خلقت له الجزء التاسع

من تأليف أسماء أديب
2018

محتوى القصة

رواية خلقت له

بعدات عليه رؤيا خلاتو كيضحك وهي دارت حشمانة وحانية الراس ما هضرات ما تكلمات حدها وصلات عند شامة لي كتنغزها وتبسم وهي تخنزر فيها باش تجمع..بقى فراس متبعها حتا تحركات بيهم الطوموبيل وتبعوهم زوج سيارات من اللور ورجع دخل
وصلو للمدينة وهبطو كيدورو ويضحكو والرجال من موراهم وقدامهم حتا حد ما يقدر يقرب منهم شراو لي بغاوها وكلاو لي تشاهاتها نفوسهم ودوزو النهار كلو برا حتا تعاشات لعشية ورجعو فحالهم..
دخلو للفيلا ناشطات كان السكات وصوت التلفازة لي كيتسمع فالصالة دخلو على رقية لقاوها جالسة بوحدها كتفرج وحطو الاكياس لي فيديهم وجلسو معاها..سولات رؤيا على فراس وخبراتها رقية بلي راه فالمكتب ديالو وعاد ارتاحت وطلعات لبيتها وتبعوها بالاكياس لي جابت..دخلات بدلات عليها لبسات بيجامة شورط فوق الركبة بشوية فالموف وطوب ديالو سميطات رمادي توضات وصلات النهار كلو وهبطات تتعشى..لقاتهم تجمعو على الطبلة وحتا فراس معاهم..غير شافتو وهي تلون وشداتها الخلعة..جلسات قبالتو فالطبلة وهو يغمزها وصردلها بوسة فلهوا بلا ما يشوفوه وهي حنات راسها كتشوف فالطبسيل وتلعب فالسنسلة لي فعنقها..تحط لعشا وحيت رؤيا وشامة ورقية مولفين بالاجواء الشعبية فموالفين كيهضرو ويضحكو فوسط الماكلة عكس فراس لي ما كيهضرش فمرة حتا كيسالي..سالاو وناضت شامة مهدودة طلعات تنعس وتبعاتها رؤيا بغى فراس يتبعها وهي توقفو رقية
رقية:فراس تسنا اولدي
فراس:احم وي
رقية:مزال حلئك مبحوح
فراس:شوية دابا يرجع كيما كان عادي
رقية:لا اولدي ما تخليهش هاكاك..تسنا هنايا هانا انجيبلك واحد الدواء ايسرحولك
فراس:لا بلاش ايما غير خلي..
رقية:ما كنتشاورش معاك..اتشرب الدواء هي اتشربو..ما طلعش هانا جاية
فراس:(تنهد)اوك 
مشات رقية للكوزينة ورجعات هازة فيديها كاس فيه مشروب حطاتو لفراس على الطبلة
رقية:يله شرب..هذا مخير للصوت كيرجعو سانك سانك ههه صوتك ايرجع كيزعزع هه شرب شرب وئول يما رئية ئالت 
فراس:ههه
هزو كيشرب منو شوية جاه حار وحطو
فراس:كح كح حار احححم احم
رقية:وا غير شرب وبركة من لفشوش..واخة حار ولكن مجهد
فراس:(باستغراب)كيفاش؟
رقية:ههه زعما بغيت نئول دئة ببطلة..كيسرح الصدر والحلئ ويرجعو كيفنفن..المرحوم الله يرحمو كان حتا هو غير كيعيا مرة مرة كيشربو وكيرجع فحال العود..غير كيديماري ما كيئدرش يفراني حتا كيسمعو صوتو منييين ولين..اييييه يا ليام الله يرحمك الحاج(تنهدات)
فراس:هه كيديماري؟؟
رقية:هه زعما فاش كيبدى يهضر ما كيبغيش يسكت كيبئى لوك لوك حتا كيصبح الحال هههه
فراس:اااه..الله يرحمو
رقية:امين..وشرب دابا ئبل ما يبرد شرب
فراس:اححم واخة
غمض فراس عينو وهبط عليه دقة وحدة ورقية كتشوف فيه وتضحك حتا حط الكاس 
رقية:بالصحة اولدي
فراس:هههه الله يعطيك الصحة
رقية:يله الله يبيتك فراحة الله هههه
فراس:امين تصبحي على خير
ناض وقف باسلها راسها وهي ناضت غادة كضحك وتفرنس ودعي فنفسها حتا دخلات للببت
دخل فراس لبيتو لقى رؤيا خارجة من الحمام من بعد ما غسلات فمها وتبسملها وهي دارت راسها ما شافتوش وقلبات وجهها غادة جيهة الاكياس لي جابت
فراس:(تكى على الحيط مربع يدو)هه كي دوزتي نهارك بلا بيا هاه
رؤيا:(عاطياه بالظهر كتقلب فالاكياس)داز واعر والله شبعنا ضحك يانا وشامة مسخوطة هاديك..لي بغى يفوج يخرج معاها ههه
فراس:ايوا بصحتك..انا بعدا دازلي النهار فالصو
رؤيا:علاش؟شني وقع؟
فراس:ههه حيت دوزتو بعيد على حبيبتي هه
رؤيا:(قلبات وجهها كتبسم بشوية)احم 
فراس:هه شنو شريتي وريني نشوف!
رؤيا:ماشي شي حاجة غير تخربيق..حوايج وصافي
فراس:واري نشوفهم
رؤيا:هانتينا شريت هادي
بقات كتهز وتحط وتوريه وهو بالو غير مع حركاتها
فراس:بالصحة الالة
رؤيا:الله يعطيك الصحة هه
فراس:وشنو فهذا؟
رؤيا:(نتراتلو الكيس من يدو)ههه هذا والو..ما فيه والو
فراس:كيفاش ما فيه والو..اري نشوف هه
رؤيا:لا لا ما تشوفشي
فراس:(علا حاجبو)وعلاش؟
رؤيا:حح..حيت..اوف هايداك وصافي 
عطاتو بالظهر باغة تخبع الكيس فلبلاكار وهو يتبعها دور يدو على كرشها بغى يخطفلها الكيس وهي تزير عليه وبقات كتجابد هي وياه عليه هي مطوية مزيرة عليه جيهة كرشها وهو شادها من اللور كيتعافر باش يزولولها
فراس:هههه وريني شنو مخبية فيه
رؤيا:ولااااا..والله لا خذيتيه..زوااال
فراس:بربي حتا نعرف شنو فيه ما ناعسش انا هاد ليلة حتا نعرف ههه اححح قصحتيني بظفارك
رؤيا:حو فيك نتينا فتشتي عليها..ااااي اوووف رخي راه انعضك رخي حسن لك
فراس:واخة ماشي غير تعضي ما نمشي حتا نعرف
بقات هيا وياه جبد من هنا جبد من لهيه وكيتغاوتو فلبيت وهو لاصق فيها حاكملها يديها حتا قطعوه من واحد الجيهة وطاحو منو دوبياس فالاحمر قاتم مجموعين بتيكي واحدة..رؤيا غير شافتهم تكوانسات ورجعات حمراء اكثر منهم اما فراس طلق منها وبعد عليها كيضحك
فراس:ههههههه هادشي لي مخبية ههه وعلاش ما باغانيش نشوفهم كتحشمي زعما هههه

حنى فراس هزهوم وقابلهم مع وجهها كيضحك وهي غطرطق وشادة الكيس فيديها
فراس:عندك الذوق هههه لحمر ايجي معاك واعر ههههه(قبطهم فيديه كيقلبهم وينشرهم قدامها)اممم والدونتيل تاء ما عندي ما نسالك عهههههههه
رؤيا:(نتراتهملو)كون تحشم بركة من لبسالة اوف
فراس:(وقف فطريقها)اري نشوف الالوان لوخرا
رؤيا:(دفعاتو)فراااااس بعد صافي..ما عندك ما تشوف..مقزدر ياخور
فراس:ههههه اه مقزدر غير اري نشوف..وا اري
رؤيا:فرااااااس 
فراس:هههه عيووون فراس روح فرااس ههه(قرصها من حنكها)يخليلي لحشومية ديالي ههههه
رؤيا:صافي زول مني
فراس:(كيعيبها)صافي زول مني ههههه بلحق والله حتا يصرعوك مع نتي دابا حشمانة وحميمرة ههههه ما نقولكش احححح
رؤيا:😳
فراس:ههههه صافي صافي عنداك طرطقي افريزتي البزوزة ههههه
رؤيا:(ضربات رجليها مع الارض)اووووووووف عيقتي والله..بعد مني خليني معصبة غير مع شراوطي 
فراس:ما تسوطيييش البزوزة ههههه
دازت فيه ورمات الكيس فلبلاكار وزدحات الباب ودخلات ففراشها وشعلات التلفازة قالبة وجهها
خلاها فراس ودخل للحمام كيضحك غسل فمو وخرج وابتسامتو واصلة لوذنيه لقاها كيما خلاها كتفرج فمسلسلها كالعادة وحاطة قدامها طرف حلوى كريم كتاكل منو..علات عينيها فيه وقلباتهم للفوق كترمش وتخنزر وخشات وجهها فالطبسيل كتاكل..ترمى حداها على جنبو بالجهد حتا تبونبا لفراش
فراس:ما ذوقيناش معاك هه
رؤيا:(بحدة)لا
فراس:هههه وعلاش المسمومة
رؤيا:هايداك..هادي كياكلوها غير البازوزات فحالي(ابتسامة صفراء)
فراس:ههههه ومالهم البازوزات فحالك ههه
رؤيا:(كتشوف فالتلفازة وتاكل)شوف نتينا!
فراس:(كيدوز يدو على دراعها)ههه نتي ما كاينش فحالك ههه نتي بزوزة حلوة(باسها بنعومة فدراعها)
رؤيا:(بعدات يديها وهزات بيها الحلوة كلاتها)اححم 
فراس:هههه نصاب كون كانو كاع لبنات فحالك هاكة 
رؤيا:(دورات وجهها بالزربة شافت فيه)وشني بغيتي نتينا بلبنات كاملين!
فراس:ههههه واالو ما بغيت حتا حاجة عندي لي معوضاني على بنات الكون كلهم
رؤيا:اممم مزيان
قلبات وجهها كتفرج وهو حداها مجبد..جاه الصهد وزول عليه التيشورط رماه فالارض..ورجع تكى معبس وهي حداه ساكتة ما باغاش تجبد معاه شي حوار ويحشمها عاود..مد يدو وهز تيليكوموند حداه فوق لكوافوز وزاد فلكليما..حس براسو غادي وكيسخن ولعرق كيقطر منو وبدى كينهج قلب عينو شاف فرؤيا ورجع ناض فلبلاصة دخل للحمام دوش بالماء بارد ورجع خرج لابس شورط أسود..شاف جيهة رؤيا كانت جالسة كتاكل مربعة رجليها وطالقة شعرها وجنب فمها طلس بلاكريم ودوزات لسانها عليه كتلحسو..قلب عينو بالزربة خرج للبالكون كيدوز يدو على صدرو وعنقو ووجهو وكيسوط غادي جاي حاس براسو غيطرطق و حالتو غير ما كتزيد تسوء..حتا سمع رؤيا ودار عندها
رؤيا:فراس؟واش صافا؟ شعندك؟(شافتو عرقان وقربات حطات يديها على جبهتو)شعندك سخون هايدا
فراس:(بعد يدها بالزربة وعطاها بالظهر)لا والو والو غير دخلي فحالك
رؤيا:لا تسنا هانا انجيبلك الدواء
فراس:(بعصبية)لا ما خصني والو غير خليني
دخل للبيت وجلس فوق الناموسية حاط يديه بين راسو
فراس:اووووووف
رؤيا:شرب هذا هاك
فراس:رؤيا خليني عليك
رؤيا:شمن نخليك..شو حالتك كيف عاملة والسخانة فيك..شرب شرب قبل لا يتزاد عليك لحال
فراس:(شد منها وشرب بالزربة وحط الكاس)
رؤيا:ما فهمتشي شني وقعلك عاد دابا كنتي صحة سلام
فراس:الصمت
رؤيا:تكى باش ترتاح
فراس:(كينهج)رؤياااا بعدي مني وخليني هاد الساعة
رؤيا:شو يانا طبيبة سمعتي وعارفة مصلاحتك ياك قلتي قبايلة باغيني نهتم بيك وخليني دابا نعمل شغلي يله تكى(شداتو من دراعو كدفعو باش ينعس)
فراس:اوووووه 
رؤيا:(حطات يديها بزوج على كتافو كدفعو)وااا نعاااس بركة من لفشوش وحلت غير في..
جبدها فراس لعندو على غفلة وتكى وجات فوق منو وحط فمو على فمها كيبوسها بقوة وكينهج وصدرو عرقان..غمضات عينيها مزيراهم وكتحاول تبعدو..ورجع قلبها تحتو..شاف فيها مخلوعة تحت منو 
فراس:سمحيلي
ورجع طاح على فمها كيبوس ويعض ويمص ملهووووف عليها وهي كتحاول تبعدو ولكن كان اقوى منها..حتا بعد على فمها وهبط لعنقها كيمص ويبوس فيه بلهفة 
رؤيا:فرااس اننهنهن شني كتعمل فراس لا اااه فرااس
فراس:ما قدرتش اااه ما قدرتش
رؤيا:ماشي دابا لا انههئ عافاك(باسها فنقطة ضعفها حدا وذنيها وهي تبورش)ااااه لا عافاك
فراس:(كيبوسها فعنقها وهابط فوسط صدرها)صبري معايا اااااه ماشي لخاطري
رؤيا:لاا بعد بعااااد انهنهنن اااااي كرشي
فراس:الصمت كيبوس ويعاود خشا يدو تحت الطوب كيدوزها على كرشها وطالع
رؤيا:اي اااي لاااا زول اننهنهن 
فراس:(بعد عليها وحط جبهتو على جبهتها كينهج)عافاك اوووف صبري معايا..قلتلك بعدي ما بغيتيش..ما قدرتش عافاك صبري معايا احبيبة..عافاك..ما قدرتش ما قدرتش اوووووف..
رجع حط فمو على فمها كيبوسها وهي شوية تبعد منو شوية تجاوب معاه بلا هواها..زولها طوب وبقى كيبوس فيها بقوة حتا تسمعات صرختها فلبيت وهو يبعد عليها 
رؤيا:ااااااااااااااااااي هئ هئ انننهئ

رؤيا:(حاطة يديها على كرشها)اااااااااي انههئ
فراس:(كينهج ومكالي بيديه فوق منها)مالك..مالها كرشك؟
رؤيا:اههنهئ كضرني ااي اووف نوض عليا نوووض اااااه اربي
فراس:اووووف..(دوز يدو على وجهو بالزربة)باش كضرك واش ثقلت عليك؟..قلتلك صبري معايا(كيسوط)
رؤيا:ولااااا نوووض من عليا اهههنهئ ما تحادينيشي اااي كرشي
فراس:(ناض من فوقها)تفوووووو الزبل مااالها كرشك مااالها😡
رؤيا:واااا فيااااا انننهنهئ
فراس:(بنرفزة)شنو فيك!
رؤيا:فيا ليغيييكل اهههنههئ اااااااه كرشي ايمااا اوووف
فراس:شنوووووو!!..ليغيكل؟؟(قلب وجهو معصب وضرب رجلو لبلاكار)تفووووو على ليلة...الله ينعل للل...اوووووف..فوقاش جاتك هاد لخرى!
رؤيا:(مطوية وكتلوى)انهنهنن قبايلة
فراس:(بعصبية)وعلااااش ما هضرتيش من اللول..علاش مخلياني حتا تفوووو
رؤيا:وااا ما تهضرنيشي انههن عييت نقولك بعد ما بغيتيشي ااااي اووف كنتقطع اربي ااااي
فراس:(حط يدو على عنقو وهبط راسو كيتنفس)اوووف اوف اوووف..اوك ششش صبري شوية هانا جاي
خرج فراس عرقان كيقطر وكينهج وعينيه حومر حالهم بزز حاس براسو شوية وغيطرطق ومصبر راسو غير بزز..وصل لبيت رقية دق عليها بالجهد مرة وزوج وهي تخرج عندو مخلوعة..طلعات فيه وهبطات وحشمات من راسها وهو واقف عليها لابس غير الشورط وبلحفا وكلشي فيه منفوخ
رقية:اا..فراس!!ياك لباس مالك؟
فراس:اجي معايا شوفي رؤيا بالزربة يله
لاحلها هاد زوج تلكلمات ورجع قلب الدورة للبيت وهو ساخط ولي داز من حداها يشعطها برجلو
رقية:(بخوف ضربات وجهها وتبعاتو كتعتر فرجليها وتمتم)😱امووووولاي دغيس الشريف فركعها..اويييلي ئتل البنت..اوييلي وشدرتي يا رئية عاطياه غراف على ئدو اويلي ياااا ويلي على مصيبتي..واش المئلوبة داك رابعة داللحم لي كنتي مزوجة بيه هو فراس..هذا ايكون طرطئ البنت ما فيهاش
دخلات رقية وهي صفراء لقاتو واقف فوق راس رؤيا غادي جاي كيغلي وكيحك فراسو وفحجرو وعاقد حجباانو مزياااان ورؤيا ملوية فوق لفراش غير بالسوتيان والشورط..وجرات عند رؤيا كتقلب فيها
رقية:اويلي مالها😨
فراس:(بنرفزة)فيها الدورة عطيها شي حاجة تهدن عليها لحريق اووف انا انهبط لتحت تهلاي فيها اوك ما تخليهاش بوحدها
خرج فراس هبط كيجري ودخل للصالة دالرياضة..كيهز ويحط وكيفورصي على راسو ومعصصصصب وكل شوية يكب عليه قرعة دالماء وكيقرى القرآن فنفسو وكيحاول يهدن راسو ويخرج طاقتو فالسبور ويخرج من الحالة لي وصلها
رقية من بعد ما خرج فراس حطات يديها على فمها كتشوف فرؤيا لي كتلوى وجارة عليها لفراش ساترة راسها من لفوق
رقية:الله اكبر على الزغبي..نويتو طرطئك ساعة صدق هو لي طرطئ
رؤيا:اننهنهن اربيي كرشييي امممم اااااي 
رقية:(تنهدات)صبر هانا انجيبلك شي كاس دلحليب بالئرفة
رؤيا:امممم اااااي انننهنهنهئ 
هبطات رقية بالزربة ورجعات هازة كاس فيه لحليب بالقرفة..جلساتها وبانت لابسة غير سوتيان من الفوق وشعرها مريش وهي تبدى دور فراسها..قداتها ولباستها طوب ديالها و مداتلها لكاس شداتو كترجف وبدات تجغم منو بشوية مخيبة سيفتها
رقية:نتين ما لئات هاد الموصيبة فوئاش تجيك كون تسنات حتا لغذا شنو كان ايطرا
رؤيا:ما قدراتش تجاوبها بسبب الحشمة ولحريق لي غالبها
رقية:شرب دابا شرب..حتا لغذا ويصبح ويفتح اووووف..ليلة كحلة زحلة هادي الله يعطيني لئطيعة على هاد الفعلة
رؤيا شربات شوية وحسات بالردة وناضت كتجري لطواليط كتقيا ورجعات كتلوى بشوية عليها وترمات على النانوسية ورقية كدور بيها..غطاتها مزيان وبقات معاها كتقرى عليها حتا بدى لحريق يفوتها وغمضات عينيها نعسات..خلاتها وهبطات كتقلب على فراس وتمتم بوحدها..لقاتو فالجيم كيضرب فكيس ملاكمة وكيغوت ويرجع يهز الاثقال وملو كيقطر بلعرق وشعرو سارد على عينيه وجبهتو لي مكمشة وحجبانو لي عاقدهم..كان هايج وربي لي عالم بيه وفالاخير شاف حتا عيا ورمى راسو فلبيسين كيعوم بقوة الحر لي فيه..
ما عرفات ما ديرلو من غير انها تدعي معاه بالصبر وصافي ومشات لبيتها شاداها لفقصة
من بعد المجهود لكبير لي بدلو فالرياضة والعومان لساعااات وساعات حتا أذن لفجر حس براسو برد وطلع لبيتو دخل للحمام حاس بذاتو مهدودة وراسو ايطرطق..دخل للحمام كاعي عمرو وصلات بيه حتا لهاد الدرجة حس براسو واحد مكبوت وما حملش راسو وهو كيتفكر رؤيا لي كترغبو يبعد عليها وهي كتوجع وهو مغيب..دوش وخرج لبس ملابس داخلية مع شورط موطارد وخرج طاح فوق الناموسية على طولتو وعينيه ذااابلين..دار شاف فيها كانت ناعسة مكمشة وحاطة يديها على كرشها شاف ففمها مجروح وقرب باسها من حنكها وجرها عندو ونعس

أصبح الصباح وناضت رؤيا من النعاس كتحس بيد دايرة على خصرها ونفس كضرب فوجهها علات عينيها كتحكهم وهي تشوفو ناعس خاشي وجهو فوجهها..تلفات وبعدات وجهها عليه مستغربة عمرها ناضت ولقاتو مزال ناعس ديما كتلقاه فاق قبل منها..سهات فيه لوهلة وهزات يديها بغات تحطها على حنكو وهي تفكر ليلة البارح ورجعات يدها كتسرط فريقها وبقات كتجاول تنوض وتفك من يديه..بقات كتقلب وتشقلب حتا رجعات عاطياه بالظهر وبدات كتبعد من بين يديه شوية بشوية
فراس لي كان ناعس ما قدرش يفيق بكري من بعد لي وقع البارح..فاق على تحركاتها وحل نص عين شافها مخرجة عينيها فالسقف وكتجر راسها تبعد عليه..تنهد بضيق ورجع زير عليها

جرها عندو وقرب من وذنيها
فراس:(بصوت ناعس)صباح الخير
رؤيا:(بخوف)اا..صصباح النور هه 
بغات تنوض وهو يزير عليها وطلع فوق منها خشى وجهو فعنقها وهي كتشطح القعدة تحت منو
فراس:سمحيلي(تنهد)..البارح ما عرفتش شنو وقعلي.. ما كانش لخاطري..سمحيلي احبيبة!
رؤيا:اححم هه الله يسامح كتوقع هه يله خليني نوض
فراس:(هز راسو كيشوف فعينيها الخيفانين)ما باغيكش تخافي مني ارؤيا..وهاد المرة غير تشوفيني فديك الحالة ما تقربيش مني..عييت نقولك بعدي ونتي راسك قاصح
رؤيا:هه ما نعاودشي غير خليني نوض دابا
بعد عليها وانساحبات من بين يديه قادات حوايجها وناضت..حطات يديها على يد باب لحمام وهي تحس بيه دور يدو على كرشها وحط وجهو على كتفها
رؤيا:ااا..ف
فراس:حطي فراسك بلي ما انقربلك الا ونتي قابلة..حتا حاجة ما اتكون بزز منك..اوك 
رؤيا:اممم(حركات راسها بالايجاب)
فراس:كنبغيك(باسها فكتفها)هه كيصبحات لكريشة(دور يدو على كرشها) 
رؤيا:(حمارت)ممم..مزيانة..(دفعاتو بلطف)احم خليني عليك دابا
دخلات للحمام حاطة يدها على قلبها ما عرفاتها خلعة ولا حاجة اخرى..تنفسات بعمق وقضات حاجتها وقادات مسائلها وقربات نلافابو باش تغسل يديها..علات عينيها فلمراية وهما يخرجو وتبعاتها بغوتة خلات فراس يدخل عندها كيجري..دفع الباب وشافها واقفة حاطة يديها على عنقها وكتخنصص ووقف عليها مخلوع وعينيه كيتفحصوها
فراس:مااالك..شنو واقع..شنو كيضرك؟
رؤيا:انننهنهن بعد مني اههئ شو شني عملتيلي انعنعنهننننن شو دقمي كي مجروح..وعنقي كلو طبايع اهههئ كي انعمل نخرج يانا هايدا شني ايقولو عليا اههن
فراس:بفففف..هادشي علاش غوتي هاد الغوتة كاملة
رؤيا:ونتينا سهلتيها زعما هاه(كتقلب عنقها)هيييه اواعدي على فضيحة..اننهنهن كون كنتي نتينا لي وقعلك هايدا ما اتقولشي نفس الهضرة اهههئنئ
فراس:(بخبث حط يدو على جنب فمها كيدوزها ببطء)هه ما كرهتش..اذا بغيتي ترجعيلي الصرف مرحبا(غميزة)المهم هو المساواة ههه
رؤيا:(شافت فيه مخنزرة)اهااااه قلتيلي المساواة..ايوا هاك(قمشاتو بظفارها فعنقو)
فراس:(بعد وجهو عليها وحط يدو على عنقو) اححححح اوووف..شنو درتي
وقف حداها كيشوف عنقو لي بانو فيه 4دالخبشات هابطين حومر قراب يسيلو بالدم
رؤيا:(بغضب)مزال ما عملت وااالو
هزات يدها باغة تزيد تقمشو وهو يشدهالها وبقات كتعافر وتنقز باش تفك منو
رؤيا:رخي يدي رخييي..بغيتي غير الصرف نرودوه فراس:لا ما معاناش لغش هه انا ما استعملتش ضفاري ههه
رؤيا:(كتنهج)كل شيء يجوز في الحب والحرب ابب..قرب نوريك قراااب
طلق من يديها فراس وخرج كيجري وتبعاتو حتا هي جري مورايا نجري موراك..ما خلاو ناموسية ولا بالكون وهو كيهربلها من قنت لقنت
فراس:ههههه يله هانا شديني
رؤيا:وقااااااف..والله لا بقات فيك
فراس:(طلع فوق الناموسية كيجري ونقز للجيهة لوخرا)لااااا ماشي بالضفار مسمومين هههه رديهالي بشنيفاتك لحلوين احححح ههه
رؤيا:اليوم نطلق فيك سمهم كامل وااااااع(تعكلات فلفراش وجات طايحة) 
فراس:ههههههه هي هاديك المسمومة زحفا زحفا فحال الحية هههه
رؤيا:(ناضت كتجري)هانا انوريك لحياي شكايعملو وقف هاااه(قمشاتو فظهرو)
فراس:احححح ههه وناري على قمشات عندك
رؤيا:مزال ما شفتي والو
وقفات فجيهة من الطبلة وهو فجيهة المقابلة كيدورو عليها..هي تجيه من هاد الجيهة يرجعلها لجيهة لوخرا..وهما كينهجو بزوج
فراس:هههه وصافي احياتي راه تصافينا
رؤيا:تصافينا ها ها لاااا مزااال اكبدي..علاش داك زوج شريطات هما هاد لبراقع لي عملتيلي
فراس:هههه ماشي براقع هادوك بووووسااااات اححح شحال كانو بنان ههههه
هربلها وطلع فوق كرسي وبرك على ضهرو برجليه هبط هو وياه ورجع هرب للحمام
رؤيا:واااااااااااع حبااااس(نقزات فوق نفس الكرسي)عاااا بيا ولا بيك..اليوم نشرطك
دخلات للحمام وهي تحس بالماء كيضرب فيها..كان فراس هاز رشاشة ومصوبها جيهتها
رؤيا:واااع شني كتعمل لااااا...ولااااا اتفزكني
فراس:هههه كندوش لحبيبتي ههه
رؤيا:(مكالية بيديها)فراااااااس انننههن صااافي
فراس:هههه ما قادة لا بحب لا بحرب دغيا نضتي تغبني ههه
رؤيا:(خنزرات فيه وجرات عندو كتنترلو الرشاشة من يدو)كتحداني زعما..انعععن رخيييي 
فراس:هههه ولااااا خوديها اذا قدرتي
بقاو كيتجارو عليها والماء كيرشهم حتا دورات وجهها ولقات دراعو قدامها وطارت عليه بعضة حتا طلق الرشاشة وبعد عليه كيشوف شوية دالدم نازل..وهي تهزها كترشو
فراس:اوووف..رصاااي ادراكولا هادوك سنان ولا مناشر 
رؤيا:هههه شفتي على حلاوة فيهم
فراس:(جرى جيهة الروبيني كيقطع الماء)اجي لمك لهنا انوريك لحلاوة(تبعها)
طلقات الرشاشة من يديها ودارت باغة تهرب منو وهي تزهق وجات طايحة على ظهرها وهو بغا يشدها وجا طايح فوق منها وكالا بيدو
رؤيا:اااااي ايما طهري انننهنهن
فراس:هههه هادو غير ذنوبي
رؤيا:ااااي(ضرباتو لصدرو)نوض عليا كنتي اتهرسني اعنعنعهئ
فراس:انننن هههه بركة من التبوحيط نتي لي قلبتي عليها

رؤيا:(بغضب)شكون لي جبد ياخور يانا ولا نتينا
فراس:نتي لي بديتي بلقميش القطيطة هههه
رؤيا:ونتينا لي بديتي بلبوسان المسعور 
فراس:هه وا لقميش شكل ولبوسان شكل ااااخور ههه دابا غير بيني وبينك ما جاكش حلوووو ههه كنتي كتقولي(كيعيبها)لا عافاك افراس لا اه اه ههههه وديك اه علاش
رؤيا:(حمارت)شش..شني كاتخور ما قلت والو يانا..راه نتينا كنتي مرفوع وجابلك بالك 
فراس:ههههه من ناحية كنت مرفوع فانا كنت مرفوووووع ههه بلحق ماشي حتا لدرجة ما نعقلش على شنو سمعت خصوووووصي ديك ااااه(غميزة)ههههه
رؤيا:😳شمن اه ولا اوهو شعندي فيا لوجع نوض عليا راك بديتي تخرف نوض علياااا
فراس:(رخى يدو وثقل عليها شوية)هههه ما نايضش
رؤيا:(بعصبية)نوض عليا افراس بركة من لبسالة اوووف راك ثقييل نوووض
فراس:احححح على فراس كي خارجة من فمك فحال الشهد كيقطررررر(باسها فعنقها بقوة)
رؤيا:اننننعننهن بعااااااااد بركة(قمشاتلو كتافو)
فراس:(بعد عليها مخنزر)رؤياااااااا😡
رؤيا:(بعصبية)فراااااس😡
شافت فيه وشاف فيها مخنزرين بزوج للحظات وفلخر غلبهم الضحك وبعد عليها فراس تكى فالارض كيضحك بشوية وهي كتكركر حداه
رؤيا:اووووف هههههه شو كيرجعنا ههه
فراس:ههه
رؤيا:هههه تقول كنا فحرب دبصح ههههه تبهدلنا ههه
فراس:ههه(حط يدو تحت راسو وتكى بالجنب كيشوف فيها وهي كضحك)
رؤيا:ههههه اواعدي رجعنا كنقطرو هههه
فراس:(تنهد)ههه ضحكتك زوينة بزاااف
رؤيا:هاه!..اا ههه شكرا..احم نوض يله خرج خليني نفوك حالتي
فراس:نوضي شكون شدك
رؤيا:حتا تخرج
فراس:وعلاش نخرج حتا انا باغي ندوش 
رؤيا:ايوا نزول عليا هادشي ودخل نتينا ديك الساع
فراس:لا انا الاول
رؤيا:لا يانا😡
فراس:هههه شفتي بلا ما تعصبي اجي نبقاو بزوج هاه؟😈
رؤيا:بناقص كاع..غير دوش(ناضت فحالها خارجة وهو يوقف شدها)
فراس:هههه صافي بلا ما تقلقي الالة..بدلي نتي اللولة غير كنضحك معاك..(حط يدو على كرشها)نخاف يضربك البرد(باسها فحنكها بلطف وضربلها نيفها بصبعو وخرج)
سد الباب وهي بقات حالة فمها وحطات يديها فلبلاصة لي باسها فيها كتبسم..وتبعاتو هزات حوايجها ودخلات..بدلات عليها وطرفات حالتها ولبسات عليها سروال دجين فلموف مع قميجة خفيفة بلا يدين طويلة ومحلولة من القدام والجناب فالأبيض وكولها طالع مغطي صدرها وعنقها وخرجات كتنشف شعرها بالفوطة تلاقى معاها فلباب تبسملها ورجعاتهالو ودخل
هزات سيشوار نشفات شعرها بيه ومشطاتو وخلاتو عادي ما سرحاتوش جاها على شكل بوكل خلاتو مطلوق ورشات عطرها وناضت قادات البيت من الروينة لي كانت فيه وهزات مبرد وصباغة فالغوز بيبي وربعات فوق الناموسية كتبرد رجليها ويديها..خرج فراس بعد مدة لابس سروال كيطمة اسود مع تيشورط فالازرق سماوي لقاها كتصبغ فرجليها وتلاح على الناموسية على جنبو وخربقها
رؤيا:اوووف شو شني عملتيلي دابا
فراس:ههه عاوديه
رؤيا شافت فيه بضيق وزفرات ورجعات قلبات وجهها كتمسح بالماء ولقطن وواحلة مع شعرها لي كيهبط على وجهها وهو كيشوف فيها كيتبسم..مد يدو وهزلها شعر بشوية ردولها مور وذنيها وهي مركزة كتقاد كل ظفر بالخاطر حتا سالاتهم
فراس:ههه جاوك زوينين
رؤيا:(بفرحة)بصاح ههه مزيون هاد اللون ياك
فراس:ههه رجيلاتك لي مزيونين 
رؤيا:ههه
سرحات رجليها وقلبات وجهها هزات مخدة حطاتها فوق حجرها وحطات عليها يديها ليسرية كتصبغها وفراس متبع معاها وكيلعلبلها فشعرها مرة مرة..سالاتها وشافت فيديها عاجباها وبقات كتسوط عليها شوية..رجعات حطات اليد لوخرى كتصبغها وكتلقى صعوبة معاها وكتبقى غير كتسوط
رؤيا:اوووف المرض
فراس:مالك
رؤيا:هاد اليد كتعذبني ما كنعرفشي نقادها بليسر
فراس:ههه تبقاي تمشي للبيوتي سونطر وصايبيهم او هما يجيو عندك لهنا بلا ما تحمقي راسك
رؤيا:ولاهيلا عندك الصح صافي عملتيهالي فبالي هههه اصلا يانا ما كنصبغشي ديما مااارة مرة
فراس:اممم غير فاش كتكوني ريكلي 
رؤيا:(عبسات فيه)
فراس:هههه 
حنات راسها كتقاد مركزة وهو كيتفرج فيها 
فراس:شعرك جاك زوين هاكة على طبيعتو
رؤيا:(بعفوية)بصح؟! يانا ما كيعجبنيشي..حتا وليد كان كيقولالي وما كنتيقوشي كنقول غير كيجاملني هه
فراس:(بغضب)شكون قولتي؟
رؤيا:وليد ل..امم(عضات على شفايفها وغمضات عينيها)
فراس:(جلس وشدها من دراعها مزير عليها)وااااا مااااااا تعاودييييييش تجبديييييه على فمك سمعتيييي..الواو واللام و الياء و الدال ما تعاودييييييش تجمعيهم فكلمة واحدة وإلا اتشوفي لي ما ايعجبكش
رؤيا:لا راه ما قصدتشي والله غير..
فراس:(تحت سنانو)مزااااالة كتفكري فيه هااه..مزال مابغيتي تحيديه من بالك يااااااااك(نتر يدو منها ووقف كيمشي ويجي)علاااااش مزالة ما نسيتيه علااااااش !!!واش باغاني حتا نقتلو عاد تنسااااااايه(قلب طبلة بفازها دالزاج حتا تهرسات)اعععععععع
رؤيا:(حلات عينيها لي كانت مزيرة عليهم)لا افراس غير سمعني راه والله ما ك..
فراس:(بلغوات)سكتييييييييييي 😡
شاف فيها مطولا كيسوط ومزير على قبضة يدو وهي كتشوف فيه وترمش حتا خرج وزدح موراه الباب بقوة....

رؤيا:تفووو المرض هرسو وتهنا..ما بغيتيشي تسمع شغلك هاداك..بنادم على سبة يييخ
هبطات راسها معصبة كتكمل يديها حتا سالات وناضت قادات وجهها بشوية دالماكياج ولبسات كلاكيط بيضة دالنايك وخرجات من البيت
هبطات لقات لفطور منزل فوق الطبلة وكتا واحد ما كاين شافت على جنابها باستغراب وجرات كرسي وجلسات كتفطر..بعد مرور دقائق حسات بيد تحطات على كتفها وشخص جلس حداها
رقية:صباح الخير
رؤيا:(بخجل)صباح النور..فطرتي؟
رقية:اه فطرت ئبايلة
رؤيا:ياااك وما تسنيتينيشي عقل فيها ههه
رقية:هه 12 هادي بئى شي فطور
رؤيا:12!ههه ما شوفتشي الساعة زيالي مزااالة شي 10
رقية:ههه
رؤيا:وفاينيا شامة؟
رقية:شامة مشات فالصبح لدار عزيزاك
رؤيا:ها وعلاااش..ومشات بلا ما تقولالي كون غير مشيت معاها حتا يانا نشوفوم
رقية:ايوا ما بغاتش تفيئك من النعاس ونتين تعطلتي..والا بغيتي تمشي لحئ عليها ها الشيفور يديك ئولها لراجلك وسير
رؤيا:اهمم راجلي..واخة دابا نقولالو
رقية:ما ئولتيليش كيبئى هو من لبارح
رؤيا:(بصدمة)هاه؟ااا علاش مالو البارح ما كان فيه والو
رفية:(كدور راسها)اممم ما كان فيه وااالو..وداك الفم والعنئ شكون بليساه وبرئعو انا؟
رؤيا:(بخجل)مم..ماشي هايداك غير..
رقية:بلا ما تبئى دخل وتخرج فلهضرة راني عااااارفة شنو كاين..دابا دخلنا عليك بالله ماشي لفئصة هاديك..ديك خيتي ما لئات امتى تجيك غير الباااارح..20 يوم وهو غابر ما جاتكش حتا نهار جا وشربتو داك لعجب عااااد ئالها مخها تجي..راه ئالوها المنحوس منحوس واخة يعلئولو فانوس
رؤيا:(بعدم فهم)كيفاش شربتيه..شنو شربتيه؟
رقية:(قربات منها)ايوا ماشي داك النهار لي ئولتيلي فراس مريض وما كيئدرش يهادي معاك ئولتلك انا انشوف الحل
رؤيا:ها؟!ااا..اه هه اه قولتيهالي
رقية:ايييوا من ديك النهار وانا كنفكر كيفاش نحل الموضوع..ئولت بلااا ما نخليوه يمشي لا لطبيب لا لسيدي زكري..جبت واحد الدواء دلعشوب مئوي مضمون ومجرب ولبارح عطيتولو على الله زعما يجيب الله الشفاء..بلحئ من زهرو وزهرك لعوج البارح وئع لي وئع..خلاوها ماليها زهر لملايح بالارض طايح وزهر لئبايح فالسما لايح
رؤيا:(بصدمة)كيييييفاش؟؟!!اواعدي قولي البارح وقعلو هايداك بسبة الدواء ديالك..هييييه اوااااعدييييي حفرت حفرة وكنت عنطيح فيها..وعلاش ما قولتيهاليشي قبل ايما؟
رقية:شغاانئولك راه ما سحابليش اتكون فيك الدم بلحئ من هادي ما نعاود..المرة الجاية حتا نئولهالك باش نتين تئاض وتريكل المسائل عاد ديك الساع نعطيوهلو ماشي حتا يوئعلو فحال البارح كان شوية ويموت حالتو كانت كتشفي لعدا
رؤيا:اوااااعدي علاش هي مزالة فيها المرة الجاية لاااا لااا..ما انعاودو نعطيواه وااالو صاافي
رقية:شنو وعلاش؟بغيتي نخليواه هاكاك..داك النهار جالسة تبكي عليه(كتعيبها)وانا راجلي ما نئدرشي نخليه وانا وانا ودابا كتئولي لا..احم هي ايييه راه البارح كان كيخلع ولكن راه غير انا لي فوتلو فلئياس وصافي عليها المرة الجاية..
رؤيا:(قاطعاتها)ولاااا ايما ما كايناشي مرة ياخرا..اححم حيت(كدور فعينيها)حيت فراس ما بقى فيه واالو رجع مزيان
رقية:كيفاش زعما واش؟
رؤيا:(بتوتر)ااا..اه داك النهار فاش جا من السفر اححم
رقية:(بفرح)بصااااح هههه لوووولو
رؤيا:(حطات يديها على فمها)شششش 
رقية:نسيت ههه يا فرحي وياسعدي بولدي.. بلحئ اجي كيفاش زعما ياك ئولتي مريض وحالتو صعيبة 
رؤيا:اا..هه دد..دابا يانا ما كنتشي فاهمة مزيان دابا هو ديك الايام كان اا..اااااه كان عيان فهمتي ومع الخدمة كانت شاغلاه بزاااف وكانو عندو شوية دالمشاكيل فيها عليها كان مرون وصافي ههه
رقية:ايييوا شفتيي ونتين جالسة تئولي نئولوها لفلان وعلان كون راحنا كبرنا الجرة ودرنا الشوهة من وااااااالو والسيد صدئ صحيح فصيح ما فيه حتاااا عيب..(بفخر)راه انا ئوووولتلك ما يمكنش..راه ولدي ومربياه على يدي وعاااارفة شنو تما
رؤيا:ههه(بهمس)لاهلا يوريك شنو تما
رقية:وعلاش ما ئولتيهاليش خليتيني كنت انئتل الراجل
رؤيا:هاه؟..غير نسيت وصافي
رقبة:امممم نسيتييي ههه ئولي حشمتي(حطات يديها على فمها كضحك)هههه
رؤيا:ههه
رقية:هههه فكرتني فياامي..كان غير كيدوز مولاي اسماعيل من حدايا كتلئاني كنتخشى فحوايجي ههههه ما كنئدرش حتا نشوف فيه وسط الناس هههه(حطات الشال على النص فوجهها كضحك)
رؤيا:هههه
رقية:هههه
تعالت اصوات ضحاكتهم فوسط قاعة الاكل وهما ما منتابهينش للشخص الثالث لي معاهم ولي سمعهم وحضر على لكلام كامل..بركان هايج خاصو غير ينفاجر..كيشوف فرؤيا لي كضحك وعينيه الحومر فحال نقطة الدم كيطير منها الشرار عروق جسمو تنفخو ودمو كيفور..وجهو حمار وعراق وهو مزير على الفك ديالو وعاض على سنانو.. عمرو حس بالإهانة فحياتو حتا حس بيها دابا ومن الإنسانة لي دخلها لقلبو..مساتو فرجولتو وكبريائو..ووصلاتها بيه للحد ما تخيلش أن كرهها ليه يوصل حتا لهاد الدرجة
فراس:(بغضب)رؤياااااااااااااااااااااااااا😡

بعد صوت فراس لي تسمع الصدى ديالو فأرجاء الفيلا وزعزع كيانها..ساد الصمت وصوت الضحكات ديالهم حبس فقط النظرات لي كيعبرو رؤيا لي كانت كتشوف فيه بصدمة وخوف فنفس الوقت ما قادراش تحرك من بلاصتها ورقية لي لا تقل عنها عرفات القضية حامضة غير من شكلو لي ما كيوحيش بالخير ابدا..أما فراس فكانت نظراتو الغاضبة مركزة غير على رؤيا..
رؤيا:(برجفة)فف..فراس!
فراس:(بصوت حاد وهو كيقرب بالزربة)اااااااه فرااااس..فرااااس لي كضحكي علييييه مور ظهرو😡(شدها من درعها وزير عليها كيجر فيها جيهة الدروج)اليوووووم نقبر طاسيلة لي حطوك ونورييييك الرجاااال شكيسوااااااو
رؤيا:ففراس سس..سمعني
رقية:(وقفاتلو فالطريق)وو..ولدي نعل الشيطان ما تخليهش يدخل بيناتكم و..
فراس:يماااا حيدي من قداااامي ما دخليييش حسن ليييك(جر رؤيا موراه ورقية تابعاه كتشدو)
رقية:لواه اولدي شو..
فراس:(بنظرة قاصحة)يمااااااااااا
وقفات رقية كتسرط فريقها وكترعد خيفانة ورجعات تبعاتو طالعة وكدعي 
رقية:الله يا ربي الله..ياااا ربي تستر يا ربي
طلع فراس كيجر فيها وهي درجة تخلفها ودرجة طيح فيها وكترعد وهو حاكمها من دراعها ما كيهضرش
رؤيا:فراس سمعني راه ماشي كي فهمتي يانا نشرحلك فرااس انهنهنن اااي بشوية..فراس وقف نهضرو اههننههئ
فراس:الصمت
وصل لبيتهم وفتح الباب بالجهد ودفعها قدامو دخلات جات طايحة على وجهها ودارت كتشوف فيه وهو كيطرق الباب وجاي عندها 
رؤيا:ففراس خلينا نهضرو غير سمعني راه..
فراس:😡شششش ما باغي نسمع منك واااااالو..دوي الكلبة رديتيني ماشي راجل هاااااه(ضرب الماكياج والعطور لي كانت فوق الكوافوز هرسهم)علااااااش ماشي راجل حيت ماشديتش الكلبة دمك من النهار لول ونعست معااااااك بزز منك يااااك..دويييييي الموووسخة 
رؤيا:(بغضب)احتااااارم رااااااسك هاااااادي لي كتقول عليها موسخة بزااااف عل..
فراس:(طرشها بقوة وقبطها من شعرها)سكتيييييييييي..قطعي حسك ما نسمعوووووش مزاالة زايداها بحلان الفم هاااااه😡(رماها فوق الناموسية)
رؤيا:واااا بعااااد منيييي اهنههئ ما تبقااااشي تمد يديك عليااا..نتيييناا لي خليتيني نقول لي قلتوووو نتينا لي وصلتيني نديك النقطة اههههئ بسباااابك وقع هادشي كامل
فراس:بسباااابي هههه
دوز يدو على وجهو بعصبية ودار كيهرس فالبيت وفأثاثو لي جات فيدو كيشير بيها كراسى فيزان اباجورات وكيغوت ربي لي خلقو..
فراس:بسبااااااابي حييييت ما نعستش معاااك هااااااا؟..بسبااااابي حيث مااا تمرجلتش عليييييك..كنتي باغة لي يغتصبك دوييييي!! كنتي باااغااني ندير شرع يدي فييييك هاديك هي الرجلة عندااااك..جااااالسة كتحلي علياااا فمك لموسخ الكلبة
رؤيا:(مكمشة فراس الناموسية وحاطة يديها على وذنيها)اننهنهن اههههئ
فراس:(قرب منها بالزربة من بعد ما شقلب البيت وحط يدو على راس الناموسية فوق منها كيزعزها وعينيه خارجين فيها)كتبكي هاااه..كتبكي!..كنتي باغة تشوهيني الحماااارة..مااااااشي فراااااس لي يتشوه سمعتييييي..ماشي فرااااس..لمن قولتيها عاود لماااااان هضرييييي😡
رؤيا:اعععنهنئ ححح..حتا و..احد غير ي..ما اهههئ 
فراس:ههه وانا كنقول مالي البارح..وجااااي كنطلب منك السماااااحة ههه..ساعة طلع كووووولشي من تحت راسك دوي لز*** لي حطك
رقية:(من مور لباب كدق وتعاود)فراس حااال اولدييي حااال اتئتلها حاااال فراااس
رؤيا:ب..عد منيي اهههنهنئ يانا ما..كنتشي عع..ارفة اععنهنئ
فراس:(زيرلها على الفك ديالها وقابل وجهها مع وجهو)لمك درتلك شااااااااان ساعة صدقتي غير كلبة ما كتسواايش جاااااالسة تلعبي مور ظهري..شنووو قايلة من غير هادشي شنوووو..هضريييي
رؤيا:(حاطة يديها على يدو كتزولها وهو مزير عليها)اننهنهئ ااااي وو..الو 
فراس:(كينهج)شنو دابا هااااه..نغتصب والديك باش تحسي بالرجلة لي باغة!! ولا نقتلك فهاد البيت ونتهنااا همم!!بغيتيني نطلعو مع وااالديك الكلب ونوريك واااااش راجل ولا لا هممم(دفع وجهها وشاف فيها كينهج ودوز يدو على وجهو بعصبية)ولكن لاااا ما انديرهاااااش..ماااا انديرهااااش...عرفتي علاااااش حييييت رااااجل..سمعتييي رااااااجل..كون ما كنتش راااجل كنت غااادي نفركعلك الواااالدة هنا ونصفيلك دمك ونوريييك..وحييييت رااااجل ما انديييرش فعااايل شمايت ونجبدولك نورييييك واااش رااااجل ولا لا..حيت رااااااااجل بزز منك ومن مليوووون وحدة بحااااااااالك(ضرب يدو للراس دالناموسية)..ولكن ما انفوتهااالكش..ما غاديش ندوزهاااااالك..مااااشي فراس لي يخلي لي يسوا ولي ما يسواااااش يهضر عليييه..من اليوم انوريك لفاص لااااخور انعلمك كييييفاش كتكوووون الرجلة الكلبة😡
رؤيا:حيواااان جمع دقمك انهنهن
فراس شدلها راسها بين يديه كيديه ويجيبو يد تحت عنقها ويد فوق فمها مسكتها ومزير على فمها حتا خرجو عينيها
فراس:وااااااا سكتييييي رااااه انقتلاااااااك(كيسوط)سكتييي راني بزز باااش شاااااد راسي عليييك...سكتيييييييي(دفعها ودار كيمشي ويجي ويزدح فلبيبان دلبلاكار ويغوت)
فراس:اععععععع..بلحق اااانا ليييي حمااار...اناااا لي نستاااهل حيت ضسرت وحدة ما تسواش فحااااالك علياااا..
وقف قدامها صدرو كيطلع ويهبط بسرعة وعينيه حووومر وهو كيغلي وكيتحلف عليها ومخو ايطرطق وصوتو زاد تبح على لي كان والبيت قلبو سفاه على علاه وهي مكمشة فالقنت وكتشوف فيه وتخنصص...

وقف فباب البالكون حاط يديه على كادر الباب وكيتنفس بسرعة هز راسو لسما خدا نفس عميق ودار شاف فيها باستحقار
فراس:من اليوووووم رجليييك ما اتعتبش برااا هاد البييت وداااك لفشوووش ولخناث انا انقطعو على والديييك..انااااا لي انربيك ونعلمك مزيااااان الرجااال دبصح كي كيكونو
قلب الدورة وتاجه جيهة الباب وناضت رؤيا تبعاتو كتجري 
رؤيا:كيفاش ما نخرجشي واش بااغي تحبسني اههنهن شمن قرن عاايش نتينا زول خليني نخرج زوااال
فراس:(قبطها من وجهها ولصقها مع الحيط كيهضر تحت سنانو)مااا تزيديش تلعبي بأعصابي كثر وتخليني ندير شي حاجة لي ما تعجبكش..اتمشي تقودي من قدامي وتقطعي حسك ولااا راه اليوم غادي ندير فيك شي مصيبة😡
طلق منها بعصبية ودار فتح الباب وهي تشدو من دراعو كتعافر معاه ما خلاتوش يسدو وهو يدفعها بالجهد لي فيه وسد الباب من موراه بالساروت وداز فرقية لي كانت مزالة واقغة فلباب ما هضرهاش..
رؤبا من بعد الدفعة لي دفعها طاحت فالارض وجات يديها على طرف دالزاج ودخلها فيديها
رؤيا:ااااااي اهههنهئ(هزات يديها عندها كتشوف فيها)اووووف الله يعطيك مصيبة اهههئ
رقية:رؤيااا بنتي رؤياااا
رؤيا:يمااا انهنهن خرجني من هنا
رقية:واش نتين مزيانة..هضر ابنتي شنو دارلك 
رؤيا:هههئ والو والو اححح يماا خرجني عافاك داك لمريض باغي يحبسني
رقية:حمدي الله لي ما ئتلكش(تنهدات)درناها ئدها ئد راسنا..نتين غير صبر وخليه حتا يتهدن ونهضر معاه وبلاا ما تبئى تعانديه غير اتصعبيها على راسك..اخخ الله يهدي سركم ابنتي
خلاتها رقية وهبطات وهي رجعات ناضت بشوية عليها كتخلف الزاج لي فالارض والأثاث لي مقلوب ودخلات للحمام هزات بواطة دالاسعافات ورجعات خرجات حطاتها قدامها كتعالج يدها..زولات الزاجة من يديها وعقماتها وحطات بوماد للجروح وضمضات الجرح وخرجات جلسات فالبالكون جامعة رجليها عندها وساهية كتفكر..
دوزات نهارها كلو تما بجوعها وحتا واحد ما طلع عندها..ملات وضرها الجوع وناضت كدق فالباب وتعيط ولكن حتا واحد ما جاوبها ورجعات دخلات مرة تهز تيليفونها كتلف بيه الوقت مرة تشعل التلفازة..
طاح الليل وجاها النعاس وما قدراتش تنعس بقوة الجوع لي فيها..عيات تقلب وتقلب وفلخر داتها عينيها وخلات التلفازة مشعولة
حوالي الساعة 12 ونص دالليل دخل فراس للبيت من بعد وسد الباب موراه..دور عينو فالبيت وشافو كي مزال مرون وشاف جيهة رؤيا لي ملوية فبلاصتها ناعسة..جلس على الحاشية دلفراش وحط يديه على راسو دوز نهارو كااامل وهو كيفكر ويعاود وحمد الله لي متهورش ودار شي حاجة لي يندم عليها..ناض وقف فوق راسها معبس ونغزها بالجهد فكتفها
فراس:هييييه نوضي تكعدي يله تحركي
رؤيا:امنمنم
فراس:(هزها من دراعها)نوووضي تحركي اوطيل باك هذا
رؤيا:(دايخة)امننن جييتي
فراس:(ربع يدو)نوضي تهزي يله
رؤيا:شعندك داخل شااعل عاود ما كفاكشي لي عملتيه فالصبح
فراس:(نوضها بالجهد)صوتك ما نسمعوووش..ودابا تزعزعي جمعي عليا هاد الروينة
رؤيا:شنييي؟نتينا رون ويانا نجمع..شكون قالك قلب وشقلب..النهار كااامل ونتينا غابر وحابسني هنا بالجوع ودابا جاي كتأمر عليا
فراس:(زير على يدها)ومزااال ما شفتي واااالو عااد بدينا(جرها من يدها قابلها معاه مخرج عينيه فيها)
رؤيا:اااي يدي اااي
فراس:اندخل ندوش نخرج نلقى هادشي كااااااامل تجمع..وبلاااااا ما تخليني نبدل معاك الاسلوب
رؤيا:بدل الاسلوب ولا خليه شغلك هاداك مهم يانا فيا الجوع وبغيت ناكل
فراس:(بغضب)صلحي فمك وعرفي تهضري..وفاش نهضر حني راسك وما تهزيش صوتك..راااااه بربي نهار لخر انصعر عليك وندفنك فبلاصتك
رؤيا:اه مرحبا غير ما دفنيشي بكرش خاوية اننهنهن راه انموتلك غير بالجوع من الصباح ما كليت شي حاجة حتا الفطور ما فطرتو فحال الناس
فراس:(طلعها وهبطها)ايوا الا ما بغيتيش تموتي بجوعك جمعي عليا هاد الزمر..وبربي وما درتي لي gلتلك لا حطيتي فخربتك شي لقمة
طلق منها بالنترة دفعها عليه وتاجه للحمام وخلاها مراه كتغبن وحاطة يديها على دراعها لي تطراسات بصبعانو..شافت حتا عيات ودورات هضرتو فراسها وحطات يديها على كرشها لي كتغرغر وشافت فالبيت كتسوط..جمعات شعرها وبدلات عليها دغيا لبسات بيجامة فوق الركبة نص كم وبدات كتجمع فلبيت وترتبو وتلقط الزاج
خرج فراس لقاها حانية كتجمع فالماكياج لي فالارض وكتشنت..داز من حداها بفوطة سوداء ملوية على نصو وهز حوايجو كيلبسهم وهي عاطياه بالظهر ما كتشوفش جيهتو حتا نغزها من كتفها
رؤيا:(شافت فيه بنص عين مخنزرة)شنييي؟
فراس:تهزي قادي بلاصتي بغيت نعس
رؤيا:راها معاوطة شغانعاوط فيها
فراس:(دفعها)تحركي بدلي لفراش 
رؤيا:بلااا دفيع ال(خنزر فيها وهي تسكت ورجعات كتجمع فالارض)حتا نسالي هادشي لي في..
فراس:(وقفها)تهزييي قادي لفراش هو لول
رؤيا:اوووف بشوية ابنادم راه يدي هاديك
فراس:تحركييي يله طلقي راسك😡
تقدمات رؤيا كتمتم وحلات لبلاكار كتقلب على فراش جديد جبدات واحد فاللون الباج وزدحات باب لبلاكار ودارت كتفرش وتشوف فيه بنص عين وهو واقف طالعلو الخز كيتسناها...

قاداتلو فراشو وحطات لفراش لاخور فشبكة فلحمام مخصصة للحوايج وخلاتو هو جلس فبلاصتو هز كتاب كيقراه..لابس اكس سوداء وحاط نظاظر بروتيكسيون رايبان فعينيه..رجعات خرجات كتكمل شغلها وكتقلب عينيها فيه وهو مكسل ما مسوقش ليها وهي مرة مرة تشوفو واش كيشوف فيها وكيخيب ظنها..سالات ورجعات كلشي لبلاصتو ولي تهرس رماتو فسلة وحطاتها فالجنب حدا الباب ودارت شافت فيه حاطة يديها على جنابها
رؤيا:ها هو هاد البيت تجمع يله جيبلي ما ناكول
هز عينو شاف فيها كيطلع ويهبط وهي واقفة معوجة كضرب برجلها فالارض كتسناه ودور وجهو كيشوف فلبيت واش هو هاداك ورجع حط لكتاب من يدو وهز تيلي فيكس حدا راسو كيهضر مع الخدامات يطلعولو لعشاء للبيت..وهي تنقز رؤيا جات قدامو وكتهضر وتشير بيديها
رؤيا:اواعدي على لعشاء..لا لا قولوم يجيبو فطور وغذا وعشاء..واش نضيع يانا فالنهار كاااامل
فراس:(بعد عليه السماعة كيهضر بالشنتة)علاش نتي اتاكلي هادشي كامل بالسلامة
رؤيا:اه اه غير قولالوم واااا سربيييي انهنهن راه فيا جووووع ذغيا
فراس رجع كيهضر معاهم ووصاهم على لي بغاتو وحط تيلي وهز كتابو كيقرى فيه
رؤيا:ايجيبوه دابا ياك ما ايتعطلوشي اووووف انموووت اربي كرشييي كتغني..هادشي كاامل بسبتك كنت شوية ونبدى ناكل فالربيع لي فلبالكون..احححم شني كتقرى وريني نشوف..(طلات على العنوان وما فهمات والو)شمن لغة هادي ما فهمت حتا لعبة..فراااس وااا فرااااس.. اوووف هادو تعطلو..اجي دوك النظاظر بشحال شريتيهوم وااااعرين عجبوني بزاااف..وااا معاااك.. بناااقص كاع لا تهضر العيب عليا لي حاشيتولك من بعد لي عملتيه فيا..واااا عباد الله كرشي رجع عيطلوم يسربيو راسووم
بقات كتهضر غادة جاية وهو ما معبرهااش مخليها كتعبر بوحدها وهو حاني وجهو على لكتاب حتا تسمع الدقان فالباب وهي دارت كتجري جيهة الباب باش تحلو ولقاتو مسدود ورجعات قلبات وجهها معصبة وهي تجبرو واقف موراها مباشرة.. بعدات من طريقو بشوية بلا هضرة بلا زوج وجبد الساروت من جيبو وفتح الباب ودخلات وحدة من الخدامات دافعة طبلة متوسطة الحجم بثلاثة دالطبقات وفكل طبقة وجبة كااملة من مقبلاتها وطبق رئيسي والتحلية وعصائر ما خلاتهاش رؤيا حتا تكمل طريقها وخدات منها الطبلة دافعاها قدامها بالزربة..خرجات البنت فحالها ورجع فراس سد الباب بالساروت ودار لقاها كتستف الطباسل فوق الطبلة وكتاكل فنفس الوقت
فراس:(بعصبية)ها هما جابولك فطور وغذاء وعشاء..تبقى فرتوتة فشي طبسيل نهرسو على مخك..اتاكلي داكشي كااامل وما غتحركي حتا تساليه
رؤيا:(كتاكل حركات راسها بالايجاب)اهمممم
رجع لبلاصتو وخلاها كتاكل بزوج يدين كتضرب هنا ولهيه شوية من هاد الطبسيل وشوية من لاخور حتا سالات كلشي ما خلات حتا حاجة خوات الكيسان والطباسل وبقاو غير شي وراق دالخس فواحد الطبسيل..مسحات فمها وشربات الماء وسرحات رجليها قدامها حاطة يديها على كرشها لي تنفخات
رؤيا:الحمد لله..اللللللله على راحة الجوع ولد لحرااام اوووف عنطرطق
شاف فيها فراس وناض وقف كيشوف فالطباسل وتصدم فاش لقاها مكحطة كلشي شاف فيها مخنزر وكيهضر معاها بكبرياء من تحت نيفو وصوتو مجروح بلغوات ويديه فجيابو
فراس:سرطتي كلشي وداك الخس علاش خليتيه تما
رؤيا:هااا..ااه الخس ما كناكلوشي
فراس:(مطلع حاجبو)اهاه وعلاش بالسلامة!!
رؤيا:ييع ما كيعجبنيشي باسل ما فيه حتا طيبة..غير لقلاين هما لي كياكلوه
فراس:شكون هما؟
رؤيا:لقلاااين..قلاينة سمعتيني دابا
فراس:(بنرفزة)شنو هادو عاود!
رؤيا:متأ لقلاين ما عرفتيهومشي الأرنبات وداكشي..الأرنب الأرنب..لو لاباااان هاداك لي سنانو فحال هايدا(صغرات فمها وخرجات سنانها فحال قنية)عرفتيه دابا!
فراس:سميتهم قنيااات ماشي قلينات..ومنين كتعرفي ديري فحالهوم كولي حتا الخس فحالهم
رؤيا:ما نقدرشي وراه ما كنحملووووشي..ياك قلتي ناكل كلشي وهانا كليت كوووولشي بلحق الخس اووووهو
فراس:(بغضب)هزيه وكوليه وداك لفشوش دوالو ما ديريهش عليا يله طلقي راسك
رؤيا:واالااا ما نقدرشييي نهبطو والله..وصاافي بلا ما تزيد فيهم غير زوج وريقات ما زادو ما نقصو
فراس:(بعصبية)كوووووليه
رؤيا:(بتحدي)واااا لاااا
فراس حط يدو على حنكها وزيرلها عليه كيفتحلها فمها بزز وهز الخس فيديه وهي حاطة يديها على يديه ومزيرة على فمها
فراس:حلييييي فمك حليييي
رؤيا:امنمننمم انهنهنن 
فراس:بربييي حتا تاكليه(بدى كيخشيلها لخس ففمها بزز وهي كدفعو بلسانها)حلييي زمر طلقيني
رؤيا:بفبفب يييع لااا اننمننم انههن
فراس:سايطة فكلشي ما خليتي خضر من يابس وكتفششيلي على زوج خسات..حلييييي😡
عمرلها فمها فخطرة خشالها لورق دالخس لي باقين كاملين فخطرة وحط يدو على فمها مزير عليها باش ما تبزقش
فراس:يله مضغي سربي راسك ما انباتش معاك هنا
رؤيا:(حركات راسها بالنفي)اااممم انهنهئ
فراس:(خرج عينيه فيها)رؤياااااا
رؤيا:(بتوسل)امممنم انهنهن
فراس:(سدلها نيفها وقطع عليها السوفل حتا خرجو عينيها)

رؤيا:(كتحرك راسها يمين شمال وعينيها حمارو باغة تفلت من يدو وكدفعهالو بيديها)اعاااااااااااام اننننمنمن انهنهننئ
فراس:يله هبطيه نشوف ولا انبقى هاكة حتا تزهق روحك ختاري نتي
رؤيا عيات تعافر معاه وفلخر بدات كتمضغ بشوية وتخيب فسيفتها وتغبن وهو زول يدو على نيفها حتا مضغات بشوية وسرطاتو بزز عاد بعد عليها وناضت كتجري للحمام كتغسل فمها
رؤيا:انننهئ ييييييع تفوووو بفبفبفف حراااام عليك انهنهنن ييييخ
فراس:(بصوت مرتفع وهو كيتقاد فبلاصتو)النعمة دربي هادي ما كنعيفوهاش وهاد المرة الحاجة لي ما كتاكليهاش قوليها باش ما يجيبوهاش
طفى الضوء وخلا غير الاباجورات شاعلين وهي خرجات مخيبة سيفتها من بعد ما غسلات فمها بالدونتيفريس
فراس:جمعي ديك الطبلة ورجعي كلشي فين كان يله
رؤيا:(خنزرات فيه مزيان)
فراس:انجبدهوملك..طلقي راسك باغي نطفي الضوء
رؤيا:(بعصبية)نعس يانا ما هازة ما حاطة..اااااو زدتي فيه عمل هادي عمل ياخرا شني كيزيالك راسك!!
فراس:(تحت سنانو)اتحركي تجمعي داكشي لي كليتي فيه وما انعاودش الهضرة..اولا كنقسم ليك بالله حتا نوض نهرسلك ضلوعك فهاد الليل و نصوم مك سيمانة ونشوفو شكون لي اتمشي هضرتو..ما عندي شغل انا من غيرك انقابلك غير نتي حتا تقادي وترجعي كتمشي خط واحد وتحني داك الراس
رؤيا:(ضربات رجليها)اوووووف انهنهن
قلبات الدورة ماشي خوفا من لعصى وإنما خوفا من الجوع وبدات كتحط الطباسل شي فشي وتزدح فيهم حتا رجعات كلشي لبلاصتو وقربات من الناموسية باغة تنعس وهو يحبسها
فراس:تؤ تؤ رااااهيا بلاصتك من دابا لفوق(نعتلها للفوطوي)
رؤيا:كييييفاش..وعلاااش بالسلامة!
فراس:مزالة كتسولي علاش ما عارفاش راسك شنو دايرة..ودبا اتقلبي روايد وسيري سهطي لهيييه
رؤيا:(بعصبية)حتاااا يانا ما حاااملاشي نعس حداااك..كتجيبلي الخنقة..ها هيا خليتالك!
فراس تعصب من كلامها وتجرح فنفس الوقت وعرفها قالت الخنقة حيت كيبات معنقها وما بغاش يزيد يهضر واستغفر الله وحط راسو كيشوف فالسقف ويديه فوق جبهتو وهي هزات مخدتها وغطاء من لبلاكار وتجبدات فوق الفوطوي عاطياه بالظهر..طفا الضوء كيحاول ينعس ويتقلب ويتشقلب وما قدرش ولف بريحتها وما خلاهاش تنعس حداه حيت عارف راسو ما ايقاومش وايقرب يشم ريحتها وكبريائو ما ايسمحلوش حيت مزااالة إهانتها ليه ما بغات تنسالو ولا تبردلو..هو عارف راسو غلط معها من لول دزواجهم ولكن ماشي تنتاقم منو بديك الطريقة..اما رؤيا فما كانتش حسن منو عطاتو بظهرها دايرة راسها ناعسة وما كرهاتوش يجي يهزها ينعسها حداه حيت حتا هي ولفاتو يعنقها..تعصبات من راسها حيت كتفكر فيه وبدات كتهضر فنفسها وتلومها وما باغاش تعترف بلي ما كرهاتش تنعس حداه وبقات كتفكر فلي قالتو عليه وعرفات راسها هانتو وغلطات فحقو ولكن كترجع وتقول بلي هو لي بدى اللول وهانها وضربها..واخة المدة لي جمعاتهم كانت قصيرة وتقدر تبان ما كفياش ولكن واحد الرابط كان جامعهم من زماااان منين كانو مزااال اطفال صغار ما عارفين فالدنيا والو وهادشي لي خلاهم يبداو يتعلقو ببعضهم بلا ما يحسو ولا يعيقو حيث فالنهاية كيبقى القلب هو القلب..#والقلب_ماااا_يشاور
بقاو هاكاك كيحاولو ينعسو حتا أذن لفجر وناض فراس صلاه ورجع هز قرآنو كيقرى بصوت خافت ورؤيا كتصنت ليه مغمضة عينيها حتا نعسات على صوتو..قرى ما تيسر وناض رجع لبلاصتو ونعس فلبلاصة
☀أصبح الصباح..وناضت رؤيا بشوية عليها ضاربة فيها الشمس لقات البيت خااوي وفراس ما كاينش وبقات حتا فاقت على خاطرها وناضت وقفات لقات الطبلة دلفطور منزلة ودخلات للحمام هو الاول قدات حالتها وخرجات لبسات عليها شورط قصير شوية دجين مع تيشورط سوداء وفيها كتابة فالصدر جمعات شعرها كعكة مرتبة وقربات من باب البالكون باش تحلو ولقاتو مسدود عيات تجابد معاه ودفع ووالو ضربات رجليها للأرض وغوتات بعصبية وقلبات باب لبالكون لقاتو كيما توقعاتو مسدود ورجعات جلسات فوق الطبلة كتسوط..بقات شوية كتهدن راسها وجلسات كتفطر بعصبية حتا سالات وناضت كتقلب على تيلي ديالها ما لقاتوش حتا هو ما خلات فين قلبات عليه وحسو ما كايانش وشداتها البكية ودارت جيهة الفيكس ما لقاتوش جتا هو وعرفات فراس خداهوم جلسات على جنب الناموسية مغبنة وكتهرنن ومفقوصة حتا داز الوقت وناضت شعلات التلفازة باش تلاها شوية..داز الوقت وعيات تلف وتقلب وتشقلب حتا ملات وناضت كتشوف فلبيت معصبة وغوتات غوتة وحدة من أعماق قلبها وجلسات فالارض كتنهج
رؤيا:يااا ربي ياا ربي انننهنهن شني انعمل هذا حابسني هنايا بصح اهههئ والله لا دوزتهالو غير حتا يجي
بقات جالسة على نفس الوضعية وناضت كملات لي باقي فالطبلة ورجعات جلسات كدور فلبيت مالقات مايدار وهزات الصباغة كتمسح وترجع تصبغ..وناضت كتلعب فشعرها وتسرحو وتقاد فيه وتجرب فلمشاطي وتماكي وجهها حتا داز الصبح وعلى تمام الواحد تحلات الباب ودخلات واحدة من الخدامة دافعة قدامها وجبة الغذاء..ناضت رؤيا فرحانة باغة تخرج ووقفولها زوج دلبنات مفورميين فالباب ما خلاوهاش تخرج عيات تدفع وتناتر وتقمش وتغاوت وتسب وهما لا حرف لا كلمة وفلخر كتفوها بيديهم حتا سالات الخدامة الحطان وهزات الطباسل لخاويين دلفطور ولحوايج لي خاصهم يتصبنو وهزات داكشي لي ايترمى وخرجات وتبعوها لبنات لوخرين من بعد ما حبسو رؤيا وسدو الباب موراهم..

خرجو وخلاوها موراهم كتغوت وتهز وترمي وتسب وتبكي ما حملاتش راسها والحالة لي تحطات فيها..وقفات فوسط البيت مغمضة عينيها كتنهج وكتحاول تهدن راسها..بعد دقائق هزات راسها ودخلات للحمام كتجري خدات مقص وخرجات مغددة..فتحات بيبان لبلاكار وهبطات حوايجو قدامها كتقطع فيهم وتشرك ورجعات هزات صبابطو وبرديلات ديالو كتصبغ فيهم بالصباغة وتخربق وهزات عطورو كااااملين خواتهم فالحمام وإكسيسواراتو لي صلاحلها تقطعو قطعاتو ولي صلاحلها تهرسو هرساتو ما قصراتش وأي حاجة كتبانلها كتخصو كتخربها وهادشي كامل وهي كتسب وتزدح حتا بردات و جلسات فالارض كترد النفس كتشوف فحالة البيت كامل مقلوب ورجعات ناضت للطبلة بشوية عليها كتبتسم هزات رجليها مربعاهم فوف الكرسي وكلات حتا ما خلات والو وناضت ضرباتها بنعسة..
فالوقت لي كانت رؤيا ناعسة فيه دخلو خدامات للبيت تحت أوامر فراس لي شافها شنو دارت وحضر على المسرحية ديالها كاملة من لول من خلال الكاميرات لي حطهوم فالبيت..بداو خدمتهم كيتحركو بشوية باش ما يفيقوهاش..جمعو الروينة لي دارت خرجو داكشي كااامل لي خسراتو وقطعاتو رماوه وحطو فعاوطهم حوايج وصبابط وعطور جداد وحتا الإكسيسوارات وطرقو جيهتو بالساروت..هزو الطباسل لي كلات فيهم ورجعو حطولها أكلات خفيفة..وخرجو وكأن شيئا لم يكن
حوااي الساعة 5 ونصف ناضت بشوية عليها كدور عينيها فالبيت..هزات يديها كتحك وتعاود فعينيها وكتأكد من لي شافتو عينيها..
رؤيا:شني هادشي اواعدي واش كنت غير كنحلم..لا لا ما يمكنشي يانا قطعتوم اه قطعتوم
ناضت من بلاصتها كتقلب ما لقات حتا حاجة وقربات للبلاكار كتفتحو باش تأكد عياات تجابد معاه وفلخر ضرباتو برجليها بالجهد وقبطات فرجليها كتنقز
رؤيا:او او انننههن تفوووو ااااي يعطيك غبارة
جلسات على حرف الفوطوي كتقلب صبعها حتا برداتلها الضربة وهزات راسها شافت فالطبلة ماكلة جديد وفهمات لبلان..زفرات بغيض وهزات طبسيل دالفواكه حطاتو فوق الناموسية كتاكل
داوزات نهارها كتاكل وتفقص ودخل للحمام حتا طاح الليل وهزات بيجامة دنعاس لبساتها ومسحات الماكياج من وجهها وبقات كتسنى فراس يدخل..دازت ساعة وزوج وثلاثة ووصلات 1 وربع وهو مزال ما جا حتا نعسات..ضرباتها الفيقة فالليل وناضت كتقلب عليه ما لقاتوش ولقات راسها بوحدها فالبيت ورجعات نعسات خائبة الظن..

⏰تسريع أحداث^^
دازت 15 اليوم على رؤيا وهي على نفس الحالة كتنوض تاكل وترجع تنعس وما كتخرج ما كدرج حفضات كل شبر فالبيت وكانت كتلف وقتها فتبديل ديكورو وتهز هادي تحطها بلاصة لوخرى او ترتب حوايجها جربات كل الطرق باش ما تملش..فراس كان كيجي ليلة وثلاثة لا وفاش كيجي كتعيا تهضر وتغوت وما كتخلي ما دير وهو مرة يطنشها ومرة ينوضها معاها حتا كتضرب الطم وفالأيام الأخيرة قل صداعها وبان عليها الحزن وما بقاتش كتعاندو ولي كيقهرها كثر أنه ما بقاش عاطيها الإهتمام لي كان عاطيها وعينو ما بقى كيهزهم فيها إلا باش يخنزر فيها او يغوت عليها رجعات كتوحش تشوفو وكتسنى فوقاش يدخل عليها والنهار لي ما كيجيش كتبات كتقلب وبزز باش كتنعس..لمدة لي جلساتها بوحدها خلاتها تفكر وتعاود تفكر وتشوف شحااال من حاجة ما كانتش رادالها لبال..عيات وملاات وما بقاتش قادرة تزيد تصبر وكان خاصها ضروري تشوف شي حل..وقررات أنها فأول فرصة اتجيها اتهضر معاه..
أذنات المغرب وناضت صلاتها ورجعات جلسات كتفرج من الباب الزجاجي دالبالكون وساكتة..بقات على نفس الحال..وعلى تمام الساعة التاسعة بالضبط وكالعادة فنفس الساعة يوميا دخلو وحطولها عشاء كامل مكمول ما تحركاتش من بلاصتها وما دارتش تشوف فيهم حتا خرجو وناضت بشوية عليها كتشوف فالماكلة وماعندها نفس مدات يديها كتاكل بشوية عكس كي كانت كطيح فالماكلة عمياء دابا ماكلتها نقصات وكتاكل غير باش ما يضرهاش الجوع..
مسحات فمها ويديها وناضت كتشوف فالساعة متأملة أنه يجي هاد الليلة حيت هادي ثلاث ايام وهو غابر..دخلات للحمام وعمرات البانيو بباندوش دالفريز تحممات وخرجات لابسة بيجامة سروال أحمر مع تيشورط قصيرة مهزوزة على لكرش فالاسود وريحة لفريز عاطية منها..وقفات قدام لمراية وطلقات شعرها وقاداتو بنفس الطريقة لي كتعجبو خلاتو على طبيعتو..حطات يديها على السنسلة لي فعنقها كتبسم وقرباتها من فمها باستها..هادي هي حالتها فالايام الاخيرة كتدير أي حاجة كتعجبو غير باش تلفت إنتباهو
فراس كان ديما كيراقبها من الكاميرات وكل ما كان كيشوفها مهمومة كيضرو خاطرو وكيبغي يتراجع وكيرجع يتفكر كلامها وكيزيد يصر على موقفو..كان فيما يدخل ويشم ريحتها عاطية فلبيت كيتمالك راسو بزز وعليها كان كيخفف من جياتو وكيجي غير باش يزير عليها ويحكمها او بالاحرى كان كيكذب على راسو بهاد العذر غير باش يجي ويشوفها ويتشاد معاها حيث كون بغى كان غادي يقلب عليها فخطرة وما ايحمقش راسو..
من بعد ما قادات راسها وتعطرات ناضت لبسات عباية بيضاء بشالها وصلات لعشاء وهزات المصحف كتقرى ما تيسر من القرآن
ما دازش بزاف دالوقت وسمعات الباب لي عاطاه بالظهر تفتح..شمات ريحتو وتبسمات بعفوية بلا ما تحس..سمعات الباب تسد وخطواتو كتقرب بشوية حتا حبس وجلس على الفوطوي

كملات قراية بالشوية عليها وناضت كتجمع الصلاية والقرآن ودارت شافت فيه وهو مجبد فوق الفوطوي حاط يدو على جبهتو ومغمض عينيه تنهدات فاش ما شافش فيها وزولات عليها العباية وجلسات على جنب الناموسية مترددة واش تهضر معاه او لا
رؤيا:(بتوتر)ف..فراس؟
فراس:الصمت
رؤيا:(زفرات وغمضات عينيها كتصبر راسها)واااا فراس..نوض بغيت نهضر معاك
فراس:(طل عليها بنص عين مطلع حاجبو ورجع غمض عينو)شنو بغيتي
رؤيا:وا نوض شوف فيا نهضر معاك
فراس:هضري لا اتهضري هانا كنسمعك
رؤيا:اوووووف زدتي فيه وحق الله شحال اتبقى هايدا مطنشني وحابسني هنايا 
فراس:حتا تقادي
رؤيا:كيفاش نتقاد كيفااااش..ياك لي رجعتي كتقولي عمليها كنعملا ولي قولتيلي خليها كنخليها شني باغي مني اكثر حراااام عليك والله اهههنئ عيييت عييييت بركة صااافي..15 اليوم ويانا محبوسة بوحدي بين 4 دحيووط هئ هئ هئ كتعرفني غير بالماكلة فحال الا كتوكل جرو ديالك اننهننهئ 
فراس:(تجلس كيحك جبهتو وشاف فيها)شفتي..ما حدك ما طيحتي كراوعك الارض وعرفتي راسك مزياااااان شنو درتي وحسيتي بالكلمة لي خرجتي على فمك..ما اتخرجي من هاد 4دلحيوط..وديك الماكلة لي ما عاجباكش خاصك تحمدي الله وتشكريه لي ما قطعتهاش عليك حتا هي..ودابا قلبي عليا هاد الساعة راسي ضارني وما فيا لي نتغاوت معاك
ناض وقف بغى يدخل للحمام وهي توقفو ببكاها وتقابلات معاه
رؤيا:عرفت والله حتاااا عرفت اهههنهئ ولكن صاااافي راه خذيتي حقك وبالزااايد شني باغي مزال..ااه يانا غلطت ما كانشي خاصني نقول هايداك وكنطلب السماااحة اهئ اهئ اهئ ولكن حتا نتينا راه ما قصرتيشي وما خليتيشي من جهدك باش تعذبني اهههنهئ شحال انبقاو هايدا فشدلي نقطع علييك شحااااال(دفعاتو من صدرو)بركة بركة اهئ اهئ يااانا راه مراااااتك مرااااتك ماشي عدوتك اهئ اهئ اهئ
فراس:(شدها من يدها كيمخضها وكيغوت)مراااتي مراااتي..باااااش مراااتي باااش بالفم؟فووقاش حسستيني بلي انا راااجلك ومحسوبة عليا هاااه..كلشي درتو او كنديرو دييييما كيكون بزز منك..ودااابا جاااية تقوليلي مرااااتك(طلق يدها ودفعها رجعات خلفة لور)الاحترام هو لخر لي كتعطيه لمرى لراجلها ما عطيتيهليييش وجاية كتgوليلي مراتك..انا راه ماشي ولد صغير كنرضع صبعي اتسايريني وديريلي خاطري باش توصلي لي بغيتي..واش عارفة راسك شنو درتي ولا لا!عرفتي الهضرة لي خرجتي شنو كتسوى ولا لا!انا غلطت فحقك اااه وبززت عليك تزوجي بيا اااه ولكن ماشي بديك الطريقة ماااااشي بديك الطريقة تنتاقمي وتفدي دقتك كون قتلتيني وما تخرجيش ديك الهضرة(زفر بقوة وشاف فيها)شوفي سمعيني مزيااااان هاد البيت ما اتخرجي منو حتا تعلمي شنو ليك وشنو عليك وتعرفي بلي كيييما عندك حقووق عندك واجبات..والنهار لي تعلمي فيه كيفاش تحترميني غااادي نحتارمك ودابا فرقيني عليك الله يرحم باك
خلاها واقفة ودخل للحمام ووقف قدام لمراية حاط يدو على لافابو كيسوط قلبو كيحرقو وهو كيتفكرها كي كانت كتبكي ما كيحملش يشوف دموعها ولكن فالأخير كرامتو كتوقفلو فالطريق
غسل وجهو وبقى حتا تهدن وناض خدا حمام خفيف وهز كينة دالراس وخرج من الحمام بفوطة ملوية على نصو لقاها ناعسة فبلاصتها فوق الفوطوي كالعادة وكتافها كيتحركو معاها فاش كتشهق بصمت..جلس فوق السرير كيتنهد وكلما شافها كتهز قلبو كيتهز معاها وصوت بكاها الخافت كيزيد يكمل عليه تنهد بضيق كأنه هاز حمل ثقيييل فوق كتافو ناض وقف غادي جيهتها ببطء وهز يدو بغى يحطها على راسها..غمض عينو كياخذ نفس عمييق واستنشق معاه ريحتها ورجع جر يدو عندو بالزربة ودار شرب الكينة وهز حوايجو لبسهم وخرج وزدح الباب موراه حيت عارف راسو ما ايستحملش كثر يشوفها كتبكي قدامو
غير تزدح الباب طلقات العنان لصوتها انه يخرج كتبكي وتشهق ما عارفاش واش من كلامو لي لقات بلي عندو الصح فيه ولا من القهرة لي معيشها فيها هاد المدة كاملة ولا حيت بعد عليها وما بقاش كيعبرها كيما كان..ما كرهاتش كون جا وعنقها وقالها سكتي ما تبكيش..وتفكرات النهار لي ضمها ليه فالجيم ومسح دموعها..تفكرت كلامو"ما تبكيش دموعك كيحرقوني" بقات هاد الجملة كتعاود فأذانها وهي غير ما كتزيد تبكي.. رؤيا:(بصوت خافت)علاش ما جاشي وسكتني اهههئ علاش ما جاشي وعنقني ومسح دموعي علاااش اننهههئ علاش ما جاشي وقالي كنبغييييك ما تبكييشي اههنهئ..كنت غادي نقولو حتا يانا..اااه حتا يانا كنبغيييك اهئ اهئ
بقات رؤيا الليل كامل كضرب اخماس فأسداس وكتبرد على راسها بلبكا..واخيرا قدرات تعترف لراسها بحبها ليه..بعدو عليها وإهمالو خلاها تحس بشحال تعلقات بيه وبغاتو بلا ما تشعر..ما بقى كيهمها حتا واحد من غيرو..ورجعات باغة تراضيه وترجعو ليها بأي طريقة ما بقاتش قادرة تستحمل لا لعيشة فداك البيت ولا نفور فراس منها
ناضت صلات لفجر لي أذن عليها وهي مزالة فايقة..وصلات صلاة الإستخارة وطلبات ربي يعاونها ويوقف معاها فالخطوة الجاية ديالها
ناضت رجعات لبلاصتها وهي مقررة صافي هادشي خاصو يحبس وهاد الحرب الباردة كيما بدات خاصها تسالي واذا كان هو بدا الحرب فهي اتساليها واذا كان #قانون_الحرب هو الربح او الخسارة ففي #قانون_الحب_ما_كاينش_انا_خسرت_وانت_ربحتي_كاين_انا_غلطت_ونتا_غفرتي

بعد ليلة طوييلة فاقت على ضوء الشمس لي ضرب فيها وناضت كتكسل دخلات للحمام قادات حالتها وخرجات كتفطر وتفكر..سالات وناضت وقفات كتشوف فأرجاء البيت بحماس وتوتر ومشاعر مخلطة عليها..خذات نفس عميق وناضت جبدات دهازها لي مخبعاه من نهار جات جبدات منو أي حاجة اتحتاجها وتأكدات من أن كلشي عندها ورجعات جلسات كتسنى النهار يدوز كتنوض تصلي وترجع تجلس..وصلات لعشية ودخلات عندها الخدامة مدخلالها الوجبة دلعشية مع 5 وطلبات منها تجيبلها ورد أحمر وبريكة ما رداتهاش وجابتلها لي بغات ورجعات طلباتها توصل رسالة لفراس..داكشي لي كان خذاتها الخدامة لأحد من رجال فراس وهو لي قدر يوصلهالو حيت ما كانش فالفيلا..كان فالغابة كيمارس هواية الصيد ديالو ولي فيها كيفرغ طاقتو السلبية وكيهدن أعصابو قبط الرسالة وفتحها باستغراب
🌸انتسناك فالليل ضروري تجي موضوع مهم🌺 زاد استغرابو فاش قراها وبقى كيفكر أنها أكيد اتهضرلو فنفس الموضوع دالبارح..خشاها فجيبو ورجع هز بندقيتو
من بعد ما خرجات الخدامة من عندها سرطات ريقها حتا بغات تراجع على هادشي ودير بناقص حيت خايفانة من ردة فعلو وخايفة يهينها او يردها من بعد أخذ ورد قررات تكمل فلي بداتو ولي ليها ليها..حطات باقة الورد قدامها كتفتتها..خذات اوراقها كاملين وحطاتهم فإناء وناضت جبدات الشميعات لي جابت فجهازها عبارة عن شميعات صغار بألوان هادئة جابتهوملها شامة كادو فعرسها وهزات شوميز دونوي فالابيض توب ساتان طويلة حتا التحت وفيها فتحة فالجنب حتا للفخذ مع بينوار من الدونتيل مشبك فنفس طول الشوميز..رجعات الشانطة لبلاصتها..وهزات الورد كترشو فارجاء الغرفة وفوق الناموسية لي طلقات فيها طقم فراش فالابيض بمخذاتو سامبل وفيه رشيشات ذهبيين قلال فجنابو..وزعات الورد من باب الغرفة حتا لفراش وتفكرات اول نهار دخلات لهاد البيت كان بنفس الشكل..سالات وهزات الشميعات كتشعلهم وتستفهم فأرجاء البيت وجبدات معطر برائحة زوينة رشاتو فالبيت وطفات الضوء وخلات غير الاباجورات كتفرج فشكل البيت..عجبها شكلو ورجعات شعلات الضوء ودخلات للحمام خذات دوش وعطرات جسمها وشعرها برائحة الفراولة لي كتعجبو..غسلات خرجات لابسة بينوارها وجلسات قدام لمراية وشافت شحال فالساعة كانت 8 دالليل وهزات بلاك كتقاد شعرها بالزربة سالات شعرها وخلاتو مسرح..علات رموشها وحطات كلوز خفيف وما كتراتش الماكياج ورشات عطرها وناضت لبسات عليها الشوميز وعقدات عليها البينوار وطفات الضوء..بقات جالسة وكدعي ربي يدوز هاد الليلة على خير..زطمات على نفسها بزاف باش تخطي هاد الخطوة وما فيقها من أفكارها غير الباب لي تحل..ناضت رؤيا كتجري تعرضات للخدامة فالباب وما خلاتهاش تزيد تدخل وخذات منها الطبلة لي فيها عشاء لزوج دالناس وستفاتو فوق الطبلة وقداتها بالشمع حتا هي
دازت ساعة لولة ووصلات 10 ورؤيا مرة تجلس مرة توقف وكتشوف فالساعة متوترة وخيفانة
10:20 تفتحات الباب ودخل فراس عيان..شاف فلبيت ووقف تالف ومصدوم ما متيقش..سد الباب بشوية وتبع الطريق دالورد لي فالارض وهز راسو كيشوف فالبيت لي مزين بشكل رومانسي كيسحر..كيرمش عينو بالزربة كيشوف فالورد والشموع لي تحطات فوق لفراش بقى واقف وغير عينيه لي كيدورو وهو فحالة ذهول ما توقعهاش منها..سمع باب الحمام تحل ودار بشوية ولقاها واقفة موراه..تبهض فيها لوهلة ورجع هبط عينو بشوية وطلعها من رجليها لحفيانين وهو طالع مع الفتحة دفخذها لي بانت من البينوار لي ما مسدودش مزيان وبيوضية لحمها الصافي كتبان من تحت شبكتو..وشاف فعينيها لمصدومين..دوز عينيه على كل تفاصيل وجهها جزء بجزء وفشعرها وفجسمها المغري النابض بالأنوثة..سرط ريقو وقرب منها ببطء بلا ما يشعر ورجليه ثقال وهي واقفة مكوانسية قابطة فيد باب الحمام كترجف وتنادم معاها الحال حسات بخوف وحشمة لا توصف..وقف قدامها قريب منها كيتنفس بصعوبة وهضر بصوت خافت
فراس:رؤيا!شنو هادشي!..واش عارفة راسك شكاديري!
رؤيا:(حركات راسها ببطء وهي حانية راسها)
فراس:(تنهد وبعد عليها شوية)الا كان هادشي غير على قبل الهضرة لي قلت البارح فتيقيني نتي ما مضطرة ديري حتا حاجة بزز منك..وانا واعدتك عمري نقربلك الا بكامل إرادتك..وما ديش على هضرتي البارح كنت معصب عليها ما عندك علاش تغصبي راسك على شي حاجة ما باغاهاش
بغى يدور يرجع فحالو وشداتو من يدو بالزربة ودار شاف فيدها وشاف فيها
رؤيا:(بتردد)لا..خخ..خل.يك
فراس:(رجع قرب منها وحط يدو تحت ذقنها وهزلها وجهها)واش مأكدة من هادشي لي اديري؟
رؤيا:(حركات راسها بالايجاب وهبطات عينيها كتبكي)هئ هئ هئ
فراس:ششش ما تبكيش صافي..شوفي فيا انسولك لآخر مرة ما باغيكش تندمي على هادشي من بعد وما باغيكش بزز منك..نتي مراتي اه ولكن عمري ما اناخذ منك شي حاجة ونتي ما باغاش او كديريها فوق طاقتك غير باش ترضيني!
رؤبا:ما هضراتش لسانها تسرط اكتافات تزير بيدها على يدو وما طلقاتهاش 
فراس تنهد بعمق كأنه حيد جبل على كتافو وتبسم بشوية وحط يدو على وجهها وجبهتو على جبهتها ودام الصمت وهما على نفس الوضع هو ما كيهضرش وهي كذلك حتا رجع هز راسو وهضر بصوت ثقيل 
فراس:(بابتسامة)تعشاي انا اندخل ندوش ونجي

احححم احم مهم لبنات بغيت نقول واحد الحاجة حيث فمي كياااكلني وما نقدرشي نسكت 😂...مهم على حساب ما شفت وقريت فتعاليقكم لاحظت بلي شحال من وحدة جاتها المبادرة ديال رؤيا ذل ليها او طيحات من راسها بهادشي لي عملات!!...مهم بغيت نقول بلي انا شخصيا ككاتبة فاش كنكون كنكتب على شي شخصية سواء فراس او رؤيا او رقية او او...ما كنبقاشي نفكر بشخصيتي ولا بعقليتي وإنما كنتقمص الشخصية مزيااااان باش نفكر بحالها هي وكنتصرف على حسب عقليتها هي...سو البنات حتاااا نتوما فاش تقراو حاولو تشوفو الموضوع حتا من وجهة نظر الشخصية...فمثلا فحالة رؤيا شحال من وحدة ما اتحسشي بيها واتقول كون كنت انا فبلاصتها كون عملت وعملت وعملت...نتوما ماشي فبلاصتها وما اتحسوشي بيها الا اذا مريتو بتجريبتها هي..مثلا شوفو غير نتوما كتكونو كتعاودو شي حاجة كتخصكم لشي وحدة وهاد الحاجة كتهمكم ومأثرة فيكم كتبقاو تعبرو وتعبرو وفلخر كتختموها بديك واخة نعياااا نشرحلك ما اتفهمنيشي حيث ما حساشي بلي حساه ونفس الشيء بالنسبة لرؤيا...حيث الوحدة فينا فاش كتبغي وكتبغييي من قلبها راها فري كتبدى تنازل وتضحي بزاااااف وهادي طبيعتنا حنا النساء وحتا وحدة ما تقولي لا حيث لمخيرة فيكم تنازلات شي مرات على حقها...راه فأي علاقة كيما بغات تكون اذا بغيتوها تكمل وتستمر خاص الواحد يتنازل بعض المرات ومرة عليك مرة على الطرف ياخور وخااااااصة فالعلاقة الزوجية لي اذا ما ضحيتيشي وتنازلتي فيها بعد المرات والله لا كملتي لا نتينا لا هو...وانا كان بإمكاني نعملكم اااه حقا والواد جا وجابلها الورد والكادويات وبقى تابعها ويرغب فيها ويزاوك ويغرقها حب وغرام وهيام حتااا سمحاتلو ورجعو وعاشو في ثبات ونبات ...مي نووووو حيث انكون كنغشكم فهادي...الراجل يسمحلك على كووووولشي ويتنازل معاك شحال من مرة مي باش توصلي تعايريه برجولتو ما كتهضملووووشي فمرة وما توقعيشي منو تهينيه بديك الطريقة ويجي ويطلب منك السماحة راك حبيبتي غيييير كتحلمي...هي اه القصص فيهم الخيال وشحااال من حاجة كيعملوها الابطال ما تحلميشي يعملالك شي راجل خاصة المغربي ولكن ضروري من شوية دالواقعية...هو فراس غلط وجا وطلب السماحة منها على غلطو ولكن ما توقعوشي منو يطلب السماحة على غلطها حيث حتا هي غلطات ومااااا قصراتشي وما حسات بغلطها حتااااا زير معاها كيف كنقولو...وانرجع ونقول فراس شخصيتو مرسووومة فبالي وكنفكر بمنطلقو هو ونفس الشيء بالنسبة لرؤيا لي بغاااات راجلها وماشي عيب انها تنازلو وتبدى معاه صفحة جديدة وفراس كيبقى راجل عقلو لي كيحركو ورؤيا مرى قلبها لي كيتحكم فيها...وهادي خذوها درس البنات حيث شفت بزااااف دالعلاقات لي ما نجحوشي غير على قبل هاد عزة نفسي...عزة نفسك اااااه صووني راسك وعمليلها قيمة ولكن ماشي تعفري وطلعي لسماء ما تبقاي تنزلي...راه الزواج كيبغي مرة عليك ومرة عليه واذا ما كنتيشي اتقدر تصبر لهادشي غييير بلا متزوجي حيث غير اتعذبي

رؤيا:(بخجل)انتسناك
فراس:(بابتسامة)لا غير كولي هه عارفك ما كتصبريش على الجوع(باسها فحنكها)اصلا ما عندي ما ندير بشي عشاء غير نتي بركة عليا
رؤيا تبسمات بخجل وهي حانية راسها وهو باسها من جبهتها وضحك معاها وهز حوايجو من الخزانة ودخل للحمام..شاف فلمراية ورش وجهو بالماء وصورتها ما بغاتش تمحى من قدام عينو لحد الساعة مزال ما متيقش بلي تقبلاتو كزوج..حس بأن الاحداث دازت بالزربة ومزال ما قدر يستوعب لي وقع ولكن واخة هكاك ما ينكرش ان إحساس السعادة لي هو فيه مأثر عليه وما مخليه يفكر فحتا حاجة أخرى مزال..دخل تحت الرشاشة دوش بسرعة وخرج لابس شورط أورونج داكن فيه سيور غلاظ كوحل خلاهم ما عقدهمش وتيشورط لاصقة عليه فالرمادي..هاز فيدو فوطة وكينشف بيها شعرو شاف فرؤيا لي عاطياه بالظهر واقفة مربعة يديها كتشوف فالسماء من الباب الزجاجي دالبالكون وساهية ما حساتش بيه إلا وهو كيدور يدو على خصرها وكيدفن وجهو فعنقها..تسحر بشكلها وهي بثوبها الابيض وبريحتها لي من ريحة الفراولة وحس بلي الروح رجعاتلو من بعد هاد الحضن لي تحرم منو هاد الفترة كاملة
حسات بقطرات الماء هابطين على عنقها وكتفها فيقها من سهوتها وقفزات شوية بين يديه ورجعات تكالمات وحطات يديها على يديه لي محاوطين كرشها
فراس:(بصوت ناعس)جيتي كتحمقي..وريحتك اااااه(تنهد بعمق)
رؤيا:(بتوتر)احم..السما مزيونة هاد الليلة والقمرة مضوية 
فراس:(هز راسو كيشوف فالسماء)اممم..تسناي
طلق منها ودار جبد شي حاجة من مجر لكوافوز وهي متبعاه بعينيها شاف فيها وتبسم وهز تيليكوموند وجهها جيهة الباب وتفتح
ضرب فيها الهواء وتهز البينوار من الجناب وشعرها لعب بيه لهواء شافت فيه كضحك ورجعات خرجات كتجري للبالكون وحطات يديها على الحافة الحديدية ديالو وهزات راسها لسماء وغمضات عينيها كتشم الهواء بعمق والقمرة ضاربة فيها..وقف موراها متكي بكتفو على الكادر دالباب خاشي 4دالصبعين فجيبو وكيتفرج فيها وفشعرها لي كيلعب بيه الريح..خلاها خذات وقتها وقرب منها ببطء عنقها من اللور
غلبوها دموعها ورجع عليها الإحساس بالحكرة وبقات كتبكي فصمت وهي بين يديه ومزيرة على فمها باش ما يسمعهاش..هبط راسو طل على وجهها باستغراب وهو كيحس بيها كتشهق ودورها عندو بالزربة كيحقق فوجهها بقلق
فراس:(حط يدو على حنكها كيهزلها وجهها)مالك علاش كتبكي عاود؟..شوفي فيا مالك؟
رؤيا:كتبكي وساكتة
فراس:وا هضري مالك..واش ما بغيتينيش نقرب منك ولا شنو؟..تنادم معاك الحال(بعصبية)جاوبي ماااالك علاش كتبكي..بغيتيني نمشي؟
ترمات فحضنو وعنقاتو كتبكي وتشهق..تصدم من ردة فعلها وتخلع عليها وحط يدو على عنقها كيهزلها وجها باش تشوف فيه وهي مزيرة على التيشورط ديالو من اللور ما بغاتش تبعد..شاف حتا عيا ودور يدو عليها زيرها عندو كيتنهد..خلاها حتا بردات شوية ورجع هزلها وجهها كيتبسم بحزن مسحلها دموعها ورجعلها شعرها مور وذنيها وهضر معاها بلطف كأنه كيخاطب طفلة وهي كتشهق قدامو حاطة يديها على جنابو مزيرة على التيشورط ديالو
فراس:سكتي من لبكا وفهميني مالك؟
رؤيا:(بصوت متقطع)انمهنن نت..ينا اهئ حبس..تيني اهنهئ حتا..لهوا ما..بقي..تشي اهنهئ نشمو فحال الناس اههئ رجع..ت ففحال اننههئ شي منبوذة اههنهن تخ..نقت وتلفت ما بقي..ت فاهمة وااالو فراسي اهنهئ حاسة براسي بلي رج..عت واحدة ياا..خرا اههنهئ ما عرفت شع..ندي
فراس رجع زيرها عندو كيتنهد بضيق حاس بصدرو تخنق وهو كيسمع صوتها لمقطع بلبكا..اما هي فعطات لراسها فرصة انها تبكي وتبرد وتخوي ما فقلبها..ما بقات فاهمة فراسها والو باغة وما باغاش..كتدور دور وتفكر فكل ما جرى بيناتهم وكتلقى بأنها كان خاصخا تكرهو ماشي لعكس..ولكن لقات راسها بغاتو بلا إرادتها..باغة تاخذ منو موقف على لي دارو فيها وما قداش خايفاه يبعد عليها..كون كانت رؤيا لقديمة كانت اتردلو الصرف وبالدوبل ولكن دابا ماشي فحال قبل دابا رجع هو نقطة ضعفها وكتحس براسها مربوطة قدامو
هبط يدو وشبك يدو مع يديها وجرها موراه..
فراس:(بحزن)اجي..جلسي!
جلس فوق كرسي فردي من الجلد الاسود وجلسها قبالتو فكرسي اخور وشد يدها بين يديه وهي كتشوف فيه وتمسح دموعها لي ما بغاوش يحبسو..هزلها يديها وغمض عينو باسهالها بقوة وتنهد وشاف فوجهها مطولا حتا وترها وقلبات عينيها كتشوف فجنبها وبانلها فخضها كلو معري من الفتحة وغطاتو بالزربة وجمعات عليها البينوار
فراس:(بجدية)احممم سمعيني مزيان ارؤيا..انا وياك الا بغينا نكملو خاصنا نساو داكشي كااامل لي فات..انا وياك من اللول علاقتنا بدات غلط(تنهد) كنعترف ان الغلط كان مني انا فاللول وانا لي بززت عليك تزوجي بيا ودرت شحااال من حاجة ما خصهاش دار..ولكن كنشوف حتااا نعيا وكنرجع نحمد الله حيت كون ما درتش هاكاك وما بززتش عليك الزواج كون عمرك ما كنتي اتكوني ليا(تنهد وقرب منها وهز يدو كيرجعلها شعرها مور وذنها)كنبغيك وكنحمد ربي كل نهار لي لقاني وجمعني بيك

فراس:صحيح ان بدايتنا ما كانتش مزيانة وانا وياك غلطنا فحق بعضنا بزاااف دالمرات ولكن كون ما دزناش من هادشي كامل ما كناش انوصلو لهنا ونجلسو انا وياك هاد الجلسة..تيقيني دموعك آخر حاجة نبغي نشوفها..ما كنتش باغي نكون قاسي معاك حتا لهاد الدرجة ولكن نتي جرحتيني ارؤيا..وفاش حبستك بغيتك تجلسي وتفكري وتعرفي راسك شنو درتي..واخة ما تكونيش باغة هاد الزواج وما راضياش عليه ولكن واجب عليك تحتارميه وأي مشكيل وقع بيناتنا نحلوه بيناتنا ماشي كيما درتي نتي
رؤيا:(بصوت خافت)يانا ديك الساع عملت هايداك حيت نتينا ضربتيني..وكنت كنت..
فراس:كنتي كارهاني(تنهد)خاصنا نساو ارؤيا الا جينا نبقاو نتا درتي وانا درت ما انسليوش..(حط يدو عل حنكها كيداعبها وكيتبسم)لي فات مات وانا وياك من اليوم انبداو صفحة جديدة..وما انبقاوش نرجعو لور باش نقدرو نزيدو لقدام..اي حاجة درتها انا اتسمحيلي عليها واتنسايها وحتا انا نفس شي..تافقنا؟
رؤيا:(شافت فيه بابتسامة خفيفة وحركات راسها بالايجاب)ت..تافقنا
فراس:(تنهد بارتياح)اااخ شحال كنحماق عليك 
رؤيا:(بخجل رجعات شعرها مور وذنها)ههه
فراس:يخليلي الضحيكة ديالي..ودابا انتافقو على حاجة وحدة اخرى!
رؤيا:؟؟!!
فراس:لحبيبة ديالي اتبقى تسمع هضرتي ياك ولي قلتها اديرها اوك؟وقصوحية الراس اتحيدها باش ما نتعصبش عليها!
رؤيا:(شافت فيه بنص عين)ها حنا انبداو عاود
فراس:هه دابا تفاهمنا!
رؤيا:(بعجرفة رداتها شعرها لور)ايوا احبيبي الطبع يغلب التطبع ويانا هايدا راسي قاااصح وكنحماق على الضد..(شافت فيه كتعوج وتقلب فعينيها)وكون ما كانشي راسي قاصح كاع ما تبغيني😏
فراس:(جرها عندو بالجهد وجلسها على حجرو كيضحك)ههههه فهادي عندك الصح(باسها فعنقها بقوة)راسك قاصح وكنبغيك وكنحمااااق عليك هه
رؤيا:(وهي باغة تنوض وكترجف حيت زرب عليها)اواعدي رخي مني شكاتعمل خليني نجلس فموطعي..
فراس:(زير عليها عندو من خصرها)خليني نجلس فموطعي(كيعيبها)ههه موطعك الحبيبة من دابا لفوق هو هذا
رؤيا:(بتوتر)لا خليني نوض..خاصني..اه خاصني ناكل فيا الجوع
فراس:علاش واش ما كليتيش؟
رؤيا(حركات راسها بالنفي)ننن..
فراس:وعلاش ياك قلتلك تعشاي!
رؤيا:كنت كنتسناك تخرج تعشى معايا..ما بقيتشي حاملة ناكل بوحدي
فراس:(تنهد)اوك يله نوضي..اجي
نوضها وشدلها فيديها ودخل هو وياها جرلها الكرسي جلسات وباسها فحنكها وهز الكرسي قبالتها قربو حداها وجلس..
فراس:(بابتسامة)يله كولي..راه الكريشة تكون كتغوت ههه
رؤيا:وا كول حتا نتينا!
فراس:لا ما قادش غير كولي وانا انتفرج فيك ههه
رؤيا:(ربعات يديها)ايوا لا ما كليتيشي معايا ما وكلاشي حتا يانا يله!
فراس:هههه اووووه ما يمكنش اتفرطي فكرشك على قبلي هههه حتا لهاد الدرجة رجعت مهم عندك(غميزة)
رؤيا:(قلبات عينيها لفوق ورمشات بالزربة ودورات وجهها)
فراس:ههه صافي واخة..ناكل مع لحبيبة ديالي غير تبقى على خاطرها
رؤيا:(بفرحة)ههه يله مد يدك..عرفتي فيا الموت دالجوع ههه
فراس:ههه اتوريني راني عارف لي كاين ههه 
مدات يديها كتعمر فالطبسيل قدامها وتاكل وهو كينقب شوية شوية ودايرلها خاطرها ومرة مرة يوكلها بيدو ولا يلعبلها فشعرها
تفتحاتلها الشهية وبقات غير كتخشي..فرحات وارتاحت ورجعات للنشاط ديالها من بعد الحوار لي دار بيناتهم وحسات بكاع الحواجز لي كانو واقفين فطريق سعادتها معاه تحيدو ورجعو بداو من اول وجديد
كالعادة جمعات وطوات للطبلة وخلات غير باقايا قليلة بقات كتنقبها فلخر وفراس كيضحك عليها..
فراس:النهار لخر انبقى نهزك بالطراكس من فوق الطبلة هههه
رؤيا:(بغضب)شعندك ديما حاسدني على هاد زوج لقيمات لي كناكل!
فراس:زوج لقيمات هههه ماشي حاسدك احبيبة كولي بصحتك وراحتك ولكن خاصك تحرقي داكشي لي كليتيه ماشي حتا تزيدي تغلاضي!
رؤيا:كيفاش زعما بغيتي تقول بلي يانا دوووبة؟
فراس:هههه ننن ماشي دوبة حاشة ابب نتي باندا زوينة ههه
رؤيا:(ضرباتو لدراعو)فرااااااس😡..يانا ما غليضاشي هانتينا شوف
ناضت وقفات قدامو وبينوارها ترخف وتفتح من الوسط وبان صدرها والفتحة دفخضها كتبان شوية وهي كتحرك وتمشات وقفات قدام لمراية كتشوف فراسها بعفوية وكتحط يديها على جنبها وكرشها
رؤيا:طايتي كيحمااقو عليها الناس قالاك..هي هاديك ما غليطة بزااااف ما رقيقة شكاتعرف نتينا ما كتعرف واااالو
فراس ناض وقف وتمشى عندها ووقف موراها كأنه مخذر مسحور فيها أي حركة كديرها واخة كتكون بسيطة كتحرك فيه بزاف
فراس:(خشا يدو بين يديها ودورهم على كرشها) كنحمااااااق عليك وعاجباني كيما نتي..رقيقة ولا غليظة اتبقاي ديما زوينة فعيني
رؤيا:ههه
فراس:هههه عجباتك هادي..ولكن ابب واخة هاكاك خاصك تبقاي تمارسي السبور..حيت مهمة لصحتك هههه زعما نتي راك طبيبة وعارفة هادشي
رؤيا:اممم عندك الصح..صافي دابا نبداها
فراس:اتبدايها من غذا و معايا اوك
رؤيا:ههه اوك
فراس:(دورها عندو وحط يدو على خصرها)ههه اولا شفتي اجي نبداو دابا ههههه

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.