رقية:اويلي لا واش مئلوبة على مخك والله ويكسب فراس لخبار بلي فضحناه حتا يئتلنا انا وياك..(هزات صبعها)شوف نئولك زوج كلمات هاد الهضرة تبئى هنا سمعتي ما يعرفها حتا واحد اخور من غيرنا
رؤيا:ولكن
رقية:ما كاين ما ولكن كلمة وحدة ئولتا انا انشوف شي حل لهاد لحريرة بلى ما يعرف حتا حد..وهااااا وذني منك نسمع هاد الهضرة كتعاود فشي ئنت اسرارك نتين وراجلك تبئى بيناتكم يكفي عرفت انا
رؤيا:راه انا كنهضر غير على مصلحتو وما..
رقية:اييييه ولكن ماشي هاكة الناس كيتصرفو واش نتين باغة تفضح راجلك ئدام كلشي ويبئاو الناس يئرئبو بيه الناب..خدمي داك لعئل شوية هو غير بينك وبينو ومارضاش بيها عسى اذا درتي بيها نتين بوم راه والله حتا يئنبل الجمل بما حمل ديك الساع
رؤيل:كيفاش دابا ما اتقوليها نحتا واحد..وهو ما اتهضريش معاه..اتخليه هاكاك!
رقية:لا ما انئولوها لحتا واحد ولكن ما انربعوش يدينا ونجلسو نتين غير تهنا خلي هاد الموضوع عليا انا انحلو
رؤيا:(اووووف مشا كلشي فلخوا لخاوي)اوك لي بغيتي!
رقية:وا هانا وصيتك عنداك ثم عنداك..راه والله ونكسبلك لخبار ئولتيها لشي واحد ما نعاود نشوف فجيهتك ولا تبئى تحلالي..وما عمري ما نسمحلك ديك الساع سمعتي..كلشي الا ولدي مريض اه الله يشافيه ولكن باش تخلي الناس ينعتو فيه راه ما..
رؤيا:لا صافي صافي ما غادي نقولها لحتا واحد صافي..غير بقاي على خاطرك ايما
رقية:وا هاااكاك الله يرضي عليك ابنتي(تنهدات)ايييييه يا وليدي ما عرفت هاد المصيبة منين تسلطات عليك
ناضت رؤيا كاااعية وخلات رقية جاالسة هازة الجبال فوق كتافها وكتخمم
طلعات رؤيا دوزات نهارها فلبيت كتاكل وتصلي وتفرج وواخذة حريتها فلبيت وعاجبها الحال وما لقاتش لي يبرزطها والنهار كااامل وهي كتبلاني وتخطط..بقات كداوي فوجهها وذهنلو فبومادات وتعاود وتبردو بالثلج حتا طاح الليل وتجمعو على لعشاء وفراس مزال ما جا..سالاو وطلع كل واحد لبيتو ورؤيا دخلات للحمام قادات شغلها وخرجات كتفرنس وكتسناه حتا يجي..ما دازش بزاف دالوقت تسمع صوت السيارات لي وقفو فالباب دالفيلا وخرجات للبالكون كطل وهو يبانلها نازل من السيارة بهيبتو ورجالو كيضربولو التحية حتا دخل مع باب الفيلا ورجعات حتا هي دخلات للبيت وجلسات فوق الناموسية مربعة رجليها كتفرج ببيجامة سروال وتيشورط وكعكة مخربقة..حتا تفتحات الباب ودخل فراس بااين عليه العيا والارهاق..دخل وسد الباب شاف جيهتها وقلب عينو كيزول الكوستيم ومخنزر
رؤيا:ايييييف مسينا على الله..جيتي عاود ييييخ
شاف فيها بغضب وخنزر وهي كتميق فعينيها ما مسوقاش زول عليه لكرافاط وتاجه لبلاكار جبد حوايجو وتم داخل للحمام وهي تبدى كضحك فخاطرها..دخل فراس غير كيزدح ويردخ ما عندو كانة دوش وبدل عليه بكيطمة دالدار..وقف مقابل مع لمراية عينيه داابلين وعيااان غسل فمو ورجع قضى حاجتو ورجع وقف كيغسل يديه..هز الصابونة لي منزلة فالجنب دلافابو هو يله دوزها على يدو وهو يحس بلحمو تشرك فلبلاصة والدم بدا هواد كيقطر بغزارة ما عرف باش تبلا وشاف فالصابونة مبهوض وهو يبانلو زيزوار ماااضي مخشي فوسط منها وكرز على فمو بعصبية وشعطها من يدو بقوة وغوت حتا سمعاتو رؤيا لي كتصنت عليه من مور الباب ورجعات ضرباتها بجرية للناموسية مخلوعة وفنفس الوقت عاجبها الحال..بقى كيشلل فيدو ويعاود والدم ما بغاش يفتر وغير ما كيزيد..هز عينيه لحووومر فخزانة متوسطة فجنب لمراية وجبد منها معدات الاسعافات الاولية وفتح الباب وخرج مغلغل..شافتو وهي تجمع الضحك..طلع فيها وهبط وهو حمر بالاعصاب وشاف فيها حيت عارفها هي مولاتها ما هضرهااش حدو جلس على الفوطاي وزدح العلبة قدامو فوق الطبلة وجبد لقطن كيمسح فيها ويعقمها وهو مزير على سنانو..شافت فيه باستغراب جاتها ردة فعلو غريبة كانت كتسناه يخرج يغوت ولا يضرب ولكن هو لا..بقات مبهوضة فيه وهو كيخيب سيفتو حيت كيتقصح ومقاتل مع يدو باش يداويها بيد وحدة وعروقو كلهم منفوخين بالاعصاب وكتشوف فالجرح باااين عميق ضرها خاطرها عليه من واحد الناحية وفلخر تفكرات الطرشة لي عطاها وهي تعلي حاجبها عاجبها الحال
رؤيا:(عوجات فمها)اممم..مسيكيين بقيتي فيا..حوووو فيك هادي باش تعاود تهز يديك عليا..هاد المرة فكر مليون مرة عاااااد م..
شاف فيها بشوفة قاااصحة طيحات فيها النص وركبات فيها الخلعة من الصبع الصغير وبقات غير ساقرة وكتشوف فيه بخوف وكيفاش مقاتل مع الفاصمة كيقطع فيها بسنانو ويعقدها على يدو..ناض وقف هز العلبة ردها لبلاصتها وتم خارج وهي تبانلو خارجة بحالها من البيت وعقد حجبانو
فراس:(تحت سنانو)فييييين غادية!
رؤيا:ماشة فحالي..هاد البيت لي يجمعني بيك خليتولك يانا غير ربح بيييه بالناااقص
شافت فيه وهي كتنهج ومخنزرة وهو كيشوووف فيها ما تصدمش من كلامها وما تعصبش كثر ما ضرو خاطرو شاف فيها مطولا وتنهد كيدوز يدو على صدرو وشاف فيها بأسى وخاطبها بنبرة هادئة
فراس:(شاف فيها مطلع حاجبو)ما تحت راسي والو وما ناوي حتا حاجة..انا وياك خاصنا نهضرو حيت ما يمكنش نبقاو هاكا حياتنا كاملة..رؤيا!كبري عقلك ولو غير مرة وحدة وخلينا نجلسو ونهضرو بحال اي زوج بعقلهم!
شافت فيه مطولا عاقدة حجبانها وكتدور هضرتو فراسها وهو كيشوف فيها بنظرة هااادئة عمرها لاحظاتها فيه..طلعات فيه وهبطات ودازت فيه وتاجهات جيهة الجلسة لي فالبالكون جلسات وربعات يديها كتشوف قدامها ومسرحة عينيها فالسماء والاشجار وصوت البحر لي كيتسمع مع نسمات الهواء الخفيفة وتبعها حتا هو جلس بجنبها على كرسي اخر كيشوف قدامو حتا هو..سرح رجليه وتنهد بعمق ودوز يدو على شعرو ورجع راسو للخلف كيشوف فالقمرة لمضوية..ساد الصمت لدقائق وغير صوت تنهيداتو لي كيتسمع مع صوت ضربات رجليها لي كتفيفري مع الارض حتا نطق وكسر داك الصمت بصوتو الهادئ والمبحوح
فراس:كنت ولد 5 سنين..صغيير بزاف وما عارف فالدنيا وااالو..مزال كنعقل على داك النهار لي فقت فيه كنبكي ونعيط عليه(تنهد)بابا!بابا!فينك ابابا..اجي عندي ابابا!..زينب عياات تسكت فيا وما خلات ما دارلتلي غير باش نسكت..وانا واالو ففمي غير كلمة وحدة..بابا!الكلمة لي تحرمت منها هادي 24 عام..من داك النهار فاش حطاتني قدامها وgالتلي لهضرة لي تحفرات فذاكرتي وعمرها تمحى..باااك مشااا..مشاااا وخلاك وسمح فيك وعمرو يرجع عندك..هذاك لي كتبكي عليييه ما كيحملكش..ومشا وخلاك موراه حيت ما بقاااش باغيك..نساااه نساااه بااك مشااا(تنهد)ما تيقتش وغوت عليها وما حملتهاش فديك اللحظة لدرجة انني ضربتها كاع..gولتها بابا ما يسمحش فيا بابا ايجي عندي بابا كيبغيني..خليتها واقفة وخرجت كنتسناه فالباب..وكل مرة نgول ها هو ايدخل ها هو ايدخل..دوزت نهار كااامل حتا طاح الليل وانا غير كنبكي ونعيط عليه..كان داك النهار الجو بااارد والثلج مغطي الارض وانا جالس وكنتسناه..وزينب واقفة عليا باش ندخل حتا عيات وجلسات حدايا..دموعي نشفو..وفمي يبس..ويدي كيترعدو..وما حسيتش حتا لقيت راسي طلع عليا الصباح وانا فبيتي..اول حاجة درتها هي هزيت راسي كنشوفو واش جا ولا لا..واش كاين حدايا ولا لا..ولكن لا..ما لقيتوش..لقيتها غير هي كتبكي حدايا حيت ديك الليلة طلعاتلي السخانة بزااف..سولتها واش جا بابا جا ياك!هه وهي ببساطة جاوباتني بلا ما جاش وما ايجيش ما تسناهش اولدي..من تما كرهتو..كرهتوووو وكرهت سميتو وكرهت كلمة بابا..من داك النهار حطيت حجرة على قلبي والولد لي كان فعمرو 5 سنين كبر سنيييين لقدام..وفداك النهار عرفت بلي هذاك لي كنت محمي بيه ما بقاااش..كبرت فوسط دراري كيعاودولي على شنو شرالهم باهم..فوسط دراري دييما كيسولوني فين هو باك؟واش ما عندكش؟علاش ما كيجيش موراك بحالنا؟(تنهد ودار شاف فيها ولقاها كتشووف فيه وعينيها الكوحل لمدورين كيبريو بالدموع حس بغصة فقلبو كثر وهو كيشوف دموعها)عرفتي شنو هو أكثر نهار كنت كنكرهو..هو نهار ثنين؟هه عرفتي علاش!
رؤيا:حركات راسها بالنفي ونزلات على خدها دمعة
فراس:(ما قدرش يشوف دموعها ودور وجهو وهز راسو كيشوف فالسماء)حيت كل ثنين كانو الدراري لي كيقراو معايا كيتجمعو ويبقاو يعاودو كيفاش دوزو الويكاند مع باهم..هذا لعب معاه باه الكرة..وهذاك خداه لبارك..وهداك تفرج هو وباه فماتش..وهداك علمو يركب فالبيكالا..وانا(سكت)وانا كنت هو داك الولد لي ما دار حتا وحدة فيهم..داك الولد لي كيحبس دموعو قدامهم حتا كيكون بوحدو عاد كيهبطهم...داك الولد لي تمنى باه يجي غييير باش يمسحلو دموعو ويgولو هانا اولدي..ما تبكيش هانا حدااك!(شاف قدامو عاقد حجبانو)ما بين ليلة ونهار لقيت راسي خاصني نكون راجل مسؤول قبل ما نكون ولد آخر همو هو يشري اللعبة لي يله خرجات وعجباتو..تعلمت بلي الا طحت خاصني نهز راسي ونوض بوووحدي..
رؤيا:(كتبكي)هادشي كاامل لي نتينا جالس كتقولولي يانا عااارفاه ومزياااان هئ هئ هئ..نتينا تحرمتي من باك ونتينا ولد 5 سنييين يانا ما شوفتوشي اصلا اهئ اهئ اهئ نتينا عيطتيلو بابا يانا عمري قولتالو هئ هئ هئ نتينا يماك كاانت حداك ومعااك ويانا حتا هي ما كنتشي معايا هئ هئ هئ نتينا عشتي اليتم مرة وحدة يانا عشتو زوووج مرات هئ هئ هئ صحيح ان بابا حسن وجدو وعزيزة ما كانوشي مخليني نحس بالنقص ولكن هما بلاصتهم كتبقى بووووحدها هئ هئ انههئ بابا يانا عمرو هزني ولا شافني ولا حتا عرفني كيف عاملة هئ اهههئ هئ ماشي بحاالك نتينا عشتي معاه وكنت عاارفو بلي هو كااين ونهار تبغي تشوفو اتجبرو هئ هئ هئ اما يانا فكنجبر غير كومة دالتراب منزلة فوق قبرو اهئ اهئ اهئ
فراس:(شاف فيها بأسى ورجع قلب وجهو)بلعكس..نتي على الاقل عشتي وعارفة بلي باك ما سمحش فيك لخاطرو وما خلاكش حيت هو باغي..عشتي ونتي عارفة بلي ربي بغاه وخذاه وعارفة قبرو وفاش كتوحشيه كتمشي وتزوريه..انا لا..انا كنت عارفو عايش وفشي بلاصة فهاد الدنيا ولكن هو لي رماني..هو لي مشى وخلاني موراه..كنت كنتمنى كون كان ميت وماشي عايش وسامح فيا(تنهد) ما بين نهار وليلة كرهتو..وما بين نهار وليلة لقيتو ما يستحقش داك الكره..عشت 24 عام وانا ميقن بلي ان اكبر حقيقة فحياتي هي أنني انا ما عنديش اب..حتا جيتي نتي وحولتي أكبر حقيقة فحياتي لأكبر كذبة كنت عايش فيها سنييين وسنين..كذبة فقت منها وعقت بيها حتى دازت 24 عاام من حياتي وانا كنتوجع..واش عارفة شنو هي تنعسي وتفيقي تلقاي باك باح مشاا وسمح فيك..وتعاودي تنعسي وتفيقي وتعرفي بلي داكشي كاامل لي عشتيه كان كذوب..عرفتي باش حسييت!حسييت بالشمتة..اه حسيت براسي تشمت فسنيين من حياتي لي ضيعتها وانا حاقد على إنسان ما يستاهلش..تشمت فدموع هبطتها شحااال من مرة وفليالي دوزتها سهرااان بلا نعاس..تشمت فلمرى لي عطيتها الثقة لي ما عطيتها لحتا واحد وفلخر صدقات هي لي طاعناني وضيعات مني شحااال من حاجة زوينة فحياتي..حقدت ارؤيا..حقققدت وما عرفتش علامن! واش عليها هي ولا عليه هو ولا على راسي ولا على جلال لي بسباب قرارو وقع هادشي كاامل..ولا عليك نتي لي كون ما كنتيش ما يوقعش هادشي كااامل..لي عرفتو هو أنني حسيت بالحكرة..حسيت بالعااافية شاعلة فقلبي..عااافية كتحرق فيا وما بغااتش تطفى..فاش gالتلي زينب بلي هرباتني حيت خافتهم يزوجوني بيك ما عرفتش علاش! ولكن حسييت بلي الا تزوجتك انكون كنتاقم لراسي منكم كاااملين..منها ومنك ومن كلشي..ما كنت كنشوف حتا حد قدامي..كنت كنشوف غير داك الولد ديال 5 سنين لي دوز نهارو فالبرد والشتاء كيبكي على باه..كنت كنشوف راسي انا الوحييد المظلوم فوسطكم..ما بقيت كنفكر فحد وتصرفت بأنانية..حيت الانسان هادي طبيعتو فاش كيحقد كيرجع أناني..وفاش كيتحgر كيكون خاصو غييير فيمن يبرد..تخيلي معايا غير شي واحد ناض فالصبح معطل على خدمتو وخايف لباطرون لا يجري عليه..اتلقايه كيغوت على مراتو وعلى لكريسون ويضرب فالبيبان ويدابز فالطريق..واخة هو عارف بلي هادو كاااملين ما دارولو وااالو ولكن بنادم فاش كيتعصب يقدر يآذي نااس خرين بلا ما يحس..حتا كيفطن عاد كيعرف راسو شنو دار وبلي كان غالط(شاف فيها بعينين دابلين)وهاكا وقعلي معاك ارؤيا!
رؤيا:(كضحك باستهزاء ودموعها فعينيها)ههه دابا بغيتي تقول بلي نتينا بغيتي شي حد تبرد فيه وجبرتيني غير يانا قدامك ياك!..وبلي هاد الزواااج كااامل وهاد العذاب لي عيشتيني غير باش تطفي العافية لي شاعلة فيك وتنتاقم من يماك..ودابا جاي تقولي بلي ندمتي حيت تزوجتي بيا وعملتي لي عملتيه!
فراس:ما ندمتش..لا انا ما ندمتش حيتاش تزوجت بيك وعمري ما غادي ندم فحياتي..انا اذا كنت ندمت على شي حاجة..فأنا ندمت على الطريقة لي تزوجتك بيها..أما شي حاجة خرى لا..انا آه غلطت فحقك وظلمتك معايا وبكيتك بزاااف وكنتمنى تسمحيلي وتعذريني شي نهار..ولكن زواجي منك ما كنحسبوش غلطة..حيت ربي لي بغانا وربي لي جمعنا..وكون ما كانش هاد الزواج مكتاب كون وااخة انا درت لي درت عمرنا كنا نتزوجو ولا نتجمعو تحت سقف واحد
رؤيا:لمكتاب!لمكتاب عندك هو انك تهددني!لمكتاب عندك هو أنك تحطني قدام زوووج حلول..يا حياتي يا حياة الناس لي كنبغي!واش عاارف راسك بهاد الزواج شني عملتي فيا ولا لا!اهئ اهئ نتينا حرمتيني من الانسان لي بغيتو وبغاني..بعدتيه عليا وخليتيه يكرهني اهئ اهئ اهئ وعمري باقي نحلم يرجع او نشوفو اهئ اهئ اهئ..حلمنا وبنينا وتمنينا وجيتي نتينا ريبتي كلشي فنهار واحد اهئ اهئ اهئ 8 سنييين من حياتي دوزتها معاه جيتي نتينا فنهار ضربتيهم فالزييرو اهئ اهئ..8 سنييين وحنا كنتسناو فوقاش توجد دارنا يانا وياه باش نتجمعو فيها اهئ اهئ اهئ وتجي نتينا تقولي زواجنا ماشي غلطة!نتينا بعدتييي عليا الانسان لي بغااني وعطاني 8 سنين من حياتو اهئ اهئ اهئ
فراس:(شاف فيها شوفة قاصحة)مااا بغااااااااكش وعمرو كان كيبغيييك!
رؤيا:(باستغراب)شني كتقصد!كيفاش ما بغانيشي!
فراس:(رجع شاف قدامو)كيفما سمعتي!ما كانش كيبغيك!
رؤيا:(كتمسح دموعها بقوة)حدك تما كتسمع..حتا لهنا وحبس!شكون نتينا باش تحكم عليه واش كيبغيني ولا لا هااا!شكوووون!ولييييد كان كيبغيني سمعتي..ونتييينا لي دخلتي بيناتنا فحال السوووسة😡
فراس:كون كان كيبغيك ما يجرجركش معاه 8 سنين كاااااملة..كون بغاك بصح كون راه تزوجك هادي شحاااال سمعتي!
رؤيا:هو اذا ما تزوجنييشي فحييت عندو اسبااابو سمعتيي!هو كان كيتسنى غير فوقاش يكمل دارو باش يجي ويخطبني ونتزوجو اهئ اهئ الدار لي حلمنا بيها انا وياااه وتمنيينا نتجمعو فيها اهئ اهئ ساعة نتينا بأنانيتك وهاد الانتقاام لمزفت ديااالك دمرتي كلشي قبل ما يبدى اهئ اهئ اهئ
فراس:(ضحك باستهزاء)ههه من نيتك ارؤيا!8 سنيييين كااملة غير باش يكون راسو!علاااامن كضحكي واش عليا ولا على رااسك..راه ماشي واحد على باب الله وما عندوش باش عااااد خاصو يكون راسو!
رؤيا:(بتحدي)اااه كان خاصو يكون راسو حيت كان باغي يبدى من الزيييرو ماشي يعول على فلوس باه..كان باغي كل شبر فديك الدار يكون من عرق كتااافو ماشي من جييب باه!وهادشي هو لي خلاني نصبر معاه ونحتاارمو كثر..وهادشي نتينا صعيييب عليك تفهمو 😡
فراس:واش كتفكري بعقلك ولا باش كتفكري غير gوليلي..اوك فرضا كيما قلتي والسيد بغى يكون راسو وكذا..ايوا عااامين تقريبا وهو خدام ومزااال ما قدر يكون هاد راسو..راه كان جراااااح دمااغ عرفتي شنو هي جراااح دماغ!وزيد عليها خدام فمستشفى خااااااص!يعني كيشد لفلوس الصحييييحة غير فعملية وحدة..ونزيييدو حنا نفرضو بلي هاد خينا بصح كان كيكون راسو!واش ما قدرش حتا يجي يخطبك..دوي مالك ساكتة!
رؤيا:الصمت
فراس:عرفتي داك خينا كون بقيتي معاه حتااااا 8 سنين خرا ما كانش ايتزوجك..حيت كون كان ناوي يديرها كون دارها من زمااااان..باش بغيتيه يكون راسو غير gوليلي!واش بلفلوس لي كيخسرها على لق*** كل ليلة!
رؤيا:(بغضب)جمع فمك..بزااااف عليك سمعتييي هو م..
فراس:(بعصبية)شنوو هو شنووو!هو راااه كان كل لييلة مدوزها مع موسخة فشكل ومخليييك نتي كتسناايه يكون راااسو..كيوصلك لراس الدرب من هنا ويقلب الدورة للبيران يهز معاه شي ق*** يدوز بيها ليلة ونتيييي جاالسة كتحلمي بيه يكون راااااسو!كوووون كااان كيبغييييك كون راااه دار المستحيييل باش يتزوجك ماااشي مخلييك معلقة وهو عاطيها لزهو والنشااااط وفلوسو كتمشي غييير فلحرااام..كووون كااان كيبغييييك كون راه كيبقى بجوووع ويتقاااتل بااش يوجد ديييك لخربة لي كانت اتجمعكم..كووون كان كيبغييييك كون راه من زماااااان جا خطبك من دااركم ماشي داااير السبة بكيكون رااااسو..واااا فييقي!!فيييقي وبركة ماااا تضحكي على راااسك..قلتييلي كتحتارميييه وصااابرة معااه..علااش كتحترميييه علاااش!حيث كااان كيخووونك هااا!ولا حيث مخلييييك كتسناااي فيه وهو مدوزها من وحدة لوحدة..عرفتيي شحااال كيحط عليهم فالليلة ولا لا!كيحط عليييهم داكشي بااااش يعمر قصر ماشي غير دااار بزوج بيوت وحماااام!
رؤيا:(بصدمة)شش..شني كتقول!نتينا كذاااب!بلعااااني كتقول هايدا باش تكرهني فييييه اههههئ بلحق والله لا كانت لييييك سمعتي اههههئ اهنهئ
فراس:ما كنكذبش..ومن غذا الا بغيتي نبرهنلك على كلامي ما عنديش مشكيل..شحااال من مرة شفتك هابطة من طوموبيلتو فراس الدرب..ومن تما وانا حاط عيني عليه..كان يوميا كيوصلك ويمشي يكمل السهرة فقنت خور مع شي موسخة بحاااالو وكاين ليلة لي كيهز معاه حتا زوج وكيغرقهم فلوس..لفلوس لي نتي كنتي كتسنايه يجمعها ويكون راسو!
فراس:(تنهد)قلتلك ما كنكذبش..وما عندي علااش نكذب اصلا..شوفي فيااااا مزيااان واش كنبانلك كنكذب..نتي عااارفة بلي كلااامي كلو صحيح وكتبغي ضحكي على رااسك..هو ما كانش كيبغيك وهادشي خلااني ما نتراجعش على زواجي بيك حيت اصلا ما كانش كيستاهلك..وحتاا وكان تزوجك كان ايبقى ما يبقى ويرجع لعادتو لقديمة..حيت الشطاح عمرو ينسى هزة لكتف ولي فيه شي قاعدة عمرها تزول..وهو كان أكبر زهواني و ز*** شافتو عيني ونتييي بحال لحمااارة كتسنااااي فيه يكون راسو..
ناض وقف وحط يديه فجيابو وكيشوف فيها بحسرة وهي كتشوف فنقطة وحدة وعينيها كيجريو بالدموع
فراس:(تنهد)انا gلت لي عندي..وهادشي كامل ماشي باش ندافع على راسي..حيت عارف راسي غلطت فحقك..وإنما كان ضرووري نجلسو هاد الجلسة ونوضحو شحااال من حاجة..انا دابا كنتمنى تفكري فهضرتي وتحاولي تفهميني وتعذريني(جبد يدو من جيب وحطها على ذقنها هزلها راسها حتا تقابلو عينيها المصدومين مع عينيه)لي كيبغي ارؤيا ما كيخونش..لي كيبغي كيصون!!
شاف فيها مطولا وهي لا حركة لا سكون وغير دموعها لي كيجريو فوق خذوذها تنهد ورجع يدو لجيب وخلاها جالسة فبلاصتها وخرج..
بقات جالسة فبلاصتها ما تزعزعاتش وكلامو كيتعاود كلمة كلمة فوذنيها..كتحاول تكذب كلامو ولكن لقات بلي كلامو منطقي وصحيح..علاش ما خطبهاش!وهاد العامين كااملة وهو خدام وما قدرش يوجد راسو!..رجعات بيها ذاكرتها عام لور..داك الصيف لي كانت جالسة فيه هي وياه فمقهى فلخرجة دطنجة..كانت تقريبا شي 7 دلعشية والظلام بدى يطيح وهما جالسين كيضحكو وناشطين حتا وقفات عليهم بنت ما تعرفيها مزيونة ولا خايبة حيت وجهها غطاه المكياج الصارخ لي حاطة..لابسة كسوة حمراء ميني تحت لفخاض بشوية ويديها عريانين مع ليبة كحلة شفافة وصباردين بيضة شعرها قصير حد كتافها وصابغاه باللون الاشقر..وقفات عليهم كتعوج وكتمضغ المسكة وطرطق فيها ومن منظرها باين ماشي شي وحدة لي نقية..هزو عينيهم فيها ورؤيا كتشوف فيها باستغراب ورجعات شافت فوليد لي وجهو رجع صفر وباين فيه توتر
البنت:(كتمضغ المسكة)اهلااااا وليييدو ههه كيف تينا توحشناااك!
وليد:ااا..نن
رؤيا:(كطلع وتهبط فيها)
وليد:(شاف فرؤيا ورجع رسم ضحكة صفراء)اممم..ههه اهلا نسرين كيف تينا مزيانة!
البنت:نسرين!(طلقاتها بضحكة مجهدة)هههههههه(شافت فرؤيا وهي كضحك ورجعات شافت فيه)ههههه لباس الحمد الله مضخمة ههه..ونتينا مزيان!
وليد:مزيان مزيان هه احم هه صدفة زوينة هادي!يله تهلا فراسك وسلم على الواليدة!
طاحت فالارض جالسة وكتبكي وتدعي فيه وفراسها..حسات بشمتة 8 سنين دوزاتها مع واحد ما يستاهلش..شمتة ديال واحد كانت ثايقة فيه وغذرها..حسات براسها بصح ضحكة ودارها بيها..هزات راسها لسماء وهي جامعة ركابيها عندها وغمضات عينيها ونزلو عينيها من الجنب كيقطرو
ناضت رؤيا ودخلات بحالها للبيت وترمات فوق ناموسيتها وجمعات رجليها عندها كتفكر أيامها لي دوزاتها معاه وكتفكر شحال من حدث وقع كيأكد على كلام فراس..وكل مرة كتحس بغبائها كثر وكثر..بكات وبردات حتا أذن عليها لفجر ولقات دموعها نشفو وراسها كيعطيها لحريق بزاااف..ناضت بشوية عليها وتوجهات للحمام توضات وخرجات كتصلي لفجر وتدعي لربي..اما فراس فمنين خرج ما رجعش عندها للبيت..صلات وسالات وناضت هزات حبة مهدئ شرباتها تهدنلها حريق الراس لي غير ما كيزيد..وترمات فبلاصتها وهي مصممة أن وليد هاد المرة دبصح صفحة وتطوات من حياتها وتكمشات كتحاول تنعس وهضرة فراس كتعاود فراسها"لي كيبغي ارؤيا ما كيخونش..لي كيبغي كيصون"..ضحكات على راسها وغمضات عينيها كتحاول تنعس وكتقول فبالها"عسى ان تكرهو شيئا وهو خير لكم"..
صبح الحال وناضت رؤيا وعينيها منفوخين..بقات ساهية فبلاصتها شحال وفلخر ناضت وهي كتحاول تنسااه وتمحيه من أفكارها فمرة..ناضت كتقاد راسها لبسات عليها حوايجها وطلقات شعرها و درقات حنكها لي تفش بشوية دالماكياج وهبطات وهي كتحاول تصطانع القوة لقات رقية وشامة كيفطرو وجلسات معاهم كتضحك وباغة تخرج من داك الجو لي هي فيه..دوزات نهارها معاهم عااادي وفراس ما بانلهاش حتا تعاشات لعشية وتجمعو على الطبلة دلعشا وهو مزال ما جا وفضولها دفعها تسول عليه..
رؤيا:اححم..يما!
رقية:نعام ابنتي!
رؤيا:فاينوا اححم فاينوا فراس!
رقية:(باستغراب)الله ابنيتي واش من نيتك!
رؤيا:اه..علاش!
رقية:ايوا الله يستر..واش راجلك سافر ونتين لا خبار!
رؤيا:سافر!فاين مشى!
رقية:وشكون عرفلو!فالصباح ناض سلم عليا ودار من هنا دازو ومشى..واش ما ئلك والو!
سكتات رؤيا حيت تفاجئات من السفر ديالو وكملات عشاها وهي سااااهية وكتفكر حتا سالاو وناضت دخلات لبيتها وتلاحت فبلاصتها ونعسات..
صبح الصبح وناضت رؤيا معولة تبدى حياتها من لبلاصة لي وقفات فيها..لبسات حوايجها وقادات راسها وهزات وراقها وهبطات فطرات معاهم..سالات وناضت سلمات عليهم وهزات مسائلها وخرجات..دوزات صباحها كدفع فالمستشفيات لي كتعرف من غير لي كانت خدامة فيه..وكتمنى غير فوقاش تقبل حيت دبصح توحشات خدمتها..
بعد مرور 20 يوم
رؤيا تقبلات فواحد لكلينيك وبدات الخدمة و دارت اصدقاء جداد من النهار الاول..ورجعات لروتينها ليومي الخدمة والدار..ومرة مرة كتزور عائلتها او هما كيجيو عندهم..وهي وشامة كل سبت وأحد يخرجو وما يخليو فين يدورو ويتقداو و ولفات حياتها الجديدة..وهي ورقية ما رجعوش هضرو فموضوع فراس..وفكل ليلة فاش كانت كتدخل لبيتها وكتجي تنعس فبلاصتها كتفكر مصارعاتها هي وفراس وغنانهم وكاع داكشي لي دوزو وكتبقى غير تضحك..
ككل صباح ناضت ناشطة و فرحانة دوشات و صلات و لبسات عليها كسور فوق الركبة فالزيتي بسميطات عراض و مشدودة بخيط جيهة الخصر وواسعة شوية لبسات معاها صندالا بلا فالاسود طلقات شعرها لي زاد طوال على لي كان و حطات شوية دالماكياج رشات عطرها و هزات باليزة دالخدمة وخرجات..
دخلات للكلينيك مبتاسمة وكتلقي التحية..بدات خدمتها ولبسات بلوزتها و دارت على المرضى لي تما شافت المستجدات فحالتهم ورجعات جلسات فبيروها ومرة مرة كيدخل عندها شي مريض جديد متشوف حالتو
دخل عندها شاب فمقتبل العمر يكون فالثلاثينات من عمرو لابس لباس رياضي شورط وتيشورط..ملامحو رجولية و فيه حقو دالزين حتا هو سمارو ولحيتو السوداء الكثيفة نوعا ما كان كيفكروها غير بفراس..هادي مدة 10 ايام وهو مرة مرة كيجي باش تفقدلو الجرح لي عندو فصدرو إثر ضربة بسكين..تقدم الشاب بابتسامة على وجهو وبادلاتو رؤيا نفس الابتسامة..طلبات منو يجلس..ومن بعد السلام والسؤال وقفات وتبعها نعس فوق الباياص وهما كيضحكو عليه وسولاتو على خطيبتو لي بسبتها تصاب فاش كان كيدافع عليها وكانت ديما كتعيطلو غير بالبطل المغوار
نعس وزول تيشورط وعرى على صدرو لعريض وبانت فاصمة متوسطة جات فالجيهة ليسرية من صدرو قريب لقلبو..وهزات الادوات لي اتحتاج وبدات كتبدلو الفاصمة وتكشف على الجرح واش خماج او لا..
رؤيا:ههه مزال ما هداك الله تعرفني على خطيبتك نموت ونشوف هادي لي زهرها طيحها فيك.. البطل المغواار هههه
عمر:ههه قرييب قريييب ما برانسيس ههه
رؤيا:ههههه إن شا..هييييييييييه
غوتات رؤيا مخلوعة على إثر الزدحة دالباب لي تخبط مع الحيط حتا تزعزع وخرجات عينيها..
من بعد ايام وايام دالخدمة رجع فراس وهو متشوق وكيتمنى غير فوقاش يشوفها..ماعارفش كيفاش وعلاش وفوقاش..لي عارفو هو انها استعمرات عقلو وتفكيرو ومابقات كتفارقو لا ليل لا نهار وصورتها وهي كتبكي من آخر مرة شافها ما بغاتش تمحالو من بالو..ولكن هذا ما كيعنيش ما يحاسبهاش على فعلتها حيث بالنسبة ليه من حقها تخدم اه ولكن ماشي قبل ما تعلمو..
اول ما نزل من الطيارة توجه مباااشرة لعندها..ولكن ما خفي أعظم وصل حدا باب مكتبها لي مشقوق شوية وسمع رجل أخور كيتغزل فحبيبتو..مراتو وحب حياتو..قلبو لي كان كينبض بالشوق رجع كينبض بالغيرة..دفع الباب وشاف المنظر لي زاد الطين بلة..كون كانت طبيية اخرى كان ايكون أمر عااادي بزاف بالنسبة ليه ولكن ما يقدرش يتغاضى على فكرة انها كتبقى مراتو ديالو بوحدو وما تقرب من حتا راجل بداك الشكل..راجل صدرو عريان وهي كتآذي فيه هذا ما بانلو وما بقاش كيشوفها ديك طبيبة لي كداوي مريض عندها...
رؤيا غير شافتو وشافت حالتو صفارت وخضارت بقوة الخلعة حافظاه وعارفة عينيه فاش كيكون ناوي على الشر..عمر تجلس عليه بالزربة كيشوف ففراس بغضب
عمر:ااااسي واش داخل لكور..
ما كملش كلامو حتا غفلو فراس ولقاه فوق منو كيضرب ويعاود هي وفين جات وكيغوت بالحر لي فيه..هز عمر رجليه عندو وضربو بيها جيهة كرشو ودفعو وناض تجابه معاه وهو ضايخ..كل واحد فيهم كيحنت فلاخور ما كاين غير عفس عفس..رؤيا حامياها غير لغوات ومقنتة مع الحيط..عمر داخ وتفتحو لغراز لي فصدرو وبدى كينزف وطاح فالارض كيتوجع وحنا عندو فراس كيكمل لي بداه
فراس:(بلغوات)انقتلااااااك..هاااديك ديااااالي..ديااالي بوووحدي..حتاااا حد ما يقربلهااااا..وحتا حد ما يهضر معااااهااا
عمر:لا حركة
فراس:(تحت سنانو)الشماااتة..شنو قلتي عاود نسمع ياله..عااااااود..تا برانسيس ياك؟عايشلي معاها قصص ديزني هاااااه(كيضربو وينهج)ومعريلها على ضلوعك..هضااااار سمعني صوتك..هضاااار الشماتة..اعععععع
رؤيا جرات شداتو من دراعو كتبعدو عليه وكتبكي
رؤيا:بعد بعااااد اتقتلو اهئ اننهنهئ..فرااااااس
ناض وقف كينهج عاطيها بالظهر ومع الدورة جمع معاها بتصرفيقة بالظهر ديدو سكتات فلبلاصة..
فراس:انذبحك نتي وياه الا ما سديتيش عليا فمك سمعتيييييييي(شدها من دراعاها)كتبكي علييييه هاااه...بقى فيك
رؤيا خبعات وجهها بيديها وهو يحبس ودار مزير على القبضة ديالو ضرب بيها الحيط لي موراه وغوت بأعلى صوت ورؤيا حاطة يديها على وذنيها..بقى حاط يدو على شكل قبضة فالحيط وهي كتسيل بالدم وكينهج والعرق هواد معاه
ساد الصمت لثواني وأنين عمر وتخنصيص رؤيا كيتسمع مع زفرات فراس..رجع دار جرها من دراعها مخرجها وشاف جيهة عمر لي مرمي فالارض بزق عليه وزاد
خرج لقى الجوقة فالباب وغير شافوه رجعو كاملين لصقو مع الحيط خواولو الطريق وهو جارها وهي غادة تابعاه بطابليتها والصناتة معلقة فعنقها كتمشي وتجي وصندالتها كتطوالها من لتحت وكتعكل ويرجع يجرها توقف وكتخنصص..وكتحاول تفك دراعها من يدو حيت ضراتها ولكن هو ما رخاها حتا زدحها فوسط الطوموبيل العالية ديالو..زدح الباب وركب حداها وكسيرا كيسوط وينفض ويضرب..ورؤيا حداه مخشية فلباب كتخنصص
فراس:انضرب مك نخرجك من السرجم..متعلييييش صووووتك..قلتيلي خدمتك!..مزيان هانا انوريك الخدمة..من ليوووووم ما اتبقاي تحطي قزيبتك فيها سمعتي(جرلها الصناتة من عنقها وشير بيها من السرجم لي حداه بالجهد)وهاد الخدمة لي دايرالي بيها السبة نديرو بناقص من د*** مها..باغة طيري هانا انوريك..معاااامن تشاورتي اصلاااا..شكون خلاك تخدمي!غير انا سافرت من هنا ونتي دعتي من هنا..درتي ما بغيتي..وجالسة تكركري مع الشمايت الحمارة..كان ناقصو غير يبوسك..بلحق من دابا لفوق ما كاين لا خدمة لا ز**
رؤيا:(بغضب)والله لاااا كااانت سمعتييي..خدمتي هي لي ما نسمحشييي فيييها..ما بغيتينييشيي نخدم طلقنييي..طلقنييي اسيدي ما عندك ما تعمل بوحدة كتلعب فالصدورة دالرجال وتكركر معااااهم طلقنييي
فراس:(غوت باعلى صوت حتا تبح صوتو وكيضرب و يعاود فلفولون بقوة)سكتييييييي..انقتلاااااااك سكتييي..الطلاق هو لي عمرك تحلميييي بيييه..اتبقااااي مراااتي حتاااا لمووووت سمعتيييي..ياااا انا ياااا لمووووت..نتييييي ديااااالي
فراس دفعها دفعة وحدة بيدو كيبعدها عليه حتا جا راسها فالزاجة وغيبات فلبلاصة
"ايا داعيا بذكر العامرية أنني اغار عليها من فم المتكلم..اغار عليها من ثيابها اذا لبستها فوق جسم منعم..اغار عليها من أبيها وأمها إذا حدثاها بالكلام المغمغم..وأحسد كاسات تقبل لثمها اذا وضعتها موضع اللثم في الفم"
دار شاف فيها لقاها غايبة ما كتحركش خرجو عينيه وتجمعات عليه الخلعة مع العصب بروجراما اوطو بالزربة باش تمشي اوتوماتيك..وقلب عينو جيهة رؤيا كيقربها عندو ويطل على وجهها..شدها بين يديه وهو يبانلو الدم هابط مع جبهتها لي تفتحات شوية
فراس:رؤيااااا والله يا مك وتكوني كتفلاي عاود رؤيااا..حلي عينيك..اوووف
هز كلينيكس ومسحلها الدم لي نازل على عينيها على شكل قطرة وكيشوف فيها عينيه خارجين بالخلعة وعروق عنقو غايطرطقو..حط يدو على عنقها كيشوف النبض ديالها لقاه مقاد وعرفها غير سخفانة..وهز الماء كان حداه وبقى كيرشولها على وجهها بشوية حتا حركات حجبانها بانزعاج وصدرات صوت أنين وهو يزير عليها فحضنو
فراس:الحمد الله اربي الحمد الله..بب شوفي فيا..حياتي!
رؤيا:(مغمضة عينيها)انمم
فراس:صافي غير ارتاحي..ها حنا انوصلو..اخخخخ ارؤيا اخخ
خشا راسو فيها معنقها وباسلها راسها بقوة وهو كينهج وراسها طالع نازل مع صدرو وهي مستسلمة لا حركة لا سكون..بقى هاكاك معنقها بيد وكيسوق بليد لوخرا ومرة مرة يعيطلها باش ما تغيبش..وصلو للفيلا وتفتحات ابوابها نزل فراس وهو هازها بين يديه ودخل مع الباب لقى رقية هابطة فالدروج وصادفاتو وهي تهبط كتعكل فقفطانها الموف وتغوت
رقية:هاه..اه اه خاصها الطبيب..واخة واخة..الله ائلبي ايسكت يا ربي حفضها يا ربي
مشات رقية عيطات لطبيب ديالهم وفراس طلع رؤيا للبيت ديالهم وحطها فوق الناموسية وسرحلها رجليها لعريانين..وقرب منها كيدوز يدو على جبينها وكيتنهد..ما هي إلا دقائق قليلة كان الطبيب حاضر ناضر ورقية قدامو سابقاه..دخلت هي اللولة وفراس سمعهم وهو يوقفو فلباب حتا تخلع ورقية طلات عليه تشوف مالو لقاتو كيغطي لرؤيا رجليها وطلع عليها لغطا وسدلها لبلوزة على صدرها لي بان من الفتحة دالكسوة وعاد سمحلو يدخل
تقدم الطبيب وهو كيتفتف وفراس واقفلو عند راسو مربع و مخنزر..فحصها وشافلها الجرحة وضمدهالها..وطمنهم عليها وبلي خاصها غير الراحة ماشي شي حاجة خطيرة ورجع خرج
رقية من بعد ما طمنات عليها وعلى حالتها وارتاحت من جيهتها وما بغاتش تزيد تبحث كيفاش وعلاش..هبطات وخلاتو جالس عند راسها وهي ناعسة
بقى شحال وهو جالس كيشوف فيها وكاع الغضب لي كان هازو من جيهتها اختافى فاش شافها ضعيفة قدامو..لاحظ انها عراقت وهو يزول عليها لغطا بشوية وحيدلها لبلوزة خلاها غير بكسوتها وزولها صندالتها وجمعها شعرها رماه فوق لمخذة باش ما يصهدهاش وقرب عندها كيدوز صباعو على وجهها..حنكها جبهتها عينيها نيفها وشفايفها نزولا لعنقها..هز يدها وحط الكف ديالها على فمو وباسو وهو كيتنهد..كان كأنه كيستغل غفيانها باش يشبع منها ويستمتع بكل لحظة وهي حداه..حنا راسو وباسها فوسط عينيها وهو مغمض عينيه وكيستنشق ريحة عطرها
فراس:(بصوت خافت)سمحيلي(تنهد)سمحيلي احياتي..
رؤيا فاقت على إثر لمساتو ولحيتو لي تكاتها فوجهها..عرفاتو من ريحتو بلا ما تفتح عينيها..ما قدراتش تهضر وما قدراتش تتحرك وما عندهاش الطاقة لي تهز راسها بيها..ولقات راسها مستاسلمة ليه وزاد صدمها بكلامو ولمساتو وما فهمات والو..هبط وباسلها عينيها برقة وزاد لنيفها وهبط عينو كيشوف ففمها وهو مخدر قلبو عمرو ما دق بديك السرعة ورؤيا لي حاسة بيه قربو وترها وقبولاتو سحراتها حسات بأن لمساتو صادقة وما نبعاش من شهوة غريزية فقط وإنما فيها حنية عمرها حساتها..طال الوقت وهو كيشوف فشفايفها ورؤيا حاسة بيه قرييب بزااااف نيفو قايس نيفها وقلبها زادو ضرباتو..سرطات ريقها بشوية متوترة وهما يتحركو شفايفها ببطء..حركة خلاتو ما يستحملش وحط شفايفو على شفايفها كيبوسها بوسات خفاف وكياخذ وقتو..كيحاول ما يفيقهاش ما عارفش بلي هي فايقة وفوسط منها صراع..بركان إعصار من الأحاسيس ما عارفة تغوت ولا تبكي ولا تفرح تلفات وزاد كمل عليها وهو كيدوز يدو على شفايفها ببطء ويرجع يخطف منهم بوسات متفرقة ستاحلاها وما سخاش وبقى على ديك الحال يبعد ويرجع ويدو كيدوزها على الخالات لي عندها فجنب فمها وكيتبسم..ارتاح وهو مالكها..ولقى راحتو كثر وهو حاط وجهو وسط عنقها كيشم ريحتها لي ما كتفارقوش..رؤيا زيرات بيديها على لحاف الناموسية كتحاول تمالك راسها وهي كتحس بأنفاسو السخونة كضرب فعنقها
اما فراس فدافن راسو وكل ساعة يتنهد حتا حط قبلة خفيفة على عنقها وهي تعوجو شوية بلا خاطرها وزيرات على لغطاء وصدرات صوت أنين خفيف خلاه يهز راسو بشوية وعينيه ناعسين وبعد عليها....
بعد عليها كيتنهد شاف فصدرها لي طالع هابط بالزربة وهي مغمضة عينيها وهو يقلب وجهو كيضحك بشوية ورجع شاف فيها كيتبسم وقرب منها باسها من حنكها وناض دخل للحمام راشقالو..غير طرق لباب وهو تحل عينيها بالزربة وحطات يديها على قلبها
بقات رؤيا مجبدة وتهضر بوحدها حتا سمعات لباب دالحمام تحلات ورجعات غمضات عينيها وهي كتسمعو خارج كيصفر شاف فيها بابتسامة جانبية وقلب عينو جيهة بلاكار كيجبد حوايجو..حلات عينيها كطل عليه ما بين رموشها..كان ملوي فوطة رمادية على نصو وصدرو المفتول عريان والماء هابط كيقطر معاه كينشف شعرو بيد ويجبد حوايجو باليد لوخرا..بقات كطلع فيه وتهبط وريحة باندوش عااطية منو عمرات البيت..شاف فيها بطرف عينو وبدا كيفتح الفوطة وهي تزير عينيها بالجهد وهو يقلب وجهو كيموت عليها بالضحك بصوت شبه مسموع..تقلبات على جنبها بشوية عاطياه بالظهر وهو بقى كيلبس حوايجو ويضحك..لبس عليه تيشورط احمر مع شورط حد الركبة فالرمادي وكلاكيط كحلة فرجلو وخلا شعرو هابط على وجهو فازك..وخرج من البيت كيصفر والضحكة واصلالو لوذنيه وهبط للمكتب ديالو
غير خرج وهي تنوض جالسة مخرجة عينيها وكتنهج
رؤيا:هييييه ولد اللدينة على فورمة عندو معدووورتو بضربة وحدة غيبني..اواعدي شعندي يانا تلفت فييق ابنتي فيق من القلبة راه ضربك واقيلة..حمار ياخور!
ناضت شادة فراسها بالدوخة ودخلات للحمام ورجعات خرجات شوية تنكر على الشوهة لي دارلها وشوية تسهى كتفكر بوساتو..طرقات الباب عليها وجبدات بيجامة كولون مزير بيض مع تيشورط طويلة شوية وكتفها طايح فالاصفر وجمعات شعرها سفنجة مخربقة..صلات الظهر قلبات على تيليفونها باش تعيط لكلينيك وتفكرات بلي بقى تما والنيميرو ما حفظاهش..شافت حتا عيات ومع لعيا والدوخة ديال الضربة هزات راسها وترمات فلفراش ونعسات حتا لغذا ويحن الله..
وصل وقت لغذا وطلعولها الماكلة لقاو الباب مطرق ورجعو عيطو لرقية جابت الساروت وفتحو عليها لقاوها ناعسة حالة فمها ومرحة فوق لفراش..خلاوها ترتاح وهبطو
طاح الليل وطلع فراس عيان بالخدمة وكيطرطق عنقو بشوية دخل للبيت وطل عليها لقاها مزال ناعسة وهو يشوف فيها باستغراب..طالقة رجل وطاوية لوخرا عندها ورامية يديها ولغطاء ملوي على رجلها ومرمي على كرشها..ضحك من شكلها..جبد كينة دالراس شربها ورجع نعس حداها على جنبو كيدوز يدو على وجهها وقرب من وذنها
فراس:(بهمس)رؤيا..حبيبة نوضي بركة عليك
رؤيا:الصمت
فراس:ماي سويتي(باسها فحنكها)نوضي النعاسة
رؤيا:انممن
فراس:هه..(جمعلها حناكها وباسها بوسة بقوة)اخخخ
رؤيا:انممم..خليوني(هزات يديها كتحك عينيها)
فراس:هه
حلات عينيها بشوية مقلوبة وكتحك فراسها وهي تلقاه فوق منها كيتبسم..خرجات عينيها فيه وناضت جالسة وبعدات عليه
دخلات شادة الضحكة وهي توقف قبالة لمراية شافت راسها كتضحك وهي ترجع تخنزر..
رؤيا:جمعي راسك الخرية ونتينا تحليتي
هبطات راسها شللات وجهها وغسلات فمها وتوضات وحيدات اللصقة لي فزكات وحطات وحدة جديدة وخرجات فحالها ما بانلهاش فراس..مشات هزات عباية دالصلاة ديالها فالابيض منزلة فوق فوطوي هي والصلاية وفرشاتها وهو يخرج عندها من البالكون شاف فيها كيتبسم وترما فوق الناموسية على جنبو ومكالي راسو بيديه وهي خنزرات فيه وكبرات كتصلي..صلات العصر والمغرب وهو كيشوف فيها بإبتسامة سااحرة..بغات تصلي لعشاء وهو يوقفها
فراس:تسناي نصليو بزوج
رؤيا:هاه؟لا غي..
فراس:(خنزر فيها وهو كيجبد دراعية دالصلاة ديالو)ما كنتشاورش معاك
رؤيا قلبات وجهها كتمتم وهو لبس عليه دراعية فالأخضر وفرش قدامها صلايتو..قام الصلاة بصوتو المبحوح لي تزاد تبح بلغوات وهي موراه مخشعة مع صوتو..سالا ودار عندها باسلها جبهتها وهي حانية راسها كتستغفر الله
فراس:(بابتسامة)حرما إن شاء الله
رؤيا:(حالة فمها فيه)ها..اا
فراس:هه
ناض خلاها كتشوف فيه معجبة ما فاهمة والو فيه..طوى صلايتو وزول دراعيتو وناض خرج للبالكون كيهضر فتيلي..ناضت حتا هي كتهضر بوحدها وتمتم..زولات عليها العباية وهبطات فحالها خلاتو تما
لقات رقية مجموعين فالصالة و رقية كتعاود لشامة على ولادها وشامة كتبكي معاها..شافتها شامة مضروبة تخلعات ورؤيا طمناتها عليها ورجعات جلسات كتسمع حتا هي ورقية مخشعة كتعاود على ولادها وهما كيتصنتولها ويبكيو معاها..وعاوداتلهم على ما دار فراس وهنا رؤيا عجبها الحال وكبر فعينها حيث بالنسبة ليها يستاهلو كثر ولكن بقات فيها رقية لي محروقة على ولادها لي مرجعوش سولو فيها..شوية قلباتهالها رؤيا وشامة ضحك باش يخرجوها من داك الجو لي كانت فيه واندمجات معاهم حتا هي وبدات تعاودلهم على لهينون ديالها وهما كيطيحو بالضحك..
هبط فراس لقاهم مجموعين وجلس حدا رؤيا وهي عاطياه بالجنب متبعة مع رقية وجبد تيلي ديالو كيبقشش فيه..حتا سمعهم طلقوها بضحكة جماعية وهو يهز عينو شاف فرؤيا حداه كتلوى جمعات رجليها عندها ورجعات لور تكات عليه بظهرها بلا ما تحس وهو كيتبسم معاها..حتا سالات على خاطرها الضحك ورجعات عطاتو بجنبها كتمسح دموعها لي هبطو بالضحك..هز يدو بشوية وبدى كيدوزها على ظهرها ببطء وهي تكوانسا وخرجات عينيها كتشوف قدامها..تبسم بسخرية وبقى هابط مع ظهرها وهي دور خنزرات فيه وهو مهبط يدو بشوية حساتو ايهبط بزاف وهي تنوض وقفات بالزربة
رؤيا:احم جاني جوع مزال ما انتعشاو
فراس:😏
رقية:حتا انا جعت هانا انئولهوم يحطوه دابا
ناضت رؤيا جلسات حدى شامة وقلبات وجهها فيه وبقات هي وياها كيتعاودو حتا تحط لعشاء وناضو تجمعو عليه سالاو وكل واحد ناض طلع لبيتو..طلعت رؤيا هي اللولة مافيهاش النعاس من بعد ما طلباتهم يطلعولها شي حاجة ودخلات للبيت وتبعاتها خدامة بطبلة دروايض دافعاها قدامها فيها تشيبس والمكسرات على الاشكال والموناضة والشكلاط..خرجات الخدمة وحطات رؤيا داكشي قدامها فوق الناموسية وخدمات تلفازة طلقاتلها لويفي وبقات جالسة تفرج فحلاقات متتابعة من مسلسلها المفضل ومربعة رجليها كتاكل
دخل فراس للبيت كيسمع تخرشيش طل عليها لقاها فوسط الماكلة خاشية يديها فواحد التشيبس حفنات حفنة خشاتها ففمها وتبعاتها جغمة ديال اموناضة حتا عمرو حنوكها..دخل كيشوف فيها ويضحك ووقفلها قدام التلفازة
رؤيا:(فمها عامر)جووول من قبالتشي خنيني نتفغج(كتحرك يديها كإشارة باش يبعد)
فراس:هههه اغننن(كيعيبها)خوي فمك عاد هضري
رؤيا:ماشي شغنك
حيد من قدامها وهي تعمر فمها عاود وهو ترمى حداها على جنبو وهز مكسرات كيرميهم ففمو
فراس:فرجينا معاك..هذا فيلم؟
رؤيا:(حالة عينيها فتلفازة)نا مشلشل..جويييين واعر(علات حاجبها ورجعات شافت فيها وخوات فمها)اجي نتينا شوفتك تصاحبتي معايا وبقيتي تدي وتجيب معايا فالهضرة..الا كنت نتينا نسيتي الدقة لي عطيتيني راه يانا مزال ما نسيتا وما عمري انساها..هادشي بلااااا ما نذكرو لي فات
رؤيا:(جرات عندها الزلافة لي كياكل منها)وشكون قالاك حنا دابا مزيانين..نوض ابا على سلااامتك راه يانا وياك عمرنا ما كنا ولا انكونو مزيانين..فرشختي السيد ما عرفتو ميت ولا حي وعملتيلي الشوهة وجاي دابا جالس حدايا فحال الا ما كاين والو
فراس:(مد يدو كيهز من تشيبس ديالها)بدلي عليا هاد سيجي وتفرجي فالمسلسل لي يصلاحلك وداك ميخي ما تعاوديش ذكريه على فمك حسن ليك وليه..يشكر ربو باقي كيطلع النفس
رؤيا:(بغضب)وباش عرفتيه مزال كيطلعا هاه..شكون قالاك ما ماتشي..السيد مضروب وغرازو جديد ونتينا سلختيه السلخة دلكلاب وكتقولي النفس
فراس:(خنزر فيها)رؤيا جمعي عليا لخرا..خليني ترونكيل حسن ما طلعيهملي نوض دابا نرجع نصفيهالو فخطرة
رؤيا:يعني ما وقعلو والو ياك؟..اوووف الحمد لله يا ربي
رؤيا سرطات الدغمة كبيرة مهباطاها كتقاتل معاها وتبعاتها كاس دالماء ردات النفس وحمرات فيه
رؤيا:واش نتا فو ولا فيك شي ديفو..شمن زبيب ولا كاوكاو..اصلا منين جاك حبيبي هاه..شفتك عشتي الدور
فراس:حبييبك وبزز من طاسيلتك هههه..اجي ما بغيتيش تشوفي شنو جبتلك معايا!
رؤيا:(بسخرية)شني جبتي!حريق الراس مثلا!
فراس:ههه مقبولة منك الزين..مي نوضي شوفي شنو جبتلك وعتبريه عربون محبة نبداو بيه صفحة جديدة ههه
رؤيا:وشكون قالك يانا باغة نبدى معاك صفحة جديدة!
فراس:انا قلتها..صافي ارؤيا نساي لي فات..ياك غلطت وطلبت منك السماحة ايوا صافي..وياك قبل ما نمشي هضرنا اولا!ايوا بلا ما نبقاو كل مرة نعاودو الهضرة..مرة وحدة الله يخلف ويجعل البركة..صافي نساي باش نقدرو نكملو الله يرضي عليك..واش انبقاو انا وياك ديما هاكة!
رؤيا:(شافت فيه بنص عين كتفكر فهضرتو وهي اصلا من طبيعتها متسامحة ويكفي الواحد يعترفلها بخطئو تقدر تصفحلو)امممم..حتا نشوف!😒
رجعات كتجري كتجر فالشال وفتحات كيس اخر جبدات منو مجوههرات هندية الاساور والخلخال وخيط الروح كيجي نازل على طول فرقة الشعر كلو مذهب على شكل نصف وردة مفتحة وفوسطها جوهرة فالاحمر القاتم وجوهرة فنفس اللون هابطة بين عينيها تحلو عينيها بالفرحة وشافت فيه كضحك
رؤيا:ههه مشيتي للهند؟
فراس:(بابتسامة)اه
رؤيا:ياااي سعداتك
فراس:هه باغة تمشيلها
رؤيا:الهند!لا ماشي ضروري يانا ما كرهتشي غير نسافر فيما كان
فراس:صافي جاتك
رؤيا:ههه بصاااح حلف
فراس:(غميزة)عطيتك الكلمة
رؤيا:ههه(جمعات الضحكة وقلبات عينيها فيه ورجعات كتجبد وتشوف)اوووف هادشي فنيون
فراس:عجبك؟
رؤيا:(بالنفخة)اممم
فراس:بصحتك
رجعات خدامة كتقلب وتجبد وتحط فالمجوهرات والمستحضرات وطاحت فبواطة صغيرة حلاتها وهي تلقى فيها عقد رقيق فالفضي من الالماس وفوسطو جوهرة صغيرة على شكل فريزة فالاحمر ومنبتة بألماسات صغييورين..ما عرفاتو الماس من نقرة فقط حمقها وعجبها شكلو لبساطتو وناضت زولات الشال وقربات من لمراية باغة تلبسو وهي تحس بيدين تحطو على يديها وانفاس كضرب فعنقها..سرطات ريقها وشافت فيه من لمراية كتفتف وهو كيتبسملها خدا منها العقد وبعد شعرها ردو للجنب وركبولها بشوية وهما كيتبادلو النظرات من لمراية..هي كانو نظراتها نظرات خوف وضياع عكسو هو لي نظراتو كانت كلها شوق وعشق وهيام..ركبولها وحط يدو على كتافها كيحركهم ببطئ هابط مع دراعها وطبع قبلة على عنقها من اللور وتمتم بصوت خفيف
فراس:هذا خليه ديما فعنقك
رؤيا:(بعدات عليه برقة متوترة وقربات من لمراية حاطة يديها على عنقها)هه زوين بزاف كيحمق
فراس:نتي لي كتحمقي هه بالصحة
رؤيا:(كتفادى الشوفة فيه)هه الله يعطيك الصحة..احم بلحق علاش لفريزة؟
فراس:حيت نتي فريزة(قرب كيشم ريحتها)وريحتك اخخخ حتا هي
رؤيا:اححم..يانا انجمع هادشي
عطاتو بالظهر كتلف وكتحط كل حاجة فبلاصتها وهو رجع جلس فوق الناموسية وحط خذية مور راسو وكيتفرج فيها وياكل فالمكسرات وهي كدور وتضحك بوحدها..سالات ورجعات جلسات فبلاصتها وربعات وشافت فيه بنص عين وهي كتحل باكية دالشكلاط
فراس:هههه(قبطها)صافي صافي غير خليك هه جلسي البزوزة هههههه
رؤيا:(بجدية)ما تحطشي يدك عليا سمعتي
فراس:امم ما انحطش يدي غير جلسي ههه
رجعات جلسات وكتخشي ففمها وعينيها مع المسلسل وهو مرة يشوف معاها مرة يشوف فيها..عيا وغلبو النعاس وناض دخل للحمام غسل فمو وبدل عليه لبس غير شورط فالزيتي وخلا صدرو عريان وخرج تجبد فبلاصتو وقاد خذيتو كيحاول ينعس وطفى الضوء خلا غير ضوء الاباجورات خدام مع ضوء التلفازة ورؤيا متبعة معاه قلبات عينيها كتسوط وتنفخ وهو طلع حاجبو فيها وحط يدو على جبهتو وغمض عينيه..
نعس وخلاها حتا ضرباتو الفيقة ولقاها ناعسة جالسة وقابطة فيديها الشكلاط واكلة منو وكتمضغ وهي ناعسة ومترشة لكواغط على جنابها..تبسم وطفا التلفازة وجمع داكشي حطهوم فوق الطبلة ديالهم وقرب منها مسحلها فمها من الشكلاط وقادها ونعسها على صدرو وباسلها راسها ورجع طفى الاضواء ونعس
ومع شمس النهار الجديد ناضت رؤيا على صوت المنبه طفاتو وناضت صلات ولبسات عليها سالوبيط دالثوب خفيف فالأورونج..حطات مكياج خفيف وخلات السنسلة لي عطاها فراس فعنقها وخاتمها فصبعها ولبسات صندالة خفيفة وجمعات شعرها كوت شوفال هزات صاكها وهبطات..فطرات وخرجات كتعلمهم يجيبولها السيارة باش تمشي ولكن منعوها وما خلاوهاش تخرج..غوتات وتعصبات وتعافرات باش تخرج ولكن ما بغاوش يفتحولها باب الفيلا..رجعات كتشعط مغلغلة ولي تلاقاتو من الحراس تشبعو معيور ودوز حتا دخلات للفيلا محيحة كتسول على فراس..علماتها واحدة من الخدامات بلي راه فلجيم وتوجهات مباشرة لعندو..دخلات عليه وزدحات الباب كتقلب عليه حتا جات عينيها عليه وهو كيطراكسوني لابس اكس وشورط فالازرق مع صباردين سوداء..وقربات عندو كتغوت
رؤيا:(بغضب)شني هاد التبرهيش..علاش ما خليتيهومشي يفتحولي الباب..واش يانا فعكاشة وما عارفاشي ولا كيفاش
فراس:(خطف الشوفة فيها ورجع كيتريني وهضر بصوت مبحوح)اححم صباح الخير
رؤيا:شمن خير هاه(زدحات الصاك مع الارض)..فوقاش شفت الخير يانا من نهار زوجت بيك..سمع اتنوض داااابا تقولوم يفتحولي نمشي لخدمتي والا ما ايعجبك حال
فراس:هضرنا البارح بلا ما نبقاو نعاودو ونزيدو
رؤيا:هضرنا!!بغيتي تقول نتينا هضرتي اما يانا ما قلت واالو..شو بلا ما تعملي فيها السي السيد خدمتي هي لي ما انخرجشي منها واخة تنطابق السما مع الارض..وداك لحكام لخاوي ما تعملوشي عليا 😡
فراس:وحتا انا قلت لي عندي ونتي دبري راسك خدمة من دابا لفوق ما كايناش
ناض وقف خلاها ومشى جبد ظهرو فوق واحد لبلاكة ومد يدو هز حديد ثقيلة فوق راسو وبقى كيطلع ويهبط فيها وهي تابعاه
رؤيا:كيفاش ما كيناشي واش كتفلا عليا..شوف وسمعني مزياااان البارح قلتا وانعاودا خدمتي ما خارجاشي منا بغيتي مرحبا ما بغيتيشي طلقني
فراس:(عبس بلا ما يشوف فيها وهو كيتريني)نتي باينة ولفتي لعصا..الطلاق غير بلا ما تحلمي بيه وما تبقايش تجبديه على فمك
رؤيا:ايوا الا هايدا خليني نخدم اسيدي ما تبقاشي تحمقني فمخي
فراس:علاش اتخدمي هاه؟واش ناقصاك شي حاجة؟ياك لي حليتي عليها فمك كتحضر فلبلاصة
رؤيا:ما خاصني واالو..يانا باغة نخدم..خدمتي وعاجباني وجابرة فيها راحتي!
فراس:نتي عاجباك وانا لا
رؤيا:وا نتينا شني دخلك تعجبك ولا متعجبكشي..واش يانا كندخل فيك كنقولك خدم اولا ما تخدمشي
فراس:(وقف)شغلي سمعتي..اي حاجة كتخصك من دابا لفوق راها كتخصني وعندي الحق ندخل فيها كيما بغيت وديك الخدمة ما عندك ما ديري بيها غير بلا ما تصدعي راسك وراسي معاك
رؤيا:(غلبوها دموعها)هئ هئ علاااااش حالف تعذبني هاه..هاديك الخدمة هي حيااااااتي(ضرباتو لصدرو)هئ هئ هئ من صغري ويااااانا نحلم بالنهار لي نكبر هئ هئ ونرجع طبيييبة سهرت الليااااالي عليها وضربت تمااارة هى هئ هئ باش تجي نتينا فلخر تخرجني منها(بقات كضرب وتعاود فصدرو وتغوت)شني باغي مني شنييييي اننعععنهئ باغي تقتلنيييي قولالي شني باغي منيييي اعععنهئ شنيييييي!
شاف فيها بحزن وشدها من يديها وجرها لصدرو بالزربة وخشاها فيه كيسكتها وهي كتعافر وتضرب وهو معنقها بقوة وهي كتحاول تبعدو ولكن هو غير مكيزيد يزير عليها
رؤيا:بعععد منييي اههههئ هئ شني عملتلك باش دمرني هئ هئ هئ حتا خدمتي لي انعععنهئ حلمت بيها حياتي كااااااملة باغي تخرجني منها علااااااش..علااااش كتكرهني حتا نهاد الدرجة علاااااش اهههئ شني عملتلك يانا فاااش اذيتك اهههنئ
فراس:حيت كنغير عليك سمعتي..ما بغيتك تقربي لحتا راجل من غيري انا..هاد لعوينات ما بغيتهم يشوفو فحتا راجل من غيري(باسلها عينيها)
رؤيا حلات فمها فيه مبهوضة وعينيها كيجريو بالدموع وهي كتشوف فيه وفعينيه لي هايمين فيها متيقاش هذا فراس لي كيقولها هاد الهضرة
فراس:(قرب منها كثر)وريحتك ما يشمها حتا راجل من غيري..شعرك حنيكاتك عنقك ما يشوفهم حتا واحد..(هزلها يديها بزوج باسهم)هاد ليديدات يقيسوني غير انا..(حط صبعو على راسها)هذا يفكر فيا بوحدي وهذا(حط صبعو على قلبها)يحس بيا غير انا ويدق غير ليا(حط صبعو على فمها)وهادو يضحكو غير ليا انا..
هبط لمستواها وغمض عينيه وحط شفايفو على شفايفها الحومر بلبكا كيبوسها بلطف وكيحس بالطيبة دملوحة دموعها ففمو..ما حس بحتا حركة من جيهتها وبعد فمو بشوية حط جبهتو على جبهتها ويدو على عنقها..شاف فيها كانت مغمضة عينيها وكترجف وكتشهق
فراس:(تنهد)كنغير عليك من شامة لي كضحكي معاها..من جداك لي عاشت معاك هاد السنين كاملة..كنغير من المرضى لي كتعطيهم اهتمامك..باغيك ضحكي غير معايا وتعيشي معايا بوحدي وتهتمي غير بيا..ما كرهتش نخبيك على الناس كاملين ما يشوفك حتا واحد وما تشوفي حتا واحد..باغيك ليا..وليا بوحدي
رؤيا:(هزات عينيها فيه بغضب وجمعات قوتها ودفعاتو كتبكي)هئ هئ هئ هادي ماشي غيرة هذا مرض سمعتي مااااااااارض..اهههئ هئ حياتي عا ضيع بسباب هاااد المرض ديالك..خدمتي ومستقبلي وكلشييييييي ايضيييييع انعنعننهههئ شني مزال هاااه..شني مزاااال اتاخذ منيييي شنييي!!
فراس:(شدها من دراعها كينهج)اااااه مريييييض الا كانت غيييرتي عليك مرض فأنا مريييييض وواصلة بيا للمووووت..حياااتك ومستقبااالك لي كتهضري عليهم غيكووونو معايا اناااا سمعتييي..
رؤيا:(بصراخ)نتيييينا باغي تستعبدنييي ماشي تعيش معاااايا اهههئ
فراس:(بنبرة قوية)سميه كيييبغيتي هذا ما ايبدل واااالو..بغيتي تسميه مرض حبس ظلم تخلف شغلك هدااك..مهم خدمة من هنا لفووووق ماا كاينااااش ومستحييييل نخلي المنظر ديال البارح يتعاود وكل مرة تحطي يديك على شي شمااااتة سمعتيييي..وداك الباب ما اتعاودي تعتبي منو غير بشواري وسالينا
رؤيا:(نترات دراعها)اههههئ حرااام عليييك حرااام هئ هئ هئ ماااا انخليييكشي سمعتييييي..مااااا انخليكشي تدمرلي حياتي كثر..ما انخليكشي تحرمنيي من الحاجة الزوينة الوحيييدة لي بقاتلي فحياتي اههنهنئ(نقصات من حدة صوتها)الطب هو حياتي كتسمع حياااااتي..عرفتي علااااش؟حيت بيه كنحااارب اعدى حاااجة عندي هئ هئ هئ الحاجة لي دمرلاتلي حياتي وطفوولتي اهههئ هئ الحاجة لي حرماتني من أغلى ناااس فحياااتي..بيييه كنحارب المووووت وبييه كنواااجهو..اهههئهئ ما باغاشي نشوف الناس كيموتو ويانا ما فيدي وااالو..ما باغااشي نكون ضعيفة قدامو..من النهار لول لي جيت فيه نهاد الدنيا وهو كيلعب معااايا اننهئ هئ هى إحساااس كيعذبني وكيقتلنيي فاش كنفكر بلي بسباابي الموت خذا بابا قبل ما نشوفو ولا يشوفني هئ هئ هئننئ(كترجف)وووو..وماما لي خداها بسبااااابي اههئ قبل ما تفرح بيا وقبل ما نشبع منها..
بغات طيح وهو يشدها فراس وهي هابطة حتا جلسات فالارض وهبط معاها وعنقها وزير عليها وهي كتبكي وتضرب فدراعو..
رؤيا:كنت ديييما كنفكر اههئ كون ما خلاقيتشي..كون ما جيتشي نهاد الدنيا كانو ايكونو بااقين عايشين اهههئ هما ماتو بسبااابي وما قدرت نعملوم وااالو..كون كنت طبيبة فداك الوقت كنت انعمل المستحيييل باش نقدوم اهههنئ ما كنتشي انخليه ياخدوم مني اههئ ما باغة حتا واحد يعيييش لي عشتو..حتاا جدي اهههئ واخة كيكرهني عمري كرهتوو اههئ عرفتي علاش؟حيت عندو الحق يكرهني..يانا وكرهت راااسي..كنحس بلي الموت ديييما كيحوم عليا اههنئ وباغي ياخذ مني الناس لي كنبغي كاااملين اهههئ اننننهنهعئ ونتييييينا دابا باغي تحرمني حتااااا من خدمتي ليييي كنبغييي حراام عليك اههئ انننهئنهئ
فراس:(زير عليها وتنهد)ششش صافي صافي..ما تبكيش..نتي أحسن حاجة طرات فهاد الدنيا..ما تلوميش راسك على شي حاجة ما ليك يد فيها..ربي بغاهم فداك النهار وخذاهم..وبغاك تجي لهاد الدنيا فديك النهار وجيتي
رؤيا:اننهنهئ اننعنهههعئ
فراس:ششش ما تبكييش دموعك كيحرقوني ششش..شوفي فيا شوفي(هزلها راسها وحط يدو على وجهها)الموت سنة الحياة وحنا ما فيدينا ما نديرو باش نحاربوه سوا كنتي طبيبة او لا..الموت والحياة بيد الله عز وجل بوحدو..حنا غير أسباب فقط وفاش كيكون الموت مصير شي واحد فشنو ما درنا ما انبدلوش مصيرو..نتي إنسانة مؤمنة وخاصك ما تضعفيش بهاد الشكل ما تخليش الشيطان يغلبك و يوسوسلك افكار لي تزعزعك.. خاصك ديييما تآمني بقضاء الله وقدرو..حنا غير بشر ما فيدينا لا نرجعو لي مشى ولا نبدلو لي جاي..فهمتيني
رؤيا:الصمت كتشوف فيه وكتسمع لكلامو وهو محاوط وجهها بين يديه
فراس:داك النهار لي نتي بالنسبة ليك أسوء نهار أنا بالنسبة ليا هو أسعد نهار فحياتي..
فراس:حيت فيه خلاقت المرأة لي سحراتني وملكات قلبي..فيه خلاقت حياتي وعمري وأغلى حاجة عندي..فيه خلاقتي نتي..خلاقتي ليا..
رؤيا:(الصدمة)
فراس:ضحكتك عينيك رموشك طيبتك قلبك بساطتك قصوحية راسك هه كلشي فيك هبلني..كيفاش وفوقاش ما عرفتش..دخلتي لهنا(حط يديها على قلبو)وعمرك باقي تخرجي.. عمرك تكرهي راسك بلعكس بغيها حيت كلشي فيك كيسحر..وكتخلي اي واحد يتفتن فيك بلا ما يحس..عليها كنغير عليك حيت بحركاتك العفوية لي بالنسبة ليك نتي وااالو تقدري تخلي اي واحد يعشقك ويذوب فيك كيما وقعلي انا هه..(تنهد وهو كيشوف فعينيها)كنبغيك وعمري نفكر نآذيك أي حاجة كنديرها او غانديرها غير من حبي ليك تيقيني..ولي يقرب ليك نمحيه من الدنيا
ساد الصمت لدقائق وهما جالسين حاط يدو على وجهها وعينيه كيتساراو فوجهها..كانت باينة فيها الصدمة من عينيها لي ما كيتحركوش ومن يديها لي كيرجفو ومن قلبها لي كيضرب والتنفس لي تقطع فيها..ما عرفات ما تقول ولا شنو دير وفضلات تبقى جامدة ألف فكرة وفكرة طاحت فبالها من بينهم وليد..شحال عبر وعبر ليها عن حبو ولكن عمرو خلاها توتر حتا لهاد الدرجة قلبها كان كيدق ليه ولكن ماشي فحال دقات قلبها دابا..كلامو حساتو سطل دالماء وتكب عليها ما عرفات ما تقدم ولا توخر ونسات حتا علاش كانت كتبكي بقوة الصدمة..وبكلامو خلاها تهدن نوعا ما
فراس:ما باغيش نبقى نشوفك هاكة بغيتك ديما ضاحكة وفرحانة بغيت نشوفك ديما قوية..وإلا كان غير على الخدمة(تنهد)كوني هانية..نبنيلك كلينيك ديالك نتي..ديري فيه لي بغيتي وتصرفي فيه كيما عجبك..بغيتي نداويو فيه الناس فابور نداويوهم مهم نتي تكوني مرتاحة وفرحانة..
رؤيا:ككيفاش؟كك.ككلينيك ديالي؟
فراس:اه ديالك..بلحق بشرط نتي تكوني غير مشرفة عليه..اولا الا بغيتي تكملي الخدمة خدمي مع دراري صغار ولا نساء..مهم عندي ما باغيكش تعاودي تقربي من شي راجل..وما باغيك تخدمي عند حد..خدمي لراسك..ما باغيك تخدمي مع حد!
رؤيا:(ودموع محبوسين فعينيها)وو..واش كتهضر من نيتك..كلينيك ديالي!
فراس:(بابتسامة)اه هه مهم نشوف ضحكتك ونشوفك فرحانة..(تنهد)رجعت مهووس بيك ارؤيا..20 يوم لي دوزتهم بعاد عليك حسيت بقيمتك شحال كبيرة عندي ومكانتك شحال مهمة فحياتي نهار ليل كنت كنفكر فيك..وفيك بوحدك..وانا ناعس وانا فايق..ما كنتيش كتفرقيني حتا دقيقة..وكنت كنقول غير فوقاش نسالي باش نجي ونشوفك..توحشتك وتوحشتك بزاااف..واخة انا وياك ما جمعوناش شي مواقف مزيانة..ولكن واخة هاكاك شي حاجة فيك خلاتني نتوحشك..نكيرك هضرتك غواتك هادو توحشتهم..(سكت ورجع كمل)رؤيا!انا كنبغييييك..سمعتي نتي هي حياتي
رؤيا:اا...ششنني.!
فراس:(حط جبهتو على جبهتها ونيفو على نيفها وغمض عينيه)ششش..ما تقولي وااالو..غير خليك قريبة مني وخليك ديما حدايا ما انطلب منك والو..يكفيني نشم ريحتك ونشوفك بجنبي النهار كلو ونعس ونتي حدايا..(تنهد)اخخخ شنو درتي فيا شنو
غمضات عينيها وهي كتسمع كل كلمة كتخرج من فمو وكدخل لقلبها وكتبسم بلا ما تشعر هزات يديها بزوج حطاتهم على صدرو بلا ما تحس..كتصرف بعفوية قلبها كيحركها وعقلها مغيب
حس بيديها على صدرو وتبسم..بقى غير صوت انفاسهم كيتسمع فوسط الصالة..السكون وهما جالسين بلا حركة فقط مغمضين عينيهم وعايشين اللحظة..حتا قرب فمو من فمها باسها بوسة خفيفة ورجع بعد كيشوف فعينيها لي مغمضاهم وهبطو عينو شاف فشفايفها لي كيرجفو ورجع كيبوسها بشوية تجاوبات معاه وهي حاطة يديها على لحيتو كتحركها ببطء وهو يديه هبطو لعنقها..وهو حاس بفرحة لا مثيل لها حاس براسو ملك الدنيا فاش حس بيها تجاوبات معاه وما بعداتوش..زاد فوتيرة القبلة وزادت نبضات قلبهم..وما وقفو غير على صوت شامة لي طيحات حديدة وهي داخلة للصالة وتسمع الدى ديالها قوي
حلات عينيها وبعدات عليه بالزربة كتفافا كأنها عاد فاقت من التنويم لي كانت فيه وناضت وقفات وهو بقى مغمض عينيه لوهلة كيستطعم مذاق شفايفها لي بقى على فمو وناض وقف موراها
رؤيا بقات كتشوف فيه وتشوف فشامة لي داخلة لابسة طوني رياضي للمحجبات مستور شوية وملوية حجابها على راسها..دخلات وشافتهم وضحكات معاهم من بعيد حيت الصالة كبيرة وطويلة وفراس قرب مبتاسم هز يدو دورها على خصر رؤيا وهي كتضربو بالمرفق ديالها بشوية باش تبعد
رؤيا:(تحت سنانها) بعاد بعاد هه
فراس:سكتي ولا انكمل داكشي لي حبستو قدامها
رؤيا:😳شش..شنو حبستي..ااا هه..شامة ختي توحشتك
بعدات على فراس وتمشات بالزربة لعند شامة عنقاتها
شامة:(باستغراب)هه حتا يانا..كيصبحتي شوية دابا
بعدات رؤيا عليها كترجف ودور فعينيها وهي تلاحظ شامة وجهها لي احمر وشفايفها المنفوخين وشافت ففراس وفيها حابسة الضحكة
شامة:(بهمس)ههه لا باااينة صبحتي سانك سانك..(بصوت مسموع)صبحتي طالع عليك شي سر بوحدو ههه
فراس:(لي سمعها وهو جاي باس لرؤيا حنكها)اصلا حبيبتي دييما نازل عليها السر وكتحمق(غميزة)
شامة ورؤيا حمارو بزوج ولكن ماشي فحال رؤيا لي كانت حاسة براسها اطرطق وبقات غير كتبلق فعينيها
شامة:(بحشمة)هه اه ما كذبتيشي
فراس:هه اوك بب انطلع ندوش(حط يدو على حنكها)صافي!يله وريني الضحيكة!
تبسماتلو رؤيا ابتسامة خفيفة وخرج وهو ناشط وطلع للبيت يدوش وبقات رؤيا هي وشامة لي كتطلع حجبانها وكتفقص رؤيا
شامة:شني كنتو كتعملو هاه ههه
رؤيا:هه والو شني انعملو كنا غير كن..كنهضرو هه
شامة:امم كتهضرو..هههه راه عااادي الهبيلة راه راجلك شعندك كتفافا بحال الا حصلتي مع صاحبك فالبريريكة ديالو ههههه
رؤيا:تفو الله يمسخك..مشي بعد مني طالعة فحالي
تمات غادة وهي تفكر فراس لي طلع ورجعات
رؤيا:لا البيت لا اوووف..(شافت فشامة)شفتي شغا تعمل زيد نخرجو
طلعات شامة كطير ورؤيا بقات واقفة كتسترجع كاع الاحداث من الاول عاد طلعات معاها وعرفات راسها شنو دارت..وقفات قبالة لمراية لي شادة الحيط كامل فالصالة..لقات راسها بصح حمراء وشفايفها حتا هما وحطات يديها عليهم كتهضر مغيبة
رؤيا:شني وقع دابا..شني هادشي..واش بصح قالي كنبغيك ههه..وعلاش كضحكي ياك نتينا ما كتحملوشي..بلحق الا ما كنحملوشي علاش خليتو يبوسني وبستو حتا يانا..اوووف شني لي واقعلي.. ولكن صدق عكس لي كنت متخيلاه حنين وضريف واخة قاصح مرة مرة..رؤيا؟نسيتي شني عمل فيك ولا..ولكن هو طلب مني سماحة(حطات يديها على وذنيها)علاش ما بقيتشي قادرة نحقد عليه علااااش اوف ترونت..علاش فاش عنقني ارتاحيت..علاش فاش قالي شحال كيبغيني عجبني الحال..اه عجبك الحال ما تنكرشي..وعلاش نسيت وليد بالزربة وما بقيتشي كنفكر فيه فحال الا عمرو كان..اولا يانا ما كنتشي كنبفيه اصلا!(حطات يديها على السنسلة لي فعنقها وتنفسات بعمق)صافي ارؤيا..صافي بلا ما تفكري بزااف وخليها كيما جات تجي اووووه(تفكرات)ههه دابا يانا ايرجع عندي كلينيك ديالي يااااااااي يا حليلي هههه
خرجات رؤيا من الصالة فرحانة وكضحك وتصادفات مع شامة هابطة كدردك فالدروج وتمو خارجين وهو يوقعلهم نفس المشكيل والرجال ما خالاوش رؤيا تخرج..عيات تشرحلهم وتفهمهم وفلخر قررو يبلغو فراس..بقات رؤيا هي وشامة واقفين كيتسناو حتا سمعات رؤيا فراس كيعيطلها بصوت باين فيه الغضب..دارت وشافتو واقف حدا باب الفيلا حاط يدو فجيبو وشيرلها باش تجي عندو وهو عاقد حجبانو..تقدمات جيهتو حشمانة وكتلف الشوفة فيه كان لابس سروال كيطمة خفيف فالباج مع تيشورط لاصقة فالقهوي ولكلاكيط فرجلو وشعرو مزال فازك..ما حساتش براسها الا وهي كدقق لأول مرة فكل تفاصيلو..وقفات قدامو ما كاتشوفش فيه حناكها حومر غير بوحدهم ويديها كيرجفو قابطة بيهم الصاك الطويل وشعرها كيديها ويجيبو ريح بشوية
فراس:وعلاش ما جيتيش علمتيني..ياك هضرت معاك قبيلة وقلنا داك الباب ما تعتبيه غير بشواري
رؤيا:اوووف..وصافي ما تزيدشي فيه
فراس:راه غانجمعها مع طاسيلتك ونوريك اوف
رؤيا:(بعصبية)شني دابا اتخليني نخرج ولا لا😠
فراس:(طلعها وهبطها)وباغة تخرجيلي بهاد الحالة
رؤيا:(شافت فراسها)علاش شعندا حالتي!!
فراس:دوك الدرعين لمن معرياهم
رؤيا:ايوا صاااافي والله حتا عيقتي يانا من ديما هذا هو لباسي
فراس:هادشي من زمااان اما دابا شكل خور..الا بغيتي تخرجي اتغطي عليا يديك وهاد المرة تكوني خارجة ما ترشيش لعطر
رؤيا:(خنزرات)لبسني النقاب نتينا حسن
فراس:(حط يدو على خصرها وقربها منو وخشى وجهو فعنقها)ما كرهتش ااخخخ باغي نخبيك على كلشي
رؤيا:اواعدي بعد شكاتعمل(بعداتو)شعندك تفليبيتي فعقلك ما تبقاشي تقرب مني!
فراس:ههه ماشي بخاطرك احبيبة..مراتي وحلالي وحتا حد ما يقدر يهضر(غميزة)
رؤيا:(توترات)يانا ماشة..بالسلامة
فراس:(شدها من دراعها)فين غادة بربي لا عتبتيها حتا تغطي عليا هادشي
رؤيا:(كتغبن)اننهنن وا ما فيا لي يطلع والبنت كتسناني صافي مرة ياخرا ونعمل حسابي يله هان..
فراس:(جرها)اجي ما عندك فين تمشي ما حلفتش بيك..وقفي نشوف
دار فراس قرب من الباب عيط على وحدة من الخدامات هضر معاها ورجع وقف قدامها رؤيا كيضحك وهي مخنزرة ما كتشوفش فيه..رجعات الخدامة وهي هازة فيديها ريبيكا بيضة طويلة فايتة النص بشوية لبساتها رؤيا وهي كتنتر وقلبات الدورة غادة وهو يجرها عاود
رؤيا:(بغضب)شني باغي عاود
فراس:هاكي هادي اتحتاجوها(مدلها كارط بونكير)
رؤيا:لا ما يحتاجشي عندي فل..
فراس:(قاطعها)شدي بلا ما نعاود الهضرة..ولكود هو****(قبطاتها كتخشيها فالصاك)الشيفور ايديكم ويجيبكم وايمشيو معاكم لي كارد..وهاا وذني منك راه اي حاجة درتوها اتوصلني بلااا ما تخليني نمنع عليك حتا لخروج هاد المرة
خلقت له الجزء الثامن
محتوى القصة
التنقل بين الأجزاء