خلقت له الجزء 15

من تأليف أسماء أديب
2018

محتوى القصة

رواية خلقت له

عنقها كثر لصدرو وهي ما بغاتش تسكت غير كتخنصص وتمسح فيه..شدها من حنوكها بيديه بزوج وباسها فجبهتها بقوة وقابل وجهها مع وجهو
فراس:حياتي نتي..صافي ما تبكيش الله يخليك آخر مرة نغبر عليك هاكا راه غير تلاهيت والله ما درتهالك بلعاني..عافاك الا ما سكتي صافي كتعذبيني هاكا ما كنحملش نشوف دموعك 
رؤيا:فخبارك نتينا أكثر واحد ما كيحملشي يشوفني كنبكي ومع ذلك نتينا أكثر واحد كتبكيني.. ما كنفهمكشي افراس والله اهئ اهئ
فراس:اوووووف هو انا وما بقيتش فاهم راسي..كتخربقيني ارؤيا..كنوصل لعندك وكنتلف..دغيا كتلعبيلي بأعصابي وما كنبقاش نقشع قدامي بلحق غير كنشوف دموعك والله حتا كنترون ما كنحملش نشوفك كتبكي..سبقلي gلتهالك نتي لي كتشعلي فيا العافية ونتي لي كطفيها..بلحق آخر حاجة نفكر فيها هي نأذيك ارؤيا واخة نغوت حتا نعيا ونتعصب عليك حتا نشبع ما نقدرش نشوف شي حاجة كضرك..انا عارف راسي كنتعصب عليك بزااف بلحق راه والله ما لخاطري نتي كتغلغليني..عندك شي فعايل كيصعروني وما كنبقاش نشوف قدامي ونتي عارفة لعصب ديالي خايب وواخة هاكاك كديري غييير لي gالك راسك
رؤيا:يانا ما كنقصدشي نعصبك..نتينا لي دغيا كتعصب غير بوحدك اهئ انهئ فالصباح ما عملتلك وااالو وشو شني عملتيلي نتينا اهنهئ
فراس:(عنقها بالجنب)صافي دابا طوي علينا هاد الصفحة وخلينا نساو..ما نعاودش نخليك مشطونة هاكا غير نكون انتعطل انعيط نقولها لحبيبتي(باسلها راسها)اوك؟ 
رؤيا:(حركات راسها بالايجاب)
فراس:اخخخخ لهلا يحرمني منك(بعد عليها شوية بابتسامة)يله رتاحي هانا جاي
رؤيا:(قابطة فيه)لا..فاين ماشي!ما تمشيشي خليك حدايا اهئ اهئ
فراس:ما عندي فين نمشي غير ارتاحي هانا حداك(باسها)ما تخافيش
رؤيا:(بصوت خافت)واخة
ابتاسم فوجهها وعنقها عندو بالجهد حتا بعزها بين ضلوعو وكمشات وجهها حيت زيرها بزاف تنهد بقوة وبعدها عليه بشوية قادها فبلاصتها وغطاها مزيان وناض من حداها زاد فالشوفاج وقلب الدورة وهي متبعاه بعينيها هز الفيكس كيهضر ويشوف فيها ويضحك..طلب منهم يطلعولو شربة دالحوت دغيا وتكون سخوونة غمزها وحط السماعة وقلب وجهو جبد سروال كيطمة دالنعاس رمادي مع تيشورط مزيرة عليه فالابيض..ووقف كيبدل قدامها لبس وسالا وتخشى حداها معنقها عندو كيلعب فشعرها ويضحكها حتا دقو عليهم ناض من حداها ورجع دافع قدامو طبلة قربها حداها وجلس بجنبها
فراس:يله نوضي جلسي احبيبة باش تشربي هادي..يله فازي!
رؤيا:لا يانا ما فياشي الجوع تعشييت 
فراس:واخة مافيكش الجوع اتاكليها باش تسخني..ذاتك كلها باردة
رؤيا:لا بلاش ما خاصنيشي..هانا مغطية دابا ويانا سخنت
فراس:بلا هضرة بزاف..اتشربيها هي اتشربيها ما انعاودهاش مرة اخرى
رؤيا:اوووووف ما قادراااشي!
فراس:ما تسووطييش!دابا بلا ما تعصبيني وحلي فمك يله
رؤيا:بففف
تقادات فالجلسة وهو قرب عندها كثر كيوكلها بشوية وهي كتفشش عليه..داقتها وعجبااتها وبقات معلقة مور ختها حتا جمعات وطوات للزلافة وهي تشوف فيه ببراءة
رؤيا:ما بقاشي!
فراس:لا صافي ساليتها..يخليلي لي كيسمع الهضرة(باسها ورجع جلس ودفع الطبلة شوية)
رؤيا:(بصوت خافت ومنغنغ)اووف وعلاش تسالات!
فراس:(شاف فيها باستغراب)مالك!
رؤيا:(بغصة)والو!
فراس:لا مالك..شنو قلقك؟
رؤيا:لا صافي والو نسا
فراس:وا هضري شنو كاين مالك قلبتي وجهك؟
رؤيا:(شافت فيه مطولا وهو مطلع حاجبو كيتسناها تهضر)بغغ..بغيت نزيد!
فراس:شنو!
رؤيا:عجباتني وبغيت نزيد!
فراس:(باستغراب)واش كتهضري على لاسوب!
رؤيا:(حركات راسها بالايجاب)
فراس:ههههههه ياك عاد gلتي ما فيكش الجوع هههه وكتgوليها وحشمانة زعما!ما موالفالكش تحشمي من الماكلة ههههه
رؤيا:اووووف واشفتييي علاش كضحك عليا دابا صافي ما بغيتشي
فراس:هههه منين عجباتك علاش جالسة كتفششي عليا هههه
رؤيا:ما عجباتنيشي صافي ما بقاشي خاصني غير هنينا
فراس:ههههه احححم..اوك هانا نgولهوم يزيدوك دااابا..نتي غيير أمري الحبيبة ديالي ولي بغيتيها تحضر
رؤيا:(بخجل)ههه
فراس:(شدها من حناكها)أنا عندي الفنوووون..سعدااااتي بيك
رؤيا:هههه
باسها بحنية وعنقها عندو بيد وباليد لوخرى هز السماعة هضر معاهم وبقى معاها حتا طلعولو سوبيرة صغيرة عامرة وحطها قدامها عمرلها الزلافة اللولة شرباتها كاملة ومرة مرة تشربو معاها حتا هو..كملاتها وزادت النص الثاني كملاتو حتا هو عاد بعدات عليها الطبلة ورجعات اللور تقادات مزيان..وتخشات فيه وتغطاو بزوج حتا داهم النعاس
طلع الصباح..وحل عينيه بشوية حط يدو على فمو كيكح ويسرح حلقو ودار عندها لقاها مكمشة فلغطاء كيبان غير شعرها عرا ليها على وجهها بشوية لقاها عرقانة وحنوكها حوووومر عقد حجبانو وهز عليها لغطاء بالزربة وهي تكمش جبهتها وصدرات صوت أنين..حلات عينيها شوية وشافت فيه فشلانة..حط يدو على وجهها كيقلبها لقاها سخووونة شوية وهو يتجلس بالزربة عليه كيشوف فيها مخلووع..تبسمات ليه ببطء ودورات وجهها للجنب كتكح بقوة

فراس:(كيقلب وجهها)اووف اوووف لي خفنا منو طحنا فييه..بعدي عليك هاد لغطاء
رؤيا:احححم ككح كحكح
فراس:اوووف يا ربي صدرك تفرع..والسخانة فيك كتشوط..حبيبة ديالي؟
رؤيا:اممممم
ناض وقف عليه بالزربة كينهج خشى كلاكيطتو بالزربة تلفان ومخلوع ودار عندها كيهزها وهي توقفو كتنتر منو بشوية
فراس:نوضي احبيبة نديك للكلينك
رؤيا:اممم خلي..ني
فراس:فييين غانخليك فييين!!وااش نجلس قبالتك نتفرج فيك ونتي كتموتي..شوفي حالتك كي داايرة!
رؤيا:امممننم
فراس:ماشي لخاطرك..نوضي يله
رؤيا:اهنهننن نننن كحكحكح كحكح
فراس:(رجع حطها فبلاصتها)اووووووف معكسة اعباد الله معكككككسة..اوووف(دوز يدو على وجهو وهبط تحنى عندها كيدوز يدو على جبهتها وشعرها ويديه كيرجفو)صافي هانتي ارتاحي احبيبة انا انجيبو حتا لعندك..(باسها فجبهتها وهضر بصوت كيرجف وفيه غصة)حياتي نتي
وقف عند راسها كيعيط فالتيليفون وعينو عليها وهي كتكح وتأنن والعرق هابط منها..رمى التيليفون فوق الناموسية ورجع جلس حداها ثاني ركبتو قابطلها فيديها كيهضر معاها ويبوسهالها..هز يدو دوزها على وجهها كيمسحلها لعرق وفتحلها السنسلة دجاكيط باش تنفس
فراس:(حط كف يديها على فمو وغمض عينيه)سمحيلي احياتي..هادشي كامل بسبابي سمحيلي
فتح عينيه حومر وزير على فكو كيشوف فيها بحسرة وهي ذبلانة قدامو مرة مرة كتفتح عينيها شوية وترجع تغمضهم ما قادرة تهز لا يد لا رجل فشلانة والكحة ديالها مدعدعة وفاتحة فمها شوية كتنفس منو حيت لاقية صعوبة تنفس من نيفها..بقى مقابلها تلفان وغير كيسوط وينهج وماشي بزاف حتا تدفعات الباب بالجهد ودخلات رقية كتجري وتعكل فجلايلها وعينيها كيدورو فبلاصتهم وزينب والطبيبة موراها..
رقية:بنيتي..مالها بنيتي!شنو صرالها!(طلعات على ركابيها فوق الناموسية كتقلب فيها)
فراس:(شاف فالطبيبة بغضب)فييين تعطلتي الالة!!سااااعة باش تجي..طلقيييي راسك خلاااص ونتي حالة فمك فياااا..تحركي شوفي شغلك تفووووو
الطبيبة:(بخوف)ااا انا
فراس:وااااا تحركييي المرض..جبتك توقفي تشوفي فيييييها!
زينب:ااا تهدن اولدي تهدن ها هي اتشوفها(غمزات الطبيبة باش تحرك)صافي غير تكالما!!قوللي مالها رؤيا شنو ضارها!
رقية:(كتبكي)اهئ اهئ بنيتي كتموووت ازينب انهنئ كتgدي كتgدييي..السخاين فيها كيشويو اهنهئ
الطبيبة:ما تخافيش امدام..غير تهدني عافاك باش نقدر ندير خدمتي
فراس واقف على راس رؤيا حاط يدو على جنابو كيطلع ويهبط فالطبيبة وهي كتفتف قدامو ما معبر لا زينب ولا رقية بحال الا ما كاينينش حداه وما كيهضروش معاه وغير كيحك فجبهتو ولحيتو بعصبية ويعض على شفايفو
زينب:نوضي نتي اجي خلي السيدة تدير شغلها!!(ناضت رقية كدمع وعينيها على رؤيا وزينب قلبات عينيها فيها وهضرات بصوت خافت)بركة ما تنوحي على البنت وتفايلي عليها..راه غادي يضور فيك سكتينا!
رقية:(كتمسح بالشال)بنيتيي بئات فيا انهنئ اهئ حالتها تشفي لعدا..غير عوينة وصابتها عاد البارح وهي كيف لخويرة كتضحك وتجمع انهئ اهئ
زينب:وحتا دابا ما ايوقعلها واالو غير سكتينا اوووف!
فحصاتها الطبيبة وقلباتها مزياان ووقفات كتسرط ريقها ما قادراش تهضر معاه وهو مخنزر فيها..زينب شافتها هاكاك كتفافا بوحدها وهي تدخل
زينب:ياك لباس ابنتي!امدرا شنو عندها!!
الطبيية:اححم..الصراحة كنت خايفة تكون مريضة بالانفلوانزا حيت صعييبة فحالتها وهي حاملة مي الحمد لله تصابت غير ضربها البرد..كوم ميم بعدا!!دابا انوصفلها واحد الدواء شريوهلها باش يهبطلها السخانة ما بغيتش نكثر عليها قوة الدوايات وهي حاملة وما اتنفعها بوالو دابا أهم حاجة بالنسبة ليها هي الرااحة ثم الراحة ما تزيييدش ترهق راسها اكثر..و نتوما دوشولها بالماء فاتر باش تهبطلها السخانة وخففو عليها لحوايج..وعطيوها تشرب لعسل مع شي حاجة سخونة زوج مرات فالنهار باش يسرحلها صدرها..وزيد عليها تبقى تغطي راسها وتستنشق البخار مزيانلها بزاااف وعطيوها تاكل مزياان باش ما تبقاش حاسة بالارهاق..مهم انحاولو نبعدو على الدواء مااا امكن وتبعولها هاد الطريطمون وإن شاء الله ما يكون غيير الخير..وهاد الدواء تبقى ديرو غير فاش طلعلها السخانة والا هبطاتلها صافي بلاش منو حسن 
فراس خلاها كتهضر وهبط على ركابيه شادلها يديها وكيدوز يدو على وجهها وراسها وشعرها وقلبو كيتقطع عليها
رقية:ياك ابنتي ما ايوئعلها والو لا هي لا وليدها يااك!
الطبيبة:إن شاء الله..ما عندكوم مناش تخافو فترة وغادي تفوتها..اححم اوك ها هي لاغودوندونص جيبو الداء وعطيوهلها دابا مي دوشولها قبل وعطيوها تاكل اوك؟
زينب:(قبطاتها منها)اه واخة..الحمد لله يا ربي
الطبيبة:مهم انا اتسمحولي دابا..الله يجيب الشفاء
زينب:أمين يا ربي..تفضلي معايا
الطبيبة:اوك
تقدمات الطبيبة وزينب موراها خرجات هي وياها وهبطات عطاتها خلاصها وعطات الواحد من الرجال يجيب الدواء لي فالورقة ورجعات طلعات عندهم لقات رقية كتهضر مع فراس
رقية:خليني اوليدي انا ندوشلها..

فراس:لا غير خليك انا لي اندوشلها..نتي عافاك غير هبطي وجديلها شي حاجة تاكلها باش تشرب الدواء
رقية:واخة اوليدي على خاطرك..مهم هانا وجدتلك الحمام..شوية ونجيبلها لفطور تكون نتا ساليتيلها
حرك راسو بالايجاب وهزها بين يديه ودخل بيها للحمام..جلسها على لاشاص بزز زولها الجاكيط والطوب والسوتيانات وهي غير كتمشي وتجي بين يديه..وقفها بيد وحدة شادها بيها من خصرها واليد لوخرا كيزولها بيها السروال والسليب وهي رامية راسها على كتفو..هزها دخلها فالبانيو العامر بالماء الدافي كيشللها ويكبلها الماء على راسها وعينيه فيهم حزن كبييير..هزها عاود بين يديه حتا فزك كولو ورجع وقفها لبسها بينوار وجمعو عليها مزيان وجمعلها شعرها ففوطة وخرجها حطها فوق الناموسية وهي كتسرط فريقها وتلعب بلسناها
رؤيا:(بهمس)نش..رب!
فراس:(بلهفة)شنو احبيبة شنو بغيتي؟
رؤيا:كحككحح كحكح نششش..رب
فراس:تشربي!اه واخة واخة
ناض بالزربة عمرلها كاس دالماء ورجع عندها هزلها راسها كيشربها بشوية حتا سالات وحطات راسها فوق لمخدة فشلانة ومسحلها فمها من الماء لي هبطلها على جناب فمها هو مزال هاكاك حتا تدقات الباب ودخلات رقية هازة بلاطو كبير فيه فطور كااامل مكمول..وناض هو شدو منها وحطو فوق الطبلة ودار كيجبدلها حوايجها من لبلاكار
رقية:راه الدواء فديك لميكة تما..وراني درتلها أتاي خضر بلعسل حر كيما ئالت الطبيبة
فراس:(كيجبد لحوايج)اه واخة
رقية:نعاونك فشي حاجة..نلبسها!نوكلها؟
فراس:لا غير ارتاحي..انا انتكلف 
رقية:الا كانت عندك شي خدمة ولا شي حاجة غير خليني انا نئابلها
فراس:(بعصبية)شمن خدمة ايما الله يهديك ما كتشوفيش حالتها كي دايرة بقات لطاسيلتي غير الخدمة..انا ما انتحركش من حداها حتا توقف على رجليها غير تهناو نتوما
رقية:اوليدي انا غيير ئلت وصافي؟مهم الا حتاجيتي ولا بغيتي شي حاجة عيطلي صافي
فراس:اوك
رقية:(تنهدات وشافت فيها بحسرة)ربي يشافيك ابنيتي..متأ هاني هبطت
فراس:واخة
خرجات غادة وتشوف موراها وسدات الباب وهبطات..جبد هو بيجامة واسعة صفراء مع كتابة بيضة فالصدر كانت شارياها تلبسها فاش تكبر كرشها لبسلها سليب ولبسها البيجامة بلا حمالات ونشفلها شعرها مزياااان وقادها فبلاصتها وكلالها راسها وظهرها بمخدات حتا تجلسات وحط لبلاطو فحجرو
فراس:رؤيا حبيبة!
رؤيا:(حلات عينيها بشوية)اممم
فراس:خاصك تاكلي احياتي باش نعطيك الدواء..يله حلي فمك
حركات راسها بالايجاب وحلات فمها شربها شوية من العصير دالبرتقال وبدا كيوكلها ويشربها..كلات غير شوية وبعدات وجهها ما قدراتش تزيد
رؤيا:كحكحكح صا..في
فراس:زيدي غير شوية احبيبة..راه خاصك تاكلي مزيان
رؤيا:ما قاد..راشي 
فراس:اوووف صافي واخة مهم ما تشربيش الدواء على لخوا حتا لبلاتي وكولي مزيان
حط لبلاطو وهز لميكة جبد منها الدواء وبقى كيشوف فيه وفلغودوندونص مستغرب
فراس:اممم..هادو قوالب!!
رؤيا:كحكحح احححم
فراس:اوك ماشي مشكيل...تقادي فبلاصتك نديرهوملك
ناض وقف كينعسها على ظهرها مزيان وهي خرجات عينيها فيه وكتحرك راسها بالنفي
رؤيا:لا لا كحكح بلاااش!
فراس:كيفاش بلاش!واش كنلعبو هنا؟راه خاصك ديريهوم باش تهبطلك السخانة!
رؤيا:(حركات راسها بالنفي)لا لا هببب..هبب..هبطات غير خخخلي..ني
فراس:كتبوهلي عليا ولا مالك!نتي كتشوطي وكتgوليلي هبطات..نعسي احبيبة نعسي وسكتي!
رؤيا:انهننن صافي..واخة كحكح يانا انعم..لوم راسي
فراس:نتي ما كتقدري حتاااا تهضري!(كيقادلها لمخاد)هانتي غير تكاي انا انديروهوم ليك!
رؤيا:لا لا اهننننئ ما تعملي..شي نتينا كحكحكح
فراس:(عقد حجبانو)دابا مالك!شكون بغيتي يديرهوملك؟!تجبدي وسكتي ما عندك علاش تحشمي مني عااادي..فاش كنت كندوشلك وكنلبسك ونتي عريانة قدامي ما حشمتيش هه 
رؤيا:لا لا..ماشي فح..فحال فحال انهنننن
نعسلها ظهرها مزيان وجلس تحت رجليها كيطلعلها الكسوة وهي كتشدها ما كتخليهش يطلعها وكتهضر بصوت عياان
رؤيا:انهنن لااااا لااا ما تعملومليشي انهنن يانا انعملوم لااا اهئ 
فراس:(بزعفة)رصاي وهنينا بلا تبرهيش
طلعلها الكسوة لخصرها بزز منها وهبطلها السليب زولولها وهي كتغبن وتحرك راسها بالنفي..هزلها رجليها ثانيهم وهي رجعات طلقاتهم وسرحاتهم على جنبو
رؤيا:انهنن لا خليني كحككح
شاف فيها بعصبية وشدلها رجليها بزز منها ثناهم قدامو وهي كتعوج وتزير على ركابيها ما خلاتوش يديرهوملها حتا عصباتو
فراس:(بعصبية)حلييي رجلييك
رؤيا:اننننن لا اهئ خليني انهننن
فراس:بلاااااا ما تمرضي ملتي حلييييي رجليك نخشييييو الزمر!
رؤيا:انهنن ولااا بعد مني اهئ بععععععد انهننننن
فراس:اوووووووف
شدها من تحت ركابيها بيد وحدة وهزلها رجليها فحال شي وليد صغير وهي بقات كتفركل برجليها واخة مافيها جهد وهو كيبعد وجهو باش ما تقيصوش
فراس:رصااااااي المرض..مااااال ملتك باغة تصعريني😡..راااااه غير قااااالب صغير وانخشيواه..خشيييتي ما كثر منو وهذا جاااااك حشووووومة
بقات كتزير فعينيها وتعصر وتحرك فراسها يمين وشمال ما رضاتش وجاتها صعيبة وبقات كتعافر معاه وتغبن والكحة شاداها وهو كيسوط شادلها رجليها...

فراس:اوووووف وهاااا حنا دابا انبداو نغوتو..مااال مك جالسة تحنقزي عليااااا رصاااي راه غادي تفكي رجليك ونتي كتنتري
رؤيا:وا ما تحاديييشي فيااا اهنههننن ما تعملي ما نعملك خليني نموت غير رخيني عليك اهئ
فراس:وا عبااااد الله دابا ماالكي..شنو شفتيني كنديرلك باش دايرة هاد لفضيحة كااملة(زفر بقوة)شوفي احبيبة الله يهديك رصاي وقادي رجليك خليني نخشيه ما فيها والو علاش هاد الحيحة كاملة!!
رؤيا:لا عافاك خليني كحكحكح انهننن
فراس:(بغضب)نتي كتجي غير بالقاصح الله ينعل هذا لي يسايس معاك
وقف رجل حاطها فالارض ورجل ثانيها وواقف بيها على ركبتو فوق الناموسية شدها من مور ركابيها مزيان وحكمها ودفعهوملها لور حتا لصقهوملها مع كرشها وهي زيراااات ذاتها كتعصر حتا ولات حمرا..قاد القالب باش يخشيهلها ومع هي مزيرة راسها بلعاني ما بغاش يدخلو كيدفعو ويرجع يخرج مرة اخرى وهي مغمضة عينيها وحاطة يديها على وجهها كتغبن 
فراس:رؤياااااااا..غادي نفرعك..خلي المرض يدخل..كون راحنا دخلنااه من الصباح وتهنينا
رؤيا:انهننننن بعد مني
فراس:هاد المرة اندخلو تخرجيه بربي حتا نوكلولك..وا زيري ثق*** عاود والله حتا نوسعهالك وما تقاديتي معايا وهديتي من هاد التبرهيش
بقات هاكاك حاطة يديها على وجهها كتغبن ورخات راسها خلاتو يدخلولها..حتا سالا وهبطلها رجليها وهز السليب رجع لبسولها وقادلها كسوتها
فراس:ها حنا خشيناه وسالينا شنو وقع!ولا غير خاصك تعصبيني وصافي!!
رؤيا:انهنننئ 
شاف فيها بقلة حيلة وهي مخبية وجهها زفر بالجهد ودخل للحمام غسل يدو مزيان ووجهو وفمو وخرج لقاها مزالة قالبة وجهها وكتخنصص ووجهها حمر بقوة الحشمة والكحة ما قادراش تشوف فيه..تنهد وتوجه لبلاكار جبد سروال كيطمة وتيشورط اخرين لبسهم وزول هادوك لي فزكو وطلع فوق الناموسية حداها وعنقها عندو
فراس:دابا مالك علاش دايرة فراسك هاد الحالة همم!؟
رؤيا:(خاشية وجهها فلمخذة لي تحت منها وساكتة غير صوت انينها لي كيتسمع)اننننننهنن
فراس:اوووف وهااا المرض..والله يهديك سكتي علاش لبكى دابا غير فهميني؟شنو وقع راه عااادي احياتي واش انا اول مرة نشوفك ولا نقيسك بحال بحال!
رؤيا:(حركات راسها بالنفي وهي على نفس الوضعية)انمنننمهن كحكحكح كحكح
فراس:هزي راسك اتخنقي(هزلها راسها حطو على صدرو)ششش وراه ما فيها وااالو يا هاد لهبيلة..هادشي كااامل حشمة..راه فحال القالب فحال الكينة فحال السيرو غير هو كل واحد ومنين كياخذوه
رؤيا:اهنههنااااائ اهئن كح كح كحكحح
فراس:رؤيا خليني زوين معاك وسكتي..ما تزيديش فيه!واش اتحشمي مني انا راجلك!!فحال الا اول مرة انطلع معاك شي حاجة ههههه
رؤيا:هزات يديها كتمسح وجهها وباغة تهز راسها تبعد عليه
فراس:ترصاي فبلاصتك..وا حق الله حتا حبك صداع ومشاكيل وبكى..رجعتي بسبة ولا بلا سبة مهم تبكي وتحرقيلي دمي معاك!وفلخر كنرجع انا لي خايب وكنتعصب دغيا
رؤيا:الصمت
فراس:(حط يدو على راسها)الله يهديك وصافي..يله نوضي شربي هاد اتاي ما حدو سخون 
رؤيا:(بهمس)ما بغيتشي
فراس:نوضي احبيبة بلا ما نبداو طرح خور عاود..خليني مكاالمي ومهدن
رؤيا:بعدات راسها على صدرو بشوية حطاتو على لمخذة وقلبات وجهها منفخة
فراس:اهااه نتي لي جات معاك..تفششي كيما بغيتي الالة..نوضي تكعدي شربي هذا وديك الساع طرطقي نتي كاع!
شافت فيه بعصبية وقلبات وجهها كتحاول تجلس شافها هاكاك وحط يدو تحت راسها عاوطها وهز فنجان داتاي زول عليه لغطاء ديالو وعطاهلها تشربو وبقات يديها كتلعب بيه شدو منها وجلس كيشربولها هو وهي مهبطة راسها لتحت كتشوف فصبعانها وهو ترسمات على وجهو ابتسامة جانبية..بقى معاها حتا كملاتو وهما ساكتين وحط الكاس فلبلاطو ودار عندها عنقها عندو كيلعب فشعرها ووجهها
فراس:اووف الحمد لله هبطات السخانة شوية..(تنهد)رجعتيلي الصرف دالبارح ومضوبل..كنت غادي نحماق
رؤيا:الصمت
فراس:ههه شنو دابا اتبقاي غير ساكتة ما اتعاوديش تهضري..راه القالب كيحيد السخانة ماشي كيزيزن ههه..صافي على خاطرك نعسي دابا وارتاحي والا رجعات طلعاتلك السخانة نعاودو نديرو واحد اخور
رؤيا:انهنننننننن اعنهننن
فراس:ههههههه صافي صافي ما نديرولكش انا غييير نهزلك رجليك ونتي خشيه راسك صافي هههه
رؤيا:(بهمس)خليني عليك كحكحح
فراس:اوديييي الله يعطيك شي عقل ويعطيهلي حتااا انا لي متبعك..نعسي احبيبة وارتاحي دابا والا بغيتي شي حاجة هانا حداك
غمضات عينيها وهو قاد عليها ليزار خفيف وبقى كيلعب فشعرها بيد واليد لوخرى هاز التيليفون كيبقشش فيه حتا نعسات وغفات بين يديه ودور وجهو عندها باسها فجبهتها وهبط لنيفها ثم فمها
فراس:نتي حياتي نتي..توقعلك شي حاجة نموت
ناض وقف من بعد ما قادها فوق لمخذة ودخل للحمام توضى وخرج هز مصحف وجلس حداها مكالي ظهرو مع الناموسية..فتح القرآن وحط يدو على جبهتها كيرتل آيات من كتاب الله ويشوووف فيها أما هي فنعساات وارتاحت فالنعسة مزيان..

تتابعت الايام ويوم يلحق خوه ورؤيا يوم عن يوم كتحسن متبعة طريطمون لي وصفاتلها الطبيبة وفراس واقف على راسها فأي حاجة ما تهنى حتا شافها واقفة على رجليها كتمشى وكتحرك وبقات فيها غير الكحة لي خفات بشوية بشوية عن أول..
صبح يوم السبت وناضت لقاتو ما كاينش حداها..تجلسات كتشوف باستغراب فارجاء البيت وناضت دازت على البالكون كطل ما لقاتوش ورجعات دخلات للحمام ووالو ما كاينش حسو..عقدات حجبانها كتفكر ودخلات غسلات فمها ووجهها وتوضات وخرجات كتجر فرجليها..هي مزالة كتسد باب الحمام وهو يفتح الباب وسدها موراه كيقرب ويشوف فيها بابتسامة
فراس:فقتي هه
رؤيا:فاين كنتي؟
فراس:(عنقها من الخلف)امم كنت كنقضي شي غرض
رؤيا:شني هو هاد الغرض..علاش ما فيقتينيشي؟
فراس:ههه مال حبي صبحات كاعية!
رؤيا:والو غير فاش ما جبرتكشي حدايا تشطنت كحكح كح ماموالفالكشي تمشي نشي موطع بلا ما تقولالي فالصباح
فراس:(كيبوسها فعنقها وكتافها ووذنيها)يخليلي لي كيتشطن عليا وما يرتاح حتاااا يشوفني حداه
رؤيا:ههه ااي ههه..ما انهبطوشي نترينيو؟
فراس:(كيبوس)لا..
رؤيا:(دورات وجهها عندو)هاء وعلاش!!
فراس:(باسها من فمها)تابعيني بزاااف دالحوايج احبيبة وخاصني نقضيهم هاد النهار 
رؤيا:(بحزن)عاود اتبدا تغبر عليا!!اووف ولفتك هاد الايام ديما حدايا وقودام عيني
فراس:(كيجبدلها حنوكها)ههه السكييكييرة ديااالي..شنو ندير معاك شنووو
رؤيا:اااي صافي خليني عليك
بعدات عليه ودارت جيهة لبلاكار كتجبد حوايجها وهو كيضحك عليها ورجع عنقها مرة اخرى من الخلف
فراس:ههه حمقة!جبدي حوايجك لي اتحتاجي كاملين باش تمشي معايا
رؤيا:(دارت عندو)هيييييه حلف!واش بصح انمشي معاك هههه حلف حلف قول والله
فراس:ههه والله
رؤيا:(طارت عليه عنقاتو)ياااااااي ههه(بعدات وجهها عليه)انسافرو ياك فاين انمشيو ههه!؟
فراس:(كيلعب فشعرها)هاد النهار انمشيو للرباط ياك..نسالي شي شغال عندي تما وديك الساع انسافر انا وحبيبتي فيما بغات..صافي سالينا من شي خدمة هه
رؤيا:(بفرحة)حلف حلف ههههه(تلاحت عليه معنقاه بيديها ورجليها)وأخيييييرا..كنبغيك كنبغيك كنبغييييك ههه
فراس:ههه وأنا كنحمااااق عليك..يله نزلي دابا دغيا..وجمعي غير شي حاجة قليلة حتا لتما ولا بغيتي شي حاجة وشريها
رؤيا:(هبطات ورجعات كتجبد لحوايج)ههه صافي واخة دابا خافان زاربان ههه
فراس:ههه اااه وهزي تكاشطك(غميزة)
رؤيا:(باستغراب)شني!اللباسي ديالي علاش؟(علات حاجبها)بركة من لملاغة!
فراس:علاش انتملغ..راه تابعك عرس خاصك تمشيلو ولا اتمشي غير بالحوايج عاديين ههه
رؤيا:شمن عرس!(خرجات عينيها)واش العرس دغيثة!كضحك ياك ههه واش كتهضر من نيتك؟
فراس:لا كنهضر من فمي ههه
رؤيا:بلا ضحك دابا واش بصح!كتهضر على عرس غيثة يااك ههه انمشيولو ياك!
فراس:علاش كاين شي عرس من غيرو وانا ما فخباريش
رؤيا:واااااااااع(ترمات عليه عنقاتو وباستو من حنكو بقوة)كنتسطاااا عليك ههه(بعدات عليه كتنقز)يااااااي سعداااتي هههه 
فراس:(بعصبية)رصاي من التنقاز راكي حاملة واقيلة غير بشوية
رؤيا:هههه فرحانة فرحانة ههه اجي مأكد ياك عندك تكون كضحك عليا!
فراس:وا هاا حنا انبداو فتخسار الهضرة..مولف كنضحك عليك؟هضرة واحدة قلناها
رؤيا:ههه وراني ما متيقاااشي..شني جاك؟ياك ما كنتيشي باغي؟
فراس:حتاا دابا الا كثرتي هضرة بزاااف غادي ندير بناقص..حيت ماشي ليه غيير على قبلك اما انا ما عندي لا لخاطر ولا لكانة لداك التخربيق
رؤيا:صافي صافي هااا هي ضربات الطم
دارت حركة بيديها فحال الا سدات فمها بالساروت ورماتو مور ظهرها ومزيرة على فمها كتضحك
فراس:(كيحرك راسو)هه حمقة..يله دابا طلقي راسك انعطيك ساعة تكوني واجدة فيها
رؤيا:اواعدي على ساعة شعندك كتدوخ عليا ولا شني!!شني انعمل فساعة؟
فراس:(كيشوف فالساعة)زيدي ضيعي الوقت فالهضرة..انا غير توصل العشرة ما نعقلش عليك
رؤيا:حراام عليييك علاش ما قولتيهاليشي البارح ولا قبل اووووووف
فراس:(طلع حاجبو بعصبية)
رؤيا:ما تسوطيييش صافي حفظناااها بفففف
قلبات وجهها كتجبد لحوايج ديالها بالزربة حطاتهم فوق الناموسية..هو خلاها غادة جاية ودخل للحمام..وخرج لقاها مشبطة على ريوس صباعها فوق واحد الكرسي كتجبد باش توصل للطبقة الفوقانية دلبلاكار
فراس:(غوت بغضب وقرب عندها)هبطيييييي..الله يحرق طواااسلك..فين طالعة المرض ما خفتييش طيحي!
رؤيا:(بخوف)راه غغغ..غير بغيت نجبد هاديك اا شنو سميتو 
فراس:(شدها من خصرها وهبطها بالزعفة) تسنايني نخرج ونجبدلك هاد الزمر لي بغيتي مالك كطيري؟
رؤيا:وانتينا قولتيلي دغيا!
فراس:gلتلك دغيا ماشي فرفري فالسماء..صافي دابا هنينا شنو بغيتي!
رؤيا:بغيت ديك لا فاليز الصغيرة؟
شاف فيها بعصبية ومد يدو جبدهالها وحطها فوق الناموسية..شافت فيه بابتسامة وتعالات باستو من حنكو..شاف فيها بنص عين مطولا ورجع تنهد وتبسملها حاط يدو على خذها وباسها من الخذ لاخور
فراس:يله فازي احبيبة باش ما نتعطلوش

لبسات سروال ثوب بلومارين طاي هوت بحزام من الخصر مع شوميز خفيفة فنفس اللون مدخلاها فيه وكابة بيضة بيدين طوال طلعاتهم شوية وخلات صدايفها الذهبيين محلولين لبسات صباط بلا ذهبي وجمعات شعرها بقراسة من الجناب..جمعات لوازمها الضروريين ولحوايج لي اتحتاج وجبدات لباسيها كتعزل بيناتهم ما عرفات ما تختار..شافت حتا عيات وهزات ثلاثة منهم وخذات صبابطها لي اتحتاج سدات لافاليز ديالها ودارت شافت فيه وهو واقف متكي كتفو على الحيط وخاشي يديه فجيابو كيتفرج فيها
فراس:ساليتي؟
رؤيا:(كتفكر)اممم يمكن بففف ما عرفتشي..ما نسيت والو ياك؟
فراس:الا نسيتي شي حاجة دابا تفكريها زيدي دابا
رؤيا:ونتينا ما اتجمعشي حوايجك!
فراس:داكشي لي ضروري راني هزيتو اما لحوايج راهم موجودين(كيشوف فالساعة)مهم دابا..مشينا!
رؤيا:(بفرحة)اه صافي يله
قرب هو لابس سروال دجين مع كبوط دلقطن كول V فالباج مطلعلو لكمام وصباط فالاسود هز لافاليز فيدو وهي حطات صاكها لي بيد طويلة على كتفها وقربات شبكات يديها فيديه وفتحاتلو الباب وخرجو..لقاو رقية وزينب كيتسناوهم فالصالة لي قبالة الدروج..حط فراس الشانطة حدا الدروج وقربو منهم
رؤيا:(بابتسامة عريضة)صبااح الخيييير ههه
زينب:هه صباح الخير 
رقية:صباح النور..شنو غاديين دابا!
فراس:اه الا كتب الله
رقية:ما اتفطروش؟
رؤيا:يانا ما قادراشي ناكل دابا..واصلا نخاف ناكل شي حاجة نترون ويانا غييير على سبة
فراس:غير خلينا نمشيو باش ما نتعطلوش حتا لطريق وتفطر 
رؤيا:لا يانا اصلا ما بغيتشي نخاف نمشي نعمل شي دراما ههه
فراس:اوك صافي بلاش اصلا انمشيو فالهيلوكوبتر دغيا نوصلو وديك الساع كولي صافي؟
رؤيا:(هزات كتافها)هه ما عنديش مشكيل لي بغيتي
فراس:هه اوك يله توكلنا على الله 
رؤيا:(باست يد رقية وعنقاتها)
رقية:الله يعبيكم على خير وبيخير يا ربي..طريئ السلامة
رؤيا:اميين يا ربي تهلا فراسك
رقية:ربي يتهلا ابنتي(باسلها فراس راسها)الله يرضي عليك اولدي..تهلا فراسك وتهلا فمراتك راها واحلة فروحها دابا ما تبئاش تعصب معاها
فراس:هه اوك إن شاء الله
رؤيا:خالتي(عنقاتها)بسلامة تهلاي فراسك
زينب:ان شاء الله ابنتي..حتا نتي ردي البال لراسك ولحفيدي ههه
رؤيا:هه إن شاء الله
فراس:(باسلها راسها وعنقها)الواليدة الله يهنيك زينب:الله يهنيك اوليدي الله يديكم على خير يا ربي
فراس:أميين يا ربي..احم رؤيا يله زيدي
رؤيا:اوك..يله بسلامة عليكم
رقية:الله يهنيكم اوليداتي وينئي طريئكم من الشوك ويبعد عليكم ولا لحرام..تهلاو فبعضكم
رؤيا:ههه ضروري 
تشابكو باليدين وخرجو هو وياها ورقية وزينب تابعينهم ورقية كدعي معاهم..قرب أحد من رجالو خدا من عندو لا فاليز وتمشى هو وياها طالعين من الدروج حتا قربو للهيلوكوبتير والريح كيلعب بحوايجهم..قبطها من خصرها عاونها طلعات فالدروج حتا دخلات وطلع موراها حتا هو وسد الباب..جلسو فالهيليكوبتير الواسعة نوعا ما..دارو سماطيهم والكاسك فوق راسهم ورؤيا شادالو فيدو كضحك وفرحانة حتا قلعو وبداو كيطيرو فالسماء وجبدات الكاميرا كتلتقط صور ليهم..
دوزو طريقهم ضاحكين حا هبطات بيهم فوق العشب ونزل هو ووقف قبط فيديها حتا نزلات كتشوف فجنابها تفكرات الفيلا لي جابها ليها أول مرة مور الحفلة دعيد ميلاد زينب وشافت فيه كضحك
رؤيا:ههه عقلتي!
فراس:هه علاش انا نسيت بعدا..هادي أول دار جمعاتني بحب حياتي ههه..وفهاد الفيلا تجمعت انا وياك اول مرة تحت سقف واحد
رؤيا:شكوون كان يقول بلي يانا وياك انرجعولا وحنا مزوجين وهازة ولدنا فكرشي..ويانا ما كنتشي كنحمل فيك الشعرة!
فراس:ههه شفتيني انا حماقيت عليك من أول نظرة..راه ما نعرف كي وقعلي حتا تطمست وبغيتك
رؤيا:(عوجات فمها)تطمستي كيما تعميت يانا راه كلنا فالهواء سوا
فراس:هههه(لاح يدو على كتفها)ولكن كانت أحسن تمطيسة نتطمسها فحيااااتي
رؤيا:(دورات يديها على خصرو)هههه حتا يانا بغيت ربي يزيدني عمى فوق عمى..ما بقيتشي باغة نشوف هههه
فراس:(خطف بوسة من عينها)الله يخليلي عويناتي ههه ردي بالك للدرجة
فاتت الدرجة لي دايرة بالباب دالفيلا لي كان مفتوح ودخل هو ياها كيتفكرو اول يوم ليهم تما وكاع الاحداث لي دازو منها..طلع هو وياها لبيتو وتفكر نهار دخلات عليه كاملة مشعككة وماكياجها مخربق حتا قفزاتو من نعاسو وشد فيها كيقشب عليها حتا تعصبات وهو كيضحك..خلاها كتدور فالبيت وتكتشف قناتو مزيان وحل بلاكار جبد منو كوستيم باج مع سروال ثوب بلومارين وقميجة بيضة وصمطة قهوية وصباط فنفس لون الصمطة رش عطرو بالزربة وقاد شعرو وهز ساعتو كيركبها
فراس:حبيبة هانا مشيت اوك
رؤيا:(خرجات من لاتيراس)هاء فاين ماشي عاد وصلنا؟
فراس:خاصني نسالي هادشي لي عندي هاد الصباح باش فلعشية نقدر نمشي معاك(قرب باسها من حنكها)يله بسلامة تهلاي فراسك..ولا بغيتي شي حاجة راه كاينين الخدامات عيطيلهوم وهما يتكلفو اوك؟
رؤيا:(باسى)واخة صافي..انتوحشك
فراس:(باسها)وانا اكثر..

خرج هو وخلاها فالبيت كدور زولات صباطها وتلاحت فوق الناموسية كترتاح وتشوف فالسقف حتا داتها عينيها..فاقت على صوت الدقان وناضت بشوية عليها كتحك عينيها فتحات الباب لقات بنت بيونيفورم باج وأبيض وجامعة شعرها سفنجة طايحة على عنقها من شكلها باينة خدامة
رؤيا:(باستغراب)وي؟
الخدامة:سمحيلي امدام على الديرونجمون
رؤيا:نو ماشي مشكيل اصلا كان خاصني نفيق
الخدامة:انا جيت غير نقولك بلي لغذاء واجد اذا بغيتي..واش نطلعوهلك لهنا ولا نحطوهلك لتحت
رؤيا:اممم فراس جا ولا مزال؟
الخدامة:ميسيو فراس مزال ما جا امدام
رؤيا:امم اوك اذا طلعيهلي لهنا وصافي..
الخدامة:اوك مدام تودوسويت
رؤيا:ااه حقا..تسناي
الخدامة:وي مدام!
رؤيا:بغيتك تشوفيلي شي كوافورة..مي شي وحدة بروفيسيونيل ماشي سواقية والسلام..بغيتها تجي عندي لهنا فلعشة مع ديك 4 اوك
الخدامة:اوك مدام..تآمري بشي حاجة اخرى؟
رؤيا:نو حبيبة ميغسي
هبطات الخدامة ورؤيا شافت فالساعة لقاتها الوحدة ونص..زولات حوايجها لفوقانيين ودخلات للحمام دوشات من لعرق دالطريق وخرجات سمعات الدقان عطاتها الاذن تدخل ودخلات الخدامة باطباق مختالفة حطاتهوملها فوق الطبلة لي بالفوطوي وهي فتحات لافاليز ديالها جبدات بيجامة سروال بفوقاني ديالو مخلطين مابين احمر وابيض وبلومارين..لبساتها وجمعات شعرها..لبسات عبايتها وصلات الظهر وناضت باش تغذا..بدات كتاكل بشوية بشوية حتا رجعات لور حاطة يديها على صدرها ومخيبة وجهها والحرقة دالمعدة دييما كتمحنها مور الماكلة لدرجة ما بقاتش كتحمل تاكل فمرة غير كتنقب وصافي.. سالات وناضت لقاتها قربات 2:30 وترمات فبلاصتها كتلعب فتيلي مرة تشوف التصاور مرة كتهضر مع شامة ونسولها على المستجدات حتا غفات والتيلي فيديها..قفزها صوت التيلي لي كيصوني وهزاتو من فوق كرشها مغمضة عينيها وجاوبات بلا ما تشوف شكون
رؤيا:الو وي؟
فراس:حيدي التيلي من على كرشك ونعسي الا بغيتي..ما تحطيهش عليها..الريزو ما مزيانش للولد لي فكرشك..وهضرتي ما نعاودهاش
رؤيا:ااا كي..طيط طيط طيط
بقات مصدومة وكتشوف فجنابها ما فاهمة والو وحطاتو فوق الكوافوز كتفكر فين شافها..ما رجعاتش نعسات وبقات كتلف الوقت حتا جات عندها لكوافورة ومساعداتها بزوج..قالتلهم شنو باغة بالضبط وهما تكلفو بيها..بداو ليها بالمساج ودازولها للشعر قطعولها منو شوية قدوهلها وقطعولها لافخونش وصبغوهلها دارت فيه ليميش فاللون المارو جاها اللون الزوين مع لون شعرها الاسود وعطاه شكل جديد..تكلفات وحدة بتسريح شعرها ووحدة بالمينيكير والثالثة كتعاونهوم..سرحولها شعرها ودارولها بابيليز ليه كامل وحلوهوم مزيان بان شعرها قوي اكثر فرقولها لافخونش فالوسط وقلبوهالها لجناب..رجليها ويديها صبغوهوملها باللون الاحمر غامق..ودازولها للماكياج لي تقنوه مزيان شرطة مقاادة مناسبة ورموش متوسطين الطول مع ضلال باللون الاسود خفيييف فوق عينيها وعكار بوردو ماط وفاغاجو بانت رائعة بمعنى الكلمة رشولها لالاك على شعرها وهزات راسها فالساعة كانت 6:30 خلصاتهوم وشكراتهوم وهما مدحو فيها وفجمالها.. من بعد ما مشاو وقفات قدام لمراية كتشوف راسها وشعرها عجبها اللوك الجديد جبدات التيلي عيطاتلو جاوبها فلبلاصة وعلمها بلي شي 45 دقيقة ويوصل..دارت جبدات اللباسي ديالها لي جابت واختارت من بينهم قفطان فالباج كولو مخدوم بالذهبي فيه طريزات خفاف بحجر شواروفسكي بالالوان ..لاسق على لاطاي على شكل حوتة ووصل للركبة ووساع شوية مخلي مساحة لرجلين يتحركو على راحتهم..فتحة طويلة حد الركبة وكمام طوال وفتحة الصدر نازلة على شكل v حتا قربات تبين فتحة صدرها..جاها واعر على فورمتها لي واخة عمارت شوية بالحمل ولكن مقاداها هي بالرياضة ولحمها مشدود ماشي مرخي وكرشها باينة شوية فقط..حطات اكسيسوارات خفاف حيت القفطان عامر بزاف لبسات صندالة فالذهبي سامبل كعبها غليض متوسط العلو ووقفات قدام لمراية غادة جاية عاجبها راسها وكتسيلفا وتصور راسها قبالة لمراية..دازت ربع ساعة وهي كتسنا جلسات كتشوف تصاور لي تصورات وكتنقب فالمكسرات لي جابولها..سمعات لبواني كيدور فالباب ووقفات بالزربة حتا طاحلها تيلي من يديها وحنات شوية هزاتو ورجعات طلعات راسها وبعدات الشعر على وجهها وشافت فيه واقف قبالتها..بقى واقف جامد لوهلة كيشوف فجمالها الفتان ترسمات ابتسامة على فمو وحط كتفو على الحيط كيصفر وهي كضحك بخجل 
فراس:ختي ما شفتيش واحد الخيبوعة مراتي سميتها رؤيا 
رؤيا:(كشرات)ما كاينشي شي خيبوع قدك الباسل
فراس:(كيقرب منها كيطلع ويهبط فيها)هههه دابا انا عندي هاد الزين كامل الله الله(هز يديها كيدورها ويصفر)
رؤيا:ههه صافي حبس جاتني الدوخة هه
فراس:كون تشوووفي الدوخة لي فيا انا..
رؤيا:ههه بصح جيت زوينة؟عجبتك؟
فراس:(حرك راسو بالنفي)ننننن
رؤيا:هاا شني!!
فراس:gولي حمقتيني سطيتيني هبلتيني اما عجبتيني قليلة فحق هاد الزين كااامل..

فراس:اوووه والمارون ولا فخونش يا لالة جاتك زوييينة(عقد حجبانو)دوري نشوف قطعتي شعرك؟
رؤيا:لا غير قاديتو هانتينا شوف نقصولي منو غيير لي بوانت وصافي
فراس:وا هاكاك الله يرضي عليك تقيسيه نجبدلك عينيك
رؤيا:دابا مالنا عاود على تخسار الهضرة 
فراس:(حط يدو على خصرها)ههه انا كنgولك غير شنو كيتسناك الا مشيتي حتا زغبك الله وحطيتي يديك فيه بركة غييير هاد لافخونش لي قطعتي ما بغيتش نحكر عليها حيت جاتك زوينة ههه
رؤيا:نتينا عندك هاد الرومانسية ديالك بوحدها وا بااز لوجهك
فراس:ههه هادشي لي عطى الله بزز منك اتصبري(حط صبعو تحت شفايفها كيدوزو ببطء) امممم توحشتك
رؤيا:(دفعاتو بشوية)ههه غير ما تحلمشي من الصباح ويانا نقاد ونعاوط..حتا نرجعو وتوحشني شحال ما بغيتي هههه
فراس:فاش غادي نرجعو ما انتسناكش تعطيني الاذن اصلا..بلحق دابا اري غير بوسة
رؤيا:هييييه لا اتخمجلي حالتي ودوقمي ما معاناشي
فراس:ههه من نيتك ابب راه ما كنتشاورش معاك اريها بالخاطر حسن ما ناخذها بزز
رؤيا:(كتحاول تفلت من بيت يديه)لا لا انهننن عافاك خليني ماشي دابا
فراس:اوووك ضبري راسك نتي اختاريتي العنف
زيرها عندو مزيان ودفعها بشوية حتا لصقات مع الحيط وحط يدو على وجهها حكمها مزيااان وباسها بوسة قوية وهي حاطة يديها على يديه باغة تفلت منو ورجليها زيرهوملها برجليه ما لقات كي دير..تبدلات قبلتو من قوية لقبلة حنينة وبقى معاها حتا ترخات بين يديه وتجاوبات معاه كانت قبلة طوييلة حتا بدى كينهج وخاف القضية تحماض اكثر ما هي حامضة اصلا وما يبقاش قادر يزيد يتحكم فراسو وبعد عليها بشوية وهو مبنج..تنهد تنهيدة خارجة من الاعماق وباسها فخذها وبعد راسو كيشوف فيها وفشعرها لي تعنكش ولعكار لي تمسح منو شوية وتبسم بالجنب
فراس:ههه فخبارك البوسة دبزز عندها حلاوتها بوحدها
رؤيا:(عقدات حجبانها)بعد عليا نشوف كي رجعتيني..كنتي كتبوس ولا كتحارب اربي السلامة
فراس:ههه مقبولة منك..انا اندخل ندوش ونخرج نمشيو ونتي بدلي عليك اوك
رؤيا:هاء شني انبدل عليا..صافي انا واجدة طلق راسك غير نتينا 
فراس:(بسخرية)انا gلتلك اندخل نخرج نلقاك بدلتي عليا هاد الحالة..واش من نيتك باغة تمشي بهاد لعجب كاامل لاصق عليك وهاد لعكار ديال أراك من بعيد حمقة ولا عاد عوالة؟
رؤيا:اواعدي!!كضحك ياك!انههنن عافاك قولي غير كضحك
فراس:لا احبيبة ما كنضحكش..اتمشي وتلبسي شي حاجة خرى هذا حتا نرجعو ان شاء الله ولبسيه باش نزولولك بيدي ههه
رؤيا:دابا شعندك باغي تحرمها عليا وصافي؟ياك القفطان مستور ما معري ما والو وعلاش انزولو! خليني بيه عااافاك انهننئ
فراس:مستور؟هذا مستور منين جاه..ونتي كلك مطراسية وكل شبر فيك علاين يفيض..هادشي بلا ما نهضرو على هاد السراجم لي عندك شي الفوق شي لتحت..باغة تمشي هاكا يتفرجو فيك الشمايت والله لا كانت ليك..يا اتمشي تلبسي شي حاجة خرى تكون مستورة وواسعة فحال الناس يا دوزي نجلسو حتا انا راني طالب عليها وغيير على سبة
رؤيا:انهنئ وحشومة عليك من الصباح ويانا نلبس ونعاوط ودابا اضربلي كلشي فالزيرو اهئ
فراس:غير بلا ما تعذبي راسك وتبداي فداك التبوحيط ديالك..اتبدليه هي اتبدليه وحتا هاد لوجه اتنقصي منو هاد الروينة..يله فازي طلقي راسك دغيا..هانا دخلت
رؤيا:والله حتا حكااااار انهننن
فراس:كون شفتي الحكرة دبصح كاع ما تهضري (غميزة)
دخل هو للحمام وخلاها كتاكل فجنابها بالفقصة زولات الصندالة ورماتها بالنترة فالارض وجلسات فوق الناموسية حاطة يديها على حناكها منفخة.. دازت 5 دقائق خرج ملوي فوطة على نصو لقاها مزالة فبلاصتها
فراس:(مطلع حاجبو)مزالة ما بدلتي..شنو واش نديرو بناقص؟
هزات راسها فيه كترغبو بعينيها ولكن واالو واقف مخنزر فيها كيتسناها غير تعكس معاه باش يجلسو ما يمشيوش..شافت حتا عيات وناضت كتزطم فجلايلها وتزدح وتغبن جبدات زوج لباسي لوخرين كتختار منهم..وحدة فالاسود مي هاديك جاو كتافها كلهم عريانين ويديها طايحين من لكتاف عرفاتو ما ايبغيلهاش ولقات راسها امام آخر إختيار..لبسة فالجرونة يديها واصلين حد المرفق وجاية لافورم ديالها من تحت منفوخة فحال اثواب الاميرات بلا فتحة..والفوقاني هو لي فيه عقيدات بلديين فلجرونة مع طرزات فالجناب نازلين على شكل عمودي من الصدر حتا هبطو لتحت وفاتو لمضمة الذهبية الرقيقة بشوية..خلات نفس لي زاكسيسوار ولبسات نفس الصندالة ووقفات قدام لمراية كتقاد شعرها ووجهها وكتشوف فيه بنص عين وهو كيلبس..لبس طقم رسمي فالبلومارين مع قميجة خلالها زوج صدايف محلولين سمطة فالاسود وصباط كلاص اسود ومنيل احمر فالجيب لي فالجنب دالكوستيم قاد شعرو رجعو لور حط ساعتو روليكس ورش عطرو وها هو واجد..شاف فيها لقاها مزالة كتقاد فشعرها وتسرحو بيديها 
فراس:(بجدية)مسحي عليا داك الفم ولا والله ما تعتبيها
رؤيا:خلي..
فراس:(قاطعها)كلمة واحدة gلتها وضبري راسك دابا
رؤيا:اوووووووووف
فراس:(ضربها بخفة بظهر يدو لفمها)

قلبات وجهها مسحات داك العكار بقوة الفقصة حتا طيبات فمها وهزات كلوز خفيف دارتو وهو حاضي معاها..هزات كاب رماتو على كتافها وبوشيطة حطات فيها تيلي وشي حاجة دالماكياج لي تقدر تحتاج..وتأكدات من الدعوة بلي معاها ووقفات كتشوف فيه
رؤيا:مشينا؟
فراس:يله بسم الله
تقدمات هي هازة لبسة من القدام شوية باش ما تعكلش وكتمختر فالمشية وهو فتحلها الباب زادت قدامو وتبعها كيطنز عليها
فراس:زيدي زيدي ونتي طالقة زينك علينا 
رؤيا:(قلبات عينيها فيه وضربات شعرها بيديها)بصحتييي يانا بعدا جات معايا
فراس:(وقفو حدا الدروج)ههه اري يدك عنداك تجي على فمك..ونتي غادة وتجري فالشراوط موراك
رؤيا:شراوط!شني كتعرف نتينا فهادشي..سكت سكت
فراس:وااا اري يدك دابا وهنينا
رؤيا:لا انهبط بوحدي بلا جميلك
هبضات كتخلف بشوية وشادة فالسور دالدروج وهو موراها لاصق عليها مطلع حاجبو وحاط يدو مور ظهرها خايف لاتمشي طيح..هبطات فالدروج ودارت شافت فيه وهي كتمشى وتبسمات بسخرية زعما راني هبطت وما طحتش وما حساتش براسها حتا زطمات على اللبسة كانت اتجي على فمها وشدها من خصرها بسرعة
فراس؛وا هااااا لي gلنا..مال مك راسك قاصح؟
رؤيا:وانتينا حاضيني بعينك حتا قوصتي عليا شوف قدامك
فراس:هزي عليا هاد الجحالل وشدي فيا..منين ما قادة على طالون شداك ليه(خنزرات فيه)زيدي طرطقيهم فيا..حلي عينيك فالطريق ونتي مقابلاني
رؤيا:(كتعوج فمها)بفففف الله يستر
فراس:(شاف فيها بنص عين)امييييييين
خرجو كيتناقرو وهي خاشية يدها فدراعو فتحلو أحد رجالو الباب الخلفي وعطاه إشارة بيديه بلي هو لي ايسوق وفتح لرؤيا الباب حاط يدو على خصرها حتا دخلات وسد الباب ودار بخطوات ثابتة واثق من نفسو وطلع ركب شاف جيهتها لقاها مهبطة لمراية لقدامية كتشوف راسها واش مزالة معاوطة ودور وجهو كيضحك بسخرية وديمارى وزاد خارج من الفيلا
فراس:شوفي لادريس دهاد العرس فين جات؟
رؤيا:(كتشوف راسها)اممم شني؟
فراس:شوفي لادريس فديك لانفيت لي عندك؟
رؤيا:اااه اوك اطط..
جبدات الدعوة لي أول مرة اتفتحها وبدات كتقلب على لادريس بالزربة لقاتو لتحت وقراتو عليه وكتبو ف ج.ب.س حتا طلعلو وكسيرا..رجعات هي الدعوة نلابوشيط ودارت كتفرج من السرجم فالطريق حتا وقفات بيها الاوطو..علات راسها لقاتو داخل مع باب كبير بيبانو مفتوحة دلحديد والورد الابيض فجناب الدخلة واضواء خافتة عاطية فالجردة كاملة طاحت عينيها على قاعة كبيرة على شكل فيلا قدامها مباشرة على طول الطريق بقات كتشوف فيها وفشكلها الهندسي الرائع والفخم والزينة لي زادتها فخامة اكثر والطابي غوج مفرش على طول الطريق قرب الباب حتا لداخل اصوات الموسيقى العالية كتسمع منين ومنين قلب الطريق على ليسر شافت فيه لقاتو غادي جيهة لباركينج قلب على بلاصة خاوية حتا لقاها وباركا الاوطو ونزل ونزلات حتا هي كتشوف فجنابها بابتسامة والهواء لخفيف كيلعب بشعرها وريحة عطرها فيما مشات مخلياها موراها شافت فيه وقربات منو دورات يديها على دراعو وشافت فيه بابتسامة وبادلها نفس الابتسامة وهبط باسها من وذنها حتا عوجات عنقها وبعد عليها كيضحك..خلفو هو وياها بشوية حتا وصلو لحدا باب الفيلا وتقدمات وحدة طلبات منهم الدعوة مداتهالها رؤيا وتبسمات البنت فوجوههم ورحبات بيهم وخذات منها الكاب لي على كتافها
هزات راسها لسماء كتعوج وتخلف رجل قدام رجل وفراس بجنبها قابطة فيه كيشوف فيها ويحرك راسو بمعنى لا حول ويديه فجيابو غير دخلو للقاعة تبدلو ملامحو لملامح جدية دلاتهوم البنت على مكان جلوسهوم ودخلو على أنظار جميع الحاضرين لي كيشوفو فيهم باعجاب ما شافت فحتا واحد كأنها ما مسوقاش متبعة لبنت لي قدامها حتا وصلاتهم لطبلة ديالهم ووقف فراس جرلها الكرسي شافت فيه بابتسامة وشكراتو وجلسات وهبط باسها من حنكها قدام الملأ وهي خرجات عينيها ورجعات كضحك عااجبها الحال وزااد عجبها راسها..قاعة مملوئة بالمعازيم وطاولات فالابيض والرمادي مزينين بطابع كلاسيكي زوييين ومقاعد مريحة من الجلد..جلس هو وتنهد ما حاملش الجلسة والصداع هز راسو مخنزر
فراس:اوووف
رؤيا:حبيبو شعندك؟
فراس:شوية وانمشيو ارؤيا ما حاملش هاد الصداع
رؤيا:اواعدي عاد جينا بديتي كتهضر على لمشي!حتا موطعي مزال ما سخنتو؟
فراس:وشمن غرض عندك يسخن ولا يبرد..بغيتي لعرس هانتي جيتيلو..شوية ونمشيو الله يخلف ويجعل البركة
رؤيا:وا
فراس:(قاطعها بجدية)صافي سدينا ارؤيا..ما تندمينيش عارفاني ما عنديش مع كثرة بنادم وخصوصي الا كان حنزاز فحال هاد عباد الله..شي وحدين راهم كيقلبو عليا نوض نطرطقلهم بلابز عينيهم
رؤيا:(كتلطف الجو)هه شعندك معصب برد احبيبو برد صافي الا بغيتي شوية ونمشيو غير نشوف غيثة ونباركلها اوك
فراس:اوك
حطات يديها على يديه كتبتسم وهو شبك يديه معاها وهزها باسلها ظهر يديها بابتسامة..بقى قابطها هاكاك وحاط يديهم على فخضو وهز تيلي كيتلف فيه وهي هزات عينيها كتسرحهم فالحاضرين حتا حبسات كتشوف فأحد الطبالي...

كانت طاولة عامرة بزملائها فالدراسة أيام الكلية كلهم كانو كيشوفو فيها ذكور وإناث كيبتاسمو معاها شافت ففراس بنص عين لقاتو مهبط راسو وتبسمات ابتسامة خفيفة وحياتهم براسها..الذكور منهم فهموها وقلبو وجههوم كيتجمعو بيناتهم اما لبنات فوحدين كيشوفو فيها بابتسامة بريئة واخرين ما كيشوفوش فيها فمرة عينيهم غير على فراس زيرات على يدو وعقدات حجبانها وهزات يديهم حطاتهم فوق الطبلة وهما متشابكين..هز عينو فيها باستغراب لقاها مخنزرة وكتسوط وعينيها على جيهة وحدة شافها فين كتشوف لقا بنت مزيونة جاية جيهتم بلبسة فالاسود مشبكة من الدرعين والصدر والفتحة واصلة لفخاض وطالقة شعرها صابغاه بالزعر وحاطة ماكياج ثقيل شوية كتشوف فرؤيا وتبسم ابتسامة صفراء
هبط راسو كيتبسم بشوية وهي هزات راسها مطلعة حاجبها وكتبادلها نفس الابتسامة
البنت:(بميوعة)رؤيااا حبيبة فيين هاد لغبور توحشناك كيبقيتي صافا(هبطات كتسلم عليها بلابيز)
رؤيا:هه ماجدولييين مزالة نتينا هي نتينا سبحان الله ما تبدلتييشي
مجدولين:ايوا ابب الواحد هو لي يبقى فصباغتو اولا؟ماشي كل مرة بشكل فحالو فحال اللفعة(غميزة)
فراس هز راسو فيها بالزربة مطلع حاجبو ورؤيا ضغطاتلو على يدو كتحاول تبرد وشافت فيها بابتسامة
رؤيا:اممم يمكن..نتينا خبيرة فهادشي دلحياي ولفاعي يانا ما كنعرفشي فيهم بزااف فحالك ههه 
ماجدولين:(ضحكات بالجهد وعينيها على فراس لي مخنزر فيها)ههههههه اصلا ابب حتا واحد ما فحال ماجدولين هههه اححم ايوا ما عرفتيناش!
دورات وجهها جيهة فراس وغمضات عينيها كتسوط ورجعات شافت فيها
رؤيا:ههه وي حبيبة كنعرفك هذا مون ماغي فراس..فراس سلطان
ماجدولين:(بصدمة)اوووه نوووو فراس سلطان!سي با vغييي؟فراس سلطان صاحب شركات ThecnoSol!
رؤيا:(بثقة وابتسامة ساخرة)ويي احبيبة هو
ماجدولين:اوووه جو نو كخوا با؟ههه وانا كنقول فين شايفاه ههه(مداتلو يديها)اونشونطي ميسيو فراس موا ماجدولين..ماجدولين فوزي
طلع فيها وهبط وشاف فيديها وتبسملها ابتسامة بالزربة وقلب عينو كيشوف فتيلي ديالو..رؤيا شافت فيه حابسة الضحكة عجبها الحال وبزاااف وشافت فيها لقاتها رجعات حمرااااء وغير كدور فعينيها تشوف جنابها جرات يديها عندها وشافت فرؤيا بتوتر
ماجدولين:هه على العموم كانت فرصة سعيدة نشوفوك(كتعوج عينيها)واخة الصراحة ما توقعتش نشوفك هنا تصدمت فاش شفتك!
رؤيا:هه وعلاش ازيني اتصدم ياك كيما نتينا كتعرف غيثة حتا يانا كنعرفها ما عندك علاش تصدم
ماجدولين:(كتشوف فراس)ايوا فشكل ما توقعتكشي تجي جاتني بيزار وعاد جيتي نتي وو متأ على كل مبروك عليك الزواج الله يكمل عليك بالخيير واخة ما عرضتيناش
رؤيا:ههه اميين يا ربي والعقبة ليك..غير ما كتابشي وصافي حتا نالسابع ونعرضك ان شاء الله ما بقاشي بزاف
ماجدولين:(كتعوج)اوووه حاملة!ايوا مبروك
رؤيا:شكرا
ماجدولين:هه اوك اطوط الوغ
رؤيا:بسلامة احبيبة
تقدمات غادة وعينيها على فراس كتشوف فيه بجنب عينيها حتا فاتتهم وجلست فبلاصتها وصحابها كيضحكو عليها وهي كتغلي فبلاصتها وتشوف فرؤيا بحقد
رؤيا:مشية بلا رجعة..يييخ تفوووو على حامضة شحال ما كنحملاشي عمرها تسرطاتلي اخزييييت
فراس:هه وعلاش من الصباح ونتي وياها غير احبيبة وابب لي يسمعكوم يgول كتموتو على بعضياتكم
رؤيا:وييييييع بقالي غير هاديك نموت عليها..لمعوجة ياخرا السفريطة اللفعة الكرطيطة اوووف.. هههه بلحق عجبتيييني فيها ههه عبرتي على حسها هههه
فراس:تحمد الله لقيتها مرى اما انا كنت كيبانلي نوض نريبلها فمها باش تعرف راسها معامن كتهضر وشكتخرج على فمها
رؤيا:(قربات راسها منو كتهضر بصوت طفولي)احححح يخليك ليلي ازينو ديالي نتينا عمري وحياااتي عطييتيها علاش كتفتش كنحمااق عليك يانا
فراس:هههه نستاهل بوسة ياك
رؤيا:تستاااهل احسن بوسة احبي
فراس:ههه واايلي!!يله عطيني حقي
رؤيا:ههه اواعدي لا حتا نمشيو ونعطيهالك هانتينا كتسالالي
فراس:ههه اوك مي ديري حسابك اتخلصي معاها حتا لانتيريت هه
رؤيا:ههه نن الربا حرااام
فراس:وهادشي لي كديري فيا ماشي حرااام
رؤيا:ههه شني عملت؟
فراس:ههه اودي خلي داك الجمل راكد بلاااا ما تعرفي حتا لدار ونوريك شنو كديري بلمباشر هههه
رؤيا:(شافت فيه بإغراء وعضات على شفايفها بشوية)ههه وفوقاش الإعادة؟
فراس:(صدماتو فيها وبدا يضحك)ضسرتييي ابنتي ههههه دغيا وصلتي للاعادة
رؤيا:ايوا من عاشر قوما اربعين يوما اصبح منهم ويانا فوووت الاربعين من زمااان
فراس:ههه ايوا الالة ما طلبتي غير لموجود نساليو المباشر وارا برع فالاعادات والاشواط الاضافية
قلبوها ضحك وتغاميز بيناتهم ونساو الحظور ما مسوقينش..شافت قدامها فصندوقة زوجاجية مربوطة بشريط ابيض فوسطها انواع مختلفة من الشكلاط وفتحاتها بلهفة كتاكل وتبنن فحباتو الفاخرة لي حاطينها كاستقبال..كانت كتاكل بلباقة ومستمتعة بكل قضمة حتا وقفاتلها وبدات كتكح وعينيها على الباب مع اجواء التصفيق وايقاعات الطبول..

عينيها ايخرجو مع الضغمة لي حاصلالها ومع داكشي لي كتشوف قدامها..يد حاطاها على صدرها ويد مزيرة بيها على يد فراس لي كيضرب على ظهرها بخفة وكيحاول يشربها وهي مرفوعة ما كتسمع لا فراس لي كيهضر معاها وينكر عليها كعادتو ولا صوت الزغاريت والاهازيج لي ملئات القاعة فقط الطنيين لي كيصفر فوذنيها من شدة الصدمة..آخر توقعاتها تشوفو هنا وفهاد اللحظة وفهاد الموقف والاكثر من ذلك تكون حاضرة فعرسو ومع فراس من الفوق تبلوكات كتشوف فيه وهو داخل من الباب وابتسامتو العريضة مزينة ملامح وجهو بطقم عرسان اسود وابيض وبابيون فالاسود مبدل تسريحة شعرو ومنقصو من الجناب ومخليه قوي من الفوق..باين عليه فرحااان ومرتاح عكس آخر مرة شافتو فيها ناعس على الباياص والسلوكة دايرين بيه..إيقاعات الطبول والموسيقى مسيطرة على الجو لي داير بيه عكس جو الصمت والبكى ودقات القلب المنبعثة من آلات المستشفى لي خالاتو فيه آخر مرة..لوهلة دازت 8 سنين من حياتها قدام عينيها وتختمات بمشهد وهي واقفة قدام غرفتو حاطة يديها على الزجاج وكتبكي عليه ونزلات دمعة لا إرادية من عينيها حتا حسات بكاس الماء تحط على شفاهها وشافت فراس لي عاقد حجبانو ومكمش جبهتو وكيغوت عليها ورمشات عينيها بالزربة 
فراس:شربي المرض غادي تجيفي!رؤيااااااا شربييييي!
رؤيا:اا ووو واخخة
حطات يديها على الكاس كترجف وعينيها على فراس وعلى الدخلة دالباب لي جات موراه وهو كيتقدم قدام عينيها وعروستو قابطة فدراعو وعائلتهم محيطة بيهم فرحاانة وكلشي كيضحك.. ما عرفت باش تبلات ولا شنو دير ولا شنو ماديرش تخربقات وتراكمو عليها الاحداث وتخلطو عليها الاحاسيس..إحساس الخوف من ردة فعل فراس وإحساس الكره والشمتة من إنسان ضحك عليها ولعب بيها كيف بغى لسنين طويلة وفنفس الوقت جاها إحساس بالفرحة أنها شافتو بصحتو وواقف على رجليه كيما كان كيبقى إنسان ماشي عادي فحياتها وإنما دوزات معاه 8سنين من لحلوة والمرة..احاسيس غريبة ولكن لي مأكدة منو دابا هي أنها فعلا عمرها بغاتو نظرتها ليه ماشي نظرة حبيبة قديمة كتشوف حبيبها كيتزوج..علاقتها بيه يمكن كانت صداقة قوية او علاقة إنسجام خلاتها تضن بلي كتبغيه او لقاتو شخص كيفهمها وافكارو قريبة ليها ولكن اكييد ماشي هو حب حياتها..حب حياتها هو الانسان لي جالس قدامها وعينيه ايخرجو بقوة الخلعة عليها غير حيت وقفاتلها ضغمة فحلقها شخص ماشي غير كيفهمها وإنما كيحس بيها..فرحاتلو حيت كمل حياتو من بعدها كيما حتا هي كملات حياتها مع الراجل لي كتبغي ولكن خوفها من الآتي خلاها تلف وتنفسها يضيق عارفة بلي هاد الليلة ما ادوزش على خير وخوفها الشديد خلا دموعها يغلبوها..شاف فيها باستغراب حاط يدو على حناكها كيتفحص ملامحها ويهضر معاها بخوف
فراس:حبيبة؟رؤيا مالك واش كضرك شي حاجة!!رؤياااا رؤيا!ماااالك هضرييي؟
كتشوف فيه وتشوف موراه وشفايفها كيرجفو..دار كيشوف فين كتشوف ورجع دور وجهو عندها بالزربة ورجع استدرك داكشي لي شاف ودار كيشوف موراه بالزربة..كانت الصدمة أكبر من انها توصف بالنسبة ليه عينيه خرجو فلبلاصة..عضلاتو تشدو وكرز على فمو..حماار وعينيه رجعو فحال قطرة دم..الغضب والشمتة والكره هما لي كيفسرو حالتو..وصل لطوب دالعصبية
العرسان كيتقدمو فالممر على السجادة الحمراء ببطء وكيسلمو على الناس من بعيد تحت انغام الموسيقى وعائلة لعريس المقربة لي هي الام والاب ديالو داخلين معاهم هما والوالدين دغيثة.. وقفو قبالة الطبلة دفراس ورؤيا باش يلقيو التحية على الجهة لي هما فيها حتا طاحت عينو على عينها ووقف مصدوم وابتسامتو اختافات ببطء ما قدرش يتحرك من مكانو وعينيه ما تزعزعوش عليها وهي كتبكي ومرة تشوف فيه مرة تشوف ففراس لي غادي ينفاجر حداها ومزير على الكاس دالماء فيدو حتا طااااااق..طرطق الكاس فيديه وتجرحات وشاف فيها لقاها حتا هي كتشوف فوليد ودموعها هابطين متابعين وناض وقف على طولتو قلب الطبلة بلي فيها بيد وحدة..حبسو دقايقية تطبال وكلشي وقف كيشوف فيه مصدوم ورؤيا وبعض النساء طلقوها بغوثة بقوة الخلعة فاش قلب الطبلة وغوت على حر جهدو..وقفات هي حاطة يديها بزوج على فمها كترعد والطالون كيشطح مع رجليها ما محتاجين لا طبل لا غيطة..اللقطة دازت بالزربة ووليد لي كان مزاال مصدوم ما قدرش يستوعب كيفاش وفوقاش حتا لقاه فوق منو كيكلاكي فيه وكيعطيه وحدة مور ختها كلشي كيغوت والرجال كيحاولو يفكوه من بين يديه وبغاو يتحماو عليه ولكن حتا حد ما قدر عليه لي قرب كيزيدو عليه..غيثة سخفات وطاحت منشورة حداه والتاج طاح تعوج مع المشطة المنفوخة لي كانت دايرة..شي داير بيها هي كيفيقها شي حاضي وليد وفراس وام وليد كتبكي بحرقة على ولدها.. تقلب لعرس لكارثة عظمى شي كيبكي شي سخفان شي كيضرب شي كيتضرب وفراس فوسطهم حامي السوق غير بغواتو وتخسار الهضرة وحتا حد ما فاهم شي حاجة ووليد تحت منو ما فاق من للجلبة وعرف شنو داير بيه حتا كلاها مزيان فجنابو

فراس:لحمااااار الكلب..علاااش كتشوووف فيييها علااااش؟بلعاااايني عارضنا لعرسك الكلب..وكتخبى موووور لعيالات الشماااتة!!الله يحرق ****** الكلب!(ضرب واحد)بعاااااد لهيييه..دوي الشمااتة ا**** شنووو باغي منهاااا مزاال شنووو؟هاااديييك رجعااات ديااالي دياااالي بوووحديييي!!
وليد:كح كح كح طلق **** انا نسيييتها نسيييتها كحكحح غيير ربح بيها..هي لي جاااية لعرسي ماشي انا وشوفها هي لي مزااالة ما نساتني واااقيلة وجاية كتقلب عليا وجاراك موراها(ضحك بسخرية وهو فشلان)هه اما اناا محيييتها من حيااااتي كحكحكح 
فراس:سكووووووووت **** الله ينعل **** الشماتة الكلب لحماااااار..كااان خصنييي نقتلك شحاااال هادي ونتهنى منك ال**** 
رماه من يدو ودار كيشوف فيها بغضب وهي عندها عين تشوف وتبكي وما عندهاش الفم لي يهضر..جرها من دراعها بالجهد حتا تعكلات فجلايلها وتم خارج بيها تحت انظار الناس وخلا القيامة قايمة موراه وكلشي ترون والعرس تقلب جنازة وكل واحد وفاش كيفكر
بقى غادي بيها جيهة لباركينج وهي شادالو فيدو كتحاول تفك دراعها منو وكتبكي وتشهق وكل مرة كتبغي تجي على فمها وكيهزها بالنترة حتا كتوقف
رؤيا:اهئ اهئ انهنننئ فرااااس حباااس اييي يدييي اهئ قصحتيييني رخي مني اهنهئ اهئ وقااااااف اااااي..اهنهئ بشوية اهئ 
جرها بالجهد بقوة الاعصاب ودورها جات قبالتو مكالية بيديها على إحدى السيارات وهو مكاليها بيديه
فراس:(بلغوات)سكتييييي!علااااش كتبكي علاااش بقاااا فيييك؟توحشتيييه؟بقاااا فيك الحاااال حيت شفتيييه كيتزوج يااااك!(كيضرب فسقف السيارة بيديه)علااااش كتبكي علااااش!
رؤيا:(بخوف)اهنهئ اهئ فراس تهدن عا. 
فراس:كييي اندييير نتهدن كيييفاش؟نتييي خليتي لييي يتهدن..كيبغيتيني نديرلهااا وانا كنشووفك حاااطة عينيك فعينو وكتبكي عليييه!شنوووو نفهم انا داابا شنووو! 
رؤيا:اهئ اهئ ما تفهمشي غلط افراس..يانا ما عرفتشي شني وقع اهنهئ اهئ وتصدمت وخفت وفاش شفتو ما..
فراس:(قاطعها)وفااش شفتيييه تفكرتييي ايامك معاه ياااك!توحشتيييه ولا جااتك قااصحة تشوفي حبيبك لقديم كيتزوج قدااام عيينيك؟ولااا كنتي عااارفاه عرسو علييها كنتي اتموتي باش تجيلو..كنتيي باغة تشووفيه!وانا فحااال لحمااار متبعك وجاايبك بيدي حتاااا لعرسو!هااادشي كاااامل وكتgوليلي ما نفهمش غااالط
رؤيا:(كتغوت)شكاااتخربق شمن توحشتو ولا خريتو اهنهئ اهئ هو ماااضي وصااافي باااح نسيييتو اهئ اهئ وكون كنت عااارفة هذا عرسو ما عمري كنت نفكر نزطم هنا اهنهئ اهئ 
فراس:حيت ما تقدريش تشوفيه كيتزوج قدامك عليها!
رؤيا:شنيي كتخور عليا واش يانا كنشرق ونتينا كتغرب..وا قلتلك نسيييتو نسييتو ومااشي سوقي فيه يزوج ولا يولد اهئ انهئ
فراس:وعلااااش كنتي كتبكيي فهميني..علااش فاش شفتيه بقيتي ساااعة ونتي ويااه حنزز فيا نحنزز فيييك فحال الا انا ماا كاينش حداااك.. بنتلك رويجل!!رجعتيني شماااتة؟بغيتيني نشوووفك نتي وحبيبك لقدييم كتمنظرو فبعضياتكم وانا نضحك ليييكم..كييفاش بغيتيني نفهمهااا!حتاااا لهاد الدرجة مزااال كيأثر عليييك؟لدرجة تبكييي غيير حيتاااش شفتيييييييييه!
غوت على حر جهدو وضرب زاج السيارة حتا تشخشخ وتطلق صوت الانذار متبوع بصرختها وهي كدرق وجهها خايفة من الدقة ويديه هو سايلة بالدم من الجرحة دالكاس وزادت تجرحات وهو مقرب منها نفسو كضرب فوجهها وشعرها كيمشي ويجي بفعل زفيرو..وهزات راسها فيه بالزربة كتغوت وسط ضجيج صوت الانذار
رؤيا:(بعصبية)شعندك مرييييض..ديييمااا كتفهم الحاااجة كييما بغيتي نتينا!قووولتلك نسييييتو ونتيينا فكر كييي بغييتي سمعتييي!بغيتي تحسبنيييي مزااالة كنبغيييه حسبني..بغيتي تفكر بلييي توحشتو شغلك هاااداك حييت يانا عييييت من هادشي دياالك اهئ اهئ اهئ!خاااصك غييير السبة علاااش تغوت وتضرب وتهرس..امااا باش تسمعلييي وتفهمنييي فهادي ما كاايناشي فقاموسك انهئ اهئ ويااانا خاصني ديييما نحنييلك الراااس باااش نتيينا تبقااالي على خاااطرك اهنهئ اهئ..مااا عمرك ثقتيي فيا!وعمرك ما غااادي ثيق!والا بقيتي هاايدا عمرنا ما انقدرو نكملو وايجييي واحد النهار وكل واااحد فييينا ايمشي فطرييق اهئ اهئ
فراس:(بغضب شديد)اهاااااه زييييدي خرجي داكشي لي عندك..هاادشي كااامل خازناااه ومصبرة راااسك عليه!وفاااش شفتيييه تسالا هاااد الصبر وبدا يباانلك لفرااااق!!اييييوا هذاالك هو لي عمرك تحلمي ولا تفكري فيييه..يا انا يا لموووت
رؤيا:(كدفعو من صدرو)واااش مزااال زاايد فيه..ما بااغيشي تفهم؟اييوا اااه اسيدي انا صااابرة وصاابرة بزااااف واليوووم تقادا صبري اهنهئ اهئ اهئ عييييت وملييييت..الا ضحكت نهااار تهجرولي شهر اهئ اهئ اهئ عمرييي كنت كنعرف شني هما الدموع حتااا عرفتك اهئ انهئ ونتينا كتعرف غيير تأمر وتشرط وكلشي خااصو يمشي على هوااك اهئ اهئ اجي ارؤيا مشي ارؤيا عمل ارؤيا ما تعملشي ارؤيا اههئ اهئ وهااادشي كااامل حيت عمرك ثقتي فيااااااا

دفعاتو بكل ما عندها من جهد وبقوة الحرقة لي فيها والاعصاب ما عرفاتش كي دارت حتا دفعاتو حتا بعد عليها وهزات قفطانها وغادة كتعتر وتمسح دموعها بكمامها حتا تجرات مرة اخرى 
فراس:فيييين غااادة هاا!فييين حااسبة رااسك تقدريي تمشي!انااا هو لي ما عندك فراق عليه..بغيتي تصبري ولا كاااعلك عمرك تصبري..انااا هاااكة ومن ديييما كنت هااكة وانبقااا هاااكة..بلحق نتيي اليوم عاااد تحلك الفم وبديتي تعبري..هاادي عااام ونتي معااايا وجيتي حتااا ليوم عاااد تقادا صبرك؟؟(شاف فيها بعصبية وهي كتشوف فيه وتبكي بنظرة واحد ميؤوس منو وجرها كينهج وغادي بيها جيهة سيارتو)تحركيييي زيدي..ها انا انوريييك فراااس لمريض دبصح مزاال ما شفتي وجهي لاخور دبصح
رؤيا:(نترات يديها منو بالجهد)وااااا بعد منيييي فرقنييي عليييك اهئ انهئ اهئ(دارت بغات تمشي وهو يشدها عاود من دراعها جارها بعصبية وهي كتعكسلو نا باغاش تزيد)واااا رخيي منيييي ما بغيتشي نمشي معاك اهئ اهئ واااااع بعااااد اهنهئ اععععععععع
عضاتو من يدو لي مجروحة وبردات فيه كاااع ديك الفقصة لي فيها ولغذايد حتا سال الدم وهو ما حس بواالو بقوة ما دمو سخون وبقات كتنتر وتنقز حتا فلتات منو ودارت بالزربة باغة تهرب ووقفات مصدومة من بعد ما ضرب فيها الضوء دسيارة احد المعزومين لي خارج من الباركينج وتبعو صوت كلاكسون مجهد وصوت فران قوي وهي مبلووووووكية فبلاصتها....حتا تجرات بقوة وجات طايحة على صدرو لي كيطلع ويهبط باقصى سرعة كأن قلبو غيسكت وهو مدور يديه عليها مزيرها عندو بقوة..بقاو هكاك لمدة وجيزة وناض سخون بعدها عليه باغي ينوضها مع لي كان سايق وما حبسو غير صوت صراخها..دار شافها وهي جالسة ثانية رجليها وقفطانها داير بيها ووجهها كلو مجلخ حاطة يديها بزوج على كرشها ومزييييرة عليها وكتوجع
رؤيا:اااااااي كرشييييي اهئ انهئ اهئ اامممممم اهنهئ فراااااس كرشيييييي..اااااي اهنهئ اهئ اهئ اااااااااااااااه
هبط لمستواها بالزربة كيقلبها كيرجف تلفات عليه الهضرة فمرة وتسرط لسانو غير من خلعة لخلعة..حط يد تحت ظهرها ويد تحت فخاضها وحس بشي حاجة فازكة فيديه وجرى بيها مباشرة لسيارتو وهي كتغوت ربي لي خلقها بقوة لحريق وحاسة بشي حاجة هابطة معاها
رؤيا:ولديييييي فراااااس ولديييي اهنهئ اهئ ولدييي ايمووووت ااااااي اربييييي اهئ اهئ
فراس:لا لا لا ما يمكنش لا
حطها فالخلف منعسها على ظهرها وهو ففمو كلمة وحدة لا لا..ودار ركب وكسيرا بأقصى سرعة ما بقى فرز ما بين ارض ولا كازو ولا ورد كيدوز فكلشي وخرج من الجنب من فوسط العشب باش يختصر الطريق وخرج كيفنفن فأحياء مدينة الرباط والسطوب لي دازو كيحرقو ويزيد وهو عينيه خارجين قدامو وصوت صراخها وكلمة ولدي كتردد فوذنو حتا قطعات الحس وما بقى سمع والو ودار عندها عين معاها وعين مع الطريق كيعيطلها ويغوت باش تحل عينيها وهي سخفانة ورامية يديها طايحة فالارض واليد لوخرا فوق كرشها
فراس:رؤياااا رؤيااااا حلييي عيينيك..لا لا لا ما يمكنش لا رؤياااااااا فيقي نتي ما اديريهاش لا ما ايوقعلكم وااالو..رؤيااااااا
بقا هاكاك كيغوت ويضرب فالفولون والسرجم اما يدو ما حبساتش كلها كتقطر ومسحها كلها فشعرو ووجهو لي كل مرة كيهز يدو ويدوزها عليهم والعرق نازل منو كيقطر
وقف بيها فأكبر كلينيك فالرباط واكثر واحد معروف ومشهور ونزل هازها بين يديه وتعرضولو بنقالة قبل حتا ما يوصل للباب وعرفوه شي حااجة غير من سيارتو الفاخرة وبداو كيضربولو لحساب من العتبة..دفعوها قدامهم وقفطانها الاحمر فيه بقع حمراء غامقة مايلة للسواد وكيتجرجر فالارض وهما كل واحد فين كيجري من جيهة وهو تابعها كيجري معاهم وففمو غير كلمة ما ديريهاش حتا لقى راسو قدام باب مسدود ويديها فلتات من يدو وبقات غير صورتها وهي سخفانة فوسط دمايتها واقفة قدام عينيه..بقى واقف قدام الباب جامد لا حركة لا سكون يديه بزوج مرخيين واليد المجروحة كتقطر فالارض ما حسش بيها فمرة قد ما حس بالدمعة لي نزلات مع خذو بقوة الحرقة لي فالداخل ديالو..قربو زوج ممرضات كيهضرو معاه باش يمشي معاهم يعالجولو يديه وهو ما كاينش هنا فمرة..هضرو حتا عياو وفلخر مشات وحدة جابت المواد لي اتحتاج كتمدهم نلوخرا وهي حانية على ركابيها كتمسحلو فيديه وكتحاول تخرج منهم الزاج حتا حسات بيدو فلتات من بين يديها بالزربة وهزها ضربها على شكل قبضة مع الحيط باقصى قوتو خلاه مطبع بالدم تفزعو بزوج وكاع لي كانو فداك الطابق تخلعو من الغوتة لي غوت حط جبهتو على القبضة ديالو وهي على الحيط مغمض عينيه وخلا كلشي مصدوم ما قدروش يقربو جيهتو بقى هاكاك لمدة ورجع هز راسو كيزول الكوستيم بالنترة ورماه فالارض وبانت القميجة لي مطراسية عليه ولاصقة كلها بقوة لعرق وجلس فوق الكرسي بالجهد على طولتو وحط راسو على الحيط كيشوف فالسقف ويديه راخيهم على فخاضو كانه كان كيصارع وجهدو كلو مشى وذاتو كلها فشلات عليه وما زاد لا نطق ولا تحرك..

بقاو الممرضات كيشوفو فبعضهم ويشوفو فيه حتا وحدة ما زادت زعمات تقرب ليه ولا تهضر معاه وبقاو واقفين كيتفرجو فيه حتا وقف عليهم احد الاطباء كيغوت عليهم
الطبيب:شهااادشي نتي ويااااها..السيد غارق فدمو ونتوما واقفيين كتفرجو فييه؟؟كتسناو حتااا يتصفاا دمو(جلس قدام فراس وشدلو يدو)طلقييي نتي اري داك لقطن واري شوكة دالبنج..ياااله تحركووو!!
قربو منو الممرضات كيمدولو الماتريال لي خاصو وهو كيعالجلو فيدو لي راخيهالو فمرة كيحركها كي بغا..مرفوع عن الوجود وفبالو غير هي وولدو وكيدعي ليهم فسرو حيت عمرو يسمح لراسو اذا وقعاتلهم شي حاجة..داوهالو وضمضهالو مزياان وناض هو والممرضات وخلاواه جالس قدام غرفة العمليات كيتسنى
دازت ساعة وزوج وثلاثة وهما مزالين ما خرجو وهو باقي على حالو حس براسو تهد فخطرة ووصل لهادي وتحدولو وكااع جهدو خرجو فلغوات ولي بقا كملاتولو الخلعة لولا وجات الطامة الكبرى كملات لي كان ناقصو..حس براسو ضعيف وما فيدو حيلة من غير انه يدعيلها وفبالو حاجة وحدة يا إما يخرجو هو وياها على رجليهم بزوج يا إما يخرجو مهزوزين بزوج..خياران لا ثالث لهما يا بيها يا بلاش..فكرة انه يعيش موراها هي لي عمرو يفكر فيها..
تحلات الباب وخرج الطبيب عرقان كيزرزر مهبط لكمامة على وجهو وقرب من فراس لي وقف بالزربة فحال الا طرشتيه كيتسنا الطبيب شغايقول
الطبيب:نتا هو الزوج ديال المدام ياك!
فراس:وي
الطبيب:(تنهد)نبغي نطمنك المدام بحالة جيدة الحمد لله واخة وصلاتنا فحالة خطيرة وكانت نازفة بزاف والعملية ما كانتش ساهلة ولكن بفضل الله نجات منها
فراس:(تنهد بارتياح ودوز يدو على وجهو)الحمد لله اوووووف..وو..والولد!!
الطبيب:ما تخافش الجنين حتا هو قدرنا نقذوه بفضل الله..ما كانتش حاجة ساهلة وإنما ربي قدرنا عليها والام والجنين ما وقعلهم والو واخة الحالة لي وصلو عندنا فيها ما كانتش مبشرة بالخير ولكن تجاوزناها وكلشي مزيان دابا..مي ما نقدرش نقول نفس الهضرة الا تكررات نفس الحالة مرة أخرى!!المريضة جات فحالة إنهيار عصبي حاااااد وهو لي ادى ان الرحم ديالها يوقعو فيه تقلصات خطيرة لي اثرات على الجنين وكان يمكن اننا نفقدوه..لهذا من دابا لفوق خاصها تبعد على اي حاجة تعصبها او توترها وتوفرولها الراحة التااااامة حيت اي مشكيل ولو بسيط يقدر يكونو عواقبو وخيمة لا على صحتها ولا على الجنين لي فكرشها
عاقد حجبانو كيتنهد وكيتصنت لطبيب بإمعان،قلب وجهو للجنب ورجع شعرو لور كيسوط ودار عندو حرك راسو بالايجاب والاخر بادلو بابتسامة
الطبيب:دابا اتبقى تحت العناية ديالنا 48 ساعة حتا نطمنو عليهم ونتأكدو بأن حالتها استقرت وديك الساع تقدر تخرج
فراس:اوك انا المهم عندي تكون مزيانة
الطبيب:(بابتسامة)اتكون مزيانة إن شاء الله..غير نتوما تهلاو فيها وما تعصبوهاش وما غيكون غير الخير بإذن الله..مهم حاليا هي مزالة تحت تاثير البنج وما اتفيق حتا لغذا..شوية واينقلوها لغرفة عادية وديك الساع الا بغيتي تقدر تشوفها..يله سمحلي دابا الله يشافيها
خلاه الطبيب واقف كيفكر فهضرتو..تكى ظهرو على الحيط حاط يديه فجيبو ومكمش جبهتو كيشوف فالارض..كيلوم راسو على لحالة لي وصلاتلها وعلى الكارثة لي كان ممكن توقع لولا لطف الله..تنادم معاه الحال واخة مزاال منظرها وهي كتبكي على وليد قدام عينيه ما بغاش يتمحى وكل مرة كيتفكرو كيضرو خاطرو وقلبو كيتزير عليه ولكن أهم حاجة عندو دابا هي تكون مزيانة وحتا حاجة خرى ما مهمة..بقى واقف على نفس الوضع حتا تحلات الباب وخرجو دافعينها ودافعين معاها السيرو لي معلق فيديها..ناعسة وجهها شاحب..شعرها جامعينو فطربوش طبي وملبسينها كسوة دالمرضى..قاد وقفتو بالزربة متبعها بعينيه وهما دافعينها ببطء قدامو وهو تابعهم من الخلف كيتحسر على حالتها..حتا دخلوها لإحدى الغرف هزوها حطوها على الباياص ووصلوها بالاجهزة الطبية وخرجو وخلاواه جر كرسي وجلس حداها فصمت..حط يديه بزوج على يدها هزهالها ودافن يدها بين كفوفو وحطها على فمو باسها بقوة وعينيه الحومر مغمضين..حل عينيه حاط يد على يدها ويد كتلعب فخذها وهو تنهيدة مور تنهيدة..داز الوقت وناض دخل لحمام توضى وخرج طلب صلاية ورجع للبيت كيصلي ويحمد الله ويشكرو سالا وناض رجع جلس حداها عاود وعينيه ما حيداتش من عليها ويدسه ما طلقاتش يديها..حتا داتو عينو وما حسش براسو غير وهو حاط راسو حداها وناعس
صبح الصباح وناض على صوت الممرضات لي جاو باش يعاينوها وحل عينيه كيحكهم ويشوف شنو داير بيه واول حاجة جات عينو عليها هي رؤيا لي مزالة ناعسة..شاف فيهم عاقد حجبانو وناض خلاهم ودخل غسل وجهو وتوضى وخرج لقاهم ما كاينينش وفرش الصلاية كيصلي الصبح لي فاتو..تحى وسلم وهز راسو وهو كيستغفر وكيتمتم بالدعاء لقاها حالة عينيها وكتشوف فالسقف مزالة دايخة وكدور راسها بشوية تشوف فين هي حتا جات عينها فعينو وبقات مدة وهي كتشوف فيه ورجعات قلبات وجهها لجهة الاخرى..

قلبات وجهها عليه ما بغاتش تشوف فيه..ما عجبوش الحال وزير على قبضتو وكرز على فمو ورجع استغفر الله وناض كيطوي الصلاية ويتنهد ويشوف فيها عاقد حجبانو وهي كتشوف فالجهة الاخرى..قرب منها ووقف عند راسها حاط يديه فجيابو وكيشوف فيه بجدية ما دارتش جيهتو وقلب وجهو كيسوط ورجع شاف فيها وهز يدو حطها على راسها
فراس:(بحنية)كيبقيتي!
ما جاوباتوش وبعدات راسها من بين يديه ببطء..هز يدو من فوق راسها متفاجئ من ردة فعلها وزير يدو حتا تطراساو عروقو ورجع جر يدو عندو وكيشوف فيها كينهج..لاحظ دمعة هابطة من جنب عينيها حتا وقفات فراس نيفها وقطرات على المخذة وهضرات بصوت خافت وهي قالبة وجهها
رؤيا:وو..ولدي؟!
خنز ورجع حط يديه فجيابو وهز راسو كيسوط ويشوف فيها وهضر بصعوبة وباين من صوتو انه معصب
فراس:مزيان..ما وقعلو والو
رؤيا:اوك..اححم بغيت نرتاح
رجع خطوة للخلف ودوز يدو على شعرو بالزربة وهو ربي لي عالم بيه..وقف كيشوف فيها لمدة لا بأس بها وهز راسو وخرج بالزربة وزدح الباب موراه..

دازت يوماين وهي فلكلينيك كتفيق وتنوض ما كتلقاهش حداها من نهار خرج من عندها ما رجعات شافتو..كان كيجي غير فاش كتكون ناعسة يطمئن عليها ويرجع يخرج ويجلس فغرفة اخرى لي حجزها بجنب الغرفة ديالها والطبيب كيخبرو بتطورات حالتها..فاش دارلتلو هاكاك حس بيها نفراتو وما بغاش يضغط عليها فهاد الفترة على الاقل وخلاها على راحتها
جا الصباح لي اتخرج فيه وعاونوها الممرضات لبسات حوايجها من بعد ما تحسنات حالتها واخة مزالة كتلقى صعوبة فلمشي شوية..شدات فيها وحدة من الممرضات عاوناتها توقف وبقات شادة فيها باش تعاونها تخرج وهي حاطة يديها على كرشها كتوجع..هزات عينيها فالباب لي تحل بشوية ولقاتو واقف قبالتها بسروال اسود وكاط فالاسود وكبوط دالصوف سخون بالكول فالموطارد..سرطات ريقها وبقات واقفة كتشوف فيه والبكية شاداها ما هضر ما تكلم شاف فيها عاقد حجبانو وقرب تحنى هزها بين يديه كيشوف قدامو وما رجعش شاف فيها..
رؤيا:(بصوت عيان)غير خليني انمشي بوحدي
فراس:الصمت
ما جاوبهاش وخرج هازها وحتا هي سكتات وما رجعاتش هضرات حتا حطها فالكرسي دالاوطو ودارلها السمطة وسد الباب ودار ركب حداها وديمارى متاجه للفيلا..طول الطريق وهي كتشوف فالسرجم وتبكي فصمت..حاسة بالقهرة وديك الليلة ما بغاتش تنسالها احداثها وكلامو وهو كيطعن فإخلاصها ليه ما بغاش يتنسالها.. وزادت كملات منين ظنات انه ما جاش عندها وما طلش عليها كأنها ما هماهش فمرة ما عارفاش بلي طول ما هي كانت ناعسة كان كيكون جالس فوق راسها كيحاول يشبع منها..حسات بالضيم و عطاتها للبكى فصمت وهو حاضي معاها وكيشوف فيها بطرف عينو وهضر وهو عينيه على الطريق
فراس:واش كضرك شي حاجة؟حاسة بشي وجع نرجعك لكلينيك؟
رؤيا:الصمت كتبكي
فراس:(تحت سنانو)واااش كضرك شي حاجة!
رؤيا:(كتمسح دموعها)لا
فراس:وعلاش كتبكي؟
رؤيا:ماشي شغلك
قلب عينو جيهتها بعصبية ورجع شاف قدامو وهو كارز على فمو
فراس:اوك على خاطرك
كملو الطريق هاكاك هو كيغلي بالاعصاب وهي كتبكي وترجع تمسح فدموعها حتا وصلو وفرانا الاوطو بالجهد وشاف فيها كيحاول يهدن راسو
فراس:(تنهد)واش باغة شي حاجة؟خاصك شي حاجة؟علاش كتبكي؟
رؤيا:(كتحل السمطة)غير ارتاح بلا ما تعذب راسك وتشطن عليا يانا دابا نبكي حتا نعيا ونسكت اصلا ولفت
فراس:(زفر بقوة)رؤياااا سولتك مالك؟علاش كتبكي واش بغيتي شي حاجة؟كرشك ضاراك؟
رؤيا:(بعصبية)ما بغيييت واالو بغيتك غير تبعد مني وتفرقني عليك واااخة؟
شاف فيها بغضب وشافت فيه بنظرة تحدي وعينيها مدمعين..ورجعات حلات الباب هبطات بشوية وخلات الباب مفتوحة وهو عينيه تكوانساو فبلاصتها دار ضرب الفولون بالجهد وهبط بالزربة دار جيهتها ورجع هزها بالنفخة وقالب وجهو وهي باغة تهبط وما خلاهاش حتا وصلها لبيتهوم وحطها فوق الناموسية ورجع قلب الدورة هابط فالدروج ايطرطق..وصى عليها الممرضات لي جابلها باش يقابلوها هاد الفترة وخرج هو ركب فسيارتو وكسيرا ما وقف غير قدام غابة مولف يجيلها باش يمارس هوايتو لي هي القنص ولي كيلقى راحتو فيها..فكرة تديه وفكرة تجيبو وفبالو بلي هي بعدات عليه بسباب وليد وما بقاتش حاملاه يقرب منها حيت تفكراتو..ولكن شكلها وهي سخفانة بين يديه ودمها هابط ما بين رجليها كتوقفو وما كتخليهش يتهور او ينفاعل عليها وما باغيهاش ترجع تآذى لا هي لا ولدو وفضل انه يخليها وما يقربش منها مؤقتا باش ما ينوضهاش هو وياها ويصدقو فيما لا يحمد عقباه
حطات راسها على لمخذة كتشوف فالسقف ويديها على كرشها كتبكي بحرقة..حساتو بعد عليها بزاف غير فظرف يوماين..حتا لهاد الدرجة هو ما كيتيقش فيها؟ما قادراش تستحمل شكو فحبها ليه..صبرات على كلشي فيه حيت كتبغيه وبغاتو كيما هو ولكن الا هادي ما تقبلاتهاش وما باغاش تقبلها تقدر تقبل انه مغيار ولكن ما تقبلش انه يكون مشكاك..حيث بالنسبة ليها الثقة هي كلشي والا ضاعت ضاع معاها كلشي...

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.