض
ناضت عليه لابسة كيطمة دالنعاس ثوبها خفيف وسخون فلكري خشات رجليها فبانطوفة غوز على شكل قطة ومداتلو يدها كتجرو وهو كيضحك عليها حتا تجلس وحط راسو على يديه كيحك جبهتو لابس سروال سورفيط ازرق مع كبوط خفيف مزير عليه دلقطن كول v فنفس اللون..جراتو معاها للحمام بزز باش كيتحرك ودوشاتلو ودوشات حتا هي معاه وخرجو ببينوارات دالحمام فنفس اللون القرفي..لبساتو حوايجو سروال دجين أسود مع كبوط فالزيتي وجاكيط دالجلد أسود وبروطكان فالاسود..لبسات حتا هي هي حوايجها عبارة على سروال دجين ابيض مع كبوط بالكول أحمر دالصوف وبوط طويل فالاسود ورجعات عندو جلساتو كتمشطلو شعرو وهو ومدور يدو على خصرها كيضحك معاها..سالات وباستو من راسو وهو باسلها يدها من لداخل..
رؤيا:ههه واخة مريض مزال بوكوص
فراس:اتشييي الله يا ربي الحمد لله احمم ههه عويناتك لي زوينين..واقيلة كيبانلي غير نبقى مريض باش تبقاي تفششيني وتهلاي فيا بحال هاكة
رؤيا:لاباس عليك احبيبي..نتينا غير برالي ويانا نفشش حياتي شحال ما بغى
فراس:(وقف حاط يدو على خصرها)ههه احح عليك وعلى هاد لفيم لي كيخرج غير لعسل فحالو
رؤيا:(دورات يديها على عنقو وهي كتشوف ففمو)ههه اممم بيني وبينك ما توحشتيشي ذوق شوية دلعسل(غميزة)
فراس:(رجع راسو لور كيضحك)ههههه نتي ما بانليش فيك هاد الايام..شنو جاك؟كايبانلي ما انتشافا حتا تعواجي نتي
رؤيا:(ضرباتو لصدرو)كضحك..ايوا واخة عندك الصح انا لي نستاهل
فراس:ههه ما تقلقيش احياتي راه غير كنبغي نبرد على راسي ما كاينش لي ايعواج قدي انا
خرجاتلو لسانها وجلسات قدام لمرايو هزات المشطة كتمشط شعرها حتا وقف موراها وشد فيديها وخداها منها وقبط شعرها كيمشطولها بشوية وعاطيه وقت وعاجبو شعرها لي طوال ووصل للنص فظهرها ما بقاش قصير..وهي حطات يديها على حناكها سرحانة فيه بابتسامة..شاف فيها من لمرايو وغمزها كيضحك وحط المشطة من يدو
فراس:مزيان؟!
رؤيا:ههه وي صافي
باسلها راسها وخلاها كتقاد وجهها..لبس ساعتو الجلدية فيدو اليسرى مع الخاتم دالزواج لي ما كيزولوش..وهز قرعة دلعطر يرش منها حتا سمعها كتغوت
رؤيا:لا لا ما تعملشي هاديك
فراس:(باستغراب)علاش مالها!
رؤيا:ريحتها خايبة ما كتعجبنيشي
فراس:أو..ياك نتي لي شريتيهالي
رؤيا:لا ما بقاتشي عاجباني..اممم عمل هاديك لي فالقرعة دالزجاج الزرقاء..شميتها البارح زوينة هادي غير سيبها
فراس:مأكدة!!انا كتعجبني هادي
رؤيا:(بدلع)وا عافاك افراس عملي خاطري
فراس:هه اوك احبيبة ها هي الريحة لي عاجباك (رش من القرعة لي قالتلو)يله بقايلي على خاطرك
وقفو حدا الطبلة دالماكلة لقاو رقية وزينب جالسين كيفطرو ويضحكو صبحو عليهم..انضمو ليهم حتا هما رؤيا استغربات لعدم وجود شامة وسولات عليها وعرفات بلي مزالة فبيتها ما هبطاتش.. سالاو لفطور ووقفات رؤيا على فراس حتا شرب دواه ومن بعد ودعاتو وهو خرج يقضي شغلو..طلعات هي مباشرة لعند شامة تشوف مالها..دقات الباب ودخلات لقات البيت كلو مظلم وريدوات طايحين وكلو مغموم..سدات موراها الباب وقربات منها وكل ما زادت قربات كل ما كيزيد يوضاح عندها صوت البكاء والأنين.. تخلعات وخلفات بالزربة وهزات لغطاء بالجهد لقات شامة عاضة فمخذة ووجها كلو مخلط بالدموع ولخناين..غير شافت رؤيا وهي تبدى تفتف وكتحاول تحبس البكية....
رؤيا:(بخوف)اواعدي شعندك ياك لباس؟..شهاد الحالة علاش كتبكي!!
رؤيا:(شداتها من وجهها وهضرات بحدة)شني وقع..هضر بلا ما تعصبني شني عملتي!
شامة:(حطات يديها على وجهها كتبكي)
رؤيا شداتلها يديها كتزولهم على وجهها كتسولها بخوف وكتحاول تفهم منها وشامة غير كتبكي وهي كتجار معاها ما بغاتش تهضر حتا عصباتها وهزات يديها ونزلات عليها بتصرفيقة حتا قطعات لحس وبقات غير كتخنصص
رؤيا:(بغضب)شعندك المرض شعندك..شني واااقع عصبتييني تفووو..شني واقع اشامة شعندك علاش كتبكي!؟واا هضااار شمن مصيبة عاااملة؟!
شامة:وواخة هء هء انعاودلك وعافاك عاوني اختي عاافاك اهنهئ ما كاينشي لي ايعاوني من غيرك اهههئ
رؤيا:اوووووف الله يستر يا ربي..واخة واخة يله غير هضر
جلسات حداها على جنب الناموسية وشامة مسحات دموعها وجمعات النفس مزيااان باش تحبس البكية وهزات راسها شافت فرؤيا ورجعات هبطاتو كتلعب بصباعها ودمع
شامة:اووف يا ربي..اههئ دابا يانا هادي شي شهر ونص جاني واحد طلب صداقة ففيس ياك اهههئ من واحد الولد اههئ ودخلت شفت تصاورو وعجبني اهههئ وقبلتو
رؤيا:(بخوف)ايوا كمل!
شامة:(تنهدات)وفاش قبلتو دخل هضر معايا..يانا بقيت كنهضر معاه حيت كان عاجبني اههئنهئ ومن بعد مدة قالي بلي يانا عجبتو وبغى..وبغى
رؤيا:شني بغى هضر!
شامة:بغى يشوفني اههئ مهم تلاقيتو وبقينا كنخرجو وهو قالي بلي كيبغيني ويانا ديك الساع كنت بديت نبغيه هئ هئ هئ صافي بديت كنهضر يانا وياه فالواتساب وشش اههئ شحال من مرة كنت كنهضر معاه فيديو فاش كانكون ناعسة اهئ اهئ هئ حتا لواحد نهار قالي بغى يشوفني بشي كسوة تكون قصيرة وما بغيتشي نصردالو اههئ ودابز معايا قالي نتينا ما كتيقشي فيا ويانا كنبغيك وما نقدرشي نعمل شي حاجة لي تآديك
شامة:اهههئ حتا نلبارح صردلي دوك التصاور كااااملين وصردلي حتا تصاور مسكرينيهم من لفيديوات لي كنت كنهضر معااه فيهم اهههنئ وقالي يا تجيبلي 5 دالمليون يا ننشر تصاورك ونفضحك اهههئ اههئ
رؤيا:(كضرب ففخاضها)اواااااعدي على لحمااارة..اواعدي وشني عملتييي هااااه!اويلي على فضيحة ياويلي..مصردالو تصاورك الكلبة!
شامة:اهههئ يانا اهههئ تيقت فيه ما زياليشي ايعملي هايدا هو قالي كيبغيني وايزوج بيا اههههئ
رؤيا:(صرفقاتها)ضحاااااك علييييك سمعتيها ضحك عليك حيت جبرك حمااارة..ثقتييي فيييه!عرفتيه شهر ونص ثقتييي فيه..قالتلك يزوج بيها هه كون بغى يزوج بيييك كون جا طلبك من دااركم ماشي يجلس يتعنب عليك فالميساجات..الكلب لاخور تفووووو..ولكن ما نلوموشي لقاك مكلخة دغيا لحسلك مخك..زوج كلمات خلاوك ترمي كاااع داكشي لي تربيتي عليه نسيتييي كلشييي..باك ويماك وخوتك لي ثايقين فيك هادوك ما ضربتيلهم حسااااب..ويانا!!يانا لي مأمنيني عليييييك وعاملة ثيقتي فيك ومخلياك على راحتك طعنتيييتي..حناا كاااااملين ما عجبناكشي وما فكرتيشي فينا فكرتي غير فيه هو لي عرفتيه فشهر ونص..علااااااش اشامة علاااش!
شامة:اهئ اهئ اه اااه يانا حمااارة وماانسواااشي اهئ يانا لي عملتا نراااسي يانا لي جنيت على راسي بيدي اهئ اهئ يانا خاااصني نموووت اهنهئ
رؤيا:سكت من لبكا سكوووت..باش اينفعوك دموعك دابا بااااش!!لي عطى الله عطااااه..دابا خاصنا نشوفو كيفاش انفكو هاد لحريرة ونخرجو منها بلا فضيحة..اووووف يا ربي لحبيييب..اخر حاجة كنت نتوقعها منك اشامة علااش اختي علاش شني تسال راسك وتسالني..شني ناقصك باش تخلي واحد مايسواشي يضحك عليك..علاش تصورلو راسك لا عريانة لا مغطية..شني كتوقعي منو يسترك مثلا!!اذا نتينا وما سترتيشي راسك بغيتيه هو يعملا..عرفتي يكون خاااطبك شمن خاطبك يكووون عاااقد عليك عرفتي شني هي عاقد عليك..فما حدك ما مشيتيشي لدااارو ما تييقشي فيييه حيت الدنيا والزمان هذا بنادم هاد النهار بوجه وغذا يتسيف عليك بحال الا عمرو عرفك..فاين كان عقلك فاييين😡!
شامة:اههنهئ سمحلي اختي عااافاك سمحلي يانا بيدي ما عرفتشي كيفاش عملت هادشي فراسي..كنت مغيبة وما حساشي بشني كنعمل..اهههئ قلت حتا يانا جبرت لي يبغيني ونبغيه اهنهئننئ ساعة هو كان غير كيضحك عليا اهههئنهئ
"هادي رسالة مني ليكم البنات..ما تفرطيش فراسك وتيقي الخزعبلات..صوني نفسك وما تبيعيهاش بزوج كلمات..لي بغاك ايجي يدق بابكم بلا مقدمات..ماشي يلعب معاك قاش قاش ويطل من السريجمات..وكلامي ديريه حلقة فدوك لوذينات..ديما عزي راسك وكوني وحدة من الحرات..لي ما يرضاوش يتباعو ويتشراو بلفرانكات😉"
شافت فيها رؤيا بغضب ودورات وجهها حطات راسها بين يديها كتفكر وتفيفري فرجليها وشامة حداها كتخنصص..
شامة:اهههئ شني انعمل ارؤيا اهئ منين انجيبلو يانا ديك لفلوس كاملة اهئ اهئ غادي يفضحني والله حتا نموت ارؤيا..نقتل راسي ونتهنا اهنهئ حيت الا تفضحت خوتي وبا والله لا فلتوني اهنههئ
رؤيا:(بغضب)😡صافي سكت الله يرحم باك خليني نفكر..هادشي كان خاصك تفكر فيه من شحااال هذا ماشي حتا طاح الفاس فالراس..اوووف شفتي شغاتعمل ارى تيليفونك ودوزلي نهضر مع هاد الحيوان
شامة:هااه..شني اتقولو؟
رؤيا:من نيتك كتسقسي..طلق زمر ذغيا
شامة:وو..واخة هاني
هزات تيليفونها ودوزاتلها النمرة وعطاتها التيليفون شداتو ووقفات حاطة يديها على جنبها غادة جاية وكتعض على فمها..صونات المرة الاولى والثانية والثالثة عاد جاوب صوت شاب باين من خلال صوتو كان ناعس ويله فاق
الشاب:احححم..شنو بغيتي لاش معايطالي على الصبح فارعالي مخي!
رؤيا:(بغضب)باغة نطلع بروحك الحيوااان الشماتة..جالس كضحك على بنات الناس يا الكيدار
رؤيا:ما كاينشي شي خانز قدك يا جيفة ريحة دقمك وصلات حتا نعندي😡
الشاب:بربي وما سديتي فمك حتا نجي نفرعك..وgلي لديك الكلبة لي مسيفطاك والله حتا ندمها..وتصاورها من دابا شوية تدخل تفرج فيهم..
رؤيا:والله وتعملا حتا ندمك على نهار لي بزااااتك فيه يماك يا لبعلوك..عنداك يزيالك اتخلعني بهاد زوج كلمات..عندي لي يغبرك نتينا ودوك التصاور وبكلمة واحدة الشماتة
شامة:(بخوف كتجرها من يدها)اهئ اهئ رؤيا!!؟
الشاب:هههه ايوا واخة وريني حنة يديك..ها انا انبوسطيهم ودااابا..ووريني شنو فجهدك ما ديري..بغيتو غير لفضيحة ها نتوما اتشوفو
رؤيا:(نترات يدها من شامة)رخييييي..اووووف شو سمعني مزيااااان الا دوك تصاور خرجو وشافهم شي حد ياخور..حسب روحك طلعات عند مولاها
الشاب:ههه ما كنخافش..الا كانت غير لموت مرحبا بيها تهنيا وراحة وما خاسر وااالو انا..ويااا ربحة يا ذبحة..نتوما لي اتخسرو وبزااااف..ودابا عندك من هنا لغذا فالصباح يا تجيبيلي 5د المليون حتا لعندي يا إما gولي لديك الزوينة دخل تشوف راسها شحال جابت من جيم..وgولها ما تخافش دابا نحط حتا نمرتها والاسم الكامل معاهم حيت انا مأكد بديك الفورمة وديك اللحيمة بيضة اتجيب لكليان ويكثر عليها الطلب ههه يله باي الغزالة
رؤيا:تسنا يا الكلب..تفووووو قطع
ضربات التيليفون جا فوق الناموسية وشافت فشامة مخنزرة وبقات غادة جاية كتهضر وتسوط حاطة يديها على جنابها
رؤيا:الكلب ياخووور الحيوااان..قالك كيهدد الشماتة وهو تجبرو مزال كيعملوم تحت منو البرهوش..هادشي لي بغيتيي على اخر يامنا رجع مكبوت ولد لحرااام كيعايرنا ويحل علينا قادوسو
شامة:اهههئ اهئ ششني قالك اهئ
رؤيا:شغااايقول شغايقول..قال جيبو لفلوس ولا من غذا تسناي لكليان يبداو يعيطولك
شامة:اههنهئ انهنهنهئ
رؤيا:كتبكييي!!فاش كان كيتعنب عليك بلكلب ياخور كان عاجبك حالك..(شافت فيها بخوف)اجييي بعدا!!ياك ما مشيتي معاااه هااه هضر!
شامة:لا لا لا ما مشيتشي معاه وما قاسنيشي اهنهئ اصلا يله خرجت معاه شي زوج مرات وصافي والله ما خذا مني شي حاجة ههئ انهئ
رؤيا:اووووف الله يا ربي عاوني..شني غانعمل دابا شني..خرجتي على راسك وخرجتي عليا.. ولكن يانا لي نستاهل حيت عملت فيك ثيقتي ورخيتلك لحبل..لا والو هاد المشكيل فراس هو لي ايخرجنا منو هو لي ايعرف كيفاش يتفاهم مع داك لكلب ويربيه مزياااان..باغي يلعب انوري يماه اللعب على أصولو
شامة:(نقزات شداتها قبل ما تمشي)لا لا ارؤيا عافاك لاا اهنههئ ما تقولالوشي انتشوه قدامو لا الله يخليلك ما عز عليك عافاك اختي اهئ اهئ اهئ ما نقدرشي نبقى نشوف فيه..عافاك اختي بلا ما تقولالو اهنههئ
رؤيا:(نترات يديها)يانا عارفة شكانعمل..وداك الحيوان ما كاينشي لي ايعرفلو قد فراس..غادي يمحيه لا هو لا دوك التصاور
شامة:الاااا ارؤيا لاااا عافاك نبوس رجليك عافاك الاا اهنههئ والله حتا انتاحر..فراس كنحسبو فحال خاي نمووت وما نشوفشي فيه اذا عرف هادشي اهنههئ
رؤيا:كتحسبو فحال خاااك!؟كون حسبتيه فحال خاك وعملتيلو لحساب كون كاع ما عملتي هادشي..هو زعما عامل فيك الثقة ومخليك علااا خاطرك تخرج ودخل كيف بغيتي وما بغاشي يحبسك ونتينا شو شني عملتي!نتينا ما فكرتي لا فيه لا فيا لا فخوتك دبصح..فاش كنتي كتزبط وتصرد لداك المكبوت ما حشمتيشي ودابا ما اتقدرشي تشوف ففراس الا شافوم هااا!
شامة:اهنههئ عافاك اختي لا..عاااافاك هئ هئ هئ
شافت فيها رؤيا شوفة قاااصحة وباين الغضب فعينيها وخيبة الامل وهزات يديها وعطاتها طرشة بكل مافيها من جهد حتا طاحت شامة وهي كتبكي وشادة فحنكها
رؤيا:يا خساااارة ثيقتي فيك..عمري تسنيت منك ترخصي راسك حتا لهاد الدرجة..كون جا شي حد ياخور قالي شامة ها شني عملات والله ما كنت نتيقو..(توسدات الحيط وحطات يديها على وجهها)اههئ حراااااام عليك اشامة حرااااام اهنهئ
شامة:اهنهههئ سمحلي اختي عااافاك..عارفة راسي حمارة وما نسواشي ونستاهل أي حاجة تعملا فيا اهنههئ سمحلييي سمحليي اهنههئ
رؤيا:(مسحات دموعها بكمها)صااافي سكت ما نسمعشي صوتك(تنهدات وكمشات وجهها حاطة يديها على كرشها لي حسات بالضوء ضربها فيها)اووووووف..اهئ حراام عليك هئ هئ
شافت فشامة طلعاتها وهبطاتها وبعداتها من طريقها وحطات يديها على يد الباب باش تفتحو حتا وقفاتها شامة بصوت كيرجف
طاحت رؤيا على ركابيها كتحاول تسكتها وكتحط يديها على فمها باش ما يتسمعش غواتها لبرا وهي كتفركل بين يديها وتجابد حتا ضرباتها بالجهد لكرشها بالمرفق ديالها بلا ما تقصد ورؤيا زكات بشوية وشدات فكرشها كتوجع
رؤيا:ااااي كرشي اممممم
شافت فيها شامة مخلوعة وحطات يديها على فمها كتبكي وتشوف فيها وهي كتوجع
بقات راجعة بلور وكتبكي حتا ضربات فلكوافوز وطاحت عينيها على المبرد دلحديد..شافت فرؤيا لي كتشوف فيها بخوف وكتحرك راسها يمين وشمال ورجعات شافت فيه هزاتو بالزربة باغة ضرب يديها..ورؤيا عينيها خرجو وحسات بالدوخة ولعرق نازل معاها وما حساتش براسها الا وهي واقفة وكتجري وتلاحت عليها كتنترها المبرد من يديها وهي كتجابد معاها ما بغاتش طلقو حتا جرحها فيدها ودفعاتها جات طايحة وطاحت حداها كتنهج ومغمضة عينيها
شامة:خلييييني نمووووت انهههئ علاااش ما خليتينيشي علاااش انهنهئ
شافت فيها رؤيا بغضب شديد ووقفات على ركابيها وشداتها كتريش فيها وتصرفق وشامة مخلياها دير ما بغات وعاطياها غير لبكى
رؤيا:لحماااارة الكلبة باغة تقتل راااسك..باغة تمشييي كاااافرة..شنيي قاالك مخك شنيييي..باغة تنتاااااحر انهننئنئ شني كنتي اتعمل فراااسك شنييي(جراتها عندها وعنقاتها وشامة دورات يديها على كرشها)اننهئههئ عمرك تعاااودااا عمرك..الانتحاار عمرو ما كاان حل هئ هئ هئ حتا حاجة ما تستاهل تقتل راااسك علييها اهههههئ
شامة:ما بقييتشي حاااملة رااااسي ارؤيااا انههههئ خرجت على راااسي بيدي اههههئ موتي حسن من حياااتي هئ هئ هئ
رؤيا؛ششش..اههئ ما تخافشي كلشي ايتحل اهئ اهئ
شامة:عاافاك اختي عاونييي اهئ اهئ ما تسمحشي فيااا عافاك..نتينا بوحدك لي تقدر تعاوني اهههئ
رؤيا:(عضات على فمها)اممممم ششش صافي يانا معااك وما انخليكشي بووحدك(شداتها من كتافها)يانا وياك انحلو هاد المشكيلة..ويانا كنوااعدك انخرجك منها وما اتوقعلك حتا حاجة صافي اهئ اهئ
رؤيا:(بهمس)امممم ااااي كرشي..صافي نتينا غير سكت دابا..كلشي عندو حل وربي ايوقف معانا ما تخافشي
شامة:ما تقولا نحتا واحد عافاك ارؤيا
رؤيا:(زيرات على عينيها)وااخة واااخة..ما انقولا نحتا وااحد..اووووف(بعداتها عليها)يانا انمشي نشوف كي انعملو نهاد 5دالمليون خاصنا نوجدوها قبل غذا فالصباح..ونتينا سكت وجمع خناينك ما بغيت حتا واحد يشوفك فهاد الحالة ويعيق بشي حاجة واخة!يله نوض غسل وجهك ولبس حوايجك وهبط فطر وتسناني لتحت صافي؟!
شامة:(حركات راسها)واخة
ناضت وقفات رؤيا شادة فكرشها ووقفات على شامة حتا دخلات للحمام غسلات وجهها وتوضات وخرجات كتصلي..خلاتها رؤيا من بعد ما طمنات عليها انها ما اتآديش راسها وخرجات كتمشى بشوية حتا وصلات لبيتها..
دخلات لبيتها كتوجع شادة فكرشها وفتحات الباب دالحمام ودخلات كتقلب واش نزلات عليها شي حاجة خافت تكون جاتها الدم لي تعطلات عليها..ما لقات والو ورجعات قادات حوايجها وغسلات يديها ووجهها وخرجات جلسات فوق الفوطوي متكية راسها كتسوط ومغمضة عينيها..بقات على نفس الحال لمدة حتا فاتها لحريق فمرة ورجعات هزات راسها شافت قدامها وناضت وقفات بالزربة كتقلب على طاقم كامل من الذهب الابيض سنسلة وخاتم وحلقات وثلاثة دلبراسليات حيث ما بغاتش تمشي تجبد لفلوس من البنكة تحسبا لا توصل لفراس..قلبات على روسي ديالو لقاتو فوسطهم هزات صاكها خشات فيه العلبة وفتحات لبلاكار هزات كاب اسود حد لفخاض لبساتو وخرجات يديها من الجناب لبسات طربوش أحمر بشوشة من الفوق وهزات صاكها وهبطات بالزربة..لقات شامة جالسة مع رقية وزينب فالصالة هما كيهضرو وهي مرفووعة..شافت فيها زينب لابسة وسولاتها
ناضت شامة طلعات لبيتها لبسات مونطو بوردو حد الركبة مع سروال دجين وصباردين وقادات شالها وهبطات لقات رؤيا واقفة فلباب على اعصابها غير شافتها وخرجات هي وياها ركبو فالاوطو وزادو..ما وقفو حتا وصلو لعند ذهايبي فإحدى الشوارع الراقية..هبطو بالزربة كيجريو يتخبعو من الشتاء دفعو الباب الزجاجي ديال المحل ودخلو وردوه موراهم..غير دخلو طلعات مع نيفهم ريحة العطر الرجالي لصاحب المحل لي كان شاب فمقتبل العمر يكون قد رؤيا او اكبر بأعوام قليلة..طويل القامة عضلاتو بارزة نوعا ما كدل على انه يله بدى يتريني..شعرو أسود داكن مع لحية مخربقة شوية عطاتو جاذبية..أسمر اللون قليلا عندو نظرة حادة وعينيه عسلين وعاطي للعين
رؤيا:السلام عليكم
الشاب:احمم وعليكم السلام اختي شنو حب الخاطر
رؤيا:بغيت نبيع واحد طقم
الشاب:اه مرحبا..انشوف
هبطات رؤيا راسها كتجبد العلبة من الصاك والشاب استغل الفرصة كيشوف فشامة لي واقفة حدا رؤيا كتشوف فيها وعينيها الخوضر حووومر ونيفها حتا هو..وباين فيها شادة البكية بزز..استغرب وبقى شحال وهو ساهي فيها وفبياض بشرتها لي تخلط باللون الاحمر من شدة البرد والبكاء وحاطة صباع يديها الحومر على الفيترينة ودورات وجهها للجهة لوخرا مسحات دموعها لي هبطو وهو متبعها من لمراية لي قبالتو..
رؤيا:ها هو اخاي
الشاب:هاه!!ااا واخة انشوف
حلها الشاب وهز فيدو كل قطعة كيشوف فيها بتمعن
الشاب:اممم هذا راه ذهب بيض صافي وخدمتو متقونة بزااااف..وحتا التصميم ديالو واعر
رؤيا:اه عارفة..مهم شحال يقدر يسوى!؟
الشاب:هه الصراحة كون كنت انا فبلاصتك ما نبيعوش..حيت شي حاجة مجهدة وما دايراش فالسوق..هاد الشكل وهاد الديزاين اول مرة نشوفو رؤيا:كون ما كنتشي مضطرة ما نبيعوشي
شامة مع هاد الجملة تسمعات شهقة ديالها ودورات وجهها عطاتهم بالظهر ما راداش لبال للمراية لي قدامها وباينة فيها لمول المحل..نغزاتها رؤيا من جنب وشافت فيها مخرجة عينيها وهي تحط يديها على فمها كتحبس البكية
الشاب:ياك لباس اختي!
رؤيا:هه والو والو غير مريضة شي شوية وصافي
الشاب:(بقلق)ااه..واش شي حاجة gغاف؟
رؤيا:(باستغراب)لا ماشي شي حاجة غير تلواتلها رجليها فاش كنا قاطعين الشانطي ومع هي واحد البوحاطية راها جالسة تفشش عليا هه
الشاب:مي تقدر تكون تفرعات فرجليها!حيت باينة فيها مقصحة بزاف
رؤيا:هه لا ما وقعلها والو..يانا طبيبة وقلبتلها رجلا ما فيها والو غير هي كيعجبها تبوحط..يانا لي عارفاها
الشاب:اممم اوك..اححم جلسي اختي الا ما كنتيش قادرة توقفي..راه الفوطوي جلسي عليه
شامة:شافت فيه وشافت فرؤيا وهي كارزة على فمها
رؤيا:اه مشي جلس..ومسح دموعك بركة من لبكى
شامة حركات راسها بالايجاب وتقدمات بخطى بطيئة كتمسح فعينيها وجلسات فوق فوطوي قهوي من الجلد
رؤيا:اححم..ايوا شني قلتي..بشحال تقدر تشريه من عندي
الشاب:هو راه غير من الشوفة باين ساوي..مي نوزنون بعدا ونشوفو ديك الساع
رؤيا:اوك
هز الشاب القطع كلها حطهم فالميزان ورؤيا واقفة كضرب بصباعها فوق لفيترينا بتوتر وتعض على شفايفها...
الشاب:(باعجاب)اممم..مهم هذا انعطيك فيه 5 دالمليون ونص باش ما نضر..
شدو الطريق للفيلا غير وصلات رؤيا باركات لوطو بسرعة وحلات الصاك رمات فيه السوارت وطلعات لبيتها كتجري..غير دخلات رمات صاكها فوق الناموسية بالزربة ودخلات للحمام كتعوج
بعد مدة خرجات من الحمام ولقات فراس جالس فوق الفوطوي وفيديه سوارت كيضربهم على الطبلة
وقف حدى الناموسية وهز رزمة من لفلوس لي خرجات من الصاك فاش رماتو وهو محلول وما رضاتش ليها البال..وتقابل معاها وهو كيلعب بيها فيدو..سرطات ريقها وعينيها خرجو بالخوف والتلفة
فراس:اممم(شاف فيها مطلع حاجبو)وشنو هادو؟
رؤيا:اا..هادوك اححم هه فلوس هادوك..شعندك ما كتعرفومشي
شافت فيه مخلوعة ويديها بداو كيرجفو..ورجليها كيلعبو بيها من شدة الخوف ما عرفات ما تقدم ولا ما توخر..وهو واقف كيتسناها تهضر مخنزر فيها حتا غلباتها البكية وبداو دموعها كيتجاراو..رجعات بلور شوية ولقات راسها قرب طاولة دالاكل وجلسات على الكرسي حاطة يديها على وجهها وكتبكي بحرقة
ما فهم والو..خلعاتو عليها فاش شاف الطريقة باش كتبكي وقرب منها بالزربة وجلس حداها كيزولها يديها على وجهها وكيحاول يفهم مالها
فراس:(كيمسح دموعها)ششش صافي..بلا ما تبكي..شوفي فيااا وgوليلي مالك!
علات عينيها شافت فيه وما حساتش الا وهي معنقاه ومزيرة عليه وكتبكي وتمسح فيه..حط يدو على راسها ويد مور ظهرها وزيرها عندو كيسكتها
فراس:(بخوف)رؤيااا نطقي مالك..واش شي حد دارلك شي حاجة..شنو مخبعة عليا هضري!سكتي من لبكى صافي..رؤياااا
رؤيا:انهنههئ انهنن
فراس:اوووووووف
غمض عينو كيحاول يتمالك نفسو وزاد زيرها عندو
بقات مدة وهي خاشية راسها فعنقو كتبكي وهو كيدوز يدو على راسها ويسكتها حتا تقطع حسها وبقاو كيتسمعو غير شهقاتها..بعدها عليه ببطء وهو قابط راسها بين يديه..هز يدو هبط شعرها لي تشابك مع لحيتو وشاف فيها وهي مهبطة عينيها
فراس:هزي عينيك وشوفي فيا
رؤيا:(شافت فيه)
فراس:يله gوليلي مالك!
رؤيا:دابا انهنهئ
فراس:ششش سكتي صافي..يله هضري هانا كنسمع
رؤيا:واخة(مسحات دموعها)بلحق واعدني بلي هادشي لي انقولك ايبقى بيناتنا..وبلي ما اتعصبشي مني عافاك
فراس:(طلع حاجبو)يله غير نطقي شنو كاين
رؤيا:حتا تواعدني!
فراس:رؤيا بلا ما تحمقي ملتي..gلتلك غير هضري
رؤيا:اووووف..واخة(تنهدات وخذات نفس عميق)شو دابا يانا فالصباح فاش مشيتي طلعت عند شامة ياك
فراس:(حرك راسو)اهمم
رؤيا:وفاش دخلت عندا جبرتا كتبكي و...
بقات كتعاودلو وكتخنصص ما نسات والو وهو قدامها كيحمار وكل ما هي كتزيد تكمل كل ما عروقو كيتنفخو وكيزيد يزير على قبضة يدو وعينيه رجعو نقطة من الدم..تعصب حتا بغى يطرطق وصدرو ما بقاش حبس بقوة ما كينهج..ضرب قبضة يدو بالجهد على الطبلة
فراس:ال*** 😡
ناض وقف غادي جاي وضرب الكرسي لي كان جالس عليه جابو فلقنت لاخور
فراس:الشماااااتة والله لا بقات فالكلبة دمو..والله حتا نغبرو بلحمار لااااخور
رؤيا:(حطات يديها على فمها كتبكي مخلوعة منو)
فراس:(شاف فرؤيا بغضب)ونتيييي كنتي عواالة تمشي تلقااايلي معااه وتعطيه ما بغى هاااا..ومور ظهريي..كون ما شفتش لفلوس وعرفتك فين مشيتي كون راكي درتي شغلك دوييييي😡..واش سحابك انا ناعس على وذني اتخرجي وتمشي وتجي وما انعرفكش فين مشيتي!!
رؤيا:اهئ اهئ اهئ والله حتا كنت باغة نقولالك اهههئ ولكن فاش شفت شامة هايداك خفتها تعمل شي حاجة فراسها اهههئ وما عرفت ما نعمل اهئ اهى
فراس:هااادييك حسابها معايا هو لخر..جالسة عاطياهالي لت**** حتا خلااات **** يضحكو عليها
فراس:(شاف فيها مخنزر)لهضرة ماشي دابا..نوضي تهزي جيبيلي تيليفونها يله..طلقيييي راااسك
رؤيا:(سرطات ريقها)وو..واخة هانا
دازت من حداه كتفتف وهو كيتحرك فأرجاء الغرفة كيشعط ويدوز يدو على شعرو ووجهو ويتمتم بفمو وزول الجاكيط ديالو رماها وبقى غير بكبوط رقيق لاصق عليه وزاد لصق بقوة لعرق
فراس:وااااااا تحركيييي دغياااا طلقييينييي😡
رؤيا:😳
دارت بالزربة قبل ما يعطيها شي دقة وخرجات كتقلب على شامة لي كانت فبيتها..دخلات عليها بلا إحم ولا دستور خدات منها تيليفون ورجعات عندو للبيت لقاتو شخشخ لمراية لي فيه ويدو كتقطر بالدم..ما خلاهاش حتا تهضر نتر تيلي من يدها وهبط كيجري وهي لحقاتو كتبكي ومخلوعة عليه..خرج كيتمشى بالزربة والشتاء خيط من السماء ورجالو غير شافوه بداو يتجاراو فتحولو اوطو وركبو حتا هما وكسيراو..بقات رؤيا واقفة تحت السقيفة دالباب كتشوف فيه حتا غبر ورجعات دخلات..وطلعات نيشان لبيتها وجلسات كتبكي..بردات على قلبها وهزات راسها وناضت توضات ولبسات عبايتها كتصلي الظهر وبقات كتصلي شحااال وتطلب الله وتدعي
بحكم المعرفة دفراس لكبيييرة فمجال المعلوميات والالكترونيات كان ساهل عليه يطلع كاع المكالمات لي دازو فتيلي دشامة وكاع محادثاتها وسمع حتا آخر مكالمة درؤيا معاه وزاااد تحلف فيه كثر وكثر..طلع تصويرتو عطاها لرجالو وما دازتش ساعة حتا كان حاظر ناظر ومربوط لكرسي ومغمضينلو عينيه فإحدى المستودعات ديال لبنوات وكيدور فراسو بقوة الخوف..الرجال دايرين بكل قنت بلبسة موحدة وفراس جالس فكرسي قبالتو بالمقلوب وحاط يديه على الكرسي وحاط ذقنو عليهم وكيشوووف فيه..عطاهم إشارة بعينيه وقرب واحد من رجالو وزولو لغشاء على عينيه..بقى كيرمش حتا وضاحتلو الشوفة وجات عينيه ففراس
الشاب:ششكون نتوما..شنو بغيتو مني😨!
فراس:عماد البلوي..اممم مرحبا بيك عندنا
عماد:شكون نتا..وعلاش جبتوني هنا..فكوني!
فراس:تؤ تؤ تؤ بشوية عليك..مالك مزروب
عماد:(بخوف)شنو باغي مني
فراس:(ناض وقف كيدور عليه)ههه مالك خايف..ياك gلتي نتا ما كتخاافش مالك دابا كترعد همم!
عماد:علاش كتهضر..انا ما درت والو..طلقوني علاش رابطيني!
فراس:(شدو من دقنو رجعلو راسو لور بالجهد)حنا غييير انلعبو معاك شوية بلااا ما تخاف..(تحت سنانو)ونتا لي بديتي اللعب
عماد:ااا..ششمن لعب انا ما عارف والو اهئ اهئ
فراس:(ضربو بخفة لوجهو)هه مزاااال لحال على لبكى..عااااد انبداو
عماد:اهئ اهئ طلقوني عافاكم انا ما عارف واالو وما درت والو نتوما أكيد غالط..
فراس:(ضربو بكلاك حتا طوش دمو)سكااااااات..(شدو من ذقنو مزير عليه)باغي تعرف شنو درتييي..نتاااا حفرتيي قبرك بيديك..جااالس كضحك على بنااات الناااس هاااه..هضااار ا****(ضربو بكلاك لذقنو حتا هرسلو سنانو وشدو من شعرو)دوييي الشماااتة نتااا تحل فمك على مراااااتي هااااه(كلاك)نطااق الكلب الله ينعل **** دمك
عماد:(طارتلو سنة وبدا كيهضر بالثاء)اهئ اهئ عافاك ثمحلي اهئ والله ما نعاود اهئ ماكنتس عارف
"لي دار الذنب يستاهل لعقوبة..ولي جنى على راسو ما تنفعو توبة😉"
عطاهم إشارة براسو ورجع هو جلس نفس الجلسة كيتفرج فيهم وهما كيعريواه وهو كيغوت ويتعفرت معاهم..مد يدو وقرب واحد من رجالو وحطلو تيلي ديال عماد فيدو
عماد:ثلقووووني اهئ سنو كديرو اهئ اهئ عافاك اخويا ثمحلي والله ما نعاود اهئ وااااا ثلقووووو
زبطوه كااامل وخلاوه كيما ولداتو مو وبعدو عليه خلاواه واقف مبند كيدرق لي قدر عليه وهو كيبكي
عماد:اهئ اهئ
فراس:ششش راه قلتلك مزااال الحال على لبكى..يله دابا ابتاسم للكاميرا
عماد:(بصدمة)سمن كاميرا!سنو ادير!
فراس:هه والو غير واحد لايف خفيف ضريف نبارطاجيواه مع صحابك يتفرجو شوية
عماد:لا لا عفاك نبوسلك رجليك اهئ
هبط بغى يبوسهالو وهو يعطيه ضربة بالبروطكان لي فرجلو حتا جابو مليوح
فراس:ق*** لهييييه يلااااااه
عماد:اهئ اهئ
فراس:قلتلك وقاااااااااف
هز راسو كيشوف فيه ويبكي كيترجاه بعينيه..ولكن عينين فراس ما كانت كتبان فيهم حتا ذرة رحمة او شفقة
فراس:(بلغوات)طلقني ال**** واش انباتو هناااا
وقف عماد بشوية عليه وكلو كيترعد بالخوف ولبكى..مهبط راسو للأرض ما قادرش يهزو بقوة ما حس بالذل
فراس:مزيااان يله دابا انبداو..ابتاسم باش تجيب لي جيم بزاف😉
طلق فراس لايف فتيلي دعماد ولاخور واقف حاط يدو على حجرو ومهبط راسو..فراس مشغل لايف كيصور فيه وبقى كيتسنى حتا تجمعو بزااف وبداو يطلعو لي كومونت وشي كيضحك شي مصدوم كل واحد ورد الفعل ديالو..فراس رسم ابتسامة خبث على وجهو وفرقع صباعو كإشارة..وتطلقات اغنية شعبية كيتسمع صداها فارجاء المستودع..عيط لواحد من رجالو قرب عندو وحيدلو كاشكول من على عنقو ورماه قدام رجلين عماد
عماد:سس..اهئ سنو بغيتي
فراس حط صبعو على فمو وخرج فيه عينيه حتا قطع الحس..وهز عليه سلاح..وعطاه إشارة بعينيه يهز الكاشكول
عماد:اهئ اهئ رحمني
فراس:😡
حط يدو على الزناد كأنه ايتيري فيه..وهو يهبط هزو بلهلا يطريه ليه وعينيه غير على المسدس..تحزم بيه وهو يطلقها فراس بضحكة تسمعات فكل قنت
فراس:هههههه شطح شطح اصاحبي مالك حشمان..وطلقها تسرح مالك معبس😉ههه
فراس:زيدك هذا هههه"وانتا حركها مزيااان راني قربت نجيبو ههه" ضحك فراس بسخرية وخلى لايف خدام شحاال ورجع حبسو وشاف فعماد بحقد اكثر ووقفات الاغنية وهو يطيح لاخور على ركابيه كيشهق
عماد:قثلني قثلنييييي اهئ اهئ
فراس:(تحت سنانو)ما انوسخش يدي بالشمايت بحالك..ال**** هذا غييير شوية من العذاب لي اندوزو على الكلبة دمك..فين هي الرجلة ديالك دابا هاااا..اولا داير فيها صعصع غير على لعيالات
عماد:(بحرقة)ندمت ندااامت اهئ اهئ والله ما نعاود
فراس:ههه الا قدرتي تعاود عااود..يله دابا شوف فلا كام
عماد:لا حركة
فراس:هز راااااااااسك
شاف فيه عماد بانهيار ما بقاش قادر حتا يوقف..خلاه جالس وناض صورو فيديو من داكشي كيحركو كي بغى وجلس قرفصاء قدامو كيوريه الفيديو وهو كيتنشر فالصفحة الرسمية ديالو على لفايس والانستا..هبط راسو كيبكي دافن وجهو فالارض وهزولو فراس بالجهد مزير عليه وخلاه كيشوف فالفيديو كيتسيفط لكاع الكونطاكط ديالو فالواتساب عطاه زوج طرشات خفاف على حنكو ودفعلو راسو وناض كينفض يدو
فراس:هههه دابا تصافينا يله رجع طلب السماحة باش نسمحلك
عماد:الصمت
فراس:ال**** نطااااق طلقنيييي
عماد:الصمت
هبط فراس هزو من عنقو وعلاه فالسماء وخلى رجليه كيلعبو فلهوا حتا بدى كيفركل بين يديه وهو يطلقو وجلس عليه كيعطيه ضربة ويزيدو اخرى كتنسيه فلي قبل منها
فراس:(كيضربو)الحيواااان الشمااااتة..داااير بنات النااس لعبة فيديك اولد ****..شحال من وحدة تفليتي عليها الكلب..لحمااااار تفووووو..جنيتي على راسك نهار قربتي جيهتيييي..هاديك لي gلتي عليها موسخة مراااااتي سمعتي مرااااتي ولي يفكر غير يدوز من حداها ندفن موو حي ال****..(وقف عطاه بركلة لكرشو)تفوووووو
شاف فيه مغلغل وهز فردي رماه قدامو وعطاه بالظهر خارج بحالو وخلاه مرمي بحال الكلب المذلول كيبكي ويشهق وهو عريان..غير وصل للباب وهو يتسمع صوت رصاصة واحدة..دخلها من فمو وخرجها من راسو وطاح فلبلاصة مات منتاحر..تبسم فراس بالجنب وخرج ركب وتحركات سيارتو وتبعوه رجالو وبقاو بعض منهم تكلفو بيه وغبروه من تما ورجعو كلشي كيما كان كأن شيئا لم يكن..
وقفو السيارات متابعين امام لفيلا ونزل فراس بشوية مخنزر ودخل بحالو وهو كيقطر وطلع لبيتو..
ا. هاااااااححححححح كم اعشق الدم وهادشي اياياي ااااحححح ونلقا شي سيف بنادم نشلخو انااا😍😍😍😍😍😍😍 بردلي غدايدي اقتلووووهم قبل ان يتكااااثروووو 😈😈😈😈😈😈نيهاهاهاهاها هاااححح جادوغ 😈😈😈😈😈 اصلاااا راه مادار والوووو منين خلا ليه لكابوس حيت كان مزال خاصو لعداب نتا راك غي شطحتي ماشفتيت لبنت لي كنتي غاتشوهها وتحط اسمها كامل ونمرتها وغاتاخد خمسة دلمليون من لفوق اصلا كان خاصو الموت البطييييييييييييئ حيت راه ساعة ماكاملاش باش مات اوا صافي كيف والو راه فنضري كان خاصو يبقا عايش ويتشفاو فيه صحابو ويعيش عيشة مدلولا ومايلقا فين يحط كمارتو يعلم الله شحال من بنت نتاحرات ولا خرجات لطريق فمسبتو وهو عايش لحياة بدون تأنيب ضمير ومنهم عادااااد هاد الڤيروسات واصلا هادا هو واقعنا راه هاكا عايشين لفرق هو ان لبنات لي واقع ليهم هادشي مكاينش لي تاياخد ليهم حقهم ههه بل بلعكس كايزيدو يلوموهم ويلوحو عليهم كلشي كاين لي تايتبراو منها واليديها علاش شنو دنبها ديك لبنت انها نية وتاقت ومالقاتش لي يفهمها ولي يقريها و يوعيها حيت معضم الاولياء ماقاريينش ولكن راكم مطورين وتاتجيو تال الصح وفين خاصكم تستعملو اداكا ديالكم كاتكلخو ولا نتوما لي تتبغيو تكلخو مخكم الالة ندير بنتي صاحبتييي ونشدها تعاود ليا لحزقة لي حزقات لعطسة كي عطساتها والاب كذلك ماباغيش بنتك تصاحب ويتفلاو عليها اوا اسيدي تصاحب معاها نتا خرجها ساريها وريها تحس بباها معاها بين لذياب بيلي راك اسد وغاتقدر تحمي بنتك ولي يقلب عليها غاتشرب من دمو خلي بنتك تحس بذراع حاميها غاتعز فبنتك 100 درهم لشهر متلا جيب ليها غا رويحة غا مونيكة حسبها باقا صغييييورة وكل شهر عندها عيشورة ولا عيد ميلاد وهاكا غاتكسب بنتك نتا لي تشري ليها لمايك اب ماتخليهاش تاخدو بالتخبية وتهبط تال لزنقة توقف تاتفتف قدام طونوبيلات تجلخ كمارتها حيت دايرة مع عبيقة (تاحية لعبيقة من هاد لمنبر😂🏃) شريه ليها وقوليها ديرو غي فدار انا شريتو ليك ماشي باش تخرجي بيه انا مانبغيش بنتي يقولو فيها لهضرة لخايبة وكدا لمهم كلها وعلى حسب سياستو (الله اوليداتي اش تابعكم 😍😍 غاتايجي باكم ابلاتي 😂) وهي غادا ماشي حتاااا يفوت لفوت وتوقع لاقدر الله شي موصيبة وفعوض مانتا تسترها كاتزيد بيها للهلاك وتبرا منها اوا اما غاتنتاحر اما غاتخرج للطريق تكمل ماتبقا وصافي غانبقاو فنس لحفرة غاديين وتانغرقو تالغدا يوم لقيامة وكلها ويشوف فعايلو ويتحاسب عليهم والله ياخد الحق
دخل لبيتو وزدح الباب موراه..لقاها حانية راسها كتقرى القرآن غير شافتو حطات المصحف بالزربة وناضت كتعكل فجلايلها يله بغات تهضر معاه وهو يسد باب الحمام فوجهها..رجعات جلسات بحالها كتخنصص وحسات بالقهرة وعطاتها لبكى..حيدات عبايتها وبقات بكيطمة فالموف مغلوق وهزات شعرها سفنجة مخربقة وجلسات كتسناه يخرج وحابسة لبكية بزز..بعد مدة خرج فراس ببينوار فالباج وحاط فوطة اخر على عنقو..شاف جيهة رؤيا لي ناضت وقفات مقابلة معاها..خلاها وتقدم بخطى بطيئة وتلاح على الناموسية على طولتو..وجهو احمر،فمو يابس، عاقد حجبانو ومغمض عينيه ما كيتحركش
رؤيا:فراس!حياتي..عاوني عافاك!!نوض احبيبي غير صبر معايا..فراس انهننننهن
حطات يديها تحت عنقو وبقات معاه حتا تجلس ودورات يديها على خصرو وبغات تعاونو يوقف..حل عينو شاف فيها بتعب وكيتنفس بصعوبة..فورصا على راسو وناض وقف وهي مدورة يديها عليه وكيحاول ما يرميش ثقلو عليها..دخلاتو زولاتلو البينوار وخشاتو فالبانيو دالحمام وبقات كتفوكلو فشعرو ودوز يديها على ذاتو بشوية لمدة 10 دقائق ورجعات حاولات معاه وهو كابر حتا وقف وهزات فوطة لواتها عليه بالزربة وخرجاتو كتقاثل معاه..نشفاتلو ذاتو مزيااان وجبدات بوكسور لبساتولو وهو بزز باش كيتحرك معاها
جراتو من تحت دراعو بشوية وهو كيعاونها حتا قداتو وغطاتو بغطاء خفيف وهزات الفيكس يجيبولها صوبا دالخضرة وعصير برتقال وإناء دالماء فاتر ورجعات جلسات حداه
رؤيا:(بخوف)فراس!!شني وقعلك!
ما جاوبهاش فقط كيتسمع صوت أنينو وكيكمش جبهتو مرة مرة بانزعاج ولعرق بدى كيتصبب منو
رؤيا:صافي احياتي ارتاح..هانا معاك اهئ اهئ
حطات راسها على صدرو معنقاه وكتخنصص حتا تسمعو طرقات فالباب وناضت كطير فتحات عليهم وجرات قدامها العربة وجلسات حداه..
رؤيا:فراس..نوض تجلس كول شوية باش تشرب الدواء
فراس؛الصمت
رؤيا:عافاك احبيبي صبر معايا غير شوية!
ما قدرش يتحرك فمرة وهزاتلو غير راسو بشوية حطات تحت منو مخدة اخرى وعلاتو مزيان..وهزات لاسوب كتشربهالو وهو يله كيحرك فمو معاها..شرب شوية منها فقط وما قدرش يزيد يحرك فمو..هزات كاس دالعصير وحطات يديها تحت راسو كتشربولو
رؤيا:كابر احبيبي..شرب غير هذا!..فراس زيد شوية..هايداك احياتي بشوية عليك
حطات قدامها الاناء دالماء قدامها وجلسات حداه كديرلو فكمدات فوق راسو والمرفق ديالو وتحت يدو وعنقو وهو غير ما كيزيد يعراق وصدرو كيحركو بصعوبة
بقات جالسة حداه لعشية كااملة مقابلاه وكتحاول ما تبكيش وتقوي راسها وما توترش حيث طبيعة خدمتها هاكاك علماتها ولكن إحساس الخوف ضروري كيغلبها بزز منها..وما هبطاتش وما خلات حتا واحد يدخل عندها باش ما تخلع حد
رؤيا:فراس..ما تخلعنيشي عليك احبيبي..عافاك فتح عينيك..يااا ربي ما بغيت والو يا ربي غير شافيهلي انههنن
داز الوقت وهي على نفس الحال كل شوية تنوض تبدل الماء وترجع..وصلات 8 دالليل وهي على حالتها ما تململاتش من حداه..عينيها بداو كيتغمضو عليها وبشوية بشوية ولقات راسها ناعسة فوق صدرو معنقاه
دقات الساعة 12 ونص وحل عينو بشوية..وكيحرك فيدو ببطء حس بثقل على صدرو وهبط راسو شاف رؤيا ناعسة فوق منو ومزيرة عليه..حط يدو على راسو وزول الفوطة من فوق جبهتو..بقى شحال ما تحركش وراسو عاطيه لحريق والنفس كطلعلو ثقيلة..هز يدو حطها على راسها كيلعب بشعرها وهو مغمض عينيه..حط يدو على خصرها وبغى يحطها حداه باش ينوض..غير حركها وهي تنوض مفزوعة
شافت فيه بابتسامة وحطات يد على صدرو لعاري وقربات فمها حطاتو على قلبو وباستو بحنية ورجعات بعدات
رؤيا:اممم دابا مزيان هه
فراس:(تنهد)دابا زدت مرضت
رؤيا:ههه اوووك
رجعات حطات فمها على قلبو كتبوسو بوسات خفاف وكتحس بصدرو كيتهز معاها بقات طالعة مع عنقو بشوية حتا قربات حدا وذنو وهي تهمسلو"توحشتك"
فراس:ااااه..(شاف فيها بعينين نايمين)كتعذبيني ياك!
رؤيا:هه علاش!
فراس:(تنهد)عارفاني مريض وما باغيش نقرب منك ولكن نتي حالفة حتا تخرجيني على طوعي
رؤيا:(بدلع)ههه ايوا تينا لي قولتي قلبك مريض وكيضرك ههه
فراس:دابا قلبي برى ومرض واحد خينا خور ما تشوفيش معاه بشي بوسة كمان يبرى حتا هو ههه
رؤيا:😳..زول مني شحال مقزدر بعد عليا
فراس:ههه صافي غير اجي حتا نبرى ويبوسك هو
رؤيا:اععععععن فراااااس
فراس:ههه طرطقي
رؤيا:اووووووف
فراس:(ضربها لفمها)وا ما تسوطييييش
رؤيا:والله لا حمقت راسي معاك زيد قدامي دوش حالتك ولا غسل ولا شوف شني اتعمل
تمشات هي وياه نحو الحمام كيهضرو..معنقاه من خصرو وهو مدوز يدو فوق كتفها كيتمشى عادي..
فراس:هه بلحق نتي لي ادوشيلي..هانتي كتشوفي راجلك شحال مريض
رؤيا:ياك عاد دابا قلتي نخليك وبلي قاد براسك
فراس:اه هادشي قبل ما تمرضي ملتي بدوك البوسات..ندمتينا كاع
رؤيا:هههه حووو فيك..جلس هنا خليني نقاد الحمام
جلس هو فوق احدى الكراسي دالحمام متبعها بعينيه وهي حانية كتخوي البانيو من الماء وفزكاتلها لكيطمة شوية ولصقات عليها اكثر ما هي لاصقة...رجعات عمراتو وشافت فيه
رؤيا:يله ها هو نوض
ناض وقف وقرب منها وجرها عندو طلقلها شعرها وسرحو بيديه ببطء وهو كيشوف فعينيها
فراس:شكون كذب عليك!!عمري ما كنت بصحتي بحال دابا هه(باسها فعنقها)
رؤيا:(دفعاتو بشوية)هه ياك قلتي ما نقربشي منك حيت مريض
فراس:علاش نتي خليتي شي حد يمرض على خاطرو!!يكفي المرض لي فيا باغة تزيديني واحد اخور!!دابا غير اجي مرضي ولا جلسي ههه
جرها عندو وكلاها مع الحيط وهي كتعفرت معاه بشوية وضحك وحط يدو تحت الطوب باغي يزولولها
فراي:اممم توحشتك(خشى وجهو فعنقها)
رؤيا:(بغنج)ههه بشوية فرااااس هه!!
فراس:(شاف فيها)راه غادي نفرعك بركة من التحلوين
رؤيا:(حطات يديها على عنقو وكترمش)ههه شني هو هاد التحلويييين ما عرفتوشي يانا
فراس:لمك والله حتا نفدي فيك هادشي..هههه اجي لهنا
بعد مدة خرجات هي وياه من الحمام بالبينوارات كيضحكو..لبس هو كيطمة كحلة وتكى فبلاصتو كيتفرج فيها وهي جالسة كتذهن فلحمها وناضت لبسات بيجامة سخونة ديال لباندا فالابيض والاسود نشفات شعرها بالفوطة وخلاتو مطلوق يزيد ينشف..سالات ولبسات عبايتها دالصلاة وتوجهات للقبلة وهو قدامها كيصلي بيها داكشي لي فاتهم..سلمو وناضت هي كتزول عبايتها وهو تجبد فوق الناموسية مهدود
رؤيا:اووف عرفتي انموت بالجوع
فراس:ما كليتيش النهار كامل ياك!
رؤيا:امم منين فطرت فالصباح ما طاحت النعمة فكرشي
فراس:(خنزر فيها)وعلاش الالة واش صحتك شايطة عليك!
رؤيا:(وقفات حداه وهزات السماعة دلفيكس)آخر حاجة نقدر نفكر فيها ونتينا مريض قدامي هي كرشي(شاف فيها مطولا كيتبسم وجرها على غفلة جلسها عليه كيلعب فعنقها)هههع اممم عافاك احبيبة طلعلي لعشاء للبيت..زول ههه..عملي طاجين ديال الحوت اممم وشي صالاد ههه(خرجات عينيها فيه باش يهدى)شو عمل لي بغيتي مهم يانا عندي الطاجين بالحوت...ههه اه وما تعطلشي..اوك(حطات السماعة)ههه وقف كتقوقشني ههه
فراس:تخلعتي عليا!
رؤيا:(تنهدات وحطات يديها على وجهو كتلعب فلحيتو)بزاف والله..قلبي كان عايسكت
فراس:(باسها)يخليلي لقليب
رؤيا:(بتردد)فراس؟
فراس:اممم
رؤيا:شني عملتي فداكشي
فراس:(طلع حاجبو)شنو هو هاد داكشي
رؤيا:زعما على قبل الموضوع دشامة
فراس:مزياااان منين جبدتيه..دابا اجي نتفاهمو
رؤيا:(سرطات ريقها)اا نتفاهمو؟علاش انتفاهمو؟(بغات تنوض من فوق رجلو)
فراس:(شدها)جلسي هنا ما عندك فين تهربي.. (ربع يدو)يله دابا شوفي فيا وgولليلي شنو ندير معاك همم؟
رؤيا:الصمت
فراس:ايوا هضري مالك!!شنو gالك هاد لعقل عندك هااه؟..كون ما تفضحتيش كون راكي مزااالة مخبعة عليا ومخلية شماتة ولد الكلبة كيلعب بيكم كي بغى..سحابك راسك مطورة زعما!!اتعطيه لفلوس وهو ايمسح داكشي ونبينا عليه السلام..هكاك كنتي اتحلي المشكيل..علاش ما تجيش عندي من اللول وتعاوديلي شكاين وانا انعرف شغلي مع لحمار لي حطو..ولكن نتي لا نضتي هزيتي راسك وجالسة تبيعي وتشري وتبلاني بوحدك وما ضاربالييش لحساب انا اصلا واش كاين او لا لا..ايوا دوي مالك ساقرة؟
رؤيا:(كتلعب بصباعها)راه قلتلك كنت ناوية نقولالك ولكن فاش شفت شامة هازة لمبرد اضرب يدا تخلعت وخفتا تمشي تعملا دبصح وتقتل راسها..ديك الساع عمري ما كنت انسمح نراسي..نتينا ما عارفشي شامة شني كتعنيلي اهئ اهئ يانا كنحسبا فحال اختي وكثر اهئ اهئ وما نقدرشي نخسرا..فاش شفتها هايداك حسيت براسي مكتفة انهننئ اهئ ما بقيت عارفة ما نعمل
فراس:واش دابا سحابك ما كنتش انعرف!راه شحال ما طال الزمان كنت انعرف انعرف..وكون درتي لي فراسك كون راه بقى تابعكم حياتكم كاملة..وفيما ترشقلو ينوض يجبدلكم دوك التصاور باش يجر منكم لفلوس..نتي هادشي ما فكرتيش فيه
رؤيا:اهئ وراه تبلووووكييت وتلفت ما بقيت عرفت ما نقدم ولا ما نوخر انهنهئ فهمني افراس عافاك..راه ماشي نخاطري خبعت عليك اهئنهئ اهئ اهئ
فراس:(غمض عينو مزير عليهم)بفففففف..صافي سكتي(جرها حط راسها على صدرو)
رؤيا:اهئ اهئ انهنههههئ
فراس:وا صاااافي الله يهديك ونتي وليتي على سبة خاصك غير علاش دمعي(تنهد)ششش دابا ما وقع والو..ولكن المرة الجاية ما تبقايش تخبعي عليا شي حاجة كيما بغات تكون صافي..ولكذوب لا ارؤيا لكذووووووب لا..هااااا وذني منك!!
رؤيا:انهئ اهئ
فراس:(بجدية)واش صافي؟
رؤيا:حركات راسها بالايجاب
فراس:دابا نشوفو..(هزلها راسها)وا يله مسحي دموعك دابا..(الدقان)ههه ها هو لعشاء جا..يله احبيبة بركة من لبكى ونوضي حلي لباب(باسها)
مسحات دموعها بكم يديها وتبسماتلو وناضت فتحات الباب ورجعات دخلات دافعة قدامها عربة مشكلة بأطباق مختلفة ما تسوقات لحتا حاجة هزات غير الطاجين بالزربة حطاتو فوق الطبلة وهزات الخبز كتاكل
رؤيا:اممممم..يا سلااام هادشي بنيييين امممنمن
ناض فراس وقف كيشوف فيها باستغراب وكمل هو حط الطباسل لي بقاو وجلس قدامها
فراس:كتاكلي ولا شنو كديري ههه
رؤيا:امنممن لذيذ بزاااف والله
فراس:شنو هو ههه
رؤيا:(شافت فيه بنص عين)الطاااااجين سمعتي الطاااجين
فراس:هههه اوك انشوف
مد يدو ياكل معاها وهي تجر الطاجين عندها
رؤيا:لا هذا ديالي
فراس:ههه ما اتخلينيش ناكل ولا كيفاش
رؤيا:لا كول شي حاجة ياخرا هانتينا ها اللحم مبخر والخضرة ولا كول الشلادة ولا لي بغيتي دبر راسك مهم هذا ديالي بوحدي
فراس:من نيتك!! ايوا انا باغي ناكل الطاجين
بغى يجر عندو الطاجين وهي دور يديها عليه وبدات تخنصص
رؤيا:انهنههن لاااا هذا ديااالي..اتساليهلي اهئ ما تاكولشي معااايا انهنئ زول يديك
فراس:أو..ههه مالك هادشي كولو على طاجين! صافي غير كوليه بوحدك الالة ما خصنيش
رؤيا:مسحات دموعها ورجعات كتاكل
فراس:ههه اتاكلي دابا هذاك كامل بوحدك
رؤيا:اه بوووووحدي شي حاجة!
فراس:ههه والو حتا حاجة غير بالصحة المفكوعة
رؤيا:الصمت
طاحت كتاكل ما هزاتش راسها حتا لحسات الطاجين وجمعات معاه وطوات ورجعات ظهرها لور وكات حاطة يديها على كرشها
خرجات من الحمام منفخة زولات عليها الفوقاني دالبيجامة وبقات غير بطوب غوز وتوجهات لبلاصتها تخشات فيها وتغطات وتبعها هو كيضحك نعس حداها وعنقها من ظهرها كيهضر فوذنيها
فراس:هه المفكوعة تقلقات من راجلها..ما يمكنش!
رؤيا:مشي بعد مني..خليني عليك مشي كمل عشاك ولا شوف شني تعمل وخلي لمفكوعة تنعس
فراس:ههه اوك نعسي..حتا انا فيا النعاس
رؤيا:ايوا بعد ليهين ونعس..بقى لاصق فيا ما نعرف دورلي فلخوى وناكلك حتا نتينا..كلشي توقعو من وحدة(كتعيبو)غييييير كتخشي
فراس:ههههه واش تقلقتي بصح
رؤيا:وشني زيالك!
فراس:ايوا على هاد لحساب..موتي نتي كاع شغلك هذاك ههه
رؤيا:اهئ بعد مني ما درعني ما ندرعك
فراس:(مزيرها من كرشها)نعسي احبيبة..نعسي حسن ليك راه ما انبعدش منك غير بلا ما تحمقي راسك
رؤيا:اووووووف
فراس:(ضربها لفمها)ما تسوطيش
زفرات بالجهد وهو خشى راسو فعنقها باسها وزيرها عندو ونعس
صبح صباح يوم ممطر والرعدة مجهدة..وفاق فراس قبل منها لقاها مكمشة فيه ومعنقاه والنص فيها ناعس عليه..خلاها وما بغاش يفيقها وجلس كيتفرج وهي ناعسة وكيلعب فشعرها وحجبانها عينيها نيفها فمها..وكيدوز يدو على تفاصيلها ببطء
حلات عينيها كترمش وتشوف فيه مغيبة حتا فطنات وتبسمات ليه وطلعات فوق منو ناعسة على صدرو كيما ولفات كل صباح
فراس:صباح الخييير
رؤيا:(بصوت خافت)صباح النور..فيا لموت دالنعاس
فراس:ياك عاد فقتي ههه
رؤيا:واخة هايداك حاسة براسي فحال الا ما نعستشي بمرة
فراس:ههه نوضي الكسولة شمن..كديري السبة باش ما ترينيش نوضي يله
رؤيا:والله ما هايداك..دبصح حاسة براسي مسخسخة
فراس:واش حاسة براسك مريضة!
رؤيا:ننن غير مدكدكة وما فيا لي يتحرك وصافي
فراس:غير نوضي تحركي واتحسي براسك مزيانة..بركة من لعجز
رؤيا:(تنهدات)والله ما قادة على شي سبور
فراس:اووك واخة بلاش هاد النهار..يله غير نوضي
رؤيا:واخة
ناضت فوق منو ودخلات للحمام ولحقها حتا هو دوشو وتوضاو وغسلو فمهم وخرجو صلاو ورجع هو لبس هو سروال دجين مع تيشورط رمادية وفيست سخونة فلبلوماغين كولها طالع..لبس صباط من الجلد فالازرق وقاد شعرو رش عطرو ولبس ساعتو..وشاف فيها لقاها لابسة سروال فالزيتي واصل لنص فكرشها ولابسة معاه جاكيط فنفس اللون ديال لعسكر سخونة ومبطنة..صباردين بيضة وضفرات شعرها للجنب وخلات شعيرات هابطين من الجناب..رشات عطر مور وذنيها وفمعصم يديها حطات ماكياج خفيف وشداتلو فيديه وخرجو..
داز من حدى بيت شامة وشاف فرؤيا وهضر بجدية
فراس:سبقيني نتي هانا جاي
رؤيا:علاش فاين ماشي!
فراس:غير هبطي هانا لاحقك
رؤيا:(شافت فيه وفباب البيت دشامة)شني باغي تعمل!اتمشي عند شامة ياك!
فؤاس:(بعصبية)ما اندوزلهاش داكشي هاكاك..حسابي مزال ما ساليتو معاها
رؤيا:شني ناوي؟!عندك تمشي ضربها!
فراس:ما انضربهاش واخة راه ما سخيتش نكردها على هاد لفعلة ولكن ما انحطش يدي عليه..حيت ما انا خوها ما انا باها وما عنديش الحق نقيسها..ولكن ما انديرش فحال الا ما وقع والو
رؤيا:وشني اتعمل!
فراس:غادي نرجعها منين جات
رؤيا:شنيييي!
فراس:كيما سمعتي
رؤيا:راه والله حتا تحماق..عرفتي شحال وهي كتتمنى تجي لمدينة..الا قلتيلها ترجع بحالها غادي تسطى
فراس:تحماق ولا تهبل شغلها هذاك..دوزات غير ربع شهور فلمدينة وشوفي فاش حطات راسها..الا زادت نهار اخور هنا يعلم الله فين اتوصل
رؤيا:راها تربات..وتعلمات درس عمرها تنساه نتينا ما شفتيشي حالتها كي كانت..دابا واخة تموووت راها ما تغلطشي نفس الغلط وتحط راسها فشي موقف خايب والله
فراس:لا..اتمشي هي اتمشي..كون كانت بعقلها عمر شي حد يgولها سيري ولا جلسي..لكن هي طلعات خفيييفة بزااااف وكطير مع الطيور باغة تلحق سماء بيديها..ما انبقاش نتسنى فيها انا حتا دير شي حاجة تندم عليها وتندمنا معاها..هي ما يصلاحلها غير لعروبية وما تخرج ما درج..جات لمدينة وحلات عينيها فخطرة باغة تجرب كلشي..وما بقات عرفات تميز بين الصح والغلط حتا كانت اتجيبها فراسها
رؤيا:سمعني افراس..دابا هي من بعد هادشي لي وقعلها تيقني راه عمرها تعاود.. ونتينا الا بززتي عليها ترجع بحالها راه غير اتزيد تضغط عليها كثر وصافي..لي فيها يكفيها بلا ما نزيدو نكملو عليها حتا حنايا!!وكيما كان الا بقات هنا اتكون قدامنا ومن دابا لفوق انزيدو نردو معاها لبال اكثر..ويانا ما باغاهاشي تعرف بلي نتينا عرفتي حيت ما اتبقاشي تيق فيا ديك الساع فمرة و ما اتبقاشي تقولي اي حاجة كيما بغات تكون سوا مزيانة سوا خايبة ويانا ما باغاهاشي تبعد عليا من بعد هادشي بلعكس خاصني نخليها تزيد ثيق اولا!
فراس:الصمت
رؤيا:(قابطة فدراعو)عافاك عافاااااك افراس..ماشي من أول غلطة غادي نعاقبوها هايدا!..هي راه ما كاينشي لي كيعرف شحال نية قدي يانا..وهو ولد لحرام عرف كيفاش يضحك عليها..بلحق تيقني ما اتعاوداشي يانا عااارفاها هادي اتربيها واتعملا لعقل..عملي خاطري غير هاد المرة..يانا انهضر معاها ونقيلها وذنيها مزيااااان وتيقني متأكدة بلي مور هادشي اتعمل عقلها..غير فوتالها هاد المرة واخة غير على وجهي!!عافااااااك..عافاك احبيبي عاااافاك
شافت فيه كترمش بعينيها ومزيرة على دراعو وهو كيشوف فيها بنص عين مطلع حاجبو
رؤيا:ايوا شني قلتي!؟
فراس:(تنهد)اوك..هاد المرة اندوزها(شاف فيها بجدية)بلحق الا مشيت سقت لخبار بلي دارت شي حاجة واخة غييييير قد هاكا..ما تلوم غير راسها..وغادي يكون عندي معاها حساب خوووور ماشي غير انرجعها لدارهم وصافي! وحسابي ديك الساعة ما ايكونش غير معاها..هااا وذني منك راه ما انعقل على حتا وحدة فيكم ديك الساعة
رؤيا:اه واخة ديك الساع عمل لي بغيتي يانا اصلا ثاااايقة فيها وما اتعاوداشي..ههه شكرا احبيبي(تجبدات وباستو من حنكو)
فراس:(بخبث حط يدو على خصرها)دابا شنو هادي لي عطيتيني همم!
رؤيا:ههه بوسة
فراس:دابا هادي كتسميها نتي بوسة!
رؤيا:(بدلع)علاش شعندا ما عجبتكشي!
فراس:ههه زيديني وحدة اخرى وعاد ديك الساع نشوف واش عجباتني ولا لا
رؤيا:ههه واااخة..
وقفات على صباعها كتجبد توصل لحنكو وهو يبعد وجهو
فراس:ننن ماشي تما..بغيتها هنا(حط صبعو على فمو)
شافت فيه بابتسامة وحطات صباع رجليها على رجليه وقربات من فمو بشوية وباستو بوسة خفيفة وقبل ما ترجع تبعد عليه حسات بيديه زيروها وطلعها عندو ورجع هو لي كيبوسها بشغف كأنه عمرو باسها..حطات يديها على عنقو وصباعها كيلعبو فلحيتو ومندامجة معاه..حتا تقطع نفسها وبعدات عليه بشوية كترد النفس
رؤيا:(بهمس)كنبغيك
فراس:(رجع باسها)وانا كنموت عليك
رؤيا:(تبسمات فرحانة)
فراس:هههه..(كيداعب خذها)احم مشينا!
رؤيا:لا غير سبقني اندخل نهضر مع شامة ونجي صافي؟
فراس:واخة..بلحق ما تعطليش خاصني نشوفك قبل ما نخرج
رؤيا:اوك
فراس:اححح عليك(باسها بقوة)مزوج بشكلاطة انا ههه
رؤيا:هههه
هبط قدامها فالدروج ودارت هي دخلات لبيت شامة لقاتو بحال آخر مرة غير شافتها شامة وهي تفزع وناضت بالزربة كتفافا
رؤيا:ماشي شغلك نتينا..شني وقع وكيفاش مهم يانا قلتلك رتاح دابا وهاد الموضوع نساه وهنا تحبس صافي..ولكن سمعني مزيااااان شني عنقولك..هادشي لي وقعلك هاد المرة بغيتك تحسبو درس ليلك وتعلم منو..وما نبغيييشي فحال هادشي يتكرر..هاد المرة دازت بلحق الا مشيتي حتا عملتي شي فضيحة ياخرا والله ما ندخل فجرتك وتحمل مسؤوليتك ديك الساع
شامة:(عنقاتها)اهنهئ اهئ شكرا بزاااااف ارؤيا اهئ ما عرفتشي شني كنت انعمل بلا بيك اهئ اهئ عمري باقي نعاود كنواعدك اهنهئ اهئ شكرا بزاااااف..كون ما كونتيشي نتينا كون راني تشوهت دابا انهئ اهئ سمحلي اختي على هادشي والله ما بقيت كنقدر نشوف فيك انهئ اهئ
رؤيا:نسى دابا..ومسح دموعك..الحمد لله خرجات طريفة وما وقع وااالو..ودابا سكت ولبس حوايجك وهبط تفطر معانا
شامة:اهئ اهئ لا بلاش غير خليني
رؤيا:وا ها لبسالة قلتلك هبط هي هبط.. يله هاني انتسناك لتحت البكاية صافي..والا ما نزلتيشي عاد انتقلق منك
شامة:اهئ صافي واخة
رؤيا:يله وريني الضحيكة ههه
شامة:هه
رؤيا:ايوا هايداك..يله هانا مشيت
هبطات رؤيا وخلاتها..لقاتهم مجموعين على الطبلة كيفطرو وجلسات بجنب فراس..وبعد مدة هبطات شامة انضمات ليهم وهي ساكتة..سالاو وناض فراس سلم عليهم باش يخرج وتبعاتو رؤيا للباب
رؤيا:ما اتعطلشي ياك؟
فراس:لا والو احبيبة نقدر نتعطل شوية هاد النهار
رؤيا:(تنهدات بضيق)انتوحشك
فراس:(عنقها)حتا انا احياتي..بلحق غير نسالي هاد لبروجي ونجلس مع حبيبتي حتا نطلعلها فالراس
رؤيا:ههه مشي تخدم خدمتك وبعد مني يانا..ما فيا ما نتحارب معاك عاود
فراس:هههههه..اوووك هانا مشيت..وتهلاي فراسك صافي
حركات راسها بالايجاب وعنقاتو كتشم ريحتو وهز راسو باسها ومشى..رجعات دارت تدخل بحالها وهي تبانلها زينب واقفة موراها وكتشوووف فيهم غير شافتها وهي تبسملها وقربات منها ببطء
خلقت له الجزء 12
محتوى القصة
التنقل بين الأجزاء