زينب:الصراحة بغيت نخرج شوية حيت قنطت وما بغيتش نخرج بوحدي..وقلت الا قدرتي وكنتي مسالية نخرجو انا وياك نفوجو شوية
رؤيا:اممم واخة نخرجو علاش لا..بلحق خاصني نقولا نفراس هو لول
زينب:اه ابنتي قوليهالو راجلك هداك تشاوري معاه
رؤيا:اوك يله هانا طلعت نعيطلو ونوجد راسي ونهبط
زينب:اه واخة حتا انا انطلع نبدل عليا
رؤيا:اه حقا..واش واخة تخرج معانا حتا شامة..حتا هي تفوج معانا شوية ياك ما كايانشي شي مشكيل
زينب:ههه الله يا ودي ابنتي علاش ايكون عندي مشكيل مرحبا بيها..عرفتي شنو انشوف مع رقية حتا هي تخرج معانا..عمرنا خرجنا مجموعين
رؤيا:هههه احسن حاجة اتعملا حتا هي شحاااال ما خرجت..يااااي هاد النهار ايدوز حااايل ههه يله انمشي نوجد راسي ذغيا باش ما نتعطلشي
زينب:هههه واخة
طلعات رؤيا للطابق الفوقاني دخلات على شامة لبيتها علماتها توجد راسها ورجعات خرجات لبيتها وهزات تيلي عيطات لفراس
رؤيا:(بغنج)الوو
فراس:ههه دغيا توحشتيني
رؤيا:ههه بلا ما تفرح بزااف عيطتلك بغيت نقولك شي حاجة
فراس:(باستغراب)اهاه شنو؟
رؤيا:(كتلعب فضفيرتها)اححم مهم خالتو زينب قالتلي بلي قنطات وبغات تخرج تفوج وما كرهاتنيشي نمشي معاها..وقولنا نخرجو يانا وياها وشامة ويما نتساراو شوية ونبدلو الجو
فراس:(كيحك لحيتو)اممم اتخرجو بربعة!
رؤيا:اه..اذااا بغيتي نتينا زعما ما بغيتيشي صافي
فراس:ههه احياني عليك هه..اوك بب سيري معاهم
رؤيا:ياااااي ههه شكرا حبيبوووو
فراس:ههه..وردي البال لراسك ولبسي شي حاجة طويلة بلا ما نوصيك وتشوفي فشي حد ولا يشوف فيك ش..
رؤيا:وا صااااافي بلا ما تبدى عاود..اووووف
فراس:لمك ما تسوووطيييش
رؤيا:ههه الاا ماشي عليك غير واحد الذبانة كانت فوق نيفي وسطت عليها تمشي فحالا..مهم هانا مشيت دابا يله بيييييزو ههه
قطعات عليه وتوجهات للبلاكار جبدات مونطو أسود طويل حد الركبة ووطربوش فالزيتي مع كاشكول ديالو هزات صاكها ودازت على شامة لي غير ساكتة وما قادراش تهز عينها فرؤيا لقاتها واجدة وهبطات هي وياها وكتحاول تنسيها وتخليها تطلق كيما كانت..حتا لحقات عليهم زينب بمونطو رمادي وسروال فنفس اللون سباط باج احمر من لتحت وصاك احمر وشعرها الاسود مطلوق.. ورقية بجلابة دالكشمير باج وبوط قصير فالقهوي وكاب لايحاه فوق كتافها فالقرفي وشال فالقهوي..خرجو مجموعين كيضحكو وركبو فسيارة كاط كاط حمراء وصاكت بيهم رؤيا
باركات السيارة قرب الهيلتون مول ودخلو كيتساراو ويتفرجو فالمحلات..كان المول خاوي شوية نظرا لأنه فالفترة الصباحية وففصل الشتاء ما كيكونش عامر بزاف..شراو شحال من حاجة وتقاداو داكشي لي عجبهم ودوزو الخرجة فجو من الضحك..جاهم الجوع واختارو أحد المطاعم تما طلبو وجبة سريعة..كلاو وسالاو وناضو هابطين فالسلم المتحرك..زينب ورقية لقدام ورؤيا وشامة موراهم كيضحكو ويوشوشو بيناتهم..هبطو بيهم الدروج ووصلو لآخر درجة بانولهم خاااويين وهما يشوفو فبعضهم بنص عين وقلبو الدورة وضربوها بجرية طالعين فالدروج بعكس إتجاههم كيجريو ويضحكو
شامة:ههههه اوااعديي صعيبة انطيييييييح ههههعهه
رؤيا:وااااااطلق راااسك هههه خف رجليييك دغيا قبل ما ترجع بلور وتجي عليا هههههه
رؤيا:ننن ما نقدرشي نخاف نكون تهرست ونمشي نتحرك نخرج على راسي اهئ اهئ..عيطولي نلامبيلونص هي لي اتفوكني اااي
زينب:اربي وشنو هاد النهار لكحل؟..اوووف
بعدات زينب شوية كتهضر مع لامبيلونص ورجعات لقات رقية مزالة كتنكر فوق راس رؤيا
رقية:(بعصبية)دابا نتين مزوجة!..نتين جهدك نجبد بزولتي نرضعك من دا وجديد!!..واااا شد دابا هانتين اتعئب وتجلس فلئنت!!فيكوم الطيكوك ما عندكومش الئزيبة علاش تجلسو!!(شافت فشامة)ونتيييين خرج فيا عينيك يا شنيولة..هادو ما يكونو غير بلاناتك نتين يا تريكة البرئطيز ييييييخ بالنائص
شامة:يانا شني عملت ايما..راه غير كنا كنضحكو وصافي..هادي ما تكون غير شي عوينة وضرباتها الله يستر
زينب:صافي ارقية ما تزيديش عليها..واش البنت مشبحة قدامنا ما قادرة حتا تحرك ونتي جالسة كتنكري فوق راسها
رقية:راه فئصاااااتني بنت الهم فئصااتني..دابا الا كان ظهرها تهرس فين انصدئو فيييين!!غير راجلها اجاااا ما فكها منو..هذا الا ما زادش فلعصها من شي ئنت خور ويوري حسها..الا ما يرميها حتا لسما ويرجع يخبطها للارض راه ما نتسماش!
شامة:ومالها تعطلت هادشي كامل اووووف.. صافي اختي غير كابري شوية
رؤيا:امممممم اهئ اهئ
رقية:وااا بعدو ونتوما تجوئتو علينا كي الذبان!!ياك ما كنشطحو لئرودة هناااا..بعدووو خليو لهوى دربي يدخل..حتا الا ما كانش ايموت بنادم تئتلوه..كحزو لهيه نتوما وائفين علينا ما تنفعو بوالو يييييخ..اوووف عنداك تكون تهرسات الله يحفظ!!البنت ما بقاتش قادرة تململ
شامة:اواااااعدي لااا الله يحفظ اهئ اهئ
رؤيا:اووووف سكتو عافاكم انهنهئ
بعد مدة كانت رؤيا مهزوزة فنقالة ومطلعينها لسيارة الاسعاف كتخنصص ورابطينها مزياان باش ما تحركش خوفا لا يكون وقعلها شي كسر فظهرها..تفرقات الجوقة وطلعات شامة معاها وزينب ورقية ركبو فالسيارة وتبعوهوم
زينب:اووووف على موصيبة هادي..رقية عيطي حداك لفراس قوليلو شكاين!ايكسب لخبار من شي قنت خور يبدى يتبورد علينا
رقية:(كدور فراسها)اييييه اتوريني فيييه غير الله يستر وصافي..الله يخرج هاد الطرح على خير وبيخير..ديك النهار غير كانت كتئطع فلخبز وتهضر وما رداتش البال وضربات يديها..واااااجي تشووووفي واا ما خلالهاااش طلاهااا وغسلهااا مزيااان..فيها الدودة الله يحفظ ديما كتئلب على خلا دار بوها
رقية:والو والو ماشي شي حاجة.ااا غير طاحت على ظهرها وما عرفناها تئصحات ولا تهرسات ودابا راحنا غاديين لكلينيك
فراس:(غوت حتا بعدات رقية التيلي من على وذنيها)كييفاااااش!!!طاحت؟!(زفر بقوة وهضر بعصبية)هي حداااااك؟
رقية:ااا لا انا مع مك فالطوموبير وهي راها فلامبيلونص
فراس:(تحت سنانو)شمن كليينيك!؟
رقية:ااا تسنا..(سافت فزينب)شمن كلينيك؟؟
زينب:مصحة *****
رقية:كلينيك ***** وما...طيط طيط طيط..ئطع عليا!!عرفتو غادي يتعصب اوووف..كون غير بئينا جالسين فالدار هانيين ولا هاد تمارة..الله يستر وصافي الله يحفظها..عندك غير توئعلها شي حاجة خايبة فظهرها يا ربي تلطف
زينب:اميييين يا ربي
وصلات سيارة الاسعاف وهبطو رؤيا وهبطات معاها شامة كتجري موراها وزينب باركات اوطو بالزربة ولحقات عليهم هي ورقية لقاتهم دخلوها يديرولها الاشعة والرنين المغناطيسي لظهرها ويقلبوها عندك تكون تهرسات او يكون عندها ردود من نوع آخر
نزل من سيارتو كيخلف بسرعة وزوج سيارات اخرين مراه نزلو منهم رجالو تابعينو وهو غادي مدرم كينهج ولي جا قبالتو كيدفعو..وقف فالريسيبسيون ضرب بيدو فوق الكونطوار حتا تزعزعات البنت لي كانت حانية على شي وراق وناضت واقفة شاداها التلفة والخلعة
فراس:(تحت السنان)رؤيا الشافعييي فين هي!
البنت:ااا..رؤيا اا واخة هانا انشوف..ااا فالطابق الثاني الغرفة 112
دفع الباب بالجهد بانتلو فوق الباياص بالكسوة دالمرضى مجلسينلها ظهرها شوية والطبيب واقف عند راسها هاز صور الاشعة كيهضر معاها وزينب ورقية وشامة جالسين حداها فوق الفوطوي ومتبعين مع الطبيب..غير شافوه داخل صاعر كلشي ضرب الطم
رؤيا:فراس!
فراس:(كيقلبها ويهضر بالزربة)شنو وقعلك؟شنو كيضرك!..هضري مالك؟شيييي حد يشرحلي شنوو واقع!(شنق على الطبيب)شنووو واقعلها هضااار
الطبيب:اا كالم اميسيو المدام بيخير وما عندها والو الحمد لله
رؤيا:فراس رخي منو شكاتعمل؟
زينب:(ناضت كتفك الطبيب)فراس شنو هادشي كدير طلق من الراجل هو ما عندو حتا دخلة
فراس:(طلق منو)واااا فهمووني شي حد يشرحلييي شنوو طرى؟
زينب:اححم..تهدن اولدي دابا حنا كنا فالمول ورؤيا كانت هابطة فالدروج وتعكلات وطاحت وتقصحات فظهرها واظطرينا نجيبوها لكلينيك..حيت خفناها تكون تهرسات.. ودابا لقيتي الدكتور جاالس كيشرحلنا ساعة نتا ما خليتيهش يكمل
شاف فرؤيا مخنزر وهي قلبات وجهها كدور عينيها
فراس:(وعينيه على رؤيا)شنو عندها!
الطبيب:احححم..مهم على حساب التحاليل والاشعة لي درنالها فالمدام رؤيا الحمد لله ما عندهاش شي حاجة كغاف..الطيحة ما كانتش خطيرة بزاف والحمد لله العمود الفقري ديالها ما تضررش..غير هي تقصحات شوية وصافي هادي حاجة طبيعية..ووقعلها إلتواء خفيف فالقدم ديالها..وحنا درنا اللازم ودابا خاصها غير تعطي الراحة لراسها شوية..وتبع الأدوية لي وصفتلها هاد السيمانة..وإن شاء الله اترجع بيخير وحتا الجنين الحمد لله ما وقعلو والو والطيحة ما اثراتش عليه يعني ما عندكم مناش تخافو
رؤيا:(بصدمة)ششش..شني قلتي!
فراس:الصمت فقط كيشوف فالطبيب بذهول
الطبيب:ههه قلت بلي صحتك عالي العال امدام واخة تقدري تحسي بشي وجع خفيف بعد المرات او تقدري تلقاي صعوبة تمشاي بزاف او تحني فهادشي طبيعي نتي حاولي ما تحركيش بزاف وواضبي على..
رؤيا:اا لا لا ماشي هادشي..(كتنفس بسرعة)شني قلتي آخر حاجة..شكون لي ما تأثرشي بالطيحة؟
الطبيب:ااااه..هه قلتلك الجنين الحمد لله ما تضررش..غير هو راه خاصك تبقاي ترضي البال لراسك دابا..راكي حاملة زعما ههه
الصدمة.. بانت على تعابير كل الموجودين وشي كيشوف فشي حال فمو أما رؤيا فدمعو عينيها بقوة الفرحو والصدمة وهو كيشوف فيها ما تحركش من بلاصتو وغير عينيه لي كيهضرو وجامد فبلاصتو وهي هزات يديها حطاتها على فمها كتبكي والابتسامة على وجهها عكسو لي كان فحالة من الذهول..فلحظة كسر داك الصمت زغروتة خرجات من حلق رقية
الطبيب:هه على ما فهمت بلي ما كنتوش عارفين..ايوا مبروك عليكم..المدام رؤيا حاملة و فشهرها الاول..وخاصها تبدى ترض البال لراسها وللجنين ديالها..ما نوصيكش ادكتورة اولا!؟ههه..على العموم بالشفاء إن شاء الله والمدام تقدر تخرج بحالها الا بغات غير هو ترتاح وفهاد الفترة تحاول ما تحركش بزاف..ومبروك مرة اخرى
خرج الطبيب وخلاهم هما شي كيشوف فشي كأنهم مرفوعين ما كاينينش معاهم فنفس الغرفة كيهضرو غير بعينيهم..ورقية وشامة وزينب شافو حتا عياو وخرجو تبعو الطبيب وخلاوهم بوحدهم..
رؤيا:(كتبكي)فراس يانا ااا اهئ اهئ يانا
تلاح عليها عنقها بالجهد وزيرها عندو خاشي راسو فشعرها كيتنهد والابتسامة مرسومة على وجهو..وهي بدورها دورات يديها على عنقو وخاشية راسها فيه كتبكي وضحك
فراس:(حط نيفو على نيفها)اخخخ ارؤيا..ما تخايليييش فرحتي قداش هههه نتي هي أحسن حاجة وقعاتلي فحياتي..(زير على وجهها كيفرق بوسات عليه)نتي هي مراتي وحبيبتي وحب حياتي وأم ولادي..نتي هي كلشي هههه عطيتيني كل حاجة كيتمناها أي راجل فهاد الدنيا..كنبغيك
رؤيا:هههه ويانا كنحماق عليك..فراااااااس ايجينا وليد ولا بنيتة ما متيقاشي هههه قرصني باش نعرف راسي ما كنحلمشي
فراس:ههه..(عضها من شنافتها)ما كتحلمييش ههه
رؤيا:ااي هههه ياااااااااي
فراس:ههههه
رجعات عنقاتو فرحانة وكضحك وهو دور يدو تحت ظهرها وبغى يهزها عندو وهي تغوت
رؤيا:وا ااا..دابا عرفتي دروج لي فلمول احمم دابا حنا بغينا نضحكو وقلنا نطلعو فيهم وهنا هوادين و د...
فراس:(قاطعها بعصبية)شنووووو عاودي عاودي!واااش كتفلاي عليا ولا كيفاش!!
رؤيا:الصمت
فراس:(شاف فيها بغيض)وااااش حالفة تسطيني ولا مالك..وااش كاين شي حد كيطلع فالدروج وهما هاااوادييين هاااا..هانتي قلتيها الدروج هاابطين ونتي لاااش طاالعة فيهم..واش هذا هو الضحك عندك..ايييييوا هااانتي جبتيها فراسك دابا تهنيتي؟(ناض وقف غادي جاي كيشالي بيدو)بغيييت غييير نفهم شنو كيgولك داك الراس عندك..شنووووو طاح عليك واش سحابك راسك فلافواااار..واش ما لعبتيش فصغرك ولا كيفااااش غااا فهميني راه ما بقيت فااهم فيك وااالو..منين كطيحي عليا بهاد لبلانات..كون دابا تخسر بيكم ولا حصلات رجليك فيه ولا طحن مك تما وردك كفتة كان ايعجبك الحال!!
رؤيا:(بضيق)وااا صااافي بلا ما تزيد فيه ياك ما وقع والو ايوا صافي!
فراس:كيييفاش ما وقع والو؟علااش حنا شنو كنديرو فلكلينيك الالة كندوزو لفاكونص وانا ما عارفش ولا شنوو؟ ترميتي حتا كنتي اتكردي سنسولك وكتقوليلي ما وقع واااالو؟واش حتااا تعوقي ولا تعطبي من شي قنت فمرة عاااااد يكون وقع😡
رؤيا:(بغنج)عاااافاك احبيبو بلا ما تعصب
فراس:بلااا ما تبداي تعوجي عليا تما حيت ما اتنفعش معايا!!دابا شنو ندير معاك؟ نهزك نكركبك من هنا لتحت بحرا تحسي بالطيران دبصح؟ ولا نسلخ والديك ونجلسو نيت انا وياك فهاد لكلينيك..ما عندنا لااش نتعذبو ونخرجو!!
رؤيا:(حبسات الضحكة ودلات شنافتها كتهضر بصوت طفولي)بااابا عاافاك ما تغوتشي على ماااما..يانا كنسمعكم وكنتخلع ابابا..ما بغيتكومشي دابزو حيت الا دابزتووو يانا انبكي..واش تبغيني نبكي اباباااا هئ هئ
شافت فيه كترمش بعينيها وكتحك عينيها كأنها كتبكي وهو واقف قبالتها مخنزر حاط يديه على جنابو
فراس:ههه شنو هي هاد مبعزن عاود(طلع حاجبو)ياك ما عايرتيني!
رؤيا:(بتحدي)مبعزن هي حاس براسك فهمتي؟
فراس:(قرب منها كيشوف ففمها)وشنو فيها الا حسيت براسي..مالها ما جاتش معايا(غميزة)
رؤيا:(عضات على شفايفها)وا الصراحة الصراحة!جااايا معاك وبزااف ههه
فراس:بربي حالفة حتا تقتليني
تلاح على فمها كيبوس مرة بقوة ومرة بحنية وهي حاطة يديها مور عنقو جاراه عندها وكتبادلو نفس القبلات..نساو راسهم وبقى غير صوت أنفاسهم المتسارعة لي كيتسمع وهو مرة يبوسها ففمها مرة فعنقها وهي كتسارى بيديها فوق صدرو وكتافو..ما وقفهم غير صوت الباب لي تحل
رقية:(دورات وجهها)اموووولاي دغيييييس
دفعاتو عليها بالزربة وقلبات وجهها كتقاد كسوتها وشعرها وهو شاف فيها بإبتسامة جانبية وهز يدو رجع شعرو لور وشاف فرقية
فراس:احححم
رقية:ااا..انا جيت اا راه دئيت وو كملو كملو
قلبات الدورة باغة ترجع بحالها وهو يعيطلها فراس كيضحك
فراس:ههه يما؟غير اجي من بعد ونكملو ياك احبيبة؟
غمز رؤيا وهي تخرج عينيها فيه اطرطق بالحشمة وما قادراش تشوف جيهة رقية لي كون لقات الارض تشق وتسرطها..رجع شاف فرقية كيضحك عليهم بزوج
رقية:(بتوتر)انا جيت غير نسولكم واش اتمشيو لدار دابا ولا مزال!؟
عطاها لحوايج ولبسهوملها حيت ما كتقدرش تحرك بزاف..دوز ساعة وهو كيلبسلها فلحوايج يلبسها بياسة ويرجع يقلبها معاها بوس واحضان وكل شوية يبوسلها كرشها..سالالها وباسها من جبهتها وهزها بين يديها خرج بيها وهي مدورة بديها على عنقو وخاشية راسها فصدرو حتا حطها فالاوطو بشوية ودارلها السمطة وركب حداها وتبعوه رجالو ديماراو موراه..طول الطريق وهما كيضحكو شابك يدو مع يديها كل شوية يهزها يبوسهالها
وصلو للفيلا وهبط هزها عاود ودخلها لقاهم جالسين فالصالة كيضحكو قال السلام وقلب الدورة مطلعها فالدروج وصلها لبيت وحطها فوق الناموسية حيدلها صبردينتها والمونطو ديالها وقادها فبلاصتها وغطاها وعيطلهم يجيبولها ما تاكل وجلس حداها كيتناكر هو وياها حتا طلعات عندهم رقية وزينب وشامة تابعاهم باش يطلو عليها خلاهم معاها ودخل للحمام
دوزات نهارها غير فالبيت وكلشي داير بيها ورادلها البال ولي حلات عليها فمها كتجي حتا لعندها..فراس مقابلها وفيما تبغي تنوض او تدخل للحمام هو لي كيهزها وواقف على راحتها وهي عاجبها الحال..عيطات لهنية وحسن بشراتهم بالخبر وهما بدورهم وصلوها لابراهيم وجلال كلشي فرح ليهم وكلشي كيعيط ويبارك..وقررو باش غذا يتجمعو كااملين فالفيلا احتفالا بهاد الخبر
🌙طاح الليل وكلشي نعس..كانت الوحدة دالليل وهو معنقها وحاط يدو على كرشها وهي ناعسة على ظهرها..لابسة بيجامة سخونة فالابيض والاحمر وطالقة شعرها..حلات عينيها بشوية كتشوف فالسقف وكتسمع لقطرات الشتاء..دورات وجهها عندو كتشوف فيه بابتسامة وهزات يديها كتلعب فلحيتو وشعرو بشوية ويديها فوق يديه لي على كرشها من تحت لغطاء..بقات مدة هاكاك وكتحاول ترجع تنعس وما بغاش يديها النعاس وبالها كلو مع حاجة واحدة عيات صابرة وفلخر قلبات وجهها كتسوط ورجعات شافت فيه كتفيقو وتحركو بشوية
رؤيا:فرااس!! فرااس..حبيبي فيق فراااااس؟
فراس:(بنعاس)اممم
رؤيا:نوووض دغيا..وااا فراااس نوووض
فراس:(هز راسو كيشوف فيها بين رموشو)شنو مالك! بغيتي دخلي لطواليط..نهزك؟
رؤيا:لا ما بغيت بو طواليط
فراس:وشنو باغة!فيك الجوع؟
رؤيا:اووووف ولاااا حتا حاجة من هادو..يانا بغيت نخرج
فراس:شناااهواا؟تخرجي؟فين اتخرجي فهاد الليل؟
رؤيا:ماشي شغلي يانا الليل ولا النهار..بغيت نخرج ودااااابا؟
فراس:حبيبة رجعي تنعسي ونعلي الشيطان
رجع حط راسو على لمخدة وغمض عينو وهي تقبطو من كتفو كتزعزعو
رؤيا:وااا نووووض اهئ وا بغيييت نخرج..فرااس؟
فراس:رؤيااا واش ضربك حمار الليل ولا مالك..كاين شي حد ايخرج فهاد الليل والشتاء شنو انديرو برى
رؤيا:اهنهئ اهئ وا علاش كتغوت عليا عاود اهنئ هبطني فحالي ما تهزني ما نهزك (بلغوات)هبطنيييييييي اهنئ
فراس:سكتي الله ينعل لي حطك..مالنا ما نخافوش؟هانتي هبطي دبري راسك..حتا تgوليلي عييت ونتفاهمو
هبطها وقفها على رجليها وقلب وجهو وهي حنات راسها باغة تزول صبردينة
ما قدراتش تحني وحطات يديها على ظهرها باغة تجلس شاف فيها بنص عين وهبط حنى على ركبتو بلا ما يهضر زولها الصبردينة من رجليها ورجع وقف هازها فيديه..شافت فيه بابتسامة
رؤيا:ههه شكرا
فراس:(طلع حاجبو)
رؤيا:(دورات يديها على دراعو)احم يله زيد نتمشاو حدى الماء
فراس:(تنهد بعمق وغمض عينيه)اوك زيدي..بلحق ما تقربيش بزاف انا ما محيدش صبردينتي
رؤيا:ايوا زولا
فراس:لا ما بغيتش
رؤيا:اوك على خاطرك
قلبات وجهها كتشوف فلبحر وضحك عاجبها لحال..بقاو كيتمشاو بجنب لبحر ومرة مرة كتنقط شتاء خفيفة بزاف وترجع تحبس..شوية تشبك يديها مع يدو وتمشى هي وياه وشوية تبعد عليه كتلعب فلماء بصبعانها حتا كتبورش بالبرد وترجع عندو كتمشى بشوية عليها..الضحكة واصلالها لجذر دفمها وهو كيشوف فيها مبتاسم وفيما مشات متبعها بعينيه كيسهى فيها وفضحكتها لي بالنسبة ليه هي الدنيا وما فيها..
فراس:(تبسم وهبط راسو بشوية قبلها من فمها الاحمر من شدة البرد ورجع هز راسو كيدوز صبعانو على ذقنها)الا عييتي نرجعو فحالنا!
رؤيا:لا لا خلينا شوية عافاك.. ما عييتشي غير نجلسو وصافي
فراس:هه اوك يله اجي
دور يدو على كتفها جرها عندو واليد لوخرى هاز بيها صبردينتها..طلع هو ياها بعدو على بلاصة لمواج واختارو مكان قبالة لبحر جلسو فيه..لبسها صبردينتها باش ما يزيدوش يبردولها رجليها وجلس وجلسها بين رجليه ودور يدو على كرشها.. بقاو شحال هكاك وهي مغمضة عينيها كتشم لهواء وتلعب فيدو لي على كرشها..بقى سااهي قدامو وحاط ذقنو على راسها حتا شافها كتحط يديها فالارض كتهز بصباعها شي حاجة وكتحطها ففمها غير بلحس..خلاها حتا رجعات مدات يديها للارض وهو يهضر
فراس:(بلغوات)ما تكدبييييش راه غادي نفرعك!هادشي لي بقالك غيييير الرملة تاكليها باش تكمل!!وااااش اعيباد الله الرملة زاطم عليها المغرب كااامل وماسح فيها صباطو تجي نتييي تخشيها ففمك!!وااااش كتقلبي عليا ندفنك فيها ونتهنااا حالفة تصعرييي ملتي فهاد الليل
فراس:وااااش كنهضر مع الحيط ولااا شنو..ما مسوقاش لهضرتي زعماا وكديري غير لي فراسك؟جااك الجووع قوليها نمشي نجيبلك ما تحنجري مااشي تاكلي لوسخ..الا ما خفتيييش على رااااسك خافي على داكشي لي فكرشك..(وقف)نوضي تهزي نووضي راه غادي ندير فيك شي مصيبة تحركييي وقفي
رؤيا:اهئ انهئ اهئ عافاك ناكل غير شوية..انهننن زوينة والله وما فيها واالو اهئ اهئ
فراس:واااا عباااد الله راه اتجهل ملتي فهااد الليل واااش الرملة كياكلوها الناااس..تهزييي وقفي شاد راسي عليك بزز وماا باااغيش نحط يدي عليك..الرملة؟الرملة ارؤياااا!!
شافت فيه بترجي وهو واقف على راسها معصب وكيفور والربو خارج من فمو وهو كينهج..
رؤيا:عافااااك اهئ اهئ
فراس:(شدها من يدها)نوووضي تهزي الله ينعل لي يديرلك الخاطر..تحركيييي طلقيني
رؤيا:ولاااا ما نايضاشي حتا نااكل يله انهنئ
قلبات وجهها بالزربة حفنات حفنة وخشاتها ففمها وهو يهبط حنى على ركبتو شدلها فكها كيفتحلها فمها معصب وهي مزيرة على فمها وكتخنصص
بقات تغوت وتضرب فيه وعينيها على لبحر كتشهق حتا وصلها لطوموبيل وفتح الباب جلسها بالنترة مخنزر وصدرو طالع هابط كيفور دارلها سمطتها وهي كتقمش فيه ودفعو باغة تخرج
فراس:(بغضب هز يدو)رصاااااااي..
ضرب يدو مع سطح الاوطو بالجهد وزدح الباب عليها وهي سقرات فبلاصتها كتشوف من الشرجم فلبحر وتبكي وترجع تشوف فيه..حتا ركب دار صمطتو وشاف فيها مغزف وديمارى لوطو
فراس:(حاط يدو على السرجم ومكالي بيها فكو وكيسوق بلوخرى)لحماااارة لوخرى..هادشي علاش مخرجاني فنصاص الليل!!جالسة كترطاي عليا..(دفعلها راسها بصبعو)هاااد الراس القاااصح عندك ما تهنااي حتا نفركعو لمك غير زيييدي فيه ارؤيا..وااااخة الالة اللومة ماشي عليك اللومة على لحمار لي دايرلك الخاطر ومسااايس معاك..قلنا حاملة وكتوحمي وباغة تخرجي ما فيها عيب نخرجوووك الالة..ولكن باااش تاكليلي الرملة وزاايداها بلغوات وترعرييع؟علاااش كتقلبي علااااش عظامك كياكلوك قوليها بلاا ما نتعذبو حنا حتاا لهناااا
فراس:فلتيي غيير على وجه هذا لي فكرشك اما راه بربي حتاا كنتي اتباتي كتبردي فلحمك(ضرب يدو للفولون)تفووووو عمرك تخليني ترونكيل ضروري تغلغليني وتفوريلي دمي عاد كتكالماي نتي
رؤيا:الصمت
سكت كيشوف قدامو صايك معصب وهي حداه قاطعة لحس عينيها مغرغرين ومرة ومرة تهز يديها تمسح دموعها وهو حداها غير كيسوط..بقات كتشوف فيه بنص عين حتا كتفتح فمها تهضر وترجع تقلب وجهها ما قادراش تنطق وكترجع تغبن..وهو عايق بيها وحاضيها بطرف عينو ومخليها حتاا تنطق راسها
رؤيا:(بصوت خافت)فراس!
فراس:الصمت
رؤيا:فراااااس؟..وااا فراس؟
فراس:(شاف فيها مخنزر ورجع قلب وجهو)نعااام شنو بغيتي عاود؟
رؤيا:احم..فيا الجوع؟
فراس:ها حنا قربنا نوصلو وكولي ديك الساع
رؤيا:لا ما بغيتشي ناكل فالدار
فراس:اووف..اوك هانا نشوف شي غيسطوغون تكون فاتحة
رؤيا:(كتمص شفايفها)اممم نننن مابغيتشي داكشي
فراس:(بغضب)اتجبدي الرملة على فمك انتفاهم معاك..ما انب..
رؤيا:(قاطعاتو)لا لا ماشي الرملة!(بصوت خافت) واخة ما كرهتااشي
فراس:يااااا ربي شحال من مرة انgولك(كيضغط على لحروف)ماا تسوووطيييييييش😡
كملو طريقهم على نفس الحال وما وصلو لقدام الدار لي نعتاتلو حتا غفرلو الله الذنوب..كانت الحومة خااوية كتصفر وكيتسمع غير صوت لكلاب ولقطوط..غير وقف وهي تنزل ما تسناتوش حتا يهبط وقلبات الدورة كدق فالباب بدقات متتابعة وتلعب برجليها..حتا وقف موراها عاقد غوباشتو
فراس:مال مك كطيري؟فرعيها نتي حسن..دقي غير بشوية
رؤيا:اوف ما بقيتشي قادرة..شعندوم ما كيفتحوشي
هزات يديها باش دق وهو يرجعها موراه وخنزر فيها ودق الباب بصبعو
رؤيا:لا والنبي يا شيييخ!!واش من نيتك بغيتيهم يسمعوك بهاد الدقة يانا حداك وماسمعتاشي؟
فراس:هضري بشوية المرض راه الناس ناعسين!
رؤيا:وا دق مزيان ولا خليني ندق يانا
فراس:قطعي الحس الله يرحم باك..يكفي هاد الشوهة لي درتيلنا
رؤيا:(بعصبية)شوهة!!دابا يانا رجعت كنعمل الشوهة؟علااش شني عملت بالسلامة؟
فراس:(خرج فيها عينيه)شششش هضرت معاك نقصي صوتك ابنادمة منين كتفهمي منين؟!دوري تحركي طلعي لطوموبيل وتسنايني الله يعفو عليا
فراس:(جلس قرفصاء قدامها)شششش اربي لي بقى من غواتك كمليه بلبكى فضحتينا فهاد الليل
رؤيا:اهئ انهنننننئ يييه دابا يانا رجعت كنفضحك وكنشوهك اهئ انهنئ ايوا مشي بعد منيييي ما تحاديشي فيا اهئ اهنئ
دفعاتو من كتافو بالجهد وهو مقرد قدامها حتا بغى يرجع بلور وشد راسو قبل ما يطيح ودار شاف فيها شوفة قاصحة
فراس:(بغضب)انضربك نلصقك مع الحيط..راك زدتي فيه وبزاااااف..شفتيني صابرلك ونتي تبداي طلعي وتنزلي كي بغيتي..راه انشدك نخبطك😡
رؤيا:من الصبح ونتينا فاضحني بهاد الصبر ديالك اهنهئ ايوا اخاي ديالي ما تعذبشي راسك ما عندك لااااش تمحن راسك وما تصبر عليا ما نصبر عليك..ودارناااا ها هي فالدورة يله تهلا!!
ناضت وقفات بغات تمشي وهو يشدها من دراعها زيرها وخرج فيها عينيه بغضب وفلبلاصة رجع كينهج
فراس:فيييين غادة هااا؟كتقلبي عليا نكرد مك من دوك الرجلين..شمن دار كتهضري عليييها هاا..دار وحدة عندك من هنا حتا لموت وهي الدار لي نكون فيها انااا سمعتيي..gالتلك دارنا تحركي قدامي..درنالك الخاطر بقينا بلاش ندمتينا كاااع
رؤيا:رخي مني ما ماشاشي معاك اهئ انهئ انمشي لدااارنا ااااي يدي اهنهئ بشوية ابنااادم راه يدي هادي اهنئ
فراس:دابا ماااالك شنووو باغة مني هاد الليلة..واش باغة تصعريني حتا نفوت فيك شي ضربة عاد تهناي ولا كيفاش..مالنا على هاد الدراما كااااملة!!
رؤيا:اهئ انهنننننننئ نتينا لي بديتي نتييينا لي قلتيلي طلعتلك فرااسك اهئ اهئ
تقدم فراس وشبك يدو مع رؤيا جرها موراه وقفو حتا سد عبد الرحمان الباب وشاف فيهم
عبد الرحمان:زيدو زيدو مرحبا..وغير قبلو علينا
فراس:ما تقولش هاكا نتا مول الخير..غير سمحلنا فيقناك من نعاسك
عبد الرحمان:الله يهديك اولدي راه هضرنا زعما ههه..هانتوما جلسو هنا مرحبا بيكم الدار داركم انا انمشي نوجدو ونجي
رؤيا:اه عافاك اعمو وما تعطلشي وعملي اللاطة لكبييرة
عبد الرحمان:ههه واخة ابنتي ما طلبتي غير لموجود
خلاهم عبد الرحمان ودخل للكوزينة كيقرقب وهما كيتسناواه وفراس جالس على اعصابو وهي جالسة حداه كتفيبري برجليها وتشوف فيه بنص عين ما كتهضروش
بعد مدة وجيزة خرج عبد الرحمان هاز فيدو لاطة كبيرة طالع منها البخار حيت سخونة..وحطها قدام رؤيا على الطبلة وهي فتحات عينيها وريوكها بداو كيسيلو وغمضات عينيها كتشم ريحتو
رؤيا:امممم الله..دغيا اعمو قطعلي ما بقيتشي قادرة نصبر وجيبلي لحار والكيمون وحتا ملحة عافاك
عبد الرحمان:ههه واخة نجيبلك الكومير؟ما عنديشي سخون ولكن عندي ديال لعشية ماشي بايت
ضربها بصباعو لفمها وخنزر فيها زعما ما تسوطش..شافت فيه وهزات يديها حطاتها على فمها كتشوف فيه معصبة حتا وقف عليهم عبد الرحمان بقراعي دلعطرية وحطهوملها فوق الطبلة وبدى كيقطع ويعطيها
طاحت فديك اللاطة كتهز فالطروفة ودردر عليهم فالعطرية وتبنن وعبد الرحمان وفراس كيديو ويجيبو فلهضرة..وكل شوية تصدر شي صوت ماشي حتا لتم ينغزها من جنبها وهي كتخنزر فيه وترجع تاكل ما مسوقاش..كلاتها كاملة وبقالها طرف طلبات من عبد الرحمان يديرولها فالكومير..صايبولها وعطاهلها ووقفا هي وفراس كيسلمو عليه خلاها فراس فاتو شوية وقفات حدى الباب وجبد مبلغ مهم عطاهالو فيدو وما بغاش يقبطها منو
عبد الرحمان:لواه اولدي شني هادشي..حشومة كاع
فراس:والله حتا تشدها..يكفي هاد العذاب لي عذبناك فنص الليل
عبد الرحمان:ولاا اولدي راه بزاف هادشي ما عملتلكمشي شي حاجة
فراس:ما بزاف والو..تستاهل غير منين فكيتيني من هاد الحصلة فتالي الليل ههه
عبد الرحمان:ههه الله يخليكم نبعضكم يا ربي ويكمل عليكم بالخير
فراس:امييين يا ربي يله الله يعاون وسمحلنا مرة اخرى
عبد الرحمان:مرحبا بيكم اولدي فأي وقت..دابا حسبني فحال باك والا بغيتو شي حاجة انا موجود
فراس:ربي يخليك..احححم يله بسلامة تصبح على خير
عبد الرحمان:تصبح على خير اولدي..بنتي رؤيا بسلامة
رؤيا:(جاوباتو وهي كتاكل واقفة حدى الباب)بسلامة اعمو الله يهنيك
تسالم هو وفراس وودعاتو رؤيا وخرجو طلعو فطوموبيلتهم وهو رجع دخل فحالو فرحااان..توجهو للفيلا في جو من الصمت هو مكونسونطري مع الطريق وهي هازة خبزها كتاكلو..
وقف بسيارتو حدى الفيلا وزول السمطة ودار شاف فيها لقاها ناعسة معوجة راسها والكومير مزال فيدها تبسم لا إراديا وهبط دار جيهتها وفتح الباب حاط يدو على سقف الطوموبيل وجبهتو فوق منهم وكيشوووف فيها ساهي وفلخر خرجات منو تنهدية عمييييقة
فراس:اخخخخ وشنو دايرة فيا..حمقة واتحمقيني معاك
تبسم وحط يدو كيداعب وجهها ورجع زولها الخبز من يديها وحلها السمطة وهزها عندو وهي تخشي راسها فعنقو ودورات يديها عليه وهضرات بصوت نااعس
شامة:اهيااوات شعندك ابنتي تشعطتي..ها هي هاد زمرة ديالك ما تغوتي عليا ما نغوت عليك
جبدات شامة بواطة متوسطة الحجم من صاكها عامرة رملة..غير شافتها رؤيا وهي طيرهالها من يديها
رؤيا:ههه يخليك ليلي
شامة:ههه امين..اجي بعدا ما قلتيليشي شني اتعمل بيها!قبايلة زربتي عليا ما فهمت والو!
رؤيا:محتاجاها وصافي ماشي شي حاجة
شامة:هاد الحالة كاااملة وماشي شي حاجة؟
قولي شني تحت راسك راني كاانعرفك مزيااان ابنت خالتي؟
رؤيا:اوووف راه قلتلك بغيتها وصافي شعندك كتلصق؟
شامة:اييه دابا رجعت كنلصق قبايلتين فاش كنتي كترغب وتزاوك باش نمشي نجيبالك ما كنتشي لصقة!ايوا الالة يانا ما مفاكاشي معاك حتا نعرف شني بغيتيها..ضربت عليها هاد تمارة كاملة وفلخر ما نعرفشي حتا شني اتعمل بيها؟
رؤيا:(بعصبية)ورااه ماشي شغلك..اجي نتينا ما عندكشي شي شغل تمشي تقضيه؟هبط عند يما وشوفها شني عملات ولا شوفها واش خاصها شي حاجة وخطيني عليك!
شامة:يما عندهاا لي يعاونها الخدامات قايمين بكلشي هي غير واقفة عليهم كتأمر وتشير بصبعها اجي نتين ئاد هادي ونتين ئاد هاديك..من الصباح وهي ماشة ماجة وتفتف بوحدها دوخاتني تقول جايين فيها الخطاب!
رؤيا:مزياان ايوا نوض مشي نبيتك جلس فيه وفرقني عليك هاد الساعة
شامة:شني دابا كتجري عليا بطايطاي؟
رؤيا:علاش عاااد فهمتيها؟يله الباب أ لحباب
شامة:وااخة ها هي ماشة..بلحق عقل فيها ها هي عملا فين تجيك
رؤيا:واخة واخة غير طلقني دابا
خرجات شامة وهي كتعوج وتقلب عينيها فرؤيا..وهاد الأخيرة غير خرجات سدات الباب موراها ودخلات حطات لبواطة قدامها وربعات رجليها فوق الناموسية دارت ليزيات فوذنيها وجلسات كتاكل وتبنن بشوية عليها وتمزك مخشعة..حتا شافت لبواطة تقلبات وجات فالارض وخرجات عينيها كتشوف فالرملة لمزلعة فالارض والبكية شاداها ورجعات هزات راسها لقاتو واقف عليها كيشوف فيها شوفات دلقتيلة وكارز على سنانو وعروقو منفوخين..نترلها السماعات من وذنيها بالجهد حتا تقصحات وغوت على حر جهدو
فراس:شنوووووو هاد الزبل هاااه!!دااابا انا كلمتي ما بقااات كتسوى عندك واااالو؟ومربعة رجليك وسادالي وذنييك كوون جبتي شي باناشي دوزي بيه نتي حساااان؟واااش لي نهضرو فييه هاد النهااار نعاودوه غذا..كديري غيير لي gالك راسك!!(شدها من دراعها)ومنييين جبتيها بعدا هضري منييين؟خرجتي بلا شواري عاااود!!
فراس ما تحركش من بلاصتو وبقى بنفس الوضعية وعينيه على رؤيا خارج منهم الشرار وهي كتخنصص وتطل بطرف عينيها وتشوف فرقية بترجي
رقية:(قربات عندهم وكتشوف فالارض لي عامرة رملة)شنو وائع!شنو جاب الرملة لهنا!ياك لباس غواتكم مسموع من لتحت؟ولدي شنو كاين مالك معاها؟
فراس:(بغضب)سوليها هيااا..جالسة كتعلفلي فالرملة!(شاف فرقية)واااش كااين شي حد بعقلو كياكل الرملة!!مااشي كتقلب عليا نخشي مها فداااك الحيط..وهادشي غيير هضرت معاها البارح وتبريييت منها ولكن هياااا صااافي سااابت ما بقات كادير لحساب لحتاااا حد..بلحق انا لي ضسرتك وانااا لي غادي نرجع نربيك غير بلاتي عليك!
رقية:الرملة!الله يا بنتي ما لئيت علاش توحم غير على الرملة؟متأ..اوووف دابا بلا ما تعصب راسك اولدي الله يهديك..راه ماشي لخاطرها راه لوحم لي داير فيها هاد الحالة..بغات تاكل الرملة خليها غير هو تاكلها بليئاس وصافي
فراس:كيفاااش نخليها كييفاش!واش كضحكييي عليااا..شمن وحم ولا مرض هذاا؟
رقية:يهديك الله اولدي..طفي الغضب ونعل الشيطان..راه هذا هو لوحم كل واحدة وعلاش كيجيها..شحااال من وحدة توحمات على لفاخر والجير والصباغة وكانو كياكلوه وما وئعلهم وااالو لا هما لا لي فكرشهم..راه الا ما خليتيهاش تاكلو عاااد تئدر تمرض..غير انا يااااما كليت فالطين كنت نئيل نسرح ونسئي وهازة فيدي ميكة عامرة بيه فيما ترشئلي نجبدها ونجلس ناكل وهااانا ئدامك صحة سلام وداك المسخوط لي عندي رااه كيدك ويدردك وما وئعلو والو
فراس:اووووف هادشي راه ما كيدخلش للمخ..نخليها اليوم تاكل الرملة وبعدو تزيد عليها السيما والطوبية ونزيدو المرطوب(هز يدو لفوق)وهااااا حنا طلعنا لحيوط..وهادشي كااامل علاش حيت قالك كتوحم..هاد التخربيق ما كيتفهمليش انا..بغات توحم ولا تمرضن تشوفلها شي حاجة فحال عباد الله توحم عليها!!
رؤيا:شوو يانا الرملة هي لي اناكل بغيتي ولا كرهتي اهئ انهنئ نهار توحم بيه نتينا وتهزو فكرشك اختار علاياش توحم صافي؟
فراس:(قرب بغى يزيد عندها وهي تشدو رقية)زيدي حلييي فمك نسمع!!رجعتييي كلمة مني و10 منك..طلقي ايما
رقية:لا لا اولدي نعل الشيطان وخزيه..ما ديش عليها نتا مول لعئل..(شافت فرؤيا كتغمزها وتعض على شنافتها وعاطياه بالظهر)ونتين سد فمك وسكت يعطيك اللئوة ما بئيتيش تحشم مزياااان تبارك الله..شو اوليدي برد الله يرضي عليك..ما كاينش علاش تعصب راسك!راه هادشي جاااري بيه العمل وشحال من وحدة ئبل منها توحمات على ما كثر..هادشي ما عطى الله بغات الرملة خليها تاكلها وعطيهالها نتين بيدك ووئف عليها تاكل غير شوية وصافي مهم تبرد شوئها..غير شوية دالصبر غير يفوتوها هاد الشهورة اللوالة إن شاء الله وهي منها لراسها اتوئفها
بقى واقف وذنو معاها وعينيه مع رؤيا اياكلها بنظراتو الغاضبة وهي كتشوف فيه بنص عين وترجع تشوف فالرملة لي فالارض عقلها ايخرج معاها
رقية:خليها دابا على خاطرها الله يرضي على ولدي..راه دابا فحال الا كطبل فالماء ما اتسمع لا ليك لا لغيرك منين دارت فبالها تاكلها راها اتاكلها..دابا نتين ما اتفهمش هادشي وايجيك غير تخربيئ ولكن هادشي راه هو لي كاين..ولوحم كيجي ساهل غير بالفم غيير لله يسمحلنا من الواليدين وصافي..شني ئلتي واش صافي تفاهمنا؟
رؤيا:نظرة ترجي
فراس:(تحت السنان)منيين جبتيها!
رؤيا:اا..
شافت فشامة لي واقغة موراه حاطة يديها على فمها وكتشيرلها بيديها تقول لا وعينيها خارجين بقوة لخلعة
رؤيا:(بصوت خافت)جابتالي واحدة من الخدامات يانا ما خرجتشي
رقية:اه اولدي راها من الصباح وهي فهاد البيت والله ما عتباتو
فراس:اووووك..بلحق الهضرة مزال ما سالات مزاال انتفاهمو على هاد الضسارة لي رجعات فيك
فراس:(بحدة)راكي كليتي بما فيه الكفاية هاد النهار ولا باغة نكرطو لبحر نجيبوه لعندك؟عندك مرة واحدة فالنهار اتاكليها فيها فقط واتاكلي بلقياس سمعتي!وفاش تبغيها انا انجبهالك تكون نقية ومصفية ماشي زاطمة عليها امة محمد كاااملة فهمتي؟
رؤيا:الصمت
فراس:(بلغوات)وااااااش فهمتيييي؟
رؤيا:ااا..اه اه فهمت اهننننن
نفض يدو من رقية وخرج فحالو زدح الباب موراه وخلاها هي كتخنصص ورقية وشامة دايرين بيها
رقية:اووف نتين راك واحد الزغبية منك ما كاين كتئلب على الصداع فيما كان
رؤيا:اهئ انهننئ حتا نتينا ايما؟كلشي ما بقاشي حاملني..رجعت كنعملكم غير الصداع ونبرزطكم اهئ ائهنهنئ ما كرهتوشي تهناو مني
رقية:لواه لواه لا تزيدش فيه..فين هضرت انا وفين مشيت نتين..شكون ئالك ما بئيناش نحملوك منين جبتي هاد الموال عاود؟
رؤيا:ما جبتو من حتا موطع يانا كنقول غير داكشي لي شفت ولي حسيت اهنهنئ اهئ
رقية:ايوا شغانئولك ابنتي ما عمري ديت عليك حتا ونتين بنص عئل عسى ندي عليك دابا ونتين لا عئل لا نصو..وهاد التخربيئ حيدو من مخك..مهم انا مشيت هاد الساعة مزال تابعني شلااا شغال وانا جالسة مئابلة هبالكم..هانا انسيفط شي وحدة تجمع هاد الروينة
خرجات رقية وبقات شامة جالسة حداها حابسة الضحكة
شامة:ههه هادشي علاش فاضحاني جيبلي الرملة ههه قولي نتينا كتعمر بيها الطحيشة هههه شني زيالك كتاكل سفوف(سلو)ولا ههه ؟؟ دابا يا وجه الزلط والكحط ما جبرتي علاش توحم خااايلاه..معذورة فراس فيك هههه ولااهيلا قالتلك الرميييلة ديالي اواعدي على لهبيلة بنت لهبيلة هههه
رؤيا:(بغضب)تهجريه على طول عمرك..نوضي تحركي من قدامي الله ينعل طواسلك التريكة الحامضة..ماشي شغلكم يانا وgانتي والا رشقلي نتوحم حتا على لخرى حتا حد ما شغلو فيا
شامة:هههههه هو لي بقالك بحرا يطلسولك فراس على كمارتك هههه والله حتا يخشيلك وجهك فالثقبة دالطواليط ويسمعك كتقول هايدا
رؤيا:مشي عاودالوم نتينا وداك خينا..ما كيخلعنيشي
شامة:امممم عليها قبايلاتين كنتي كتفيبري غير بوحدك شوية وطلقيها تهبط تسرح مع رجيلاتك ههههه
رؤيا:اووووف على مرض نوض بعد مني..خرج اختي ما بغيتشي نشوفك حدايا فرقني عليك هاد الساعة
شامة:بلاا ما تغوت هانا ماشة يله تهلاي..اااااه وبون ابيتي ههههه
رؤيا:تفوووو على كنس
بقات رؤيا بوحدها فالبيت وطلعات وحدة من الخدامات نقاتو ورجعات هي ناضت توضات وصلات الظهر ولبسات عليها بيجامة كولون فالغوز مع رسومات كري والفوقاني رمادي لبسات بانطوفة على شكل بوط فالغوز مشطات شعرها وجمعاتو كوتشوفال رشات شوية دالعطر وحطات قلم أسود فعينيها مع كلوز خفيف وهبطات عندهم
هبطات كتقلب عليهم لقات رقية واقفة على مجموعة من لبنات كيقادو فالطبلة ويستفو فيها الأواني ورجعات قلبات الدورة للكوزينة باش تقلب على ما تاكل غير وصلات وهي ضربها ريحة اللحم لنيفها وخيبات سيفتها وحطات يديها على فمها
رؤيا:اييييف شني هاد الريحة!
الخدامة:(باستغراب)اا مدام؟ياك لباس؟(كتشم)ما كاين حتا ريحة من غير ريحة الطياب!
رؤيا:ييييع كطييبو اللحم اوووف ريحتو..
ما كلماتش هضرتها وخرجات كتجري حاطة يديها على فمها فإتجاه الحمام دازت على رقية وكملات طريقها حتا ضربات فيه ورجعات دفعاتو دغيا ودخلات للحمام..تبعها كيجري مخلوع عليها ووقف موراها كيدوز يدو على ظهرها ويبعد ليها الشعر على وجهها..حتا سالات ودور يدو على جنبها كيغسلها وجهها لي رجع صفر
فراس:شوية دابا؟
رؤيا:حركات راسها بالايجاب
فراس:شنو وقع باش رديتي؟
رؤيا:(فشلانة)اللحم..شميت ريحة اللحم ايف خانزة!
فراس:(تنهد وحط وجهها بين يديه)واخة الحبيبة ديالي منين ما بقيتيش حاملاه انgولهوم ما يعاودوش يطيبوه فمرة صافي؟
رؤيا:امم واخة
فراس:واش عيانة!
رؤيا:اه حاسة براسي فشلاااانة
فراس:نطلعك ترتاحي؟
رؤيا:اه واخ..شني؟لا لا بعد مني ما طلعني ما نطلعك..زول يديك مني!
فراس:ياك لباس مالك؟
رؤيا:كيفاش مالي؟نسيتي شني عملتي قبايلاتين ولا كيفاش؟
فراس:ما نسيتش..راه نتي عصبتيني فاش شفتك كتاكلي داك لعجب!شنو بغيتيني نديرلك نصفقلك؟ البارح هضرت معاك وفالصباح رميتي هضرتي بحال الا عمرها كانت وزايداها بتخراج العينين من لفوق شنو بغيتيني ندير؟
رؤيا:ما تعمل وااالو اسيدي غير خليني عليك ولدي هذا ويانا لي كنتوحم بيه وقاادة بشغالي وما ماحتاجاشي لي يوريني شني نعمل وشني لا!
فراس:(حبس الضحكة ودور يدو على كرشها)اممم قلتيلي ولدك؟وهاد الولد منين جاك بالسلامة ماشي انا لي ضربت عليه تمارة وسهرت عليه الليالي حتا جبتو بعرق كتافي(غميزة)!نكرتيني دابا فحقي؟
رؤيا:(دفعاتو من صدرو)اووووف شمن حق كتهضر عليه..الحق هو لي عندي يانا!!يانا لي هازاه فكرشي ومزال انهزو 8 شهوور ياخرا!!ويانا لي كنتكرفص ومزالة انتكرفص اهنهئ اهئ يانا لي ما بقيت عارفة راسي من رجلي اهنههئ ونهاري ما بقاشي كيدوزلي بلا بكى اهنهنئ ونتينا فعاوط ما توقف معايا وتصبرني كتزيييد تكمل علياااا انهنئ اهئ
فراس:(تنهد وجرها عندو عنقها وهي كدفعو من صدرو)ششش صافي احياتي سمحيلي..ما نعاودش نتغان معاك ديري لي بغيتي ولي رشقاتلك عليها نديرها لحبيبتي راه ما كنتش عارف هادشي دلوحم بيزااار حتا لهاد الدرجة..ومشيت دابا ودرت واحد روشيرش عليه وقريت شي حوايج فاتو لعجب لهيه ههه..صافي من دابا لفوق ما نعاودش عذريني ما كنتش فاهم هادشي
رؤيا:(كتخنصص)كان خاصك تعرف اهئ اهئ
فراس:ههه ومنين بغيتيني نعرف..شفتيني داير التريكة قبل منك؟
رؤيا:سكتات حاطة راسها على صدرو كدمع وتمسح فدموعها
فراس:(هزلها راسها)شنو دابا فريزتي سمحاتلي ولا مزالة مقلقة مني؟
رؤيا:(بغنج)ما عرفتشي حتا نشوف!
فراس:ههه تفششي الالة جاات معاك
رؤيا:ههه
فراس:(جرها لاصقها معاه كيدوز صبعو على شفايفها)فخبارك توحشتك!
رؤيا:هه لي يسمعك يقول هادي شهر ما شوفتيني ههه
فراس:ههه اصلا انا الا غبتي على عيني غير دقيقة كتجيني بحال عام(تنهد)ما كرهتكش تبقاي ديييما قدام عيني
باسلها عينيها ببطء وبعد حاط يدو على حنكها كيتنهد ويشوف فعينيها وففمها وهي ترفعات معاه كتسمع كلامو والابتسامة مرسومة على وجهها
فراس:(قرب لفمها)وتوحشت نبوسك
حط شفايفو على شفايفها كيبوسها ببطء وخاشيها فيه..بادلاتو القبلة وهزات يديها بزوج حطاتهم على وجهو كتلعب فلحيتو لي زادت كثافة..نساو راسهم وبقاو هكاك لمدة ورجع هبط لعنقها دافن راسو فيه كيبوس بحنية وصوت أنفاسهم كيتسمعو خفاف..حتا بعد عليها وشاف فيها عينيه ناعسين شبك يدو مع يديها وجرها موراه وهي تابعاه حانية راسها وحنوكها موردين داز على رقية لي شافتهم من بعيد وتبسمات وطلع بيها للبيت
بعد مدة تدقات الباب مرة وزوج وكثر..صوناو تيليفوناتهم مرات عدة وفلخر تقطع صوتهم..تسمع صوت الفيكس كمحاولة اخيرة ولكن ما من مجيب..وبقات غير اصوات اهاتهم وتسارع انفاسهم فقط لي كيتسمع فداك الجو الحميمي
كانو جالسين مجموعين فالصالة وقدامهم طبلة عامرة بمقبلات مختالفة كيتبادلو أطراف الحديث فجو من الضحك والسعادة هنية ورقية وزينب وشامة فقنت وحسن وجلال وابراهيم فقنت خور كل مجموعة كتهضر على مواضيع كتهمها ومرة مرة كيشركو لحديث..فقط زينب لي كتجنب تكثر معاهم الهضرة حيت مزالة ديك الحساسية بيناتهم..قاطع هاد الجو صوت خطوات كيقربو وهزو راسهم شافوهوم هوادين مشابكين يديهم والفرحة ظاهرة على وجوههم ورؤيا كتشوف فيهم حشمانة عكسو هو لي ما مسوقش
وقفو كيسلمو عليهم وكيباركولهم فرحانين بيهم ورؤيا كون لقات الارض تشق وتسرطها بقوة الحشمة..هو كان لابس سروال دجين مع قميجة بيضاء وجاكيط خفيفة فلكري وصباردين فالرمادي وشعرو مطلعو لفوق فازك وهي بكسوة تحت الركبة مزيرة سخونة فالاغونج مع ليبة غليظة كحلة وصباردين بيضة وطالقة شعرها منشفاه شوية بالسيشوار..جلس هو حدى باه داير رجل على رجل وهي قبالتو دايرينها فالوسط كيهضرو معاها وفيما تهز عينيها فيه تلقاه كيشوف فيها بابتسامة غير كيغمزها وهي تقلب وجهها كضحك بشوية..
تجمعو على الطبلة كل واحد شد بلاصتو..قدامهم وليمة مغربية على حقها وطريقها..شاف فرؤيا لي جالسة حداه لقاها كتشوف فاللحم مخيبة سيفتها وهو يعيطلهم هزوه من فوق الطبلة وخلاو باقي الاطباق من دجاج وبسطيلة وحوت على الاشكال..رقية قايمة بالواجب ومقابلة كل واحد ولي بغى شي حاجة كتعطيهالو كانت لابسة قفطان موبرة فالقهوي مخيط بسفيفة بعقيدات بلديين فنفس اللون وشال فالذهبي مقاداه مزيان وبلغة فاسية فرجليها ومكحلة عينيها وفرحتها ظاهرة على وجهها..
رقية:مرحباا بيكم ههه الحاج مرحبا بيك
جلال:ههه الله يبارك فيك الحاجة
رقية:كول مزيان الحاج ما تحشمش..هانتين كول من هاد الطاجين كاع ما ذئتيه راه صايبتو بيدي
جلال:ههه هي اللولة
هنية:تبارك الله عليك اختي رقية ما عندي ماا نسالك
رقية:ههه الله يبارك فيك اختي حتا حاجة ما من مئامكم
شامة نغزات رؤيا من جنبها ومدورة وجهها مخبعة الضحكة
شامة:هههه شفتي لي شفت؟
رؤيا:ههه الله يا ودي يااانا لي شفت ههه
شامة:رئيوة صدقات ما ساهلاااشي ههه ويانا كنقول شعندا من الصباح وهي تلفانة هههه
رؤيا:هههه وما شفتيشي نتينا هادي شحااال ما شفتها مكحلة حتا ليوم والقفطان والطويجين ودوق الحاج وهاك الحاج ههههه اواعدي سكت راني مشبرة الضحكة بزز وراك عارفاني الا طلقتها ما كنحبسهاشي هههه
الحاج:الله يعطيك الصحة الحاجة طاجين من داكشي تبارك الله عليك
رقية:(بخجل)ههه بصحتك الحاج
خرجاتلها الضحكة بالجهد ما قدراتش تحبسها وشامة مدورة وجهها كضحك حتا وقفاتلها اللقمة وبدات كتكح وعينيها دمعو عليها ومزالة كضحك.. كلشي بقى حاضي معاها وفراس هز يدو كيدوزها على ظهرها ويشربها الماء
فراس:اوووف بشوية عليك مالك على حالتك؟
رؤيا:ههه كح كحكح احححم صافي ما وقع والو ههه
فراس:كولي بشوية عليك..شحال من مرة gلتلك فاش تكوني كتاكلي ما ضحكيش كنتي غادة تجيفي!
بقاو هاكاك شادين فرقية وجلال وكيوشوشو بيناتهم وفراس متبعها بعينيه حتا هزات راسها فيه جات عينيها فعينو وهو يعبس فيها باش تسكت..ضربات الطم وبقات كتاكل فصمت وأصوات الأطباق كتسمع مع صوت دردشاتهم وخالقين جو عائلي بيناتهم حتا وقفاتلو اللقمة وحط قبضة يدو على فمو كيكح وعينيه خارجين فرؤيا..هزات يديها كدوزها على ظهرو ومداتلو كاس دالماء
رؤيا:(حابسة الضحكة)اووووف مالك على حالتك كول بشوية!
فراس:كح كح
زينب:(بخوف)بشوية عليك اولدي..واش صافا؟
فراس حرك راسو بالايجاب وابتاسملها وشاف فرؤيا بنص عين وقرب منها كيهمس فوذنيها
فراس:كترضيلي الصرف زعما؟
رؤيا:هااه؟شمن صرف علاش نتينا عطيتيني شي حاجة هههه
فراس:تعاودي تمديهم نفرعك
رؤيا:(باستعباط)شني هما!
فراس:😒
رجع كيكمل ماكلتو وهي متبعاه حابسة الضحكة حتا حس برجليها لي زولات منها الصباردين هاد المرة وطالعة معاه مرة اخرى من تحت الطبلة وكتهزها ببطء حتا كتوصلها لفخاضو وترجع تهبط
فراس:بقاي ديري عليا فهبل تربح تما راه بربي ما نعقل على شي واحد حتا تلقاي راسك تحت مني
رؤيا:بالناقص من هاد الضحك لي نهجرو فلخر
فراس:ايوا هاكاك الله يرضي عليك راه نتي لي كتجبديني دابا..ههه باينة ما شبعتيش ياك(غميزة)
رؤيا:وراه غير بغيت نضحك معاك ما تندمناشي
فراس:لا ضحكي احبيبة ديالي وخودي راااحتك انا غير علمتك باش تحملي مسؤوليتك وصافي ههه
رؤيا:الصمت
فراس:ههه مالك سكتي..ما تحشميش احبيبتي انا رااجلك وعادي ما تشبعيش مني هههه
رؤيا:اوووف صافي سكت اتفضحنا
فراس:وا هو الصراحة حتا يانا ما شبعتش نتغداو ونطلعو نحرقو هادشي لي كلينا اوك هههه
رؤيا:😳من نيتك؟
رؤيا:من نيتك؟ثلاثة دالسوايع ونتينا قارم عليا فداك البيت حتا تشوهنا قداموم وما شبعتيشي!!
فراس:ههه دابا نتي ثلاثة دالسوايع جاتك بزاف..راه غير ما كنبغيش نكثر عليك..اما انا نشدك بالليل والنهار وما يكفيونييش!(قرب منها)حلوة اعباد الله حلوة وما كنشبعش منك شنو ندير؟
رؤيا:(كدفعو بابتسامة صفراء)هه اواعدي بعاد بركة من الشوهة فضحتينا!
فراس:هههه منين جات من عندك ما نردهاش فوجهك..يله قربي
قرب وجهو منها كيشوف ففمها ويضحك وهي حمارت وعينيها خرجو ودورات وجهها بالزربة وهو يخطف بوسة من حنكها..بلقات عينيها وكتشوف فجنابها واش شي حد شافهم ما طاحت عينيها غير على شامة كتغمزها وحسن كيتبسم حاني راسو ورجعات شافت فيه مخنزرة ومدات يديها قرصاتو من جنبو وشدلها يديها ما بغاش يطلقها
رؤيا:(بعصبية)الله يعطيك مصيبة..حرام عليك لي بقى على قبايلة كملتيهلي دابا!!طلق يدي..اووووف ندمتينا لي ضحكنا معاك بالناقص
فراس:ههه كدعي عليا!!راه ربي ايسخط عليك
رؤيا:رخي مني الله يمسخك كثر ما نتينا ممسوخ..ما تحشم ما ترمش..رخي يدي
فراس:ههه كون شفتي لمسخ كاع ما تهضري..راني مزال كنوقر شوية الحبيبة
رؤيا:دابا رخيلي يدي الله يرحم باك وضبر راسك وقار ولا زمار
فراس:يييه مزيان!ايوا الالة لا ما طلقهاش خليها هنا
رؤيا:هييييه زول شكاتعمل اويلي!
فراس:باش نوريك لمسخ شكايسوا!
رؤيا:انهنننن حرااام عليك رخي يدي بغيت ناكل
فراس:انا انوكلك غير خليها تما(غميزة)
رؤيا:ولااا ما بغيتشي اهئ حشومة عليك
ما جاوبهاش وخلاها هاكاك كتعافر باش تجبد يديها من بين فخاضو وكتدور فعينيها تشوف واش شي حد كيشوف فيهم..تلفات وحمارت ووجهها ايطرطق بالحشمة وهو غير كيضحك عليها وكيوكلها بيديه وفيما تبغي تجبد يديها يزيد يزير عليها وشوية شوية يغمزها
سالاو لغذاء وناضو كاملين رجعو جلسو فالصالة.. وجرات يديها منو عرقانة وحمراء وحطاتها على جنبها كتمسحها من لعرق وكتشوف فيه مغددة وهو مبرد ومخليها كتفقص وكل شوية يرمي يدو عليها كيتلمس فيها وكيعجبو يشوفها كتجنن وتحمار وتصفار..
داز النهار كامل وهما مجموعين حتا تعشاو كاملين وعاد مشاو فحالهم..وتفرقو كل واحد طلع لبيتو.. كلشي نعس وهو ما طلقهاش حتا خدا داكشي لي بغى ودوز معاها ليلة حميمية حسسها فيها بحبو ولهفتو عليها وشوقو لي ما كيطفاش..
صباح الصباح لقاها مخشية فيه معنقاه بيديها ورجليها بين رجليه وشعرها مليوح على صدرو ووجهو تبسم كيحك عينو..وهبط راسو كيطل عليها وكيبعدلها الشعر على وجهها..قلبها على ظهرها بشوية ونعس هو على جنبو ومكالي راسو بيديه كيلعب فشعرها وكيخطف بوسات من وجهها وكتافها وعنقها ويديها..وكيدوز يدو على كرشها من فوق السوميج السوداء لي لابسة..
حلات عينيها على قبلة فخذها ودورات يديها على عنقو ورجعات غمضات عينيها معنقاه وهو خاشي راسو فعنقها كيبوسها
رؤيا:صباح الخير
فراس:صباح النور(باسها ففمها)كيصبحتو؟
رؤيا:(حلات نص عين)شكون حنا!
فراس:ههه حبيبتي وولدي
رؤيا:اااه ههه(كتلعب فعنقو)يانا صبحت على حبيبي وولدي صبح على باباه كيبغيتينا نكونو ههه
فراس:هههه(تنهد)لهلا يحرمني منكم يا ربي
رؤيا:وما يحرمناشي منك
فراس:امين..يله اجي عندي..انا لي اندوش لحبيبتي هاد المرة
رؤيا:ههه واخة يله هزني
فراس:ههه هي اللولة
هزها لابس سروال سورفيط بوحدو ودخلها للحمام دوشلها..سالالها وخرجها لبسات سروال دجين وكبوط طويل من اللور وقصير من لقدام فالابيض وفيه كتابة فالاسود مع صباردين سوداء وجلسات كتنشف شعرها وهو لبس سروال فالباج مع كبوط كول v خفيف فالمارون وجاكيط سوداء مع كاط فالباج..ووقف موراها وهي جالسة غمزها وهز مشطتو كيقاد شعرو..صونا تيليفونها ودورات وجهها شافتو فوق لكوافوز
رؤيا:حبيبي مكلولي عافاك راهوا فوف كوكيثا
فراس:اوك
حط المشطة من يدو وقرب هزو شاف نمرة ما مسجلاش وعقد حجبانو مستغرب..رجع شاف فيها وقرب عطاهلها يله بغات تجاوب وهو يقطع
رؤيا:هاء قطع!
فراس:(رجع كيقاد شعرو)ديالمن ديك النمرة؟
رؤيا:ما عرفتشي!عمري شفتها!
فراس:اممم ايوا رجعي عيطي شوفي شكون!!
رؤيا:علاش؟هما الا بغاو دابا يرجعو يعيطو!!
فراس:اوك عل..(قاطعو صوت تيليفون)
هزاتو دغيا شافت نفس النمرة وجاوبات بنبرة استغراب وعينيها على فراس لي بدورو مركز معاها
رؤيا:الووو!..(شافت فيه ورجعات حدرات عينيها)اه هي شكون معايا؟!... ااا..اه لا بغيت نقول اه ياك لباس اححم كاين شي مشكيل؟؟
شافها توترات وبدات كتلف وتخرج ودخل فلهضرة وكتجنب تشوف فيه ومد يدو خدالها تيلي من يديها ودار الهوت باغلور وهي كتشوف فيه مخلوعة
خلقت له الجزء 13
محتوى القصة
التنقل بين الأجزاء